اللهم أرض عن الجيلي... و ...آلــه...

الطيب بشير · 28-08-2013, 09:36 AM

.

صديقي المتهم بالسختة القلبية، المعروف بين الناس بالجيلي أحمد، بعد عقد من المعرفة الإسفيرية و الصداقة السايبرية شممتُ عنقه في سلام فيه كرفة و قلدة يوم إفطار رمضان السودانياتي بالوافر...تبادلنا الأخبار و أرقام الهواتف معه و مع نصفه الأحلى..و لم يتركني الجيلي الجميل لإحباطات السودان حيث يمكن لوكيل عريف أن يقرر ماذا يفعل الناس في حياتهم..
هاتفني أمس الأول داعيآ شخصي لشاي المغرب
قابلته البارح تحت البناية و ألفيته متسربلآ بالجلباب السوداني و الطاقية من أعلى ناصيته الخاطئة المسخوتة إلى أسفل قدمه التي تسعى بين الناس ببسط الود الشامل...دلفنا لبيته العامر بالوهاد و الإلفة...Nice Couple ...كابهى ما يكون التزاوج...و بعد الضيافة التقليدية من خبيز ناعم و مدغلب و حلاوة عرديب باذخةٍ لاذعةٍ طاعمة...جاء قدح الدعوة البديعMain Dish ..كأس أنيق جدآ حد الفندقــة..و به خليط/مزيج من ملذات التحلية..و كان خاتفآ لألوان عديدة تتراوح بين الأبيض الحليبي و البيج الكريمي الحنكوشي و البن الحبشي و ثمة topping قشدته صفراء فاقع لونها تسر الناظرين..
كان بائنآ من طريقة الجيلي في الأكل أنه متعوووود دااااايمآ...و بدا لي مثل التلميذ البايت في العام الدراسي يستهين بالمفاجآت الأكاديمية و لا يحفل بالشرح الذي تفننت فيه ست البيت..أقول لها إن التحلية بها Cheese Cake فتقول لا..لا..لا..يجتهد الجيلي هذه المرة و يقول جوز هند؟؟ فتقول لا..لا..لا..تعاودني الشلاقة فأقول فيها قشدة أكيد فتقول لا..لا..لا..و حين شعر المسخوت بهزيمة فريقنا قال لي: المهم فيها سكر و حليب..بس خلاث..و ضحكنا ضحك طفلين معآ..و أكلنا..تـُـقرأ (لهطنا)..
جاء جارهم داخلآ علينا...قيل إن إسمه معمر القذافي..و كان يحمل كتابآ أخضرآ..
خاطبني بلهجة آمرة: غني لينا يا زول
قلت : ما أنا بمطرب
و بلا وعي مني إنسابت الكلمات..نانا يا نانا..نانا عاجبانا...و لدهشة الحضور تحولت بقية ساعات الزيارة لإحتفاء بالأغنية التي لم أترنم بها قبلآ أبدآ!! يسالني الجيلي عن لقاء الصادق و البشير فأردد ..نانا يا نانا..نانا عاجبانا...ثم تأتي وهاد، أكرم المضيفين منذ وفاة حاتم الطائي، تسألني عن سكر الشاي: كم ملعقة يا جنابو؟ فأترنم ..نانا يا نانا..نانا عاجبانا...و يبرر الجيلي (حالي) بأنه جذبة صوفية إثر أغنية جميلة لم تمهله طويلآ.. ..نانا يا نانا..نانا عاجبانا...
كان القذافي مثقفآ و وناسآ...يجيد الحكي مثل أي شايقي ممسك بتلابيب اللغة...وسيم العبارة رشيق الحرف..لكنه لا يخلو من سخرية أهلنا فقال حين أعجبني إبريق الشاي و عبرت عن إعجابي بطريقة الفيس بوك Like Like Like قال إن الكباية تشبه القرع و إن حافتها لا تساعد على شرب الشاي...
قال لي النسيم بكل رقة دعاش الطرفة و ندى الجبهة...الليل أليل ياخ إنت ما ح تغني؟؟
و انطلق الدرويش في داخلي يردد وردآ حفظه (قلبة و عدلة) ..نانا يا نانا..نانا عاجبانا...
و حينما أزفت ساعة الصفر و لفظت الثلاثاء آخر ثوانيها شكرت المضيف العزيز و زوجته اللطيفة و القذافي و الأغنية..و قلت لنفسي لا أذكر أنني زرت أي شخص لثلاث ساعات متصلة...
لكن كمان دة الجيلي
و دي و هاد
أغني ليكم؟؟
..نانا يا نانا..نانا عاجبانا...

