اقتباس:
المشاركة الأصلية كتبت بواسطة Babiker Mukhayer
البقول ليهم
لو دامت لغيرك لما آلت اليك
|
البكرة المنتظرنها دي يا دكتور اسع تمت 18 سنة داخلة في 19
وكلام دامت لغيرك وشنو دا ما بحل مشكلة الوطن الذي صار في مهب الريح
بفضل الحكومة والمعارضة
اللاعبين عسكر وحرامية..
المواطن الاغبش دا بقت ما فارقة معاه لانه اصلا ما قبض تمن كفاحوا
في اي جبهة..منذ كرري
عايزة اقوليك يا مخير
في عهد الديمقراطية السمحة الجات بالدم
تم فصل ناس لصالح العام..
ناس سودانير بعد جابو زول انصاري فيها.
في اللسست ديك
تم فصل اسر كاملة وتشريدها...
في عهد الديمقراطية الاتحولت لطائفية
(السودانين ديل خلاقين خلاس)
الوساطات في العمل حاجة عادية تمشي لناس البويتات الحاكمة
لو عندك دكتوراه من هارفارد..
التوصية اهم من الشهادة..
عشان كدا نحنا الغبش ديل اي حكومة ذي بعضها
ديمقراطية ديكتاتورية طائفين
كلو عند الغبش صابون..
بس حنقعد في المباصرة دي جنا تعرفو
ولا نحلم بعالم سعيد..
