يادوت مجاك النعكنن عليك شويه

[imported_AMAL]

المشاركة الأصلية كتبت بواسطة محمد مصطفي

يا امآل سلامات .....
كثير مننا بيطمح لي حكم دمقراطي في ظل حكومة رشيدة
تحقق العدل بارض الوطن حتي يأمن شعبه ...........
تنشر السلام والطمأنينة في كل شبر من بقاعه
وجود الحرية ... بجانب القانون ليحميها من الفوضي
لكننا يا امال فرحنا جداً اليوم لتحرير هجليج
وما اظن نفرح او حتي نشمت في النظام الحاكم لو حصلت ضربا تانية في مكان ما
وبرضو في واقع ما عارف ليه الناس ما عايزة تتعايش معاهو ... الجنوب ده دولة ما حقتنا خالص
دولة قايمة بذاتا ما بتهمنا كجزء من الوطن ولا بنعتبر انها امتداد للسودان
عشان كده يا امولة ما تلخبطي الحاجات ما عشان الكيزان نتمني البلد تتحرق

اهلين
يامحمد مصطفي
بتين انا فرحت لسقوط هجليج
ولا بفرح لسقوط اي جزو تاني لاقدر الله
تصور انو واقع الجنوب دولة مستقلة افرزتو الانقاذ دي
بايدا وشديدا وماتقول لي هم الاختارو
اصلا الوصلهم منو وشنو للوضع دا
والوصل البلد كلها للهاوية دي منو
والمستفيد الاول والاخير منو
اقلها لقو شماعة للتدهور الاقتصادي
ودعم متوهم بعد مالعبوا بمشاعر الناس وابتزوا عواطفهم باسم الوطنية
طيب الوطنية دي وين من حلايب والفشقة
يامحمد قصدت اقول
مشكلة سمية مامع دوت
ومشكلة دوت ما مع سمية
الصراع يتوجه صاح
وحكومة جوبا والخرطوم يمشوا
واي داعية حرب يغور في ستين داهية
ومستعدة اراهن اي زول هنا
طالما الانقاذ علي راس السلطة
كل يوم نحنا في سقطت رجعت رجعت سقطت
والتمن ماهو هين ابدا
ومازال الرقص مستمرا
شكرا ياعريس علي اهتمامك بالرد

[imported_ود الخير]

المشاركة الأصلية كتبت بواسطة طارق صديق كانديك

الديمقراطية الفيها نوع استنتاجك المؤذي ده دي ما الديمقراطية.

هل كل من اختلف معك في تصورك للبلد يبدو في نظرك غير حريص عليها؟

ياخي الواحد يحمد الله انو انت ما عندك سلطة مباشرة كان ح تسحق البشر سحق . !!

البشر يا تم البسحقهم؟؟؟؟ المحتلين؟؟؟ المغتصبين؟؟؟؟
ابداً ما حا أخيب ظنك... وما حا أكون اقل همة من الناس الفي الميدان الآآآن

ولو كان قصدك المخذلين الشامتين لهلاكنا ودمار السودان
في هذا العالم الإسفيري ستجدني دائماً في المقاعد الأمامية
حتي يكون شوف عين ماسمع!

[imported_عادل عسوم]

المشاركة الأصلية كتبت بواسطة طارق صديق كانديك

الديمقراطية الفيها نوع استنتاجك المؤذي ده دي ما الديمقراطية.

هل كل من اختلف معك في تصورك للبلد يبدو في نظرك غير حريص عليها؟

ياخي الواحد يحمد الله انو انت ما عندك سلطة مباشرة كان ح تسحق البشر سحق . !!

أعذرني أخي طارق...
صدقني لقد قلبت مداخلتك على كل وجه تحتمله فلم أجدها (تتسق) مع مداخلة ودالخير!
هذه هي مداخلته:

المشاركة الأصلية كتبت بواسطة ود الخير
بالله يا محمد مصطفي جاك شعور زي
إنها عاوزة تحرق البلد ومن فيها!!!!
الله لاجاب آخرهم ولا أقام ليهم قائمة
لكن ياحبة بتكون دي الديمقراطية كدا!!!!

الرجل يتناول مداخلة الزميلة أمال التي تقول فيها الآتي:

لمشاركة الأصلية كتبت بواسطة AMAL
سمسمة ياجميلة
الصراع ابدا ماهو بين شمالي وجنوبي
وان ارادت الانقاذ ذلك
هجليج جات وبكرة بتسقط او بسقط غيرها
دي الدايرة الدخلونا فيها الكيزان 22 سنة
عارفة هجليج دي مهرها كم
من دماء السودانيين الغالية
بي هنا وهناك
وعارفا المقابل شنو?
البشير والعصابة يحكمو ويسرقو وينهبوا
ويعيشو في كافوري
والشعب يحرق
بكرة بتشوفي
المستفيد من النيران المولعة دي منو

