يا أخي الكُبر دآ حاجة ثقيلة بشكل

[بابكر مخير]

زي ماقال عم مخير،
الكبر دا حاجة ثقيلة..
بقينا رُهاف، ارهف من طرقة الكسرة..

جوجو الجميل
أظرف ما في القصة،،
أنه عمك الأيام دي واقع ليك في angry birds و candy crush
يعني بنعوض في الفاتنا زمان، الكان فات وفات وسجكت وأم الصلص يعني الخواجات ديل ناس عجيبين، ياخد حاجاتنا بي شناتها ويصلحوها ويجهبزوها، ،
ما أم الصلص دي ياها الكركيت زاااااااااااتها...


ياجماعة شوفو لينا طريقة لمّة بتاعت سودانيات،
في السودان أو أبوظبيت:)
عشان أكون عملي بقترح بعد خمسة شهور..
يلا أدونا اقتراحاتكم ونشوف الزمن البناسب أغلب الناس متين

انا شخصيا بحبذ أبوظبيت، ما عمك كلكع والسفر ليهو صعععععععععب :(.
ونقول أخير بـأسرع فرصة، أصله ما ما معروف!
الأمانة تتسلم متين وعشانها بنقول ألحقو قبل ما تبقى...


وياريت في السودان..


:eek::eek::eek:
هآ زول إتا بي جدك

[بابكر مخير]

مع الكًبر القياس بيتضارب ومتقلب ممكن يكون لي الصالح وممكن يكون في الضد ودي حاجة محبطة وثقيله ذيهو...
كوكي، المقاس أولن تبادي بيكون عادي وممكن تجاوزه ودآ ما بفتكر حصري على الرجال بعني شوف كتير من الممثلات بتاعين هوليود يتحقنو بي بمواد طمعت لما ذبل وصغر وترهل....
العمر ليهو مقاس وهو عدد السنين، لمن تكبر يفضل حساب العمر بالأجيال يعني 60 سنة تقول عمره جيلين :eek:، مش ستيييييييييييييييييين سنة:mad:.
برضك للصغار بدل سنين ممكن تنحسب بالشهور، وليد لساتهو عشرة سنيين ما ينقال ليهو قاصر لأنه عمره بيكون 120 شهر...
شوف الحكاية دي وأثرها المحبط بالجد للزينا كدآ...
عمرك سبعين يعني 840 شهر، يعني 25200 يوم دآ على حساب أنه الشهر تلاتين يوم بس (الحترب دآك خليهو لأنه بيرفع الرقم والمقاس بينخفض:().. يعني 604800 ساعة أو نقول 36288000 دقيقة... "يعني لبيب دآك كان كم ثانية؟؟؟"
تعرف لو بالقياس دآ!!
القبة تبقى حبة والمحيط يبقة نقطة..
لي المعلومة وذي ما قلنا من قبل،، كل السوائل ولإفرازات من الجسم تبقى بالقطارة وممكن يوم تنعدم، إلا الدموع وما تقول ليا بس عشان جفاف العيون وكدآ:confused::confused::confused:
دآ الكًبر ينشف ذي ناس الإنقاص كل شئ، إلا الدمعة الحزينة تلازم وتبقى لاصقة في الكضوم.....

[بابكر مخير]

شوف بقآ قدر ما تتزاوغ من أمور حتمية مع الكُبر وتتحرفن عشان تتجنبها برضك، برضك..
الباقية لاقية.
تقول تشغل نفسك يعني ذيي كدآ، خوفتن من تبقى عليا قولة جدي بابكر، أكبر شغلة قلة الشغلة،،،
وقلة الشغلة وكترت الغلة لي راحة البال يا حبان، بتجيب الزهجة والعلة "العلة هي الدبرسة"..
عارف بعد قدر من الزمن والعمر بيقيف ليك معضلة في الإستمرار في العمل الحيكومي،، "معاش وعوارة وسخافة" وعشانها قمت لميت قرشين تلاتة وفتحت القهوة "المندولا" عشان أشغل نفسي بيها،،
أها لقيتها ظاااااااته بقت سبوبة للدبرسة وأنها ناخة بتسبب إحباط.
آها مش إحتمالية وحتمية وحقيقة الكُبر تؤم الدبرسة..
لا فك ولا فكاك ولا حل ولا فكرة حتى...
إهي إهي إهي إهي إهي إهي إهي إهي
:o:o:o:o

[ناصر يوسف]

شوف بقآ قدر ما تتزاوغ من أمور حتمية مع الكُبر وتتحرفن عشان تتجنبها برضك، برضك..
الباقية لاقية.
تقول تشغل نفسك يعني ذيي كدآ، خوفتن من تبقى عليا قولة جدي بابكر، أكبر شغلة قلة الشغلة،،،
وقلة الشغلة وكترت الغلة لي راحة البال يا حبان، بتجيب الزهجة والعلة "العلة هي الدبرسة"..
عارف بعد قدر من الزمن والعمر بيقيف ليك معضلة في الإستمرار في العمل الحيكومي،، "معاش وعوارة وسخافة" وعشانها قمت لميت قرشين تلاتة وفتحت القهوة "المندولا" عشان أشغل نفسي بيها،،
أها لقيتها ظاااااااته بقت سبوبة للدبرسة وأنها ناخة بتسبب إحباط.
آها مش إحتمالية وحتمية وحقيقة الكُبر تؤم الدبرسة..
لا فك ولا فكاك ولا حل ولا فكرة حتى...
إهي إهي إهي إهي إهي إهي إهي إهي
:o:o:o:o

عمنا وحبيبنا د. بابكر مخير

تحياتي وأشواقي

عيش لحظتك بس زي ما تجي تجي و الله المستعان

[بابكر مخير]

كما هو الحال مع تغيير الهرمونات بسبب مقنع مثل الكُبر أو غير مقنع لوصول سنة معينة حاله حال الإناث.
إلا أنه في الحالتيين بيسوق لحالة نفسية كئيبة وحالة جسدية غير قادرة وحالة مزاجية محبطة وحالة بت ستين الف كلب..
السيدة تلقها لساتها في صحتها وجمالها وتقوم تبدى تعرق دون حر أو سخونية وتسخن في عز الشتاء والبرودية،،،،
بيقولوا علامات الجنون "الذهان" أنه الزول ما بيبرد ودي تلاحظها في كثيرين من مصابي مرض الذهان، برآ من الواقع الفعلي خاااالص ولي درجة أنه في السقطوبة هم مفسخين وبرضك مسخنين...
يعني يا ربي لمن تكبر ولا الأناث لمن يجيهم دآ يكون ياهو الذهان وإحنا ما عارفيين،،،
يستر الستار من جنس دآ....
آها نرجع لي الهرمونات والكُبر،،،
الهرمونات مش بتجوط لكنها كمان بتتلاشى قدراتها وتتغير في تركيبتها، تشوف ليك زول عجوز (راجل) يعني تلقى كل أنشطة الهرمونات الذكورية نخت،، الصدر بعد فتوته يبقى ينافس البرتكان تدردما والشعر الأرجل بالكآد تجد سبيبة صامدة منهو..
والأدهش....
المساواة مع الإناث في موضوع "اليأس"..
تيأس من الحياة ما أصلك عارف ما في شيتن سمح رآجيك،،
تقول أبسطها وأبسط شئ، تطق حنك إن شاء الله بس،، النفس ما بيساعدك غير بي ثوان معدودات، تقول تتمشى وهن خطوتين والنفس يقوم وطبعن أوعك تحاول تجتهد في أن تقع في "إجهاد" لأنك!!
لو ياكآ؟؟
ال...
تعيش في الحالة دي وبقى تفيرك محصور في المنظور ومتين يحل ويحلك..
يأس شديد وربنا يغتيكم من الرآجيكم :cool::cool::cool::cool::cool:

[imported_فيصل سعد]

يديك العافية يا دوك يا حبوب،،
قال ليك :

قلوبا ما انشون
بنار غرامكن قمحن
و الله يكبرن
الكبروني و سمحن

و في رواية حديثة أخرى :

كبرنا و كبرت احزانا
و انتوا كبرتوا
و زدتو حلا :D:D:D:D

حلا و حمار،،،

[بابكر مخير]

الجلابة شكارين تُرب؛ "تورب"
قالها عميدنا عليه الرحمة يوسف بدري في تأبين صديق عمره إبراهيم قاسم، لإستفزاز الأطباء تكريم عمنا دكتور عبد الحليم محمد أو "دكتور حليم" كام كان محببا للقوارير بتسميته قبل وفاته ليكون تأبين...
الذكرني دآ شنهو والبربطه مع الكُبر شنهو...
"وقائع إعتقال واغتيال الشهيد على فضل !" في (الرآكوبة) وبقلم زهير السرآج...
توفي دكتور علي فضل رحمه الله وأسكنه مع الصديقين والشهداء، نتيجة نزيف داخلي جراء التعذيب في بيوت الأشباح.. وكانت قد التصقت به تهمة أنه أحد المدبرين الاساسيين للاضراب 1989..
كان هناك مجموعة أخرى من الأطباء ولكن كتب الله لهم أن نالوا ما هو فوق كفايتهم من تعذيب، إلا أنهم لم يصابو بنزيف داخلي وعاشوأ..
لا نذكرهم كل طارية وحاضرة أو شاردة، لكن من مات فقط هو من يذكر ويمدح ويجعل منه بطل..
دكتور سيد، دكتور مامون وغيرهم ممن خرج ونفد بجلده وممن بقآ في السودان ويعيش قدر الحال..
نعم لمن أستشهد منا كل العرفان ولكين كمان هناك عايشين وهموا لست أقل درجة...
الكُبر بخليك حقاني وحاجات كبيرة في ردودها وصغيرة للإختلاف حولها،،
بيركب شياطين الدنيا والفانية يتملكو رأسك...
لاحظ أنه قلتا شياطين الدنيا الحالية والفانية (الماضية) ليييييييييييييييه...
لأنه قدام بعد يوم الحساب إن شاء الله ملايكة وبس..
الشياطين ما عندهم مكان، إلا وليع حطب النار :(:(:(:(

[بابكر مخير]

والله لمن تشوف ناس عافيتك وأيم شبابك وهجيجك:eek: وهم ما شاء الله لساتهم آزكيين.
تفرح وتقوم تلعن شيطان الكُبر، تتنفض وتووووووووووشك على الحياة بفرحة ولو لي حين...
الجيلاني الواثقب، طبعن بيكون الجيل البعدنا وأذكر له عطائه معنا في الجمعية الوطنية ضد المخدرات...
راجل جميل وحلو المعشر وكريم وأخو أخوان..
ربنا يحفظه ويغتيه وينعم عليه بتمام الصحة...



https://www.youtube.com/watch?v=7g83pbRyDYU

[بابكر مخير]

شفتا بقآ، ديل بالكوم مع الثقيل دآ.
يعني لي درجة تكره روحك والحوالينك.
مافي شيتن بيعجب ولا يسر، خلقك في رأس خرتك، إن عطست بتروح وأظنه عشان كدآ مع الكُبر الناس العواجز ما بيعسطوا كتير لكن بتميزو بعلوم الفيزياء وشغل وعلم "ذرات" ساكت..
يا أخي غير دآ كمان من شدة ما تكره كل شئ، خليهو زول يساعدك ولا يسندك لو إتعترت بالله العظيم كأنه عزائيل مسكك، تتنفض وتهيج وتسب وتلعن وتسخط..
هو شنهو دآ...
والله زين ما قلتي يما:
(ما عايزين نضوقو
نضوق السمح نحن )


ودي الحالة...

https://www.youtube.com/watch?v=9o15In8h3Pk

[بابكر مخير]

تمر الأيام على البشر وهم مشلهتين في الحياة، تقول تتذكر فترة كدآ مرت عليك وإتا فيها فاضي من الهموم ولا ما عندك مشغولية أكان شيتن مستنيك تعمله ولا حتى إن عملته من البديهي ما بيكون إكتمل..
أمسك عندك دكتور جراح عمل العملية وخلصها،
آها؟؟ مش المريض محتاج رعاية وودكاترة دونك أو دونه من ناس ريجسترار ومديكل أوفيسر وهاوس مان ومترون وباشتمرجي وممرض بيحتاجو يرفعوا ليك التقارير عن حالته لمن خلاص يطب ويتعافى ولكن وييييييييين الراحة ما هو في مرضى تانين عملتا ليهم عمليات..
دآ طبعا خلاص الود بقى جراح وما إرتاح وقبلها برضك مااااااا في راحة،،،
قراية من الخلوة أو الروضة لييييييييين الجامعة شوف ليك جنس عصِّر والضحى وَاللَّيْلِ إِذَا سَجَىى°..
خليك من القرآ وشوية زنقة الحياة البتكون ليهو أخفآ من الحمالي..
ما هو ببتقال:
ذو العَقْلِ يَشْقَى فِيْ النَّعيم بِعَقْلِهِ                  وأَخُو الجَهَالَةِ فِيْ الشَّقَاوةِ يَنْعَمُ
لكن في الحقيقة دآ شقاته أعظم ويكون كمان وقع في أكثر محن الدساتير التي خلقها الإنسان وتزوج...
وذي دآ مشكلته ذي كتير من الناس تلقى الواحد لمن يكون مدبرس ولا مغلول بالمشاكل ، يقوم يفكها في الأكل،،، آها صاحبنا دآ بيفكها في شيتن تاني ويقوم يزيد الطينة بلة وبدل هو وشقية الحال اللفحها من بيت أبوها عشان تنعصر معاهو، يجيبوا عيال وديل ديمة تلقاهم من خمسة لي دستة شفع، ما هو باقية عليهو حكاية دآك البفكها في الأكل..
أها ديل طرفين متباعدين من أمثلة البشر الآخرين...
دآ كله ولساتهو ما دخل شلهتتت الثقيل دآ،،،
يعني حكاية ختامها مسك دي فنتازية وأبعد من الحقيقة...
وتزيد الأيام ويزيد شقاها...

[بابكر مخير]

بالله إتا ود فلان،
أنا وهو قرينا الجامعة سواى أو إشتغلنا في إجزخانة مستشفى بحري مع بعض أو كنا بنتلاقى دايمن في ندوات الجالية السودانية بلندن "لك القآري إختيار واحدة بس كمثال:rolleyes:"
ثم تلحقآ بي!! كيف هو حسي....
تعيش إتا عمي بابكر :(:(
وفضول "الكُبر" يتغلب عليك وطلاشة الجلآكين تسوقك
ردا وأريته تجاهلني: والله بس الكُبر..
آآآآآآآآآآآآآآآآآآآآآآآآآآآآآآآآآآآآآآآآخ
و"إن لَا تَسْأَلُوا عَنْ أَشْيَاءَ إِن تُبْدَ لَكُمْ تَسُؤْكُمْ"

https://www.youtube.com/watch?v=zlC_LGjgU7w

[بابكر مخير]

قالوا؛ لا يؤمن أحدكم إلا أن يحب لأخيه ما يحب لنفسه..
صلي وصوم،
ما تنوم وكل الليل قوم
ودآ ما بحلك.
إلا لمن تكبر وما تكون مكابر، أها بتجسد الإيمان في طباعك،،
أمس كنت في السوق، لا حول الله من "الثقيل" دآ... يجوط حنانك، الحصل أمس يروح منك والمفروض تعمله بكرآ تفتكر نفسك زماااااااااان أنجزته.
الكلام دآ حقيقتن كدي ليهو إسبوع وفي السوق وقفت العربية الإيجار "أقرع ونزهي، مرفود ومفلس وراكب عربية وإيجار كمان،، نان الكدآري دآ خلقوهو لي منهو :( .. الشاهد وزيادة في العنطسة قلتا أنضف سارة الناس ديل وجاني وكالعادة بيكون بنغالي! لا كان شاب وسيم ومع شغلانة الغسيل، كان نظيف وملمع. أمنته وطلبت منه أن ينضف العربية من دآخل وفيها كان القليل، الشحيح والضعيف من مغتنيات لكني أمنت الوليد (عمره 24 سنة)..
دآ الخلاني أفكر في الأيمان ومحبة الخير لي الأخو متل روحك،، ناس في السودان مرتاااااااااااااااااحين ومكرشين وشبعانيين وعاملين هم السنة وحماة الآحاديث، طبيقن وممارستن..
أهم وليدات حلويين وهم مستقبل البلد، مشتتين في العالم في مهن، صعب نقول عليها وضيعة لأنه كله رزق حلال، لكن أقل من مستواهم..
حاولت وقدر المستطاع أن أحب للوليد الخير كما أحبه لنفسي وسأسعى بكل قدرتي إن شاء الله لأجسد قيم الكُبر الحظني بيها المولى عز وجل...
لكن كدي سؤال،،
هل ممكن أصلن دي تبقى وأنه الإنسان بما فيهو من كل أخلاق وطباع وصفات؟!
أن يحب لأخيه كما يحب لنفسه..
أنا في رأيي :rolleyes::rolleyes::rolleyes:
دي صعبة كتيييييييييييييييييييييييييييييييييييييييييييييير :eek:

[بابكر مخير]

معهو
طبعن ما مبهم لأنه معروف هو منهو؟
ما "الثقيل" دآ، نان ماشي يكون منهو وللا شنهو...
قلنا القلب بيبقى أخف من دخان السجارة الحتجيب خبرنا دي...
خليك من الدموع الفي طرف العين تنزل بسهولة وخليك من الموية البتجري من المناخير بلزوجة..
معاهو بتجيب؟؟
جعري عدييييييييييييييل..
لكن برضك ما ديمة بكون نتيجة مبالغة جذورها "الكُبر" لأنه ممكن يكون سبب معقول ومقبول..
ودآ الخلاني أتنخج...

https://www.youtube.com/watch?v=eHiH1NytwjM

[بابكر مخير]

ما شاء الله (أمك وأبوك، الله يرحمهم) وخمسة أولاد (عليهو الرحمة شيخي قاسم مخير) وأختهم، ووليداتك وأمهم (أمها وأبوها الله يرحمهم) وأهلها وأخوانها كم بت وولد، وأهلك، خالاتك وخيلانك وعماتك وأعمامك (علي الأغلبية الرحمة إلا إتنين ربنا يديهم العافية) وأولادهم وخالاتها وأعمامها وعماتها وأخوالها..
دي سلسلة طويلة معانا إحنا كدآ ومع الأصغر لساتك جده من أبوهو ومن جهة أمه وحبوبته من جهة أموهو ومن جهة أبوهو.
إحنا سلسلتنا عااااااااااااامرة وواسعة بالأحفاد والحفيدات...
تصحى من الصباح التلفون خليهو حتى لو ما رنا، يضربك هاجس أنه بيرن وتبدى الرجفة والخوفة، أرفعه ولا لآ..
أنا مدي بنياتي تعليمات واضحة وصريحة، ما في تلفون قبل ما أتصل وإن خلاااااااااااص زنقت معاهن.
أول ما أرد على التلفون هن يضحكن قبل قولة أيتها كلمة لزوم التهدئة لأحاسيسسي ومشاعري التي من الضروري بتكون متطربة ومرتعشة ورآجفة...
يعني بالله إتصور غير الهيلمانة دي وشجرة التبلدياية الهيا عايلتك وأهلك وقبايلك (تعرف سعداء الأبوهم ود عم أمهم وفي نفس الوكت ولاد خالات ما ديل دايرتهم منحصرة) حكاية قبايلك دي أنا طبعن، شئ زيادية ورباطاب وتعايشة وترك، مان :p خليها علي الله:(..
قول بعد ديل كلهم ربنا يحفظ الأحياء ويرحم السابونا، يجي بند الصداقة "خليها كدآ شاملة ولامة :o:o:o"
آها إتصور دي الحالة على قلب وهن وضعف، يعني في اليوم لو وزع إهتماماته علي البشر ديل ال 86400 ثانية في اليوم ما بتكفي...
اليوم لقيت بروفايل أخوي في الواتس متغير،،
أمسك شوف الحسابات، شنهو يا ربي حاصل وعشان كدآ اليوم الي آآآآآآآخر الليل ما حادخل لا وتس ولا فيس وتشات من آيتها نوع...
ما ما معروف القدر مخبي شنهو :mad::mad::mad:

[imported_فيصل سعد]

و الله يا دوك يا ابن العم.. بعد السلام و التحية و الاحترام كاملا غير منقوصا :

انا شايف موضوع البوست خرج عن الكبر،، و دخل في دهاليز أخرى غميسة :D:D

نواصل،، ولا نفرمل :p:p

[بابكر مخير]

و الله يا دوك يا ابن العم.. بعد السلام و التحية و الاحترام كاملا غير منقوصا :

انا شايف موضوع البوست خرج عن الكبر،، و دخل في دهاليز أخرى غميسة :D:D

نواصل،، ولا نفرمل :p:p

الحسيب النسيب
الغريبة راجعت أغلب ردودي هنانا وما شايفها طلعت عن موضوع "الثقيل" دآ،،،
وظنيتها دي واحدة من حق الكُبر، حك الحاجة لمن تقرب أو فعلن تجيب الدم...
يمكن في فيديوهات هنا وهناك والقصد منها الإستشهاد عن الحالة...
لكن على رأيك لو بدينا نتهو في دهاليز تانية غميسة ولا حتى سطحية، يبقى وصلنا أوآخر مراحل الكُبر وأخير بعد دآ نلازم السجادة والسرير ونعمل "بريك" وبس نرجى المرجية...
:cool:

[imported_فيصل سعد]

الحسيب النسيب
الغريبة راجعت أغلب ردودي هنانا وما شايفها طلعت عن موضوع "الثقيل" دآ،،،
وظنيتها دي واحدة من حق الكُبر، حك الحاجة لمن تقرب أو فعلن تجيب الدم...
يمكن في فيديوهات هنا وهناك والقصد منها الإستشهاد عن الحالة...
لكن على رأيك لو بدينا نتهو في دهاليز تانية غميسة ولا حتى سطحية، يبقى وصلنا أوآخر مراحل الكُبر وأخير بعد دآ نلازم السجادة والسرير ونعمل "بريك" وبس نرجى المرجية...
:cool:

ههههههههههها
عمر مديد أن شاء الله..

[imported_فيصل سعد]

ما هو الفرق بين الحبرتجي و الحريف؟؟

[بابكر مخير]

ما هو الفرق بين الحبرتجي و الحريف؟؟
سألت نفسي وإحترت
يا ربي
القصد الإمعان في دخول الدهاليز
نتناول الفرق بين الإتنين..
ولا إشارة أنه البوست يتراوح بين الإتنين..
ونبقى أخير نفرمل..
:confused::confused::confused:

[imported_فيصل سعد]

سألت نفسي وإحترت
يا ربي
القصد الإمعان في دخول الدهاليز
نتناول الفرق بين الإتنين..
ولا إشارة أنه البوست يتراوح بين الإتنين..
ونبقى أخير نفرمل..
:confused::confused::confused:

فالك طيب يا الحبيب،، اطرد الهواجس مافي دهاليز ولا لغاويس، :D:D
سؤال عابر بس.. ما تفرمل يا دوك،، سير ببوستك الى ما تشتهي و نحن لك متابعون..

[بابكر مخير]

ما هو الفرق بين الحبرتجي و الحريف؟؟

شوف بقآ ما دا دام كدآ وضح القصد وبان المستخبى،،
نقول:
الحبرتجي، ممكن من أصل الكلمة حبر وتجي دي ياها البنعرفها ظاتها من جاء، يجىء، جات جينا وإتا "تجي"...
يعني الحبر جآ،،
طيب الحبر معناها في ظاتها شنهو..
ممكن يابا تكون من البيكتبو بيهو دآ وهو إظهار، ما الحبر ليهو لون، أحمر، أخضر، أزرق وأسود وهلما جرآ..
وكذلكم الحبر وفي الصحاح في اللغة
قال أبو زيد: الحَبَرْكى: القُرَادُ. والأنثى حَبَرْكاة. قال أبو عُمَر الجرميّ: قد جعل بعضهم الألف في حَبَرْكى للتأنيث فلم يصرفْه، وربَّما شبِّه به """الرجل الغليظ الطويل الظهر القصير الرجلين. وتصغيره حُبَيْرِكٌ""""....
وفي الحالتيين أكان حبر الكتابة إن كان الزول الغليظ كلاهما يلاحظ وتبقى ربما ربط الزول البيكون كدآ ولمن يكون موجود في مكان ولا وسط الناس بيلاحظ من أفعاله أو أقواله وتكون ديمة لأمر في نفسه بيبقى "الحبرتجي" وتقال تحذيرا بأنه جآ. من الأقوال التحذيرية بتنقال في مثل الحالات دي؟؟
غتن رسينكن يا بنات ،،،، حال حضور شخص كبير..
آهاااااااااااا الحريف دي ما عايزة درس عصر، كلمة واااااااضحة وهي جآية من الحرفة أو المهنة وتطلق على الزول البيجيد مهنته عكس الحبرتجي الذي يكون حضوره غير مرغوب وإلا لما حذر عن تواجده...
يعني ذي قصة هجرتنا الحسي دي!!!
الهاجرو مننا تلقآ فيهم كم حريف وسببهم وإذا تنوع برضك بين الإتنين ديل،،،،
إما لمال مرغوب أو لحكام مرهوب...
لكن تلقآ حتى بين الحرفاء كذلك حبرتجية وإلا لما أستمرت حكومة الإنقاذ لين يومنا دآ...
في واحد ظريف في أف أم سكاي نيوز العربية بيقدم معلومات عن الطقس، أها بعد ما يقول ليك درجة الحرارة في الزمان والمكان وفي الساعة واللحظة والحين كمها...
يقول ليك؛ والله أعلم...
حسي دحن بستعير منه العبارة وأقول:
والله أعلم :cool::cool::cool::cool:

[بابكر مخير]

الذاكرة والكُبر...
الناس لمن تنسى كتير يقولوا ليك إتا خرفتا... وطبعن الإتنين ما هم نفس الشئ، ،
الذاكرة مع الكُبر أكيد بتضعف والقصة وما فيها لزوم للتوضيح،
نمسك الكمبيوتر الهو في الأصل جهاز نسميه أو نقول مكنة مع الصيانة والعناية وفي بعض الأحيان تجديد لي قطع منه يعيش ليك ليييييييين سلك سلك ومهما قدم برضك واجباته بقوم بيها على أحسن وجه لكن الزول لمن يكبر الهارد وير بتاعه بيتأثر والدآتاستور بتمسح ومع دآ كلهو والقيل والإنقال في إمكانية الكومبيوتر ما البقاء برضك بيضربه كرآش وتنكرش الدآتا من إستورها ويبقآ؟؟
أخير منه زولن قدري كدي...
وبس للعلم الخرف ما هو نسيان الكُبر لأنه هو مرض تتضرر فيه الوظائف الادراكية (القدرة على التفكير) والعقلية (الوظائف العاطفية والسلوكية) والمبكر والأخطر هو؟؟؟؟
خرف في عنفوان الخريف..
وخروفي يا خروف ;););)

__________
الحسيب النسيب، مش برضك أنا "خرييييييييييييف"
:cool::cool::cool::cool::cool::cool:

[imported_فيصل سعد]

خريف بس،، انت دنجوان زمانك يا كمندان يا حبوب،، يديك العافية.. قال ليك من جاور السعيد يسعد،، و الظاهر الحلويات الحوالينك جوار الماندولا غمرتنا بالسعادة، كما غمرتنا انت بالكرم و البشاشة..

واصل..

[بابكر مخير]

التفاؤل والتشأئم
بيقولوا في حال حاجتين هم نقيض، أنه دآ في القطب الجنوبي والتاني كأنه في القطب الشمالي، أهآ الإتنين ديل ينطبق عليهم الحال دآ وبقدر المقياس إتنينتهم؛ الكُبر والشباب...
الشباب هم التفاؤل بكل المعنى والكُبر هو التشائم بما لهذه الكلمة من معاني..
ديك بما يمكن أن يكون ليهم قدام يحملوا جبير التفاؤل وناس إحنا بما ينتظرنا من حال نجسد معنى التشائم...
هم وهموم، نكد وزهج، فتر وفتور..
حال غايتهو ما بيعرفها إلا العايشها،،
قالوا: التشائم هو التفكير السلبي. حالة نفسية تقوم على اليأس وإدرآك أنه كل غلط وما في طريقة تتصلح وديمة تشوف نص الكبآية الفاضي ذي الخشم من السنون والرأس بدون شعر والركب بدون ثبات والبطن دون كنترول...
وقالوا التفاؤل أنك تستنى بآكر وتفرح بالفرح وتتحسس الجمال وترجى اللقاء...
بالله عليك ناس إحنا ديل تشيل هم بآكر ما هو يوم بيقربك من "دآك" وعارف أنه يوم ناقص منك وغبيان من البيكون رآجيك ومآك داريان بي شنهو البيحصل ليك...
ياهو إلا تقول: حالة أخير منها :confused::confused::confused:

[بابكر مخير]

وأنا بقراء في أخوتنا "الراكوبة" في كتابات الأستاذ الساخر الفاتح، لقيت كلمات لي عمر البشير وبنزل نصها؛
(القطط السمان البمصوا دم الشعب السوداني بندخلهم جحورهم و نقول للناس البتاجروا في الازمات ويحاولوا يمصوا دم الشعب السوداني بدينا اجراءت اولية ولو ما جابت نتيجة عندنا دواء تاني) !
ما القصد من تنزيل الكلام دآ، تأكيد عدم صدق البشير وإثبات التأكد في حقيقة وصف شوقي بدري ليهو بأنه كذاب..
أبدن والقصة ما فيها أنه الزول دآ في العمر بيكون دفعة أكبر أصغر في كل الحالات "وصمة" لكني سواء رضيت أنا ولا أبيت هناك تقارب في المخاطبة،،،
كلمات متداخلة بين العامية والفصحى،،، لكن أنا كمان للحق بكتب وسط أسرتي وما ذيهو بخاطب بيها بيانن جهارن جماهير مغلوبة على أمرها بي رئيسن متله...
بتذكر زمان نميري عليه رحمة الله "ما هو العاش مصيبة الإنقاذ تطعم بتلذذ عنده مايو ومن شرف من حتى ولو كان أفخر أنواع (ويسكي) المؤتمر الوطني، عاودتهو فتريتت الإتحاد الإشتراكي بطعم مريستن قرآح". كانت الوالدة الله يرحمها لمن يكون في خطاب المكاشفة الكان عامله النميري، حتى لو شنهو دآك ما بتفوتهو، تسمعه بتلذذ ومع المقاطعة بأن تردد كلمات تهكمية مثيرة لغيظ من حولها ::: "هي حلاتك يابا" "لكن ما عات كلام" وتلحق التعليقات دي بي ضحكة لتزيد من إثارت الوالد وتهيج أحاسيه لينتفض مشمرا يد الجلابية "جناح أم جكو" ويمشي حديقتة الصغيرة ويغرقها بالموية... "وكما ذكرت في بوست بين أمي وأبوي، أنه كان بيناتهم علاقة فوق العادة في المحبة والصداقة"
كان الله يرحمه كثيرا ما فاز بجائزة حدائق المنازل الحكومية في معرض الزهور السنوي في الخرطوم.....

فاقدي البصر بيستعينو بكلاب مدربة للسياقةفي الشارع أو حتى خدمات منزلية بسيطة،،،،
دحن الواحد عايش ليهو كلبن يرجعه لي الموضوع الإبتداهو .
والله غايتهو الكُبر دآ عايز ليهو كلبن ناصح...


هو الموضوع كان شنهو :eek:

[imported_فيصل سعد]

والله غايتهو الكُبر دآ عايز ليهو كلبن ناصح...


هو الموضوع كان شنهو :eek:

الموضوع الأساسي كان انت بتقرا في الراكوبة،، و الموضوع الفرعي كان عن جدلية كيف يسمح سيد صادق لأولاده يشتغلوا مع هذا النظام!!!

ارقد عافية..

[بابكر مخير]

الموضوع الأساسي كان انت بتقرا في الراكوبة،، و الموضوع الفرعي كان عن جدلية كيف يسمح سيد صادق لأولاده يشتغلوا مع هذا النظام!!!

ارقد عافية..
تعرف يا الحبوب
سد خليفة طبعن ما هو إسمه الحقيقي،،
طبعن هو ود شيوخ ولمن الله أنعم الناس بيهو كفنان ممتع وجميل ومميز، ما لقى إلا أنه يغير ويستعمل الإسم دآ....
حبيبنا ود السني برضك ما إسمه لكن مراعاة لأهله حتى ما يزعلهم، سمى نفسه كدآ...
حسي وليدات سيدي لو كان عملوا كدآ مش كانو بعدونا عن الجدلية،،،
إتا من هي مريم المجدلية؟
-----------------------

بمناسبة الفنان سيد خليفة هآك دي وعلى مسئولية ;)

https://www.youtube.com/watch?v=awsvaqW-TNs

[imported_فيصل سعد]

إتا من هي مريم المجدلية؟


دي بقا يا دوك يا ابن العم يا حبوب تسأل منها ابو رحيق مباشرة :D:D و أعتقد قرت معاهو الثانوي زمان، أو زاملته في معهد الموسيقى و المسرح،، و لو ما حصل على أسوأ الفروض،، قطع شك بتكون صادفته و طرطقت اضنينو :D:D

ضيعتني مريم أخرى
سنينا في انتظار المجدلية
اه لو تأتين من عميق الموج
من صلب المياه
كالرحيل كالترقب
و انتظار المستحيل...

[بابكر مخير]

اه لو تأتين من عميق الموج
من صلب المياه
.


ما هو كله جاء من موج دافق
ومن صلب رجل واثق


كالرحيل كالترقب
و انتظار المستحيل...

والرحيل أصلن أمرن واقع
أما الإنتظار فهو ضرب من الأمل. يا صايب يا خايب

وتبقى المجدلية قصتها برااااااااااااااها :D

____________
لكن مش قصة المجدلية دي قريبة من قصة الإمرأة بتاعت جهينة الجات للرسول عليه الصلاة والسلام معترفة بإثمها وطالبت إقامة الحد عليها، إلا أن الرسول (صلعم) طلب من وليها رعايتها..
والمجدلية "امْرَأَةٌ فِي الْمَدِينَةِ كَانَتْ خَاطِئَةً" (لوقا 7: 37) لكنها كذلك كانت قديسة وهي المرأة التي أنقذها المسيح من الرجم بعد أن أمسكت في ذات الفعل (يوحنا 8: 1-11)... كما يقال عنها "حاملة الطيب" والمقصود حاملة جسد نبي الله عيسى مع إمرأتين أخريين...
شوف بالله الأنبياء والرسل حملة رسائل المولى عز وجل لينا كانوا يحموا حتى نساء متل ديل نحن الناس السااااااااااااااااااهي ديل بس نشيل حسهن...
لكن ما بنوا بشر بيعملوا بي قصة؛ "ولا تقربوا الصلاة"....

