أب عديلات وشمار الخواجات

خالد الحاج · 29-01-2008, 12:09 AM

تخيل نفسك تصحي الصباح من النوم وتلقي عندك تلاتة جضوم

أي والله ...

أول من لاحظ للأمر كان إبنتي نهلة ... ضحكتها الرنانة وسؤال :
يا بابا ده سنو ؟(اللسان أغلف) .
وطبعا إحساس بالخدر في الخد دون ألم ..
مديت يدي ألمس وجهي.. إحساس غريب كأنك تحمل ثمرة قونقليز قبل كسرها وإخراج ثمارها ..خاصة وأني لم أحلق ذقني ليومين ...

يسميه أهلنا الشايقية "برومبوفي"..
ويطلق عليه في الكثير من أنحاء السودان "أب عديلات" ..

تلاتة جضوم والما يشتري "يكفت"

نظرت إلي وجهي في المرايا... منظر عجيب...
جلست أتابع نشرة الأخبار في قناة الجزيرة .. "ده ما وش شغل"..
الساعة الثامنة والنصف تماما جرس التلفون يضرب ..
ألو ...
- ألو أيوة معاك روجي (Roger) -زميلي ورئيسي المباشر..-
أسلم عليه وأقول :
معليش كان مفروض أتصل أعتذر أصلي عيان شوية ..
- مالك في شنو ؟
فكرت للحظة ولم أجد الإسم ... لم أكن أتخيل أني سأحتاج يوما لمعرفته .. هذه الأشياء لا تحدث كل يوم .
رديت عليه :
لا أعرف إسم المرض بالهولندية يا روجي لكنه ورم في الوجه .
الخواجة لايوق يسألني ..
- هل عندك ألم ضرس ؟
أرد عليه بصبر :
لا يا أخي ورم في أسفل الخد .
يسأل ثانية..
- عندك لوزات ؟
هنا عيل صبري فالخواجة ليس من حقه أن يسأل ، يكفيه أن يعلم أني مريض
لكنه "الشمار الذي قتل الكديسة" ..
فقلت له :
أصبر دعني أسأل زوجتي ..
وناديت علي الحيكومة :
يا حاجة البرومبوفي ده إسمو شنو بالهولندي ؟
- برومبوفي شنو يا راجل ؟!
أبعديلات يا حاجة إسمو شنو بالهولندي ؟
نظرت إليً تلك النظرة العجيبة ... لا أحتاج في الكثير من الأحيان لحديثها يكفي نظرة لأفهم المطلوب "عشرة سنين"

كانت نظرتها تقول لي ( ما عامل مقدد الهولندي ! أها ترجم يا فالح ) .

طبعا فوتت الخواجة اللايوق بي كلمتين لكن إنتقل فضوله إليً..
وهنا "قوقول" غير مفيد علي الإطلاق ..
وأنا أفكر في هذا البرومبوفي اللعين إذا بجرس التلفون يضرب مرة أخري..

ألو ..
- أيوة معاك روجي..
أها يا روجي في شنو ..؟
- أسمع يا "حسن" - ينادونني بإسم العائلة "الحسن" مع سحب الألف والام-
ما دام مافي ألم تعال الشغل في عدد من الزملاء غايبين؟
هنا ظهرت مشكلة كبيرة .. البرومبوفي جاب ليه "أشكدي"

ولو قلت للخواجة عندي أشكدي بقعد باقي يومي أشرح معناها ..
فضلت الذهاب بشكلي الغريب "تلاتة جضوم" وأشكدي ..
عندما وصلت الشغل.. كان منظري كافيا لأن يرجعوني المنزل..
وبقيت مشكلة أخري..
من وين نجيب عجين مر ؟؟؟

أشتر · 29-01-2008, 05:53 AM

اقتباس:

المشاركة الأصلية كتبت بواسطة خالد الحاج

تلاتة جضوم والما يشتري "يكفت"

تلاتة جضوم شنو يا خالد ؟
هو انت اساسا عندك اربعة جضوم ... وقول خمسة بابعديلات !!!!!
لكن الخامس دا قام وين ما عارف!!!!!

ضايقت البرومبوفي وعصرت عليو شديد يا خالد

والخواجة معاو حق يضايقك ...
ويمطرك بالأسئلة ... المذهلة ...
وشمار الخواجات خلي ساي ... والبلوقز تشهد

التربال · 29-01-2008, 05:55 AM

الحبيب خالد
يا آخي ألف مليون سلامتك.. وبقر هولندا كلها كرامتك..وكفارة البيك يزول (والبرومبوفي) ما بيكتلو زول...
وماعندك أي مشكلة ونحن جاهزين لتزويدكم (بالعجين) المر.. بس تتأكد لينا من إمكانية إرساله بال(DHL)، فلربما يكون من الممنوعات في الدول الإسكندنافية.

