Yanni لامسيــــــة مجنــــــونة

[imported_سمراء]

http://www.youtube.com/watch?v=RvJH_POzxmc

كم احب هذا الـYanni
اهديه لمن يعشقون الموسيقى على سذجيتها وعنفوانها

[imported_سمراء]

تعريف لهذا الرائع : Yanni


اني كريسماليس والمشتهر باسمه ياني (بالإنجليزية: Yanni Chrysomallis، ولد في 14 نوفمبر 1954 م) مؤلف موسيقي أمريكي من أصل يوناني. ولد في مدينة كالاماتا في اليونان على سواحل البحر المتوسط وهو الولد الأوسط لوالديه.

بدأ بالعزف على آلة البيانو وهو في الثامنة من العمر رافضا أخذ أي دروس في العزف. لم تكن الموسيقى موهبته فقط، ففي عام 1969 م وهو في الرابعة عشر من العمر حطم ياني الرقم القياسي اليوناني لسباق 50 متر في السباحة الحرة للرجال.

في عام 1972 م، وبتشجيع من والديه ترك موطنه ليلتحق بجامعة مينوسوتا في الولايات المتحدة الأمريكية ليدرس علم النفس، وخلال فترة الدراسة قام بمشاركة فرقة روك بالعزف تدعى كاميلون وبدأ بتطوير أسلوبه الموسيقي الخاص مستخدما البيانو والأورغ ليبتكر أصوات جديدة.

تخرج ياني من الجامعة عام 1979 م، وبعد التخرج قرر أن يمنح الموسيقى كل وقته وجهده لعام كامل. أراد أن يقصد الحياة في الموسيقى، وعلى الرغم من أنه لا يقرأ النوتة الموسيقية فقد ألف أعمالا كاملة متحديا، ويتحدى التصنيف الموسيقي.

في عام 1980 م أصدر ألبومه المنفرد الأول بعنوان «متفائل» (Optimystique). ثم عمل ياني مع هوليوود وأنجز عدة أعمال موسيقية لبعض الأفلام. وفي عام 1990 م رافقت فرقة دالاس السيمفونية ياني بحفلة موسيقية أعطت بعدا آخر إلى أسلوبه الفريد وكانت مقدمة لأشياء جديدة. في عام 1994 م أحرز ياني انتصارا ذاتيا عندما عاد إلى موطنه اليونان و سجل عمل موسيقي في مسرح هيرود أتيكوس في أثينا الذي يعود إلى الألف الثانية قبل الميلاد والنتيجة كانت ألبومه «حي من الأكروبوليس» الذي بيع منه أكثر من 7000,000 نسخة حول العالم وحصد أكثر من 35 جائزة وارتفع ليصبح واحد من أكثر المبيعات للأعمال الموسيقية المصورة.

(منقول)

[imported_همس الشوق]

مجنونه زيك

لكن اقول ليك تعرفي دي عايزه ليها زول يقفل الغرفه عليهو ويفتح المسجل بأعلى صوت ويرقص براهو لمن يعرق ههههههههههههههههههه

ياخ فعلا موسيقى مجنونه

[imported_أسعد]

ياني شنو؟!








-------------
أتصلي علي ميما اللئيمة
وقولي ليها مطلوب حضورك في هذا البوست

[imported_سمراء]

المشاركة الأصلية كتبت بواسطة همس الشوق

مجنونه زيك

لكن اقول ليك تعرفي دي عايزه ليها زول يقفل الغرفه عليهو ويفتح المسجل بأعلى صوت ويرقص براهو لمن يعرق ههههههههههههههههههه

ياخ فعلا موسيقى مجنونه

بالزبط ده الانا بسوى فيهو اسع !
هموس ياغاليه عارفه لمن اتضايق شديد وتغلبنى الحيلة فى الدنيا ، بقفل اول شى غرفتى على ، واشغل ليك الموسيقى باعلى صوت وابداء فى التحلييييييييق ..
ياسلاااااااااااااااام ياخ الموسيقى دى من انجع العلاجات ...
بتريحنى شديد
وبالذات هذا اليانى ...بالجد مممتع حد الدهشة
يلا ...نحلق سواء

[imported_بله محمد الفاضل]

مدهش هو ياني ومن يشاركونه
رفع هذه الأنخاب الدسمة
عالية إلى حيث تحلق الأرواح



سمراء
سلاااااااااااااام

[imported_سمراء]

المشاركة الأصلية كتبت بواسطة وجدي الأسعد الأسعد

ياني شنو؟!

