الزميلة إيمان محمد حسين...تهزم المرض بالإبتسام ...أيام في بلجيكا

imported_خالد الحاج · 03-05-2007, 11:20 PM

أول مرة ألتقي أختنا إيمان كان في حفل في مدينة "نايميخن" الهولندية. تبتسم وتحي كل الناس بصورة جميلة ومريحة.. لم أنتبه حينها أن خلف هذه الإبتسامة ألم كبير..
عرفت بعدها مصادفة حين أرسلت لي صورة كي أقوم برفعها في النت ، كانت الصورة
لها وهي "صلعة" .. هنا انتبهت.
هذه إمرأة من طينة أخري. [align=center]

[/align]
[align=center](مع أسرتها الصغيرة)[/align]

رأيت بعض الأصدقاء من الرجال حينما أهم بأخذ صورة لهم يقولون "دقيقة بالله نصلح القجة" يهتم الإنسان بمظهره ويجتهد كي يكون وجيها...
كان الجمال في هذه الصورة أكبر من أن تخفيه "صلعة" وكان يشع ليغطي المكان
أنه جمال الروح وروعة الإنسان حين يكون اليقين هو الطريق ..

بدأت رحلة إيمان مع "السرطان " قبل عامين أو يزيد قليلآ ... لم ينال من روحها وعزيمتها فهزمته مرتين..مرة حين صنعت نموذج نادر المثال وأخذت تكتب عن تجربتها وتنبه الناس للوقاية والحذر من المرض اللعين. ومرة حين واصلت حياتها
في رعاية أسرتها الصغيرة الجميلة يقف معها زوجها وصديقها هذا الإنسان الفنان مدني...
[align=center]

[/align]
[align=center](صورة حفل زواج إيمان ومدني)[/align]

نشأت صداقة بين أماني "الحيكومة" وإيمان ثم بيني ومدني ..نتحدث بالتلفون ساعات
يوميا.. ولا نختم المكالمة إلا بترديد جملة صارت شهيرة عندنا في المنزل (والله بس القدم ليه رافع لكن بنجي إن شاء الله بنجي) ...
ورفع الله القدم .. يومين قضيناهم مع أسرة مدني سنحكي عنهم ...يومين ولا أروع..

imported_خالد الحاج · 03-05-2007, 11:52 PM

المسافة بين مدينتنا "رورموند" ومدينة "جنت " البلجيكية حوالي 230 كيلومتر
تقع جنت بين مدينتي بروكسل وأنتيويربن . تقطن الأسرة الحبيبة في أحد القري المجاورة لجنت..حي جميل ومنظم وهادئي..
طرقنا جرس الباب.. جاء مدني تسبقه ابتسامة وضحكة مكتومة عميقة... يا هلا...
وكان السلام بالأحضان وتواصلت الونسة حيث انتهت في آخر مكالمة تلفونية..
لا يوجد إحساس ضيف وصاحب دار.. وجدتني أتكي ثم أرقد علي الكنبة الأنيقة كي أمدد ظهري... كأني إلتقيت هذا الإنسان العجيب أو كأننا نشأنا في حي واحد.
بدأت سارة الونسة ...ثم نهلة بلغتها الخليط ...
يتحدثون الهولندية في الشمال البلجيكي وهناك ثلاثة لغات هي اللغات الرسمية للدولة (هولندي فرنسي ألماني) وتنحصر الأخيرة في إقليم لمبرخ المشترك بين بلجيكا وهولندا وألمانيا. هذا رغم أن الأطفال لا يحتاجون لغة للتواصل.

جاءت إيمان والإبتسامة الشهيرة هي هي.. علمت لاحقا أنها كانت بوعكة بسيطة
تنتابها أحيانا نتيجة للعلاج الكيميائي والأخير يستهلك طاقة الإنسان وروحه.
....كيفك يا زولة ؟
تمام والله الحمد لله...
كفارة والله يا إيمان ..
مافي حاجة يا جماعة فترة بس والله شوفتكم ترد الروح..

