اقتباس:
المشاركة الأصلية كتبت بواسطة رأفت ميلاد
هسة يا أسعد أرد عليك فى شنو .. كلامك الفوق ده كلو صاح وكلهم كضابين .. الفرق فى الموضوع ده واضح وضوح الشمس ونحن بنتكلم على زول قاعد على نفسنا هسة وعامل نفسو ماسك ناصية الحقيقة .. يعنى عشان الصادق كان كضاب لامن كانمسك البلد يبقى ما لينا حق نقول الكيزان كضابين 
|
لا يا عمك
أنا ما قلت كدة، يبدو انو الكلام الكتير جهجهك
أنا قلت الكيزان كضابين وعملوا السبعة وذمتها ويستاهلوا المحاكمة على فعايلهم دي
لكن أنا ضد الادعاء المفترض عند عموم المثقفاتية والذي أتى في متن المقال الجبتو دا، هذا الادعاء الذي يقول أن المجتمع السوداني كان مجتمع آخر حلاوة وفجاءة جات كائنات فضائية في شكل كيزان وخربت المجتمع دا... بينما الحقيقة المعلومة هي أنا هؤلاء الكائنات الكيزانية هم نتاج حقيقي لسوء هذا المجتمع...
أكرر لك مرة أخرى ما دعاني للتداخل هو كلام المقال الجبتو دا والمقال طبعا هو لسان حال كل مثقف إذ يرى أن المجتمع السوداني كان كويس ولكن هذه الكائنات الفضائية الكيزانية هم الخربوا المجتمع السودان، أو زي ما قال عمنا العظيم الطيب صالح حين تسائل سؤاله الغريب (من أين اتى هؤلاء؟) وهو يستدرك ألم ترضعهم أمهاتهم وشنو وشنو من حنك عاضي، مع انو الاجابة واضحة وصريحة هي أن هؤلاء اتوا من صلب هذا المجتمع ورضعوا الكذب من لبن نفاق هذا المجتمع و أكلوا وشربوا من هوية هذا المجتمع (وكما تعلم هي هوية زي الكيس الشايلو هواء) وكان مورثوهم الثقافي من ثقافة هذا المجتمع التي تقوم فن الجعجعة ... وغيرها من مقومات هذا المجتمع والكفيلة بانتاج الكيزان واضان الكيزان زاتو...
