راكوبة المجادعات.. النمة والدوباي [الأرشيف]

imported_سجمان

20-10-2009, 11:42 AM

أفتح باب غناك نفاج..
سر العرضة دلوكة
وناس بي غبارا معروكة
بطان عنسيد..
يفصد للحم فجاج..
صوقير الصبي القارح..
يخلي السمحة مشبوكة
تكنتل "كيفتا" الشبال..
ترحمن لي قلب لجلاج..

imported_سجمان

20-10-2009, 11:52 AM

البرمو الربل انقهمو شافو الودعة
والساق المتبّر وصدراً مدافع الكبعة
انطوت الهدوم من الكفل منجمعة
يالفقتي اللرايل بي رق الضمير والفدعة

imported_أسامة معاوية الطيب

20-10-2009, 11:58 AM

دخلت عرضت عرضة جد ... ومرقت
رجعت أرحب بيك جد
وأعرض تاني وأمرق

واحتمال أجيك بي عكاكيزي المرة الجاية ... كن دائما مفرهد

imported_سجمان

20-10-2009, 12:01 PM

متل رمال القيف من الهبوب خوافة
إن وقفت عديل في الطول تحاكي زرافة
طلقت عليْ كرفة طليحة وشافا
فوق الساق رسم بي لون حمارو شرافة

معتصم الطاهر

20-10-2009, 12:03 PM

imported_سجمان

20-10-2009, 12:07 PM

دخلت عرضت عرضة جد ... ومرقت
رجعت أرحب بيك جد
وأعرض تاني وأمرق

واحتمال أجيك بي عكاكيزي المرة الجاية ... كن دائما مفرهد

حبابك ألف..

حباب أسامة حباب الجاني هايش حرفو
ستار العروض الـ للمهتك برفو
أخو الدعج الوضيبة من الكفل بتغرفو
ذو كرماً قديم من هزة سلامو تعرفو
جيب عروبك جت وتعال بي جاي..
والله الدارة عجاجا لاوي..

معتصم الطاهر

20-10-2009, 12:14 PM

متل رمال القيف من الهبوب خوافة
إن وقفت عديل في الطول تحاكي زرافة
طلقت عليْ كرفة طليحة وشافا
فوق الساق رسم بي لون حمارو شرافة

متل شتل القيف من الهبوب تاكيتا
إن وقفت عديل .. النال يحاكي سبيطها
طلقت عليْ كرفة خمرتا وكبريتا
فوق نحرها ورتنى رقدتها و مبيتا

مي هاشم

20-10-2009, 12:18 PM

imported_سجمان

20-10-2009, 12:26 PM

أها ناس المدن بقولوا ...

أفتح باب غناك شباك..
سر الرقصة ايقاعها
وناس بي التنية مرتاعة
يميل الجيد ..
بوزّع فى الجسد و الشوف ..
بحليق الصبي الحبّار..
يخلي السمحة ملتاعة
تستـّف شوفتا الأنظار ..
ترحمن لي قلب حباك ..

هلا بالجانا في الراكوبة....

أبقى داخل واتقهوج..

أفتح باب غناك مشرع
سر الرقصة دلوكة
وكت السمحة تتفدع..
وحين مالت تقول تنقص..
ومن فوق السدير قلّع..
ضرب الجلة نظراتا..
تصيبك تاني ما بتنفع..

imported_سجمان

20-10-2009, 12:41 PM

متل شتل القيف من الهبوب تاكيتا
إن وقفت عديل .. النال يحاكي سبيطها
طلقت عليْ كرفة خمرتا وكبريتا
فوق نحرها ورتنى رقدتها و مبيتا

كككككككككككككككككككككع
أبشر بالخير والله بسطتني بسطة جد..

متل فرع الأراك زارعنو في مطمورا
وإن هلت عليك فايقة القمر في الصورة
طلقت عليْ كرفة "كليت" وبخورا
في السدر الطمح ضيعني جوز الكورة

imported_سجمان

20-10-2009, 12:50 PM

أبشر يا سجمان(الله لا سجّمك)..والله ما باقي لي أقول اسمك ده!!
كنت دايرة اجادعك لكن لقيت رميتك بعييييييييييده خلاس..
خوفتني :eek:

لكن برضو بحاول..

بره الخط "المره الرهيبة دي ما عندك ليها صورة، والله كسّرتني انا زاتي"

هلا والله نورتي الراكوبة..
سجماااااااااااااااااااان عارف نفسي ..
ما تتحسسي قولي عادي..

كونك صبيتي الرمية البعيدة دي ..
معناها بتجدعي زيها ..
يلا ورينا نمك..
عندي الأصل ينفع..تخريمة:
البت الكسرتك دي ذكرتني المربوع دا..
قال:
بت ناساً عزاز عيني ما لمحنك
بت ناساً عزاز "فرك" القرمصيص جرحنك
إنت البرتقان والليمون جناين جنك
بهدلتي الرجال حتى البنات عشقنك
منتظرنك بي نمة..

مي هاشم

20-10-2009, 01:17 PM

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

شليل

20-10-2009, 02:57 PM

سجمان "المسربع"
أهلاً حبابك خي
نوًرت الديار
إنت و" خيتك" مي
جدعك جدع ماهل
ماهيل كلاماً ني
أجدع قلم شاطر
إلا المحل والصي.

معتصم الطاهر

20-10-2009, 03:21 PM

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

يا بت الرجال ما بلقى ليك شبيهة
معدولة فكر .. و بتعرفى الجيهة
سمحة ..قيافة و رزينة و جيهة
جهجهتى الصبا وزدتى البنات فى تيها

معتصم الطاهر

20-10-2009, 03:28 PM

البرمو الربل انقهمو شافو الودعة
والساق المتبّر وصدراً مدافع الكبعة
انطوت الهدوم من الكفل منجمعة
يالفقتي اللرايل بي رق الضمير والفدعة

البرمو الودع اندهشو من البسمة
و الوش المتمّر و فاطرا يفر زى نجمة
اطوت الهموم وكتين تهب زى نسمة
يالـ فـُتـِى الارايل وزى الظبا منقسمة

مي هاشم

20-10-2009, 05:16 PM

كل الجمال عندي..أوعـاك ليهو تواسي
لابسة الحشمة من قدميّ لا حد راسي
للنضم الفراغ والله ما جلاّسي
بَخَدِم عرضي حارّة قلب حساسي

*تقول لي سماحة بس!!هييع

عكــود

20-10-2009, 05:29 PM

imported_طارق صديق كانديك

20-10-2009, 05:37 PM

البرمو الربل انقهمو شافو الودعة
والساق المتبّر وصدراً مدافع الكبعة
انطوت الهدوم من الكفل منجمعة
يالفقتي اللرايل بي رق الضمير والفدعة

الجيد الهناك سرحت معاهو النظرة
والحشا والخديد ناراً تجيك مندرعه
لحظاً من تقع عينك تجيك منصرعه
لاتقدر تصل لا تلقى درب الرجعه

imported_طارق صديق كانديك

20-10-2009, 05:47 PM

الريد والشكر راجيك من أجدادك
والرجاء والعشم تب ما بفوتي جوارك
كان درت السمح راميهو لي عند جارك
وان درت الدواس خبرن يجيك في نهارك

مي هاشم

20-10-2009, 07:17 PM

الريد والشكر راجيك من أجدادك
والرجاء والعشم تب ما بفوتي جوارك
كان درت السمح راميهو لي عند جارك
وان درت الدواس خبرن يجيك في نهارك

طارق ..لقيتك ما هيّن..
هاك..

نِحْنَ الشّكْرة هيلنا .. وبرضو ما بِنْدورا
أفضالنا معروفات ما بنكشف المستوره
بنرافي الضّعيف ونجبّر المكسوره
والدّايرنا صِحْ بلقانا ساعة الشّوره

imported_سارة

20-10-2009, 09:52 PM

طارق كانديك كتب :-

الجيد الهناك سرحت معاهو النظرة
والحشا والخديد ناراً تجيك مندرعه
لحظاً من تقع عينك تجيك منصرعه
لاتقدر تصل لا تلقى درب الرجعه

درب الرجعة خلو وورينا شورتك كيف

بين ضامر الحشا والصدرو طامح قيف

ولع قلبى صده بقى زى سموم الصيف

نرجى يحن علينا... جودا بلا تكليف

احمد زين

20-10-2009, 10:47 PM

طارق كانديك كتب :-

درب الرجعة خلو وورينا شورتك كيف

بين ضامر الحشا والصدرو طامح قيف

ولع قلبى صده بقى زى سموم الصيف

نرجى يحن علينا... جودا بلا تكليف

درب الرجعة يا ابوالسارة تب عارفنو
وضهبان الطريق ما بوجهو التابعنو
يا السجمان اخوي نحن الكلام سامعنو
بس قلنا النقيف لما الجماعة يصِنّو

مي هاشم

20-10-2009, 11:19 PM

درب الرجعة هيّن..خابرِنّو..ما شارِعنا
وضهبان الطريق يبرانا هو التّابعنا
وخلونا النّنادي العُمده أكان سامِعنا
الفرُرجه ما بندورا أمرق تعال جادِعنا

imported_سارة

20-10-2009, 11:32 PM

درب الرجعة يا ابوالسارة تب عارفنو
وضهبان الطريق ما بوجهو التابعنو
يا السجمان اخوي نحن الكلام سامعنو
بس قلنا النقيف لما الجماعة يصِنّو
__________________

كان عارف الدرب وصفلنا بنبراهو

سوق الناقة هين وانا تارى ما ناسياهو

ناس شية ومريسة وناس راس نيفة ما تلقاهو

يا احمد زين بلاقيك وانا حقى ما عافياهوgooodgooodgooodgoood

احمد زين

20-10-2009, 11:46 PM

درب الرجعة هيّن..خابرِنّو..ما شارِعنا
وضهبان الطريق يبرانا هو التّابعنا
وخلونا النّنادي العُمده أكان سامِعنا
الفرُرجه ما بندورا أمرق تعال جادِعنا

يا ست البنات العمدة قال مشغول
والنم والغنا دايرلو زول ممهول
داخرنك يمين للحارة وسديد القول
يا عمدتنا ياخ عذرك معاك يا زول

مي هاشم

20-10-2009, 11:54 PM

[QUOTE=سارة;167175]كان عارف الدرب وصفلنا بنبراهو

سوق النافة هين وانا تارى ما ناسياهو

ناس شية ومريسة وناس راس نيفة ما تلقاهو

يا احمد زين بلاقيك وانا حقى ما عافياهوgooodgooodgooodgoood
[/QUOTE

اكلو الشيّه والنيفة لاااااااااامن فِترو:mad::mad:
وانبطحو..شربو غباشه.. قالوا وسِكرو:D
عافيالم .. بس في السّمك ما يجرو
وان ما عفيتي يمين راحو و وِدرو

*ارحميهم يا ساره:D

imported_سارة

21-10-2009, 12:02 AM

imported_wadosman

21-10-2009, 12:06 AM

والله ما شاء الله عليكم

متاابعين معااكم..

غايتو مى و ساره...ما هينين وسط الجماعه ديل

احمد زين

21-10-2009, 12:14 AM

مي هاشم

21-10-2009, 12:20 AM

[QUOTE=مي هاشم;167179]

سيبو الشية وخلونا النّتِم القول
وشوف كيف المطر نازل علينا نزول
ود عثمان هناك الحقنا بي missed call
وشوف الجو ده كيف بالله ما جو فول؟

باللااااااااااااي...داير تقنعنا بالفول بعد ما ضربتو الشية;)

مي هاشم

21-10-2009, 12:24 AM

يا ست البنات العمدة قال مشغول
والنم والغنا دايرلو زول ممهول
داخرنك يمين للحارة وسديد القول
يا عمدتنا ياخ عذرك معاك يا زول

يا سيد الرجال العمده ما بعفيهو
والنم والغنا هولو معطون فيهو
يجيكَ يمين من قلبو لا عند فيهو
لا دايرلو مهله ولا بيفكر فيهو

احمد زين

21-10-2009, 12:25 AM

[QUOTE=أحمد محمد زين حسين;167190]

باللااااااااااااي...داير تقنعنا بالفول بعد ما ضربتو الشية;)

هههههههههههههههههههههههههههههههههههه
قولي غلبتك في المجادعة

ووقف غزال الشيخ في العتبة :D:D:D

مي هاشم

21-10-2009, 12:29 AM

هوي
آآ ناس ساهرتو بي شهّيتو عيني الغمدة
كان اتّ ود الزين كان سارة كان العمدة

والله أبت تتم..كدي خلوني انوم هسي والصباح رباح

احمد زين

21-10-2009, 12:40 AM

هوي
آآ ناس ساهرتو بي شهّيتو عيني الغمدة
كان اتّ ود الزين كان سارة كان العمدة

والله أبت تتم..كدي خلوني انوم هسي والصباح رباح

خليني اتمها ليك انا

اجيكم بالنهار ماخدالي حبة سندة
ولا السمسمية الكمدة ديك بالرمدة

حاشية:-
السمسمية عبارة عن نبات اخضر يسأل عنه فتحي مسعد - ابواماني - سارة ومن( لفّ لفّهم):D:D:D
gooodgooodgoood

مي هاشم

21-10-2009, 12:57 AM

[QUOTE=مي هاشم;167194]

هههههههههههههههههههههههههههههههههههه
قولي غلبتك في المجادعة

ووقف غزال الشيخ في العتبة :D:D:D

النوم طار من عيني..كلو ولا المكاوا:mad:
دقيقة:rolleyes:هسي بتجي.. انت قاصد مجادعة الليل دي:mad:

تغلب منو؟؟ اتْ كُت حلمان أظنك:D
تغلبني انا..ده المرق من جِنّك؟؟؟
حاشا عليّ راااااكزة..مالي بشرد منك؟؟
الغزال والشيخ في العتبة .. فوت راجنك

هوي ..والله بعد ده النوم..ما تغيظني تاني..:)

مي هاشم

21-10-2009, 01:04 AM

خليني اتمها ليك انا

اجيكم بالنهار ماخدالي حبة سندة
ولا السمسمية الكمدة ديك بالرمدة

حاشية:-
السمسمية عبارة عن نبات اخضر يسأل عنه فتحي مسعد - ابواماني - سارة ومن( لفّ لفّهم):D:D:D
gooodgooodgoood

ود الزين أخوي..نحن ما ناس لفّه
لا بنعرف سجار لا ضقنا طعم السفّه
بينين في البلد حاشانا ما بنتخفّا
بنقود الزمام ما بنمشي تبع الزفّه

أها..تحَسبو لِعِب؟؟هيييع
وتصبح على خير

imported_فيصل سعد

21-10-2009, 04:06 AM

سلامات يا شباب:

اقول يا الجيلي* ابو العباس
اشوف العافية ليك لباس
حبيبي
انت ما بتنقاس
الوحيد في قلوبنا
ماخد الكاس
حبيبي ..