تخريمة: بس (الأشكدي) ممكن تتحدد إمكانية علاجه بعد معرفة الموقع عن طريق (القوقل)..

عكــود · 29-01-2008, 10:20 AM

سلامتك يا خال،
عين و صابتك
عزوبية
برومبفي
إشكدّي
مدير لايوق
وعمليات مشكوك في أمرها

يا زول الله يدّيك الصحة.

بابكر مخير · 29-01-2008, 10:32 AM

المرض الكتير علامات الكبر (طبعن الكلام دا عن تجربة خاصة)
لكن كمان ذي أب عديلات دا من أمراض الصغار
طيب نقول شنو؟؟؟
المهم البنقولو
كفارة ليك يا زول وما تسمع كلام الجماعة ديل
عجين وسمين وهلما جرا
ليك وعليك بعلاج الخواجات وإن كان دا أمراض المناطق الحارة
وعشانها تعال لي الحر
ما أنا حسي في السودان
قال شتا ودرجة الحرارة 34%
شد حيلك ويديك العافية

الفاتح · 29-01-2008, 10:33 AM

الخال أبجضوم..
مش حتإدر تغمض عينيك :
يدينك..
برمبفي..
إشكدي...
الحكايه شنو؟ تكون واحده من الأبقار الهولنديه أدتك عين!
فتّش للكركجيه
لحدّي ما نحل قصة العجين المر دي.

خالد الحاج · 29-01-2008, 10:37 AM

سلام يا شباب
طبعا ليكم الشكر والحكاية بأمانة ليها أسبوع كده لكن المرة دي نمت بيها

المرة الفاتت قلنا عملية في الكتف طلعوها بواسير..
أها خفت والله أقول برومبوفي يطلعوني حامل المرة دي

ما نجيكم في شر ويا عكود رسل عجين مر في أتاش منت أو بي (DHL) للمرات الجاية وكده

معتصم الطاهر · 29-01-2008, 11:17 AM

يا خالــــــ د

ما تكتّر

قلنا ليك ..

مرسلليك عجين مر و معاهو كم حاجة كدا ..

حتبسطك ..
وحتقول معتصم أهداني ..

شوقي بدري · 29-01-2008, 11:24 AM

سلامتك يا خالد أب عديلات ده أنا برضو كان عندي مشكلة كبيرة قبل سنين أنا بعرفو بي الانجليزي والشيكي والدنماركي لكن ما كنت بعرفو بالعربي الفصيح واسمك بتاع الشايقية ده بالمناسبة تاني ما تقولو لانو بيعمل لخبتة زيادة اول مرة اسمع بيه.
لما كتبت قصة الامباشى في مجموعة المشبك كان سمير ضابط البوليس رجل إنساني ومعقول والده تاجر ثري اجبره لان يصير ضابط بوليس لأنها وجاهة وهو كان يعرف بأنه مصاب بالعقم لانه أصيب في صغره بي أب عديلات ولم يرد أن يتزوج فتاة ويحرمها من إنجاب أطفال فتزوج زوجة زميله الذي مات في حادث سير لكي يكفل أطفاله .
بعدين يا خالد الحاج راسي ضرب لاني عايز أعرف أب عديلات ده بالعربي الفصيح شنو وكنت عارف أن 25 % من الأطفال البيصابو بيه بيصابو بالعقم احدهم كان سايمون اسبيس الملياردير الدنماركي وبدأت البحث عن قاموس سويدي عربي كبير موسع وعرفت أن المرض اسمه مرض النكاف أو التهاب الغدة النكفية
المهم إنت يا خالد مخلف الحمد لله وما عندك مشكلة لكن قالوا الله بيدي كل زول قدر نياتو وأعمالو والباقي عليك
زمان في تشكسلوفاكيا كان شيخنا كما تذكر ام راشد وبابكر وفتحي مسعد هو حسن ابا سعيد وهو رجل طويل القامة ووسيم وكانت بينه وبين زميله ارصد حمد الملك صداقة قوية ومتاكفات وشد وجر
وعندما قلنا لارصد ما شيين نسلم علي ابا سعيد لانو عيان كان رده :
والله لا أمشي ليه ولا عايز اعرفو ولا هو صاحبي ولا عندي معاهو اي علاقة ما يختشي راجل كبير يقوم يجيه برجم.
والبرجم جاه من ولده الصغير كمال .
زوج اختي محمد صالح عبد اللطيف كان قاضي جنايات أم درمان . وزمان القاضي بيلبس باروكة والمحامي لبس خاص وعسكري بشيل عصاية بدق الواطة يقول رفعت الجلسة لما جاه برجم من ولده علي كانوا داسنو لانو ما معقول قاضي يجيه برجم

