بنهديك المشاعر وتخون الأمانه

الفاتح · 25-12-2007, 09:01 AM

عشرون عاماً لم تلده أمه إلا دقائق في إناء الموز وإنسحبت
" دروشه مارسيلية".

ــــــــــــــ
يكفي هذا.. شهراً كاملاً من مطاردة الأبقار والحشرات وإستهلاك الأغنيات والصلوات أن تهب علينا بعض الرياح ليمارس الكوريك إنفعالاته في الشرا " إنشاء الله راجل مره".
ربًتنا على خاطر جوالات الدخن والذرة فوجدناها بخير, ويفي عائدها بصناعة بعض الفرح بهايكوتا
وبالضرا تشطفنا أو تيممنا على أدق تعبير , أصلحنا هندامنا ورسمنا إبتسامة بيضاء وركبنا الشارع.
ولد أبوك هذه المرًه يغني : بنيًه مالكي.. زعلانه مالكي..
ولسان حاله يفصح عن " سافر قسيم نيالا .. الزول منو.. للغربه البطاله.. الزول منو هو"
ذلك أنني أجزم بأنه قبيل أن تربت يداه من " البقبيق " بفعل دق العيش سيكون قد نفق أبو النوم خاصته مع البارستات / النادلات, لكنها فلسفته في " الفقر حلاتو أملس".
نيال دينق لم ينته من مضغ قصبته بعد بيد أنه يصر على أن يغني أو يتفن فينا على أدق تعبير..
شاركته هذه الفوضى إذ لا تزال هايكوتا تبعد الكثير.
بدأت حصيلتنا من القصب تتلاشى , وكذلك البلدات .. ومن بعيد تسللت إلى إنوفنا رائحة البن الحبشي
فمشيناها خطى.
- عبًاي بن نفسي (جبنه كبيره لو سمحتي)
- حرًاي أمًو ( طوًالي)
قبيل أن يسري الكافيين في عروقنا, أتى أحدهم مهرولاً أن هنالك فتاة سودانية تنتحب بشكل هيستيري.

- يتبع-

خالد الحاج · 25-12-2007, 09:35 PM

وننتظر يا شليل
وحشتنا حروفك الرشيقة

الجيلى أحمد · 26-12-2007, 12:11 AM

فى إنتظارك يابنج

الفاتح · 26-12-2007, 06:30 AM

الخال.. والبنج : شكراً على الحضور, ونواصل:

كان قد دلني عليها أحد إداريي معسكر اللاجئين ويدعى محمد نور
وجدتها تجلس على صخرة تتوسط بركه من الدموع تضم لفافة ما إلى صدرها , حاولت أن أتحدث معها فلم تستجب .. إنتظرتها إلى أن نفذت حصتها من البكاء, غسلت وجهها بالماء , ثم فرفرت لفافتها لتفصح عن مولود صغير بدأ يمارس ثانية حقه المنتخب من الصراخ.
أنفقت حصيلتي من مواساتهم فخمد صراخهم..
بدأت الشمس تتململ فلفحت ثوبها وغادرت..
خيم الصمت ثانية عدا أصوات السكارى بين الفينة والأخرى..
تململت ثانية "ست الشاي" بحجة أن الوقت قد تأخر..
كان أبو علب ونيال دينق قد إستئذنا بعدما إطمئنا على حالتها وأنهما سيكونا around .
إنتشلتهما وسط تحميرة الباريستا وجنضلة الكأس..
جلس نيال دينق وسطهما بينما ذهبنا نبحث عن مكان نبيت فيه , فكان هذا الهوتيل الوحيد fully book وبقدرة قادر أشار لنا أحد الأصدقاء إلى قطيه مهجوره كانت ملاذاً لحمارعجوز.
أعدنا هندام هذه الزريبة..
لم نحرق الشوق بخور أو نفرش الريد لحاف , لكنه ما جاد به قوقونا( متاعنا) وهو ند second hand وملاية مكرفسة.. فصارت إلى حد ما مقبوله.
بعد تجهيز العشاء كان لزاماً على أحدنا أن يبيت معهما حتى لا يكونا طريده سهلة للمرافعين فإنتخباني ليواصلا ما تبقى من " وكان الكأس مجراها اليمين".