* الجيلي احمد "ابو اليشا"

WIDTH=400 HEIGHT=50

imported_سجمان

21-10-2009, 07:03 AM

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

حسيت من صباح شفت القماري يقوقن
لي داوود مزامير ما اظن نغيمو يفوقن
يالفقتي الدرر بالنور مبورا سوقن
شرفتي أم شِعَبْ حروفي فيك ما بحوقن

imported_سجمان

21-10-2009, 07:09 AM

سجمان "المسربع"
أهلاً حبابك خي
نوًرت الديار
إنت و" خيتك" مي
جدعك جدع ماهل
ماهيل كلاماً ني
أجدع قلم شاطر
إلا المحل والصي.

شبه الدسدسو خايفينلو من السرقة
لي محل السنون من ضيقة تبقى المرقة
يالفي بني شنقول مشهور دوام بالبرقة
بي جيتك يمين الفرحة عملت شرقة

أبقى داخل علي البنابر ديك..

imported_سجمان

21-10-2009, 07:28 AM

البرمو الودع اندهشو من البسمة
و الوش المتمّر و فاطرا يفر زى نجمة
اطوت الهموم وكتين تهب زى نسمة
يالـ فـُتـِى الارايل وزى الظبا منقسمة

البرمو الودع في الفونقة قعدو عطاشا
ختيت البياض لسؤالي عملو طراشى
قالولي لبن الطير بنجيبو من أعشاشا
أسهل من النهلت رحيقو فراشة

imported_سجمان

21-10-2009, 07:32 AM

كل الجمال عندي..أوعـاك ليهو تواسي
لابسة الحشمة من قدميّ لا حد راسي
للنضم الفراغ والله ما جلاّسي
بَخَدِم عرضي حارّة قلب حساسي

*تقول لي سماحة بس!!هييع

أخوك آبنية يوم الدعكة أم خيولاً تارة
أخوك جبل الحديد ليهو المجامع قارة
يوم عرض الدكاكر والناس تقبل فارة
إيدو بتختف الفقر أم دماياً حارة

أها شوفي الحرارة دي..

imported_سجمان

21-10-2009, 07:41 AM

سلام يا سجمان . .

ده حديثاً سمح بالحيل،
والناس الجوك سمحين بالحيل (أسامة، مي، معتصم، شليل)،
عاد ده شعراً (الشين تُقرأ بالفتحة أو بالكسرة) مااا عندي ليهو رقبة.
دحين بتّكي علي عكّازي ده وإتفرّج . .
وأدّيها هزّة . . هزّة.
واصلوا لا تقيفوا شي . .
ونحن فوقكم مبشّرين.

حباب عكود ..

أبقى لا داخل..
طلبنالك القهوة أدخل نزيد تعريف
إياك تمامة كيفنا وفكة القرييف
كان ماك داير تجادع أبقالنا بس كشّيف
كلما تعجبك نمة أديها هزة سيف

imported_سجمان

21-10-2009, 07:51 AM

الجيد الهناك سرحت معاهو النظرة
والحشا والخديد ناراً تجيك مندرعه
لحظاً من تقع عينك تجيك منصرعه
لاتقدر تصل لا تلقى درب الرجعه

الجيد خيزران ماح بالصدير الفتّق
لي عرو الزراير ونفساً عبيرو معتّق
يا شتيل المطور الشال نوارو وبتّق
ألفيهو الدِرِك في ريدو قلبو اتهتق

imported_سجمان

21-10-2009, 08:02 AM

الريد والشكر راجيك من أجدادك
والرجاء والعشم تب ما بفوتي جوارك
كان درت السمح راميهو لي عند جارك
وان درت الدواس خبرن يجيك في نهارك

الجود والكرم مشهوربو ليكا منسّل
للجار والبعيد حاشاكا ماب تتفسّل
هيلك في الفضل توب السماح اتفصل
ويوم دبكي الخيول أرواح عداك تتسل سل

imported_طارق صديق كانديك

21-10-2009, 08:06 AM

طارق ..لقيتك ما هيّن..
هاك..

نِحْنَ الشّكْرة هيلنا .. وبرضو ما بِنْدورا
أفضالنا معروفات ما بنكشف المستوره
بنرافي الضّعيف ونجبّر المكسوره
والدّايرنا صِحْ بلقانا ساعة الشّوره

مي هاشم

انا اللقيتك ما ساهلة .. والله ..

أمسكي :

نحن العزانا بنعزو ونجل مقدارو
والمابينا حرّم ناسو القبيل يضارو
قومتنا الخلا والليل بعد هبارو
زولنا نفرتقو يصبح يكوس نجارو

imported_سمورية

21-10-2009, 08:10 AM

اهل الراكوبة سلام
يسعد صباحكم يارب زى ما اسعدتو صباحى

imported_سجمان

21-10-2009, 08:22 AM

طارق كانديك كتب :-

درب الرجعة خلو وورينا شورتك كيف

بين ضامر الحشا والصدرو طامح قيف

ولع قلبى صده بقى زى سموم الصيف

نرجى يحن علينا... جودا بلا تكليف

يالسارة مبروم الحشا الفينا خالف كيو
معدوم في الخلوق ما شفنا شبهاً زيو
النهار بقضيهو هايم دوام في حيّو
سهران ليلي لامن منادينا صاح بـ حيو

imported_سجمان

21-10-2009, 08:33 AM

درب الرجعة يا ابوالسارة تب عارفنو
وضهبان الطريق ما بوجهو التابعنو
يا السجمان اخوي نحن الكلام سامعنو
بس قلنا النقيف لما الجماعة يصِنّو

ما بضهب معاك سرباً بقيت حاديهو
وماب مل الطريق زولاً مسك راديهو
السجمان أخوك عارف براك واديهو
كلما تلقى صنة أسرع عليو ناديهو

مي هاشم

21-10-2009, 08:38 AM

مي هاشم

انا القيتك ما ساهلة .. والله ..

أمسكي :

نحن العزانا بنعزو ونجل مقدارو
والمابينا حرّم ناسو القبيل يضارو
قومتنا الخلا والليل بعد هبارو
زولنا نفرتقو يصبح يكوس نجارو

صباحكم زين جميعاً..
طارق..يديك العافية
صُب دي

نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو:D

ابقى مارق..

imported_طارق صديق كانديك

21-10-2009, 08:45 AM

طارق كانديك كتب :-

درب الرجعة خلو وورينا شورتك كيف

بين ضامر الحشا والصدرو طامح قيف

ولع قلبى صده بقى زى سموم الصيف

نرجى يحن علينا... جودا بلا تكليف

يرخيلك سدولو وقليبو عندورهيف
يقدل في المشى جايبو لي صوت حفحيف
ياضامر الحشا أرحم قلوبنا أقيف
فايتنك صبر والوجعه ما تقول كيف

imported_سجمان

21-10-2009, 08:48 AM

درب الرجعة هيّن..خابرِنّو..ما شارِعنا
وضهبان الطريق يبرانا هو التّابعنا
وخلونا النّنادي العُمده أكان سامِعنا
الفرُرجه ما بندورا أمرق تعال جادِعنا

كان سامع نداك يا خيتي ما بتفرّج
أنا الفي النضم لا بخاف ولا بتحرّج
كان عارفة العلي تدعيلي كان تتفرّج
يشفي الفي القلب ساكن هواهو مدرّج

imported_طارق صديق كانديك

21-10-2009, 08:57 AM

الجيد خيزران ماح بالصدير الفتّق
لي عرو الزراير ونفساً عبيرو معتّق
يا شتيل المطور الشال نوارو وبتّق
ألفيهو الدِرِك في ريدو قلبو اتهتق

الصدر القبيل قام بي هناك وفرتق
لمن ديكي صاح أنا في وحيحي مهتق
يابرق الضحى العوعايو بقا ونتق
جيب لي من عبيرو نفساً حنين ومحدق

imported_طارق صديق كانديك

21-10-2009, 09:00 AM

صباحكم زين جميعاً..
طارق..يديك العافية
صُب دي

نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو:D

ابقى مارق..

صباحك زين يا مي

الزول كان بخاف عقب النضم شن كترو
قولت كف كواريكو وبكاهو يدفرو
هاك نضماً عدييل حاشانا ما بنشترو
لايكين الصبر وبي هناك عدونا نكسرو

الليلة إلا تجري .. ;)

imported_سجمان

21-10-2009, 09:01 AM

يا ست البنات العمدة قال مشغول
والنم والغنا دايرلو زول ممهول
داخرنك يمين للحارة وسديد القول
يا عمدتنا ياخ عذرك معاك يا زول

نغلت نحن ديمة وتشوفلنا الأعذار
يالأصلك عتيق أهلك بخودو النار
قول للبكوس في العمدة ما تحتار
الصايد الفكر شاغلني ليل ونهار

imported_طارق صديق كانديك

21-10-2009, 09:02 AM

اهل الراكوبة سلام
يسعد صباحكم يارب زى ما اسعدتو صباحى

صباحك خير وفال أختنا سمورية

دائماً يارب

تحياتي

مي هاشم

21-10-2009, 09:02 AM

كان سامع نداك يا خيتي ما بتفرّج
أنا الفي النضم لا بخاف ولا بتحرّج
كان عارفة العلي تدعيلي كان تتفرّج
يشفي الفي القلب ساكن هواهو مدرّج

وحاتك يا خوي هداااااااك..سعِعنا الكامل
جادِعنا آالحبيب خليك لينا مجامل
الله يفرج العليك فرجاً شامل
ومن كل العلل يديك شفاياً كامل

imported_سجمان

21-10-2009, 09:04 AM

طارق ومي..
ثنائية جميلة والله..
إبداع..

خلونا نحلحل ديونا في
الصفحات الفاتت ونجي
نعبيها معاكم بي جاي..
ودي؛؛

imported_طارق صديق كانديك

21-10-2009, 09:08 AM

ناس مي والمعاها الليلة إلا يطيرو
شاربين النضم غرفاً يمين من زيرو
كايسين للغلات شايلين معانا كبيرو
البنمسكو يا قال أح يا فرشولو سريرو

هههههه ... :)

مي هاشم

21-10-2009, 09:12 AM

صباحك زين يا مي

الزول كان بخاف عقب النضم شن كترو
قولت كف كواريكو وبكاهو يدفرو
هاك نضماً عدييل حاشانا ما بنشترو
لايكين الصبر وبي هناك عدونا نكسرو

الليلة إلا تجري .. ;)

أنا بت الرجال..حاشاني تب ما بجري
بركز للقتل وزغرودتي فوق لي قبري
هاك نضماً موزّن مفافيه تب الشّتري
بداقرك في الحديس وإلا إنت التّجري

احمد زين

21-10-2009, 09:16 AM

صباحكم زين جميعاً..
طارق..يديك العافية
صُب دي

نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو:D

نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو

عملتي لينا وجع شوف ياخ وزغللة في العيون.... نحن عجايز ونظرنا ضعيف

مي هاشم

21-10-2009, 09:25 AM

ناس مي والمعاها الليلة إلا يطيرو
شاربين النضم غرفاً يمين من زيرو
كايسين للغلات شايلين معانا كبيرو
البنمسكو يا قال أح يا فرشولو سريرو

هههههه ... :)

ما تقول بطير فيشان انا الإنتايي:D
ضكراني وحاتك وإتّ شوف الجايي
وشوفلك درقة منّي تبقالك غُتايي
باكر تطير إتّ ويحكو بَك حكايي

ههههههههههههههههههههههlooool

مي هاشم

21-10-2009, 09:32 AM

عملتي لينا وجع شوف ياخ وزغللة في العيون.... نحن عجايز ونظرنا ضعيف[/QUOTE]

صباح الفل..
والله اختك زاتها بنضارتها ما تشوف العيون دي!!

imported_سجمان

21-10-2009, 09:40 AM

يا سيد الرجال العمده ما بعفيهو
والنم والغنا هولو معطون فيهو
يجيكَ يمين من قلبو لا عند فيهو
لا دايرلو مهله ولا بيفكر فيهو

العمدة الدَرِب رايح عليو في الموية
بالحال العلي بقيت تقول ككوية
من سمح النضم بقيت أقول "الالويا"
يالإسمك "سقاية" واسم الدلع ميويةlooool

حاشية:
الالوية: التهليل (عند المسيحيين)

imported_سجمان

21-10-2009, 09:43 AM

سلامات يا شباب:

اقول يا الجيلي* ابو العباس
اشوف العافية ليك لباس
حبيبي
انت ما بتنقاس
الوحيد في قلوبنا
ماخد الكاس
حبيبي ..

* الجيلي احمد "ابو اليشا"

WIDTH=400 HEIGHT=50

ود سعد حبابك ألف في الراكوبة..

أبقى لا جوة..

imported_سجمان

21-10-2009, 09:45 AM

اهل الراكوبة سلام
يسعد صباحكم يارب زى ما اسعدتو صباحى

سمورية ::
ويسعد صباحك ديمة..
منورا الراكوبة والله..

أبقى داخلة..

imported_طارق صديق كانديك

21-10-2009, 09:45 AM

ما تقول بطير فيشان انا الإنتايي:D
ضكراني وحاتك وإتّ شوف الجايي
وشوفلك درقة منّي تبقالك غُتايي
باكر تطير إتّ ويحكو بَك حكايي

ههههههههههههههههههههههlooool

هييييييع عفيت منك .. :D

البي والعلي ظاهر على متكفي
والوعد اللكيد أنا في الكتال متشفي
وشان خاطرك أشيل نوم الهناك مدفي
يبيت القوة ساااي يحلم بطعم ( الهرفي ):p

ههههههه ... looool

imported_طارق صديق كانديك

21-10-2009, 09:57 AM

أنا بت الرجال..حاشاني تب ما بجري
بركز للقتل وزغرودتي فوق لي قبري
هاك نضماً موزّن مفافيه تب الشّتري
بداقرك في الحديس وإلا إنت التّجري

يابت الرجال الجابو الشكر من بدري
تسلمي ياأم رخم حاشاكِ ما بتنقدري
للنضمي الموزّن الناس لي حروفك تجري
أعماهم بشيل مكسرن من بدري

هههه .. كده كيف ؟ :)

imported_سجمان

21-10-2009, 10:04 AM

الصدر القبيل قام بي هناك وفرتق
لمن ديكي صاح أنا في وحيحي مهتق
يابرق الضحى العوعايو بقا ونتق
جيب لي من عبيرو نفساً حنين ومحدق

السدر القبيل فتق الجيوب تاوقلي
طاف بيهو النسيم وجاني يتراوقلي
يا برق الصعيد في نومي اتشاققلي
قول للشال منامي من نومو يتفاوقلي

imported_سجمان

21-10-2009, 10:12 AM

وحاتك يا خوي هداااااااك..سعِعنا الكامل
جادِعنا آالحبيب خليك لينا مجامل
الله يفرج العليك فرجاً شامل
ومن كل العلل يديك شفاياً كامل

إن حتيت سبيطي عاتي القفف ماب شيلو
وان فجّيت درب غلب الوراي يمشيلو
وإن جيت للجدع ما بتوزن بالكيلو
كالعينة أم تعول ماعون وطاتنا بكيلو

imported_طارق صديق كانديك

21-10-2009, 11:36 AM

السدر القبيل فتق الجيوب تاوقلي
طاف بيهو النسيم وجاني يتراوقلي
يا برق الصعيد في نومي اتشاققلي
قول للشال منامي من نومو يتفاوقلي

حاميني المنام أنا فوق رقادي مسهد

يقدل يمشي زي ظبي الخلا البتوهد

ياناضح المسك زيد في أذاي وأشهد

ياهدهد سبأ .. أنا في رجاك أتنهد

احمد زين

21-10-2009, 11:42 AM

إن حتيت سبيطي عاتي القفف ماب شيلو
وان فجّيت درب غلب الوراي يمشيلو
وإن جيت للجدع ما بتوزن بالكيلو
كالعينة أم تعول ماعون وطاتنا بكيلو

إن حتيت قناديل عيشي تملأ مخازن
وان جيت للغنا بنظم كلام متوازن
في ساعة الدواس بِركِز ابوك يا مازن
والفارس العنيد ببقالو جرحاً خازن

هيععععععععععععععع

ناصر يوسف

21-10-2009, 11:48 AM

لاااااااااااااااااااااا إله إلا الله

محمد رسول الله

ده كلللللللللللللللللللللللللللللو ؟؟؟

خمسسسسسسسة صفحات فاتتني ؟؟؟

إنشاء الله المسدار والمجادعه والنم ده ينفعكم يا رب

قريت البوست ده كلللللللو بي نفس واااااااحد

يوديني مرة هنا ومرة هناك

يطلع بي فوق فوق فوق فووووووووووق

في علالي الفرح

ويا سجمان

يا سجم السجم ظاتو

ما كان تلكزني وتقول لي أبقي داخل حديقة الفرح الخرافية دي :D

ووووووووح

وتاني شنو غير

وووووووووووح دي

مارقه من جووووووووووَه جُوات الزول

طارق كنديك

ومي هاشم

وساره

وود الزين و ...