-------------
أتصلي علي ميما اللئيمة
وقولي ليها مطلوب حضورك في هذا البوست

اووووووووو سيدا ..
والله ياوجدى اول ماكتبته يانى ...طوالى اتزكرتك
عليك الله شفتة الدليب ده جضمو كيف

طبعا انت زول موسوعه فى الزول ده ..عشان كده الاغنية الجاية دى خليته ليك
جيب لينا حاجه من الكرشة ولى جوة

ميما ياخ انا مشتاقه ليها شديد والله
تلفونه ذاغ منى كالعادة

[imported_همس الشوق]

المشاركة الأصلية كتبت بواسطة سمراء

بالزبط ده الانا بسوى فيهو اسع !
هموس ياغاليه عارفه لمن اتضايق شديد وتغلبنى الحيلة فى الدنيا ، بقفل اول شى غرفتى على ، واشغل ليك الموسيقى باعلى صوت وابداء فى التحلييييييييق ..
ياسلاااااااااااااااام ياخ الموسيقى دى من انجع العلاجات ...
بتريحنى شديد
وبالذات هذا اليانى ...بالجد مممتع حد الدهشة
يلا ...نحلق سواء

تصدقي انا عندي نفس الخصله الجميله دي

اضربي الهم بالفرح

بجد الموسيقى غذاء القلوب
مريحه للاعصاب
وكمان اقول ليك

لو حسيتي انك تعبانه جسديا

بس اديها واحد رقصه
بتلقى جسمك كله اتفكفك
ههههههههههههههههه

[imported_همس الشوق]

وجدي وسمراء

ميما دي منو ؟؟؟؟؟

[imported_سمراء]

المشاركة الأصلية كتبت بواسطة بله محمد الفاضل

مدهش هو ياني ومن يشاركونه
رفع هذه الأنخاب الدسمة
عالية إلى حيث تحلق الأرواح



سمراء
سلاااااااااااااام

بله الغائب !!
تحيات كتاااااار وانت داخل صالتى المنورة بالمجنون ده
ندعوك للتحليق فى سماوات الدوزنة والايقاع

بس عليك الله غمض وانت بتسمع
غمض ياخ !
شايفااااك فتحته

[imported_سمراء]

المشاركة الأصلية كتبت بواسطة همس الشوق

تصدقي انا عندي نفس الخصله الجميله دي
اضربي الهم بالفرح
بجد الموسيقى غذاء القلوب
مريحه للاعصاب
وكمان اقول ليك
لو حسيتي انك تعبانه جسديا
بس اديها واحد رقصه
بتلقى جسمك كله اتفكفك
ههههههههههههههههه

يا الله ياهمس !! ماتتخيلى بتريحنى قدر شنو ؟
اى مشكلة عندى بقوم المها واختها على جنب ، لحد ما اتسلطن بيها
واجى احلها ليك بروااااااقه ..
بعدين ليه نحن لمن نكون حزنانين مابنسمع موسيقى !!
مع انو يفترض تسمعه عشان تطلع من الجو الانت فيهو ؟
فهمنا غررررررريب نحنا للحياة

[imported_أسعد]

وأنا أقول البت دي بقت ما بتتصل علي زي زمان لييييه؟!
اتاريك ودرتي تلفوني برضو
أهو يلا كالعادة دائما باللقا احبابه وبسجم أصحابه

أها شوفتي ياني دا عندو المقطوعة بتاعة (الخلاص) DELIVERANCE
في المقطوعة دي ياني قال لي جدو (افلاطون) أسكت وأخص وأوعك تتكلم عن الموسيقى تاني
[youtube]http://www.youtube.com/watch?v=hYRJPYO_k44[/youtube]

[imported_بله محمد الفاضل]

اقتباس:
المشاركة الأصلية كتبت بواسطة سمراء
بله الغائب !!
تحيات كتاااااار وانت داخل صالتى المنورة بالمجنون ده
ندعوك للتحليق فى سماوات الدوزنة والايقاع

بس عليك الله غمض وانت بتسمع
غمض ياخ !
شايفااااك فتحته



حليلك والله
تصدقي سماعات بح
بس دا على ما سمعته من قبل

وبعد دا
والله مغمض
شنو ليك

[imported_سمراء]

المشاركة الأصلية كتبت بواسطة همس الشوق

وجدي وسمراء

ميما دي منو ؟؟؟؟؟

يابت دكتورة ميما الانيقة مابتعرفيها !!
عضوة معانا هنا وزولة كتاااااااااااااااابة ..

اها اسمعى دى ياهمس ....شوفى الجن على اصولة

http://www.youtube.com/watch?v=ACWdB...eature=related

[imported_أسعد]

كدي شوفي تجسيد خلاص الروح من سجن الجسد
غايتو دا فهمي عن المقطع الديلفيرنس دا
بوصف ليك خلاص الروح (السامية) من سجن الجسد (المادي)
ويبدأ أول حاجة بدخلة تحريضية للروح عشان تحارب اغلال الجسد
وبعد شوية يبدأ يطلق أبواق الحرب كبداية صراع بين الروح والجسد
وتجيك البت المجنونة ام صوت ملائكي دااااااااااك
وكأنها بتنادي في الروح (تعالي راجعة لموطنك أطلعي لينا فوق ، أنتي مكانك معانا هنا)
وهكذا يعني