[ناصر يوسف]

دي بقا يا دوك يا ابن العم يا حبوب تسأل منها ابو رحيق مباشرة :D:D و أعتقد قرت معاهو الثانوي زمان، أو زاملته في معهد الموسيقى و المسرح،، و لو ما حصل على أسوأ الفروض،، قطع شك بتكون صادفته و طرطقت اضنينو :D:D

ضيعتني مريم أخرى
سنينا في انتظار المجدلية
اه لو تأتين من عميق الموج
من صلب المياه
كالرحيل كالترقب
و انتظار المستحيل...

لعل شاعرنا محمد عبد الله شمو قد إستقي جزءاً من قصة مريم المجدلية و مريم الأخري كما جاء في الإنجيل ( وهذه يفتينا فيها الحبيب المقدس رأفت ميلاد )

نص الأغنية البديعة:


مــريم الأخــــرى

الشاعر/ محمد عبد الله شمو


هاهيَّ الأرض تغطت بالتعب والبحارُ أتخذت شكل الفراغ

وأنا مقياس رسمٍ للتواصل والرحيل

وأنا الآنَ الترقبُ وانتظار المستحيل

انجبتني مريم الاخرى قطاراً وحقيبة

ارضعتني مريمُ الأخرى قوافي

ثم أهدتني المنافي

هكذا قد خبّروني ثم قالوا لي ترجل



ثم أنتِ

أنتِ يا كلُ المحاورِ

والدوائر

يا حكاياتُ الصبا

تحفظين السر والمجد الذي ما بين نهديك اختبأ

ليس يعنيكِ الذي قد ضاع من عمري هبأ

وأنا صغيرتي لستُ أدري ما الذي يدفعني دفعاً اليكْ

ما الذي يجعلني أبدو حزيناً حين أرتاد التسكع في مراي وجنتيكّ

لا عليكْ

تشهدُ الآن السفوح المطمئنه

نحن قاتلنا سنيناً وأقتتلنا

نحنُ سجّلنا التآلف وإنفعالات الأجنه

واحتوانا البحرُ والمد اليقاوم والشراع

ياهذه البنتُ التي تمتدُ في ديناي سهلاً وربوعاً وبقاع

ما الذي قد صبّ في عينيكِ شيئاً من تراجيديا الصراع

والمدى يمتدُّ وجداً عابراً هذي المدينه

خبّريني ... هل أنا ابدو حزينا

هل أنا القاتل والمقتول حيناً والرهينه؟

هل أنا البحرُ الذي لا يأمن الآن السفينه؟

خبئيني بين جدران المسام

قبليني مرة في كل عام

فأنا احتاجُ أن القاكِ في كل عام

وأنا أحتاجُ أن القاكِ في ذرات جسمي

في الشرايين المليئةِ بانقلاباتِ المزاج

في إنعكاسِ الضوءِ

في النافذةِ الاولى وبلّور الزجاج

هكذا قد خبّروني ثم قالو ترجلْ

وعلى اطروحة الحلم المسافر التقيك

على حمى الرحيل المستمر الآن في كل المواطن التقيك

في مساحات التوهج ... في جبيني التقيك

في انشطار الوقت في كل الذرى

وفي حكايات الطفولةِ إذ يعودُ بنا الزمانُ القهقري

آه لو تاتينَ يا سيدتي من كل فجٍ واتجاه

من عميقِ الموجِ

من صُلبِ المياه

تستطعين التنقّلَ بين ارجائي وظلّي

تستطعين التوهجَ عند لحظات التجلي

ولعينيكِ إمتلاكُ وثائقي حتما وقلبي

ولعينيك التنصلُ عن مواثيقي ودربي هكذا قد خبروني ثم قالوا لي ترجل

[بابكر مخير]

لعل شاعرنا محمد عبد الله شمو قد إستقي جزءاً من قصة مريم المجدلية و مريم الأخري كما جاء في الإنجيل ( وهذه يفتينا فيها الحبيب المقدس رأفت ميلاد )


دايمن جميل
وديمة إتا الحبيب

:cool::cool::cool::cool::cool:

[ناصر يوسف]

دايمن جميل
وديمة إتا الحبيب

:cool::cool::cool::cool::cool:

تسلم يا غالي

[بابكر مخير]

في هذه الحياة،
كان ليا محاولات.
طفولة ما غاب منها عنصر الشقاوة وشباب فيهو كم من النشاط ومنتصف العمر لا يخلو من العطاء والكِبر (ما الثقيل الكُبر دآ) حصدت فيه ما زرعت أيام زمان "يعني قصدي أكاديما"..
كل هذه الحقب أعتز بها ولكن جاء الكُبر ومكنني من إنجاز أمر حقيقتن لو لا أنتم لما تم...
يا أخي بعد ما نحذف مشاركاتي أنا "طبعن غير التبويبات" يعني مداخلات..
أكون قد وصلت لقرابة ال 1300 مشاركة وإطلاع منكم في هذا البوست..
لكم جزيل شكري لأنكم حققتم ليا منآي في أن أحصل ولو مرة على تقدير...
حفظكم الله..
ويا الحبيب النسيب لو إتا ما رجعت وإتداخلت والله بزعل..
حبي للجميع

[حسين عبدالجليل]

عزيزنا بابكر , هاك دي حتي يأتي فيصل سعد من استراحته القصيرة !

هذا الفيديو ل رجل من اصول هندية/سيخي يكمل سباق المارثون و عمره مائة و واحد عام .

الزول دا بدأ ممارسة رياضة الركض في عمر 89 وذلك بعد و فاة زوجته و اصابته بالاكتئاب . غني عن القول بأنه عالج نفسه من مرض الاكتئاب بواسطة الركض .

انا معلق صورته في مكتبي عشان كل مااكسل في عمل شيئ اعاين له و اخجل من نفسي .




http://www.youtube.com/watch?v=gCY0Xx92YvQ

[بابكر مخير]

[QUOTE=حسين عبدالجليل;543249]عزيزنا بابكر , هاك دي حتي يأتي فيصل سعد من استراحته القصيرة !

هذا الفيديو ل رجل من اصول هندية/سيخي يكمل سباق المارثون و عمره مائة و واحد عام .

الزول دا بدأ ممارسة رياضة الركض في عمر 89 وذلك بعد و فاة زوجته و اصابته بالاكتئاب . غني عن القول بأنه عالج نفسه من مرض الاكتئاب بواسطة الركض .

انا معلق صورته في مكتبي عشان كل مااكسل في عمل شيئ اعاين له و اخجل من نفسي .

[/COLOR][/SIZE]

أبو علي يابا،
أولن شكرا يابا على الطلة وتانية على التحفيز وثالثا على عشمك في أنه الواحد برضك ينشحن أمل وتفاؤل.
لكن يا الحبيب! هيهات فالطاقة ولت، مكانها مصائب حلت والقدرة صعبت حتى في مجالاتن غير الجري سقمت (كانن وكنا) وخليك على الله والطابق مستور...
كنت شغال (غايتهو حكاية كنت دي قرادة الكُبر، لاصقة فيهو، كل شي في الماضي) في المختبر الجنائي وعلى شاكلة تخت تعويذتك، أنا كنت طوالي في مناكفات مع زملائي في المختبر وعليه كانت "اكرموا عزيز قوم ذل"، أهآ في يوم وعندي قضية شغال فيها ونائب مدير الشرطة عندو بيها رابط جاني في مكتبي عشان يطلب الإستعجال في النتيجة.. وقااااااااااااااااااف وعاين للصورة وصفق يدينه وقال مؤشرا:
بالمتل....
فهمت قصده ووعدته بأن صورة من النتيجة حتكون في مكتبة قبل نهاية العمل وقد تم...

[بابكر مخير]

واحدة من أمراض الكُبر غير العضوية والجسدية هي (الغشة في الروح).
تفتكر أنك تملكت مفاتيح خزائن الفهم وبمقدرتك حل طلاسم الفيزياء والكمياء والأحياء منها والأموات.
تشعر بأنه بوصولك لهذه المرحلة التعيسة من عمر أيتها إنسان فهو أو أنت عالم أعلم العلم وكل الفهم. كلامك لابدن يكون ديمة هو الصآح (مع أنه طربقت خرف لا أكتر ولا أقل) وحديثك إفتاء وحتى كحتك إعجاز...
من هذا المنطلق وبحقي أنا العجوز دآ الضرب في العمر عدد وفي الكِبر مدد بالتجارب. ما هو لو لك شهر عرفت شئ ولساتك متذكر منه تلت "حكاية التلت دي معصكنا بيا، أصله مكافاءة خدمتي كانت تلت أساس الراتب يعني خلصت ليها كدآ بحفنة ضئيلة والحمد لله وقدم ما ندم" فإتا بتكون بقيت ويكيبديا عدييييييييل كدي وصاحب الحل والربط، ذو الرأي السديد الي مدي بعيد...
كنتا عايز أتناول موضوع لكن بما أنه ولأنه وحسب ظني أنه في ناس لا ناقة لهم ولا جمل في ما أردت الحديث عنه (يعني الولد خلاص "سآخر سبيل"، بينقري ليهو:().
ما علينا بس العايز أقوله...
رمضان كريم..
من أظرف الأمور أنه بينقال: في رمضان الشياطين بتنمسك...
عدييييييييييييييييييييل كدآ البيغيب عننا أخاف أقول أنه إتمسك....
يا عالم ألعنوا الشيطان في هذا الشهر المبارك وأهدو وروقو المنقة..
محبة في تواصلكم وريدة في لمتكم والله يديم ليكم ولينا "سودانيات ديار خلودي الخالدة"

[imported_فيصل سعد]

يا الحبيب :

قال ليك :

كل يوم يا جميل
انا ليك بالمرصاد
انا ودعي ما حمد
و الشرك ما صاد

عرفنا الشرك و النبلة و القلوبية،، المرصاد دا شنو؟؟ :D:D ما حضرنا زمنو و كدا!! بس اوعى يكون مسدس أو بندقية خرتوش :D:D

يديك العافية..

[بابكر مخير]

المرصاد دا شنو؟؟

لمن سوداني يقول ليك: يا سوداني.
أكيد فيها قصة وليها معنى، ما قال ليك: العنسيد بدقهو بي جلدهو..
يقال: وقف ليهو بالمرصاد وتفسيرها ممكن بحسن النية بمعنى يرعاهو ويراقبهو حتى لا يقع في أمرن محظور "تعاطي مخدرات" أو خلقن غير قويم "أقول ولا أسكت" أو إنجراف في تيار الجريمة "دي هينية مش كدآ". ودي لينا إحنا وخاصة لمن سوداني يقول ليك دآ ولا دي ولا هي ولا هو ولا إتا ولا إتوا ولا هوم...
أكيييييييييييييييييييييييييييييد الشئ الممكن التاني يعني غير حسن النية...
يكون الوقوف بالمرصاد للترصد والترقب لموعد لشماتة وكذلك الترصد للوقف أمام كل فرص النجاح لؤدها حتى ولو كانت في حدها الأدنى............
إتا يا الحبيب النسيب، لييييييه إحنا كدآ...
يكون التشائم والحسد والكُره هو كروموزمات المكون الأساسي للحمضنا الوراثي ..
ظنيتهو كدي :(:(
وقع ليك "المرصاد" يابا...
فأنه إنطلاقن من حقيقتنا هذه وتشائمنا الدائم. فالكلمة من شقين ولا يغيب على فطنة أيتها سوداني ...
المر؛ ودآ معروووووووووووف إن مر مذاق أو خلق أو طبع
صاد؛ من الممارسة الرياضية (شغل خواجات بيقولوا لي الصيد رياضة حتى لو كان ذي الفي الفيلم المرعب دآك بتاع صيد البشر)..
آها فالكلمة في معناها دآ بمثابة التجسيد الأكبر للذات السودانية..
المُر صآد :eek::eek::eek::eek:

[بابكر مخير]

قبل فترة (ذي كم سنة كدآ) وفي أيام لسة تداعب الستينات ما بصدد تغلبها وتهزما لكن بس أنك راغب (negotiate) بالله الكلمة دي من كتاب الإنجليزي الزماااااااااااااااااااااااان دآك والواحد متأكد أنها تفاوض ما بين البشر يعني شغل سفراء وساسة. لكن الإنجليز غدرونا وبيستعملوها للتفاوض مع اللآ شئ.(يعني الجماد). لاعب كرة القدم negotiate مع الكورة ولاعب الإسنوكر برضك negotiate...
ما علينا نرجع لي الموضوع قبل ما يتلاشى ذي دخان الشيشة الحسي بسحب فيها...
زمان كان الواحد في العمر دآك، ينزعج لمن يعامل ذي عجوز وعاجز،، ناس يا حاج ديك كان إن ليك تخنق زمارة حلقهم والأسخف في حينها البعض يقيف ليك من الكرسي عشان إتا كبير وأحسن تقعد قبل تدق الدلجة (إحنا بقول الدلجة للأرض اخالية من علامات الحياة أو للواطة.. ما إحنا عرب مستعربة. لكن الكلمة ما بربطها بالأرض أو الواطة إمكن إلا عملية السير لأنهو هي؛ سير الليل ودآ غير معاني تانية)
قال ليك يا ستي ويا سيدي..
الآن تفرح وترضى وتشكر أنه الناس تعاملك ومش عجوز ولا عاجز بس! أكتر لو كان في طريقة وتسعد لمن تقراء؛ هذا المكان مخصص لكبار السن وتشّنف أذنك قولة: senior citizen. أول أمس تمتعت بهذه النعمة لمن مشيت اللولو هيبر ماركت والدنيا يوم الحشد العظيم، ما الشراية لي رمضان لقيت خانة دفع وفاااااااااااضية لأنه مكتوب فيها؛ أصحاب الهمم والحوامل ومن هموا فوق الستين، أبو الزفت ظاتهو..
لو ما كنتا في عمري دآ؟؟
ظنيتني كنت لي حسي في الصف....

[بابكر مخير]

واللهي إرتاحت...دي كان مختارة من حديث تلفوني بين الوالدة وشقيقتها حين أخبرتها بوفاة أختهن..
كانت هي مريضة ولم تحظ ببذورة في زواجها الذي إستمر أكثر من أربعين عام ورغم طيبتها إلا أنها كانت دوما غير مرتاحة...
هل فعلن هي إرتاحت أم الوالدة كانت غير مرتاحة وتشوف في المشية؟! راحة.
ليييه القصة دي حسي؟
أكون مع الكُبر إنتابني نفس الشعور أم لأسباب أخرى؟؟؟
الفاتوأ.. إرتاحوأ......
واللهي بخته الما حضر الزمن دآ..
برضها أقوال بتنقال...
الفاتوا ما عايشين المعاناة دي لأنه وكتهم سواء الديمقراطيات الفاتن ولا نوفمبر ولا مايو ما كانو كدي..
المشوا إرتاحوا....
وكذلك محظوظ الذي قضى مع بداية حكم الكيزآن فهو ذهب قبل أن يشوف نجوم القايلة وقبل تشرق شمس السماء في وكتن واحد...

http://sudanyat.org/vb/attachment.php?attachmentid=1329&stc=1&d=1526721822

[بابكر مخير]

النبيشة
كلمة من الزمن الماضي، يعني قديمة وكل القديم تلقاهو كان حاضر ناس إحنا ديل.
طيب اي ناس حسي هي قريبة من النِقة بس دي يعني في كل شئ، غير محددة الأغراض ولا المواصفات...
أيتها زول وأي فعل ومهما من عمل تكون فيهو negative عدييييييييييييل يعني قولة سلبي خفيفة . ما هو موجب وسالب والسالب ما بيكره لكن الموجب بيلحق الزول أُمات طه..
النبيشة هي موجب لأنه ليها وقع قوي وما ممكن تكون سالب إلا لو قلنا سالبة في سالبة..
ذي حكاية سالب ضرب سالب يساوي موجب.
شوف مع الكُبر، لا بيعجب العجب ولا الصيام في رجب
عبس الوجه
ظهور تعابير الإشمئزاز بصورة دائمة
النقد والإنتقاد:
للنسمة إن هبت
للطفل الصغير إن ضحك
للفاتنة لو في مشيتها تغنجت
لكباية "عصير" باااااااااااااردة إن عرقها من برآ يتصبب
للجمال لو سفر
حتى أقول ليك يمكن لو شاف بت ترامب يقول ليك تشبه السحاحير...
عجبي منه "الثقيل" دآ..
به وعندهو وليهو وفيهو؟؟
كل المقاييس شترآ..
يا أخونا والله بس أشوف "آشتر" :cool::cool::cool::cool:

[بابكر مخير]

دراب
شلاليت
والطربقة الغير محلها...
مع الكُبر ديل تيمان، لزوماً لزاماً..
يعني لو ما كدي، حسي لزومها شنهو المداخلة بتاعت الإقتباسات بتاعتي في بوست جيلينا الجميل..
غايتهو إلا عشان نجملها ليهو الجميل ولي ولدنا عبدو منصور نقول أنها شلاقة وتحشري...
لكن برضك ما ننسى حقيقة أنها ريدة...
ذي ما قلنا توابع الكُبر الحتمية؟
التقل في السمع، اها تلقى ناس تتكلم في موضوع يخصها وعشان يؤكدوا عليه ختم السرية يقوموا يستعملوا تعابير هم ملمين بيها وكودات خاصة وتحديدين الموضوع دآ بيمارسهو الشباب لمن تكون في حضرتهم شخصية (هلامية) ...
وحكاية هلامية (مَادَّةٌ هُلاَمِيَّةٌ : جِيلاَتِينِيَّةٌ..منقولة من المعاني) دي جسدوها الأحباء الراحلين من دنيانا وباقيين في قلوبنا (عبد الله محمد زين والتجاني حسون) أصحاب قصة:
زولك دآ؛ هو يرجف والجلي يرجف، جننو الملعقة جن...
اها يا شباب يقوم زولن "الهو دفعة" ينط ليهم ويتطاطر ويتحشر ويقحم نفسه عنوة في ما ليخصه من أصله ...
القارئ الكريم لابدن لاحظ التمكن من اللغة العربية :)...
نشوفكم إن الله مد فيها، تاني مرة و"الشروق مرا من هنا":cool::cool::cool::cool:

[بابكر مخير]

فلا تلومو درديريهم المدردر والمدودر في دروب ودوائر شتارتهم ...
تحياتي
وزول الله كلامو صح ... وليس بعد الشتارة ذنب

نعمي
رمضان كريم...
أيام الوالدة الله يرحمها؛ كانت في رمضان ديمة تقول: أريتك صيام السنة كلها...
ما البيحصل؟؟
وأنا ديمة كانت بتوصفني بأني قليل الكلام والمشاركة "يعني لا شمارات ولا نقل كلمات"، اهآ لمن كنت أيامها أكون صيام،بكتر كلامي ويغلب عليه طابع "الطربقة والهترشة" وسبحان الله تكون بشوش.
أنا يتخيل ليا الجوع والعطش ليهم تأثير على دماغ الإنسان وبيضرب مناطق من البتهبشها "الشدايد" فيصاب الإنسان بحالة إيفوريا.
خلينا نكون مراعيين لمشاعر الناس في رمضان ننسى "الشدايد" ونقول سماع الموسيقى والطرب..

كدي بالله عليكم لاحظو الحكاية دي وخاصة قبل الفطور بي شوية شوف وجوه الناس الحوالينك...
تلقى بسمة كدآ مدسوسة ونظر بعيييدة، نظرة تأمل!!!
كيف لا والمدفع حيضرب...
دحن الحبيب نعمي،
تكون دي الإيفوريا :cool::cool::cool::cool:

https://www.youtube.com/watch?v=EVKvi8Y985w

[بابكر مخير]

في العمر دآ!؟
الواحد بيبقى مجموعة من الأمراض المختلفة؛ العضوي منها والجسدي والنفسي والمعنوي.
كل شنهو؟؟
ضغط الدم إندي على قول "الفلاتي أبضراع"
السكر إن ما هو أكيد شيتن متله
القلب، معقولة الضخ ما يكون نخآ، هو البايب لاين بتاع بترول الجنوب المن الحديد إتوقف "خفتا أقول وقف وتفهم أنه طواعيتن"
السنون، قدر البقن حالتهن يرثى لها
العيون وحالتهن ما هي أحسن وضعن
الروكب، فقدن الكنترول وبقن يرخن ويشدن برااااااااااااهن
الضهر، حكاية فضيانهو سهل لكنه 24/7 يتألم
المصارين؛ ذي جنا الحرام التتبرآ منهو، ما بيقدروا الحالة الإجتماعية الإتا فيهو ولا قيمة الأدبية التى شاغلها، متشاكلات ديمة وبصوت عالي كواريكهم تصحي الجيرآن
النخرين، حالتهن عجيبة وغريبة، إما "سيلان" أو إنسداد وشوف لمن تنوم شخير يصم الإضنين ومشكلته أنه ما منظم، يعني كأنها فرقة أوركسترآ غير منتاقمة وموسيقاها شترآ "يا أخوانا آشتر وييييييينهو؟؟:cool:"، تون عآآآآآآآآآآآلي وفجاءة ينخفض الي الحضيض، يعني؟ السيي تتداخل مع الريي والترمبت يعلو على الكلارنيت وفرقة حسب الله ليها الله وما تنلام...
ملعون أبوهو الثقيل دآ :mad::mad::mad::mad:

[imported_فيصل سعد]

سلامات يا الحبيب و أن شاء الله طيبين..

هل هناك اي علاقة بالكبر و الفكفكة الكتيرة بسبب و بدون سبب،، الفكفكة الانا قاصدها و لا يخفى عليك الاستعمال الكتير لل F word
:D:D:D

سؤال صغيروني آخر:

ممكن الزول يكون مبسوط و منشرح و مرتاح، و هو مفلس و كدا؟؟؟

[بابكر مخير]

سلامات يا الحبيب و أن شاء الله طيبين..

هل هناك اي علاقة بالكبر و الفكفكة الكتيرة بسبب و بدون سبب،، الفكفكة الانا قاصدها و لا يخفى عليك الاستعمال الكتير لل F word
:D:D:D

سؤال صغيروني آخر:

ممكن الزول يكون مبسوط و منشرح و مرتاح، و هو مفلس و كدا؟؟؟
الحبيب النسيب
بجيك بس تتفكآ شوية الزنقة المالية دي :cool::cool::cool::cool:

[بابكر مخير]

ممكن الزول يكون مبسوط و منشرح و مرتاح، و هو مفلس و كدا؟؟؟

لمن قلنا "نظرية" الجوع بيخلق إيفوريا. كان كلامنا علمي فالمعروف الجوع بيمشوهو هرمونيين بيناتهم قصة داحس والغبراء (ديك حرب 40 سنة، لكن دي طول حياة الإنسان). البتين يكتل للشهيّة، بواسط إشارات للدماغ أنه الجسم ما محتاج لطاقة وكدآ والغريلين بيفرز في المعدة وبيرسل إشارات للدماغ أنه في قرصة ومحتاجة لي قراصة..
المهم في القصة أنه الدمااااااااااااغ والهايبوثلامس هما الضابط في حياة الإنسان سواء عوامل داخلية ذي الجوع أو ممكن يتدخل حتى في الحالة النفسية، المزاجية والعصبية بصورة مباشرة أو غيرهو.
واقع الحياة "لَقَدْ خَلَقْنَا الْإِنسَانَ فِي أَحْسَنِ تَقْوِيمٍ" الإ أنه تبقى حقيقة واحدة الدماغ هو البسيير دآ "التَقْوِيمٍ"..
وذي ما بتكون جعان لكنك تكون هادي وفرحان
ممكن تكون مفلس وعادي حياتك تمارس..
عنصر تاني وهو الأهم؟؟؟
الرضاااااااااااااااااااااااااااااااااااااااء :cool::cool::cool::cool:

https://www.youtube.com/watch?v=iMKxOV9hdR8

[بابكر مخير]

متلازمة "الثقيل"
قال؛ أنه جدنا بابكر بدري لمن جا يكتب كتابهو "أمثال سودانية" مشى لي جدنا الأكبر أبو سن وطلب منه مثلن يفرع بيهو الكتاب.
أها أبو سن قال ليهو، هآك:
كل زولن بي همو والفاضي يهمز أمه...
طبعن الوكت دآك بابكر بدري كان خلاص نزل المعاش وكتب "تأريخ حياتي" وبقى تقريبا ياهو زينا . أما جدنا الأكبر أبو سن فقطع شك وأكييييد أنه يكون كمان فاتنا. المهم في القصة دي أنها تجسيد لما هو خليط بين فكرتين بيضربن الزول مع الكُبر. واحدة أنك وذي ما قلنا من قبل: ياكآ الناقشها وعايز تفيد الناس بمعرفتك الواسعة (بابكر بدري) والتانية أنك مع "الثقيل" برضك ناقشها وشايف أنه ما في زول بيجيب جديد يعني موضوع، إعتزازا بالنفس...
دحن أنا والذي أمارس يوميا "الوست"، (ما أرباب معاشات) قمتا وبوصفي مصاب بي (متلازمة "الثقيل") الفهم والنقد وأني ناقش كل شئ..
عملتا دي...
___________

مقترح ضبط "أقيام" الوست
تقديم:
الإلتقاء ممارسة تقود دوما لتجارب مكتسبة، منها المشوشة بسلبيتها ومنها القيمة بفائدتها. والإلتقاء بين الأصدقاء يجب أن يتحلى دوما بعوامل لا تفسد وبخلق يقوي ويعضد روح الصداقة للإرتقاء بها لمكانة ترابط الأسر.
ملحوظة: في هذا المقترح، تمت الإستعانة بتعابير متداولة ومتعارفة بين لأعبي "الوست".
مقدمة:
الصداقة: تعتبر الصداقة أحد أعذب المناهل التي تساعد الإنسان على الاستمتاع بالحياة، كما أنها تعتبر من أهم العلاقات الإنسانية التي تأخذ صدىً كبيراً في مجالات الحياة المختلفة ولها مهددات صفات وأبرزها العقلانية؛ فالصديق الذي لا يتصف بالعقلانية قد يعود على الصديق بالضرر على الطرف الآخر.
لعبة الوست: لعبة ورق "كوتشينة" تبرز تنافس بمضمون خاص محدود بين الفريقين وعلاقة خصومة وقتية لا أن تمتد بعد الإنتهاء من اللعبة وهي تمارس لتزجية الوقت بين أطرافها ولها مرددوها الإيجابي في إطار، توثيقا لعرى الصداقة الزمنية للزملاء الإثنين والتفاهم بينهم وبين الإثنين على الطرف الثاني في أنه تنافس برئ وبأخلاق وروح شريفين.
ضوابط:


ضوابط عامة:
الإعتراف بالأخر: بما أن ممارسي هذه اللعبة هموا سواء وليس بينهم من متخصص أو صاحب شهادة علمية تميزه عن الأخرين فالجميع يستوي بأنهم هواة.
إحترام الأخر: صفة يجب أن يتحلى بها جميع الممارسين لهذه اللعبة فمن أخطاء فله ثواب التجربة ومن فشل فلابد أن هناك عوامل خاصة مثل عدم إتقان اللعبة رغم حبه للمارستها أو أن الورق عند زميله على الطرف الأخر من الطاولة لست بالجودة التي تعينه لصوب مراده وكما يقال:
الحياة إمّا أن تكون مغامرة جرئية، أو لا شيء. فإن كانت الحياة بكبرها هكذا فما البال حين الأمر تزجية وقت في لقاء بين الأصدقاء.

سعة الصدر: بما أن هذه اللعبة لتزجية الوقت واللقاء بين الأصدقاء فيجب أن يتحلى الجميع بهذه الصفة حتى لا تتأتى الأمور بما لا يحمد عقباه وبما يضر متعة اللقاء.
هذا لا يعني أن يكون دوما التهكم والإستخفاف بالآخر هو الديدن ولا أن يفهم بأن صاحب الصدر الواسع ضعيف وواهن فمن منا يدين له الإخر بغير الصداقة التي لا يجب أن يشوبها شائب يعكر صفوهاكما لا جب أن ننسى (ولو كنت فظا غليظ القلب لانفضوا من حولك).
الجدال: هو سمة يتطبع بها كل البشر؛ "كان الانسان أكثر شئ جدلاً" لكن من الجدال ما هو محبوب حين يكون فيه منفعة وجدال مزموم وهو بقصد المناكفة أو إدعاء المعرفة زيفاً.
الإدعاء الزائف: هو ضرب من النرجسية التي تنسب الي فصيلة الإمراض النفسية تماثل السادية والماخسوية فهي لضعاف النفس وفي مثل هذه الألعاب التي تعتمد في أساسها على ضروب الحظ، لأيمكن أن يكون هناك من يتقنها بالكمال الذي يدعى في بعض الأحيان "كن الأحرف ولكن أنت وزميلك في طرف الطاولة الآخر، حالكم واحد في الورق الموزع بصورة واحدة مهما عظمت. فالهزيمة ستلحق بكم قطع اليقين"

واقعية:
• السبق في اللعب هو لمن بادر في الحضور (الأربعة الأوائل قبل غيرهم)
• أمر من الصعب أن يفرض وهو إختيار الزميل فعليه على كل إثنين على وفاق أن يشكلوا فريق ينازل الفرق الأخرى.



تنظيمية عامة:
• حتى تكون الحظوظ متساوية فكل مشارك متساوي مع الأخرين في كل النواحي دون تمييز أو تفرقة ؛
o التمتع بالإجتماع مع الأصدقاء
o الرغبة باللعب
o
• حال خسارة فريق يكون الحظ في الدورة التالية للفريق الذي في إنتظار المشاركة
* عليه بوصى في حال نقص عددي في الفريق الذي له الفرصة يمكن للحاضر منهم إختيار زميل لا أن يكون بآي حال من الفريق الذي خسر أو الفريق القبله خسارة. "القصد مراضاة كل المتنافسين دون الإحتكار لعددية محدودة"

تنظيمية عملية:
بجانب الأربعة اللاعبين هناك واحد يتفق عليه الفريق المنتظر لنتيجة التنافس بين الأربعة ليلعب فيكون حكما قراره نافذ حال آي خرق للمتعارف من سبل ومجريات اللعبة (يذكر بأنه لست هناك قانون أو لائحة محددة تنظم هذه اللعبة غير المتعارف والموافق عليه بين المجموعة التي تمارس هذه اللعبة)
يجب التقيد بالأدآب العامة للعبة والتي تختص بالغش الساذج والحديث الرآمي لكشف حالة الورق سواء من اللاعبين أو الحضور من غير الأربعة "اللاعبين" وفي هذه الحالة يقترح بأنك من حق الفريق المنافس المتضرر (دك) الورق ويعاد التوزيع من جديد التسمية: بعد رص الورق لا يسمح بأكثر من 3 ثواني للأول والثاني يسار صاحب القبول وفي حال إعتراض أو إستغلال لهذا فمن حق المعترضين الإحتكام عند الشخص المعني.
والمتعارف تتم التسمية على النحو التالي؛ مربوطة وهي محكومة في حال الحظوة باللعب بأربعة فقط من "الآتو" وهو الحال في التسميات الأخرى؛ مع فارق ثلاثة كحد أقصى (مثلا؛ 8 بي 5) ويمكن التسمية كما يشاء المسمي مع مراعاة الحد الأقصى، أسثنائا عدد الثمانية ورقات فهي تحتم "الدّك" الفوري وحال أن لعب أحدهم وتم ضبط حال غش في الأمر، يعتبر "سقوط" بأحدى عشر حسب مبداء فارق الثلاثة.

الزمالة؛
هي شراكة وقتية مرتبطة بمدة "القيم" وبين طرفين لا يحكمهم وصف قانوني يحدد الطرف الأول أو الطرف الثاني وتدار الشراكة بمفهوم مصلحة البقاء في "القيم" لأطول مدة ممكنة. وبعد الخروج من دورة القيم والتي هي محددة بعدد "توزيعات" يتراضاء عليها المشاركين. تنفض الشراكة تلقائيا. وهي قابلة للتجديد لأقيام أخرى ما رغب طرفي الشراكة.


(بالله عليكم دآ يقولوا عليهو شنهو غير وصف جدنا الأكبر أبو سن) gapgapgapgap

[بابكر مخير]

تتذكر وتفكر.
تتذكر أيام إتا الكنت صغير وشباب والناس الكوبار قدامك، الشايل صرة الأدوية واللابس نضارة وعدساتها يورن من وراهن عيون تتساوى ووصف "عيون فناجيين" ودآك لمن يجي يتمضمض لزامن يطلع الطقم وعمك دآك الذي نخيل سواحل فلوريدآ لمن يهب إعصار إرما ما قادر يسبت رجلينهو في الوآطة والنحنحة والشخير حتى في الصحيان وأصوات غريبة تطلع لمن تخلع قلوب الجالسين.
تنوع غريب من الأصوات وخليط بين صوت الماعز والقط والحمار وحتى الناموس ..
زمان تعايين وتتعجب والمدهش أنك ما بتفكر في الِجايي.
حسي تقول تفكر في الِحاصل..
تقول تتدارك الواقع..
تعجز..
ما إتا ياكا "الكوبار" الزمان بتعاين ليهم بعيون الصغار، الحسي بعاينو ليك بعيونك ديكآ....
:(:(:(:(:(

[بابكر مخير]

مع الكُبر، تتملكك "نظرية المؤامرة" ويملاء جوانحَك عظيم أنواع الشك وأثقل ضروب الريبة.
بفتكر الحكاية دي لابدن تكون في نظرية علمية مسنودة لتدعمها وتختها في قالب المقبوله من عنصر بشري يعيش في دوامة الشعور بالنقص (ما الشباب مش وراح بقدرته وعطاهو، حاااااااارة بس يديكم الصحة والعافية وبيجي الوقت البتضوقوهو).
غايتهو إتوا أقعدوا أقرو في الكلام دآ ساكت..
بالله العظيم لو ود خالي بلالي بحبت في الكتب ورمى ليهو طراطيش كلام في جنس النظريات دي، إلا بنلقى أمورنا بقت عجب العجاب..
البيحصل في الجسم دآ نقول ياهو الزمن (كترت النوم الطوعي والفرضي والمفروض "كوكي واخد بالك") لكن القصد في الأمور النفسية دي ممكن والله تتعالج، ناس الدبرسة والإكتئاب والشك والريبة...
غايتهو شوقي بدري يقول ذي ما يقول؛ لكن إحنا ديل الدم العروبي مغرقنا، مش إحنا البنقول:
القاعدة وداعش مؤامرة أمريكية. مع العلم أن القادة من ناطقي الضآد.
محمد صلاح قصد بأن يصاب لأنه! النهائي في كأس العالم حيكون مصر وإسبانيا.
الجدادة بتبيض لأنه عايزآ البشر تأكل البيضة وما تبقى سوسيوة ويربطوها بأنها بت الديك.
الشمس بتشرق من الشرق ما من الغرب لأنه الغرب فيهو أمريكا وديل كوفار..
حسي دي؟؟؟؟؟
أنا ما قلتا فطور رمضان يا "سوداناتييي الإمارات" تعالوا نعمله في "المندولآ" والمؤامرة من "كوكي" عشان عايز يعزم الناس برآآآآآآآآآآآهو وعلي حسابهو في قصر الإمارات ;)...
دمتم بالمحبة وصوموا تصحوا (يا بروف حسن :cool::cool:)

[imported_فيصل سعد]

سلامات يا كمندان،، مختفي شديد الأيام دي،، دخل العضم ولا كيف :D:D

ارقد عافية..

