معقولة بس! بدري الياس ليهو يومين بالمنتدى، ولا بوستاي واحد للترحيب بيهو!

[أزهري سيف الدين]

بدري العريس
يا مرحب ياخي
ويا بختها سودانيات

كل سنة وانت طيب يا حبيب
..

[بدري الياس]

المشاركة الأصلية كتبت بواسطة طيبان

ياخي بدري دا قاعد يلامس مشاعرنا كلّنا ، ، قلبنا شايلهم الاتنين وشايلك انت ذاتك يا بابكر ، الله يضوّي بصيرتك بس ..
مرحب يا صديقنا بدري الياس ،، بالله أحسم لينا هرجلة بابكر دي ، نحن ملحوقين ..


__

اقعد نخّس كدي لامن تلقى بدري واقف في صف ناس البيئة ، وتاكلك على حيطة ، تاني إلا تمشي تستنجد بي محمّد حسبو ..

طيبان يا حبيبي،
يا صاحب القلب الكبير،
والله انت قلبك شايل أكتر مما يحتمل قلب الآدمي -ود المره والراجل- الـ الله خلقو ده.
تعرف يا حبيب،
جابني للمحل ده -وحات الخوّة- كونكم هنا إنت وأسامة معاوية..
وجيت عشان أشوف آخر بابكر عباس..
وعشان أشوف آخر هرجلتو دي شنو؟
بس تصدق، الهرجلة دي وقبل ما أقول يا "ساتر" لقيت الوراها زول وحاتك ما أعزو عليك.. ولا أعزك عليهو..
ياخي الاسافير دي بتعمل جنس حاجات..
لكن يمكن تكون عارف أخوك.. لاب ينافق لاب يجامل..
،
المهم يا حبيب،
كدي خلينا نمشي لا قدام..
،

[بدري الياس]

المشاركة الأصلية كتبت بواسطة سماح محمد

حبابك أ.بدري إلياس
كل أبواب مدينتنا مشرعة..
فمرحبا بك

غايتو يا سماح "أ" دي لو قصدتي بيها استاذ أو اي لقب تكوني بالغتي..
ياخ انا لي كل الشرف اني اكون من ضمن مدينتكم دي..
وترحيبك والله تاج، وما حا يكون علي غير اني احافظ عليهو..
،
كل التقدير..
،

[بدري الياس]

المشاركة الأصلية كتبت بواسطة عبدالمنعم الطيب حسن

الى ابوبكر عباس صاحب خالد اب دقن
طبيعي ان لا يلامس حميد مشاعرك لان مشروع حميد الثقافي والانساني والسياسي
مضاد لمشروعك الذي مرجعيته الجبهة الاسلامية وغازي صلاح الدين والفراغ العريض
دا طبيعي جدا ...
وخايف كمان بدري الياس ذاتو يكون زي حميد في التعبير عن قضايا الوطن والانسانية
لحظتها هنيئا لك بالاستاذ مختار الصحاح ...

سيِّدي عبد المنعم،
شايف والله أعلم حدة في تداخلك.. ولأنني حديث عهد بالمكان فلن احاججك.. خاصة والمقام مقام ترحيب بشخصي الذي ربما لا يستحق حتى ما نريقه أنا وأنت من لحظات..
ولكن إن يكن مشروع حميد الإنساني والثقافي والـ والـ، يضاد أي مشروع لهذا البابكر، فحينها على وجودنا نفسه السلام..
ولأنني كما قلت سابقاً اُعتبر جديداً هنا، فدعني أبعد عن كل شقاق حالياً حتى تستبين لي الخطوط..
كن بخير يا رجل..
ولامن نتلاقى..
،
،

[بدري الياس]

المشاركة الأصلية كتبت بواسطة شليل

أهلين يا عريس

يا شليل،
ليك مني ألف تحية..
وياخ العرس بباركو بي خشم البيت طالما إنك متابع..
..
تسلم اخوي
،

[بدري الياس]

المشاركة الأصلية كتبت بواسطة همس الشوق

غايتو يا بدري الياس الدنيا حظوظ

ناس يستقبلوهم ناس شئون العضوية ( سموحة ) وكدا

الشقي يعتر ليهو أبو بكر عباس

أها يا همس الشوق،
دي قسمتي وانا رضيت
اسوي شنو عاد؟
اللهم بارك لي فيما قسمته علي..
،
تحاياي
،

[بدري الياس]

المشاركة الأصلية كتبت بواسطة زول خرافي

العريس الشنو كدا داك

حبابك في البيت التاني

بث زي ما قالوا ليك السبقوني


جيت خاشي قاردن سيتي بكرور

الزول الخرافي..
حلالي بي بيتاً تكون إنت المباشرني فيهو
وعلي الحلف عشان لماتكن اجي بالعابر زاتو... يورينا الله
،
تسلم يا رجل..
،

[بابكر مخير]

الحبيب بدري الياس
جرحك غوير من الكلمات الجابهو من قولك، بانت ملامحه
وقدرك "عوير" القدمك هنانا "الروايعي" بي مساخته...


يا زول مرحب بيك والف حباب
وأصله "الهبوت" تحته النار
ومن كتر "الحنضل" بيطعم اللسان عسل

وأهو حال الدنيا كدآ!
البعض مرات تخلي "بابكير" يطلع إشراقات

[أبوبكر عباس]

المشاركة الأصلية كتبت بواسطة بابكر عباس

بالنسبة لينا نحن ناس ثقافة الوسط والمقيمين بالإمارات، يعتبر الأستاذ بدري
أبوبكر عباس

المشاركة الأصلية كتبت بواسطة عبدالمنعم الطيب حسن

الى ابوبكر عباس ...

