راكوبة المجادعات.. النمة والدوباي

[imported_سجمان]

شاشيت للرُشاش شال لي بريق يتلالا
شال الشوق طفش شاف البضَوِّي جمالا
شيش يا شابة ..قلبي الشاف شوي الملّالا
شلال الشمال شهبات ناري ما بيطفالا

انبشمت طُلق ساعة الرشاش رشّالا
لااا شقيش مشت لي ريدتي متحاشالا
الساق المغيب شاف الشمش فشّالا
شاق قلب الرفع بالليل صلاتو وشالا

[imported_سجمان]

المعلول خباره شفه فات لغادي
قنجر في الودي لوريه دودو سادي
لا واحة فكر روض في جفاف متبادي
لا زفة لقا تطل المساه رمادي

ليك داقيو نَضُر يا ست هواي فرّادي
كل ما يمر ذكر اسمك بجر أورادي
فيك قلبي انقرع إلا الفكر متمادي
بقى مرتاح وعقبان الفكر في وادي

[imported_سجمان]

بسم الله الرحمن الرحيم
المتابع لهذا الضرب من الأدب الشعبى
يلحظ دون عناء وفرة ( مزعجة ) فى العرض ،
وقانون العرض والطلب الأزلى فى ظنى يسرى ولا يعرف إستثناء ،
قنوات التلفزة ومواقع التواصل تضج وتعج بالشعراء ومن اتبعهم من الغاوون
ومفردات البادية ـ ملح المرابيع ـ يحشرونها عسفاً وعصفاً فى سجالهم ،
وأحداث الحضر والمدينة يلبسونها ثوب البادية فى نشاز تصطك له الحروف ،
لماذا استسهل الناس هذا النوع الراقى من الأدب !!!!
وبالطبع لا أعنى الأحبة داخل هذه الراكوبه ،
أتكلم عن ظاهرة عامة وإن أصابهم رائش كلامى ،
كل الود

سلام نور الله البيضوي..

لو لاحظت ظهور عادة "البطان" بعد الاختفاء نسبياً متلازمة مع مسألة الدوبيت..
في رأيي أن هذا النشور والانتشار شأن سوداني بحت بمعنى أن المحاكاة صارت متلازمة عند الشعب السوداني وتلحظ ذلك في مجال الأعمال تظهر بعض الظواهر وتنتهي بسرعة فائقة..
أما مسألة كثرة الإنتاج فالجودة فيها قليلة جداً لا تكاد تحس بي مربوع مسبوك جيد إلا ما ندر وينسحب الأمر علينا جميعاً وعلى راكوبتنا دي "تلقى مكتوب ترزي العرايس.. وجوة فستان مرمي واحد" ..

الرائش:D
طبعاً الراكوبة دي مسألة ترويحية فقط بدليل أنو لا يوجد كوبي منها يعني البوست لو ضاع "كما حدث" ضاع كل المحتوى ولو حاولت ترجع للمكتوب حتلاقي الذي يطلق عليه كلمة دوبيت وتنطبق عليه شروط ومواصفات الدوبيت قليل جداً.. فالمسألة يا قريبي لا تتعدى هذه الصفحات إلى أي براح آخر..

شكراً للمحاتك..

[imported_تماضر حمزة]

قوقت طيرة غنت ريدي كان مكبوت
ومالت وردة حين وقع الكلام محتوت
شوفتو ألذ من عسل الخلا المخروت
وكان فكّر ضحك أنا والمعاي بنموت

[imported_احمد زين]

قوقت طيرة غنت ريدي كان مكبوت
ومالت وردة حين وقع الكلام محتوت
شوفتو ألذ من عسل الخلا المخروت
وكان فكّر ضحك أنا والمعاي بنموت

قوقىُ القمريُ ذكرنيّ المفرهده يوت
وزايد قدرو قيراطــين علي البـنـوت
ام لهجاً حلاة سمنة وعسل مخلـــوت
عيونها بتضربك جبخانة كاتم صــــوت

[imported_تماضر حمزة]

قول للقمري يا كاتل سلاحك صوت
معنّج روحي بي نظرة وكرابيج سوط
الشاتل شوقي من مدة ونسى المحروت
عندي غيابو لو قاسوهو قاسوا الموت

