راكوبة المجادعات.. النمة والدوباي [الأرشيف] - الصفحة 4

imported_تماضر حمزة

07-04-2011, 10:15 AM

اقتباس:
المشاركة الأصلية كتبت بواسطة تماضر حمزة http://sudanyat.org/vb/images/buttons/viewpost.gif (http://sudanyat.org/vb/showthread.php?p=355702#post355702)
من قومة الجهل دايمن بوقر شيبو
الزول الوقور في حلمي شالو نصيبو
العود الطرح فارع وهادلو وضيبو
كان مال للعشق مااظنو ميلو يعيبوlooool

جيتن جيتي يما اللي أبوكي المشتاقالوا
ديل الجنون كم نضموا وقدر ما قالوا
وييييين للدرر المنك سلسبيلن سالوا
يتلئلئن في ضو النهار أتقول،، شمعدانن صاروا

حباب الجيّة من زولن سمح بالحيل
مالخبت الكيمان لاخففن في الكيل
نهديك السلام وصافي المودة ..قليل
ونشكرلك حروف من التبر بتسيل

imported_أبو دعد

07-04-2011, 10:18 AM

:D

نمى نميمك المنعرفو وبطلى الخجل
و مافى زولا بموت قبال يتم الاجل
الزول الممشوق قوامو وباين المقل
خلى بابكر مخير شعرو ذى الأخطل

imported_تماضر حمزة

07-04-2011, 10:26 AM

من قومت الجهل الشكرة هولا
تقديل بالشيش و ديمة ممهولا
ما بتتلفت فى مشيها وايدا مجدولا
دى الخلت كل الشباب مزهولا

شاحدة الكريم تلقاهو انت مرادك
ياود القبايل الكل زولن رادك
حامي الحِمى مين البقدرو قصادك؟
ارقيك بالمحبّة من اسي لي احفادك:p

imported_أبو دعد

07-04-2011, 10:33 AM

شاحدة الكريم تلقاهو انت مرادك
ياود القبايل الكل زولن رادك
حامي الحِمى مين البقدرو قصادك؟
ارقيك بالمحبّة من اسي لي احفادك:p

كت داير اقفل النت و اقوم اغادر
( قامت تمنعنى المسير تماضر) اقتباس من قصيدة الزمخشرى
سمحت النضم ام وشيا ناضر
يقبل دعاك ربى القدير و قادر

imported_سجمان

07-04-2011, 10:35 AM

عاجبني الأصم المافي شيتن عابو
المابجيب الفسل حتمن عليهو الجابو
رايداهو البنات من ريدو يوم ماتابوا
شاحدة الكريم مااشوفو يوم فِ غيابو

حباب الفي الحريم صلاية حافظة كتابو
حباب الفي الحريم مطراً قدل عتّابو
مشتول الفساقي اللنعزل ورتابو
مفطوم بالمشن ما شرّبوه الـ "كابو":D

imported_سجمان

07-04-2011, 10:40 AM

ياخوانا متل حديثكم ده..بالجد غالبنا
ممكن نتاوك بس..نقول عاجبنا؟

معجبة بالبوست شديد والله

حبابك ..
الراكوبة راكوبتك تعالي أجدعيلك
جدعة جدعتين..

imported_أبو دعد

07-04-2011, 10:47 AM

حباب الفي الحريم صلاية حافظة كتابو
حباب الفي الحريم مطراً قدل عتّابو
مشتول الفساقي اللنعزل ورتابو
مفطوم بالمشن ما شرّبوه الـ "كابو":D

حباب الفى الحريم راسية و رزينة
حباب الفى مشيها تشبه الوزينة
حباب الجمالا فطرى مازادتو بالزينة
حبابا الديمة مفرحه للقلوب الحزينة

imported_سجمان

07-04-2011, 10:52 AM

**المقصود بالأربعين :p

هو أنا أولت حاقة:p:p

imported_سجمان

07-04-2011, 11:00 AM

عاجباني العيون في زول جدع نشابو
خفسن لي الضلوع زولن صغير دابو
شقيش من نظر ضربنوا أذو صوابو
والعشاق كتااار راجفين بعد ما شابو:)*

* نسخة لوجدي الأسعد وآخرين:D

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=355678#post355678)

عاجباني العيون في زول جدع نشابو
خفسن لي الضلوع زولن صغير دابو
شقيش من نظر ضربنوا أذو صوابو
والعشاق كتااار راجفين بعد ما شابو:)*

* نسخة لوجدي الأسعد وآخرين:D

والنسخة الأصلية لي "توحة وروفي ومن لفا لفهم"
بث
:mad::mad::mad::mad:

من قومة الجهل دايمن بوقر شيبو
الزول الوقور في حلمي شالو نصيبو
العود الطرح فارع وهادلو وضيبو
كان مال للعشق مااظنو ميلو يعيبوlooool

كرت نزول في زمن ماحق..
:D:D

imported_تماضر حمزة

07-04-2011, 11:12 AM

حباب الفي الحريم صلاية حافظة كتابو
حباب الفي الحريم مطراً قدل عتّابو
مشتول الفساقي اللنعزل ورتابو
مفطوم بالمشن ما شرّبوه الـ "كابو":D

حباب النجوم ماطفو نورم وغابو
البيهم نهتدي زي الرسول وصحابو
دروشنا البدن من السنن وكتابو
وراضين بالحكم يا جنة ولا عذابو:D

imported_خالد غالي

07-04-2011, 11:30 AM

سلام هوي اهل الشعر والنمّة
زحو لي كدى الناخد معاكم جمّة
علي الحبايب احسن اقوم اتلما
فجو لي, النبي، الرسول، الزمة

ـــــــــــــــــــــــــ
زممتكم غايتو مابعرف :D

imported_تماضر حمزة

07-04-2011, 11:42 AM

مرحب بالشوايقة أكان بعرفوا النمّة:D
ده الفاتل كلامو لفّانا زي العمّة
بلح الشام بعرفو؟فاضح نقوش الحنّة
سالمناو غنا ردّو صابنا بحُمّى:D

imported_سجمان

07-04-2011, 11:46 AM

حباب النجوم ماطفو نورم وغابو
البيهم نهتدي زي الرسول وصحابو
دروشنا البدن من السنن وكتابو
وراضين بالحكم يا جنة ولا عذابو:D

إن صح الفؤاد عقبان بنقي إهابو
بالتسبيح تكوني الفوز بلغتي نصابو
في حوض الرسول يا رب تضوقي شرابو
تبقى مع الذين طابت نزلهم وطابو

imported_سجمان

07-04-2011, 11:53 AM

سلام هوي اهل الشعر والنمّة
زحو لي كدى الناخد معاكم جمّة
علي الحبايب احسن اقوم اتلما
فجو لي, النبي، الرسول، الزمة

ـــــــــــــــــــــــــ
زممتكم غايتو مابعرف :D

حبابو الفي غناو بالنمة جانا بيسعى
حبابو المن جدودو في النمة شايل نزعة
طاب المقام بي جيتك وبيهو طاب المسعى
شايل النم "قُبر" بالكيلو ما فد مزعة

imported_تماضر حمزة

07-04-2011, 11:53 AM

إن صح الفؤاد عقبان بنقي إهابو
بالتسبيح تكوني الفوز بلغتي نصابو
في حوض الرسول يا رب تضوقي شرابو
تبقى مع الذين طابت نزلهم وطابو
وان صفت القلوب تسمو المعاني معاها
والدنيا ام قدود كيف تدي تاني قفاها
للزول النضيف البي السمح كفاها
ماجازاهو زول حتّن ديونو عفاها

imported_خالد غالي

07-04-2011, 11:55 AM

مرحب بالشوايقة أكان بعرفوا النمّة:D
ده الفاتل كلامو لفّانا زي العمّة
بلح الشام بعرفو؟فاضح نقوش الحنّة
سالمناو غنا ردّو صابنا بحُمّى:D

تبري من الحمى ان شاء الله انتي عدوّك
محل ماالزول يقبل يلقاهو يشلع نورك
الشوايقة الكرام الليلة جابو مهورك
جيناكم عديييييل الليلة عاد شن قولك

ــــــــــــــــــــــ
موت موت حياة حياة :D

imported_تماضر حمزة

07-04-2011, 12:04 PM

تبري من الحمى ان شاء الله انتي عدوّك
محل ماالزول يقبل يلقاهو يشلع نورك
الشوايقة الكرام الليلة جابو مهورك
جيناكم عديييييل الليلة عاد شن قولك

ــــــــــــــــــــــ
موت موت حياة حياة :D

ماكان العشم يرجع مهركم مِنا
عارفنك كريم دون كُبُر لامِنّة
مايرجع مرادكم دون الخلوق لايمنا
نامن سلامي غِشاك ماشفت أتر الحنّة؟;):D

imported_أبو دعد

07-04-2011, 12:10 PM

ماكان العشم يرجع مهركم مِنا
عارفنك كريم دون كُبُر لامِنّة
مايرجع مرادكم دون الخلوق لايمنا
نامن سلامي غِشاك ماشفت أتر الحنّة؟;):D

كان مارديتى على تانى عليك ما راجع
و بشوفك كل مرة تقلبى فى المواجع
النم معاك سمح يا حمام الايكى الساجع
فى رعاية الكريم ببركة كل ساجد و راكع

imported_تماضر حمزة

07-04-2011, 12:22 PM

كان مارديتى على تانى عليك ما راجع
و بشوفك كل مرة تقلبى فى المواجع
النم معاك سمح يا حمام الايكى الساجع
فى رعاية الكريم ببركة كل ساجد و راكع

يازول ياب كلامن ناجع
تكتل هالحزن ..الملانا مواجع
حتّى القول معاك محتاج يشوفو مراجع
ياصاحي الفؤاد ياكل سمحن جامع

imported_أبو دعد

07-04-2011, 12:29 PM

يازول ياب كلامن ناجع
تكتل هالحزن ..الملانا مواجع
حتّى القول معاك محتاج يشوفو مراجع
ياصاحي الفؤاد ياكل سمحن جامع

عرفتى الرد و الجواب عملتى حسابو
يا بت حمزة الفى الرجال عزاز انسابو
سجمان خلى ضيفو فى الركوبة سابو
كان ظهر عليك اسأليهو ايش اسبابو

imported_سجمان

07-04-2011, 01:18 PM

عرفتى الرد و الجواب عملتى حسابو
يا بت حمزة الفى الرجال عزاز انسابو
سجمان خلى ضيفو فى الركوبة سابو
كان ظهر عليك اسأليهو ايش اسبابو

ماك عارف براك سجمان سنين كوكابو
في الندى للضيوف المال بعرفو خرابو
جهمورتو بتبق نابحات دوام كلّابو
ما بيابا الضيوف زولاً مشلع بابو

imported_فخري الزين

08-04-2011, 08:14 AM

ماك عارف براك سجمان سنين كوكابو
في الندى للضيوف المال بجيدو خرابو
جهمورتو يوت تقابة نابحات دوام كلّابو
كيفن بفوت الضيف والبيت مشلع بابو

ات ماك سجمان وانا قاطع شكك
كوكابك فوق قليب عدوك ملكك
كريم اصل كل الخلوق تشهدلك
وفي ضيف الهجعه مابنح كلبك

imported_طارق صديق كانديك

08-04-2011, 08:24 AM

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=355678#post355678)

عاجباني العيون في زول جدع نشابو
خفسن لي الضلوع زولن صغير دابو
شقيش من نظر ضربنوا أذو صوابو
والعشاق كتااار راجفين بعد ما شابو:)*

* نسخة لوجدي الأسعد وآخرين:D

والنسخة الأصلية لي "توحة وروفي ومن لفا لفهم"
بث
:mad::mad::mad::mad:

:D:D

انت زعلت يادكتور .. !!looool

التحية لك ولمن ذكرت .. يعلم الله لمن كتبت المسدار المذكورين ماكانو في بالي بس برضو كتر خيرك دخلتهم الجك :)

imported_فخري الزين

08-04-2011, 08:27 AM

حباب الفي الحريم صلاية حافظة كتابو
حباب الفي الحريم مطراً قدل عتّابو
مشتول الفساقي اللنعزل ورتابو
مفطوم بالمشن ما شرّبوه الـ "كابو":D

حباب الفي الحريم تقيه وكمان صوامه
وحباب الراسيه ورزينه ولازمه ماحوامه
اتربت تحت اماتها وماها تربية خدامه
زي بٌريب الجروف المسقي من دوامه

imported_تماضر حمزة

08-04-2011, 09:01 AM

http://www.youtube.com/watch?v=AmTQy2I2gs0&feature=related

imported_أبو دعد

09-04-2011, 12:58 PM

الموت ز مان كان تمومت جرتق
فوق موية تب وقشا يا دوب ببتق
بعد مسكنا فى شرع الله المو متلتق
المنجزو تانى ما ظنيو تانى يبتق

imported_أبو دعد

09-04-2011, 01:00 PM

http://www.youtube.com/watch?v=AmTQy2I2gs0&feature=related

اخوك يا ريا اخوك وكت السيوف بدبكن
كم فرتق جموع و كم قشيت دموعا ببكن

imported_عبده سعد

10-04-2011, 06:59 AM

عشانك (ياتماضر) ماجيبى ورقك فاضى .
(سجمان)فى الشعر حكام وزى القاضى.
مايتلفت كتير للفات وأصبح ماضى.
بتلاقيهو فارسا للمكارم حاضى.

مي هاشم

21-04-2011, 12:23 PM

حليل سيد البكان خلاّ الدموع مسكوبة
لخبت علينا الحال وأمورنا جَت مقلوبة
يا رب يا كريم بجاه رسول الحوبة
قبره يكون رياض في الجنّه يغشا هبوبا

سلام ناس الراكوبة..
شايفة إبداعات جميلة..هسي ما عندي ليكم راس:D

imported_تماضر حمزة

21-04-2011, 10:35 PM

عشانك (ياتماضر) ماجيبى ورقك فاضى .
(سجمان)فى الشعر حكام وزى القاضى.
مايتلفت كتير للفات وأصبح ماضى.
بتلاقيهو فارسا للمكارم حاضى.

