راكوبة المجادعات.. النمة والدوباي [الأرشيف] - الصفحة 5

قيس شحاته

05-12-2011, 07:40 AM

بعد بَرَدَن ، عليك مالِن عُقب هِن حَرَّن
وِات قايِلْهِن قَبُل من اعشاش فؤادك فرَّن
كتمنُّو الغرام واخِر مطافْهِن قرَّن
قالنْلك قَسَم.. منّك شِبِر ما بْتُرّن

===
المشاركة رقم ألف وواحد في هذا البوست (صفّقوا ليهو)... ودوت القاعة: رط رط رط ...

imported_زول الله

05-12-2011, 01:28 PM

بعد بَرَدَن ، عليك مالِن عُقب هِن حَرَّن
وِات قايِلْهِن قَبُل من اعشاش فؤادك فرَّن
كتمنُّو الغرام واخِر مطافْهِن قرَّن
قالنْلك قَسَم.. منّك شِبِر ما بْتُرّن
===
المشاركة رقم ألف وواحد في هذا البوست (صفّقوا ليهو)... ودوت القاعة: رط رط رط ...

رط رط رط رط:L

خيط التخريمة ياولدنا: :D

في التلت الأخيـــر جــابلـي النسيــم طاريهــو
قــال لـي يـاعشـــوق نـُلت القبيــل حــاريهــو
ألجن في النـُطـُق وزي ودعــة مرســوم فيهـو
يغلـط في الحـروف وأنا اسوي(صفقوا ليهو)

اقول قولي هذا واستغفر الله لي ..............

قيس شحاته

05-12-2011, 02:52 PM

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=422396#post422396)

رط رط رط رط:L

خيط التخريمة ياولدنا: :D

في التلت الأخيـــر جــابلـي النسيــم طاريهــو
قــال لـي يـاعشـــوق نـُلت القبيــل حــاريهــو
ألجن في النـُطـُق وزي ودعــة مرســوم فيهـو
يغلـط في الحـروف وأنا اسوي(صفقوا ليهو)

اقول قولي هذا واستغفر الله لي ..............

الحال العليك ، زول الله ، ياخِي يشفِّق
عطشان للحنان وغريبه نهرك يدفِق
حاشاك ، النضِم ما بتشتريهو تلِفِّق
كُل ما تشوف حروف؛ طوالي تجري تصفِق:D

imported_أبو أماني

05-12-2011, 05:50 PM

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=422396#post422396)

رط رط رط رط:L

خيط التخريمة ياولدنا: :D

في التلت الأخيـــر جــابلـي النسيــم طاريهــو
قــال لـي يـاعشـــوق نـُلت القبيــل حــاريهــو
ألجن في النـُطـُق وزي ودعــة مرســوم فيهـو
يغلـط في الحـروف وأنا اسوي(صفقوا ليهو)

اقول قولي هذا واستغفر الله لي ..............

نصيحة لزول الله :-
باقي لي يا أخوي قيس مابتقدر تجاريهو
ده متلقى حجج والكلام .. حاديهو ..
شايف الكلم متل الغنم .. باريهــو..
أكان (قحّ) ساكت إنتو (صفقوا ليهو)..

اقول قولي هذا .. وأكب الزوغة !!! ............:D

imported_زول الله

05-12-2011, 06:10 PM

الحال العليك ، زول الله ، ياخِي يشفِّق
عطشان للحنان وغريبه نهرك يدفِق
حاشاك ، النضِم ما بتشتريهو تلِفِّق
كُل ما تشوف حروف؛ طوالي تجري تصفِق:D

الحــال العـلـــي ياقيــس سواد ورماد
نشتل في الرضا وعقباً حصادنا عناد
مـوفـور النفـل عالي الكفـل والـ صاد
بشتـن بيــنا تـب غـُرَباء و أهلنا بـُعاد

اقول قولي هذا واستغفر الله لي .............

imported_زول الله

05-12-2011, 06:29 PM

باقي لي يا أخوي قيس مابتقدر تجاريهو
ده متلقى حجج والكلام .. حاديهو ..
شايف الكلم متل الغنم .. باريهــو..
أكان (قحّ) ساكت إنتو (صفقوا ليهو)..
اقول قولي هذا .. وأكب الزوغة !!! ............:D

ابوأماني ياحبيبنا كيفنك ياخ وعساك فاين ....

الـزييــك نقيفـلــو وللســلام نقـريهـو
نترقب حروفو ونضمو تب نحريهو
قـيس ما بنقـَـدِر من المشوطن بيهـو
إنت وكت تجي ننسى المجادعة ليهو
نختار الكلام مـن أُمـو وليك نهـديهـو

زوغتك مابناباها لكن الفيك انعرفت تب ...:D

اقول قولي هذا واستغفر الله لي ..............

imported_سارة

05-12-2011, 07:53 PM

خيط جديد..
مـكســور الجنـاح ســواهـا بـي يدينـو
هيمـان بالـ يعـوم يقـدل وســط وزينو
هاك قولي النجيض يا ود محمد زينو
ريـد أُمات وضيب للزول ببشتن دينو

اقول قولي هذا واستغفر الله لي ...........

مكسورة جناح وبـ ريــــدو حالى مبشــتن
اب جلحة اب فصود دقش القليب واتمكن
بديك النجيضة ..{ انا حالى ما بتحسن}
لا بيرسل رسايل ولاجاتنى منــــو تلفن:(

* :p:D تلفن جمع تلفون للحناكيش

imported_سماح محمد

05-12-2011, 08:27 PM

مكسورة جناح وبـ ريــــدو حالى مبشــتن
اب جلحة اب فصود دقش القليب واتمكن
بديك النجيضة ..{ انا حالى ما بتحسن}
لا بيرسل رسايل ولاجاتنى منــــو تلفن:(

* :p:D تلفن جمع تلفون للحناكيش

والله ياسرورة شجعتيني..:p

كدي النحاول معاكم:

(سيد الناس) قطع من كل الدروب أخبارو
خلى القليب محرووق..يتقّلى في نيرانو
لو ما كشيفة الحال..أسأل عليهو جيرانو :p

imported_سارة

05-12-2011, 08:58 PM

والله ياسرورة شجعتيني..:p

كدي النحاول معاكم:

(سيد الناس) قطع من كل الدروب أخبارو
خلى القليب محرووق..يتقّلى في نيرانو
لو ما كشيفة الحال..أسأل عليهو جيرانو :p

كشف الحال كعب:p علا المحبة شجون
والقلب ان عشق بتصبح فعايلو جنون
وشان خاطر الحبيب القاسية ليك بتهون
يا جامع يارقيب بالكرسى والماعون

*:p للحناكيش الكرسى { اية الكرسى} {سورة الماعون}

imported_نصار الحاج

05-12-2011, 09:35 PM

imported_سماح محمد

05-12-2011, 11:35 PM

كشف الحال كعب:p علا المحبة شجون
والقلب ان عشق بتصبح فعايلو جنون
وشان خاطر الحبيب القاسية ليك بتهون
يا جامع يارقيب بالكرسى والماعون

*:p للحناكيش الكرسى { اية الكرسى} {سورة الماعون}

شحدت الكريم..ده الما بيرد السايل
لأب قلبا كبير..والدوم بيعدل المايل
من يصبح صباح..تجيني منو رسايل
تكوي العزول..وتسكّت خشيم القايل* :rolleyes:

* القايل : كشّاف الحال :p

imported_سارة

06-12-2011, 12:06 AM

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=422455#post422455)
مكسورة جناح وبـ ريــــدو حالى مبشــتن
اب جلحة اب فصود دقش القليب واتمكن
بديك النجيضة ..{ انا حالى ما بتحسن}
لا بيرسل رسايل ولاجاتنى منــــو تلفن:(

* :p:D تلفن جمع تلفون للحناكيش

جناحك يا سرور ان شاء الله ما بيتكسر
بالحب ضاوى قلبك فوق النجوم بيتحكر
خلى النجيع والصى ارواحنا بيك تتبختر
وبديك النجيضة أنا فى سماكى موكر

نصَـــــــــــار:cool:
ههههههههههههههههههههه
على ب ـ جملة الايمان الراكوبة نورت

نديك النجيضة:p ابشر وراسك عالى
نفديـك بالعمر وكل نفيس ياغالى
نورت البكان زى الهلال بتلالى
يسلم لى قليبك يا ذا الجناب العالى

imported_سارة

06-12-2011, 12:07 AM

شحدت الكريم..ده الما بيرد السايل
لأب قلبا كبير..والدوم بيعدل المايل
من يصبح صباح..تجيني منو رسايل
تكوي العزول..وتسكّت خشيم القايل* :rolleyes:

* القايل : كشّاف الحال :p

عشرة على عشرة:L:L شديد جدا

احمد زين

06-12-2011, 12:29 AM

شحدت الكريم..ده الما بيرد السايل
لأب قلبا كبير..والدوم بيعدل المايل
من يصبح صباح..تجيني منو رسايل
تكوي العزول..وتسكّت خشيم القايل* :rolleyes:

* القايل : كشّاف الحال :p

قبال الصباح يا هي الرسائل جاتك
يا وارثة السماح والطيبة من اماتك
شاحد الله الكريم . يديك قدر نياتك
تكويهوالعزول ويسكت خشم شماتك

imported_سماح محمد

06-12-2011, 01:21 AM

قبال الصباح يا هي الرسائل جاتك
يا وارثة السماح والطيبة من اماتك
شاحد الله الكريم . يديك قدر نياتك
تكويهوالعزول ويسكت خشم شماتك

الشمس شرقت وقتين وِصل مرسالك
يالفارس الأصيل والعالي بين أخوانك

مُوت قهر ياعزولي .. وامسك عليك لسانك
وصّل الحبيب الزين..ضيّق عليك مكانك :p

قيس شحاته

06-12-2011, 07:06 AM

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=422449#post422449)

الحــال العـلـــي ياقيــس سواد ورماد
نشتل في الرضا وعقباً حصادنا عناد
مـوفـور النفـل عالي الكفـل والـ صاد
بشتـن بيــنا تـب غـُرَباء و أهلنا بـُعاد

اقول قولي هذا واستغفر الله لي .............

الحال العليك ، زول الله ، فتفِتو ألكع*
كان ما خوف الكِضِب ؛ سامِع ضِهيرك : كع
الخبر الاكيد في الغربه ما بتِتسكّع
لاكين (الحمدو) قالوا ، قبُل تتِمّها .. تركع:eek::eek::D:D

ــــــــ
* ألكع : تعني (هَرِي أب) - حسبما ورد بالنسخة المنقحة من (مختار الصحاح للناس الفصاح)

imported_أبو أماني

06-12-2011, 07:39 PM

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=422450#post422450)

ابوأماني ياحبيبنا كيفنك ياخ وعساك فاين ....

الـزييــك نقيفـلــو وللســلام نقـريهـو
نترقب حروفو ونضمو تب نحريهو
قـيس ما بنقـَـدِر من المشوطن بيهـو
إنت وكت تجي ننسى المجادعة ليهو
نختار الكلام مـن أُمـو وليك نهـديهـو

زوغتك مابناباها لكن الفيك انعرفت تب ...:D

اقول قولي هذا واستغفر الله لي ..............
* * *
***
بجدعاتك وقيس ..الراكوبة ضاوية رتينة
بشوف سارة وسماح ورميات باهية رزينة
كل واحدة فوقن ست السماح والزينـة
وفي بحر الشعر .. عايمة التقول .. وزينة..

أقول قولي هذا .. وأحمده عليكم ...........:cool:

imported_سارة

07-12-2011, 03:38 AM

قيس الصديق شحاتة كتبـ

الحال العليك ، زول الله ، فتفِتو ألكع*
كان ما خوف الكِضِب ؛ سامِع ضِهيرك : كع
الخبر الاكيد في الغربه ما بتِتسكّع
لاكين (الحمدو) قالوا ، قبُل تتِمّها .. تركع

زول الله أنمكن ياقيس وقصتو... باينة
سحرنو المقل وشغلن رويحتو الهايمة
كان ما خوف الكضب وخبر القيامة القايمة
زولك قالوا {ودر}*وصلى الرغيبة تمانية:p:D

ودر الشر برا وبعيد من ابو فجر{ يعنى زوزو:p:D بقى زى الرشيد }

imported_تماضر حمزة

10-12-2011, 08:37 PM

من تالا اشتياق مرسل سلام وتحيّة
للزول الملك اعيادي بالزنديّة
واقف ليو تمام هنضب كما الجنديّة
دون تأمر نطيع لاواسطة لاجوديّة

وجع:D

imported_طارق صديق كانديك

10-12-2011, 08:51 PM

من تالا اشتياق مرسل سلام وتحيّة
للزول الملك اعيادي بالزنديّة
واقف ليو تمام هنضب كما الجنديّة
دون تأمر نطيع لاواسطة لاجوديّة

وجع:D

عودأ أجمل يا خنساء :

أمسكي دي:

يقدل بي مهل وقتين يقوم ضهريّة
فر بسمو التقول منو الشمش مرويّة
لي الزول الملك قلبي واذاني اذيّة
افتش في حجاب سيدي العبيد ود ريّة

وجع شديد :D

imported_سارة

10-12-2011, 09:22 PM

عودأ أجمل يا خنساء :

أمسكي دي:

يقدل بي مهل وقتين يقوم ضهريّة
فر بسمو التقول منو الشمش مرويّة
لي الزول الملك قلبي واذاني اذيّة
افتش في حجاب سيدي العبيد ود ريّة

وجع شديد :D

يقدل زى أمير فى قومه يا جت ليــــــــــــــــــة
وكت يبسم تقول لمعت سيوف هندية
دا الزول الملك قلبى ورويحتى الحية
لا بينفع علاج ولا حتى قولت أحية

ديش الوجع زاتو:p

imported_تماضر حمزة

10-12-2011, 09:30 PM

زولي؟
فارشالو الرويح وكتو البسوقو عليَّ
زي أحمر بساط ودي علامة الملكيّة
الزول الملك كل الحنين البيَّ
الواجع القليب والروح أظن مشويَّة

أبو دي شيَّة ياخ:D

imported_سارة

10-12-2011, 09:55 PM

زولي؟
فارشالو الرويح وكتو البسوقو عليَّ
زي أحمر بساط ودي علامة الملكيّة
الزول الملك كل الحنين البيَّ
الواجع القليب والروح أظن مشويَّة

أبو دي شيَّة ياخ:D

فارشالو المسام ومن الوريد ساقيهو
وسدتو القليب والروح تهفهف ليهو
لا بيحن لا بيسال ولا بيقول البيهو
الزول لقلبى شاوى ربى اغفر ليهو

ديشك يا تماضر وديش الشية ياخ:p

imported_تماضر حمزة

10-12-2011, 10:09 PM

فارشالو المسام ومن الوريد ساقيهو
وسدتو القليب والروح تهفهف ليهو
لا بيحن لا بيسال ولا بيقول البيهو
زولى يوت شاوينى ربى اغفر ليهو