[imported_احمد زين]

قال القمري يا الشايل سلاح الموت
نيشانك ضرب في قلبي فايت فوت
سحر عينيك فايت حد سحر هاروت
منو دعيت كما يونس في بطن الحوت

[عبد المنعم حضيري]

قوقت طيرة غنت ريدي كان مكبوت
ومالت وردة حين وقع الكلام محتوت
شوفتو ألذ من عسل الخلا المخروت
وكان فكّر ضحك أنا والمعاي بنموت

قوقىُ القمريُ ذكرنيّ المفرهده يوت
وزايد قدرو قيراطــين علي البـنـوت
ام لهجاً حلاة سمنة وعسل مخلـــوت
عيونها بتضربك جبخانة كاتم صــــوت

قول للقمري يا كاتل سلاحك صوت
معنّج روحي بي نظرة وكرابيج سوط
الشاتل شوقي من مدة ونسى المحروت
عندي غيابو لو قاسوهو قاسوا الموت

قال القمري يا الشايل سلاح الموت
نيشانك ضرب في قلبي فايت فوت
سحر عينيك فايت حد سحر هاروت
منو دعيت كما يونس في بطن الحوت



إبداع .....

لكما التحية

[imported_تماضر حمزة]

قال القمري يا الشايل سلاح الموت
نيشانك ضرب في قلبي فايت فوت
سحر عينيك فايت حد سحر هاروت
منو دعيت كما يونس في بطن الحوت

لولا النمة قاصرة وما بتكفي بيوت
كنت بدوبي بي لقياك احد ما أموت
فيني قلب شجاع عاصي وعصي ونمرود
وفيك عيون طِلَق أحيي يا البارود

[imported_تماضر حمزة]

إبداع .....

لكما التحية

تحياتنا وتماسينا

[imported_احمد زين]

لولا النمة قاصرة وما بتكفي بيوت
كنت بدوبي بي لقياك احد ما أموت
فيني قلب شجاع عاصي وعصي ونمرود
وفيك عيون طِلَق أحيي يا البارود

النضم الســـمح من وين اجيبــــلو ردود
ده الخلاني تايه وعقلــي يوت في شرود
ناصب قوسي لي وَتَرِك دوام مشــــدود
فرِّج همي يا صاحب الكــــــرم والجــود

[imported_تماضر حمزة]

النضم الســـمح من وين اجيبــــلو ردود
ده الخلاني تايه وعقلــي يوت في شرود
ناصب قوسي لي وَتَرِك دوام مشــــدود
فرِّج همي يا صاحب الكــــــرم والجــود
ما قادر أخت ريدك وأدوبي بيوت
دوبيت غناك عالي وعليّ بسود
عندي غناك لو شرحوهو يا المريود
كان الليلة حدّك وكان أقاموا حدود

[imported_احمد زين]

ما قادر أخت ريدك وأدوبي بيوت
دوبيت غناك عالي وعليّ بسود
عندي غناك لو شرحوهو يا المريود
كان الليلة حدّك وكان أقاموا حدود
نيران الغرام صاليـــاني مالا حـــدود
ومطعون الغرام ما اظن بدورلو شهود
انت الجاني بالريد الـنهايتو صــــدود
وانت القاضي كيف تقدر تقيملي حدود

[imported_تماضر حمزة]

نيران الغرام صاليـــاني مالا حـــدود
ومطعون الغرام ما اظن بدورلو شهود
انت الجاني بالريد الـنهايتو صــــدود
وانت القاضي كيف تقدر تقيملي حدود
نيران الغرام زادا الوله ويقود
وأسباب الوله انك ولا موجود
يا ود زين وحاة الفرقة يا مريود
الشوق العلي فاق خرمة الساعوط


لوولز

[imported_أمير الأمين]

لو لى سلطة كافية لثبت هذا الجمال فى "كتف" المنتدى دوما

نحن نحبكم جمعياً:cool:

[imported_احمد زين]

لو لى سلطة كافية لثبت هذا الجمال فى "كتف" المنتدى دوما

نحن نحبكم جمعياً:cool:
ونحن نحبك يا امير
مشتاقين ياخ

[imported_احمد زين]