قبال المحاكم بي حكمو ماني الراضي
بتين سجمان حكم وأصبح علينا القاضي؟:D
الماورد المراح يرجع سعيهو الفاضي
كان داير الأكيدة أرمي هسّي بياضي:D:D

احمد زين

21-04-2011, 11:53 PM

سلام ناس الراكوبة..
شايفة إبداعات جميلة..هسي ما عندي ليكم راس:D

:D:D
هي عايزة ليها راس؟؟؟

مي هاشم

22-04-2011, 12:08 AM

:mad:خلاس داير تساهر بي..

imported_nezam aldeen

22-04-2011, 07:55 AM

سلام ياناس بتفتحو في القلب قراش

ابان حروفا نااااااااعمة ماها دراش

ماني خاشي غلط ولاني زول هباش

بدور اجيكم كان القى لي فراش :rolleyes:

imported_حافظ اسماعيل احمد

22-04-2011, 08:12 AM

الحنين الفي قلبي ليهو دفــــــــــين
بعادي اصلا ما جافا والله شوق حنين
المكتوم لو انبلج بفقد يتا ثمــــين
الانا ما هو انا بس الومان ليهو رصين

دعوة عتاب الي الروح وبعضهم

imported_طارق صديق كانديك

22-04-2011, 08:24 AM

:mad:خلاس داير تساهر بي..

سهرك والمنام فيهو النفوس تتجلى
حارساك الصلاة زيديها ما تتدلى
ياست الحروف.. الجلة ما بتنقلا
جري النم حباب قولك وين ما حلا

عودا أحمد وجيدا جيتي

imported_طارق صديق كانديك

22-04-2011, 08:51 AM

بي شوفتو اللرض شربت لمع بارقنا
استسلمنا جينا عديل رافعين بياض بارقنا
الصدر أب مدافع كم منو إدّرقنا
لو ما ربي اللطيف بي سهمو كان خارقنا

بي ذكرو بتوِج اطرافنا بت حرقنا
لابسنو الصبر جلباب قرض حارقنا
ألطف يالطيف .. استرنا ما تغرقنا
بي صديرو الطمح فد شوفة بس شارقنا

imported_طارق صديق كانديك

22-04-2011, 08:59 AM

حباب النجوم ماطفو نورم وغابو
البيهم نهتدي زي الرسول وصحابو
دروشنا البدن من السنن وكتابو
وراضين بالحكم يا جنة ولا عذابو:D

حباب الفي القصيد ناظماهو جايبه رضابو
آمراهو الحرف يسمع يطيع في دابو
السجمان أخوي ان كان حكم بجنابو
بدي الجنة بس للحاضرين والغابوا:D

imported_تماضر حمزة

22-04-2011, 09:12 AM

حباب الفي القصيد ناظماهو جايبه رضابو
آمراهو الحرف يسمع يطيع في دابو
السجمان أخوي ان كان حكم بجنابو
بدي الجنة بس للحاضرين والغابوا:D
السجمان أخوك عارفين كمال أنسابو
لكن الحكم من جيهتو مابنرضابو:D
الزول كان صدق مافي شيتن عابو
كيف يبقى الخصم ويحكمنا بي اتعابو؟:D

جر شكل قال ليك;)
شنو كلّو حبكانات وشكر...كده ماحلو:D

بابكر مخير

22-04-2011, 09:28 AM

اقتباس:
المشاركة الأصلية كتبت بواسطة مي هاشم http://sudanyat.org/vb/images/buttons/viewpost.gif (http://sudanyat.org/vb/showthread.php?p=363316#post363316)
:mad:خلاس داير تساهر بي..

الشباب كان فقدوك
وجيتن جيتي من تاني

بابكر مخير

22-04-2011, 09:31 AM

اقتباس:
المشاركة الأصلية كتبت بواسطة محي الدين عوض نمر http://sudanyat.org/vb/images/buttons/viewpost.gif (http://sudanyat.org/vb/showthread.php?p=363331#post363331)
سلام ياناس بتفتحو في القلب قراش

ابان حروفا نااااااااعمة ماها دراش

ماني خاشي غلط ولاني زول هباش

بدور اجيكم كان القى لي فراش :rolleyes:

محي الحبيب
بث
في الأخيرة دي
قولك طآش:(

بابكر مخير

22-04-2011, 09:33 AM

اقتباس:
المشاركة الأصلية كتبت بواسطة تماضر حمزة http://sudanyat.org/vb/images/buttons/viewpost.gif (http://sudanyat.org/vb/showthread.php?p=363363#post363363)
كده ماحلو:D

يااااااااااااااااااه
حلو حلاوة...
بث سمسمية عمو "توحة" ;)

imported_طارق صديق كانديك

22-04-2011, 10:44 AM

السجمان أخوك عارفين كمال أنسابو
لكن الحكم من جيهتو مابنرضابو:D
الزول كان صدق مافي شيتن عابو
كيف يبقى الخصم ويحكمنا بي اتعابو؟:D

جر شكل قال ليك;)
شنو كلّو حبكانات وشكر...كده ماحلو:D

يازولة الدواس ان قام تشوفي عجاجا
والشين ان وقع مابدورلو مني لجاجا
قولة كف اختفو صقرا ضربلو دجاجة
والدمي والعويل ترقد تكب سجاجا:D

هييييع أنا اخو البعبد الله حق :D

imported_nezam aldeen

22-04-2011, 01:16 PM

[QUOTE=بابكر مخير;363375]اقتباس:
المشاركة الأصلية كتبت بواسطة محي الدين عوض نمر http://sudanyat.org/vb/images/buttons/viewpost.gif (http://sudanyat.org/vb/showthread.php?p=363331#post363331)
سلام ياناس بتفتحو في القلب قراش

ابان حروفا نااااااااعمة ماها دراش

ماني خاشي غلط ولاني زول هباش

بدور اجيكم كان القى لي فراش :rolleyes:

محي الحبيب
بث
في الأخيرة دي
قولك طآش:([/QUOTE
‏
مرحبتين حبابك أخويا بكري مخير
‏
نورت الحروف نضمك ندى وبتقطر
‏
ماني الشاعر الخابر النضم بتسطر
‏
دا قدر القسمو لي وفي قسمتو الله مخير
‏
‏
"تحيات ياحبيب"

imported_سارة

26-04-2011, 11:31 AM

يازولة الدواس ان قام تشوفي عجاجا
والشين ان وقع مابدورلو مني لجاجا
قولة كف اختفو صقرا ضربلو دجاجة
والدمي والعويل ترقد تكب سجاجا:D

هييييع أنا اخو البعبد الله حق :D

دواسن بالكلام ادونا فيـــــــهو ريادة
ولوكان بالخناجر يازول ترانا سيادة
قولة كف يمين لينا القلوب منقـادة
والجرسة بتبين نار الغرام وقــــادة

هيييع وتانى هييييع

imported_nezam aldeen

26-04-2011, 01:01 PM

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=365508#post365508)
دواسن بالكلام ادونا فيـــــــهو ريادة
ولوكان بالخناجر يازول ترانا سيادة
قولة كف يمين لينا القلوب منقـادة
والجرسة بتبين نار الغرام وقــــادة

هيييع وتانى هييييع

كلاما من قلم مـابي ورقــــو اتـوهـط
حروفا بس جمر صاقع السما الإتهبط
خابر النــزال كـــان اب شــبر اتلبـط
مابيعرف لواز لو كان سماهو انشرط :D

معليش للخشة الشمال دي
بس قلت اجرب قلمي هنا goood

imported_تماضر حمزة

26-04-2011, 01:11 PM

يازولة الدواس ان قام تشوفي عجاجا
والشين ان وقع مابدورلو مني لجاجا
قولة كف اختفو صقرا ضربلو دجاجة
والدمي والعويل ترقد تكب سجاجا:D

هييييع أنا اخو البعبد الله حق :D

درتوهو الدواس سيفي جنب السارّة
وواسوهو الكلام قبال تواسي الحارّة
بتشوفو العجاج وكتين جيوشنا الكارّة
نعلاتكم تعفصا السيدا قام اتجارا:D:D

imported_سارة

26-04-2011, 02:10 PM

درتوهو الدواس سيفي جنب السارّة
وواسوهو الكلام قبال تواسي الحارّة
بتشوفو العجاج وكتين جيوشنا الكارّة
نعلاتكم تعفصا السيدا قام اتجارا:D:D

هيع يا السمحة هيع السارة بيك كسبــــانة
كان داروا النضم رزم الحروف رويانــــة
وكان داروا السلاح طبنجاتنا يوت عمرانة:D
حرّم يا ام رسن سهامنا ما خمجـــــــــــانة:p

imported_سارة

26-04-2011, 05:10 PM

imported_nezam aldeen

26-04-2011, 10:34 PM

حباب نمر النزال الما انحشر فى قشة
شرفت البكان زى الدعاش ابـ رشـــة
زينت السطور بعطورك المنرشـــــة
رضيانين تمام وباركنا ليك الخشـــة:D

‏
كيفن عاد أقول شكرا بشوفها شوية
‏
ترحابك يمين بفرحبو فخرا ليا
‏
لو ماساكت الحظ البشتر فيا
‏
كان لاقيت أمينة في جيتك آخر جية .

imported_فخري الزين

27-04-2011, 09:20 AM

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=365704#post365704)
حباب نمر النزال الما انحشر فى قشة
شرفت البكان زى الدعاش ابـ رشـــة
زينت السطور بعطورك المنرشـــــة
رضيانين تمام وباركنا ليك الخشـــة:D

بختك يالنمر السارا غنت ليك
الشكرو رقد اوعي تبقي عليك :D
داوٍم مسدارك وخلينا نحن نجيك
وتاني حبابك والف ومرحب بيك

imported_nezam aldeen

27-04-2011, 10:46 AM

imported_فخري الزين

27-04-2011, 09:29 PM

اقتباس:
المشاركة الأصلية كتبت بواسطة محي الدين عوض نمر http://sudanyat.org/vb/images/buttons/viewpost.gif (http://sudanyat.org/vb/showthread.php?p=366004#post366004)
فخر الذين تعال انضم وقول وإنفش
شاااايفو قلمك ، حاشاهو مابقول كش
سخنو في الجمر في البورد انزل تش
ماتغفر غلط خربانة ام بناية قش

حباب نمر الخلا اللاك تليف لا تابع
الدنيا العبوس ياما شفنا فيها مواجع
مهما تحلا ما بتدوم زوالها واقع واقع
يمين هٍناها اهانه زي لعبه في يد شافع

وبرضو خربانه دار الغٍش

imported_nezam aldeen

28-04-2011, 07:36 AM

مي هاشم

28-04-2011, 11:24 PM

جاية والله..:D

متابعة

احمد زين

28-04-2011, 11:43 PM

الى مي هاشم مع التحية

كِتِر الدَين عليك ؟ شايفك كتر لفيتك
ومن زمنا بعيد فهمك كمل حسيتك
الدين القديم والله مــنو عفيـــتك
بس الليلة الا تقومي صوف لي بيتك:D

imported_فخري الزين

29-04-2011, 05:15 PM

اقتباس:
المشاركة الأصلية كتبت بواسطة مي هاشم http://sudanyat.org/vb/images/buttons/viewpost.gif (http://sudanyat.org/vb/showthread.php?p=366811#post366811)
جاية والله..:D

متابعة

متين ؟

شن الفايده بدون ردود

مي هاشم

30-04-2011, 09:38 AM

الى مي هاشم مع التحية

كِتِر الدَين عليك ؟ شايفك كتر لفيتك
ومن زمنا بعيد فهمك كمل حسيتك
الدين القديم والله مــنو عفيـــتك
بس الليلة الا تقومي صوف لي بيتك:D

الدّين إن كِتر وإن قلّ انا سدّاده
والقول والفهم في جيدي لابسا قلاده
إن ما خفت الكضب كان قلت سااااااي دي (حسادة):D

غايتو دي مرقت مني بالغيظ وأبت تتم:mad::D:D

imported_موجة

02-05-2011, 02:54 PM

انحن كان حدثنا حديثنا بنسويهو
الدرب البجيب الخير من قمنا تب نمشيهو
حلالين عقد كاشفنا بنغتيهو
نكرم ضيوفنا تمام واجبنا بنأديهو

imported_موجة

02-05-2011, 03:08 PM

نحن راس القايدة كلمتنا ديمة الأولى
ماسكين فى الصراط الحق كلمتو نقوله
سوايين عديلة عشمانا غرضو ينوله
البشب فوق للسحاب مكانا مابيطوله

مي هاشم

26-05-2011, 01:06 AM

المحبوب قريب.. قبّل علي ما قفّى
ده الخلا الرويحة تفر وراسي ياخد لفّه
باريت النجم دماعي سال ما جفّ
ما بحمل جفا يجهجه قليبي الخفّ

imported_طارق صديق كانديك

26-05-2011, 09:48 PM

دواسن بالكلام ادونا فيـــــــهو ريادة
ولوكان بالخناجر يازول ترانا سيادة
قولة كف يمين لينا القلوب منقـادة
والجرسة بتبين نار الغرام وقــــادة

هيييع وتانى هييييع

الشوف بالقلب وقلبك كبير يا السادة
والنظرة ان بقت منك معاها زيادة
قولة شو تغرّق مطرا معاهو رعادة
والبكاء في الغرام سبقونا ناس ولادة :D

مي هاشم

26-05-2011, 10:00 PM

الشوف بالقلب وقلبك كبير يا السادة
والنظرة ان بقت منك معاها زيادة
قولة شو تغرّق مطرا معاهو رعادة
والبكاء في الغرام سبقونا ناس ولادة :D

شوف القلب زايد دوام في طشاشو
والنظرة ان بقت منو ومعاها بشاشو
قولة شو تغرّق مطراً معاهو دعاشو
وفي الحب ما براي كتير زيّي بشاشو:D

imported_طارق صديق كانديك

26-05-2011, 10:05 PM

درتوهو الدواس سيفي جنب السارّة
وواسوهو الكلام قبال تواسي الحارّة
بتشوفو العجاج وكتين جيوشنا الكارّة
نعلاتكم تعفصا السيدا قام اتجارا:D:D

يا أم شبال*دواسكن بس ببقى لينا خسارة
واسينا الكلام .. من يومنا مااا بنتضارة
الشوف البحيّر شوف الغزال في الدارة
حباب الموت معاكن حبابو سيف السارة:D

* في اشارة لشبال الشاعرة الأنيقة تماضر للاستاذ شاعر الشعب محجوب شريف .:)

imported_سارة

26-05-2011, 10:24 PM

الشوف بالقلب وقلبك كبير يا السادة
والنظرة ان بقت منك معاها زيادة
قولة شو تغرّق مطرا معاهو رعادة
والبكاء في الغرام سبقونا ناس ولادة :D

