ماذا يجمع الدكتور حسن فرح وعبدالواحد محمد نور ؟

[صديق عيدروس]

YouTube

(الاستماع لاول دقيقتين في الفيدو يكفى ،،الباقي إعادة وتكرار لما جاء بهما)

[نناضل من اجل تكوين دولة علمانية فيدرالية ديمقراطية ،مبني على فصل الدين عن الدولة ]

ده كلام عبدالواحد محمد نور

[صديق عيدروس]

ماعندي اي حاجة تاني عايز اقوله ،،، بس عايز اعرف الزول ده شايت وين ؟ معانا وله معاهم ؟


(البوست ملك للجميع ،، انا واحد من الضيوف)

[معتصم الطاهر]

المشاركة الأصلية كتبت بواسطة صديق عيدروس

ماعندي اي حاجة تاني عايز اقوله ،،، بس عايز اعرف الزول ده شايت وين ؟ معانا وله معاهم ؟


(البوست ملك للجميع ،، انا واحد من الضيوف)

سلامات صديق

اولا انتو منو ؟ الكيزان ..
عشان نجاوبك ..
الزول دا واضح ..
حتى مفاوضات مع الحكومة رافضها.
و الاتفاقات البتفاوض الحكومة ما بوافق عليها و لا بوقع عليها .

[صديق عيدروس]

المشاركة الأصلية كتبت بواسطة معتصم الطاهر

سلامات صديق

اولا انتو منو ؟ الكيزان ..
عشان نجاوبك ..
الزول دا واضح ..
حتى مفاوضات مع الحكومة رافضها.
و الاتفاقات البتفاوض الحكومة ما بوافق عليها و لا بوقع عليها .

وعليكم السلام ورحمة الله
(نحن) الشعب السوداني ،،، إلاّ قليلا

السؤال ،،، عن صاحبك ،،،ما عن عبدالواحد
عايزين نعرف : هو مع الشعب السوداني وله مع ناس هنري كوريل وعبدالواحد محمد نور؟

[زول الله]

المشاركة الأصلية كتبت بواسطة معتصم الطاهر

الزول دا واضح ..
حتى مفاوضات مع الحكومة رافضها.
و الاتفاقات البتفاوض الحكومة ما بوافق عليها و لا بوقع عليها .

ايوا زول واضح جداً
لأنه لو وافق عليها طوالي "النقاطة" حتقيف








اقول قولي هذا واستغفرالله لي...................

[Hassan Farah]

المشاركة الأصلية كتبت بواسطة صديق عيدروس

https://www.youtube.com/watch?v=5qXIQN2GQp4

(الاستماع لاول دقيقتين في الفيدو يكفى ،،الباقي إعادة وتكرار لما جاء بهما)

[نناضل من اجل تكوين دولة علمانية فيدرالية ديمقراطية ،مبني على فصل الدين عن الدولة ]

ده كلام عبدالواحد محمد نور

---------------------------------------------------------
فى دى انا معاهو 100%.... وانت يا صديق عيدروس خليك مع الحرامية المفسدين القتلة المجرمين الذين ارهبوا العباد وخربوا البلاد .. اياكا شبهم ...داعشى يذكرنى ب Jihadi John لكن لا يملك الشجاعة ليدخل ساحات الوغى ويمسك السكين بيده اليسرى...بالتأكيد دجاجة ما بتقدر تذبحها.....

[Hassan Farah]

مسدار بص الجنة


03-01-2015 06:50 PM
زرياب السوداني

قلت تسوقنا للجنه أم نعيما دايم
وماوريتنا بص الجنه ده متين قايم ؟
إلا سؤالي ليك يابشه مازال قائم
في جنات عدن برضك في كوزا حايم ؟
*****************
بعد ماكتا هااادي وفي حديثك رايق
بقيت ترميهو نضما ليهو تب ماطايق
اركز للحساب ماتبقي عاد مضايق
جنة وييين هي متلك ليها يازول سايق !!!!!
*****************
مع جو القضارف والجمال والخدره
ظنيت بكري خمسلك سجارتو ال...
وماوريتنا : شدرتكن دي ياها السدره ؟
قصور كافوري جات من الجنان منحدره !!!!!!
*****************
اها القومه الصباح ولا بتسافروا عصاري
ولي دار السلام نركب نقوم طوالي ؟
دحين آآآبشه شان ألحق أدبر حالي
بتسوقونا عليين بي بص الوالي !!!
*****************
لي متين إت يابشه الدلاهه تفوق
وتطري الموت ويوم ينجري ليك واسوق
الخلاني مغسك لي صبح مطبوق
سايق ربع قرن آبشه تاااااني تسوق !!!!!

