** ﻳﺎ ﺳﻼﻡ ﻟﻮ ﺍﻱ ﺯﻭﻝ ﻳﻮﻡ ﺗﻀﻴﻖ ﺍﻟﺪﻧﻴﺎ ﺑﻴﻬﻮ **

[ناصر يوسف]

المشاركة الأصلية كتبت بواسطة فيصل سعد

الحبيب ناصر يوسف الباسم الفنان ..
اسعد الله ايامك و لياليك خيرا و عافية و حفظك
حلا و ترحالا و لك من المودة قواسيب و اطنان ..

فيصل سعد يا حبوب

ياخي يعلم الله شوفة قلمك هنا ،، شئ يفرِح القلب ياخ

الترحال قبال الحِل

تراني دايماً بحاول أطبق المفهوم العميق لسودانيات البيت الكبير ده

عالمٌ من التواصل والمحبة

بحاول أطبق المفهوم العميق ده عملياً ياخ كلما تسنح لينا الفرصة والجيوب تبقي فيها شوية قريشات ممكن توصلنا لأهلنا وأحبابنا في كل بكان علي الكرة الأرضية الغير مُسَطَحة دي ياخ

و 2014 دي إن ساعدتونا بدعوة بزيارة بفيزا سياحية أو ما شابه ،،،

حتلقاني قدام وشيك أقالدك وأفت شوق السنين وأباكيك في الحبيب خالد الحاج ،،، ربنا يرحمه ويغفر ليه

تعرف أنا لغاية هسي عندي فهم خاص بي بإني ما عزيتك في رحيل خالد الحاج ،،، لا إنت ولا عمي شوقي بدري ،، ولاااا رأفت ميلاد ؟؟

إن ما لاقيتكم وقالدتكم وبكيت خالد معاكم ،،، ما ببقي عزيتكم فيه كلو كلو ياخ ،،،

ربنا يرحمو ويغفر ليه يا رب





فشنو ،،، شوف لينا طريقة إني أجيك فوق بكانك ياخ

دلوقت أنا مع أهلي وأهلك بورداب السعودية ،،،

شباب وعواجيز جده كنت معاهم الأسبوع الفات وبرجع ليهم الأسبوع الجاي

دلوقت أنا مع شباب وعواجيز سودانيات في الرياض وبَحَضِر ليكم في مفاجأة من العيار التقيل ( غير قابلة للحديث عنها الآن)

يا سيدي تسلم وفرحان بعودة قلمك يعلم الله

[AMAL]

المشاركة الأصلية كتبت بواسطة فيصل سعد

بسم الله ... و الحمد لله ...
و الصلاة و السلام على رسول الله ...

السلام و التحايا الطيبة لكم جميعا اهلنا و احبابنا في سودانيات .. و ناسف للغياب و عدم التواصل و المشاركة التى لم تسببها ظروف قاهرة او مشغوليات و لا شواغل .. و لكنه الكسل و التكاسل عن الكتابة .. مقروننا بجفاف اصاب كيبوردنا امتد لاناملنا .. زيادة على المزاج المعكر و زادته الغربة و الوحشة و الوحدة بعض شذرات من اسى و لوعة ..

نعم طال الغياب .. و لكن تاكدوا بانكم و سودانيات دوما في البال و الخاطر ..
و لم و لن تغيبوا عنا لحظة واحدة لا تناسيا و لا شرودا و لا سهوا ..

ياسﻼم لو اي زول
يوم تضيق الدنيا بيهو
يقدر يلقى وسط همومو
زول حنين يسأل عليهو
زول تفتش ليهو روحك
لما تحتار تمشي ليهو
ولما تمرق من دواخلك
او تضيع منك مداخلك
تبقى مارق شان تجيهو

زول بيشيلك في ودارك
يبني بالحنية دارك
و يوم تلهلب فيك نارك
يطفي جمرك بي ايديهو

لو حصل ضاق بيك مكانك
او زمانك مرة خانك
برضو بفتح ليك حتة
بين رموشو وبين عينيهو

ايه تكون السكة
من غير زول رفيقك
يمشي بيناتك و يسرع
شان يسهل ليك طريقك
ولو كمان السكة صعبت
تلقى في دربك مشيهو

و تسوى ايه الدنيا
من غير زول يحسك
يبقى عايش في كيانك
شان يحرك ليك حسك
و تبقى مليان انت بيهو


http://www.youtube.com/watch?v=CJJYldSupxQ

اهلين فيصل
مشتاقين ياصديق زمن سودانيات الجميل
واياما الحلوة






الجابك يجيب عقابك:drinks:

[فيصل سعد]

المشاركة الأصلية كتبت بواسطة AMAL

اهلين فيصل
مشتاقين ياصديق زمن سودانيات الجميل
واياما الحلوة

الجابك يجيب عقابك:drinks:

الحبيبة بت جدي امال الشيخ :

لكم وافر التحايا و الاشواق
و جمل الله ايامكم صحة
و عافية و سعادة..