الشوف بالقلب وانتو القليب مالكنو
ونظراتكم شفى لو مرة ..مرة تحنو
هالكنا الفراق وارواحنا هامو وجنو
البكاء والنحيب حتى المآقى أبـــنو

imported_سارة

26-05-2011, 10:35 PM

يا أم شبال*دواسكن بس ببقى لينا خسارة
واسينا الكلام .. من يومنا مااا بنتضارة
الشوف البحيّر شوف الغزال في الدارة
حباب الموت معاكن حبابو سيف السارة:D

* في اشارة لشبال الشاعرة الأنيقة تماضر للاستاذ شاعر الشعب محجوب شريف .:)

السارة سيوفها قاسية وكت الدواس والحارة
وشوف العين بريح بس ما بصيدلو غزالة
خليهو الكــلام شوفلـــك طريق ودبـــــارة
سنينا السيوف:D ولقانا وســـــــــط الدارة

مي هاشم

26-05-2011, 10:38 PM

الشوف بالقلب وانتو القليب مالكنو
ونظراتكم شفى لو مرة ..مرة تحنو
هالكنا الفراق وارواحنا هامو وجنو
البكاء والنحيب حتى المآقى أبـــنو

انتي جنيتي..أخير انوم عشان ما تعاديني:D

imported_شهد

26-05-2011, 10:42 PM

يا ناس الحرف عارفين دروبو وفنو
جيناكم ناس سهر عيونا الرقاد جافنو
لا عرفنا الوصول ولا البعاد قادرنو
بس نبقى حداكم اتو والبال يريح ظنو

imported_سارة

26-05-2011, 10:45 PM

انتي جنيتي..أخير انوم عشان ما تعاديني:D
:D:D:D

imported_تماضر حمزة

26-05-2011, 11:18 PM

يا أم شبال*دواسكن بس ببقى لينا خسارة
واسينا الكلام .. من يومنا مااا بنتضارة
الشوف البحيّر شوف الغزال في الدارة
حباب الموت معاكن حبابو سيف السارة:D

* في اشارة لشبال الشاعرة الأنيقة تماضر للاستاذ شاعر الشعب محجوب شريف .:)

حاشاك يالأصم ..انتَ مابتتجارا
واحد في الرجال براكَ تعدل غارة
والشافك جرى نعالو راقدة حيارى
غالبنا النضم مابتلقى لينا دُبارة؟
:D

imported_تماضر حمزة

26-05-2011, 11:26 PM

السارة سيوفها قاسية وكت الدواس والحارة
وشوف العين بريح بس ما بصيدلو غزالة
خليهو الكــلام شوفلـــك طريق ودبـــــارة
سنينا السيوف:D ولقانا وســـــــــط الدارة

السيف ان قسا طبع السيوف غدّارة
والقلب الحنين أنا شفتو عند السارة
والخلق العيون عندو فيها بصارة
هازمين الأعادي وكتين ملكنا أبصاراlooool

imported_تماضر حمزة

26-05-2011, 11:32 PM

الشوق البشيق سجمان تراهو بعيد
والبيت اتملا لكنّو فاقدو قصيد
الزول السمح أنا فاقدو ياخي شديد
نغريك السلام مابنلقى ليكَ بريد؟؟;):D

imported_سارة

26-05-2011, 11:59 PM

الشوق البشيق سجمان تراهو بعيد
والبيت اتملا لكنّو فاقدو قصيد
الزول السمح أنا فاقدو ياخي شديد
نغريك السلام مابنلقى ليكَ بريد؟؟;):D

السجمان عدوهو ضارب طناش ما سائل
لابيَمسّكل. لينا ..ولا بتجيـــنا رسايـــــل
لو يطرانا مرة ويشوف لـ حالنا المايـــل
ما بصــدق وشايـــة ولا قوالـــة قايـــــل

الرشيد اسماعيل محمود

27-05-2011, 12:12 AM

السجمان عدوهو ضارب طناش ما سائل
لابيَمسّكل. لينا ..ولا بتجيـــنا رسايـــــل
لو يطرانا مرة ويشوف لـ حالنا المايـــل
ما بصــدق وشايـــة ولا قوالـــة قايـــــل

سجمان السجم.. عارفني عنك سائل
من شدة الشوق العلي ..زي الفقدت سوائل
أمرق علي الحبان أو أضرب الموبايل
حتسوي إيه في قلوبنا..لو كنت إسمك وائل

ــــ
ما بطالة..مش..؟؟

imported_سارة

27-05-2011, 12:35 AM

سجمان السجم.. عارفني عنك سائل
من شدة الشوق العلي ..زي الفقدت سوائل
أمرق علي الحبان أو أضرب الموبايل
حتسوي إيه في قلوبنا..لو كنت إسمك وائل

ــــ
ما بطالة..مش..؟؟

السجمان عدوهو انا شوقو تب شاوينى
ومن حالى العلى حزنان كتمت انينى
موبايلاتو السجم ما بيفهـــــمنو رنينى
علي حال العدو مرضان وماسكو اب نينى

imported_سارة

27-05-2011, 12:42 AM

يا ناس الحرف عارفين دروبو وفنو
جيناكم ناس سهر عيونا الرقاد جافنو
لا عرفنا الوصول ولا البعاد قادرنو
بس نبقى حداكم اتو والبال يريح ظنو

حباب ست النضم حرفك عرفنا دروبو
كاتلنا السهر ومرضنا ما دريــوبو
قاطعين الوصال قلوبنا ما بيتوبو
خليكم حدانا رجوعنا قاسية دروبو

imported_nezam aldeen

27-05-2011, 09:47 AM

حباب ست النضم حرفك عرفنا دروبو
كاتلنا السهر ومرضنا ما دريــوبو
قاطعين الوصال قلوبنا ما بيتوبو
خليكم حدانا رجوعنا قاسية دروبو

حبابك شهد وبختك ،، رحبتبيك سارا ،،،،

وذي ماعد بقول وصفا بدورولو بصارا ،،،،

قلما مانبض حاميها ضيفها وجارا ،،،،

سطرا ذي بحر وانحنا فيو بحارا ،،،،

imported_طارق صديق كانديك

27-05-2011, 10:36 AM

شوف القلب زايد دوام في طشاشو
والنظرة ان بقت منو ومعاها بشاشو
قولة شو تغرّق مطراً معاهو دعاشو
وفي الحب ما براي كتير زيّي بشاشو:D

بركة بالعودة .. حبابك مي هاشم ..

أمسكي دي

الشوف البجيب النوح .. سلكنا احراشو
الجري والرحيح في الريد أخدنا معاشو:)
قولة تح في القليب تخفس تقد فشفاشو
أح من نار فلانة مكسيم ضرب هباشو:D

imported_nezam aldeen

27-05-2011, 11:09 AM

بركة بالعودة .. حبابك مي هاشم ..

أمسكي دي

الشوف البجيب النوح .. سلكنا احراشو
الجري والرحيح في الريد أخدنا معاشو:)
قولة تح في القليب تخفس تقد فشفاشو
أح من نار فلانة مكسيم ضرب هباشو:D

‏
‏
‏
تخف تقد فشفاشو !!!
ياااااااااااللعجب

imported_سفيان جنو

27-05-2011, 03:28 PM

سلام يا اصحابي أهل القصيد والنمه
جيتكم في الأخير جابتني ريحة اللمه
جيت كايس الوصال ولقيت مكانكم جمه
جادعته الحروف وناقص الرواكيب تمه

مي هاشم

27-05-2011, 04:01 PM

سجمان السجم.. عارفني عنك سائل
من شدة الشوق العلي ..زي الفقدت سوائل
أمرق علي الحبان أو أضرب الموبايل
حتسوي إيه في قلوبنا..لو كنت إسمك وائل

ــــ
ما بطالة..مش..؟؟

جامدة عديييييل ياخ..
بالطريقة دي ما بلقى فرقة معاكم..looool

الرشيد اسماعيل محمود

27-05-2011, 04:18 PM

جامدة عديييييل ياخ..
بالطريقة دي ما بلقى فرقة معاكم..looool
يامي دي كتبتها والحالة بتكلم بالتلفون..
يعني كان فضيت نفسي..
طوّالي حأسوي لي راكوبة براي..
الحكاية ساهلة..هسع كان صعبة كان سارة دي بتقدر تتجدّع كدة..

مي هاشم

27-05-2011, 04:29 PM

يامي دي كتبتها والحالة بتكلم بالتلفون..
يعني كان فضيت نفسي..
طوّالي حأسوي لي راكوبة براي..
الحكاية ساهلة..هسع كان صعبة كان سارة دي بتقدر تتجدّع كدة..

دي أجمد من المسدار:D:D

imported_أبو أماني

29-05-2011, 09:56 PM

ود مخيّر حبابك .. وحبابا رجلا .. جابت
ما البتراهن عليك والله تب ما .. خــــابت
نورت راكوبتنا وليك القلوب إتشــــــــابت
ريقي جّف..قلبي خّف والركب تتخابــــت!
loooolloooollooool

imported_أبو أماني

29-05-2011, 10:10 PM

اقتباس:
المشاركة الأصلية كتبت بواسطة مي هاشم http://sudanyat.org/vb/images/buttons/viewpost.gif (http://sudanyat.org/vb/showthread.php?p=376427#post376427)
جامدة عديييييل ياخ..
بالطريقة دي ما بلقى فرقة معاكم..:D

مرحبتين حبابك .. حبابا أحلى بنيـــة..
أديبة راسية رزينة والنسبة سـودانيـــة
مروادك سنيييين دايما .. يطبق الكيــة
كانديك أنا في حواك من نارها الله ليـــا
:D :p ;)

imported_أبو أماني

29-05-2011, 10:16 PM

سجمان (السرور) مالك بخلت علينا..؟
وكيفن بتتلووم .. حاشاك من الشينـة..
سوعالنا ديمة عنك وإتا .. فاتح لينــــا
مغرود في نمة منك في الضلوع تمكينها
:cool:

imported_أبو أماني

29-05-2011, 10:21 PM

راكوبتنا ما .. فرهدت كل الظراف جوها ..!
عمروها الحلوين .. وبحلاتهم .. شرقوها..
إتاختوا ناس (الليمبي)!الزماااان .. كجـوها
ضاربين (السمسية) والحفلة .. فرتقوهــا..!
:D :D:D :D

imported_أبو أماني

29-05-2011, 10:57 PM

سارة ست الحسان أم كلاما حالي..وزيـن
منارة منتدانا الفوقها .. العيون شاخصين
ليك مليار تحايا .. من كافة (المعجبين)..!
وتحية حارة وخاصة بتوقيع أحمد زين..
:D:D ;);)

imported_منصور المفتاح

29-05-2011, 11:11 PM

وعرات الغروب الفيها دودها مجرق
وعداى ليها ما قالولنا يوم بتدرق
مطر القبلى شايل مو هرع بتفرق
وتمساح شيمه كاسر فى المحابس كرق

منصور

imported_منصور المفتاح

29-05-2011, 11:12 PM

دابى الفوره المن الكديس بتزرق
وعند قدح الحراز هبش الملاين غرق
الناس فى النفير لزاهو طوفو وشرق
ولى كعب الكلام جاهز لسانو مطرق

منصور

imported_منصور المفتاح

29-05-2011, 11:14 PM

قولك يا نوال وصل الجبال هزاهن
ومن قعر الروكى قلع التقال زحاهن
عقبان كسرن متل الدقيق هداهن
وزى جدع الحصى فرق البلود زناهن

منصور

imported_منصور المفتاح

29-05-2011, 11:17 PM

القول عستى زى الكسره طرقو رهاف
وتمنو جبل دهب ساهلات حروفو خفاف
لجوك ناس بشير ماسك الورد ما هاف
وعند زمن الكتال دقرن سمومو زعاف

منصور

imported_منصور المفتاح

29-05-2011, 11:18 PM

تحيا وتعيش إنت ويدوم لنا خيرك
وتسلم يا الشريف دربك وعر على غيرك
طير الناس بغاث وإنت الصقور عز طيرك
وبير الكل حست نبعت سرفلنا بيرك

منصور

imported_منصور المفتاح

29-05-2011, 11:20 PM

قميز يا الشريف زى ناس أخوك أبياى
ويا جنب التقيله اللضيوف عشاى
نضمك يا الشريف عازفلو نوتة ناى
ويا جبل الصبر إت للبغير رتاى

منصور

imported_منصور المفتاح

29-05-2011, 11:22 PM

وين فيصل الوارث دقق ناس جدو
وين المتلو دايما فى النجيضه بجدو
ناس عمر الفصيح جبدوهو فوقو وهدو
ويا جبل الكلام القاسى دايما هدو

منصور

imported_منصور المفتاح

29-05-2011, 11:26 PM

زمان يوسف نقر قال جايا سبعه عجاف
وقال الخير بقل والحاله تبقى كفاف
علا الناس تقيف من الشغل ما تعاف
وما تخاف الفقر لا زول سمع لا شاف

منصور

imported_منصور المفتاح

29-05-2011, 11:28 PM

زمن اللمه داك يا بشرى مركبو عدت
والناس زى وحوش جاريا وعضاها إنهدت
بالغلا والجلا مشهاد جيوبها إنقدت
وقولة هوى سلام مرات كتير ما ردت

منصور

imported_منصور المفتاح

29-05-2011, 11:29 PM

جعفر بدرى وين زايد السعال فى شانك
وزايد فينا قدرك يا الرفيع نيشانك
وقت الناس تصر إنت الخريف بيشانك
وزمن الضيق يقع متروسه ناس حيشانك

منصور

imported_منصور المفتاح

29-05-2011, 11:31 PM

مرحبتبين يا نوال دايما منجضه درسك
ومرحبتين حبابك ديمه موزون جرسك
الناس يوم تجوبك أنتى مظبوط مرسك
وزرع الناس يبس يا الديمه ناضر غرسك

منصور

imported_منصور المفتاح

29-05-2011, 11:35 PM

الفاتن خلهن كج عينك على الواقفات
والجايات كتار من الكريم مرحات
أخوهن ناس نوال جنبا ضرب وعرات
ويا ضيب الخلا اللحاق ندى الجنيات

منصور

imported_منصور المفتاح

29-05-2011, 11:37 PM

الناس فى السبارس وإنت قايمو خميسك
وناس شلع الزمان واقف بدور تخميسك
كيس الناس خلا يا الديمه مليان كيسك
ولبن الطير عديل بتجيبو دايما عيسك

منصور

imported_منصور المفتاح

29-05-2011, 11:39 PM

شوق الناس مدن وأنا شوقى لى ناس ريفى
ودمى بدفقو لى وعقبان بصونو بسيفى
وكت الناس تهيف ما قالو قط بتهيفى
وضيفك كان غريب فوقو بتهوشى تقيفى

