اقتباس:
المشاركة الأصلية كتبت بواسطة مبر محمود
تحياتي يا حاتم
في رائي إن كتاب الطبقات من أميز وأهم الكتب التوثيقية السودانية علي الإطلاق
فهو يمنحنا تصوراً معقولاً لعقل المجتمع، وتخلقاته السلوكية والعقدية، في حِقبات تاريخية سالفة
وهذا التصوّر يعتبر مدخلاً مهماً للمهتمين بقرأة الأبعاد النفسية والإجتماعية للشخصية السودانية
أنا أفهم إنك أتيت بهذا الموضوع، وليس في ذهنك شي من كل هذا ..
فقط تريد أن (تحارب الصوفية) بجلبك لأحاديث تعتقد إنها خرافات وغير قابلة للمنطق
صدقني إن سلمنا بمنطقك هذا فستجدنا بعد قليل نقول لكَ:
كويس يا حاتم، بس القران زاتو مليان بالخرافات وبما لا يحتمله المنطق والعقل
وإنو قصص معجزات الأنبياء أيضاً "مضحكة"
|
مبر يا صاحب كلامك الفوق عن الشخصية السودانية و ارتباطها بمنتوجها المعرفي الذي تمثل في كتابات الطبقات علي الإطلاق ما عندي فيه راي و ممكن يتواصل فيه الحوار في بوست منفصل.... بس الحاجة الما واقعة لي طوالي طاير في حاتم جوز بإعتبار أنه بحارب الصوفية ؟ طيب مالو ما يحارب الصوفية ... و لا الصوفية دي برضو دايرين تقدسوها لينا؟
يا خي المقدس عندنا كتير ما ناقصين مقدسات عشان تجي تضيف ليهم الصوفية...
و حكاية أنو حاتم جاب المقال دا من موقع بهاجم الصوفية ما معني أنه بحارب الصوفية ... ما هسي عادي ممكن تستدل علي كتابات من أعمال ناس أنت مختلف معاهم و بهاجموا في فكرة محددة ما بعني علي الإطلاق أنك متفق معاك.....
بعدين يا حاتم كلام مبر التحت دا بالله ما تحمله أكثر مما يحتمل .... ما عادي جداً انت بتؤمن بسيدنا عيسي البحي الموتي و بشفي الأبرص .... كل الفكرة علي ما أعتقد مبر إتفوق عليك بزيادة مجموعة تانية , في الوقت الإنت حصرت الكرامات في الأنبياء و الرسل فقط , مبر زاد ليك أولياء الله الصالحين .... يعني هنا زيادة الخير خيرين
أما يا نهلة هجومك علي حاتم بإعتباره لافح البوست أو سارقه , الزول دا جاب الرابط , يعني تخشي الرابط تلقي إسم الزول الأصلي و الموضوع .... عشان كدا يا نهلة الإتهام دا هنا باطل و حاتم أبداً ما قال البوست دي من بنات أفكاره
