اخى المسلم كن ولا تقل

[رأفت ميلاد]

المشاركة الأصلية كتبت بواسطة بابكر عباس

حاتم و رأفت ميلاد
كيفنكم؟ و إزيكم؟
مداخلاتكم حملن كلامي اكثر مما يجب...
و عاطفيات إن أردتم الدقه...
انا ركزت في مداخلاتي على كلمة الايمان و دين رباني و لم اتحدث تحديدا كمسلم...

شوف يا بابكر إمكن حاتم ولكن ما أنا .. وأنا معاك أصلو ما بكون عاطفى .. وبستمتع "بدرابك" الناشف ده .. بتذكرنى صديقى غازى عبدالرحمن طه .. بتصل بسرعة فى لب الموضوع .. جيتك فى نفس الحتة .. وما تعتقد كلامك ما ريحنى .. فعلاً المسلمين بنطوا بمسلمات قاطعة مهملين الرأى الآخر ولا يسمعوه حتى .. لديهم آيات وأحاديث قاطعة .. الرأى الآخر موجود حتى لو كان خطأ طالما هناك من يعتقد فيه ..

المشاركة الأصلية كتبت بواسطة بابكر عباس

با رأفت هل تؤمن بالبوزية بما تحمل كلمة ايمان من معنى؟

ده سؤال جميل .. بجاوبك بقناعاتى وأوعك تقول لى عاطفى ..
الإيمان قيمة وليس خطوات .. وزى ما قلت ليك الدين الوصايا العشرة .. عن نفسى أنا مدمن تعاليم السيد المسيح .. وهى التتمة كما قال هو .. هذه الأيام أعكف على قراءة كتب محمود محمد طه .. لقد تخطى الرجل العهد القديم الى الجديد .. رغم الإسلام الذى يعلن عن نفسه مراراً وتكراراً بإعترافه بالمسيحية .. لم يتعدى التوراة التى عدل فيها المسيح كثيراً .. ويبدو هذا الذى أدى لتكفيره .. وهو المسلم الوحيد الذى رفض تكفيرنا ..
البوزية تحمل كل معانى الوصايا العشرة فى أخلاقيات الممارسة .. إيمانى بهم لا يعنى ممارسة طقوسهم .. وهذا ما قاله محمود محمد طه عن الصلاة الحركية .. أنا لا أمارسها فى الكنيسة فكيف أمارسها مع البوزين ..
نحن نقول الطريق الى الله بالتوازن والصلاة بالقلب .. ولا ننكر على أحد ممارساته طالما يعتقد إنه يصلى تقرباً الى الله .. ونعتقد أن من يعقلها هو الله ولسنا نحن ..

وقع ليك

[hatim ALi]

المشاركة الأصلية كتبت بواسطة رأفت ميلاد

شوف يا بابكر إمكن حاتم ولكن ما أنا ..

ه
اها يا رأفت نبقى في (الشينة منكورة)
انا كلامي مبني على عبارة واضحة ذكرها الاخ بابكر عباس

المشاركة الأصلية كتبت بواسطة بابكر عباس

إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة..

و تراجع عنها - جزئياً - هنا

المشاركة الأصلية كتبت بواسطة بابكر عباس

حاتم و رأفت ميلاد
كيفنكم؟ و إزيكم؟
مداخلاتكم حملن كلامي اكثر مما يجب...
و عاطفيات إن أردتم الدقه...
انا ركزت في مداخلاتي على كلمة الايمان و دين رباني و لم اتحدث تحديدا كمسلم...

با رأفت هل تؤمن بالبوزية بما تحمل كلمة ايمان من معنى؟

و أنا سكتا هنا و ما واصلتا مع بابكر عشان ما نخرب البوست للاخ دوت مجاك اكتر من ماهو خرب

لانو الفكرة العاوز يوصلها ضاعت في التفاصيل الجانبية دي و هي :

المشاركة الأصلية كتبت بواسطة دوت مجاك

الاخوة
قبل دخولى فى الموضوع ليعلم من لا يعلم انى اؤمن بالديانة المسيحية كدين ربانى وبالاسلام ايضا