منصور

imported_منصور المفتاح

29-05-2011, 11:41 PM

بنقول السلام من جوا أبقو عوافى
ومن قعر البلد دى لينا باقيه منافى
قولكم من دهب مليان معانى وافى
وخيركم لى كتير ممنون وليكم عافى

منصور

imported_منصور المفتاح

29-05-2011, 11:42 PM

الزول زى أبو وقولو وفعل شباهو
ونفاق زيو طب بحر الكرم عباهو
مجبد من قديم أهلو البعاد أتباهو
وديدابو المسك شقو القبيل آباهو

ياخ قطعت نفسى يا الشريف دا جبتو من وين

منصور

imported_منصور المفتاح

29-05-2011, 11:44 PM

سمح القول رزين ما شال خبر طباهو
وعافاى إن غضب قط مافى زول سباهو
بحر المكرمات من فضلو فاض جباهو
ويات من صاح بدور زى البرق لباهو

منصور

imported_منصور المفتاح

29-05-2011, 11:49 PM

جداعة السلام للجنه عنوه بسوقك
وإن بار الدهب دايما بعلق سوقك
زرع المكرمات خابرنو من واسوقك
وكان عدم الشراب زى الحليب بسقوبك

منصور

imported_منصور المفتاح

29-05-2011, 11:51 PM

بنتنى السلام بكريهو كان زى دن
وما بندور خلاف الجنه بيهو عدن
بلد الإغتراب حرقت حياتنا سدن
وشالن بيض سنينا وضمه ليها فدن

منصور

imported_أبو أماني

29-05-2011, 11:59 PM

اقتباس:
المشاركة الأصلية كتبت بواسطة منصور المفتاح http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=377398#post377398)
الزول زى أبو وقولو وفعل شباهو

ونفاق زيو طب بحر الكرم عباهو
مجبد من قديم أهلو البعاد أتباهو
وديدابو المسك شقو القبيل آباهو

ياخ قطعت نفسى يا الشريف دا جبتو من وين

الوافدين جداد ليكم سلااااام مخسوس ..
تنضموا شعر متل التبر .. مرصوص
ريدنا ليكم ظاااااهر حاشا ما مدســـوس
أبدعوا في النم .. أصلو الكلام بفلوس؟

تحية قلبية خالصة للشريف وضيفه الظريف .. حبابك منصور وديمة منصور عليك الله رشهم كلو من زي ده والرهيفة التنقد!:mad: :D

منصور

imported_أبو أماني

30-05-2011, 12:11 AM

فخري الزين.. حلااااتك خايلة فيك النمة
رمياتك فرحني .. وقلت المراد .. تمة..
ما أحلى راكوبتنا .. وأحلى أجمل لمـــة
أنا تب جيتك .. بس خللني.. الننجّم..!!!

imported_أبو أماني

30-05-2011, 12:33 AM

أبو مازن أخوي..حاسب السجمان ما ينيشك
شايفك إتدوعلت .. نافـخ.. ونافش .. ريشـك
وكت السجمان يرشك .. تبـرطم .. تلاليشــك
وسرورة تضحك فيك.. وتقول ليك ..
ديششششششششك..!:mad:
وبالجمبة:-
تديك بعرتين .. تنسيك .. براطيشك ..!!!

imported_منصور المفتاح

30-05-2011, 01:27 AM

imported_أبو أماني

30-05-2011, 08:27 AM

اقتباس:
المشاركة الأصلية كتبت بواسطة منصور المفتاح http://sudanyat.org/vb/images/buttons/viewpost.gif (http://sudanyat.org/vb/showthread.php?p=377407#post377407)
..

ما أبلغ تعقيبك يا رجل! شكرن جزيلن !..

imported_منصور المفتاح

31-05-2011, 08:32 PM

الوافدين جداد ليكم سلااااام مخسوس ..
تنضموا شعر متل التبر .. مرصوص
ريدنا ليكم ظاااااهر حاشا ما مدســـوس
أبدعوا في النم .. أصلو الكلام بفلوس؟

الراجل اللصم ماهو الطروره أبوسوس
وما هو رجل قهاوى شرابو عرق السوس
ساعة الحاره بارز والجبان مدسوس
وللعامل أسد زى النميله بدوس

منصور

imported_أبو أماني

01-06-2011, 10:10 AM

اقتباس:
المشاركة الأصلية كتبت بواسطة منصور المفتاح http://sudanyat.org/vb/images/buttons/viewpost.gif (http://sudanyat.org/vb/showthread.php?p=377991#post377991)
الوافدين جداد ليكم سلااااام مخسوس ..
تنضموا شعر متل التبر .. مرصوص
ريدنا ليكم ظاااااهر حاشا ما مدســـوس
أبدعوا في النم .. أصلو الكلام بفلوس؟

الراجل اللصم ماهو الطروره أبوسوس
وما هو رجل قهاوى شرابو عرق السوس
ساعة الحاره بارز والجبان مدسوس
وللعامل أسد زى النميله بدوس

منصور

الراجل اللصم عملو يوت مدروس!
مازول الفارغة وليها تب مابكوس!
عنده السكات زينة لو الكلام بفلوس!
الما كسب صداقته والله جد منحوس
*****
والكلام ليك يا المطير عينيك! :D

imported_عبدالله الشقليني

01-06-2011, 01:56 PM

http://www.youtube.com/watch?v=XSMR8gX3jwM

imported_فخري الزين

01-06-2011, 05:19 PM

اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=377403#post377403)
فخري الزين.. حلااااتك خايلة فيك النمة
رمياتك فرحني .. وقلت المراد .. تمة..
ما أحلى راكوبتنا .. وأحلى أجمل لمـــة
أنا تب جيتك .. بس خللني.. الننجّم..!!!

الزين ابوي بيك المزاج بنتمه
كلامك دُرركان عجلان وان تنجمه
وما احلي جيتك وماحلاها لمه
كان جيت شاكي وكان بي العمه

تخريمه :
ليك وحشه حرم

مي هاشم

01-06-2011, 05:21 PM

طفشتونا عدييييييييل ..
هسي نكتب شنو معاكم..:)

جميلين انتم..

imported_طارق صديق كانديك

01-06-2011, 05:36 PM

طفشتونا عدييييييييل ..
هسي نكتب شنو معاكم..:)

جميلين انتم..

:D

والله الديون كتيرة علينا كلنا والزمن ممحوق .. !!

اتوكلي ونمي نمك كيف شاء لكِ الدوبيت:)

مساء الخير عليك وعلى الجميع

imported_فخري الزين

01-06-2011, 05:39 PM

طفشتونا عدييييييييل ..
هسي نكتب شنو معاكم..:)

جميلين انتم..
ما بغلبك كلام واكتبي للامل مسدار
وغني للسلام غنوه وخلي المحبه مسار
وخلي شعرك يكون متعة طرب وحوار
تلقي كل الناس تعزك من كبار وصغار

imported_فخري الزين

01-06-2011, 05:47 PM

:D

والله الديون كتيرة علينا كلنا والزمن ممحوق .. !!

اتوكلي ونمي نمك كيف شاء لكِ الدوبيت:)

مساء الخير عليك وعلى الجميع
كانديك مالك بقيت بتاويق وتقول الزمن ممحوق
كنت زمان ساوي للراكوبه قعده وحله وسوق
مابنرضي بييك تتاوق كان جبت لينا لبن النوق
يا تجي عديل ولا تاني في البكان ماتشوف جنس مخلوق

مي هاشم

01-06-2011, 07:30 PM

:D

والله الديون كتيرة علينا كلنا والزمن ممحوق .. !!

اتوكلي ونمي نمك كيف شاء لكِ الدوبيت:)

مساء الخير عليك وعلى الجميع

مساكم زين..

وإتوكّلْ على الباري وشرعت أدوبي
من كتر الديون فارغات نضيفة جيوبي
ما بوفي النّدامى القول وكلماتي جت معطوبي
النفس انكتم مشتهيي اليجيب لي هبوبي

imported_عادل عسوم

01-06-2011, 10:12 PM

المشاركة الأصلية كتبت بواسطة فخري الزين http://sudanyat.org/vb/images/buttons/viewpost.gif (http://sudanyat.org/vb/showthread.php?p=378350#post378350)
كانديك مالك بقيت بتاويق وتقول الزمن ممحوق
كنت زمان ساوي للراكوبه قعده وحله وسوق
مابنرضي بييك تتاوق كان جبت لينا لبن النوق
يا تجي عديل ولا تاني في البكان ماتشوف جنس مخلوق

كانديك ماهو الزمان يافخري
متحمّلو شيلتا تقُصّ المدري
مالمركب عاد كبييييير منشرّي
فوق بحرا وسيييييع متبرّي
يبلع جب ...مافارز البعوم من المابيدري
ماسك قلمو والكراس يقوم من بدري
يحسب في الخلوق ديك فطوم وداك ود بدري
ويهرج صوتو في تمبول ويوم في بري
:D:D

imported_فخري الزين

02-06-2011, 12:48 AM

مساكم زين..

وإتوكّلْ على الباري وشرعت أدوبي
من كتر الديون فارغات نضيفة جيوبي
ما بوفي النّدامى القول وكلماتي جت معطوبي
النفس انكتم مشتهيي اليجيب لي هبوبي
اتوكلي علي الكريم الي خلقو ما نساي
وقالوا مفطوم اللبن ما بنفعو اللولاي
وابدا ما مفلس سيد الفهم والعقل والراي
وبعد الحال تبقي مليارديره شحت مولاي

imported_أبو أماني

02-06-2011, 01:10 AM

اقتباس:
المشاركة الأصلية كتبت بواسطة مي هاشم http://sudanyat.org/vb/images/buttons/viewpost.gif (http://sudanyat.org/vb/showthread.php?p=378390#post378390)
مساكم زين..

وإتوكّلْ على الباري وشرعت أدوبي
من كتر الديون فارغات نضيفة جيوبي
ما بوفي النّدامى القول وكلماتي جت معطوبي
النفس انكتم مشتهيي اليجيب لي هبوبي

هبوبا تحت كرعيك عرش بلقيس آآبنية..
أخوانك أسياد نجيضة ..ومابسوو النـّية..
أرواحنا كان تفداك تكون عليكي شوية...
أطلقي زغرودة ولخصيمك أطبقي الكية!!

imported_أبو أماني

05-06-2011, 05:14 PM

السجمان أخوي راكوبتك خبارها بارت ..
وشوف عيني من ضلها الناس .. إتجارت
خلونا حزانى .. والدموع .. تتخـــــارت
الدنيا ما بتنغلب .. ضنيتها عليك جــارت!
:D :cool: :D

imported_أبو أماني

06-06-2011, 09:56 PM

:D:D:D:D:D:D
:D:D:D:D:D
:mad:

imported_أبو أماني

27-06-2011, 02:23 PM

اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=380278#post380278)
:D:D:D:D:D:D

:D:D:D:D:D
:mad:

بسم الله الرحمن الرحيم

واحشاني راكوبتكم الكلامها يفرح
وكم قضيت ليالي شوقا ليها يبرح
عالجوا لينا جرحا بتق بقى مقرح
الفي بالي قلتو ..وتاني مابصرح
:cool:

imported_تماضر حمزة

27-06-2011, 04:49 PM

مادام النفس موجود عندي ليك ضمان
أنا حالف مابتبور راكوبة السجمان
جاييكم أقيفوا بالجبنة ياحبان
أسياد البكان ماكنتو يوم ضيفان

imported_أبو أماني

28-06-2011, 10:34 AM

اقتباس:
المشاركة الأصلية كتبت بواسطة تماضر حمزة http://sudanyat.org/vb/images/buttons/viewpost.gif (http://sudanyat.org/vb/showthread.php?p=387019#post387019)
مادام النفس موجود عندي ليك ضمان
أنا حالف مابتبور راكوبة السجمان
جاييكم أقيفوا بالجبنة ياحبان
أسياد البكان ماكنتو يوم ضيفان

تماضر الخنساء مرحبتين حبابك
واليوم السعيد يمه الليلة جــــابك
السجمان ماضنيتو يختى نشابـك!
بكره كلنا تمام في حضرة جنابك
:D:D :confused: :D:D

imported_أبو أماني

08-07-2011, 06:04 PM

اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=387181#post387181)
اقتباس:
المشاركة الأصلية كتبت بواسطة تماضر حمزة http://sudanyat.org/vb/images/buttons/viewpost.gif (http://sudanyat.org/vb/showthread.php?p=387019#post387019)
مادام النفس موجود عندي ليك ضمان
أنا حالف مابتبور راكوبة السجمان
جاييكم أقيفوا بالجبنة ياحبان
أسياد البكان ماكنتو يوم ضيفان

تماضر الخنساء مرحبتين حبابك
واليوم السعيد يمه الليلة جــــابك
السجمان ماضنيتو يختى نشابـك!
بكره كلنا تمام في حضرة جنابك
:D:D :confused: :D:D

والله محتار في البقى على الراكوبة
أنا وتمتضر نافحنا لمن قلبنا الهوبا
حتى مناشدة تماضر البنية اللهلوبة!
بقت ياناس وقعت طوبة في معطوبة
* * *
ولا .. ده الإحباط ...؟؟؟؟؟؟؟؟؟؟؟:confused:

imported_علي طاهر

08-07-2011, 07:38 PM

سلام أهل الديار جايين ندوبي معاكم
كان شاء الكريم يمكن ننولو رضاكم
كان شلتو الصبر القسمة ما بتختاكم
مرحب بالعزاز الفي القلب مسواكم :D

العزاز ديل بكونو عارفين نفسهم طبعاً :cool:

imported_أمير الأمين

08-07-2011, 08:31 PM

سلام أهل الديار جايين ندوبي معاكم
كان شاء الكريم يمكن ننولو رضاكم
كان شلتو الصبر القسمة ما بتختاكم
مرحب بالعزاز الفي القلب مسواكم :D

العزاز ديل بكونو عارفين نفسهم طبعاً :cool:

يا سلام على طاهر فى سودانيات..
يا اخى الف مرحبتين ..و مشتاقون
باللفة..
جيت براك ولا معاك العزاز..؟؟؟looool
"معليش عرضة خارج الدوبيت"

imported_عبده سعد

09-07-2011, 06:35 AM

ودطاهر حبابك فى سوح الوحيح والنم .
ورسل للعزاز شان للحضور ينضم .
وسجمان من زمن ما قالا لينا أحم .
مستمرىء غيابو ماشاف الضيوف ديل كم .

imported_أبو دعد

09-07-2011, 07:41 AM

سلام أهل الديار جايين ندوبي معاكم
كان شاء الكريم يمكن ننولو رضاكم
كان شلتو الصبر القسمة ما بتختاكم
مرحب بالعزاز الفي القلب مسواكم :D

العزاز ديل بكونو عارفين نفسهم طبعاً :cool:

حباب الطاهر نحنا فى رجاك من زمان
هيا قول النم و جدع فوق العزاز اوزان
ركوبتنا بترحب بيك ديمة مرتع الضيفان
و الناس كلها هنا عزاز ما تفرق الكيمان

imported_علي طاهر

09-07-2011, 11:01 AM

يا سلام على طاهر فى سودانيات..
يا اخى الف مرحبتين ..و مشتاقون
باللفة..
جيت براك ولا معاك العزاز..؟؟؟looool
"معليش عرضة خارج الدوبيت"

مرحبتين حباب ود اللمين دخرينا
الشوق في الفؤاد
لي طلتك كاوينا
و بي فراق العزاز بالله ما ت كاوينا
وينك يا الحبيب غيبتك مؤثره فينا‎

imported_سارة

09-07-2011, 11:13 AM

ود طاهر سلام يومن سعيد الجابك
نورت البكان وبالحيل عجبنا مجابك
بجيتك سعدنا وغنت حروفنا حبابك
يبراك السلام والعافية تبقى تيابك

imported_علي طاهر

10-07-2011, 03:46 AM

ودطاهر حبابك فى سوح الوحيح والنم .
ورسل للعزاز شان للحضور ينضم .
وسجمان من زمن ما قالا لينا أحم .
مستمرىء غيابو ماشاف الضيوف ديل كم .