نيران الغرام زادا الوله ويقود
وأسباب الوله انك ولا موجود
يا ود زين وحاة الفرقة يا مريود
الشوق العلي فاق خرمة الساعوط



ريدا سيفو قاطع في كبدتي فصود
ودمعا هامي من عينيّ جاري رهود
بي نظرات عيون ظبية مراتع الهود
وريتيني حكم السَّيْد علي المسيود

[imported_تماضر حمزة]

لو لى سلطة كافية لثبت هذا الجمال فى "كتف" المنتدى دوما

نحن نحبكم جمعياً:cool:

ونحن ذاتنا بنحبك!
محباتنا بلا حدود

[imported_تماضر حمزة]

ريدا سيفو قاطع في كبدتي فصود
ودمعا هامي من عينيّ جاري رهود
بي نظرات عيون ظبية مراتع الهود
وريتيني حكم السَّيْد علي المسيود

بيني وبينو شُف حبل الوصال ممدود
وبيني وبينو ما ظنيتا كاينة حدود
بيني وبينو يا خلق الله بس موجود
قلب ريّاد عيون رامحات ملنّو قدود

[imported_احمد زين]

بيني وبينو شُف حبل الوصال ممدود
وبيني وبينو ما ظنيتا كاينة حدود
بيني وبينو يا خلق الله بس موجود
قلب ريّاد عيون رامحات ملنّو قدود
زولا فيهو من الحور عيون وخدود
وديسا كابي ذكرني اللــيالي الســود
بينا حــكاوي بينا غناوي بينا ردود
وبينك وبينو يا قلبي الطريق مسدود

[imported_تماضر حمزة]

زولا فيهو من الحور عيون وخدود
وديسا كابي ذكرني اللــيالي الســود
بينا حــكاوي بينا غناوي بينا ردود
وبينك وبينويا قلبي الطريق مسدود
طريقاً خالي من حتى التسمي حدود
ودرباً ليك مفروش من دمايا ورود
وحاة الريدة والخصر العليك مشدود
فارشلك غناي شاشاي رقد ممدود

[imported_احمد زين]

طريقاً خالي من حتى التسمي حدود
ودرباً ليك مفروش من دمايا ورود
وحاة الريدة والخصر العليك مشدود
فارشلك غناي شاشاي رقد ممدود
هاكي قصيدي يا السمحة وغُناي منشود
وهاكي وعودي ميثاق واتفاق و عهود
ريداً حافظو في شرفات قلب موصود
وسري معاك محال افشي وبيهو اجود

[imported_تماضر حمزة]

هاكي قصيدي يا السمحة وغُناي منشود
وهاكي وعودي ميثاق واتفاق و عهود
ريداً حافظو في شرفات قلب موصود
وسري معاك محال افشي وبيهو اجود
هاك يا حالي دوبيتي الحروفو جنود
تحرس لي غرامك وبي حياتها تجود
عندي غناك سُّكّر وبِسكر المريود
وعندي حسود هناك في عينو غارز عود

[imported_احمد زين]

هاك يا حالي دوبيتي الحروفو جنود
تحرس لي غرامك وبي حياتها تجود
عندي غناك سُّكّر وبِسكر المريود
وعندي حسود هناك في عينو غارز عود

هاك يا صاحبي اوصاف الظبي المريود
سمح خلقة ومحشم من صغير فرهود
لطيفة خصالو لاهو غشيم ولاهو حسود
بانة قوامو ضمر هاف ولادِن عــود

[imported_الجيلى أحمد]

أبشرو والله أبشرو بالخير..
دويتو عجيب ياتماضر وأحمد

أحبكم ياخ

[imported_تماضر حمزة]

هاك يا صاحبي اوصاف الظبي المريود
سمح خلقة ومحشم من صغير فرهود
لطيفة خصالو لاهو غشيم ولاهو حسود
بانة قوامو ضمر هاف ولادِن عــود

هاك يا صاحب أوصافك من المريود
الجيب مقدود دلالات الكرم والجود
وسمح خِلقة وسمح أخلاق وشيتن يووووت
ياخ باختصار الشمس والقمرة ليك جدود

[imported_تماضر حمزة]

أبشرو والله أبشرو بالخير..
دويتو عجيب ياتماضر وأحمد

أحبكم ياخ
من المحبات ليك أطنان.