- يتبع-

همس الشوق · 26-12-2007, 06:46 AM

[align=center]تسجيل حضور ومتابعة

حتى الاندهاش [/align]

omrashid · 26-12-2007, 09:04 AM

كل سنه وانت طيب شليل

فقط اسجل حضوري هنا

الفاتح · 26-12-2007, 01:12 PM

أم راشد , حلم الأماسي .. كل سنه وإنتو بألف صحة وعافية.
نواصل:

أزحت الشوك جانباً ودخلنا القطية..
نظرت بدهشه إلى سريرها الذي يتكون من كومة رمل رصًت على جوانبه بعض الصخور..
إنتبهت حينها إلى ضيق القطيه:
- وإنت حتبيت وين؟
- برقد جمب الباب
أزاحت الصخور جانباً وكومت بعض الرمل ليصير سرير دبل , ثم أعادت رص الصخور ثانية , ثم دعتني بعينيها..
- أمشي لي خالك ده شويه.. خالك ولاً عمك!
- ......
تلقفت طفلها .. بدأت تبحث داخل حقيبتها عن البزازه.. تمتمت بأن اللبن قد نفذ , وتسائلت إن كان بمقدوري الحصول على علبة لبن في هذا الوقت المتأخر.
إختفيت للحظات ثم عدت..
وجدتها تهدهده..
تدندن بأغنية لم أتميز ملامحها .. بدأ صوتها يخبو.. ويخبو إلى أن أسدل الستار على الطفل.
جلسَت القرفصاء.. بدا صدرها عارياً ومنهكاً.. تأملتها فوجدت ملامحها موغله في الطفوليه..
ما الذي يحدث بحق الجحيم!..
قطع تأملاتي صوت مرفعين جائع.
إرتمت علي مذعورة فطمأنتها بأن كل شئ سيكون على ما يرام..
ثم ثانية بدأت تختلج .. ثم أردفت:
- الله يلعن البني عامر!
- كدي بالراحه روًقي ووريني الحاصل شنو.. كويس!
- ياخ أنا ما عارفه عملت شنو في حياتي عشان يحصل الحصل ده
- في شنو يا..
- مشاعر
- في شنو؟

- يتبع-

منال · 26-12-2007, 01:45 PM

عزيزى تابع طوالى عشان ما تفوتنا الحاجات دى ... بقرأ بعين مفنجلة ... و حد الدهشة خلى ساكت بمد النيل العظيم

الفاتح · 29-12-2007, 07:28 AM

منال: معليش.. هذه المادّه لم أعدًها من قبل.. لذا فإنني أسرق بعض الوقت لكتابتها فعفواً.
نواصل:

- كان عندي علاقه فتره طويله مع بني عامراوي ساكن جمبنا في بورسودان.. وأهلي كانوا معارضين العلاقه دي..