مرحبا ود سعد دار الكمال و التم
انا ساقني الكلام الزين و جيتكم انم
موفرين كرم و خاتيكم انتو الذم
تقدلو عافية تب و ما يزور طريقكم هم‎
‎

imported_علي طاهر

10-07-2011, 03:57 AM

حباب الطاهر نحنا فى رجاك من زمان
هيا قول النم و جدع فوق العزاز اوزان
ركوبتنا بترحب بيك ديمة مرتع الضيفان
و الناس كلها هنا عزاز ما تفرق الكيمان

حبابك ابو دعد عالي المقام و الشان
ما حارين فراق او فرتقة كيمان
و القلب كان براح درجات على الحبان
و الناس العزاز قاعدين في اعلى مكان .‏‎
‎

imported_علي طاهر

10-07-2011, 04:07 AM

ود طاهر سلام يومن سعيد الجابك
نورت البكان وبالحيل عجبنا مجابك
بجيتك سعدنا وغنت حروفنا حبابك
يبراك السلام والعافية تبقى تيابك

من سمط النضم لبستي جيدي قلادة
ما بخوض في الخبوب اخو سارة سيد السادة
في حر الهموم كتفي وهبتو وسادة
بت عز الرجال مرحب كمان بزيادة‎
‎

imported_ود الخير

10-07-2011, 07:28 AM

[QUOTE=علي طاهر;390348]من سمط النضم لبستي جيدي قلادة
ما بخوض في الخبوب اخو سارة سيد السادة
في حر الهموم كتفي وهبتو وسادة
بت عز الرجال مرحب كمان بزيادة‎
‎[/QUOTE

آآبت عز الرجال البارح البشير في جوبا شرّفنا
وفي وسط البلاد خلاها فوق مرفوعه هامتنا
جيبي لي الاكيده من اخواتك ما ينزعن عمتنا
وانا بديك الضمان تبقن ملكات ملوك دولتنا

آناس مليون سلام والف تحيه
ووطن الجدود لاتنسو ختو في النيه

imported_سجمان

27-07-2011, 03:22 PM

مادام النفس موجود عندي ليك ضمان
أنا حالف مابتبور راكوبة السجمان
جاييكم أقيفوا بالجبنة ياحبان
أسياد البكان ماكنتو يوم ضيفان

الدار إن بقيتي في راسا تب عمرانة
تسرعي للضيوف في خدمتم حفيانة
السجمان في بلد العربي ماهو لسانا
والكيبورت يمين طقطيق بدون جبخانة

imported_سجمان

27-07-2011, 03:32 PM

سلام أهل الديار جايين ندوبي معاكم
كان شاء الكريم يمكن ننولو رضاكم
كان شلتو الصبر القسمة ما بتختاكم
مرحب بالعزاز الفي القلب مسواكم :D

العزاز ديل بكونو عارفين نفسهم طبعاً :cool:

مانا العزاز لكين كرم الضيوف حرفتنا
للضيف بابنا فاتح ومقصرين شُرفتنا
في النضم السمح بنسوي ليك عرفتنا
قودح في النميم خل النفك قرفتنا

imported_سجمان

27-07-2011, 03:42 PM

ودطاهر حبابك فى سوح الوحيح والنم .
ورسل للعزاز شان للحضور ينضم .
وسجمان من زمن ما قالا لينا أحم .
مستمرىء غيابو ماشاف الضيوف ديل كم .

يا خل الغياب والله ما بي إيدنا
ماسكانا الظروف محل بتوجع إيدنا
لي وطني العزيز لي الله رافعين إيدنا
من بلد الحُمُر راجيو يحلحل قيدنا

imported_سجمان

27-07-2011, 03:45 PM

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

imported_طارق صديق كانديك

28-07-2011, 08:02 AM

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

شن تشبه بلا المهره ام لهيجا اذاني
قولة أح تتش جوه وتقيد نيراني
وين الراحة من زولا شوقو شقاني:)
صِبح عيان عديل نار الوحيح حارقاني

imported_علي طاهر

30-07-2011, 07:07 PM

مانا العزاز لكين كرم الضيوف حرفتنا
للضيف بابنا فاتح ومقصرين شُرفتنا
في النضم السمح بنسوي ليك عرفتنا
قودح في النميم خل النفك قرفتنا

يا زول إت عزيز و عِز العُزاز حِرفتنا
الدار يوت براح و القول قدر عِرفتنا
نسمعلكـ حباب و نمشي و نشوف صِرفتنا
بالله دوبي و قول أوعاكـا لا تكلفتنا

imported_علي طاهر

30-07-2011, 07:17 PM

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

البلد البعيد من الحبيب وداني
بَعَّدني الرزق من البعيد و الداني
شال نوم العيون كاس السهر أداني
بي شوقي الكِتر شوكـ الكِتر حداني

مي هاشم

30-07-2011, 09:29 PM

البلد البعيد من الحبيب صداني
ملح الشوق علي مِتْل الحديد صداني
يا ام روبة ان بقيت نار الوحيح قاصداني
جيداً للفؤاد بي عينك الفاصداني

البلد البعيد من الحبيب ودّرني
ملح الشوق علي متل البنج خدّرني
يا اب عمّة ان بقيت دمع الفراق كدّرني
جيداً للفؤاد بعد اليباس خدّرني

imported_سجمان

31-07-2011, 10:19 AM

شن تشبه بلا المهره ام لهيجا اذاني
قولة أح تتش جوه وتقيد نيراني
وين الراحة من زولا شوقو شقاني:)
صِبح عيان عديل نار الوحيح حارقاني

من الشروق مشتاق تجيني نَسِمْتِك
يغشاني البرق من حين شلعتي بَسِمْتِك
يا ام روبة الفؤاد سقّيهو لي قاسمتك
أنا الفي ريدي ليك بالـ في الرئات قاسمتك

imported_سجمان

07-08-2011, 06:33 PM

يا زول إت عزيز و عِز العُزاز حِرفتنا
الدار يوت براح و القول قدر عِرفتنا
نسمعلكـ حباب و نمشي و نشوف صِرفتنا
بالله دوبي و قول أوعاكـا لا تكلفتنا

تسلم ياللصم بحرك دميرة وقالع
ما بت كيل ربع جرنك مكنتر طالع
للنمات بجيك يالجيت بحسن الطالع
فوق وصف ام وريد كم لينا فيهو مطالع

imported_سجمان

07-08-2011, 06:35 PM

البلد البعيد من الحبيب ودّرني
ملح الشوق علي متل البنج خدّرني
يا اب عمّة ان بقيت دمع الفراق كدّرني
جيداً للفؤاد بعد اليباس خدّرني

خريفاً شبع بهمنا ومراحنا في الحنتوت
وفي الحلة الجمال عمرانة بيهو بيوت
كاسيهن عفاف نالنبو أعلى كروت
ومبروم الحشا لي وصلو عندو شروط

imported_سجمان

07-08-2011, 06:38 PM

كضب البقول في الدنيا مو محتاجن
مخلوقات سكينة يلمع تملي زجاجن
في التحنان يمين طمحن ملن فجاجن
ولي جوع البطون دايماً مولع صاجن

imported_سجمان

07-08-2011, 06:56 PM

ظبيات الخدور النفرن غِلب مساكن
ومحظوظ القليب الفي المغيب مساكن
ناعمات الجلود ربي العظيم مساكن
بي مسكو اليضوع عقباً نفح مساكن

imported_عثمان السمري

07-08-2011, 07:07 PM

هبت نسيمات الجبيب جابت الحنين من غادي
ممشوقة قوام مردوفة كفيل الخلي نومي يعادي
يا حميده شوف غنجو السكن جواي جوة فوادي
شايل نومي شاغل فكري شاشيت شوق المزازي وصادي

imported_سجمان

07-08-2011, 07:09 PM

يا عباس أخوي الوحشة تالفة عضايا
زي عينة الخريف اشواقي سايلة دواية
الزول النضيف مرقني في الحراية
المنو مافي شبيه حتى ان وقف في مراية

imported_سجمان

07-08-2011, 07:38 PM

هبت نسيمات الجبيب جابت الحنين من غادي
ممشوقة قوام مردوفة كفيل الخلي نومي يعادي
يا حميده شوف غنجو السكن جواي جوة فوادي
شايل نومي شاغل فكري شاشيت شوق المزازي وصادي

من جيت للنميم حرفك براو زكاكا
بي ضوع الأراك من نفحو طيب زكاكا
قمحان البقول في القافية يوم زكاكا
والنجوم إن غابت تظهر تضوي ذُكاكا

مي هاشم

08-08-2011, 12:24 AM

خريفاً شبع بهمنا ومراحنا في الحنتوت
وفي الحلة الجمال عمرانة بيهو بيوت
كاسيهن عفاف نالنبو أعلى كروت
ومبروم الحشا لي وصلو عندو شروط

يا سلام يا سلام..

رمضان كريم عليك وربنا يتقبل..
انت زول فنان خِلقة..الله يحفظك ويزيدك..

خريفاً شبع بهمنا وخدّر زرِعنا وريف
وفي الحلة الجمال مسروفه بيهو سريف
كاسيهن عفاف نالنبو كل تشريف
ومبروم الحشا ما بصلو حتى حريف

مي هاشم

08-08-2011, 12:34 AM

كضب البقول في الدنيا مو محتاجن
مخلوقات سكينة يلمع تملي زجاجن
في التحنان يمين طمحن ملن فجاجن
ولي جوع البطون دايماً مولع صاجن

ينصر دينك يا اللّصم..

كضب البقول في الدنيا مالكم لازمة
مخلوقين سند بتشلو للمتلازمة
لي حاجة البيوت دايماً جيوبكم حازمة
...

وما تمت..:D
بالنية..

الرشيد اسماعيل محمود

08-08-2011, 12:52 AM

ينصر دينك يا اللّصم..

كضب البقول في الدنيا مالكم لازمة
مخلوقين سند بتشلو للمتلازمة
لي حاجة البيوت دايماً جيوبكم حازمة
وفي ساعة الخلاف للغيظ نفوسكم كاظمة

وما تمت..:D
بالنية..

بتمشي الحال..
مُش..؟

مي هاشم

08-08-2011, 01:52 AM

بتمشي الحال..
مُش..؟

معقـولة..:D:D

كضب البقول في الدنيا مالكم لازمة
مخلوقين سند بتشلو للمتلازمة
لي حاجة البيوت دايماً جيوبكم حازمة
وفي ساعة الخلاف للحق نفوسكم لازمة

كده .. تماماً..:D

مي هاشم

08-08-2011, 01:53 AM

يا السارة الحبيبة..تعالي لي بي جاي
ندوبي مع البريد الغنوة والحجّاي
المحبوب هناك في العيد قالي انا جاي
شاحدة الله الكريم يتمو لي رجاي

imported_سجمان

09-08-2011, 06:04 PM

يا سلام يا سلام..

رمضان كريم عليك وربنا يتقبل..
انت زول فنان خِلقة..الله يحفظك ويزيدك..

خريفاً شبع بهمنا وخدّر زرِعنا وريف
وفي الحلة الجمال مسروفه بيهو سريف
كاسيهن عفاف نالنبو كل تشريف
ومبروم الحشا ما بصلو حتى حريف

الله أكرم وتصومي وتفطري علي خير..

السجمان دا كلامك دا بسجمو زيادة
فخلو رايات الشكر دي منكسة لحين مرور
النمات بمسارقة..

خريفاً انبهل غمر الأرض نعوشّا
وفي الحلة الجمال مسروفة لاعِنْ وشّا
كاسيهم عفاف سعف الخُلُق عارشّا
ومن غيرن يمين قزاز بدورلو منشة

imported_سجمان

09-08-2011, 06:10 PM

ينصر دينك يا اللّصم..

كضب البقول في الدنيا مالكم لازمة
مخلوقين سند بتشلو للمتلازمة
لي حاجة البيوت دايماً جيوبكم حازمة
...

وما تمت..:D
بالنية..

كضب البقول في الدنيا مالن داعي
مخلوقين سكينة وليهن ألف دواعي
ما مليت تعب يكدح تملي ضراعي
في شان جيهتن في الليل أقع ما واعي

imported_سجمان

09-08-2011, 06:16 PM

بتمشي الحال..
مُش..؟

حالك إنت ان شاء الله يا يمة دايماً ماشي
في قافياتنا ليك كم من درر وحواشي
جر النم معانا شايفك مطنش وكاشي
ليك في القافية نجمة ويا دوب أخوك أمباشي

imported_سجمان

09-08-2011, 06:23 PM

يا السارة الحبيبة..تعالي لي بي جاي
ندوبي مع البريد الغنوة والحجّاي
المحبوب هناك في العيد قالي انا جاي
شاحدة الله الكريم يتمو لي رجاي

ويييييين يالسارة رحتي هملتي لينا بلودك
خليتي الفريق بي شوقو سَتْ مجلودك
شوفي الناس وراك لليلي ماسكة ورودك
والسابوك حسارى من يوم طقش بارودك

مي هاشم

09-08-2011, 11:55 PM

الله أكرم وتصومي وتفطري علي خير..

