أنا.... توضيح

[imported_أسعد]

قلتي لي جوابات وصور؟!
والله صحي (اللي تخاف منو بيطلع لك)
اسي انتي عاينتي لي كلامي دا من الحتة الخايفة منها
انا كلامي كلو داير في المشاركة في المنتدى العام
لا حصل ماسنجر بينا ولا حصل تلفون ولا بعرفك زاتو اذا كنتي بت جد جد أو ضكر كركدان
الرابط البجمعنا كلو هو المشاركات في المنتدى
وكلامي داك كلو كان عن الحتة دي
على العموم اسفين وبمنسحو اذا شوفتي في كلامي حاجة انا ما قاصدها ولا شايفها

[imported_jezabell]

المشاركة الأصلية كتبت بواسطة وجدي الأسعد الأسعد

قلتي لي جوابات وصور؟!
والله صحي (اللي تخاف منو بيطلع لك)
اسي انتي عاينتي لي كلامي دا من الحتة الخايفة منها
انا كلامي كلو داير في المشاركة في المنتدى العام
لا حصل ماسنجر بينا ولا حصل تلفون ولا بعرفك زاتو اذا كنتي بت جد جد أو ضكر كركدان
الرابط البجمعنا كلو هو المشاركات في المنتدى
وكلامي داك كلو كان عن الحتة دي
على العموم اسفين وبمنسحو اذا شوفتي في كلامي حاجة انا ما قاصدها ولا شايفها

انا ما بخاف يا وجدي.. واصبعي في عين اتخن تخين.
دي واحد

اتنين
معليش انا كنت متضايقة بس لمن جيت داخلة ولقيت الكم تاشر صفحة ديل بالالف وتلتمية مشاهدة لي موضوع ما مستاهل..

تلاتة
مشكلتك من زمان توقيتك زي وشك بتجي دايما لما الواحد يكون خلاااص بقى ما طايق روحو.. وانت عارفني لما اصل المرحلة دي ما بشوف تاني.

اربعة
اسفين يا شلقلق والبينا عامرة..

[imported_الجيلى أحمد]

اقتباس:
المشاركة الأصلية كتبت بواسطة مبر محمود
تحيّاتي يا الجيلي..
انت بذلت حديثاً هنا وأنا ايضاً، وهاهي بضاعتنا معروضة في سوق الله وأكبر، فدعنا الأن من مطاردة الإنتصار للذات، ولنترك أحاديثنا لحصافة القراء..
قطعاً أنا لا أحمل ضغينة ضد رشا، ولم أسي اليها قط طوال حواري معها ومعها عبرك ، فإن رأيت في حديثي ما يستلزم الإعتذار عنه فخبرني بالله عليك

يامبر انا قلت ذات الحديث من قبل ,
ولكنك قمت برفع بوست فى منتدى الحوار, وكلت لى اتهامات دون وجه حق,
كما انك قمت بتحوير حديثى هنا , ورفعت فى وجهى عصاة أخلاق غليظة وصابونة من اجل من استحمام أخلاقى مبهج ..

أمر الحوار فى مفترع جيزابيل هذا أصبح واضحآ من عدة صفحات للوراء بعد ايضاح الادارة , ولم تكن من حوجة لملاججة ليست فى مكانها ..

ليس فى النفس شئ
هو الحوار فقط ..
لابد اننا جميعنا أستفدنا الكثير

وكونوا جميعآ بخير

[imported_الجيلى أحمد]

مايهم ان البوست الموجود فى منتدى الحوار يجب معالجة أمره لحين انتهاء الاشراف الفنى من عملية الدمج

[imported_مبر محمود]

المشاركة الأصلية كتبت بواسطة الجيلى أحمد

ورفعت فى وجهى عصاة أخلاق غليظة وصابونة من اجل من استحمام أخلاقى مبهج ..

حرّم الأخلاق العندكم إنتو مبر ربعها ما عندو..
فلا تشيل في خاطرك، ذاك حديث أتى في سياقة، وكما تعلم للغة مزالق.

