مطارات الوداع ضجت قدام وراك وسماك غناي ... محمد إبراهيم نقد إلي إنجلترا مستشفياً !

[imported_خضر حسين خليل]

بالسلامة
بالسلامة
بالسلامة
سافر
يجيبك لينا راجع
تصل يا قمرنا

[imported_خضر حسين خليل]

الأصدقاء الأعزاء الأوفياء

تضامنكم المعنوي والمادي السخي كان له عظيم الأثر في نفوسنا ولقد كنتم الدليل والمرشد العملي لنا في علاج صديقكم وزميلكم الأستاذ نقد والذي عاش حياته بكم ولكمرمساهماتكم القيمة ألهمتنا الأحساس بالأمان والطمأنينة وكانت بمثابة طوق النجاة في الشدائد .
وجودكم اللصيق وأهتمامكم الصادق بصحة الأستاذ يمنحنا الأمل في شفائه لمواصلة المسيرة .
دمتم ودام الود بيننا
ولكم الشكر والتقدير
أسرة الأستاذ/ نقد
عنهم فائزة أبراهيم نقد



ــــــــــــــ

يا وطن عز الشدائد

[imported_خضر حسين خليل]

غادرنا ود (ملين) غادرنا الأستاذ نقد السكرتير العام للحزب الشيوعى صباح اليوم ـ غادر الرجل الخرطوم وفي قلبه كثير أشياء ومهام وتكاليف تترجي إسهاماته ـ في إنتظار حضوره باسماً كعادته ـ حاضراً كأوسم ما يكون الحضور ـ عاجل الشفاء نقد عاجل الشفاء ياحكيم الثورة وفاكهتها .

[اسمر]

ربنا يشفيه ويعيده سالماً الى ارض الوطن

[imported_فتحي مسعد حنفي]

ربنا يشفيهو ويرجعو لينا سالم غانم معافي ان شاءالله فمازال في المباراة وقت مستقطع..

[imported_لنا جعفر]

عاش مُلتزم وعفيف
وح يواصل معانا بقية المشوار
ترجع بالسلامة ياحكيم

[imported_الجيلى أحمد]

المشاركة الأصلية كتبت بواسطة لنا جعفر

عاش مُلتزم وعفيف
وح يواصل معانا بقية المشوار
ترجع بالسلامة ياحكيم

يالونا

عمنا زول عفيف لسان , ويد ,و كلمة ,
زول جميل بالجد ..

لكن كفاهو بعد العمر دا ...
ماعندو حاجة تانى يمكن يقدما ..

خلونا نبقى عقلانيين شوية
..
ربنا يتقبل من نقد
ومن كل الزملاء صالح الأعمال
وكله محتسب

[imported_عبدو منصور]

رجلاً بقامة وطن
أتفقنا معة أو أختلفنا
جزء من تاريخ وارث هذة البلد
أسأل اللّه لة العافية والشفاء
وأن يرجع الى الديار بالسلامة
أمين يا رب العالمين

[imported_Sana Mursi]

ربنا يشفه ويعافيه شفاءا لا يغادر سقما

[imported_tahmoi]

بسمك اللهم

ربنا يديه الصحة والعافية
ويعيده سالما معافي بأذن الله
اختلفنا او اتفقنا معه ... لا ينكر فضله
اللهم البسه ثوب الصحة والعافية
******

خضر ...
لعلك بخير

معز أحمد عبد القادر

[بابكر مخير]

المشاركة الأصلية كتبت بواسطة الجيلى أحمد

يالونا

عمنا زول عفيف لسان , ويد ,و كلمة ,
زول جميل بالجد ..

لكن كفاهو بعد العمر دا ...
ماعندو حاجة تانى يمكن يقدما ..

خلونا نبقى عقلانيين شوية
..
ربنا يتقبل من نقد
ومن كل الزملاء صالح الأعمال
وكله محتسب

حقيقي هو قدم كل ما يمكن أن يقدم
وإحنا فراجآ..
وحقيقي أنه الف أخير ليهو أنه يمشي من بلد حاكمها البوم
وجد بالحقيقة ربنا يتقبل كل صالح أعمال
فكلهم محتسب مع الوطن عند الله الجزيل


لنقد نتمنى الصحة يتهنا بها بقيت أيامه
ولنا السلوى في وطنٍ
منهوب

[عبدالمنعم الطيب حسن]

قدم حياته كلها من اجل الشعب
مصادما من طراز فريد لم يلن يوما
ولا هادن الجلاد
ولا استسلم ،
عاجل الشفاء للاستاذ


والان الكل يتمنى عودته سالما معافى
ليكمل مع الشعب ثورته
وليقود مع الطلائع حركة التغيير

لا للقفز فوق المراحل
وكلمات شُتُر في حق قامة واستقامة
واجمل ما يكون ،

والحديث للجيلي كلماتك الاخيرة دا لامكانها
ولا زمانها ....
وفيها ريحة شماتة في شخص مريض
وكأنك تقول سيبوهو يموت .
نقد وقف معه كل الشعب في محنته الاخيرة
ودي حاجة بسيطة من شعب معلم تجاه قائد فذ .
له التقدير كله
ولك التحايا الجيلي

خدر عاطر التحايا

[imported_مهند الخطيب]

المشاركة الأصلية كتبت بواسطة الجيلى أحمد

يالونا

عمنا زول عفيف لسان , ويد ,و كلمة ,
زول جميل بالجد ..

لكن كفاهو بعد العمر دا ...
ماعندو حاجة تانى يمكن يقدما ..

خلونا نبقى عقلانيين شوية
..
ربنا يتقبل من نقد
ومن كل الزملاء صالح الأعمال
وكله محتسب

عارف ياجيلي كلامك مرات كلام زول عاقل ....!

[imported_مهند الخطيب]

دعواتنا بالسلامة ورجعة العافية لعمنا نقد فالرجل نهر من العطاء يستحق دعوات الشفاء ......

[imported_مهند الخطيب]

منعم ياصديقنا ....

في رأيي الشخصي أن عمنا نقد قدم كل مابامكانه تقديمه - وهذا ينطبق عليه وعلى غيره من تماثيل السياسة السودانية التي تفتحت عيوننا عليهم ....

هذا لا تقاطع بينه وبين دعواتنا بالشفاء (يعني مش داير عمنا نقد يموت عشان عندي فيو راي) لكن ليته يرسي لأدب الاستقالة وترك الدفة لمن هو أقدر بحكم السن والطرح .... فحواء الحزب الشيوعي السوداني لا أظنها تعقر بعد نقد والا لكانت عقرت بعد عبد الخالق محجوب عليه الرحمة .....

مرة أخرى أمنياتي الصادقة تجاه عمنا نقد أن يرفع عنه البلاء ..........

تحياتي ياصديقي ...