ارتفاع السكر بعيون ساخر سبيل الفاتح جبرا

imported_منال · 15-11-2009, 09:46 AM

ساخر سبيل
بس أصبروا!

سألنى عم (خضر) وهو يضع نظارته المقعرة جانباً وهو يمسك بالجريدة:
- إنتا يا ولدى (اليهود) ديل مش طلعوا من السودان زمااان..
- أيوه يا عم خضر..
- (وهو يعطينى الجريدة): طيب ديل منو؟
أمسكت منه الصحيفة لاقرأ الخبر التالى الذى أشار لى عليه والذى يقول:
شهدت اسواق العاصمة (فجأتن) خلال الاسبوعين الماضيين ارتفاعا حادا في اسعار (السكر التي وصلت الى «173» جنيهاً بالاسواق للجوال زنة «50» كيلو وهذا يعني وبعملية حسابية بسيطة ان سعر الطن في اسواق الخرطوم قد وصل إلى حوالي (3560) جنيهاً وهي وفقا لسعر الصرف الرسمي تعادل (1780) دولارا بينما سعر (نفس الطن) في الاسواق العالمية (680) دولارا.. وقد صرح السيد ( احمد النو) رئيس تجار القطاعي بولاية الخرطوم ان إرتفاع السكر متعمد من قبل (30) تاجراً يتحكمون فى السلعة!
ما أن إنتهيت من قراءة الخبر حتى بادرنى عم خضر:
- الناس ديل أكيد (يهود وما مسلمين) مافى زول سودانى بيعمل كده!!
عم خضر رجل طيب (من الزمن الجميل) ويبدو إنو (على نياتو) فهو لا يعتقد أن (30) شخصاً يمكن أن يبيعوا (لأكثر من أربعين مليون) سلعة بأكثر من (ضعف) سعرها فى السوق العالمى سلعة ليست ككل السلع فعدم تناولها يؤثر على الجسم ويفضى إلى الهزال ثم الموت فمعظم المواطنين من (الشعب الفضل) يعتمدون على (السكر) فى شراب كباية (شاى الصباح) للحصول على سعرات حرارية تمكنهم بالكاد من القدرة على (الحركة) حيث بات شاى الصباح مع (حتت رغيفة) يعتمد عليه الأطفال وحتى (الكبار) كوجبة يتناولونها بدل (الفطور) بعد أن أصبحت مسألة (الفطور) لا تتحملها ميزانية معظم الأسر (هى تتحمل شنو وإلا شنو)..
إن تحديد السيد (رئيس تجار القطاعي بولاية الخرطوم) لعدد التجار بأنهم (30 تاجر) يؤكد بأنهم (معروفين بالإسم) ولكن على الرغم من ذلك فالحكومة (عاملة أضان الحامل طرشة) و(ساده دى بى طينة ودى بى عجينة) وكأن الأمر لا يعنيها فى شئ وهذا والله لأمر عجاب لو حدث فى أكثر البلدان (كفراً وإلحادا) لنصبت لهم المشانق على قارعة الطريق ولشهد عذابهم (الغاشى والماشى) لكن يبدو أن الأمر (عادى بالزبادى) ويعنى أيه لمن الشعب تجيهو انيميا وإلا (تلات أرباعو) يموتوا ويفضل (التلت)؟ مش (لكل أجل كتاب)! وفيها أيه لما كل واحد فى التلاتين ديل يعمل ليهو كم مليون مليار فى كم يوم كده! بعدين إنتو ما تستعجلو ساااكت مش الحكومة ممكن تكون عاملة للناس ديل (كمين) وعاوزاهم بعد ما (يلمو القروش دى) تمسكهم (بالثابتة) وتصادرا منهم وتعمل ليكم بيها (مستشفيات) تعالجكم بيها بدل (المستشفيات) الما فيها شاش وقطن دى؟ أو تبنى بيها مدارس لى اولادكم بدل المدارس اللآيلة للسقوط دى أو تكون عاوزة تدخل بيها كهربت (سد مروى) الشبكة؟ أو تصلح بيها حال (الجامعات الفكة) أو تأهل بيها ليكم (مشروع الجزيرة) أو أى حاجة تنفعكم بيها.
أنا شخصياً متأكد تماماً ولا يساورنى أدنى شك بأن المسئولين عن الرعية (بايتين ليهم فوق رأى) ولا يمكن أبداً يكون السكوت بتاعهم ده ساااى وإنهم عارفين إنهم مسئولين عن (أرواح الناس دى) يوم لا ينفع مال ولا بنون وإنو البحصل ده لا يرضى الله ولا يرضى رسوله وإنهم (راصدين) تحركات الـ(30) تاجر ديل رصد تام وكووولها يومين تلاته وح يقدموهم لمحاكمة وح يستعيدو منهم القروش (المشت ماليزيا) و(يدللوا) ليهم الفلل الإشتروها فى (دبى) ويصادرو منهم (البضاعة) و(الكاش) الفى الخزن وترجع ليكم قروشكم الدفعتوها (فرق سعر) على دائر المليم بس إنتو أصبرو..!