ديشك يا تماضر وديش الشية ياخ:p

الليل انقسم وانا قلبي بيو شارياهو
المحو من جديد عاوز اكون دنياهو
الشعب ان طلع تغييرو مادايراهو
ساوّاهو الرئيس مالكم ومالي معاهو

ريحتا مرقت مش؟:D

قيس شحاته

11-12-2011, 03:33 PM

imported_تماضر حمزة

11-12-2011, 04:04 PM

[QUOTE=تماضر حمزة;423737]زولي؟
فارشالو الرويح وكتو البسوقو عليَّ
زي أحمر بساط ودي علامة الملكيّة
الزول الملك كل الحنين البيَّ
الواجع القليب والروح أظن مشويَّة

الجِسْم انَّحَل.. صِبحَت رويحتي شويه
قول لي يا حكيم شخِّص دحين ما بيّا
الخلّت قليبي يهيم ليلو وفجُرْ دُغشيّه
في ميزان الحريم : والله توزن ميّه

الشال الرويح وانا منو مارق ساي
زايدالو الحنين وزايد كمان ف أساي
لو فرعون دُّناي حتما يكون موساي
في الآخر أكيد بوصل معاو مرساي

فلاش باك وتغيير للقافية دي ياخ:p

imported_سارة

11-12-2011, 04:54 PM

[QUOTE=قيس الصديق شحاته;423944]

الشال الرويح وانا منو مارق ساي
زايدالو الحنين وزايد كمان ف أساي
لو فرعون دُّناي حتما يكون موساي
في الآخر أكيد بوصل معاو مرساي

فلاش باك وتغيير للقافية دي ياخ:p

الشال الرويح وخلانى رايح جاى
زايد ريدى ليهو كتمو جوة حشاى
كان الموت دنا يارب تتمو مناى
اشوف قبال مماتى لو مرة طيفو حداى

imported_تماضر حمزة

11-12-2011, 05:28 PM

[QUOTE=تماضر حمزة;423954]

الشال الرويح وخلانى رايح جاى
زايد ريدى ليهو كتمو جوة حشاى
كان الموت دنا يارب تتمو مناى
اشوف قبال مماتى لو مرة طيفو حداى

الشال الرويح فاقد هواك امانة
هن عبوني ناس مابملو فيك الخانة
في نص القليب مدفع هواك طخانا
وعيان الغرام مابتلزمو الشفخانة
:p

imported_سارة

11-12-2011, 05:44 PM

[QUOTE=سارة;423964]

الشال الرويح فاقد هواك امانة
هن عبوني ناس مابملو فيك الخانة
في نص القليب مدفع هواك طخانا
وعيان الغرام مابتلزمو الشفخانة
:p

عيان الغرام دايــــــــــــرلو شيخ ودواية
وقراية الحمدو سرا ومعاها كمين آيـــة
دا السكن القليب وسوا الضلوع مصلاية
لف رويحتى عمة وطبق القليب مخلاية

:D:D:D

imported_تماضر حمزة

11-12-2011, 06:00 PM

[QUOTE=تماضر حمزة;423968]

عيان الغرام دايــــــــــــرلو شيخ ودواية
وقراية الحمدو سرا ومعاها كمين آيـــة
دا السكن القليب وسوا الضلوع مصلاية
لف رويحتى عمة وطبق القليب مخلاية

:D:D:D

يالطيف هههههههههههههه

طيب،
عيان الغرام المابطيب لولايا
مابفيدو الشيوخ بي قبة أو مصلاية
للحاف الهموم فارش غرامي ملاية
لازماهو وبراي أنا لي بكاو لولاية

ولد ده:D

imported_سارة

11-12-2011, 06:14 PM

[QUOTE=سارة;423971]

يالطيف هههههههههههههه

طيب،
عيان الغرام المابطيب لولايا
مابفيدو الشيوخ بي قبة أو مصلاية
للحاف الهموم فارش غرامي ملاية
لازماهو وبراي أنا لي بكاو لولاية

ولد ده:D

عيان بالغرام مسلوب ورافع الرايا
ما بتنفع مشافى ولا بطيب بمحايا
كان دايرينى شفاى وما بتدروا أسايا
اشم نسام حبيبى ومن ريقو يبقى سقايا

:p:p:p

imported_تماضر حمزة

11-12-2011, 07:17 PM

[QUOTE=تماضر حمزة;423976]

عيان بالغرام مسلوب ورافع الرايا
ما بتنفع مشافى ولا بطيب بمحايا
كان دايرينى شفاى وما بتدروا أسايا
اشم نسام حبيبى ومن ريقو يبقى سقايا

:p:p:p

عيّان بالغرام وحبيبي طبعا طبي
ودرت الدروب ووقعت فيهو مطبي
والراميني زول للعرفة ذاااتا مغبّي
شاحداك ياكريم من حنينو اعبّي

imported_سارة

11-12-2011, 08:28 PM

[QUOTE=سارة;423977]

عيّان بالغرام وحبيبي طبعا طبي
ودرت الدروب ووقعت فيهو مطبي
والراميني زول للعرفة ذاااتا مغبّي
شاحداك ياكريم من حنينو اعبّي

عيان بالغرام وقاسيات دروبو عليا
ممكون بالعشق لو زولى يطرا الجية
ويتذكر كلامو فى يوم لقانا عشية
يوم قال لى سرور هواكى هود بيا

:p:D:D:D انا برا من اية مسؤلية

imported_تماضر حمزة

11-12-2011, 09:21 PM

[QUOTE=تماضر حمزة;423978]

عيان بالغرام وقاسيات دروبو عليا
ممكون بالعشق لو زولى يطرا الجية
ويتذكر كلامو فى يوم لقانا عشية
يوم قال لى سرور هواكى هود بيا

:p:D:D:D انا برا من اية مسؤلية

الليل انقسم قسّم مصايبو عليا
وعيان العشق ماتفيدو ووب لا أحيا
ووحّات الرويح في ليلي ماها شويّة
هن كان القليب في نارو أصبح شيّة

وأنا جوّة غايتو:D:p

imported_سارة

11-12-2011, 09:41 PM

[QUOTE=سارة;423983]

الليل انقسم قسّم مصايبو عليا
وعيان العشق ماتفيدو ووب لا أحيا
ووحّات الرويح في ليلي ماها شويّة
هن كان القليب في نارو أصبح شيّة

وأنا جوّة غايتو:D:p

الليل انقسم وكتر الهـــــموم فاض بيا
ودرنى الغــرام وجرحو نوســــر بيا
شوشونى البريدو وفى قلبى خلف الكية
جنيت فى البريدو بالعمة والطاقية

ليس لى ادنى مسؤلية:p:D:D

قيس شحاته

12-12-2011, 01:44 PM

[QUOTE=تماضر حمزة;423954]

الشال الرويح وخلانى رايح جاى
زايد ريدى ليهو كتمو جوة حشاى
كان الموت دنا يارب تتمو مناى
اشوف قبال مماتى لو مرة طيفو حداى

الزول البقول يوماتي : باكِر جاي
كُل ما افوتلُو غادي اْلقاهو راح بي جاي
تخْلِف كلُّ يوم ، باللهِ وعدك (واي)؟*
خليتنا نبكي ونكتب ، سيدنا ، في الدوباي

==

* واي : استفهامية مستعربة من why .. أستخدمت في السياق للضرورة الشعرية والشعورية .. والشعيرية - لمزيد من التفاصيل ، راجع النسخة المنقحة من كتاب (تعلم فنون القافية .. ربّنا يديك العافية)

imported_تماضر حمزة

12-12-2011, 07:21 PM

الليل انقسم صبحت دناي مكفوفة
والسما من حداي اتناولتني كفوفا
بي رحمة ومحنة وأنا بي رويح ملهوفة
فتشت الحبيب في السبعة كانوا رفوفا

الود قاعد في السما آآآخ انا:p
وووووووووفا،ووووووووووفا،ووووووفا
القافية دي سمحة ورح نباريها:D

imported_زول الله

12-12-2011, 10:59 PM

قيس الصديق شحاتة كتبـ
زول الله أنمكن ياقيس وقصتو... باينة
سحرنو المقل وشغلن رويحتو الهايمة
كان ما خوف الكضب وخبر القيامة القايمة
زولك قالوا {ودر}*وصلى الرغيبة تمانية:p:D
ودر الشر برا وبعيد من ابو فجر{ يعنى زوزو:p:D بقى زى الرشيد }

خيط باك..

شاغلني الرهيف تب بي سماحتو مكـني
شاتل في القليب زرعو ورويهـو عملني
كلما قـُت اتـوب واعقـل ازيـد فـي جـني
شاحـد الله الكريم يا يجيبـو لي يا يشيلني

اقول قولي هذا واستغفر الله لي ..................

imported_سارة

12-12-2011, 11:15 PM

خيط باك..

شاغلني الرهيف تب بي سماحتو مكـني
شاتل في القليب زرعو ورويهـو عملني
كلما قـُت اتـوب واعقـل ازيـد فـي جـني
شاحـد الله الكريم يا يجيبـو لي يا يشيلني

اقول قولي هذا واستغفر الله لي ..................

شاغلنى الجميل وبـ بسمتو مجننى
من خمرة هواهو سكرانة سكرة ينى:D:p
كل ما قلت اصبر القى الدموع بلنى
يارب العباد ..يا ,يزورنى ..يا أكتلنى

قيس شحاته

13-12-2011, 12:21 PM

شاغلنى الجميل وبـ بسمتو مجننى
من خمرة هواهو سكرانة سكرة ينى:D:p
كل ما قلت اصبر القى الدموع بلنى
يارب العباد ..يا ,يزورنى ..يا أكتلنى

يعني يا زد واي .. يا تقطعوا معاي؟ :D:D

* خيط جديد :
القلب الغشيم هَدَّنّي ياخي عمايلو
كُل ما اخُت هواها ألقاهو باكر شايلو
كُل ما طيفا ساكِت في منامو يخايلو
ألقاهو التِجِرِّس بالشوَوَّل* كايلو

---

* الشووّل : جمع شوال (خيش في الغالب). والله أعلم

imported_تماضر حمزة

14-12-2011, 06:04 PM

خيت قديم بس مامقطوع:D

أريدو البخسف القمرة وبضاري الشمسة
البي وجودو بتشرق وبي غيابو بتمسا
أريدو القاس حواسي وفصلن بي همسة
اريدو الفي السلام تنطق صوابعو الخمسة

imported_عثمان السمري

15-12-2011, 08:52 AM

سهراجة النهار جوايا ماكلة الجتة
يا ريل ام هبج شوف عيني ثمرة اتحت
موضب في السبيب واردافة شالت حتة
طعم العنكليب في لساني اصبح شطة
يا هوان علي القاهو يوم في محطة

imported_طارق صديق كانديك

18-12-2011, 07:33 AM

فتشنا الصبر يحجينا مانجيب سيرتو
الصدر الطمح شال قلبي بي تلويحتو
حابسين النفس كاتمنو مابيين جيهتو
ود الزين بكوس زولي المصندلة ريحتو :D

imported_عثمان السمري

18-12-2011, 07:57 AM

يا حليل الصعيد ويا حليل دعاش النال
ويا حليل المكنتل بالوديع وكتين يخت شبال
دماع السحاب شوف عيني بكت الحال
رب القدرة الطف نومي عيني اضحي محال

احمد زين

18-12-2011, 07:57 AM

فتشنا الصبر يحجينا مانجيب سيرتو
الصدر الطمح شال قلبي بي تلويحتو
حابسين النفس كاتمنو مابيين جيهتو
ود الزين بكوس زولي المصندلة ريحتو :D

يا كانديك اخوي انا زولي خابر سيرتو
حالي كلامو لين طبعو صافية سريرتو
الخلا القليـب طافش وعمياء بصيرتو
قدلاتو المتل جدي العـزاز في مسيرتو

imported_عثمان السمري

18-12-2011, 08:08 AM

خدير مخدر وكتين يتل اكتافو
مفدوع القوام جدي الريل شبه اوصافو
معجون في الدلال هرد القلب بي شافو
طامح صدرو جادع ردفو تالي يمينو ضامر هافو
يا رب يا كريم اجعلنا من قطافو

imported_عثمان السمري

18-12-2011, 08:26 AM

ودكانديك يمين صبر الصبر من صبري
ودمع العين نشف والشوق محير فكري
مخضوب البنان كل يوم مضيق شبري
عالي قوامو حالي كلامو قهوة بكري
مكتول من فراقو صافي اللون عزيز التبري

imported_أبو دعد

18-12-2011, 01:03 PM

خيت قديم بس مامقطوع:D

أريدو البخسف القمرة وبضاري الشمسة
البي وجودو بتشرق وبي غيابو بتمسا
أريدو القاس حواسي وفصلن بي همسة
اريدو الفي السلام تنطق صوابعو الخمسة

الزول يغيب و يلقى الناس سوا الفوت
الكلام يرصوهو ذى التقول غقد ياقوت
الناس جروحا تنذف بالضمى و انا يوت
حالىذى المكبر بى سيف و ضاربنو سوط

يوت =يومى
بالضمى =يوم بعد يوم

imported_سارة

18-12-2011, 01:26 PM

ودكانديك يمين صبر الصبر من صبري
ودمع العين نشف والشوق محير فكري
مخضوب البنان كل يوم مضيق شبري
عالي قوامو حالي كلامو قهوة بكري
مكتول من فراقو صافي اللون عزيز التبري

شن شاف الصبر وانا فى الصبر ايوب
دا الهاجرنى يوت خلا العقل مسلوب
دمع عينى نشف وقلبى مابى يتوب
مرضان العشق ما بينفعنو حبـــوب

imported_أبو دعد

18-12-2011, 01:30 PM

شن شاف الصبر وانا فى الصبر ايوب
دا الهاجرنى يوت خلا العقل مسلوب
دمع عينى نشف وقلبى مابى يتوب
مرضان العشق ما بينفعنو حبـــوب

اتلموا ناس ابوى و قالوا لى تتوب
من العنقو ذى الشمعدان مصبوب
اصبحت انا فى حالت مجذوب
و الحاسى بيهو ماظنيتو مسا ايوب
الحاردلو

imported_سارة

18-12-2011, 02:19 PM

فتشنا الصبر يحجينا مانجيب سيرتو
الصدر الطمح شال قلبي بي تلويحتو
حابسين النفس كاتمنو مابيين جيهتو
ود الزين بكوس زولي المصندلة ريحتو :D

فتشت الصبر يمكن.... يزيد لى صبرى
تلمع سنو زى براق.... شلع فـ القبـــلى
فليردمور عبيرو......ولونو المذهب تبرى
وكت فى النوم يزورنى دمعى بيلل سدرى

imported_طارق صديق كانديك

18-12-2011, 02:39 PM

فتشت الصبر يمكن.... يزيد لى صبرى
تلمع سنو زى براق.... شلع فـ القبـــلى
فليردمور عبيرو......ولونو المذهب تبرى
وكت فى النوم يزورنى دمعى بيلل سدرى

