أجمل الحلوين - أغنية خُطّابها كُتــااااار - الصفحة 3

عصمت العالم · 31-05-2006, 11:20 PM

العزيز عكود...

ما نا شوايقه...لكن منتسبين.....ولا خلاها..ذى نكتة ابو داؤد الشهيره..مع العسكرى.والمحقق ..والقاضى...!!!.!! حلوه دى..
اللحن يسكر شجون المساء..ويعربد بخلايا دفق الحس..وينقلنا الى براح متفرد..فيه كل غنج الدل الدلال...
ونسبح على ضياءات صفاء متسق..ومتسع.وفضفاض...
يا للروعه ...ويا للجمال...
ولعل تفرد انسجام الحس يلتقى مع كل نغم وريف ولحن منغم.وصوت غريد..
يا اجمل الحلوين..
وانت تغازل بحار العيون .مع توهان اجمل الحلوين..
عكود ..
ما تسرح مع الخيال..انت فى كثير من الاحيان .بتتكلم.. فى النوم... ومن هنا تاتى المساله..والمعصره..!!
فاهم..يا قبيله...؟

خالد الحاج · 31-05-2006, 11:44 PM

[media]http://sudaniyat.net/songs/modules/topMusic/tracks/Moudabeek.mp3[/media]

ود الطاهر..
أها النسوي ليكم حسادة الشايقية..
والوعد قائم.. والغنية بنزلها بعد (أسل روحكم)

عكود... برضو تصبيرة

موعودة بيك....

haneena · 01-06-2006, 12:42 AM

العكود
تحياتي

أجمل الحلوين
بـأي صوت جميلة
بالله عليكم الله أسمعواالكلمات تاني و تأملوا
أما عن الفيديو كليب (الليلنا)
تدفعوا كم حق النشر

؟

Deer · 01-06-2006, 08:15 AM

تعرفوا الأحلى من الأغنية شنو؟؟؟؟؟؟؟؟؟

لمتكم الحلوة دي... تناغموا فوق بعض...وتتجادعوا بي الكلامات السمحة دي... زي الكأنكم قاعدين ليكم في عناقريب هبابية تحت شجرتين ضليلات... والأرض مرشوشة والهوا هاااااااااابي... وريحة القهوة ضاربة...

سودانيات دي زاتها ياها الشجرتين الضليلات... يللا منتظرين كليب الحنينة وندى بس أريتن يجننا بي رقيصن وشبابيلن...

عكــود · 01-06-2006, 01:00 PM

اقتباس:

قالوا الغنا سمح في خشم سيدو لكن غايتو في دي صديق أحمد ما بتلحق وكأنه ود المساعيد لما لحنها لحنها ليهو . .

إنت يا أبو قصي ما أظنّك سمعتها من ود المساعيد ..
خاصة لو كان سمع ومشاهدة ..
طريقة أداؤه وتعابير إنفعالات وجهه تخلّيك تحلف حرام الأغنية دي ما يغنّيها زول غيرو،
يا سلاااام عليهو ياخي

اقتباس:

سلام يا عجائز

تشكر على المرور يا عمّنا

عكــود · 01-06-2006, 01:04 PM

اقتباس:

ما تسرح مع الخيال..انت فى كثير من الاحيان .بتتكلم.. فى النوم... ومن هنا تاتى المساله..والمعصره..!!
فاهم..يا قبيله...؟

فاهمك يا عصمت أخوي
فاهمك يا رفيق المعاناة
والسهاد
كدي إنت أسمع وقش دمعك وزي ما قالت حنان النيل:
يمّه كان الليل طواكي
قشّي دمعك بي نجومو

عكــود · 01-06-2006, 01:07 PM

اقتباس:

عكود... برضو تصبيرة

موعودة بيك....