قال تعالى : {إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }[56 القصص] ،

احترامى للاسلام كدين جعلنى اكتب هذا الموضوع لكل المسلمين ولا يعني احترامى للاسلام كدين انى احترم كل المسلمين وتصرفات بعضهم وتائد الاغلبية المسلمة لتلك التصرفات من باب (انصر اخاك ....... الخ) لضيق فهمهم بالاسلام الذى هو دينهم
فنصرة الاخوة هو نصحهم عندما يعتدون على الاخرين ونصرهم عند الاعتداء عليهم

على مر السنوات تعرضت لمضايقات كثيرة لازالت عالقة بذهني رغم ان بعضها تعرضت عليها وانا فى سن صغيرة بل فى المرحلة الابتدائية وكان كل امر محطة اقف فيها بالتامل فى الاسلام كدين ومحاولة فهمه اكثر والبحث فيها من مصادرها وليس ممن يخبرونى بما يريدون ويتركون الكثير او يكيفون الاحاديث والايات حسب مصالحههم الدنوية

سادون بعض الامور التى تعرضت لها باسم الاسلام ظنا من هولاء باني سوف اغير دينانتى ولكن تصرفاتهم كانت تبعد كل من يفكر بالاسلام كدين

انا من البداية ما كنتا عاوز اتداخل من الاساس عشان الموضوع ما يتفرع اكتر

المشاركة الأصلية كتبت بواسطة hatim ALi

ه
بابكر عباس يا اخوي كل سنة و انتا طيب

عارف انا متابع الموضوع من قبيل و كنتا ما ناوي اتداخل

المهم كدي واصلو و خلونا نقعد في كنبة عزيزي المشاهد احسن لمن يجي دوت يكمل موضوعو

ه

[رأفت ميلاد]

المشاركة الأصلية كتبت بواسطة عبدالعزيز عبدالله

عمنا روفي....
اول شي كل سنة وانت طيب

تاني شي ... انا عبدالعزيز عبدالله ... وعايش في سلطنة عمان... اما الاخ عبدالعزيز فاضلابي شخص اخر عايش في امريكا... وبالمناسبة انا ما تابعت مطولا هذا البوست لاني حسيت ان آرنست حاول التنطيط من بعض الأسئلة ... وختمها بدخول المسلمين الي النار...

اول شي بعتذر عن كلمة (تطبيل) التي اوردتها بما انها اغضبتك... ولكن ورودها كان بسبب الغزل الذي كان بينكم في ذلك البوست... بما يوحي قبولك لكلامة ... وايضا انك لم تستنكر عليه هذا الكلام ورأيتك مستنكر كلام الجماعة الذين ذكرتهم...

تحياتي واحترامي

لكن كده إتدقست تانى
ياخى الفاضلابى لا أعزه عليك ولد حلو .. داخلت فى البوست داك فقط معه .. كنت بنط ليه فى الأسألة التقريرية .. أحاول شرح طريقة قراءة الإنجيل كتعاليم ومعانى وليست نصوص ناهية .. لأنقله "لفورمة" النقاش .. ولم أركز معه فى الدين ..
أما الغزل بينى وبين أرنست وصل تلفونات .. وبصراحة الراجل مهذب ونحن "بنختى" المصادمات .. ونبهته بطريقة سلسة قول المسيح "لا تدينوا لكي لا تُدانوا. لأنكم بالدينونة التي بها تَدينون تُدانون. وبالكيل الذي به تكيلون يُكال لكم."
وزى ما قلت ليك ما أهتميت إلا بالفاضلابى .. قلت ليه فى الآخر .. أنت ما داير تجادل أنت داير تثبت "غلاط" فى راسك لأنك رافض تقرأ الإنجيل إلا نصوص جوفاء .. زعل طلعت ما جيت بعد ما إسترضيته

[رأفت ميلاد]

المشاركة الأصلية كتبت بواسطة hatim ALi

ه
اها يا رأفت نبقى في (الشينة منكورة)
انا كلامي مبني على عبارة واضحة ذكرها الاخ بابكر عباس

يا حاتم مافى شينة عشان ننكرا .. أنت لومت الراجل .. لكن أنا غالطو ..
خلى بالك جوك هملا لينا .. الزول لسة عندو خطاب كبير ونطينا عليه .. أخير كلنا نمشى مصاطب جانبية ..