جواد ياكريم .. تحجيني تمنع شرّي
زايد همي كيل يوماتي خاتري يضري
اب لحظا متل موية السحاب البجري
ناقعة وفاقعة خلت حرفي يقلب عِبريlooool

imported_سارة

18-12-2011, 03:03 PM

جواد ياكريم .. تحجيني تمنع شرّي
زايد همي كيل يوماتي خاتري يضري
اب لحظا متل موية السحاب البجري
ناقعة وفاقعة خلت حرفي يقلب عِبريlooool

قادر يا كريم ..عالم بسرى وجهرى
كترن بى الهموم ومحبوبى قاصد هجرى
لا بيحن لا بيعطف ولا بحالى بـ يدرى
زايد حبى ليهو ونارقلبى يوت مشتعلى

imported_طارق صديق كانديك

18-12-2011, 03:16 PM

يا كانديك اخوي انا زولي خابر سيرتو
حالي كلامو لين طبعو صافية سريرتو
الخلا القليـب طافش وعمياء بصيرتو
قدلاتو المتل جدي العـزاز في مسيرتو

بغران من أرض مشى فيها بي تنيتو
الباب ابتسم وكت انتكل في جيتو
وصاحبنا الخنق بلع الاكل بالفيمتو:)
الزول كان كِتل في المتلوعافين ديتو

imported_تماضر حمزة

18-12-2011, 03:26 PM

يا كانديك اخوي انا زولي خابر سيرتو
حالي كلامو لين طبعو صافية سريرتو
الخلا القليـب طافش وعمياء بصيرتو
قدلاتو المتل جدي العـزاز في مسيرتو

زولي الجد بريدو وباهية دايما سيرتو
راقي صحيح مهندم وافية صحبة جيرتو
صافية روحو ونيتو معدومة فوقو جريرتو
سوّاي الحنين الريدتي باقية ضريرتو

أيووووووووي:D

imported_تماضر حمزة

18-12-2011, 03:33 PM

بغران من أرض مشى فيها بي تنيتو
الباب ابتسم وكت انتكل في جيتو
وصاحبنا الخنق بلع الاكل بالفيمتو:)
الزول كان كِتل في المتلوعافين ديتو

بغران من أرض ساقت علينا خطاهو
الزول السمح وفاق القمر محياهو
في الريد والحنين مين البقول بسواهو
مابنساهو هن هدّد علينا سماهو:)

imported_تماضر حمزة

18-12-2011, 03:38 PM

الزول يغيب و يلقى الناس سوا الفوت
الكلام يرصوهو ذى التقول غقد ياقوت
الناس جروحا تنذف بالضمى و انا يوت
حالىذى المكبر بى سيف و ضاربنو سوط

يوت =يومى
بالضمى =يوم بعد يوم

الزول البغيب في بالنا دايما حاضر
سوّاي السمح يأمر نرد بي حاضر
هن زاد الغياب فات الزمان الحاضر
بشكيو للقليب مابين حنين و محاضر

imported_طارق صديق كانديك

18-12-2011, 03:38 PM

ودكانديك يمين صبر الصبر من صبري
ودمع العين نشف والشوق محير فكري
مخضوب البنان كل يوم مضيق شبري
عالي قوامو حالي كلامو قهوة بكري
*

ود السمري اخوي قالو الزرع من بدري
هي شتيلة المطور هن تدري او لاتدري
تملأ العين تكيل .. هاك النقولك ندري**
بلفاها ان حييت .. وعقبا بيوسع سدري

* درج (المتعاطون) للدوبيت على الشكل الرباعي لشعرهم

** ندري = نذري من النذر

imported_تماضر حمزة

18-12-2011, 03:44 PM

قادر يا كريم ..عالم بسرى وجهرى
كترن بى الهموم ومحبوبى قاصد هجرى
لا بيحن لا بيعطف ولا بحالى بـ يدرى
زايد حبى ليهو ونارقلبى يوت مشتعلى

قادر ياكريم تلطف تهوّن قدري
زايدات الهموم فاتن وعدّن صبري
الزول البريدو وكانلي قمرة عمري
زايدلي البعاد واقد عليّ نار جمري:p

imported_سارة

18-12-2011, 05:15 PM

بغران من أرض مشى فيها بي تنيتو
الباب ابتسم وكت انتكل في جيتو
وصاحبنا الخنق بلع الاكل بالفيمتو:)
الزول كان كِتل في المتلوعافين ديتو

بغران من ارض باركنــــها اقدامو
زى الصافنات هيبة وعدالة لجامو
وكان القاسية جات بيتصنتولو كلامو
دا الدخل القليب كنس الورا وقدامو

imported_سارة

18-12-2011, 05:40 PM

شيطان الشعر لا تفضحنى جود بنــمة
فى الشاغلنى يوت ولفة القليب زى عمة
لا بتلفن بيسال:p:p ولا براسل ضمة
لو ناسينى قلبو ياريت اموت:( وانجمى

imported_عثمان السمري

18-12-2011, 07:26 PM

شن شاف الصبر وانا فى الصبر ايوب
دا الهاجرنى يوت خلا العقل مسلوب
دمع عينى نشف وقلبى مابى يتوب
مرضان العشق ما بينفعنو حبـــوب

يا سارة السرور فارق دريبي وداري
وسري سوار الفي مشيهو يراري
سارق نومي شاغل فكري جافي مداري
سالب لحمي في اعضاي سوي مجاري

imported_عثمان السمري

18-12-2011, 07:40 PM

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

حليل البنات يا حليل حلاوة الزوق
ويا حليل الكجر في خدرو خاتي مروق
نومو علي الوضيب كتل العشوق بي الشوق
ضامر هافو شاغل فكري الفارع الممشوق

imported_عثمان السمري

18-12-2011, 08:24 PM

فتشت الصبر يمكن.... يزيد لى صبرى
تلمع سنو زى براق.... شلع فـ القبـــلى
فليردمور عبيرو......ولونو المذهب تبرى
وكت فى النوم يزورنى دمعى بيلل سدرى

ود السمري اخوي قالو الزرع من بدري
هي شتيلة المطور هن تدري او لاتدري
تملأ العين تكيل .. هاك النقولك ندري**
بلفاها ان حييت .. وعقبا بيوسع سدري

* درج (المتعاطون) للدوبيت على الشكل الرباعي لشعرهم

** ندري = نذري من النذر

زرعا في العوالي وشرابو نزيز
مترامي الكفيل الفارع ابحزيز
في صدرو المدافع زي جني الجميز
اسكر لي العقول ريقو اللهيجو لزيز

imported_سارة

19-12-2011, 01:39 AM

يا سارة السرور فارق دريبي وداري
وسري سوار الفي مشيهو يراري
سارق نومي شاغل فكري جافي مداري
سالب لحمي في اعضاي سوي مجاري

عثمان السرور ما مر حول بـ دارى
من هجر الحبيب ما حنا يوم لوصالى
انسلبت لحومى واتشتتن افكـــــــــارى
الشوق شاوينى شى يوماتى موقدة نارى

imported_عثمان السمري

19-12-2011, 07:23 AM

عثمان السرور ما مر حول بـ دارى
من هجر الحبيب ما حنا يوم لوصالى
انسلبت لحومى واتشتتن افكـــــــــارى
الشوق شاوينى شى يوماتى موقدة نارى

كل ما الشوق يحن سارة السوار صدالي
وساري الليل علي هبهب نسيمو قبالي
شوقي الشاوي جلدي ودايما مووقد ناري
شارف في القوام عقبال صديرو العالي

imported_أبو دعد

19-12-2011, 01:58 PM

ختى اليقين والزمى الصبرر يا سارا
حروفك ذى سحابة الصعيد الجارا
معاك رجالا تعرفى قدرهم فى الحارا
ما رقين للموت حاشا ما بنضارا

imported_أبو دعد

19-12-2011, 02:02 PM

الزول البغيب في بالنا دايما حاضر
سوّاي السمح يأمر نرد بي حاضر
هن زاد الغياب فات الزمان الحاضر
بشكيو للقليب مابين حنين و محاضر

دا الكلام البخلى الزول يساهر
قامت تمنعنى المسير تماضر
شعرا قديم الليلة بقالنا حاضر
يحفظك ربى من كل المخاطر

imported_سارة

19-12-2011, 02:03 PM

ختى اليقين والزمى الصبرر يا سارا
حروفك ذى سحابة الصعيد الجارا
معاك رجالا تعرفى قدرهم فى الحارا
ما رقين للموت حاشا ما بنضارا

يارب اليقين عجز الصبر من صبرى
فضحنى الحروف للناس وكشفن امرى
منعولة المحبة واسال اخونا السمـــرى
دا البراق سنونو ولونه المعسل خمرى

imported_أبو دعد

19-12-2011, 02:17 PM

يارب اليقين عجز الصبر من صبرى
فضحنى الحروف للناس وكشفن امرى
منعولة المحبة واسال اخونا السمـــرى
دا البراق سنونو ولونه المعسل خمرى

اصبرى و صابرى لامن تدخلى القبرى
و اصدحى بالحروف ذى نوح القمرى
الزول المعدنو اصيل و ماخود من التبرى
عازرين حروفو ومن الفضيحةانت تبرى

imported_عثمان السمري

19-12-2011, 08:29 PM

مكحول الطريف كاتلني شاغل فكري
شبه الريل حليلو البي قط ما بدري
مشيهو تقيل جسيمو حرير جبينو البدري
سود لوني ساهرة عيوني من بعدو ابرشيما فطري

imported_أبو دعد

20-12-2011, 11:05 AM

مكحول الطريف كاتلني شاغل فكري
شبه الريل حليلو البي قط ما بدري
مشيهو تقيل جسيمو حرير جبينو البدري
سود لوني ساهرة عيوني من بعدو ابرشيما فطري

مكحولالطريف كاتلنى شاغل افكارى
فى مشيهو يحكى القطا و القمارى
شبه الريل المحق جرى مسدارى
شال نوم عيونى لامن شق الحمارى

imported_طارق صديق كانديك

22-12-2011, 02:14 PM

سهران وام دلال زايد على وجّاجا
طابقة الكية فوق المي الوقف قجاجا
ان بسمت تبق نارفي القمر مسراجا
وان ماحت عذاب اسراها او معراجا

imported_طارق صديق كانديك

22-12-2011, 02:23 PM

شيطان الشعر لا تفضحنى جود بنــمة
فى الشاغلنى يوت ولفة القليب زى عمة
لا بتلفن بيسال:p:p ولا براسل ضمة
لو ناسينى قلبو ياريت اموت:( وانجمى

شيطانك كبير باقيلو يلبس عمة :D
في النم والقصيد متلهماها الهمة
ادانا السهر .. عُقبا عِدمنا الجّمة
لاقنعان افوت لا عرفت كيف اتلمه :)

imported_طارق صديق كانديك

22-12-2011, 02:34 PM

بغران من أرض ساقت علينا خطاهو
الزول السمح وفاق القمر محياهو
في الريد والحنين مين البقول بسواهو
مابنساهو هن هدّت علينا سماهو:)

بغران من ارض مانعاني من ممساهو
كاتماهو الوصال اما القليب عاجناهو
الزول القبيل سكّر حواسي غناهو
الطيب والمُدام في غيابو شِن معناهو:D

كدى:)

مي هاشم

22-12-2011, 02:40 PM

سهران وام دلال زايد على وجّاجا
طابقة الكية فوق المي الوقف قجاجا
ان بسمت تبق نارفي القمر مسراجا
وان ماحت عذاب اسراها او معراجا

سهران أب دعج زايد علي وجّاجو
طابق الكيّة والدمّاع صبح لجّاجو
إن فَر بسمو فاق البروق سرّاجو
وإن قال سكّت النضّامس والحجّاجو

(الظاهر الكهربا وصلت يا دوب:D)

imported_طارق صديق كانديك

22-12-2011, 02:54 PM

سهران أب دعج زايد علي وجّاجو
طابق الكيّة والدمّاع صبح لجّاجو
إن فَر بسمو فاق البروق سرّاجو
وإن قال سكّت النضّامس والحجّاجو

(الظاهر الكهربا وصلت يا دوب:D)

:):)

حبابك يامي وليك وحشة يعلم الله
--

القول اللكيد قام صدرو يتهزابو
مكتول اللمح او مر يوم بجنابو
اب حسا حنين جاهلا (سِغير) دابو
لاكين الصبرواقفين تمام عند بابو:)

مي هاشم

22-12-2011, 03:23 PM

:):)

حبابك يامي وليك وحشة يعلم الله
--

القول اللكيد قام صدرو يتهزابو
مكتول اللمح او مر يوم بجنابو
اب حسا حنين جاهلا (سِغير) دابو
لاكين الصبرواقفين تمام عند بابو:)

وليك تمام برضو سعادتك..:)

القول الصميم عندو.. وعندي نواحي
مكتول إن لَمحَ طيفو وجيت بنواحي
أب حساً رهيف خلاّني يوت سوّاحي
لاكين الصبر لايكو مشِي ومرواحي

imported_سارة

22-12-2011, 03:27 PM

سهران وام دلال زايد على وجّاجا
طابقة الكية فوق المي الوقف قجاجا
ان بسمت تبق نارفي القمر مسراجا
وان ماحت عذاب اسراها او معراجا

ساهرت الليالى وقلبــــى بيهو متيم
زى سحبان فصاحتو والعفة شابه مريم
لو يبسم تقول برق السحاب الغًيم
دا الطارينى قلبو وخلا العزول متضيم:p

imported_سارة

22-12-2011, 03:32 PM

:):)

حبابك يامي وليك وحشة يعلم الله
--

القول اللكيد قام صدرو يتهزابو
مكتول اللمح او مر يوم بجنابو
اب حسا حنين جاهلا (سِغير) دابو
لاكين الصبرواقفين تمام عند بابو:)

القول اللكيد جسموا الحريرو مبطن
ولون الخد تقول شكولاتة غاتسة فى ملبن
كاتلنى اب قجيجة وكتين يخاصم يحرن
لايكين الصبر وبيناتنا تبقى تلفن*:p:p

تلفن للحناكيش جمع تلفونات:D

imported_طارق صديق كانديك

22-12-2011, 03:50 PM

القول اللكيد جسموا الحريرو مبطن
ولون الخد تقول شكولاتة غاتسة فى ملبن
كاتلنى اب قجيجة وكتين يخاصم يحرن
لايكين الصبر وبيناتنا تبقى تلفن*:p:p

تلفن للحناكيش جمع تلفونات:D

القول اللكيد انا في هواهو معطّن
موية عينو ساي برقا سحابو مدكّن
اما الخد أسيل .. منو البنيات يبكّن
هازيهو السماء اما الجبال اندكّن:D

ماعصرتي على التلفّن دي شويييlooool

imported_سارة

22-12-2011, 04:02 PM

القول اللكيد انا في هواهو معطّن
موية عينو ساي برقا سحابو مدكّن
اما الخد أسيل .. منو البنيات يبكّن
هازيهو السماء اما الجبال اندكّن:D

ماعصرتي على التلفّن دي شويييlooool

القول اللكيــــــــــــــد سكن القليب واتمكًن
مشغول بالى فيهو وشيطان شعرى ضمة اتمحًن
من نظرة عيونو كل الحصون بندكًن
وحت طير السماء شافنو قامن يبكن

imported_طارق صديق كانديك

22-12-2011, 04:18 PM

القول اللكيــــــــــــــد سكن القليب واتمكًن
مشغول بالى فيهو وشيطان شعرى ضمة اتمحًن
من نظرة عيونو كل الحصون بندكًن
وحت طير السماء شافنو قامن يبكن

