استفتاء سودانبات على رئاسة البشير

[عبد المنعم حضيري]

يا جماعة دي دعوة لعمل استفتاء على رئاسة البشير للسودان فليصوت الجميع هنا الموالين المعارضين ويا ريت النتيجة النهائية نلقى لينا واحد يوصلا لصحف الداخل ويا ريت كل المنتديات تعمل كدة عشان تتضح الصورة
فليبدا التصويت من الان وينتهي مع اخر يوم للانتخابات

[عبد المنعم حضيري]

يا باش سلامات
معليش سقطت مداخلتك بعد تعديل شكل البوست ارجو ان تعيدها وساعيد ردي عليها
تحياتي

[عبد المنعم حضيري]

ولسودانيات منبر الحرية والديمقراطية كلمة ستقولها في اهم حدث يشغل الساحة الان بمنتهى الصدق والشفافية

[قاسم الحاج]

تحياتي عبدالمنعم
بما انو تصويت رمزي ساكت ولاكنو يوحي بأعتراف سودانيات ولو ضمنياً بالمسخ المسمي زوراً وبهتاناً انتخابات ،لذا فانا من الرافضين لذلك المسخ ،ولا يمنعني ذلك من التعبير عن رفضي لعصابه الانقاذ....

[رأفت ميلاد]

لحدى الآن 11 صوت تمام زى الواقع وإهمال الناس لفكرة التصويت ودى مشكلتنا الحقيقية

صوتك ضريبة وطنية وحق عليك وليس لك فى مصير الوطن

[سر الختم إبراهيم نقد]

منعم سلام ، وتحياتي لك مضطر أنقل هذه المداخلة مرة أخرى مشكور على فتح هذه النافذة.

المشاركة الأصلية كتبت بواسطة سر الختم إبراهيم نقد

السلام عليكم ود الخير والجميع
المفروض أننا نستفيد من التجارب الانتخابية السابقة ، أيه يعني حزب يخسر الانتخابات، لماذا ولى الكبار الدبر ولم يشاركوا الحزب الشيوعي العريق،حزب الأمة الطائفي ، الاتحادي الذي يسيطر عليه السيد محمد عثمان الميرغني لماذا؟ الجواب معروف يخشون الهزيمة ولا يريدون حسب نظرتهم إضفاء شرعية على الحكومة الحالية ناسين أنهم قد فعلوا قبل 5 سنوات، ترشحوا وسقطوا وادعوا وصدقنا لكنهم على كل حال شاركوا وهذه في حد ذاتها إيجابية ، ومحمدة ، التقاعس والمقاطعة لا تفيد البلد بأي شيء.
نرجع للمرشح الأوحد عمر البشير ونقول له ولود الخير الخطاب الديني لم يعد يخدع الناس، شنو في سبيل الله قمنا متى قمتم في سبيل الله والمال منهوب والأمن معدوم والحرب مدورة شرقاً وغرباً.
ما هو برنامجه ؟
في الزراعة في الصناعة في تشغيل العاطلين من الخريجين، هذا هو الخطاب المطلوب.
واللا نبصم على بياض.
آخر المصائب التي جلبها لنا البشير الزج بجيشنا ليحارب في اليمن، هذه وحدها كفيلة بالإطاحة بأتخن رئيس، ما عندنا أي مصلحة نشارك في هذه الحرب.

[قاسم الحاج]

المشاركة الأصلية كتبت بواسطة رأفت ميلاد

لحدى الآن 11 صوت تمام زى الواقع وإهمال الناس لفكرة التصويت ودى مشكلتنا الحقيقية

صوتك ضريبة وطنية وحق عليك وليس لك فى مصير الوطن

كدي يا ميلاد بالله بعيداً عن الكلام الكبار كبار اذكر لي مقوم واحد من مقومات الانتخابات النزيهه -الانت عايشتها في اوروبا والعايشوها كتير من الناس خارج السودان-ينطبق علي مسخ الانقاذ...ممكن يا ميلاد نمشي صناديق الاقتراع عديل ونصوت ،الاوت كم شنو في رايك..طالما النتيجه معروفه سلفاً يا قريبي..فدا اسمو تحصيل حاصل وتدقيس للذات لو كنتم تعلمون...

[رأفت ميلاد]

المشاركة الأصلية كتبت بواسطة قاسم الحاج

كدي يا ميلاد بالله بعيداً عن الكلام الكبار كبار اذكر لي مقوم واحد من مقومات الانتخابات النزيهه -الانت عايشتها في اوروبا والعايشوها كتير من الناس خارج السودان-ينطبق علي مسخ الانقاذ...ممكن يا ميلاد نمشي صناديق الاقتراع عديل ونصوت ،الاوت كم شنو في رايك..طالما النتيجه معروفه سلفاً يا قريبي..فدا اسمو تحصيل حاصل وتدقيس للذات لو كنتم تعلمون...

سلامات يا قاسم

ما أطن نحنا مختلفين فى حاجة
أنا بعنى إستطلاع حضيرى .. الفكرة كبيرة شديد وممكن صوتا يكون داوى أكتر الإنتخابات الفعلية إذا تعممت بفكرة حضيرى على كل المنتديات ومراكز التواصل كلها .. المهم التعامل معها بجدية ووطنية وتكون أضخم مظاهرة لا يطالها رصاص الأنقاذ وقهره

[عبد المنعم حضيري]

المشاركة الأصلية كتبت بواسطة قاسم الحاج

تحياتي عبدالمنعم
بما انو تصويت رمزي ساكت ولاكنو يوحي بأعتراف سودانيات ولو ضمنياً بالمسخ المسمي زوراً وبهتاناً انتخابات ،لذا فانا من الرافضين لذلك المسخ ،ولا يمنعني ذلك من التعبير عن رفضي لعصابه الانقاذ....