عبدالرحيم ابراهيم العبيد · 29-01-2008, 11:34 AM

الف حمدا لله علي السلامه
أبن العم دي عين ساي
برسل ليك بخور تيمان
وشوية بخـــرات
وعندنا حاجه أسمها ( لبخـــــه )
وبعدين العجين دايرو فطير ولاخمير

معتصم الطاهر · 29-01-2008, 11:39 AM

اقتباس:

المشاركة الأصلية كتبت بواسطة شوقي بدري

المهم إنت يا خالد مخلف الحمد لله وما عندك مشكلة لكن قالوا الله بيدي كل زول قدر نياتو وأعمالو والباقي عليك

أخير نحن وناس عكود

omrashid · 29-01-2008, 01:28 PM

سلامتك وبعد الشر عليك

بس اعمل حسابك اب عديلات دا بيعمل مضاعفات في اماكن اخري اكثر اهميه من الجضوم

omrashid · 29-01-2008, 01:34 PM

سلامتك وبعد الشر عليك

بس اعمل حسابك اب عديلات دا بيعمل مضاعفات في اماكن اخري اكثر اهميه من الجضوم

فتحي مسعد حنفي · 29-01-2008, 02:18 PM

اقتباس:

المشاركة الأصلية كتبت بواسطة omrashid

سلامتك وبعد الشر عليك

بس اعمل حسابك اب عديلات دا بيعمل مضاعفات في اماكن اخري اكثر اهميه من الجضوم

يا ام راشد الزول دا ما تخوفوه تقوم تحصل ليهو حاجة أكبر من الخوف.
ياخالد ما تخاف العندك دا جانا واحنا صغار وأهلنا كانوا بيقولو ليه دباس والمتفلهمين بيقولوا عندو الممص
وكللو بيعدي بدون مشاكل وفي الزمن دا مافي زول بتجيهو جضوم بقول ما داير الجضوم دي احنا كايسنها عشان تضاري لينا الكرمشة الجاتنا آخر العمر.

نوفل عبد الرحيم · 29-01-2008, 10:00 PM

سلامتك الف سلامه
ومادام جاك برومبفي معناها انت لسه صغنون وحلات الدنيا عليك

ولا بأس عليك

29-01-2008, 12:09 AM	#[1]
خالد الحاج :: كــاتب نشــط::	أب عديلات وشمار الخواجات تخيل نفسك تصحي الصباح من النوم وتلقي عندك تلاتة جضوم أي والله ... أول من لاحظ للأمر كان إبنتي نهلة ... ضحكتها الرنانة وسؤال : يا بابا ده سنو ؟(اللسان أغلف) . وطبعا إحساس بالخدر في الخد دون ألم .. مديت يدي ألمس وجهي.. إحساس غريب كأنك تحمل ثمرة قونقليز قبل كسرها وإخراج ثمارها ..خاصة وأني لم أحلق ذقني ليومين ... يسميه أهلنا الشايقية "برومبوفي".. ويطلق عليه في الكثير من أنحاء السودان "أب عديلات" .. تلاتة جضوم والما يشتري "يكفت" نظرت إلي وجهي في المرايا... منظر عجيب... جلست أتابع نشرة الأخبار في قناة الجزيرة .. "ده ما وش شغل".. الساعة الثامنة والنصف تماما جرس التلفون يضرب .. ألو ... - ألو أيوة معاك روجي (Roger) -زميلي ورئيسي المباشر..- أسلم عليه وأقول : معليش كان مفروض أتصل أعتذر أصلي عيان شوية .. - مالك في شنو ؟ فكرت للحظة ولم أجد الإسم ... لم أكن أتخيل أني سأحتاج يوما لمعرفته .. هذه الأشياء لا تحدث كل يوم . رديت عليه : لا أعرف إسم المرض بالهولندية يا روجي لكنه ورم في الوجه . الخواجة لايوق يسألني .. - هل عندك ألم ضرس ؟ أرد عليه بصبر : لا يا أخي ورم في أسفل الخد . يسأل ثانية.. - عندك لوزات ؟ هنا عيل صبري فالخواجة ليس من حقه أن يسأل ، يكفيه أن يعلم أني مريض لكنه "الشمار الذي قتل الكديسة" .. فقلت له : أصبر دعني أسأل زوجتي .. وناديت علي الحيكومة : يا حاجة البرومبوفي ده إسمو شنو بالهولندي ؟ - برومبوفي شنو يا راجل ؟! أبعديلات يا حاجة إسمو شنو بالهولندي ؟ نظرت إليً تلك النظرة العجيبة ... لا أحتاج في الكثير من الأحيان لحديثها يكفي نظرة لأفهم المطلوب "عشرة سنين" كانت نظرتها تقول لي ( ما عامل مقدد الهولندي ! أها ترجم يا فالح ) . طبعا فوتت الخواجة اللايوق بي كلمتين لكن إنتقل فضوله إليً.. وهنا "قوقول" غير مفيد علي الإطلاق .. وأنا أفكر في هذا البرومبوفي اللعين إذا بجرس التلفون يضرب مرة أخري.. ألو .. - أيوة معاك روجي.. أها يا روجي في شنو ..؟ - أسمع يا "حسن" - ينادونني بإسم العائلة "الحسن" مع سحب الألف والام- ما دام مافي ألم تعال الشغل في عدد من الزملاء غايبين؟ هنا ظهرت مشكلة كبيرة .. البرومبوفي جاب ليه "أشكدي" ولو قلت للخواجة عندي أشكدي بقعد باقي يومي أشرح معناها .. فضلت الذهاب بشكلي الغريب "تلاتة جضوم" وأشكدي .. عندما وصلت الشغل.. كان منظري كافيا لأن يرجعوني المنزل.. وبقيت مشكلة أخري.. من وين نجيب عجين مر ؟؟؟
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

