مرات جفااك بلا اذن...!!!!

[مواطن]

الناص :نسايم
ود عثمان قعدت ساعة اسمع في الكلام الحنييين دااا وبعد داااااك قمت قريت كلام الاستاااذ هااشم وبرد ليهو بي مقطع من الي تلميذة لنزار قبانى
هو ان تظل علي الاصابع رعشة
وعلي الشفاه المطبقات سؤال
هو جدول الاحزان في اعماقنا
تنمو كروم حوله وغلال
هو هذه الازمات تسحقنا معا
فنموت نحن وتزهر الآمال
هو ان نثور لاي شئ تافه
هو يآسنا هو شكنا القتال
هو هذه الكف التي تغتالنا
ونقبل الكف التي تغتال
يعنى بعض العذاااب وبعض الماسوشية مطلوووبة لتقدر مابين يديييك
من الحب
بعنى بي العربي الجهجهة وسهر الليالي دااا زاد الحب زاااتو

الزميلة نسايم ..
تحياتي ..
شكراً مقدماً على ردك .. ولا أراني مختلفاً معك في أن المعاناة قرينة للحب ، أما الماسوشية فمبلغ ظني أنها شيء آخر، يستقصد إتيان الألم فيها من قبل طرف ما لإستجلاب شعور باللذة.
ولم يقنعني إستنادك لنص الشاعر نزار كتدليل مغاير لما ذهبت إليه فبرغم تعدد مضامين كل بيت فيما ورد إلإ أن البنية المضمونية الرئيسة ظلت واحدة لكنها لم ترتبط أو تقارب طرحي أوإختلافي لإيراد فعل الجفاء بإذن، فأبيات نزار برغم ما فيها من التصنع البدعي أرى فيها إحكام التفاعل الثنائي الذاتي "أعماقنا" "معا" "تسحقنا" "فنموت" متأبياً أن يفصل العلاقة مع حبيبته خلافاً للنص المطروح والذي يلوم فيه كاتبه المحبوب على جفائه "بلا إذن" وكأن الجفاء يمكن أو فلنقل يجب أن يكون بإذن وإلا حاقت الملامة وهذا يحدث خلخلة في مماثلة المتلقي والنص وتصبح الشكوى والمعاناة مناط تساؤل عن مسبباتهما ومن ثم إستدعاء الشاعر للتباكي.
أقعدي بالعافية

[نسايم]

المشاركة الأصلية كتبت بواسطة هاشم طـه

الزميلة نسايم ..
تحياتي ..
شكراً مقدماً على ردك .. ولا أراني مختلفاً معك في أن المعاناة قرينة للحب ، أما الماسوشية فمبلغ ظني أنها شيء آخر، يستقصد إتيان الألم فيها من قبل طرف ما لإستجلاب شعور باللذة.
ولم يقنعني إستنادك لنص الشاعر نزار كتدليل مغاير لما ذهبت إليه فبرغم تعدد مضامين كل بيت فيما ورد إلإ أن البنية المضمونية الرئيسة ظلت واحدة لكنها لم ترتبط أو تقارب طرحي أوإختلافي لإيراد فعل الجفاء بإذن، فأبيات نزار برغم ما فيها من التصنع البدعي أرى فيها إحكام التفاعل الثنائي الذاتي "أعماقنا" "معا" "تسحقنا" "فنموت" متأبياً أن يفصل العلاقة مع حبيبته خلافاً للنص المطروح والذي يلوم فيه كاتبه المحبوب على جفائه "بلا إذن" وكأن الجفاء يمكن أو فلنقل يجب أن يكون بإذن وإلا حاقت الملامة وهذا يحدث خلخلة في مماثلة المتلقي والنص وتصبح الشكوى والمعاناة مناط تساؤل عن مسبباتهما ومن ثم إستدعاء الشاعر للتباكي.
أقعدي بالعافية

الزميل هاااشم ....
التحايااا والووود ...
بي رغم انى مابعلمكم ومعرفتكم لكن بعرف الماسوشية والله يخلي القوقل
الالم جزء من الحياة بي غض النظر عن التسميااات الكبيرة ليهو ماسوشية او تعذيب الذات
الهنوود عندهم طقس تطهيري وهو المشي في الجمر قمة الالم
الماسوشية لا زلت بقول انو قليل منها ضرورية لكي تشعر بي جمال الحب او لكي يحدث الانصهااار وليتكووون البركان
وانا ما استعيتو ولا بكيييت علي الحوائط لكن النص كااان مناسب من وجهة نظري
للموقف
حتة تانية
انت ناسي انو نحنا بنحكم علي اي واقعة من خلال عيونا وووجهة نظرنا بنخالف لكن بنتفهم
ودااا منتدي بتاع خلاف واتفاااق
واعتقد انو في ناااس عندهم وجهة النظر دي والا ما كان في مصطلح الماسوشية
ولا كانت الاغنية عن الجا المقصووود