كتيييير الموعودين بيهو يا خالد يا خوي
بس لو يصدق نًصّو

دحين إنت سوّي العليك
الباقي مقدور عليهو

عكــود · 01-06-2006, 01:11 PM

اقتباس:

المشاركة الأصلية كتبت بواسطة haneena

العكود
تحياتي

أجمل الحلوين
بـأي صوت جميلة
بالله عليكم الله أسمعواالكلمات تاني و تأملوا
أما عن الفيديو كليب (الليلنا)
تدفعوا كم حق النشر

؟

الحنينة،
واحدة من أهداف البوست الغير معلنة
إستقطابك وباقي الحلوين
وكلامك يشجّع على إنزال بوستات مشابهة

الفيديو كليب بنشوفوا من النُسخ المتسرّبة
ومن غير حقوق طبع وما طبع
بس أبعدوا من عثمان حمد
ما يهوّب ناحية الأفلام دي
ده زول خطير
وطالِق

عكــود · 01-06-2006, 01:15 PM

اقتباس:

تعرفوا الأحلى من الأغنية شنو؟؟؟؟؟؟؟؟؟

لمتكم الحلوة دي... تناغموا فوق بعض...وتتجادعوا بي الكلامات السمحة دي... زي الكأنكم قاعدين ليكم في عناقريب هبابية تحت شجرتين ضليلات... والأرض مرشوشة والهوا هاااااااااابي... وريحة القهوة ضاربة...

والزادها حلاوة يا دير
دخلتك علينا بي شبشب وتوب جارات
دحين جرّي لك بنبر واقعدي أسمعي النغم الحلو ده
وخليك قريبة دايماً

أماني · 01-06-2006, 01:46 PM

اجمل الحلوين معانا وفى قلوبنا
بهديها لى ود جيرانا اسعد البرير
واقول ليه من لقى احبابو نسى اصحابو
ومشتاقين كيتر اظهر وبان عليك الامان

عكــود · 01-06-2006, 05:16 PM

اقتباس:

اجمل الحلوين معانا وفى قلوبنا

تسلمي ويسلم الشاب الجميل.
معاك أنادي أبو السعود
الحقيقة إفتقدناه وخِرمنا لو عديييل
أخبارو شنو؟

Osman Hamad · 01-06-2006, 08:41 PM

اقتباس:

المشاركة الأصلية كتبت بواسطة عكــود

بس أبعدوا من عثمان حمد
ما يهوّب ناحية الأفلام دي
ده زول خطير
وطالِق

صدقت والله ياعكود

دى طبعاً من باب بارك الله فى إمرءٍ عرف خطورة خرفه

عكود
مشتاقين دى شايفها شوية فى حقك.
بالمناسبة اللمة ناقصاك، وانا سعيد جداً اكون بين أجمل الحلوين

عكــود · 02-06-2006, 05:23 PM

عثمان المطموس،

جلّت معاي بي بنط واحد بس
ربنا يحيينا ويمد في الأيّام
ونتلاقى إنت طيّب ونحن طيبين

بختك وإنت بين أجمل الحلوين
وبختهم بيك

suhyta · 02-06-2006, 06:12 PM

هذا القدر الوافي من الحنان لو ..خُص..كلُ قلبٍ ...بنفحةٍ منه...

لأصبح للكون ..لونٌ آخر...وطعمٌ... آخر...

حبي..لم صاغ الكلم ومن دوزن لحنها..ومن شدا بها ومن اسمعنا اياها هنا..كل الود..عكود

عكــود · 02-06-2006, 07:41 PM

اقتباس:

هذا القدر الوافي من الحنان لو ..خُص..كلُ قلبٍ ...بنفحةٍ منه...
لأصبح للكون ..لونٌ آخر...وطعمٌ... آخر...