[بابكر مخير]

سلامات يا كمندان،، مختفي شديد الأيام دي،، دخل العضم ولا كيف :D:D

ارقد عافية..

جايييك يا النسيب الحبيب :cool::cool::cool:

[بابكر مخير]

الكَذب و"الكضب"..
بين الإتنين تفاوت لكن بالنسبة لينا المستعربة من ناطقي الضآد فالأمر سيان...
الكَذب كما في "المعاني"؛ خِدَاع , غِشّ , وَلْس ، أَنْتَج , إِخْتِلاق...
وبنظرة للبعض من مترادفات الكلمة: كَذَب (فَعَل):
إِبْتَدَعَ , إِخْتَلَقَ , إِفْترَى , إِفْتَأَتَ , إِفْتَرَى , تَخَرَّصَ , زَخْرَفَ , زَوَّرَ , زَيَّفَ , لَفَّقَ , مَوَّهَ , وَشَّى , وَلَس.. يبقى ما شطرن أنه الكَذب شيتن ككككككعب. فهو مهنة! مش رجل الإستخبارات (يوشَّى) يخبر أنه منهو بيعمل شنهو.. خليك من قصة مصلحة دولة وحمايتها هو برضك وآشي. الكَذب حسب مترادفة (إِبْتَدَعَ) شيتن كويس والغريبة نشوف في مترادفة (وَلَس) تشعر بأنه في تناقض في المعنى؟. فقولة: ما لي في هذا الأَمر وَلْسٌ ولا دَلْسٌ : ما لي فيه خيانةٌ ولا خديعة..
طيب برضك حكاية كَذبة بيضاء.
لكن حسب مفهومنا الكِضب ياهو الكَذب ديمة شيتن عيب وكَعَب ؛ الفلس مو عيب.. عيب الكضب. وينصح بتجنبه: الصدق إن ما نجاك. الكِضب ما نجيك.
بس بالنسبة في بعض الحالات يكون الكَذب أو الكِضب عفويا يعني رمادي، لاهو كعب ولا هو بيمشي الحال.. ما أبيض ودآ طبعن المقصود بيهو أنهو كَذب بقصد إصلاح أمر وكدآ ولا أسود (هنا أنا غايتهو مع ود خالي شوقي، ديمة اللون الأسود حقه مهضوم ومع أنه بينقال أنه أصل البشر أسود).
الكَذب أو الكِضب الرمادي هو البيصيب ناس إحنا وهو نتاج ووليد شرعي للكُبر.
ما هو بطبيعة عمرنا ومكانتنا الإجتماعية (حسب المفهوم الشرقي وبعض من الغربي) صعب أن تتنازل من حق الكْبير هو كبير وإن سئلت عن أيتها شئ، تجاوب وممكن ما يكون صاح فتبقى كضبة رمادية ..
والله أعلم:rolleyes:

[imported_فيصل سعد]

يا عمك :D:D

بالمناسبة الكلمة دي بقت لغة التخاطب السائدة بين الناس هنا في نورث أميركا و ما عندها أي علاقة بالعمر و الكبير و الصغير،، و أعتقد جاتنا طايرة من السودان مع النسيم العليل،، و أصبحت سالكة و راشحة و ما بتضايق أي زول عيانا بيانا،، لكن ما عارف هل عندها أي تأثير سلبي و الناس ماكلنها في حنانهم و كدا :D:D رأيك شنو؟؟؟

نرجع للموضوع :

معيد وين؟؟ ابوظبي، لندن، ولا في امدر؟؟

[بابكر مخير]

ي
معيد وين؟؟ ابوظبي، لندن، ولا في امدر؟؟
وذي ما قلنا؟
الطموحات بقت محدودة.
تصحى الصباح. إنجاز
بدون ألم. إعجاز
تبتدي تدور يومك!
طبعن أكيد داير الجاز:D:D
وهو في حالتنا دي؟؟
حبوب الضغط والسكر
حبوب الهضم وأدوية النفاخ
قطرة العيون وهن نوعيين واحدآ منهن حقت الدموع الصناعية، ما الجفاف عما وحلا وعمرهو ما رحل.
تقول ليا معيد وين..
الحبيب النسيب
كدي هو اليجي ويلقانا
دي برآآآآآآآآآآآآآآآآآآآآآآآآها فرحة عيد..
يابا مقدمن ليك ولناسك الحنان الحبان ولي الناس الصحابك وهم أصحابنا ولي أصحابك وصاحباتك وصحبانهم ولي كل ناس البلد..
كل سنة والجميع بي خير وصحة وبالزاف مزيان (حكاية عافية، يمكن مغربي يكون بيقرانا ويوقوم ياخد على خاطرهو "عافية عند المغاربة هي النار"):cool::cool::cool::cool:

[imported_فيصل سعد]

العيد يا "مان" "اروند ذا كورنر " :D:D
يديك العافية.. بردا و سلاما،، ما عافية
أهلنا ناس المغرب الحلوين!!!

[بابكر مخير]

أهلنا ناس المغرب الحلوين!!!

كان زمان إلا صنف لبناني أو شامي وهو لزوم الشعور المتبادل، ما كان ليهو ولا لينا فيهو ومعاهو أسيوي البرضك ما الياهو..
مع الوجود الاسيوي الدائم القائم تتغير الأمور لتأتي حقبة التوجه "الأفريقي جغرافيتن" قرب من مسببات ليلحق بأوربي متنوع..
ثم العودة بقوة لي الأفريقي الجداني (الح...)..
خارطة مسار مخالطة ومعرفة وتلاصق وعشرة وتوالف لسوداني مغترب عايش حقبات السفر عبر الزمن.....
والعيد، يعيدوهو على الجميع بالرخاء وعدم الإرتخاء وإنهزام الهمة وزوال الغمة......

[imported_فيصل سعد]

قلت لي كيف يا الحبيب،، ارتخاء العضلات مفيد للاستجمام و مراجعة المشوار و أخذ نفس عميق اوكسجين و اوزون و تحبس ببرنجية سالطة و فنجان قهوة بالجنزبيل في ضل الضحى :D:D ،، كل اول ليه آخر يا ابن العم، و ربك يهون القواسي و يدي العافية..

[imported_فيصل سعد]

ثم العودة بقوة لي الأفريقي الجداني (الح...)..




الأم سليلة امهرا
و الوالد من قلب اثينا

:D:D:D

اها،، ماشي معاى أرمينيا ولا كيف؟؟

[بابكر مخير]

غايتهو "الثقيل" دآ!
ما ظنيتهو في شيتن كدي يخليهو في جسم الزول وما يهبشهو..
يعني قلنا خلاص، كرمش الجلد ورهلو ذي ما تدور، نشفهو وجففهو وعدمهو ذرة الموية، لكن كمان تبرقعهو..
في جلد الإنسان فيهو حاجة بيقولوا ليها الصبغة، يعني لونك قمحي دآ لون الصبغة، أسود من الصبغة الجلد وحتى البقولوا عليهم "بويض" أو بيض وهم طبعن ما كدآ لأنهو مثلن الحليب أبيض والصفحة البكتب فيها دي لونها أبيض وأكييييييييييييد ما في زول لون أبيض، أكثر الناس قرباً أن توصف بشرتهم قرباً للون الأبيض هم بالدارجي "أولاد الحور".
أها طبعن الصبغة عامتن، أنواع معروف صبغة شعر، صبغة جلود (ذي البيعملوها للمراكيب ومنها الفاشري) وديك البستعملوها في الحنة ودي في قضايا جنائية في شأنها ما في ناس سمموا بيها تانيين.
الكُبر حتى صبغة الجلد بيهبشها وتلقى الزول الكِبر في مناطق في جلدهو راحت منها صبغة بشرتها الخاصة، سواء كان صيني أصفر ولا برتغالي أبيض ولا قمحي (في البرتغال ألوانهم متعددة لي البتذكروا "أسبيو" ولي الما بيعرفوهو هو لاعب كرة قدم برتغالي في كاس العالم لكرة القدم في الستنيات)..
يعني عدييييييييل كدآ تلقى ليك مناطق فقدت لونها الاصلي ومستعمرات "كُبر" منتشرة تم إحتلالها من قبل "الثقيل" في الجسم ويبدو أنه لن يغادرها إلا لمن خلاص :(:(

[عكــود]

سلام حبيبو،

قلت لي الصبغة ذاتها بتقلب في بعض المناطق؟
بس ما اديتنا امثلة ونورتنا زيادة،
والحكاية دي بتشمل الجنسين ول حصريا عند الرجال...

مزيد من الإفاضة لا يضير،

تحياتي

[بابكر مخير]

سلام حبيبو،

قلت لي الصبغة ذاتها بتقلب في بعض المناطق؟
بس ما اديتنا امثلة ونورتنا زيادة،
والحكاية دي بتشمل الجنسين ول حصريا عند الرجال...

مزيد من الإفاضة لا يضير،

تحياتي
;)
عارف دي المواضيع العندك ليها "إستطياب" خاص :eek:...
لعلكم أنا قصدي (عنقرة) الزول ولا الزولة
فالأمر سيان:rolleyes::rolleyes::rolleyes:

[بابكر مخير]

سؤال صغيروني آخر:

ممكن الزول يكون مبسوط و منشرح و مرتاح، و هو مفلس و كدا؟؟؟

تاااااااااااااااني جيتك في الموضوع دآ..
شئ عجيب أنك لمن ينهش منك الكُبر، ظواهرك قبل أحشائك، بيعوضك بأمر جد عظيم..
القناعة...
ليك مثلن؟
طبعن وبما أني مفنش ودآ جاني على حين غرة فتركني في حالة مالية تعيسة..
تقوم تشوف شمال يمين تقول ترقعها بس هناك حقيقة؟
محل رهيفة بتنقد والخرم ما بينسد..
اها وإتا في حالة أخيير منها حال أيتها سوداني قابع داخل قفص الوطن،
تقوم تلقى ليك زول يسخره ليك المولى الذي في السماء..
يحل ليك كوربة ولو لفترة..
تفرح، تنبسط وتنشرح أساريرك والوش يزيد كرمشة وترتاح!! راحة زولن إتسهلت عليهو..
قال ليك:
شحاذ سأل رجل ميسور الحال فتكرم عليه بجنيه، قام الشحاذ دعى للرجل بأن يسهل ليهو مخارجهو..
إشتاط الرجل وأخد الجنيه من الشحاذ ولم يمض بعض من الساعة وإلا شعر الرجل بزنقة وإجعص "زيت خروع" ما بيحلها وإمتلئت مثانته وحاكت قربة مصنوه من جلد "قرنتيية"..
الرجل إستعان بالكى جى بي وأسكوتلنديار والأم آي 5 والسي آي آ والأقمار الصناعية لتحديد مكان الشحاذ.. لمن لقاهو إعتذر بكل الأدب وجل الإعتذار ونفحه بشيك قيمته أرقامها تجاوزت الستة..
شكره الشحاذ ولم تمضى ثواني وإلا إنفرجت كربة الرجل الميسور وبقى!
مبسوط و منشرح و مرتاح...
بمناسبة القرنتية :cool::cool::cool::cool:
https://www.youtube.com/watch?v=m1PdJxJCu_g

[بابكر مخير]

الفصول، كل ما ذكرت ترامى للأذهان المدارس، تنوع المناخ بفصول السنة ولكن برضك ما ننسى الكتب والقصص والمسرحيات...
لكن في حقيقة أنهم كلهم ليهم بداية ونهاية، قدر ما طال الفصل أو قصر..
كذلك الحياة في مجملها، فصول بدايتها نطفة ونهايتها دود يأكل ويأكل حتى أخيرن يقضي على عجب الذنب ويتلاشى الجسد الذي كان يحمل تلك الحياة...
الفصل الأول: الجهل بكل مما هو حولك ومن بعده قبل كل شئ يتولد الإحساس ونقول العضوي، باطني كان أو خارجي (الباطني مثلن الجوع والعطش والخارجي حمو النيل وسخونية لفة الطفل لمن تتملي بسولئل يفرزها) بعد العضوي الإحساس العاطفي فقدان ثدي الأم والغريب أنه حتى الجاهل الجاهل يفهم في الفكاهة (يضحك للكوميديا الضاحكة ويبوز للكوميديا لمن تكون حزينة) شوف بالله حسي لمن ذكرت الفكاهة الناس ممكن طوالي يربطوها بمسببات الفرح والمتعة وحتى نقول الضحك لأيتها نوع من منسوبات الفكاهة، يقول مثلن مسطول يهذي أو منلوجست يتفنن.
بس إتو الفكاهة فصلها براهو؛
من "الويكيبديا" الفكاهة أو الدعابة أو الطرفة هي الميل لخبرات معرفية محددة بغرض إثارة الضحك والتسلية.

يعتبر المصطلح مستمد من طب الأخلاط الأربعة من اليونان القديمة، الذي زعم أن توازن السوائل في جسم الإنسان، والمعروفة باسم (الأخلاط)، يتحكم في الصحة والعواطف البشرية.
يستجيب الناس من جميع الأعمار والثقافات لروح الدعابة، ومعظم الناس قادرون على تجربة الفكاهة -أن يكون مسليا، ويبتسم أو يضحك علي الشيء المرح - وبالتالي يمكن اعتبارها أنها تمتلك حس النكتة." بس ما نمر مرور الكرام على حكاية الأخلاط،
الهيا ؟؟؟
كان التشخيص والعلاج في الطب القديم مبنياً على الأخلاط الأربعة " البلغم ، المرة الصفراء ، المرة السوداء ، الدم " ، ...
يعني كمييييييييية من القرف بس برضك هي فكاهة :confused::confused:.
معليش سرحنا في الفصل دآ :cool:
الفصل التاني من الحياة ليهو رونق بس عكر صفوه؟؟
المدرسة والحفظ والإملاء والجمع والطرح والأقسى هو الضرب "حاجة كدآ فكر فيهو زول سآدي وسماها صوت العنج!!
آآآآآآآآآآآآآآآآآآآآآآآآخ خاصة لمن ما تكون مردف :o:o
وبرضك المدرسة بكل فصولها القاسية ومدرسينها أخف وطأة من "الخلوة" والشيخ والدواية واللوح والفلقة.
ثم الفصل التالي وهو الشباب والي الفصل الأخير ويضرب الجرس والصف أو الحصة أو الفصل إنتهى...
:cool::cool::cool::cool::cool:

http://sudanyat.org/vb/attachment.php?attachmentid=1331&stc=1&d=1528930995

[بابكر مخير]

يا هو تحكها كدآ
لمن تجيب الدم...
من حاجات الكُبر..
مش موضوع نقة ولا تطفل،،
لكن كمية من الإصرار..
بجيكم راجع لمن تفك شوية :mad::mad::mad:

[بابكر مخير]

يا هو تحكها كدآ
:mad::mad::mad:

هو براهو السمع تِقل والفهم صعُب والرؤية إتشوشت..
آها تقوم تريد تتأكد ليك من شئ وما مهم هل فعلن يعنيك أم لا، لكن برضك تتلويق وتصر وتحزم أمرك وتعزم أن لا تتراجع...
شنهو، شنهو كلمة كثيرة التكرار مع كثرة عدد السنين وذي ما قلنا من قبل "الفضول" لكن هو ما براهو. قواهو عامل السن حتى صار فرضً لا يكفيه إلا الموت.
إصرار بقوة هرقل مع هزلة الجسد وعزيمة لا يدانيها أو يقاصيها سد النهضة رغم أنف الرافضين.
عزيمة والله تحير أمن البشير وحفظة بيوت الأشباح في الصمود وتنط فوق سور ترامب مع المكسيك.
وتصر وتصر وتحك وتحك..
لمن تجيب الدم

[بابكر مخير]

ما ضاقت وإلا عندهو ليها مخرج.
مشكلة تلقاها مستعصية وتقول خلاص، أستكين ليها وأدور نفسي أعيش بيها.
يوم يومين في همك ووهمك، ضيقك وإستسلامك.
لكن القادر، المدبر، المسهل شايف الإتا فيهو.
يقوم في يوم حسب ما هو أصلن مسطر ليك.
تفرج
سبحان الله اام لمعطي، العاطي..
يومتها لمن جاني الأس أم أس بتاع التفنيش، ما عارف بالضبط شعوري كان كيف بس حاجة واحدة كنت على طول متأكد منها...
عاجلً أو أجلً التفنيش محمدني، ما أهو 73 إلا شوية.
زحمة الأمور منها السكن والإيجار بالتأكيد من شقة لو خلاص إتبرجزتا بيبقى أستوديو لو ما غرفة في شقة، تاني هم منهو البيتقبل تطربق ليهو ويستحملك ما ناس الشغل كانو بيتحملوا لأنهم مجبورين وإلا بتحرمهم فكرك. يعني المهم أمور..
تلفون من مدون بتي وفيه أخبرتني بأنه قدموا ليها عرض تشتغل في أبوظبي وقبلت وأنا وذي ما قلتا من قبل؟؟ مع الكُبر العاطفة جياشة والأحاسيس متفجرة بتبالغ في حجمها وتتنوع في مرفقاتها من دموع تسيل من العيون وماء سلسبيل ينهمر من المناخير وحتى بعض مرات رعشة خفيفة تهز الجسد..
إتصوروا معايا الرعشة الكانت زمان بي مسببات أخرى و"ممتعة" بقت لا رابط لها مع الشئون والشجون..
المهم يعني اللطيف لطف بعبده وأكرم عليه برفقة والحمد لله..

وبرضه في رابط بين الموضوع والكُبر.
مش؟؟؟

[عبدالحكيم]

:cool::cool::cool:

ياخي أسعدك الله ... وأبقاك ... ومد في أيامك .
بقدر ما أسعدتنا ...
هي كبسولات ( بلغتكم ) ( لإزالة البلغم ) أتناولها يوميا فأجد لها تأثيرات ..
مسكنة وشافية ومميته من بعد إنعاش أحيانا ..
لم يبقى لنا شي غير الله المدبر .. الحنان اللطيف ...
لطفك يا رب ...

[بابكر مخير]

:cool::cool::cool:

لم يبقى لنا شي غير الله المدبر .. الحنان اللطيف ...
لطفك يا رب ...


عبد الحكيم العزيز
ذي ما كنا بنقول لي أعمامك وندلعهم؛ فتحي "توحة" ورأفت "روفي" وكمان عبد المنعم ذاتهو "نعوم".
آها نقول ليك "حكومآ" وأجارك الله من الإنقاذ والظلمة..
تعرف زمان، وطبعا كل شيتن ناس أحنا بنحكيهو بيكون قولة زمان في هناك رابط بين السنين وحرف الألف يعني 50 سنة ببقن ألفين "زماان" وهلما جرآ لمن تبقى زمااااان :) شقيقتي الصغيرة في طفولتها كان إسم بابكر نطقه عليها صعب فبتقول "بيبش" وكان وقعه عليا مفرح وجميل؛ آها الحكاية حسي مع الكُبر دآ إتكررت، عمك صاحب مزاج شيشة وقهوة وما كل القهوة!
بالتحديد "بنآ" ومكان إشباع هذه "الشهوة" الغير غريزية لأنه عمره التعود والإدمان ما كان غريزة، مكانها وهنا لا يخيب على فطن أو صاحب إهتمامات مشابهة معرفته. آها صاحبت واحدة من أماكن البنآ المميزة؛ إسمي ومن حسن حظي، بيصعب عليها نطقة فإختارت ليا إسم (بابي)..
رفقاء "البنآ" وبتذكر (مناسبات ذي دي ما بتقال فيها زمان حتى لو بألف واحد;)) كانهو بيغيرو ولييييييه ما عارف..
ناس ما سمعت الأغنية الفيها الغناية والشاعر متفقين أنه ما كله على كله للشهوات وعرفو أنه الحب لله:(:o
في سؤال بتراودني، هناك شبه شديييييد بين أهل البنآ والهنود..

[بابكر مخير]

عبدو منصور في بوستيهو الأخير لفت نظري لي حقيقة أنه الفلسفة في وسعها تلم الكون بي نجومهو وكواكبهو المرئ منها والخفي..
لفت نظري في أنه الجمال بي منظور فلسفي، ما هو الشئ السمح بس والجميلة ما هي المراة ذات الوجه صاحب التفاصيل المقبولة من الأغلبية والجسم والقوام الفيهو وما فيهو وعليهو وليهو وبيهو.
مثلن قولة؛ كل فولة ليها كيآل. هي تحمل دلالات كافية لحقيقة أنه الجمال ما هو معيار متفق عليه بين الجميع ولكنه مقياس تعتمده مجموعة تمثل أغلبية ولا أقلية ما يفرقش.
شوف مثلن؛ شحم النساء المورتانيات مكتظات الجسد هو معيار جمالي في بلدهم والخواجات بيحبو ال "skinny".
عندنا عشان يزيدو من جمال المرا (السيدة) كانو يقطعوا ليها وشيها ويقدقدو ليها شفاها (شلاليفها) ويملهون سكن يعني الشلوخ ودق الشلفوة....
نجي لبيت القصيد!؟!؟
طيب ما دام نوع التشويه في خلقة الله دآ جمال يبقى البيعملهو المولى عز وجل في خلقهو قمة الجمال؟
قلتا لي كيف...
مع الكُبر بيتملي وجه الزول الكِبر بأخاديد ولا ولاية أريزونا وتجاعيد ولا لفة الكسرة متداخلة في بعضها وترهلات تترادف طبقات الجلد فيها ولا مدرجات الإستاد.....
قال الله في كتابه: ( لَقَدْ خَلَقْنَا الإنْسَانَ فِي أَحْسَنِ تَقْوِيمٍ ) يعني وبالصريح كدآ، في أحسن صورة....
وبرضك
قوله تعالى: (قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ)
يبقى العلينا دآ في كُبرنا؟
قمة الجمال...

http://sudanyat.net/vb/attachment.php?attachmentid=1294&stc=1&d=1530342450

[بابكر مخير]

أخاديد أريزونا

http://sudanyat.net/vb/attachment.php?attachmentid=1295&stc=1&d=1530342555

والفولة ما بين الخدضة "الخلعة" والأخدود
ربنا يغطي بلدنا من الكوارث والإنقاذ
http://sudanyat.net/vb/attachment.php?attachmentid=1296&stc=1&d=1530342761

[بابكر مخير]

قلنا مع الكُبر، العاطفة بتكون جياشة وتلتهب وتنفجر لمن تتذكر العملوا "الجياشة" يوم 30 يونيو 1989..
وتزيد في حرقتها لمن تشوف ذي صورة عصابة الإنقاذ وخلقهم وتتذكر وقاحة رئيسهم في أول لقاء مع المرحوم عيساوي وفي إجابته: جنازة بحر..
من يومهو الأول والزول دآ ومن كانوا معه من الشذاذ، كان يضمر السؤ بالبلد (جنازة بحر) فالمعروف أنها إن ما إتحللت بتكون إتشوهت.. دا الكان شايفة البشير ودي فكرته عن شعبنا..
لكن كمان تقول الراجل؟!
وربنا يضع حكمته في "أسخف وأحقر خلقهو" رؤيته عننا بقت الحقيقة..
ما الجنازة لا تقاوم، لا تتحرك ولا بتقول بغم..
وإحنا كدآ..
مش إحنا حقيقتن جنازة.....
ويا الحردلو الله يرحمك ويااااااا حليلك.
تاريك كنت عارفنا علي حقيقتنا وليك حق يومها دآك؟
يوم قلتا..
ملعون أبوك ......

[بابكر مخير]

والعاطفة الملتهبة الجيآشة ما بيخفف من لهيب نارها؟!
إلا ياهو متل دآ:
استاذي وصديقي بابكر مخير؛
كتر خيرك يا امير
دعني احييك على صمودك ومثابرتك في هذا المكان الحميم؛
دمتم موفقا ابدا
لاجاء يوم شكرك يا كبير
اهديك هذه المداخلة لك ولكل مغترب يحلم بالرجوع!!!
خليك قريب؛

ذي دي؟ ذي ما موضة النجوم البيختوها لأولاد الروضة والإعداد في كراساتهم.
بتفرحهم وتنجحم..
شكرن لي كل مدرس ومعلم ختا ليا نجمة في أيتها وقت إن كان :cool::cool::cool:.............
الكُبر وذي ما قلنا من قبل، مرحلة عمرية تعود بالزول سنين وسنين. ترجعهو لي أيام الطفولة.
كلمة حلوة أحلى عنده من حلاوة حربة "مصاصة" ...
إتصور معايا وش زول عجوز بدون سنون ووش طفل مضغ ليهو ليمون ..
مش الخالق الناطق ;)

https://www.youtube.com/watch?v=1YBheuHma8I

[بابكر مخير]

يعني يا حكومة الكيزان
قلنا ليكم إحنا الكِبرنا ديل؟
قلوبنا ما بتتحمل وجع وكفانا الفينا من وجع الجسم تجوا كمان تفجعوا قلوبنا...
أمس وبحزن عميق وجعني تب سامر ود أخويا عبد الرحمن الجعلي..
أتذكر كنا في القاهرة معا وهو برفقة أمه وأخوانه في طريقهم لليبيا هروبا من ظلم الإنقاذ..
سامر كان طفل نابه وممتع الحضور..
وجعني والله أكتر الطريقة التي أنهت حياته..
حسبي الله عليكم يا البشير وزمرته
يا هاشم محمد عثمان المجرم القاتل..
أكيد تلك الرصاصات ما كانت بتطلع من سلاح أولائك الشرطة لو كان البلد فيها حسيب ورقيب، زول بيحاسب على الغلط ويعاقب المتسيب.
لكن ما حكومة الإنقاذ على رأسها مجموعة من متعطشي الدماء..
يا رب تورينا فيهم أشد العقاب...
عليك الرحمة إبني، أنت وأخيك معتز..

[بابكر مخير]

نصيحة غآآآآآآآآآآآآآآآآآآآآآآآآلية وما بيملكها زول لتانيين، إلا لي ناسهو.
وإتو تراكم ناسيgooodgooodgoood
أوعكم تكبرو قبل ما تكونو خلصتو الأمور الهامة ليكم ;)...
يعني مثلن حسي؟
أنا عليا أن أرحل من سكن لي تأني.
أمسك عندك عدم القدرة؟
1 الجسدية
2 العقلية
3 النفسية
4 المادية وحتى كمان الأدبية ما حتمشي لي جيران حتتعامل معاهم كيييييف.
إن بقوا شباب ووب وإن بقوا عواجيز وبييين وإن بقوا عزابة رجال خاف على نفسك وقول الروب وإن بقن قوارير عشان تحافظ على نفسك؟؟
ألبس توب...
وأسأل عن التوبة والغفران أنك في العمر دآ..
عليك رحول أماكن. قبل الرحول دآك :(:(:(:(:(

[عبدالحكيم]

نصيحة غآآآآآآآآآآآآآآآآآآآآآآآآلية وما بيملكها زول لتانيين، إلا لي ناسهو.
وإتو تراكم ناسيgooodgooodgoood
أوعكم تكبرو قبل ما تكونو خلصتو الأمور الهامة ليكم ;)...
يعني مثلن حسي؟
أنا عليا أن أرحل من سكن لي تأني.
أمسك عندك عدم القدرة؟
1 الجسدية
2 العقلية
3 النفسية
4 المادية وحتى كمان الأدبية ما حتمشي لي جيران حتتعامل معاهم كيييييف.
إن بقوا شباب ووب وإن بقوا عواجيز وبييين وإن بقوا عزابة رجال خاف على نفسك وقول الروب وإن بقن قوارير عشان تحافظ على نفسك؟؟
ألبس توب...
وأسأل عن التوبة والغفران أنك في العمر دآ..
عليك رحول أماكن. قبل الرحول دآك :(:(:(:(:(

نصيحة ناصحة من زول لي ناسو ..
بس كأنو أحس في خامسة ناقصة (رقم 5 ) ويمكن تكون نسيت ترقيمها ما بعد 4 وإلا يفهم من الكلام بعدها فتكون 5 ....... (إن بقوا شباب ووب وإن بقوا عواجيز وبييين وإن بقوا عزابة رجال خاف على نفسك وقول الروب وإن بقن قوارير عشان تحافظ على نفسك؟؟
ألبس توب...)
حفاظا على النفس gooodgooodgoood:p وقد كبرنا وخلصنا أمورنا أو قل وقد خلصت أمورنا ... وما عارف كيف أدلعك يا ... خليها مخير ...
اللهم نسألك توبة قبل الموت ومغفرة بعد الموت ... يا حنان ويا منان .

[بابكر مخير]

نصيحة ناصحة من زول لي ناسو ..
بس كأنو أحس في خامسة ناقصة (رقم 5 ) ويمكن تكون نسيت ترقيمها ما بعد 4 وإلا يفهم من الكلام بعدها فتكون 5 .......
حفاظا على النفس gooodgooodgoood:p وقد كبرنا وخلصنا أمورنا أو قل وقد خلصت أمورنا ... وما عارف كيف أدلعك يا ... خليها مخير ...
اللهم نسألك توبة قبل الموت ومغفرة بعد الموت ... يا حنان ويا منان .

يديك العافية يا (حيكومة)
بس الرابعة المادية متبعنها الأدبية من منطلق،
الأدب كتب والأدب تعليم ودي تشترى أو تدفع ليها رسوم..
لكن لو كنا خلينا الأدب دون إلحاقه بالمادية بيبقى بالمجان وبيبقى ذي "قلة الأدب" ودآ الياهو بدون مادة..
عندك الإنقاذ أكبر مثال؛ قليلين أدب وكتالين كوتلا..
أترجمها ليك ;)
قليلي أدب وقتلة :cool::cool::cool::cool:
بعدين خليص الأمور المقصود بيها الفعلية والعملية. ما العاطفية وال.... (بخليك لي كوكي = أباذر عكود لملء النقاط) :eek:
بعدين عمك دلعهو يابا بي إختصار قولة مخير بي "مخ" gapgapgap

[بابكر مخير]

حكاة واحد صاحبنا، هاجر وإغترب وكان ليهو "جيكسوية" وراهو في البلد،،،
صاحبنا أول زيارات ما خلى الغالي النفيس ولا الرخيص الفطيس وإلا حمل بيهو شنط الحديد وحتى كمان تماها بي شرية "حصنن حديد" قال في شان يساعد الأهل ويشغلهو تاكسي يسوقهو أخو "الجيكسوية"..
زولنا بي الكريديت كارت سرح ومرح ولي غباهو ناسي حسابهو لمن جاهو يوم الحساب الدنيوي..
ودخل الكررزمة (حسب ذاكرتي النهشها الكُبر، كان زماااااان كان بقولوا للحراسة كدي والله أعلم) وصحبانهو ما قصروا معاهو بيزوروهو ويواسهو وفي ثواني المسموحات للزيارة كانو بيونسهو بأخر الأخبار..
واحد من ديل سافر للبلد وقبل السفر مشى لي زولنا يودعهو وزولنا وصاهو يمشي يزور بيت ناس "الجيكسوية"...
رجع الصديق بعد الزيارة ولكنه غااااااااااااااااااااب من زولنا وما زارهو...
صاحبنا بدى يلاحق الصديق من خلال الأصدقاء والمهم في الأخر الصديق رسل رسالة لي زولنا في المحلة ديك من كلمات معددودات..
(والله حتى صورتك الفي الصالون، شالوها)...
دحن حسي أنا من يوم 5 يوليو يعني بعد يوم من عيد الولايات المتحدة الأمريكية ويوم قبل إنتفاضة رجب/أبريل..
مافيش...
وولا زول يسأل مني..
بس الحمد لله باسوردي ما إنشالت :cool::cool::cool::cool::cool:

[بابكر مخير]

غريبة حكاية الجاذبية وإرتباطها مع الكُبر!!
ذي ما ذكرت من قبل أم صدرن عارم، أديها سنين وتعال شوف تلقى الحد الصرة.
بتذكر سلمان ود خالي احمد عليهم الرحمة، كان طبيب بيطري وقال ليا: أنه هناك صفة مشتركة بين الرجل وذكر الحيوانات البتلدي في أنه إتنينتهم "خصيتيهم بتدلدل مع الكُبر" ...
كتبت بالأحمر والبنط الصغير رقم 3 مراعاة لحساسية الأمر مع العلم أنه ناس فوق الستين مفروض تنكتب ليهم سبعتاشر أكان يقدوا حتى بالنضار يقروها :(

---------------------------------------
كدآ إنتهى الحذرنا منهو والباقي ممكن لمن هم دون الستين يقروهو...

