يا عم كيشو ... كتر خيرك علي السعادة دي ...
-------------
بالنسبةللموضوعي في الحوار يا ماجد ... لمن الأخلاق تلعب مباراة مع اللائحة أنا بشجع اللائحة طوالي لانو كلمة الأخلاق دي كلمة فضفاضة و ممكن نختلف فيها لانو كل زول فينا عندو تعريف قد يختلف مع تعريف التاني ... اللائحة عكس كده تماما ... بنود واضحة تنفذ كما هي ...
دورك إنت و أنا و كل الناس الحادبة علي المكان ده إنو نخلي اللائحة مطابقة لظننا عن الأخلاق .... يعني المفروض نناقشو هل من هنا و لقدام ممكن زول ما مشارك بصورة دورية في المنبر يجي يصوت ولا لا ... و صورة دورية دي ذاتها مدتها كم و تعريفا شنو ... و هكذا ... كل زول يجيب الشايفو سالب في التجربة الفاتت و يعمل مقترح للتغيير - تماما زي ما عملت إنت في بوستك العميق داك - و الناس تصوت علي مقترح التغيرات دي .... ده إقتراحي في المولد ده ... قصة كل زول يمسك في الاخلاق بفهمو هو للاخلاق بتجيب البل الما موضوعي الحصل هنا في البوست دا ..
|
