منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار ليس دفاعاً عن الخمر اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 1 من 10 1 2 > Last » أدوات الموضوع انواع عرض الموضوع 16-10-2010, 02:15 PM #[1] imported_حافظ حسين :: كــاتب نشــط:: ليس دفاعاً عن الخمر البوست دا اتفتح قبل كدا في موقع ما و مكان ما .... لكن داير افتحه هنا لسببين:- الأول: صديقي الذي في السعودية جاب ليهو عبار لكن كبوا ليهو في رأسه و كان ممكن يتجلد أربعين جلدة الثاني: في واحد من البنيات الصغار شافت ليها عبار قامت كشرت وشها و قالت دا شنو العفن دا يلا تابعوني و شوفوا كيف انا بدافع عن الخمر التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 02:17 PM #[2] imported_حافظ حسين :: كــاتب نشــط:: هنا التذكر سوف يكون جزء من العبط الذي لا لزوم له فيما يختص بقصة المريسة ...فأنا لا أتذكر أول مره رأيتها و لكن عندما صرت أميز بين الاشياء و أكون ذخيرتي اللغوية كان من بين تلكم الكلمات كلمة (مريسة)... المهم في النهاية وجدت نفسي أشرب المريسة كأي ممارسة حياتية يومية الي أن دخلت المدرسة و هنا تفشت لغة الحلال و الحرام , الجنة و النار , الاقرع الشجاع و كم و كم من التهديد و الوعيد ....عندها اختل تجانسي الداخلي مع المريسة للابد و حتي لا اتهم بعدم الموضوعية فسلامي الداخلي حتي تجاه أسرتي قد إختل.... و أصبحت بين شد التهديد الديني و جذب أن أكون ضمن مجموعة من افراد لم يختاروا طريقة تكوينهم .... مجموعة بها أب , أم , أشقاء و كلب تسمي أسرة .... عدة مرات حاولت الإقلاع عن المريسة لانها حسب معتقد مدير المدرسة تعتبر من ام الكبائر ..... و بمناسبة ام الكبائر فوالدي قد ترقي حتي صار امام المسجد بعد موت الامام القديم .... كدا واحد يجي ناطي لي هنا و يقول لي ما في ديمقراطية في اختيار أئمة المساجد ...بس منصب الحاج الجديد دا عندو تباعتوا يعني كل يومين ناطي لينا زول جديد في البيت ...زول خارج في سبيل الله و بدل ينوم في الجامع ابوي بقرر يجيبو معاهو البيت ....لكن تصدقوا حاجة ياخي الناس البخرجوا في سبيل الله ديل ناس بسيطين بساطة كدا مبالغة و صدقوني انا بشفق عليهم اكتر من اني بكرههم ... عمك الخارج دا ما عارف لقط من وين انا بسكر... المهم لفا الكلام و دورو خشي بحمد و طلع بخوجلي لحد ما جاني لي كلام مدير المدرسة الابتدائية القبل عشرين سنة عن الخمر و انها ام الكبائر .... و دار بيننا الحوار التالي: الخارج: انت عارف يا ولدي الخمر دي سموها ام الكبائر ليه؟ انا: حاولت ان افتح شهيته للحديث بفتح فمي دلالة البله و التعطش للمعرفة ببساطة لاني ما عندي لحظتها اي موضوع فقد كنت في عام العطالة الذي يلي الخدمة الالزامية ... فرديت ابداً يا حاج ليه سموها ام الكبائر؟ الخارج: اعتدل في جلسته و بدأ خطبة من النوع ابو لستك .... انت عارف يا ولدي في راجل صالح ... ربنا داير يمتحنوا ... الزول دا لاقا ليهو مره جميلة (يعني جكس من امو يا فرد) جداً , معاها طفلة و قزازة خمر. قامت المره قالت للرجل الصالح دا: اسمع يا تزني بي (دي يكتبوها كيف بالدارجي)...او تقتل هذه الطفلة , و اما تشرب الخمر ....المهم عمك الصالح دا حمر دنقر... ضرب اخماس في اسداس و لقي ان ابسط حاجة ممكن يرتكبها هي شرب الخمر ... شرب ليك الخمر دا ... اول حاجة عملها قام ليك علي المره ...تانياً كتل الطفلة ... يعني عمل التلاتة جرائم .... التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 02:18 PM #[3] imported_حافظ حسين :: كــاتب نشــط:: ضحكت بكل ما تسعفني حبالي الصوتية , و رديت علي هذا الخارج مطمئناً : والله يا حاج انا الليله عندي خميس و داير اشرب لكن ما تخاف ما بجي ببيت في البيت نرجع لمدير المدرسة.... مدير المدرسة كان يدرسنا كل المواد في السنة الاولي و اجتهد اكثر في مادة التربية الاسلامية و خاصة ان له معتقد باننا خراف ضالة ....