[imported_احمد زين]

أبشرو والله أبشرو بالخير..
دويتو عجيب ياتماضر وأحمد

أحبكم ياخ
حبيبي يا جيلي

تماضر محفزة وملهمة بلا شك

[imported_احمد زين]

هاك يا صاحب أوصافك من المريود
الجيب مقدود دلالات الكرم والجود
وسمح خِلقة وسمح أخلاق وشيتن يووووت
ياخ باختصار الشمس والقمرة ليك جدود

دعواتي بتجيك في كل ركوع وسجود
تعيشي هنية في راحة وسدر مخضود
في دنياك تعيشي في خير وظل ممدود
وفي أُخـــراك جنان عالية وطلح منضود

[imported_تماضر حمزة]

دعواتي بتجيك في كل ركوع وسجود
تعيشي هنية في راحة وسدر مخضود
في دنياك تعيشي في خير وظل ممدود
وفي أُخـــراك جنان عالية وطلح منضود
سألوني وينو غنايا وين مرصود
وسألوني مين دوبيتي بيو مقصود
وحاة الريدة والوجع الرجع محصود
ما بفشيهو سرّك في القلب موصود

[imported_احمد زين]

سألوني وينو غنايا وين مرصود
وسألوني مين دوبيتي بيو مقصود
وحاة الريدة والوجع الرجع محصود
ما بفشيهو سرّك في القلب موصود

جهراً ماهو سر ريد ام عيوناً سود
ريد مِنْشر وفارد روحو مالو حدود
العاجبني في زولي النفور وشرود
رمانتـــين وعنابتين وجِيد وخـدود

[imported_تماضر حمزة]

جهراً ماهو سر ريد ام عيوناً سود
ريد مِنْشر وفارد روحو مالو حدود
العاجبني في زولي النفور وشرود
رمانتـــين وعنابتين وجِيد وخـدود

البيني بينك خيت الفِرَك مفرود
شيتاً ليَّ فصَّد خلّى القلب مهرود
وشيتاً كالعسل من النحل مجرود
وشيتاً يا لطيف متّار كفن ولحود

[imported_احمد زين]

البيني بينك خيت الفِرَك مفرود
شيتاً ليَّ فصَّد خلّى القلب مهرود
وشيتاً كالعسل من النحل مجرود
وشيتاً يا لطيف متّار كفن ولحود

املا شايلو جوايا وعلــيك معـقـود
شاغل فكــري تحقيقو ومنايا تـجود
الخلانــي راجيكي وعليـك مســنود
قِسِمْتِي العند كريماً بابو مو مسدود

[imported_عبد العظيم الطاهر]

قال القمري يا الشايل سلاح الموت
نيشانك ضرب في قلبي فايت فوت
سحر عينيك فايت حد سحر هاروت
منو دعيت كما يونس في بطن الحوت

:L:L:L

[imported_سجمان]

تورتو نفسنا يا ود وزين وتماضر
إبداع..
ماسكين الورد تمام..

يبدو الفات كتير أقرا وأجيكم صاد..

[imported_سجمان]

راح الدرب في المي غلبنا الرجعة
اسكيلم عِلا وما اظن تجيبو السجعة
لسّاك في الغرام ما قمت من الوقعة
زي المتلو وين فوق اللراضي السبعة

[imported_زول الله]

معقول ياخ في الصفحة الخرتمية عديل كدا:confused:

اااااادي رفعة

عشان نجي ليهو بي مزاج








اقول قولي هذا واستغفرالله لي....................

