محتاج ...معاك

[هشام تاج السر]

محتاج
معاك
لي
قعده
في
القطر الجميل
نصطف كلنا
جم بعض
تلقانا كلنا
ذي بعض
ناسا عزاز
وكمان لذاذ
نضرتنا ذي
قمر السعد
محتاج معاك
مشوار طويل
نمشيهو في
الشارع سوا
تمسك صباعي
بلا قصد
تربكني جد
نضحك ضحك
كمين سنه
وانا بختلاسات النظر
أسرح معاك
في وجنتيك
الله عددديل
من فتنتك
من طيبتك السمحه
الجمال الفيك ..عزيز
من عزتك
محتاج معاك
أنا وأنت نقعد
جم بعض
في الحته ديك
وتغني لي
بي عمق جد
وأخاف عليك
وتخاف عليا
وأسرح معاك واطمنك
أنو الظروف دي
ح تنتهي
و
نتلاقا في الزمن السمح


محتاج معاك
لي
ثانيه بس
تديني مفتاح
لي الصبر
أنا .. يا حبيب
من فوتك
أنت بقيت سفر
من شنطه لي شنطة سفر
لي
قلب وراك ماعاد يفكر
في الاياب
زمن الحضور ولي
ومشي
وكده التفاصيل
والقدر
محتاج معاك
لي أمنيات
ياريت كانت ما
كده
ياريت أحسن من
كده
حسراتي فيك ماعاد
تنقض دهشتك
طيبة مشيك ماعاد
تنقص زحمتك
وصفاي تجاهك
ما ..أنتهي
لي زوله..علمت القلوب
كيف تبقي وإضحه
ومنصفه
لا حقد فيها ولا
كره
محتاج معاك
لي زمن جميل
ولي ومضي


كرمبع