السجمان دا كلامك دا بسجمو زيادة
فخلو رايات الشكر دي منكسة لحين مرور
النمات بمسارقة..

خريفاً انبهل غمر الأرض نعوشّا
وفي الحلة الجمال مسروفة لاعِنْ وشّا
كاسيهم عفاف سعف الخُلُق عارشّا
ومن غيرن يمين قزاز بدورلو منشة

الشكرة هيلك ما بدّورلا راية وصاري
ما كُست المديح مجّاني لا بمصاري
يكفينا الجدع والنم معاك عصاري
يا السجمان عدوك حاشاك ماك الصاري

imported_جيجي

10-08-2011, 12:10 AM

اها يعني انتوا حتقعدوا تشكروا كدا في بعضكم لمتين:p

مي هاشم

10-08-2011, 12:37 AM

اها يعني انتوا حتقعدوا تشكروا كدا في بعضكم لمتين:p

حبابك معانا..نختم للشكر يا جيجي ونشوف موضوع تاني:D

نحن أولاد معزة ما فينا واحداً هامل
ما فينا اللئيم ولا اللّضينة الخامل
ونحن الحق رفيقنا والله ما بنجامل
في الدرب العديل كل المعانا نزامل

مي هاشم

10-08-2011, 12:44 AM

من تالا الشروق لمع البرق لي كوّى
أصبح كالسقيم من الحِسار أتلوّى
لمتين للمدينة أوصل هناك أتحوّى
في جاه الرسول السّاد جميع جنى حوّا

صلى الله عليه وسلم

imported_أبو أماني

10-08-2011, 03:12 AM

imported_سجمان

10-08-2011, 07:19 PM

اها يعني انتوا حتقعدوا تشكروا كدا في بعضكم لمتين:p

ما قاصدين شكر نلقالنا فوقو دراهم
ولو كسير تلج بالمعنى جينا نساهم
الشكر إن بقيت لي زول بيعرف وفاهم
لي علاج الروح فاق الحبوب ومراهم

imported_سجمان

10-08-2011, 07:25 PM

من تالا الشروق لمع البرق لي كوّى
أصبح كالسقيم من الحِسار أتلوّى
لمتين للمدينة أوصل هناك أتحوّى
في جاه الرسول السّاد جميع جنى حوّا

صلى الله عليه وسلم

الليلة الرعود فوق راسي سون قوق
أصبح كالسقيم أتلوى كالواسواق
لمتين للمدينة كاتلني ليها الشوق
في جاه الرسول الروح تحلق فوق

عليه أفضل الصلاة والتسليم..

imported_سجمان

10-08-2011, 07:31 PM

يا ربي مقصودة ولا جات بالصدفة..!!
حبائب يتلقوك يتغابـوا فيك العـرفة..
فتحوا لينا عديييل وشوقنا مالي القفة
والسجمان مبسوط كمان دردملو سفة!!
؟؟؟؟؟؟؟؟؟؟؟
:D:D:D
اللبيب بالأشارة يفهم!!!

فرحان بالزيارة والروح هديك عانقّا
من زمن البعاد من الرقاب خانقّا
السفة إن بقيت بعد الفطر شانقّا
ليه بتلومني عاد داير تجيب لي نقّا

imported_جيجي

11-08-2011, 08:50 AM

ما قاصدين شكر نلقالنا فوقو دراهم
ولو كسير تلج بالمعنى جينا نساهم
الشكر إن بقيت لي زول بيعرف وفاهم
لي علاج الروح فاق الحبوب ومراهم
الشكر ان بقى لي زول بيعرف وفاهم
تتخازز رويحته ويعمل كمان مافاهم
الفهم ان وفر ماعايزله ياخي ملاحم
ولو كسير تلج عارفاك هميم ومزاحم:p

imported_أبو دعد

11-08-2011, 11:56 AM

الشكر ان بقى لي زول بيعرف وفاهم
تتخازز رويحته ويعمل كمان مافاهم
الفهم ان وفر ماعايزله ياخي ملاحم
ولو كسير تلج عارفاك هميم ومزاحم:p

كسير التلج ما ليهو تب لزوم
و الشكر معاى اح ووحيح وبزوم
الزول الفاهم شكرنا ليهو رزوم
خلى رمضان اليعدى وتانى انا ملزوم

imported_أبو دعد

11-08-2011, 11:59 AM

يا الماشى الهند سلم لى على سجمان
و قول ليهو ات شن عامل مع رمضان
الناس هنا فى رجاك مجهزا الخرفان
كتر لينا من الصندل و بخور ام التيمان

imported_سجمان

11-08-2011, 05:10 PM

الشكر ان بقى لي زول بيعرف وفاهم
تتخازز رويحته ويعمل كمان مافاهم
الفهم ان وفر ماعايزله ياخي ملاحم
ولو كسير تلج عارفاك هميم ومزاحم:p

:rolleyes::rolleyes:

سمح الزول وكت يلقى البواجبو يواجبو
يبذلو الشكر كيتاً علي المو عاجبو
كسّار التلج دايماً بدسو وحاجبو
زولاً من يشوفك تلقاهو رفّع حاجبو (لايك زسlooool)

imported_سجمان

11-08-2011, 05:20 PM

يا الماشى الهند سلم لى على سجمان
و قول ليهو ات شن عامل مع رمضان
الناس هنا فى رجاك مجهزا الخرفان
كتر لينا من الصندل و بخور ام التيمان

السجمان أخوك من فاتك إت دركان
لعبوبو الهنود زادوهو في الأحزان
بقيت متل الجِلِيد داك الصبح مطران
وكان قت الصعود من جيت يمين خرمان

imported_جيجي

11-08-2011, 07:47 PM

:rolleyes::rolleyes:

سمح الزول وكت يلقى البواجبو يواجبو
يبذلو الشكر كيتاً علي المو عاجبو
كسّار التلج دايماً بدسو وحاجبو
زولاً من يشوفك تلقاهو رفّع حاجبو (لايك زسlooool)الشكر البتواجبو عاد شن طعمو
اخير منه قدحا طاعم ملاحو ولقمو
لايك زسlooool يمين.او حتى عاد لو قرمو
والزول ان تقل سايلنت بوصل فهمو:p

imported_سجمان

11-08-2011, 08:33 PM

الشكر البتواجبو عاد شن طعمو
اخير منه قدحا طاعم ملاحو ولقمو
لايك زسlooool يمين.او حتى عاد لو قرمو
والزول ان تقل سايلنت بوصل فهمو:p

الزول إن بقيت داير يشبّع نهمو
كم ضاق التجارب في ريدنا يامن قهمو
النضم إن سِخِن في الضلعة بخفس سهمو
تشوف الزول هنوووك من ردو باين طهمو:p

الغمامة ان جات.. تدلا للراجيها
للحارث وطاتو رب العباد مزجيها
تنزل عليهو سلام حتى ان كتر هرجيها
وما حسّابا زول من أصلو كان كاجّيها

imported_جيجي

11-08-2011, 10:51 PM

الزول إن بقيت داير يشبّع نهمو
كم ضاق التجارب في ريدنا يامن قهمو
النضم إن سِخِن في الضلعة بخفس سهمو
تشوف الزول هنوووك من ردو باين طهمو:p

ااالزول ان بقيت داير يشبع نهمو
لزولي الجميل يرمي وينشن سهمو
الفي ريدك وقع ياخي عاد ماسجمو
ماشاف البنات كيف من دريبك نجعوgoood

imported_حافظ اسماعيل احمد

11-08-2011, 11:03 PM

الزول ان بقيت داير يشبع نهمو
لزولي الجميل يرمي وينشن سهمو
الفي ريدك وقع ياخي عاد ماسجموا
ماشاف البنات كيف من دريبك نجعواgoood

الزول الجميل ما بتغباهو عيوني
صورتي الفي الخيال ماليهو شجوني
بس كيف زول سجمان يأذنلو دخولي
لو فزعتو في الديار بقرش شراه خيولي

imported_جيجي

11-08-2011, 11:16 PM

الزول الجميل ما بتغباهو عيوني
صورتي الفي الخيال ماليهو شجوني
بس كيف زول سجمان يأذنلو دخولي
لو فزعتو في الديار بقرش شراه خيوليالزول الجميل من كلمة ظاهر نوره
ومن فنه الجميل راسم معاه شجونه
سجمان ماعنده زول ماشايفه واقف طوله
ساكي المطرة ساااي لمين وجعله رجوله:p

imported_فيصل سعد

12-08-2011, 07:09 AM

شن تشبه بلا المهره ام لهيجا اذاني
قولة أح تتش جوه وتقيد نيراني
وين الراحة من زولا شوقو شقاني:)
صِبح عيان عديل نار الوحيح حارقاني

الليلة زفوا الخبر
من جمعة باكرية
و البندق ضرب
شق الفريق نصية

الناس هللت قالت
عديل يا بنية
بت راجلا اصيل
ركازة اللحوية

يا الفارس امانة رقبتك
تبقى ليها فدية
و ما تشمت علينا الناس
الديمة فيك محرية

و ابشروا بالخير ..

imported_أبو دعد

12-08-2011, 03:37 PM

االزول ان بقيت داير يشبع نهمو
لزولي الجميل يرمي وينشن سهمو
الفي ريدك وقع ياخي عاد ماسجمو
ماشاف البنات كيف من دريبك نجعوgoood

معذرة...فى البيت الاخير
ماشاف البنات كيف تبعن نجمو

imported_جيجي

12-08-2011, 04:44 PM

معذرة...فى البيت الاخير
ماشاف البنات كيف تبعن نجموجنس تلج مكسر:eek:
يستاهل كبايتي حقت الحلومر دي:p
مش قلنا الشكر مضر بالفهم
انا غايتو مصرة على بيتي ومامتنازلة عنه

imported_سجمان

31-08-2011, 07:36 PM

الزول الجميل ما بتغباهو عيوني
صورتي الفي الخيال ماليهو شجوني
بس كيف زول سجمان يأذنلو دخولي
لو فزعتو في الديار بقرش شراه خيولي

الزول الجميل يا خلي باين زرعو
من تيراب نضيف في عزلو ناس استرعو
لي إذن الدخول سجمان مرورك شرعو
وما حصل في يوم الجونا هنا إنقرعو

imported_سجمان

31-08-2011, 07:40 PM

الليلة زفوا الخبر
من جمعة باكرية
و البندق ضرب
شق الفريق نصية

الناس هللت قالت
عديل يا بنية
بت راجلا اصيل
ركازة اللحوية

يا الفارس امانة رقبتك
تبقى ليها فدية
و ما تشمت علينا الناس
الديمة فيك محرية

و ابشروا بالخير ..

حباب الجانا داخل في حرفو نكعة وهزة
حباب الفي الرجال ما ضاق شراب البزة
من لبوات أسود راضع أصالة وعزة
للفات الحدود من حد رويسو انجزّ..

دا التلج العلي أصولو..looool
حبا ود سعد في راكوبتو..

imported_طارق صديق كانديك

31-08-2011, 07:42 PM

شوفتك والفرح .. اخوان عديل بالرضعة
ومن هلت حروفك أحزاني جات منقرعة
يالسجمان أخوي عيدك مخاتي الشِرعة :D
لا طيبين لا كيف حالكم .. نقع في الترعة ؟:D

imported_سجمان

31-08-2011, 07:44 PM

الشوق يا أخلا في الريد حديثو براهو
القلب إن سهى أفكارنا تجري وراهو
كالسوءات وحاتكم وكتين يدور نبراهو
فهل صفق الشدر آدم قبييييل واراهو

imported_طارق صديق كانديك

31-08-2011, 07:52 PM

الشوق يا أخلا في الريد حديثو براهو
القلب إن سهى أفكارنا تجري وراهو
كالسوءات وحاتكم وكتين يدور نبراهو
فهل صفق الشدر آدم قبييييل واراهو

هِن جيت للغرام قلبي الحنين آزاهو
قدر مانقول نتوب نرجعلو في مقفاهو
الصدر الطمح وكتين يسوي سواهو
دا الخلانا نغرق جت نباري وراهو :)

imported_سجمان

31-08-2011, 07:58 PM

شوفتك والفرح .. اخوان عديل بالرضعة
ومن هلت حروفك أحزاني جات منقرعة
يالسجمان أخوي عيدك مخاتي الشِرعة :D
لا طيبين لا كيف حالكم .. نقع في الترعة ؟:D

المتلك يمين لو القدم مطلوق
نركبلو إم جناح ولّ القماري أم طوق
معايدة الهواتف يا خلي بس خازوق
من تقفل خلاص ينهبنا تاني الشوق

العيد يالحبيب زايد علي في سقمو
مافي سوى الإجازة لي الله نشكر نعمو
القاعدين بعيد مهما ن بقيتاً زعمو
عيداً بلا الأحباب يا خلي ماسخ طعمو

imported_سجمان

31-08-2011, 08:02 PM

هِن جيت للغرام قلبي الحنين آزاهو
قدر مانقول نتوب نرجعلو في مقفاهو
الصدر الطمح وكتين يسوي سواهو
دا الخلانا نغرق جت نباري وراهو :)

الزول السكن في الحلة زان لي برجو
تلقاها الخلوق واقفين حداهو يعرجو
السبب القبيل زاد القليب في دَرْجو
محل ما تمس اديْتَك تلقاهو كل ما ترجو

imported_سجمان

31-08-2011, 08:19 PM

تلاتة شهور تمام والعين مفارقة غميدة
وكل ما مر ليل الشوق يزيد تنهيدة
زولاً في القلب اطيافو فيني حشيدة
حد ما يكون غفل ذكراهو تدي نقيدة

imported_طارق صديق كانديك

31-08-2011, 08:20 PM

المتلك يمين لو القدم مطلوق
نركبلو إم جناح ولّ القماري أم طوق
معايدة الهواتف يا خلي بس خازوق
من تقفل خلاص ينهبنا تاني الشوق

العيد يالحبيب زايد علي في سقمو
مافي سوى الإجازة لي الله نشكر نعمو
القاعدين بعيد مهما ن بقيتاً زعمو
عيداً بلا الأحباب يا خلي ماسخ طعمو

زاهيات الخدود أمات حديثن طاعم
شافيات العلل أمات ملامسن ناعم
حقيت الحلف تب ما بغالطك زاعم
والقمري ان سخى وشالني جيتك داعم

