الاجتماع التحضيري للاحتفال بعيد سودانيات هاااااااااااااااااااام

[ندى]

[align=center]مدخل
لقد خلا هذا الزمن
إلاّ من لحظات حميمة
أنقذتنا جميعا
-غادة السمان-

إخوتي وأخواتي
لقد اجتمعنا في هذا البيت سودانيات على الحب والإخاء وكانت الحميمية والمودة هي التي تميزنا عن بقية المنتديات الأخرى ولكن فاجأنا العيد هذه المرة والنفوس ليست كما هي والقلوب عليها كثير من الغشاوة
كثير من الغاليين غائبين
أكثر منهم غاضبين
الكثير الكثير أخذو جانب الحياد لاهم غائبين ولا هم حاضرين
فهلا جعلنا هذا العيد مناسبة لتبادل المحبة وتوثيق علاقاتنا
ولنبدأ من هنا
د. سيد قنات
كبيرنا

ظلت داره هي دارنا
مفتوحة لنا في كل الأوقات
لذا
رأينا أن يبدأ العيد من هذه الدار
دار سودانيات [/align]

[ندى]

[align=center]
(1)
الاجتماع
تم التشاور والاتفاق على أن يكون الاجتماع التحضيري للإحتفال بالعيد الثالث لسودانيات كما يلي
المكان
منزل د. سيد قنات بالمهندسين
التاريخ
يوم الأحد 27/5/2007م
الزمان
الساعة السادسة مساء

أجندة الاجتماع
تأكيد محبتنا لدكتور سيد
إعادة المياه إلى مجاريها بين الجميع
التشاور ووضع برنامج وخطة عمل للاحتفال بالعيد الثالث لسودانيات
احتساء الشاي والقهوة من يدين ست الكل
أميرتنا [/align]

[ندى]

[align=center](2)
مقترح الاحتفال
حتى يخرج هذا الاحتفال بالصورة المطلوبة والمرضية للجميع رأينا أن يكون شكله كما يلي
شعار الاحتفال
تحديد شعار يتبناه الاحتفال بالعيد هذا العام
الأهداف
ما هي الأهداف التي نرجو تحقيقها من خلال الاحتفال بالعيد الثالث لسودانيات مع مراعاة انسجامها مع الشعار المرفوع
الأنشطة
ماهي الأنشطة التي نستطيع من خلالها تحقيق هذه الأهداف
الوسائل
ماهي الوسائل المتاحة والممكنة لتحقيق هذه المناشط
النتائج المرجوة
ما هي النتائج التي ستتحقق من هذا البرنامج

نرجو من الجميع محاولة التفكير في مقترحات للاحتفال بالعيد الثالث لسودانيات وفق هذا المقترح لمناقشتها في يوم الاجتماع وستحرص لجنة الاحتفال على احضار مقترح قابل للرفض أو القبول
كل المحبة للجميع [/align]

[ندى]

[align=center]مرفقــــــــــات

بادي
لن تعفيك الأمورة من الحضور ولو جبت جمال معاك يكون أحسن حتى تكتمل الفرحة
مايم
ما عندك أي عذر
جق جق
سمعنا إنك في البلد
بكوري
نتمنى أن تكون حاضرا
حاتم الياس
محتاجين حبك الارهابي
المهندس
أنت ركن أساسي نرجو الحرص على الحضور
واحة
يا إمرأة من زمن الحب نحتاجك
ميدو
إنشاء الله ما تكون عندك وردية ليل
الملك والملكة
المملكة بانتظاركم

جميع البورداب
نرجو الحضور حرصاً على توثيق المودة

الخال
الحنينة
عم تنقو
جميع بورداب الخارج
أبو رحيق
نرجو مشاركتم وحضوركم عبر الأثير
كل المودة
[/align]

[haneena]

Nada
It seems like a very good idea to start
just a start to get together

I will call you in time inshaa allah
sorry for the English from work

will be later

[معتصم الطاهر]

ندى

والوعى بالسبل الجميلة

لأنها منهم ..

[أبو العز الجنوبي]

العزيز ندى...
كلك ... كلك ذوق وعقل وحلاوة وطلاوة...
شكرا ليك كثير...
عارف نفسي ما في (اللستة) لكن برضو جاي جاي ان شاء الله...