القول اللكيد ساهربي صرت ممحّن
خاويت النجوم مني الدميعات سحّن
شايل الليل سهاد اطرافي زاتن وحّن
برجاهو الفرج يوم العوارض يزِحّن

imported_سارة

22-12-2011, 10:26 PM

القول اللكيد ساهربي صرت ممحّن
خاويت النجوم مني الدميعات سحّن
شايل الليل سهاد اطرافي زاتن وحّن
برجاهو الفرج يوم العوارض يزِحّن

الخبر اللكيد من عينى الدميعات جفًن
دا الناير جبينو ضو الرتاين البقًن
لهيجو الحالى سكر وريقو اللبينة مسخًن
لو جاكم هنا :p:Dحتى البكم تترًطن

imported_ود الخير

23-12-2011, 11:31 PM

الخبر اللكيد من عينى الدميعات جفًن
دا الناير جبينو ضو الرتاين البقًن
لهيجو الحالى سكر وريقو اللبينة مسخًن
لو جاكم هنا :p:Dحتى البكم تترًطن

القول اللكيد حفلتنا قاجه ورابه
في عيد الكريسماس كل الخلوق متحابه
المرسال يصل زي السحابا الكابه
لي مٓحٓل البلد يوصل فريق الشابه

وفففف إنت متأكد دا عصير:confused:

imported_أبو دعد

24-12-2011, 06:37 AM

سهران أب دعج زايد علي وجّاجو
طابق الكيّة والدمّاع صبح لجّاجو
إن فَر بسمو فاق البروق سرّاجو
وإن قال سكّت النضّامس والحجّاجو

(الظاهر الكهربا وصلت يا دوب:D)

سهرالعيونو ذى دعج البطانة
و كبرنا بى لواحظو من قفانا
ان كتلنا اليكفنا بى.... دمانا
و ان حيينا قلوبنا عندو امانا

imported_أبو دعد

24-12-2011, 06:41 AM

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

مواهب

24-12-2011, 06:32 PM

من قومة الجهل معروف جليل اوصافى
اقدل بمهل فوق النعيم والماسى
كل من شافنى قال آريت ان بقت جلاسى
وفتشوا فى النضم و وصاغوا السؤال من مافى

imported_طارق صديق كانديك

24-12-2011, 07:12 PM

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

من تبيت امش زاهيات معاني حروفي
تاليهو الورد .. دائما مودر خوفي
وفي صيد الخلا اليوتن مجهجه شوفي
برجاها المتل برق السما المتلوفي

imported_أبو دعد

26-12-2011, 08:06 AM

من قومة الجهل معروف جليل اوصافى
اقدل بمهل فوق النعيم والماسى
كل من شافنى قال آريت ان بقت جلاسى
وفتشوا فى النضم و وصاغوا السؤال من مافى

من قومة الجهل معروفة خصال
تقدلى بى مهل زى جنى الغزال
يفوح عطرك مع صوت الخلخال
ان خلانا جلاسك و الليل علينا طال

imported_أبو دعد

26-12-2011, 08:09 AM

من تبيت امش زاهيات معاني حروفي
تاليهو الورد .. دائما مودر خوفي
وفي صيد الخلا اليوتن مجهجه شوفي
برجاها المتل برق السما المتلوفي
من قومة الجهل بالنضم معروف
ما بتفتش لى كلامك الحلو حروف
فى رجاك دايما ست العطر المكروف
هاشى وشيك ويدك تعمل فى المعروف

imported_مرافي

26-12-2011, 12:53 PM

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

ابشر اخو سارا.. وتماضر وروفي
ماك ني وماقادرات يوصفكن حروفي
مابقدر اجيد النم وابهل فيك حروفي
الا بس بحاول عساي ما يفضحني حروفي
/////////////

imported_مرافي

26-12-2011, 12:55 PM

من قم صغير مالقيت اليجارى حروفى
وما بوصفونى بالنى المرخرخ دوفى
انا صاقعة النجم السحابا .. يفوفى
و انا اخو سارا و تماضر و.. روفى

اب دربن عديل خاتي الملام والقول
شجاع الحرف ما بيهاب غير الاله زول
شديد الغيرة على دينو وحب الرسول
تسلم اخو الاخوات ومن بعدو مافيش قول

imported_أبو دعد

27-12-2011, 10:48 PM

ابشر اخو سارا.. وتماضر وروفي
ماك ني وماقادرات يوصفكن حروفي
مابقدر اجيد النم وابهل فيك حروفي
الا بس بحاول عساي ما يفضحني حروفي
/////////////

كان ما كت خايف من ناس بابكر مخير
كت قلت فيك شعرا يخلى العقل يتحير
و قلتى كلاما بلحيل يعجب و ماهو مجير
انا ثابت فى قولى و حالف يمين ما اتغير

imported_أبو دعد

27-12-2011, 10:53 PM

اب دربن عديل خاتي الملام والقول
شجاع الحرف ما بيهاب غير الاله زول
شديد الغيرة على دينو وحب الرسول
تسلم اخو الاخوات ومن بعدو مافيش قول

البهاب غير الاله عاد دك زولا عايب
و حب الرسول علينا فرض وواجب
نحنا فى الراكوبة عادنكن ذى القرايب
نصون للعروض و فى الحارة لينا نايب

imported_مرافي

28-12-2011, 01:07 PM

البهاب غير الاله عاد دك زولا عايب
و حب الرسول علينا فرض وواجب
نحنا فى الراكوبة عادنكن ذى القرايب
نصون للعروض و فى الحارة لينا نايب

في شان حب الله والرسول دربك باين
ومن غيرن ماينفع واي كلام بلاهن شاين
والفي الراكوبة اخواتك وفي الحارة ليهن صاين
وديمة عازيهن بسمح القول والنم ومبجل راين

imported_سارة

29-12-2011, 08:27 PM

دقيت اليمين ..دى الجنة فتحت طاقة
يوم طل وبسم ونار قلبى قايدة وقادة
من عسلة عيونو..كتلنى بالعشراقة
لازمت الورد وبركت فى السجاجة

imported_طارق صديق كانديك

29-12-2011, 09:26 PM

احمد زين

29-12-2011, 09:34 PM

دقيت اليمين ..دى الجنة فتحت طاقة
يوم طل وبسم ونار قلبى قايدة وقادة
من عسلة عيونو..كتلنى بالعشراقة
لازمت الورد وبركت فى السجاجة

دقديق اليمين .. مااااا بّرد الوجّاجة
والبسمة أم بروق نارا تقيف قجّاجة
ماشافت نعاس عيني السهر شجّاجة
شايلنو الصبر .. عِلا النفس لجاجة :D

دقيت اليمين .. دي القمرة جات منقادة
لابسة التبري لون ... نجم الثريا قلادة
من بسمة سـنونو.... النار تبق وقــادة
وشوف عيني الشَّعر لمنامو ساوي وسادة

imported_سارة

29-12-2011, 10:19 PM

دقيت اليمين منو الشمس تتضارى
وكت يبسم تهج كل المدينة حيارى
من لهجو المعسل والريق بقينا سكارى
لو بس مرة صدفة حتى النجوم تتوارى

imported_محمد مصطفي

30-12-2011, 02:41 AM

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=428305#post428305)
دقيت اليمين منو الشمس تتضارى
وكت يبسم تهج كل المدينة حيارى
من لهجو المعسل والريق بقينا سكارى
لو بس مرة صدفة حتى النجوم تتوارى

دقيت اليمين .. زي الشمس جهرتنا
يوم فتحت وجيها اتكركبت حلتنا
لمن شفنا العيون غلبنا الكلام وسكتنا
بدور امسك أمي كنكشتا في جارتنا :D

imported_سارة

30-12-2011, 02:50 PM

دقدقت اليمين غيران التبر من لونو
من موية البحار الصافية كانوا عيونو
سكنتو المسام وانا عقلى زايدة جنونو
ما بنساهو ضمة وحرمان عليا أخونو

imported_مرافي

30-12-2011, 10:17 PM

دقيت اليمين منو الشمس تتضارى
وكت يبسم تهج كل المدينة حيارى
من لهجو المعسل والريق بقينا سكارى
لو بس مرة صدفة حتى النجوم تتوارى

دقيت اليمين من شوفتو القليب بيقول الشح
يغالب في الكلام والقليب هبابة يسوي الوح
سبحان الخلق الجمال ليكم وخلى لينا.. الاح
من جوزعيونو يمين تتضايرالخلوق وتتكسح

اشرف السر

30-12-2011, 10:46 PM

بعد الأذن يا مرافي

سأقتبس مداخلتك الأخيرة وأرميها هناك محل الجماعة اتجرسوا من جمال العيون:D

imported_سارة

30-12-2011, 10:49 PM

بعد الأذن يا مرافي

سأقتبس مداخلتك الأخيرة وأرميها هناك محل الجماعة اتجرسوا من جمال العيون:D

ويعنى انت الراكز فيهم:D:p

اشرف السر

30-12-2011, 11:34 PM

راكز وين.؟؟
انا راقد خل وسلطة ومشتت رز..

ومعترف

..

قبل شوية عندي بوست جديد.. (بتاع توارث السلطة)
من شدة الرجفي.. نزلت البوست كلو هنا هههه ولما عملت فيه 3 مداخلات حتى انتبهت..
تقولي راكز:D:D:D:D

imported_تماضر حمزة

31-12-2011, 03:26 AM

دقيت اليمين من شوفتو القليب بيقول الشح
يغالب في الكلام والقليب هبابة يسوي الوح
سبحان الخلق الجمال ليكم وخلى لينا.. الاح
من جوزعيونو يمين تتضايرالخلوق وتتكسح

من دون اليمين بالريدة زولنا أذانا
صلّيناها شوق وضربة قليبي أذانا
من جملة وصوف فيو صفات كاتلانا
نظراتو المدافع وجوز عيونو الدانة

imported_تماضر حمزة

31-12-2011, 03:34 AM

مرسل ليو قصيد واتناوحنبو حروف
وست نجمات هواي مرسومة ف المظروف
شارحالو الحصل وحاكمانا فوقو ظروف
فاضحاني العيون خلّت هواك معروف

imported_مرافي

31-12-2011, 09:00 AM

راكز وين.؟؟
انا راقد خل وسلطة ومشتت رز..

ومعترف
قبل شوية عندي بوست جديد.. (بتاع توارث السلطة)
من شدة الرجفي.. نزلت البوست كلو هنا هههه ولما عملت فيه 3 مداخلات حتى انتبهت..
تقولي راكز:D:D:D:D

:D :D:D
ان العيون التي في طرفها حور....سون شنوو كدي ما عارفة.:rolleyes:

اشرف السر

31-12-2011, 12:58 PM

:D :D:D
ان العيون التي في طرفها حور....سون شنوو كدي ما عارفة.:rolleyes:

سون السونو
غايتو بس الله يضارف علينا
ونطلع نصيحين

زي ما قال زولكم ود الرضي:

نادت ومنادي قلبي صاح

واتبكموا الناس الفصاح

المجنون نصح وجنوا النصاح

والشافعه ما شافعة نصاح
-- --------------

عندو مقطع في نفس القصيدة:

ساكن في سواد عينيك وفي الجسم البألم ألم

سارح في سبيب شعرك معاهو اتفر واتلملم

اها نحن اتشتتنا البلمنا شنو؟:D

imported_مرافي

31-12-2011, 04:29 PM

من دون اليمين بالريدة زولنا أذانا
صلّيناها شوق وضربة قليبي أذانا
من جملة وصوف فيو صفات كاتلانا
نظراتو المدافع وجوز عيونو الدانة

من دون اليمين الريدة في الفؤاد نيرانا صاليانا
نساسق لي شوفتو كان النفس تنجم وتبرد نيرانا
لمن يطل جميل المحيا تجفل قلوبنا وتبارح مكانا
ينشف ريقنا.. ونلاوز من لحاظو كانو فينا هباله :D

احمد زين

01-01-2012, 02:46 PM

من دون اليمين بالريدة زولنا أذانا
صلّيناها شوق وضربة قليبي أذانا
من جملة وصوف فيو صفات كاتلانا
نظراتو المدافع وجوز عيونو الدانة

من غير اليمين . بي قيد عيونو اسرنا
وبي نور الخدود ... الكملنو صبرنا
كان ما الموت حرام ونخاف نقلو قدرنا
كنا سدرنا في ريدو ... ورهنا عمرنا

مواهب

01-01-2012, 02:57 PM

من غير اليمين . بي قيد عيونو اسرنا
وبي نور الخدود ... الكملنو صبرنا
كان ما الموت حرام ونخاف نقلو قدرنا

نا سدرنا في ريدو ... ورهنا عمرنا
من غير اليمين دا بى هواهو سبانى
غالبنى السكات وخلا الكلام يجفانى
من بعد الركاز البشهدنبوا أخوانى
فارقت العقل باريت دريبا" تانى:p

احمد زين

01-01-2012, 03:22 PM

imported_طارق صديق كانديك

01-01-2012, 03:54 PM

من غير اليمين دا بى هواهو سبانى
غالبنى السكات وخلا الكلام يجفانى
من بعد الركاز البشهدنبوا أخوانى
فارقت العقل باريت دريبا" تانى:p

زاهد في الحباة ما دام حبيبي جفاني
وخبري الينتشر يسمعبو قاصي وداني
اكان ما جاد علي بي نظرة منو رماني
لا اسفا علي .. وانعوني يا اخواني

زايد في الحنين ماتقولو كاني وماني
ام طيفا يمش .. وعُقبا سَحَر يغشاني
يسوي التّح عديل برّاق عيونو أذاني
يخفِس في القليب الزّيو مافي مثاني

مواهب

01-01-2012, 03:55 PM

[QUOTE=أحمد محمد زين حسين;429015]زاهد في الحباة ما دام حبيبي جفاني
وخبري الينتشر يسمعبو قاصي وداني
اكان ما جاد علي بي نظرة منو رماني
لا اسفا علي .. وانعوني يا اخواني[
ات رايك سديد احفظ وشوف قانونى
الزول ان جفاك ما تبكى ليهو تنونى
يا يرجع براه ولا اليهج من كونى
وان يعرف لقيمتى بهدى ليهو عيونى

imported_سارة

01-01-2012, 04:02 PM

imported_طارق صديق كانديك

01-01-2012, 04:24 PM

من غير اليمين . بي قيد عيونو اسرنا
وبي نور الخدود ... الكملنو صبرنا
كان ما الموت حرام ونخاف نقلو قدرنا
كنا سدرنا في ريدو ... ورهنا عمرنا

من غير اليمين بـ ضى عيونو ملكنا

يوم طًل وظهر جهجه صبرنا هلكنا

ريقو عسل نحل قبال شربنا شرقنا

يوم تلفن عشا ليلة القدر زارتنا

زايد في الجفا حتّ الصبر قارشنا
مسداركم قّسَم مليان حليفة هرشنا
قدرما نقول نتوب متلهمنو فرشنا :D
ومن تالا الوحيح نقنت وصلنا عرشنا

