نوَّمْتَ النجوم وصِحِيت ..

[خالد الحاج]

حولا...
يشهد الله ما انتبهت للقصيدة إلا الآن ...
يا باش أشتم رائحة "الحقيبة" هنا ..
ده بكا ناس كبااار وماهو خمج شي...
هذه القصيدة يمكن أن تلحن وتغني فهي مموسقة الكلمات ومليانة شجن وحنين...
اعطني بالله عليك حق التصرف فيها .....
بجيك باكر تاني شغل الليل كمل عمر أخوك وما تبقي للقصائد وبعض من فواكه ...

[معتصم الطاهر]

المشاركة الأصلية كتبت بواسطة خالد الحاج

حولا...
يشهد الله ما انتبهت للقصيدة إلا الآن ...
يا باش أشتم رائحة "الحقيبة" هنا ..
ده بكا ناس كبااار وماهو خمج شي...
هذه القصيدة يمكن أن تلحن وتغني فهي مموسقة الكلمات ومليانة شجن وحنين...
اعطني بالله عليك حق التصرف فيها .....
بجيك باكر تاني شغل الليل كمل عمر أخوك وما تبقي للقصائد وبعض من فواكه ...

يا خـــــال

عارف كل المفردات البكتبها حقتك ..

وليك حق التصرف فى سيدا .. ( ستها ..لا ) ..تقدر!!!

أما كحقيبة ..فياخ ما بنتشابه الا فى الفواكه والبكا ..

[فتحي مسعد حنفي]

المشاركة الأصلية كتبت بواسطة معتصم الطاهر

يا خـــــال

عارف كل المفردات البكتبها حقتك ..

وليك حق التصرف فى سيدا .. ( ستها ..لا ) ..تقدر!!!

أما كحقيبة ..فياخ ما بنتشابه الا فى الفواكه والبكا ..

براك قلتها لي في البوست داك انو أرواح القدام اتقمصتك فمافي داعي للانكار...كلامك الكتبتو يامعتصم حقيبة وحقيبة محترمة كمان ما خمج والزول الانتقد كلمتين انت كتبتهم غلطان وانت صح...

[معتصم الطاهر]

المشاركة الأصلية كتبت بواسطة فتحي مسعد حنفي

براك قلتها لي في البوست داك انو أرواح القدام اتقمصتك فمافي داعي للانكار...كلامك الكتبتو يامعتصم حقيبة وحقيبة محترمة كمان ما خمج والزول الانتقد كلمتين انت كتبتهم غلطان وانت صح...

تعرف يا فتحى

انا كتبتها بروح الوصف ..( دى ما بنكرها) والوصف حق ناس الحقيبة )

بديتها بالشوق .. لى البت الكلها ذوق ..

اها مفرداتى قادتنى .. بروح اليوم ..

النتيجة ليست لحكمى ..

الآن أنا قارئ مثلكم ..

[فتحي مسعد حنفي]

المشاركة الأصلية كتبت بواسطة معتصم الطاهر

تعرف يا فتحى

انا كتبتها بروح الوصف ..( دى ما بنكرها) والوصف حق ناس الحقيبة )

بديتها بالشوق .. لى البت الكلها ذوق ..

اها مفرداتى قادتنى .. بروح اليوم ..

النتيجة ليست لحكمى ..

الآن أنا قارئ مثلكم ..

انت يازول عامل زي الراجل الصاحبتو تقول ليهو أنا حامل يقوم ينكر ويفتش طريقة يتخارج بيها

[معتصم الطاهر]

المشاركة الأصلية كتبت بواسطة فتحي مسعد حنفي

انت يازول عامل زي الراجل الصاحبتو تقول ليهو أنا حامل يقوم ينكر ويفتش طريقة يتخارج بيها

سلام يا فتحى

يا خوى أمثالك مالها الأيام دى!!

ببساطة ..
احترم الحقيبة .. ولا أرى طولى مقامها .. فى مسألة الابداع ..
هذه القصيدة ..
كتبتها بروح الغناء ..يعنى بكتب فيها و بغنى فيها ( ليست شعر غنائى فلا أحب التسميات هى أغنية للحبيبة والحبيبة معاى على الهاتف وأنا مشتاق ليها .. بكتب فى القصيدة ) شعرت و أنا أكتبها بأنى..مسعد حنفى الشاعر ..( لأنكم أقرب لى ) ....

[خالد الصائغ]

المشاركة الأصلية كتبت بواسطة معتصم الطاهر

للنقاش يا أحباب ..

بعض نقد وجه لى شفاهة ..

أن مفردة ناسية الشمش فى خدودا ..قال لى " الشمس تحرق"
و أنا قصدت الضوء .. فما رايكم

مفردة "سوانى" العشق مسكونا

تشبه مفردة كتبها شاعر آخر " حيث قال " سمانى البحر مجنونة " ..
و دا طبعا جواى محرقص لى ..

