مالو زي التقول فيهو عرق؟!

[فتحي مسعد حنفي]

المشاركة الأصلية كتبت بواسطة وجدي الأسعد الأسعد

تعرف يا فتحي أول مداخلة لي بابكر بتعتبر أقوى مسمار لتثبيت ملكية بابكر للبوست دا

ياخ المداخلة دي بالظبط هيت زا نيل أون زا هيد

غايتو بابكر اتقطع فوقها
يعني من الاخر كدة المداخلة دي محتوية علي الموضوع كلو ... وما غير ذلك بكون كواسة في التفاصيل

انت ياوجدي قايل بابكر دا بيرمي ليهو بوست كدا فض مجالس لو ما عندو غرض خفي؟يازول بابكر لسة ما طلع الداير يقولو وما تستبعد البوست دا كلو عشان في الآخر يطلع ليهو زول عب المشكلة الزول دا بكون منو ياربي أسألني أنا الخابر الرويعي دا زي جوع بطني الشبعانة..غايتو دي من حسنات انك تكون حلبي

[وهاد ابراهيم محمد]

يا بابكر الموضوع محكوم بالأنا في أقسى صور إنعكاساتها
فكل (عِرق) مُصنّف ثانياً وثالثاً الى آخر القائمة.. هو في منظوره الذاتي
أولاً خالصاً وما سواه أدنى مرتبة بلا كثير نقاش.. حتى وان كان بالغ التخلف..
وبالعكس فكلما زادت فيه معدلات الجهل والإنغلاق كلما زادت أوهامه بتميزه..
الشئ المؤلم فعلاً ان حتى المدارس التي تُعلمنا منطق الأشياء نكتفي بإعادتنا
بضاعتها على أوراق الإمتحانات..

في الداخلية.. كانت الغرفة تجمع ثمان فتيات من مختلف الأعراق..
دار الحوار التالي:
_ والله بت خالتي* جاها عريس** مرتاح راحة.. كب ليهم القروش بالهبل
_ حظها والله.. الله أداها
_ حظو هو والله الرضينا بيهو الغرباوي
(لكزتها) محدثتها في إشارة لوجودي.. فإحمرت الوجوه بالخجل...
قلت لها:
_ عادي خجلانة لي.. إعتقادك مفروض تقوليهو بوضوح
على الأقل وفرتي على الزمن الكنت حأستهلكو عشان أعرف نظرتك لي.
(مع الإشارة الى أنها لم تصرف جهداً لإنكار إتهامي المغلّف)



* بت الخالة سليلة حسب ونسب أسرة مستقرها المسعودية لا أعلم قبيلتها لكنها بكل حال من المتصل نسبهم بالعباس.. بمؤهل ثانوي ولا وظيفة.
** العريس سليل حسب ونسب أسرة مستقرها الخرطوم من قبيلة الزغاوة.. بمؤهل دكتوراة ووظيفة مرموقة.



وهناك في أسرتنا الكبيرة..
تزاوج بين (القِمِر) و(الرزيقات) و(البرنو)..
للغرابة كل منهم ينظر للآخر بتعالي ويتهمه بتلويثه وإنزاله درجة بمصاهرته.

في (طائر الشؤم).. عرض بالغ التأثير لنظرة (الدينكا) السلالة النقية السامية لـ (العرب) غير المقبول تواجدهم حتى بالجوار..

المجتمعات تحكمها موروثاتها الثقافية ونظمها الاجتماعية ومؤسساتها السياسية
التي تمكّن لسابقتيها..
فالذي يحدث من تفاوت قسري بفعل بسط سلطة معتقد خاص.. هو نتاج واقع ثقافي
وليس تطور تناسل بايولوجي..
هذه الجزئية بالتأكيد يجيد التعامل معها العالِم العارف.. الذي ببساطة هو نحن..
فهل نحن.. جيل ما بعد الأجداد والآباء قادرين على الإعتراف بالتميز الفردي
وإقصاء التميز العِرقي..
أول إجابة ترن بجرسها.. نعم
أول محك حياتي واقعي.. (تبدا البلبطة)..

طوال حياتي لم اسأل أحد عن.. (قبيلتك شنو؟)
في الأسرة مُصنفة.. (عبيطة ساي)
بالخطوة أعلاه أعلنت جاهزيتي لإقصاء التمايز العِرقي..
فكم من الرفاق في هذا المركب.

السؤال يا بابكر مش.. البخلي ده سيد وده عبد شنو؟
السؤال هو.. نحن قادرين نستقبل الآخر بدون عرضه على فحص سيد وعبد ده؟

و.. الجفلن خلهن.. اقرع الواقفات.