أمس جاني أخي الصغير وصديقي عبد الله الشقليني في "المندولا" وأثناء الونسة أشار لي حاجة فاتتني لمن ذكرت أنه مع الكبر الإضنين حجمهم بيكبر، الحصل أنه ملاحظته كانت في محلها، فالحلمة بتاعت الأضان برضك الجاذبية بتشدها لي تحت..
سبحان الله، له في خلقه شئون..
القدميين الجاذبية تفعل فيهن فعلها وتكاد تثبتهم على الأرض
التلاليش يدلدلن لي تحت برضك "جاذبية"
القومة من الكرسي بالله عليك تقول تجيب ليك ونش يقولك
الركب ينجرن بمفعولها حتى يكادو يلامسوا الواطة...
والحديث عن الجاذبية المقصود بيهو بتاع مركز الأرض بتاعت نيتون مش بتاعت العيون لمن تنجذب للشئ السمح. دي طبعن ناس إحنا ديل بتحصل في حالة واااااااااحدة لمن الزول بيكون قاصد يتفرج على زول إتكعبر وإتبشتن بس الغريبة في الأمر أنه برضك الواحد بيكضب الشينة وبفرحة يتقبل القهيية فيهو بي ظن حسن نية.
آها دي مصيبة الكُبر؟
عااااااااااااااااارف روحك وبرضك تكابر وتضحك على نفسك وتفتكر أناتك لسة فيك رقشة..
يا أخي إتلم بلا هم ولا وهم

[بابكر مخير]

السَّأَمُ
وقدر ما الكلمة دي تحمل من معنى، حق الكُبر براهو..
لاك عارف ولا إنتا عاوز وما فاهم وبس؟!
زهجان، قلق، قرفان..
يعني شيتن مو شئ..
إتصور تصحى وبديهي حتغلط وتعاين في المرآيا مع العلم أنك أمس قرفتا من الخلقة القدامك دي. تنصدم من الشكل وتحزن على نفسك من نفسك!
وإتا فشلت في أن تمسك فرشاة الأسنان.
حكاية رواها حبيبنا المرحوم عبد الله محمد زين عن مرة في سفرية ومعهاهو زميله المرحوم الحبيب التجاني حسون..
أنه رجل يمكن كان يكون في عمرنا "الزفت" دآ، راكب في الطيارة وكانوأ هم المضيفين وكان أن قدموا حلو الجلي ضمن الوجبة، فنده أحدهم للأخر لمن شاف الدفعة بيتراجف في مسكة الملعقة وقال للتاني؛ بالله هو يرجف والجلي يرجف، جننو الملعقة جن...
الكُبر مكلف، عشان أرتاح من مسكة فرشة الأسنان وعدم القدرة في المسكة، إشتريت ليا فرشة هزازة بمبلغ وقدرهو..
برضك الحمد لله للنفس الطالع ونازل :cool::cool::cool:

[بابكر مخير]

الكبير كبير
قولة ممكن تكون هشة فأيتها تصرف غير مقبول أو حديث ممجوج أو فعلن ناقص من زولن كبير سن أو مكانه والقولة دي إلا تشرب مويتها.
غير دآ وفي المجتمعات المتخلفة البتأله اللئيم وتكرم اللص وتراعي في الناقص الكمال كبيرهم أحطاهم وتبقى قولة الكبير كبير حفنة رماد وإندثرت في صحراء العتمور.
لكن لو جينا نشوف هل فعلن القولة دي صآح ولها وقع..
بنعترف بيها لمن الكبير يكون في لي فعله عارف وفي ضربه قارح وفي أمره فالح.
صادق، صديق وعالم عارف، لا يلعن ولا يسب وما بيتكلم بالشين..
آها الزول لمن يكبر في العُمر بيقولوا ليهو كِبر من الكُبر دا ظاتهو.
فحقو الزول لمن يكبر لو كان أهوش أو حتى صعلوق يفكر بجدية وما يتعرض للناس بالسؤ وما يكضب. هو الظريفة أنك لمن تكون كبير عمر وتحكي حاجة الأجيال اللاحقة بصدقهو لأنهم بكونو فاكرينك! "الكبير كبير" لكن كمان بتفوة عليهم قولة جدي بابكر بدري في ما معناهو..
أصدق التأريخ بيرويه معاصرينهو....
العاصرينهو مش المن بعيييييييييييييييد عن الحدث والموقع ويكضبوا...
قالو: سيدي خليفة المهدي قالوا ليهو؛ فلان قال وقال وقال: رد عليهم وإن جبناهو ونكر. إتا أبتودي وشيك آين.....

[بابكر مخير]

شوف زمان، التشوق ومتعة الإنتظار لي المتوقع..
أيام القراية في براتسلافا الجمعة دآ تستناهو وتتحرق شوقا للقاهو.. الخميس في أيام المدرسة دآ من يوم السبت والمشي للمدرسة إتا بتخطط للخميس ما بتحرق دمك في التفكير في الأيام الأربعة العجاف الجايات ويوم الخميس دآ ظاتهو ما بتعدهو ما هو الياهو بيقولوا: الخميس صفقة ورقيص مع أنه الرقيص كان يومي الجمعة والسبت في بلاد الأسلوفاك الجميلة والمجملها أكتر، عنفوان الشباب وفتوته والقوارير..
بالله عليك رئيسة كرواتيا جمبهن ذي البشير لو ختيت صورتهو حداها...
حسي :mad::mad::mad:
الخوف والفزع من الجآي، لا خميس فيهو صفقة ورقيص ولا جمعة وسبت لهين طعم،،
ملاحظين يوم الجمعة بي بكرته الكتيرة، لكن ديمة آحر أيام الإسبوع...

[بابكر مخير]

تتدخل بي تقلة وتقول سماح أنا جيت
بس تدخل تلقا البيت فاااااااضي
وتتذكر الأغنية الفيها بينقال من ما فيها من قول:
ولا أنا الماجيت
تتلفت يمين تقول تلقى ليك واحد من الكيزان، حتى ود إسحق مشتت، تنظر شمال تلقى علامات ما بتمر على الصول "كان لقب بيطلقهو عليا حبيبي الغائب الحاضر شنقيطي بدري" متمرس عمل سنين في مسرح الجريمة بأنهو جيليلنا الجميل كان هنانا..
تتشمشم تقول تشم ليك باقي بخور سوداني عبقن بيهو المكان الحبيبات ولا بخوري يمني يرد الروح طلقتهو "ست البنات". تنصدم المكان من طولت قفلته لمن ريحة العتة قربت تملاهو...
تعالوا أملو البيت من جديد خلهو فرح، عطور وبخور....
يا الحبايب والحب ما هو حرام..
الحب إحساس :cool::cool::cool::cool:
هاكم


https://www.youtube.com/watch?v=7YAcCraeJb8

[بابكر مخير]

آآآآآآآآآآآآآآآآآآآآآآآآآآآآآآآآآآآآآآآآآخ

من جنس دآ

https://www.youtube.com/watch?v=NHiRjF8YPes

[بابكر مخير]

في الكُبر المحاسن والمساوئ يتساون.
المحاسن هي ما تحمل معناها، أما المساوئ فهي كل ما ينافي المحاسن...
في ظاهرها تبدو غلوطية puzzle أو حقيقة وحاجة بديهية.. يعني ذي ما مثلن تقول الولد هو ولد والبت هي بنت. لكن نتذكر حقيقة أنه في جنس من البشر. هو لا من ديل ولا من ديل بس برضك هو من ديل وديل..
بتذكر ولي ناس العلمي في إمتحان الكيمياء العضوية أيام الجامعة وقع ليا سؤال؟
ما هو الفرق بين الربط الثنائي والربط الثلاثي ( triple and double bond) وقتها كنت في حالة إنسحاب مفعول القهوة وكدآ ;) بعد ما أكون شفطآ لتر في سهرة طويلة ومذاكرة أخر أيام..
في الحقيقة أني فصلت بالمرة وحتى كاد أن كل القريته طآر. رديت للبروفسير:
الرابط الثنائي من إتنين والثلاثي بيتكون من ثلاث..
هنا كان المنطق واضح وإلا ما سمين بالثنائي والثلاثي..
لكن هل كانت إجابة صحيحة. بالأكيد لآ..
ودا هو نفسهو..
ما كل المحاسن هي محاسن وما كل المساوئ هي كذلك..
يعني النسيان من المساوئ لكن مع النسيان في الكُبر ما ممكن تصنفه من المساوئ البتعرف في العربية ب:
معايب ، نقائص ، ما يُلحق سوءًا ، أو ضررًا ، أو إجحافًا..
فنسيان الكُبر ما بضر، يعني زول كبير أكيد لا يركن عليه أنه يسوق طيارة ويسقطها في الارض عشان الفيها يموتوا ولا بي نسيانه بيكون مجحف ما هو خرف فمنهو البيتأثر بأيتها ضرر. إلا قولتن يمرق الشارع وهو ناسي يلبس ملابسهو:eek:..
من دآ تثبت فكرة أنه في الكُبر الإتنين ذيهن وذي بعض....

[بابكر مخير]

الموت الآجل ولو لي ساعات أو سنين! يا هو دا الزعاف مع الكُبر..
أرجاهو وبي قناعة وخليك مستكين.
ما يعني قدر ما طالت الأيام وقدر ما عشت في الأوهام وقولت لساتني قاهر وحتى لي دآك قادر :eek:. وقدر ما منيت النفس وإدعيت بالشعور والحِس.
عشان كدي وكدآ؟
الخوف مفروض يكون برآ المعادلة الواقعية والجدلية...
عليهو ممكن تصارح بي مسلماتك وبدون خوف.
مثلن في السياسة.
تكون منتمي لي حزب سياسي وهنا بقآ لي الناس، العامة والنخبة أكيد فاهميين أنه الإنتماء أساسه غالبا وبصورة قصوى أنه وراثي..
القومية والوطنية قول؛ لو ما إتا منتمي لهذا القوم والأرض إرثا وأب عن جد ما بتكون عندك قومية وتصنف من شذاذ الآفاق .
الرياضة ونقول الجو داخل أسرتك هلالابي الإحتمال الأكبر أنه يكون إنتماءك للهلال وتشجعهو حتى التطرف. السياسة؛ بما أنها السياسة أساسها الفكر والفكر بيتولد من البيئة الحوالينك فعليه ربطها بالإنتماء جوهري ولتأكيد هذا الإنتماء فلابدن أنك تقيف دوما مع من ينتمي لنفس الفكر (ما نفس حكاية القومية، تدافع عن وطنك بالغالي والنفيس وحتى بي روحك).
(الانتماء الفكري هو الانتماء الذي يرتبط بالتقيد بفكرة ما، أو بمجموعة من الأفكار ضمن إطار معين، ويسعى الإنسان الذي ينتمي فكرياً لشيء ما إلى إثبات مصداقية، وصحة هذه الفكرة بالاعتماد على كافة الأسباب، والعوامل، والظروف التي أدت إلى حدوثها، ومن الأمثلة على الانتماء الفكري: الانتماء إلى تيار سياسي ما، أو فلسفة أدبية معينة.)
طيب بعد الكُبر دآ وعدم الخوف من أكبر الأهوال اللهو حقيقة حتمية وقرييييييييييييييبة البيمنعك شنهو من الإفصاح بإنتماءك الفطري والفرضي والواقعي...
قول رجعي لي إنتماءك. ليه لا
بالرجوع لي زمان، كانت أمدرمان وبالرجوع لي زمان كان مفخرة أفريقيا وزينة الأوطان؟؟
هو السودان.
مش برضك أخير وجميل "نرجع"..
قول كمان طائفي واللذيذة أنه الطائفة هي قمة الإنتماء (وهنا المحك لمن يدعي وهو جاهل ويعرف البعض ولا يفقه في الكل شئ "بتذكر كانو قادني بيها زملائي في أيام الدراسة الجامعية من الشيوعيين") ما الطائفة هي معناها جماعة بيجمعهم شئ مشترك، العسكور طائفة مش ذيهم وعملهم مشترك، العلماء بوتقة متميزة من البشر وهم طائفة من العلماء، الهمباتا برضك طائفة من قطاع الطرق ووووو ليييييييييين تجي القولة الياها (هلما جرآ) :cool::cool::cool::cool:

[بابكر مخير]

بالله عليك!
يتشابهن ويجنك متلاحقات. إن واحدة قدام أكيد وراها متعاقبات..
الإضنين سمعهن طشاش، العيون شوفتهن طشاش، الرجلين يتكعبلن الدرب يبقى ليهن طشاش.
يا أخي حتى الرزق! إن ما كان أصله فيي. من بعد دآ؟ ما بينحاش..
بس برضك الجميل في الكُبر؟
أنك كل صباح بتفرح.
ما كونك أصبحت معناها حققت إنجاز وبي إعجاز مع الفتفتا الحاصله فيك خارجيا وباطنيا برضك على وش العريضة..

[عبدالحكيم]

بالله عليك!
يتشابهن ويجنك متلاحقات. إن واحدة قدام أكيد وراها متعاقبات..
الإضنين سمعهن طشاش، العيون شوفتهن طشاش، الرجلين يتكعبلن الدرب يبقى ليهن طشاش.
يا أخي حتى الرزق! إن ما كان أصله فيي. من بعد دآ؟ ما بينحاش..
بس برضك الجميل في الكُبر؟
أنك كل صباح بتفرح.
ما كونك أصبحت معناها حققت إنجاز وبي إعجاز مع الفتفتا الحاصله فيك خارجيا وباطنيا برضك على وش العريضة..


الحكمة ضالة المؤمن ..
نتلمسها من أمثالكم ...
إضني طالن من كثرة جرجيرهم ( من جر يجر وليس من جرجير) .. والكعبلة اسكت خلها ... شئ تاني ...
أما وش العريضة ... فهي عريــــــــــضة
( عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ إِذَا كَانَ أُمَرَاؤُكُمْ خِيَارَكُمْ وَأَغْنِيَاؤُكُمْ سُمَحَاءَكُمْ وَأُمُورُكُمْ شُورَى بَيْنَكُمْ فَظَهْرُ الْأَرْضِ خَيْرٌ لَكُمْ مِنْ بَطْنِهَا وَإِذَا كَانَ أُمَرَاؤُكُمْ شِرَارَكُمْ وَأَغْنِيَاؤُكُمْ بُخَلَاءَكُمْ وَأُمُورُكُمْ إِلَى نِسَائِكُمْ فَبَطْنُ الْأَرْضِ خَيْرٌ لَكُمْ مِنْ ظَهْرِهَا )) (سنن الترمذي)

سلام وتحايا ...

[عكــود]

سلام بابكور،

برغم مسحة الواقعية في البوست، لكن لو قرينا ما بين السطور، برضو مليان تفاؤل وحنين جميل (ده غير الحاجات التانية البتتقري بين السطور looool: )

النسيان ما مربوط بالكبر بس، أحكي لك منظر شفتو أمس:
مشيت البنك لمعاملة معينة. المدير، في الأربعينات من العمر، كان واقف جنب الموظفة القاعدة وبيديها في بعض الإرشادات. لاحظت إنو سوستة بنطلونو مفتوحة (أكيد نساها بعد دخول الحمام). قدر ما حاولت ألفت نظرو، ما قدرت لأنو مع وجود البت الموظفة في نفس المسرح، الحكاية ما بتجي.
في النهاية خلصت معاملتي واتخارجت والساتر الله، والكويس إنو كان في نهاية دوامهم ولابس بدل، يعني الإحتمال ضعيف إنو ناس تانيين يلاحظوا.

زي ده ما عندو علاقة بالكبر.

صاحبنا الزوول، معروف بالنسيان الشديد، ومعاها حبة دروشة، لو حكيت لك سوالفو، فقط المعروفة، تحيرك.
في زول بينسى بنيتو في السوبر ماركت ويرجع البيت بلاها! :D.

[بابكر مخير]

صاحبنا الزوول، معروف بالنسيان الشديد، ومعاها حبة دروشة، لو حكيت لك سوالفو، فقط المعروفة، تحيرك.
في زول بينسى بنيتو في السوبر ماركت ويرجع البيت بلاها! :D.

الزوول الزوول الجميل ليهو وحشة. راجل لطيف وظريف والأهم كان شايل هم كبيييير في متابعة تقنية بيتنا دآ..
ربنا يديم ليهو الصحة...

(ده غير الحاجات التانية البتتقري بين السطور looool: )

لاحظت إنو سوستة بنطلونو مفتوحة (أكيد نساها بعد دخول الحمام).
:D.

بس يا كوكي :rolleyes::rolleyes::rolleyes:
إتا ملاحظتك دي ما كان ممكن تكون ؟؟؟
حتة تاني من بروزات الحضور...
ولا كان نظرك بشتت ;)
ولا (نسيت) تقول :eek:

[بابكر مخير]

الخجل..
باب غير موجود في كتاب الكُبر ومعادلة بلا وزن أدبيا (مش الأدب بتاع الشعر والبلاغة وكدآ؟ لا الأدب الفيهو قلة:o:o) وشيتن حصري على دون العواجيز وعديم الوفرة عند الجلآكين..
يعني عآآآآآآآآآآآآدي الوحد يقول كلام لو إتعرض في التلفزيون ولا السينما؟ البيب بيب تكون هي اللغة الوحيدة المتحدث بيها وما في كلمات تنسمع غيرها.
عآآآآآآآآدي الواحد يفك ليهو حاجات وطز في الحوالينهو.
عآآآآآآآآآآدي يعمل حركات لو في وسط جمع. إلا الجماعة يتعوزوا والحريم بس إلا آجي آجي والشفع أهلهم يقفلوا ليهم عيونهم ويسدوا ليهم إضنانهم..
دحن والفات فات وفي عمرهو سبعينات..
أكييييييييييييييد الخجل دآ عندهو سك ولسانه منفك وكتابته طق طق..
رسلت لي "كوكي" رسمة كركتورية وبي خجل.
قام إستفزاني وأنا زول أحمق (بالمناسبة دي واحدة من فروع نهر الكُبر) وفي الصورة الأولى الحوار الفي الواتساب ...

http://sudanyat.org/vb/attachment.php?attachmentid=1333&stc=1&d=1534149094

والصورة التانية هي موضوع الإستفزاز والدفعني لممارسة حقي المكتسب بالسنين السبعين في عدم الخجل......

http://sudanyat.org/vb/attachment.php?attachmentid=1334&stc=1&d=1534149394

[بابكر مخير]

راحت السكرة وجات الفّكرة..
مثل بينطبق علي الذينا.. زمان مدينة كانت لمن أعلق ليا على زول أو أقلدهو، تقول ليا؛ باكر يابا ببقى عليك..
أول أمس وأنا المكره ولا بطل، بسمع في سكآي نيوز العربية وجابو ليهم طبيب نفساني بتكلم عن تربية الأطفال وأنه الوالدين ما يقولوا ليهم أشياء محبطه لأنها حترسخ في عقولهم وتأثر عليهم لدرجة أنها تبقى واقع "يعني يقولوا ليهو فاشل تلقاهو بكرة فعلن يكون فاشل". تذكرت الرابط بين كلام أمي وتحليل الدكتور وأنه فعلن، كنت أحاكي "أقلد" ليا زول في مشيهو وضهره للأمام منحني، يمكن يوم ولا إتنين وتلقاني وجع الضهر السفلي ضربني وبقيت أمشي ذي الزول دآك...
زمان كنا برضك نتندر على الناس الكبار وكيف وكيف وكيف..
بالله عليك الحكاية ضربتنا في موجع..
بقينا التندر والمسخرة
لي الكعوجة في المشي وطرش الإضنين والضعف الشامل وكاااااااااااااااااااااااااااااااااامل :eek::eek:

[بابكر مخير]

وفي الصورة الأولى الحوار الفي الواتساب ...

http://sudanyat.org/vb/attachment.php?attachmentid=1333&stc=1&d=1534149094

والصورة التانية هي موضوع الإستفزاز والدفعني لممارسة حقي المكتسب بالسنين السبعين في عدم الخجل......

http://sudanyat.org/vb/attachment.php?attachmentid=1334&stc=1&d=1534149394

إتو الصور وينها
ولا غسلتو البوست وإتمحت:(

[بابكر مخير]

تعيش كتير، تشوف كتير. تشوف الجميل وتشوق القبيح، تفرح أوقات وتحزن في أخرى..
تتلذلذ لمن تطرى الجميل وأيام زمان وللمطر لمن تصب وتلعب تحت الزخات ويا مطيرة صبي لينا في أيدينا، تفتح خشمك تتلقف ذرات المياه النقية وخالية من ملوثات. تمشي خور أبعنجة وتخوض لمن تغبش رجلينك..
وقبل الخريف بي فترة بسيطة تلاحظ حركة عمران داخل الأحياء (لحدي حسي "بتنسم" ريحة تزبيل بيوت الجالوص) ونشاط أهل الحي في تحضير المجاري الصغيرة لتوصيلها بخيران البنية التحتية (خور العرضة مثلن)..
تعيش مع ذكريات المطر بليل ونقل مراتب السراير من الحيشان (فطنت السودانيين تجلت في تجليد العناقريب بي حبال النايلون ويخلوها في الحوش، عشان ما يحتاجوا ينقلوا عناقريب حبال السعف البتخرب لمن المطر تصب فيهو)..
تتذكر كييييييف وكأنه العرس لازمتن يكون في الخريف عشان الناس تتجهجه ونص الحفلة المطر تصب، مع أنه معرررررروف أنه الخريف فصل في السنة وما بين يوليو ليين بالكتير أوائل اكتوبر
https://www.facebook.com/SudaneseResearchers/photos/a.../1203401856378643/?type...
طيب ما تعرسو قول في شهر إتناشر والجو بيكون ظريف..
عالم يحب التلتلة وغرق الصبيان وحكم الكيزان ;)

[بابكر مخير]

جمعة، سبت، أحد ولا أول الأسبوع ولا آخرهو.
كله على كله واحد، يعني العيد ماشي يفرق حاجة :(.
دي نظرة ناس إحنا، الكِبرنا وخلاااااااص (عِجزنا).. خلو بالكم من الكلمة البين قوسين أو أدنى...
المهم في القصة أنهو الأيام الماشية وبالنسبة لي ناس إحنا جارية شايلا في بطنها لغز في كونه متىين :(:(:(. لكن خباياه فهي واضحة ذي شمس القايلة في عز الصيف. حراقة وتشوشو...
إذن فهو الأنتظار لتمر الأيام، طالت ولا قصرت وبتنوعها. شتا، خريف. ويكند ولا حتى عيد...
ما يفرقش........
بالله عليك كل يوم تكتشف شئ جديد في العوجز (من عجوز).
قلنا الشلضمة والأخاديد في الوش، قلنا الترهل وعوامل الجاذبية لكل (بروزات الجسد)، قلنا قلة الخجل وكثرة التطفل.
لكن أتاريهو ولسة، لسة في الجديد وفي كل يوم يتبين ويكشف عن خبايهو...
بس التقول تلفونات السامسونج. جالكسي سبعة ونوت 3 و4 و8 ونوت 9...
بعد دآ كلهو... والحااااااااااار البيحرق الجوف. أنه هناك بعضهم ممن لا يشعر بشعورك ومن باب الظرف واللطف الذي يثير في دواخلك كم مهول من الإحباط والحزن..
يرسل ليك، ، ،
كل عام وأنتم بخير (قول مشيناها)
بس السُخف لمن يتبعها ليك بي؟؟
إن شاء الله السنة الجآية :mad::mad::mad::mad:
يا أخي بس بس أديني ضمان يكون في سنة جآية وبعدها ؟؟؟
تعال قابلني gapgapgap



ومعا كدآ؟؟
كل عام وأنتم بخير :cool::cool::cool:

[بابكر مخير]

كدآ بس وبدون مناسبة


https://www.youtube.com/watch?v=eioxUTUMCIk

[بابكر مخير]

وبمناسبة العيد، قلتا أغير!
بي الحالة الأنا فيها من، ضجر وعطالة وفقر (مش فقر المادة وبس. لا كمان فقر بمعنى النحس)
قالوا؛ قيل: لو كان الفقر رجل لقتلته..
طيب لو كان مراة ياهو يسرح ويمرح في الخلق كدآ وولااااااااا زول يفكر يتصدى ليهو..
كمان وين المرض والحسد والزهج والنحس والشوم ووووو (نخليهو ولا نطراهو؟؟).
لا نذكرهو لأنه هو في الحقيقة الشر الوحييييييييييييييييد الذي لابد منه. إن قالوا العرس؛ ما صاح لأنه في عازبات وعوزاب كتيرين وفي أحسن حال.
قلتا أمرق أغير وبمناسبة العيد ، وبعد غيبة أخدتا دش (واحدة من متلازمات الكُبر، كره النضافة:o) وغيرتا ملابس قربت تهتري، بعد ما كانت بتخن القنجآ بقت أرهف من شريط الشاش.ومرقتا (عدم الرغبة في تغير المكان والمرقة، واحدة تانية من حصريات العُجوز والمرضى المصابين باللإحباط)..
التقيت بي شباب حلويين، ما تغيير بقآ:rolleyes:..
لا يأخذكم حسن الظن بعيدا، شباب أولاد سودانيين أصغرهم عمره 41 سنة (ما التناسب عملية حسابية سهلة، 70 كبير، 40 شاب و25 وليد)..
واحد منهم سألني سؤال في الأول إمتعط. لمن عروق جبهتي نفرن ذي سنتيمترات ولكنه بسرعة الزول المهذب اللبق، أوضح القصد وتحدثنا بعدها عن جده وهو في الثمانيات جاب جنآ وأنا إندحت في ذكر قدرة جدودي في الإنجاب، جدي بابكر في الستين وجدي الأمير يابا ود مخير بعد الثمانين أنجب ولد وثلاث بنات. كان قد أصيب في أم دبيكرات وفقد ثلاث ضلوع (قالوا كان في الشهيق والزفير يبين ما بين إنتفاخ الرئتين وهمدهما). بتذكر عمي عبد الحليم محمد كان عايش بي رئة واحدة وتوفي في عمر قارب المائة وكان ممتع في حياته ومستمتع بيها تمام..
كانت مرقة ممتعة وسهرة جميلة ومعنويات وصلت السماء..
الزول لمن يكبر قلنا من قبل بيرجع يبقى ذي الطفل أديهو كلمة تفرحهو يحبك....



http://sudanyat.org/vb/attachment.php?attachmentid=1335&stc=1&d=1534927171

[بابكر مخير]

عجبتني وقولت تشوفوها:
"كمن يريد استخراج بسكويتة من الشاي ببسكويتة أخرى".
من الأقوال مأثورة..
وواحدة تانية مصرية تقال لمن يكتنز المال وما يصرف منه؟!
"الكفن ما لهوش قيب"

[imported_عبدالله الشقليني]

الكُبر دة حاجة ثقيلة ... وثقيلة جداً

[بابكر مخير]

الكُبر دة حاجة ثقيلة ... وثقيلة جداً

هههههه
مرحب بيك في كارنا :cool::cool::cool:

[بابكر مخير]

تعرف يا عُبد (بيكاسو)..
الأحاجي السودانية (الغلوطيات) تزخر بالكثير المثير منها وتعبيرا صادق عن حالتي البكتب عنها، قولة:
دخل القش وما قال كش...
الضُل أو "الظِل"..
لو أخدناهو من ناحية فهو فعلياً (الظلام) بحجب لأشعة الشمس أو أيتها ضوء أو نور ويجي بي هدووووووووووووء دون أن يخلق ضوضاء أو جلبة..
صاحبنا البنتكلم عنهو دآ "الكُبر" ياهو كدي.
تمشي مع الحياة والأيام تمشي والشهور والسنين، وإتا مآك دريان.
شوية فتر وتكابر عن سببه الحقيقي وتربطه بجهد بذلته. ضعف في الإنتاج و"الإنتاجية;)" تقول من إرهاق وقتي. نسيان وتنسبه لكثرة مشاغل الحياة.
لكن حقيقة الأمر وواقع القصة؟
أنه (الضُل) دخل القش وما قال كش :(:(:(
:mad::mad::mad::mad:

[بابكر مخير]

الطبِع يغلب التطبُع،،،،
بالله بشهادة كل من زار المندولا. أشاد بالجبنة (البنآ) وبالعربي الجآآآآآآف ياها القهوة، البنعملها وكمان ما يفوتك التقديم من "والله حلاتها" ودي شهادة ما مني لكن من هموسة لمن جآت ومرمر وإختياتهن والعروسات بناتهن وشكرن ليهن الشرفن وفرحن وأمتعن وأسعدن....
وغير حكاية الطبِع ما ننسنا المثل البقول: ما بتنسى ريمة عادتها القديمة...
والأمثلة كُثر وأكتر من شيب الشعر البعتمر الراس عند الكِبر وتزيد في الذاكرة البتخرف وتضعف إلا من تذكرت الأمور الجانبية والآحداث الطواها التأريخ وتقوم تتنبش من قبور الأدمغة كدراكيولا في ظلام الليل...
قمتا قلتا فنجان جبنة كدآ في واحدة من القهاوي العامرات بالسليلات الأبواتهن من قلب آثينا.
ساقتن رجلي لي موقع مشيته من قبُل وظنيتها خمسة سنين قلت أمتع عيني بخضرة غابات وتلال الحبشة قبل ما يسد السد الجموح والنهضة الثائرة.
دخلت ومن حظي كان الموقع خال إلا من شمسين يتوسطهم قمر (أخوات ست الموقع وهي) قليل من خيوط الكِبر تمت تغطيتها بمساحيق التحميل ولكن عين من شاهد الأصل، لا ينطلي عليه التقليد ومع ذلك القوام محتفظ بتفاصيل تقسيماته. هي من ناحيتها أكيييييييييد ما عرفتني، لكن الناس ديل ذوقهم يفوق حد الوصف مقارنتن بينا، رحبة بي كعادتهن لكني الرباطابي قلت ليها: ما عرفتني. وبلهجة سودانية أجمل مما ممكن تكون قالت؛ بس الشبه في ومتأسفة.. منهو؟
ولمن قلتا ليه أني قبل كدآ جيت مع عادل الفاضل، رحبت بي وأظنها قصدت في خاطر عين تكرم الف..
أما الإخيات "الشموس" فهن أحلى منها ظاتها زمان ;)
ليييييييييييييييه إحنا ما كدآ؟؟
ولا الطبع برضك بيغلب التطبع :confused::confused::confused:

يبدو أنه إسبوعي دآ من أجمل أيام العمر...
الزيارة للحسان :cool::cool:
والزيارة القامن بيها لي حسان ;)
:eek:

[بابكر مخير]

قال المثل؛ إن كترن عليك الهموم. إدمدم ونوم....
حقيقة أن الأمثال لا تضرب إلا عن الواقع المعاش..
مع الكُبر والبيحصل أنه السنين تتسرب كماء الماء ما بين الأصابع ما بتنحاش، تشوفها قدام عينك وتقول توقفها خوفا من الجآي لكن بدون فايدة وهو حال الهموم.
هامي للفات وهامي للجآيي.
هامي للكان وراح، كان صحة ولا جآه (:eek:) ولا حتى قرشين قلال.
هامي للجآي بدايتن من القومة من السرير ومحاولة المشي عديل ونهايتن برقدة العنقريب.
وعليه مما كان وما هو حالين ومما هو جآآآآآيي..
فخيرون بك ورأفة عليك....
إدمدم ونوم :(

[imported_عبدالله الشقليني]

الحبيب باكر
تحياتي .
قرأت الآتي :
كبير السن هو من تقدم به العمر حتى أصبح عجوزا، أو من يعتبر المجتمع أنه قد أقبل على عقوده الأخيرة. وفي كل الثقافات الأصيلة تعتني الأسرة بكبار السن إلا أن مع نشوء نموذج المجتمع المبني على العمل في شركات في الغرب وتضاءل دور الأسرة هناك ومع تغريب المجتمعات في ظل الاستعمار وبعده تغير دور كبار السن كثيرا. لا يمكن تعريف الفرق بين الكهولة وتقدم السن بالضبط لأنهما لا يحملان نفس المعنى في كل المجتمعات. حيث يمكن اعتبار الناس كبار السن بسبب بعض التغييرات في أنشطتهم أو أدوارهم الاجتماعية. أمثلة: ربما يمكن اعتبار الناس كبار السن عندما ينالون لقب جد أو عندما يبدءون في القيام بأعمال أقل أو مختلفة بعد التقاعد. ومن وجهة النظر التقليدية، كان ينظر عمومًا لسن الستين بأنه بداية الشيخوخة. بينما وافقت معظم دول العالم المتقدم على أن يكون العمر الزمني 65 سنة هو بداية مرحلة "الكهولة" أو "المسنين".
*

[imported_عبدالله الشقليني]

جد ... الكُبر دة ثقيل بشكل

[بابكر مخير]

لمن تكبر تتغير المفاهيم، تضمحل الطموحات تضعف الإهتمامات. وقدر ما كنت مالك لأمورك تبقى مملوك لأمورك. قول كنت وفي أكثر أمور الدنيا تكرارا بتطوعها برآك، يعني الحمام مثلن ممكن يستنى لمن تقرر. حسي كدي أبقى راجل وقول ما طوالي في اللحظة والحين تلبي ليهو النداء..
يا زول بس بامبرز عدييييييييييل..
دآ أمر مالكك.
قول إشتهيت ليك أكلة في زمانك كنت تلهط منها صحنين وتلاتة وحسي أمر نوع الأكل هو البيتحكم فيك، تأكل فول ووووب، تطعم بي شطة ووبين، تشرب لبن وابور السكة حديد كاتم صوت بالنسبة لي مصارينك والبطن طبلة ورق وبنقز ..
كله على كلهو بيتملكك ويسيدك بس ذي قولة؛ الأسد لمن كِبر! القرد لعب في الشمعدانة :eek::L:L
https://www.youtube.com/watch?v=GFvJN7yYVds

[بابكر مخير]

الكلام بينمج
يتكرر
ما ينفهم
لا وأديها ثرثرة
دي ياها الحالة..
يكون ناس بتتكلم في موضوع، تنحشر فيهو وإتا أصلك ما سامعه كويس وحسب "الخرفة" الفي رأسك
((((ما هي ذي السجارة.. لاحظ، سجارة غير السيجارة، تسرح بيك في دنيا..) """السجارة مادة التي أتش سي الفيها بتأثر في مناطق في الدماغ وتلغيها "طبعن مؤقتا" ما ذي الخرف بصورة مستديمة""" وبما أنه الخرف والسجارة ذي بعض، بالله مش حقو يمنعهو بالقانون ونتفكا منهو ومن مسبباتهو ناس "الكِبر" :rolleyes::rolleyes:))))
أها حسب البتفتكر سمعته تثرثر في شيتن تكون قلته لي نفس المستمعين مليون مرة من قبل كدآ ويبقى كلام ممجوج.. زمتكرر وما مفهوم لأنه ما في محله ولا مناسبته...
ملعون يومهو الثقيل دآ..

[بابكر مخير]

مع الكِبر تتضح معالم الأمور ويبين المخفي والمستور. ذي لمن بتاعين الآثار يبتدو بي فرشة ناااعمة ينشو التراب من الأواني الفخار المدفونة من الاف السنين. براااااااااااااحة وبشوية، شوية يظهر المستخبي...
تتضح رؤية الحقيقة الماثلة في قولة: بيجي اليوم الفيهو بتمشي.
There will come a day you have to quit
شوف مثلن ناخد حكاية "الغربة"التي غريب فيها أنك قدر ما تغترب لابدن في نهاية للإغتراب بالعودة أو التغيير الشامل (تغير جنسيتك). إلا غربة هناك واااااااااااحدة وهي الغربة من النفس ودي ما ليها عودة ولا أيتها صورة من صور التغيير.
علم النفس بيتكلم عنها وبيقول ما معناهو أنها بتؤدي للبعد عن الناس والإنعزال والإكتئاب وحتى ممكن تقود لتصرف يؤذي النفس.
طعن هي ما خاصة بمرحلة عمرية دون غيرها ولكنها والمصيبة دي ملازمة من متلازمات الكِبر ومسبباتها كتييييييييييرة. منها البفرضه الواقع الخاص بأنك كبرت ونشاطك العضوي والجسدي والفكري ضعف ومنها ما يفرضه واقع الحياة في أنك كبرت وخلاص أداءك في العمل والمشاركة الإنتاجية بدء يخبو ويتلاشى "دي طبعن كما ذكر في مداخلة بأن (معظم دول العالم المتقدم على أن يكون العمر الزمني 65 سنة هو بداية مرحلة "الكهولة" أو "المسنين") لمعالجة والتخفيف من الإصابات بمصيبة "غربة النفس التي تصيب كِبار السن".
أها غربة النفس دي مرض يشابه السرطان الذي يبداء خفي ثم بخبث ينتشر حتى يتمكن. هي كذلك ما تشعر بيها إلا فجاءة بأنها تملكتك وتجول وتصول بيك على كيفها لمن تجيب خبرك بيدك أو بيد غيرك....
وربنا يغطيكم.