كللللللكم

أحبكم جت عليكم

جايكم تاني ومتحكر فوق ضُل راكوبتكم السمممممممحة دي

الجبنه

الجبنه يا بت العم

جيبولنا الجبنننننننننننننننننه

imported_طارق صديق كانديك

21-10-2009, 04:44 PM

الجري والرحيح انقسمو للمابينا
امبرشو الضحى ويقعوا ويسفو الطينا
كان دارو الكتال يلقونا بي زندينا
نفرك في الكبير سوينا منو عجينا

احمد زين

21-10-2009, 05:10 PM

الجبنه يا بت العم

جيبولنا الجبنننننننننننننننننه

الجبنة يتجيك انت الصبر بس شيلو
اشرب وانبسط والبن اُكُرْفُو عليلو
معووج المزاج نحن البنعدل ميلو
والداير الطرب بِنْجِيْهُو آخر ليلو

imported_طارق صديق كانديك

21-10-2009, 05:31 PM

الجبنة يتجيك انت الصبر بس شيلو
اشرب وانبسط والبن اُكُرْفُو عليلو
معووج المزاج نحن البنعدل ميلو
والداير الطرب بِنْجِيْهُو آخر ليلو

ناداني الغرام باشرني شوف تأويلو
جبنتكم مكربة والراس وقف تميلو
زادني انبساط بن الحبش وعويلو
بكريها التقول موية العيون بس نيلو

احمد زين

21-10-2009, 09:54 PM

ناداني الغرام باشرني شوف تأويلو
جبنتكم مكربة والراس وقف تميلو
زادني انبساط بن الحبش وعويلو
بكريها التقول موية العيون بس نيلو

البن المدنكل يا طارق إت بتدورو
والشاي المنعنع برضو طابق دورو
السجمان اخوك الليلة تم سرورو
اديهو الغنا خلي اليفك ساجورو

النور يوسف محمد

21-10-2009, 11:18 PM

بسم الله الرحمن الرحيم
سلام معشر الهمباتة
سجمان , طارق , مى هاشم
معتصم , احمد أبو مازن , سارة
...........................
رائعين والله
فرجتو همنا الله يفرج همكم
ونيابةً عنكم عزمت ليكم دكتورة هيفاء عبد الستار
ودعيتا لزيارة الراكوية
من خلال قراءتى لبوستها ( عجن صندل )
الظاهر عليها متمكنه من الشغلانية دى
يا مى هاشم
عليك الله ناديها بى جاى
بى رمية رميتين

imported_طارق صديق كانديك

22-10-2009, 06:41 AM

البن المدنكل يا طارق إت بتدورو
والشاي المنعنع برضو طابق دورو
السجمان اخوك الليلة تم سرورو
اديهو الغنا خلي اليفك ساجورو

ود الزين حباب سيد البولع نورو
السجمان عزيز شاحد الله يلقى منولو
مليان بالمحنة وديما راجح قولو
لا انضام لا سكت وقتين نطلبو ندورو

بابكر مخير

22-10-2009, 07:49 AM

يا بت الرجال ما بلقى ليك شبيهة
معدولة فكر .. و بتعرفى الجيهة
سمحة ..قيافة و رزينة و جيهة
جهجهتى الصبا وزدتى البنات فى تيها

هي دحن ما اليها كانت! والدآ قريب
نفاسآ ملازما الرقاد فييي عنقريب
كيفن بعد الدايات:eek:
جيهة؟
وهي القالت كان قسم تعذيب..
غايتو لا عجب ولا مني خلوعتن بصيب
بس نقول ممكن وكل شي ممكن
ما هو بقى مافي شيتن غريب ولاهو عجيب

imported_صلاح الدين هجو النحاس

22-10-2009, 10:35 AM

مي هاشم

22-10-2009, 03:06 PM

جاية..

فوق

imported_طارق صديق كانديك

22-10-2009, 03:15 PM

جاية..

فوق

ناديت الطيوف لمن ازاني النم
في عجلة ومهل باريتو بدر التم
يا صاحب المدد زيد في رجايا عشم
سألين الكريم زيد لي فهمنا فهم

احمد زين

22-10-2009, 03:54 PM

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

imported_طارق صديق كانديك

22-10-2009, 04:42 PM

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

جيهت النضم رتبت فيهو تمامو
الضحوي الرزم قام للسحاب قدامو
ذكرني المقنع وقتين يفوح نسامو
ناعم رسمو في قلبي انسكبلي مدامو

imported_سارة

22-10-2009, 07:45 PM

حاميني المنام أنا فوق رقادي مسهد

يقدل يمشي زي ظبي الخلا البتوهد

ياناضح المسك زيد في أذاي وأشهد

ياهدهد سبأ .. أنا في رجاك أتنهد

تنهيدك الم ..من قلبى ما دايراهو

يا نسل الملوك..طرفى المنام جافاهو

شفتك لى شفى من الكريم راجياهو

لا تطول عليى حقق لقلبى مناهو

imported_سارة

22-10-2009, 07:50 PM

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

يا دود الخلا .. حبيبك قليبو رهيف

بحر ريدك عميق وما بينفع التجديف

ارحم حالو جود بنظرة لو بخفيف

الله يجيب الخريف جودن بلا تكليف

imported_سارة

22-10-2009, 07:58 PM

الجيد خيزران ماح بالصدير الفتّق
لي عرو الزراير ونفساً عبيرو معتّق
يا شتيل المطور الشال نوارو وبتّق
ألفيهو الدِرِك في ريدو قلبو اتهتق

وحات شيخ القبب سجمان عدوك يا وليد

تغزل فى الكلام زى الدرر فى الجيد

لو كان بلقى خاترى والمراد بالليد

بهديك العمر ولو درت تانى بزيد

imported_سارة

22-10-2009, 08:05 PM

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

حّرم بت عزاز وفوق المخدة تنوم

ست كل البنات من حلفا للخرتوم

مبرومة قوام وزيك يمين معدوم

كان شافك فقير بنسى الفرض والصوم

لقيتنينى كيف يا فردةgooodgooodgoood

*فوق المخدة تنوم كناية للعز والجاه

* كان شافك فقير الفقير المقصود هو الشيخ او حافظ القران

احمد زين

22-10-2009, 11:23 PM

يا دود الخلا .. حبيبك قليبو رهيف

بحر ريدك عميق وما بينفع التجديف

ارحم حالو جود بنظرة لو بخفيف

الله يجيب الخريف جودن بلا تكليف

بريق القِبلي قام جاب لي دعاشا صافي
هيج لَيْ شجون منسية كانت مافي
يا رب العباد تدينا رزقا كافي
ننعم بي عقولاً في جسد متعافي

مي هاشم

22-10-2009, 11:32 PM

ناديت الطيوف لمن ازاني النم
في عجلة ومهل باريتو بدر التم
يا صاحب المدد زيد في رجايا عشم
سألين الكريم زيد لي فهمنا فهم

يبرد حشاك ربي وفي الحرم تنجم
ويديك الكريم من جودو فيض وكرم
كل قساي اليهون والنقيص ينتم
لا تتعب دنى لا آخرتك تندم

قول آمين...

مي هاشم

22-10-2009, 11:34 PM

يا شباب
كلكم بدون فرز

ازيكم

مي هاشم

22-10-2009, 11:45 PM

مي هاشم

22-10-2009, 11:54 PM

هي دحن ما اليها كانت! والدآ قريب
نفاسآ ملازما الرقاد فييي عنقريب
كيفن بعد الدايات:eek:
جيهة؟
وهي القالت كان قسم تعذيب..
غايتو لا عجب ولا مني خلوعتن بصيب
بس نقول ممكن وكل شي ممكن
ما هو بقى مافي شيتن غريب ولاهو عجيب

نفسا صِح..وحقيقة والده قريييب
مجيهة بعد عذابي شِن يعني الغريب!!
ولا تذكر الدايات والله أبو غريب
وسخانة وكمان برضو بتفضي الجيب

مي هاشم

23-10-2009, 12:00 AM

يمين بالله ماعينى وقعت الا الحينو
تتلوكزو وتتكوضمو فوق الفات مقيلو
ناس دواس ورواس تحمدو سيدو
زى ماقال ناصر اللكز واحلييو
نفس واحد تلقاك فى دنقيلو

واااه
ياناس الراكوبه ام جدعن نى
سلاما يلف رويحاتكم من البارى الحى
مانامت نورات عيونكم من النضمو ضى
بفوتكم سلام اهو متدلى الحى

حباب البادراب.. اهل الليل واللالوبة
أهل المديح والطار اسيادي ناس النوبة
بجاهم نجول في الحضرة نشرب كوبا
مني ومن صلاح يا ربي تقبل توبة

مي هاشم

23-10-2009, 12:16 AM

اهل الراكوبة سلام
يسعد صباحكم يارب زى ما اسعدتو صباحى

سمورية صباحك زين منورة الراكوبه
تسلمي يا الحنينة داخراك ساعة الحوبه
يحفظك الاله ومن العيون محجوبه
ينزل رزقه وافر وكل النعم مصبوبه

مي هاشم

23-10-2009, 12:25 AM

مي هاشم

23-10-2009, 12:35 AM

حاميني المنام أنا فوق رقادي مسهد

يقدل يمشي زي ظبي الخلا البتوهد

ياناضح المسك زيد في أذاي وأشهد

ياهدهد سبأ .. أنا في رجاك أتنهد

الحاميني المنام وبكّى طرفي سِهِر
والعذب رويحتي وقلبي منو فِتِر
من نفحات رويحتو وطيب شذاه سِكِر
ما بحمل بعادو أكان قريب بشِبِر

مي هاشم

23-10-2009, 12:51 AM

سلامات يا شباب:

اقول يا الجيلي* ابو العباس
اشوف العافية ليك لباس
حبيبي
انت ما بتنقاس
الوحيد في قلوبنا
ماخد الكاس
حبيبي ..

* الجيلي احمد "ابو اليشا"

WIDTH=400 HEIGHT=50

حباب سعد مرحب جيتك هسي..:o:o
سهيت والعفو والله تب ماك منسي
اريتك بالعافيي والعفاف دوم مكسي
ويحفظك الكريم من الجنون والإنسِ

مي هاشم

23-10-2009, 01:05 AM

حّرم بت عزاز وفوق المخدة تنوم

ست كل البنات من حلفا للخرتوم

مبرومة قوام وزيك يمين معدوم

كان شافك فقير بنسى الفرض والصوم

لقيتنينى كيف يا فردةgooodgooodgoood

*فوق المخدة تنوم كناية للعز والجاه

* كان شافك فقير الفقير المقصود هو الشيخ او حافظ القران

لقيتك ...:D:D:Dlooool

بت العزاز حاشاها مِي نوامّه
تخدم للضيوف في الحلّة مِي حوّامه
ضامر هافا من كتر الصيّام قوّامه
إن شافا الفقير تقوم عليه اللوّامه

*قوامة :من القيام للصلاه ليلاً
*اللوامة:النفس اللوامة (تقول ليه المرا بقت اخير منك؟؟فيبغر ويعمل):D

اها لقيتيني كيف..

مي هاشم

23-10-2009, 01:32 AM

الليلة الخريف طالق علي نَسّامو
طراني المفرهد في ربيع ايامو
الخلاني سهران والخلائق نامو
فاطر بَسْمو ناير خَدُّو حالي كلامو

أحمد ود الزين..والله ما بتتلاحق عدييييييييل..براحة علينا:confused:
واعذرني على وجع الشوف والزغللة..ما بيتكبر الخط..:(:(

الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي

اللهم صلّ وسلّم وبارك عليه

تصبحوا على خير

معتصم الطاهر

23-10-2009, 10:53 AM

الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي

الليلة مى طنشت عديل أشعارى ..
و كأنوا بالجبر السرى انكتب مسدارى ..
با حليل القلب الدوام حارى و طارى ..
نست يوم كنا الشعر و هي غلاف أسفارى ..

احمد زين

23-10-2009, 11:01 AM

الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي

يا رب العباد تسمع دعوتها وتجيبا
سهل خطوتهاعلشان تزورو حبيبا
بي بركة نبيك اديها كل نصيبا
وفي القبة ام رخام تكرف نسيم من طيبا

معتصم الطاهر

23-10-2009, 11:22 AM

الليلة البريق فتّق علي آلامي
وطرّاني الرّسول وجدد عليّ هيامي
ان ما زرت قبره يا خلّي واندامي
صليت علّ يشفى بها سقامي

اللهم صلّ وسلّم وبارك عليه

الليلى البريق فتّح على جروحي
ذكرنى النبي والروضة أم نعيما فوحي
إن ما زرت بيتو و ابكاى و نوحي
صليت ليتو يسمع نجواى وبوحي

ألف على الحبيب ..

مي هاشم

23-10-2009, 03:02 PM

الليلة مى طنشت عديل أشعارى ..
و كأنوا بالجبر السرى انكتب مسدارى ..
با حليل القلب الدوام حارى و طارى ..
نست يوم كنا الشعر و هي غلاف أسفارى ..