كنت بقابلو بالسر.. رقدت معاهو كم مرًه لحدًي ما بطني إتنفخت بعد داك قاللي تسقطيهو وأنا ما قدرت على كده.. تقدر تكتل جناك!!
طيب عرًسني.. برضو قال ما بقدر.. أها لمن لقيت الأبواب كلها مسدوده.. قررنا نسافر أريتريا قال عندو زراعه هناك..
إتسللنا ودخلنا أسمرا.. قعدنا كم شهر.. لامن دخلت المستشفى..
( إنفجرت ثانية بالبكاء)..
ود الحرام ده سرق غويشاتي وجواز سفري وخلاني مرميه في المستشفى..
والحمد لله ولاد الحلال في.. أخواني اللاجئين في أسمرا وقفو معاي لحدى ما طلعت.. وحاولو يقابلوني بالخواجيه بتاعتم , لكن ما قدرت.. نصحوني إنو أنزل معسكر اللاجئين هنا في هايكوتا..
وجيت.. والله ريال واحد ما عندي.
- وصلتي تب.. مافي مشكله..
إرتمت علي وقبًلتني, تمتمت:- معليش غلبتك معاي يا ود العم , مررت أصابعي بين شعرها في محاولة مني لأن أعيد لها بعض السكينة..
بدأت تثرثر حول كيف كان ذلك البني عامراوي يطلع وينزل فيها.. وكيف كانت دهشتها بأسمرا حينما إبتاعت كوندوم ظناً منها أنه همبوكه , أعطتني واحداً فنفخته وطرشقته!
- إنتي عمرك كم؟
- سطاشر.
تبًا لهذا الإنتهازي الذي إغتال طفولتها. وجب علي أن أعيد ترتيب فوضاها لكن كيف؟ ومتى؟ وأين ستسكن؟ مع من؟ لذا كان لابد أن نتفق على صياغة case للخواجيه , هنالك نقطة ثانية أنني إنتبهت لكيفية نطقها لبعض المفردات فوجدتها مشبعه بالتقرنجه على النقيض من إدعائها الشيقنه.
- شوفي يا مشاعر.. أنا في اللجنه بتاعة اللاجئين , وحأعمل العلي في إنو ال case بتاعك يمشي للخواجيه وتهتم بيهو.. لكن في حاجات نحن لازم نتفق فيها قبل أي حاجه.
- ..........
- أول شي لاحظتو لغتك المكسًره دي , إنت ما سودانيه لكن سرًك في بير.. لمن تقابلي الإداره ما تتكلمي كتير.. وبعدين في حاجه.. المدير بني عامراوي غتيت شديد ويمكن يكون وصلو إنك كنت قاعده تشتًمي في أهلو.. ركًزي في كلامك إنك دايره حمايه ليك ولولدك وخلي الباقي علي.. بكره العربية بتاعة المعسكر بتجي هنا وبننزل سوا.
- وبعد داك أسكن وين؟
- بتترتب.. في أسر سودانيه كتيره هناك.. دي ما خايف منها
- خايف من شنو؟

- نواصل-

حسين عبدالجليل · 29-12-2007, 10:20 PM

غايتو ياشليل يااخوى انا علشان اقرأ نصك هذا جهزت كباية قهوة وفول سوداني لزوم المزاج وكالعادة لم يخيب نصك الممتع ظني - فلك مقدرة فذة في الحكي .

وياناس الادارة ماعارف ماهي شروط اختيار بوستات و وضع عناوينها فوق (فوق شريط الاخبار ) لعدة ايام ولكن هذا البوست المشوق يستحق ان يوضع هناك

واصل فانا هاهنا قاعدون

الفاتح · 30-12-2007, 06:59 AM

حسين أخوي.. كل سنه وإنت طيب, سعيد بوصولك وكلماتك الطيبة.. هي مجرد واقعة لم أسامح نفسي فيها, وهائنذا إستحضر حيثياتها لكنني أجد أن الكيبورد قد ورطني كثيراً.
نواصل:

- خايف إنو يتلتلك مع immigration بتاع تسني لأنو الزول داك غيًاظ أنا بعرفو, حيسألك جيتي بي ياتو منفذ وعندك دخول والا لأ .. كلامو ما بيخلص .
- وبعدين..
- نفكًها فيهم في إنك قريبتي لحدًي ما الخواجيه تنزل بعد إسبوع إنشاء الله , وما حيضغطوا عليك لأنو عارفني بجيب ليهم الهوا.
- إنت شايف كده؟
- أيوه.. ومافي مشكله إنشاء الله.
ثانية مرًن المرفعين حلقومه..
أشعلت بعض النيران
- تصبحي على خير
- أنا خااايفه تعال أرقد جمبي
- ما بتجيك عوجه.. بس داير إتدفا شويه وبالمرًه أطرد المرفعين .. بعدين بجي أنوم.
غطيتهما جيداً بالملاءة ثم سرحت في تأملاتي..
" كما ينبت العشب بين
مفاصل صخر..
وجدنا غريبين معا..
وكانت السماء ربيعا
تؤلب نجماً ونجمه"

ماهذه الوضعية الغرائبية.. بحوزتي أنثى وأنا أمارس ما تيسًر لي من الديدبان , لملمت شبقي جانباً ..وناطحت سقف ذهني مراراً ب: هل نفذت حصيلتي من الهموم لأضيف عبئاً جديداً, كيف سأواجه الرفاق بأنه تربطني صلة قرابه بها..؟ كيف سأواجه الإداره التي تتحين الفرص للإيقاع بي؟ كيف أفي بمتطلباتهما المعيشيه؟ كيف أضمن حمايتهما؟ ... بدأت النيران تخبو
و..
أصبح الصبح
وها نحن..

