اقتباس:
المشاركة الأصلية كتبت بواسطة الزوول
...
...
أول ضحايا الانقاذ
|
يسعد صباحاتك
صحي و الله والمتضررين اطفال السودان الاتحرموا من انهم يشوفوا الحيوانات على الطبيعه و لغاية فتره قريبه جيرانا المصريين كانوا مفتكرين السودانيين عائشين في غابه مفتوحه والحيوانات حوالينا اليفها ووحوشها و عادي كانوا بيطلبوا مننا نجيب ليهم جنا فيل مثلا.
المفروض الحيوانات الانقرضت على يد المدمرين ديل كانت تتحول للغابه وتبقى محميه طبيعيه لكن هم اتخلعوا بقروش البترول الما دامت ليهم وقضوا على الاخضر واليابس وحولوا الخرطوم لغابه اسمنتيه والناس فرحانه بالابراج العاليه والواجهات الالمونيميه المعشقه بالقزاز المظلل وما عارفين انو الدول المتقدمه بتمنع قطع الاشجار عشان ما يحصل خلل بيئي بس الفهم قسم, ربنا ينعم علينا بخريف الثورات لو فاتنا ربيعها.
مودتي وتحياتي من قاهرة ميدان التحرير (المعز سابقا)