[نبراس السيد الدمرداش]

والله يا ود عباس بتفتح مواضيع خطيره

عارف قبل 4 شهور اتقدم واحد لصديقتي
سمعتو طيبه,اهلو ناس مستورين,خريج جامعة الخرطوم,موظف في شركه و وضع ممتاز في السعوديه,يمتلك منزل و سياره يعني مواصفات ما فيها كلام
بس للاسف تم رفضو لانو حبوبتو ام امو سريه(بكسر السين)

لسه يا بكور عاوزين غسيل امخاخ لسه

[هيثم علي الشفيع]

التحية لكل من مر من هنا

لدي نموذج مشابه لنموذج نبراس في أسرتي
وما آلمني وفضحني أمام نفسي ، أن العريس المعني وبعد أن تم رفضه استنجد بي كواحد من (الطبقة المستنيرة) بالأسرة
وفاجأتني -قبله- إجابتي عليه بأنني مقتنع بكل ما قاله ، لكن المجتمع السوداني بطيئ التغير ويحتاج لسنوات وسنوات حتى يصبح هذا الأمر عادياً ومقبول من الجميع...، فاعذرني إن كنت لا أستطيع أن أساعدك بشيئ غير أضعف الإيمان

إنه التشويه الذي قاله أسامة ولا غير

[فتحي مسعد حنفي]

لا تشتري العبد إلا والعصا معه إن العبيد لأنجــاس مناكــيد
نامت نواطير مصر عن ثعالبها وقد بشمن وما تفنى العناقيد
لا يقبض الموت نفسا من نفوسهم إلا وفي يده من نتنها عود
من علم الأسود المخصي مكرمة أقومه البيض أم آباؤه السود
أم أذنه في يد النخاس دامية أم قدره وهو بالفلسين مردود

شوف العنصرية من قبل أكتر من ألف سنة..

[مرافي]

الاخ بابكر وكل المتداخلين
فعلاً هذا الموضوع صعب الانفكاك منو الا وهو النظرة لكل صاحب بشرة داكنة
بي انو مااحر..!!!!!
فهذه الاشياء موروثات تقافية اجتماعية تراكمت منذ مئات بل الآف السنين
والشعر الذي اتى به عمنا فتحي ابلغ دليل
وحتى من تتحدى هذا الارث وتحاول تتزوج بمن يراه اهلها غير حر
تجد ما تجد من الاهل والمجتمع نفسه
بس المحيرني الخلا ذوي البشرة الداكنة
في مرتبة اجتماعية اقل من البيض شنووو..؟؟؟؟
ماعندنا بس في كل العالم حتى انحنا ولو حتى حلب عديل
فنحن خوال* على قول اهل الخليج في مجتمع اكثر بياضاً للبشرة
يعني حتى البياض درجات فما بالك باسود البشرة
هنا استحضر طرفات دكتورنا دكام الله يرحمو
طبعاً هو متزوج واحدة بيضاء(حرة..)
واولادو كانوا على لون المدام (حرين) المهم جاء ود اخوهو يخطب بتو
فقال ليهو ياخ انحنا ننضف انت تاني دايرتجيء توسخ لينا..
رحمه الله
* اي عبيد

[أبوبكر عباس]

المشاركة الأصلية كتبت بواسطة وهاد ابراهيم محمد

ي
فهل نحن.. جيل ما بعد الأجداد والآباء قادرين على الإعتراف بالتميز الفردي
وإقصاء التميز العِرقي..
أول إجابة ترن بجرسها.. نعم

ح أفط ناس وجدي الحلبي و فتحي الحلبي
و أرد عليك انتي بس
أول هام:
سحب الهامش من وهاد الجميلة و تعيينك سفيرة جمال بالمنتدى
و أول حالة نحولها ليك هي:
فتحي مسعد جنفي و سوف تتوالى الكيسات

[أبوبكر عباس]

المشاركة الأصلية كتبت بواسطة مرافي

ا
بس المحيرني الخلا ذوي البشرة الداكنة
في مرتبة اجتماعية اقل من البيض شنووو..؟؟؟؟

لانهم يا مرافى و يا وجدي
آخر ناس استعبدوا في الأرض و الله أعلم

[فتحي مسعد حنفي]

المشاركة الأصلية كتبت بواسطة بابكر عباس

ح أفط ناس وجدي الحلبي و فتحي الحلبي
و أرد عليك انتي بس
أول هام:
سحب الهامش من وهاد الجميلة و تعيينك سفيرة جمال بالمنتدى
و أول حالة نحولها ليك هي:
فتحي مسعد جنفي و سوف تتوالى الكيسات

ألعب غيرا يابابكر بناتي ديل ما بتقدر تحرشم علي..جنفي في عينك انت الأجنف

[طارق الحسن محمد]

المشاركة الأصلية كتبت بواسطة وهاد ابراهيم محمد

يا بابكر الموضوع محكوم بالأنا في أقسى صور إنعكاساتها
فكل (عِرق) مُصنّف ثانياً وثالثاً الى آخر القائمة.. هو في منظوره الذاتي
أولاً خالصاً وما سواه أدنى مرتبة بلا كثير نقاش.. حتى وان كان بالغ التخلف..
وبالعكس فكلما زادت فيه معدلات الجهل والإنغلاق كلما زادت أوهامه بتميزه..
الشئ المؤلم فعلاً ان حتى المدارس التي تُعلمنا منطق الأشياء نكتفي بإعادتنا
بضاعتها على أوراق الإمتحانات..