[align=center]

[/align]
[align=center](الحيكومة ، مدني، إيمان)[/align]

منزل أنيق بحق..
ثلاثة أطفال..ملائكة..
غدا إن شاء الله نحكي عنهم ونحكي عن ..
* حفلة الجالية السودانية بجنت التي "كتلناها" :)
* سفيرنا الجديد في بروكسل يحضر للحفل في البص الجماعي للجالية في بروكسل.
* أيمان الجيلي الفنانة القادمة من أرض الضباب.
* عميد الأسرة السودانية بجنت السيد كبار..
* الصادق شيخ الدين والأسرة الحبيبة..

imported_haneena · 04-05-2007, 12:31 AM

التحية للأخت إيمان محمد حسين و أسرتها

قابلت إيمان لأول مرة وجهآ لوجه السنة الماضية
في ندوة الختان بنايمخين
إنسانة متفائلة ...باسمة
جاءت مع أسرتها للحفل من بلجيكا و عرفتنا بنفسها

لطيفة..وديعة
تدخل قلبك منذ أول وهلة
قضينا الساعات في الحفل مع بقية أهل سودانيات الذين ملأوا القاعة وقتها

و مرت كأنها دقائق

و لم تفارق صورتها مخيلتي حتى الآن

مثلكم يا خالد
أقول القدم ليها رافع
و منيتي أن أحظى بزيارتهم هذا الصيف

التحية مرة أخرى لإيمان الشجاعة الصبورة
و لأسرتها الجميلة

و ربنا يقدرنا نزورك و نتعرف بيك أكتر

شكرآ خالد لهذه السانحة
و لتبقى سودانيات رمزآ للمحبة
و التواصل الجميل

imported_omrashid · 04-05-2007, 01:42 AM

الف حمدالله علي السلامه

والله يا خالد حكومتكحكومة السرور
لكم مودتي

imported_خالد الحاج · 04-05-2007, 08:07 AM

حنينة..
فاتتك رحلة جميلة..تمنيناك معانا والله...

ام راشد..يا مرحب بيك..بعض الحيكومات رشيدة:)

imported_خالد الحاج · 04-05-2007, 08:23 AM

أصغر الأبناء "داني" ...
كان أخونا مدني قد نبه عليه :
الصباح يا داني ما تمش تفتح التلفزيون عشان عمك خالد نايم في الصالة وحا تعمل ليه إزعاج.

إلتزم الشاب داني تماما بتنبيه والده ...

جاء الصباح وأيقظني من النوم :
عمو...عمو... قوم نوم جوة أنا داير أشوف التلفزيون.

[align=center]

[/align]
[align=center](داني في صورة حديثة)[/align]

أوسطهم "اليسار" وأكثرهم شبها بوالدها أخذت منه حب الموسيقة وتعزف علي الكي بورد..
[align=center]

[/align]
[align=center](اليسار)[/align]

أكبر الأبناء "مي" أكثر قربا لوالدتها ورثت منها أجمل هبة (إبتسامة) ...

[align=center]

[/align]
[align=center](مي)[/align]

بابكر مخير · 04-05-2007, 08:23 AM

خالد الحبيب
ياكا شايل هموم ناسك
ودي بوسة ليك في وسط راسك

زادت إيمان الجمال مليون مرة وبي بسمتها الحلوة زادتو الف مليون مرة
الشايفو أنو إيمان دي والقدامي ما من طينة!
أظنها من دهب مصقول ومعدن قوي صبو في شكل زول ،،،
أتمنى ليها الصحة والعافية
وللأسرتها الإستمتاع دوما بي بسمتها الحلوة

imported_خالد الحاج · 04-05-2007, 08:35 AM

تخرجت إيمان في كلية الحقوق جامعة بيروت العربية...
لم يترك المرض لها أن تمتهن عمل أو دوام منتظم.. ورغم عن هذا نجدها تشارك
وبجهد يدعو للحيرة في كل منشط يجمع الناس ويسعي لخدمتهم..
كانت هي وأخونا مدني المسئولين من مطعم الجالية أثناء الحفل في مدينة جنت..
قامت بعمل "السندوتشات" وبينما كان الناس يستمتعون بالحفل كانت هي ورفيقها مدني يقفون في مطعم المسرح لبيع ما أعد من أطعمة والعائد منها يذهب للجالية..
[align=center]