[hatim ALi]

المشاركة الأصلية كتبت بواسطة رأفت ميلاد

يا حاتم مافى شينة عشان ننكرا .. أنت لومت الراجل .. لكن أنا غالطو ..
خلى بالك جوك هملا لينا .. الزول لسة عندو خطاب كبير ونطينا عليه .. أخير كلنا نمشى مصاطب جانبية ..

ه
انتا ممكن تغالط ... لكن أنحنا بنلوم - عديل - ولا ناسي كلامك البهناك

المشاركة الأصلية كتبت بواسطة رأفت ميلاد

ولكنى أظل متحيراً لماذا يقف المسلمين على الحياد ومتفرجون ..

انتا بالذات خليك مع جوك عشان (الهجمات المرتدة)

أنحنا نرجع للمصاطب الجانبية و نشجع (اللعبة الحلوة)

بس قولو لينا (عووووووك) لما (الكاسوري) يبدا

بعيد عنك العبد لله مسجل خطر في سودانيات دي و اسأل (عبد العزيز) دا بوريك

خالد الحاج شوية كدا و حايطلع لي (الكرت الإحمر) اصلوا أنا بلعب (كورة أفريقية) عملاٌ (بأصولي الحقيقية)

ه

[خالد الحاج]

المشاركة الأصلية كتبت بواسطة hatim ALi

بعيد عنك العبد لله مسجل خطر في سودانيات دي و اسأل (عبد العزيز) دا بوريك

خالد الحاج شوية كدا و حايطلع لي (الكرت الإحمر) اصلوا أنا بلعب (كورة أفريقية) عملاٌ (بأصولي الحقيقية)

ه[/B]

أولا التحية للعزيز دوت مجاك..
أقرأ هذا البوست بمتعة لا متناهية...
سكنت الخرطوم ثلاثة وكان من ضمن شلة الكورة مجموعة من الأقباط أذكر منهم
الصديق جورج فلتاؤوس
وعملت في بيطار وكان جل رفاقي مسيحين وأقباط
سمير بنيوتي
العم غالي
في زواجي وأثناء العقد رأيته يقرأ الفاتحة مع الحضور ..
كان أوقو أوقسدانسيان صديق عزيز يحفظ جزء عمة وتبارك بينما لا أحفظ أنا إلا سور الصلاة
جاءوا جميعا وقرأوا الفاتحة في وفاة الوالد ولم يثير ذلك دهشة الحضور...

هذا هو التعايش الذي رأيته وعايشته (فرست هاند) وهذا هو السودان الذي أحمله بين جوانحي ...
تجربة دوت تجربة شخصية مهمة والرجل يملك شجاعة وثقة ...
أعتبر نفسي خبير في التعايش بين المسلمين والمسيحين لعشرة امتدت سنوات..
أتوق لتكملته ...

همسة لي حاتم:
إزيك يا زول يا زين
مافي زول بينطرد من سودانيات يا حاتم .. هنا "دولة القانون" ...
وأخوك وحياة خوتك لا يملك فيها أكثر منك اللهم إلا بإشرافي الفني
وعندك أمين عام قدم لي إنزار العام الماضي ولو لا أني (ختيت الخمسة في الإتنين) كان وقفني...
إطمئن يا صاحب "الرأي عندي مقدس" فقل ما شئت .

[hatim ALi]

المشاركة الأصلية كتبت بواسطة خالد الحاج

همسة لي حاتم:
إزيك يا زول يا زين
مافي زول بينطرد من سودانيات يا حاتم .. هنا "دولة القانون" ...
وأخوك وحياة خوتك لا يملك فيها أكثر منك اللهم إلا بإشرافي الفني
وعندك أمين عام قدم لي إنزار العام الماضي ولو لا أني (ختيت الخمسة في الإتنين) كان وقفني...
إطمئن يا صاحب "الرأي عندي مقدس" فقل ما شئت .