من صفحة سيد الطيب بفيسبوك
---------------------------------------------------------
قصيدة جديدة : الجنة نفر .. شعر: بروف معز عمر بخيت
نهديها للاخ قرقاش ...... وصديق عيدروس...
03-02-2015 05:00 PM

الجنة نفر
شعر: معز عمر بخيت


طالعين خلاص
الجنة زول واحد نفر
أزف الخلاص
أزف الرحيل أزف السفر
مافيش مناص
صدح الرصاص
واتلعثم القول والنظر
والله واجعني البلد
الخاطرو في لمحة انكسر
وانسانو راح
مكتول هدر
وأنا جوة ساكني البعاد
والشوق زناد
ولع لهيب نار المطر
توّه عمرنا مع القدر
والليلة نتحدى العناد
المستعاد والمعتبر

***
طالعين خلاص
للجنة دور بالسفسفة
بالله يا حاج انتباه
يا زول تعال اجمع صفا
قايدنا ابليس اشتباه
شادّينا بي عصب الجفا
راصينا صف
راصعنا كف
في دروب حزينة ومؤسفة
عارفين صراطنا المستقيم
سالكنو تقوى وحب مقيم
خفقان قلوب متعففة
الجنة ما رقصة زعيم
ولا عرضة لما تقول كفا
الجنة ما هيجة وهتاف
ولا اعتكاف
جوة القصور الوارفة
الجنة ما خدعة اوادم
بالبساطة مغلفة
الجنة ليها شفيع وحيد
سيّد دروبنا المصطفى

***
بس انت قول سايقنا وين
يا ضيم وشمسك كاسفة
يا تاجر الدين بالبنادق
والخنادق واجفة
ملعون زمنا العشنا بيك
ملعونة لحظات الوفا
لي نيل حرقت ضفافو ويل
خليتو بالذل اختفى
من جيت تخادع بالكلام
وافعالك انت معرّفة
بالظلم والجور والنفاق
والليلة جيت بالعاصفة
سايقنا لي جنة عدن
رحلة وطن مستشرفة
أنا غايتو حاجز في الممر
شان بت جميلة مهفهفة
حورية من وعد المشير
في الجنة توش نتلقفا
يا سيدنا يا سيد النعيم
سلم مفاتيح الجحيم
عبّد طرقنا وارصفا
متعنا بي شوفتك سنين
فردوس حنين
بريادتك انت ح ندلفا
الوعد وعدك يا مشير
وانت الأمير
كاتب حروفنا وعازفا

***
مبروك عليك مليون سنة
لا لحظة طليت بالهنا
كل الموارد لاهفا
والليلة جيت تغزو الجنان
سايقنا نحن معاك كمان
بؤس وذهان .. نقمة وحفا
أرحمنا يا سيدي الرئيس
وسوق معاك (عبدو) التعيس
لو كان بدنياك اكتفى
خليهو يتلفت هناك
ويرقص معاك
رقصات مريبة مزيفة
زي حكمك الطاغي ارتباك
يحرق سنينو ويصرفا
اطلع براك
خلينا نخمد نار بلاك
خلي الفراق يصبح شِفا
لي شعب محبوس في خطاه
لا قدرت انت تعيش معاه
في الدنيا لا بيك احتفي
في الآخرة راسم منتهاه
لا راضي يقبل ذل شقاه
أو لحظة يوم عنك عفا


[email protected]
http://www.alrakoba.net/news-action-show-id-185157.htm

[Hassan Farah]

زخة رصاص

كلمات : أزهري محمد علي
الحان: نازك عثمان
توزيع موسيقي: ساموراي
غناء: مجموعة بغني لشعبي

من سلطة معطوبة
ما بتثني عزم الناس
لو عزا مطلوبا
في دولة الرصاص
كم خيمة منصوبة
حرس الرئيس الخاص
متغطي بي توبا
ولدا رضي و وناس
شايلنو لي حوبة
في ليلك اب كباس
شاهد خراب سوبا
شاهد وطن بنداس
عينيهو معصوبة
في يوم شديد الباس
والدنيا مقلوبة
مجبور رمي الكراس
دنقر رفع طوبة
شاف لحية القناص
بي دمو مخضوبة
تمتم قرى الاخلاص
كتب الخلاص بالدم
طلع القمر بوبا

أزهري محمد علي

YouTube

[صديق عيدروس]

المشاركة الأصلية كتبت بواسطة Hassan Farah

فى دى انا معاهو 100%

يعني ليبرالي !
الشعب السوداني نقص واحد

[Hassan Farah]

المشاركة الأصلية كتبت بواسطة صديق عيدروس

يعني ليبرالي !
الشعب السوداني نقص واحد

------------------------------------------------------------
واحد بس ....الكضب فوق شنو..... هسع ناس مثل العالم المعز حسن بخيت والادباء شوقى محمد على ومحمد الطيب وغيرهم وغيرهم ديل كلهم ما مالين عينك....