بالنسبة للبوست داك، رائي إنو يظل في مكانه بالعام، ولنرى الإدارة ماذا فاعلة؟

[imported_تماضر حمزة]

حاجتين غايتو مفروض تكوني مرقتي بيهم من هنا
لو دخلتي بي اسمك راسو عديل كان الضرر بكون أخفّ كان من برّة ولا جوّة النت

زرزرة الطرف الآخر أرحم بي كتير من زرزرة الأطراف ال هنا

[imported_jezabell]

المشاركة الأصلية كتبت بواسطة تماضر حمزة

حاجتين غايتو مفروض تكوني مرقتي بيهم من هنا
لو دخلتي بي اسمك راسو عديل كان الضرر بكون أخفّ كان من برّة ولا جوّة النت

زرزرة الطرف الآخر أرحم بي كتير من زرزرة الأطراف ال هنا

يااااااخ والله كرهونا البلي
جنس عكلتة.. المشكلة بعد الردحي دا الطرف الاخر ممكن يعلقني من لغاليغي موش يزرزرني بس

اهن انا القى لي طرف هدي ورضي زي طرفك من وين ياااااخ؟
لكن تصدقي زعلانة من روحي عشان ما سمعت كلامو وجيت ابحبت بي وراو.. هسي تفتكري الموضوع دا بكون فيو "اغتراف" اثم علي قول ام التيمان؟

[imported_أسعد]

المشاركة الأصلية كتبت بواسطة تماضر حمزة

حاجتين غايتو مفروض تكوني مرقتي بيهم من هنا
لو دخلتي بي اسمك راسو عديل كان الضرر بكون أخفّ كان من برّة ولا جوّة النت

زرزرة الطرف الآخر أرحم بي كتير من زرزرة الأطراف ال هنا

[imported_تماضر حمزة]

المشاركة الأصلية كتبت بواسطة jezabell

يااااااخ والله كرهونا البلي
جنس عكلتة.. المشكلة بعد الردحي دا الطرف الاخر ممكن يعلقني من لغاليغي موش يزرزرني بس

اهن انا القى لي طرف هدي ورضي زي طرفك من وين ياااااخ؟
لكن تصدقي زعلانة من روحي عشان ما سمعت كلامو وجيت ابحبت بي وراو.. هسي تفتكري الموضوع دا بكون فيو "اغتراف" اثم علي قول ام التيمان؟

المشكلة انو ماحيلقى لغاليغك زاتو عشان يعلّقك منها
النصيحة ياجميل،
طالما الورق طلع مكشوف والحلّة حرقت
الراي تواجهي الطرف الاخر في لحظة كشف اوراق والدنيا ماضلام
ومادايرة اقول ليك غلبناهم بكيدنا لكن الغلبة لضهر الوراو هم يعني كاشفين الوراو
النصيحة،النصيحة ماكلّو يعني لكن البيختهم في مصاف الماف أعلم منّهم بحاجاتنا وبيستاهلوا كده ولا كيف؟

وأقول ليك شئ؟ ولا همّاني من الداير هنا شئ غير انّو يتقري من الطرف الآخر وتصدّقي كلما طالت المسافة طعم الاحساس بالاستغفال بتعاظم وانت أبعد ماتكوني عن قصد كده لكن مابكون عندك سند يتصدّق ساعتا


في ثياب الواعظينا قال ليك

[imported_تماضر حمزة]

المشاركة الأصلية كتبت بواسطة وجدي الأسعد الأسعد

تضحك بلا سنون
يابتاع الموأسير

[imported_الجيلى أحمد]

المشاركة الأصلية كتبت بواسطة مبر محمود

فلا تشيل في خاطرك، ذاك حديث أتى في سياقة، وكما تعلم للغة مزالق.

ولايهمك صاحبى ,
لاشئ فى النفس والله , كل شئ بيتقرى فى جهتو , ومابطلع منها يمشى يكوس ليهو جهة تانية .. ثق فى ذلك تمامآ ..