[/align]
[align=center](داني،اليسار، مي وتتوسطهم سارة إبنتي)[/align]

[align=center]

[/align]
[align=center](جلسة حميمة سارة،إيمان،نهلة، اليسار)[/align]

imported_خالد الحاج · 04-05-2007, 09:00 AM

إزيك يا دكتور مخير..
شوق والله يا زول يا جميل..
صدقت يا دكتور ..والحديث عن هذه الإنسانة جعلني لأول مرة أحس كم هي فقيرة زخيرتي اللغوية.

يديك العافية

معتصم الطاهر · 04-05-2007, 09:00 AM

خالد

تحية

صدقنى يا خالد .. قرأت قصة كفاحها

وما زلت لا أدرى

هل أتركها كما هى .. لتحتفظ بعفويتها رغم ما فيها من أخطاء

أو أنسقها وأنزلها ..

هذه المرأة خليط تراب وماء ونور ونار ..وحب وإيمان

متاكاة

بركة الربنا الرفع القدم ..
وعين الطيب البشير المرقت منك ( خالد الطاش)

imported_خالد الحاج · 04-05-2007, 09:37 AM

حفل الجالية...
صادف رحلتنا حفل الجالية السودانية بمدينة "جنت" ...
وكان أن دعونا للمشاركة...
لا أحب الذهاب للحفلات العامة عندما تكون أسرتي معي.. أكره الزحام ودخان التبغ
ونوم الأطفال في منتصف الحفل وإزعاجهم في بدايته...
رغم عن كل ذلك كانت حفلة رائعة...تميزت بالعديد من التفرد والطرائف...

كنا أول الحاضرين بحكم مسئولية مدني وإيمان بالمطعم ...
قابلنا أخونا كبار"محمد كبار" وهو عميد الجالية بجنت أمام المسرح مرحبا
ودخلت في حرج غريب...سلم علي :
إزيك يا خالد الحاج؟
قتلتني الحيرة ...هذا شخص يعرفني... رديت السلام:
يا هلا بيك ...زمن والله...
رأيت الصادق شيخ الدين يدخل بأسرته الجميلة ... هالة ثم مريم الصادق..
قلت الحمد لله أهو زول يمرقني من الحرج ده...
بعد التحايا بالأحضان وضحكة الصادق الشهيرة...سألته :
يا صادق ألحقني يا أخي منو الزول اللطيف ده ؟
قال الصادق:
ده محمد كبار يا أخي ...عميد السودانيين هنا وزول نشط ويكتب في س.اونلاين
وأظنك تعرفه.
هنا أنتبهت... وحكيت للصادق ونحن نضحك كيف أني قعدت أردد الكلمات المعهودة في مثل هذه المواقف "مشتاقين يا أخي... زمن طويل ..." :D
اليوم رأيت أسم الأستاذ كبار من ضمن عضوية سودانيات... أرحب به من القلب والله
وهو إضافة لا شك لأسرتنا الجميلة..

[align=center]

[/align]
[align=center](السيد محمد كبار عمدتنا بجنت)[/align]

جاءت الجالية من بروكسل في (بص) جماعي كبير...
أصر السيد السفير (نجيب الخير عبد الوهاب) علي الحضور بأسرته معهم في البص..
ورغم أن البرتكول يقول أن عليه أن لا يفعل لما في ذلك من محاذير أمنية وغيره
إلا أن الرجل رأها بادرة لتوثيق الحميمية مع الجالية خاصة وانه قد بدأ عمله توا سفيرا للسودان في المملكة البلجيكية والأمارة في لكسمبيرج وممثل السودان لدي مقر الإتحاد الأوروبي. وكانت لفتة مميزة..