[مواطن]

الناص :نسايم;
الزميل هاااشم ....
التحايااا والووود ...
بي رغم انى مابعلمكم ومعرفتكم لكن بعرف الماسوشية والله يخلي القوقل

الزميلة نسايم \..
تحية وإحترام ..
الكلام الكتبتيه فوق مرفوض للغاية .. فنحن هنا إخوة ولا تعالي بيننا .. وأنا لا أعلم أكثر منك أو من أي عضو آخر (وفوق كل ذي علم عليم) .. نحن بنحب نمزح ونخلق جو من المرح بيناتنا .. نصنا في الغربة .. ونصنا مهموم بالحياة .. وبعضنا بيداقش .. فالمعذرة كل المعذرة إذا شعرتي بأن كلامي يوحي بإملائية ما .. وآسف يا ستي ..
ولك ودي ورأيك مقدر

[نسايم]

المشاركة الأصلية كتبت بواسطة هاشم طـه

الزميلة نسايم \..
تحية وإحترام ..
الكلام الكتبتيه فوق مرفوض للغاية .. فنحن هنا إخوة ولا تعالي بيننا .. وأنا لا أعلم أكثر منك أو من أي عضو آخر (وفوق كل ذي علم عليم) .. نحن بنحب نمزح ونخلق جو من المرح بيناتنا .. نصنا في الغربة .. ونصنا مهموم بالحياة .. وبعضنا بيداقش .. فالمعذرة كل المعذرة إذا شعرتي بأن كلامي يوحي بإملائية ما .. وآسف يا ستي ..
ولك ودي ورأيك مقدر

العفو ....
وانا لسة بحترم علمك ومعرفتك
ولما قلت كدااا انا كنت جادة انى مابعرف قدرك
احترااامى

[مواطن]

أستـأذنك يا ود عثمان في إحياء هذا البوست من جديد ، فأنا أحتاج نفحاته السامرات ..
فلتسمح لي أن أنهل من رفده القليل

[سفيان بشير نابرى]

المشاركة الأصلية كتبت بواسطة هاشم طـه

صباحك أقاحي يا ود عثمان ..
مـش في ديموقـراطيـة في سـودانيات ... ؟؟؟؟
أها أنا بقول ليك دي أغنيـة محبـطـة وخافضـة للمعنـويات .. وكمان غلـط ..
كيـف يعـني يكـون في جفا بإذن .. ؟؟
دي أنا عاوز أفهما .. !!
ومستعـد أحضّر فيها دكتوراة كمان .. ياخي البريد ده لو أدا إذن عشان يجفوهو ويسهروهو الليالي يا إما يكون شخص "ماسوشي" عديل كدا .. أو ما شغال بالقصة كلها شغلا ..
حسـع بطلب منك لو سمحت ترياق مضاد للسمعتو ده ونزل ليّ "كيف يهون عندك خصامي" للأستاذ وشـوف الفرق ..!! شوف البيعز حبيبو لما يقول ليه "يا حنان الدنيا كلو" وشوف البيقول ليه "فارق لا تلم"
بالله مع لنك الحفظ يا باشمهندس
وكثير ودي لك تبراً نقيا

الله يريحك يا هاشم هههههههه والله عجبتني قرايتك النقدية
بالمناسبة النبي فيك تشوف لي معاك رأيك في (عندي حبيبة
بشقي وبسعده ) لاني جد جد ما قادر اربط الحب بالشقى هههه
ياخ الغناء السوداني مرات فيهو جنس محن ومحبتهم دي ذاته
سودانية وشتراه شتارتنا بس

يا ود عم عثمان ياخ الاغنية كاربة وحارة حرة جد وود النصري
ده رغم انو جاء في الزمن الاخير ده من مغنيين الشايقية إلا أنو
عندي نصب خيمته وسط العمالقة النعام آدم وياسين عبد العظيم
وصديق احمد ومحمد جبارة وقعد متوهط في نصهم بلاي عليك
شوف الزول ده بيغنى براحه كيف وبيستلمك يستلمك اهو بي صوت
زى صوت النصري ده اغنية الطمبور لقت مكانه في قلوب الجهات
المتعددة من غير بلاد الشوايقة .

تسلموا كلكم من الحفاء

[wadosman]

المشاركة الأصلية كتبت بواسطة هاشم طـه

أستـأذنك يا ود عثمان في إحياء هذا البوست من جديد ، فأنا أحتاج نفحاته السامرات ..
فلتسمح لي أن أنهل من رفده القليل

[align=center]راحتك بالكامل اخ هااشم

الغناء الجميل ملك الجميع...