[imported_احمد زين]

حضيري
تماضر
كانديك
سجمان
سارة
مي هاشم

انا في رجاكم

[imported_احمد زين]

سرحن بي قفى الحلــة وبيوت الطيــن
رتعــن فوق خدار لُخّة ونجيل وعسـين
قلعــــن نومي من داخــل صِــبي العيــن
وجفلن مني عاد تاني النصاح بي وين

[imported_تماضر حمزة]

سرحن بي قفى الحلــة وبيوت الطيــن
رتعــن فوق خدار لُخّة ونجيل وعسـين
قلعــــن نومي من داخــل صِــبي العيــن
وجفلن مني عاد تاني النصاح بي وين
يا مريود ويا عاشق بيوت الطين
عندي غناك يا المحبوب ويا ود زين
عادل كيوفي وبنطربلك زييين
أيا يوسف غناي غيرك أبيتو وشين

[عبد المنعم حضيري]

حضيري
تماضر
كانديك
سجمان
سارة
مي هاشم

انا في رجاكم

جيتك يا رفيق بعد الغياب الطال
جيتك والغرام خلى القلب غربال
كان دسيتو يمرق بلسان الحال
وكان صرحت خبري بوصلو المرسال

[imported_احمد زين]

العودة من باب الخروج

من هنا خرجت وكان الغياب ومن هنا اعود راجيا السماح

[imported_زول الله]

العودة من باب الخروج

من هنا خرجت وكان الغياب ومن هنا اعود راجيا السماح

عودا حميدا طيبا مبارك فيه

اسمك هنا ليهو طعم ولون والله يادوك

امتعونا









اقول قولي هذا واستغفرالله لي..................

[imported_فيصل سعد]

العودة من باب الخروج

من هنا خرجت وكان الغياب ومن هنا اعود راجيا السماح

سماح أنور :p:p

حبابك ما غريب الدار،،
و عشرات حبابك سلامات،،

تجدنا في تمام الوعد، و كامل الانتظار،،

[imported_احمد زين]

يا مريود ويا عاشق بيوت الطين
عندي غناك يا المحبوب ويا ود زين
عادل كيوفي وبنطربلك زييين
أيا يوسف غناي غيرك أبيتو وشين

جيتك يا رفيق بعد الغياب الطال
جيتك والغرام خلى القلب غربال
كان دسيتو يمرق بلسان الحال
وكان صرحت خبري بوصلو المرسال
سألتــك بالـــذي فلــق البحــر نُصيــن
وبي ياسيــن وطــه والذاريــات والتيـن
ديل عينيك وجـــوز خديــك وداكــا جبين
ولا سهام وعنب الشام شمـوس ساطعين

[imported_فيصل سعد]

سألتك بالذي ركز الأرض معبد
و خلي الناس عليها مقام
سألتك بى حجا الأمات ودعواتنا
سألتك بى كبيداتن و دمعاتنا
شليل وين راح
يكون ضل الخريف فاتنا
وشليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمرة
مهيقت بى وداعة الله
ومقدم بالعديل يبرا

[عكــود]

سألتــك بالـــذي فلــق البحــر نُصيــن
وبي ياسيــن وطــه والذاريــات والتيـن
ديل عينيك وجـــوز خديــك وداكــا جبين
ولا سهام وعنب الشام شمـوس ساطعين
عنب الشام مسيخ لو قستو بي رضاب شفتين
سهم فرّاس يجلّي، وين لي كحيل عينين
شمس الأصايل دوم يعقبها الضلام في الحين
زولي تبراً صافي لا خالطو نحاس لا لجين

سلام يا أحمد وبركة بالطلة

[imported_جيجي]

اني بنجو مع العمدة وفيصل سعد
واحتفاءاىبالثنائي دا بجاي
حلفت الا اشارك

[imported_جيجي]

سالتك بالذي جعلك على راس المحبة تاج
وسالتك بعويناتن
وبي فر بسيماتن وبي دمع العيون اللاج
منو الخلاك في فن الدراما اخراج
ومنو الوراك تعمل للقلوب مونتاج
وشنو الخلت مشاعر الناس معاك
دووام محتاجة لي مكساج

[عكــود]

اني بنجو مع العمدة وفيصل سعد
واحتفاءاىبالثنائي دا بجاي
حلفت الا اشارك
هلا وحباب العرجونة

ليك وحشة معلومة

[imported_احمد زين]

اني بنجو مع العمدة وفيصل سعد
واحتفاءاىبالثنائي دا بجاي
حلفت الا اشارك

خير وبركة وتب

المهم طلتك

[ناصر يوسف]

سالتك بالذي جعلك على راس المحبة تاج
وسالتك بعويناتن
وبي فر بسيماتن وبي دمع العيون اللاج
منو الخلاك في فن الدراما اخراج
ومنو الوراك تعمل للقلوب مونتاج
وشنو الخلت مشاعر الناس معاك
دووام محتاجة لي مكساج