قدم الأستاذ كبار للحفل ورحب بالسفير والحضور ثم أعقبه الأستاذ نجيب الخير بكلمة بالعربية والإنجليزية رحب فيها بالحضور وأعلن أن مكتبه وداره مفتوحين لكل الجالية
وأمنياتنا له بالتوفيق... هذا رجل يعرف ما يفعل..
[align=center]

[/align]

[align=center](السفير نجيب الخير)[/align]

شاركت الفنانة إيمان الجيلي في الحفل...
هذه فنانة تحمل صوت عادي.. لكن لها حضور مذهل وتعرف كيف تختار أغنياتها
وكيف تحرك أشجان الناس وأفراحهم...
[align=center]

[/align]
[align=center](الفنانة إيمان الجيلي)[/align]

[align=center]

[/align]
[align=center](الصادق شيخ الدين ،العم عبد اللطيف -أقدم الموظفين في السفارة، مريم الصادق)[/align]

[align=center]

[/align]

[align=center]

[/align]
[align=center](لهذا أكره أخذ أسرتي لحفل عام_نوم جماعي_)[/align]

imported_mamkouna · 04-05-2007, 09:48 AM

الأخت إيمان نموذج رائع للإيمان و اليقين والتفاؤل و حب الحياة.
أحببتها من أول بوست..و أتمنى ليها كل خير
التحية ليها و لأسرتها الجميلة..ربنا يغطي عليهم.
التحية ليك يا ود الحاج إنت و حكومتك المظلومة و المغلوبة على أمرها:rolleyes: و التحية للحلوين الصُغار من باكمبا:p لغاية الحلوة نهلة.
بوست عائلي حميم.

imported_خالد الحاج · 04-05-2007, 09:54 AM

اقتباس:

المشاركة الأصلية كتبت بواسطة معتصم الطاهر

خالد

تحية

صدقنى يا خالد .. قرأت قصة كفاحها

وما زلت لا أدرى

هل أتركها كما هى .. لتحتفظ بعفويتها رغم ما فيها من أخطاء

أو أنسقها وأنزلها ..

هذه المرأة خليط تراب وماء ونور ونار ..وحب وإيمان

متاكاة

بركة الربنا الرفع القدم ..
وعين الطيب البشير المرقت منك ( خالد الطاش)

إزيك يا باش..
تعرف .. حامد الله وشاكرو عين العربي مرقت :D (طافش الحاج عطس في دبي وحمد الله في جوهانسبيرج) .

بخصوص قصة كفاح إيمان محمد حسين يا باش...
ختها فوق لي مخطوطة (كتاب مذبحة قصر الضيافة) وتحت مخطوطة ( مركز معلومات المبدعين السودانيين) ..
العجلة من الشيطان يا أخي هي الدنيا طايرة :D ;) :D

imported_Garcia · 04-05-2007, 10:54 AM

العزيز خالد
سلامات وتسلم لهذا الوصف الأنيق والجميل عن زيارتك لأسرة ايمان ,
تلك المرأة الصامدة التى تقاوم المرض والألم بالصبر والجلد والإبتسامة ..
فتحية لها ولأسرتها الجميلة ....
ونحيى السفير هناك على موقفه الجميل أفضل من سفير السودان السابق
بهولندة صاحب القصة المعروفة لديك وللجميع , فشتان بين هذا وذاك ..
قلت لى سارة ونهلة ناموا ليكم فى الحفلة :D :D
أرحب معك بالسيد محمد كبار بسودانيات ..

imported_نزار حسن علي · 04-05-2007, 11:51 AM

التحيه لها عبرك يا خال يا راجل يا نادر طبعا لازم تكون مناضله لانها كانت هنا في دوحه الجميع كل خريجين الدوحة مناضلين والله الله يديها العافية لها ولاسرتها الكريمة ودايما ربنا يوفقن وينصرن علي كل شئ