صحّ لسانِك يا سوهيتا (أتمنى أكون كتبتها صاح)
أغاني الطنبور ترتبط دائماً بالمحنّة والمحبّة
ليس الكلمات واللحن فحسب
بل صوت الطنبور نفسه يضيف بعداً حنيناً عميقاً
تصعب مقاومة تغلغله في أعماق الرقّة فينا

لكِ كل المودّة والتقدير،

31-05-2006, 11:20 PM	#[31]
عصمت العالم :: كــاتب نشــط::	العزيز عكود... ما نا شوايقه...لكن منتسبين.....ولا خلاها..ذى نكتة ابو داؤد الشهيره..مع العسكرى.والمحقق ..والقاضى...!!!.!! حلوه دى.. اللحن يسكر شجون المساء..ويعربد بخلايا دفق الحس..وينقلنا الى براح متفرد..فيه كل غنج الدل الدلال... ونسبح على ضياءات صفاء متسق..ومتسع.وفضفاض... يا للروعه ...ويا للجمال... ولعل تفرد انسجام الحس يلتقى مع كل نغم وريف ولحن منغم.وصوت غريد.. يا اجمل الحلوين.. وانت تغازل بحار العيون .مع توهان اجمل الحلوين.. عكود .. ما تسرح مع الخيال..انت فى كثير من الاحيان .بتتكلم.. فى النوم... ومن هنا تاتى المساله..والمعصره..!! فاهم..يا قبيله...؟
عصمت العالم :: كــاتب نشــط::

31-05-2006, 11:44 PM	#[32]
خالد الحاج :: كــاتب نشــط::	[media]http://sudaniyat.net/songs/modules/topMusic/tracks/Moudabeek.mp3[/media] ود الطاهر.. أها النسوي ليكم حسادة الشايقية.. والوعد قائم.. والغنية بنزلها بعد (أسل روحكم) عكود... برضو تصبيرة موعودة بيك....
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

01-06-2006, 12:42 AM	#[33]
haneena :: كــاتب نشــط::	العكود تحياتي أجمل الحلوين بـأي صوت جميلة بالله عليكم الله أسمعواالكلمات تاني و تأملوا أما عن الفيديو كليب (الليلنا) تدفعوا كم حق النشر ؟
haneena :: كــاتب نشــط::	التوقيع: Life is all about choices

01-06-2006, 08:15 AM	#[34]
Deer :: كــاتب نشــط::	تعرفوا الأحلى من الأغنية شنو؟؟؟؟؟؟؟؟؟ لمتكم الحلوة دي... تناغموا فوق بعض...وتتجادعوا بي الكلامات السمحة دي... زي الكأنكم قاعدين ليكم في عناقريب هبابية تحت شجرتين ضليلات... والأرض مرشوشة والهوا هاااااااااابي... وريحة القهوة ضاربة... سودانيات دي زاتها ياها الشجرتين الضليلات... يللا منتظرين كليب الحنينة وندى بس أريتن يجننا بي رقيصن وشبابيلن...
Deer :: كــاتب نشــط::

01-06-2006, 01:46 PM	#[40]
أماني :: كــاتب نشــط::	اجمل الحلوين معانا وفى قلوبنا بهديها لى ود جيرانا اسعد البرير واقول ليه من لقى احبابو نسى اصحابو ومشتاقين كيتر اظهر وبان عليك الامان
أماني :: كــاتب نشــط::

02-06-2006, 05:23 PM	#[43]
عكــود Administrator	عثمان المطموس، جلّت معاي بي بنط واحد بس ربنا يحيينا ويمد في الأيّام ونتلاقى إنت طيّب ونحن طيبين بختك وإنت بين أجمل الحلوين وبختهم بيك
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

02-06-2006, 06:12 PM	#[44]
suhyta :: كــاتب نشــط::	هذا القدر الوافي من الحنان لو ..خُص..كلُ قلبٍ ...بنفحةٍ منه... لأصبح للكون ..لونٌ آخر...وطعمٌ... آخر... حبي..لم صاغ الكلم ومن دوزن لحنها..ومن شدا بها ومن اسمعنا اياها هنا..كل الود..عكود
suhyta :: كــاتب نشــط::	التوقيع: [align=center]ياجنوني العذب.. ورفة عيني التي لا تتجاوزُ بيادرَ حضورِك ..أحبكَ بكاملِ هطولِك لك أن تبعثرني ..في برقِ فتنةِ.. مساءك.. شظايا من غيم لاهب[/align]