-يتبع-

معتصم الطاهر · 30-12-2007, 07:42 AM

أصبح الصبح ..
و انطفأت المواعين ..الهناك

ياخي ما تتصل .. وتملأ المواعين الهنا ..

الفاتح · 30-12-2007, 10:41 AM

هندسه يا لذيذ.. كل سنه وإنتو طيبين
ياخ أنا راقد ممكوووون وصابر - من أول يوم في العيد- صادتني نزله وإلتهابات عجيبة.
بمناسبة المواعين الهنا: بيان حتكون وصلت الدوحة البارح وما عندي تلفون ليها.. ممكن تسأل معتز الظلامي؟

عكــود · 30-12-2007, 10:59 AM

واصل يا شليل
الله لا يسيئك

ده حكي طاعم بالحيل

الفاتح · 30-12-2007, 11:35 AM

اقتباس:

المشاركة الأصلية كتبت بواسطة عكــود

واصل يا شليل
الله لا يسيئك

ده حكي طاعم بالحيل

ما أطعم من إبتسامتك ومرورك يا بنج..
المشكلة إني - بكتب على الهواء مباشرة- ما أعديت المادًه دي ويمكن تلاحظ إختلاف اللغة في كل مرًه بكتب فيها..
وعشان مرورك وطلًتك الجميله دي حأهديك " شوية مشاعر".

25-12-2007, 09:01 AM	#[1]
الفاتح :: كــاتب نشــط::	بنهديك المشاعر وتخون الأمانه عشرون عاماً لم تلده أمه إلا دقائق في إناء الموز وإنسحبت " دروشه مارسيلية". ــــــــــــــ يكفي هذا.. شهراً كاملاً من مطاردة الأبقار والحشرات وإستهلاك الأغنيات والصلوات أن تهب علينا بعض الرياح ليمارس الكوريك إنفعالاته في الشرا " إنشاء الله راجل مره". ربًتنا على خاطر جوالات الدخن والذرة فوجدناها بخير, ويفي عائدها بصناعة بعض الفرح بهايكوتا وبالضرا تشطفنا أو تيممنا على أدق تعبير , أصلحنا هندامنا ورسمنا إبتسامة بيضاء وركبنا الشارع. ولد أبوك هذه المرًه يغني : بنيًه مالكي.. زعلانه مالكي.. ولسان حاله يفصح عن " سافر قسيم نيالا .. الزول منو.. للغربه البطاله.. الزول منو هو" ذلك أنني أجزم بأنه قبيل أن تربت يداه من " البقبيق " بفعل دق العيش سيكون قد نفق أبو النوم خاصته مع البارستات / النادلات, لكنها فلسفته في " الفقر حلاتو أملس". نيال دينق لم ينته من مضغ قصبته بعد بيد أنه يصر على أن يغني أو يتفن فينا على أدق تعبير.. شاركته هذه الفوضى إذ لا تزال هايكوتا تبعد الكثير. بدأت حصيلتنا من القصب تتلاشى , وكذلك البلدات .. ومن بعيد تسللت إلى إنوفنا رائحة البن الحبشي فمشيناها خطى. - عبًاي بن نفسي (جبنه كبيره لو سمحتي) - حرًاي أمًو ( طوًالي) قبيل أن يسري الكافيين في عروقنا, أتى أحدهم مهرولاً أن هنالك فتاة سودانية تنتحب بشكل هيستيري. - يتبع-
الفاتح :: كــاتب نشــط::

25-12-2007, 09:35 PM	#[2]
خالد الحاج :: كــاتب نشــط::	وننتظر يا شليل وحشتنا حروفك الرشيقة
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