تاني تجو :D

عكــود

01-01-2012, 04:36 PM

يوم فدعت يمينا قام الكفل لاقاها
ويوم جدعت شمالا جوز البرتكان صدّاها*
ود العين مزغلل بين السدير وقفاها
مِتِل كورة التنس لاعباً حريف صدّاها

* حصرياً للكاديلاك

imported_سارة

01-01-2012, 04:53 PM

زايد في الجفا حتّ الصبر قارشنا
مسداركم قّسَم مليان حليفة هرشنا
قدرما نقول نتوب متلهمنو فرشنا :D
ومن تالا الوحيح نقنت وصلنا عرشنا

تاني تجو :D

زايد فى جفاهو وبـ سمرتو محرقنا
مسداركم بـ حليفتو ما وصف حيرتنا
غرز نشاب عيونو جوة القليب جارحنا
قدر ما نقول نتوب حروفنا دى بتفضحنا

ابنجو مع العفش:D

مواهب

01-01-2012, 05:04 PM

زايد فى جفاهو وبـ سمرتو محرقنا
مسداركم بـ حليفتو ما وصف حيرتنا
غرز نشاب عيونو جوة القليب جارحنا
قدر ما نقول نتوب حروفنا دى بتفضحنا

ابنجو مع العفش:D
زايد فى الجفا قسما تقول فى غارة
كل ما اقول قرب ألاقهو فات واضارى
لمتبن اللقاء والسلام بحرارة
شارد التقول انا توم وهو بس تقول الفارة :D
فى اشارة فاضحة لتوم اند جيرى :D

imported_طارق صديق كانديك

01-01-2012, 05:29 PM

يوم فدعت يمينا قام الكفل لاقاها
ويوم جدعت شمالا جوز البرتكان صدّاها*
ود العين مزغلل بين السدير وقفاها
مِتِل كورة التنس لاعباً حريف صدّاها

* حصرياً للكاديلاك

والله ياعمدة الجابتك مي هينة تاااااب looool

---

الكاحلات عيونا العمدة التقول لولاها
تمشي وتنفدع التنية مي قاصداها
ياصيدة الخلا الشايلة النفيسة معاها
مافضلت شئ غير بس توصف فاها :D

imported_طارق صديق كانديك

02-01-2012, 08:33 PM

ود الزين .. اخوي العمدة جا مقالدنا
ما تهبر تمش .. سوي النضم جالدنا
جاب سيرة الكفل بي ذكرو ما اتجلدنا
لكناهو الصبر .. عِلا الوحيح زاردنا:)

looool

imported_مرافي

02-01-2012, 08:52 PM

يوم فدعت يمينا قام الكفل لاقاها
ويوم جدعت شمالا جوز البرتكان صدّاها*
ود العين مزغلل بين السدير وقفاها
مِتِل كورة التنس لاعباً حريف صدّاها

* حصرياً للكاديلاك

سمحة هي الجاب العمدة اوصافا
كسرت فيهو ضلعة يوم قبلت بقفاها
يوم قبلت طفر منو القليب بوراها
مابين فدعة وجدعة ضاق عليهو براحا

imported_مرافي

02-01-2012, 09:01 PM

ود الزين .. اخوي العمدة جا مقالدنا
ما تهبر تمش .. سوي النضم جالدنا
جاب سيرة الكفل بي ذكرو ما اتجلدنا
لكناهو الصبر .. عِلا الوحيح زاردنا:)

looool

مالك الليلة اتجرست واتبهدلت ياود كانديك
تنادي في ود الزين يناضم.العمدة. ويجيك
سوي سواتك واتجلد لوك الصبر لو يكفيك
من سيرة الكفل مالو طش عقلك ووحيحو كاويك

imported_طارق صديق كانديك

03-01-2012, 08:38 PM

مالك الليلة اتجرست واتبهدلت ياود كانديك
تنادي في ود الزين يناضم.العمدة. ويجيك
سوي سواتك واتجلد لوك الصبر لو يكفيك
من سيرة الكفل مالو طش عقلك ووحيحو كاويك

والله لقيتك ما ساهلة يامرافي :)

--

الوصف القبيل خلا القليب يتباكا
هزاني وبهز بالرااااحة جبل التاكا
الزول المتل دمور في ايد الحاكا
يمشي وينتني ده اللاك كبِدنا لواكا:D

imported_محمد الحاج

04-01-2012, 05:34 AM

بقيت اجمع فى ابل السنين واداور
ناقة الزمن كل ما اقوم عليها تغاور
الخلانى اكتب وامحى وللشعر متحاور
الخات على وسمو اخالف فى القلب محاور

imported_أبو دعد

04-01-2012, 06:50 AM

بقيت اجمع فى ابل السنين واداور
ناقة الزمن كل ما اقوم عليها تغاور
الخلانى اكتب وامحى وللشعر متحاور
الخات على وسمو اخالف فى القلب محاور

الخلانى كل يوم اكتب و امحا
الزول الباينى فى فد. لمحا
شن بشبه بلا المهرا الجامحا
ان جافنا قلوبنا ليهو مسامحا

imported_أبو دعد

04-01-2012, 06:56 AM

imported_أبو دعد

04-01-2012, 07:25 AM

نولا =no=لا

اسمك الجامع العربى و العجمى
ما ظن يقدر يحقق و صفو قلمى
بدوراجرب الليلة فيك قولى و نمى
تعالى على راكوبتنا اجلسى و سمى

imported_مرافي

04-01-2012, 11:27 AM

والله لقيتك ما ساهلة يامرافي :)

--

الوصف القبيل خلا القليب يتباكا
هزاني وبهز بالرااااحة جبل التاكا
الزول المتل دمور في ايد الحاكا
يمشي وينتني ده اللاك كبِدنا لواكا:D

الوصف القبيل خلاك.يا الاشم تتباكا
معذورياود كانديك وماكا باكي براكا
فكم امات واحيا كتير من..... تالاكا
مهرود الكبيد دواهو بس ساعة من لقياكا

imported_سارة

04-01-2012, 06:37 PM

البن البطـــقطق بالهبان قريـــــــافى
طًرانى الحبيب وريقو المعسل شافى
شاغل قلبى ديمة ريدو وحنانو الدافى
ومرضان الغرام ما بطًيبنو مشافى

imported_سارة

04-01-2012, 07:45 PM

البن المطقطق ..رامينى كابس راسى
كًرف ريحة حبيبى واتسارعن أنفاسى
سًكنتو المساموغذيتو بـــــــــاحساسى
يغطيهو الاله من عينى ومن الناس

imported_طارق صديق كانديك

04-01-2012, 08:41 PM

البن البطـــقطق بالهبان قريـــــــافى
طًرانى الحبيب وريقو المعسل شافى
شاغل قلبى ديمة ريدو وحنانو الدافى
ومرضان الغرام ما بطيبنو مشافى

البن البيلطق بوخو وبقيف سيافي
خادماهو ام خصر ناحل كانه مافي
شاغلني اب جسيم ناير ودم شفافي
من فد كرفة من يديهو بصبح مافي:)

imported_سارة

04-01-2012, 09:47 PM

البن البيلطق بوخو وبقيف سيافي
خادماهو ام خصر ناحل كانه مافي
شاغلني اب جسيم ناير ودم شفافي
من فد كرفة من يديهو بصبح مافي:)

البن المحوًق وفى الدكــــكًن مافى
ذكرنى اب فصود وأتمحًنن اوصافى
اب نفسن مسك وعرقو الجلاد الصافى
شايقنى ومقريًف لـ ريقو البعشرق ودافى

*دككن جمع دكان حسب ما يتطلبه الدوبيت والله اعلم:p:D

imported_أبو دعد

05-01-2012, 07:27 AM

البن المحوًق وفى الدكــــكًين مافى
ذكرنى اب فصود وأتمحًنن اوصافى
اب نفسن مسك وعرقو الجلاد الصافى
شايقنى ومقريًف لـ ريقو البعشرق ودافى

*دككن جمع دكان حسب ما يتطلبه الدوبيت والله اعلم:p:D

البن السفرو قالوا دق و حرق
بوخو العكل فى الحلق يشرق
شن طرانى بلا همبريب الشرق
دا الخلانى عز الليل اقوم منسرق

imported_مرافي

05-01-2012, 09:54 AM

البن البطـــقطق بالهبان قريـــــــافى
طًرانى الحبيب وريقو المعسل شافى
شاغل قلبى ديمة ريدو وحنانو الدافى
ومرضان الغرام ما بطًيبنو مشافى

:L
مرضان الغرام كترو عليهو الحقن
ماعارفين اذاهو... وسبب المحن
جوز اللواحظ ليهو اماتن وما احين
نظرة من الحبيب دواهو وليهو بيشفن

احمد زين

05-01-2012, 11:01 AM

البن المطقطق ..رامينى كابس راسى
كًرف ريحة حبيبى واتسارعن أنفاسى
سًكنتو المساموغذيتو بـــــــــاحساسى
يغطيهو الاله من عينى ومن الناس

البن المحوق منوبيبدأ الكيف
بكريهو ببرد ليهجاير الصيف
فنجانو المتمر ديمة شكلو نضيف
والصانع حلاة طبعو الخفيف وظريف

imported_جيجي

05-01-2012, 11:16 AM

البن المحوق منوبيبدأ الكيف
بكريهو ببرد ليهجاير الصيف
فنجانو المتمر ديمة شكلو نضيف
والصانع حلاة طبعو الخفيف وظريف
البن المحوق صبب عرق نتافي
والبوخ المهفهف قالعات معاه انفاسي
حليل زولي المجمر كامل الاوصافي
والرشفة البتشطف كبدتي وفشفاشي:D

imported_سارة

05-01-2012, 10:29 PM

الشاى المنعًنع من العصـــير رامينى
وقرياف الحبيب فوق القليب تاشينى*
يا الله الكريــــــم صبرنى ثبت دينى
لو يسيقينى سم بـ كل رضا بيروينى:p

من يتش تشا وهو متشوش يعنى محمر على نار هادئة:D

imported_سارة

05-01-2012, 11:26 PM

الشاى بالقرنفل والجلسة والحنية
طًرانى البريدو وحبو البقالى جنية
شاوينا بفراقو وقافل دروب الجية
لايكين الصبر وبيًضن ليهو النية

imported_سارة

06-01-2012, 12:17 AM

الشاى المعتق وابريقو يلــــــمع صينى
زى زمزم شفاء وكت الحبيب يسقينى
ياسيدى الرسول فى القاسية ابقى ضمينى
شاوينى الغرام مرضان وماسكو اب نينى

imported_سارة

06-01-2012, 08:07 PM

قالولنا الجرسة كعبة وكتر البتابيت عيب:p
ودرب الريد صعيب مليان سهر نحــــــــيب
وركًاب سرجين بقولو فوق الدروب ضهيب
ومجنون العشق حرمان يعالجـو طبيــــــــب

imported_سارة

07-01-2012, 12:43 PM

أزمعت الرحيل وما دريت بـ البيًا
يا اب نفساً مسك شمتوا العوازل فًيا
بقيت درويش غرامك النوم هجر عينًيا
لو بتحن وترجع بزور العبيد ود رًيا

imported_طارق صديق كانديك

07-01-2012, 01:19 PM

أزمعت الرحيل وما دريت بـ البيًا
يا اب نفساً مسك شمتوا العوازل فًيا
بقيت درويش غرامك النوم هجر عينًيا
لو بتحن وترجع بزور العبيد ود رًيا

زيّنتِ النضم .. يا السارة ماك مكريّة
في الشاي المعتق والبن عِشا وضُهريّة
الزول في الغرام نارو بتكون محريّة
والصبران عِدم تاني بنطير صقريّةlooool

imported_طارق صديق كانديك

07-01-2012, 01:33 PM

بـــرق القـبـلـــي لاح مـــن الصعيـــد يتـَابت
طلـق كــرف المـوسَـــم والنفــوس إنصــابت
انـظــر شــوف عمايلها في رويحتـي العابت
ساكـن في "الجريف" تلقاني راكب "طابت"

برق القبلي لاح دمّاع عيوني انسابت
جاب منو العليل حتّ الشعيرات شابت
فاح بهر الخلوق خلى النفوس تتخابت
مالك هو الفؤاد أما العضيمات دابت

imported_سارة

07-01-2012, 02:14 PM

احمد زين

07-01-2012, 02:48 PM

برق القبلي لاح دمّاع عيوني انسابت
جاب منو العليل حتّ الشعيرات شابت
فاح بهر الخلوق خلى النفوس تتخابت
مالك هو الفؤاد أما العضيمات دابت

برق القبلى لاح دمًاعى كبًن ســــــــالن
كًرف نسام حبيبى منو النجوم بيتضارن
دا الشاغل قليبى وفيهو العقول احتارن
وكت جالس يمينى اعضائى وحًن وغاًرن

برق القبلي شال دمعي اندفق كبابو
طراني البدفق ردفو فوق هبابو
السبب المخلي حضورنا تامي نصابو
ريحة عركتو البيها المجانين طابو*

الما بعرف العركة يسال سارة:D

imported_طارق صديق كانديك

07-01-2012, 03:04 PM

برق القبلي شال دمعي اندفق كبابو
طراني البدفق ردفو فوق هبابو
السبب المخلي حضورنا تامي نصابو
ريحة عركتو البيها المجانين طابو*

الما بعرف العركة يسال سارة:D

:)

طالبنك قديم ساعة العمدة جاب نشابو
قال : نفر السدير وكتين فتحنا كتابو
الفرع الوريف اخدر طويييييل سبابو
هالك جوفي نار عسل النحل رضّابو

احمد زين

07-01-2012, 03:15 PM

:)

طالبنك قديم ساعة العمدة جاب نشابو
قال : نفر السدير وكتين فتحنا كتابو
الفرع الوريف اخدر طويييييل سبابو
هالك جوفي نار عسل النحل رضّابو

خليهو القديم .. شوف البجيكا جديد
وكان للدَين هناك ارجع شوية وعيد
انا الناظم غـنايا وفـيهو. قولي سديد
ما بتوصى في وصف الحسان الغيد
looool

imported_أبو دعد

08-01-2012, 10:48 AM

عاشق ما معشوق مصيتى مصيبة
بقيت احاحى فى الطيرو سويتلو زريبة
والله يا ناس الراكوبة حكايتكم غريبة
ناس تدعموهم وناس تدفعوهم ضريبة

مي هاشم

08-01-2012, 03:48 PM

سلام للجميع..
سارة..باقيلي اتّي جنيتي عديل..:D

imported_سارة

08-01-2012, 05:06 PM

سلام للجميع..
سارة..باقيلي اتّي جنيتي عديل..:D

:D:D:D ام هاشم يا حبيبة والله ليك وحشة شدييييييييدة

imported_سارة

09-01-2012, 10:10 PM

عاشق ما معشوق مصيتى مصيبة
بقيت احاحى فى الطيرو سويتلو زريبة
والله يا ناس الراكوبة حكايتكم غريبة
ناس تدعموهم وناس تدفعوهم ضريبة