قربتي تقولي
"البحبني يجيب عقابو" :drinks:

[فيصل سعد]

المشاركة الأصلية كتبت بواسطة شبارقة

بين ظهرانيننا هذه الأيام الحبيب ناصر يوسف

الحبيب عاصم لكم باذخ التحايا و السلام
و تقبل عميق الامتنان و التقدير لحضورك
الفخيم هنا و يظل المنبر عامرا بكم جميعا
تواصلا و محبة يا صاحب ..

[فيصل سعد]

المشاركة الأصلية كتبت بواسطة ناصر يوسف

يا سيدي تسلم و فرحان بعودة قلمك يعلم الله

مجدد التحايا و السلام ابا رحيق و نغم و .... البنية الثالثة اسمها طار اعفي لينا .. عمرة مقبولة يا صاحب و ما تنسانا في الدعوات ..

[عبدالعزيز خطاب]

فيصل يا قريب
اسعد الله أيامك ود سعد
انت دحين بيناتنا مافي وعد؟!

احتفى بي قبل ايام اخي وصديقي الفنان على السقيد في حضرة أحباب لي بينهم الطيب بشير وإسماعيل حميم وإبراهيم عبدالحليم في منزلي بحلتكم لصق المعرض الدولي. ويا لها من أمسية .. غنى من القلب للقلب درره الخاصة وأبدع كعهده في اختياره من الحقيبة.
لو اوفيت بوعدك بمدك بالتسجيل الناااااااادر النضييييف.

[الجيلى أحمد]

المسافة يامسافة

جيتك تستاهل الإحتفاء

http://www.youtube.com/user/drelzak

[فيصل سعد]

المشاركة الأصلية كتبت بواسطة عبدالعزيز خطاب

لو اوفيت بوعدك بمدك بالتسجيل الناااااااادر النضييييف.

حبيبنا و قريبنا الفنان
سيادة القنصل ابا رزين :

لك التحايا و عميق الود و التقدير و عساكم
بالف خير و عافية و نعمة و بركات ..

نتمنى لك اقامة طيبة بارض الوطن العزيز في صحبة رفاقك الاوفياء
و عودة سالمة للمنفى بعد الاستجمام في ضفاف النيل و نخيله :

رملتنا بيضة و بين
بحرين يلاك نزورها
نسقي الحبايب كاس
كاسين و نسقي حورها

لعن الله الذاكرة العاوزها تلومنا معاك !! انت بس رسل التسجيل المنمق
و كلو بيهون ان شاء الله ..

سلام يا صاحب..

[فيصل سعد]

المشاركة الأصلية كتبت بواسطة الجيلى أحمد

المسافة يا مسافة

جيتك تستاهل الإحتفاء

الحبيب الجيلي :

سلام و ود و تحايا يا رجل يا كلس ..

وينك و وين ايامك و لياليك الزمان
والقمرة في ليل الغريب
ما زي قميراتنا الحنان

ارقد عافية ..

[عبدالرحيم ابراهيم العبيد]

http://youtu.be/b2fZ5HAnuLw

حمدا لله علي سلامة العوده ياجميل

[فيصل سعد]

المشاركة الأصلية كتبت بواسطة عبدالرحيم ابراهيم العبيد

حمدا لله علي سلامة العوده ياجميل

الاخ العزيز عبد الرحيم :

لك السلام و التحايا
و شرفت و نورت الديار
و مرحبا باطلالتك البهية ..

[فيصل سعد]

مجدد السلام و التحايا للجميع
و نختم بهذه النسخة الاصلية :


http://www.youtube.com/watch?v=7wmoIxz2xC8


كما نطلب من سيادة الامين/ الحبيب العام تحويل
هذا البوست الى المنبر الخاص بنا ..

و ارقدوا عافية ..

[فيصل سعد]

و على المحبة و المودة دائما
يكون اللقاء أيها الاحباب..

[بابكر مخير]

سيكلوجية الإنسان السودان أنه عاطفي
يثير شجونه ما يراه أو حين يسمع لكن الشجون دي ذي الخلايا النايمة
إلا يحركها شئ.
كم من الأحباء أثار شجونهم بوست "الحبيب النسيب" وأنا دون كضب برضي واحد منهم..
هجمتني ذكرى سودانيات وأيامها الخوالي..
تلفونات وسمعان صوت، مرة مرة وقدر ما يتيسر شوفة عين..
والهجمة سرحت،،
الدكتورات كلهن بي عافيتهن، أهلي السناجك ولاد البرير التلاتة، ولاد إبراهيم الإتنين "السفير وعبدالله"، ناس عالم عباس وجمع الكتاب والأدباء، ناس قطر وأبو العقل، ناس السعودية كلهم بي سلامتهم الهجرونا والهجرناهم، حبيبي وتاج رأسي علي عبد الرحيم..
والهجمة تسرح وتقيف عشان أصحى بهجمة أكبر، بدموع تنهمر، وحرقة تفجع..
وذكرى أحب الناس...
الله يرحمك يا خلودي

[بابكر مخير]

النسيب الحبيب
حبابك الف