يا أخي الكُبر دآ حاجة ثقيلة بشكل

[بابكر مخير]

أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...
:cool::cool::cool:

[imported_رأفت ميلاد]

غايتو يا بكور كان أنت أعترفت بالكبر نكون نحن أنبرشنا عديل

أنت مشيت بلد العرب ليه ياخ .. كنت فى لندن زى كورة التنس تنطط وقطعت نفسنا وركبى تشهد

تعرف الكبر مرات الزول بنساهو مرة واحدة .. يجيك حفيدك طاير يعمل ليك خزلان شديد :D:D

[عبد المنعم حضيري]

قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا.

صدق الله العظيم

[imported_الزوول]

عماً لينا
عاش حياته كلها شباب لا يعترف بالكبر
بالرغم من عمرو ... ضاربا ليك بوز وعايش حياتو كأجعص شاب
الاجازة الفاتت دي أحبطني
لقيتو وكأنو كبر فجأة في العمر 20 سنة مرة واحدة
وعلى العليهو ظهرت في وشيهو عدد محترم من (التالولات) مختلفة الحجم
سألتو : الحصل عليك شنو يا شيخنا؟
قال :
ما عندي عوجة ... بس دي عواليق الكبر التافهة دي :D

[imported_Hassan Farah]

عجزت يا ود عمتى وبدأت تصدح بالشكوى....اخوك برضو.....تعال نجدد شبابنا....انزلاك البلد....ونسة مع الحنان وفنجان جبنة فى ضل تمرة دواء كل علة
https://www.youtube.com/watch?v=LF4HVd5vcGM

[imported_رأفت ميلاد]

عجزت يا ود عمتى وبدأت تصدح بالشكوى....اخوك برضو.....تعال نجدد شبابنا....انزلاك البلد....ونسة مع الحنان وفنجان جبنة فى ضل تمرة دواء كل علة


أنتو كان دايرين تجددوا شبابكم نتقابل فى أديس وما تشيلوا هم الجرجير الصناعى بجيبو معاى :D:D:D

[imported_Hassan Farah]

أنتو كان دايرين تجددوا شبابكم نتقابل فى أديس وما تشيلوا هم الجرجير الصناعى بجيبو معاى :D:D:D
----------------------------------------------------------
شوف دا حاول يجدد شبابه
https://www.youtube.com/watch?v=O13ct-TB_p8

وبعد شهرين ودع

http://www.seekpress.com/article-61592.htm

[عبدالحكيم]

أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...
:cool::cool::cool:

ماهو باين ...

ولد في مثل هذا اليوم
مشاهدة أعياد الميلاد
‏بابكر مخير ‏(69), ‏قيس الصديق شحاته ‏(32)

الظاهر عليك وانت تقلب في الصفحات وحسيت بالـ 69 ديه ..
ولو لم تأتي بهذا البوست لعرفناك وقد طالك الكبر .. وخلينا مستورين لامن صاحب الوداعة يأخذ وداعته ..

على كل هي مرحلة عمرية يمر عليها كل من يدركها .. ومرحلة الأوجاع ديه بسيطة ..
وانظر الشاب قيس إلى جوارك .. متعه الله بالصحة والقوة ..
هكذا الحياة ..

‏اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ ) ‏ الروم ‏:‏ 54

وفي يومك هذا نزف لك خالص التهاني .. وعقبال الـ 110 شمعه :D

[بابكر مخير]

ماهو باين ...


الظاهر عليك وانت تقلب في الصفحات وحسيت بالـ 69 ديه ..
ولو لم تأتي بهذا البوست لعرفناك وقد طالك الكبر .. وخلينا مستورين لامن صاحب الوداعة يأخذ وداعته ..

على كل هي مرحلة عمرية يمر عليها كل من يدركها .. ومرحلة الأوجاع ديه بسيطة ..
وانظر الشاب قيس إلى جوارك .. متعه الله بالصحة والقوة ..
هكذا الحياة ..

‏اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ ) ‏ الروم ‏:‏ 54

وفي يومك هذا نزف لك خالص التهاني .. وعقبال الـ 110 شمعه :D

يابا إتا الذوق
وشكرا على مباركة الذكرى والتذكير ...
بس حكاية "الروم" وماااااا بنعترض على قدرته تبارك وتعالى..
لكنها محبطة شوية، موضع الضعف البعد القوة..
:).