أعفي لي.طناشك اصلي ما قاصداهو..
قريت مسادرك موزون نغم شايفاهو..
مشغول القليب بالفارقو وبهواهو..
ماك عارف براك قلبي والجوّاهو..

لك العتبى

مي هاشم

23-10-2009, 03:10 PM

يا رب العباد تسمع دعوتها وتجيبا
سهل خطوتهاعلشان تزورو حبيبا
بي بركة نبيك اديها كل نصيبا
وفي القبة ام رخام تكرف نسيم من طيبا

آمييييييييييين

رب العباد يتمو لي مقصودي
وتسهل خطوتي وازور هناك مريودي
واحفظ ديني لا افوت عنو حدودي
عيني على الصيام وركوعي ثم سجودي

مي هاشم

23-10-2009, 03:21 PM

الليلى البريق فتّح على جروحي
ذكرنى النبي والروضة أم نعيما فوحي
إن ما زرت بيتو و ابكاى و نوحي
صليت ليتو يسمع نجواى وبوحي

ألف على الحبيب ..

صلاتك واصلة تب والسلام مسموع
الواحده منك بي عشرة في المجموع
أكان قايم أو قاعد ولو مضجوع
اذكرو لا شك ذكرك هناك مرفوع

صلى الله عليه وسلم

imported_طارق صديق كانديك

23-10-2009, 03:33 PM

تنهيدك الم ..من قلبى ما دايراهو

يا نسل الملوك..طرفى المنام جافاهو

شفتك لى شفى من الكريم راجياهو

لا تطول عليى حقق لقلبى مناهو

قلبك يا ام عفاف أحمد ربنا السواهو
مليان بالمحنة وعقباً يلولي بهاهو
يا بت الكرام .. نورك شلع ضواهو
زهرالأقحوان السال نداك غطاهو

imported_طارق صديق كانديك

23-10-2009, 03:44 PM

يبرد حشاك ربي وفي الحرم تنجم
ويديك الكريم من جودو فيض وكرم
كل قساي اليهون والنقيص ينتم
لا تتعب دنى لا آخرتك تندم

قول آمين...

آآآآآآمين يا مي ولك مثلها

**

شاحد الله الكريم مي بالحرم تتلم
تقدل في الصحن تشرب من الزمزم
وتقبلي الحجر المن يومو ما اتهدم
بي بركة يس والفاتحة وجزء عم

ما تنسينا من دعواتك بعدين ... :)

imported_طارق صديق كانديك

23-10-2009, 03:47 PM

الحاميني المنام وبكّى طرفي سِهِر
والعذب رويحتي وقلبي منو فِتِر
من نفحات رويحتو وطيب شذاه سِكِر
ما بحمل بعادو أكان قريب بشِبِر

السهر المبكي عين الطريف الحائر
الروح والبدن لازمات معاهو دوائر
الشال المنام رقد صبرنا ( فطائر):D
ممشوق القوام يسلم خديدو النائر

احمد زين

23-10-2009, 04:22 PM

السهر المبكي عين الطريف الحائر
الروح والبدن لازمات معاهو دوائر
الشال المنام رقد صبرنا ( فطائر):D
ممشوق القوام يسلم خديدو النائر

شنو يا اخوي نحن مساهرين الليل كله نحاحي في الدوباي لامن رقدنا رز ... وانت نايم ومرطب عشان تجي تغلبنا بالمِنْجَم:D
اصبر لي الناخد لي نومة واجيك
ولا اقول ليك نوم ذاتو ما عايز الّا اديك واحدة .... هيييييعععععععع انا اخوك يا عادل عسوم

احمد زين

23-10-2009, 04:34 PM

كِتِر سهري العلي والنوم زمان جافيتو
حَتْ صاحبي العزيز الليلة تب خليتو
طابق البوخة داك الفي غناي عنيتو
زي تمر المدينة المنسدل في صبيتو

ارح

imported_طارق صديق كانديك

23-10-2009, 04:46 PM

شنو يا اخوي نحن مساهرين الليل كله نحاحي في الدوباي لامن رقدنا رز ... وانت نايم ومرطب عشان تجي تغلبنا بالمِنْجَم:D
اصبر لي الناخد لي نومة واجيك
ولا اقول ليك نوم ذاتو ما عايز الّا اديك واحدة .... هيييييعععععععع انا اخوك يا عادل عسوم

ههههههههه

ازيك يا دكتور .. !!

نظام ويكند وكده الراحة واجبة ياخ .. برانا راقدين خل ... !!

أحييك وأحي عبرك عزيزنا ود عسوم ... !!

لبيك ... !!

imported_طارق صديق كانديك

23-10-2009, 04:47 PM

كِتِر سهري العلي والنوم زمان جافيتو
حَتْ صاحبي العزيز الليلة تب خليتو
طابق البوخة داك الفي غناي عنيتو
زي تمر المدينة المنسدل في صبيتو

ارح

أبشر بالخير ... !!:D

ود الزين أخوي ليلي انطبق حاحيتو
بت مع النجوم طيف الحبيب ناجيتو
أكرف للمسك ألمي العلي داويتو
لمن ديكي صاح شفتا العذاب خاويتو

احمد زين

23-10-2009, 05:07 PM

أبشر بالخير ... !!:D

ود الزين أخوي ليلي انطبق حاحيتو
بت مع النجوم طيف الحبيب ناجيتو
أكرف للمسك ألمي العلي داويتو
لمن ديكي صاح شفتا العذاب خاويتو

ود كانديك اخوي واللهِ كتر خيرك
بتعرف للنظم دايما جميل تعبيرك
الرأي السديد نلقاهو في تفكيرك
والكايس الكعب يمشي ويفتش غيرك

imported_طارق صديق كانديك

23-10-2009, 05:19 PM

ود كانديك اخوي واللهِ كتر خيرك
بتعرف للنظم دايما جميل تعبيرك
الرأي السديد نلقاهو في تفكيرك
والكايس الكعب يمشي ويفتش غيرك

الزول ان سخى متلك بلاقي نظيرو
في الليل والنهار دايما عفيف تعبيرو
قرآن الفجر تاليهو بي تدبيرو
فيك الحكمة فيك الشكرة فيك تاويلو

imported_طارق صديق كانديك

24-10-2009, 07:15 AM

الليلة البريق زحزح فؤادي الهادي
يشلع يرمي في ساعتو انبهل حدادي
غرّق .. والبهم جقلب هناك بي غادي
زي فرح الوليدات يومن يشيل عبادي

imported_فيصل سعد

24-10-2009, 08:02 AM

سلام يا اهل الراكوبة و شوق ..

الحال العلي حال العدو المسكين
وحال الكتفوهو وسالين علي السكين
وحال الفي البحر يحايشنو تمساحين
وحال الفي السجن ما قدرولو سنين

اه يا ريت السعادة أن بقت ايدية
كنت اهش هني في الدنيا بالذندية
علي حكمو ناس بالسيئة وطلبو الدية
أموت بالعطش والموية بين ايديا

ريا عليا قاسية وجايرة في التفنين
اه يا ربي ارحم صبري امسى ضنين
إمحق دي السنة ربي الحليم وحنين
وإخصم من حياتي رضيت بعشرة سنين

كيف أنا اعيش وصبري ولى مودع
وسببي الرخرخ القام من صغير متفدع
جنيت وجني جن وحالي اصلو مبدع
اهج شقيش افج فاضل لي تاني اجدع

و مدد يا
طارق صديق مدد :D:D

بابكر مخير

24-10-2009, 08:23 AM

نست يوم كنا الشعر و هي غلاف أسفارى ..

يا مان
إت كلامك براهو شعر جميل شكل والوان
بالله لا تقول دآ تأريخ ولى وليهو زمان
كل شيتك يابا حلو مرسوم التقول بريشة الفنان

imported_طارق صديق كانديك

24-10-2009, 08:33 AM

سلام يا اهل الراكوبة و شوق ..

كيف أنا اعيش وصبري ولى مودع
وسببي الرخرخ القام من صغير متفدع
جنيت وجني جن وحالي اصلو مبدع
اهج شقيش افج فاضل لي تاني اجدع

و مدد يا
طارق صديق مدد :D:D

وعليكم السلام والرحمة ...

فيصل ود سعد كيفك يا جميل ... !!

الحنضل صعب فرتق حشاي أتصدع
من ولهي العلي جرعتو من المنبع
الشال منامي وعين الحسود تتهجع
ضقتا الويل ضقتا الكي فوق اللصبع

imported_طارق صديق كانديك

24-10-2009, 08:36 AM

و مدد يا
طارق صديق مدد :D:D

ود سعد الأصيل هيج على آلامي
جزعنا الصبر صعبت معاو احلامي
ماسكين الدرب لامن نصل ما نعاني
والكبسيبة جد فيها البرئ والجاني

imported_فيصل سعد

24-10-2009, 08:43 AM

وعليكم السلام والرحمة ...

فيصل ود سعد كيفك يا جميل ... !!

الحنضل صعب فرتق حشاي أتصدع
من ولهي العلي جرعتو من المنبع
الشال منامي وعين الحاسدين تتهجع
ضقتا الويل ضقتا الكي فوق اللصبع

سلام يا ود عمك ، و عن اذنك ممكن
نوزن ليك شغلك دا، اصلوا اخوك الايام
دي اخصائي اوزان و جس و توزيع
لحم و خبيز و الذي منو مقايس و مكاييل
و خبير تقديرات مواقف و كدا :D:D

الحنضل صعب فرتق حشاي أتصدع
من ولهي العلي اتجرعتو من المنبع
الشال منامي وعين الحسود تتهجع
ضقتا الويل و ضقتا الكية فوق اللصبع

اعد القراءة و ادينا راييك
و ادينا معاك الفاتحة :D:D

imported_طارق صديق كانديك

24-10-2009, 08:49 AM

سلام يا ود عمك ، و عن اذنك ممكن
نوزن ليك شغلك دا، اصلوا اخوك الايام
دي اخصائي اوزان و جس و توزيع
لحم و خبيز و الذي منو مقايس و مكاييل
و خبير تقديرات مواقف و كدا :D:D

الحنضل صعب فرتق حشاي أتصدع
من ولهي العلي اتجرعتو من المنبع
الشال منامي وعين الحسود تتهجع
ضقتا الويل و ضقتا الكية فوق اللصبع

اعد القراءة و ادينا راييك
و ادينا معاك الفاتحة :D:D

ههههه (( دي للأحمر )) ... :D

مع تقديري الشديد للجرس الفني عندك ..
(( جرعتو )) بفعلي أنا مما يضفى قوة على المعني (( اتجرعتو )) دخول ( الألف والتاء ) تفيد بشئ من التراخي وربما تمت بفعل آخرين .. !!

الحاسد كان بقى واحد أنا ما بشكيهو .. هههههه لكنهم الكثرة التي غلبت الشجاعة ... !!

بس بيني وبينك أجمل عين الحسود فعلا .. من ناحية الوزن .. شكراً كتير

( الكي ) يفيد الكثرة غير أن ( الكية ) تفيد المفرد ... وأخوك راسو ناشف كية واحدة ماااا بتسوي ليهو شئ ... goood

سعيد بقرأتك جداً

مودتي

imported_elle

24-10-2009, 10:37 AM

بسمة ووردتين لي ناس كتير سروني
بي القول السمح حالي الكلام وروني
يا ريت من زمان لي حرفهم قروني
بي يد من جمال لي دربهم جروني

إحترامي

imported_تحفة حوا

24-10-2009, 10:45 AM

يا ناس راكوبتكم وريفة ضليلة
ونميكم دايرلو مني تهليلة
عاجبني من أول يوم وليلة
وسلام للناس النبيلة وأصيلة

imported_طارق صديق كانديك

24-10-2009, 03:06 PM

بسمة ووردتين لي ناس كتير سروني
بي القول السمح حالي الكلام وروني
يا ريت من زمان لي حرفهم قروني
بي يد من جمال لي دربهم جروني

إحترامي

مرحبتين حباب ست الحروف ومعاني
بسمة ووردتين شايلات غنا وأماني
انضمي عقدك اللولو وأقيفي ثواني
سارة تجيك ومي قاااعدة وناساً تاني

تحياتي

imported_طارق صديق كانديك

24-10-2009, 03:08 PM

يا ناس راكوبتكم وريفة ضليلة
ونميكم دايرلو مني تهليلة
عاجبني من أول يوم وليلة
وسلام للناس النبيلة وأصيلة

تحفة حوا جات تقدل سمح تعليلا
بت ناسا عزاز سندو البيرزح ميلا
ست قولا عفيف حاشاها ماها(سغيلا):)
ضيف الهجعة بتسندو وتزيد في كيلا

imported_طارق صديق كانديك

24-10-2009, 03:10 PM

السجمان أخوي غيبتك أكيد واجعاني
ودالزين ينم لي الشكرة جابلو معاني
ينضم في الفخر وفي الريدة شيتا تاني
ناقصنك عدييييل أمرق تعال ما تواني

imported_سارة

24-10-2009, 05:25 PM

السجمان أخوي غيبتك أكيد واجعاني
ودالزين ينم لي الشكرة جابلو معاني
ينضم في الفخر وفي الريدة شيتا تاني
ناقصنك عدييييل أمرق تعال ما تواني

طارق يا الكلس ان شاء الله ما تستوجع

ود الزين ما هو هين زى الفهد بيتضرع

ومى هاشم يمين... فارسة لابسة المقنع

متين يا الله هوى سجمان يرد اويرجع

احمد زين

24-10-2009, 06:44 PM

طارق يا الكلس ان شاء الله ما تستوجع

ود الزين ما هو هين زى الفهد بيتضرع

ومى هاشم يمين... فارسة لابسة المنع

متين يا الله هوى سجمان يرد اويرجع

انت رجعتي .... باكر برجع السجمان
محل ما يكون جمال روحك بيكون هو كمان
افقدو الزول ده وين غاتس في ياتو مكان
شاحد الله الكريم ما يكون طلع زعلان

مي هاشم

25-10-2009, 12:31 AM

ما تنسينا من دعواتك بعدين ... :)[/QUOTE]

بدعيلك في جوف الليل بطن الدّجى..
لاحّه على الكريم انا في رجا..

