300 متظاهر فقط في محاكمة قيادة المعارضة......معقول يا ناس؟

[رأفت ميلاد]

المشاركة الأصلية كتبت بواسطة بدر الدين احمد موسى

شكرا رأفت ميلاد علي المشاركة.
انت عارف يا رأفت قبل كم يوم جمعت عدد من كراكتيرات عمر دفع الله و كنت عايز اكتب رأي نقدي فيها-على الرغم من اني ما عندي اي علاقة بالرسم.
في اعتقادي كاركتيرات عمر دفع الله شغالة لصالح الانقاذ على الرغم من انه من كبار معارضي الانقاذ.
شوف الكراكتير الانت جبتو هنا دا كمثال. عمر يرسم الشعب السوداني راقدين على بطونهم و عمر البشير شايل سوط و يؤشر لهم ليصوتوا له و هم بكل خنوع و خضوع شايلين بطاقات تصويت تقول "نعم".
المؤتمر الوطني لو ضرب رأسه بالسما ما حيجيب ليهو فنان يعمل ليهم بروباغاندا اكثر من كدة!
الشعب لا يجب ان يصور في هذه الحالة البائسة و المحقرة ابدا.
عشان كدة انا في البوست دا قلت مفروض يتم تدريب القادة.
ياخ عمر دفع الله دا ما قرأ كفاحي بتاع هتلر؟ البروباغاندا دي اهم شئ في المعارك السياسية, و ما ممكن تضرب الرصاص على رجليلك بالطريقة دي ياخ.
قاعدة تعجبني كاركتيرات واحد اسمو ود ابو واضح انه فاهم هو بعمل شنو.

بعدين يا رأفت ياخ تخت دعاية المؤتمر الوطني في البوست حقي ليه يعني؟ انت قايلني بدر الدين اسحق و للا شنو؟ هههههههههه

قريت أسمك ورديت قبال أقرا المداخلة غايتو قول لىّ أسحب الدعاية بنفذ طوالى