راكوبة المجادعات.. النمة والدوباي [الأرشيف] - الصفحة 6

imported_عبدالله وداعه الامين

04-05-2012, 01:04 AM

آآآآبتنفعك آهة وتفك الحيرة
أنا ياشوقي ماعاوز اجيبلك سيرة
ميّت بالوله وكفني في التمتيرة
سببي الهواو حيطة وعليّ تجييرا

:D

مكسور القليب ماهو الدواهو جبيرة
ما بنفعلو جير كان جيروهو ضريرة
بصيرة الزول تشوف إلاها برضو ضريرة
عينك في الاذاك وايدك معاهو قصيرة

imported_عبدالله وداعه الامين

04-05-2012, 01:32 AM

الآهه والوحيح ما بفشّن المغبون
وحرّيق الكبد ترا حالة الممكون
شقّيش ما تفوت قالو لك المجنون
دا الحال يا الرّهيف وانا زيك آ المحزون

الحال من بعضو:D

الاه والوحيح هردن لهاتي وراضي
والفاضي ونصيح عامل لي فيها القاضي
يا شماتي ارح هاكم جميع اعراضي
صاب روحي وجريح كسّر قليبي الفاضي

imported_أبو دعد

06-05-2012, 10:44 AM

ابو دعد ياخ صباحك فل وورد وياسمين

صباحك فل وورد وياسمين وغيما ماطر
و تسلم ايدك البتكتب حروفك يا تما ضر
ديما تدخلى البهجة و تجبرى للخواطر
و البقرى كلامك فى رمضان ببقى فاطر

imported_تماضر حمزة

06-05-2012, 11:07 AM

صحي الآهـ آبتحِل لكن عُقُب بتريّح
وانت الشوق بلاك آآ السمحة ريحتو تفيّح
كتلانه ودوام ولهانه (تلجه تسيّح) :D
ريدك هو الأزاك قلبك صبِح متقيّح

محتاجة غيار على فكرة..:D
بس أوعي تقولي هو الدكتور:D:D

الدكتور البعيييد دا؟؟هو اللصقة والشاشة :D

مي هاشم

06-05-2012, 11:15 AM

مكسور القليب ماهو الدواهو جبيرة
ما بنفعلو جير كان جيروهو ضريرة
بصيرة الزول تشوف إلاها برضو ضريرة
عينك في الاذاك وايدك معاهو قصيرة

مكسور القليب جبيرتو في ليم حِبّو
ما بينفع عزيمه ولا دواياً يطبّو
بصيرة الزول تشوف إلاّهو برضو بغبّو
عينيو في الأزا كايسلو بيشحد ربّو

imported_أبو دعد

06-05-2012, 11:23 AM

مكسور القليب جبيرتو في ليم حِبّو
ما بينفع عزيمه ولا دواياً يطبّو
بصيرة الزول تشوف إلاّهو برضو بغبّو
عينيو في الأزا كايسلو بيشحد ربّو

بوصيك بالصبر و مواركة الأوراد
و العين البصيرةعلى تربية الأولاد
باكر الصباح بجيك من الله الإيراد
ماتنسى لدعاء للناس البقو منك بعاد

مي هاشم

06-05-2012, 11:23 AM

الاه والوحيح هردن لهاتي وراضي
والفاضي ونصيح عامل لي فيها القاضي
يا شماتي ارح هاكم جميع اعراضي
صاب روحي وجريح كسّر قليبي الفاضي

دحين يا اخوي لهاك براها هي المهَرودة؟؟
البسمة ما بيه تجيك.. هي فيك مي مغروده
والعبرات تسد حلقك جواو مزروده
بحلف باليمين أعضاكَ جت ميروده

مي هاشم

06-05-2012, 11:24 AM

صباحك فل وورد وياسمين وغيما ماطر
و تسلم ايدك البتكتب حروفك يا تما ضر
ديما تدخلى البهجة و تجبرى للخواطر
و البقرى كلامك فى رمضان ببقى فاطر

صباحك زين يا ابودعد

مي هاشم

06-05-2012, 11:26 AM

الدكتور البعيييد دا؟؟هو اللصقة والشاشة :D

أبو اللصق زاتو:D
مدد يا شاش جرحي ..:D

imported_أبو دعد

06-05-2012, 11:29 AM

صباحك زين يا ابودعد

صباحك نور و زين يا مى ..هاشم
يابدر التمام فى الدجى يهدى الهايم
يا شمس الغمام .... الخاتيا السمايم
احفظك ربى من غير عزيمة و تمايم

مي هاشم

06-05-2012, 11:31 AM

بوصيك بالصبر و مواركة الأوراد
و العين البصيرةعلى تربية الأولاد
باكر الصباح بجيك من الله الإيراد
ماتنسى لدعاء للناس البقو منك بعاد

يا أخوي الذكر جلساتو صح محضوره
والصبر العلى الطامات نفايلو جات موفوره
من الله المدد واااااااصل وفضايلو مي محصوره
سبحان الذي لا ينسا لا بدور شوره

imported_تماضر حمزة

06-05-2012, 11:33 AM

صباحك فل وورد وياسمين وغيما ماطر
و تسلم ايدك البتكتب حروفك يا تما ضر
ديما تدخلى البهجة و تجبرى للخواطر
و البقرى كلامك فى رمضان ببقى فاطر

مممممممم
في رمضان ببقى فاطر؟
ماعصرت عليّ لكن كدا:D:D

imported_أبو دعد

06-05-2012, 11:37 AM

يا أخوي الذكر جلساتو صح محضوره
والصبر العلى الطامات نفايلو جات موفوره
من الله المدد واااااااصل وفضايلو مي محصوره
سبحان الذي لا ينسا لا بدور شوره

ديمة حاضر جوابك و سمح ردك
اسأل ربى يحفظك و يزيد عقلك
امسكى فى الصبر دربو تب ما بودرك
ديمة فى الناس مشكورة و عالى قدرك

مي هاشم

06-05-2012, 11:38 AM

مممممممم
في رمضان ببقى فاطر؟
ماعصرت عليّ لكن كدا:D:D

:L

imported_أبو دعد

06-05-2012, 11:43 AM

مممممممم
في رمضان ببقى فاطر؟
ماعصرت عليّ لكن كدا:D:D

يا مى الحقى تماضر بقت فى الرد تتلكا
و اللاعبين سيجا غير الاعب بدو... سكا
وبكتب باليقين ما داخل على فى قولى شكا
بقت زى و د كانديك و كتين تجيهو ربكا

imported_تماضر حمزة

06-05-2012, 11:46 AM

جميل والله..لكن أسمعي..

حليل قصص الغرام في الجملة ماها حقيقه
فيها الغش كتييييير والبت تخونو رفيقا
والراجل البدور حرمانه يبقى طبيقا
وين زمن البصون الريده شاقي طريقه

قصص الغرام العندي ياخي حقيقة
اسبوع بالتمام ناحر قليبي عقيقة
والروح البريدا وردت شانا فريقا
ادتني البعاد انا شابّة فوقي حريقة

المطافي ياخوانا:p

imported_تماضر حمزة

06-05-2012, 11:56 AM

مكسور القليب ماهو الدواهو جبيرة
ما بنفعلو جير كان جيروهو ضريرة
بصيرة الزول تشوف إلاها برضو ضريرة
عينك في الاذاك وايدك معاهو قصيرة

الرابط قلبي ريدو وقلبي رابطو حريرة
دالالو الهلال قدلة مشاعري السيرة
والليد هن قصيرة وعيني ليهو بصيرة
سبورة قساهو مدامعي ويبقى ليّ طبشيرة

حلاة شخبتة:p

مي هاشم

06-05-2012, 11:59 AM

تماضر الظاهر حالة (فكّة الامساك) جاتك :D:D
بخليك لمن تهدي وناس المطافي يجو والقيامة دي تنتهي..gapgap
ما عندي قدرة على جنس ده والله..أعلن توبتييييييييييي

imported_تماضر حمزة

06-05-2012, 12:05 PM

لا خلاس
هووووووبا ساين اوت:D

imported_أبو دعد

06-05-2012, 07:41 PM

[QUOTE=تماضر حمزة;458171]الرابط قلبي ريدو وقلبي رابطو حريرة
دالالو الهلال قدلة مشاعري السيرة
والليد هن قصيرة وعيني ليهو بصيرة
سبورة قساهو مدامعي ويبقى ليّ طبشيرة

حلاة شخبتة:p[/QUOTE

الريد الرابط القلب بنحل كان قلتى خير
مو دايرلو سفرا بعيد و لا لبن طير
و العاقل برضى بى قسمتو ولو قمطير
كدى فكرى فى كلامى دا فى التلت الاخير

imported_أبو دعد

06-05-2012, 07:45 PM

قصص الغرام العندي ياخي حقيقة
اسبوع بالتمام ناحر قليبي عقيقة
والروح البريدا وردت شانا فريقا
ادتني البعاد انا شابّة فوقي حريقة

المطافي ياخوانا:p

قصص الغرام كتيرة و ما ليها حد
وكل يوم يصبح نلقاها علينا تتجدد
مافى منها مفر لامن ندخل ود الأحد
لكن حالفين يمين اصلا ما نفوت الحد

imported_طارق صديق كانديك

06-05-2012, 08:03 PM

وسط الدارة جات تقدل حلات النابل
تمشي وتنتني ما فيها شيتن زابل
مالياها الزهور تحلف تقول في بابل
كيف نقدر نتوب مع برقها المتنابلlooool

imported_أبو دعد

06-05-2012, 08:17 PM

وسط الدارة جات تقدل حلات النابل
تمشي وتنتني ما فيها شيتن زابل
مالياها الزهور تحلف تقول في بابل
كيف نقدر نتوب مع برقها المتنابلlooool

برقا الجهر العيون و حجاها
خلانى لا اخر الليل فى رجاها
شاحد ربى من الحسود ينجاها
ونقعد فى الراكوبة نسعد بى جاها

imported_طارق صديق كانديك

06-05-2012, 08:33 PM

برقا الجهر العيون و حجاها
خلانى لا اخر الليل فى رجاها
شاحد ربى من الحسود ينجاها
ونقعد فى الراكوبة نسعد بى جاها

الزول في الغنا نفسو بتلاقي هواها
وفوق امات وضيب نم دوبي في معناها
الشال المنام واعضاي كمان مصاها
ام بسما متل برق العشا الضواها

imported_أبو دعد

03-06-2012, 10:55 AM

الزول العيونو زى النجم الساطع
الخلانىديمة فى راكوبة سجمان قابع
كامل قوامو رايق كلامو فيهو مقاطع
رضيان جكمو حت كان الفصل السابع

مي هاشم

10-08-2012, 09:21 AM

فوق

اشتقنا للكلام ده ياخي

imported_جيجي

10-08-2012, 01:48 PM

مي والله ماتمشي ساي في الشهر الفضيل دا:)

نايرة وزاهية ديمة وزي البرق لصافا
عالية وكابي ديسها وللبصر خطافا
شن تشبه بلا المهرة العصت جلافا
ومتحوي ا لكريم يجعلني من لطافا

مي هاشم

10-08-2012, 10:08 PM

مي والله ماتمشي ساي في الشهر الفضيل دا:)

نايرة وزاهية ديمة وزي البرق لصافا
عالية وكابي ديسها وللبصر خطافا
شن تشبه بلا المهرة العصت جلافا
ومتحوي ا لكريم يجعلني من لطافا

يا سلام عليك يا جيجي..
ما جاتني حاجة اكرمك بيها في الشهر الفضيل ده..لكن بجيك ود كانديك بجيهك ويجيهنا..

imported_الجيلى أحمد

10-08-2012, 10:19 PM

أهلنا ناس النمة والدوباى,
أبشرو بالخير ...

عندى ياجماعة كلمة محيرانى معناها,
ولقيتا فى أغلب رميات وجدعات أهلنا ناس الجزيرة
والبادية السودانية النيلية..

كلمة (الديس)

imported_الجيلى أحمد

10-08-2012, 10:22 PM

هذه دعوة لأهل اللغات, بأن يشرحوا, ولنا نحن المتابعين لجميل هذا القول أن نفهم

مواهب

10-08-2012, 10:29 PM

imported_طارق صديق كانديك

10-08-2012, 10:44 PM

imported_الجيلى أحمد

10-08-2012, 10:51 PM

أفحمتنى ياطارق موسيقى ,
لكن السؤال لسه قايم

مي هاشم

10-08-2012, 11:25 PM

يا سلام عليك يا طارق

شكراً يا مواهب..طبعاً مثالك ده نفس الخطر على بالي:D

يا الجيلي مواهب جاوبتك.. الديس يعني الشَّعَر..التّفة gap

اشرف السر

10-08-2012, 11:52 PM

مواهب

11-08-2012, 12:07 AM

يا سلام عليك يا طارق

شكراً يا مواهب..طبعاً مثالك ده نفس الخطر على بالي:D

يا الجيلي مواهب جاوبتك.. الديس يعني الشَّعَر..التّفة gap

:)
أسعد الله مسائك مى

مواهب

11-08-2012, 12:08 AM

اعجبني سؤال الجيلي عن الديس.. واللي هو شعر الرأس..

وبما انو ظهر في ناس بتعرف معاني الكلمات الموغلة في القدم...

في كلمة واردة في شعر واغنيات الحقيبة وجننتني وما عرفت ليها معنى..

وهي كلمة الخنتيلة...

ما معنى الخنتيلة؟

لكن صعبتها شدييييد يا أشرف ...

وصـف الخنتيله جمال تاجوج المافى مثيله
كفاك يا زميل
رويحـتى قـتـيـلة قليبى يشابى حسب ترتيله
صدير هزاز وضميره فتيله وليها عيون اريل فى نتيله
وضيـبه زميـله تقوده بتاكى القامه يمـــيله
جبينه تلوح انواره جمـيله يفوق القمره بعد تكميـله
خـدوده أســيـله سناها يفوق غيماته عسيله
كتيفه نزل طاوع توسيله من الارداف ما لاقى وسيله
خـديره كحيله ضهيره رنع غــالباه الحيله
ضمير(الهيف) صفحاته نحيله صدير يرجح وارداف رحيله
عقولنا هزيله قلوبنا عليك كتر زلزيله
شوفة عارضك نغمه جزيله ترد الروح والغمه تزيله
خدرتك اصيله على النرجس يعظم تفصيله
عيونى نجوم الليل تحصيله مقاطع النوم ارجوك توصيله
الروبه ظليله طايله معتمه لاخمه دليله
لولا قمر محيك هالى له لكنا نتوه فى ظلمة ليله
ليها نفيله تعوم واكتافها يلازموا كفيله
وليها طباع الصيد جفيله عليها القافية وجب تقفيله

imported_جيجي

11-08-2012, 12:13 AM

ا

وهي كلمة الخنتيلة...