29-01-2008, 05:55 AM	#[3]
التربال :: كــاتب نشــط::	الحبيب خالد يا آخي ألف مليون سلامتك.. وبقر هولندا كلها كرامتك..وكفارة البيك يزول (والبرومبوفي) ما بيكتلو زول... وماعندك أي مشكلة ونحن جاهزين لتزويدكم (بالعجين) المر.. بس تتأكد لينا من إمكانية إرساله بال(DHL)، فلربما يكون من الممنوعات في الدول الإسكندنافية. تخريمة: بس (الأشكدي) ممكن تتحدد إمكانية علاجه بعد معرفة الموقع عن طريق (القوقل)..
التربال :: كــاتب نشــط::

29-01-2008, 10:20 AM	#[4]
عكــود Administrator	سلامتك يا خال، عين و صابتك عزوبية برومبفي إشكدّي مدير لايوق وعمليات مشكوك في أمرها يا زول الله يدّيك الصحة.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

29-01-2008, 10:32 AM	#[5]
بابكر مخير :: كــاتب نشــط::	المرض الكتير علامات الكبر (طبعن الكلام دا عن تجربة خاصة) لكن كمان ذي أب عديلات دا من أمراض الصغار طيب نقول شنو؟؟؟ المهم البنقولو كفارة ليك يا زول وما تسمع كلام الجماعة ديل عجين وسمين وهلما جرا ليك وعليك بعلاج الخواجات وإن كان دا أمراض المناطق الحارة وعشانها تعال لي الحر ما أنا حسي في السودان قال شتا ودرجة الحرارة 34% شد حيلك ويديك العافية
بابكر مخير :: كــاتب نشــط::	التوقيع:

29-01-2008, 10:33 AM	#[6]
الفاتح :: كــاتب نشــط::	الخال أبجضوم.. مش حتإدر تغمض عينيك : يدينك.. برمبفي.. إشكدي... الحكايه شنو؟ تكون واحده من الأبقار الهولنديه أدتك عين! فتّش للكركجيه لحدّي ما نحل قصة العجين المر دي.
الفاتح :: كــاتب نشــط::

29-01-2008, 10:37 AM	#[7]
خالد الحاج :: كــاتب نشــط::	سلام يا شباب طبعا ليكم الشكر والحكاية بأمانة ليها أسبوع كده لكن المرة دي نمت بيها المرة الفاتت قلنا عملية في الكتف طلعوها بواسير.. أها خفت والله أقول برومبوفي يطلعوني حامل المرة دي ما نجيكم في شر ويا عكود رسل عجين مر في أتاش منت أو بي (DHL) للمرات الجاية وكده
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

29-01-2008, 11:17 AM	#[8]
معتصم الطاهر :: كــاتب نشــط::	يا خالــــــ د ما تكتّر قلنا ليك .. مرسلليك عجين مر و معاهو كم حاجة كدا .. حتبسطك .. وحتقول معتصم أهداني ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

