ما هي مبررات ما يتعرض له الاخ عادل عسّوم ؟

[ماجد تاج]

المشاركة الأصلية كتبت بواسطة رأفت ميلاد

تعرف يا ماجد أنت حديث عهد فتأنيك مهما كان ما بوصل لى بر الأمان .. القصة دى ما تقليل شأن عشان أنا متأكد كان أى زول قارئ أو عضو جديد مرّ مثلاً على مداخلاتى بتاعة الليلة مع عسوم لأول مرة ممكن يرمينى بالأسوأ خاصة من ردودو الثعلبانية

قصر الكلام ما أعتقد آمال دى تعرضت لإساءات فى حياتا زى الوصلا من عادل عسوم .. والنقاش الجاب ليها الإساءة كان ممكن يكون نقاشات عادية لولا نفسية عسوم المريضة .. وإذا أنت عايز تغوص فى الحاجات ممكن نغوص معاك ونطلّع ما يحيرك ويحيّر الكثيريين

معليش يا آمال لإقحامى للكلام بدون إذنك ..

ـ



مشكلتكم الكبيرة واللي قاع تجيكم منها الرياح جاية من قصة تواصل ومحبة دي وتداخلها مع العام

ياااا عم رأفت أنا لا يعنيني التاريخ في منتدى أياً كانت قباحته لأنه المقياس هنا ما مقياس درجات قرب وعداوة

لأمال الحق كل الحق في تناول ما يطرحه عادل عسوم لكن مش انطلاقاً من خلفياتها معاه ولا من عداواتها معاه

أنا الجديد وحديث العهد دا يا عمنا ذنبي شنو أفاجأ كل مرة بمقصات في نص كل بوست من كل طرف للتاني

وما ألقى ليها أي تبرير اللهم الا إذا اطلعت على الماضي وأحماله !!

ما ممكن ياخي تحملو النقاش على العام كل تبعات التاريخ ال ما شاركنا فيه ولا كنا أطراف فيه

ولا جينا هنا شان نعرفه ولا حتى عندنا أدنى رغبة نعرف عنه حاجة

أمال أو خلافها إن كان عنده معاه حاجة وفي ضرورة ملحة لتناولها على ملأ من الناس

ممكن يتناولوها هناك في الخاص أو عبر الرسايل لو أمكن

لكن ما مقبول على الاطلاق تأرجحونا معاكم بالشكل دا

الواحد يقرأ كلام لعادل عسوم ممكن يرد عليه بمليون شكل

ويفاجأ بمنتهى البساطة بواحد منكم ( القدامى ) يجي يكب ليه كلام ما أنزل الله به من سلطان

يا عم رأفت :

تعلم كم المحبة التي أحملها لك ولكن

ما بينك وبين عادل عسوم ( التاريخي والقديم ) يظل شأن خاص يا أخي

ولا صلة للقارئ أو العضو الجديد معه

وحتى الحديث عنه بيلقي بظلاله على مجمل ما يرد منكم !!

لو عرفت أنو عندك خلاف مع عادل لذلك بتكاتبه بالطريقة دي

ح تحرمني ضمناً وتلقائياً من معرفة صحيح أراءك لو لم تكن على خلاف معه ..

فهمتني ؟



ـ