.

النور يوسف محمد · 28-08-2013, 09:59 AM

بسم الله الرحمن الرحيم

ياخى الله يعدلا عليك وين ما تقبل ،
كتابة ترتب الزول وتعدل المزاج ،،
يمين لمتكم دى أحسن لينا من إجتماع الشباب ديك ،،

شكراً يا جنابو ،
أهدينى لحظات ممتعة ،،

الجيلى ووهاد ، والله مشتاقين ،،

سارة · 28-08-2013, 10:10 AM

لا ادرى هل اشاركك الفرحة بطوافك بهذه الجنة
ام ابكى لانى لم اكن من بين اللاهطين
ساكون عادلة ولو الى حين
لك ولهم ولمن حولهم كل المحبة

ات آ الطيب نسيتنى

ما علينا انسى فانهم كثر

الطيب بشير · 28-08-2013, 10:19 AM

.
ياااا هلا و مرحبا بالسعادة
أهلين سيد النور ياخ
و الله يسعدني أنك مبتدر هذا التواصل الحميم
أشكرك يا زول يا كيف
كتابتي تستمد ألق حرفها من طلتك
أغني ليك؟

.

الطيب بشير · 28-08-2013, 10:25 AM

.
سارة..ياااااا أعزّ الناس
حبايبك نحن
فاتتك تحلية يا سارة عاوزة شاعر وصـّـاف
الجيلي و وهاد ديل لمن يعزموك كلميني ع شان ألهط معاك
أنساك كيف
لو الكتاب...نسختك محجوزة بالأوامر...لكن لسه بالمطبعة
لو شيء تاني لازم تقولي لي
النعمني ما متابع...
آخر عهدي بيك الحج و العمرة و الزي الأسود
و قبله بيتكم العامر بالشعبية و ندى و سالي
تاني لغتك الحميمة حيت تنتقي مفردة ممعنة في الدارج..
تقول جاية من ريفي طابت

لوووول

ابرا · 28-08-2013, 10:34 AM

حاسدك عديييل يا جنابو

الطيب بشير · 28-08-2013, 11:01 AM

.
إبرا يا إبرا
قلت لي وشــّـــو و لا قفا؟
حسد عديييييل من خشمك لأضاني؟
لا فهمت الكلام غلط لا نقل كلام لا غيرو
طق طق؟؟..
و الله يا إبرا بيني و بينك هي جلسة ما بتتعوض
و أحسدني يا زول .... عافي ليك

أغني ليك؟

.

ابرا · 28-08-2013, 12:59 PM

اقتباس:

المشاركة الأصلية كتبت بواسطة الطيب بشير

.
إبرا يا إبرا
قلت لي وشــّـــو و لا قفا؟
حسد عديييييل من خشمك لأضاني؟
لا فهمت الكلام غلط لا نقل كلام لا غيرو
طق طق؟؟..
و الله يا إبرا بيني و بينك هي جلسة ما بتتعوض
و أحسدني يا زول .... عافي ليك

أغني ليك؟

.

البسال ما بتوه يا جنابو

شفت الغنا العلي اصوله

أبوذر بابكر · 28-08-2013, 01:44 PM

الكلام ده كان متين يا الطيب ؟

غايتو لو ايام العيد
النتيجة والمحصلة اللخرانية بالنسبة لى بتكون فى هيئة

الترابة دى فى خشمى

لأنه أنا مشيت عيدت فى السودان
السودان الحزنان وبرضو مليان حنان

وتانى كان الله مد فى الأيام المجدبة دى
ماش فى العيد الكبير، لشوفة الخلان والحبان وتضامنا مع الخرفان

يمين بالله أنا الجيلى ده مبرك ليهو الفقرا

كونه يصادف تكون انت وهو مع بعض فى بقعة جغرافية لا حواجز فيها على ظهر هذا الكوكب، دى غايتو الا الزول يختها فى لستة طلبات ليلة القدر القادمة