ما معنى الخنتيلة؟اقيف الننادي ليك شبارقة:)
واحدة قريبتي استاذة تربية اسلامية
سالت طالب سنة اولى في امتحان الشفهي
-ام الرسول اسمها شنو؟
قال ليها اقيفي الننادي ليك ابوعاقلة عارفها:D

علاء ابو حريرة

11-08-2012, 12:21 AM

يامي هاشم مساك الله بالخير والمحبة، قبل نجي للنمة خلونا نسمع :

الجميل (الديسو) كابي أصلو مخلوق لي عذابي *

http://darg3l.com/upp/1610_1250342189.mp3

* اهداء للعزيز الجيلي ولكم بمناسبة تشريفه لهذا البوست العتيق نطرب وننقز ونجي للكلام حين ميسرة:)
وا اسفاي كان الرايدو مو رايدني
وا اسفاي كان لي ديسو مو موسدني
الوجه قنابلو وبيهن اتقصدني
ياكانديك اخوي في نيران صقر قعدني
( بتصرف مع الاعتزار )

مي هاشم

11-08-2012, 12:34 AM

:)
أسعد الله مسائك مى

الله يسعد جميع اوقاتك يا مواهب

وحبابك بجاي..
ما تجدعيلك شي:D

علاء ابو حريرة

11-08-2012, 12:49 AM

البارح انا وقصبة مدالق السيل
في ونسة وبسط لامن قسمنا الليل
وقت النعام اتشقلبنبو الخيل
لا جادت ؟؟ ولا بخلت علي بلحيل

مي هاشم

11-08-2012, 01:14 AM

البارح انا وقصبة مدالق السيل
في ونسة وبسط لامن قسمنا الليل
وقت النعام اتشقلبنبو الخيل
لا جادت ؟؟ ولا بخلت علي بلحيل

في رمضان ده؟ :D

البارح انا وفرع الجريد الخدّر
في ونسة وبسط لامن جسيمي اتخدّر
وقتين حاكى اللّريل نظر واتحدّر
ما مُتّ وبقيت قفاهو محدّر

علاء ابو حريرة

11-08-2012, 01:25 AM

قلبا لي عند الما بايس ردو
لو حاييني لا ضمن المقابر اعدو
اليتمني طول عمري لابس حدو
بنيان الصبر قبال اتمو يهدو

مواهب

11-08-2012, 02:17 AM

في رمضان ده؟ :D

البارح انا وفرع الجريد الخدّر
في ونسة وبسط لامن جسيمي اتخدّر
وقتين حاكى اللّريل نظر واتحدّر
ما مُتّ وبقيت قفاهو محدّر
البارح انا شايالهو ليلى قصيبة ...
شارد فكرى ليهو يوصلا ويجيبا...
وقتين المنام لعينى مابى نصيبا ...
صليت للكريم لجروحى القى طبيبا ...

* يا مى ياخى البارح ما ضرورى الأمس القريب بس , علشان ما تقولى لينا فى رمضان دا :p

علاء ابو حريرة

11-08-2012, 02:44 AM

في رمضان ده؟ :D

البارح انا وفرع الجريد الخدّر
في ونسة وبسط لامن جسيمي اتخدّر
وقتين حاكى اللّريل نظر واتحدّر
ما مُتّ وبقيت قفاهو محدّر
البارح انا وصيد الارايل في حكاوي وغي
ضامينا النضم عشق الكلا م الحي
يرعاك الكريم ما تشوفوي شيتا سي
مو غلطان عمي هاشم ان سماك مي

هامش : لست شاعر لكني اتزوقه ..

imported_طارق صديق كانديك

11-08-2012, 08:43 AM

أهلنا ناس النمة والدوباى,
أبشرو بالخير ...

عندى ياجماعة كلمة محيرانى معناها,
ولقيتا فى أغلب رميات وجدعات أهلنا ناس الجزيرة
والبادية السودانية النيلية..

كلمة (الديس)

مسا الخيرات اخى الجيلى ...
حبيت ادلى بدلوى هنا مع اننى لست من اهل اللغات الذين عنيت :p
فى الشمال دارجة وهى تعنى الشعر ...
وتردد فى أغانى البنات
الكابى ديسا حلاتا .....
وطبعا اسم العروس مكان الفراغ
ولا أدرى ان كانت تحمل ذات المعنى فى بقية المناطق
تحياتى

لكن السؤال لسه قايم

صباح الخير يا حبيبنا

سؤالك بعد افادة اختنا مواهب ماعندو سبب يقوم كلو كلو :)

ولعل أنه من قبيل الاستطراد أن أقول أن كلمة (ديس) في الأصل هي نبات يشبه النجيلة وفي اخضراره الداكن يميل الى السواد؛ وهو ينمو دائما بغزارة؛ فشُبّه الشعر الكثيف به لجهة غزارته وجماله. وقد تبارى الكثيرون في استخدامه على هذا المعنى.

أو هكذا أظنlooool

imported_طارق صديق كانديك

11-08-2012, 10:24 AM

اعجبني سؤال الجيلي عن الديس.. واللي هو شعر الرأس..

وبما انو ظهر في ناس بتعرف معاني الكلمات الموغلة في القدم...

في كلمة واردة في شعر واغنيات الحقيبة وجننتني وما عرفت ليها معنى..

وهي كلمة الخنتيلة...

ما معنى الخنتيلة؟

يا أشرف كيف حالك ياخي

تناول عزيزنا ( شبارقة) في مفترعه الجميل لمحة عن بعض شعراء الأغنية السودانية معنى الخنتيلة التي تعنى الحسناء اللينة المتكسرة

http://www.sudanyat.org/vb/showthread.php?t=20732&page=10

اديهو طلة بوست في غاية الروعة

قيس شحاته

11-08-2012, 10:56 AM

البارح انا وقصبة مدالق السيل
في ونسة وبسط لامن قسمنا الليل
وقت النعام اتشقلبنبو الخيل
لا جادت ؟؟ ولا بخلت علي بلحيل

كلام عجيب والله. شكراً ليك علاء.. وشكراً لشاعرنا الكبير الراحل الحردلو.

لكن السؤال لسه قايم
⇊⇊⇊⇊

سؤالك بعد افادة اختنا مواهب ماعندو سبب يقوم كلو كلو :)

looool

وضحِكت السُرّة - صديقة حليمة بائعة اللبن - حتى ظننتُ أنّها ستورّثها:D:D

imported_طارق صديق كانديك

11-08-2012, 11:00 AM

(امـبارح بعد نـاس الفريق ماهجعـوا)*
خاويت الأنين لاويت اذاهو ووجعوا
السبب القبيل منو المغايس نبعـوا
باسم ثغرو ناير خدو آح من فدعوا:)

* البيت للشاعر الكبير ابراهيم ود الفراش ان لم اكن مخطئا

imported_ماريل

11-08-2012, 11:08 AM

الليلة وامس انا بالحبيب مشغولة
بى ونسه وهمس وانا فى هواو مكتولة
لو عرف النفس وكيفن عليو مشغولة
هوما سبب البعاد وظروفنا لعبت دورا

مي هاشم

11-08-2012, 11:10 AM

(امـبارح بعد نـاس الفريق ماهجعـوا)
خاويت الأنين لاويت اذاهو ووجعوا
السبب القبيل منو المغايس نبعـوا
باسم ثغرو ناير خدو آح من فدعوا:)

رمضان كريم ياح..اقصد ياخ :D:D

والله عجيب يا طارق..الكلام ده داير زول فاطر..وكان ما فاطر ما تخاطرgap

مي هاشم

11-08-2012, 11:16 AM

البارح انا شايالهو ليلى قصيبة ...
شارد فكرى ليهو يوصلا ويجيبا...
وقتين المنام لعينى مابى نصيبا ...
صليت للكريم لجروحى القى طبيبا ...

* يا مى ياخى البارح ما ضرورى الأمس القريب بس , علشان ما تقولى لينا فى رمضان دا :p

البركة في صلاتك دي ياختي gap

ما شاء الله يا مواهب..ماك هيني تب

البارح انا وصيد الارايل في حكاوي وغي
ضامينا النضم عشق الكلا م الحي
يرعاك الكريم ما تشوفوي شيتا سي
مو غلطان عمي هاشم ان سماك مي

هامش : لست شاعر لكني اتزوقه ..

يا ابو حريرة والشاعر منو؟؟:D
أنجُر ساي..بتجي

الليلة وامس انا بالحبيب مشغولة
بى ونسه وهمس وانا فى هواو مكتولة
لو عرف النفس وكيفن عليو مشغولة
ما كاس البعاد دى الاقدار بتلعب دورا

حننتيني :D
الله كريم علينا ..

imported_طارق صديق كانديك

11-08-2012, 11:17 AM

رمضان كريم ياح..اقصد ياخ :D:D

والله عجيب يا طارق..الكلام ده داير زول فاطر..وكان ما فاطر ما تخاطرgap

:)

شايفك عاصرة على الكلام ؛ يازولة جرِ النم :p

------

تضحك بلاهن السُّرة :D

قيس شحاته

11-08-2012, 11:19 AM

الليلة وامس انا بالحبيب مشغولة
بى ونسه وهمس وانا فى هواو مكتولة
لو عرف النفس وكيفن عليو مشغولة
ما كاس البعاد دى الاقدار بتلعب دورا

غايتو يا ماريل المربوع دا جازفتيو ساي:D لاكين ما بطّال بحسبان رمضان دخل العضم وكداgap

imported_ماريل

11-08-2012, 12:41 PM

غايتو يا ماريل المربوع دا جازفتيو ساي:D لاكين ما بطّال بحسبان رمضان دخل العضم وكداgap
loooollooool
طيب طالما انو ما بطال نواصل ساكت
احتمال يعنى نصل مرحلة جميلتا ميوية

imported_ماريل

11-08-2012, 12:49 PM

(امـبارح بعد نـاس الفريق ماهجعـوا)
خاويت الأنين لاويت اذاهو ووجعوا
السبب القبيل منو المغايس نبعـوا
باسم ثغرو ناير خدو آح من فدعوا:)

امبارح خيالو مشى للحبيبة وشافا
تاه فى بحر جمالا ابدع عديل فى اوصافا
الديس الغزير وسواد وطولو مساااااااااااافة
ووووووب ووبيين عليهو من العيون الشافا
كتلنو اللمى ..ودواهو يوت فى سلافا

imported_ماريل

11-08-2012, 12:51 PM

حننتيني :D
الله كريم علينا ..
انا ذاتى حننتنى الزولة دى صدقى؟؟:cool:
كيفك يا رفيقة الوجعة

imported_ماريل

11-08-2012, 01:06 PM

قت ليو يا الحبيب رغم انو بينا مسافة
حتاك فى القليب اياك اوع تخافا
اياك من تظن انو البعاد يتلافا
ريدتى يوهدبا او انى يوم اتجافا
ياك زولى الوسيم وكاتلانى فيك رهافة
وانا قمرات سماك ويوت فى مدارك
لالالالالالالالالالالالالالالالالالافا
*************
غايتو يا قيس كان جيت فطست لى المقطع ده برضو
بشرط ليك صفحتك ديك فى اخلاقكlooool

أحمد طه

11-08-2012, 02:15 PM

البارح انا وقصبة مدالق السيل
في ونسة وبسط لامن قسمنا الليل
وقت النعام اتشقلبنبو الخيل
لا جادت ؟؟ ولا بخلت علي بلحيل

دي ما شحتفة روح ساكت!
الله يفشك و يفشنا معاك !!

قيس شحاته

11-08-2012, 02:21 PM

(امـبارح بعد نـاس الفريق ماهجعـوا)
خاويت الأنين لاويت اذاهو ووجعوا
السبب القبيل منو المغايس نبعـوا
باسم ثغرو ناير خدو آح من فدعوا:)

البارح مساهِر من جفاهو وصدّو
خاويت النّجِم كمّلْ حسابو وعَدّو
الخلاني صبْر أيّوبنا فايت حدّو
ريد المشتهيهو الانقلب لي ضدّو

قيس شحاته

11-08-2012, 02:25 PM

imported_الجيلى أحمد

11-08-2012, 06:02 PM

حبيبنا طارق,
الأخت العزيزة مواهب..

شكرآ ياصحاب على الشرح,

سؤالك بعد افادة اختنا مواهب ماعندو سبب يقوم كلو كلو
أقول ليك شنو ياصاحبى,
(أحبطونى ياأخى):D
الديس دا والله أنا كنتا قايلو حاجة كبيرة خلاص..
لكن مادمتو قلتو ياهو الشعر, فأكيد بيكون..
..

اشرف السر

11-08-2012, 10:27 PM

يا أشرف كيف حالك ياخي

تناول عزيزنا ( شبارقة) في مفترعه الجميل لمحة عن بعض شعراء الأغنية السودانية معنى الخنتيلة التي تعنى الحسناء اللينة المتكسرة

http://www.sudanyat.org/vb/showthread.php?t=20732&page=10

اديهو طلة بوست في غاية الروعة

شكراً يا طارق على الإفادة..
والرابط الجميل..

imported_عبده سعد

12-08-2012, 12:32 PM

وين سجمان حبيبنا وإيه الغياب الطال؟
وبوستك بوربقى ناشف كئيب الحال.
محتاج تسندو وتخت عليهو البال.
وصحح مسارو إبداع وفن وخيال .

مي هاشم

12-08-2012, 01:53 PM

وين سجمان حبيبنا وإيه الغياب الطال؟
وبوستك بوربقى ناشف كئيب الحال.
محتاج تسندو وتخت عليهو البال.
وصحح مسارو إبداع وفن وخيال .

محاحاتنا ورفهنا ليهو ده كو ما نفع؟؟:D

كونك تنادي سجمان دي براها بالدنيا..

عكــود

12-08-2012, 03:09 PM

(أحبطونى ياأخى):D
الديس دا والله أنا كنتا قايلو حاجة كبيرة خلاص..
الجيلي،
حاجة كبيرة قدر شنو؟
مثلاً يعني ...
:D

الله يطراك بالخير يا الرشيد!