29-01-2008, 11:24 AM	#[9]
شوقي بدري :: كــاتب نشــط::	سلامتك يا خالد أب عديلات ده أنا برضو كان عندي مشكلة كبيرة قبل سنين أنا بعرفو بي الانجليزي والشيكي والدنماركي لكن ما كنت بعرفو بالعربي الفصيح واسمك بتاع الشايقية ده بالمناسبة تاني ما تقولو لانو بيعمل لخبتة زيادة اول مرة اسمع بيه. لما كتبت قصة الامباشى في مجموعة المشبك كان سمير ضابط البوليس رجل إنساني ومعقول والده تاجر ثري اجبره لان يصير ضابط بوليس لأنها وجاهة وهو كان يعرف بأنه مصاب بالعقم لانه أصيب في صغره بي أب عديلات ولم يرد أن يتزوج فتاة ويحرمها من إنجاب أطفال فتزوج زوجة زميله الذي مات في حادث سير لكي يكفل أطفاله . بعدين يا خالد الحاج راسي ضرب لاني عايز أعرف أب عديلات ده بالعربي الفصيح شنو وكنت عارف أن 25 % من الأطفال البيصابو بيه بيصابو بالعقم احدهم كان سايمون اسبيس الملياردير الدنماركي وبدأت البحث عن قاموس سويدي عربي كبير موسع وعرفت أن المرض اسمه مرض النكاف أو التهاب الغدة النكفية المهم إنت يا خالد مخلف الحمد لله وما عندك مشكلة لكن قالوا الله بيدي كل زول قدر نياتو وأعمالو والباقي عليك زمان في تشكسلوفاكيا كان شيخنا كما تذكر ام راشد وبابكر وفتحي مسعد هو حسن ابا سعيد وهو رجل طويل القامة ووسيم وكانت بينه وبين زميله ارصد حمد الملك صداقة قوية ومتاكفات وشد وجر وعندما قلنا لارصد ما شيين نسلم علي ابا سعيد لانو عيان كان رده : والله لا أمشي ليه ولا عايز اعرفو ولا هو صاحبي ولا عندي معاهو اي علاقة ما يختشي راجل كبير يقوم يجيه برجم. والبرجم جاه من ولده الصغير كمال . زوج اختي محمد صالح عبد اللطيف كان قاضي جنايات أم درمان . وزمان القاضي بيلبس باروكة والمحامي لبس خاص وعسكري بشيل عصاية بدق الواطة يقول رفعت الجلسة لما جاه برجم من ولده علي كانوا داسنو لانو ما معقول قاضي يجيه برجم
شوقي بدري :: كــاتب نشــط::	التوقيع: [frame="6 80"] العيد الما حضرو بله اريتو ما كان طله النسيم بجى الحله عشان خاطر ناس بله انبشقن كوباكت الصبر وتانى ما تلمو حتى مسله قالوا الحزن خضوع ومذله ليك يا غالى رضينا كان ننذله [/frame] http://sudanyat.org/maktabat/shwgi.htm رابط مكتبة شوقي بدري في سودانيات

29-01-2008, 11:34 AM	#[10]
عبدالرحيم ابراهيم العبيد :: كــاتب نشــط::	الف حمدا لله علي السلامه أبن العم دي عين ساي برسل ليك بخور تيمان وشوية بخـــرات وعندنا حاجه أسمها ( لبخـــــه ) وبعدين العجين دايرو فطير ولاخمير
عبدالرحيم ابراهيم العبيد :: كــاتب نشــط::

29-01-2008, 01:28 PM	#[12]
omrashid :: كــاتب نشــط::	سلامتك وبعد الشر عليك بس اعمل حسابك اب عديلات دا بيعمل مضاعفات في اماكن اخري اكثر اهميه من الجضوم
omrashid :: كــاتب نشــط::

29-01-2008, 01:34 PM	#[13]
omrashid :: كــاتب نشــط::	سلامتك وبعد الشر عليك بس اعمل حسابك اب عديلات دا بيعمل مضاعفات في اماكن اخري اكثر اهميه من الجضوم
omrashid :: كــاتب نشــط::

29-01-2008, 10:00 PM	#[15]
نوفل عبد الرحيم :: كــاتب نشــط::	سلامتك الف سلامه ومادام جاك برومبفي معناها انت لسه صغنون وحلات الدنيا عليك ولا بأس عليك
نوفل عبد الرحيم :: كــاتب نشــط::