26-12-2007, 12:11 AM	#[3]
الجيلى أحمد :: كــاتب نشــط::	فى إنتظارك يابنج
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

26-12-2007, 06:30 AM	#[4]
الفاتح :: كــاتب نشــط::	الخال.. والبنج : شكراً على الحضور, ونواصل: كان قد دلني عليها أحد إداريي معسكر اللاجئين ويدعى محمد نور وجدتها تجلس على صخرة تتوسط بركه من الدموع تضم لفافة ما إلى صدرها , حاولت أن أتحدث معها فلم تستجب .. إنتظرتها إلى أن نفذت حصتها من البكاء, غسلت وجهها بالماء , ثم فرفرت لفافتها لتفصح عن مولود صغير بدأ يمارس ثانية حقه المنتخب من الصراخ. أنفقت حصيلتي من مواساتهم فخمد صراخهم.. بدأت الشمس تتململ فلفحت ثوبها وغادرت.. خيم الصمت ثانية عدا أصوات السكارى بين الفينة والأخرى.. تململت ثانية "ست الشاي" بحجة أن الوقت قد تأخر.. كان أبو علب ونيال دينق قد إستئذنا بعدما إطمئنا على حالتها وأنهما سيكونا around . إنتشلتهما وسط تحميرة الباريستا وجنضلة الكأس.. جلس نيال دينق وسطهما بينما ذهبنا نبحث عن مكان نبيت فيه , فكان هذا الهوتيل الوحيد fully book وبقدرة قادر أشار لنا أحد الأصدقاء إلى قطيه مهجوره كانت ملاذاً لحمارعجوز. أعدنا هندام هذه الزريبة.. لم نحرق الشوق بخور أو نفرش الريد لحاف , لكنه ما جاد به قوقونا( متاعنا) وهو ند second hand وملاية مكرفسة.. فصارت إلى حد ما مقبوله. بعد تجهيز العشاء كان لزاماً على أحدنا أن يبيت معهما حتى لا يكونا طريده سهلة للمرافعين فإنتخباني ليواصلا ما تبقى من " وكان الكأس مجراها اليمين". - يتبع-
الفاتح :: كــاتب نشــط::

26-12-2007, 06:46 AM	#[5]
همس الشوق :: كــاتب نشــط::	[align=center]تسجيل حضور ومتابعة حتى الاندهاش [/align]
همس الشوق :: كــاتب نشــط::	التوقيع: [frame="1 80"]أنا إمراة لا أنحنى لكى ألتقط ماسقط من عينى ابداً[/frame]

26-12-2007, 09:04 AM	#[6]
omrashid :: كــاتب نشــط::	كل سنه وانت طيب شليل فقط اسجل حضوري هنا
omrashid :: كــاتب نشــط::

26-12-2007, 01:12 PM	#[7]
الفاتح :: كــاتب نشــط::	أم راشد , حلم الأماسي .. كل سنه وإنتو بألف صحة وعافية. نواصل: أزحت الشوك جانباً ودخلنا القطية.. نظرت بدهشه إلى سريرها الذي يتكون من كومة رمل رصًت على جوانبه بعض الصخور.. إنتبهت حينها إلى ضيق القطيه: - وإنت حتبيت وين؟ - برقد جمب الباب أزاحت الصخور جانباً وكومت بعض الرمل ليصير سرير دبل , ثم أعادت رص الصخور ثانية , ثم دعتني بعينيها.. - أمشي لي خالك ده شويه.. خالك ولاً عمك! - ...... تلقفت طفلها .. بدأت تبحث داخل حقيبتها عن البزازه.. تمتمت بأن اللبن قد نفذ , وتسائلت إن كان بمقدوري الحصول على علبة لبن في هذا الوقت المتأخر. إختفيت للحظات ثم عدت.. وجدتها تهدهده.. تدندن بأغنية لم أتميز ملامحها .. بدأ صوتها يخبو.. ويخبو إلى أن أسدل الستار على الطفل. جلسَت القرفصاء.. بدا صدرها عارياً ومنهكاً.. تأملتها فوجدت ملامحها موغله في الطفوليه.. ما الذي يحدث بحق الجحيم!.. قطع تأملاتي صوت مرفعين جائع. إرتمت علي مذعورة فطمأنتها بأن كل شئ سيكون على ما يرام.. ثم ثانية بدأت تختلج .. ثم أردفت: - الله يلعن البني عامر! - كدي بالراحه روًقي ووريني الحاصل شنو.. كويس! - ياخ أنا ما عارفه عملت شنو في حياتي عشان يحصل الحصل ده - في شنو يا.. - مشاعر - في شنو؟ - يتبع-
الفاتح :: كــاتب نشــط::