متابع يا شباب وبإعجاب والله.

لكانديك:
عندك أبيات كدي، التعليق عليها في رمضان ماااا بينفع :)
حالها حال شرح (الخنتيلة).

تسمحولي أخصص سلامي لمي هاشم؟

عبدالمنعم الطيب حسن

12-08-2012, 03:58 PM

البارح انا وقصبة مدالق السيل
في ونسة وبسط لامن قسمنا الليل
وقت النعام اتشقلبنبو الخيل
لا جادت ؟؟ ولا بخلت علي بلحيل

علاء ابوحريرة سلامات يازول
ياخ وجودك في المنتدى دا اضافة ويفرح
بس ياخ عاوزك تساعدني في شرح
الملون دا ؟ مجهجهني من زمان
ولو اللي في بالك زي اللي في بالي
لمِّح ولا تفصح

imported_طارق صديق كانديك

12-08-2012, 05:00 PM

أقول ليك شنو ياصاحبى,
(أحبطونى ياأخى):D
الديس دا والله أنا كنتا قايلو حاجة كبيرة خلاص..
لكن مادمتو قلتو ياهو الشعر, فأكيد بيكون..
..

:D

الجيلي،
حاجة كبيرة قدر شنو؟
مثلاً يعني ...
:D

الله يطراك بالخير يا الرشيد!

متابع يا شباب وبإعجاب والله.

لكانديك:
عندك أبيات كدي، التعليق عليها في رمضان ماااا بينفع :)
حالها حال شرح (الخنتيلة).

تسمحولي أخصص سلامي لمي هاشم؟

اذنك معاك ياعمدة خصص مي تستاهل والله.

ود الدابي عصر على الديس والله looool

قلت لي قدر شنو ؟ شكيت محنك ياخي

الأبيات دي لو باصرت (العالم) بابكر عباس يمكن تلقى ليك فرقة ليهن :)

imported_فيصل سعد

12-08-2012, 05:13 PM

البارح انا وقصبة مدالق السيل
في ونسة وبسط لامن قسمنا الليل
وقت النعام اتشقلبنبو الخيل
لا جادت ؟؟ ولا بخلت علي بلحيل

سلامات علاء و الشباب

تصحيح صغير :

لا بخلت و لا جادت علي بلحيل ..

و الابيات دي رافت ميلاد له فيها
بوست شامخ و تليد يمكن مطالعته هنا :

http://sudanyat.org/vb/showthread.php?t=10719

imported_فيصل سعد

12-08-2012, 05:25 PM

زينة التاجر الوزقن مراكبو و كتن
ليها شعاع وكت حس الفروع ما رتن
أكان فد يوم خديداتك معاى إتغتن
أقنع بيك و أتوب من البنات يا شتن

مي هاشم

12-08-2012, 10:57 PM

تسمحولي أخصص سلامي لمي هاشم؟

بالغت عاد!!
انت بتستأذن كمان؟؟وعلى منو؟؟ :)
ياخي أنا زاتي مخصصة لسلامك يا عمده..وأنا لاقية

يديك العافية وكل من مرّ

imported_طارق صديق كانديك

12-08-2012, 11:26 PM

زينة التاجر الوزقن مراكبو و كتن
ليها شعاع وكت حس الفروع ما رتن
أكان فد يوم خديداتك معاى إتغتن
أقنع بيك و أتوب من البنات يا شتن

يا ودعمك رمضان كريم ياخي ومشتاقين والله .

ياخي الحردلو عصر علينا شديد يعلم الله.
هسي جنس الشِعر ده نلقاهو وين نحن ؟؟

قيس شحاته

12-08-2012, 11:33 PM

زينة التاجر الوزقن مراكبو و كتن
ليها شعاع وكت حس الفروع ما رتن
أكان فد يوم خديداتك معاى إتغتن
أقنع بيك و أتوب من البنات يا شتن

شوف ياخَيْ فِعالهِن فينا، شوف شِنْ سوّن
ربّات الخِدور، أمّات خدودَن يضوّن
حِكمة ربّنا القادر يمِسْكن زمامنا نسَوّنgap
إن أمَرَنْ بس، تقول حاضِر؛ تجيهن توّاً:D

imported_طارق صديق كانديك

13-08-2012, 12:30 AM

امبارح خيالو مشى للحبيبة وشافا
تاه فى بحر جمالا ابدع عديل فى اوصافا
الديس الغزير وسواد وطولو مساااااااااااافة
ووووووب ووبيين عليهو من العيون الشافا
كتلنو اللمى ..ودواهو يوت فى سلافا

في النوم الطيوف تجري ويزيد نزّافا
ديسا كالحرير وزايد عليهـو لطافا
الزول السمح اصفر طويل وقيافة:p
ده الخلاني هايم والخلوق تِتلافا

البارح مساهِر من جفاهو وصدّو
خاويت النّجِم كمّلْ حسابو وعَدّو
الخلاني صبْر أيّوبنا فايت حدّو
ريد المشتهيهو الانقلب لي ضدّو

البارح كُتُر وقليبي أقرب أفصدو:p
قدر ما أقول أتوب عقبا يخالف وعدو
الخلاني امسك في حشاي ما يهردو
بساماً شلع جاب الرزاز بي رعدو

علاء ابو حريرة

13-08-2012, 12:39 AM

علاء ابوحريرة سلامات يازول
ياخ وجودك في المنتدى دا اضافة ويفرح
بس ياخ عاوزك تساعدني في شرح
الملون دا ؟ مجهجهني من زمان
ولو اللي في بالك زي اللي في بالي
لمِّح ولا تفصح

تحياتي اخي عبد المنعم وكل عام وانت بالف خير
النعام والخيل حسب ما اعتقد اسماء لي نجوم تعارف عليها اعراب البادية وتظهر متزامنة ؟؟ احدهما يكون اعلى الاخر وعند وكت السحر تنغلب الآية ؟؟ واراد الشاعر ان يحدد الوقت بالضبط ؟؟ ارجو ان تكون الصورة واضحة

عبدالمنعم الطيب حسن

13-08-2012, 12:56 AM

تحياتي اخي عبد المنعم وكل عام وانت بالف خير
النعام والخيل حسب ما اعتقد اسماء لي نجوم تعارف عليها اعراب البادية وتظهر متزامنة ؟؟ احدهما يكون اعلى الاخر وعند وكت السحر تنغلب الآية ؟؟ واراد الشاعر ان يحدد الوقت بالضبط ؟؟ ارجو ان تكون الصورة واضحة
تزوغ بي الدو يا ابوحريرة ...
اراك قد اوغلت في التلميح ... حتى وددت ان اقول لك افصح شوية ...
لكن الصورة الان واضحة جدا ...
شكرا للاضافة العميقة
وتسلم يا امير

imported_عبده سعد

13-08-2012, 06:59 AM

ندخل معاكم ( بالرقراق) يعنى نتسرًب.
والديس هو نبات مائى وبداية لتكوين الجزر الصفيرة ، ويتواجد على إمتداد نهر النيل من المنبع وحتى المصب ، وهو قريب من نبتة الحصير والبوص لكنة أنعم وألطف فى ملمسه ومنظره ، وهو مرن مايع عندما يطول خاصة فى مرحلة الإزهار.
ونسبة لأنه واحد من مكونات البيئة السودانية ولإرتباطه بعزوبة مياه النيل والخضرة والجروف واللوبيا ( بالمناسبة ) هو غذاء ممتاذ للأبقار والضان والماغز، وهو أعشاش لطائر الوزين والسقد ،وبعض الطيور النيلية.(لما كان الحال زين الشعر مغطى اللضنين)
شعراء السودان بشفافيتهم المعهودة يتحفونا دائما بتشبيهاتهم اللطيفة ،ونبتة الديس ومفردها (ديسة) عندما تتخللها نسايم النيل تتمايل وتنساب يمنة ويسرى وهى تعكس أشعة الشمس لمعاناً يتطابق تماماً وشعر الحسان بعد تصفيفه على يد خبير متمرس.

imported_جيجي

13-08-2012, 10:32 AM

علاء ابو حريرة

15-08-2012, 01:35 AM

بدور الشد بدور الركبة فوق الشوح
بدور شقة فريق المنهن مجروح
يا شيخ طرقي يا حداد سفينة نوح
لزمي الصبر مني اليقين ما يروح

قيس شحاته

16-08-2012, 07:33 AM

آآسَجَم الرّماد، معايا شِنْ بتْسَوْ؟!
عِشْنا وشُفنا الضُلُمّة التّداقْر الضّوْ
كضّاب البقول في نضمو قولة لوْ
أنا انْ قاصْدَك بجيك؛ ما بتهرِشْنِي منّك هَوْ!!!

imported_جيجي

16-08-2012, 07:51 AM

آآسَجَم الرّماد، معايا شِنْ بتْسَوْ؟!
عِشْنا وشُفنا الضُلُمّة التّداقْر الضّوْ
كضّاب البقول في نضمو قولة لوْ
أنا انْ قاصْدَك بجيك؛ ما بتهرِشْنِي منّك هَوْ!!! اازول جيب لنا نضما حليو كدا ومدفق حنية في قبايل العيد دي
خلى البتسوي فيه دا:p

قيس شحاته

16-08-2012, 07:59 AM

اازول جيب لنا نضما حليو كدا ومدفق حنية في قبائل العيد دي
خلى البتسوي فيه دا:p

:D

قتّي كدي؟gap طيّب أمسِكي المربوع دا واتنسّمي قبايل العيد سمِح:

الجسْم انّحَل، صِبحَتْ رويحتي شويّة
قول لي يا حكيم شخّس دحين ما بيّا
الخلّت قليبي يهيم ليلو وفجُرْ دُغشيّة
في ميزان الحريم واللهِ توزِن ميّــــة

imported_جيجي

16-08-2012, 08:05 AM

:D

قتّي كدي؟gap طيّب أمسِكي المربوع دا واتنسّمي قبايل العيد سمِح:

الجسْم انّحَل، صِبحَتْ رويحتي شويّة
قول لي يا حكيم شخّس دحين ما بيّا
الخلّت قليبي يهيم ليلو وفجُرْ دُغشيّة
في ميزان الحريم واللهِ توزِن ميّــــة ايوة كدا خليك ناعم ولذيذوني
شنو الهرشة والهوهوة فينا:p

imported_جيجي

18-08-2012, 10:31 AM

زينة التاجر الوزقن مراكبو و كتن
ليها شعاع وكت حس الفروع ما رتن
أكان فد يوم خديداتك معاى إتغتن
أقنع بيك و أتوب من البنات يا شتن
وين يا الكاهلي وين رحلوبا
وين البيها افكار العقول مسلوبه
وين الواعره في ميسا وصعيبه دروبا
وين الفي النميم كل الفطاحله بدوبا
.
دي عجيتني برضو يافيصل
في ناس كدا يحيروك في سمح الكلام

قيس شحاته

18-08-2012, 01:09 PM

وين يا الكاهلي وين رحلوبا

كلام سمح بلحيل والله.
لكن يا آنسة جيجي، البيت دا مكسور. ناقص جملة عشان ميزانو يتصلح. ممكن تكون:
وين يا الكاهلي، وين ست البنات رحلوبا

وشكرا لتعاونكم معنا من أجل مستقبل أفضل لأمتنا العربية.
:eek:

imported_تماضر حمزة

26-08-2012, 12:58 AM

بدور الشد بدور الركبة فوق الشوح
بدور شقة فريق المنهن مجروح
يا شيخ طرقي يا حداد سفينة نوح
لزمي الصبر مني اليقين ما يروح

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟:p

ولد دا مبالغة:D

مي هاشم

26-08-2012, 11:51 AM

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟:p

ولد دا مبالغة:D

:D:D خلاس قمتي على جنّك ودايرة تجنّنيني معاك؟؟!!

بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

imported_تماضر حمزة

26-08-2012, 01:40 PM

:D:D خلاس قمتي على جنّك ودايرة تجنّنيني معاك؟؟!!

بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

بدور ال في الوريد وروحي جوات روحو
بدور الوصفي في مجمل غناو وشروحو
ودّر هالعقل مجنون وطال في سروحو
ومانفعوا الشيوخ والقبة راجية ضروحو

شيخي قال ليك ياحبببة:p

imported_أسعد

26-08-2012, 01:46 PM

بصق الدم والموخرة زاحفة تجري
اصلو ولدا في البطن نمبر ثري
ورقص فوق سطح القمر البحري
اصلو مرق من فخذ امو بت البكري

^___^

imported_طارق صديق كانديك

26-08-2012, 01:47 PM

بدور الشلت وصفو فِ أنّة المجروح
وليلو مقرون بي صباحو ينوح
ال مانجّاهو جبلو ولامراكب نوح
ومانفعوا الصبر من ريدي وين حيروح؟:p

ولد دا مبالغة:D

:D:D خلاس قمتي على جنّك ودايرة تجنّنيني معاك؟؟!!

بَدور التـّابِّي مِن دَرْفون مِقيـّم رُوحو
بدور الدّكّ سـاس عقلي وهـَدَمْلي صروحو
بريدو الزّاد أزاي كتـّر قليبي جروحو
الحيّر أفكاري خلاّهِـن قفاهو يروحو

الراس هسي كابس ياقول مي هاشم:)

خلّني اخسر فيهو كتير( قهوة والله:D ) ياقول تماضر

وعُقبن نباصر الجية

imported_تماضر حمزة

26-08-2012, 01:48 PM

ياوجدي ياشييييييين:D

أنا قهوتي غالية والله
:p

مي هاشم

26-08-2012, 01:56 PM

بدور ال في الوريد وروحي جوات روحو
بدور الوصفي في مجمل غناو وشروحو
ودّر هالعقل مجنون وطال في سروحو
ومانفعوا الشيوخ والقبة راجية ضروحو

شيخي قال ليك ياحبببة:p

:D ملاحظة المشيخة..

بدور اللّغَبّش المِنّ العَجاجة مَسوحو
بريدو الرّاكز وكتين الرّجال بيسوحو
شايل قلبي عِندو وعقلي داك ممسوحو
دروَشْ وانجذَبْ..سمّوني غرقان سوحو

مي هاشم

26-08-2012, 02:04 PM

الراس هسي كابس ياقول مي هاشم:)

خلّني اخسر فيهو كتير( قهوة والله:D ) ياقول تماضر

وعُقبن نباصر الجية

عليك النبي انت راسك ده قعد يكبس يعني زي راسي كدي ؟؟ :D
(عيني بارده ياخ)gap
ثم إنك ما أظن خسايرك بتكون كبيرة برضو زي تماضر :D

جيتك يا الرفيق بندورا تب.. وهو نحن لاقين :)

imported_تماضر حمزة

26-08-2012, 03:29 PM

:D ملاحظة المشيخة..