أبت تتم هسي..برجع ليها تاني..ولا اقول ليك؟؟تمها انت وادعي لي معاك.:D:D:D

imported_سارة

25-10-2009, 12:44 AM

انت رجعتي .... باكر برجع السجمان
محل ما يكون جمال روحك بيكون هو كمان
افقدو الزول ده وين غاتس في ياتو مكان
شاحد الله الكريم ما يكون طلع زعلان

أحمد يا عشاى زعل الحبيب مغفور

يمين لو جانا راجع ..نمشى البنية نزور

طارق نّمو حالى... بيحنن العصفور

انا ببدا الغنى.. وأت حّرر الطمبور

مي هاشم

25-10-2009, 12:52 AM

السهر المبكي عين الطريف الحائر
الروح والبدن لازمات معاهو دوائر
الشال المنام رقد صبرنا ( فطائر):D
ممشوق القوام يسلم خديدو النائر

القسّم منامي ومسّخ علي الرّقده..
والروح شحتفا قصاني حيلي اتهدّ..
غالبني الصبر وراهو بابو انسدّ..
يسلم من دبي لامن يزور ناس جدّه..:D

imported_سارة

25-10-2009, 12:55 AM

الليلة البريق زحزح فؤادي الهادي
يشلع يرمي في ساعتو انبهل حدادي
غرّق .. والبهم جقلب هناك بي غادي
زي فرح الوليدات يومن يشيل عبادي

يوم شال البريق ونّور هناك فى القبلى

طرانى الحبيب وايام هناى ووصلى

يا ناسى الوعود ريقك شفاى ومصلى

ارحم زول بريدك ونار قلبو يوت مشتعلى

مي هاشم

25-10-2009, 01:01 AM

محاحاة الدوباي والمسادير مع السهر غلبتني عديييييييييييييل :confused:وراسي كابس الليلة :confused:وزول يكاويني ويدورني مافي!!!:mad:
لا باكر بحول الله..:)

مي هاشم

25-10-2009, 01:11 AM

يوم شال البريق ونّور هناك فى القبلى

طرانى الحبيب وايام هناى ووصلى

يا ناسى الوعود ريقك شفاى ومصلى

ارحم زول بريدك ونار قلبو يوت مشتعلى

الله عليك يا سارة..جميل..رقيق وراقي وجوة الجوة عدييييييييل
بس الراس كااااااااااااااابس:confused:

imported_سارة

25-10-2009, 01:35 AM

الله عليك يا سارة..جميل..رقيق وراقي وجوة الجوة عدييييييييل
بس الراس كااااااااااااااابس:confused:

راسك يا الحنينة من العليهو مسخن

فيشان اب شلعة غايب والقليب متمحن

ربى يتم مرادك وليهو الدروب ينفتحن

النم ماهو قاسى ..قاسى الفراقو يعكنن

imported_سارة

25-10-2009, 01:40 AM

القسّم منامي ومسّخ علي الرّقده..
والروح شحتفا قصاني حيلي اتهدّ..
غالبني الصبر وراهو بابو انسدّ..
يسلم من دبي لامن يزور ناس جدّه..:D

القسّم منامك ما اظنو يوم يسلاكى

والروح سايمها كايس هناك ورضاكى

يا مى المحن قاسية يوم.. تبلاكى

كان صبرتى جبرتى وكان كفرتى براكى

imported_طارق صديق كانديك

25-10-2009, 06:51 AM

ما تنسينا من دعواتك بعدين ... :)

بدعيلك في جوف الليل بطن الدّجى..
لاحّه على الكريم انا في رجا..

أبت تتم هسي..برجع ليها تاني..ولا اقول ليك؟؟تمها انت وادعي لي معاك.:D:D:D[/QUOTE]

مي صباحك خير

ولا يهمك .. طالبك ( تمومة ) :p

قولي آآآمين كبيرة بس ... !!

أمسكي : ـ

بدعيلك في جوف الليل بطن الدّجى..
لاحّه على الكريم انا في رجا
لاتخزلك منية لا تضرب الدلجة (:D)
تلقى الخير مجكن وفي الجنان درجة

imported_طارق صديق كانديك

25-10-2009, 07:05 AM

القسّم منامي ومسّخ علي الرّقده..
والروح شحتفا قصاني حيلي اتهدّ..
غالبني الصبر وراهو بابو انسدّ..
يسلم من دبي لامن يزور ناس جدّه..:D

حاميني المنام في ليلي مافي الغمده
أحسب في النجوم الغادية والشارده
أسداسي تضرب في خماسي العده
قلل صبري جهجه باكاتي والفردة (goood)

imported_elle

25-10-2009, 08:20 AM

فاضل لي كتير شــان أوصلك يا قيفو
مركبي في بحر هــادر شديد تخويفو
يا ريح الشمــــال الهـابة بي تصريفو
خايفة القيف يكون زي السراب في صيفو

،،،

ناصر يوسف

25-10-2009, 09:14 AM

فاضل لي كتير شــان أوصلك يا قيفو
مركبي في بحر هــادر شديد تخويفو
يا ريح الشمــــال الهـابة بي تصريفو
خايفة القيف يكون زي السراب في صيفو

،،،

وأنا راجيك هناك في القيف

شديتو شراعي منتظرك ولو طيف

يبراني النسيم يلفاني زي ضيف

وإنتي الهناك متوسدة الإنتظار كيف كيف

هيييييييييييع أها كده كييييييييييييييييييف ؟؟؟ ;) ;) ;)

imported_elle

25-10-2009, 09:45 AM

وأنا راجيك هناك في القيف

شديتو شراعي منتظرك ولو طيف

يبراني النسيم يلفاني زي ضيف

وإنتي الهناك متوسدة الإنتظار كيف كيف

هيييييييييييع أها كده كييييييييييييييييييف ؟؟؟ ;) ;) ;)

ما دامك هناك راجيني.. ماهماني
لا ريح لا بحر.. شاطي الأمان ضماني
لما يهل هلالك ويملا نورو زماني
يهديني الفرح كل يوم أغاني وأماني

سالم يا رب

ناصر يوسف

25-10-2009, 09:59 AM

ما دامك هناك راجيني.. ماهماني
لا ريح لا بحر.. شاطي الأمان ضماني
لما يهل هلالك ويملا نورو زماني
يهديني الفرح كل يوم أغاني وأماني

سالم يا رب

وا بختي بي قولك ويا بختو زماني

وأنا البي قولك جوني الناس يقولوا تهاني

بخيت وسعيد وبي قدلة بشيلو شبالي

طال ما جيتيني بي وعدك أصلو ما هماني

imported_elle

25-10-2009, 11:25 AM

فتاش الكـلام فتِش معاي زي قـولو
وأتعب حبتين أو أبقى لـــي رسـولو
قول ليهو البعاد هد الفؤاد بي طـولو
وريو حالي بي توضيح عميق مدلولو

،،،،

imported_سجمان

25-10-2009, 11:45 AM

البن المدنكل يا طارق إت بتدورو
والشاي المنعنع برضو طابق دورو
السجمان اخوك الليلة تم سرورو
اديهو الغنا خلي اليفك ساجورو

البن المحوّق صاموتي فكة القَرْفَة
والشاي أب كتح بالهبهان والقِرْفَة
المستك بخور عمّتنا منو الكرفة
السجمان خلاص راحت عليهو الحرفة

imported_سجمان

25-10-2009, 11:52 AM

ود الزين حباب سيد البولع نورو
السجمان عزيز شاحد الله يلقى منولو
مليان بالمحنة وديما راجح قولو
لا انضام لا سكت وقتين نطلبو ندورو

تسلم يالليديك دوام بالخير تملي يجولو
ياب نضماً سمح ديمة البيان مدلولو
الجرف المخدر عمرت يداك محصولو
يالنجم الثقب كضب الأيادي تطولو

احمد زين

25-10-2009, 12:11 PM

بدعيلك في جوف الليل بطن الدّجى..
لاحّه على الكريم انا في رجا..

أبت تتم هسي..برجع ليها تاني..ولا اقول ليك؟؟تمها انت وادعي لي معاك.:D:D:D

مي صباحك خير

ولا يهمك .. طالبك ( تمومة ) :p

قولي آآآمين كبيرة بس ... !!

أمسكي : ـ

بدعيلك في جوف الليل بطن الدّجى..
لاحّه على الكريم انا في رجا
لاتخزلك منية لا تضرب الدلجة (:D)
تلقى الخير مجكن وفي الجنان درجة[/QUOTE]

يا مي طارق طالبك تمومة

وانا كمان طالبك تمومة
وما تغالطيني ياها دي

هوي
آآ ناس ساهرتو بي شهّيتو عيني الغمدة
كان اتّ ود الزين كان سارة كان العمدة

والله أبت تتم..كدي خلوني انوم هسي والصباح رباح

خليني اتمها ليك انا

اجيكم بالنهار ماخدالي حبة سندة
ولا السمسمية الكمدة ديك بالرمدة

حاشية:-
السمسمية عبارة عن نبات اخضر يسأل عنه فتحي مسعد - ابواماني - سارة ومن( لفّ لفّهم)

وبالطريقة دي التمامات الا تسوي ليها كتاب تسميهو ديون تمامات في النم والدوباي
تأليف مي هاشم

imported_سجمان

25-10-2009, 12:11 PM

وحات شيخ القبب سجمان عدوك يا وليد

تغزل فى الكلام زى الدرر فى الجيد

لو كان بلقى خاترى والمراد بالليد

بهديك العمر ولو درت تانى بزيد

يسلم لي عميرك وتسلم نواحي بلودك
يا شبه الفلو الحرة ناعمة جلودك
العنعنة في الأثر وصلن هناك لا جدودك
يالعينة ام تعول كضب الوصل حدُّودِك

imported_سجمان

25-10-2009, 12:19 PM

اسبوعين تمام والهم موسدو إيدي
خاويت العدم في الدنيا ناجع صيدي
الشاغل الفؤاد زولي القسمتلو ريدي
رضيان ان بقيت لشفاهو شالو وريدي

.

imported_سجمان

25-10-2009, 12:25 PM

مي صباحك خير

ولا يهمك .. طالبك ( تمومة ) :p

قولي آآآمين كبيرة بس ... !!

أمسكي : ـ

بدعيلك في جوف الليل بطن الدّجى..
لاحّه على الكريم انا في رجا
لاتخزلك منية لا تضرب الدلجة (:D)
تلقى الخير مجكن وفي الجنان درجة

يا مي طارق طالبك تمومة

وانا كمان طالبك تمومة
وما تغالطيني ياها دي

وبالطريقة دي التمامات الا تسوي ليها كتاب تسميهو ديون تمامات في النم والدوباي
تأليف مي هاشم[/QUOTE]

نكتر عليها الدين شوية يا دكتور رايك شنو:p

بدعيلك في جوف الليل بطن الدّجى..
لاحّه على الكريم انا في رجا
كانديك أخوي همومو تفرجا
والنايبات عموم تكشفها عنه تصرجا

imported_سارة

25-10-2009, 12:32 PM

كيف الشورة كيف فى الحبو غار واتجكن

شرب من العروق ومن الفؤاد أتمكن

سكن الجوف حرن وخلا حالى مبشتن

نسانى الفريضة وقولة لا نبلا لا نتمّحن

imported_سارة

25-10-2009, 12:41 PM

اسبوعين تمام والهم موسدو إيدي
خاويت العدم في الدنيا ناجع صيدي
الشاغل الفؤاد زولي القسمتلو ريدي
رضيان ان بقيت لشفاهو شالو وريدي

.

ان بشفيهو دمى بنحر وأصفى وريدى

لشاغل فؤادى ومشتت غناى وقصيدى

قول شهرين تمام انا راجية فاتحة بريدى

لازمنى العدم ..وكّمل وراهو رصيدى gooodgoood

احمد زين

25-10-2009, 12:54 PM

كيف الشورة كيف فى الحبو غار واتجكن

شرب من العروق ومن الفؤاد أتمكن

سكن الجوف حرن وخلا حالى مبشتن

نسانى الفريضة وقولة لا نبلا لا نتمّحن

أحّي يا الوحيح يا الما بتفارق روحي
ومن نيران هواك الفَتّقَنلي جروحي
يا نسيمة الصباح اغشيني قبل تروحي
شان تشفى العلل وتداوي كل قروحي

imported_عادل عسوم

25-10-2009, 01:00 PM

المشاركة الأصلية كتبت بواسطة عكــود
سلام يا سجمان . .

ده حديثاً سمح بالحيل،
والناس الجوك سمحين بالحيل (أسامة، مي، معتصم، شليل)،
عاد ده شعراً (الشين تُقرأ بالفتحة أو بالكسرة) مااا عندي ليهو رقبة.
دحين بتّكي علي عكّازي ده وإتفرّج . .
وأدّيها هزّة . . هزّة.

واصلوا لا تقيفوا شي . .
ونحن فوقكم مبشّرين.

ديـارنـا ديـــار كـــرام حـتــى الـحـريـم فـارســات
وجـدودنـا فـرسـان مــن بعانـخـي أخــدوا صـفـات
تاريـخـن مسـطّـر فــي الكـتـب نحكيـهـو للجنـيـات
تلقـى مهيـرة راكبـا حصانـا تنظـم للجنـود قافـيـات
والمدفع رطن والدم بحر وصقرا فوق يعاين المات
كانوا رجال وكانوا كبـار ساسـا راسـي كلّـو ثبـات
أمـا تراثنـا قمـر السبعتيـن ليهوالنـجـوم حـارسـات
شعـر حميـد وودالدابـي واسماعيـن وكلّـو عـظـات
أمانـة عظيمـة فـوق أكتافنـا لازم نبقـا ليهـا حمـات
عشـان الكبـري والخـزان معـاهـن تكـتـر اللّـمّـات
أخـوان مـن قبايـل تانيـة بُكـرا يجونـا فـي البكنـات
نبقا غزار ونبقا عـزاز (نصفّـح) لـي تراثنـا بنـات

imported_سارة

25-10-2009, 01:09 PM

أحّي يا الوحيح يا الما بتفارق روحي
ومن نيران هواك الفَتّقَنلي جروحي
يا نسيمة الصباح اغشيني قبل تروحي
شان تشفى العلل وتداوي كل قروحي

سكن حبك قليبى ونارالفراق هلكتنى

حرّقت الحشى من ربعى جد شغلتنى

يا ضى القبيلة نسّمام هواك كرفنى

وياشافى العلل بالعافية جود أمنحنى

imported_طارق صديق كانديك

25-10-2009, 02:29 PM

يوم شال البريق ونّور هناك فى القبلى

طرانى الحبيب وايام هناى ووصلى

يا ناسى الوعود ريقك شفاى ومصلى

ارحم زول بريدك ونار قلبو يوت مشتعلى

نور بسيمو الطاعم اذاني واتاوقلي

يتوهج ضرب قلبي ودخل في عقلي

بشتن حالي تب .. ياربي اتجاوبلي

شوفتو مراقبا زي فجراً اتبالجلي

imported_طارق صديق كانديك

25-10-2009, 03:00 PM

فتاش الكـلام فتِش معاي زي قـولو
وأتعب حبتين أو أبقى لـــي رسـولو
قول ليهو البعاد هد الفؤاد بي طـولو
وريو حالي بي توضيح عميق مدلولو

،،،،

ياالتبر المخزّن وفي التمر قنديلو
كم شلت المنام لملمتا مني فصولو
البال انشغل كملن معاك حلولو
حرقت الحشا وهمي قام بي طولو

احمد زين

25-10-2009, 10:39 PM

سكن حبك قليبى ونارالفراق هلكتنى

حرّقت الحشى من ربعى جد شغلتنى

يا ضى القبيلة نسّمام هواك كرفنى

وياشافى العلل بالعافية جود أمنحنى

ان قدلت تميل وان جات تقوم هزازة
وان جاتك تميس وان قبلت فزازة
ممشوقة القوام يا دوب طعن بزازا
بين رِدفو وصديرو النوم بقالي خزازا

imported_wadosman

25-10-2009, 10:47 PM

هههههههه

حلوين..