المشاركة الأصلية كتبت بواسطة بدري الياس

بابكر يا عباس
حيرت افكاري معاك..
تعرف،
من قبل ما أقرر أجي هنا كنت بتساءل: بابكر عباس ده منو القاعد في دبي وانا ما بعرفو؟

يا اخي أعمل ليك توقيع خاص بإسم أبوبكر عباس في المداخلة الأولى، زي كُتاب فورأول، ويجي عبد المنعم يلتقط الإشارة دي، وبعد دا كلو حيرتك؟
عليك الله، يا بدري، كان تغير فكرتك عن مسكنتي، يا أخي، وحات سيدي الحسن، لسع الغنماية تأكل عشاي.

[بدري الياس]

المشاركة الأصلية كتبت بواسطة خالد الصائغ

مرحبا و سهلا بك ود الياس

طب مقاما هنا


أطيب المني بابكر عباس

تسلم سيدي خالد الصائغ
ومن كان في مجلسكم فلا شك محظوظ ومقامو طايب..
،
ونتلاقي..
،

[بدري الياس]

المشاركة الأصلية كتبت بواسطة يحي عثمان عيسي

هل هو بدري إلياس الخليفة صاحب هذه الكلمات :

وكانت في رجاكَ الرُّوح
وقوم لا فوقْ
كأنَّك في زفاف
شَتلةْ حَقِيقةْ
تغنِّي مِنَّكْ وليكْ
وفِرْ وادِيكْ
قَدُرْ ظَنَّاً يَخِيبْ في حبيبةْ
وانفُضْ إديكَ
من كَنْدَاكَةْ المُو ليكَ
خُتُّو وَرَاكَ ضُلْ نَدَمَكْ
أَكَنَّكْ ورُوح



غريبة ... ؟يا بابكر يا اخي اهو انتي زول كويس
مرحبا الشاعر بدري الياس الخليفة

أخوي يحيى
شكري الجزيل ياخي علي حسن ظنك..
وشكراً لأنك بحتَّ الكلام ده وجبتو هنا
،
وبيني وبينك من ناحية الكواسة والله بابكر ده "أكوس" مني بمراحل
وشرف كبير لي يقدمني ليكهم هو..
،
تسلم ابوي وخليك قريب
،

[بدري الياس]

المشاركة الأصلية كتبت بواسطة بله محمد الفاضل

سلامٌ ومحبة


ضوءٌ باهِرٌ شاسِعٌ ....
يلّون صفحات سودانيات
وبه تزدان...
بك مرحباً يا بدري

شكراً يا باك



تحياتي واحترامي

الشاعر الباذخ بله،
وانا ويني لي ضوّك ياخي؟
انا والزيي من نوركم نقتبس..
وبي ناركم تدفى اغنياتنا..
أُكْبِرْ مساهماتك الجمالية هنا وفي مواقع أخر..
واصل في شَيْ القبح وأهله على جمر جمالك يا رجل..
وعاشت قصائدك مأوىً وظلاً.
،
،

[بدري الياس]

المشاركة الأصلية كتبت بواسطة سمراء

حبابو المن طرف بكور

وكونو شاعر وديك كلماتو
معناها ننضف الاضنين ونبقى قرااااب

اللييييييييييييلة يا سمراء،
كده خوفتيني والله
أكعب شي يقدموك للناس بي صفة معينة، ويبقى تعاملك واقف عليها..
يعني كل شي تكتبو يبقى ليهو مقاس..
الله يستر..
غايتو نضفي اضنيك،
وفي كل الأحوال حا تكوني مستفيدة..
فإن خذلتك انا -وهو وارد بنسبة كبيرة- فالنضافة من الايمان على كل حال..
،gap

[بدري الياس]

المشاركة الأصلية كتبت بواسطة ناصر يوسف

مرحب بود الياس بيناتنا
قلم جدير بالإحترام

بس البيقنع بابكر عباس وعبد المنعم ديل بإنو ده ما محلو منو ياخ

كيفك يا ناصر،
وشكري الجزيل على لطف الكلام والترحيب،
وليتني استحقو..
،
بالنسبة لي بابكر وعبدالمنعم ديل، يتخايل لي نخليهم للأيام..
تعرف الناس ديل اقرب لي بعضهم من اي اتنين هنا..
بس لو يعرفو..
وبجي اليوم الحا يعرفو فيهو.. اصبر عليهم شوية
تعرف،
الحدة
والشعور بامتلاك الحقيقة دي مشكلة كبيرة خلاص..
واقول ليك حاجة:
ثورة عبد المنعم دي عمرها ما تستمر لو ما كان بابكر وش في صفوفا..
بس.
،

[بدري الياس]

المشاركة الأصلية كتبت بواسطة الرشيد اسماعيل محمود

والله دي عجبتني!!!، ومنّها نرحِّب بيك يا بدري الياس في سودانيات

تحيّاتي

يا الرشيد محمود
إن شا الله يعجبوك ولادك وتعجبك عافيتك "كما جاء على لسان احد المغنين الشعبيين لمعجبيه"..gap
وشاكر ليك يا سيدي ترحيبك
وطالما العجبتك محبة، تالله إنك زول محبة
والماعندو محبة
حايم ميطي "أو كما قال"
،
ابقى طيب ابوي وخلينا نتلاقى وبناتنا حديث عن شفاهٍ مشاءة بكل جنون..
،
،