رمضان الجاى متين ؟

المهم يا الطيب

تاكل تستاهل

والعاقبة ان شاء الله عندى أنا فى الملمات والمسرات الخ اللات كلها

وارقدو عافية اجمعين

يا سمحين

عبدالله علي موسى · 28-08-2013, 04:52 PM

سلامات أخ الطيب والحضور،

الجيلي زول من شده ما راقي لمن بطرب لي نينا سيمون ياخي، إنسان دغري ومتصالح مع نفسه و "صاحي"

حاسدنك يا أخ الطيب على هذه العزومه والتحايا لهذا الرجل الجميل وحرمه.

الطيب بشير · 29-08-2013, 06:28 AM

اقتباس:

المشاركة الأصلية كتبت بواسطة ابرا

البسال ما بتوه يا جنابو

شفت الغنا العلي اصوله

كنا فرشـــنا الســكــّـــة ورود....لو كلمتنا كان بالجـــيـــّــــــة
خطوة عزيزة و يوم موعـــــــود....الخلاك تطرانا تعود
و تسأل فينا..و تجي حارتنا...الحـظ جانا و غـشـا سـكـتـنـا
جانا و جابك...لينا هديــــّـــة
يا الهليت...فرحت قلوبنا...

إحتفاء بزيارة الجميل أيما إحتفاء...

.

الطيب بشير · 29-08-2013, 06:53 AM

اقتباس:

المشاركة الأصلية كتبت بواسطة أبوذر بابكر

يمين بالله أنا الجيلى ده مبرك ليهو الفقرا

كونه يصادف تكون انت وهو مع بعض فى بقعة جغرافية لا حواجز فيها على ظهر هذا الكوكب، دى غايتو الا الزول يختها فى لستة طلبات ليلة القدر القادمة

رمضان الجاى متين ؟

في آخر أيام الجبهة النداية..و على مشارف الخرصان...دخل علينا أبوذر المطر..فاردآ فيوضه التي غمرت فعمرت مرابيع الحروف..
يا حبيبي ظمئت روحي و حنت للقاء زي بتاع السوق الشعبي داك...
الجيلي دة ..يستاهل يبركوا ليهو الفقرا...و قد ارهقني صعودا..بس لميت فيهو أولتمبارح بالليل في بيتو الجميل و معه وهاد الأجمل..
قلت لي (تاكل ...تستاهل)...كلام السيجة و المنقلة دة عاوز مذكرة تفسيرية لكثير من الأعضاء ..ياخ بالجد كان يوم بديع ...يوم يساهم في ترسيخ فكرة أن (الدنيا لا تزال بخير) ..و ممكن ملاقاة الإبتسام و الفرح و السماح..
في عيد الأضحى أنا مافي...و الجيلي مافي
سنرجع لمهاجرنا..غير ضحايا و لا مفتونين
نتمنى لك شواء طيبآ مباركآ فيه
و يبقى بيناتنا المسافة ...و تنسيق اللقاءات الجاية
قلت لي رمضان الجايي متين؟؟
لووووول
ناس الحكومة قالوا الخريف فاجأنا
إنت ليلة القدر بتجيك..و بتكوس ليك..لو نايم بتصحيك
أدع لنا ربك يبين لنا ماهياتنا الغالبانا

الليه يخليك
و يعليك
فوق الدايرك
و المابيك

.

الطيب بشير · 29-08-2013, 07:48 AM

اقتباس:

المشاركة الأصلية كتبت بواسطة عبدالله علي موسى

إنسان دغري ومتصالح مع نفسه و "صاحي"

.
مرحبتين بالعزيز عبدالله علي موسى
إنت كدة لخصت الجيلي و البوســـــت
إنسان دغري ومتصالح مع نفسه و "صاحي"
هو كذلك...
و مافي أحـســـن من ذلك
و بالذات ما بين القوســـين
ربنا يديهو الصحة و العافية
أشكر مرورك و تفضلك بالتعليق
تبلغ تحاياك للحبيب الجيلي
فبيننا موعـــد شـيـشـــة حان قطافه..و إني لصاحبه

.