بدور اللّغَبّش المِنّ العَجاجة مَسوحو
بريدو الرّاكز وكتين الرّجال بيسوحو
شايل قلبي عِندو وعقلي داك ممسوحو
دروَشْ وانجذَبْ..سمّوني غرقان سوحو

حوحو دي جننتيها جن
عليه نحوّل القافية:p

بدور ال ب الفهم حاكم ملوك وأباطرة
ناظمالو الغنا وناظملي هو الخاطرة
الباقية عليهو ريدو ومابودّع خاترة
ضامن هو قلبي وقلبو نار و مخاطرة:p

مي هاشم

26-08-2012, 04:00 PM

حوحو دي جننتيها جن
عليه نحوّل القافية:p

بدور ال ب الفهم حاكم ملوك وأباطرة
ناظمالو الغنا وناظملي هو الخاطرة
الباقية عليهو ريدو ومابودّع خاترة
ضامن هو قلبي وقلبو نار و مخاطرة:p

:cool: أحّــووو :D
سمح .. نغيّرا ..gap

ممكن أعمل داونلود للقافية الجديدة وأجيك؟ :)

مي هاشم

27-08-2012, 08:24 AM

حوحو دي جننتيها جن
عليه نحوّل القافية:p

بدور ال ب الفهم حاكم ملوك وأباطرة
ناظمالو الغنا وناظملي هو الخاطرة
الباقية عليهو ريدو ومابودّع خاترة
ضامن هو قلبي وقلبو نار و مخاطرة:p

أها.. جيت :D

بريد العارِف المتموم عِلِم ودرايه
بدور سمح الخصال بالعفـّة رافع رايه
فارساً يكشف المكتوم كأنّو مِرايه
عجب عينيَّ سيد الناس حبيبي برايا

يا جماعة نادوا ود عثمان ينزل غنية لكابلي (يوم حبّي ويوم هنايا..يوم لاقيتو حبيب برايا):D
ياخي بكرّر فيها برايا دي بصورة تبكّي..

مي هاشم

28-08-2012, 01:11 AM

يا الشّلتَ الهموم من قـُمتَ ما اتنعـّمتَ
نضّام للحديس في لمّـة ما اتْبَعّمتَ
مَسخان السّنين يا روحي بيك طعّمتَ
يا اب قلباً حنين سلامو دمعه وعَمْته

مي هاشم

28-08-2012, 01:22 AM

أنا بت الرجال في الدُّنيا مـا بتدنّا
عِنْ قـول الصّدِق والله ما بسْتنـّا
ما بكسِر نَضِم في المّشية ما بتــّنـّا
بحفظ للتراث ما قلت اتمدّنـّا

imported_عبده سعد

29-08-2012, 07:04 AM

يامى جد بدورنا فى سماها تضوى.
الحازقة وشديدة وعارفة إش بتسوى.
جننت الحروف معناها ديمة مدوى.
الكوراك ضرب والذئآب بتعوى .

مي هاشم

29-08-2012, 08:22 PM

يامى جد بدورنا فى سماها تضوى.
الحازقة وشديدة وعارفة إش بتسوى.
جننت الحروف معناها ديمة مدوى.
الكوراك ضرب والذئآب بتعوى .

خجّلتني ياخ :o:o

يا عبدو الحروف والله جَت محَشوره
ما حازقي وشديدي بدورلي حبّة شوره
شوف كلمات تماضر شارّه شَو ماسوره :D
والعجيب كانديك جدعاتو مِي محصوره

مي هاشم

29-08-2012, 10:23 PM

سيد الناس جميع قمر السّبوع الدوّر
حاكِل قلبي ريدو وفي غرامو إدوّر
كاحل مقلة مدعوجه ووشيهو مدوّر
الخلاّني مكتول ديمه ألِف وأدّوّر

سيد الناس هميم فارس الدّواس والدّعكه
من درفون صغير ما ضاق حلاوة وكعكه
ما اتنعّم رقد يوم الزّحيح والعكّه
صايب قلبي هزلان جسمي جاتو الوعكه

imported_عبده سعد

30-08-2012, 07:22 AM

خجّلتني ياخ :o:o

يا عبدو الحروف والله جَت محَشوره
ما حازقي وشديدي بدورلي حبّة شوره
شوف كلمات تماضر شارّه شَو ماسوره :D
والعجيب كانديك جدعاتو مِي محصوره

كانديك ناس تماضر (مىِ ) بدور تعريف .
وقولون كلو واضح ناعم لذيذ و لطيف.
الحازقات حروفن فى جودة التوصيف .
زى ضو (البدور ) فى ليالى الصيف .

imported_طارق صديق كانديك

30-08-2012, 07:48 AM

سيد الناس جميع قمر السّبوع الدوّر
حاكِل قلبي ريدو وفي غرامو إدوّر
كاحل مقلة مدعوجه ووشيهو مدوّر
الخلاّني مكتول ديمه ألِف وأدّوّر

صباح الخير يا مي هاشم

غايتو الواحد لسه راسو ما زابط ( نعمل شنو مع القهوة الما غالية دي :D )

اسمحي لي بملاحظة على المربوع الفوق ده ؛ لو كان البيت الأخير في مكان قبل الأخير وينزل القبل الأخير الى نهاية المربوع بزبط شديد

عصر عليك وعلينا غايتو السيد الكاحل ده:)

تحياتي

مي هاشم

30-08-2012, 08:02 AM

صباح الخير يا مي هاشم

غايتو الواحد لسه راسو ما زابط ( نعمل شنو مع القهوة الما غالية دي :D )

اسمحي لي بملاحظة على المربوع الفوق ده ؛ لو كان البيت الأخير في مكان قبل الأخير وينزل القبل الأخير الى نهاية المربوع بزبط شديد

عصر عليك وعلينا غايتو السيد الكاحل ده:)

تحياتي

صباح الجمال ود كانديك

الحالة لسة راسك مازبط :D (القهوة دي ما على غلاتا..على اليد البتعملا ياخ):)

طبعاً .. سمعاً وطاعة..كلامك صح..بتكون أجود ومحكمة لما تتقري كده..
حأعدّلها هنا..

سيد الناس جميع قمر السّبوع الدوّر
حاكِل قلبي ريدو وفي غرامو إدوّر
الخلاّني مكتول ديمه ألِف وأدّوّر
كاحل مقلة مدعوجه ووشيهو مدوّر

شكراً للاهتمام والقراءة .. وراسك ده عصر علينا شديدgap

بخصوص السيد الكاحل حاكل القليب..الله كريم علي..

الله كريم علي .. اتوجهت صوب توكيلو
من كاحل العيون حاكل القليب بشكيلو
زايد في أزاي هالكني يوت تنكيلو
جهجه فكري تاه عندو العزاب توكيلو

ياخ ده متخصص فيني عديييييييل.. الشكية لله

مي هاشم

30-08-2012, 09:22 AM

كانديك ناس تماضر (مىِ ) بدور تعريف .
وقولون كلو واضح ناعم لذيذ و لطيف.
الحازقات حروفن فى جودة التوصيف .
زى ضو (البدور ) فى ليالى الصيف .

كانديك يا اللّخو معروف رقيق ولطيف
كاتل الناس حنان ما بدورلو تب تعريف
وطمطم مجنونة شعر ما بتنلحق..عاد كيف؟!!
فايته الناس سنين في النّمة والتوصيف

imported_جيجي

30-08-2012, 09:29 AM

حتفضلوا تشكروا في بعض لمتين

يوم شكركم ان شاء الله مايجي
شغل الانت والانا دا ما لذيذ والله
شوفو لينا مجال ارحب
ماحاسدة ولا بقرانة لكن مابضمن الباقي:p

مي هاشم

30-08-2012, 09:38 AM

حتفضلوا تشكروا في بعض لمتين

يوم شكركم ان شاء الله مايجي
شغل الانت والانا دا ما لذيذ والله
شوفو لينا مجال ارحب
ماحاسدة ولا بقرانة لكن مابضمن الباقي:p

حرام عليك يا جيجي..:D
هسي ما شفتي غير الشكر بس؟؟ البِكا والكسّير ده كلّو ما لاحظتيهو؟؟gap

ما مشكلة يا ستي..أقترحي موضوع نتجاع فيه..وأهو كده نكون بنتبارى بالصّح..ونشوف المجال الأرجب..

عارفاك لاك حاسدي ولاك بغراني..إلاّ المومضمون شن هو؟؟
السؤال الأخير ده جادي شديد..(مافي وش جادي)..

مي هاشم

30-08-2012, 09:52 AM

البارح مساهِر من جفاهو وصدّو
خاويت النّجِم كمّلْ حسابو وعَدّو
الخلاني صبْر أيّوبنا فايت حدّو
ريد المشتهيهو الانقلب لي ضدّو

البارح سِهِر من فرقو داك الطوّّل
خاويت النّجم باريتو لمّا اتحوّل
الخلاني صابر ومن رزانتو منوّل
مهما الزول جفل بطرى الحبيب اللّول

يا قيس..ماك هين تب.. تعال جاي ياخ..

imported_تماضر حمزة

30-08-2012, 10:17 AM

مي هاشم

30-08-2012, 12:14 PM

غايتو،
شكلي حأغيّر اتجاه تِكِسِّري ناحية تارق:D

ماعشان مداخلاتو الرزينة طبعن
ولاعشان تحس بيو بكتب..بررراحة،بررراحة كدا:D
ولاعشان وصّاف شديد
ولاسماحة الصورة ال ما نص ولافيها ضحكة بالجنبة:D
ولا القهوة طبعن:D

بس
بس عشان تعديلو الأخير ل ميّ دا
لأنو وكت قريتا قلت ياخ ماكان تقول الخلّاني بقيت كيت وكيت
انو هو كدا وكدا
بعدين انا بحب الهجمة في النهاية
وحلوة الحتة عند العروب ديل وكت يقولوا الخلّاني.... وتقوم تسال قبال يكمّل أهااا؟
يقول ليك السبب كيت وكيت
أبو دا دوبيت
أموت في الهبنبتة أنا:cool:
أهن دا توارد الخواطر بين السمحين زااااتو ( ميّ رغم سماحتك انتي مامعانا);)
واوعا تغالطوني:p

عبده ياخ صباحك نمة ودوبيت وبكرية
و ارجاني:)

تماضر عصرتي علي شديد ياخ:D
يعني هسي أنا أولّف بين خاطرك وخاطر كانديك وأطلع من المولد بلا أي شي؟؟
خلاس بدون غُلات.. بخيت وسعيد gap
أها .. عموماً اتجاه تِكِسِّري واااااااااضح gap.. لن أتحوّل..لن اتزعزع ولا نامت أعين الجبناء:D:D

تعالي أجدعي لي حاجة يمكن تولّف خاطري كدي ولاّ كدي:D

احمد زين

30-08-2012, 12:56 PM

البارح سِهِر من فرقو داك الطوّّل
خاويت النّجم باريتو لمّا اتحوّل
الخلاني صابر ومن رزانتو منوّل
مهما الزول جفل بطرى الحبيب اللّول

البارح سِهِر ود عيني جافا غميدو
كترساسقي بين خدو وعيونو وجيدو
الخلاني اعقب في الحساب واعيدو
بهرة لونو زي دهبو المزين ايدو

imported_تماضر حمزة

30-08-2012, 04:18 PM

يا ميّ هاك
قديم متجدّد:p

ياميّ قولي للعالي ومَدوّر سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامي عليكَ بان مستورو

أحنَّ من كدا ماف:p

imported_طارق صديق كانديك

30-08-2012, 04:47 PM

غايتو،
شكلي حأغيّر اتجاه تِكِسِّري ناحية تارق:D

ماعشان مداخلاتو الرزينة طبعن
ولاعشان تحس بيو بكتب..بررراحة،بررراحة كدا:D
ولاعشان وصّاف شديد
ولاسماحة الصورة ال ما نص ولافيها ضحكة بالجنبة:D
ولا القهوة طبعن:D

بس
بس عشان تعديلو الأخير ل ميّ دا
لأنو وكت قريتا قلت ياخ ماكان تقول الخلّاني بقيت كيت وكيت
انو هو كدا وكدا
بعدين انا بحب الهجمة في النهاية
وحلوة الحتة عند العروب ديل وكت يقولوا الخلّاني.... وتقوم تسال قبال يكمّل أهااا؟
يقول ليك السبب كيت وكيت
أبو دا دوبيت
أموت في الهبنبتة أنا:cool:
أهن دا توارد الخواطر بين السمحين زااااتو ( ميّ رغم سماحتك انتي مامعانا);)
واوعا تغالطوني:p

:)

تسلمي يا خنساء

ليس هناك مايقال، بس بيني وبينك عايز استغل المداخلة دي وأعمل cc لِ:

وجدي الأسعد
فيصل سعد
ود عثمان

وآخرين من دونهم :D

مي هاشم

31-08-2012, 12:44 PM

البارح سِهِر ود عيني جافا غميدو
كترساسقي بين خدو وعيونو وجيدو
الخلاني اعقب في الحساب واعيدو
بهرة لونو زي دهبو المزين ايدو

عوداً حميداً :)

البارح سِهِرتَ وليلي طال تمديدو
في طيب الخصال فاق المعاو ونديدو
الخلاّ القليب يطرب يزيد ترديدو
سهمو الصّاب حشاي ما بختى في تسديدو

مي هاشم

31-08-2012, 01:01 PM

يا ميّ هاك
قديم متجدّد:p

ياميّ قولي للعالي ومَدوّر سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامي عليكَ بان مستورو

أحنَّ من كدا ماف:p

جدن..بس أعرفو :D

يا المسوِّر عالي وبالبيها ماك الخابر
زولتك بالوله تعبانة بس بتصابر
دوبت وشاشت في الفيس هناك ومنابر gap
أرحم مهجتها وكسرها كونلو الجابر

ما قصّرت معاك..:D

imported_طارق صديق كانديك

31-08-2012, 05:01 PM

تسلم ياعبده سعد تسلم ياخي .

