الحلاق والكوافير ...
بنات طالعات من الكوافير ...
الله ... لكن الليلة شعرك !! عجيييييييييب والله ... !
الثانية: بالله ؟؟؟ بس أنا كنت قايلاهو منكوش ...
الأولى : لا والله .. يجنن ...! وانا دايرها تسريحتك دي بس أنا حاسة إنو وشي مليان وما بتمشي معاهو تسريحتك دي ...
الثانية : جادة إنتي ...! بس انا شايفه انو وجهك حلو شديد ... وبتمشي معاهو أي تسريحة ... موش زي ... ما بقدر إختار إلا تسريحات معينة ما بتخلي الناس ينتبهو لرقبتي الزي رقبة الزرافة دي ...
الأولى : دا شنو الكلام دا ... والله رقبتك حلوة وياريت كانت عندي عشان الناس ما تشوف أكتافي العاملة زي ناس رفع الأثقال دي ...
الثانية : أبد والله ... كل البنات البعرفهم في الجامعة بيتمنوا يكون عندهم أكتاف زي أكتافك ...يعني ما بتتعبي في تجربة الملابس الجديدة ... بس إنتي شوفي إيديني صغار كيف ... أسي لو كان عندي كتوف زيك كدا كان أي ملابس جديدة إشتريها تطلع مظبوطة ...
شباب طالعين من الحلاق ...
نعيماً ...
أنعم الله عليك ...
|