[Deer]

[align=justify]


أهلنا قالو القصير ياحكمة يا فتنة... أها دير بتعترف انها فتنة... بس احتارت تصنف ندوية في ياتو فئة.... هسه قاعدة أنا هنا في أمان الله.. بسمع في الست وهي بتقول انت عمري... ورابه لي شكلة بهناك مع زول فاقد المنطق... الا تلفوني يرن مارش خرافي و تجيني ندوية ناطة من الشاشة سايقة ليها كتبية لا عرفتها مارينز لا عرفتها من جماعة المختلطة ولا الهجين... أدخلي سودانيات ... جيت جارية الا ألقاها مالية الصفحة... بي أجندة من النوع أبو كديس:

أجندة الاجتماع
تأكيد محبتنا لدكتور سيد
إعادة المياه إلى مجاريها بين الجميع
التشاور ووضع برنامج وخطة عمل للاحتفال بالعيد الثالث لسودانيات
احتساء الشاي والقهوة من يدين ست الكل
أميرتنا

1. المحبة دي يا أمنا ما خلاص جرت في دمنا وفاضت وجرجرتنا وراها...
2. والله المياة و مجاريها هنا تقوم النفس أبو سته وأبو عشرين ديل صعبين خلاث... بس ما مستحيلات ...
3. بالله تلاته سنين هسه دي براها ما هجمة تخيلو امبارح اكتشفت اني بقيت ما بحسب قاااعدة سااااكت كدا...
4. الأخيرة دي مهمة بس ست البيت دي حا نمشي نعمل ليه الشاي والقهوة و نريحها شوية... ولا نجي بي شخصياتنا الاعتبارية والفردية ونعمل ليها جوطة ساااكت... ولا كمان نمشي بي كتاحة تقضي على الأخضر واليابس...

يا أخوانا...

كل سنه ونحن كلنا طيبين وسالمين و بنحب بعض شدييييد ... بنغلط بقدر ونتسامح بلا حدود... كل سنة وسودانيات فيها كل الألوان الجابتني ليها جارية على ملا وشي ...

حاضرين في المواعيد يا ندوية لو ربنا مد في آجالنا و نتمنى يتوجد في دواخلنا منتهي الوعي بالسبل الجميلة زي ما قال ود الطاهر... ربنا يقدرنا نكون بقامة بيتنا...

الست بتقول:

اللي شفته قبل ما تشوفك عينيّ عمر ضايع ... يحسبوه أزاي عليّ...
انت عمري ... انت عمري اللي ابتدى بنورك صباحي ...انت...انت...انت عمري...


دير بتقول:

يا حبايبي تعالوا..

تعالوا وكفاية اللي فاتنا ... هو فاتنا يا حبايب الروح شوية؟؟؟

[/align]

[الطيب بشير]

المشاركة الأصلية كتبت بواسطة Deer

[align=justify]2. والله المياة و مجاريها هنا تقوم النفس أبو سته وأبو عشرين ديل صعبين خلاث... بس ما مستحيلات [/align]

إبنتي العزيزة دير
تحياتي و تقديري
بين حروفــك تحديد دقــيق لمواعين المياه في جزيرتنا المرويـة!! أبو 6 و أبو 20 ديل ثقافة سماعية و الله عند أهــل في بلاد ما بين النيلين؟..

.

[عمر صديق]

الاخت العزيزة ندى
تحياتى العطرة
وزى ما قال
ابو العز الجنوبى رغم اننا ما فى اللستة لكن حنكون حاضرين باذن الله

[ندى]

المشاركة الأصلية كتبت بواسطة ندى

[align=center]مرفقــــــــــات

بادي
لن تعفيك الأمورة من الحضور ولو جبت جمال معاك يكون أحسن حتى تكتمل الفرحة
مايم
ما عندك أي عذر
جق جق
سمعنا إنك في البلد
بكوري
نتمنى أن تكون حاضرا
حاتم الياس
محتاجين حبك الارهابي
المهندس
أنت ركن أساسي نرجو الحرص على الحضور
واحة
يا إمرأة من زمن الحب نحتاجك
ميدو
إنشاء الله ما تكون عندك وردية ليل
الملك والملكة
المملكة بانتظاركم

جميع البورداب
نرجو الحضور حرصاً على توثيق المودة

الخال
الحنينة
عم تنقو
جميع بورداب الخارج
أبو رحيق
نرجو مشاركتم وحضوركم عبر الأثير
كل المودة
[/align]

[align=center]تنويه هااااااااااااااااااااااااام

اللستة أعلاه خاصة بتذكير البورداب الذين طال غيابهم ولا تعني بأي حال أنهم فقط المدعوين للاجتماع
الدعوة للاجتماع عااااااااااااااامة تشمل جميع بورداب الداخل ومن هو في البلد هذه الايام من بورداب الخارج

ونذكر أن الاجتماع في منزل د. سيد الكائن بالمهندسين مربع 30 جوار مسجد ال30 او مسجد الزبير الساعة السادسة مساء

كل المودة لكم جميعا

نرجو حرص الجميع على الحضور

اوع تشرونا [/align]

[ندى]

[align=justify]الحنينة
والهندسة
خليكم قراااااااااااااااااب
محتاجين دعمكم

أبو العز
.............. دير
...................... عمر صديق

حضوركم ضرورررررررررررررررررررررررررري

الطيب أخوي
غلبني القى ليك حاجة لكن خليك معانا بأضعف الإيمان في الطيارة وربنا يوصلك بالسلامة وتحضر معانا العيد ويبقى عيدنا عيدين .... كسير تلج شديد [/align]