أخوك غادروا شيطان شعره الى حين كان ردينا بمربوع.

تكون طالبني ما برضى الدين أنا:)

ود الزين حبابك بعد غياب .. جاييك برضو ( سوي صبر سديق:D)

مي هاشم

31-08-2012, 11:06 PM

باريت النـّجِم لامن دنالو رحيل
ساهِر طرفي باكي وفي عذابي وحيل
الخلاّ الفواد مكسور وهادّي الحيل
أب سمتاً جميل مايقو الوسيع وكحيل

مي هاشم

01-09-2012, 06:34 PM

الشغل عقلي وماخد معاو تفكيري
صافي الود شرب وساقيني بس تعكيري
الحاميني الوسن مانعني من تذكيري
طيفو اليحضن إيديّا ويزيد تسكيري

مي هاشم

01-09-2012, 06:38 PM

شِلت الليل أنين جفـّن معاهو حلوقي
زي فرخ القماري اصبَحْ برايا أقوقي
الخلاّ الغرام وهمومو تنلم فوقي
سمح الطلّة باهي الحُلّة مالي فروقي

مي هاشم

01-09-2012, 07:03 PM

مشتهيه اب شنب في جلسة كان نتلمّ
نتسامر سوا وبالقهوة كيفنا انتمّ
أكرف من نسيم أنفاسو آخد شمّه
ما بكفيني شوف لا لمسه لا حَتْ ضمّه

مي هاشم

01-09-2012, 11:04 PM

شرّك لي وحاحى بي قربو مرّة وصدّو
مره قليب حينين مرات بيقلب ضدّو
الجّهجيه يمين زي الحجر في كدّو *
ما بحمل ازاو هاردني زوقو وودّو

من الجهجهة.. واضح موش:D

مي هاشم

03-09-2012, 11:21 AM

imported_تماضر حمزة

03-09-2012, 05:50 PM

من فُرق الحبيب صايبني انا النـّفساوي
كتران شوقي يوت زايدات معاهو مساوي
الكمّل صبري داك وخلّى الوضع مأساوي
آهتو ووحّتو قالياني صبحي مساوي

عينين الرّهيف سيفهـِن عليّ مصلّط
وصوتو بيفتن العابدة أم صيام الصّلت
الشّايل منامي ولَحَمي منّو مسلّت
زوقو ورقـّتـّو ورويحتي عُقُب انسلّت
عينين البريد بخرة ومحاية اتدلّت
عاقدلي الرويح ومن دونو ماااتحلّت
لو فاتا النبض من ريدو مااتخلّت
القلبو من اسمنتي صبّوهو ثم اتبلّط:D:D

imported_عبده سعد

05-09-2012, 01:05 PM

ياكنديك شوفو جيجى من شكرى كيفن غايرة.
ويامى لوبقيتى من الوصوف جد حايرة.
كلمى ناس تماضر وفق الطقوس السايرة.
خليهون يطرزو درر الحروف الطايرة .

imported_تماضر حمزة

05-09-2012, 01:25 PM

شراب البن غرامو وليّ محال يتنّن
قطّاع معصم الليد الصباعا محنّن
مابنساهو هن مت بي وراو واتجنّن
الأمياقو رامحة وسام سهمها مسنّن

imported_تماضر حمزة

05-09-2012, 01:28 PM

مابقيسوهو بالدهب أب عيار معروف
الزول السماحو من الجنان مغروف
طلة وشو ياخلّاي بتملا الشوف
ومابوفيهو دوبيت هن مليتو حروف

imported_تماضر حمزة

05-09-2012, 01:30 PM

أياود الشمس أنا قلبي فيك اتهوّر
نمّ مع العشق شقّق وريدو وعوّر
الصاغ وجهك قمر بي سبعتين و اتدوّر
الليل بي وراي وشّك صباحي ال نوّر

مي هاشم

19-09-2012, 04:45 PM

تماضر مجذوبة الشّعِر

بتّوّري علي وجع النّمة طوالي..

imported_طارق صديق كانديك

19-09-2012, 05:00 PM

أبطيت في النضم وحروفي يوت سكرانة
ربيع القامة في تنياتو الرويح ودرانة
الحارق الحشا وناقز القليب كالــزانة
داغساها العيون وفي البسمة كل نيرانا:)

مي هاشم

19-09-2012, 05:05 PM

عينين البريد بخرة ومحاية اتدلّت
عاقدلي الرويح ومن دونو ماااتحلّت
لو فاتا النبض من ريدو مااتخلّت
القلبو من اسمنتي صبّوهو ثم اتبلّط:D:D

جنّك بخرات ومحايات..gap

خليني أتبخّر وأجيك:D

مي هاشم

19-09-2012, 05:11 PM

أبطيت في النضم وحروفي يوت سكرانة
ربيع القامة في تنياتو الرويح ودرانة
الحارق الحشا وناقز القليب كالــزانة
داغساها العيون وفي البسمة كل نيرانا:)

كانديك زاااتو جا..
معناها مع البخرة بتاعة تماضر لازماني قزازة محاية برضو:D
وبالمرة ادخل لي خلوة لمدة 3 ساعات وبعدها نتجادع للصباح كان الله هونgap

imported_طارق صديق كانديك

19-09-2012, 05:26 PM

كانديك زاااتو جا..
معناها مع البخرة بتاعة تماضر لازماني قزازة محاية برضو:D
وبالمرة ادخل لي خلوة لمدة 3 ساعات وبعدها نتجادع للصباح كان الله هونgap

بخرة تماضر وقزازة محايتك .. كده بتعصرن علي شديد

نبقى على اللبن كان كده:p

مي هاشم

20-09-2012, 06:51 AM

عينين البريد بخرة ومحاية اتدلّت
عاقدلي الرويح ومن دونو ماااتحلّت
لو فاتا النبض من ريدو مااتخلّت
القلبو من اسمنتي صبّوهو ثم اتبلّط:D:D

عينين البريدو فيهن حكمة الله اتجلّت
كرّب قليبي ريدو وسابني بيهو مجلّت
الخـلاّ موية عيني شـَو تتجلّت
وساع وكُحُل ورُشرش سهام ما جلّت

مي هاشم

20-09-2012, 07:15 AM

ياكنديك شوفو جيجى من شكرى كيفن غايرة.
ويامى لوبقيتى من الوصوف جد حايرة.
كلمى ناس تماضر وفق الطقوس السايرة.
خليهون يطرزو درر الحروف الطايرة .

جيجي راقدالا فوق راياً أظن مو هيّن
لا دارت الشّكُر لا الرّيد الشفيف وحنيّن
عاد شِن ننضم في الدنيا ام قدود ونبيّن
كان ما الناس والغرام والله عمرنا مطيّن

مي هاشم

20-09-2012, 07:18 AM

شراب البن غرامو وليّ محال يتنّن
قطّاع معصم الليد الصباعا محنّن
مابنساهو هن مت بي وراو واتجنّن
الأمياقو رامحة وسام سهمها مسنّن

البن يا بنيّة بدورلو قعده مهيله
فيها الريد دفيق والونسة رااقده بهيله
والقهوة ام عروق ساهل سريع تشهيلا
ومن جمر الوداد نسكُت نكِب ونهيلا

مي هاشم

20-09-2012, 07:39 AM

مابقيسوهو بالدهب أب عيار معروف
الزول السماحو من الجنان مغروف
طلة وشو ياخلّاي بتملا الشوف
ومابوفيهو دوبيت هن مليتو حروف

ما بقيسوهو بالدّب المجمّر وصافي
الزول السّمح حارت معاو أوصافي
ظالم قلبي مانع الوصال إنصافي
ساقيني السّهاد إن جافي ولاّ مصافي

مي هاشم

20-09-2012, 08:15 AM

أياود الشمس أنا قلبي فيك اتهوّر
نمّ مع العشق شقّق وريدو وعوّر
الصاغ وجهك قمر بي سبعتين و اتدوّر
الليل بي وراي وشّك صباحي ال نوّر

وشن همّاهو إن قلبي الرّهيف اتعوّر ؟
أو جرحي المنوسر في الغرام اتوّر ؟
الزول القبيل سارق عقلي فوقو اتسوّر
فقّدني المنطق بقيت براي وادوّر

مي هاشم

20-09-2012, 08:18 AM

أبطيت في النضم وحروفي يوت سكرانة
ربيع القامة في تنياتو الرويح ودرانة
الحارق الحشا وناقز القليب كالــزانة
داغساها العيون وفي البسمة كل نيرانا:)

ماك البطي وفارس الحروف والنّمّـة
وجيْـتَك يا الرزين والله غالية مهمّـة
في وكر الشِّعِر جيتني وردودي مُسِمّـة
ما بتقدر عليها أخيرلك أمِش انجمّ :D

imported_طارق صديق كانديك

20-09-2012, 09:36 AM

ماك البطي وفارس الحروف والنّمّـة
وجيْـتَك يا الرزين والله غالية مهمّـة
في وكر الشِّعِر جيتني وردودي مُسِمّـة
ما بتقدر عليها أخيرلك أمِش انجمّ :D

زازيت بالنضم .. أفتح مكان الضًمة
ومن سهري العلي ناجيتو كاشف الغُمة
خالف الكية قال قولا كما ذي الرِمة*
لـفلف للفــؤاد لـِفـليف كـمال للـعِمة **

* الشاعر الاموي (ذو الرمة)
** كمال ترباس :)

imported_طارق صديق كانديك

20-09-2012, 10:10 AM

كانديك ناس تماضر (مىِ ) بدور تعريف .
وقولون كلو واضح ناعم لذيذ و لطيف.
الحازقات حروفن فى جودة التوصيف .
زى ضو (البدور ) فى ليالى الصيف .

قولك في الشعر موزون يعدل الكيف
مامقطوع جذور مطرا تقيل وخريف
الخلاني فوق مسداري ابطي اقيف
فاقد شوفة الظبية الحديثا هـفـيف

* الفكا دينو نامت عينو :D

imported_طارق صديق كانديك

20-09-2012, 10:21 AM

شِلت الليل أنين جفـّن معاهو حلوقي
زي فرخ القماري اصبَحْ برايا أقوقي
الخلاّ الغرام وهمومو تنلم فوقي
سمح الطلّة باهي الحُلّة مالي فروقي

الزول في الانين وجعوا العليهو بخبرو
كاسر ل الضلع كسرا يغالبو يجبرو
الشال المنام وبدل صفاي بي كدرو
موزون بالدهب وزنا مخالف عبرو

مي هاشم

20-09-2012, 09:13 PM

زازيت بالنضم .. أفتح مكان الضًمة
ومن سهري العلي ناجيتو كاشف الغُمة
خالف الكية قال قولا كما ذي الرِمة*
لـفلف للفــؤاد لـِفـليف كـمال للـعِمة **

* الشاعر الاموي (ذو الرمة)
** كمال ترباس :)

الحالة دي مزازاة ساي gap

والله يا كانديك يا اخوي ..الشّي بدورلو أكتر من اللّبن..كدي النّشرب وأجيك :D

imported_تماضر حمزة

20-09-2012, 09:28 PM

ياميّ وتارق وعبده،
انا والله الشهر دا زنقة، زنقة
مامرّت عليّ قبال كدا

لكن بفضى ليكم
وبوريكم

imported_حجة امنة

20-09-2012, 09:39 PM

مي هاشم

20-09-2012, 09:45 PM

ياميّ وتارق وعبده،
انا والله الشهر دا زنقة، زنقة
مامرّت عليّ قبال كدا

لكن بفضى ليكم
وبوريكم

أجود الشِّعر أزنقـُه ..

بتاع الزنقة ده بكون زيتو طالع معاك ..

في رجاك يا تماضر..:cool:

مي هاشم

20-09-2012, 09:52 PM

خليتكن لي الله يا تماضر و مي

ماشاء الله تبارك الله
ماشاء الله تبارك الله

طبعاً الغيرغان كتلني عديييييييل gap

لكين و اللهي انا زمان لمن كنت طويلة القامة و بكتب شعر:D
حاولت أكتب مسادير و النصيحة ليك يا الله
فشلتا gap
المهم
حسع زي البنات الفالحات تشيلن البوستي دا صُرة في خيت للويرد يا قول ناصر يوسف
لانو لو المنتدى دا لا قدر الله حصل ليو شي(أوووخ تووووووف:D)
لو حصل شي ، أمانة ما سجمي انا شخصياً

يا شباب المسادير و عنهم طارق إتو زاتكم خليتكم لي الله gap

:L:L:L

أحي انا من حب المشاركة ياخ
انا الحشرني هنا شنو

أخير من الله مافي يا زوزانا :D

وانا غرغرينا الرسايل حقتك قطعت قلبي عدييييييلgap

ياخ ما تعملي لينا لمن كنت طويلة القامة وهناي..مالك ؟ كشّيتي هسي؟؟
أكتبي ساي ..بجي بجي بجي gap

دي مالها :cool: ما نفس فكرة الأوخ توف؟؟ بس بي روج طبعاً :D

فشلك ده أثبتيه هنا عشان أصدقك :D

خسّمتك .. كان تكتبي ..

imported_علاءالدين عبدالله الاحمر

20-09-2012, 10:02 PM

الزول في الانين وجعوا العليهو بخبرو
كاسر ل الضلع كسرا يغالبو يجبرو
الشال المنام وبدل صفاي بي كدرو
موزون بالدهب وزنا مخالف عبرو

يأخي عوق بحيل
سوات شوقي ليك الكية
ما خابرك تغيب
وقدت فيني الحية
شلت جوف السؤال
عنك دوام يا خية
عنك بطيب وبخير
مافيك غمة برية

imported_طارق صديق كانديك

22-09-2012, 07:17 AM

وقت الليل برد شلعن بروق عينيها
خفسن للـفـؤاد هزنوا قـام بـاريها
العتمة أم سواد بي بسمتو مضويها
أنفاسو المسك أنا في المنام ناديها

أصبح كالغريق لي شوفتو النفس تتشابا
غرزت في القليب سهمأ سنين نشابا
الخلا الارض تضحك تزيد أعشابا
لمعان السنون والبسمة جات خاشابا:D