لكن بعد الجماعه الشفتهم فوق ديل
شكلنا ممكن نخش العشره دى..;)

اها الفوره كم..؟؟؟

متاابعين معااكم يا ناس..واصلوا الكلااام و النضم السمح..

احمد زين

25-10-2009, 11:24 PM

بعد النجاح الكبير الذي حققه هذا البوست
اولا دعوني اهنئ اخونا السجمان على ذلك
ثانيا ولما اظهره المشاركين من قدرة كبيرة على نظم الدوبيت والمربعات
اقدم اقتراح بدخول هذا البوست مرحلة المنافسة الجادة
على ان تكَوّن لجنة تحكيم
وتوضع شروط للتنافس
ويمكن اعتبار هذا البوست من اوله هو بداية المنافسة
تقوم اللجنة بتجميع المشاركات واختيار المنافسين المنتقلين للمرحلة القادمة
من المشاركات السابقة

ملهووووووووووزة:-
الاقتراح قابل للتداول والمشورة والتعديل
وشكرا

imported_سارة

26-10-2009, 01:13 AM

نور بسيمو الطاعم اذاني واتاوقلي

يتوهج ضرب قلبي ودخل في عقلي

بشتن حالي تب .. ياربي اتجاوبلي

شوفتو مراقبا زي فجراً اتبالجلي

بلج فجرى وصّبح يوم طل... طيفك زاير

والحال المبشتن لازم..... قليبى الحاير

حبك شاوى قلبى وفى الجوف منوسر غاير

مشتاق لى وجيهك لو جان فد يوم زاير

imported_الجيلى أحمد

26-10-2009, 01:37 AM

فيصل سعد قالو الوليد سراهو

شاحد ربنا الكريم سواهو
يولدو فى الجنا لامن يغبى فى أسماهن

imported_elle

26-10-2009, 06:43 AM

ياالتبر المخزّن وفي التمر قنديلو
كم شلت المنام لملمتا مني فصولو
البال انشغل كملن معاك حلولو
حرقت الحشا وهمي قام بي طولو

الزول القبيل جهر العيون بي نورو
معدوم المثيل الراقي ديمة شعورو
بفتعل الصدف شان أمشي ليهو ازور
لو شفتوهو زي بدر التمام في دورو

،،،،،،

imported_طارق صديق كانديك

26-10-2009, 07:44 AM

بلج فجرى وصّبح يوم طل... طيفك زاير

والحال المبشتن لازم..... قليبى الحاير

حبك شاوى قلبى وفى الجوف منوسر غاير

مشتاق لى وجيهك لو جان فد يوم زاير

فتق صدرو قام جوز برتكانو الناير

ملك مني الفؤاد وعقلي اصبح حاير

الخلاني لي احشاي الملم اضاير

يرف طرفو يهز يقدل يهدم الداير:)

* الداير .. جبل الداير .. المعروف ..

imported_سجمان

26-10-2009, 07:52 AM

كيف الشورة كيف فى الحبو غار واتجكن

شرب من العروق ومن الفؤاد أتمكن

سكن الجوف حرن وخلا حالى مبشتن

نسانى الفريضة وقولة لا نبلا لا نتمّحن

الشاغل الفكر بي طيفو جاني يجول
يالشدر الكبار من شرخو جا الكعكول
شاحد الله الكريم البيهو يبرا ويزول
يتعافن جسومو لا سلفة لا بندول

imported_سجمان

26-10-2009, 07:59 AM

ان قدلت تميل وان جات تقوم هزازة
وان جاتك تميس وان قبلت فزازة
ممشوقة القوام يا دوب طعن بزازا
بين رِدفو وصديرو النوم بقالي خزازا

ههههههههههههههه
دي قوية يا دكتور..

إن قامت عديلة والساق غليدة حرازة
في اللهج الرطب زايد عليهو لذاذة
من جوزو الرصاص المافي منو مفازة
حد من صادفن من حينو شالو جنازة

imported_طارق صديق كانديك

26-10-2009, 08:00 AM

الزول القبيل جهر العيون بي نورو
معدوم المثيل الراقي ديمة شعورو
بفتعل الصدف شان أمشي ليهو ازور
لو شفتوهو زي بدر التمام في دورو

،،،،،،

قمبر وانفتل ألمي العلي في طورو
زحزح للصبر رافل هناك في خدورو
يرمي النظرة برقاً حدثنو شرورو
وللنضمي اترسم بسمو انعدم نتيرو

imported_فيصل سعد

26-10-2009, 08:09 AM

فيصل سعد قالو الوليد سراهو

شاحد ربنا الكريم سواهو
يولدو فى الجنا لامن يغبى فى أسماهن

سلام يا بتاع الهنهنة :D:D
و شوق عارم ..

الحال العلي حال العدو المسكين
وحال الكتفوهو وسالين علي السكين
وحال الفي البحر يحايشنو تمساحين
وحال الفي السجن ما قدرولو سنين

اه يا ريت السعادة أن بقت ايدية
كنت اهش هني في الدنيا بالذندية
علي حكمو ناس بالسيئة وطلبو الدية
أموت بالعطش والموية بين ايديا

و مدد يا
ابو اليشا مدد :D:D

WIDTH=400 HEIGHT=50

imported_سجمان

26-10-2009, 08:11 AM

نور بسيمو الطاعم اذاني واتاوقلي

يتوهج ضرب قلبي ودخل في عقلي

بشتن حالي تب .. ياربي اتجاوبلي

شوفتو مراقبا زي فجراً اتبالجلي

كل ما اقول أتوب أطيافو تتوارالي
البشبه بهم هبج البطانة غزالي
من فاطرو البسم برقاً صعيد كاوالي
نوسر جرحو غوّر في جوفي انتجالي

imported_طارق صديق كانديك

26-10-2009, 08:23 AM

اسبوعين تمام والهم موسدو إيدي
خاويت العدم في الدنيا ناجع صيدي
الشاغل الفؤاد زولي القسمتلو ريدي
رضيان ان بقيت لشفاهو شالو وريدي

.

ألطف يا كريم زيل البلا يا سيدي
زحزح مني اوجاعي وكمل عيدي
الزول الهناك باسطني ماسك قيدي
تديهو الشفا حمداً وازيد ترديدي

imported_سجمان

26-10-2009, 08:31 AM

قمبر وانفتل ألمي العلي في طورو
زحزح للصبر رافل هناك في خدورو
يرمي النظرة برقاً حدثنو شرورو
وللنضمي اترسم بسمو انعدم نتيرو

ميّل وانفدع والتلة شدهت خلقو
برّيب القويز كضب البنيشو يفلقو
الصبر العلي بي نفورو ديمة يدلقو
يالمانع وصالك راجيك سراحي أطلقو

imported_فيصل سعد

26-10-2009, 08:31 AM

ألطف يا كريم زيل البلا يا سيدي
زحزح مني اوجاعي وكمل عيدي
الزول الهناك باسطني ماسك قيدي
تديهو الشفا حمداً وازيد ترديدي

سائلين الكريم
يكفيك شر العين
و يخفف عليك
و يطفيها نار البين
و يسعدكم كتير
هاشم طه و انت
اسامة و عادل
و فخري الزين

imported_فيصل سعد

26-10-2009, 08:31 AM

imported_طارق صديق كانديك

26-10-2009, 08:37 AM

كل ما اقول أتوب أطيافو تتوارالي
البشبه بهم هبج البطانة غزالي
من فاطرو البسم برقاً صعيد كاوالي
نوسر جرحو غوّر في جوفي انتجالي

التوبة ان بقت هينة نسامو يتفاوحلي
أرجع جاري ساي أطيافو تتعارضلي
قايم منفدع هبارو لاح بارقلي
أبراهو الأتر ان كان وصل كادوقلي ;)

imported_طارق صديق كانديك

26-10-2009, 08:43 AM

سائلين الكريم
يكفيك شر العين
و يخفف عليك
و يطفيها نار البين
و يسعدكم كتير
هاشم طه و انت
اسامة و عادل
و فخري الزين

صباحك زين يا عمك ..

اللهم آآآآآمين وجمعاً ..

اليومين دي مكنة الهمباتة أبت تفك من راسنا ... goood

الله يكضب الشينة بس يا صاحب ... :)

تحياتي

imported_سجمان

26-10-2009, 08:51 AM

.

مليحةً من زمن راجي الكريم يقسمها
أم سدراً نَبَل ساعة المشي بعسمها
رب الجمال متل التقول خسمها
حين تقدل تقول رق الضمير يقسمها

.

imported_سجمان

26-10-2009, 09:02 AM

التوبة ان بقت هينة نسامو يتفاوحلي
أرجع جاري ساي أطيافو تتعارضلي
قايم منفدع هبارو لاح بارقلي
أبراهو الأتر ان كان وصل كادوقلي ;)

كل ما نقول نتوب بي طيفو يتراوحلي
وكل ما أقول مرض بي ريدي يتناصحلي
دركان من غرامو لو مرة بس لاوحلي
يلفاني العزول بي صدو يتشوبحلي

imported_طارق صديق كانديك

26-10-2009, 09:11 AM

ميّل وانفدع والتلة شدهت خلقو
برّيب القويز كضب البنيشو يفلقو
الصبر العلي بي نفورو ديمة يدلقو
يالمانع وصالك راجيك سراحي أطلقو

شرّق بي هناك خلى الخلوق بي غربو
قدلتو كان صفت تهدي المخالف دربو
تقدح جوفي شوق تملاهو تمنع شربو
من يومو التقول ظبياً ضهب من سربو

imported_هاشم

26-10-2009, 09:12 AM

ما شاء الله تبارك الله
يا ربي تحفظ وتغطي
دخلت والحمد لله
من الغلاف للغلاف
ماكم هينين تب
الله يدي العافية

imported_سجمان

26-10-2009, 10:45 AM

الجبنة يتجيك انت الصبر بس شيلو
اشرب وانبسط والبن اُكُرْفُو عليلو
معووج المزاج نحن البنعدل ميلو
والداير الطرب بِنْجِيْهُو آخر ليلو

الجبنة بتجيك إنت الصبر بس لوكو
ان ما راق المزاج بالقهوة عندنا دوكو:D
معووج المزاج هنا بنعدل مربوكو
والداير الطرب للنقطة يرمي صكوكو

imported_صلاح الدين هجو النحاس

26-10-2009, 10:46 AM

ما شاء الله تبارك الله
يا ربي تحفظ وتغطي
دخلت والحمد لله
من الغلاف للغلاف
ماكم هينين تب
الله يدي العافية

سلام يا الهاشمى اسمع قولى فى الراكوبه
جيت اتاوق لقيت الباب مسدود باليد
وحات الله مابجارى النظمهم اخدر وجديد
مى هاشم بت الرجال دقت خيمه فى الصعيد
ود محمد زين جدو النضمو راسى ورشيد
ما تزعل يامعتصم والله نظمك كلو تغريد
ناصر فارد جنيحاتو زى نسر عربيد
كاندلك وسجمان للمجادعه مابحيد
بفوتكم العافيه وتانى برجاكم من جديد

imported_صلاح الدين هجو النحاس

26-10-2009, 10:55 AM

أحّي يا الوحيح يا الما بتفارق روحي
ومن نيران هواك الفَتّقَنلي جروحي
يا نسيمة الصباح اغشيني قبل تروحي
شان تشفى العلل وتداوي كل قروحي

ياود محمد زين الما بعرفك يمين همباتى عديل
مابدور الحلف الكفارتو صيام واستغفار وتهليل
اه قوم قول لينا السمح فى البطانه ياريت المقيل

imported_سجمان

26-10-2009, 11:04 AM

شرّق بي هناك خلى الخلوق بي غربو
قدلتو كان صفت تهدي المخالف دربو
تقدح جوفي شوق تملاهو تمنع شربو
من يومو التقول ظبياً ضهب من سربو

شهرين أدرجين النوم عيوني جفاهن
والبكا والنويح زاد في عمايا عماهن
الشال في السدير رمان أزايا رماهن
كل ما العين تشوف بالشوف حيولي رماهن

imported_سجمان

26-10-2009, 11:13 AM

سلام يا الهاشمى اسمع قولى فى الراكوبه
جيت اتاوق لقيت الباب مسدود باليد
وحات الله مابجارى النظمهم اخدر وجديد
مى هاشم بت الرجال دقت خيمه فى الصعيد
ود محمد زين جدو النضمو راسى ورشيد
ما تزعل يامعتصم والله نظمك كلو تغريد
ناصر فارد جنيحاتو زى نسر عربيد
كاندلك وسجمان للمجادعه مابحيد
بفوتكم العافيه وتانى برجاكم من جديد

البجينا يزور والله تب نفرحبو
بنروق مزاجو باكر بجيبلنا صحبو
يا ود النحاس السمتة جاتك تحبو
قشاش دمعة "اليوم الوطيس" بنتحبو

imported_سجمان

26-10-2009, 11:25 AM

ما شاء الله تبارك الله
يا ربي تحفظ وتغطي
دخلت والحمد لله
من الغلاف للغلاف
ماكم هينين تب
الله يدي العافية

حباب الفي الرجال بي كرمو عامر كوخو
مليان بالرجالة من ضفرو لا نافوخو
في العركة ام صهيل الليلة بان صاروخو
واللاقاو خرب يتم عليهو فروخو

imported_صلاح الدين هجو النحاس

26-10-2009, 11:47 AM

البجينا يزور والله تب نفرحبو
بنروق مزاجو باكر بجيبلنا صحبو
يا ود النحاس السمتة جاتك تحبو
قشاش دمعة "اليوم الوطيس" بنتحبو

مرحب بى سجمان السماتو كلها بطانه
بقول ليك
اليله الخبير جانا عديل لابسه سارى وسلوتير
وصفا لخبير راكب اب شكاما جنزير
اليله لو شفت الصقير سارح مع الحبار والطير
اهههه فاتنا موسم النم فى البطانه الاكلها مابدور لو تحضير
بين جبال حلفا ورامى يمين عديييل
لو ماك خبير بترسم فى النجم المقيل
اهاكا الودرت فى ام رمال تهت بلحيل
اكبس صديريك وخت فى الكتف ام بارودا تقيل
بنلقاك فى العتمور بس فى شرق النيل

imported_سارة

26-10-2009, 05:09 PM

فتق صدرو قام جوز برتكانو الناير

ملك مني الفؤاد وعقلي اصبح حاير

الخلاني لي احشاي الملم اضاير

يرف طرفو يهز يقدل يهدم الداير:)

* الداير .. جبل الداير .. المعروف ..