ودامت ايامهم كلها افراح يا كريم يا رب العالمين

03-05-2007, 11:20 PM	#[1]
imported_خالد الحاج Administrator	الزميلة إيمان محمد حسين...تهزم المرض بالإبتسام ...أيام في بلجيكا أول مرة ألتقي أختنا إيمان كان في حفل في مدينة "نايميخن" الهولندية. تبتسم وتحي كل الناس بصورة جميلة ومريحة.. لم أنتبه حينها أن خلف هذه الإبتسامة ألم كبير.. عرفت بعدها مصادفة حين أرسلت لي صورة كي أقوم برفعها في النت ، كانت الصورة لها وهي "صلعة" .. هنا انتبهت. هذه إمرأة من طينة أخري. [align=center][/align] [align=center](مع أسرتها الصغيرة)[/align] رأيت بعض الأصدقاء من الرجال حينما أهم بأخذ صورة لهم يقولون "دقيقة بالله نصلح القجة" يهتم الإنسان بمظهره ويجتهد كي يكون وجيها... كان الجمال في هذه الصورة أكبر من أن تخفيه "صلعة" وكان يشع ليغطي المكان أنه جمال الروح وروعة الإنسان حين يكون اليقين هو الطريق .. بدأت رحلة إيمان مع "السرطان " قبل عامين أو يزيد قليلآ ... لم ينال من روحها وعزيمتها فهزمته مرتين..مرة حين صنعت نموذج نادر المثال وأخذت تكتب عن تجربتها وتنبه الناس للوقاية والحذر من المرض اللعين. ومرة حين واصلت حياتها في رعاية أسرتها الصغيرة الجميلة يقف معها زوجها وصديقها هذا الإنسان الفنان مدني... [align=center][/align] [align=center](صورة حفل زواج إيمان ومدني)[/align] نشأت صداقة بين أماني "الحيكومة" وإيمان ثم بيني ومدني ..نتحدث بالتلفون ساعات يوميا.. ولا نختم المكالمة إلا بترديد جملة صارت شهيرة عندنا في المنزل (والله بس القدم ليه رافع لكن بنجي إن شاء الله بنجي) ... ورفع الله القدم .. يومين قضيناهم مع أسرة مدني سنحكي عنهم ...يومين ولا أروع..
imported_خالد الحاج Administrator	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

03-05-2007, 11:52 PM	#[2]
imported_خالد الحاج Administrator	المسافة بين مدينتنا "رورموند" ومدينة "جنت " البلجيكية حوالي 230 كيلومتر تقع جنت بين مدينتي بروكسل وأنتيويربن . تقطن الأسرة الحبيبة في أحد القري المجاورة لجنت..حي جميل ومنظم وهادئي.. طرقنا جرس الباب.. جاء مدني تسبقه ابتسامة وضحكة مكتومة عميقة... يا هلا... وكان السلام بالأحضان وتواصلت الونسة حيث انتهت في آخر مكالمة تلفونية.. لا يوجد إحساس ضيف وصاحب دار.. وجدتني أتكي ثم أرقد علي الكنبة الأنيقة كي أمدد ظهري... كأني إلتقيت هذا الإنسان العجيب أو كأننا نشأنا في حي واحد. بدأت سارة الونسة ...ثم نهلة بلغتها الخليط ... يتحدثون الهولندية في الشمال البلجيكي وهناك ثلاثة لغات هي اللغات الرسمية للدولة (هولندي فرنسي ألماني) وتنحصر الأخيرة في إقليم لمبرخ المشترك بين بلجيكا وهولندا وألمانيا. هذا رغم أن الأطفال لا يحتاجون لغة للتواصل. جاءت إيمان والإبتسامة الشهيرة هي هي.. علمت لاحقا أنها كانت بوعكة بسيطة تنتابها أحيانا نتيجة للعلاج الكيميائي والأخير يستهلك طاقة الإنسان وروحه. ....كيفك يا زولة ؟ تمام والله الحمد لله... كفارة والله يا إيمان .. مافي حاجة يا جماعة فترة بس والله شوفتكم ترد الروح.. [align=center][/align] [align=center](الحيكومة ، مدني، إيمان)[/align] منزل أنيق بحق.. ثلاثة أطفال..ملائكة.. غدا إن شاء الله نحكي عنهم ونحكي عن .. * حفلة الجالية السودانية بجنت التي "كتلناها" :) * سفيرنا الجديد في بروكسل يحضر للحفل في البص الجماعي للجالية في بروكسل. * أيمان الجيلي الفنانة القادمة من أرض الضباب. * عميد الأسرة السودانية بجنت السيد كبار.. * الصادق شيخ الدين والأسرة الحبيبة..
imported_خالد الحاج Administrator	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