imported_المليجي · 15-11-2009, 03:57 PM

حليل حلاوة دربسي والبلح اليابس كنا بنفتفتو عشان نسكر بيهو
يا حليلك يا لبن (ريقن )
يا منال مسعوله من الخير الرطل بي كم !!؟؟

imported_دارمالى · 15-11-2009, 06:56 PM

اقتباس:

المشاركة الأصلية كتبت بواسطة المليجي

حليل حلاوة دربسي والبلح اليابس كنا بنفتفتو عشان نسكر بيهو
يا حليلك يا لبن (ريقن )
يا منال مسعوله من الخير الرطل بي كم !!؟؟

ممكن اجاوب.... حسنا
بألفين ... قابله للزياده ...(ده فى اخر تلفون)
انا بتذكر تماما اول ما جوا ناس الانقاذ ديل كسرو كل الدكاكين
بتاعين الجمله والقطاعى ..طبعا عشان ينقذو الناس زمان .... واذكر جيدا ماحصل
فى سوق عطبره فى تلك الايام ....حيث تم النهب برعايتهم عينك عينك
ثم
ساد تجار وباد اخرون ...

المشكله انو نحن ناس طيبييييييييييييين ....(اطيب من القعونجه) كما يقول صديقى ...
.. اى حاجه بنباركا وبنقصر الشر
وكمان بننسى بصوره غريبه جدا جدا ياخى...

وبرضو تقول لى ثلاثين تاجر..

imported_منال · 15-11-2009, 07:39 PM

اقتباس:

المشاركة الأصلية كتبت بواسطة المليجي

حليل حلاوة دربسي والبلح اليابس كنا بنفتفتو عشان نسكر بيهو
يا حليلك يا لبن (ريقن )
يا منال مسعوله من الخير الرطل بي كم !!؟؟

المليجى سلامات

تعرف السكر فى مناطق بى 2 جنيه (الجنيه الماعندو قيمه و طعم - ده سنتر الخرطوم)
و كل ما تبعد كيلة بضيفو قرش
دمغة شنو
و ضريبه داك

المليجى اماتى جت عليهن قالن ياحليل راس السكر
زمن والله

وقالو تانى ماف رطل سكر
كيلو - من الموزاين البقت هيئه

الا النسعل كمان كنانه مالا الحصل شنو للمصنع ( قلبو منتجع)

بخططوا يبعوا بعد كم سنة ؟؟؟

ولا على ذمة لبنى حسين بقى ينتج ايثانول

وبكرة ترجع شنو ...
متروك الاجابه لفطنة القارئ
و ممنوع الشف

imported_منال · 15-11-2009, 08:14 PM

اقتباس:

المشاركة الأصلية كتبت بواسطة مجذوب عباس مجذوب

ممكن اجاوب.... حسنا
بألفين ... قابله للزياده ...(ده فى اخر تلفون)
انا بتذكر تماما اول ما جوا ناس الانقاذ ديل كسرو كل الدكاكين
بتاعين الجمله والقطاعى ..طبعا عشان ينقذو الناس زمان .... واذكر جيدا ماحصل
فى سوق عطبره فى تلك الايام ....حيث تم النهب برعايتهم عينك عينك
ثم
ساد تجار وباد اخرون ...