و لم تمر حصة تربية اسلامية الا و كان بها جزء عن الخمر و عقوبتها و لتقريب الفهم لاذهاننا كانت الخمر عنده تعني المريسة ليس اكثر .... هذه المدرسة اول ما اصابتني به داء الانفصام و الذي قد اكون اعاني منه حتي الان......مدير المدرسة شكل نواة الكراهية الاولي لدينا (فالمرء علي دين مديره). يجب علي ان اختار ام الجنة أو المريسة و لكن في النهاية اخترت الاثنين ... اشرب المريسة كوجبة متوسطة يعني بين الفطور و الغداء ... اصلي الظهر و ادعو الله حسب مخزوني اللغوي في ذاكم الحين ... ادعو الله ان يكفيني شر الاقرع الشجاع انا شارب الخمر و امي صانعتها و اكتفي بذاكم الشخصين ... لان حسب محدودية ذهني في ذلك الزمن يجب ان لا ارهق الله بكثرة الدعوات.... استمريت في هذه الحالة لمدة من الزمن الا ان كانت قوانين الشريعة الاسلامية و هاك يا رجم. المريسة تصنع في القرية بشكل دائم و ليس الغرض منها التجارة او السكر و لكنها كمادة غذائية ... وفي بيوت بتعمل مريسة بغرض تجاري في القرية زي ما في ستات كتارفي السودان ببيعوا الكسرة و الشاي يعني الموضوع علي الاطلاق ما فيهو اي مشكلة الا مشكلة الاسلام الجديد دا ... و بعدين وقت كنا اطفال يعني في مريسة خاصة بتكون للاطفال و هي ما النوع التقيل داك و ما بتتشرب يومي ... يعني الموضوع social .... المهم بجي بعد شوية و بحكي عن طريقة الصناعة لكن اقول ليكم حاجة....... طريقة الصناعة دي طويلة و ممكن تكون مملة للقاري لكن اي واحد/ة داير يعرف بس يرسل لي اميلو و انا بعمل ليهو اتاش لطريقة الصنع..... فتكم بعافية و بجي صادي اواصل لو طلع الموضوع سالك و ما بيتنافي مع القيم السودانية او يخدش الحياء السوداني !!!!!!! التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 02:32 PM #[4] imported_عباس الشريف Banned اقتباس: المشاركة الأصلية كتبت بواسطة حافظ حسين البوست دا اتفتح قبل كدا في موقع ما و مكان ما .... لكن داير افتحه هنا لسببين:- الأول: صديقي الذي في السعودية جاب ليهو عبار لكن كبوا ليهو في رأسه و كان ممكن يتجلد أربعين جلدة الثاني: في واحد من البنيات الصغار شافت ليها عبار قامت كشرت وشها و قالت دا شنو العفن دا يلا تابعوني و شوفوا كيف انا بدافع عن الخمر 'طارق حظك متابعين يا الحبيب واصل بدون فواصل imported_عباس الشريف مشاهدة ملفه الشخصي البحث عن المشاركات التي كتبها imported_عباس الشريف 16-10-2010, 02:41 PM #[5] imported_حافظ حسين :: كــاتب نشــط:: اقتباس: المشاركة الأصلية كتبت بواسطة عباس الشريف اقتباس: المشاركة الأصلية كتبت بواسطة حافظ حسين البوست دا اتفتح قبل كدا في موقع ما و مكان ما .... لكن داير افتحه هنا لسببين:- الأول: صديقي الذي في السعودية جاب ليهو عبار لكن كبوا ليهو في رأسه و كان ممكن يتجلد أربعين جلدة الثاني: في واحد من البنيات الصغار شافت ليها عبار قامت كشرت وشها و قالت دا شنو العفن دا يلا تابعوني و شوفوا كيف انا بدافع عن الخمر 'طارق حظك متابعين يا الحبيب واصل بدون فواصل عباس الشريف انت مالك داير ترمي فينا طرف السماء ..... هسي في زول جاب سيرة طارق و بعدين السعودية دي عندي فيها أصحاب كتاااااااااااااااااااار عندي حيدر الزين, الكانديك , عكود ذاتو مش في السعودية ... ديل كلهم فاطيهم و قاصد طارق ... علي فكرة دا عنف غير مبرر تجاه زميل البورد طارق الحسن و لله درك يا طارق عباس تسلم و حأواصل بس