يا طير فى مشيك أغشى حبيبا ليًا
شاغل لى فؤادى وهجر المنام عينيًا
لو يطرانى قلبو ويجود بـ رنة عليًا
بزور سيدى الحسن وشيخى العبيد ود ريًا

imported_سارة

09-01-2012, 10:10 PM

يا طير ان سريت منى السلام أغريهو
ولـ ناير الجبين فٍر الجناح غطيهو
لافح قلبى عمة والروح تشاشق ليهو
دا الجمر المولع بيحرق الواطيـــهو

imported_جيجي

09-01-2012, 10:12 PM

يا طير فى مشيك أغشى حبيبا ليًا
شاغل لى فؤادى وهجر المنام عينيًا
لو يطرانى قلبو ويجود بـ رنة عليًا
بزور سيدى الحسن وشيخى العبيد ود ريًا

ههههه
عجبتني

imported_سارة

09-01-2012, 10:42 PM

ههههه
عجبتني

:cool::cool:

يا طير ان سريت بديارو وًقف وسلم
واديهو التمام دا ....البعدو ديمة بيألم
وقول ليهو الشمال اصبح سماهو مضلم
فاقد طلتك..... زى برقا سحابو مقيم

imported_سارة

10-01-2012, 12:50 AM

يا طير أن سريت لـ حبيبى أسجع وغنى
قول ليهو الحبيب محزون وليك مستنى
من بعدو وجفاهو جــــرن الدموع بًلنى
لو فى الطيف يمر أو مرة يســال عًنى

imported_أبو دعد

05-03-2012, 11:51 AM

اين انتم

imported_أبو دعد

07-03-2012, 06:11 AM

البارح بعد الليل ما برد و نجمو هود
عقبان عاودنى و جعى القديم و على عود
طرانى الفى مشيهو بتنى و فى حديثو بتهود
كبس الهم على و خلى ليلى كلو.... مسود

imported_3ashig Alneel

01-04-2012, 02:20 PM

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=431625#post431625)
يا طير أن سريت لـ حبيبى أسجع وغنى
قول ليهو الحبيب محزون وليك مستنى
من بعدو وجفاهو جــــرن الدموع بًلنى
لو فى الطيف يمر أو مرة يســال عًنى

ونقول معاك:

يا طير الحبيب الجاب خبارو أظني
سائلك يوم تعود تهديهو شوقي وحني
قول ليهو العشوق لي خمرتك مستني
شان يسكر معاك بالريدة ... سكرة يني

imported_أبو دعد

01-04-2012, 02:29 PM

[QUOTE=3ashig Alneel;449613]اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=431625#post431625)
يا طير أن سريت لـ حبيبى أسجع وغنى
قول ليهو الحبيب محزون وليك مستنى
من بعدو وجفاهو جــــرن الدموع بًلنى
لو فى الطيف يمر أو مرة يســال عًنى

يا طير ياساجع فوق سيسبان متنى
ماك عارف عيونى بالدموع فضحنى
عقبان جروحى القديمة بالانين عاودنى
لاشفت بعد صوتك عافية لا كتلنى

اشرف السر

08-04-2012, 01:31 AM

This is beautiful Forum, beautiful Sudanyat

مي هاشم

17-04-2012, 09:58 AM

الخبر اللكيد .. انقسم الوطن بعد ما كان مليون ميل
واتشرتم كمان..وما ينفع نقول يا حليل!!
وانقسمو الرجال ..منو التاني بيعدل الميل؟!!
منو اليبقالنا درقة ونفخر بيو نشد الحيل؟!!

مي هاشم

25-04-2012, 05:44 PM

صفات الرّجال فوق حِبّي مجموعه
أب راياً سديد وكلِمتو مسموعه
ساهرت الليالي من فرقو موجوعه
مكفي قلبي وراه والعين ساحة بدموعا

imported_طارق صديق كانديك

25-04-2012, 05:55 PM

الزول البسو في المشية عوم الوزة
كمل صبري تب بعد الثبات والركزة
قدرما اقول اتوب بي شوفتو اخد هزة
ما بسلاهو هن جزيت الجبال فد جزة

imported_طارق صديق كانديك

25-04-2012, 06:09 PM

صفات الرّجال فوق حِبّي مجموعه
أب راياً سديد وكلِمتو مسموعه
ساهرت الليالي من فرقو موجوعه
مكفي قلبي وراه والعين ساحة بدموعا

السهر البشيل النوم يخلى العين تبيت مدموعه
ما مكتوب عليك يا السمحة يوت في ربوعا
فيك قلبا حنين ،عفة ، وكمان مربوعه :)
ما تضوقي العذاب ماتقومي يوم مفزوعه

مي هاشم

25-04-2012, 06:39 PM

السهر البشيل النوم يخلى العين تبيت مدموعه
ما مكتوب عليك يا السمحة يوت في ربوعا
فيك قلبا حنين ،عفة ، وكمان مربوعه :)
ما تضوقي العذاب ماتقومي يوم مفزوعه

السهر البشيل النوم ويبكّي العين
مكتوب علي دوام ما لَي عليهو مُعين
عمل قلبي الشليق ودّرني في سبعين
أستاهل عذابي ................

وأي حاجة تحصل لي:D

imported_نهلة محكر

25-04-2012, 09:08 PM

طارني الصحاب ولا البعد نسّاهم
في بالم بمر ... ولا ما بغشاهم
ملهوف القليب ديمة بس يطراهم
تشرق شمسو بيهم .. نايم على ذكراهم

مي هاشم

26-04-2012, 10:52 PM

طارني الصحاب ولا البعد نسّاهم
في بالم بمر ... ولا ما بغشاهم
ملهوف القليب ديمة بس يطراهم
تشرق شمسو بيهم .. نايم على ذكراهم

طارنّك صحابك والبُعُد ما بنسّيهم
في بالُم تمرّي.. تصابحي وتماسيهم
ملهوف قليبك ليهم بشوقو يوت حاسّيهم
تشرق شمسو بيهم..بالشوق حُلل تكسيهم

مي هاشم

26-04-2012, 10:58 PM

الزول البسو في المشية عوم الوزة
كمل صبري تب بعد الثبات والركزة
قدرما اقول اتوب بي شوفتو اخد هزة
ما بسلاهو هن جزيت الجبال فد جزة

الزول البسو في المشية قدلة ورفلة
كمل صبري تب زي العريس في الحفلة :)
قدر ما اقول أتوب بي شوفتو آخد جفلة
ما بسلاهو لا بقدر معاهو القفلة

مي هاشم

26-04-2012, 11:08 PM

قِليبي على الحِبَيِّب ديمه نازِف فَصدو
ما بِبرا الألم مِن قُربو أو كان صَدو
يزرع في الحنين وأنينو نِحن نحَصدو
صالينا العذاب ماعرفنا رايو وقصدو

حاجة تحيّر بالليل ده!
لكن الله كريم..

imported_طارق صديق كانديك

27-04-2012, 07:28 AM

قِليبي على الحِبَيِّب ديمه نازِف فَصدو
ما بِبرا الألم مِن قُربو أو كان صَدو
يزرع في الحنين وأنينو نِحن نحَصدو
صالينا العذاب ماعرفنا رايو وقصدو

الناس ما تنوم يعني ؟:)

قليبي على الحبيب الليلة زايد رصدو
الزّارع الحنين يلقاهو بكرة يحصدو
الخلاني شفتا الويل مدنكل قصدو
يلعبّك جناح جرااااي يغلبك صدو :)

imported_مصعب أحمد الأمين

27-04-2012, 07:40 AM

الخبر اللكيد .. انقسم الوطن بعد ما كان مليون ميل
واتشرتم كمان..وما ينفع نقول يا حليل!!
وانقسمو الرجال ..منو التاني بيعدل الميل؟!!
منو اليبقالنا درقة ونفخر بيو نشد الحيل؟!!

المارق للريبة و التلافة يختانا يغور
بلادنا واسعة صحارى و بحور
الكرم و الطيبة شيمة ناسا لليها يزور
و سمحاً فيها لهيج ظبيا يتجافل و متبور

مي هاشم

27-04-2012, 07:41 AM

الناس ما تنوم يعني ؟:)

قليبي على الحبيب الليلة زايد رصدو
الزّارع الحنين يلقاهو بكرة يحصدو
الخلاني شفتا الويل مدنكل قصدو
يلعبّك جناح جرااااي يغلبك صدو :)

إتّ النّايملها شنو؟!!:D

قليبي على الحبيب الليلة زايد جِنّو
يزرع في العذاب وأحصد برااااااااي في حِنّو
الخلاني أمرق سيف هوايَ وأسِنّو
وأعمل درقه من الكبير في سِنّو looool

مي هاشم

27-04-2012, 07:49 AM

المارق للريبة و التلافة يختانا يغور
بلادنا واسعة صحارى و بحور
الكرم و الطيبة شيمة ناسا لليها يزور
و سمحاً فيها لهيج ظبيا يتجافل و متبور

حبابك يا مصعب..
وأبشر بالخير..

imported_تماضر حمزة

27-04-2012, 07:51 AM

الناس ما تنوم يعني ؟:)

قليبي على الحبيب الليلة زايد رصدو
الزّارع الحنين يلقاهو بكرة يحصدو
الخلاني شفتا الويل مدنكل قصدو
يلعبّك جناح جرااااي يغلبك صدو :)
نشابو الرمى مختوم قليبي بوصدو
الصايب الرويح كان قصدو او ماقصدو
جدّد ليّ حياة من غيرو حتماً تصدو
ووين في قلبي كامن ؟والله بصعب رصدو:p

imported_طارق صديق كانديك

27-04-2012, 07:53 AM

إتّ النّايملها شنو؟!!:D

قليبي على الحبيب الليلة زايد جِنّو
يزرع في العذاب وأحصد برااااااااي في حِنّو
الخلاني أمرق سيف هوايَ وأسِنّو
وأعمل درقه من الكبير في سِنّو looool

:D

كل مااطرأ زولي أطرافي زاتو يصِنّو
اتبجّم عديييييل وقليبي أقرّب أفنّو :)
الحرق الحشا وجوه الكِبيد حابسنّو
بسامو ان شلع هزم الضلام بي سنّو

مي هاشم

27-04-2012, 08:05 AM

:D

كل مااطرأ زولي أطرافي زاتو يصِنّو
اتبجّم عديييييل وقليبي أقرّب أفنّو :)
الحرق الحشا وجوه الكِبيد حابسنّو
بسامو ان شلع هزم الضلام بي سنّو

كان عارف بفنّوهو كيف وصّف ليgap

كل ما أطرا زولي أطرافي منّو يبُردو
أبجّم عدييييييل وقلبي زاتو أحَردو
الحرق الحشا وجوّه الكبِد زاد هَردو
البُعد الكتلني غالبني نظمو وسَردو

imported_طارق صديق كانديك

27-04-2012, 08:08 AM

نشابو الرمى مختوم قليبي بوصدو
الصايب الرويح كان قصدو او ماقصدو
جدّد ليّ حياة من غيرو حتماً تصدو
ووين في قلبي كامن ؟والله بصعب رصدو:p

كان سدّد رمى كضب البوقف قصدو
يعنيك بالعذاب وعقباً يدبل فصدو
يخمجلك خمج جوه القليب ويعصدو
قولة أح تجيب كل الأنين وتحصدو:p

مي هاشم

27-04-2012, 08:17 AM

نشابو الرمى مختوم قليبي بوصدو
الصايب الرويح كان قصدو او ماقصدو
جدّد ليّ حياة من غيرو حتماً تصدو
ووين في قلبي كامن ؟والله بصعب رصدو:p

نشابو الرّمى كسّر قليبي وخَتمو
الصايب الرّويحة مقصود قطعاً وحتمو
جدّد لِي وجع حبس الألم زاد كَتمو
.........

ويا تماضر أبت تتم..:D

المهم إنتي بتكوني عارفة الحاصلgap

مي هاشم

27-04-2012, 08:18 AM

أستراحة محارب..:D

كباية جبنة تشحن البندقية ونرجه نرش.:D

imported_طارق صديق كانديك

27-04-2012, 08:23 AM

كان عارف بفنّوهو كيف وصّف ليgap

كل ما أطرا زولي أطرافي منّو يبُردو
أبجّم عدييييييل وقلبي زاتو أحَردو
الحرق الحشا وجوّه الكبِد زاد هَردو
البُعد الكتلني غالبني نظمو وسَردو

أبيييت:p

الزول الحنين .. جنني زايد ودّو
براقو ان شلع هدم الجبال انهدو
هالكني الغياب من نارهواه وصدو
نتّاحاً يوِجّ .. غالبني كيفن اطردو:)

imported_طارق صديق كانديك

27-04-2012, 08:51 AM

يا طير ان سريت منى السلام أغريهو
ولـ ناير الجبين فٍر الجناح غطيهو
لافح قلبى عمة والروح تشاشق ليهو
دا الجمر المولع بيحرق الواطيـــهو

الطير ان عرف دربك سلامنا يشيلو
يلقاك في اماااان تملي وتزيدي مكيلو
ياقمر المكان نور ليلنا ياكي دليلوlooool
أشرقي يا ام فرح الشوق كتلنا عويلو

مي هاشم

27-04-2012, 09:46 AM

أبيييت:p

الزول الحنين .. جنني زايد ودّو
براقو ان شلع هدم الجبال انهدو
هالكني الغياب من نارهواه وصدو
نتّاحاً يوِجّ .. غالبني كيفن اطردو:)

ما عافية ليك:D

الزول الحنين جنّني زاد تبريحو
نسّامو ان لفح جاب لي دعاشو وريحو
هالكني الغياب وقلبي شوفتو تريحو
ماسكني بالمعروف أحسن لِي من تسريحو

مي هاشم

27-04-2012, 09:54 AM

الطير ان عرف دربك سلامنا يشيلو
يلقاك في اماااان تملي وتزيدي مكيلو
ياقمر المكان نور ليلنا ياكي دليلوlooool
أشرقي يا ام فرح الشوق كتلنا عويلو

يا طير إن عرف درب السريرة امشيلو
بلّغ للسلاّم وشوقنا ليها تشيلو
يا حليل الجّدع عندك سريع تشهيلو
أمرقي للبكان فاقدك كتير بي حيلو

imported_تماضر حمزة

27-04-2012, 01:58 PM

نشابو الرّمى كسّر قليبي وخَتمو
الصايب الرّويحة مقصود قطعاً وحتمو
جدّد لِي وجع حبس الألم زاد كَتمو
.........