ه
I know all that (Boss) that's why i registered here from the beginning and the most thing keep me posting my opinions although it might be (strange) or to some extend (odd) - to (some) people - but i believe that freedom of speech has no limits here. Thanks for this clarification Khalid, although everybody knows it, and i was kidding with Ra'fat and trying to draw your attention to say to you Happy Eid

I hope that Mr. Dut will be back soon to continue this topic because really we need hear this stories of him which for sure will be a good material for later discussions , Regards

[أبوبكر عباس]

المشاركة الأصلية كتبت بواسطة رأفت ميلاد

ده سؤال جميل .. بجاوبك بقناعاتى وأوعك تقول لى عاطفى ..
الإيمان قيمة وليس خطوات .. وزى ما قلت ليك الدين الوصايا العشرة .. عن نفسى أنا مدمن تعاليم السيد المسيح .. وهى التتمة كما قال هو ..

رأفت صباح الخير،،
ما حا أخليك تدور علي...
مفهوم إنو تعاليم المسيح بالنسبة للمسيحيين و المسلميين هي تتمة/زيادة للوصايا العشرة..
لكن تقدر تقول كمسيحي إنو تعاليم الاسلام تتمة للوصايا العشرة و تعاليم المسيح؟

التتمة هل تعني إنو الدين خلاص إكتمل بشكل نهائي؟

يا أخي:
حاتم في مداخلته اتهمني بالفظاظة تجاه أخونا دوت مجاك و أنا داير احكمك في الموضوع ده عشان لو حكمت ليهو طوالى أقوم بالإعتذار لي دوت مجاك و لو حكمت لي يكون "شهد شاهد من أهلها"..

[رأفت ميلاد]

المشاركة الأصلية كتبت بواسطة بابكر عباس

رأفت صباح الخير،،
ما حا أخليك تدور علي...
مفهوم إنو تعاليم المسيح بالنسبة للمسيحيين و المسلميين هي تتمة/زيادة للوصايا العشرة..
لكن تقدر تقول كمسيحي إنو تعاليم الاسلام تتمة للوصايا العشرة و تعاليم المسيح؟

التتمة هل تعني إنو الدين خلاص إكتمل بشكل نهائي؟

صباح الخير يا بابكر
تعرف بتدينى فرصة أسترسل بس ببقى زى المولانات كده .. وأنا أبعد الناس من كده .. وبغالط ليك القساوسة زاتم ..
يا بابكر من وضع الشريعة هو موسى .. وهى تقريباً كانت لبنة الدولة اليهودية .. وهى ليست وحى وتعليمات أمليت عليه .. ولكنها من إجتهاده فى قراءة سيرة الحياة والعبر فى الإنجيل عبر الأزمان .. كما يعرف حالياً "الإجتهاد" .. عندما أتى المسيح قال "لا تظنوا انى جئت لانقض الناموس والانبياء ما جئت لانقض بل لاكمل" .. وتكملته لم تكن مكتوبة أو نقداً .. ولكنها أحداث ككل روايات الإنجيل .. مثل موقفه من الزانية بقوله "من كان منكم بلا خطيئة فليرمها بحجر" .. وكان يستعمل دائماً جملة "سمعتم إنه قيل .. أما أنا أقول لكم" مثل:" سَمِعْتُمْ أَنَّهُ قِيلَ: تُحِبُّ قَرِيبَكَ وَتُبْغِضُ عَدُوَّكَ.وَأَمَّا أَنَا فَأَقُولُ لَكُمْ: أَحِبُّوا أَعْدَاءَكُمْ. بَارِكُوا لاَعِنِيكُمْ. أَحْسِنُوا إِلَى مُبْغِضِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ،"
هذا هو الحال يا بابكر .. بمعنى أنه لا يوجد دين جديد .. وأن الشريعة إنسانية بضوابط أخلاقية .. وذلك من منطلق تمليك الله الأرض للإنسان .. فقانون الإنسان الذى يعدله لمقضياته المستجدة فهى شريعة لا تخالف الله إلا إذا تخطت الأخلاق ..

المشاركة الأصلية كتبت بواسطة بابكر عباس

يا أخي:
حاتم في مداخلته اتهمني بالفظاظة تجاه أخونا دوت مجاك و أنا داير احكمك في الموضوع ده عشان لو حكمت ليهو طوالى أقوم بالإعتذار لي دوت مجاك و لو حكمت لي يكون "شهد شاهد من أهلها"..

