[align=center]كده جيت صاح يا ابو العز
بالمناسبة
دي اول مداخلة لي, انا زول جديد كرت بهبّش لي دخلة
و من زمان بصراحة عاجبني الايقاع بتاع اسمك أبو العزّ الجنوبي
- مع التركيز علي نطق اللام القمرية في الكلمتين العز والجنوبي -
دخلت الموضوع لقيتو ليك
عبارة عن (يا زول خش........ خش.......... قتّ ليك خش.
كان ما خشيت تاني مااابتخش )
الحب والزواج مواضيع اساسية في الحياة
الحديث فيها يكون غالبا في عمقه العميق يُعبّرُ فيه عن التجربة الشخصية و المفهوم الذاتي
مهما حاول الكاتب التجرّد ....
سأحاولُ اذّاً التجرّد كالاخرين
وحابقي راجع لي ورا خاااالص
ابونا ادم وامنا حواء ...
مسألة بتاعة جزء, وكل .....
يحتاج كلٌ منهما الاكتمالَ بالآخر.
القصةُ التي قمتَ بسردها توقّع توقيعاً ادمياً طبيعياً من البطل والبطلة الثانية (ام البنات)
بعد سقوط الاخريات
- بالمناسبة انا بعتقد اي واحد تزوج واحدة مبدئيا هو قد احبها
احبّ فيها شيئاً .
علي الاقل , قد احبّها له .
كلٌ رأي في الآخر الجزء .
اذاً كل زواج يسبقه حب ,
وان لم يكن الزواج جادّا او منياً علي الاسس السليمة التي تجعل منه زواجاً ناجحاً
لذا فالبطل في رأييْ قد احب الاولي والثانية والثالثة
فشلت محاولات الاكتمال في الاولي والثانية نجحت في الثالثة
ولو ملاحظ اول مرة يعيش البطل مع البطلة بعد ان فارق الاولي وفارق الثانية
وده واحد من العناصر الاساسية في نجاح الزواج .........
قد يولّد اضطراباً في العلاقة ان لم يكن الطرفان مستعدان لهذه التضحية...........
نعم قد يحدث ان يُفتقدَ هذا العنصر
علي امل من الطرفين بالكون معا ,
ان صاحب هذا الفقدانَ رضيً من الطرفين
لم يتأثر الزواج
والاّ
فورود احتمال الفشل موجود -
نرجع لي موضوع الطاقية
-وموضوع الطاقية ده اصلاً
نكتة بين النمر والقرد ,
النمر كان معذّب ليك القرد عذاب شدديد
كلو ما يلاقيهو تاح تاح كفّيت شديد معاو سؤال عن طاقية
القرد ما عندو عنها اي فكرة
تاح وديت الطاقية وين ؟
ومع محاولات يائسة لا تنجح
من القرد لصد ضربات النمر الموجعة
يظل يردد عدم معرفتة التامة عن الموضوع باكمله حتي يجد فرصة زوغة
في يوم ما قرر ان يشكو للاسد ظلم النمر
فطلب الاسد مقابلة النمر لسؤاله عن الطاقية
فأجاب بلهجة قوة ثانية
- والله مرات الواحد بكون زهجان وما عندو موضوع اهو بفكّها فيو
فهادنه الاسد
- ياخي الراجل ده بسلّينا لما نكون زهجانين
بنرسلو مرات يجيب لينا حاجات
ما في داعي لموضوع الكفّيت ده , خلي تسليتك معاو يكون فيها سلم اكتر
- جيب لي تفاحة
يجيبها حمرا ترجعو تقول ليو خدرا
وكده لغاية زهجتك ما تفك
النمر قلبو حنّ و وافق بكل رضي
يومين تلاتة
القرد تعال - ياخ والله ما عارف اي طاقية
- لا لا دايرك تجيب لي منقا من الشجرة الطويلة ديك
--اجيبا ليك حمرا ولا خدرا ؟
تااااااااااااااااااااااااااااح
وديت الطاقية وين ؟
نرجع لي موضوع التوقيع الآدمي الطبيعي من البطل و البطلة ام البنات
بعد سقوط الاخريات والتوقيع هو كلٌ اكمله الجزء وانتج جزئين وكل ,
لدي الرغبة في مواصلة هذا الموضوع لكن اتضح لي اني ما بقدر اتجاوز الحد المحدد من الكلمات لهذا النص
علي العموم انا سعيد بهذا المدخل
والي مرور اخر لكم التحية ومشكور يا ابو العز الجنوبي
الرد ده انا انا كتبتو يوم الخميس الماضي لكن كان اكتر من ثمانية الاف كلمة
اضطررت اليوم لتقليصه
خلي الباب فاتح انا جاي رااجع وسلام[/align]
|