[خالد الأيوبي]

يا بورداب الداخل ســــــلام
و (يا ســـــلام) علي الإجتهــاد و عليكم كلكم
لكن إسمحوا لي بـ (يا ســلام) خاصــة لندي .. فهي دائمــاً متحركــة و محـــركة
و الإجتماع في منزل د.ســيد ليه مغزي جميل ،
بس ما تكملوا الأفراح و المناسبات .. خلوا لينا حاجــة لمن نجيكم

[عالم عباس]

المشاركة الأصلية كتبت بواسطة Deer

[align=justify]


أهلنا قالو القصير ياحكمة يا فتنة... أها دير بتعترف انها فتنة... بس احتارت تصنف ندوية في ياتو فئة.... هسه قاعدة أنا هنا في أمان الله.. بسمع في الست وهي بتقول انت عمري... ورابه لي شكلة بهناك مع زول فاقد المنطق... الا تلفوني يرن مارش خرافي و تجيني ندوية ناطة من الشاشة سايقة ليها كتبية لا عرفتها مارينز لا عرفتها من جماعة المختلطة ولا الهجين... أدخلي سودانيات ... جيت جارية الا ألقاها مالية الصفحة... بي أجندة من النوع أبو كديس:



1. المحبة دي يا أمنا ما خلاص جرت في دمنا وفاضت وجرجرتنا وراها...
2. والله المياة و مجاريها هنا تقوم النفس أبو سته وأبو عشرين ديل صعبين خلاث... بس ما مستحيلات ...
3. بالله تلاته سنين هسه دي براها ما هجمة تخيلو امبارح اكتشفت اني بقيت ما بحسب قاااعدة سااااكت كدا...
4. الأخيرة دي مهمة بس ست البيت دي حا نمشي نعمل ليه الشاي والقهوة و نريحها شوية... ولا نجي بي شخصياتنا الاعتبارية والفردية ونعمل ليها جوطة ساااكت... ولا كمان نمشي بي كتاحة تقضي على الأخضر واليابس...

يا أخوانا...

كل سنه ونحن كلنا طيبين وسالمين و بنحب بعض شدييييد ... بنغلط بقدر ونتسامح بلا حدود... كل سنة وسودانيات فيها كل الألوان الجابتني ليها جارية على ملا وشي ...

حاضرين في المواعيد يا ندوية لو ربنا مد في آجالنا و نتمنى يتوجد في دواخلنا منتهي الوعي بالسبل الجميلة زي ما قال ود الطاهر... ربنا يقدرنا نكون بقامة بيتنا...

الست بتقول:

اللي شفته قبل ما تشوفك عينيّ عمر ضايع ... يحسبوه أزاي عليّ...
انت عمري ... انت عمري اللي ابتدى بنورك صباحي ...انت...انت...انت عمري...


دير بتقول:

يا حبايبي تعالوا..

تعالوا وكفاية اللي فاتنا ... هو فاتنا يا حبايب الروح شوية؟؟؟

[/align]

والله يا دير، لولا أن ندى سبقتك بي (أجر المبادرة)، لقلت ياها دي السماحة البتشبهك (نصاً وروحاً)
هذه مبادرة راقية
تأكيد لمعاني وروح "سودانيات"
والدكتور سيد ، والحفلة في بيته يا خي دي ما عارف تفوتني كيف؟
غايتو بطير بي فوق
بي غرب السوق

وبجيكم ناطّي!
والقاعد في الخرطوم وما حضر ما عارف (يودي وشّو وين!)
أنا جاي ومعاي إسماعيل حميم
والرباطابي بغشاه وبجره معاي
وعصمت ومعتصم
وود الحاج
والطيب طابت وخالد ، وخالد وخالد و...عووووك!

والحفلة عمرت

يا ندى
الأفكار الرائعة دي بتستوحيها مين وين يا (جنا)!

تسلموا وعيني عليكم باردة
أو كما غنى (إبراهيم موسى أبا)
د/سيد
كل عام وأنت بخير، والمدام والشباب

[الطيب بشير]

المشاركة الأصلية كتبت بواسطة ندى

[align=justify]
الطيب أخوي
غلبني القى ليك حاجة لكن خليك معانا بأضعف الإيمان في الطيارة وربنا يوصلك بالسلامة وتحضر معانا العيد ويبقى عيدنا عيدين .... كسير تلج شديد [/align]

يحيا التلج..تحيا الدول الاسكندنافية..
تسقط سارة ملكة بلاد انا أعطيناك الثلج
كسـّــري يا ندى..
أخـوك راســو كِـبـِـر
تمنياتنا لكم باجتماع مثمر..و..لَـمـّــة حُـلوة.