ويا تماضر أبت تتم..:D

المهم إنتي بتكوني عارفة الحاصلgap

:D:D

مي هاشم

27-04-2012, 06:35 PM

الهبّك دلاليك قلبي سوّا الكَي
بركِز في بُطان ريدو وما بقول أحّي
ما بقدر أخالف رزمتو إن مُتَّ أو كان حي
يسلم لي دُغُش عقبن مساو وضُحي

imported_عبدالله وداعه الامين

27-04-2012, 11:14 PM

الهبّك دلاليك قلبي سوّا الكَي
بركِز في بُطان ريدو وما بقول أحّي
ما بقدر أخالف رزمتو إن مُتَّ أو كان حي
يسلم لي دُغُش عقبن مساو وضُحي

القادت لهيب شوقي وتزيد الكي
خلتي قلبي بين ميت وامكن حي
السبب البخلي رويحتي تبكي احي
فرق الرخرخ المفدوع وفرعو الني

مي هاشم

27-04-2012, 11:27 PM

القادت لهيب شوقي وتزيد الكي
خلتي قلبي بين ميت وامكن حي
السبب البخلي رويحتي تبكي احي
فرق الرخرخ المفدوع وفرعو الني

قُتَّ لي تبكي؟!!:D ما شمتانة والله..gap

البِكا في الرّيد.. حلااااااال والله تب بتبكّى
أعَصِر في حشاي عقبان ولا بتشكّى
السبب البجكّن في القلب إبارو جت تتشكّ
الزول الرزين الجاني يمِش يتّكّى

imported_عبدالله وداعه الامين

27-04-2012, 11:41 PM

قُتَّ لي تبكي؟!!:D ما شمتانة والله..gap

البِكا في الرّيد.. حلااااااال والله تب بتبكّى
أعَصِر في حشاي عقبان ولا بتشكّى
السبب البجكّن في القلب إبارو جت تتشكّ
الزول الرزين الجاني يمِش يتّكّى

ما عيب البكا لو لي حبيبا غالي
اقطّع في حشاي شوقي ولهيبو الحالي
الزول البسم مسخ جميع افعالي
لي الحول ابكي بس يعطف ويرحم حالي

مي هاشم

27-04-2012, 11:50 PM

ما عيب البكا لو لي حبيبا غالي
اقطّع في حشاي شوقي ولهيبو الحالي
الزول البسم مسخ جميع افعالي
لي الحول ابكي بس يعطف ويرحم حالي

بعجبني الجمال تبراهو روح افعالي

ما عيب البكا لاكنّو بشتن حالي
يقطّع في حشاي زايدني في إنحالي
الزول البسم مسّخ علي الحالي
لي الحول أبكي فرقو والدّموع ساحّالي

imported_عبدالله وداعه الامين

28-04-2012, 01:09 AM

ما عيب البكا لاكنّو بشتن حالي
يقطّع في حشاي زايدني في إنحالي
الزول البسم مسّخ علي الحالي
لي الحول أبكي فرقو والدّموع ساحّالي

يا ريت الدموع تشفع يحن يا ريتو
كان هان العلي وعرفت اوصل بيتو
الزول الكتل قلبي ومطلع زيتو
ببكي وما مهم لو دمعي دم كبيتو

مي هاشم

28-04-2012, 01:17 AM

يا ريت الدموع تشفع يحن يا ريتو
كان هان العلي وعرفت اوصل بيتو
الزول الكتل قلبي ومطلع زيتو
ببكي وما مهم لو دمعي دم كبيتو

:L

ده بِكا مؤسس..:D
طلّيع الزيت ودموع الدم دي إلاّ تصبح الواطة وأشرب ليها جبنةlooool

مي هاشم

28-04-2012, 09:22 AM

يا ريت الدموع تشفع يحن يا ريتو
كان هان العلي وعرفت اوصل بيتو
الزول الكتل قلبي ومطلع زيتو
ببكي وما مهم لو دمعي دم كبيتو

ياريت يا الرّهيف ما بتنفع ان باريتا
ما بتشفع دموع إن جفّت أو جاريتا
ما بهون العليك إن قُتَّ كِم ياريتا
الزول الكِتِل في الريدة (عود كبريته)

حيث أنّه يحرق من أول مرّة وببقى ما نافع تاني:D

imported_عبدالله وداعه الامين

28-04-2012, 01:18 PM

ياريت يا الرّهيف ما بتنفع ان باريتا
ما بتشفع دموع إن جفّت أو جاريتا
ما بهون العليك إن قُتَّ كِم ياريتا
الزول الكِتِل في الريدة (عود كبريته)

حيث أنّه يحرق من أول مرّة وببقى ما نافع تاني:D

كبريت الغرام مسّخ عواد كبريتي
صايت قلبي بي نارو و حريق دنميتي
شن فايدة بكاي وانا تاني كيف تثبيتي
طار عقلي وخلاص الليلة قطعت خيتي

مي هاشم

28-04-2012, 02:48 PM

كبريت الغرام مسّخ عواد كبريتي
صايت قلبي بي نارو و حريق دنميتي
شن فايدة بكاي وانا تاني كيف تثبيتي
طار عقلي وخلاص الليلة قطعت خيتي

كِبريت الغرام أعوادي جَت شّخَّتّ
يحَرِق في الحشا وأزاهو فوقي اتخّتَّ
شِن فايدة بكاي وإن فُرتَ واتسخّتَّ
ما ينفع حديسي للحُلّو انا مسّختَ

imported_تماضر حمزة

30-04-2012, 07:11 PM

السبق الليل صباحو ونجمو فات ترحيلو
اتأخر مجيهو وجسمي زاد تنحيلو
بكتبلو البشيق وحياي يشيل يمحيلو
أيا طيفي اللحوح بسراع ورح صحّيلو

imported_تماضر حمزة

30-04-2012, 07:11 PM

ياميّ شايفاك لاعبة طوستة هنا وهناكlooool:D

مي هاشم

30-04-2012, 07:15 PM

ياميّ شايفاك لاعبة طوستة هنا وهناكlooool:D

أسوي شنو..ما بقدر أقاوم..:D
كدي النجي معاك بي هني..

imported_تماضر حمزة

30-04-2012, 07:19 PM

ورح:cool:

مي هاشم

30-04-2012, 07:32 PM

السبق الليل صباحو ونجمو فات ترحيلو
اتأخر مجيهو وجسمي زاد تنحيلو
بكتبلو البشيق وحياي يشيل يمحيلو
أيا طيفي اللحوح بسراع ورح صحّيلو

جامده والله..يسلم فمّك..:cool:

هاك دي..

ما بقارنوه بالصُّبُحَ أب نجوماً غابت
ما أخّر مجيو ظنوني فيو ما خابت
بكتبلو البشيق وحياي يقول ما صابت
ياااااااااا طيفو اليطوف قول ليهو روحي انسابت

بجيك صاّدة..سمح؟؟
مافي نوم الليلة:D looool

imported_طارق صديق كانديك

30-04-2012, 07:41 PM

السبق الليل صباحو ونجمو فات ترحيلو
اتأخر مجيهو وجسمي زاد تنحيلو
بكتبلو البشيق وحياي يشيل يمحيلو
أيا طيفي اللحوح بسراع ورح صحّيلو

أرح اتي دي :p

الليل والنسيم اتخاوا زاد ترتيلو
هالكني المتل عوم الوزيزة وحيلو
شال مني المنام وقلبي اصبح هيلو
والعميان عديييل فَتَح بشم منديلو

imported_تماضر حمزة

30-04-2012, 07:48 PM

جامده والله..يسلم فمّك..:cool:

هاك دي..

ما بقارنوه بالصُّبُحَ أب نجوماً غابت
ما أخّر مجيو ظنوني فيو ما خابت
بكتبلو البشيق وحياي يقول ما صابت
ياااااااااا طيفو اليطوف قول ليهو روحي انسابت

بجيك صاّدة..سمح؟؟
مافي نوم الليلة:D looool

مابقارنوهو بالدهب اب عيار معروف
الزول السماحو من الجنان مغروف
ومابوفيهو دوبيت هن مليتو حروف
طابق قلبي قلبو وخاتي في مظروف

وححححح:p

imported_طارق صديق كانديك

30-04-2012, 07:51 PM

[COLOR="Red"]

ما بقارنوه بالصُّبُحَ أب نجوماً غابت
ما أخّر مجيو ظنوني فيو ما خابت
بكتبلو البشيق وحياي يقول ما صابت
ياااااااااا طيفو اليطوف قول ليهو روحي انسابت

بجيك صاّدة..سمح؟؟
مافي نوم الليلة:D looool

النايمة ليها شنو :D

ما بتشبه بلا المهرة أم خيولا جرّت
تقدل في المشى زي الحمامة الفرّت
كاسياها العيون أمات دموعن خرت
دفاقات خلاس عِينة السما الانشرت

احمد زين

30-04-2012, 08:00 PM

النايمة ليها شنو :D

ما بتشبه بلا المهرة أم خيولا جرّت
تقدل في المشى زي الحمامة الفرّت
كاسياها العيون أمات دموعن خرت
دفاقات خلاس عِينة السما الانشرت

انت الصاحي ليها شنو؟

هاك

وشن تشبه بلا المهرة المشيها وحيل
وسادل ديسا زي العتمة نـص اللــيل
السبب المخلي القــلب دمـاهو تسـيل
جوز رمان وجيد غزلان ومقلة ريل

imported_تماضر حمزة

30-04-2012, 08:01 PM

أرح اتي دي :p

الليل والنسيم اتخاوا زاد ترتيلو
هالكني المتل عوم الوزيزة وحيلو
شال مني المنام وقلبي اصبح هيلو
والعميان عديييل فَتَح بشم منديلو

الليل والنسيم مين الحبيبي مثيلو
الوققف قلبي حسو وسد منفذ سيلو
وشببع فكري ريدو اتدشا في بهديلو
ماطلب الرويح لكني ساااي بهديلو

حاااتم الطائي بس قال ليك:p

imported_طارق صديق كانديك

30-04-2012, 08:17 PM

انت الصاحي ليها شنو؟

هاك

وشن تشبه بلا المهرة المشيها وحيل
وسادل ديسا زي العتمة نـص اللــيل
السبب المخلي القــلب دمـاهو تسـيل
جوز رمان وجيد غزلان ومقلة ريل

يعلم الله كتبت وطلعت مشوار، في الشارع اتذكرتك ماخيبت ظني تسلم يا ابومازن

زاهية ولاهية ما همّاها ضُقتّا الويل
سادل ديسا كابي تتغتابو نص الليل
الخلاني في اعضاي نشفت هزيييل:)
مكروف المسك لي رضابا شفتو قليل

مي هاشم

30-04-2012, 08:22 PM

تماضر..ياختي..
الهمباتة ديل بنصاقعن؟؟:eek::confused:
خفت:eek::eek:

يا أحمد طلّتك راجياها..
ويا طارق..منّك لله ياخ..

كدي النَّحاول..:)

imported_تماضر حمزة

30-04-2012, 08:30 PM

غمممضي وتوووشك خشي
الليلة انا مزاجي عالي:p

مي هاشم

30-04-2012, 08:34 PM

أرح اتي دي :p

الليل والنسيم اتخاوا زاد ترتيلو
هالكني المتل عوم الوزيزة وحيلو
شال مني المنام وقلبي اصبح هيلو
والعميان عديييل فَتَح بشم منديلو

الليل والنسيم فاضحين دوام البيّا
هالكني الرّهيف لامُتّ لا ببقيت حيّه
شال مني المنام واتسهّدن عينيّا
والعميان عديييييييل شايف البلايا عليّا

مي هاشم

30-04-2012, 09:03 PM

مابقارنوهو بالدهب اب عيار معروف
الزول السماحو من الجنان مغروف
ومابوفيهو دوبيت هن مليتو حروف
طابق قلبي قلبو وخاتي في مظروف

وححححح:p

ما بقارنوهو بالدّهب اللّصيل ومجمّر
الزول السّمح كان ناهي ولاّ اتأمّر
ما بوفيهو قول حرفي العليهو منمّرlooool
طايع قلبي تب من هجرو ما بتذمّر

نصبر بس..:(

مي هاشم

30-04-2012, 09:16 PM

النايمة ليها شنو :D

ما بتشبه بلا المهرة أم خيولا جرّت
تقدل في المشى زي الحمامة الفرّت
كاسياها العيون أمات دموعن خرت
دفاقات خلاس عِينة السما الانشرت

أنوم السّهر انا :D:D

ما يشبه المطر أب رعوداً ترزم
يقدل في المشي زي أب كريك متلزّم
كاسيهو اللُّطُف بي ريدو انا متحزّم
خارب رصّتي وجايطني ما متنظّم

مي هاشم

30-04-2012, 09:33 PM

انت الصاحي ليها شنو؟

هاك

وشن تشبه بلا المهرة المشيها وحيل
وسادل ديسا زي العتمة نـص اللــيل
السبب المخلي القــلب دمـاهو تسـيل
جوز رمان وجيد غزلان ومقلة ريل

أسألو دبل :D:D

وهاك

وشِن يشبه بلا اللّسد المشيو ضرّيع
لافّي العِمّة حاقِب ديمه للكِبِّيع
السبب المخلّي شِتايْ وصيفي ربيع
جمل الشيل وعند النّهمة تابّي سريع

مي هاشم

30-04-2012, 09:59 PM

الليل والنسيم مين الحبيبي مثيلو
الوققف قلبي حسو وسد منفذ سيلو
وشببع فكري ريدو اتدشا في بهديلو
ماطلب الرويح لكني ساااي بهديلو

حاااتم الطائي بس قال ليك:p

لالا مابلحق حبيبي..الشبهو معدوم نادر
رايق وراسي في الحارّات دوام متبادر
ملاني وتمسح الوجدان ريدو الهادر
سبحان الخلق ..ما الله اسمو القادر

مي هاشم

30-04-2012, 10:17 PM

يعلم الله كتبت وطلعت مشوار، في الشارع اتذكرتك ماخيبت ظني تسلم يا ابومازن

زاهية ولاهية ما همّاها ضُقتّا الويل
سادل ديسا كابي تتغتابو نص الليل
الخلاني في اعضاي نشفت هزيييل:)
مكروف المسك لي رضابا شفتو قليل

دي الحالة مارق!!
كان قعدتا بتطفشنا يعني :D

كدي امسك..