بالوصف العديل كل صورة ليها معاني
ما بقدر أبوح بي ريدو مهما أذاني
الزول المليح في طلتو الكاتلاني
شال كل الفؤاد وعيونو شيتن تاني:)

imported_ماريل

27-09-2012, 07:52 AM

يوميين فى العذاب انا فى اللهيب اتقله
اتقلى صفحة صفحة النوم جفل يا خله
شان زولى الوسيم حارمنى من الطله
حارمنى السلام ياخى السلام لى الله
أيه سبب الخصام قول لى يمكن زَله
بشكيك للغرام ما بشتكيك لى الله
يا ظالم حرام ده*حِقِيقٍى* فيك بتجله
ملعون العشق و الريد بقين لى زِله

حٍقٍيقى:تصغير حق

imported_تماضر حمزة

11-10-2012, 05:56 PM

هن حر النميم بصبح عليو ملهوف
لبيتلو الندا وعاوز عليهو اطوف
اللسد النتر رغم الضراوة عطوف
نسّاني العذاب برّد لهايب الجوف

imported_تماضر حمزة

11-10-2012, 06:16 PM

حجوجة، خلّي التواضع بللاي:p

imported_ود فداسي

11-10-2012, 07:20 PM

هن حر النميم بصبح عليو ملهوف
لبيتلو الندا وعاوز عليهو اطوف
اللسد النتر رغم الضراوة عطوف
نسّاني العذاب برّد لهايب الجوف

هن حر السدار تتشابالو الوف
اب قواماً لادن مفصل وردوف
سيد نسبا مأصل من قديم معروف
كيف شورة العاقل بعد ما يشوف

imported_سجمان

05-11-2012, 01:07 PM

imported_سجمان

05-11-2012, 01:33 PM

عينين البريدو فيهن حكمة الله اتجلّت
كرّب قليبي ريدو وسابني بيهو مجلّت
الخـلاّ موية عيني شـَو تتجلّت
وساع وكُحُل ورُشرش سهام ما جلّت

أهملنا النوافل ألم الفؤاد اتخلّت
وباقي الفروض بي شوية كان اتخلّت
فرع السيسبان متلو الأرض ما قلّت
مَرَضِي السكري وضوق شَنّو لي ما غلّت

احمد زين

05-11-2012, 02:19 PM

أخونا عماد الماحي قال عمو ود فضيل في سوق شندي
شاف ليهو بنية حليوة ماسكة الموبايل وبتبكي
قام ود فضيل وصفا وقال

إن قدمت تمثّل للسحابة الراحلة
بس زادت شعر و شعور و أعين كاحلة
تروي إذا بكت كل الغفار القاحلة
و إن مال الطريف سهماً رماهو فطاحلة

عماد الماحي رد ليهو وقال

إن تاتت تحكي المزينة الماطرة
وازدت بالضمير و الروايح العاطرة
تسقي إذا بكت كل اليباب و الماطرة
و إن رفعت حاجبا ملكة و خدمها أباطرة

أحمد زين سمع الكلام ده قام قال

إن قدلـــت تحـاكــي الصافنــات الخـــيل
وزايدة علي البنات لمعة وطريفها كحيل
مقرن دمعها الفوق جِيْدَها حَاكَـى النيــل
نَبْعُو عيون مَــهَا ومجراهو خداً اسـيــل

اها يا شباب ورونا قولكم شنو

ان ماست تنوح كل الضماير راحلة
تقدل تنتني تمشي وتظنها واحلة
فوح العنبر أم كشحا مساوا وناحلة
أحي من فلانة ست الطريف الكاحلةlooool

ان ماست تنوح بيها القلوب عشقانـــة
تقدل وتنتنى انفاسها زى ريحـــــــــانة
سهم لحظك طبنجة تكتل بدون جبخانة
ود كانديك كتل:D الرحمة يا انسـانة

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=312191#post312191)

ان حنت تقول مزن الصعيد خببانه
براقا شلع من طرفو زاد هيجانه
ياااابت الكرام كيف الدبارة معانا
في فلانة التي هلكتنا زادت ازانا ؟:D

صباح الدعاش يا صاحب..
النحلحل الديون الفاتت ونجي عليك..

اها ده دين تقيل وانت معترف بيهو:D

مي هاشم

06-11-2012, 07:39 AM

يا شبه الفلو الحاجبو جرة صاد
سيفك يام لحاظ الـ للقلوب فـ صّاد
كلما ادور اجي للنمة راجع صاد
ألقاها الديون واقفالي بالمرصاد

بعد متشعلقين الكتيييييييييييييرة ديك..
كل زول يجيني هنا عشان نعمل معاهو تسوية للديون بتاعتو..

حبابك ومشتاقييييييييين شوق جد

ديني عافياهو ليك..جيتك دي سدت كل الفروق معاي..بس لا تغيب تاني :)

آدم إدريس

06-11-2012, 11:05 AM

يا شبه الفلو الحاجبو جرة صاد
سيفك يام لحاظ الـ للقلوب فـ صّاد
كلما ادور اجي للنمة راجع صاد
ألقاها الديون واقفالي بالمرصاد
1

و دُرنا القومة و القعاد
و ما عارفين مشهاد
و إرم ذات العماد
و تبقى ليهو بالمرصاد
و الحواشة دايرة ليها سماد
و أركب الجواد
من بلاد لي بلاد
و دا حال السواد
و النار تلد الرماد

imported_أبو دعد

06-11-2012, 11:14 AM

البارح قسمنا الليل فى مركز الوافر
مع نغم الزول الجا قريب و قال مسافر
خلى مهند يمين وشمال بالرقيص يدافر
وكان قلت الحسان كان جمالن بالحيل وافر

مي هاشم

06-11-2012, 11:15 AM

و دُرنا القومة و القعاد
و ما عارفين مشهاد
و إرم ذات العماد
و تبقى ليهو بالمرصاد
و الحواشة دايرة ليها سماد
و أركب الجواد
من بلاد لي بلاد
و دا حال السواد
و النار تلد الرماد

هذا حضور يجعل من هذه الراكوبة قصراً منيفاً..وحات الله :)

فحباباك يا خال

آدم إدريس

06-11-2012, 11:20 AM

هذا حضور يجعل من هذه الراكوبة قصراً منيفاً..وحات الله :)

فحباباك يا خال

gap

يا زولة إنت بجدك؟

imported_أبو دعد

06-11-2012, 11:22 AM

اها ده دين تقيل وانت معترف بيهو:D

ان مشت فيها تقل و رزانا
تتمايل فى مشيها زى الزانا
كان شفناها فوقا نكتر الأوزانا
اصلو الجمال سبب .... ازانا

مي هاشم

06-11-2012, 11:24 AM

gap

يا زولة إنت بجدك؟

بجدي وحبوبتي وحاتك :D

منور والله..

imported_جيجي

06-11-2012, 11:53 AM

أهملنا النوافل ألم الفؤاد اتخلّت
وباقي الفروض بي شوية كان اتخلّت
فرع السيسبان متلو الأرض ما قلّت
مَرَضِي السكري وضوق شَنّو لي ما غلّتمن يومك فؤادك مليان وديمة مخلت:p
فتيل الخمرة يوت منه العبير يتفلت
يوم فوحك مسك ويوم خمرة ضفربفليرو متلت
مطمور ة عطورك ياخ للمشاعر اخلت

مي هاشم

07-11-2012, 10:04 PM

كم قشّيت دموع .. جمر الغرام في ولّع
وكم غبّيت أتر ..من فرقو ما اتجلّع
الخلاّني صابر مهما القليب اتفلّع
كاسيهو الحيا ده الفي مشيو يتقلّع

آدم إدريس

07-11-2012, 10:09 PM

كم قشّيت دموع .. جمر الغرام في ولّع
وكم غبّيت أتر ..من فرقو ما اتجلّع
الخلاّني صابر مهما القليب اتفلّع
كاسيهو الحيا وفي مشيو يتقلّع

و الزول البخيت وسعيد يغني ليهو القلّع
و أنا في مشيّ بتدلع
و الحلم البنيتو إتشلَع
و حالف أي زول وهم يتفلّع

مواهب

08-11-2012, 12:05 AM

يا شبه الفلو الحاجبو جرة صاد
سيفك يام لحاظ الـ للقلوب فـ صّاد
كلما ادور اجي للنمة راجع صاد
ألقاها الديون واقفالي بالمرصاد

بعد متشعلقين الكتيييييييييييييرة ديك..
كل زول يجيني هنا عشان نعمل معاهو تسوية للديون بتاعتو..

ياسيد الديار مرحب حباب صداتك.....
سامعين من قديم شوتك وجمال صداتك.....
الخلانى أرجع تانى أدوبى واقيف فى قصادك ...
حرّيق البنات ناس جيجى لبخراتك :p

imported_أبو دعد

13-11-2012, 10:18 AM

ياسيد الديار مرحب حباب صداتك.....
سامعين من قديم شوتك وجمال صداتك.....
الخلانى أرجع تانى أدوبى واقيف فى قصادك ...
حرّيق البنات ناس جيجى لبخراتك :p

سبحان ربى العزيز و اهب
و كم خصاك بى علم ومواهب
حت فى الدوبيت سهمك ساهب
احفك ربى من كل شريا مواهب

مواهب

13-11-2012, 11:26 PM

سبحان ربى العزيز و اهب
و كم خصاك بى علم ومواهب
حت فى الدوبيت سهمك ساهب
احفك ربى من كل شريا مواهب

أبو دعد الكريم أدخل دحين لا جوّة .........
مشتاقين كتير ,قسما" وحات الخوّة ........
قول للهم خلاص أبعد وفرّمن كوّة .........
ديل أخوانى جو , أفزعنى يا ابو مرّوّة .....:)

imported_أبو دعد

17-11-2012, 08:40 AM

أبو دعد الكريم أدخل دحين لا جوّة .........
مشتاقين كتير ,قسما" وحات الخوّة ........
قول للهم خلاص أبعد وفرّمن كوّة .........
ديل أخوانى جو , أفزعنى يا ابو مرّوّة .....:)

فزعك يا ام وضيب نرمى ليهو فى الودع
و يا ما تشوفى فعايلن سيدا بلحيل مبدع
قولى لى ابو الريش خلاص للميس ودع
نزل صقر الجو البخم البيض و المفقع

imported_أبو دعد

19-11-2012, 08:40 AM

كبستى يا الحلة الليلة بقيتى ضلام
وعلمنا الله من زولا نقولو سلام
الزول المتلج جسيمو دا الحمام
هرد الكبدة غورجرحو فى ابدمام

imported_تماضر حمزة

19-11-2012, 10:37 AM

فلاش باك ياميّ:cool:

زولي الفي الوصف حاقق جوايز وكاس
ستّار للعروض ..بتشاوروهو الناس
راقي ،سمح،مهندّم وفي الحديس ونّاس
واسمك مابقول يالباقي ليّ وسواس:p

imported_أسامة معاوية الطيب

19-11-2012, 10:51 AM

فلاش باك ياميّ:cool:

زولي الفي الوصف حاقق جوايز وكاس
ستّار للعروض ..بتشاوروهو الناس
راقي ،سمح،مهندّم وفي الحديس ونّاس
واسمك مابقول يالباقي ليّ وسواس:p

الله لا كسبو

imported_تماضر حمزة

19-11-2012, 10:55 AM

الله لا كسبو

:D:D

imported_أبو دعد

02-12-2012, 10:37 AM

فلاش باك ياميّ:cool:

زولي الفي الوصف حاقق جوايز وكاس
ستّار للعروض ..بتشاوروهو الناس
راقي ،سمح،مهندّم وفي الحديس ونّاس
واسمك مابقول يالباقي ليّ وسواس:p

كتير القرا حروفك و قعد يشابا
و قال خلاص انغرس فى نشابا
ايقونت مى زى جمر... الهشابا
وصفك ليهو مربوع لاهسع ما شابا

imported_تماضر حمزة

02-12-2012, 12:51 PM

كتير القرا حروفك و قعد يشابا
و قال خلاص انغرس فى نشابا
ايقونت مى زى جمر... الهشابا
وصفك ليهو مربوع لاهسع ما شابا

شوقا للنميم عِلّا المرابيع ..جافية
وشوقاً للصحاب ضمّنتو بيتاً وقافية
وشوقاً للحبيب الفيو قساوة ألمافيا
يضرب بالرصاص روحاً تريدلو العافية

^_^

imported_تماضر حمزة

02-12-2012, 12:56 PM

ركايب ريدك الساقن قليبي الحادي
خشّن بيّ صحاري وخدّرني بوادي
نغم نمّك قسم رقّص سلوك الرادي
أياسالب الرويح أنا بي عذابك راااضي

imported_سارة

02-12-2012, 01:18 PM

ركايب ريدك الساقن قليبي الحادي
خشّن بيّ صحاري وخدّرني بوادي
نغم نمّك قسم رقّص سلوك الرادي
أياسالب الرويح أنا بي عذابك راااضي

ركايب ريدك الساقن رويحتى رهينة
خشّن فى القليب وأوقدنو رتينة
نغم نمك صدح خضًر يباس وادينا
يا سالب العقول بعذابك نحنا رضينا

imported_تماضر حمزة

02-12-2012, 01:23 PM

ركايب ريدك الساقن رويحتى رهينة
خشّن فى القليب وأوقدنو رتينة
نغم نمك صدح خضًر يباس وادينا
يا سالب العقول بعذابك نحنا رضينا

الويل والهلاك لي قلبي كان بيباصرو
زولا للجمال حدّد مكامنو وحاصرو
أنا ياخِلّي شر الدنيا دايماً قاصرو
مالي ومال هواو اللي أذايا بناصرو
:cool:

imported_خالد غالي

02-12-2012, 01:37 PM

ركايب ريدك الدخلن قليبي محبّة
اشعل نار غرامي كل مانسيمك هبا
لو ماني خايف ريدك يبقى لي مسبا
بدفعو كل عمري بس القى لي فد لبّة
:D

زمن والله ياخي ... زمن

imported_تماضر حمزة

02-12-2012, 01:45 PM

ركايب ريدك الدخلن قليبي محبّة
اشعل نار غرامي كل مانسيمك هبا
لو ماني خايف ريدك يبقى لي مسبا
بدفعو كل عمري بس القى لي فد لبّة
:D

زمن والله ياخي ... زمن

هاك تحت الحساب لامن اجيك تاني:p

شراب البن غرامو وبكريو محال إتنّن
قطّاع معصم الليد الصباعا مَحنّن
مابنساهو هن مت بي وراو واتجنّن
الأمياقو رامحة وسام سهمها مَسنّن

imported_سارة

02-12-2012, 01:50 PM

ركايب ريدك الدخلن قليبي محبّة
اشعل نار غرامي كل مانسيمك هبا
لو ماني خايف ريدك يبقى لي مسبا
بدفعو كل عمري بس القى لي فد لبّة
:D