يرف بى طرفو ينظر يتاور عليا جروحى

يفر قلبى المعذب من صدرى تسرح روحى

ملك عقلى ..وتوسد قلبى.. ساكن سوحى

متين يطرانى قلبو ...واقول للبلال نوحى

imported_سارة

26-10-2009, 05:17 PM

ان قدلت تميل وان جات تقوم هزازة
وان جاتك تميس وان قبلت فزازة
ممشوقة القوام يا دوب طعن بزازا
بين رِدفو وصديرو النوم بقالي خزازا

ودالزين بشيشك ..نومى العزيز فارقنى

من حلو الكلام كلماتى...تب خانتنى

ما بنساهو نمك مهما الظروف شغلتنى

كلامك زى درر فيهو الخلوق حسدتنى

imported_سارة

26-10-2009, 05:25 PM

الشاغل الفكر بي طيفو جاني يجول
يالشدر الكبار من شرخو جا الكعكول
شاحد الله الكريم البيهو يبرا ويزول
يتعافن جسومو لا سلفة لا بندول

السلفة والبندول من ريدو ما بيشفنى

دا الشاغل الفكر لو طيف قرب منى

تّلت لى القيود وبى نار هواه طحننى

بشتاق لى لقاهو ال بالغرام سا جننى

imported_طارق صديق كانديك

26-10-2009, 07:49 PM

كل ما اقول أتوب أطيافو تتوارالي
البشبه بهم هبج البطانة غزالي
من فاطرو البسم برقاً صعيد كاوالي
نوسر جرحو غوّر في جوفي انتجالي

توبتك قاسية تب بكرة النضم برجعلي
أم ديساً كشح رجفن قبايل هدلي
ماح صدرو المتبن انفاسو تتصاعدلي
لا جادت على بالشوف لا بردت نار وصلي ;)

imported_طارق صديق كانديك

26-10-2009, 08:51 PM

شهرين أدرجين النوم عيوني جفاهن
والبكا والنويح زاد في عمايا عماهن
الشال في السدير رمان أزايا رماهن
كل ما العين تشوف بالشوف حيولي رماهن

الجفا والنويح ما ادرّجن بقفاهن
عانيات القليب هلكن حشاي بازاهن
زاملت النجوم حتى الثريا معاهن
كملتو الصبر فات حدهن باراهن

imported_طارق صديق كانديك

27-10-2009, 05:47 AM

يرف بى طرفو ينظر يتاور عليا جروحى

يفر قلبى المعذب من صدرى تسرح روحى

ملك عقلى ..وتوسد قلبى.. ساكن سوحى

متين يطرانى قلبو ...واقول للبلال نوحى

القمري البسوي القوق يزيد في نوحي
حت صفق الشدر خاواني حتحت بوحي
سكنتو الفؤاد بردن معاهو جروحي
شاحد الله الكريم القاهو يسمع بوحي

imported_طارق صديق كانديك

27-10-2009, 06:26 AM

ان قدلت تميل وان جات تقوم هزازة
وان جاتك تميس وان قبلت فزازة
ممشوقة القوام يا دوب طعن بزازا
بين رِدفو وصديرو النوم بقالي خزازا

ماح صدرو انهدل صبحت حشاي خزازا
فاح طيبو انسكب ناراً مولع جازا
قام بهر الخلوق بي قدلتو الوزازا
يوت من شافو هجمو خلى العيون تتزازا

imported_سجمان

27-10-2009, 06:54 AM

يرف بى طرفو ينظر يتاور عليا جروحى

يفر قلبى المعذب من صدرى تسرح روحى

ملك عقلى ..وتوسد قلبى.. ساكن سوحى

متين يطرانى قلبو ...واقول للبلال نوحى

كلما يصبروني قلبي الوجيف يتنهد
وكلما قالو روق انسان عيوني اتسهد
الجاهلة ام رشوم شرياني ليها ممهد
لو عبرت طريق كل الجموع تتشهد

imported_سجمان

27-10-2009, 07:00 AM

السلفة والبندول من ريدو ما بيشفنى

دا الشاغل الفكر لو طيف قرب منى

تّلت لى القيود وبى نار هواه طحننى

بشتاق لى لقاهو ال بالغرام سا جننى

اتوهدب منامي وخريفي قطّ وشحّ
واتنحلن جسومي من الوحيح والرحّة
الشغل الفكر من ريدو ماب تنحى
رضيان في لماو لو ينقلوني مصحة

imported_سجمان

27-10-2009, 07:10 AM

توبتك قاسية تب بكرة النضم برجعلي
أم ديساً كشح رجفن قبايل هدلي
ماح صدرو المتبن انفاسو تتصاعدلي
لا جادت على بالشوف لا بردت نار وصلي ;)

كيف التوبة من زولاً سرح بي عقلي
ريق فاطرو المتل بن الحبوش المقلي
لو طيف المنام في وصلو يتسارقلي
ممنون للجليل كان بي لقاو وفقلي

imported_سجمان

27-10-2009, 07:26 AM

الجفا والنويح ما ادرّجن بقفاهن
عانيات القليب هلكن حشاي بازاهن
زاملت النجوم حتى الثريا معاهن
كملتو الصبر فات حدهن باراهن

البكا والنويح بِقَتْ العيون والفاهن
والخُفّين سِخَن درب الحبيب حفّاهن
نايرات الخدود ربي الكريم عفّاهن
ما جلطن كريم واتفشرن بي جاهن

imported_سجمان

27-10-2009, 08:27 AM

ماح صدرو انهدل صبحت حشاي خزازا
فاح طيبو انسكب ناراً مولع جازا
قام بهر الخلوق بي قدلتو الوزازا
يوت من شافو هجمو خلى العيون تتزازا

الفي فاقلو قلب المخضب غزّ
متل كاس البرنجي المن وسط إنجزّ
الكفل البهز عقبو الصدير اللذ
شهّن للبطن لمس الهدم والحزّ

احمد زين

27-10-2009, 08:47 AM

البكا والنويح بِقَتْ العيون والفاهن
والخُفّين سِخَن درب الحبيب حفّاهن
نايرات الخدود ربي الكريم عفّاهن
ما جلطن كريم واتفشرن بي جاهن

البُكا والنويح عاد تمشي وين فايتاني
كلام الناس كثير سامعبو فايت اضاني
اعمل كيف مع ام ريحاً عبق رامياني
رجّت قلبي زي رج قرعة اللباني

حاشية:
قرعة اللباني (السِعِن) من الجلد يستعمل لعمل الروب

احمد زين

27-10-2009, 09:09 AM

ودالزين بشيشك ..نومى العزيز فارقنى

من حلو الكلام كلماتى...تب خانتنى

ما بنساهو نمك مهما الظروف شغلتنى

كلامك زى درر فيهو الخلوق حسدتنى

ريقك حالي يا قصبة مدالق السيل
جيدك عالي يا النخلة المقابلة النيل
الخلّاني ساهر وزاد عويلي عويل
بَرّاق العيون الما بشوفلو مثيل
loooolloooollooool

احمد زين

27-10-2009, 11:18 AM

شبه الدسدسو خايفينلو من السرقة
لي محل السنون من ضيقة تبقى المرقة
يالفي بني شنقول مشهور دوام بالبرقة
بي جيتك يمين الفرحة عملت شرقة

أبقى داخل علي البنابر ديك..

شبه الغتغتو وخايفين تشوفو الناس
زي شبه القلايدهن بتبرق ماس
سيف عينيها يضرب في الجِتت والراس
و رشفة ريقها تشبه لِذة الانناس

مي هاشم

27-10-2009, 11:37 AM

مشتاقة ليكم ومتاااااابعة
بس الايام دي مافي مود نَجِر..

ويا احمد محمد زين فصمتني والله..خطير:D
يديك العافية وكل المجادعين
مودتي

احمد زين

27-10-2009, 11:42 AM

مشتاقة ليكم ومتاااااابعة
بس الايام دي مافي مود نَجِر..

ويا احمد محمد زين فصمتني والله..خطير:D
يديك العافية وكل المجادعين
مودتي

مي يا سر الغنا
فاقدنك كثير والله
المود يجيبو الله
والباقي في الخاص يا وجع شوفي
عملت لي نضارة قعر كباية مخصصوص
عشان كتابتك الزي درب النمل دي

مي هاشم

27-10-2009, 10:09 PM

يا وجع شوفي
عملت لي نضارة قعر كباية مخصصوص
عشان كتابتك الزي درب النمل دي

أها ..

كده كيف يا احمد محمد زين..قلت اول مداخلة (بالخط الجديد) ليك..looool

(اخير امرق هسي يقولوا عملنا شلة وقلبنا البوست):D:D

احمد زين

27-10-2009, 10:39 PM

أها ..

كده كيف يا احمد محمد زين..قلت اول مداخلة (بالخط الجديد) ليك..looool
:D:D

كده النظارة راحت في حق الله
(اخير امرق هسي يقولوا عملنا شلة وقلبنا البوست)

تمرقي وين وانا الجاييك مِطَرِّق سيفي
أقَبِّل وين عشان تبرد هجيرة صيفي
جيتك يا ام ضمير بيها بيتم تشريفي
واتِّ ايَّاك ثبات عقلي وتمامة كيفي

imported_سارة

27-10-2009, 11:31 PM

القمري البسوي القوق يزيد في نوحي
حت صفق الشدر خاواني حتحت بوحي
سكنتو الفؤاد بردن معاهو جروحي
شاحد الله الكريم القاهو يسمع بوحي

بوحك لرويحتى اصبح دواى واساسى

سكنتو الفؤاد ولبستو تاج فوق راسى

ناجيت الشدر لازمنى زى جلاسى

ريقك لى شفاء لمتين تجود يا قاسى

مي هاشم

27-10-2009, 11:32 PM

تمرقي وين وانا الجاييك مِطَرِّق سيفي
أقَبِّل وين عشان تبرد هجيرة صيفي
جيتك يا ام ضمير بيها بيتم تشريفي
واتِّ ايَّاك ثبات عقلي وتمامة كيفي[/QUOTE]

مطرّق سيفك..ما عارفاك داير تهز فوقي ولا تضبحني...غايتو جيت أجرّب انجُر.:D:D

جيتك يا اللّسد ركّاب عواتي الخيل
لحّاق للبعيد عطّاي وجودك سيل
يا مقنع الكاشفات يا الما بتدور الميل
اياكا ركّزتنا وعافيتنا التّشد الحيل

ما عارفاها جات كيف!!دوّرتني بس..

مي هاشم

27-10-2009, 11:36 PM

بوحك لرويحتى اصبح دواى واساسى

سكنتو الفؤاد ولبستو تاج فوق راسى

ناجيت الشدر لازمنى زى جلاسى

ريقك لى شفاء لمتين تجود يا قاسى

مشتاقيييييييين يا سرورة...كلكم بقيتو ما بتتجادعو ولا شي..خطرين:D:D

سارة الطّلعتا البتسُر قلوبنا حبابا
صالحة تقية لي باريها يوت في إجابه
للدّني والبعيد ديمه فاتح بابا
من الشّناف مبريّه سادلا حجابا

imported_سارة

27-10-2009, 11:43 PM

كلما يصبروني قلبي الوجيف يتنهد
وكلما قالو روق انسان عيوني اتسهد
الجاهلة ام رشوم شرياني ليها ممهد
لو عبرت طريق كل الجموع تتشهد

لو جابو الطريق تسبق تهب نسّامو

يا الفارس النشم فايت الورا وقدامو

أرحم زول بريدك زوزو وقلّ كلامو

صلى رغيبتو تسعة ومّر الشهر ما صامو

imported_wadosman

27-10-2009, 11:44 PM

يا ناس النضم و الحكى السمح
اسمحوا لنا بمصاحبه الشغل دا فى هذا البوست الجميل..

http://sudanorg.tk/files/algenzir_fi_alngoom.wma

imported_سارة

27-10-2009, 11:52 PM

ريقك حالي يا قصبة مدالق السيل
جيدك عالي يا النخلة المقابلة النيل
الخلّاني ساهر وزاد عويلي عويل
بَرّاق العيون الما بشوفلو مثيل
loooolloooollooool

برق جبينك ضّوا زى الهلال الهّلا

يا فارس العروض تتعلا ما تتدلا

يا مقنع غطايا انا روحى فيك منّسلا

ومن حالى العلىّ أدينا الصبر يا ألله

imported_سارة

28-10-2009, 12:10 AM

مشتاقيييييييين يا سرورة...كلكم بقيتو ما بتتجادعو ولا شي..خطرين:D:D

سارة الطّلعتا البتسُر قلوبنا حبابا
صالحة تقية لي باريها يوت في إجابه
للدّني والبعيد ديمه فاتح بابا
من الشّناف مبريّه سادلا حجابا

مى يا نقية مشتاقووووووووووون ومبروك النضارات الجديدةgooodgoood

تسلم يا ام رشوم من الشناف والقول

يالتبرى الاصيل من جبال شنقول

سهم لحظك طعن ما خلا فينا عقول

يحفظك الاله والعافية ليكى حجول

احمد زين

28-10-2009, 12:19 AM

مي هاشم

28-10-2009, 12:53 AM

مطرّق سيفك..ما عارفاك داير تهز فوقي ولا تضبحني...غايتو جيت أجرّب انجُر.:D:D

بهز بي سيفي فوق الديسا فات كتفيها
وبرمي جفيرو شان يوم الدواس احميها
اخوك يا مي يمين وكت انكِرب عاصيها
صنديد لُجّة العركة الكتح سافيها

وكان ما تميتها ما كنت نمت للصباح :mad::mad::mad:

أيووووووووووووووووووووووي يووووووووووووووي

حديسك يالرزين جد متلو ما حصّلنا
في شان تهز سيفك والله ما بستنّى
بالشّبال بقيف فوقك اميل واتّنى
يا سند القبيله الراسي زالا محنّا

وحات الله خليتني ازغرد براي..

imported_سجمان

28-10-2009, 06:49 AM

شبه الغتغتو وخايفين تشوفو الناس
زي شبه القلايدهن بتبرق ماس
سيف عينيها يضرب في الجِتت والراس
و رشفة ريقها تشبه لِذة الانناس

المن العيون واروهو طب احترتة
جاهر للعيون الصافي دهب البرتة
مكنوز من قُبُل وخصرو مخروت خرتة
وأنا في الوصف لي جسومو محتاج خرتة

imported_فتحي مسعد حنفي

28-10-2009, 07:07 AM

برق جبينك ضّوا زى الهلال الهّلا

يا فارس العروض تتعلا ما تتدلا

يا مقنع غطايا انا روحى فيك منّسلا

ومن حالى العلىّ أدينا الصبر يا ألله

نزل في الملجة نزل في الملجة مبرقع توبو تقول العنجة يا سارة

أخوك يابنية العندو الفلجة نظرتو الرب ترميك في الدلجة ياسارة

imported_سجمان

28-10-2009, 07:17 AM

لو جابو الطريق تسبق تهب نسّامو

يا الفارس النشم فايت الورا وقدامو

أرحم زول بريدك زوزو وقلّ كلامو

صلى رغيبتو تسعة ومّر الشهر ما صامو

وكّيتا الوريد سويتو ليها سباتا
الجاهلة أم رشم فيني ساوا سواتا
برعت في الجمال فاقت علي نداتا
كل الشافا قام صلى الرغيبة تلاتة

imported_elle

28-10-2009, 12:39 PM

معروف الكلام عنك بدورلو دراية
وأنا في جامعتك طالبة غرام وقراية
كان وريتني ريد أنا ليك وفاي وراية
ماك إنت الحبيب اليوم بخلي ورايه

