اقتباس:
|
المشاركة الأصلية كتبت بواسطة amine
بالعربي المشبرح ....
وأنا أول ما جيت السودان وحات مهدي الله أبو زينب داير أقابل كل ناس سودانيات ...أها و الحمد لله قابلت معظهم ..و الناس الما قابلتهم بسمع عنهم أنهم كويسين و منهم من يقول لي و الله أول أمبارح قابلت فلان ( ة ) من سودانيات ..لحدي هنا كويسين مش كده ؟؟؟ و تيب ...!!!
أها نرجع للشخصية الغامضة الأمبارح في حفلة شباك الحنين خلتني أتذكر كل شيوخي الكاربين ديلاك ألا البزوروهو الحفايا و العرايا داك خليتو للآخر لما ركبت مواصلات بحري ....
كل ناس سودانيات القابلتهم من يومي الجيت سألتهم عن (( ممكونة )) وحات شيخي الماحي أبو شرا لقيتهم كلهم ما بعرفوها ....و أنا مالي !!!! (( نقرأ آية الكرسي و جزء من صورة يس )) ....
بقى الموضوع عادي بالنسبة لي ..مافي مافي ....مش قبل كده مرينا بمرحلة أم عيونآ غلالالالالالالالالالالالالاد ديك ؟؟؟ عدت مش كده ؟؟؟ ...
يا الجيلي ... (( أم عيونآ غلااااااااااااااااااد بعثت من جديد )) ...!!!
لحدي هسه كمان كويسين مش كده ؟؟؟
أها تاني أيام العيد مشيت ربك علشان نبارك العيد لأخوي معتصم .. و الكلام جاب الكلام ومعركة الأوس و الخزرج الما حضرت وقايعها أنا و الحمد لله ...
قمت ومن شلاقتي أنا سألته من ممكونة ...قال لي أيوة ممكونة ..................................موجودة في السودان بس ما كل الناس بعرفوها ...غايتو أتلفت جاي وجاي لأنه شبح أم عيونآ غلااااااااااااد لسع ...
أها أمبارح وفي جلسة شباك الحنين معتصم الطاهر قال لينا ممكونة كانت موجودة و مشت ....مع أنه أنا جيت من أول الناس و مرقت ومع آخر ناس ...وكل الجماعة ما شافوها وحات ...........شيخي الأحتياطي..وقلت لمعتصم ...(( طبعآ شكيت في كلامه )) معقولة ممكونة كانت هنا ؟؟؟ أها قام أتصل بيها و جانا صوتها عبر مكبر صوت الموبايل ..ناصر . المجدلية. أمين . عالم . معاوية أزيكم ......أممممممك أتكهربت و الله ...كان كده وحات ال................. بلفاست ولا بوركينا فاسو ولا بيروت ما يحلوك و كان قلت يا ربي أنا وين ظاتها شيل شيلتك ....أها كان كده جا وقت الشيخ الكارب الخاتنو أحتياطي داك .
تخيلوا معاوية و أنا راكبين مواصلات الدروشاب ولحدي ما نزلت وماشي على البيت (( متخيل سواق البص يقول لي هسي ممكونة كانت راكبة معانا و نزلت في المحطة القبل اللستك )) ..
يا ربي أنا وين ؟؟؟
(( بين رمال حلتنا ))
تحياتي يا حلوين ...
أمين جونية
|
امين الجميل
والله قريت البوست من امبارح لغاية اليوم خمسة مرات
وضحكت جدا جدا لى زمن من كلامك اللذيذ زيك دا
قلتى المحطة القبل اللستك بالله ؟؟
مشتاق ليك وحات مهدى الله اب شنب وشيخى الاحتياطى كمان
مودتى