زمن والله ياخي ... زمن

ركايب ريدك السًون قليبى وسادة
زاد الشوق على ونار الغرام وقًادة
لو ماخايف الملام ريدك بعبدو عبادة
بديك العمر الفات واللى جاى هوادة

هيييييييييييييع وتانى هيييييييييييييييييع:p

imported_خالد غالي

02-12-2012, 01:58 PM

النفس ياتماضر .. النفس عديييل تقولي لي بن ؟

النفس ياحبيب انا اوكسجيني هواك
مابطيب لي مقام تلقاني دوم في رجاك
من ماغبت مني ات قلبي شلتو معاك
ان شاء الله يعدمو النبض لو اي يوم ينساك

imported_سارة

02-12-2012, 01:59 PM

الويل والهلاك لي قلبي كان بيباصرو
زولا للجمال حدّد مكامنو وحاصرو
أنا ياخِلّي شر الدنيا دايماً قاصرو
مالي ومال هواو اللي أذايا بناصرو
:cool:

الويل والهلاك فى قلبى سكنن ضمة
زولا من جمالو طاوى الرويح زى عمة
يا خلاى ريدو ادانى السهر والحمى
لو فى الطيف يزورنى بسعد كتير وانجمى

:cool:

imported_سارة

02-12-2012, 02:10 PM

النفس ياتماضر .. النفس عديييل تقولي لي بن ؟

النفس ياحبيب انا اوكسجيني هواك
مابطيب لي مقام تلقاني دوم في رجاك
من ماغبت مني ات قلبي شلتو معاك
ان شاء الله يعدمو النبض لو اي يوم ينساك

النفس يا حبيب انا اوكسجينى لماك
ياعالى المقام غاية منايا رضاك
الروح بـ يمينك وقلبى فى يسراك
مهما قسيت عليا انا برضو بستناك

:p:D

imported_تماضر حمزة

02-12-2012, 02:12 PM

النفس ياتماضر .. النفس عديييل تقولي لي بن ؟

النفس ياحبيب انا اوكسجيني هواك
مابطيب لي مقام تلقاني دوم في رجاك
من ماغبت مني ات قلبي شلتو معاك
ان شاء الله يعدمو النبض لو اي يوم ينساك

النفس البخم ريدة حبيبي امامي
يالتلت الاخير شايل معاهو قيامي
الزول كان حنين ومالك معاي الهامي
بكتب للصباح لو طيفو بس.. قدامي
:p

imported_شبارقة

02-12-2012, 02:25 PM

imported_خالد غالي

02-12-2012, 02:27 PM

النفس يا حبيب انا اوكسجينى لماك
ياعالى المقام غاية منايا رضاك
الروح بـ يمينك وقلبى فى يسراك
مهما قسيت عليا انا برضو بستناك

:p:D

في انتظار الحبيب ياسارة انا قلبي اتحرّق
وباقي العمر من بين اليدين اتسرّق
انهل من كلامو ومن حلاتو اتشرّق
من طيفو بس تلقي الجسم اتعرّق

:D

imported_تماضر حمزة

02-12-2012, 02:34 PM

الليل انختم بالقالو هو ووصّابو
أخطيت في العشق لكن غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

يكون مالو:p

imported_تماضر حمزة

02-12-2012, 02:42 PM

في انتظار الحبيب ياسارة انا قلبي اتحرّق
وباقي العمر من بين اليدين اتسرّق
انهل من كلامو ومن حلاتو اتشرّق
من طيفو بس تلقي الجسم اتعرّق

:D

الريد البشيق في همي غرِّب وشرِّق
من لهجو القبيل للليلة أنا مِتشرّق
كامن بالعشق لي قلبو ياني مِشرِّك
من شدة حَلاو بطفينا ثمّ يحرِّق

شوشوة مبالغة:p

imported_سارة

02-12-2012, 03:13 PM

الليل انختم بالقالو هو ووصّابو
أخطيت في العشق لكن غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

يكون مالو:p

الليل انتلت والشوق غرز نشًابو
يا مالك القلوب اقسمنى من احبابو
كيل الريد وزيد فى الحب تملى نصابو
شاوى قليبى شى ومتل التلج اعصابو :p:D

imported_خالد غالي

02-12-2012, 03:16 PM

هوي هوي

واضح جدا انو انا مابقدر عليكم انتو الاتنين

هروووووووووووووووووووووووووب :)

imported_سارة

02-12-2012, 03:17 PM

نضَـميكم سمح بالحيل ... ما بنعرف نجاريكم .. لكن أقل حاجة واجبة علينا هي الإشادة والإعجاب بما تنثرونه هنا ... شكرا ً لكم ... أستمروا في هذا العطاء وما تقيفوا .. ومزيد من الدهشة والجمال ... مبدعين والله.

يسمح حالك انت خليك تملى حدانا
بالنم والكلم نشرب وتروى معانا
بنسعد بمجيكم وكلماتكم النديانة
نضرب بالحروف:p لا حراب ولا جبخانة

imported_سارة

02-12-2012, 03:23 PM

هوي هوي

واضح جدا انو انا مابقدر عليكم انتو الاتنين

هروووووووووووووووووووووووووب :)

ما بينفع هروب وانت البديتها حرابة
سويت بالعشق والم الفراق كترابة
ويا بادى الشبك شبك الغرام اتشابا
انت رسول غرام وانحنا ليك صحابة:p:D

هروب نهى نهى يا خالد

imported_زول الله

02-12-2012, 03:49 PM

موزون الحُسُن مابشبه التانيين
حاشاهو الغلط مبروم عديل ورزين
يومي الجيت حداو وإتلاقن الإيدين
شال قلبي وسرح خلاني زول مسكييين

اقول قولي هذا واستغفر الله لي.............

imported_سارة

02-12-2012, 09:55 PM

موزون الحُسُن مابشبه التانيين
حاشاهو الغلط مبروم عديل ورزين
يومي الجيت حداو وإتلاقن الإيدين
شال قلبي وسرح خلاني زول مسكييين

اقول قولي هذا واستغفر الله لي.............

موزون العقل ما بقيسوهو بالتانين
حاشاهو الغلط فى قولو حد سكين
راجل وود رجال الما انقبض بشين
دا الحافظ فروضو وشايل رضا الوالدين

imported_مسيكين

30-12-2012, 10:45 AM

موزون الحُسُن مابشبه التانيين
حاشاهو الغلط مبروم عديل ورزين
يومي الجيت حداو وإتلاقن الإيدين
شال قلبي وسرح خلاني زول مسكييين

[/COLOR]

مسيكين ياني انا وجيتكم بياض النيه
باصوري الركوب والزامله والمحويه
تربال ود ترابله إتربى بالطوريه
بالجود والكرم باسط دوام إيديا

احمد زين

05-01-2013, 12:12 AM

فرع جديد
لعناية مي هاشم بدون تحية:)
سهران يا خلق والنوم شرد من عيني
والطيف البواسي الناس ابـا يواسيني
يا هالكاني ليه بي نار هواك تكويني
حنِّي وارحمي وارجوكي لا تكاويني

imported_طارق صديق كانديك

05-01-2013, 06:14 AM

والله أيام ياخي .. سلام على كل الذين/اللوات رووا/ رويّن هذا المكان بحرفٍ هتون.

ياود الزين نجيكم بالليل إن شاء الله وننضم معاكم وتحياتنا قبضة إيد.:)

imported_ابو ابراهيم

05-01-2013, 07:00 AM

جيناكم يا العزاز كايسين عــبير جُدّانـا
شايفين العطور عطرابتن تقول اغشانا
من نظمن حنين خلى الجنون اطــرانا
كلامـن وحكمتن يهى البتروى حشانا

imported_ابو ابراهيم

05-01-2013, 07:22 AM

موزون الحُسُن مابشبه التانيين
حاشاهو الغلط مبروم عديل ورزين
يومي الجيت حداو وإتلاقن الإيدين
شال قلبي وسرح خلاني زول مسكييين

اقول قولي هذا واستغفر الله لي.............

مربوع فى الوزن لا بعـيو بشلق الليديـــن
هداى فى المشى لا طول بمطمط الكرعين
وان قت الخُلق:confused: واهم الخلق ومشلقة العينين :eek:
حاشاه ما بلمس .بس . نختو فى الــــبترين

كيفك ود الشيخ

imported_سجمان

05-10-2015, 10:11 AM

ضاع الكلام .. ماتت دروب اللقيا قبال أهمسا

يا ريت واحد يكون عامل كوبي للبوست دا وما يكون لحق
الداتا بتاعة حُب النيل يا ريت.. لأنو والله الضاع كتير مننا في
هذه الأسافير وللأسف نحن قصة نسخة تانية دي ما شغالين بيها..

نناشد أخونا زول الله لأني متوقع إنو يكون عندو نسخة من البوست وأخوانا كانديك يا ريت تنجدونا بالنسخة المعاكم..

imported_سجمان

05-10-2015, 10:22 AM

كم بي هواك سجعن حمايم شوقي
ومن كُتر الصدود قنّبت هايم اهوقي
يا شتل المطور الراجي يوم نوريقي
أرحم بي لماك قبال يطير طايوقي

ياخ النم طار لينا عديل..

imported_طارق صديق كانديك

05-10-2015, 10:40 AM

غايتو أنا عندي أخير نكرب زندنا من جاي ولي قدام أما الصفحات الجفلن الله ساي يرد غربتن:)

يالها من راكوبة يا حبيب

imported_طارق صديق كانديك

05-10-2015, 10:50 AM

كم بي هواك سجعن حمايم شوقي
ومن كُتر الصدود قنّبت هايم اهوقي
يا شتل المطور الراجي يوم نوريقي
أرحم بي لماك قبال يطير طايوقي

شال فرعو انتنى بالقدلة عدّل ذوقي
فاح منو المسك تسمع حمامو يقوقي
ياسابل الستر في صديرو وهّط شوقي
بعد قمح السنين عُقباً يحرر سوقي:D

ــــ

غايتو كان الكورة فكت أعفي لي:)

imported_سجمان

05-10-2015, 11:31 AM

شال فرعو انتنى بالقدلة عدّل ذوقي
فاح منو المسك تسمع حمامو يقوقي
ياسابل الستر في صديرو وهّط شوقي
بعد قمح السنين عُقباً يحرر سوقي:D
ـ
غايتو كان الكورة فكت أعفي لي:)

شالت عقلي والروح بي لماها تهاتي
مشتولة القرير الجهجهت باكاتي
يا خلي الأمر أخلصت فيو دعواتي
لو كان بالنظر تجمعني بيو شهواتي

...

والله أخوك زاتو كورتو فكت

imported_سجمان

05-10-2015, 11:32 AM

غايتو أنا عندي أخير نكرب زندنا من جاي ولي قدام أما الصفحات الجفلن الله ساي يرد غربتن:)

يالها من راكوبة يا حبيب

كان كدا أسكت كِب..

عبد المنعم حضيري

05-10-2015, 12:39 PM

كم بي هواك سجعن حمايم شوقي
ومن كُتر الصدود قنّبت هايم اهوقي
يا شتل المطور الراجي يوم نوريقي
أرحم بي لماك قبال يطير طايوقي

ياخ النم طار لينا عديل..

النم أمر هين بترجع طيورو تقوقي
بس تلقى الشفا والباقي أردمو فوقي
البت أم ضميرشهبتني فوق لحروقي
جفلت يا صديق قالت لي موت بشوقي

imported_تماضر حمزة

06-10-2015, 07:20 PM

أهجصي يا طيور ما ركّ خاطرك فوقي
وما تنساقي للقلب البقولّك قوقي
فوقو شقاوة لو تابعتي ما بتروقي
طبق شريانو خالف رجلو فيو معشوقي

imported_فيصل سعد

06-10-2015, 07:35 PM

أهلا حبابك هلت بشايرنا اكيد
بشوفتك يا تماضر الدنيا لسة عيد
فاقدين القوافي العامرة بالترديد
و الليلة المزاج انعدل بالتاكيد

و التحايا لصاحب البوست و ضيوفه
الأعزاء و ملمومين في الخير..

عبد المنعم حضيري

07-10-2015, 06:34 AM

أهلاً يا طيــور شرفتـوا للراكوبـة
مشهادكم فرح والدنيا ما مزروبة
أبشروا بالنميم يوم المِسُور والحوبة
بالصح بالكضب بنجيب رضا زينوبة

عبد المنعم حضيري

07-10-2015, 06:39 AM

مرحبتين تماضر ..... فيصل

وكل عام وأنتم بخير

imported_تماضر حمزة

08-10-2015, 09:32 AM

أهلاً يا طيــور شرفتـوا للراكوبـة
مشهادكم فرح والدنيا ما مزروبة
أبشروا بالنميم يوم المِسُور والحوبة
بالصح بالكضب بنجيب رضا زينوبة

أبشر يا حضيري الفرحة جات يادوبا
وليك مني الحروف طاعم عسل شخلوبا
دوبيتي المعاي بت سيرك او لهلوبة
بتجيك بالعديل ومرات بتقلب هوبا

imported_تماضر حمزة

08-10-2015, 09:34 AM

imported_رأفت ميلاد

08-10-2015, 10:37 AM

فيصل جيدا جيت

تماضر السمحة

رغم أنك رطانية لكن يا ريت تشرحى لينا (جيدا جيت) يعنى شنو

والله ما بمتحنك لكن ما عارفا بس عندى ليها الإحساس

عبد المنعم حضيري

08-10-2015, 12:05 PM

أبشر يا حضيري الفرحة جات يادوبا
وليك مني الحروف طاعم عسل شخلوبا
دوبيتي المعاي بت سيرك او لهلوبة
بتجيك بالعديل ومرات بتقلب هوبا