،،،،

imported_صلاح الدين هجو النحاس

28-10-2009, 02:54 PM

ساره وسجمان شكيتكم لى الله
سلبتو القليب والعيون من الاتوب مابتدله

imported_صلاح الدين هجو النحاس

28-10-2009, 02:58 PM

أيووووووووووووووووووووووي يووووووووووووووي

حديسك يالرزين جد متلو ما حصّلنا
في شان تهز سيفك والله ما بستنّى
بالشّبال بقيف فوقك اميل واتّنى
يا سند القبيله الراسي زالا محنّا

وحات الله خليتني ازغرد براي..
بتمها ليك بهزا وعرضا ابشرىىىىى
رو رو زووووووووو

imported_سارة

28-10-2009, 08:51 PM

نزل في الملجة نزل في الملجة مبرقع توبو تقول العنجة يا سارة

أخوك يابنية العندو الفلجة نظرتو الرب ترميك في الدلجة ياسارة

gooodgooodgooodgooodgoood

اول مرة اشوف لى همباتى فايف استارز

أب فلجة الرزين ما شاف دروبها الملجة

عندو الخير مصوبر ما بياكلوهو بالمرقة

دراج العواطل بيهو الكرب منفرجة

وكان الحارة جات عدو ..بيدق الدلجةgooodgoood

imported_سارة

28-10-2009, 09:44 PM

وكّيتا الوريد سويتو ليها سباتا
الجاهلة أم رشم فيني ساوا سواتا
برعت في الجمال فاقت علي نداتا
كل الشافا قام صلى الرغيبة تلاتة

بسقيك من وريدى وقلبى ليك وسادة

كل من جابو سيرتك روحى ليك منقادة

بالسين بادى اسمك والجيم نظتمو قلادة

ميمك ناحرة قلبى وألفك عبدتو عبادة

والنون بى لهيبها جوة القليب وقادة

imported_سارة

28-10-2009, 09:49 PM

معروف الكلام عنك بدورلو دراية
وأنا في جامعتك طالبة غرام وقراية
كان وريتني ريد أنا ليك وفاي وراية
ماك إنت الحبيب اليوم بخلي ورايه

،،،،

يا أل ابقى عشرة واوعى لا تخليهو

ادرسى كلام غرامو ومن الالف ابديهو

السكن القليب جوة العيون ختيهو

ملحوقة القراية وابقى عشرة عليهو

imported_سارة

28-10-2009, 09:58 PM

ساره وسجمان شكيتكم لى الله
سلبتو القليب والعيون من الاتوب مابتدله

ود هجو يا الاشم شكوتك..... مقبولة

شارقنا الغرام واحوالنا باينة فصولها

زور..لينا المصوبن فى قبتو الممهولة

قولو السارة جنت..وقّربت لى حولا

مي هاشم

28-10-2009, 11:05 PM

imported_سارة

28-10-2009, 11:35 PM

سلام بت آمنة جات بي قولا
بحديساً سمح وكلمةً مسوله
مجنونة نمّه وفي الشعر مكتوله
بتبارز الكبار أمّات سيوف مصقوله

يا ساره عشان نجر الليل ده قاسي بالحيل:D:D

ماشة على صديق الليل اسمعه جاب شنو وانوم..:)

ود عثمان خلى دربو كل يوم يغز نشابو

حرق قلبى ونسى حتى السلام ما جابو

نوم عينى شرد سهرانة راجية جوابو

رضيت بى قسمتى وقبل خلاس بعذابو

imported_سجمان

29-10-2009, 07:01 AM

نزل في الملجة نزل في الملجة مبرقع توبو تقول العنجة يا سارة

أخوك يابنية العندو الفلجة نظرتو الرب ترميك في الدلجة ياسارة

الفجّ الخلق الرسول يالسارة كان فُتّيلو
وزيزينن سرح في صدرو عبّ فَتِيلو
مِنقَّصْ من وسط وكفلو زاد فِتِّيلو
ومن نَفَسُو عبّو الشمّعوهو فَتِيلو

imported_سجمان

29-10-2009, 07:09 AM

معروف الكلام عنك بدورلو دراية
وأنا في جامعتك طالبة غرام وقراية
كان وريتني ريد أنا ليك وفاي وراية
ماك إنت الحبيب اليوم بخلي ورايه
،،،،

كسّير الغرام يا خيتي جابو بلايا
يالمتجاهل غرامي وزايد عليا أسايا
الشاهد علي في ريدي يابو التاية
من كتر السهر اتشايحن أعضايا

imported_elle

29-10-2009, 07:22 AM

يا أل ابقى عشرة واوعى لا تخليهو

ادرسى كلام غرامو ومن الالف ابديهو

السكن القليب جوة العيون ختيهو

ملحوقة القراية وابقى عشرة عليهو

سارة الغالية ردك رد روح في روحي
يبراك الرضا من ربي وين ما تروحي
شكرك يا العسل ما بتوفي بيهو شروحي
والقـــول السديد منك بداوي جروحي

تسلمي

imported_elle

29-10-2009, 07:44 AM

كسّير الغرام يا خيتي جابو بلايا
يالمتجاهل غرامي وزايد عليا أسايا
الشاهد علي في ريدي يابو التاية
من كتر السهر اتشايحن أعضايا

تعرف يا الحنين أنا ريدي ما بحلمبو
لو وسع خيالو وزادو تاني بغلبو
مطلوق السراح عشقا موالف قلبو
لو ظناهو معروف الحدود وا غلبو

تحياتي

imported_سجمان

29-10-2009, 07:46 AM

بسقيك من وريدى وقلبى ليك وسادة
كل من جابو سيرتك روحى ليك منقادة
بالسين بادى اسمك والجيم نظتمو قلادة
ميمك ناحرة قلبى وألفك عبدتو عبادة
والنون بى لهيبها جوة القليب وقادة

الفكر إنشغل وعقلي زاد في شرادو
في الزول الرسم من اسمي قال أورادو
القلب العلي شقاهو ربي أرادو
من سيرتك يدق تقول ثواني الـ "رادو"

حاشية:
رادو: ماركة ساعات..

imported_elle

29-10-2009, 08:00 AM

سجمان

سيد الدار ســــلام وحباب وليك القومة
يا صاحب المعاني الفي المثيل معدومة
يا سبب البسيمة الفي الوشوش مرسومة
مسدارك حنين نسى الــرويحة همومة

سالم يا رب

imported_سجمان

29-10-2009, 08:02 AM

تعرف يا الحنين أنا ريدي ما بحلمبو
لو وسع خيالو وزادو تاني بغلبو
مطلوق السراح عشقا موالف قلبو
لو ظناهو معروف الحدود وا غلبو

تحياتي

النوق من خزاعة كان درنا بنهبتّا
والبان العصافير إن في الخلا نبحبتّا
لي مهر أم حجول صعب الحلول بنبتّا
وياما ورانا حفّت ملكة جمالاً غتّا

imported_سجمان

29-10-2009, 08:09 AM

سيد الدار ســــلام وحباب وليك القومة
يا صاحب المعاني الفي المثيل معدومة
يا سبب البسيمة الفي الوشوش مرسومة
مسدارك حنين نسى الــرويحة همومة

سالم يا رب

حباب الفي السّدار بي نمو تم نصيبي
يا ولدة الصّلاح من نمك الكعي جيبي
الكارف نسيمك محال يجيهو التيبي
يا بنك الحروف منك دفستا جيوبي

تسلمي..

imported_سجمان

29-10-2009, 08:17 AM

فرع السيسبان الفد هبيبة تميسو
في بيت الحلال ناكل معاهو تميسو
الزول المدبج كضب الوصل لي ميسو
شن يشبه بلا مرسوم فتايل ميسو

.

imported_سجمان

29-10-2009, 08:19 AM

يومين بالتمام أفكاري شالن وودن
لا مكتول غرام ولاني ميت وداً
السبب القبيل خلي الجسوم اتهدن
غياب أخوي كانديك جادعني مرة وهدّن

imported_elle

29-10-2009, 08:31 AM

النوق من خزاعة كان درنا بنهبتّا
والبان العصافير إن في الخلا نبحبتّا
لي مهر أم حجول صعب الحلول بنبتّا
وياما ورانا حفّت ملكة جمالاً غتّا

كان يجري القلم والقسمة تصبح قاضية
الفارس الهمام انا ليو بسلم راضية
العزاني بالسيف اب حدودا ماضية
ده الغيرو الكرام فقرا وجيوبهم فاضية

سالم

imported_صلاح الدين هجو النحاس

29-10-2009, 09:41 AM

ود هجو يا الاشم شكوتك..... مقبولة

شارقنا الغرام واحوالنا باينة فصولها

زور..لينا المصوبن فى قبتو الممهولة

قولو السارة جنت..وقّربت لى حولا

تب زورتك حسن ود حسونه

ابشرى حالك انعدل ومأمونه

نار غرامك فايضه وليهو موصوله

حشاكى من الجن بس لحظه وبنزوله

imported_طارق صديق كانديك

29-10-2009, 09:53 AM

يومين بالتمام أفكاري شالن وودن
لا مكتول غرام ولاني ميت وداً
السبب القبيل خلي الجسوم اتهدن
غياب أخوي كانديك جادعني مرة وهدّن

يسلم فكرك النيرانو ضون وبقن
يويمن بالتمام الفاك هناك ان اذن
من نيلو العميم اشواقي تب ما بردن
وفي صخرة هنيدك جاييك فرضاً ووعداً

احمد زين

29-10-2009, 11:16 AM

فرع السيسبان الفد هبيبة تميسو
في بيت الحلال ناكل معاهو تميسو
الزول المدبج كضب الوصل لي ميسو
شن يشبه بلا مرسوم فتايل ميسو

.

فرع الخيزران البي النسيم بِيميل
كاشِح ديسو زي عتمة نصايص الليل
السبب المخلي عيوني ديمة تسيل
الشبه البين عيونو وبين عيون الريل

احمد زين

29-10-2009, 11:59 AM

الصدر الطمح فتق العراوي وقام
والطِّيْب انطلق جايبلو ريح نسَّام
حلاوة ريقو تشبه لي عجوة الشام
وتشبه مشيته الوز الدفر عوام

imported_صلاح الدين هجو النحاس

29-10-2009, 03:38 PM

الصدر الطمح فتق العراوي وقام
والطِّيْب انطلق جايبلو ريح نسََّام
حلاوة ريقو تشبه لي عجوة الشام
وتشبه مشيته الوز الدفر عوام

الصدير مدور والحواجب هلال رمضان
شوفت العين بتشفى بالسنين مرضان
ضرب حجولا زى مكن امريكان
ابشر الياكا واقع فى عشقه ليك زمان

بابكر مخير

30-10-2009, 10:01 AM

برآ موضوعكم
لكنهو شامل

يا ناس غياب الجنون
والله!
جننا
كمان السميحات بغياب طلتهن
إتجهجهنا وإتشحتفنا..
دا في بوستر دفتر الغياب
ليهم وليهن؟؟
سألنا لمن مليناهو، كملنا
!!
شاغلات عقلنا وفكرنا
وينن؟؟
فيدونا
خبرونا وطمننونا...
وين ناس اليمن
همس شوق
مرافي
البي غيابن إتأزمنا
والشريف الراقي
عالم العباس
أبعقل وسفيرنا
البغيابهم وجعن شديد
بيهو إتألمنا

احمد زين

31-10-2009, 08:17 PM

سجمان0
الفكر إنشغل وعقلي زاد في شرادو
في الزول الرسم من اسمي قال أورادو
القلب العلي شقاهو ربي أرادو
من سيرتك يدق تقول ثواني الـ "رادو"[/color][/size]

كِتِر سهري العلي والهم بقالي رفيقي
وإتْبَشْتَنْ نسيت علفو البَرِيدو صديقي
يا غافر الذنوب الحَقْني فَرِّج ضيقي
أجمع شملي بالزول الجمالو حقيقي

احمد زين

31-10-2009, 08:54 PM

مي هاشم التحية ليك ولاسرتك الكريمة

عيال شايق سلام يا الفي الكرم بينين
معروفين قديم .....اهل العلم والدين
صغيركم فالحرب ثابت وسيفو سنين
وفارســــكم بيقابــــل مدفع المَرْتِين

*****
سليلة الاكرمين ..... زينة بنات الحاره
قالو وقلنا ...... ما مرقت تكوس اخباره
أمك يا ام ضمير حافظة حقوق لي جاره
وابواتِك تُلُوب ...... صُنُج البتوقد ناره

*****
أسعدتينا ........بالكرم العليك ...شُفناهُ
ما هو غريب عليك ..من الكبار شارباهُ
يا قمر السماء المنصوب هناك في علاهُ
يحفظك الكريم ... في الآخرة تلقي رضاهُ

imported_دارمالى

31-10-2009, 09:19 PM

سجمان0
"[/color][/size]

كِتِر سهري العلي والهم بقالي رفيقي
وإتْبَشْتَنْ نسيت علفو البَرِيدو صديقي
يا غافر الذنوب الحَقْني فَرِّج ضيقي
أجمع شملي بالزول الجمالو حقيقي
سلام عروب سلام ..وتعظيم سلام لبلادى
اهل النم مساكم زين فى اول تبادى
جابنا الطريق هادينا صوت الحادى
بكانكن جميل قطع شك وارثنو من اجدادى
عشمى تشوفولى بينكم ...اى بتاع فى اى حته ...واحد\ه يكمل مشكورا ماجورا ..:D:p:D

مي هاشم

31-10-2009, 10:56 PM

احمد زين

01-11-2009, 11:09 PM

شتيلة التّقْنَت ... الرويانة من النيل
فريع البان مع النسمة الخفيفة تميل
يا قمر العِشاء البي نورو عمّ الليل
ارحم قلبي والجسم النحيل وهزيل

imported_mohamed merghani

03-11-2009, 09:26 PM

يومين بالتمام أفكاري شالن وودن
لا مكتول غرام ولاني ميت وداً
السبب القبيل خلي الجسوم اتهدن
غياب أخوي كانديك جادعني مرة وهدّن

منسّل من كرام أبّا متابع جدّا
في درب المكارم خطوات دبيبك جدّن
في قلبي شيتا حايص مرهقني جدّا جدّا
سجمان سجم مو هولك ايه المصايب الجدّن

احمد زين

03-11-2009, 09:38 PM

كان يجري القلم والقسمة تصبح قاضية
الفارس الهمام انا ليو بسلم راضية
العزاني بالسيف اب حدودا ماضية
ده الغيرو الكرام فقرا وجيوبهم فاضية

لو كان بالمراد ....والقسمة فوق الليد
كُتْ بوهبلو روحي... وابقى فيهو شهيد
مكحول الطريف.... الكاتلني بالتسهيد
هو يزيد في الجفا وانا في غناهو بزيد