[بابكر مخير]

https://www.youtube.com/watch?v=RQTsuG4DiA8

وبجيكم ليها صآدي:(

[بابكر مخير]

قدر تكبر!
تصغر..
ذي الفاكهة، أمسك حبة العنبة، تلقاها في الأول منتفخة ذي خدود طفلة من منغوليا "دي ملاحظة من بيت الكلاوي" خليها يمر عليه الزمن وطبعن القصة نسبية مقارنة بعمر البشر، تلقاها إتكرمشت ونشفت وصغرت لمن بقت زبيبة.
أكيد كتيرين بذكروا "رامبو" والفتوة والعضلات والعروق في جسمها بارزات لمن تقول هن ذاتهن (مقانص ودي كان بتطلق على العضلت أيامنا) حسي تشوفهو تقول قطعوا من رجلينو سنتميترات ومن عرضه إنشات ومن عضلاتهو كيلوجرامات..
وخلونا على كدآ:rolleyes:

http://sudanyat.org/vb/attachment.php?attachmentid=1336&stc=1&d=1536464524

[بابكر مخير]

الكُبر وذي ما قلنا يبشتن الذاكرة ويمسح منها حاجات كتيرة.
أحداث ولا كأنك عشتها، أسماء ولا متل التكون سمعت بيها، أماكن التقول أصلك ما شفتها لكن في نفس الوقت في محلات ما بيقدر يحوم حولها وهي في أغلب الأحيان من الغرائز الجبلية أو المكتسبة والمقصود هنا "الطباع". تكون لئيم الكُبر ما بيشيل منك اللؤم ويبقيك ظريف، عمرك خواف. الكُبر ما بيولد فيك شجاعة.
وهنا ترآ بيت القصيد...
السفر بالطيارة.
يعني أنا إن شاء الله بكرة مسافر البحرين، سفرية تأخد 40 دقيقة لكنها عندي تتساوى ورحلة أبولو للقمر.
اللحظات الموجعة،
الفكرة في السفر وتمسكني أم هلا هلا
يوم السفر والحمام يضجر من دخلتي ومرقتي المستمر
الصعود للناقلة للميناء الجوي المقصود، تقدم رجل وتأخر التانية
الدخول لمبنى المطار ودآ معناها "الفاس وقع في الرأس"
الدخول للطيارة وتشوف المضيفات والمضيفين في باب الطيارة وكأنهم الملائكة الإتنين البيسألوا ديك.
الجلوس بالله عليك لو حتى في قمرة القيادة برضك تشوف أنك ورآ وعايز تكون قدام لأنه ورآ القعدة بتلج بالزول.
التيييييييييييييييييييييييييييييييييك أوف والف ومليون أوف منهو..
غايتهو خلاصته تتذكر أنه دي كلها البداية لأنك حترجع وتتوجع وتفزع من تاااااااني..
دآ ياها الطباع الكُبر ما بيقدر عليها وذي ما قالوا حتى لو حاولت تتمسك من خوف السفر..
الطبِع بيغلب التطبع :(:(:(:(



لو لاحظتوا أنه بنط الكتابة كبير.
وتحت تحت كدآ:o
السبب أني مقدر لمن يريد أن يقراء ممن هم مشاركيني أوجاع الكُبر وضعف النظر ;););)

[بابكر مخير]

كن جميلا تر الوجود جميلا..
شق من بيت من قصيدة في شعر..
درسناها زمان بس مرينا عليها "مرور الكرام" وبمناسبة القولة دي؟؟
في حالتنا الزمان ينطبق علينا الشق المعناهو بي عجالة وسرعة وعلى قول المصريين؛ عدي من وشك.
لكن كمان القولة العامية دي ليها سند ديني وهو الآية الكريمة " وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا".
وبرضك مرور الكرام يقال لمن ضيف يجي في زيارة. ما يطول في القعدة وما يستلم المجلس علي حسابة وإحنا السودانيين بنقول؛بارك الله في من زار وخفا. وهنا يبقى أنه الضيوف أنواع ونختار منهم إتنين؛ الضيف الخفيف والضيف الثقيل..
أمس كنت في ضيافة شباب حلوييين من أهلي وجمعت ما بين الضيفيين.
كنت ضيف خفيف على عكس صفات ناس إحنا "ناس الكُبر" ما أزعجتهم بالطلبات والمواصفات المفروض تتوفر والتحشري والإعتراض على كل شئ لكني برضك كنت ثقيل في أني إمتنعت عن الإستمتاع بكرمهم في أن أعدوا مائدة تضاهي موائد القصور، في المحمر والمشمر والمغلي والمسلوق، البارد والحار وغيره من أصناف ولكني أعتذرت ليهم كوني ضيف ثقيل ولم أستمتع بضيافتهم. أعتذرت بأسباب يعيشها كل ممن جاوز السبعين وهي متنوعة وبداية من السنون البتلوك والخشم البضوق والحلوق البيبلع ووالمعدة البتطحن والمصاريين البتمتص لكن حاجة وااااااااااااااحد تقوم بمهامها على خير وجه وهي :eek:
أخير نتخارج من الزنقة دي قبال نقول مصيبة ;)

[بابكر مخير]

http://sudanyat.org/vb/attachment.php?attachmentid=1337&stc=1&d=1536822692


قالوا عن الحب أنه إحساس والإحساس من الحواس المتحكم الأول فيها العقل. والحواس مربوطة بالدماغ وذي ما إحنا وكلنا عارفيين "قلناها مليون مرة حتى بقت ممجوجة في أنه العقل بصيبة الخرف والنسيان وسمحنة شديدة للذاكرة".
يبقى كل المربوط بالدماغ الكُبر بأثر عليهو (سلباً).
طيب الحب وبإتفاق جامع أنه إحساس فهل الكُبر بيمحيهو ذي الحواس "مثلاً"؟؟
كوكو شنيل قال: الشيخوخة لا تحمي من الحب ولكن الحب يحمي من الشيخوخة..
وأنا بذكر القول البيقول: بحبك من جوووووووو قلبي.
بيقى أنه هناك مركز تاني بيتحكم في الإحساس المشتقة من حاسة وحواس غير العقل وهو القلب ودآ كل العالم بتوافق عليهو بحقيقة أنه الرمز الأساسي لإظهار المحبة هو رسم القلب...
((الحُب أعمى..
إنها لا تعمى الأبصار ولكن تعمى القلوب التي في الصدور..
يعني الأحاسيس مرتبطة بالحواس))..
والحمد لله أنه الحب للبشر والهو؛ شعور بالانجذاب والإعجاب نحو شخص بينحفظ في القلب وما في العقل. عكس ذلك الحب للأشياء الهو من ضمن الأحاسيس الحواس البتنحفظ في الدماغ..
زمن الطفولة تحب كدآ البربتوزآ ;) وزمن الشباب بتحب تلبس "الجيينز" وزمن تقدم العمر تحب الجلابية والعمة ودآ كله الكُبر بيستعمل فيهو دربكين النسيان ويفرتق زينتهو وببقى ما فارق معاك حتى لو مشيت من دون دآ ولا دآك.
ولساتني بحب وبحكم رغم العمر والكِبر :cool::cool:

[بابكر مخير]

قال؛ جات الحزينة تفرح، مالئتش مطرح..
وقال؛ الطيور على أشكالها تقع فوقعت في بناية مهببة ذي ما أنا بقيت وقالوا: السنة تضحك نديدها...
قال، قلتا أعمل ليا حاجة كدي تشغلني وتشغلني (الأولى بمعنى تملئ ليا وقتي والتانية أشتغل فيها بقصد أسترزق منها)..
وقالوا: من برآ هلا هلا ومن جوآ يعلم الله،،، عملت المندولا وجهزناها بالجديد من آيكيا ولي البشوفها أول وهلة يقول القبة تحتها فكي، صلابة في البنيان ووساع في الرزق..
إترفدتا بعد أن بلغ بي العمر.
وبلغ السيل الزبى حين الظاهريا توحى بما غير حقيقتها، فنديدتي البناية وهي أفتكر من أوائل البنايات في أبوظبي الفتية سقتني من كأس المحبة والتعاطف والشبه فإنهارت كما جسدي كل يوم فيهو شيتن بقع..
السقف الزائف "فولسسيلينق" وقع (كما الحالة واقعا وقعة سودآ) ولكن بحمده في وقت كانت المندولا مقفولة فلم تحدث إصابات...
وإنطبق عليا قولة:
جات الحزينة :(:(:(:(


http://sudanyat.net/vb/attachment.php?attachmentid=1297&stc=1&d=1536914229

[بابكر مخير]

أخي، حبيبي وشيخي الحبيب.
رفع معنوياتي بشكل مباشر في لقاء غير مباشر..
قراءة عند الجيران (منقول):
"و هو بإبتسامته الساخرة يردد أبيات شعره المفضلة :
""سنّي بروحي لا بعد سنين
فلأسخرن غداً من التسعين
عمري إلى السبعين يركض مسرعاً
والروح ثابتة على العشرين""،"
شكرا ليك يابا :cool::cool::cool:

[بابكر مخير]

سماهم على وجوههم...
نص من آية مربوطة بالسجود فيترك علامة على الجبهة..
عندي مشكلة حساسية الإلتصاق، يعني أخت يدي لمدة في يد الكرسي، طوالي تصيبني الكرشة في المكان الملامس ليد الكرسي فسألت طبيب صديق عن شنهو العلاج؛ فقال يا دي حساسية معروفة وهي (منقول)
"التهاب الجلد التماسي التحسسي. يحدث التهاب الجلد التماسي التحسسي عندما يتطور الجلد بعد تفاعله مع مادة أجنبية. هذا يسبب الجسم لإطلاق المواد الكيميائية الالتهابية التي يمكن أن تجعل الجلد يشعر بالحكة"
طيب يعني لو ما عندي نوع الحساسية دآ؟؟
سِيمَاي ما حتبين قدر ما سجدتا.
الخلاني أقول عن الموضوع دآ؟
هاشم محمد عثمان "طبعن قالوا بقآ والي الخرتوم" الزول دآ سِيمَاتهو الممكن يبينن علي وشه كُثر وعديدات بس ولاااااااااااااااااااااا واحدة فيهن قريبة مما هو متعارف..
أولن تبادي ونقول لا إعتراض في خلق الله بس وشهو "تكنيكلر" تانين للمتمعن في تكشيرتهو الواحد يشعر بكم سؤ النية والحقد البيحملهم الجسد الشايل الوش دآ...
عن نفسي، عارف أني ما أوجههم ولا أوسمهم ولا حتى فيني شيتن ليهو صلة لا من قريب ولا بعيد بالجمال..
طيب حسي وبعد ما نال مني هذا الثقيل "الكِبر" مقصدهو شكل بقآ مركعب كدآ...
الإثقل من الثقالة ظاتها لمن يجيهو الكُبر! شكلهو حيكون كيف وهو بعد كل ما وصفته به نفسي فأنا لا من بعيد ولا قريب بتقارن بيا..
فأنا بالنسبة ليهو "لو أن صويحبات يوسف رأين جماله لآثرن تقطيع القلوب على الأيادي"..
ربنا يوريني فيك يوم وتعجز وتتكرمش وتتبشتن، تفلس وتفقر وتشحت وما تلقى اليديك حتى لو حبة خردل...
ياهو دآ هو :mad::mad::mad:

http://sudanyat.org/vb/attachment.php?attachmentid=1340&stc=1&d=1536963153

[بابكر مخير]

كل ما زادت، جاطت...
زمان بتشوف حاجات جديدة عليك وتندهش وتستنى تشوف الجآي عشان يدهشك أكتر ويكسب إعجابك..
حسي لأنها السنين زادت وشفتا في الدنيا الكتير ومنها إتعلمت الكثير (يعني فرقت تاء ولا ثاء ما اليهن ورآ بعض ومصفوفات ذي صف الرغيف ولا قول طابونة العيش).
بتشوف برضك حاجات جديدة عليك. بس الخوف لمن تقارنها مع سابقاتها تخاف من الجآي البيحزنك ويفور دمك ويطلع "زيتك"..
كنا زمان بنحضر الكورة في دار الرياضة أمدرمان، قالوا بيعملوا دار رياضة جديد في الخرطوم وكان صرح جديد فيهو إعجاب للناظر. قالوا التلفزيون وشفنا فيهو بالأبيض والأسود مشي الإمريكان في القمر وملاكمة كلآي مع تايسون اساهرنا ليها بتشوق وإنتهت في ثواني.
جآ التلفزيون الملون وشفنا التيلي ماتش (مسابقات من التلفزيون الألماني والهو الأخ الأكبر لتلفزيونا).
جات نوفمبر وشفنا منها حاجات لكن كنا منتظرين وفعلا جات أكتوبر.
كان كل مرة شئ يجي بعده شئ نسبيا أحسن.
شفنا الفوكرز وشوفنا الكومت والبوينق وشفنا العبارات وشفنا السفن التابعة لأسطولنا البحري وشفنا القطر الدخوله للمحطة بتظبط بيهو الساعة...
حسي ومع عمرنا دآ.
شفنا والخوف من "الصدمة" اللساتنا ما شفناها...
دي حقيقة أنه كل الشفناهو أخير لينا من الجآي..
سبحانك مغير الأحوال من حال لي دي الحال..
يا أخوانا يعني ناسن ذيي كدي وبالعمر دآ، يبقوا عملوهم حيوانات مختبرات لإكتشاف علاج مضاد للتقدم والتطور.
ينظروا فيهو بالطريقة دي، الوثبة، التوجه الحضاري وكدآ، كدآ يا الترلا القاطرها بشة :mad:

[بابكر مخير]

قول بقآ؟؟
عشان تعرف أنك كِبرتا والتسلسل لين خلاااااااص. منها على سبيل المثال ولست الحصر لأنها ما بتنعد...
* الجميل ما بتشوف ليهو جمال "يعني خليها تكون منهو ولا منهو ديك قدامك"
* الطعم عندك سيان، إن عسل ولا بصل
* قلة الذوق والتصرف الغير إجتماعي
* الطرش والهبل وعدم الفِكر
وختامها تفقد معنى للحياة
____________

بعدين سؤال؟؟
ليييييه الزول لمن يبقى ياهو كدي في السبعينات. الناس أكتر حاجة ممكن تصدقها عنهو أنه مات.. لييه يعني ما مثلن، يعني مثلن أنه عرس، أنها ولدت، أنه إحترف في الريال ولا قول جكس سااااااااااكت كدآ..
أمس الصباح ضرب ليا حبيبي الصديق دكتور بابكر عربي من السودان..
رديت على التلفون وأول كلمة قالها ليا لمن عرف أني أنا الرديت:
عمرك طويل. ما فهمت إلا أنه وبي عفويته المحبوبة ليا قال:
هنا في السودان بيقولوا أنك مت وأنا ضربت لي نفرين تلاتة من معارفنا المشتركين "وسماهم ليا" وسألتهم عن صحة الخبر إلا أنهم ما فادوني بحاجة فقلت اضرب ليك مباشرة وإن رديت بعرف أنك لساتك حي وإن لا ....
نشوف نعزي منهو....
لكنه لقاني لسة حي..
أحييييييييييييييييا منهو الكُبر البيخلي الحاجة الأقرب أنها تتصدق عنك؟؟
أنك متا :(:(

[بابكر مخير]

مع العمر دآ وذي ما قلنا أقوى ملازمات الكُبر هي الإحباط..
بس هناك حاجات تلهمك بأن الحياة فيه شيتن ممكن تتشبس بيهو..
ظنيتني حكيت قبل كدآ حكاية الواد عليه الرحمة لمن قال لي عزيزة أختي وهو في الثمانينات من عمره: تعرفي يا عزيزة قدر مع أنه الواحد في الثمانيات، إلا أنه برضك الحياة ما إنتهت..
عاش عليه الرحمة الي أن وصل أربعة وتمانين وكان لأخر أسابيع من عمره محاضرا في كلية الصيدلة وبتذكر أنه مكتبه في الدور الثالث بيمشي بالسلم لأنه ما كان في أسانسير..
دي قصة وثائقي لتؤام في السبعينات من عمرهم دافع الزول للتفاؤُل وتستحق المشاهدة...
:o:o:o
وأجمل ما في القصة أنه بيل أستون كان زمان بيمارس هواية الهبوط بالمظلات وأخر الواثائقي أنه العمل معاهم اللقاء سأله عن رغبته شنهو، فقال أنه بيتمنى أنه يهبط بالمظلة وقد كان ذلك..
تقول ليا إحنا العواجيز ديل خلاص بقينا ما بنقدر :eek::eek::eek:
https://www.youtube.com/watch?v=ZRLhWvjAAtg

[بابكر مخير]

سطر كدآ..
بيقولوا: البكاء بحرروهو أهله..
دحن حسي يعني ما في زولن كدي من العضوية يقول يتداخل لزوم التحفيز ولا البقروا ديل ما أعضاء وبلا كلمة سر..
كوكي يابا ما تديهم يمكن يتداخلوا وننداااااااااااح ليكم أكتر:rolleyes::rolleyes:

[بابكر مخير]

من المخففات لأحزان الكُبر..
هي ممارسة الشماتة على الأخرين في أن تلتقي بمن هم في أقل من عمرك بتلاتة أو أربعة سنين ويشكوا ليك عن سخف الكِبر...
وبي بسمة خبيثة وتلذذ في إشباع النزعة الساديية والإستمتاع وتقول؛ هآ إتو لسة شفتو شئ..
حقيقتن هم لسة ما شافوا شئ، لأنه مع الكُبر كل يوم بي جديدهو "ممكن تكون دي ميزة رغم نوع المعاناة، ماأهو حاجة جديدة".
خليك من الأوجاع والفتر الدائم والحاجات المعروفة لمن الشئ يقدم فالمدهش أنها بتجدد متنوعة.
ضعف النظر ووجع العيون والدمع السائل "قلنا بقولوا جفاف" وتغيير لونها للرمادي كما لمن تغمضها تقول تريحها. رأسك يدوش...
السمع البيتقل والإضنين البيتملن شمع كمان تجيهن صنة وتبقى صفارة قطر "كريمة" وهو داخل المحطة طوالي ضاربة دون إنقطاع....
الركب القلنا عليهن وقلنا وتباصر بي الفيهن وتتحايل تمشي! تلقاهن مرات ما يستجيبوا لي إشارة الدماغ بي قولة؛ سر... يبقن الساق والورك في خط مستقيم والركبة ما تفصل بين قولة أرخي وأحني وأتني وسير..
دآ كلهو راجيهم ذي ما أنا ذاتي رآجيين الجديد في كل يوم شيتن جديد من سناريهو فيلم "الثقيل"...

[بابكر مخير]

زمان، كلمة ما يعرف حلاتها إلا القدرنا..
لمن كنت في الجامعة ما عارف شنهو دآك وشنهو
لمن كنت شغال بصحى الصباح ممكن تكون بي فرحة وممكن بي حزن أنك المكتب،،
لمن ولمن...
ما هو زمان دي هي الذكريات بي حلوها ومرها وزمان فترة العنفوان والشباب وزمان الإناقة والحب.
يعني حسي الواحد لمن الزول يحكي ويقول: زمان "جكستا وكدآ" كتيرين يصعب عليهم يصدقوا ما هو الغريبة بيفتكروك أصلك من يومك كدآ مكعبر وعجوز. لكن بالنسبة ليا بتنقلني لي أجواء وأفلاك عجيبة..
الكلام كله أمل ورغبة وشهوات متأججة..
سبحان الله حسي الكلام كله كآبة وإحباط..
كان الواحد يحنك بمليون جنيه وما يفتر لا وتلقى الناس بي نظرة ونظراتها تشتهيها حسي أنها ليك :cool::cool::cool::cool:...
دآ شنهو دآ وعلي قول إبراهيم عبد المنعم...
دآ كان مستخبي لينا وين :mad::mad::mad:

[عكــود]

سطر كدآ..
بيقولوا: البكاء بحرروهو أهله..
دحن حسي يعني ما في زولن كدي من العضوية يقول يتداخل لزوم التحفيز ولا البقروا ديل ما أعضاء وبلا كلمة سر..
كوكي يابا ما تديهم يمكن يتداخلوا وننداااااااااااح ليكم أكتر:rolleyes::rolleyes:

عليك الله انداح اكتر
قراءك ما شاء الله ماهن شوية،
المداخلات صحيح انها بتشجع على المواصلة، لكنها ماها مقياس.
عدد القراء هو الأهم.

واصل يا حبيب

[بابكر مخير]

من 1975 وليييين فبراير 2018 وأنا شغال في الشق الغلط في ظاهرة المخدرات...
كتير من المرات يسألوني عن مجال عملي. فأرد بي عفوية في المخدرات..
يظن البعض بي خيرا ويفتكروا الإتجار ويستغربوا شجاعتي بأني أجاهر بالأمر. أها أقوم أشوف الدهشة غطت الجوه فأتدارك الأمر وأضيف بس في "المكافحة".
لكن بيني بينك لو كنت كما كان حسن ظنهم فيني.. كان أكون؟؟
عيييييييييييييييك البهزني ما بيلزني..
دحن حسي إتا تقول ليا:

عدد القراء هو الأهم.

يعني بالله عليك حسي إتا:(
لو كان عدد القراء دآ "صرفة" بمعدل كل قارئ قيمته الفعلية لو حتى جنيه "إسترليني طبعن ما دآك" ما كان بيكون أحسن...
حكاية الجنيه الإسترليني والسوداني إتنيتهم لعملة حسب مسميات المستعمر لمن صكو العملة.
لكن بالله عليك موضوع الجنيه دآ والجنيه دآك ما بتذكرك حكاية مسابقة الأسود والشارك فيها الأسد السوداني..
قالوا الناس مستغربة. الكديس دآ شنهو الجابهو السودانين يشاركوا بيهو في مسابقة الأسود.
لغاية ما تكرمت وأعلنت لجنة المسابقة أنه "الكديس" دآ هو أسد بس جارت عليه ظروف الحياة في السودان حتى صار ما صار عليه وعلى الجنيه السوداني وكل الشعب السوداني من جراء "الصدمة" :mad::mad::mad:

[بابكر مخير]

ممكن زول يكون شييييييييين (قدر الخالق ولا إعتراض عليه) بس تلقى في ناس ترتاح لمن تلاقيهو ودآ ممكن لسبب، خفة الروح، طيبة خلق أو حتى لزوم الفرجة فيهو.. ما ذي واحدة تكون شيييييييييينة (وبرضك قدر الخالق ولا إعتراض عليه) تلقاها متزوجة زولن كتير من السمحات بيتمنهو وكمان أذيدك في القصيد بيت يكون وليداتها حلويييين.
يعني قولتن كدي تخت مقياس ثابت في الحياة دي!
الله أعلم.
يعني حسي الكُبر هل هو شرطن الزول المصاب بيهو :( يكون خلاص زول عنقريب ولا ملازم البيت ولا ما يبحلق في الأشياء الجميلة وحتى كمان يتغزل فيها. أكيييييييد !!
لا والف لا.
ما أهو حسي أنا والحمد لله بقوم الصباح. طبعن قولت الصباح دي ما المقصود بيها الفترة الزمنية البتبدآ من حوالي ستة لين قول تمانية.. الصباح في أغلب الأحيان المقصود بيهو وقت صحيانك بمعنى أنه الطفل اليافع (الشافع جديد الولادة) وهو الدوم بيقولوا أنه نومه كتير.. صباحه ما بيكون ستة. بينهزك قبل آذان الفجر حتى ولا يكون شبعان ورضعان فينوم لييييييين نص النهار ودآ بيكون وقت صحيانه. فأنا مثلن (بستغرب ناس تقول ليك؛ أعوذ بالله من قولة أنا ودي بقآ الأنا ما فاهمها أصلن.. كيف تتعوذ من حقيقة واقعة، إنتا هو إنتا أكان ثقيل ياكآ الثقيل دآ ظاتهو. غايتهو خلق عندها حاجات غريبة. ذي البيجوا يعزوا ويقولوا ليك؛ إن شاء الله آخر الأحزان. دي كيف بقآ... يعني بعد الحسي عاملين ليهو العزاء دآ حيكون آخر زول يموت :(:(.. عجبي). ما علينا ونرجع لي موضوع الصباح البنسبة ليا "أنا" دا الوكيت بيبدآ حوالي حداشر.. زمان قبل الثقيل دآ ما يتملكني كنت سقد وصباحي يبدآ حوالي خمسة دغش ونهزيي اليوم كله. حتى غفوة بعد المكتب محروم منها..
جآ الأشنآ من الشنآ ظاتها دآ "الكُبر" وإرتحتا ليهو.
بأنه خلاني أقدر أنوم وصباحي رباح....

[imported_Hassan Farah]

دحن حسي يعني ما في زولن كدي من العضوية يقول يتداخل لزوم التحفيز ولا البقروا ديل ما أعضاء وبلا كلمة سر..
كوكي يابا ما تديهم يمكن يتداخلوا وننداااااااااااح ليكم أكتر
----------------------------------------------------------
اها هاك دى.....شعرة جلدك ما كلبت؟
لو ما كلبت تبقى كارثة
https://www.youtube.com/watch?v=5qKcvPK0qKA

[بابكر مخير]

دحن حسي يعني ما في زولن كدي من العضوية يقول يتداخل لزوم التحفيز ولا البقروا ديل ما أعضاء وبلا كلمة سر..
كوكي يابا ما تديهم يمكن يتداخلوا وننداااااااااااح ليكم أكتر
----------------------------------------------------------
اها هاك دى.....شعرة جلدك ما كلبت؟
لو ما كلبت تبقى كارثة


غايتهو يا ود خالي بلالي وذي ما بيقولوا "القلوب شواهد"..
حسي الساعة 3 وخمسين دقيقة صباحنولساتني ما نمتا.
وأقول ليك ليييييييه القلو شواهد..
بعد قفلنا الساعة واحدة صباحن وبنية سيئة "حنكت" شباب من ناس (المندولا) أنه اليوم نمشي نمتع ناظرينا بالوجه الحسن بعد أن فشلت في توفير الوجه الحسن لي خدمتهم في الكفتريا.
مشينا وإتفرجنا ولم نمل وكنا نتمنى أن الليل (هو طبعن في الحقيقة بقآ صباح) ما يكون ليهو آخر..
أشبعنا العيون بجمال لا يوصف وتفرسنا كيف للأجساد أن تكون مستقيمة الكمال، سيقان كأنها إتخرطت في منجرة عوض حسين (وهو لمن لا يعرف. هو صاحب نجارة في أمدرمان تقدم غرف النوم للعرسان والجلسات للبيوتات كبيرها وصغيرها وواحد من دعامات الرأسمالية الوطنية كما إدريس الهادي) وأحسنا الإستماع لأغاني سودانية بأداء مطرب، لحنا وإتقانن.
للحزن الذي لا يقاس. أضيئت الأنوار وأعلن الختام.
في طريق للبيت فكرت في أن أشرك كل ممن له في قلبه محبة بأني إستمتعت بليلة مشهودة وإذ بي أفاجئ أنك تطرق الموضع نفسه بصورة راقية مدعومة بتقنية موثقة..
لم تُكلب شعرة جسدي الكلب.
بل إنهرت من الإنبهارة والجمال الخلاب. والكارثة كانت في أني تهتا ما بين هل هن طيور أم عدد من الطاوئيس ولا هل ممكن يكونن بشر..
وعجبي من حقيقة أننا جيران :(:(:(

[imported_Hassan Farah]

والكارثة كانت في أني تهتا ما بين هل هن طيور أم عدد من الطاوئيس ولا هل ممكن يكونن بشر..
وعجبي من حقيقة أننا جيران
------------------------------------------
والله العظيم صدقت يا ابن عمتى ...ماك براك المتحير والمتعجب فى خلق الله ديل.... تلقاهم دائما فرحانين مبتسمين وضاحكين ازياءهم جميلة وكلها صناعة وطنية مش رسالة باريس او لندن كما تتفاخر نساءنا
اغانيهم ورقيصهم يمثل ارقى فن شعبى فى كل افريقيا ومن ارقى الفنون العالمية
ونحن!!!! نحن ادينا الدق بالكرباج لامن يسيل الدم ...هسع دا إكرام للصديق العريس او انتقام منه؟
عليك الله شوفهم تانى حلوين كيف
https://www.youtube.com/watch?v=RmRW-z9co68

[بابكر مخير]

كأنها إتخرطت في منجرة عوض حسين (وهو لمن لا يعرف. هو صاحب نجارة في أمدرمان تقدم غرف النوم للعرسان والجلسات للبيوتات كبيرها وصغيرها وواحد من دعامات الرأسمالية الوطنية كما إدريس الهادي)
أعادني ذكر عمنا عوض حسين لي أياااااااااااااااااااااااااااامن مضن، كن بلا مضض ولا صفوف. لا بنزين ولا رغيف. أيام كان الرغد عنوانها والمحبة أكثر السلع تداول بين الخلق "ما هو ما بس السودانيين في بعضهم حتى الأجانب كان ليهم نصيب فارتحوا وأضافو ردا على محبة الأخيار (السودانين) خيرن"..
عمي عوض حسين ولاده الإتنين إسماعيل له محبة خاصة في القلب وشقيقه حسين. كانوا زملاء دراسة.
ذكرى عمي عوض حسين ذكرتني بمايو وسعادة اللواء خالد حسن عباس ومكاوي عوض المكاوي مختار التوم والصيدليات الشعبية باكورة عطائي لأمتي.
كانت أول صيدلية شعبية قد تبرع لنا بها العم عوض حسين وخصا جزء من أرض مدرسته لها وقد شيدها من خالص ماله وحتى التخشيبة بتاعت الصيدلية كانت من إنتاج نجارتهو ولا أقصر من دعم إسماعيل لنا في ذلك..
رحمه الله رحمة واسعة فهو بالجد...
أسماء حقاً في حياتنا

[بابكر مخير]

حين نادينا لكل أخت وأخ.
أن نيقف صف واحد في مواجهة هذا "الثقيل". هناك من إستجاب ووقف "دوت" في هذه الجبهة العريضة وهناك من اثر الإختفاء خوفا أن يعاديه "الثقيل" ويصب عليه أشراره الأكتر والراجيانا..
صديقي الحبيب رأفت ميلاد.. إختفى من هنانا كما بدت الحاجات منهو تختفي ورماها في المسكين (الشيطان) أنه بيسرق حاجاته البيختها وكآبر في أنه المسكين دآ ما ليهو ذنب (إتصور يعني الشيطان بقآ مسكين أمام البعبع "دآ") والذنب ذنب "الثقيل"...
___________
منقول من الفيس صفحة روفي....
رأفت ميلاد
Yesterday at 10:46 ·
اللمسة السحرية
.
عندى مشكلة مزمنة وهى ضياع الأشياء. ممكن اكون قاعد فى تربيزة فى مكان محدود بصلح فى حاجة بمفك. انتقل لمرحلة تانية وارجع لاعادة المسمار لمكانه يا المسمار يختفى او المفك يتبخر. التفتيش اصلو ما بثمر فتعودت انادى الحجة واشرح ليها الموقف حصل كيف. لفتة لفتتين بتنكتو لى.
بتى سألتنى عن الحاجة دى وسر اصرارى انادى امها دون الناس للمساعدة. قربت
اقول ليها انتى اروش منى عشان كده ما بناديك. قلت ليها:
.
ـ أنا عندى جنى مرافقنى هو ما بضرنى لكن جنو يعاكسنى لكن بخاف من أمك ودى الحاجة الوحيدة المتفقين فيها أنا وهو.
.
القصة دى خوفت العيال (كانو صغار) فاتماديت فيها وسط احتجاج شديد منهم. عدم تصديق لكن فى ملاوزة وانا بعملا فى قالب فكاهى.
.
اليومين ديل قاعد براى ودخلنى الشكك. فى حاجات بترزع ومرات تقع. افتش البيت لا بلقى الاترزع ولا الوقع 😰"

[بابكر مخير]

بس ذي ما قلنا مرة ومرات.
أنه ليهو محاسن..
البراءة أو الكياسة (والكويس حسب المفهوم السوداني هو الطيب البرئ).
بيقولوا لمن تكبر بترجع تبقى ذي الطفل.
تلقى الناس تراعيك خاصة لمن تكون ساكن مع بنياتك ووليداتك تلقى الجميع بكل جهدهو يحافظ عليك، يهتم بي أمرك من مأكل ومشرب وملبس. شايلين همك لمن تمرق لغاية ما ترجع وإن إتأخرتا ينزعجوا وإنت غبت يخافوا. إن كحيت ينهجموا ولو إشتكيت حتى من صداع يتجرسوا حتى قبل مماتك.
أها البراءة أو الكياسة واحدة من خواص الطفولة ودي بتتملكك.
البسمة تفرحك والمديح يسعدك.
كمان إن غلتا في حق زول!
يغلبك النوم وتحزن..
قبل كم يوم واحد دخل عربيتي وأنا كما هي الحقيق (ضاربني الزمهرير "الزهايمر") نسيت المفتاح جواها. أها جا واحد شاب وما شاء الله ختا تذكرة مواقف في القزاز القدامي من الداخل وشااااااااااال المفتاح. في الوكت دآ شافه نميري "إبني الذي يساعدني في إدارة المندولا (الكفتريا بتاعتي)" ومشى خنقه وناداني بأنه الزول دآ شال مفتاح عربيتك. جيت أنا متحنفش ولكمتا ليك المسكين بقدر قوتي وأكيد بالنسبة ليهو كانت كمن طقعهو زول بي سمسمة (طبعن لي حسي يدي لم تشفى وظنيتهو عضمة أإنكسرت "ما هو عضام العواجيز بتبقى ذي عود العشر") .
الحصل أنه العربية الملاصقة لعربيتي ويكاد حتى مستر تويوتا ظاتهو بيغلط في التفريق بيناتهن. كانت عربيته وهو برضك يظهر من هموم الدنيا نسى مفتاحهو في في عربيته وبالخطاء عمل الغلطة التي كلفتني ألم جسدي ونفسي ولم تكلفه إلا ضبيبينة ركت عليهو "دي لكمتي أو بنيتي أو كما تحبوا سموها".
والله وأقول كل الصدق يومها ما نمت وما بسبب اللألم ولكن لعذاب نفسي وما ذهب عني
احد الألمين إلا لمن لاقيت الشاب دآك وحضنته وترجيتهو أن يعفوا عني يسامحني وكان هو الأكرم والأشجع وذاد في ألمي أطنان من العذاب حين قال ليا:
أنا خفت أنك تكون أصبت نفسك بضرر. وقال: أنا متأسف لأني فعلن ما لاحظت أنها ما كانت عربيتي.
وعندها رحل ألم النفس ليترك المكان لألم الجسد يتحكر بي براح وإنتشار ولي حسي يدي تنتح.
والله يا محمد صلاح ولدي حقيقتن حصلت وما كلام أسافير :cool:

[بابكر مخير]

وذي ما قلنا؟
مع الكُبر العاطفة بتكون جيآشة والدمعة بتجري بدون "حرباشة" (من المعروف ناس السجارة "ديكي" دمعتهم دايمن جارية)..
وتحب، تحب بي إخلاص ومحبة؛ حتى اللي من الحنضل حبة. وديمة تتمني لو كل كان الناس متوالفة. ما مصارعة ومتخالفة..
دآ بذكرني قولة. لمن بطن الزول تكركب وتصدر صوت عالي وجلبة في لحنها ذي الشكلة "العرآك". بتوقل:
حتى مصارين البطن الواحدة بتتشاكلن..
تتشاكل نعم لكن ما بتختلف في مصلحة الجسد وكذلك كل أعضاء الجسد. يعني مثلن زول عنده قرحة تلقى اللسان بقى ما بيسثيغ الطعام الحار (شطة مش حرارة) ولمن الزول يزنق عقله الباطني في النوم يصحى وبي معاونة صديق (شرير. إبليس) يساعدهو في الحل ;).. ظاهرين بيتشاكلن لكن ما بيختلفن في المصلحة العامة..
دحن أمس قريت لقاء مع حبيبي وشيخي ودفعتي وقدري والحمد لي الله الخلا أنه قدري مربوط بيهو.
وقريت التعليقات.
لقيت أنه مصارين بلدنا "السودان" بتتشاكل وبس الزيادة أنها بتختلف حتى لو فيها ضرر نفسها وتتنكر للمصلحة العامة. أماعقلها الباطن مااااااااااا في صديق يساعدهو وكت الضيق لكن بتملكهو.. ينكر ويتنكر.....
أها بس نقول: البغلبهو يلقى شنهو كدآ. شنهو كدآ صابونة :eek:
الكلام دآ بي سبب بس ما عرفتا كيف أوصله :(:(:(

[imported_Hassan Farah]

الزهايمرالله يكفينا شره
https://www.youtube.com/watch?v=I94bagatiU4

[بابكر مخير]

إن كان يقصدوا أن بيل كوسبي حسي وفي عمرنا دآ. كل الجرائم البيتكلموا عنها حصلت في العمر دآ أو قبلها نقول ب خمس سنين.
يبقى هو برئ حتى لو ثبتت إدانته.
وأنا دآ مستعد الدفاع عنه مجاااااااااااانن وبإستمامة واقفا أمام أشد المحاكم صرامة ومتحدياً لوكلاء النيابة في من هم أكثرهم حنكة وأُقارع بالعلم أكثر المختبرات الجنائية تقنية وأناطح إقوى مجموعات لوبيهات المحلفين.
وأنتصر له نصراُ مبينا. لممسح إشانة السمعة التي حاول البعض إلحاقها به وأعود عليه بالملاييين من الدولارت تعويضاُ...
وسر دفاعي عنه يتخلص في حكمة سودانية أو عربية تقول:
أسأل مجرب ولا تسأل طبيب...
فالرجل حالهو هو حالي فكيف بحق السماء والملائكة وحتى إبليس أن يعمل الحكاية دي وقال بعد ما يخدرهن القوارير الخودر..
بعدين بلوم محامينهو ديل الأخدهوا قروشهو كلها وما عرفوا يصرخوا في المحكمة بأن ترجع الأدلة والثوابت لتلك الكلمة الإنجليزية الوااااااااااااااااااااااااااااااااااحدة والسحرية ...
Libido
هو أصلن مع العمر دآ...
خلاااااااااااااااااااااااااااااااااااااااااااااص :(:(:(:(
يا أخي بيقولوا؛ الرغبة دي ليها أساسيات، القدرة الجسدية ودي منعدمة، التركيز ودآ مستحيل، تقبل الطرف التأني وهو وينهو وين تلقى من يرضى قسرا أو طواعيتن مع عجوزن هرِم...
"يا كوكي وقفني عشان ما إنداح وتبقى شينة;)"
خلينا بالفونتن الصغير عشان ما كلو زول يقراهو:rolleyes:

[عكــود]

:):):)

[imported_عبدالله الشقليني]

الرياضة مهمة للكُبر...
تصور آخر مرة زرت السودان ، بنت عمي تخاطبني ( يا ولدي )
مع أني أكبر منها سناً !!!!!!!!

