لكل أعضاء سودانيات مع التحية والاحترام

[imported_حسن جيفارا]

السلام عليكم ورحمة الله

لازماً على ان اتقدم بالاسف لم لحقكم من اساءات عبر

حسابى

عملية جبانة لايفعلها سوى ضعاف النفوس

قام الهكر باختراق حسابى فى كل من:

-منتدى سودانيات
-منبر السودان الجديد
-منتدى عازة
- الايميل

قام بالاساءاة لكل من هذه المنتديات وارسال رسائل للاصدقاء على الايميل

ولازماً على :

ان اقم بشكر كل من وقف بجانبى قبل وبعد ايقاف حسابى حتى رجوع حسابى:
- حافظ حسين
- سمراء
-نبراس
-الاستاذ/ طارق كانديك
-ناصر يوسف
-بدور التركى
العم فتحى مسعد
الذى كان الى جانبى فى محنتى الاسفيرية مع اعضاء احترمتهم ومازلت احترمهم
قمت بالاعتزار الى اعضاء سودانيات فى امسية المنتدى ولكن الاعتزار على صفحات المنتدى قد ات متاخراً لظروف محددة
ارجع باسوردى مع وفاة المرحوم/خالد الحاج
وعلى ان اقوم بتعزيتكم جميعاً وخالد الحاج خالداً فينا

[imported_حسن جيفارا]

ودخولى الثانى للمنتدى بعد حادثة اغتصاب صفية اسحاق الحادثة التى ابكت الضمير السودانى وجعلتنى انعل حال الوطن

[الرشيد اسماعيل محمود]

يا جيفارا ياخي سيب التحسس والحسسان..
كل الناس دي فاهمة انو ده هكر وكدة..
انا ما كنت حاضر موقعة ذات التضامن ديك..
بس عرفت انو الهكر طلع ناس سودانيات كلهم متضامنين..
غايتو دة هكر قليل ادب شديد..
يازول حمدالله علي السلامة..

[imported_طارق صديق كانديك]

الأخ حسن جيفارا

مساك الله بالمحبة

الجميع في وقتها أدرك أن ذاك هكر لم يرعوى .. فلا تبتئس .. !!

ولم يفعل الجميع سوى الواجب

بعدين مالك مأستذنا ياخي ماترصنا زي أخوانا واخواتنا ديل

لك التحية والمودة

[عكــود]

ألف مرحب بيك يا حسن
ومثلك لا تطاله الشكوك

و ليس هناك لبساً تزيله.

[imported_سمراء]

ولا يهمك واثقين منك ..

يلا قوم لف وجيب لينا من جوة
وبطل حركات المحثثة المابتشبهك دى !


____________________
قلت لى اعضاء سودانيات مالهم
الله يرحمك ياخال والله علق تعليق مابنساهو كلوكلو

[imported_طارق الحسن محمد]

ابوعلى سلام
ياخى خش ساكت
وانسى التافه
مشتاقون
ووجودك مهم
وجبكسينك دائرنه هنا
اليومين ديل

[imported_نبراس السيد الدمرداش]

جيفارا عود احمد

كلنا عرفنا انو دا هكر
و ماك محتاج اعتذار
بس محتاجنك تكون حضور دائم

[imported_نبيل عبد الرحيم]

الأخ حسن جيفارا
مرحب بعودتك

[ناصر يوسف]

أسمع

قلت ليك يا جيفارا

ما تنسي لي معاك الزردية

آآآآآآآآآآآ ؟؟؟

كويس ؟؟

وينك يا حافظ حسين تجي وتشوف المسيخيت ده جانا ناطي بعد زمن


حسن ...


حبابك تب مرة تانية في بيتك

[imported_همس الشوق]

غايتو رغم اني انا ما ناقشه اي حاجه
وما من الناس الهبشني هكرك ... بي دستورو

لكن بقول ليك ولا يهمك واثقين منك

وخليك حريص

[بابكر مخير]

اقتباس:
المشاركة الأصلية كتبت بواسطة همس الشوق

غايتو رغم اني انا ما ناقشه اي حاجه

وما من الناس الهبشني هكرك ... بي دستورو

لكن بقول ليك ولا يهمك واثقين منك

وخليك حريص

غايتهو يا جيفارآ
مااااااااااااا عملتا فيني خير
غثبن عليا خليتني أوافق "هموسة"


هوي يا
أمش أقولها تجيني "ديك" ناطة..
المهم مرة دي بث عشان خاطر الحبيب أبو علي "حسن"
وما تفتكري الدرب سلك