اقتباس:
المشاركة الأصلية كتبت بواسطة قرقاش
الغالى حسن فرح...
يعنى المطلوب نحنه بس نقعد كدى ... محمرين عيونا لى الحمره الاباها المهدى ..
وبعدين عشان لراجل اخد ليه جكه نقوم نحنه نحرد من كل حاجه حتى عشانا ..
ياعمنا.. .التجاره ماعندها لادين ولا وطن ... والشغلانه بزنس فى بزنس ...المهم فائدتنا وين ...هسه عليك النبى كان ادوك مليار شيكل هديه ...ح تقول ليهم مادايروا عشان دى قروش يهود ..ولا ح تحولها لى دولار ..وتفك على رقبتك ...
|
(((.المهم فائدتنا وين ))!!!!
والله ياخى انت زول طيب القلب-- ابدا سمعت ليك يهودى يعطى شيكل واحد هدية--انت ما قريت The merchant of Venice لشيخ الزبير---بعدين ياخى المصريين ديل اليهود زاتهم هربوا منهم-- انت ما سمعت بقصة عثمانا ايام هوجة وحدة وادى النيل-- الراجل كان متحمس وطلع فى مظاهرة فى القاهرة قاموا الجماعة رفعوهوا وراح يهتف-- مسر والسودان هتة واهدة-- لم نزلوهوا افتقد جزلانه-- نشلوهوا المسكين زى ما نشلونا فى تقسيم مياه النيل-- الوقعها طلعت فريد-- عثمانا مسكين التراب حشا خشمو وما لقى غير يكورك-- مسر والسودان ستين الف هتة--حسع جانا المتعافى وبالعربى كدا معناهو زول لم يبلغ بعد تمام العافية لكنى لا اظنه كعثمانا-- يمكن كاجى-- غايتو الله يتم له عافيتو-- انت بس تمعن كويس فى شروط الاتفاق وبجيك