المشكله انو نحن ناس طيبييييييييييييين ....(اطيب من القعونجه) كما يقول صديقى ...
.. اى حاجه بنباركا وبنقصر الشر
وكمان بننسى بصوره غريبه جدا جدا ياخى...

وبرضو تقول لى ثلاثين تاجر..

مجذوب ازيك
يا مجذوب انت فى تاجر السكر و لا الطماطم النكلمك عاد - الطماطم عندو تاجر من شهر 7 الى اليوم الكيلو بى عشرة جنيه
شوف عينى مشيت السوق المحلى جنوب الخرطوم سالتو صفيحة الطماطم قالى 240 جنيه شهقت
اجابنى و البندورة بقت عندها سوق و تجار جملة و قطاعى وهى عصابه كبيرة
سجمى فى الطماطم البى تفجخ فى دقائق و يفطس سريع
اها زمن البكاسى البتجيب الخضار للاحياء وقفت
نمشى السوق - وجع قلب
كلو بخمسه جنيه و عشرة و عشرين ...الخ
خالتى قالت ليهو دايرة طماطم صلصة ... قرقر الخضرجى و رد اخير ليك تشترى علبة صلصة ب 4 جنيه تمسكك كم يوم؟؟
شفت المصيبه بقينا نشوف الطماطم و نمشى و نعاين ليهو حلم حلم
جارتنا قالت نشتريه من جمعه لى جمعه ده كلام (و يا حليل سرويس السلطه الكامل و الطماطم الحمرا منورة).

وبرضو تقول لى ثلاثين تاجر

يا مجذوب المؤسف تاجرنا فى اى شئ

ساد تجار وباد اخرون
ظهور الطفيلين الجدد

كميه من الشباب - خريجى جامعات الانقاذ بقوا سمسارة فى كلو - بديل للعطاله الما مقنعه