ياخ حاتم ده صحبى مالك داير تورطنى .. نوع مداخلته دى فيها "طبطيب" غير محبب بالنسبة لى .. أنا أرتاح للصراحة والمواجهه زى طريقتك دى .. وما أعتقد دوت محتاج إعتذار .. عندما فتح موضوع مثل هذا يجب أن يكون لديه كل التوقعات .. طريقتك أقصر السبل .. عن نفسى ما شايف فيها فظاظة ..

تحياتى

[hatim ALi]

المشاركة الأصلية كتبت بواسطة بابكر عباس

رأفت صباح الخير،،

يا أخي:
حاتم في مداخلته اتهمني بالفظاظة تجاه أخونا دوت مجاك و أنا داير احكمك في الموضوع ده عشان لو حكمت ليهو طوالى أقوم بالإعتذار لي دوت مجاك و لو حكمت لي يكون "شهد شاهد من أهلها"..

ه

بابكر إزيك

وين (الفظاظة) يا بابكر في الكلام دا ؟؟؟؟؟

انا اتكلمت عن (الوصاية) و تغليب (منهج التفكير) على (الاخر) و دا كلامي راجعو تاني

المشاركة الأصلية كتبت بواسطة hatim ALi

ه
بابكر عباس يا اخوي كل سنة و انتا طيب

عارف انا متابع الموضوع من قبيل و كنتا ما ناوي اتداخل

طيب يا بابكر نمشي حبة حبة اتخيل نفسك باسلامك و تقواك دي بلاقيك واحد (بوذي او هندوسي) يقول ليك نفس كلامك الفوق دا

إذا آمنت ب(البوذية او الهندوسية) كدين رباني تظل تؤمن بالاسلام كدين رباني لكن لا تتبعه لانك آمنت بالنسخة الجديدة

كنتا حترضا ب (الوصاية) دي ؟؟؟
==============

ياخي الرسول عليه افضل الصلاة و السلام كان متزوج بمارية (القبطية)

هل قال لها : (إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة) ؟؟؟؟ّ!!!!

في آية واضحة و صريحة في القرءان : (لكم دينكم و لي دين)

العتبى اخي بابكر

لكن بالغتا مع الاخ دوت

حتى لو افترضنا - جدلاً - انك بتدعوه الى (الاسلام) هل دي الطريقة المناسبة ؟

(ادع الى سبيل ربك بالحكمة و الموعظة الحسنة)

وكل عام و انت بخير - الدنيا عيد يا بابكر

وحكم رأفت ما بناباهو علا إنتا كدي مهل (دوت) اليكمل كلامو

لأنو الراجل خرج و لم يعد حتى الآن

تحياتي

[رأفت ميلاد]

المشاركة الأصلية كتبت بواسطة hatim ALi

هوحكم رأفت ما بناباهو [/B]

دخلت بعدى بى ثانية :D

[دوت مجاك]

شباب صباح الخير ليكم كلكم بكمل القصص وبعدها برد ليكم واحد واحد

(3)
احيانا اظن ان السودانيين هم المتعصبين فى الدين اكثر من اللازم وانهم ياخذون ما يدعم مواقفهم وحتى بالخطاء ويتركون الجوانب الاخرى رغم انى استمعت كثيرا لوعاظ وقراءت كتب تفسير عن الاسلام ولكنى لم اجد فيها كل هذا العنف وضيق الافق كما اجده فى الوسط السودانى
ما دعانى اكتب هذه المداخلة انى درست فى خارج السودان فى دولة غالبيتها مسلمة وطيلة الخمسة سنوات التى قضيتها هناك لم يسالنى اى طالب عن ديانتي مطلقا رغم ان الجامعة كانت بها جنسيات مختلفة جدا


بعد عودتى للسودان عملت فى شركة برمجة وكنا سبعة مهندسين كلا حسب تخصصه الدقيق ومر عام وعندما اتى رمضان كنا قد تعاقدنا مع احدى الجامعات الكبرى فكان لزاما علينا ان نعمل حتى ساعة الافطار وبعدها