كمان جابت ليها دراما واخراج ومونتاج ومكساج ؟؟


لاااا لأ العرجونة دي الليلة مي براها وظنيتها قاصداني عدييييييييل



ههههههه


بركة بشوفة قلمك وقلم د. احمد زين و الله

[imported_جيجي]

خير وبركة وتب

المهم طلتكالنعمنو الجماعةديل مبتدئن زي:p
والنعمنو زمان لمن ناس هناية وهناية بجن هنا
وانا اجي انتو كنتو بتفتحوا لي:p وتنهروني كمان;) وانا اقوم جارية:mad:
اها هسة جيت متضارية في جماعتي ديل:cool:

[imported_جيجي]

كمان جابت ليها دراما واخراج ومونتاج ومكساج ؟؟


لاااا لأ العرجونة دي الليلة مي براها وظنيتها قاصداني عدييييييييل



ههههههه


بركة بشوفة قلمك وقلم د. احمد زين و الله
اها لقيتني كيف
بفهم في مسرح الحياة دا كويس ولا لافحة المصطلحات دي ساي

[imported_فيصل سعد]

اني بنجو مع العمدة وفيصل سعد
واحتفاءاىبالثنائي دا بجاي
حلفت الا اشارك

سلام يا جيجوش و عساك طيبة،،
انت تجي وكت ما تجي
و نحن لك منتظرون
انت تغيبي وكت ما تغيبي
و نحن لك مشتاقون
و انت تحردي وكت ما تحردي
و نحن لك محنسون و شفقانون
و انت ست المنبر و ست الناس
افعلي ما تريدي و لا تبالي
انا و عكود معاك و بيك متكيفون

[ناصر يوسف]

اها لقيتني كيف
بفهم في مسرح الحياة دا كويس ولا لافحة المصطلحات دي ساي

لا مافي كلام والله

مافي أيييييييييييتُها شخشخة

ههههههههههههه

تسلمي يا بت العم

[imported_تماضر حمزة]

سألتــك بالـــذي فلــق البحــر نُصيــن
وبي ياسيــن وطــه والذاريــات والتيـن
ديل عينيك وجـــوز خديــك وداكــا جبين
ولا سهام وعنب الشام شمـوس ساطعين
سألتك بالذي وهبك هواي يا زين
وسألتك بالذي ختاك في العينين
وسألتك بالذي خلق الوصال والبين
نحن مكانا في قلبك وريدك وين؟؟

[imported_فيصل سعد]

الأستاذة تماضر،،، مرحبا بعودتك الزاهية إلى سودانيات الديار و الاهل و الالفة و المحبة، و حضورك في تمام الوعد و شكراً لأنك هنا و شكرا لجبر الخواطر و بك و معك نزداد محبة و نرتوي بدفق مفرداتك المتميزة،، يديك العافية و حبابك تب..


عارفك وديع و رزين
و أجمل ملاااك في الكون
و عارف عفااافك فطره
لكن حنانك وين؟
ما بصح و إنت قريب
يكوينا جمر البين
ما دام قلوبنا اتلاقو
و أرواحنا قالت زين

[imported_احمد زين]

الهمباتة يجمعو هنا

[imported_سارة]

الهمباتة يجمعو هنا

:cool::cool::cool:

[عبد المنعم حضيري]

سالتك بالذي جعلك على راس المحبة تاج
وسالتك بعويناتن
وبي فر بسيماتن وبي دمع العيون اللاج
منو الخلاك في فن الدراما اخراج
ومنو الوراك تعمل للقلوب مونتاج
وشنو الخلت مشاعر الناس معاك
دووام محتاجة لي مكساج

نبارك عودة هذا البوستر الفخيم الواجهة ونرفع القبعات للنجوم الجدد والقادمة ... مشاركة جميلة يا جيجي

[عبد المنعم حضيري]

والقداما

[عبد المنعم حضيري]

سألتك يا جميل بكل جميل فيك
سألتك بالوقف في الجوف يناديك
ان حزت النفور خليني واديك
وأن حزت الجمال ارضيني وارضيك