فى سوق الله أكبر

15-11-2009, 09:46 AM	#[1]
imported_منال Banned	ارتفاع السكر بعيون ساخر سبيل الفاتح جبرا ساخر سبيل بس أصبروا! سألنى عم (خضر) وهو يضع نظارته المقعرة جانباً وهو يمسك بالجريدة: - إنتا يا ولدى (اليهود) ديل مش طلعوا من السودان زمااان.. - أيوه يا عم خضر.. - (وهو يعطينى الجريدة): طيب ديل منو؟ أمسكت منه الصحيفة لاقرأ الخبر التالى الذى أشار لى عليه والذى يقول: شهدت اسواق العاصمة (فجأتن) خلال الاسبوعين الماضيين ارتفاعا حادا في اسعار (السكر التي وصلت الى «173» جنيهاً بالاسواق للجوال زنة «50» كيلو وهذا يعني وبعملية حسابية بسيطة ان سعر الطن في اسواق الخرطوم قد وصل إلى حوالي (3560) جنيهاً وهي وفقا لسعر الصرف الرسمي تعادل (1780) دولارا بينما سعر (نفس الطن) في الاسواق العالمية (680) دولارا.. وقد صرح السيد ( احمد النو) رئيس تجار القطاعي بولاية الخرطوم ان إرتفاع السكر متعمد من قبل (30) تاجراً يتحكمون فى السلعة! ما أن إنتهيت من قراءة الخبر حتى بادرنى عم خضر: - الناس ديل أكيد (يهود وما مسلمين) مافى زول سودانى بيعمل كده!! عم خضر رجل طيب (من الزمن الجميل) ويبدو إنو (على نياتو) فهو لا يعتقد أن (30) شخصاً يمكن أن يبيعوا (لأكثر من أربعين مليون) سلعة بأكثر من (ضعف) سعرها فى السوق العالمى سلعة ليست ككل السلع فعدم تناولها يؤثر على الجسم ويفضى إلى الهزال ثم الموت فمعظم المواطنين من (الشعب الفضل) يعتمدون على (السكر) فى شراب كباية (شاى الصباح) للحصول على سعرات حرارية تمكنهم بالكاد من القدرة على (الحركة) حيث بات شاى الصباح مع (حتت رغيفة) يعتمد عليه الأطفال وحتى (الكبار) كوجبة يتناولونها بدل (الفطور) بعد أن أصبحت مسألة (الفطور) لا تتحملها ميزانية معظم الأسر (هى تتحمل شنو وإلا شنو).. إن تحديد السيد (رئيس تجار القطاعي بولاية الخرطوم) لعدد التجار بأنهم (30 تاجر) يؤكد بأنهم (معروفين بالإسم) ولكن على الرغم من ذلك فالحكومة (عاملة أضان الحامل طرشة) و(ساده دى بى طينة ودى بى عجينة) وكأن الأمر لا يعنيها فى شئ وهذا والله لأمر عجاب لو حدث فى أكثر البلدان (كفراً وإلحادا) لنصبت لهم المشانق على قارعة الطريق ولشهد عذابهم (الغاشى والماشى) لكن يبدو أن الأمر (عادى بالزبادى) ويعنى أيه لمن الشعب تجيهو انيميا وإلا (تلات أرباعو) يموتوا ويفضل (التلت)؟ مش (لكل أجل كتاب)! وفيها أيه لما كل واحد فى التلاتين ديل يعمل ليهو كم مليون مليار فى كم يوم كده! بعدين إنتو ما تستعجلو ساااكت مش الحكومة ممكن تكون عاملة للناس ديل (كمين) وعاوزاهم بعد ما (يلمو القروش دى) تمسكهم (بالثابتة) وتصادرا منهم وتعمل ليكم بيها (مستشفيات) تعالجكم بيها بدل (المستشفيات) الما فيها شاش وقطن دى؟ أو تبنى بيها مدارس لى اولادكم بدل المدارس اللآيلة للسقوط دى أو تكون عاوزة تدخل بيها كهربت (سد مروى) الشبكة؟ أو تصلح بيها حال (الجامعات الفكة) أو تأهل بيها ليكم (مشروع الجزيرة) أو أى حاجة تنفعكم بيها. أنا شخصياً متأكد تماماً ولا يساورنى أدنى شك بأن المسئولين عن الرعية (بايتين ليهم فوق رأى) ولا يمكن أبداً يكون السكوت بتاعهم ده ساااى وإنهم عارفين إنهم مسئولين عن (أرواح الناس دى) يوم لا ينفع مال ولا بنون وإنو البحصل ده لا يرضى الله ولا يرضى رسوله وإنهم (راصدين) تحركات الـ(30) تاجر ديل رصد تام وكووولها يومين تلاته وح يقدموهم لمحاكمة وح يستعيدو منهم القروش (المشت ماليزيا) و(يدللوا) ليهم الفلل الإشتروها فى (دبى) ويصادرو منهم (البضاعة) و(الكاش) الفى الخزن وترجع ليكم قروشكم الدفعتوها (فرق سعر) على دائر المليم بس إنتو أصبرو..!
imported_منال Banned

15-11-2009, 03:57 PM	#[2]
imported_المليجي :: كــاتب نشــط::	حليل حلاوة دربسي والبلح اليابس كنا بنفتفتو عشان نسكر بيهو يا حليلك يا لبن (ريقن ) يا منال مسعوله من الخير الرطل بي كم !!؟؟
imported_المليجي :: كــاتب نشــط::	التوقيع: يـا واضـحة عـيونك خــشت دوني حـــــبال الـصـــــــدفة لمت كـــل مســـاحة الــكلمة وهبشت فيني الحتة النضفة (الهادي ابوبكر)