خليك قريب و لو إنت في الجحيم دي معزوم عندنا شوية شويتين التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 02:47 PM #[6] imported_حافظ حسين :: كــاتب نشــط:: الكشة اللئيمة اليوم كان اثنين , سنة 1984, وقتها كنت في سنة رابعة ابتدائي و لسخرية القدر كانت هنالك تسميع لقصيده حتي الان لم انسها .... يعني حصة التسميع كانت اخر حصة بعدها مفروض نمشي البيت للفطور و سخرية القدر كانت القصيده دعوة صريحة للعلمانية في ظل قوانين الشريعة (سبتمبر),,,,, علي ما اعتقد ان ناس نميري الوقت داك لسا ما لحقوا ينقحوا المنهج عشان يتماشي مع توجه الدولة الاسلامي .... فالقصيده حتي الان اتذكر منها ابيات مثل: نبني بالإتلاف بلادنا الحبيبة لا نعرف الخلاف في الجنس و العقيده فالدين لله و المجد للوطن لحد هسي ما عارف اني كنت حافظ القصيده دي ليه.... احكي ليكم قصتنا مع قوانين الشريعة .... النميري فجأة صحا من النوم و قال لابد من شريعة تقطع يد السارق و تجلد شارب الخمر..... و الخمر حسب العرف المايوي هي خمر ما فرق لو كان مصنوعة في رورو او شيكاغو المهم خمر و يجلد شاربها 40 جلدة اذا ما عمل ازعاج عام و الا 80 جلدة.... بعد حصة التسميع مشينا البيت للفطور ... لكن عينك ما تشوف الا النور .... جردل مجدوع وين .... زير الموية مكسور و لموية مالية الراكوبة....حبوبة التي لم تعد تخرج من قطيتها لقيناها قاعدة في الشجرة برا و عيونا مليانة دموع .... كل الموجود في البيت الكلب و حبوبة لا احد غيرهم ... و قبل ان نستوعب دهشتنا .... دخلت خالتي حمره .... خالتي حمرة أمرأة ريفية لا تشبه سوي السرة بت عوض الكريم في احدي قصايد حميد .... دخلت تلكم الخاله و ابتدرت الحديث: حمره: ناس امكم ديل الليله ساقوهم ناس الكشة .... لكن هسي بفيكوهم بجوا... يتبع التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 02:50 PM #[7] imported_الجيلى أحمد :: كــاتب نشــط:: نعم ياصديقى الجميل, ثم أن بوستك هذا كان سبب بداية المعرفة والصداقة بيننا.. من أجمل ماطالعت لك .. لن أمل مطالعته مجددآ ومجددآ ومابجيك ويدى فاضية.. دا (عدلى) معاكم الليلة [sor2]http://www.sudanorg.tk/upload/uploads/LA BIRrrRA.jpg[/sor2] التوقيع: How long shall they kill our prophets While we stand aside and look Some say it's just apart of it We have got to fill full the book Won't you help to sing- these songs of freedom Cause all I ever have Redemption songs imported_الجيلى أحمد مشاهدة ملفه الشخصي إرسال رسالة خاصة إلى imported_الجيلى أحمد البحث عن المشاركات التي كتبها imported_الجيلى أحمد 16-10-2010, 02:57 PM #[8] imported_حافظ حسين :: كــاتب نشــط:: يا الجيلي يا صديق بالله ما تستفزونا و نحن ساكنين في مشارق الأرض.... عدل بيرة يا الجيلي ؟ يا خي ما بالغت معانا .............. يلا واصل معاي موضوع الكشة ----------------------------------------- هنا انفجرت شقيقتي بالبكاء ... اختي الكبيرة كانت في سنة سادسة و انا رابعة و يليني اخي الصغير في سنة اولي .... اختي كانت تبكي بينما نحن نبحث عن اجابات لسبب بكائها عند خالتي حمره.... اختي بصوتها المخنوق بالبكاء سألت خالتي حمرة عن سبب الكشة قائلة:.... خالتي حمرة امي كشوها ليها؟ خالتي حمرة: و الله يا بتي قالوا عشان المريسة .... والله اخر الزمن و الما مات يا بتي بشوف اكثر من كدا.... قادتنا خالتي حمره للفطور في بيتها ورجعنا الي المدرسة انا و شقيقي الصغير و كان علي اختي ان تتغيب عن حضور حصص ما بعد الفطور حتي تقوم بدور الام الذي هبط عليها من السماء.... الحال كلو من بعض يعني كان في كمية من ابناء و بنات المكشوشات و حتي الما كشوا امو تكون خالتو و الما خالتو علي اقل تقدير مرة الجيران .... بتواطوء غير معلن لم نخض في تفاصيل الكشة و لكن النار اندلعت قبلنا في المدرسة .... المدرسة كانت تخدم عدد من القري و نسمي تلكم القري قري العرب في حالة قل الود بيننا و ابناء تلكم القري عندما لم يكونوا علي ما يرام يطلقون علي قريتنا حلة العبود ... دا شكلوا اسم الدلع لعبيد .... لكن ما علينا رجعنا بعد الفطور و كان الهمس من الكل الا ابناء قريتنا .... بعد انتهاء اليوم الدراسي الكل متوقع ان هنالك حرابة في طريقها الي الانفجار و فجأة بدون سابق انذار او اتفاق اخذ عدد من ابناء القري الاخري بتعيرنا بالمريسة وبعدها تحول التعيير الي هتاف جماعي: 40 جلدة و ..... بالليل ,,,, النقاط دي ابذأ كلام ممكن الواحد يسمعوا و تسمعه انه سيحدث لامك ... المهم 40 جلدة معروفة و النقاط كانت تعني اغتصاب المكشوشات من قبل العساكر .... يا الله .... ما هي الا لحظات و استخدمت كل الاسلحة بدأ باقلام الرصاص المسنونة بعناية لذلك الغرض .... مرورأ بالطوب و انتهاء بالبراجل و البراجل دي كانت عند ناس سنة خامسة و سادسة بس لانهم عندهم علب هندسة... في النهاية تم تقييم الخسائر من الطرفين في تلكم الحرب و انتهي الامر بطابور عوقبت فيه كل المدرسة.... يتبع ايها الجيلي الجميل التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 02:59 PM #[9] imported_حافظ حسين :: كــاتب نشــط:: في ذاكم اليوم لم تأتي امي و لكن خالتي تزورنا في رأس كل ساعة الي ان اتي ابي من الخلا ... اختي الكبيرة خشت ليك في دور الام ... يعني زامة ليك خشمها بحسم ... كنست الحوش, امرتنا بالاستحمام , و خلاص بعد دا ما في واحد يطلع لانو الوطا مغربت .... المهم اختي خشت الدور بطريقة صح.... بعد المغرب ذهب ابي الي اجتماع يضم كل رجال الحلة و علي ما اعتقد كان لمناقشة امر الكشه ... يوقفوها كيف ؟ كيف يحموا نسائهم؟ و لكن الاجتماع تمخض عن اشياء مصيرية بجيها راجع.... في تلكم الليله تبولت في السرير لاول مره من زمن زمين و بعد الظهر عادت امي و كل نساء القرية المكشوشات... عدنا حزينات منكسرات .... التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 03:06 PM #[10] imported_عباس الشريف Banned اقتباس: المشاركة الأصلية كتبت بواسطة الجيلى أحمد نعم ياصديقى الجميل, ثم أن بوستك هذا كان سبب بداية المعرفة والصداقة بيننا.. من أجمل ماطالعت لك .. لن أمل مطالعته مجددآ ومجددآ ومابجيك ويدى فاضية.. دا (عدلى) معاكم الليلة [sor2]http://www.sudanorg.tk/upload/uploads/LA BIRrrRA.jpg[/sor2] بتاعتك دي يا الجيلي طارق اتمضمض بيها حلقو ما تصلوا خلي راسو ........ واصل يا حافظ imported_عباس الشريف مشاهدة ملفه الشخصي البحث عن المشاركات التي كتبها imported_عباس الشريف 16-10-2010, 03:09 PM #[11] imported_الجيلى أحمد :: كــاتب نشــط:: ركس وحافظ دى البيرة أم جمل البغنو ليها البيرة أم جمل والشراب سكوب كب ياعلى بى كبابى الشب متابعين صعود هذا السلفى الصالح الى سماء الكلمة والجمال البوست دا عندنا فيهو كترة كلام ... الله يطراك بالخير ياشليل بالجد الواحد فاقدك, يااخى جهجهة المواقع دى مابنقدر عليها التوقيع: How long shall they kill our prophets While we stand aside and look Some say it's just apart of it We have got to fill full the book Won't you help to sing- these songs of freedom Cause all I ever have Redemption songs imported_الجيلى أحمد مشاهدة ملفه الشخصي إرسال رسالة خاصة إلى imported_الجيلى أحمد البحث عن المشاركات