الصديقة المناضلة سولارا مرحب بيك في بيتك التاني.

[فتحي مسعد حنفي]

المشاركة الأصلية كتبت بواسطة جانيت

مليون مرحب بيك سولارا
بس صراحة قلت حتكوني مرة عجوزة ومجلكنة وعندي حساسية من النسوان العجايز ونقتم كتيرة ولمن قالو مصادمة رجعت حركة خلف ومعاها جكة
بس لمن قلتي (عمو)فتحي قلبي اطمئن
مليوووووووووووووووووووووووووووون اهلا وسهلا

بت صغيرة ودكتورة وحلاوتا ألذ من سمك عوضية

[جانيت]

اقتباس:
المشاركة الأصلية كتبت بواسطة فتحي مسعد حنفي


بت صغيرة ودكتورة وحلاوتا ألذ من سمك عوضية



مرااااااحب بيها اي عايزين دماء شابة ودكتورة بلاي حاشكي ليها من قلبي الواجعني
بس سمك عوضية ده ان دل انما يدل علي انك لسة زول اثري وجنك متاحف سابوها زماااااااااان عوضية والجديد دايما شديد

[فتحي مسعد حنفي]

المشاركة الأصلية كتبت بواسطة جانيت

اقتباس:
المشاركة الأصلية كتبت بواسطة فتحي مسعد حنفي


بت صغيرة ودكتورة وحلاوتا ألذ من سمك عوضية



مرااااااحب بيها اي عايزين دماء شابة ودكتورة بلاي حاشكي ليها من قلبي الواجعني
بس سمك عوضية ده ان دل انما يدل علي انك لسة زول اثري وجنك متاحف سابوها زماااااااااان عوضية والجديد دايما شديد

آخر اجازة تاس أحمد زين ودوني صاج السمك وحوش السمك أنا واشراقة حامد لكن سمك عوضية حاجة تانية..

[جانيت]

اقتباس:
المشاركة الأصلية كتبت بواسطة فتحي مسعد حنفي

آخر اجازة تاس أحمد زين ودوني صاج السمك وحوش السمك أنا واشراقة حامد لكن سمك عوضية حاجة تانية..



كفاك الصحبة مع اشراقة حامد والسمك ايا كان في ستين





.

[sulara]

المشاركة الأصلية كتبت بواسطة معتصم الطاهر

مرحب بيك


و أهو شفتى العينة ..


.

عيناتكم خطيرة وحلوة عسل

[sulara]

المشاركة الأصلية كتبت بواسطة ابو روضه

سلام محترم للجميع
وتسجيل خضور لعودة رحيبة

وتحيييييييييييييييييييييييييية

فى انتظارك يا رفيق المصادمة

[فتحي مسعد حنفي]

المشاركة الأصلية كتبت بواسطة sulara

عيناتكم خطيرة وحلوة عسل

سؤال فني.انتي ليه هنا كاتبة اسمك بال U وما با O ولا قايلانا ما بنلاحظ ؟؟؟؟؟؟؟

[sulara]

المشاركة الأصلية كتبت بواسطة الرضي

مرحب بيك في دارك وبين أهلك وأخوانك

الدار بيكم عامرة ياالرضى
وربنا يجعلها دار هنا ورضا

[فتحي مسعد حنفي]

المشاركة الأصلية كتبت بواسطة sulara

فى انتظارك يا رفيق المصادمة

يللا اتلمي انتي وفرح وتعالوا أعملو لينا في سودانيات مظاهرة

[sulara]

المشاركة الأصلية كتبت بواسطة فتحي مسعد حنفي

سؤال فني.انتي ليه هنا كاتبة اسمك بال U وما با O ولا قايلانا ما بنلاحظ ؟؟؟؟؟؟؟

بسم الله الرحمن الرحيم
كدى اعدل النضارة وشوف بنفس الحرف ولاّ لا
امشى بهناك وتعال بهنا تلقانا نحن يانا نحن
ما تحرجنا من صباح الرحمن

[sulara]

المشاركة الأصلية كتبت بواسطة عكــود

ألف مرحب بك يا سولارا
إضافة للحصيلة
ودعماً للمسيرة

شكراً يا فتحي

شكرا عكود لاستضافتكم لى ببيتكم العامر
اتمنى ان نكون يدا واحدة لدك حصون الكيزان
واقتلاع جذور الاسلام السياسى من اجل وحدة السودان

[حجة امنة]

الف مرحب بيك يا ست البنات

الف شكراً يا عم فتحي

[sulara]

المشاركة الأصلية كتبت بواسطة ياسر كبوش

حباب سولارا
بيننا فيا مرحب ويا هلا بيك
سلام يا عم فتحى

حبابك ياود امى
وشكرا للترحيب

[sulara]

المشاركة الأصلية كتبت بواسطة همس الشوق

حبااااااااااااااابك اخت سولارا
انتي شكلك من النوع البحبو ههههههههههه

سجلي لينا زيارة في عنبر المجنونات بالله

في سرير فاضي

يا همس الشوق
انا جاية مخصوص اعالج المجناين الزيكم
ولا وجود لمجنونات فى عنابركم

[سماح محمد]

تحياتي ياسولارا

وحبابك بيناتنا شديد
وان شاء لله يطيب ليك المقام

عجبتني فكرة المصادمة مع الإحتفاظ بكامل الحضور اللطيف بالقلب والوردة الحمراء في الصورة الرمزية..

شكراً عمو فتحي