الجيلى أحمد · 29-08-2013, 09:26 PM

أى طيف زار بالأمس خيالى

الطيب بشير · 30-08-2013, 06:32 AM

.
أهلين جيلي القوم....الخاتي اللوم

أغني ليك؟؟

.

28-08-2013, 09:36 AM	#[1]
الطيب بشير :: كــاتب نشــط::	اللهم أرض عن الجيلي... و ...آلــه... . صديقي المتهم بالسختة القلبية، المعروف بين الناس بالجيلي أحمد، بعد عقد من المعرفة الإسفيرية و الصداقة السايبرية شممتُ عنقه في سلام فيه كرفة و قلدة يوم إفطار رمضان السودانياتي بالوافر...تبادلنا الأخبار و أرقام الهواتف معه و مع نصفه الأحلى..و لم يتركني الجيلي الجميل لإحباطات السودان حيث يمكن لوكيل عريف أن يقرر ماذا يفعل الناس في حياتهم.. هاتفني أمس الأول داعيآ شخصي لشاي المغرب قابلته البارح تحت البناية و ألفيته متسربلآ بالجلباب السوداني و الطاقية من أعلى ناصيته الخاطئة المسخوتة إلى أسفل قدمه التي تسعى بين الناس ببسط الود الشامل...دلفنا لبيته العامر بالوهاد و الإلفة...Nice Couple ...كابهى ما يكون التزاوج...و بعد الضيافة التقليدية من خبيز ناعم و مدغلب و حلاوة عرديب باذخةٍ لاذعةٍ طاعمة...جاء قدح الدعوة البديعMain Dish ..كأس أنيق جدآ حد الفندقــة..و به خليط/مزيج من ملذات التحلية..و كان خاتفآ لألوان عديدة تتراوح بين الأبيض الحليبي و البيج الكريمي الحنكوشي و البن الحبشي و ثمة topping قشدته صفراء فاقع لونها تسر الناظرين.. كان بائنآ من طريقة الجيلي في الأكل أنه متعوووود دااااايمآ...و بدا لي مثل التلميذ البايت في العام الدراسي يستهين بالمفاجآت الأكاديمية و لا يحفل بالشرح الذي تفننت فيه ست البيت..أقول لها إن التحلية بها Cheese Cake فتقول لا..لا..لا..يجتهد الجيلي هذه المرة و يقول جوز هند؟؟ فتقول لا..لا..لا..تعاودني الشلاقة فأقول فيها قشدة أكيد فتقول لا..لا..لا..و حين شعر المسخوت بهزيمة فريقنا قال لي: المهم فيها سكر و حليب..بس خلاث..و ضحكنا ضحك طفلين معآ..و أكلنا..تـُـقرأ (لهطنا).. جاء جارهم داخلآ علينا...قيل إن إسمه معمر القذافي..و كان يحمل كتابآ أخضرآ.. خاطبني بلهجة آمرة: غني لينا يا زول قلت : ما أنا بمطرب و بلا وعي مني إنسابت الكلمات..نانا يا نانا..نانا عاجبانا...و لدهشة الحضور تحولت بقية ساعات الزيارة لإحتفاء بالأغنية التي لم أترنم بها قبلآ أبدآ!! يسالني الجيلي عن لقاء الصادق و البشير فأردد ..نانا يا نانا..نانا عاجبانا...ثم تأتي وهاد، أكرم المضيفين منذ وفاة حاتم الطائي، تسألني عن سكر الشاي: كم ملعقة يا جنابو؟ فأترنم ..نانا يا نانا..نانا عاجبانا...و يبرر الجيلي (حالي) بأنه جذبة صوفية إثر أغنية جميلة لم تمهله طويلآ.. ..نانا يا نانا..نانا عاجبانا... كان القذافي مثقفآ و وناسآ...يجيد الحكي مثل أي شايقي ممسك بتلابيب اللغة...وسيم العبارة رشيق الحرف..لكنه لا يخلو من سخرية أهلنا فقال حين أعجبني إبريق الشاي و عبرت عن إعجابي بطريقة الفيس بوك Like Like Like قال إن الكباية تشبه القرع و إن حافتها لا تساعد على شرب الشاي... قال لي النسيم بكل رقة دعاش الطرفة و ندى الجبهة...الليل أليل ياخ إنت ما ح تغني؟؟ و انطلق الدرويش في داخلي يردد وردآ حفظه (قلبة و عدلة) ..نانا يا نانا..نانا عاجبانا... و حينما أزفت ساعة الصفر و لفظت الثلاثاء آخر ثوانيها شكرت المضيف العزيز و زوجته اللطيفة و القذافي و الأغنية..و قلت لنفسي لا أذكر أنني زرت أي شخص لثلاث ساعات متصلة... لكن كمان دة الجيلي و دي و هاد أغني ليكم؟؟ ..نانا يا نانا..نانا عاجبانا... .
الطيب بشير :: كــاتب نشــط::	التوقيع: -- ------------------------------------------------------------------------------ أنا .. لن أخونَ الحُزن إنّي لن أُقـرّب في الفِداءِ جهالةً قطّـي الأليفْ .. الحُـزنُ أضحى "سيّدي" بعضي و حازَ مكانَكَ المرموقَ في نفسي و حَدَّثَني بأنّـك .. محضُ زِيفْ [align=center]مقالات أخري ل الطيب بشير[/align]

