اقتباس:
المشاركة الأصلية كتبت بواسطة رأفت ميلاد
أنت حرقتك كلمة الدكتاتورية ليه يا ناصر ما ده الحاصل وكل زول معتقد كل الحق معاهو .. إذا تأملت كلامك الكتبتو بدون دكتاتورية تلقى نفسك شاطح .. ياخ مافى زول ليهو حق اليقين .. والكلام لازم يكون وجهة نظر موش حكم زى كلمة (أتنين كان قالوا ليك راسك مافى) ياخ يمكن الإتنين ديل ذاتم راسم مافى
يا ناصر من الكلام البحترمو وأظن قالو ـ جان جاك روسو ـ قال (لا أقتنع بوجهة نظرك ولكنى سأبزل جهدى أن يسمعها الجميع)
أبو جعفر تنصل من كلمة (كفر) بطريقة ربما لم تقنع أحد ولكن تنصله منها بمعناها المتداول يمكن إعتباره تراجع عنها فلنفترض حسن النية مش نجعلها زريعة لمهاجمته فى الكبيرة والصغيرة ..
شوف نوعية الكلام الفج ده لامن زول يكتب ليك (عندك فرصة لحدي يوم السبت) عليك الله زول زى كان داير تعتذر ليهو ما بتغير رأيك .. يوم كتب لىّ (أسحب هذا الفيديو فوراً) وشابكنى ما (تتحشر) أها زول وهم زى ده يستحق أى إحترام ومهادنة ياخ بناقص .. بالله أقرا أى مداخلة مع أبو جعفر أو معاى أو أى شخص تداخل معانا تلقاها كلها تآلب وتحريض .. شابكنى أنت مسيحى ياخ ما كل الناس دى عارفانى مسيحى يعنى هو أرجل واحد هنا .. وبعدين منو القال ليهو الإسلام ده حقو .. الدين للإله ما لى سعادتو هو قايلا جمعية عاملا هو .. أصلاً أنا ما ناقشت فى العقيدة وتفاصيلا زى ماهو بحرض وبتآمر .. رغم ذلك لى الحق أكتب فى العقيدة وتفاصيلا لو عايز ومافى زول يعترض إذا كان الأمر بدون إهانة .. عندك الكوز بدر الدين ما نازل سلخ فى الإنجيل وأحمد صلاح يجيب فى شيوخو البزعطو فى الدين المسيحى .. هل أعترضت أو إشتكيت .. الدين ياخوى عندو اله بحفظو موش زول مغطرس زى صاحبك ده
فعليك الله يا ناصر فكنا .. سودانيات تواصل ومحبة هناك فى سوق الناقة .. أما منتدى الحوار المالك الحقيقى ليهو القراء البقروا لينا موش الأعضاء وإذا ما قلنا رأينا الحقيقى هنا بدون مجاملات ومحسوبيات وعقد نفسية سودانيات ما بتقوم ليها قائمة وتكون بورد حر بل لمة ناس بتتسامر وبتكذب على بعض .. هل تعتقد دى الرسالة بتاعت سودانيات؟!!
|
ان يكن صدر هذا اليوم ولى فان غدا لناظره قريب
وحتى ذلك الحين ارجو ان اسمع رايكم حسين وناصر وكل الاخوة الاعضاء عشان مافي زول يلومني بعد كدة