في الداخلية.. كانت الغرفة تجمع ثمان فتيات من مختلف الأعراق..
دار الحوار التالي:
_ والله بت خالتي* جاها عريس** مرتاح راحة.. كب ليهم القروش بالهبل
_ حظها والله.. الله أداها
_ حظو هو والله الرضينا بيهو الغرباوي
(لكزتها) محدثتها في إشارة لوجودي.. فإحمرت الوجوه بالخجل...
قلت لها:
_ عادي خجلانة لي.. إعتقادك مفروض تقوليهو بوضوح
على الأقل وفرتي على الزمن الكنت حأستهلكو عشان أعرف نظرتك لي.
(مع الإشارة الى أنها لم تصرف جهداً لإنكار إتهامي المغلّف)



* بت الخالة سليلة حسب ونسب أسرة مستقرها المسعودية لا أعلم قبيلتها لكنها بكل حال من المتصل نسبهم بالعباس.. بمؤهل ثانوي ولا وظيفة.
** العريس سليل حسب ونسب أسرة مستقرها الخرطوم من قبيلة الزغاوة.. بمؤهل دكتوراة ووظيفة مرموقة.



وهناك في أسرتنا الكبيرة..
تزاوج بين (القِمِر) و(الرزيقات) و(البرنو)..
للغرابة كل منهم ينظر للآخر بتعالي ويتهمه بتلويثه وإنزاله درجة بمصاهرته.

في (طائر الشؤم).. عرض بالغ التأثير لنظرة (الدينكا) السلالة النقية السامية لـ (العرب) غير المقبول تواجدهم حتى بالجوار..

المجتمعات تحكمها موروثاتها الثقافية ونظمها الاجتماعية ومؤسساتها السياسية
التي تمكّن لسابقتيها..
فالذي يحدث من تفاوت قسري بفعل بسط سلطة معتقد خاص.. هو نتاج واقع ثقافي
وليس تطور تناسل بايولوجي..
هذه الجزئية بالتأكيد يجيد التعامل معها العالِم العارف.. الذي ببساطة هو نحن..
فهل نحن.. جيل ما بعد الأجداد والآباء قادرين على الإعتراف بالتميز الفردي
وإقصاء التميز العِرقي..
أول إجابة ترن بجرسها.. نعم
أول محك حياتي واقعي.. (تبدا البلبطة)..

طوال حياتي لم اسأل أحد عن.. (قبيلتك شنو؟)
في الأسرة مُصنفة.. (عبيطة ساي)
بالخطوة أعلاه أعلنت جاهزيتي لإقصاء التمايز العِرقي..
فكم من الرفاق في هذا المركب.

السؤال يا بابكر مش.. البخلي ده سيد وده عبد شنو؟
السؤال هو.. نحن قادرين نستقبل الآخر بدون عرضه على فحص سيد وعبد ده؟

و.. الجفلن خلهن.. اقرع الواقفات.

ابكر ادم اسماعيل كان يحكى ان تقدم لخطبة اخواته الاثنين شباب
من سكان قريتهم وشباب مافيهم اى كلام حسب مقايس كل اهل المنطقة
بس اخواته رفضوهم
والسبب ... لانهم فلاتة
قال لى جبتهم وسالتهم لو انا اتقدمت لبت ( عرب ) ورفضونى لانى نوباوى
الكلام دا بيرضيكم ؟ ؟
والله كم احترمته واحترمت منطقه العميق البسيط

[طارق الحسن محمد]

المشاركة الأصلية كتبت بواسطة فتحي مسعد حنفي

لا تشتري العبد إلا والعصا معه إن العبيد لأنجــاس مناكــيد
نامت نواطير مصر عن ثعالبها وقد بشمن وما تفنى العناقيد
لا يقبض الموت نفسا من نفوسهم إلا وفي يده من نتنها عود
من علم الأسود المخصي مكرمة أقومه البيض أم آباؤه السود
أم أذنه في يد النخاس دامية أم قدره وهو بالفلسين مردود

شوف العنصرية من قبل أكتر من ألف سنة..