04-05-2007, 12:31 AM	#[3]
imported_haneena :: كــاتب نشــط::	التحية للأخت إيمان محمد حسين و أسرتها قابلت إيمان لأول مرة وجهآ لوجه السنة الماضية في ندوة الختان بنايمخين إنسانة متفائلة ...باسمة جاءت مع أسرتها للحفل من بلجيكا و عرفتنا بنفسها لطيفة..وديعة تدخل قلبك منذ أول وهلة قضينا الساعات في الحفل مع بقية أهل سودانيات الذين ملأوا القاعة وقتها و مرت كأنها دقائق و لم تفارق صورتها مخيلتي حتى الآن مثلكم يا خالد أقول القدم ليها رافع و منيتي أن أحظى بزيارتهم هذا الصيف التحية مرة أخرى لإيمان الشجاعة الصبورة و لأسرتها الجميلة و ربنا يقدرنا نزورك و نتعرف بيك أكتر شكرآ خالد لهذه السانحة و لتبقى سودانيات رمزآ للمحبة و التواصل الجميل
imported_haneena :: كــاتب نشــط::	التوقيع: Life is all about choices

04-05-2007, 01:42 AM	#[4]
imported_omrashid :: كــاتب نشــط::	الف حمدالله علي السلامه والله يا خالد حكومتكحكومة السرور لكم مودتي
imported_omrashid :: كــاتب نشــط::

04-05-2007, 08:07 AM	#[5]
imported_خالد الحاج Administrator	حنينة.. فاتتك رحلة جميلة..تمنيناك معانا والله... ام راشد..يا مرحب بيك..بعض الحيكومات رشيدة:)
imported_خالد الحاج Administrator	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

04-05-2007, 08:23 AM	#[6]
imported_خالد الحاج Administrator	أصغر الأبناء "داني" ... كان أخونا مدني قد نبه عليه : الصباح يا داني ما تمش تفتح التلفزيون عشان عمك خالد نايم في الصالة وحا تعمل ليه إزعاج. إلتزم الشاب داني تماما بتنبيه والده ... جاء الصباح وأيقظني من النوم : عمو...عمو... قوم نوم جوة أنا داير أشوف التلفزيون. [align=center][/align] [align=center](داني في صورة حديثة)[/align] أوسطهم "اليسار" وأكثرهم شبها بوالدها أخذت منه حب الموسيقة وتعزف علي الكي بورد.. [align=center][/align] [align=center](اليسار)[/align] أكبر الأبناء "مي" أكثر قربا لوالدتها ورثت منها أجمل هبة (إبتسامة) ... [align=center][/align] [align=center](مي)[/align]
imported_خالد الحاج Administrator	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

04-05-2007, 08:23 AM	#[7]
بابكر مخير :: كــاتب نشــط::	خالد الحبيب ياكا شايل هموم ناسك ودي بوسة ليك في وسط راسك زادت إيمان الجمال مليون مرة وبي بسمتها الحلوة زادتو الف مليون مرة الشايفو أنو إيمان دي والقدامي ما من طينة! أظنها من دهب مصقول ومعدن قوي صبو في شكل زول ،،، أتمنى ليها الصحة والعافية وللأسرتها الإستمتاع دوما بي بسمتها الحلوة
بابكر مخير :: كــاتب نشــط::	التوقيع:

04-05-2007, 08:35 AM	#[8]
imported_خالد الحاج Administrator	تخرجت إيمان في كلية الحقوق جامعة بيروت العربية... لم يترك المرض لها أن تمتهن عمل أو دوام منتظم.. ورغم عن هذا نجدها تشارك وبجهد يدعو للحيرة في كل منشط يجمع الناس ويسعي لخدمتهم.. كانت هي وأخونا مدني المسئولين من مطعم الجالية أثناء الحفل في مدينة جنت.. قامت بعمل "السندوتشات" وبينما كان الناس يستمتعون بالحفل كانت هي ورفيقها مدني يقفون في مطعم المسرح لبيع ما أعد من أطعمة والعائد منها يذهب للجالية.. [align=center] [/align] [align=center](داني،اليسار، مي وتتوسطهم سارة إبنتي)[/align] [align=center][/align] [align=center](جلسة حميمة سارة،إيمان،نهلة، اليسار)[/align]
imported_خالد الحاج Administrator	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

04-05-2007, 09:00 AM	#[9]
imported_خالد الحاج Administrator	إزيك يا دكتور مخير.. شوق والله يا زول يا جميل.. صدقت يا دكتور ..والحديث عن هذه الإنسانة جعلني لأول مرة أحس كم هي فقيرة زخيرتي اللغوية. يديك العافية
imported_خالد الحاج Administrator	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

04-05-2007, 09:00 AM	#[10]
معتصم الطاهر :: كــاتب نشــط::	خالد تحية صدقنى يا خالد .. قرأت قصة كفاحها وما زلت لا أدرى هل أتركها كما هى .. لتحتفظ بعفويتها رغم ما فيها من أخطاء أو أنسقها وأنزلها .. هذه المرأة خليط تراب وماء ونور ونار ..وحب وإيمان متاكاة بركة الربنا الرفع القدم .. وعين الطيب البشير المرقت منك ( خالد الطاش)
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