شن همّاكَ .. ساهي وما خِبرت البي
تجدع في النّضم وتطبق علي الكي
تختف قلبي كف.. متل الصّقير وحِدَي
بتهالك عدييييييييل إن قُتّ بس (يا مي):D

مي هاشم

30-04-2012, 10:31 PM

غمممضي وتوووشك خشي
الليلة انا مزاجي عالي:p

غايتو ركّبتي شريحة السهر واشتغلت فيني..
المشكلة انا حوّلت فيها رصيد وهسي غالبني النوم..:D

وينك يا ام مزاج .. ماقُتّي عالي الليله؟؟
في وكر التلوب رامياني للبهديله ؟؟
نضّامين حروف قاسي وصعب تمثيلا
يا أهل الله هوووي من الضّهب والميله

imported_تماضر حمزة

01-05-2012, 07:47 AM

هاك من هناك:D
الليل انقسم اسدل علينا همومو
والهم الكِبِر ضاقت علينا هدومو
ياسابل السِتِر حبيبي أنا مهجومو
مانفعوا الشيوخ كاشحني جووة نجومو

احمد زين

01-05-2012, 07:17 PM

هاك من هناك:D
الليل انقسم اسدل علينا همومو
والهم الكِبِر ضاقت علينا هدومو
ياسابل السِتِر حبيبي أنا مهجومو
مانفعوا الشيوخ كاشحني جووة نجومو

وهاك من جوة

والليل إنتَلَت وانا عـيني جافية غميـدا
فوق جمر الغـــرام راقد لهايبو شديـدة
موج اشـواقــها يتلاطم هوايلو عديـــدة
كلو يهـون اكان طارياني دي الفرهيدة

imported_تماضر حمزة

01-05-2012, 07:25 PM

وهاك من جوة

والليل إنتَلَت وانا عـيني جافية غميـدا
فوق جمر الغـــرام راقد لهايبو شديـدة
موج اشـواقــها يتلاطم هوايلو عديـــدة
كلو يهـون اكان طارياني دي الفرهيدة

من جوة الجووة على جهة اليسار كداlooool
والليل انختم بالقالو هو ووصّابو
أخطيت في العشق ولّان غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

imported_مصعب أحمد الأمين

01-05-2012, 08:04 PM

imported_تماضر حمزة

01-05-2012, 08:31 PM

دي من الضلع الاعوج
الشئ طالع لافوق:D

ياخوي قولو كان شفتو وفتحلك سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامو عليكَ بان مستورو

مي هاشم

02-05-2012, 10:10 AM

هاك من هناك:D
الليل انقسم اسدل علينا همومو
والهم الكِبِر ضاقت علينا هدومو
ياسابل السِتِر حبيبي أنا مهجومو
مانفعوا الشيوخ كاشحني جووة نجومو

كيفن يالحبيبة اهل الله ما نفعوكِ؟؟
بي عينم دوام في حضرتم برعوكِ
عند الفزعه والنّدهه يمين سمعوكِ
كان ما لَحْقتَم كان الهموم جدعوكِ

أها..شوفي..

يا الجيلاني يا السّمان
وسيدي البكري يا نوران
ندهتك طيب الأكوان
تماضر تلقى ريد وأمان

بنده ود حسونة اب كِم
ويا الكباشي حابس السّم
ويا الاستاذ في طابت هِم
تبيّنو ما بدور لي نضِم

يا أهل البنايا عموم
ويا ود الحسين والتوم
تعالجو تزيلوا لكل لوم
تماضر تب مفارقة النوم

يا أبو عمر مكاشفي القوم
ويا ود العجوز هِم قوم
تبيّنو لي دحين اليوم
تماضر الليلة جابت اللوم

بعدبن وريني نتيجة نديهتي دي:D

مي هاشم

02-05-2012, 10:29 AM

وهاك من جوة

والليل إنتَلَت وانا عـيني جافية غميـدا
فوق جمر الغـــرام راقد لهايبو شديـدة
موج اشـواقــها يتلاطم هوايلو عديـــدة
كلو يهـون اكان طارياني دي الفرهيدة

الليل انطوى وأنا عيني تب ما لاقت
شلت الليل نواح ودموعي فيو ما حاقت
إتوسّدْ شقاي من يوم عيونّا اتلاقت
كلّو يهون أكان أيامنا صافت وراقت

مي هاشم

02-05-2012, 04:00 PM

من جوة الجووة على جهة اليسار كداlooool
والليل انختم بالقالو هو ووصّابو
أخطيت في العشق ولّان غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

اليسار ده ما بقسم معاي..بسم الله..

الليل انفتق بالنّور درر في فاهو
حاوطني الحنين قلبي السرور لفاهو
ارشف من زلال خمر الغرام في شفاهو
سكّرني وبقيت مرضان غلبني شفاهو

مي هاشم

02-05-2012, 04:13 PM

طيب دي من فؤاد الفؤاد

نسام الليل طرني الفي الصعيد هجعَتو
صعيب على فوتو و زايدة على وجعَتو
قلبي السباهو و يوت بشابي لرجعَتو
دا الكاتلني فيهو ديسا سادل و فدعَتو

و الله يا ناس عجبنا نمكم ساي أها و قنا أنمسي عليكم

حباب مصعب ويعجبك السمح..

نسيم الليل برد طرّاني هاجع السافل
ما بقدر افوتو الفي مشيو مترافل
حلّى المُر مع بِكري القليب متكافل
متل السّكر حَترب في القعر متسافل

مي هاشم

02-05-2012, 04:23 PM

دي من الضلع الاعوج
الشئ طالع لافوق:D

ياخوي قولو كان شفتو وفتحلك سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامو عليكَ بان مستورو

خط سيرك تصاعدي..:D

انا زولي كان شفتيهو وفتحلك قلبو
تلقيو بالغرام مشروق كلامو يغلبو
لا بيدوبي لا بيشاشي لا نضماً بيقدر قلبو
وكاتم السّر دوام بخاف فضيحتو وسلبو

مي هاشم

02-05-2012, 04:25 PM

في زول طالبني شي تاني..:D

أحمد زين كده الدين القديم والجديد خالص..gap

احمد زين

02-05-2012, 06:00 PM

من جوة الجووة على جهة اليسار كداlooool
والليل انختم بالقالو هو ووصّابو
أخطيت في العشق ولّان غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو

الليل انطوى وأنا عيني تب ما لاقت
شلت الليل نواح ودموعي فيو ما حاقت
إتوسّدْ شقاي من يوم عيونّا اتلاقت
كلّو يهون أكان أيامنا صافت وراقت

سهر شديد الليلة:)

ليلين مــرو بي وانا عيــني فاقدة النوم
وده التالْت انقسم واشـواقي قايدة سَموم
من حورة عيونو ..ومن حشا المبروم
إتحويت وراء الصالحـين وكل القوم

imported_تماضر حمزة

02-05-2012, 06:39 PM

ياميّ ،عبدالله وداعة دا كان بقول ليّ انتي عندك اسهال شعري أسّي حالتك دي شرشور عديل كدا:D:D

احمد، حركتك ماظريفة انا الدوبل دا في البكاسي ماحبيتو أسي عاوز تخمنا في رد واحد ؟ ماف ليك:p

مي هاشم

02-05-2012, 08:03 PM

ياميّ ،عبدالله وداعة دا كان بقول ليّ انتي عندك اسهال شعري أسّي حالتك دي شرشور عديل كدا:D:D

احمد، حركتك ماظريفة انا الدوبل دا في البكاسي ماحبيتو أسي عاوز تخمنا في رد واحد ؟ ماف ليك:p

(:mad::L)
دي معناها ما لايك :D
انتي ما جادة وعبد الله ماجادي..ياخ حسنو ألفاظكم..:D
قولي لي كان عندك امساك شعري واتفكيتي أرحم:D:D

أحمد كده الدين بيكتر عليك..وفي الحالة دي ممكن نقول (فهمك كمل؟)*:D:D

* دي تحريضة.

imported_مصعب أحمد الأمين

02-05-2012, 08:59 PM

شنو ناس خيمة الحردلو مطفيين مالكم؟؟؟
و للا
PREPARING FOR GREAT THURSDAY NIGHT
c ya then

imported_تماضر حمزة

02-05-2012, 09:48 PM

هاك دي مخمسة ومخمسنة واخر سلطنة:D

لولاني السهر مالو المنام كجّني
دوبيتو وغناو هوزاز وتر رجّني
فيهو سماح نميم فاق البشر والجني
ودوني التجاني الزول دا مااااااااجنني :p

مي هاشم

02-05-2012, 10:20 PM

هاك دي مخمسة ومخمسنة واخر سلطنة:D

لولاني السهر مالو المنام كجّني
دوبيتو وغناو هوزاز وتر رجّني
فيهو سماح نميم فاق البشر والجني
ودوني التجاني الزول دا مااااااااجنني :p

براك مهبوشه آآ المكفوحه ما بتدّاوي
عينك للنّصاح تمشي وعدوهو تخاوي
شِن ليك في الغرام يملاك عذاب وبلاوي
ده غير الفي القليب ويمكن معاهو مساوي

imported_سجمان

02-05-2012, 10:50 PM

حليل القرقراب وديس أم براضم كابي
حليل فوح القرنفل من ديسا ينفح هابي
يا خلاي عموم أنا لي حواكم شابّي
والشوق كالذي للشربة يومين غابّي

مي هاشم

02-05-2012, 11:01 PM

حباب سيد الدار

منور والله..

اسمر

02-05-2012, 11:12 PM

يا طير وصل ليهو الشوق والسلام
للحبيب الملك فؤادي علمني الغرام
احكيلو عن ريدي واحلى الكلام
قول ليهو عائد ليك قريب شايل الوئام

imported_تماضر حمزة

03-05-2012, 09:55 AM

براك مهبوشه آآ المكفوحه ما بتدّاوي
عينك للنّصاح تمشي وعدوهو تخاوي
شِن ليك في الغرام يملاك عذاب وبلاوي
ده غير الفي القليب ويمكن معاهو مساوي

ماليني الوله قصص الغرام وحكاوي
والبدلّي الحزن بالفرح كال حاوي
بيغني عن الدكاترة ومشيخة الخلاوي
عيبو عيونو تفلع لكنها الب تداوي

بسويها استايتوس كيفني الرد دا:D

imported_أبو دعد

03-05-2012, 10:01 AM

ماليني الوله قصص الغرام وحكاوي
والبدلّي الحزن بالفرح كال حاوي
بيغني عن الدكاترة ومشيخة الخلاوي
عيبو عيونو تفلع لكنها الب تداوي

بسويها استايتوس كيفني الرد دا:D

و الله العظيم العالم بالنوايا
قلت تجى تماضر شايلا الدوايا
اقول ليها الحروف الجوايا
تكتب فى اللوح و توزع الهدايا

imported_تماضر حمزة

03-05-2012, 10:03 AM

ابو دعد ياخ صباحك فل وورد وياسمين

imported_عبدالله وداعه الامين

03-05-2012, 10:04 AM

ماليني الوله قصص الغرام وحكاوي
والبدلّي الحزن بالفرح كال حاوي
بيغني عن الدكاترة ومشيخة الخلاوي
عيبو عيونو تفلع لكنها الب تداوي

بسويها استايتوس كيفني الرد دا:D

اه من الغرام يا ملكة جمرو الشاوي
حارق كبدتي وما لاقي ليهو مداوي
وين شقشتا افوت خالف مراودو وكاوي
شمّت فيني حسادي ولسانو يكاوي

imported_تماضر حمزة

03-05-2012, 10:20 AM

و الله العظيم العالم بالنوايا
قلت تجى تماضر شايلا الدوايا
اقول ليها الحروف الجوايا
تكتب فى اللوح و توزع الهدايا

بي ريق الحروف دايما بفكو صباحي
والبارح مساهر مع الحبيب صبّاحي
طفّاها القميرة ماحتجنا نور مصباحي
غرقان فيهو ليلي وساحلو كان اصباحي

imported_تماضر حمزة

03-05-2012, 10:31 AM

اه من الغرام يا ملكة جمرو الشاوي
حارق كبدتي وما لاقي ليهو مداوي
وين شقشتا افوت خالف مراودو وكاوي
شمّت فيني حسادي ولسانو يكاوي

آآآآبتنفعك آهة وتفك الحيرة
أنا ياشوقي ماعاوز اجيبلك سيرة
ميّت بالوله وكفني في التمتيرة
سببي الهواو حيطة وعليّ تجييرا

:D

مي هاشم

03-05-2012, 10:47 AM

حليل القرقراب وديس أم براضم كابي
حليل فوح القرنفل من ديسا ينفح هابي
يا خلاي عموم أنا لي حواكم شابّي
والشوق كالذي للشربة يومين غابّي

حليل القرقراب وأب سدراً وسيع واللّمّه
حليل فوح عنبرو المنو البكان اتعمّ
يا خلاي عموم انا ليْ مراد ما تمّ
والشوق العلي متل الطريح بالحمّى

مي هاشم

03-05-2012, 01:53 PM

يا طير وصل ليهو الشوق والسلام
للحبيب الملك فؤادي علمني الغرام
احكيلو عن ريدي واحلى الكلام
قول ليهو عائد ليك قريب شايل الوئام

حبابك يا أسمر

قبييييييييل الطير سجع بسلامي وشالو
للساكن هناك شرق البروقن شالو
عارف بالغرام دمّاعي صب وشّالو
يا طير ان رَجّعْ جيب ليَّ خيت من شالو

مي هاشم

03-05-2012, 02:17 PM

ماليني الوله قصص الغرام وحكاوي
والبدلّي الحزن بالفرح كال حاوي
بيغني عن الدكاترة ومشيخة الخلاوي
عيبو عيونو تفلع لكنها الب تداوي

بسويها استايتوس كيفني الرد دا:D

جميل والله..لكن أسمعي..

حليل قصص الغرام في الجملة ماها حقيقه
فيها الغش كتييييير والبت تخونو رفيقا
والراجل البدور حرمانه يبقى طبيقا
وين زمن البصون الريده شاقي طريقه

مي هاشم

03-05-2012, 02:29 PM

اه من الغرام يا ملكة جمرو الشاوي
حارق كبدتي وما لاقي ليهو مداوي
وين شقشتا افوت خالف مراودو وكاوي
شمّت فيني حسادي ولسانو يكاوي

الآهه والوحيح ما بفشّن المغبون
وحرّيق الكبد ترا حالة الممكون
شقّيش ما تفوت قالو لك المجنون
دا الحال يا الرّهيف وانا زيك آ المحزون

الحال من بعضو:D

imported_مصعب أحمد الأمين

03-05-2012, 09:26 PM

جميل والله..لكن أسمعي..

حليل قصص الغرام في الجملة ماها حقيقه
فيها الغش كتييييير والبت تخونو رفيقا
والراجل البدور حرمانه يبقى طبيقا
وين زمن البصون الريده شاقي طريقه

كلو من الفيس مع التويتر و كترة اليوزرات
يسحرنك بالديس الطايش و عيونن الزرقاوات
النفس يتخمّة و الحنين يتاور لبنيات الخواجات
شن بدور عقب بست النفر كامّها قصة القديحات

مي هاشم

04-05-2012, 12:02 AM

بي ريق الحروف دايما بفكو صباحي
والبارح مساهر مع الحبيب صبّاحي
طفّاها القميرة ماحتجنا نور مصباحي
غرقان فيهو ليلي وساحلو كان اصباحي

لا الريق لا الحروف انا صباحي ما بفكنّو
والبارح علييييييييل نومي العيون سكنّو
اتخازز براي كهراب المرض حاكنّو
اسبابي الفراق للفي القليب مالكنّو

لاحظي انك بتفكي ريقك بالحروف ..وتقول لي (كان عندي امساك؟):D

مي هاشم

04-05-2012, 12:12 AM

آآآآبتنفعك آهة وتفك الحيرة
أنا ياشوقي ماعاوز اجيبلك سيرة
ميّت بالوله وكفني في التمتيرة
سببي الهواو حيطة وعليّ تجييرا

:D

صحي الآهـ آبتحِل لكن عُقُب بتريّح
وانت الشوق بلاك آآ السمحة ريحتو تفيّح
كتلانه ودوام ولهانه (تلجه تسيّح) :D
ريدك هو الأزاك قلبك صبِح متقيّح

محتاجة غيار على فكرة..:D
بس أوعي تقولي هو الدكتور:D:D