مرحبتين خُنَاس جبتي القوافي طروبة
أخجلتي الحروف خافت تقول مَرْقُوبَة
دوبيتي المعاك أب قافيـــــةً مكروبــة
إن جاك مندلـق ماب يِنْجَسـِـربطوبــة

imported_تماضر حمزة

08-10-2015, 02:18 PM

تماضر السمحة

رغم أنك رطانية لكن يا ريت تشرحى لينا (جيدا جيت) يعنى شنو

والله ما بمتحنك لكن ما عارفا بس عندى ليها الإحساس

جيد ليّ يا رأفت السمح
جيدا جيت عبارة ترحابية
جيد من الكرم
انا شايفة التفسير الأقرب انك جدت بجيتك
تكرمت بيها. والله أعلم

imported_تماضر حمزة

08-10-2015, 02:27 PM

مرحبتين خُنَاس جبتي القوافي طروبة
أخجلتي الحروف خافت تقول مَرْقُوبَة
دوبيتي المعاك أب قافيـــــةً مكروبــة
إن جاك مندلـق ماب يِنْجَسـِـربطوبــة
دوبيتك قسم مليان حكم وعذوبة
دا الخلّى الحواس يبكن مع زينوبة
سكّرت القلوب من شدة إنو طروبة
ذي ريم الخلا البي طلقتك مضروبة

عبد المنعم حضيري

08-10-2015, 03:00 PM

دوبيتك قسم مليان حكم وعذوبة
دا الخلّى الحواس يبكن مع زينوبة
سكّرت القلوب من شدة إنو طروبة
ذي ريم الخلا البي طلقتك مضروبة

ترباية بطر مليان ساقا لـــ عرقـوبا
والعجب الرقيص وكتين تنزل توبا
قولبنا الشهادة شادهانا هادي الروبة
أما قلوبنـا خليهـن بقـن زي ســـوبا

imported_تماضر حمزة

08-10-2015, 03:22 PM

ترباية بطر مليان ساقا لـــ عرقـوبا
والعجب الرقيص وكتين تنزل توبا
قولبنا الشهادة شادهانا هادي الروبة
أما قلوبنـا خليهـن بقـن زي ســـوبا

عدلت منقدا وساطت عصيدة وروبا
من زمن الجهل فالحة وذكية أروبا
شن فايدة غناك لو ما بودي دروبا
وكان مر كان عسل هانيلا يا مشروبا

عبد المنعم حضيري

08-10-2015, 06:57 PM

عدلت منقدا وساطت عصيدة وروبا
من زمن الجهل فالحة وذكية أروبا
شن فايدة غناك لو ما بودي دروبا
وكان مر كان عسل هانيلا يا مشروبا

منفلة من جدودا الوالدة والحبوبة
كاسات الجمال شالتن في دروبا
بنوت الفريق شانات عليها حروبا
يا رب العباد تبقالي هي المكتوبة

imported_تماضر حمزة

08-10-2015, 08:45 PM

منفلة من جدودا الوالدة والحبوبة
كاسات الجمال شالتن في دروبا
بنوت الفريق شانات عليها حروبا
يا رب العباد تبقالي هي المكتوبة
من نوبة البلد زنجي ومزيجو عروبة
ومن نسل الكرام ما فروا يوم في الحوبة
لولا الخوفة من ريداً بجيبلي حروبة
كنت بكشّف الاوراق وأدك مخروبة

imported_wadosman

08-10-2015, 08:52 PM

من نوبة البلد زنجي ومزيجو عروبة
ومن نسل الكرام ما فروا يوم في الحوبة
لولا الخوفة من ريداً بجيبلي حروبة
كنت بكشّف الاوراق وأدك مخروبة

:D
كلامك كلام خشم شايلو هبوبه
ورقكم كعب ما بيجيلو نزوله...:rolleyes:

عبد المنعم حضيري

09-10-2015, 04:56 AM

:D
كلامك كلام خشم شايلو هبوبه
ورقكم كعب ما بيجيلو نزوله...:rolleyes:

كلامنا بيطرب النفس الشفيفة طروبة
مسدار الغرام بنجرو فوق ام روبة
نحنا ورقنا قافل دايرلو بس سبوبة
فك العرجة يا مكيش وتعال اتبوبا

عبد المنعم حضيري

09-10-2015, 05:35 AM

من نوبة البلد زنجي ومزيجو عروبة
ومن نسل الكرام ما فروا يوم في الحوبة
لولا الخوفة من ريداً بجيبلي حروبة
كنت بكشّف الاوراق وأدك مخروبة

من سافل صعيد هيبة ومكانة رهيبة
ومن نسل الكرام لازم تكون محسوبة
الخلاني عايش بين سموم ورطوبة
رمانتين وقدلة ووقلة في المحبوبة

imported_سجمان

26-01-2016, 11:35 AM

عبد المنعم حضيري

27-01-2016, 07:36 AM

بعد الراح سدىً بردت يمين همتنا
ياما مع الصحاب سقنا النضم همبتنا
الربقي القبيل قلناهو في لمتنا
يالمسئول متين تسهل عليو لمتنا

الربقي السمح عاقدين عليو جمتنا
راجينمبو الخلود بعد الحياة إن متنا
الشبكة ان غِبَت متل الحدي كفتتنا
رافعين الأمر لي أمينّا ما يكلفتنا

يا سجمان تعال قول النميم وأطربنا
سمحة اللمة والراكوبة بيك جمعتنا
الشالو التساب خليهو ماهو رزقنا
جيب الفي النصيب زود كمان إلفتنا

imported_سجمان

27-01-2016, 10:47 AM

يا سجمان تعال قول النميم وأطربنا
سمحة اللمة والراكوبة بيك جمعتنا
الشالو التساب خليهو ماهو رزقنا
جيب الفي النصيب زود كمان إلفتنا

من دن النميم يا خلي ياما شربنا
كم بيهو الهموم من القلوب سرّبنا
الشالو التساب لو الجميع أضربنا
ما كنا بنقول في الداتا ست "يخربنا"

عبد المنعم حضيري

27-01-2016, 12:46 PM

من دن النميم يا خلي ياما شربنا
كم بيهو الهموم من القلوب سرّبنا
الشالو التساب لو الجميع أضربنا
ما كنا بنقول في الداتا ست "يخربنا"

من دن النميم نغرف نعبي قرافنا
نشرب منو يوت ونسقي ل أحبابنا
الشالو التساب تالاهو بنسد بابنا
يا قوقل يمين ما أظن عملت حسابنا

imported_سجمان

27-01-2016, 03:11 PM

من دن النميم نغرف نعبي قرافنا
نشرب منو يوت ونسقي ل أحبابنا
الشالو التساب تالاهو بنسد بابنا
يا قوقل يمين ما أظن عملت حسابنا

كم بل النميم لي ريقنا بل نشافنا
للقريافو كان في حاء وباء وكافنا
القوقل أكان أجدت ليو أوصافنا
لا بودر حقوقنا ولا بسيبنا يعافنا

سقناهو الغُنا وجلة وعليها قحافنا
ومن دنو البجود در البخت لي سلافنا
القوقل بجيب التايهة من اسلافنا
ما بودر يمين اللوم علي إشرافناlooool

imported_احمد زين

30-01-2016, 08:09 PM

ناصر يوسف

30-01-2016, 08:30 PM

يا سلاااااام ياخ

عاد الدوباي والنمه وعاد لسودانيات بعض الألق

imported_سجمان

01-02-2016, 10:51 AM

سلام يا اهل النم والغنا
طولنا منكم
نديكم راس خيط والشاطر يجُر

وجعي البيّ كل ما اطراك يزيد ويتجدد
بقيت مرضان وناحل جسمي نومي مَسَقّد
من الريدو عشعش في الفؤاد وإتمددْ
اتحويت وراء الدخل الخلاوي وسدد

حبابووووووووووو ود زين..

في التلت الأخير ذكراهو جات تتردد
والعين انطلق دمّاعا ما بتحدد
الشاغل الفكر بين النجوم اتمجد
يا ود زين بقيت من جوز عيونو مهدد

imported_سجمان

01-02-2016, 10:52 AM

يا سلاااااام ياخ

عاد الدوباي والنمه وعاد لسودانيات بعض الألق

هلا ناصر والله

ثم إنو الشوق قلايب ربيد؛؛

imported_علاءالدين عبدالله الاحمر

09-02-2016, 12:57 PM

بنصبح وفي الشق نصال شتا
لابنقلعن جت لابنلم الصق انحتة
الواجعني وبقطع دوام في الجتة
نيلنا البجف والراعيه ينمد ويتمطا

imported_علاءالدين عبدالله الاحمر

09-02-2016, 01:03 PM

الصافي المنقي في العتم بتلالا
في خده الندا عليه الخلوق تتبالي
شيتا غزل ومرات كلام في رسالة
الا القادر الله ياقمر العشا البتعالي

imported_فخري الزين

09-02-2016, 04:44 PM

بعد الراح سدىً بردت يمين همتنا
ياما مع الصحاب سقنا النضم همبتنا
الربقي القبيل قلناهو في لمتنا
يالمسئول متين تسهل عليو لمتنا

الربقي السمح عاقدين عليو جمتنا
راجينمبو الخلود بعد الحياة إن متنا
الشبكة ان غِبَت متل الحدي كفتتنا
رافعين الأمر لي أمينّا ما يكلفتنا

خلي الفات وماتبقي في النحيب والوووب
كتير الراح والقش ملخبت حسكنيت وسهوب
سو عوسك في الحروف وجيبب النضم مقلوب
ونسوق الليل غنا وتبقي الردود شلهوب

imported_طارق صديق كانديك

09-02-2016, 10:16 PM

ديون كتيرة والله :)

الله يفك ساجورنا ونجيكمlooool

عبد المنعم حضيري

10-02-2016, 06:47 AM

الصافي المنقي في العتم بتلالا
في خده الندا عليه الخلوق تتبالي
شيتا غزل ومرات كلام في رسالة
الا القادر الله ياقمر العشا البتعالي

شفّيت الجسـم والحالـة ياهـا الحالـة
يا نايـر الخـدود الحالـة جـد بطّالـة
مفارم الشوق جوات القليـب شغالة
يـا تلفاهو يا سيدو أو ترجاهو بنقالة

imported_سجمان

18-02-2016, 01:39 PM

بنصبح وفي الشق نصال شتا
لابنقلعن جت لابنلم الصق انحتة
الواجعني وبقطع دوام في الجتة
نيلنا البجف والراعيه ينمد ويتمطا

بنصبح كل صباح وهمومنا راقدة كللق
وان غابت شمس ود عينّا نومو مشلّق
الشغل الفكور من دوبو علق اتخلق
شال البال معاو بي شوقو سابني معلّق

imported_سجمان

18-02-2016, 01:56 PM

الصافي المنقي في العتم بتلالا
في خده الندا عليه الخلوق تتبالي
شيتا غزل ومرات كلام في رسالة
الا القادر الله ياقمر العشا البتعالي

صافي البريق الريقو زادنا ثمالا
مو محتاجلو زئبق نورو سبقو ولالا
مشنون الشمال شمايلو شتى الشالا
شل شمالي شمة شريفة من شمّالا

imported_احمد زين

18-02-2016, 03:21 PM

عذبتنا يا سجمان

imported_احمد زين

18-02-2016, 03:22 PM

صافي البريق الريقو زادنا ثمالا
مو محتاجلو زئبق نورو سبقو ولالا
مشنون الشمال شمايلو شتى الشالا
شل شمالي شمة شريفة من شمّالا

شاشيت للرُشاش شال لي بريق يتلالا
شال الشوق طفش شاف البضَوِّي جمالا
شيش يا شابة ..قلبي الشاف شوي الملّالا
شلال الشمال شهبات ناري ما بيطفالا

imported_علاءالدين عبدالله الاحمر

18-02-2016, 04:39 PM

في قربة المر معتق مرار الغربة
والشوق الدفق مقامو حد الكربة
الحن للحبايب في الملامح شبة
البرجع حظوظو ليه في القرقراب شربة

imported_علاءالدين عبدالله الاحمر

18-02-2016, 04:57 PM

شفّيت الجسـم والحالـة ياهـا الحالـة
يا نايـر الخـدود الحالـة جـد بطّالـة
مفارم الشوق جوات القليـب شغالة
يـا تلفاهو يا سيدو أو ترجاهو بنقالة

المعلول خباره شفه فات لغادي
قنجر في الودي لوريه دودو سادي
لا واحة فكر روض في جفاف متبادي
لا زفة لقا تطل المساه رمادي

imported_سجمان

19-02-2016, 11:10 AM

خلي الفات وماتبقي في النحيب والوووب
كتير الراح والقش ملخبت حسكنيت وسهوب
سو عوسك في الحروف وجيبب النضم مقلوب
ونسوق الليل غنا وتبقي الردود شلهوب

مسدارنا البقى بعد الحصل مخروب
والدلجة الفضت جارت عليها هبوب
في بادي الأمر فكرت منو أتوب
إلا النم معاي باقيلي زي مِكْروب

رايك شنو في البمبي:D

imported_سجمان

19-02-2016, 11:33 AM

ديون كتيرة والله :)

الله يفك ساجورنا ونجيكمlooool

نديك شوية تسخينة:D

طارق يا كريم راجيك تفك ساجورو
بيهو المنتدى يكبر يتم تطويرو
للمسدار يعود قبال يكمل دورو
يسجع بالنميم للدايرو والما بدورو

يعلم الله شوقنا درادم..

النور يوسف محمد

19-02-2016, 01:13 PM

بسم الله الرحمن الرحيم

المتابع لهذا الضرب من الأدب الشعبى
يلحظ دون عناء وفرة ( مزعجة ) فى العرض ،
وقانون العرض والطلب الأزلى فى ظنى يسرى ولا يعرف إستثناء ،
قنوات التلفزة ومواقع التواصل تضج وتعج بالشعراء ومن اتبعهم من الغاوون
ومفردات البادية ـ ملح المرابيع ـ يحشرونها عسفاً وعصفاً فى سجالهم ،
وأحداث الحضر والمدينة يلبسونها ثوب البادية فى نشاز تصطك له الحروف ،

لماذا استسهل الناس هذا النوع الراقى من الأدب !!!!

وبالطبع لا أعنى الأحبة داخل هذه الراكوبه ،
أتكلم عن ظاهرة عامة وإن أصابهم رائش كلامى ،

كل الود

imported_سجمان

19-02-2016, 05:53 PM

شفّيت الجسـم والحالـة ياهـا الحالـة
يا نايـر الخـدود الحالـة جـد بطّالـة
مفارم الشوق جوات القليـب شغالة
يـا تلفاهو يا سيدو أو ترجاهو بنقالة

نقر السوس بحاكي الفيني علّب نارو
ساهي مع النجوم بالريدو خت حكارو
أنا يا حضيري انبقيت السيف جرح جفّارو
بسلاهو وبقابل قدر الله في جحّارو