لكن بينى وبينك ,
انت من يومك الصاحبت فيهو الحالم بابكر
أنا عرفت انك فى خطر

[imported_أسعد]

الجيلي بصراحة
انت بتحابي لاصدقائك اكتر من اللازم
ودي نقطة ايجابية تجاه اصدقائك
بس سلبية اتجاهك انت دا

عليه اتمنى ياخ تراعي النقطة دي

[imported_jezabell]

المشاركة الأصلية كتبت بواسطة تماضر حمزة

المشكلة انو ماحيلقى لغاليغك زاتو عشان يعلّقك منها
النصيحة ياجميل،
طالما الورق طلع مكشوف والحلّة حرقت
الراي تواجهي الطرف الاخر في لحظة كشف اوراق والدنيا ماضلام
ومادايرة اقول ليك غلبناهم بكيدنا لكن الغلبة لضهر الوراو هم يعني كاشفين الوراو
النصيحة،النصيحة ماكلّو يعني لكن البيختهم في مصاف الماف أعلم منّهم بحاجاتنا وبيستاهلوا كده ولا كيف؟

وأقول ليك شئ؟ ولا همّاني من الداير هنا شئ غير انّو يتقري من الطرف الآخر وتصدّقي كلما طالت المسافة طعم الاحساس بالاستغفال بتعاظم وانت أبعد ماتكوني عن قصد كده لكن مابكون عندك سند يتصدّق ساعتا


في ثياب الواعظينا قال ليك

هو انا كان دايرة اباري وعظ نفسي لي.. يمين الله اقول الحمام دا ما اخشو قبل ما يأذن لي حبيب قساي انا يا يمة.. بس تقولي شنو في شيطان الكتابة والفنجطة لمن ايدك تاكلك.. غايتو كلو منك ومن بدور انتي عشان ما بقدر اشوفك بتنططي قدامي وما انطط معاك وبدور عشان عليها حركات تخلي الزول يفتش مفاريكو الجدعها زمان

ايييييييييييييه دنيا غرورة.. يلا يا ستي انا زاتي خلاص قررت التوبة..
ماشة اقرا سورة البقرة واذا زلزلت وانوم

[imported_جيجي]

المشاركة الأصلية كتبت بواسطة jezabell

يااااااخ والله كرهونا البلي
جنس عكلتة.. المشكلة بعد الردحي دا الطرف الاخر ممكن يعلقني من لغاليغي موش يزرزرني بس

اهن انا القى لي طرف هدي ورضي زي طرفك من وين ياااااخ؟
لكن تصدقي زعلانة من روحي عشان ما سمعت كلامو وجيت ابحبت بي وراو.. هسي تفتكري الموضوع دا بكون فيو "اغتراف" اثم علي قول ام التيمان؟

هي بالله تماضر عندها طرف

[imported_الجيلى أحمد]

المشاركة الأصلية كتبت بواسطة وجدي الأسعد الأسعد

الجيلي بصراحة
انت بتحابي لاصدقائك اكتر من اللازم
ودي نقطة ايجابية تجاه اصدقائك
بس سلبية اتجاهك انت دا

عليه اتمنى ياخ تراعي النقطة دي

أكيد ياوجدى أى نقد الواحد بينظر ليهو بشكل جدى ..

بس دائمآ الحوار الموثق بدلائل بيكون مهم , فلايمكن ان تتقبل نقدآ دون
أدلة وحجج , ..

أما نصح الله ورسوله داك فحبابو ..

لكن حكاية النقد دى عايزا تعب شوية واستدلالات منطقية ,
عشان تكون مفيدة , وماتبقى حكاية بتاعت
ايوة والله كلامك صاح
وماقصرت يااخى
وشكرآ ياشفيف

أها ياحبوب
كلام زى دا عايز برضو استدلالات منطقية وموثقة ,
وانا ماعندى مشكلة , سأتقبل النقد على الدوام بصدر رحب, بس كمان
مايبقى نقد بدون دلائل, لأنها بعد داك بتبقى ونسة ساكت ..

ونحنا لسه فيها
أى حاجة عايز تقولا حبابا ..