28-08-2013, 09:59 AM	#[2]
النور يوسف محمد :: كــاتب نشــط::	بسم الله الرحمن الرحيم ياخى الله يعدلا عليك وين ما تقبل ، كتابة ترتب الزول وتعدل المزاج ،، يمين لمتكم دى أحسن لينا من إجتماع الشباب ديك ،، شكراً يا جنابو ، أهدينى لحظات ممتعة ،، الجيلى ووهاد ، والله مشتاقين ،،
النور يوسف محمد :: كــاتب نشــط::

28-08-2013, 10:10 AM	#[3]
سارة :: كــاتب نشــط::	لا ادرى هل اشاركك الفرحة بطوافك بهذه الجنة ام ابكى لانى لم اكن من بين اللاهطين ساكون عادلة ولو الى حين لك ولهم ولمن حولهم كل المحبة ات آ الطيب نسيتنى ما علينا انسى فانهم كثر
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا

28-08-2013, 10:19 AM	#[4]
الطيب بشير :: كــاتب نشــط::	. ياااا هلا و مرحبا بالسعادة أهلين سيد النور ياخ و الله يسعدني أنك مبتدر هذا التواصل الحميم أشكرك يا زول يا كيف كتابتي تستمد ألق حرفها من طلتك أغني ليك؟ .
الطيب بشير :: كــاتب نشــط::	التوقيع: -- ------------------------------------------------------------------------------ أنا .. لن أخونَ الحُزن إنّي لن أُقـرّب في الفِداءِ جهالةً قطّـي الأليفْ .. الحُـزنُ أضحى "سيّدي" بعضي و حازَ مكانَكَ المرموقَ في نفسي و حَدَّثَني بأنّـك .. محضُ زِيفْ [align=center]مقالات أخري ل الطيب بشير[/align]

28-08-2013, 10:25 AM	#[5]
الطيب بشير :: كــاتب نشــط::	. سارة..ياااااا أعزّ الناس حبايبك نحن فاتتك تحلية يا سارة عاوزة شاعر وصـّـاف الجيلي و وهاد ديل لمن يعزموك كلميني ع شان ألهط معاك أنساك كيف لو الكتاب...نسختك محجوزة بالأوامر...لكن لسه بالمطبعة لو شيء تاني لازم تقولي لي النعمني ما متابع... آخر عهدي بيك الحج و العمرة و الزي الأسود و قبله بيتكم العامر بالشعبية و ندى و سالي تاني لغتك الحميمة حيت تنتقي مفردة ممعنة في الدارج.. تقول جاية من ريفي طابت لوووول
الطيب بشير :: كــاتب نشــط::	التوقيع: -- ------------------------------------------------------------------------------ أنا .. لن أخونَ الحُزن إنّي لن أُقـرّب في الفِداءِ جهالةً قطّـي الأليفْ .. الحُـزنُ أضحى "سيّدي" بعضي و حازَ مكانَكَ المرموقَ في نفسي و حَدَّثَني بأنّـك .. محضُ زِيفْ [align=center]مقالات أخري ل الطيب بشير[/align]