العيد في الصفوف الناصعات جلابن
البهم انقرع .. وبيوتنا ناح كلابن
ضراعاتن مشحطة تب مابنكوس حلابن
عيدا في الشِقق شن نفرو مقفول بابن

imported_سجمان

31-08-2011, 08:31 PM

زاهيات الخدود أمات حديثن طاعم
شافيات العلل أمات ملامسن ناعم
حقيت الحلف تب ما بغالطك زاعم
والقمري ان سخى وشالني جيتك داعم

العيد في الصفوف الناصعات جلابن
البهم انقرع .. وبيوتنا ناح كلابن
ضراعاتن مشحطة تب مابنكوس حلابن
عيدا في الشِقق شن نفرو مقفول بابن

عزيت الكلام يا خلي من دون حلفو
والمتلك يمين عازر الصديق في ظرفو
الزول المتل ريحة العنابر كرفو
والقربين صديرو معمرات في ظرفو

الجسم إمّلخ والنوم بشوفو اتخزز
فوق ظبيات رفاعة الباب علينا اترزز
العيد في سماهن يا خلي بقى يتعزز
والنَفَس الهنا بيناتنا باقى مجزز

imported_طارق صديق كانديك

31-08-2011, 08:51 PM

عزيت الكلام يا خلي من دون حلفو
والمتلك يمين عازر الصديق في ظرفو
الزول المتل ريحة العنابر كرفو
والقربين صديرو معمرات في ظرفو

الجسم إمّلخ والنوم بشوفو اتخزز
فوق ظبيات رفاعة الباب علينا اترزز
العيد في سماهن يا خلي بقى يتعزز
والنَفَس الهنا بيناتنا باقى مجزز

الزول الصعب تكتب تجيد في وصفو
تسبقك المعاني وكتين تناغم .. حرفو
تكتب بي عدِل عقبا يلاويك صرفو
والصبر انحمق باقيلنا نفتح كشفو

فايحات العطور أمات أنينن .. كتمة
البسمة ان بقت في الليل تضوي العتمة
عايمات في المشي تب مابخالفن رتمة
خالفات الكوي في قلوبنا ساوات رسمة

imported_سجمان

31-08-2011, 09:09 PM

الزول الصعب تكتب تجيد في وصفو
تسبقك المعاني وكتين تناغم .. حرفو
تكتب بي عدِل عقبا يلاويك صرفو
والصبر انحمق باقيلنا نفتح كشفو

فايحات العطور أمات أنينن .. كتمة
البسمة ان بقت في الليل تضوي العتمة
عايمات في المشي تب مابخالفن رتمة
خالفات الكوي في قلوبنا ساوات رسمة

من درفون سغيييير محق صبوري تلفّا
وحين وصل البلوغ ضع ضع عضاي جلفّا
في العشرين يمين لو مرة رجلو خلفّا
كان عفريت نبينا صعبت عليهو الرفّا

عرجون الشمال شايل تميرو اتهدل
من تمر المدينة اتهجن سبيطو اتعدل
الفاق في الصفار لاح بي بسيمو ووقل
سابني عليو أهوقي وجه سهامو وزقّل

imported_نبراس السيد الدمرداش

31-08-2011, 09:11 PM

فايحات العطور أمات أنينن .. كتمة
البسمة ان بقت في الليل تضوي العتمة
عايمات في المشي تب مابخالفن رتمة
خالفات الكوي في قلوبنا ساوات رسمة

يعلم الله شفتهن قبل دقايق على شاشة النيل الازرقlooool

imported_سجمان

31-08-2011, 09:18 PM

يعلم الله شفتهن قبل دقايق على شاشة النيل الازرقlooool

ناس النيل كلامن يا نيبو فيهو عجايب
المكياج وحاتك دافعات عليهو ضرائب
ما خلن عسل مخلوط معاهو الرائب
داير القالي واحدة لكين خزلني النايب#

#إشارة للعمر..

احمد زين

31-08-2011, 09:22 PM

تلاتة شهور تمام والعين مفارقة غميدة
وكل ما مر ليل الشوق يزيد تنهيدة
زولاً في القلب اطيافو فيني حشيدة
حد ما يكون غفل ذكراهو تدي نقيدة

وكيف الشورة يا اخوي إن بقتلي بعيدة
شوفة المن صباها مندية وفرهيــدة
السبب المخلــي افكــاري ديمة شريدة
فيها دلال مع نفرة غـــزال وعنيــدة

imported_نبراس السيد الدمرداش

31-08-2011, 09:28 PM

ناس النيل كلامن يا نيبو فيهو عجايب
المكياج وحاتك دافعات عليهو ضرائب
ما خلن عسل مخلوط معاهو الرائب
داير القالي واحدة لكين خزلني النايب#

#إشارة للعمر..

لالالالالالالالالالا
ديل لا بدره لا احمر
ديل بنات امهرا يعلم الله بلا المهرات ما بشبهن شيء

ياخي ما بعرف لنمكم دا:mad:

imported_سجمان

31-08-2011, 09:34 PM

وكيف الشورة يا اخوي إن بقتلي بعيدة
شوفة المن صباها مندية وفرهيــدة
السبب المخلــي افكــاري ديمة شريدة
فيها دلال مع نفرة غـــزال وعنيــدة

تعكّل من بعيد أرياحا عابكة الجو
مطرق خيزران جسيمو طاع باللو
كان مو النبي الكريم عرّف عمايل لو
لفاقت في الجمال كل الذين علو

imported_سجمان

31-08-2011, 09:42 PM

لالالالالالالالالالا
ديل لا بدره لا احمر
ديل بنات امهرا يعلم الله بلا المهرات ما بشبهن شيء

ياخي ما بعرف لنمكم دا:mad:

ديل المتل بلبل قزاز في لمعو
والليل أب كبس نارنو صارن شمعو
لو شافن فؤاد كيفن بنقدر قمعو
وود العين وحاتك فد شوفة هتّف دمعو

احمد زين

31-08-2011, 09:51 PM

لالالالالالالالالالا
ديل لا بدره لا احمر
ديل بنات امهرا يعلم الله بلا المهرات ما بشبهن شيء

ياخي ما بعرف لنمكم دا:mad:

في وشوشن تقول شبه القزازةاللامعة
وفي لونن بياض مع صفرة صافية وفاقعة
سليلات امهرة الموية عيونن ناقعة
دايرقربهن وبعدو التدكني صاقعة

imported_سجمان

31-08-2011, 10:00 PM

دايرقربهن وبعدو التدكني صاقعة
برية يا يابا

:D:D:D:D:D:D:D

اضحك الله سنك

imported_ود الخير

31-08-2011, 10:04 PM

في وشوشن تقول شبه القزازةاللامعة
وفي لونن بياض مع صفرة صافية وفاقعة
سليلات امهرة الموية عيونن ناقعة
دايرقربهن وبعدو التدكني صاقعة

هلاّ هلاّ
كلامك سمح شديد
لكن الكلام دا ممنوع صرفه خارج الحدود
كل عام وأنتم بخير

imported_سجمان

31-08-2011, 10:07 PM

هلاّ هلاّ
كلامك سمح شديد
لكن الكلام دا ممنوع صرفه خارج الحدود
كل عام وأنتم بخير

حباب ود الخير وكل سنة وإنت طيب

imported_طارق صديق كانديك

31-08-2011, 10:08 PM

ياخي متعكم الله بالمحبة والجمال ..

والله دكتور في دي بالغت:

دايرقربهن وبعدو التدكني صاقعة

:)

imported_سجمان

31-08-2011, 10:25 PM

ماها الفي البنات خفيفة نسمة تشيلا
لا جترة بتخوجل في القَلّة ميهة تقيلا
الخُلق الجميل والزوق دوام إكليلا
ضوق ليما العسل معطونة فيو قنديلا

احمد زين

31-08-2011, 10:27 PM

ياخي متعكم الله بالمحبة والجمال ..

والله دكتور في دي بالغت:

:)

كل سنة وانت طيب يا جميل

جيب زيو وبطل حركات نيبو وود الخير دي:D

imported_طارق صديق كانديك

01-09-2011, 11:11 AM

كل سنة وانت طيب يا جميل

جيب زيو وبطل حركات نيبو وود الخير دي:D

:D:D

وانت طيب ياخي

أها أمسك:

في وشوشن تقول شبه القزازةاللامعة
وفي لونن بياض مع صفرة صافية وفاقعة
سليلات امهرة الموية عيونن ناقعة
دايرقربهن وبعدو التدكني صاقعة

زي فرخ القطا تنقز تميل جنحاتا
وفي لونن سمار ليهو القلوب تتهاتا
العجب العجيب وكتين تلاقي سابتا
تسوي التح عدييل نرقد جميعا واطا :)

imported_سجمان

01-09-2011, 11:50 AM

وكيف الشورة يا اخوي إن بقتلي بعيدة
شوفة المن صباها مندية وفرهيــدة
السبب المخلــي افكــاري ديمة شريدة
فيها دلال مع نفرة غـــزال وعنيــدة

المتل النخل مالت ومال جريدا
جهجهت الوريد حين ماشة تلت إيدا
ما بتنال رضاها مهمن كتبت قصيدة
وقضيتك يالحبيب لابد من تصعيدة

imported_طارق صديق كانديك

01-09-2011, 12:01 PM

ماها الفي البنات خفيفة نسمة تشيلا
لا جترة بتخوجل في القَلّة ميهة تقيلا
الخُلق الجميل والزوق دوام إكليلا
ضوق ليما العسل معطونة فيو قنديلا

شن تشبه بلا الملكة التخِيل تتقدل
بسمها يضوي والديس النزل يتهدل
وود العين سهم ضارب حالي اتبدل
لازمنو الصبر خايفين بلاه نتبهدل

imported_سجمان

01-09-2011, 12:01 PM

:D:D

وانت طيب ياخي

أها أمسك:

زي فرخ القطا تنقز تميل جنحاتا
وفي لونن سمار ليهو القلوب تتهاتا
العجب العجيب وكتين تلاقي سابتا
تسوي التح عدييل نرقد جميعا واطا :)

درفونة عُشُب جوّانا ساوا البدعة
فاتت لي البنات في جملتن بي ركعة
البال انصنج مي نافعة فيهو اللكعة
والحال العلي جاهلاً مفوت رضعة

imported_طارق صديق كانديك

01-09-2011, 12:12 PM

درفونة عُشُب جوّانا ساوا البدعة
فاتت لي البنات في جملتن بي ركعة
البال انصنج مي نافعة فيهو اللكعة
والحال العلي جاهلاً مفوت رضعة

وحلانة المشي أما الخشيم بس ودعة
رايقة حنينة عندها فوق ندايدا سجعة
نارا في الحشا تشلع تجيك مندرعة
يوت من شافا جنّ خلا الوقار والورعة

imported_سجمان

01-09-2011, 12:25 PM

شن تشبه بلا الملكة التخِيل تتقدل
بسمها يضوي والديس النزل يتهدل
وود العين سهم ضارب حالي اتبدل
لازمنو الصبر خايفين بلاه نتبهدل

شن تشبه بلا.. الفي صباحي شروقا
شتلة فساقي.. وصندل هنود ماروقا
الكفل التقيل جهجه معا المخروقة
يا خل بالصبور الجتة جت محروقة

imported_سجمان

01-09-2011, 12:30 PM

وحلانة المشي أما الخشيم بس ودعة
رايقة حنينة عندها فوق ندايدا سجعة
نارا في الحشا تشلع تجيك مندرعة
يوت من شافا جنّ خلا الوقار والورعة

فارق من زمان درب الدرفّن وسهرو
فارقت النميم ليلاً بزيد لي قهرو
الجيل الجديد يا خلي يامن ظهرو
جنن الشباب والماش مدنقر ظهرو

imported_فخري الزين

02-09-2011, 08:54 AM

وحلانة المشي أما الخشيم بس ودعة
رايقة حنينة عندها فوق ندايدا سجعة
نارا في الحشا تشلع تجيك مندرعة
يوت من شافا جنّ خلا الوقار والورعة
حويتها من العيون بي يس والمساني السبعه
ام سماحن . .. يخلي الزول دوام في خُلعه
اللا وردت حفير..لا ضاقت مرقت الفزعه
ضاويه ونايره زي القمروكتين يدبل سبعه

imported_فخري الزين

02-09-2011, 09:07 AM

شن تشبه بلا.. الفي صباحي شروقا
شتلة فساقي.. وصندل هنود ماروقا
الكفل التقيل جهجه معا المخروقة
يا خل بالصبور الجتة جت محروقة

زي مهر الصبق وكتين تمشي تلين
من الردف التقيل مشيها ليهو انين
وان نضمت كلاما زاتو حنيييييين
زي كلمه عفو ورضا الوالدين

imported_طارق صديق كانديك

02-09-2011, 05:39 PM

حويتها من العيون بي يس والمساني السبعه
ام سماحن . .. يخلي الزول دوام في خُلعه
اللا وردت حفير..لا ضاقت مرقت الفزعه
ضاويه ونايره زي القمروكتين يدبل سبعه

الحبيب كيفنك ياخي وكل عام وانت ومن حولك بخير ..

أها أمسك:

وسط الدارة جات تقدل وايد منجدعة
والصدر الطمح يرجف يسوي البِدعة
ان ماست تقول .. تباقالا آخر فدعة *
وان راقت هناك حلوة وبهية ووادعة

هامش للعمدة عكود فنجرة مني ساااااي :)

imported_علاءالدين عبدالله الاحمر

02-09-2011, 06:40 PM

imported_سجمان

02-09-2011, 08:20 PM

حويتها من العيون بي يس والمساني السبعه
ام سماحن . .. يخلي الزول دوام في خُلعه
اللا وردت حفير..لا ضاقت مرقت الفزعه
ضاويه ونايره زي القمروكتين يدبل سبعه

يمين الشوق قوافل ..
كل الجايت وانت كيفك..

من درب البنات قفيت حُنْينْ باريني
والسعي في دروبن من اللحم باريني
قال ليا المنام في الليل أرح باريني
فايز ديمة هو يا حليل زمن بارّيني

imported_سجمان

02-09-2011, 08:39 PM

زي مهر الصبق وكتين تمشي تلين
من الردف التقيل مشيها ليهو انين
وان نضمت كلاما زاتو حنيييييين
زي كلمه عفو ورضا الوالدين

أكتب يا فقير دوّن كلامك وقولو
فسراع انكرب أنا شوقي كمّل حولو
فوسيبة دبر جرناً عَمَر قندولو
كلما دار يخش كازا الكفل لدخولو

imported_سجمان

02-09-2011, 08:52 PM

الحبيب كيفنك ياخي وكل عام وانت ومن حولك بخير ..