وقد (حبّر) الرجل فقرتها التي تقول فيها بأنه ان سقطت هجليج فستسقط غيرها!
وأمال قد كتبت من قبل بأنها تعتبر الجيش السوداني ميليشيات للجبهة وبالتالي لايهمها أن يموت منهم أحد (هذا ان لم تكن تتمنى له الموت اصلا)!!
ماهذه الديمقراطية التي تجعل السوداني لاخطوط حمر له؟!!!
والله لقد فرحت بعودة هجليج الى حضت هذا الوطن تماما كفرحي بعودة ابن من ابنائي ضل الطريق أو اختطف...
...
تسلمي ياسمية
يكفينا عندما نفكر في الوطن أن نرجع البصر الى أهل لنا في الصومال والعراق وغيره من بلاد الله التي تفرق جيشها فتفرق الناس فيها شذر مذر
اشاركك الفرحة ياغالية
مودة تترى

[imported_سر الختم إبراهيم نقد]

المشاركة الأصلية كتبت بواسطة طارق صديق كانديك

الاخ سر الختم

صباح الخير

هذا الحديث لا يقدمك محاوراً جيداً أو مدافعاً عن السودان ولا يزيد البلاد عزة، هو في أبسط معانيه إساءة لإنسان كرمه الله الذي خلق الناس أجمعين.


من ناحية أخرى تعلمون*أن العضو دوت مجاك موقوف ولذا لن يتمكن من الرد عليكم، فليتكم تركتم حديثكم الى حين انتهاء فترة عقوبته.

* الاشارة في تعلمون للأخت سمية ولجميع من وجه حديثه الى العضو دوت مجاك

الأخ الكريم طارق
ومن قال إنني أبغي الحوار مع المدعو مجاك، أتانا غازياً بليل وتبجح بأنه يكتب من مكاتب في هجليج قيل إنها تعود لشركة قريتر نايل البترولية هو عدو وليس عضواً يُحاوَر في نظري، لم يأتنا مجاملاً أو زائراً وإنما أتانا محتلاً أتى ليقتلنا ويدنس أرضنا وهو الأجنبي بكل معاني الكلمة فلا يهمني إن كان موقوفاً أو مطروداً يهمني فقط أن يكون لقي جزاءه الوفاق.
ولك الاحترام.

[imported_Nour]

كل أجزائه لنا وطن إذ نباهي به ونفتتن
نتغنى بحسنه أبدا دونه لا يروقنا حسن
حيث كنا حدت بنا ذكر ملؤها الشوق كلنا شجن
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا ينئ جهدها ولا تهن
تستهين الخطوب عن جلد تلك تنهال وهي تتزن
انا سوداني انا انا سوداني انا

[imported_Nour]

المشاركة الأصلية كتبت بواسطة محمد مصطفي

يا امآل سلامات .....
كثير مننا بيطمح لي حكم دمقراطي في ظل حكومة رشيدة
تحقق العدل بارض الوطن حتي يأمن شعبه ...........
تنشر السلام والطمأنينة في كل شبر من بقاعه
وجود الحرية ... بجانب القانون ليحميها من الفوضي
لكننا يا امال فرحنا جداً اليوم لتحرير هجليج
وما اظن نفرح او حتي نشمت في النظام الحاكم لو حصلت ضربا تانية في مكان ما
وبرضو في واقع ما عارف ليه الناس ما عايزة تتعايش معاهو ... الجنوب ده دولة ما حقتنا خالص
دولة قايمة بذاتا ما بتهمنا كجزء من الوطن ولا بنعتبر انها امتداد للسودان
عشان كده يا امولة ما تلخبطي الحاجات ما عشان الكيزان نتمني البلد تتحرق

لايك والله شديد يامحمد مصطفي , وعجبني جدا الصادق المهدي وهو بزور الجرحي ماقال ديل رسلتوهم حكومة الانقاذ الياكلو نارهم في الحالات الزي دي الناس بتشوف بس السودان ولاشئ غيره. دولة الجنوب لو مشت الحكومة دي او قعدت حتظل تري فينا شمال السودان عدو لها ودا تاريخ مافي زول يقدر ينكره.

[imported_Nour]

المشاركة الأصلية كتبت بواسطة أبو دعد

المسألة انسحاب و ليس تحرير و بينهما فرق كبير

والميتين ديل عتروا وهم منسحبين. انسحاب تحرير هجليج سودانية وستظل.