[بابكر مخير]

الرياضة مهمة للكُبر...


;);)
ما اليها دي النصيحة الختست حجر بيل كوسبي..
واخد بالك يا جيلينا الجميل.. ليك وحشة :cool:

[imported_عبدالله الشقليني]

دكتور بابكر مُخيّر
تحياتي
أنا بهاتي بالرياضة ، وبرضو ما بتريض.
زمان أيام الثانوي ، كان في صاحبنا بتريّض العصُر ، بترننق سوت .
تصور الناس بقولوا : دة مالو بتجارى العصُر .. دة جنَّ!
*
بالمناسبة الكوز القديم علي شمو كان شغال وزير الشبابوالرياضة أيام الرياضة الجماهيرية
الخاصة بمايو . كان يومياً يطلع العصُر بالترننق سوت . يجري وتتابعو كاميرا التلفزيون . كان بيعتقد مايو دايرا البيان بالعمل !!
*
يا حليل ناس هم ناسنا
ذكرياتُم ديما في راسنا
*

[imported_عبدالله الشقليني]

https://www.youtube.com/watch?v=QYL1s7802aY

يا حليل مجلسنا ...

[بابكر مخير]

[QUOTE=عبدالله الشقليني;544545]
يا حليل مجلسنا ...[/QUOTE

ما عن نفسي لكن عن شقيقنا إتا وأنا "كورية".
كان له مجلس محضور من شباب الحلة الفي عمره في الحي الشرقي الخرطوم وبالضبط في عتبة صغيرة مبنية كحاجز للمشاة في طرفي جسر صغير فوق جدول تصريف المياة في تقاطع الزبير باشا مع عثمان دقنة.
كان مجلسهم منتهى البراءة ما فيهو غير الونسة البتاخد ليها ساعات طوال من المغرب حتى منتصف الليل..
مجلس سمر بس خالي من أيتها نوع من الموسيقى يعني نضمي وبس..
مجالس السمر ديمة مرتبطة بالغنا حسب العرف العام أو الخلوة بمحبوبة. هو نعم السمر مربوط بالليل عامة وكمان زيادة على كدآ؛ سوادهو فهل هو الشرط الأساسي للإنفراد بالمحبوبة "الليل" :confused:.
وبأيتها حال ما كل جليس السمر شرطا يكون الحبيبة.
يا هو ممكن يكون ذي ناس "كورية" شباب في عمر متقارب ويسكنوا في نفس الحي والبعض منهم زملاء في مدرسة واحدة.
هذا المجلس بقول ليك فعلن يا حليلهو..
لكن التاني دآك..
بيجيب الهوآ والهوآ بيسوق الزول للعرس..
ودآ الياهو سمر "السواد" :mad::mad::mad:

[بابكر مخير]

اليوم النفسيات كانن في الحضيض.
من الصباح مرآية الحمام وأظهرت ما لا تحب النفس رؤياه.
في العربية غصباً ومكره ومضروب بالشلوت أنك لازمتن تعاين في المرآية (أصول القيادة السليمة).
أول ما دخلت "المندولا" قدامي مرآيا (البيحز في النفس أني أنا الختيتها، يعني ذي الطبز عينه بي صباعه)
هذا الإكتشاف الكئيب. محبط ومزعج وأصلهو ما كان في ليهو داعي. إلا إمكن ياهو عشان يقهم كل شينن، مكرمش الوجه ومليا بكمية مهولة من التجاعيد المتداخلة مع بعضها كما هو حال المكرونة "الإسبجاتي" في الصحن.
غيرهو كمان الكميرا التي توثق قبح الزول العجوز والذي ما أقبح منه إلا الكميرات الفي جهاز جوال السامسونج وأيفون ذات الجودة العالية..
بالله عليك كرمشاية صغيرونية تكون مدسية وسط التجاعيد والأخاديد تبينها ليك ذي وش القمر بي حفرهو وبراكينهو الهامدة..
أنا دآك وإن ليا مراد ناس "السلفي" ديل البسهم وشي وأشوف برضك بيتصور "سلفي"..
إختراعات ما ليها إلا تنقص على حياة كل عجوزن ذيي كدي...

[imported_عبدالله الشقليني]

يا سلام يا دكتور بابكر
ذكرتنا الأيام الجميلة التي كُنا حينها نزور بيتكم في الخرطوم شرق . لازلت أذكر أن الباب الذي يفتح غرباً.
وقابلنا فيه الراحلة والدتكم الأخت الشقيقة الوحيدة للعميد الراحل يوسف . غطى المولى بغطائه النبيل مثواهم جميعاً.
ديك أيام لا تتعوض ، من نقاءها وحلاوة طعمها .
.....

[بابكر مخير]

مع الكُبر.
يكبُر إيمانك ما هو شنهو يعني وقالوا: الأعور طبظوهو في عينهو، ضحك وقهقه وقال ما هي أصلها خربانة.
دحن حسي ما أكبر الأمور هولاً وأكثرها رهبة هو المشية بالمرة.
أها مع الكُبر بيبقى ليك بالكان وعشته زمان وترجي الجآي أكيد وتراهو ما بيقوي إلا الإيمان...
تقوى العقيدة لييين قريب من التطرف. بالله عليك حسي أنا لمن زول بس يقول؛ صرافة الأنصاري لمن شعرت جلدي تكلب وأهتز كالدرويش في وسط حمد النيل وأطرب كمن هو حاضر كونشرتو يجمع ري تشارلس وأريثا والوليد ستيفي وندر وتلقاني أرتعش كمن "خليها يا كوكي أحسن;)" من التلذذ بسماع إسم كيان عقيدتي السمحة فنحن أحفاد (الإسم دآ ظاتهو بيلخبتني) النصرو الدين بسيوف العشر وبجعوا الكفار للمحافظة على البلد بالشكابة "طبعن مع تحفظ كبير في تسمية كفار إلا في حال المقصود بيها المستعمر ودآ قصدي هنانا".

[بابكر مخير]

لما الزول يكبر ويعجز.
في السودان يقولوا أنه خلاص بعد كدآ يرافق تبروقتهو. يعني القصد وبالعربي أنه بقآ غير ذي فائدة لغيره فأحسن ليهو يصلح علاقتهو فوق ويستنى مقابلة السؤال برصيد جيد ونضيف.
طيب شوف الناس ديك كيف تفكيرهم..
ترامب وهو ظنيتهو دفعة لساتهو طامح للفترة الثانية.
عبد العزيز بوتفليقة مع أنهو مننا لكن برضك عايز يلوي عود الدستور ويحكم ما عارف الكم لكن أكيد المرة فوق التالتة.
كمان حاجة تانية..
لكن كمان عشان تعرف اننا السودانيين ما أصحاب كلمة واحدة..
يعني نقول ونسأل؟
عمر البشير دآ مش سوداني وفي السودانيين كمان حقهو أشتر بمعنى أنه زول وفاااات الجعلتي والهدندوة والغرابة في الشتارة "التي هي صفة ملازمة للأهل".
مش مفروض يكون تبروقتهو إنسهكت من عصرهو ليها..
ويفكر في منكر ونكير ويلزم بيتهو لمن يجيهو الطواي حباله..
شنهو يعني عايز من عام 2020 :o:o:o:o
يا أخي كفاك وأعمل لأخرتك كانك تموت غد. أما دنياك فقد عيشتنا فيها النكد..
طبعن سيدي خليفة المهدي قابل الموت فوق تبروقته في أم دبيكرات "زول عاقل".
أما عن نفسي فربنا يهون لينا عصرت التبروقة :(:(:(...

[بابكر مخير]

الحساسية والحساسية والحساسية
هي تلاتة أعراض؛ نفسية وجسدية وأدبية.
بتقوى فيك وتستلمك وتتملكك.
حساسية في إلإحساس ذي ما قلنا من قبل كدآ.
شئ بسيط يتقبله كل شخص إلا إتا يجوط ليك رأسك وتتعقد منه وخد يا أسئلة ودون إجابات.. "أكون عشان أنا بترجف ذي القصبة وإن مسكتا كباية شاي مليان نصها بحمي بيها كل ممن حولي، أكون عشان لعابي ديمة سايل، إكون عشان الإصوات المتنوعة ومتباينة البتصدر من البطن وتشكيلتها بدء من صحيل الخيل الي مواء القطط وبعض مرات زئير (بتذكر زمان وإحنا ساكنين في عشر بيوت "الحي الشرقي" في الليل بنسمع زئير الأسد بتاع حديقة الحيوان... يا هو ظااااتهو المسكين البقآ أصغر من كديس في زمن الإنقاذ السجمان دآ). حساسية مفرطة لمن تتحسس من حساسيتك ظاتها.
حساسية الجسد. الجلد بيرهف ومحل رهيفة بتنقد وكل يوم إكزيما في مكان وبدون مبالغة ما تفرق بين الكان خشن والأصله ناعم، فوق ليين تحت وكدآ كدآ ;)..
حساسية أدبية في أنك كان عندك وضع وفرضاً يعني وليك هيبة ومكانة. حسي بتفقدها وتبقى كلهوعلى كلهو ؟؟
سك.
ملطشة يشيلوك من هناك ويختوك هنا، يناولوك، يلقموك وممكن بس وأصلن ما ممكن يراضوك الآ يشلو العندك لو هو أصلهو التكتحآ فيي.
وماااااااااااا بيدوك :eek:

[imported_عبدالله الشقليني]

كلامك عن الكُبُر وأعراضو يا دكتور بابكر .. تخوّف
ياخي طمنّا الله يطمنك ...خرِّم شوية
أو أدينا أمل واحد نعيشو

[بابكر مخير]

كلامك عن الكُبُر وأعراضو يا دكتور بابكر .. تخوّف
ياخي طمنّا الله يطمنك ...خرِّم شوية
أو أدينا أمل واحد نعيشو

تشوف أحفادك وتلاعبهم
جنياتك بعد كنت إنت الشايلهم
يراعوك ويقدسوك وإتا الملهمم..
الكُبر يابا
تاني شنهو أقول :rolleyes::rolleyes:...
يا بيكاسو يعني بالله عليك دي كويسة منك :)
عايزيني أطمنك كضب...
وأشيل في رقبتي ذنب..
وأقول النحاس دهب..
والبلي بتاع اللعب..
لولي ومرجان..
ولا أقول:
عظيم سلفاكير ونايبهو تعبان..
وبطل همام الإسمه البشير والكان نايبه في يومن أغبر عثمان..
كانوا ولا هم ولا ممكن أصلن يكونوا كويسين...
الحبيب يا هو الكُبر كدي. لا كضبن بجملهو ولا شِعرن ممكن فيهو ينقال في شان يمدحهو.. :(:(:(:(:(
ولا أقول قولن مجافي الحقيقة..

[بابكر مخير]

قلنا الكذب مع الكٌبر بيقل
كلنا العاطفة تزيد
قلنا الحنية بتقوى
وحاجات كتييييييييييييرة..
لكن يابا ما هو ذي السكري، تلقى ناس لو ما 4 ملاعق سكر في كباية الشاي يكونن 5 وشداااد ولضاد ما عندهم سكري وسنونهم بي عددها ةنظرهم ستة على ستة والعمر كوبااار.. وبرضك ضغط الدم يكون أنيسهو فنجان القهوة وشرطن تكون "وفرم" (بالأمهري تعني قوية) وسجارته لو إنطفت حجر الشيشة بتولع على طول وجغمته حتى البيرة ما بتصل تربيزتهو من فودكا لييين التكيلة.
وناسن لو كرستلايت سكر ساكت تلقى صلبانهو ما يتعدن وإن لو روحه شحتفت سآهي ضغط دمه السفلي يلحقه أمهات طه..
يبقى من هذا يوضح جلين أنه ما شرطن كُبري ذي كبرك ومع أنه كباري الود بيناتنا موصولة...
كبرك وكبري دي يقدر طبقكم يطبق طبقنا ذي ما طبقنا طبق طبقكم :cool:..
يعني حسي عمك شوقي دآ شوف كُبره كيف شييييييييييييييين وأشتر..
قلنا الكُبر بيكسب الوقار لكنه بس ربنا يسهل ليهو مخارجة قبل ما يلحق زولن رصص نفسه بعد ما إتقفلت قدامهو..
وحق شوقي دآ ما هو كبر. دآ ياهو ظااااااااااتهو الخرف..
لو تتذكر في ناس كِبرو كدآ وتلقاهم في الشارع قدام بيتهم في كرسي واليجي ماشي ولا "عابر سبيل" قدمهم يسبهو دون سبب ويشتموهو بأقبح وأفشح الألفاظ..
أها دآ ياهو الخرف من نوع خرف شوقي بدري :rolleyes::rolleyes:

[imported_عبدالله الشقليني]

غايتو ما طمنتنا
لكن حقو تكضب علينا ساكت ...
تعال نتفق على ( قص الرقبة )
*
نفتح باب يجيب الهوا ...
خلي شوقي بدري

احكي لي عن قهوتك شوية، خفف الآلام علي يا عيني ...
https://www.youtube.com/watch?v=M-PBwOKly8U

[بابكر مخير]

https://www.youtube.com/watch?v=M-PBwOKly8U

شئ جميل :L:L

https://www.youtube.com/watch?v=qoq_vXILSyY

[بابكر مخير]

بالله عليك!؟
جسم الزول بقآ ذي الكرة الأرضية منذ زمن..
كل يوم تكتشف شيتن جديد. بس المحزن أنه إكتشاف ما بيتسجل بي براءة ولا بيحتاج لي براعة..
ينشاف وينعرف بالعين المجردة ذي دفاعات السودانية الجوية...
يا أخي تكتشف أنه الأظافر تتكرمش ووطاية الرجل تبقى أنعم من الحرير وتبقى زول زفير بعد ما كنت تتنفس عادي للهواء الحسي بقآ بقليل المقادير..
تكتشف أنه المشي للطبيب بيجيب أخبار ما بتسر حبيب وأنه لو قعدت من دون كدآ. أكيد بتقلل في أيامك وعددآ..
تكتشف أنه الرقدة في السرير بداية مشاكل والقومة تقريب تكون من سابع المستحيلات " مش بنقال كدي؟".
إتو شنو هن :confused::confused::confused:

[بابكر مخير]

الضَعْف والضُعْف
تكاد تكون كلمة واحدة لكن سبوييه أشغل سحره فيها لتكون كلمتين ومع دآ بقرضك إتنينتهم يكادوأ أن يحملوا نفس المعنى.
بمعنى الحاجة والتانية برضك ممكن تكون حاجة لشئ يقويك..
الضَعْف وقول مثلن مفلس وهنا تضعف لحوجتك لقرشين تلاتة تلحق بيهم روحك وتسترد شئ من عافيتك الأدبية والمادية وحتى النفسية لأنه الفلس بيهزم العزيمة "السلفإستيم" لدرجة أنه بيدمرها ويخليك محبط وحتى صَغِير..
(بالله عليك شووووووووووف التشابه بين الكُبر والفلس لأنه وبكل المقاييس نفسهو حال الكِبر)
الضُعْف يعني الهزال وتبقى سوسيو بعد كنت ما شاء الله تمشي في الأرض "فرحن" تضبلن وتهمد وتزبل والحارة جد؟
تعجز :eek::eek:
(طيب ما دآ ياهو ظاتهو حق الكُبر)
نخلص لي أنهو الضَعْف والضُعْف وكل شيتن يلف لفهم.
هم ياهم ظاتهم وبي صفاتهم الثقيل بالتمام والكمال :mad::mad::mad::mad::mad:
-----------
الحبيب شقليني..
ياهو كدي وأنا لا أكذب ولن أتجمل :cool::cool::cool:

[بابكر مخير]

قدر ما الناس تتنكر لي أصولنا العربية برضك تلقاها عالقة فينا سيك سيك ومع الكُبر الصفات العربية برضك تكبر.
قلنا الرجفة لو أصلها ما كانت عندك مع الثقيل ياها حاقراك ومتسببة ليك في حرج بين الخلق.
تلقى الناس ولاااااا شغالة بيك ترجف ولا تندرش علي وشيك. لكن إتا قانص وبي طرف عينك تعاين في شان تشوف تعابير وشهم وداخلك شعور بأنهم أكيييييييييييييد بعاينو ليك وعندهم تعليقااااااات وتعليقااااااااااااات عن رجفتك وهم بي إصرار ما معبرنك..
تلقى إتنين بيتكلموا بصورة حضارية وبي صوت يكاد يكون همس. إتا تدخل في النار وهواجيس تغمرك وتغطسك لين روشروش عيونك.
يا أخي هاك وقول دي واحدة من حقيقة الإنتماء العربي والهو كلهو بتنفس ويشرب ويأكل من طبق إسمهو "Conspiracy theory"..
مثلن دي حالتي لمن ألعب كوتشينة "وست" وأسمي مربوطة وزميلك يكون عندهو "أتو" من ستة كروت يقول: تسعة.... يلعبوهو وتسقط التسعة.
طواااااااااااالي بالك يمشي لأنهو هو متأمر معاهم وإلا ما كان سمي تسعة..
وتسقط...
طيب يابا إتا ما ربطتها وعلى القولة. خآتي البلآ ولا الوقع فيهو وبرضك تنطبق عليك قولة: أقرع ونزهي، ما عندك مربوطة "البااااااااااااس" مالهو..
إنتماء تتجلى قوته مع "الكُبر"
(نظرية المؤامرة) :(:(:(:(:(

[بابكر مخير]

في عمرنا دآ الواحد ذي ما قلنا تستستريناتو بتقل وإستروجيناتو ذي بتزيد. (قال ليك لمن عند الرجال الإسترو دآ يزيد بيغير في شكل الصدر والأرداف نتيجة السمنة) وطبعن مع الكُبر عنصر السمنة يكاد يكون من المستحيلات.
طيب كمان قال ليك بيأثر على قصة الصحة "الجنسية" الهي بديهي "منسية" (عكووووووووود الحق)...
طيب شنهو الرابط بين المحاضرة عن الهرمونات دي وعنوان المداخلة :confused::confused:..
هنا الرابط يا سيدات وسادة؛ الإناث والسيدات أبقآ أمدحن، بيفرحن ولمن تكون في ذي حالتنا دي بتلقى الصلة والربط.
أن شكروك ولا قالوا "وطبعن بديهي كضبة" أنك وسيم وليك بسمة زينتها وجنة في الخديد وليك قوام ممشوق وكامل رجولة..
تكآد تموت من الفرح..:D:D:D
غشيم وكايس ليهو قشة تجره من الشولة في القيف :(:(...

[imported_عبدالله الشقليني]

- الشيخوخة بالامها خير من شباب بلا أمل. – تيرنس.
- الشباب يحلم، والشيخوخة تكشف الحساب. – مثل فرنسي.
- البعض يولدون شيوخا ، والاخرون يموتون شبابا. – شكيب أرسلان
- تكمن الشيخوخة في الروح أكثلر مما تكمن في الجسد. – فرنسيس بايكون.
- الشيخوخة بحد ذاتها مرض. – تيرنس
- الهدوء هو حليب الشيخوخة. – توماس جيفرسون.
- اذا أردت أن تشيخ في سلام فكن أصم ، أعمى ، أبكم. – مثل تركي.
- العجوز هو ولد مرتين. – أيبوليس.
- الشيخوخة عالة على الاخرين، كما هي عالة على نفسها. – ايرازموس.
- أعتق الاشجار تعطي أحلى الثمار.
- الشباب يؤمن بأشياء كثيرة خاطئة ، والشيخوخة تشك في أشياء كثيرة صحيحة.
- يمكن أن نولد شيوخا كما يمكن ان نموت شيوخا. – جون كوكتو.
- لكل شمس مغيب. – مثل عربي.
- الشباب له وجه جميل ، والشيخوخة لها روح جميلة. – مثل صربي.
- الشبان يعتقدون أن الشيوخ مجانين ، والشيوخ يعرفون أن الشبان هم المجانين. – جون ليلي.
- تكمن الشيخوخة في الروح أكثر مما تكمن في الجسد. - فرانسيس بيكون.
- ليس أحفادي هم الذين أشعروني بأني عجوز، وإنما مجرد إدراكي بأني زوج لجدتهم. - جورج برنارد شو .
- سئمت كل السأم، من رجال عجائز يحلمون بالحروب، لن يموت فيها إلا رجال فى ربيع الشباب. - جورج ماكغفرن.
- في مرحلة الشباب نحن نسير من خلال الصعوبات و لكن في الشيخوخة تسير الصعوبات من خلالنا. - بيفرلي سيلز.

[imported_عبدالله الشقليني]

https://www.youtube.com/watch?v=f6UP-dQ9-6I&t=9s

قصص ناس ( كُبار ) :
مع هيكل عن السودان

[بابكر مخير]

أخي الحبيب بيكاسو..
خلي بالك معاي،،
بعض التعديلات.
بص :rolleyes:

(الأمل هو النظر نحو المستقبل.. وينهو المستقبل دآ لي زولن "جلكن"؟؟؟)
- الشباب يحلم، والشيخوخة تكشف الحساب. (حساب مغلوط ذي حكاية الغني وما كان ناجح في قراية الشغل أول فصلهو سكرتير عندهو.. مع أنه الحساب الصاح بيقول أول الفصل مفروض يكون أغني من الطيش)
- البعض يولدون شيوخا ، والاخرون يموتون شبابا. (دي المشكلة، العجوز دآ مش مفروض يفسح المجال للصغار ويتوكل يغور)
- تكمن الشيخوخة في الروح أكثر مما تكمن في الجسد. (حجة وأهية،، روح دون جسد ودي إلا تكون حدائق بابل المعلقة)
- الشيخوخة بحد ذاتها مرض. (وخبييييييييييييييييييييييييييييييييييث)
- الهدوء هو حليب الشيخوخة. (ما قلنا جثث شاغلة محل في الكرة الأرضية وبتفش للهدوء مع ملاحظة أنه الهدوء الأكبر هو في القبر)
- اذا أردت أن تشيخ في سلام فكن أصم ، أعمى ، أبكم. (الصمم أكيد والعمى ضمان لكن البكم دي ما حقت العجايز، يا زول طرقة وطرطرطشة ورش رذاذ بس التقول بتزقي في أرضية ميدان الكورة "طبعن في البلاد المتقدمة وما السودان")
- العجوز هو ولد مرتين. (مرة لمن يعجز والتانية لمن يموت)
- الشيخوخة عالة على الاخرين، كما هي عالة على نفسها. (صدق والله الراجل الصادق دآ وأغلب الباقيين كضابين)
- أعتق الاشجار تعطي أحلى الثمار. :eek::eek:
- الشباب يؤمن بأشياء كثيرة خاطئة ، والشيخوخة تشك في أشياء كثيرة صحيحة. (عااااااادي ما هم أصلن ثقيليين ذي الكُبر واحد)
- يمكن أن نولد شيوخا كما يمكن ان نموت شيوخا. (وإتنينتهم كالمعاقيين، المواليد لساتهم وبي سببهم، لكن ديل، بعد ما جالوا وصالوا، عايزين يجوا يتعبوا الخلق.. ما خلاص غوروا يا أخي)
- لكل شمس مغيب. (ما مغيب دآ ضلام عديييييييييييييييييل كدآ)
- الشباب له وجه جميل ، والشيخوخة لها روح جميلة. (والله ما ليها سجم رمادها)
- الشبان يعتقدون أن الشيوخ مجانين ، والشيوخ يعرفون أن الشبان هم المجانين. (دي ذي ما تقول؛ الفيك بدر بيهو والعليك إتناساهو)
- ليس أحفادي هم الذين أشعروني بأني عجوز، وإنما مجرد إدراكي بأني زوج لجدتهم. (شفت كيف، يعني المسكينة القطع شك أصغر منهو. هي العجوز لكن هو لساتهو حلاتهو قدر أحفادهو).
- سئمت كل السأم، من رجال عجائز يحلمون بالحروب، لن يموت فيها إلا رجال فى ربيع الشباب. (Typical elderly attitude)
- في مرحلة الشباب نحن نسير من خلال الصعوبات و لكن في الشيخوخة تسير الصعوبات من خلالنا. (في الحقيقة إحنا البنخلقها)



[/COLOR]

[imported_عبدالله الشقليني]

حيرتنا يا دكتور ...

إنت بتقول ( القرد عند أمو قرد !)
بدل ( القرد عند أمو غزال)

[بابكر مخير]

حيرتنا يا دكتور ...

إنت بتقول ( القرد عند أمو قرد !)
بدل ( القرد عند أمو غزال)

حبيبك "كورية" كان المدلل عند خالتك مدينة (وأكيد بتتذكر بعض من هذا) وكنا المرحوم قاسم طيب الله ثراه وأنا. ندخل في النار وما نمرق..
كورية حفظه الله لمن لا يعرفه..
حلو الحديث، خفيف الظل، لا بيضب بحر قصصه ومغامراته. صولاته وجولاته..
حديثه ناعم مع النواعم ومؤدب مع الجميع ممن هم أكبر أو أصغر منه سنا..
أها بي قدرته في شغل قلوب الجنس اللطيف؛ أمي كانت منهن...
كن الإناث، طوعا أو قهرا يقعن في دباديبهو "الدباديب هي جمع دبدب، والدبدب هو كعب الغزال الشارد"....
"فكروية" يا صديقه وهو صديقي يا صديقي الودود..
في نظرنا إحنا، شيخي وشخصي نشوفهو..
قرداً
وأمه، أمنا. تراه غزالا..
فالمقاييس دوما تتحكم فيها الظروف وما في هناك معايير ثابتة..
:cool::cool::cool:

[بابكر مخير]

بينقال أنه الوقت هو مقدار محدود من الزمن.
أنا بقول أنه الوكت ما هو إلا مقياس هلامي مربوطة بيهو حياتنا من وكت ما الزول يتولد لين يمشي منها والمقياس دآ نقول أنه ذي المسطرة مقسمة لي بوصات أو سنتمترات هو كمان ليهو تقسيمات مختلفة. أمسك من فصول السنة الأربعة كل واحد ليهو فترة من المقياس دآ، مرورا بأيام السنة وساعات اليوم وهلما جرآ..
ممكن تتحكم في المقياس دآ يعني تواعد ليك زول الساعة 12 ظهرا وتمشي ليهو الساعة 12 صباحا وممكن برضك تنساق ليهو يعني تأخدك نومة الضهرية وتصحي تلقى الساعة 6 وشوية ضلام تقوم تفتكر أنه الوكت سرقك وهي الساعة حسي 6 صباحا من اليوم التالي..
وذي ما هو منقول؛

(http://lisaan.net/%D8%A7%D9%84%D9%88%D9%82%D8%AA/#718189c8edc5bcf2307cd65dfbcb7930)..

القصد من دآة كلهو أنه بمرور الوكت بيبقى ليك مع الكًبر إلا الذكريات "وهي ذاتها خربانة ونايمة ما بتصحى إلا فجات" من حاجات جميلة وذكريات مفرحة في وكتن مضى. تقعد تلوك فيها وتمضغها دون ما تبلعها خوفتن من زوالها أو تتلاشى.
أوكات مضت ما تبقى منها إلا طلال..
المحطة الوسطى في الخرطوم وميدان أبوجنزير.
بيتنا في شارع الأربعين وصورة أعمامي ولاد سيدي الأمير يعقوب من الغدوة الي المساجد حتى الوراح. سيد اللبن من الدغشية على "صهوة حماره" ومن بعدهو وعلى حماره أيضا (المعآ قزازا). "المعا قزاز دي هي عملية تدوير recycle بفائدة مادية، كانت زمان في وكتن جميل لمن كانت زجاجات المشروبات الإياها بعد ما تأدي قرضها تنباع لجامعها وممكن الإنسان يلتقي بيها مرة تانية يا في قزازة مشروب روحي أو غازي.. يعني من إحنا شفع ودآ قبل كم وستين سنة في السودان بندور "من تدوير وبكل براءة"..
بلد كانت حلوة، خرطومها لمن خلاااااااااااااص كان غلندر أو قلندر..
من العاصمة وليها وبيها.
بالله عليكم حسي قالوا؛ هاشم محمد عثمان..
أظرف حاجة أنهو والي الخرطوم بعيد في قريتهم ذي أولاد ملاح زمان، في الأعياد ذي أيام الحروب. الناس لازم تحضر تموينها قبل العيد أنهم ولاد ملاح بيقفلوا وبيمشوا البلد وما بيرجعوا إلا بعد عشر يوم أو إسبوعين..
يعني خرتومنا في الأعياد حتكون من دون والي..
ما مشكلة ما هي البلد كلها بدون والي:mad::mad:

[بابكر مخير]

مع الكُبر، نقاط ضعف الزول تبقى ذي أرضية "المندولا" بعد ما عملوا ليها صيانة في السقف، ما في سنتمتر مربع وإلا تلقى في البلاط عشر خروم بتاعت اللحام الشدو بيهو السقف..
الزعل، نقطة ضعف؛ العاطفة، نقطة ضعف؛ الحنية، نقطة ضعف وكل إحساس عند البشر بيشكل نقطة ضعف مع الكبر..
أمسك مثلن زول قريب منك، تريدهو وتحبه، كنت فآكر أنك ما قصرت معاهو، شلته ولاليتهو..
بالنسبة ليك بقى روحك.. تستنآ أنه يكون يكن ليك شئ من دآ. لكن هيهآآآآآآآآآآآآت يا من تنادي....
تقوم ومع ضعفك، تحبط وتدبرس وتمسخ ليك بأركانها الأربعة..
بس تقوم تفكر.. وتمسك ليك قولة بسييييييييييييييطة؛
هن أصابع اليد ما ماهن ذي بعض..
ترتاح وتقول: دي نقطة ضعف من الملايين من النقاط. صهين يابا...
وتتوكل وما تحسب من تاني وما تحاسب. بس شوت ضفاري..
ما إتا كدآ وهو كدآ وأصابع اليد ما ذي بعض:(:(:(

[بابكر مخير]

يقولوا ليك؛ زول مكجوج ولا زول بكُج..
أنا بتخيل ليا مع الكُبر الكججان بزيد وبناء عليه من الأحسن الزول يبقى على حاله قدر المستطاع وإن خرجت الحالة عن المستطاع.
يبقى شنهو عات..
زمان قدر ما بتذكر! الفشل في التخطيط نسبتهو ما بتتعدآ من خمسة لي عشرة في المية..
قرآية مع بعض المعاناة ويمكن دي الخلت نسبة الفشل نسبيا لما غيرها من أمور ترتفع لي فوق الخمسة.
الأمور الخاصة نعم ضعيفة ولكن ما فشلن فردي، ما أنا وتيريين بيقولوا عليا دكتاتور لكني حقيقتن قرار كدآ أخدته فردي ما بتذكر. برمي الكورة ديمة في ملعب الطرف التاني..
بتذكر "طيبون" الطيب إبن شقيقي فاروق ميرغني عليهم رحمة الله، قال ليا: تعمل الحاجة ولمن تنجح، تسيبها لي غيرك.. (الصيدليات الشعبية، مجلس الأهلي لمكافحة المخدرات السودان، أمانة الشباب بحزب الأمة، المجلس الوطني لمكافحة المخدرات بلندن)..
آها وهو في أمريكا، سمع عن بداية تأسيس المندولا وقال نفس الكلمات..
لكن الأخيرة دي بقول ليهو وهو في الأعالي؛
ما ناوي أسيبها لكنها اللئيمة ذي ناوية تجيب خبري..
فشل ذريع مزروع في أرضية رخوة من تلتلة ووهن الكُبر سمادها سنين متجمعة.
:(:(


https://www.facebook.com/mandola.abudhabi.5


https://www.google.ae/maps/place/Mandola+Cafe+Sudanese.+.+%D9%83%D8%A7%D9%81%D9%8A% D9%87+%D8%A7%D9%84%D9%85%D9%86%D8%AF%D9%88%D9%84%D 8%A7+%D9%85%D8%B7%D8%B9%D9%85+%D8%B3%D9%88%D8%AF%D 8%A7%D9%86%D9%8A%E2%80%AD/@24.4686324,54.3788683,303m/data=!3m1!1e3!4m5!3m4!1s0x3e5e67d58cf7f28f:0xea9cb 3e03f69cdf6!8m2!3d24.46885!4d54.3791611?rapsrc=lu_ categorical_full_list&hl=en&authuser=0

[imported_عبدالله الشقليني]

في واحد قال الكُبر كويس
وقال تاني : الشجر الكُبار فيهو الصمغ

الكلام ليك يا دكتور بابكر ...
الكُبر كويس ... بس الأمراض كعبة ، والصغار بيمرضو وكذلك الكُبار
ولا شنو؟

[imported_عبدالله الشقليني]

https://www.youtube.com/watch?v=mwW9dUxZ5CY

[بابكر مخير]

خييي الحبيب
كدي شوف
في واحد قال الكُبر كويس


بس الأمراض كعبة
الكًبر يابا
أكبر الأمراض مرضن وأكثرها فتكن.
لا علاج له سوى أيامن معدودات
لا فكآك منه. فهو حتمي إمكن ما أكتر منه حتميتن إلا العرس "ما بقول إتنينتهم ذي بعض ولكن بيني بينكم التشابه ما بين الشخص وصورته في المرآية (الكبير والمعرس;);))".
والصغار بيمرضو وكذلك الكُبار
ولا شنو؟
مرض الكُبر ذي البركان لمن يتفجر. كله على كله برآ وما بيتعالج. دآك ذي سحابة عابرة...
المرض يابا في الكُبر ذي السونامي، يأتي على الأخضر واليابس ومرض سن الشباب ذي موية الغُسل ، طهارة وكفارة...
ربنا يجعلنا من الأصحاء باقي الباقيات ويشفي مرضانا وأقول قولي هذا وأستغفر لك ولكم ولي :cool::cool:

كدي سؤال صغيروني وذكرني ليهو الغُسل..
مش قالوا النضافة من الإيمان؟؟
لييييييييييه محل الوضوء ديييييييييييمة مويتهو مشرشرة والأرضية مبهدلة وحتى اللإتوضاء دآك وإن شاء الله ما يكون لا بس بنطلون لأنه بتلقى خرطة الكرة الأرضية كلها في بنطلونه وحتة كدآ ذي البحر الميت :eek:.. موية وسط جفاف..
ما تسألني يا "عكود" تقولي ينها الحتة دي:(:(:(

[imported_عبدالله الشقليني]

والله يا دكتور بابكر ... الملف دة جميل ورايق ، رواقة الكُبر زاتو ...