26-12-2007, 01:45 PM	#[8]
منال :: كــاتب نشــط::	يلا سريع عزيزى تابع طوالى عشان ما تفوتنا الحاجات دى ... بقرأ بعين مفنجلة ... و حد الدهشة خلى ساكت بمد النيل العظيم
منال :: كــاتب نشــط::	التوقيع: [mark=#050000] يا خالدا تحت الثرى [/mark]

29-12-2007, 07:28 AM	#[9]
الفاتح :: كــاتب نشــط::	منال: معليش.. هذه المادّه لم أعدًها من قبل.. لذا فإنني أسرق بعض الوقت لكتابتها فعفواً. نواصل: - كان عندي علاقه فتره طويله مع بني عامراوي ساكن جمبنا في بورسودان.. وأهلي كانوا معارضين العلاقه دي.. كنت بقابلو بالسر.. رقدت معاهو كم مرًه لحدًي ما بطني إتنفخت بعد داك قاللي تسقطيهو وأنا ما قدرت على كده.. تقدر تكتل جناك!! طيب عرًسني.. برضو قال ما بقدر.. أها لمن لقيت الأبواب كلها مسدوده.. قررنا نسافر أريتريا قال عندو زراعه هناك.. إتسللنا ودخلنا أسمرا.. قعدنا كم شهر.. لامن دخلت المستشفى.. ( إنفجرت ثانية بالبكاء).. ود الحرام ده سرق غويشاتي وجواز سفري وخلاني مرميه في المستشفى.. والحمد لله ولاد الحلال في.. أخواني اللاجئين في أسمرا وقفو معاي لحدى ما طلعت.. وحاولو يقابلوني بالخواجيه بتاعتم , لكن ما قدرت.. نصحوني إنو أنزل معسكر اللاجئين هنا في هايكوتا.. وجيت.. والله ريال واحد ما عندي. - وصلتي تب.. مافي مشكله.. إرتمت علي وقبًلتني, تمتمت:- معليش غلبتك معاي يا ود العم , مررت أصابعي بين شعرها في محاولة مني لأن أعيد لها بعض السكينة.. بدأت تثرثر حول كيف كان ذلك البني عامراوي يطلع وينزل فيها.. وكيف كانت دهشتها بأسمرا حينما إبتاعت كوندوم ظناً منها أنه همبوكه , أعطتني واحداً فنفخته وطرشقته! - إنتي عمرك كم؟ - سطاشر. تبًا لهذا الإنتهازي الذي إغتال طفولتها. وجب علي أن أعيد ترتيب فوضاها لكن كيف؟ ومتى؟ وأين ستسكن؟ مع من؟ لذا كان لابد أن نتفق على صياغة case للخواجيه , هنالك نقطة ثانية أنني إنتبهت لكيفية نطقها لبعض المفردات فوجدتها مشبعه بالتقرنجه على النقيض من إدعائها الشيقنه. - شوفي يا مشاعر.. أنا في اللجنه بتاعة اللاجئين , وحأعمل العلي في إنو ال case بتاعك يمشي للخواجيه وتهتم بيهو.. لكن في حاجات نحن لازم نتفق فيها قبل أي حاجه. - .......... - أول شي لاحظتو لغتك المكسًره دي , إنت ما سودانيه لكن سرًك في بير.. لمن تقابلي الإداره ما تتكلمي كتير.. وبعدين في حاجه.. المدير بني عامراوي غتيت شديد ويمكن يكون وصلو إنك كنت قاعده تشتًمي في أهلو.. ركًزي في كلامك إنك دايره حمايه ليك ولولدك وخلي الباقي علي.. بكره العربية بتاعة المعسكر بتجي هنا وبننزل سوا. - وبعد داك أسكن وين؟ - بتترتب.. في أسر سودانيه كتيره هناك.. دي ما خايف منها - خايف من شنو؟ - نواصل-
الفاتح :: كــاتب نشــط::