أها أمسك:

وسط الدارة جات تقدل وايد منجدعة
والصدر الطمح يرجف يسوي البِدعة
ان ماست تقول .. تباقالا آخر فدعة *
وان راقت هناك حلوة وبهية ووادعة

هامش للعمدة عكود فنجرة مني ساااااي :)

يا طارق حليل زمن الغناوي الخدرة
والزول في الوصف يرميهو غير ما يدرى
حليل زمن البنات الـ لا كريم لا بدرة
ستات اللهيج نَضِمِنْ يزيل الكدرة

imported_سجمان

02-09-2011, 09:22 PM

اقتباس:
المشاركة الأصلية كتبت بواسطة سجمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=403093#post403093)

المتل النخل مالت ومال جريدا
جهجهت الوريد حين ماشة تلت إيدا
ما بتنال رضاها مهمن كتبت قصيدة
وقضيتك يالحبيب لابد من تصعيدة

المتل الجريد فدعت سعف مشوشة
سوت في النسيم شبال هشوشة
مالت بالسبط تقل سقف معروشة
ماغير ام نادوس الجرت نم قفاي مغشوشة
جريت النم صبحت صحاري بيوضة
سرقن في القصيد والدم فرش تبروقة
لو ما الماحي جاد جرد عشم محبوبة
تاريك يا الوضي جيت تسرق المعشوقة
حرم ما فتاك بطلقة من خرطوشة
يا فريخ ماك ضراع شان تنال مريوضة
تاري القليب تلب وراها عشوشة
من دين قبل ديل نزلن خلاف نعوشة
ابلن ما سلاب حقن رباية بشوشة
ما قلاع ضعاف يوم بتلن بالنوشة
قاصات الدرب نزلن حداك عشوشة

مطراً مزازي الروح محل ما تقبّل
والغيمات هدووك من القمر بتشبّل
صيداً في الهويد غرود عيونو مسبّل
شال مني الصبر ساب العقل متهبل

الليلة الصعيد كبّن تعولو وخرّن
جنيات القطا شالن يقيني وفرّن
الحاكا أم حجول خطوات مشيهو شبرّن
هرد الجتة تب خلا الصبور اتعرّن

شهاني النجم غيماً سحابو اتقرّن
طرّاني الغرامو بيهو العيون ما قرّن
السدر النّبل بِكْر الابول الدرّن
ما اظن يالخليل درفون عليهو اتمرن

imported_azzam_farah

04-09-2011, 10:31 AM

imported_طارق صديق كانديك

05-09-2011, 10:51 AM

قامت تحاكي فُـلانة فـوق حَـروم الفـريـق تِدْخنْ
وجـلـسـن مـعـاهـا يِـونْـسَـنـا دور ودور يِتْـوَحَنْ
فوق في رِقْ ومِن صعيد عرجون الحقايِب تَخَنْ
إتـي لـيـنِـك مـو البِـوْقِـدولا جِـنِـسْ ولـعا وسَخَنْ

شكرا أخي عزام على تلبية الدعوة فذاك من ثناياك .. لك المودة:

اها امسك:

جات مايسة تحاكي الغيمة حت اخواتا منها وحّن
تالا اليُمنى في الفدعة الورِع في شوفتو قام اتمحّن
اما الصوت عجيب هدهد للكلام ومنو المخارج بحنّ
من يوما المشت ساجعة كما الحمام تطربلو كأنو ملحنّ

imported_تماضر حمزة

05-09-2011, 11:24 AM

جات مايسة تحاكي الغيمة حت اخواتا منها وحّن

:D:D:D

imported_طارق صديق كانديك

05-09-2011, 12:11 PM

:D:D:D

ماااااابحلك برضو :)

جري النم .. !!:D

imported_فيصل سعد

05-09-2011, 05:00 PM

حباب الجانا داخل في حرفو نكعة وهزة
حباب الفي الرجال ما ضاق شراب البزة
من لبوات أسود راضع أصالة وعزة
للفات الحدود من حد رويسو انجزّ..

دا التلج العلي أصولو..looool
حبا ود سعد في راكوبتو..

سموك السجم و ديمة خاتي منك و غاير
يا صاحب القلب فولاذ و جاشك فاير
عيدك مبارك و مقبول صيام الهند
تبراك السلامة و ضحيتك في السند

imported_أبو دعد

05-09-2011, 07:21 PM

:D:D:D

جات مايسة زى الغيمة الشال براقا
مشيها يحاكى بلقيس يوم كشفت ساقا
الدنيا ام قدود دايما للحبايب... فراقا
من فرق ام لهيجا سكر اصابتنا الفاقا

imported_فخري الزين

15-09-2011, 07:28 AM

كل ما اقول اتوب من الغرام واستغفر
قلبي يحن للفي المشي يلين ويتكسر
حارق قلبي وكبدي ودمي زاتو اتجفر
اب خصرا قبضه وتفاحو يادوب خدر

imported_فخري الزين

18-09-2011, 07:03 AM

الزمن اللعين الليله قبل عليً ودوًر كوزو
شربني الحناضل ... بعد فواكهو وموزو
بعدني من الزول المقسم وكتيره حٍزوزو
اب طرفا كحيل وواحل وزي المدافع جوزو

imported_أبو دعد

28-09-2011, 03:17 PM

كل ما اقول اتوب من الغرام واستغفر
قلبي يحن للفي المشي يلين ويتكسر
حارق قلبي وكبدي ودمي زاتو اتجفر
اب خصرا قبضه وتفاحو يادوب خدر

كل ماادوراتوب ابليس يلولح راسو
يقولى لا توب التابوا قبلك خاسو
ازول المكمل من قدمو لى راسو
فى مشيهو قائد ا و حوالى حراسو

imported_أبو دعد

28-09-2011, 03:22 PM

الزمن اللعين الليله قبل عليً ودوًر كوزو
شربني الحناضل ... بعد فواكهو وموزو
بعدني من الزول المقسم وكتيره حٍزوزو
اب طرفا كحيل وواحل وزي المدافع جوزو

الزمن اللعين الليلة قلب على دولابو
فتل لى حبال الفتن و كتر على اسبابو
شربنى الحناضل ذى الفارق احبابو
بتين يرجعنى لىزولا والفت على محرابو

imported_زول الله

29-09-2011, 05:27 PM

الزمن اللعين الليلة قلب على دولابو
فتل لى حبال الفتن و كتر على اسبابو
شربنى الحناضل ذى الفارق احبابو
بتين يرجعنى لىزولا والفت على محرابو
من قومة الجهل فايت على أصحابو
مرفـوع الجبين خِـلقة ومدلـى حجابو
الخلـى الفــؤاد طــربان وبايـن نابــو
قال: طارينا بالجيــة وحبابـو حبابـو

imported_تماضر حمزة

05-10-2011, 12:33 PM

اب رسناً متل برق العوالي الصابت
كاتل حيلي بي نظرة عيون ماخابت
من حالي العليّ أمشي وبراي أتخابت
أكفكف في الدموع ألقى الرويحة انسابت

imported_تماضر حمزة

05-10-2011, 12:35 PM

فيهو سماح صفات زي التقول ميسوف
ودون مايمر عليّ قطّع معاهو كفوف
الساوّي الكيّ عليّ بي نارو حيّ مخلوف
صوتو الملك روحي وعبّاهو زُت الشوف

imported_فيصل سعد

07-10-2011, 06:25 AM

فيهو سماح صفات زي التقول ميسوف
ودون مايمر عليّ قطّع معاهو كفوف
الساوّي الكيّ عليّ بي نارو حيّ مخلوف
صوتو الملك روحي وعبّاهو زُت الشوف

يا خنساء زمانك جري القصيد بالنم
دوزني عصب الحروف الابت تنجم
يا ست حرف القصيد كيفا و كم
اروي عطش قوافي و اكسريهو الهم

imported_فخري الزين

16-10-2011, 05:35 PM

اب رسناً متل برق العوالي الصابت
كاتل حيلي بي نظرة عيون ماخابت
من حالي العليّ أمشي وبراي أتخابت
أكفكف في الدموع ألقى الرويحة انسابت
اب بسما متل برق السحابه الشالت
ممشوق قوام وصدرو موجتا هاجت
من العلي عيني فاتحه قالت وباتت
افتش للنفس كان فتحت خشيمه وقالت

imported_زول الله

16-10-2011, 09:24 PM

اب رسناً متل برق العوالي الصابت
كاتل حيلي بي نظرة عيون ماخابت
من حالي العليّ أمشي وبراي أتخابت
أكفكف في الدموع ألقى الرويحة انسابت
بـــرق القـبـلـــي لاح مـــن الصعيـــد يتـَابت
طلـق كــرف المـوسَـــم والنفــوس إنصــابت
انـظــر شــوف عمايلها في رويحتـي العابت
ساكـن في "الجريف" تلقاني راكب "طابت"

اقول قولي هذا واستغفر الله لي .................

احمد زين

30-11-2011, 10:42 PM

اب بسما متل برق السحابه الشالت
ممشوق قوام وصدرو موجتا هاجت
من العلي عيني فاتحه قالت وباتت
افتش للنفس كان فتحت خشيمه وقالت

اب رسناً متل برق العوالي الصابت
كاتل حيلي بي نظرة عيون ماخابت
من حالي العليّ أمشي وبراي أتخابت
أكفكف في الدموع ألقى الرويحة انسابت

بـــرق القـبـلـــي لاح مـــن الصعيـــد يتـَابت
طلـق كــرف المـوسَـــم والنفــوس إنصــابت
انـظــر شــوف عمايلها في رويحتـي العابت
ساكـن في "الجريف" تلقاني راكب "طابت"

اقول قولي هذا واستغفر الله لي .................

نسام الصعيد فاح بالروائح الفاحت
جاب كرف ام رشيم هيج رويحتي الراحت
زي مكسورة الجناح الفي الخمائل صاحت
اصبح حالي كل ما اقوم اقع واتاحت

imported_زول الله

01-12-2011, 12:31 AM

نسام الصعيد فاح بالروائح الفاحت
جاب كرف ام رشيم هيج رويحتي الراحت
زي مكسورة الجناح الفي الخمائل صاحت
اصبح حالي كل ما اقوم اقع واتاحت
خيط جديد..
مـكســور الجنـاح ســواهـا بـي يدينـو
هيمـان بالـ يعـوم يقـدل وســط وزينو
هاك قولي النجيض يا ود محمد زينو
ريـد أُمات وضيب للزول ببشتن دينو

اقول قولي هذا واستغفر الله لي ...........

احمد زين

01-12-2011, 10:39 PM

[COLOR="Blue"]
خيط جديد..
مـكســور الجنـاح ســواهـا بـي يدينـو
هيمـان بالـ يعـوم يقـدل وســط وزينو
هاك قولي النجيض يا ود محمد زينو
ريـد أُمات وضيب للزول ببشتن دينو

يا زول الله اخوي شوف الزمن بشتينو
قلل نومي ... وفي التعذيب كِتِر تفنينو
ريد امات وضيب .. يا خلي ما ناسينو
الا شباب عيونا نشوف عجاج كرعينو

imported_عبد العظيم الطاهر

03-12-2011, 10:34 AM

يا زول الله اخوي شوف الزمن بشتينو
قلل نومي ... وفي التعذيب كِتِر تفنينو
ريد امات وضيب .. يا خلي ما ناسينو
الا شباب عيونا نشوف عجاج كرعينو

ود الأريل المتل الفناجيل عينو
في قلبي الوسيع إتمدا فار كرعينو
من حالي العلي انا قلبي الله يعينو
يلعب بيهو زي قشايا في أصابعينو

imported_عبد العظيم الطاهر

03-12-2011, 10:45 AM

خيط جديد..
مـكســور الجنـاح ســواهـا بـي يدينـو
هيمـان بالـ يعـوم يقـدل وســط وزينو
هاك قولي النجيض يا ود محمد زينو
ريـد أُمات وضيب للزول ببشتن دينو

اقول قولي هذا واستغفر الله لي ...........

مكسورة الجناح كسرت حشاي من جوّا
مالت في العضام ما خلّت الترقوا
شالت روحي تب لا حولا في لا قوّا
انا مكتول غرام ودايراها ساكت خوّا

imported_زول الله

03-12-2011, 11:14 AM

مكسورة الجناح كسرت حشاي من جوّا
مالت في العضام ما خلّت الترقوا
شالت روحي تب لا حولا في لا قوّا
انا مكتول غرام ودايراها ساكت خوّا

شوف ريد المقسم في الخلوق شن سوَا
قاعدين زي تقول في نار جمـر نتشـوَا
كل سـاعة السمـوم يلهب يزيد في القوا
مـكتـول الـغــــرام مـابشهـــدوه بالـخــوَا

اقول قولي هذا واستغفر الله لي .............

imported_عبد العظيم الطاهر

03-12-2011, 11:52 AM

شوف ريد المقسم في الخلوق شن سوَا
قاعدين زي تقول في نار جمـر نتشـوَا
كل سـاعة السمـوم يلهب يزيد في القوا
مـكتـول الـغــــرام مـابشهـــدوه بالـخــوَا

اقول قولي هذا واستغفر الله لي .............

شيّبنا الغرام يا اخويا يا زول الله
ومن تبينا في نيرانو يوت نتقلّى
كاتلانا ام جدايلاً في الكتوف تندلا
حاجبا زي هلالاً دابو ساعة هلاّ
وشّها بس قمر فجّا الدياجي وطلاّ
إستغفرت ليك من قولي عاد يا الله :D

imported_أبو أماني

03-12-2011, 04:46 PM

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=422100#post422100)

شوف ريد المقسم في الخلوق شن سوَا
قاعدين زي تقول في نار جمـر نتشـوَا
كل سـاعة السمـوم يلهب يزيد في القوا
مـكتـول الـغــــرام مـابشهـــدوه بالـخــوَا

اقول قولي هذا واستغفر الله لي .............

شوف ريد المقسم السوا فينا عمائل
مكتولين غرام بالله قول شن قائل...
من لمحة طريفو ياما ضقنا هوائل ..
شان لمسة خديدو إتمنيت أكون موبايل
اقول قولي هذا وأتمنى لو تحقق!!! .............:p

imported_عبد العظيم الطاهر

05-12-2011, 07:08 AM

اقتباس:
http://sudanyat.org/vb/images/buttons/viewpost.gif (http://sudanyat.org/vb/showthread.php?p=422100#post422100)

اقول قولي هذا واستغفر الله لي .............

شان لمسة خديدو إتمنيت أكون موبايل
اقول قولي هذا وأتمنى لو تحقق!!! .............:p

:D:D:D:p:):):)