04-05-2007, 09:37 AM	#[11]
imported_خالد الحاج Administrator	حفل الجالية... صادف رحلتنا حفل الجالية السودانية بمدينة "جنت" ... وكان أن دعونا للمشاركة... لا أحب الذهاب للحفلات العامة عندما تكون أسرتي معي.. أكره الزحام ودخان التبغ ونوم الأطفال في منتصف الحفل وإزعاجهم في بدايته... رغم عن كل ذلك كانت حفلة رائعة...تميزت بالعديد من التفرد والطرائف... كنا أول الحاضرين بحكم مسئولية مدني وإيمان بالمطعم ... قابلنا أخونا كبار"محمد كبار" وهو عميد الجالية بجنت أمام المسرح مرحبا ودخلت في حرج غريب...سلم علي : إزيك يا خالد الحاج؟ قتلتني الحيرة ...هذا شخص يعرفني... رديت السلام: يا هلا بيك ...زمن والله... رأيت الصادق شيخ الدين يدخل بأسرته الجميلة ... هالة ثم مريم الصادق.. قلت الحمد لله أهو زول يمرقني من الحرج ده... بعد التحايا بالأحضان وضحكة الصادق الشهيرة...سألته : يا صادق ألحقني يا أخي منو الزول اللطيف ده ؟ قال الصادق: ده محمد كبار يا أخي ...عميد السودانيين هنا وزول نشط ويكتب في س.اونلاين وأظنك تعرفه. هنا أنتبهت... وحكيت للصادق ونحن نضحك كيف أني قعدت أردد الكلمات المعهودة في مثل هذه المواقف "مشتاقين يا أخي... زمن طويل ..." :D اليوم رأيت أسم الأستاذ كبار من ضمن عضوية سودانيات... أرحب به من القلب والله وهو إضافة لا شك لأسرتنا الجميلة.. [align=center][/align] [align=center](السيد محمد كبار عمدتنا بجنت)[/align] جاءت الجالية من بروكسل في (بص) جماعي كبير... أصر السيد السفير (نجيب الخير عبد الوهاب) علي الحضور بأسرته معهم في البص.. ورغم أن البرتكول يقول أن عليه أن لا يفعل لما في ذلك من محاذير أمنية وغيره إلا أن الرجل رأها بادرة لتوثيق الحميمية مع الجالية خاصة وانه قد بدأ عمله توا سفيرا للسودان في المملكة البلجيكية والأمارة في لكسمبيرج وممثل السودان لدي مقر الإتحاد الأوروبي. وكانت لفتة مميزة.. قدم الأستاذ كبار للحفل ورحب بالسفير والحضور ثم أعقبه الأستاذ نجيب الخير بكلمة بالعربية والإنجليزية رحب فيها بالحضور وأعلن أن مكتبه وداره مفتوحين لكل الجالية وأمنياتنا له بالتوفيق... هذا رجل يعرف ما يفعل.. [align=center] [/align] [align=center](السفير نجيب الخير)[/align] شاركت الفنانة إيمان الجيلي في الحفل... هذه فنانة تحمل صوت عادي.. لكن لها حضور مذهل وتعرف كيف تختار أغنياتها وكيف تحرك أشجان الناس وأفراحهم... [align=center] [/align] [align=center](الفنانة إيمان الجيلي)[/align] [align=center][/align] [align=center](الصادق شيخ الدين ،العم عبد اللطيف -أقدم الموظفين في السفارة، مريم الصادق)[/align] [align=center][/align] [align=center][/align] [align=center](لهذا أكره أخذ أسرتي لحفل عام_نوم جماعي_)[/align]
imported_خالد الحاج Administrator	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

04-05-2007, 09:48 AM	#[12]
imported_mamkouna :: كــاتب نشــط::	الأخت إيمان نموذج رائع للإيمان و اليقين والتفاؤل و حب الحياة. أحببتها من أول بوست..و أتمنى ليها كل خير التحية ليها و لأسرتها الجميلة..ربنا يغطي عليهم. التحية ليك يا ود الحاج إنت و حكومتك المظلومة و المغلوبة على أمرها:rolleyes: و التحية للحلوين الصُغار من باكمبا:p لغاية الحلوة نهلة. بوست عائلي حميم.
imported_mamkouna :: كــاتب نشــط::	التوقيع: ممكوووووووووووووووونة...و...صاااااااااااابرة!!!!

04-05-2007, 10:54 AM	#[14]
imported_Garcia :: كــاتب نشــط::	العزيز خالد سلامات وتسلم لهذا الوصف الأنيق والجميل عن زيارتك لأسرة ايمان , تلك المرأة الصامدة التى تقاوم المرض والألم بالصبر والجلد والإبتسامة .. فتحية لها ولأسرتها الجميلة .... ونحيى السفير هناك على موقفه الجميل أفضل من سفير السودان السابق بهولندة صاحب القصة المعروفة لديك وللجميع , فشتان بين هذا وذاك .. قلت لى سارة ونهلة ناموا ليكم فى الحفلة :D :D أرحب معك بالسيد محمد كبار بسودانيات ..
imported_Garcia :: كــاتب نشــط::	التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام )

04-05-2007, 11:51 AM	#[15]
imported_نزار حسن علي :: كــاتب نشــط::	التحيه لها عبرك يا خال يا راجل يا نادر طبعا لازم تكون مناضله لانها كانت هنا في دوحه الجميع كل خريجين الدوحة مناضلين والله الله يديها العافية لها ولاسرتها الكريمة ودايما ربنا يوفقن وينصرن علي كل شئ ودامت ايامهم كلها افراح يا كريم يا رب العالمين
imported_نزار حسن علي :: كــاتب نشــط::