29-12-2007, 10:20 PM	#[10]
حسين عبدالجليل :: كــاتب نشــط::	غايتو ياشليل يااخوى انا علشان اقرأ نصك هذا جهزت كباية قهوة وفول سوداني لزوم المزاج وكالعادة لم يخيب نصك الممتع ظني - فلك مقدرة فذة في الحكي . وياناس الادارة ماعارف ماهي شروط اختيار بوستات و وضع عناوينها فوق (فوق شريط الاخبار ) لعدة ايام ولكن هذا البوست المشوق يستحق ان يوضع هناك واصل فانا هاهنا قاعدون
حسين عبدالجليل :: كــاتب نشــط::

30-12-2007, 06:59 AM	#[11]
الفاتح :: كــاتب نشــط::	حسين أخوي.. كل سنه وإنت طيب, سعيد بوصولك وكلماتك الطيبة.. هي مجرد واقعة لم أسامح نفسي فيها, وهائنذا إستحضر حيثياتها لكنني أجد أن الكيبورد قد ورطني كثيراً. نواصل: - خايف إنو يتلتلك مع immigration بتاع تسني لأنو الزول داك غيًاظ أنا بعرفو, حيسألك جيتي بي ياتو منفذ وعندك دخول والا لأ .. كلامو ما بيخلص . - وبعدين.. - نفكًها فيهم في إنك قريبتي لحدًي ما الخواجيه تنزل بعد إسبوع إنشاء الله , وما حيضغطوا عليك لأنو عارفني بجيب ليهم الهوا. - إنت شايف كده؟ - أيوه.. ومافي مشكله إنشاء الله. ثانية مرًن المرفعين حلقومه.. أشعلت بعض النيران - تصبحي على خير - أنا خااايفه تعال أرقد جمبي - ما بتجيك عوجه.. بس داير إتدفا شويه وبالمرًه أطرد المرفعين .. بعدين بجي أنوم. غطيتهما جيداً بالملاءة ثم سرحت في تأملاتي.. " كما ينبت العشب بين مفاصل صخر.. وجدنا غريبين معا.. وكانت السماء ربيعا تؤلب نجماً ونجمه" ماهذه الوضعية الغرائبية.. بحوزتي أنثى وأنا أمارس ما تيسًر لي من الديدبان , لملمت شبقي جانباً ..وناطحت سقف ذهني مراراً ب: هل نفذت حصيلتي من الهموم لأضيف عبئاً جديداً, كيف سأواجه الرفاق بأنه تربطني صلة قرابه بها..؟ كيف سأواجه الإداره التي تتحين الفرص للإيقاع بي؟ كيف أفي بمتطلباتهما المعيشيه؟ كيف أضمن حمايتهما؟ ... بدأت النيران تخبو و.. أصبح الصبح وها نحن.. -يتبع-
الفاتح :: كــاتب نشــط::

30-12-2007, 07:42 AM	#[12]
معتصم الطاهر :: كــاتب نشــط::	أصبح الصبح .. و انطفأت المواعين ..الهناك ياخي ما تتصل .. وتملأ المواعين الهنا ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

30-12-2007, 10:41 AM	#[13]
الفاتح :: كــاتب نشــط::	هندسه يا لذيذ.. كل سنه وإنتو طيبين ياخ أنا راقد ممكوووون وصابر - من أول يوم في العيد- صادتني نزله وإلتهابات عجيبة. بمناسبة المواعين الهنا: بيان حتكون وصلت الدوحة البارح وما عندي تلفون ليها.. ممكن تسأل معتز الظلامي؟
الفاتح :: كــاتب نشــط::

30-12-2007, 10:59 AM	#[14]
عكــود Administrator	واصل يا شليل الله لا يسيئك ده حكي طاعم بالحيل
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.