فتحى بعض الذين كانو ينتقدو الطيب صالح
كانو ينتقدو تعلقه ووله الشديد بالمتنبى

[طارق الحسن محمد]

المشاركة الأصلية كتبت بواسطة مرافي

الاخ بابكر وكل المتداخلين
فعلاً هذا الموضوع صعب الانفكاك منو الا وهو النظرة لكل صاحب بشرة داكنة
بي انو مااحر..!!!!!
فهذه الاشياء موروثات تقافية اجتماعية تراكمت منذ مئات بل الآف السنين
والشعر الذي اتى به عمنا فتحي ابلغ دليل
وحتى من تتحدى هذا الارث وتحاول تتزوج بمن يراه اهلها غير حر
تجد ما تجد من الاهل والمجتمع نفسه
بس المحيرني الخلا ذوي البشرة الداكنة
في مرتبة اجتماعية اقل من البيض شنووو..؟؟؟؟
ماعندنا بس في كل العالم حتى انحنا ولو حتى حلب عديل
فنحن خوال* على قول اهل الخليج في مجتمع اكثر بياضاً للبشرة
يعني حتى البياض درجات فما بالك باسود البشرة
هنا استحضر طرفات دكتورنا دكام الله يرحمو
طبعاً هو متزوج واحدة بيضاء(حرة..)
واولادو كانوا على لون المدام (حرين) المهم جاء ود اخوهو يخطب بتو
فقال ليهو ياخ انحنا ننضف انت تاني دايرتجيء توسخ لينا..
رحمه الله
* اي عبيد

مرفانا سلام
اتطوع واشرح كلمة خوال للناس المابيعرفوها
ومفردها خال والخال المقصود بيهو الشامة
وهى دائما سودا

[مبر محمود]

تحية حاره لكل المتداخلين ..

في زماننا الكوكبي الراهن هذا يعتبر التمييز العنصري والعنف الإثني من أكثر القضايا التي تهدد سلم وأمان ظهر البسيطة، تهديد يتفوق في واقعيتة السالبة علي مهددات أخرى كالأصولية، وغياب الديمقراطية، وتجارة المخدرات، والإرتزاق عبر الإرهاب ..
كيف لا وهو يعتبر الطعن الأول في إنسانيتنا والثقب الأول في ماعون الأخلاق البشرية ، فكل احاديث القيم الموجبة، وكل المجهودات التي بذلت من لدن الأنبياء والفلاسفة والمفكرين لصقل الإنسان أخلاقياً وتجريده من حيوانيته لن تفلح ما لم يتخلص الإنسان من أدران التفوق اللوني الساذج، والنقاء العرقي الكاذب، إذ لا يمكن بأي حال من الأحوال لماعوننا الأخلاقي أن يستقبل مفاهيم علي شاكلة حرية، وعدالة إجتماعية، وعلم جمال، وعلم ذوق، مالم يستوعب في المقام الأول حقيقة إن كل البشرية هي عنصر واحد، وإن الفرد _اي فرد_ ما هو إلا جزء من منظومة دولية متكاملة، يتمتع فيها بكل الحقوق، ويلتزم تجاهها بكل الواجبات .. ما لم يحدث هذا فلا تحلموا بعالم سعيد، لا تحلموا بزوال الأصولية والدكتاتورية، ولا تحلموا بتوقف الحرب .. فجميع محن الكون هذه، ومنذ قديم الزمان، ترضع من ثدي العنصرية

[مبر محمود]

المؤسف حقاً يا بابكر إن هذه القضية - قضية العنصرية- بالرغم من ترسخها في نسيجنا الإجتماعي، وبالرغم من إسقاطاتها السالبة في مجمل حِراكنا السياسي، إلا إنها لم تحظى بتدارس جاد ومكثف من قبل كل المثقفين والمفكرين السودانيين ..فقد إنشغلت نخبتنا، أو تشاغلت عنها، بقضايا أخري تاتي في رائي جميعها دون الأولوية

[طارق الحسن محمد]

المشاركة الأصلية كتبت بواسطة مبر محمود

المؤسف حقاً يا بابكر إن هذه القضية - قضية العنصرية- بالرغم من ترسخها في نسيجنا الإجتماعي، وبالرغم من إسقاطاتها السالبة في مجمل حِراكنا السياسي، إلا إنها لم تحظى بتدارس جاد ومكثف من قبل كل المثقفين والمفكرين السودانيين ..فقد إنشغلت نخبتنا، أو تشاغلت عنها، بقضايا أخري تاتي في رائي جميعها دون الأولوية

لا يا مبر
استدامة الديمقراطية
مفصل مهم جدا
وبعده تاتى اوجعانا
و
ماسينا
لاتقفز