[بابكر مخير]

ما عارف ("عبارة كانت بتستفزني لمن يقولوها زملائي بالدراسة من الشيوعين واليوم بستعملها" سبحان مغير الاحوال)
ليه بنفرح على حزن الأخرين وليه نفتخر بإظهار خسي الأخرين،،
وليه ما نكبر ونبقى أهل السماح والسماحة،،
ليه ما نقول لمن أعتدى؛ هناك طرق أخرى لنيل حقك أن أردت وسبل أرقى لإظهار الخصومة،،
ليه ما نكون إحنا الغدوة،
نردع الجاني ونحدثه بهداوة عن ذنبه الذي إغترف من بين الذنوب،،
دآ الما عارفه
وأخاف أقول أنه العارف،،
نحن بنا من العنصرية وباء
لا نعترف بالغير ولا نغفر ولا نسامح..
العنصرية يا أهلي،،
داء عضال،،
متشعب وسرطاني الانتشار،،
أنا كدي وهو كدي وهيا كدي،
وأنا الاحسن وأهلي الأحسن وقبيلتي الأحسن،،
وباكر!!!!؟؟؟
خمو


خلاصته،،
بوست ما يسوى

[imported_AMAL]

المشاركة الأصلية كتبت بواسطة عادل عسوم

وأمال قد كتبت من قبل بأنها تعتبر الجيش السوداني ميليشيات للجبهة وبالتالي لايهمها أن يموت منهم أحد (هذا ان لم تكن تتمنى له الموت اصلا)!!
ماهذه الديمقراطية التي تجعل السوداني لاخطوط حمر له؟!!!

حسبي الله ونعم الوكيل
you really make me feel sick
وين كتبتا انا دا

[imported_somiaadam]

اقتباس:
المشاركة الأصلية كتبت بواسطة وجدي الأسعد الأسعد
الاخت سمية تحية واحترام
ياخ النوريك العكننة الجد جد
اتخيلي انو البشير وصف الجنوبيين بالحشرات

شوفت الكلام دا مضحك كيف؟!
ولكن الرد الجنوبي كان اكثر اضحاكا
اذ قال وزير خارجية الجنوب بان وصف البشير لنا بالحشرات يدل على عقلية الابادة الجمعية!!






ياخ واللاي نحن بلد نفتقر الى مباديء مقومات السياسة



اخي وجدي
كيف ترد علي المغتصب للارض والعرض ؟؟!
بكينا الوطن حين الانفصال لكن
حين تعالي صياحهم بباي كرتوم ايقنت حقدهم الذي يدفنون
فقلت ازهبوا دون اسف عليكم
وحين الاحتلال لاينفع الا قعقعه السلاح
دمت بخير

[حسين عبدالجليل]

سلام ياسمية :

أنا مع الجيش السوداني . وفرحان فرح شديد كمعظم أفراد الشعب السوداني, بهزيمة جيش الحركة في هجليج .

كراهيتنا لظلم النظام يجب الاتعني لامبالاتنا باحتلال أرضنا من دولة أجنبية .

[imported_somiaadam]

عادت للوطن هجليج
يعيش الجــــــــــــيش
يدق أعدانا دق العيش
يحقق لينا نصر بهيج
... و عادت للوطن هجليج

سودانية جد جيش الوطــــــــــن نفخربو
في ساعة الدواس الناس بتعرف ضــــربو
حامي حمي الوطـن حارس جنوبو و غربو
جيش المعتـــدي يهرب عديل من دربـــو

و يا جيــشنا الهمـــــام أضرب بكل بســـالة
أضرب في الصميم جيب للجماعة الحــــالة
هجليج للوطـــن عـــادت عزيزة رجـــــــــالة
حمرة عين عديـــل جيشنا المعلــم نــــالا

بنحب البلد عاشقين ترابا ونيلا
من بين الدول شايفين بلدنا جميلة
عاش جيش الوطن ديمة التيقلة بشيلا
جاهزين للجميع أمريكا و إسرائيلا

هجلــــيج من جديد عادت لأجمل عازة
قوات العدو المن جيشنا فــــزت فازة
يا حاكم الجنوب قول للفلول اللازه
في ساعة الدواس جيشنا السيوف الجازه

(منقول ولا اعرف كاتبها)

[imported_somiaadam]

اقتباس:
المشاركة الأصلية كتبت بواسطة AMAL
سمسمة ياجميلة
الصراع ابدا ماهو بين شمالي وجنوبي
وان ارادت الانقاذ ذلك
هجليج جات وبكرة بتسقط او بسقط غيرها
دي الدايرة الدخلونا فيها الكيزان 22 سنة
عارفة هجليج دي مهرها كم
من دماء السودانيين الغالية
بي هنا وهناك
وعارفا المقابل شنو?
البشير والعصابة يحكمو ويسرقو وينهبوا
ويعيشو في كافوري
والشعب يحرق
بكرة بتشوفي
المستفيد من النيران المولعة دي منو



اختي امال وكل االمتداخلين اعتزر لتاخير الرد لمشكله في الكيبورد
انا وغيري كثيرون وطنيون وليس مؤتمرون
ومادعاني للكتابة بهذا الاسلوب طريقه دوت مجاك
جاء مغتصبا ومفتخرا بذلك
يكتب بدم ابريائنا ويريدنا ان نصمت بحجه عدائهم مع الحزب الحاكم
اريده ان يفهم ان الوطن في حدقات العيون ونفديه بالمقل والارواح
والحكومات تزول ويبقي الوطن
فلو دامت لغيرهم لما الت لهم
دمتي بخير ودام الوطن حرا مستقلا