التي كتبها imported_الجيلى أحمد 16-10-2010, 03:14 PM #[12] imported_حافظ حسين :: كــاتب نشــط:: اقتباس: المشاركة الأصلية كتبت بواسطة الجيلى أحمد ركس وحافظ دى البيرة أم جمل البغنو ليها البيرة أم جمل والشراب سكوب كب ياعلى بى كبابى الشب متابعين صعود هذا السلفى الصالح الى سماء الكلمة والجمال البوست دا عندنا فيهو كترة كلام ... الله يطراك بالخير ياشليل بالجد الواحد فاقدك, يااخى جهجهة المواقع دى مابنقدر عليها يا الجيلي لالوب بلدنا و لا تمر الناس و عليك النبي عيب لي ابو حمار دا .....و بعدين ديلاك غنوا للبيره أم جمل لكن بناتنا كمحليات غنن للعرقي قائلات: طلعنا فوق في الجبل و سكرنا أخر سكر و سكر أخر سكر و يا نميري حكمك فشل جايكم يا الجيلي و عباس التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 03:15 PM #[13] imported_حافظ حسين :: كــاتب نشــط:: قعدات التضامن امي كانت اكثر انكساراً من ان تجيب علي اي من اسئلتنا و استفساراتنا و لذا لذنا بالصمت احتراماً لحزنها ... لذنا بالصمت و لكن بمخليتنا نحن الثلاثة اختي الكبيرة, و انا و شقيقي الاصغر ... كل تدور بمخليته اسئلة علي شاكلة: هل تم جلد امي 40 جلدة؟ ماذا عن الاغتصاب؟ و يا تري ما هو شكل العسكري الذي قام بهذا الفعل الحماري؟ هل هو واحد ام مجموعة ؟ وما هو رد فعل امي؟ كل تلكم الاسئلة وجدت لها بعض الاجابات قي قعدات التضامن... مجموعة من نساء القرية من غير المكشوشات ياتين لحمدالله السلامة و هن محملات بسكر و بن و جردل بلاستيك معروف المحتوي و اكثر محملات شوقاً لرواية احداث الكشه و ماذا حدث هنالك ... في تلكم القعدات التضامنية وجدت ضالتي فانا متلصص جيد لاخبار الكبار.... سمعت قصة الكشة عشرات المرات و في كل مره تضاف عبارات جديدة او تحذف اخري ... احياناً يتغير ترتيب الاحداث و الاشخاص المهم الكشة تروي بعشرة روايات و لكن كلها صحيحة.... التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي imported_حافظ حسين مشاهدة ملفه الشخصي إرسال رسالة خاصة إلى imported_حافظ حسين البحث عن المشاركات التي كتبها imported_حافظ حسين 16-10-2010, 03:22 PM #[14] imported_الجيلى أحمد :: كــاتب نشــط:: كتابة دقيقة, ملتصقة بعصب الحياة ونبض الأشياء.. كتابة حية , تسعى وتمشى على أرجل وتتنفس.. التوقيع: How long shall they kill our prophets While we stand aside and look Some say it's just apart of it We have got to fill full the book Won't you help to sing- these songs of freedom Cause all I ever have Redemption songs imported_الجيلى أحمد مشاهدة ملفه الشخصي إرسال رسالة خاصة إلى imported_الجيلى أحمد البحث عن المشاركات التي كتبها imported_الجيلى أحمد 16-10-2010, 03:24 PM #[15] imported_مبر محمود :: كــاتب نشــط:: اقتباس: اقتباس: المشاركة الأصلية كتبت بواسطة الجيلى أحمد البيرة أم جمل والشراب سكوب كب ياعلى بى كبابى الشب اقتباس: اقتباس: اقتباس: المشاركة الأصلية كتبت بواسطة حافظ حسين طلعنا فوق في الجبل و سكرنا أخر سكر و سكر أخر سكر و يا نميري حكمك فشل تحياتي يا الجيلي وحافظ في إنتخابات الديمقراطية الأولى كان هنالك نشيد شهير لجماهير الحزب الوطني الإتحادي .. يقول : بالجنيه ما بننكري نشربها بيرة وشري وندي صوتنا للإمام الأزهري imported_مبر محمود مشاهدة ملفه الشخصي إرسال رسالة خاصة إلى imported_مبر محمود البحث عن المشاركات التي كتبها imported_مبر محمود صفحة 1 من 10 1 2 > Last » تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 11:11 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