ناضر التحايا عزيزي معتصم


أما قولك

الشمس في خدودا

فهو من باب الإستعارة المكنية

و علاقتها هنا هي (المحلية)

حيث ذُكر المحل (الشمس) و قُصد الحال (الضياء) ... و ليس الحرق

فالحرق لا يرتبط دلاليا بالشمس بل بالنار


فهي صورة بلاغية جمالية


و أما قولك

سواني العشق مسكونا ... و مشابهتها أو مشاكلتها لقول الآخر ... سماني البحر مجنونا

فلا قدح في ذلك

فهو من قبيل (التناص)

و التناص مشروع في كل ضروب الكتابة الأدبية سيما الشعر.

[معتصم الطاهر]

المشاركة الأصلية كتبت بواسطة خالد الصائغ

ناضر التحايا عزيزي معتصم


أما قولك

الشمس في خدودا

فهو من باب الإستعارة المكنية

و علاقتها هنا هي (المحلية)

حيث ذُكر المحل (الشمس) و قُصد الحال (الضياء) ... و ليس الحرق

فالحرق لا يرتبط دلاليا بالشمس بل بالنار


فهي صورة بلاغية جمالية


و أما قولك

سواني العشق مسكونا ... و مشابهتها أو مشاكلتها لقول الآخر ... سماني البحر مجنونا

فلا قدح في ذلك

فهو من قبيل (التناص)

و التناص مشروع في كل ضروب الكتابة الأدبية سيما الشعر.

سلام يا خالد
وشكرا
كنت أبحث دايما عمن ينقد أعمالى .. بمعرفة ..
تحفزنى لمواصلة الكتابة هنا ..

[حسين محي الدين]

من لطايف جودا
طافت فى القليب
وطال فى مقامو سجودا


******

والله ما عارف شن أقول، طولنا منك
وجينا لقينا أروع وأروع

دمت وريفًا

[معتصم الطاهر]

مرحب حسين

هي شخبطات فى " كتاب الرود " خاصتنا

تحرشنا الحبيبة فيتحرش بنا الشوق .. يتاورنا الشعر ..

[سمراء]

ود الطاهر ..كلامك طاعم
لا اجد من حروفي مايسامق دررك ..فعذرا

[معتصم الطاهر]

المشاركة الأصلية كتبت بواسطة سمراء

ود الطاهر ..كلامك طاعم

الكلام بطلع حسب الموصوف يا سمراء ..

نحن لسنا إلا وسائل توصيل ..

المشاركة الأصلية كتبت بواسطة سمراء

لا اجد من حروفي مايسامق دررك ..فعذرا

لا أشك فى أنك تملكينها .. فعذب الكلام سمة لديك .. و لكنك توصلين رسالة ..
فقط امتدادا لبخلك .. أرجو مزيدا من النقد ..

[عكــود]

كنت بخيل يا معتصم في القصيدة دي على غير عادتك . .
يبدو إنّها إتكتبت بنفس واحد، وفي النفس بقيّة زفير لم يُزفر،
لماذا حبسته؟

أتّفق مع من شمّ دُعاش الحقيبة، فهو باين وبرقو عبّادي وأعتبرها من أجمل ما قرأت لك في الفترة الأخيرة.

الصفا و الدلال
الجمال و الروقة
نزَلَنْ دُعاش في الجوف
والقلِــيـب تبروقة

يا ربّي البـ الأحمر ده يكون شترها؟
لا تهتم بذلك كثيراً، فأنا عادة باخد راحتي في كتاباتك.

[معتصم الطاهر]

المشاركة الأصلية كتبت بواسطة عكــود

كنت بخيل يا معتصم في القصيدة دي على غير عادتك . .
يبدو إنّها إتكتبت بنفس واحد، وفي النفس بقيّة زفير لم يُزفر،
لماذا حبسته؟

سلامات يا عمدة

مرات بكون تمرق الخاطر الموجود و لا تصارع الجواك
بغلبنى دايما لامن الحبيب حاضر ..

اقتباس:
الصفا و الدلال
الجمال و الروقة
نزَلَنْ دُعاش في الجوف
والقلِــيـب تبروقة

معاك فى الأحمر ..

و الزيادى حسب الغنا ..

[ناصر يوسف]

[align=right]إنتو بس كُبُوا لينا بُكاكم النبيل ده بي هني ونحن نشرب من نخبو حِتَه حِتَه
ده غُناء جميل يا معتصم
شكراً ليك
شكراً ليها
شكراً للتلفون
الخلاك تهابش في الحبيبه وهي غياب[/align]