ما أسعدني .. لمة جميلة مع محسن خالد و مبر و آخرين

[Mohammed Qurashi]

على ضفاف النيل ..
تحت كوبري توتي المعلق ..

محسن خالد و مبر و محمد حسبو و كاظم الزعيم
محمد الشمباتي و أنا ..

توضأنا و صلينا المغرب وسط الخضرة
و سعدنا بنقاش جميل مشاكس !!

الصور لاحقا ..

[بدور التركي]

وأنا سعيدة بسعادتكم ولمتكم الحلوة
كل سنة وانت طيب يا القرشي


أحم
أحم
مين كان الأمام

[ام التيمان]

كل عام وانتم بخير
من كماين توتى
ختيت طوبتى

مودتى

[Mohammed Qurashi]

المشاركة الأصلية كتبت بواسطة بدور التركي

وأنا سعيدة بسعادتكم ولمتكم الحلوة
كل سنة وانت طيب يا القرشي


أحم
أحم
مين كان الأمام

و إنت طيبة يا ست البنات
يعني لازم تحرجيني و أقول إن محسن قدمني
غايتو ود البتولا شكلو إحترم إنها جزيرتي ..

مودتي

[Mohammed Qurashi]

المشاركة الأصلية كتبت بواسطة ام التيمان

كل عام وانتم بخير
من كماين توتى
ختيت طوبتى

مودتى

كل سنة و إنت بخير يا أم التيمان
مرحب بيك و بيطوبك

كان أكرمتينا بزيارة توتي
ما بنقصر معاك ..

مودتي

[الرشيد اسماعيل محمود]

المشاركة الأصلية كتبت بواسطة Mohammed Qurashi

الصور لاحقا ..

متين مثلاً..؟
بالله سيب حركات قناة النيل الأزرق دي..
قريباً قريباً.. إلخ..

كل سنة وإنت طيّب يا قرشي..
كتّر خير مُحسن النفض عنّك غبار الكسل وجابك..
دي لمّة بلون الطيف..
الصُور الصُور يا شيخنا الإمام..

[Mohammed Qurashi]

المشاركة الأصلية كتبت بواسطة الرشيد اسماعيل محمود

متين مثلاً..؟
بالله سيب حركات قناة النيل الأزرق دي..
قريباً قريباً.. إلخ..

كل سنة وإنت طيّب يا قرشي..
كتّر خير مُحسن النفض عنّك غبار الكسل وجابك..
دي لمّة بلون الطيف..
الصُور الصُور يا شيخنا الإمام..

و إنت طيب يا الرشيد
طبعا أنا مستني الصور يرسلها كاظم الصورنا بكاميرته السمحه
لكن قلت أفيض بفرحتي قبال إكتمال المادة
ما مشكلة لو شوقتكم شوية

و لو على حساب إني أبقى نسخه من قنوات السودان !!
فصبرا آل ياسر ..

مودتي

[مبر محمود]

شواطي توتي .. تؤتي الحب والأنس من تشاء!

كانت جلسه بهيه حقاً يا محمّد
طُفتم بنا فيها على مشارب الفكر والفن والثقافة وملأتمونا بالتفاكير
كانت جلسة إستثنائية وكنتم رفاقاً إستثنائيين

[بله محمد الفاضل]

أعيادكم المجد والسؤدد
ودائماً ملمومين يا رب
وفي تواصل ومحبة

تحياتي ومحبتي واحترامي للإمام والمأمومين...

[Mohammed Qurashi]

[Mohammed Qurashi]

[Mohammed Qurashi]

[Mohammed Qurashi]

[Mohammed Qurashi]

كاظم هو صديق العمر لمحسن ..
إفترقا منذ 12 سنة !!
و كان لقائا عاصفا ..

كاظم إنسان جميل و شاعر مجيد
إكتملت به الفرحة !!

[Mohammed Qurashi]

هذه هي صورتي المفضلة

أردت لإبنتي أن تشاركني الفرحة !!