28-08-2013, 10:34 AM	#[6]
ابرا :: كــاتب نشــط::	حاسدك عديييل يا جنابو
ابرا :: كــاتب نشــط::	التوقيع: [bor=#ff0000]هـنــاك أرواح جـاءت إلـى الـعالــم لـتـهــدي الـحيـاة كـلـمــات جـمـيـلـة و ذكـريــات آسـرة .. ثــم تـتـركـنـا و تـرحــل !!![/bor]

28-08-2013, 11:01 AM	#[7]
الطيب بشير :: كــاتب نشــط::	. إبرا يا إبرا قلت لي وشــّـــو و لا قفا؟ حسد عديييييل من خشمك لأضاني؟ لا فهمت الكلام غلط لا نقل كلام لا غيرو طق طق؟؟.. و الله يا إبرا بيني و بينك هي جلسة ما بتتعوض و أحسدني يا زول .... عافي ليك أغني ليك؟ .
الطيب بشير :: كــاتب نشــط::	التوقيع: -- ------------------------------------------------------------------------------ أنا .. لن أخونَ الحُزن إنّي لن أُقـرّب في الفِداءِ جهالةً قطّـي الأليفْ .. الحُـزنُ أضحى "سيّدي" بعضي و حازَ مكانَكَ المرموقَ في نفسي و حَدَّثَني بأنّـك .. محضُ زِيفْ [align=center]مقالات أخري ل الطيب بشير[/align]

28-08-2013, 01:44 PM	#[9]
أبوذر بابكر :: كــاتب نشــط::	الكلام ده كان متين يا الطيب ؟ غايتو لو ايام العيد النتيجة والمحصلة اللخرانية بالنسبة لى بتكون فى هيئة الترابة دى فى خشمى لأنه أنا مشيت عيدت فى السودان السودان الحزنان وبرضو مليان حنان وتانى كان الله مد فى الأيام المجدبة دى ماش فى العيد الكبير، لشوفة الخلان والحبان وتضامنا مع الخرفان يمين بالله أنا الجيلى ده مبرك ليهو الفقرا كونه يصادف تكون انت وهو مع بعض فى بقعة جغرافية لا حواجز فيها على ظهر هذا الكوكب، دى غايتو الا الزول يختها فى لستة طلبات ليلة القدر القادمة رمضان الجاى متين ؟ المهم يا الطيب تاكل تستاهل والعاقبة ان شاء الله عندى أنا فى الملمات والمسرات الخ اللات كلها وارقدو عافية اجمعين يا سمحين
أبوذر بابكر :: كــاتب نشــط::	التوقيع: يا سرَها يا لونَها كيف إحتمالُك للعبيرْ جلستُ على رخامِ أغنيةٍ تنسابُ ناصعةً من هديلِ لونِها من مسامِ سرِها فزملنى الحرير

28-08-2013, 04:52 PM	#[10]
عبدالله علي موسى :: كــاتب نشــط::	سلامات أخ الطيب والحضور، الجيلي زول من شده ما راقي لمن بطرب لي نينا سيمون ياخي، إنسان دغري ومتصالح مع نفسه و "صاحي" حاسدنك يا أخ الطيب على هذه العزومه والتحايا لهذا الرجل الجميل وحرمه.
عبدالله علي موسى :: كــاتب نشــط::	التوقيع: "المكان اذا لم يؤنث، لا يعول عليه" إذا أنا أحمـــدت اللقاء فإنـنى لأحـمد حـيــنا للفــراق أيـاديـا

29-08-2013, 09:26 PM	#[14]
الجيلى أحمد :: كــاتب نشــط::	أى طيف زار بالأمس خيالى
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

30-08-2013, 06:32 AM	#[15]
الطيب بشير :: كــاتب نشــط::	. أهلين جيلي القوم....الخاتي اللوم أغني ليك؟؟ .
الطيب بشير :: كــاتب نشــط::	التوقيع: -- ------------------------------------------------------------------------------ أنا .. لن أخونَ الحُزن إنّي لن أُقـرّب في الفِداءِ جهالةً قطّـي الأليفْ .. الحُـزنُ أضحى "سيّدي" بعضي و حازَ مكانَكَ المرموقَ في نفسي و حَدَّثَني بأنّـك .. محضُ زِيفْ [align=center]مقالات أخري ل الطيب بشير[/align]