[imported_عبدالله الشقليني]

أنا اشتهيت نومة ضحوية في عنقريب هبابي ، تحت ضُل شجرة دليب .

[بابكر مخير]

أخي الحبيب..
المعالجة النفسية للشعور دآ. يؤسفني أنها أبدن ما إيجابية;)...
اليوم لمن صحيت وكعادتي الإستمتاع بلحظات "الخلوة الذاتية" الهي في جلسة صباحية بعد الغسيل الأول (الوش والسنون) وكباية شاهي بتوست وتولع سجارة (لزوم التسهيلات)..
النيكوتين والتيابين ليهم تأثير في الأعصاب وكذلك في عضلات الإمعاء الدقيقة.. يعني السجارة تنزل السموم والشاي يخفف الهموم "وقع ليك موضوع السموم" :cool:..
ما علينا والقصد أني في لحظة التجلي دي. مرآ عليا خاطر ....
ليييييه مع الكُبر الزول بيفقد ثقتهو بنفسهو وهو كما تعرف على النحو التالي:..
The concept of self-confidence self-assurance in one's personal judgment, ability, power, etc. .
قول مثلن يعني مثلن، تقوووووووووووووول كدي وإتا في أحسن حال بي طرف عينك تلحظ، لحآظ ريم ترسل نسمة في إتجاهك وتلتفت تلقى بسمة فيها دعوة ولااااااا دعاوات قصر الحاكم العام لأعيان السودان لي مأدوبة الكريسمس السنوية.
لإنكسار نفسك وفقدان الثقة في النفس.
تقول لي روحك..
آكيييييييييييييييييد مشبهاني علي جدن من جدودها الزمان...
ما هو إتآ بقيت زولن..
إلا ياهو زول....:rolleyes::rolleyes::rolleyes:
نومة ضحوية في عنقريب هبابي ، تحت ضُل شجرة دليب .
:cool::cool::cool::cool::cool:

[imported_عبدالله الشقليني]

الحال يا هو نفس الحال ...
....
إنتَ والله كرهت الحياة عديل ..
نحنا دايرنك كدا ، كان تابا ولا ترضا
https://www.youtube.com/watch?v=2l0NAt0kom8

[بابكر مخير]

[QUOTE=عبدالله الشقليني;544764]
إنتَ والله كرهت الحياة عديل ..


الحبيب
الحياة حلوة، حبها تحبك، تديها تديك وبنفس القدر..
تشوفها شينة بتنجضك، تكرها بتكجنك..
عشناها كل مما أدتنا من وجع وأتراح وأبهجتنا بأوكاتن ملاح.
هي فوق رأسي من فوق.
قول؛ خوفتن تزعل وتدينا بالضفاري لكن برضك إحقاق الحق لأنها كريمة بالأدتنا ليهو..
شيتن جميل شفنها، وكتن جميل عشناهو، ناس حلوييييين لاقيناهم، صادقناهم، حبيناهم، عشناهم وعاشرناهم :eek:..
لكن :eek::eek::eek:
ما "الثقيل" دآ هجمنا على حين غرة looool..
دي كيف بقآ وأنا بجمع في السنين وبردم في الأيام والساعات والدقايق إن إتعدن وإتنظمن ما سااااااااااكت إتبحترن. كان بقيت ملياردير ومالك الفرجين :eek: ما ريتشارد برانسون ;););).....

[imported_عبدالله الشقليني]

[QUOTE=عبدالله الشقليني;544764]
إنتَ والله كرهت الحياة عديل ..


الحبيب
الحياة حلوة، حبها تحبك، تديها تديك وبنفس القدر..
تشوفها شينة بتنجضك، تكرها بتكجنك..
عشناها كل مما أدتنا من وجع وأتراح وأبهجتنا بأوكاتن ملاح.
هي فوق رأسي من فوق.
قول؛ خوفتن تزعل وتدينا بالضفاري لكن برضك إحقاق الحق لأنها كريمة بالأدتنا ليهو..
شيتن جميل شفنها، وكتن جميل عشناهو، ناس حلوييييين لاقيناهم، صادقناهم، حبيناهم، عشناهم وعاشرناهم :eek:..
لكن :eek::eek::eek:
ما "الثقيل" دآ هجمنا على حين غرة looool..
دي كيف بقآ وأنا بجمع في السنين وبردم في الأيام والساعات والدقايق إن إتعدن وإتنظمن ما سااااااااااكت إتبحترن. كان بقيت ملياردير ومالك الفرجين :eek: ما ريتشارد برانسون ;););).....

يا دوب اتذكّرتَ كلام عمنا الراحل ( أحمد بشير عبادي ) والد دكتور بشير عبادي ، وزير صناعة نميري . كان يزورنا في وحدة المباني في جامعة الخرطوم في ثمانينات القرن العشرين .
مرة قال:
أنا أهم حاجة عندي الراديو الترنزيستر. أختو قدام سريري عشان أسمع نشرة ( ستة ونص ) و( تلاتة ونص ) . أسمع بيهو الحبان البموتو .البزوق مني بصلو في نشرة ( ثمانية مساء)
*
بالمناسبة هو كان أول ناظر لحنتوب الثانوية بعد الانجليز ، وأول ناظر لرمبيك الثانوية قبل أن يحتلها الجيش...

[بابكر مخير]

ذيدنا من الفي دلوك شوية..
وأروي جروف شوقنا للحكاوي المن بيت الكلاوي...

ذي دي المقتبسة من هنانا دي...

[QUOTE=بابكر مخير;544770]
يا دوب اتذكّرتَ............


وذي التانية دي، المقتبسة من هناك...

[QUOTE=عبدالله الشقليني;544774]المقصود في الوقائع التاريخية السابق ذكرها أن ( ولد الشقليني)
هو أحمد إبراهيم الشقليني . وكان من أبناء جدنا إبراهيم الشقليني . ولم يكن له أبناء . وهو الذي لقب جدي المباشر إبراهيم ( ود جميل ) . ومن ألقاب جدي المباشر الذي كانت له بقالة تفتح على شارع الأربعين ( الأحمر) . فقد كان أبيض اللون . وكان له منزلاً في الفتيحاب استأجره ( عبد الفضيل ألماظ) . وكان والدي وشقيقه يذهبون أول كل شهر لجلب الأجرة ...
كانت لهم أيام

[بابكر مخير]

[QUOTE=بابكر مخير;544770]

أنا أهم حاجة عندي الراديو الترنزيستر. أختو قدام سريري عشان أسمع نشرة ( ستة ونص ) و( تلاتة ونص ) . أسمع بيهو الحبان البموتو .البزوق مني بصلو في نشرة ( ثمانية مساء)


طبعن "المندولا" فاتحة على شارع المرور.
أكون قاعد وسرحاااااان في الحركة في الشارع وفجاءة تظهر ليك عربية إسعاف،
بالله عليك يا بيكاسو كأنه عمنا أحمد بشير العبادي عليه الرحمة سبقني في حكاية "الحبان البموتو"..
بيجيني خاطر!
يكون دفعة الجارية بيهو العربية دي.....
البشير دفعة قدامنا..
برينس تشارلس دفعة ورانا..
:cool::cool::cool:

[imported_عبدالله الشقليني]

دة الكلام جابوه ليك...
ظاهر عليك صدقتهم ... يا بابكر

https://www.youtube.com/watch?v=MZ-8YC7-OcA

بالمناسبة بوتن دفعة ورانا..

:cool:

[بابكر مخير]

قالوا (أو ماشابه):
الجعلي قطعوا يده. حلف إلا يقطعوا التانية..
حنبلية وكدآ يعني...
الغريبة في القصة أنهو ذي القصة المنسوبة "للجعلي" دآ، تعكس عدم فهم، فهل "الحنابلة" عديمين فهم وهم المنسوبين للإمام أحمد بن حنبل رضي الله عنه..
هذا الإمام وهاكم اللينك دي عشان تعرفو عنه..
https://mawdoo3.com/%D9%85%D9%86_%D9%87%D9%88_%D8%A3%D8%AD%D9%85%D8%AF _%D8%A8%D9%86_%D8%AD%D9%86%D8%A8%D9%84
دآ غير أنه لو تجاوزناهو وقلنا أتباعه ممكن فيهم فرصة عشان ينسب ليهم مثل فعل "جعلينا".
دي لينك تحكي عنهم...
https://islamqa.info/ar/answers/180903/%D9%86%D8%A8%D8%B0%D8%A9-%D9%85%D8%AE%D8%AA%D8%B5%D8%B1%D8%A9-%D8%B9%D9%86-%D8%A7%D9%84%D8%AD%D9%86%D8%A7%D8%A8%D9%84%D8%A9-%D9%88%D8%AA%D8%A7%D8%B1%D9%8A%D8%AE%D9%87%D9%85

يمكن إلا حكاية
(هُم قوْم خُشُنٌ ، تقَلّصتْ أخلاقهم عن المخالطة ، وغلظت طباعهم عن المداخلة ، وغلب عليهم الجدّ ، وقلَّ عندهم الهزل ، وغربتْ نفوسهم عن ذل المراءاة ، وفزعوا عن الآراء إلى الروايات ، وتمسكوا بالظاهر تحرّجًا عن التأويل).
البتخلي شوية شبهة كدآ "لجعلينا" في شان يجيب ليهم الكلام...............
أما عنا نحن؛ ضحايا هجمة الزمن وإمتداد العمر وفتك الكِبر، فنحن حنبيلين (حقت جعل). نزوم حتى الثمالة لإشتباه في قولة إنقالت ونشطاط غصبن في حق بسمة إترمت في طريقنا، نسب ونسخط وننفعل ونهيييييييييييييييييج لو نسمة هبت في وشينا.
بالله عليكم هاكمي؛
مع صديقي "نميري" طباخ (المندولا) كنت قلت ليهو: ما تكتر العدس في حلة "الرجلة". لقيتهو عملها بالأرز. قلتا ليهو: شنهو دآ. قال أنه تعليماتي بدون عدس.
شلتا الحلة وقدر ما كلفت بي طبيخها ورميتها في الزبالة..
حنبلة وجهل سآهي.
للعلم، يضاف العدس لطبخ "الرجلة" لأن موية خضار الرجلة كتيرة والعدس بيمسك الموية وكذلك الأرز..

[imported_عبدالله الشقليني]

كتب حبيبنا دكتور بابكر :
أما عنا نحن؛ ضحايا هجمة الزمن وإمتداد العمر وفتك الكِبر
*
لتفصيل العلمي
التعريف:
الشيخوخة Senescence حالة متدرجة لا مفر منها من التدهور Deterioration والانهيار Decline تصيب كافة الأجهزة والأعضاء والأنسجة والخلايا، فتضعف قدرتها على التكيف والحفاظ على التوازن عند التعرض للضغوط، ويمر بها كل كائن حي عند الهِرَم Aging وفقًا لنوعه في طول الأجل Longevity إذا لم تعجل بموته عوارض بيئية أو أمراض، ولذا فالنظرة الحديثة أنها حالة تدمير ذاتي مبرمج Phenoptosis يفسح المجال لأجيال جديدة، وأنماط تحافظ على استمرار الحياة وتنوعها، والشيخوخة ليست حالة مرضية، وإنما هي مرحلة تكثر فيها الأمراض، وحينئذ تصبح شيخوخة مَرَضية Senility وتفاصيل ذلك يعتني بها علم جديد اسمه علم الشيخوخة Gerontology >
*
قالوا الكُبُر حكمة ، ويورث الصبر
قالوا الشجر الكُبار فيهو الصمغ
*
إنت جاري وين من الحلاة دي؟


https://www.youtube.com/watch?v=Ex4p40nLyDo

[imported_عبدالله الشقليني]

سلام وينك يا دكتور

[بابكر مخير]

سلام وينك يا دكتور

ها هنا
وكما قال نزار قباني؛
الأمطار تجلدني
على ذراعي. على وجهي. على ظهري
فمن يدافع عني..
أو كما غنآ أوتيس ردينغ؛

https://www.youtube.com/watch?v=Es3Vsfzdr14

[بابكر مخير]

مرة شوقي بدري كتب عن "شخصنة" الأمور وكان مما معناهو أننا كثير ما نتصدر لأمور تخص الأخرين، يعني مثلن بتذكر أيام تشكوسلوفاكيا، لمن إنجلدت من العرب، جاء شوقي وأخد ليا بي تاري.. ناس ما لاقاهم ولا أظنه حيلاقيهم، جلدهم جلدت حبيب. في ليلة أوربية باردة والسبب أنهم "دقوا" ود عمتهو..
الحاصل أنه البينتج عن "الشخصنة" تفاعل نفسي، إن كانت الشخصنة لي شيتن ما كويس بتولد زعل وإن كانت لي شيتن سمح بتخلق فرحة وإرتياح.. ذي مثلن زول عمل حاجة كويسة لي زولك، تقوم تحب الشخص دآك وتخته في مكانة عالية...
أها الشخصنة السلبية تشابه ما كنت سميتها في البوست دآ "بالحمبكة"..
والحمبكة ما براها لأنه برضك في ناس بيقولوا عليها الزول "زام" وهي بالمناسبة عربية فصحى "زامَ الشَّخصُ : نظر غاضبًا مغمغمًا بكلام لا يبين"
في كلمة وفي الإطار دآ ممكن تكون ذات صلة برضك وهي أفتكر عامية مية المية قولة: "كجن".
ذي تقول؛
شوقي كجن بابكر لأنه بيناقرهو وبقى حتى لمن يتداخل في بوستاتهو بصهين ليهو ;);););)

[بابكر مخير]

ذكرت بل كدآ وفي مكان ما "زهاااااايمر" أننا ما في فاصل بين التأدب والرهبة تجاه الوالد (بالذات) ودي ليها إنعكاس وااااضح لمن تكبر وتصبح أنت (الوالد) بيولوجيا أو تماثله في العمر...
بتذكر مرة مع شيخي الحبيب دكتور حاكم وبعد أن زالة من بيننا غشاورة الرئيس والمرؤس، تصارحنا في العلاقة التي كانت بيننا حينها وبما شابها من مشادات وعدم إرتياح..
الرجل قمة في الرقي وهامة في العلم وجمال في الخلق وحلاوة في الأنس وإبداع في الحضور وتألق في المجالس (حفظه الله) لم يكاشفني بأن كان لا يرتاح ليا ولا مكجني ولا أيتها شئ ولكن بحسه المهني "ضابط شرطة" أخضعني لإستجاوب خفي وإندحت له بما كان يجوش داخلي تجاهه ولكني أوضحت السبب في سؤ تقديرنا للفرق بيت النأدب والرهبة تجاه الوالد. وأنه كرئيس في العمل كما الوالد في البيت هم أربابك لكن الفارق هو الرابط البيلوجي وهو ما يغلب عنصر الرهبة في الإنسان فلا يعترض والده وهذا الرابط ينعدم في العلاقة بينك وبين رئيسك وعليه يضعف عنصر الرهبة ويبقى خيط التأدب الرفيع.. فتتجراء بمواجهة رئيسك ومن داخلك ينبعث شيطان الخوف الذي كان يمنعك من مواجهة الوالد فيسوقك لحافة هاوية التحدي والي أقصى درجات المواجهة... دحن حسي دي مشكلتي مع وليداتي ممن إخترتهم أصدقاء لأنه دفعتي من الجلآكين "دقة قديمة"...

[imported_عبدالله الشقليني]

قلنا نرفع الملف قبل مداهمة الزهايمر

[بابكر مخير]

https://arabic.rt.com/technology/980033-%D9%85%D9%84%D8%A7%D9%85%D8%AD-%D8%A7%D9%84%D9%88%D8%AC%D9%87-%D8%A7%D9%84%D8%AA%D9%82%D8%AF%D9%85-%D8%A7%D9%84%D8%B9%D9%85%D8%B1/

أهآ شفتا وشفتو كيف أنه كلامي عن حكاية الأخاديد والتجاعيد البتبقى في الوش كان علمي
:L

[imported_عبدالله الشقليني]

يبقى الوش بعد داك: زي الجدري الماتنفع فيهو القُراحـــة
https://www.youtube.com/watch?v=OZDN3cE_GWk

[imported_عبدالله الشقليني]

زي الجدري الما بتنفع فيهو القُراحـــــــة

[imported_عبدالله الشقليني]

ضِحكتَ يا الشمتان

[بابكر مخير]

زي الجدري الما بتنفع فيهو القُراحـــــــة

دآ يابا من عند المولى عز وجل
بس المن عندنا..
طولت عمر وشقاوة سنين ...
بيقولوا سيدي خليفة المهدي كانت الآثار المتبقية من المرض كاسية وشيهو وأنه مع الفوتوشوب والتقنية الأيام زمان صورة سيدي الإمام المهدي هي في الحقيقة صورة الخليفة والإستنتاج دآ جاء من وسصف سلاطين باشا لمعالم وجه ود "تور الشيل".....

[imported_عبدالله الشقليني]

الأطفال الليلة بيطعّموا من الجدري ...
زمان ،زمن كان ما في علم .. بنقول دة من الله

[بابكر مخير]

الأطفال الليلة بيطعّموا من الجدري ...
زمان ،زمن كان ما في علم .. بنقول دة من الله

زمن زمان اللي هو زمنا..
كان العلم في بخت الرضا وكان بالجد الرضا بالحال وكان القراند هوتيل وليمونادة السكة حديد وقطر عطبرة وحي "البابورات" وكان القسم الجنوبي في مستشفى الخرطوم والدايات الإرسالية والحي الشرقي.
كان المولد وجامع الخليفة وكان السمن البلدي الما مغشوش والدندرمة وجورج مشرقي.
وقبل زمن الزمان الهو زمانا. كان زمن أبواتنا وأموهاتنا وعصيدة الدخن ووقة اللحمة بي قرشين ونص والطرحة "التاكسي" للخرطوم بي طرادة وبرضك كانت الطرادة بتحل مشاكل ما ذي حسي:eek:
شئ جلد والحمد لله الحدود ما وصلوها الحد وإلا كان ما فضل أحد :rolleyes::rolleyes::rolleyes::rolleyes:..
كانو وكنا مسندوين وصاحين وقويين...
بتذكر الوالد الله يرحمه وعمره فوق السبعين لمن يمسكك بيده، قدر ما تفرفص ما تنفك منها..
جدي يابا ود مخير عاش الي المية وجدي بابكر بدري كذلكم..
شقو وشقت بيهم الدنيا، شئ حرب وشئ أسر وسجون وعاشو وعاشو..
وولاااااااااااااااا واحد فيهم إتطعم وما ضاقو طعم الدوآ..
شفت يابا..
آآآآآآآآآآآآآآآآآآآآآآآآآآآآآآخ زمن زمان وما البعيييد دآك..
زمن قبل الإنقاذ بس بكفي :(:(:(:(

[imported_عبدالله الشقليني]

https://www.youtube.com/watch?v=Xk7TBUqz1v8


حقو الكبير يكون اتعلّم من الأيام

[imported_عبدالله الشقليني]

https://www.youtube.com/watch?v=x8aPEzcZc9M

يا أخوي رايك شنو في كبير يقول ( خير أمة أخرجت للنار) !!

[حسين عبدالجليل]

هولندي يطالب المحكمة بإلغاء 20 عاما من عمره
http://www.bbc.com/arabic/world-46138895

فع متقاعد هولندي دعوى قضائية يطالب فيها بتغيير سنه حتى يتمكن من تعزيز فرصه في مواعدة النساء.

ويرغب إميل راتيلباند، البالغ من العمر 69 عامًا، في تغيير تاريخ ميلاده من 11 مارس/ آذار 1949 إلى 11 مارس/ آذار 1969، مشبها بتغيير الهوية لمن يتحولون جنسيا.

وقال راتيلباند لصحيفة "دي تيليغراف" الهولندية "يمكنك أن تغير اسمك وجنسك، فلماذا لا يُسمح لك بأن تغير سنك؟".

ومن المتوقع أن تبت محكمة محلية في مدينة أرنهيم بجنوب شرق العاصمة الهولندية أمستردام في القضية في غضون أربعة أسابيع.

لكن مسؤولين أبدوا تحفظا بشأن صحة الدعوى، بسبب عدم وجود آلية قانونية تسمح للشخص بتغيير تاريخ ميلاده.
ويقول راتيلباند إنه يشعر بالتمييز ضده بسبب عمره، مشيرا إلى أن ذلك يؤثر على فرص حصوله على وظيفة جديدة وعلى معدل نجاحه في مواعدة النساء عبر تطبيق "تيندر" للتعارف.

وقال "عندما أكون في التاسعة والستين من عمري، تكون فرصي محدودة، لكن إذا كنت في التاسعة والأربعين من العمر فيمكنني شراء منزل جديد وقيادة سيارة مختلفة، وستتاح أمامي المزيد من فرص العمل".

وأضاف "عندما استخدم تطبيق تيندر وأقول إن عمري 69 عاما، لا أحصل على أي رد. لكن عندما أصبح في التاسعة والأربعين من العمر، وفي ضوء ملامح وجهي التي تعطي انطباعا بأنني أصغر في السن، فسأكون في وضع جيد".
وأشار راتيلباند إلى أن الأطباء قد أخبروه بأن حالته الصحية هي لشخص في الخامسة والأربعين من العمر، ووصف نفسه بأنه "إله الشباب".

وقال راتيلباند إنه سوف يتخلى عن معاشه إذا غير تاريخ ميلاده.

ويحظر الدستور الهولندي التمييز في العمل على أساس السن.

ويعمل راتيلباند كمدرب في البرمجة اللغوية العصبية، كما قام بالأداء الصوتي لشخصية فلاديمير ترونكوف في النسخة الهولندية من فيلم "كارز تو"، الذي أنتجته شركة بيكسار.

[بابكر مخير]

هولندي يطالب المحكمة بإلغاء 20 عاما من عمره

رفع متقاعد هولندي دعوى قضائية يطالب فيها بتغيير سنه حتى يتمكن من تعزيز فرصه في مواعدة النساء.

ويرغب إميل راتيلباند، البالغ من العمر 69 عامًا، في تغيير تاريخ ميلاده من 11 مارس/ آذار 1949 إلى 11 مارس/ آذار 1969،


ههههههه
تعرف يا أبو علي أمس القريبة دي مرت عليا أو في الحقيقة قلت نفس الكلمات بس في نطاق محدود...
عندي بنية حليونية شغالة معاي في "المندولا" وحسب ومما هو معروف عن النصف الحلو أنهن بحبن الإطراء وخاصة في موضوع سماحتهن مما يرفع معنوياتهن والبحصل في المقابل..... إخلاص وتفاني أكتر (؟!)...
بالجد وبي كل براءة ودن قصد لما سيلحق بين " " قلتا ليها: يا أخي بي حلاوتك دي كنتي وين لكن عندك خيارين، إما أنك تكبري ليك عشرين سنة عشان تكوني مناسب للواحد عشان "يجكسك" أو أنا أصغر ليا 30 سنة..
غايتهو الكُبر دآ بيخلي الناس تشطح وتنطح...
ليت الكُبر كان باعضوة لأقتلها... ما هو ما بقى في الزول قدرة حتى لمناطحة فأر....
ربنا يغطي كل ممن تحب من ظلم الكِبر وقباحة الكُبر...

بمناسبة ولا حتى من دون مناسبة!
قالوا الجديد في شراب القهوة أنها بتساعد في التخفيف من الزهايمر.
فبوصيك بالإكثار في شربها وخاصة "الحبشية".

[بابكر مخير]

https://www.youtube.com/watch?v=x8aPEzcZc9M

يا أخوي رايك شنو في كبير يقول ( خير أمة أخرجت للنار) !!

يعني يا بيكاسو الحبيب..
الزول دآ قلتا ليك أكبر مني..
يعني تفتكر أنه مع عدد السنين المرت بيكون في كامل قدراته البلاغية..
ما اليهو الحال، حالنا..
العيشة والواطة والعايشين عليها، مع الغلاء مش ياها بقت النار..
بعدين يعني الزول دآ ما (أخو مسلم) مشاين نعرف (دينهو) أكتر منهو...
قال ليك واحد جهلول كدآ سألهو عن الصلاة. فقال:
هي قفة وخشبة وفار والمقصود...
وقفة خشية ووقار..
بعدين دآ مش هو نفسهو القال لي شعبهو (شذاذ افاق) :(:(

[imported_عبدالله الشقليني]

عزيزنا دكتور بابكر ،
الزول الكِبر بجهلو قرأ آية وليست حديث :

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ ۗ وَلَوْ آمَنَ أَهْلُ الْكِتَابِ لَكَانَ خَيْرًا لَّهُم ۚ مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ (110) آل عمران

[imported_عبدالله الشقليني]

والله كُبُر شين

[بابكر مخير]

والله كُبُر شين


بتذكر ترامب من أول أيامه البقا حاكم الميديا إتخصصت في قفشاتهو.
يا ريت كمان واحد يتخصص لينا في بشة ويطلع لينا غلطاتهو وما جرآ هلل.....

_____________________

[QUOTE=عبدالله الشقليني;544764]
....
إنتَ والله كرهت الحياة عديل ..

و
والله كُبُر شين


http://sudanyat.org/vb/attachment.php?attachmentid=1345&stc=1&d=1541751909

تعرف الحبيب
جنس ديل ما بيكرهوك الحياة بل يحببنك فيها..
وشناة الكبر بيسمحوها ديل بي حلاتهم...
"الأحفاد" :cool::cool::cool:
والعاقبة لكم بالأحفاد...

[imported_عبدالله الشقليني]

واحد مواطن قال لي :
أتزوج ترجع شباب !

قلت ليهو : شباب ولا شُراب

[imported_عبدالله الشقليني]

وينوالكبير؟

[imported_Hassan Farah]

وخاصة "الحبشية".
================
ههههههههههها وين تلقوا زى دا
https://www.youtube.com/watch?v=H0giIaYMCrg

[بابكر مخير]

وينوالكبير؟

[QUOTE=Hassan Farah;545018]وخاصة "الحبشية".
================
ههههههههههها وين تلقوا زى دا
[QUOTE]

https://www.youtube.com/watch?v=sdkvv8efPIM

وكفى

:(:(:(:(:(:(

[imported_عبدالله الشقليني]

الكبير وصلْ
ينقِط عسلْ

[بابكر مخير]

الكبير وصلْ
ينقِط عسلْ

أن العمر لا يقاس بعدد السنين التي بقي القلب بها نابضا بل بعدد الأشخاص الذين جعلوا القلب ينبض لأجلهم.
هذا منقول من مجموعة أقوال....
:cool::cool::cool::cool::cool::cool::cool:
https://www.hekams.com/?tag=%D8%AA%D9%82%D8%AF%D9%85-%D8%A7%D9%84%D8%B9%D9%85%D8%B1

[بابكر مخير]

مع الكُبر وذي ما قلنا حاجات بتكبر في معانيها وتزيد في عددها وتكتر في قوتها وتتنوع في أشكالها.. (خلونا من البصغر؛ ذي الصبر وقل ذي الشعر وبيضعف متل الذاكرة وينعدم "أكان طموح أكن !!جموح؟؟؟)
الوطنية بتكبر في معانيها وتعظم في الإحساس بيها والنزعة القومية تقوى لي بلدك ووطنك ومكان أهلك والغيرة الإثنية تتنوع مرة نحو جذورك العربية ومرة تجاه أرضك الأفريقية ومرات نحو أرض عشتا فيها حقبة من الزمن وكسبتا فيها ومنها؛ كان تعليم ولا خبرة عمل أو ملجاء لماني وضماني وكت بلدي إنسرقت....
النادي السوداني هنانا.. إنقطعت كهربتهو وإنقطع التواصل ليهو.. وسبحان الله ضآرة فيها منفعة،، بعض الحبان إتجهو للمندولآ ومنها مكسب. لكن برضك طعمهو ذي الحنضل و"الذقوم" (مش برضك بيقول كدآ:rolleyes:) ما هو وجودهم في النادي إحساس مختلف وأنا دآك محبب ليا قرشينهم ديل يرجعن للنادي ويعمرهنو...
بديت إتصالاتي ومحاولة بالدعوة لحملة "درهم في خاطر النادي" ويا ريتني أتوفق وأزيد فرح بالبكبر فيني من توابع الكُبر... (( الوطنية والقومية والغيرة وهلما جرآ)) :cool::cool::cool::cool::cool:
البصغر أريتهو يزول!! الما منهو نفع دآ;)

[imported_عبدالله الشقليني]

النادي السوداني هنانا.. إنقطعت كهربتهو وإنقطع التواصل ليهو.. وسبحان الله ضآرة فيها منفعة،، بعض الحبان إتجهو للمندولآ ومنها مكسب. لكن برضك طعمهو ذي الحنضل و"الذقوم" (مش برضك بيقول كدآ:rolleyes:) ما هو وجودهم في النادي إحساس مختلف وأنا دآك محبب ليا قرشينهم ديل يرجعن للنادي ويعمرهنو...
بديت إتصالاتي ومحاولة بالدعوة لحملة "درهم في خاطر النادي" ويا ريتني أتوفق وأزيد فرح بالبكبر فيني من توابع الكُبر... (( الوطنية والقومية والغيرة وهلما جرآ)) :cool::cool::cool::cool::cool:
البصغر أريتهو يزول!! الما منهو نفع دآ;)
إنما الأعمال بالنيات
وبالفعل تؤجر سيدي علي النية وبدء الفعل ،
فقد أعيدت الكهرباء قبل يومين ، بتدخل جهات عليا ، تم إعلامها .
ولكن نترك الباب مفتوح للتبرعات *
شكراً ليك يا ملك
*

[imported_رأفت ميلاد]

هولندي يطالب المحكمة بإلغاء 20 عاما من عمره


فع متقاعد هولندي دعوى قضائية يطالب فيها بتغيير سنه حتى يتمكن من تعزيز فرصه في مواعدة النساء.



هو طالب تغيير الشهادة بس ولّ معاها اسبيرات ماشى يواعد حاف :p

[بابكر مخير]

هو طالب تغيير الشهادة بس ولّ معاها اسبيرات ماشى يواعد حاف :p

طلتك تفرح:cool::cool::cool:

[بابكر مخير]

ولو ما الكُبر..
ما هو سبب؛ قول الزهج، قول الزعل، قول بس سآآآآآآآآآآآآآآآكت كدآ..
كل الجمال دآ!؟

http://sudanyat.org/vb/attachment.php?attachmentid=1347&stc=1&d=1542896142

بينقطع ولا يغيب...
وينكم يا الغبتو طولتو :cool::cool::cool::cool::cool:

[imported_عبدالله الشقليني]

الكًُبر دا حاجة ثقيلة وممرضة ..
يا دكتور ..

[بابكر مخير]

الكًُبر دا حاجة ثقيلة وممرضة ..
يا دكتور ..