بالعكس تماماً هذا الإستطلاع للرأي عكس فكرتك فهو لايعتبر إعتراف ولو ضمنياً بالمسخ كما تقول ولا أدري كيف أتتك هذه الفكرة بل هو برهان واضح وكبير على رفضنا لذلك المسخ ورموزه .... نريد أن نقول لهم خجوا إنتخاباتكم كما تعودتم دائماً وهذا هو رأينا فيكم ننشره على الملأ وأنتم تحكموننا بشرعية مزيفة ..... إذهبوا قد سأمناكم ....

[هاني عربي]

عفواً فهمت البوست بطريقة مختلفة وعلقت ؛ وتاني فهمت البوست بطريقة تانية واتغير التعليق قلت احسن امرق من الشغلة وامسح التعليق واسلّم عليكم

وكل سنة وانتو طيبين


ويا اسعد ..... يلا استعجل

[رأفت ميلاد]

المشاركة الأصلية كتبت بواسطة عبد المنعم حضيري

يا جماعة دي دعوة لعمل استفتاء على رئاسة البشير للسودان فليصوت الجميع هنا الموالين المعارضين ويا ريت النتيجة النهائية نلقى لينا واحد يوصلا لصحف الداخل ويا ريت كل المنتديات تعمل كدة عشان تتضح الصورة
فليبدا التصويت من الان وينتهي مع اخر يوم للانتخابات

الدعوة واضحة: (هل توافقون على على تجديد حكم البشير لولاية أخرى أم لا توافقون)
ليس هناك أى علاقة بحملة مقاطعة الإنتخابات التى تمثل وجهة نظر من جهة واحدة والإستطلاع دعوة الى الموالين والمعارضين بدون إقحام لون سياسى

إستفتاء وليست إنتخابات ولا يوجد مرشح بديل .. الصوت من ضمير ووجهة نظر صاحبه

[قاسم الحاج]

المشاركة الأصلية كتبت بواسطة عبد المنعم حضيري

بالعكس تماماً هذا الإستطلاع للرأي عكس فكرتك فهو لايعتبر إعتراف ولو ضمنياً بالمسخ كما تقول ولا أدري كيف أتتك هذه الفكرة بل هو برهان واضح وكبير على رفضنا لذلك المسخ ورموزه .... نريد أن نقول لهم خجوا إنتخاباتكم كما تعودتم دائماً وهذا هو رأينا فيكم ننشره على الملأ وأنتم تحكموننا بشرعية مزيفة ..... إذهبوا قد سأمناكم ....

البوست إسمو إستفتاء سودانيات علي رئاسه البشير، ودعوتك موجهه للضد والمؤيد وليس إستطلاع ..مالم يكون لإستفتاء معانِ اخري من ضمنها إستطلاع غير مُتاحه للعامه .والمشاركه في إستفتاء رئاسه البشر هو اعتراف راسو عديل بشرعيه البشيروليس برهان لرفضكم .

[قاسم الحاج]

المشاركة الأصلية كتبت بواسطة رأفت ميلاد

الدعوة واضحة: (هل توافقون على على تجديد حكم البشير لولاية أخرى أم لا توافقون)

سلامت يا ميلاد
هم يعلمون اننا غير موافقون وانت وانا وكل الناس تعلم اننا غير موافقون ..اهااا وبعد ده

[زول الله]

سلام سيد البوست والمتداخلين والمتفرجين

مجرد الاستطلاع والتسمية -انتخابات- انا بعتبره إعتراف صريح بشرعيتها
والحقيقة انو أغلب المعارضين الهسه بفنجطوا ديل هم نفسهم الـ لبسوها لباس الشرعية قبل 5سنوات
عندما قدموا مرشيحهم ولم ينالوا ما ارادو
ومن ثم اطلقوا عليها اسامي الخججان والحاجات دي..

شخصياً رغم الفوق دا كله برضو ماداخلة راسي الشغلانة دي ومامعترف بيها
لذلك اعذرني ياسيد منعم في حتة الاستطلاع دي
والبتجي من السماء مابتتحملا الواطه
لكن بنتحملا نحن وماجديدة علينا
اصلا نحن واطة من زمااان








اقول قولي هذا واستغفرالله لي......................

[أحمد محمد صلاح الدين]

المشاركة الأصلية كتبت بواسطة عبد المنعم حضيري

ولسودانيات منبر الحرية والديمقراطية كلمة ستقولها في اهم حدث يشغل الساحة الان بمنتهى الصدق والشفافية

السلام عليك أخي الكريم عبد المنعم
فكرة جيدة الاستطلاع مهم علي الاقل داخل المنبر .. لكن ليه بقية المرشحين للرئاسة ما أضفتهم في الاستطلاع
بالمناسبة الأوروبيون و الأمريكان متخلفين اخلاقيا
أول انتخابات برلمانية بريطانية كانت 1708 بعد الاتحاد مع اسكتلندا أتخيل ليك بشر
بعد دالك استعمروا أفريقيا و اسيا و شالوا الأحرار عبيد بصكوك ...
الكمين سنة دي ما أضافت ليهم وعي أخلاقي ، بدل ما يساعدوا الدول الفقيرة يستعبدوهم و يدخل سم الخلاف فيهم