عندما يحين وقت الصلاة اجلس فى الخلف ويقوم الاخوة بالصلاة ثم نواصل الاحاديث وكان بيننا اخ يستغرب من فعلتي هذا ولكن بعض الحياء يمنعه من سوالى وفى يوم سالنى عن تركي للصلاة

فقلت له انى مسيحي

كانت مفاجاة بالنسبة له
حتى انه اخذ وقت ليرد علي

قال انت شخص محترم ووووووو ..... الخ

بس عيبك انك مسيحي

وبداء فى الوعظ

وكان هذا الامر مستمرا طيلة شهر رمضان وما بعده

وعندما وجد انه بلا ناتج رغم كل احاديثه بداء فى وضع العراقيل امامى واصبح لا يتحدث معى او يشاركنى الطعام

وبما اننا كنا نعمل كفريق كان الامر له اثر على العمل

عاملته بكل برود حتى وصل الامر بيننا الى عراك بالايدى نتيجة استفزازاته المتكررة وترك العمل بعدها مباشرة بدعاوى انه لا يعمل فى شركة بها (كافر) وان المبالغ التى تجنيها الشركة من عملى هو حرام


نواصل

[hatim ALi]

المشاركة الأصلية كتبت بواسطة رأفت ميلاد

دخلت بعدى بى ثانية :D

ه
قبضتك لكنك لقيتك لكن الود ابو السريع و كدا

أسمع شايف (دوت مجاك) حايم في حوش (اليهودي) مارك بن زغرب - عليه النكشة - (الفيسبوك)

حنسو يرجع يتم الموضوع دا

لأنو الموضوع بقا ماشي في اتجاه تاني

وأنا عاجبني الاتجاه التاني دا جداً ، لأن نقطة أن الأديان جميعها تدعو في النهاية الى نفس الغاية و الهدف الأسمى و هو الرقي بأخلاق الإنسان و سلوكه و تطوير محتواه الروحي و تشفي حاجته اللامتناهيىة للايمان و (الحب) للاله أياً كان ذلك الإله

و شيخ المتصوفة الأعظم محي الدين ابن عربي كان له أجمل الأبيات في دين (الحب) :

لقد كنت قبل اليوم أنكر صاحبي ... إذا لم يكن ديني إلى دينه داني

لقد صار قلبي قابلاً كل صـورة ... فمرعى لغزلان وديرٌ لرهبان

وبيتٌ لأوثان وكعبةُ طائـــفٍ ... وألواح توراة ومصحفُ قرآنِ

أدين بدين الحبِّ أنّى توجهــت ... ركائبه فالحبُّ ديني وإيماني

__________________

لكن بتمنى إنو يرجع (دوت) و يكمل البداهو (لأنه الموضوع بتاعه دا) من المسكوت عنه وسط (المسلمين)

تحياتي

[hatim ALi]

المشاركة الأصلية كتبت بواسطة دوت مجاك

شباب صباح الخير ليكم كلكم بكمل القصص وبعدها برد ليكم واحد واحد

ه

برضها دخلت بعدك يا دوت بي ثانية بس

واصل عليك الله و ما تشتغل بينا الشغلة

خلص موضوعك و اناحنا قاعدين

[أبوبكر عباس]

المشاركة الأصلية كتبت بواسطة hatim ALi

ه بابكر إزيك
وين (الفظاظة) يا بابكر في الكلام دا ؟؟؟؟؟
انا اتكلمت عن (الوصاية) و تغليب (منهج التفكير) على (الاخر) و دا كلامي راجعو تاني

انا قلت انت إتهمتني بالفظاظة...
التهمة دي انا إستنتجتها من كلامك التحت ده

المشاركة الأصلية كتبت بواسطة hatim ALi

ه
لكن بالغتا مع الاخ دوت
حتى لو افترضنا - جدلاً - انك بتدعوه الى (الاسلام) هل دي الطريقة المناسبة ؟
(ادع الى سبيل ربك بالحكمة و الموعظة الحسنة)
وكل عام و انت بخير - الدنيا عيد يا بابكر