[صديق عيدروس]

المشاركة الأصلية كتبت بواسطة Hassan Farah

واحد بس ....الكضب فوق شنو..... هسع ناس مثل العالم المعز حسن بخيت والادباء شوقى محمد على ومحمد الطيب وغيرهم وغيرهم ديل كلهم ما مالين عينك....

وديل وين قاعدين (الان ) ،،، في اوسلو ام في اوسلي ؟

[أحمد محمد صلاح الدين]

الكذاب قال بيحارب القاعدة في السودان !!
تم التحقيق معه من الاستخبارات الغربية و إكتشف أنه كذاب ... وقال أن هنالك حرب متوقعة في الخليج بدعم إيراني و إن هنالك قاعدة إيرانية .. تم التحقيق من قبل الاستخبارات الخليجية إكتشف أنه كذاب ... حاول أن يتبني قضية دارفور إختلف مع الحركات الدارفورية إنسحب من تبني القضية و قال أن طرحه قومي ... أكبر كذبه أنه قال أنه علي بعد أميل من الخرطوم و أن الشعب السوداني قد تجيش ... دا زول نايم في الفنادق ويشاهد التلفزيون و أول ما يسمع في لمه في فرنسا أو ألمانيا يقوم جاري عشان يمل الساحة كذب عن وجود ليس له وجود و عن جيش ليس له تأثير و عن فكر مراهقه  أفتكر أن العلمانية سوف تلقي القبول من الغرب و اسرائيل فصرح بها في اسرائيل برضو ما جابت دخل ... و أيضا لم يقترب منه غير حاملي السلاح و الناس اللفه من غير فكر
غير ناضج ... قال شعب دارفور مالقي الأكل , طيب أنت شحمان كدا ليه ما تشيل من شحمك و تديهم !!!"رأي شخصي"

https://www.youtube.com/watch?v=Y-2EldBYAk4&t=17

[صديق عيدروس]

المشاركة الأصلية كتبت بواسطة أحمد محمد صلاح الدين

الكذاب قال بيحارب القاعدة في السودان !!
تم التحقيق معه من الاستخبارات الغربية و إكتشف أنه كذاب ... وقال أن هنالك حرب متوقعة في الخليج بدعم إيراني و إن هنالك قاعدة إيرانية .. تم التحقيق من قبل الاستخبارات الخليجية إكتشف أنه كذاب ... حاول أن يتبني قضية دارفور إختلف مع الحركات الدارفورية إنسحب من تبني القضية و قال أن طرحه قومي ... أكبر كذبه أنه قال أنه علي بعد أميل من الخرطوم و أن الشعب السوداني قد تجيش ... دا زول نايم في الفنادق ويشاهد التلفزيون و أول ما يسمع في لمه في فرنسا أو ألمانيا يقوم جاري عشان يمل الساحة كذب عن وجود ليس له وجود و عن جيش ليس له تأثير و عن فكر مراهقه  أفتكر أن العلمانية سوف تلقي القبول من الغرب و اسرائيل فصرح بها في اسرائيل برضو ما جابت دخل ... و أيضا لم يقترب منه غير حاملي السلاح و الناس اللفه من غير فكر
غير ناضج ... قال شعب دارفور مالقي الأكل , طيب أنت شحمان كدا ليه ما تشيل من شحمك و تديهم !!!"رأي شخصي"

https://www.youtube.com/watch?v=Y-2EldBYAk4&t=17

[Hassan Farah]

المشاركة الأصلية كتبت بواسطة صديق عيدروس

وديل وين قاعدين (الان ) ،،، في اوسلو ام في اوسلي ؟

----------------------------------------------------------
بروف المعز حسن بخيت-عالم سودانى يعمل فى مركز بحوث طبية بالبحرين لكن نشاطه لم ينقطع عن الوطن ...له عموده فى صحيفة المجهر
http://almeghar.com/author/moiz/

http://www.drmoiz.com/
اما الشاعران ازهرى محمد على وسيد الطيب فيعيشان فى السودان ويوميا يتعرضان لمعاكسات رجل امنكم....يا خوى اظنك انت العايش فى اوسلى.....اوسلو الداعشيون غير مسموح لهم بدخولها

[رأفت ميلاد]

المشاركة الأصلية كتبت بواسطة Hassan Farah

---------------------------------------------------------
فى دى انا معاهو 100%

قول 2

المعانا يكتب رقمو هنا نشوف الشعب السودانى بنقص كم