تسلم يا حبيب...[/align]

[wadosman]

المشاركة الأصلية كتبت بواسطة سفيان بشير نابرى

الله يريحك يا هاشم هههههههه والله عجبتني قرايتك النقدية
بالمناسبة النبي فيك تشوف لي معاك رأيك في (عندي حبيبة
بشقي وبسعده ) لاني جد جد ما قادر اربط الحب بالشقى هههه
ياخ الغناء السوداني مرات فيهو جنس محن ومحبتهم دي ذاته
سودانية وشتراه شتارتنا بس

يا ود عم عثمان ياخ الاغنية كاربة وحارة حرة جد وود النصري
ده رغم انو جاء في الزمن الاخير ده من مغنيين الشايقية إلا أنو
عندي نصب خيمته وسط العمالقة النعام آدم وياسين عبد العظيم
وصديق احمد ومحمد جبارة وقعد متوهط في نصهم بلاي عليك
شوف الزول ده بيغنى براحه كيف وبيستلمك يستلمك اهو بي صوت
زى صوت النصري ده اغنية الطمبور لقت مكانه في قلوب الجهات
المتعددة من غير بلاد الشوايقة .

تسلموا كلكم من الحفاء

[align=center]سفيان يا صااحبى..

اخونا هاشم اكيد له رؤية نقدية نحترمها جدا و اخذت حيز كبير
من النقاش هنا و هى من النوع الذى ليس قيه غالب او مغلوب
و فى اعتقادى فى النهااية كل له طريقته كيف يحب و كيف يعبر عن ذلك
كلمات او لوحة او حتى صمتا...

ود النصرى فتح جديد فى عاالم الطمبور و لقد استطاع فى فترة وجيزة جدا
ان يحدث نقلة نوعية فى غناء الطمبور و ايضا فى نوعية المفردة المغناة
و التى كانت حتى زمن قريب تسير فى قالب نمطى و تقليدى بحت..

ود النصرى اكيد امتداد لاجيال من فنانى الطمبور وضعوا اللبنه الاول فى هذا
النوع من فن الغناء الذى اصبح غناءا لكل الشعب السودانى و ليس محصورا
فقط على الشايقية وحدهم ...

شكرا ليك و انت تسجل هذا الحضور الجميل فى هذا البوست الذى نكشه
مرة اخرى اخونا هااشم...

يديك العاافية...[/align]

[مواطن]

بيان رقم (1) إلى كل محبي ود النصري وغناء الطمبور وعلى رأسهم الخال "المتوّك" ، وما يهون ود عثمان .. أوضح بجلاء للشك والريب أن نقدي للأغنية لا يتعلق بالمؤدي أو الملحن وإنما ينصرف بحتاً للنص والإعتوار فيه.
والحق يقال هذا البوستر يسر لي أجمل لحظات المعايشة.
وجروفكم دايماً مخدرة ..

[مواطن]

الناص :سفيان بشير نابرى
الله يريحك يا هاشم هههههههه والله عجبتني قرايتك النقدية
بالمناسبة النبي فيك تشوف لي معاك رأيك في (عندي حبيبة
بشقي وبسعده ) لاني جد جد ما قادر اربط الحب بالشقى هههه
ياخ الغناء السوداني مرات فيهو جنس محن ومحبتهم دي ذاته
سودانية وشتراه شتارتنا بس

الأخ سفيان ..
إن لم تخني الذاكرة (وهي خوانة لدي) فأغنية أبو داؤود هذه إما من كلمات محمد علي جبارة أو من كلمات فضل الله محمد ، وأرجح الإحتمال الثاني وهي كلمات راكوبة كمعظم أغانيهم التي تغنى بها ود الأمين .. فلولا براعة محمد الأمين في التلحين وقدرته الفذة في التطريب لما قيض لجل أشعارهم أن تعيش أكثر من شهرين قمريين.
ربما يقصد الشاعر هنا أنه حتى وإن تعرض للشقاء فهو يتقبل ذلك بنفس هانئة في سبيل إسعاد حبيبته .
وتقبلنا نحن ذلك بحسبان أن حبيـبتـه حتعمل أضان الحامل طرشا في موضوع تعرضه للشقاء والدردرة طالما كان ذلك يصب في مصلحتها أو في خضم الإستجابة لطلباتها المصلحجية {ده بإعتبار أن المحبوبة طفسـة ونقناقة}. وهذا أخف التفاسير لدي .. وأبو داؤود ذلك الفنان المهيب بدا أنه في لحظة من لحظات نضوب المنبع أبصر حوله شلالات رصفائه تهـدر وشائلاً من إبداع قرر فعل شيئ ما لإثبات التواجد فعثر على هذا النص المتواضع وغناه .|. والنتيجة كانت معلومة سلفاً أن هذه الكلمات وهذا اللحن لن يضيفا إلى رصيد أبو داؤود شيئاً وظلت الأغنية من أقل أغانيه قبولاً لدى مستمعيه ، والله أعلم.
وأقعد بالعافية