اقتباس:
المشاركة الأصلية كتبت بواسطة صديق عيدروس
سلام اخ بدر الدين
وما هو الجديد فيها ..؟
يعني فرقها شنو من اتفاقية كمبالا ،، وجوبا وووو وغيرها ...!
نفس الاشخاص ،، نفس الاعبين ،،، نفس الرايات ،، نفس الممولين...!
وين الشعب السوداني من هذا كله ..؟
|
تحياتي و احترامي صديق عايدروس
الفرق انه بالاتفاق توحدت القيادة السياسية و العسكرية للمعارضة مع ميل واضح جدا في اتجاه غلبة القيادة السياسية.
يا صديق تخيل رد فعل اول زول عرضت عليه وكالة ناسا انهم يفكرون في ارسال مركبة لمسافة كم مليون ميل عشان تحط على ظهر مذنب؟ كان امام المسئول واحج من رد فعلين, كان ممكن يقول ليهم "قوموا لفوا و شوفو ليكم شغلة, الحكاية دي غير ممكنة و ليست ذات جدوى اقتصادية ووووووو" او الرد التاني انه يقول ليهم" و الله فكرة كويسة كدي خلونا نبدأ نشوف تتحقق كيف"
بنفس الطريقة, ممكن نقول اعلان نداء السودان حبر جديد على ورق و قايمة عليه نفس الوجوه و نثبط الهمم و تفوز الانقاذ او نقول و الله الناس ديل عندهم تاريخهم النضالي و ذيهم وذي اي بشر كانت لهم اخفاقات كما كانت لهم نجاحات, لكنهم المرة دي وضعوا الحصان امام المركبة. اها دورنا انه نشوف الادوار التي يمكن ان نلعبها نحن لدفع الاتفاق في طريق النجاح و التنفيذ.
اللاعبين هم مواطنون سودانيون و لهم الحق في المساعدة في حل مشاكل البلد, لا يمكن ان نبخسهم حقهم, لانهم كانت لهم اخطاء في السابق.
المحك في اننا نشوف الادوار التي تلينا نحن لنقوم بها, مهما كانت صغيرة, لو قمنا بها, ستصب في النهاية في مجرى اخراج السودان من ظلمات الدكتاتورية الي افاق الديمقراطية و السلام و المواطنة الحق.
تحياتي