سلامتك..
قولك دآ بذكرني أول أيامي مع "الثقيل"..
لكن الحبيب..
الثقيل دا الثقيلة فيهو...
إن ختيتهو في رأسك، بتلف في راسك ذي العمة
وإن صهينتا منهو يزن في إضنينك ذي جرس الكنيسة يوم الأحد
وإن قلتا تجاريهو. ياهو إتملكك ذي ناس الإنقاذ وعمايلهم في الشعب السوداني..
يزازي بيك ويحقرك ويخنقك ويفطسك ولااااااااااااااااااا كانهو شيتن حصل..
الحل شنهو؟
والله إلا ياهو كدي بس نقول الحمد لله و سبحان الذى سخر لنا هذا و ما كنا له مقرنين و إنا إلى ربنا لمنقلبون , اللهم إنا نسألك فى سفرنا هذا البر و التقوى و من العمل ما ترضى , اللهم هون علينا الكِبر والهون والضّعف والضُعف :(:(:(:(

[imported_عبدالله الشقليني]

الكُبُر مسك في الرقبة ... يا دكتور
( تقول لي شنو وتقول لي منو)

[بابكر مخير]

حليلهو "خلودي"..
الكان ديمة طاريني..
في مثل هذا اليوم من كل عام؛ هندزة معتصم وخلودي..
من أوائل المهنئين "الشامتين" لي بعام زيادة في العمر، عام هو خطوة في السير نحو حافة الهاوية (حين يتمكن منك الثقيل)...
بيقولوا ليك الشئ بينضج، قول مثلن الفاكهة في الشجرة لا تقطف إلا لمن تنضج ومن يوم إنقطفت دي بداية العد التنازلي لإنقراضها. إن نضجت وحتى ما قطفت وبس وقعت بررررررررراها ياها البتدخل في النتروجين سايكل وتصبح ثماد لنفس الشجرة وإحنا بنو البشر كل عام نزداد نضجا (عمرا) لييييييين نصبح ثماد يقوى على أكتافنا الثقيل وهو ياكل فينا وإحنا نحس وهو يتجمل بأنهو يبشعنا وإحنا نشنا وهلما جرا...

[imported_عبدالله الشقليني]

عرزيزي دكتور بابكر
صحي ..كلما يكبر الواحد يتمسك بالحياة ، مع أنها بتنفُض يدها منو!

[imported_عبدالله الشقليني]

https://www.youtube.com/watch?v=GhGzBO-fSm4
كلمني يا مدفون العيون
مين كَبرك يا حنون
*

[بابكر مخير]

سألتني واحدة الحسناء بشرتها معطرة بالا مخمرية وجلدها أممممممملس بني كريمي لامع من دلكة وطشطشت حفرة، عن إسمي..
وجنس ملاوة،،، ملاوة، أبابكر، بكير، بكري وهلماجر من أسماء مقاربة. لييييييييييين وحلاوة العجمآ لمن نطقته.....
وسألت وهن بنات حواء من الجينات؟ سألآآآآآآآآآآآآآآآآآآآآت..
وقالت: أنا إسمي آديس يعني عندكم بالعربي "جديد" وإتا معناهو شنهو إسمك...
غايتهو العرفتهو من إسمي أنه ممكن يكون هو ظاااااتهو أبابكر ولأنهو بيقول أغلب ناطق الضآد من اللضداد سكان السودان، أصولهم هجرت يمن وفي اليمن بالتحديد حضرموت حيث يمكن أنك ال "أبا" هي البا وبقآ بدل أبا بكر، بابكر...
وإسم بابكر عند أهلنا الزغاوة وفي تشاد..
لقيت برضك إسم مخير وأنا كنت قايل الإسم حصري، لكن لقيت في اليمن وعند الحضارم بيسموهو وفي السودان أخونا الطاهر مخير وكان عضو برلماني "أيام الديمقراطية" ما من غرب السودان ولكن من شمال الوسط...

يعني يا كوكي وإتا أباذر لوكنت حضرمي كان زردوك وبقوك باذر يا الباذر حبوب اللمة :cool::cool::cool::cool:

[عكــود]

سلام بابكير،

تعرف يا حبوب، الأخوان العرب المعانا (كلهم دون إستثناء) بيلقوا صعوبة شديدة جداً في نطق إسمي صاح، وكتير منهم بيسألوني معناهو شنو، والبعض بيعتقد إنها كنية وبيسألني عن إسمي الحقيقي.
إلا الباكستانيين والإيرانيين، مجرد ما أقول لهم إسمي، طوالي بيقولوا "أبوذر الغفاري" راوي حديث عن الرسول صلى الله عليه وسلم.

تحياتي

[imported_عبدالله الشقليني]

أخي الحبيب عكود
يُقال إن المقصود بـ ( مهيرة بت عبود ) هي ( مهيرة بت عكود)

[عكــود]

سلام الحبيب بيكاسو،

مهيرة بت عكود شخصية غير مهيرة بت عبود
سارسل تفاصيل أكتر إن شاء الله،
عشان ما نخرب للجميل، البوست.

تحياتي

[بابكر مخير]

بيقولوا: الجن بتداوا كعبة الإندراوة...
الحكاية دي بالظبط تماثل الكُبر لأنه في كثير من نتايجهو تلقى حقيقة قولة؛ قدر أخف من قدر ثابته من الثوابت المرتبطة بالكُبر...
النسيان شئ طبيعي عند البشر ولو لاهو كان الحزن ما بيفارق أيتها إنسان.. قول مثلن يموت ليك واحد من الوالدين، شقيق، عزيز، حبيب أو تفقدهم كلهم وتحزن عليهم يجي النسيان وبقدرته يمحو هذا ولو نسبيا من مخ الإنسان ويجي وقت تلقى أنه شئ عادي والمحصور في الحديث عنه عن فقدك خوفا من فتح الجروح بعد أن إلتئمت ولو بعض الشئ. خليك من النسيان للحزن. قول نسيان زولن شوكشك وحرقتك للطيش وتلاقيهو وبالعشم المالي خشاشيمك تتودد ليهو من تاني.
دآ النسيان الطبيعي والي هو لطف من المولى عز وجل ونعمة..
لكن حقنا دآ براااااااااااااهو.
لأنه مخلوط بي غلاط ومعطون في نكران ومعمول بالتطفل ومشبع بي ثقالة ..
يعني إندراوة مضروبة بإندراوة..
حسي ذاتي نسيت هو شنهو الموضوع وحتى إن كان دآ بيبقى القصد منهو شنهو..
الله أعلم :(:(:(

[بابكر مخير]

التشاؤم هو حالة لاإرادية وبعض الأحيان قسرية؛ يعني مثلن دون الإرادية هي في حالتنا دي. ما هو التشاؤم قالوا:

http://www.sudanyat.org/vb/uploaded/851_1543908116.png

وحالتنا في التشاؤم ظاتهو شترآ.. تشوف في الصباح هماً لاح ما مع بدايتهو؟! القومة من السرير صعبة والعادة الكعبة في النحنحآ بصوت عااااااالي تسمع القاصي والداني وبي طريقة "مقرفة"ولمن تقوم تترتح إلا تقول سكران شارب لتر من الكونياك المضروب الجاب خبر كم غير قليل من أهلنا الكانوا في "المؤمنة" ما هم لحقوا الزينين... تترنح وراسك لافي، فيها تلحق وما تلحق (عشان كدي بوصي منهم ذينا كدآ أن تكون غرفة نومهم ملحق بها حمام والأحسن يكون لصق السرير:eek:) ولسة القصيد كله بيوت من النوع دآ علي تقيل..
يعني مع دي الحالة تتفائل.
ما الياهو اللا إرادي دآ يعصرك ذي ما القسري عاصر أهل السودان....

"جلس ابليس ينصح ابنه قائلا يا بني لاتظن ان اغواء البشر بالامر اليسير.غويهو بالمال اذا وجدته فقير.واذا قام لصلاة الصبح ذكره بدفئ السرير.اذا كان مزارعا اغويهو بسرقة الحمير .واذا كان مهندسا اغويهو بالاسمنت والجير.. فقم يا بني الى عملك طيييير . فقال ابليس الصغير يا ابي وان كان سوداني؟ فبكى ابليس بكاء مرير وقال لابنه لا تكن شرير.دع السوداني فأمره عسير انه في دنياهو يعيش في السعير فدعه يا بني فعمره قصير فقد ابتلاهو الرب بعمر البشير " (منقول من الواتس)

[بابكر مخير]

حتى لا يكون الإحباط عنصر هدام مع الهو أصلن مالينا والفينا دآ؟!
العضوات والأعضاء الأحباب لو مريتو قريتو شئ في البوست دآ.
الرجاء بس كليك علي مداخلة ونقطة بس في صندوق المداخلات..
أصله ذي بعمل إحصائية...
شكرن ليكم :cool::cool::cool::cool:
السيدات والسادة الزوار شكرن ليكم علي الطلة ومكانكم برضكم في القلب وفي الإحصائية بس بالتقدير ومع التقدير ويشهد القدير :cool::cool::cool::cool::cool::cool:

[imported_عبدالله الشقليني]

( حقيقة ) !
دة كلام الإخوان المسلمين
*
أحد أصدقائي وصفني بالـ Perfectionist
وكثيرون يعتقدون أني متشائم
*
يقول البعض :
التشاؤم احذروا منه
أكد علماء من فنلندا أن التشاؤم يعد سببا مهما من أسباب الوفاة، شأنه شأن بعض الأمراض المزمنة كالسكري وأمراض الشرايين والقلب.

توصل باحثون من المستشفى المركزي للطب النفسي التابع لوزارة الصحة الفنلندية إلى تلك النتائج بعدما راجعوا ملفات ألفي شخص تراوحت أعمارهم بين 52 عاما و76.

لفت الباحثون إلى أن تلك البيانات شملت معلومات عن الوضع الاجتماعي والاقتصادي والحالة النفسية والمؤشرات الصحية لهؤلاء الأشخاص.

كما وردت في البيانات معلومات عن نسب السكر ومعدلات ضغط الدم وحتى الأدوية التي كان يتناولها الأشخاص الذين كانوا يعانون من ارتفاع ضغط الدم والسكري وأمراض الشرايين.

خلال فترة الدراسة، خضع المشاركون للعديد من الاختبارات النفسية التي يمكن أن تحدد نسبة تفاؤلهم أو تشاؤمهم، وتم تصنيف الحالة النفسية للجميع وفقا لتصنيف معين.

اعرفي المزيد
الفئة C الجديدة. ترتقي بالفخامة إلى مستوى آخر
تنتقل بك الفئة C الجديدة إلى مستوى أرقى من القيادة بفضل تصميمها الرياضي وميزاتها المتطورة مثل أدوات العرض ال...
برعاية MERCEDES-BENZ
Opt out of Adyoulike ad targeting
بعد درس النتائج، لاحظ العلماء أن 121 شخصا من بين المشاركين أصيبوا بأمراض القلب التاجية وجميع من أصيبوا بتلك الأمراض كانوا يعانون من التشاؤم.

أظهرت الدراسات أيضا أن نسبة الإصابة بأمراض القلب والأوعية الدموية ارتفعت بمعدل 2.2 مرة عند الأشخاص المتشائمين أو الذين ينتظرون مستقبلا سيئا لحياتهم.
*
تفتكر يا دكتور البنظر السودان في عيون البشير ، حايشوفوا شنو؟
*

https://www.youtube.com/watch?v=bTWIUr0Ie2s

[بابكر مخير]

[QUOTE=عبدالله الشقليني;545175]
أحد أصدقائي وصفني بالـ Perfectionist
وكثيرون يعتقدون أني متشائم


الحبيب
المتكامل وهو الشخص وفرق بينه وبين الكمال..
التكامل ليك في الخلقة والأخلاق، في التعامل والمعاملة، في المعرفة والدراية وفي المحبة والمحنة..
دي كلها ليك وفيك وبيك......

والكمال للمولى عز وجل
:cool::cool::cool:
والتشاؤم مالهو ما هو مدخل للحذر، ولوم ليا الحذر....
الحذر من الغلط تجاه الناس في شان ماتجرح شعورها ...
يبقى يابا حتى التشاؤم برضك جميل ومحمدة...
دمت يابا

[بابكر مخير]

يا أخونا الجفاااااااااااااااااااااف والنشاف ديلا..
اللما بيتعالجوا حتى بي كريمات "سوق أمدرمان الإتحرق ولا أخر صياحات مودة باريس"..
نشاف في الطبع والخولق ونشاف الجسم ونشاف الجيب..
يا أخي الكُبر دآ عندهو حاجات..
بس النقول الحمد لله الحافظ لينا النفسين تلاتا ديل

[imported_عبدالله الشقليني]

https://www.youtube.com/watch?v=Ex4p40nLyDo

كفارة ليك يازول : الكُبر ما يقتل ليهو زول ..
بس بعذبك ..عذاب الله أكبر .

[بابكر مخير]

الرجاء بس كليك علي مداخلة ونقطة بس في صندوق المداخلات..
أصله ذي بعمل إحصائية...
شكرن ليكم

القصة عن الإحصائية. ناخذ مقياس قول مثلن بوست "الكٌبر" الهوا حسي ليهو 3 سنين وشاغل 25 صفحة...
المشاهدات "كان جد ولا كان خلل في عداد المشاهدات" حصيلته 35,377 المشاركات 722 لمفترع البوست الحصة الكبرى مع مداخلات من بعض الأحباء من العضوية...
والفكرة وين نحن العضوية من الضيوف الأكيد بيموروا منهنا ولييه ما ينضموا وحتى العضوية البتطل لييية ما بتشارك والفكرة (وما قصدي في البوست دآ ولكن عامة) ، فكرة وأكيد محتاجة التدخل للتحسين والجميع مدعويين لتقديم الأفكار .....
وبس :)

[imported_عبدالله الشقليني]

والله فعلاً الكُبُر دة ثقيل . أنا لامي فيني كبير مُخرف هذه الأيام !!!!!

[بابكر مخير]

والله فعلاً الكُبُر دة ثقيل . أنا لامي فيني كبير مُخرف هذه الأيام !!!!!

;);)

[بابكر مخير]

اللغة العربية فيها كلمة ليها تأثير المخدرات بتاعات الهلوسة.. يعني الما معقول كله بالكلمة دي ممكن يكون.
لو
ولو قالوا بتقويي عمل الشيطان.
حسي مع الكُبر الواحد لو كان عارف أنه بتصعب معاهو كدآ كان أخد التحوطات اللازمة.
لو كان قايل الباقي عليهو كان حضر نفسهو
لو ما الظروف الحالية كان الواحد بيكون في البهامز
لو ما جيت كان سبقتك وأنا الجيت :rolleyes:... والواحد يكون أصلن ما فكر في الزول الصرف ليهو "الحنك" دآ.
لو كان البشير ما كوز، كان البلد بقت ألصطآ
وهو الواحد ظاتهو لو ما كان بيشتاق لي سودانيات، ما كان دخل موقعها (وهو دآ معقول)..

[imported_عبدالله الشقليني]

كبير مُخرف ساكيني زي ضُلي ... زول تاني ما أنا

[بابكر مخير]

كبير مُخرف ساكيني زي ضُلي ... زول تاني ما أنا

أمس واحد من وليداتي (ما حسي هم أصدقائي غسباً وقهراً. تعرف يا بيكاسو الجميل الواحد بقى ذي دراكيولا يتغذى بروح الشباب عشان يوهم نفسه أنه لساتهو فيهو وما مات ذي ما :eek: "كوكي الحق").
أها زولي قال: أنه القانون بيدي المستثمر عشر سنين إقامة، قلت ليهو أنه مع العمر دآ، الحياة ظاتها شغالين فيها بشروط المشاهرة، تجديد كل شهر وتكون فرحاااااااااااااااااااان..
لو جددوا ليك..;)
قال عشر، قال :mad::mad::mad::mad::mad:

[بابكر مخير]

يا أخونا والله تب صعبت
قولنا ما نشرب موية باردة خوفا علي الباقي من أسنان لكن كمان شراب الحار تشعر بنوع كدآ من الطميمة (أهلنا العرب بيقولوا زوعة بمعنى تقرف تستفرغ).
يعني شنهو ما نشرف وإحنا أصلنا الجفاف نشفنا.
اللبن قالوا بزيد البلغم وإحنا أصله مع الكُبر وعلمياً الواحد بيكون ذي مصنع ميني متنقل.
سسيبك من دآ
التأكلهو شنهو؟؟
حاجة مالحة. لا ما الضغط
حاجة حلوة. لا ما السكري
ملاح دآ بيتسربك :eek:
اللحمة. لا ما القاوت
الجداد. لحمتهو فيها ألياف وبعدين هو مقرف ما هو دآ بيأكل حتى ولا مؤاخذة (التفاف) وبعدين بتاع الكويتية قالوا بيحقنوهو بهرمونات...
السمك ;) وأمشي قول ليا كمان يكون "شريمس" :mad:
عشان الواحد يموت بي سكتة قلبية :confused::confused:
ما بتقول تقوم تعافر..
جيلينا..
وقع لك البين السطور :cool::cool::cool:
والله لو ما الواحد جده تور الشيل جهة أبوهو وود نوري من جهة الوالدة...
كان إيمانهو ضعف مع "الثقيل" دآ المشاكلهو ما بتنتهي إلا لمن ننتهي :(:(:(:(

[imported_عبدالله الشقليني]

كلامك دة الكُبر ذات نفسو ....
الله يكضب الشينة

[بابكر مخير]

أشتكي من الكُبر والعجز
بس برضك بخجل من حالي لمن أشوف ذي فاروق أبوعيسى كله حيوية وأمل في الدنيا وبيعمل بكل جهد لتثبيت دور في المعارضة وكذلك سيد الصادق وإتنينتهم فاتوا التمانيين..

[بابكر مخير]

العاطفة الجياشة والخوف
ما إجتمعن ديل وإلا النتيجة سلبية وخاصة عند زولن قاعد بعيد ودون قدرة ومقدرة، زولن كِبر وهن وهان وديل ممكن يجيبن خبرو...

العاطفة؛
قلبي علي بلدي وبشقف محبتي ليهو.
دايرهو آمن ودايرهو سالم
دايرهو يرجع يكون في الريادة
داير اليوم تنزل الرحمة علي قلوب ناس البشير الفي القيادة وتكون الغلبة للغلابة....

الخوف؛
تتغلب القسوة والبطش علي المحنة والرصاص يبقى ليهو دخنة
ويموتو ناسنا والخضرة الكاسية بنات بلدنا
يترملن ويتيتموا وتفقد الأم جناها والماشي تاني ما ليهو رجعة بس البتبقى ياها ديك الجوعة...

والله بين الإتنين ديل قلبي منفرط...

[imported_عبدالله الشقليني]

هنالك من يتحدث بأننا في عصر ما بعد الحقيقة ...،
وين الكُبُر في الموضوع ؟

[بابكر مخير]

عصر ما بعد الحقيقة ...

الحقيقة يا الحبيب
وااااحدة وهي أننا نعيش في دنينا هذه بأجل مكتوب
نحب في عالمنا أشياء ونكره أخرى
نستمتع بلحظات ونحزن في أخرى
لكنها بأيامها ولياليها تذهب..
أما عن عصرها...
قال تعالى:
وَالْعَصْرِ ۝ إِنَّ الْإِنْسَانَ لَفِي خُسْرٍ ۝ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ
وهنا تتجلى حقيقة البشر الذين عجزوا عن التقيد بكتابهم فلا يتواصو بالحق فدنيانا الكذب ديننها وحتى الصبر أمره معدوم فمن من الناس إن أصابته مصيبة لا يجزع..

[بابكر مخير]

شتات أفكار وقرفة مع الأيام دي الصعيبة وعصيبة.
القلم حرن والمزاج معكنن
ترقب وكل التمني
أخير نقيف شوية ونجي راجعين بي فرحة وبروح شباب الثورة المنتصر بإذن الله

[بابكر مخير]

وإسترسالن في التفرغ التام لدعم الحاصل في البلد ومن بعد..
حيث نشد على أيدي ناس الوجعة بالداخل ونرفع القبعات إجلالن وعرفانن...
__________
شفت الفيديهو وهو بيلحط السم الهاري وإتذكرتهو بيرقص وفكرت في الزول دآ..
ليييييييه جنهو رقيص يكون أنه لا شغل ولا مشغلة ولا تأكيدن لي قولة عادل إمام ويكون كان مناهو "يشتغل رقاصة"..
بس كمان قلت يكون دي من عدم الوالدآ عقدة وإن كان هل من مسبب لي عدمها.
يمكن وخطرت ليآ أنه فعلن يمكن...
عندك شتن داسيهو؟؟
ما ترد هوووي:mad::mad:
ما اليهو إتا يا الهلفوت
أخيرا عرفتا وعرفوا كل الناس
وشفنا حقيقتك يوم وقعت ورقة التوت
وإنكشف العنتوت (من عَنَتُ)
النصيبك فيهو ذي نصيب الحوت
آهااااااا
أتاريهو رقيصك داسيبو المختوت..
العاقل لو في عقل؟؟
كان بيرحل يفوت ولا بالخجلة ساااااااااكت
يموت.....
_____________
ولا شنهو يا "كوكي".. جيلينا خاتي بالك:rolleyes:

[بابكر مخير]

كل ما تكبر في العمر ومع ضعف النظر..
بس شوفك بيكون ثاقب...
دحن حسي بالله عليكم..
منهو غيرنا العواجيز ديل شايفين أننا شعب
ضحكت على هملتهو الشعوب..
بالله عليكم دي ما مهزلة وحقارة وهملة
ضعف ووهن وإستهتار بي ذاتنا وقيمنا ووأصلنا..
بس برضك بثقابة ةنظر العواجيز...
بفتكر دآ فيهو شيتن واااااااااااااااااااااااااااااااااااااااااحد لو تلاحظوهو.
الخوف والوجل ضارب قلبه وواضح في ذكره "أنه السنة الجاية لو؟؟؟؟"


https://www.youtube.com/watch?v=PhBZpkMYa9E

[بابكر مخير]

قريت في الجارة (الراكوبة) أنه تسنين عمر البشير بيقول أنه بكره بيكون 75 سنة يعني أنه دفعة..
ؤزعلت من نفسي بالجد؛ معقول أني برضك بيقيت ذيهو..
بفلت قول ساااااااكت وما بحترم عقول الناس..
طبعن حكاية الكتياي دآ ما بتعرض ليها لأني ما حاكم لكن برضهو سؤال وجيه، هل كنت برضك بكون ذيهو؟؟
حكاية الكضب دي ما موضوع القول لكن هو زول عسكري ظنيتهو إترشح لي رئاسة الجمهورية بعد ما ملص الكاكي (بفتكر دساتير الدنيا كلها ما بتسمح لموظف حكومي مدني ولا عسكري يكون رئيس جمهورية ما هو السيسي ملص الكاكي لمن بقى رئيس) لكنك برضه البشير متمسك بالكاكي والكضبة الكبيرة أنه لبس أزرق الشرطة وبي دبابير مشير أول وفي الشرطة حتى هاشم محمد عثمان ما حصل مشير أول..
سيييييييييييييييييييبكم من دآ كلهو، سيب الجيش وسيب الشرطة كمان بقى مولانا وفقيه وفاااااااااااااااات متولي الشعراوي هناااااااك..
الزول دآ شرح ليهو آية كريمة بصورة كدآ غايتهو...
والله غضب الناس هين ما هو البشر تتحكم فيهم العواطف، لكن غضب الله "لا حول ولا قوة إلا به منه"..
"وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ"
http://quran.ksu.edu.sa/tafseer/tabary/sura2-aya179.html
بعدين ملاحظة..
الزول دآ بيدي في الشرطة قرين لايت في أنها تكتل..
وييييييييين يا أمم يا متحدة
إتصور مظاهرة فيها 100 نفر..
يعني القصد إبادة جماعية..

[بابكر مخير]

عجبت لمن البشير قال: شعب معلم وحزنت أنه فات شرف حضور حصص المعلم دآ.
في الرجالة
في النخوة
في الحب والإحترام وإلا كان ما وصلنا لي الحالة دي...
اليوم أول يوم في السنة الجديدة وشعبنا المعلم
جانا بالجديد
تأكيداً لسلمية المظاهرات جلسو القرفصاء وقالوا بالعربي الفصيح.
إحنا قاعدين أطول منكم يا البشير
وفي الواطة الباكر حتتمرمطة فيها إتا وزبانيتك
وإحنا جلوس زحفنا ما حيقيف لمن يشيلك ذي السيل
وإحنا قاعدين نتفرج فيك وإتا بكرآ تقيف في منصة الإعدام
قالوا ليهو بالعربي الفصيح
وإحنا بي قعدتنا دي رجفناك لكن أعرف أننا لمن نقيف على طولنا البيصل لييييييييييين السمآ..
إلا بتابانا
"نهج جديد من شعب معلم وهو الذي علم الشعوب كيف تكون الثورات وكيف تدار دون الإضرار"

[بابكر مخير]

تكون الشماتة واحدة من مصاحبات الكِبر؟
حسي وبتابع أخبار الثورة بفكر في شيتن وااااااااحد..
هاشم محمد عثمان القدمهو حار علي حكومة البشير (مما إتعين والي للخرطوم الإنقاص ما شمت عافية) عامل كيف وخرطومه ذي ما يستشف من قول بروفسير مالك حسين؛ بقت مستعمرة عسكرية ومناصفة محكومة مع صلاح قوش..
بالله عليكم ما تنسوني لمن تجيبوهو..
عايز أحضر وأشوفه..
قبل مدة كان نُشر خبر وفيهو كيييييييييف أنه رفض تملق زول ليهو أول ما مسك والي..
خلاص يا هاشم الشريف (على وزن عمر الشريف).
دحن حسي أنا الشماتة كاتلاني عديييييييييييييييييل عليهو وعليهم أجمعين

[بابكر مخير]

في مثل بيقول؛ الهياب تحت الثياب ودآ بالضبط البتأيدهو القولة الإنجليزية "first impression". قول زولن ماشيلهو إنتربيو. مش بيلبس من الملابس ما يحسن مظهرهو. أما البهدلة هي النقيض للهياب..
الكُبر ديدنته ومالك روحه ياها البهدلة..
تكون زمان شيك ومالو هدومك، مشيتك بي قدلة وصوتك يلعلع "إن تكلمت تسمِع وإن ضربت توجِع ;)" أمرك "قائم" و"عاطئك" مقدر..
حسي مع الكُبر ملو هدومك وين ما البنطلون يتنصل التقول في زول بيجرهو لي تحت ما هو أصله المساكات ذبلن وإرتخن. الزول بيبقى ملطشة، قولك ينسمع طشاش وتسمع أطشآ، تقول تحصل القوم وتتساير معاه. لكن ما إتا بتمشي بشيييييييش تقول سلحفاة والناس حوالينك تنطط ذي الكنقاروهات. مع الكُبر في مصيبة أنك بتكابر وتبقى لايوق التقول ملاح ويكاب وملح التقول شافع. تشوف في الخلق ونااااااااااااادر تشوف عوجت رقبتك..
دآ طبعن المشية مع الركب بتبقى شكلها كوميدي..
دآ أنا بقول كدآ..
طيب حال السابقني عمر وهو مع العلم تسنين وصل خمسة وسبعين..
غايتهو أنا كفاي ما عارف إتا كيف
لكن باقي ليا؟؟
كفاك وإتوكل على قول الفرجوني:rolleyes:

[بابكر مخير]

اليوم والبارحة
يعني بي العربي؛ زمان وحسي..
في الثانوي ومن وادي سيدنا مرقنا في أكتوبر وكله بالطريقة المتيسرة. مشي بالكرعين، ياعم "ما بتاعت فضل ظهر:eek:"، مع بتاعين الخضار في الحمير. أنا كنت محظوظ وقريب من أمدرمان بعد أن أخذ من التعب لقيت ليا كراكة وركبتها وبقيت وصلت على ظهر كراكة.
النميري والبشير على ظهر دبابة ووصولهم قعدهم سنين في الحكم...
مقارنة بسيطة إستعارة لا والله تملكت كل إنتباهي كلمة رئيس الجمهوري "حتى ما فيش حد يزعل" لمن ذكر أنه إبن عامل وبديت أفكر في فلسفة الجينات وأنها قلب الوراثة..
وقلتا فعلن الجينات والوارثة ما شرطن شرطن هما الرابط. مثلن ولد راجل بخيل تلقاهو بيبحتر القروش بحترآ وولد شيخن ورع وبركة لمن يروب الموية سكير وعربيد..
سيبك من الوراثة بتاعت الجينات ونجي للوراثة الحياتية الفعلية وبرضك ما ليها قواعد ثابتة وأنا من أكثر المتضررين منها لأنها ما ورثتني التكتحة ما جدي يعقوب جراب الرأي كان أمير وجدي ود مخير كان أمير "خربها جدي بابكر الما كان أمير لكنه عمل ليهو صرح تعليمي يشاد به ويشار اليه بأنه الأحسن وما خلاهو ورثة كان نورث من وراها ودون وجع رأس لشقيقي البروف قاسم بدري ونبقى ذي ما كتيرين ورثو لكنه مشى كتب الصرح دآ بإسم الشعب (برضك كتر وبقت على قولهو: إسم كبير مسئولية واليد خوية)".
بمناسبة الأيام دي وبمناسبة بين قوسين ونقلن عن خطاب رئيس الجمهورية "إبن العامل" الماورث مهنة أبوهو وجاء على ضهر دبابة قبل تلاتين سنة وحسي ملك وأمير ما كفتهو وحتى وزير وبقى رئيس رئيس الوزير..
أشتم بأن أحفادنا سيعيدون تأريخ أكتوبر وتبقى دي الورثة الوحيدة الحقيقة حيعملوها (أحفاد علي كوباني شفاه الله وكابتن حضرة أعاده الله الي بلاده بسلام وصديقي وحبيبي أخي إبراهيم عبد المنعم والمرافيد من شرطة وجيش وجامعات ومستشفيات ومهندسين وكلهك على كلهم).
يلا يا الأحفاد في جمعتكم دي:cool::cool::cool::cool::cool:
منصورين

[بابكر مخير]

مع الكُبر بتستشعر المسئولية أكتر
هذه حقيقة
عبود رحمه الله
إستشعر بالخطر الداهم والموت الممكن يزيد في ثورة أكتوبر وآثر التنحي
ما بال هذا الزمن كوبارهو عديمين مسئولية..
الكرسي مهما طالع القعاد فيهو بيجي يوم القعدة ظاتها بتغلبك وتبقى راقد علي ضهرك لمن تجيك قرقرينة الفراش وتمووووووووووووووووووووووت يالإنشال منك ورق التوت، أخير لك حسي أمشي وفوت.
سيبها اليوم ويمكن يعني برضك يمكن ينقال عليك كبير

[بابكر مخير]

ذي ما قلنا القلب بيرهف والدمعة تسبق جرت النفس لمن تشوف ليك شيتن يوجع...
بنيات ينهانن ووليد تلاحقه عربية فيها ناس مدججة بالسلاح وأساتذة بدل يكونو في قاعات المحاضرات واقفين في الهجيرة عشان يسمعوا صوتهم ورفضهم للظلم وعمنا الحاجة مسكين نظرته مليانة حزن علي الحاصل والوليدات مساكين..
والله ما هو شيتن ينقبل تب...
http://sudanyat.net/vb/attachment.php?attachmentid=1301&stc=1&d=1546895108
http://sudanyat.net/vb/attachment.php?attachmentid=1302&stc=1&d=1546895121
http://sudanyat.net/vb/attachment.php?attachmentid=1303&stc=1&d=1546895135
http://sudanyat.net/vb/attachment.php?attachmentid=1304&stc=1&d=1546895149
http://sudanyat.net/vb/attachment.php?attachmentid=1305&stc=1&d=1546895171
http://sudanyat.net/vb/attachment.php?attachmentid=1306&stc=1&d=1546895190

[بابكر مخير]

من أشد الكلمات قساوة الكان بيستعملوها كبارنا الزمان "سفيه".
ووقتها تعني القولة في الكلام تجمع في مضمونها الصعلوك وزير النساء، المخمور والشاذ جنسيا P أو N "سالب أم موجب وإتنينتهم عفن"، عديم النخوة، الوسخ بكل ما تحمل الكلمة من معاني، البليد، الغبي، المتعدي على الناس وأعراضهم يعني بإختصار السفيه دي تتقال لي شخص المجتمع ناااااااااااااااابذة بالمرة..
السفيه في كلامه كاذب، جارح ومتحدي
السفيه في إحترامه لي نفسهو صفر وللناس حقار..
يا أخوانا مع عمرنا الكبرنا فيهو دآ..
ما بتصور أنه زولن بيكبرني سناً يكون سفيه ولا الكلمة التانية المرادفة والحكمة أنه سلطة..
في كلمة تانية مرادفة لسفيه "فاتية" وما إجتمعت الصفتين وإلا على الأرض السلام وعلى قول بطريرك الكنيسة الأرثودكسية (أفتكر الأوكرانية) أنه علامات قدوم "المسيخ الدجال" ظهرت...

[بابكر مخير]

يا أخوانا لساتنا ما صحينا من خلعة تحريض البشير للشرطة في القصاص من حكم ظالم على شعب مغلوب وإلا كمان بيحرش في الديش أنهم يستلموا السلطة ويرعبوا الشعب "الفار" عشان يدخل أجحاره (وهو حقيقتن فار من عمايله) ودقي يا مزيكة ورجعي مناظر الفصل الأخير من فيلم "الجرزان" بالعامية السودانية "الفيران"..
أهلنا الغرابة بيقولوا:
وض أومي كنينة لمن خلااااااااااااااص يزعلوا وتحرقهم من جوووووووووووووا
ناس البحر بيقولوا ود ال.....

[بابكر مخير]

أعلن بملء كل زولن عجز وكِبر..
لكل أهل السودان الطيبين، لنسوانهو وبناتهو طفلاتهو. رجالهو وووليداتهو وأطفالهو كامل إعتذارنا بما تغترفة حفنة صابها الخرف والذهال وأعماها الجهل وقلة الإحترام ولعب بها شيطان السلطة..
والله يا أخوانا إحنا الكِبرنا ديل عدآ تلك المجموعة ممن أَفَنَها الله كلنا حب لكل واحدة وواحد منكم.
نعتز بيكم
ولا يمكن في يوم من الأيام ينطق لساننا بما يسؤكم
نحترمكم ونجلكم..
أقول قولي هذا وأستغفر المولى عز وجل وأرجوه أن يعيد لتلك القلة المارقة ثواب العقل....
(( ربنا لا تؤاخذنا بما فعل السفهاء منا ))
عاش السودان "أرض المليون ميل" حرن ابين
وعاشت جموعة محتجيه وعاش شبابة المنتفض ..
يلا لي قدام
البنعمله تمام
لا خزي ولا ملام

[بابكر مخير]

لم يقعدني الكِبر عن الكتابة. لكني اليوم إنهزمت بمرارة وعزف قلمي عن الكتابة.
فتلك الدماء التي سالت وتلك الحناجر التي تهتف منعت عني الرغبة في الإسترسال وألجمت قلمي سكاتا..
ولا بد من صنعاء وإن طال السفر.
فأنا عائد بإذن الله لا محالة بعد أن تستعيد بلادي روعتها التي شوهتها الإنقاذ..