[بابكر مخير]

غايتو يا بكور كان أنت أعترفت بالكبر نكون نحن أنبرشنا عديل

أنت مشيت بلد العرب ليه ياخ .. كنت فى لندن زى كورة التنس تنطط وقطعت نفسنا وركبى تشهد

تعرف الكبر مرات الزول بنساهو مرة واحدة .. يجيك حفيدك طاير يعمل ليك خزلان شديد :D:D

يا روفي
ما المصيبة حتى لو مشيت الصين والأيام ماشة
بيجيك بيجيك...
حبيب الما بتعز عليك، حمدي بيرم..
قال ليا:
بالله الأحفاد يهبلوا بالزول...
تقعد عشان تضحكهم تتهابل..
بس بيني وبين قولة:
ما أحلى من الضنا، إلا ولادت الضنا..
أمشي قول ليا للآ هي ما كدآ وبيقول كدآ وكدآ..
خرف
لفا الفكر وبيهو إنحرف...
هو الواحد لو مشى آديس
طراوة ساااااااااااااكت وخضرة وزيد على كدآ
حفيدات سآبينا والصحابة...
فرجة فيهم بتفرج
دون حاجة لإرتكاب حماقات...
تمنها الحياة التعبنا لملمناها :cool:

[بابكر مخير]

قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا.

صدق الله العظيم

يا نعمي
والله شيب الراس
بالصبغة بينقدر عليهو
المشكلة في العضام البقت برآآآآآآآآآآآها تطقطق ذي حب الفشار
لا وفي حاجات تانية
ما مكانهو ذكرها :cool::cool::cool:

[بابكر مخير]

عماً لينا
عاش حياته كلها شباب لا يعترف بالكبر
بالرغم من عمرو ... ضاربا ليك بوز وعايش حياتو كأجعص شاب
الاجازة الفاتت دي أحبطني
لقيتو وكأنو كبر فجأة في العمر 20 سنة مرة واحدة
وعلى العليهو ظهرت في وشيهو عدد محترم من (التالولات) مختلفة الحجم
سألتو : الحصل عليك شنو يا شيخنا؟
قال :
ما عندي عوجة ... بس دي عواليق الكبر التافهة دي :D

شوق ومحبة
ويييييييييييييييينك يابا

[بابكر مخير]

عجزت يا ود عمتى وبدأت تصدح بالشكوى....اخوك برضو.....تعال نجدد شبابنا....انزلاك البلد....ونسة مع الحنان وفنجان جبنة فى ضل تمرة دواء كل علة


ود خالي بلالي
أمانة في ظمتك
بقآ في روح للونسة، الواحد مكشر دون سبب
وبطنه طااااااااااااااااااااااامآ
لا وكمان تقول تشيل فنجان الشاهي ولا قهوة
إلا تلبس مريلة، يندفق فيك...
والتمرة دي بي سنون منهو ولا ضروس شنهو
ما هو الخشم بقآ ما فيهو إلا لسان وتلقاهو طوالي شارد من الخشم بعد السنون البيحبسنهو شردن..
غايتهو إلا نقول
الله غالب :cool::cool::cool:

[imported_Hassan Farah]

ود خالي بلالي
أمانة في ظمتك
بقآ في روح للونسة، الواحد مكشر دون سبب
وبطنه طااااااااااااااااااااااامآ
لا وكمان تقول تشيل فنجان الشاهي ولا قهوة
إلا تلبس مريلة، يندفق فيك...
والتمرة دي بي سنون منهو ولا ضروس شنهو
ما هو الخشم بقآ ما فيهو إلا لسان وتلقاهو طوالي شارد من الخشم بعد السنون البيحبسنهو شردن..
غايتهو إلا نقول
الله غالب :cool::cool::cool:
----------------------------------------------------------
ههههههههه والله ضحكتنى ربنا يجعل نهارك باسما....ياخى انت بس تعال بنعزليك المعصود الما محتاج لسنون ....يمصوا مص مع فنجان الجبنة اسأل العمدة عكود

[عبدالحكيم]

ياخي بعد الشر عليك والكبر ..

قالو متألم شوية ياخي بُعد الشر عليك
النضارة الفي شبابك والطفولة الفي عينيك
والقلوب الحايمة حولك يا حلو بتتمنى ليك
بكرة تشفى وبكرة نفرح يا رفيق العمر بيك
ياخي بُعد الشر عليك
انت يا نبع المشاعر ما بصيبك الا خير
نحنا مشتاقين وحاتك ونحنا مشتاقين كتير
والله ما صابرين دقيقة حتى من مرضك نغير
ياخي بُعد الشر عليك
انت ما شبه الدموع انت ما شبه العذاب
انت ما كلك عواطف وانت ماكلك شباب
العمر عندك اسير والعمر غيرك سراب
ياخي بُعد الشر عليك

https://www.youtube.com/watch?v=2iucCGb80cQ

[imported_نبراس السيد الدمرداش]

وانتو كبرتو زدتو حلاه

[imported_علاءالدين عبدالله الاحمر]

أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...
:cool::cool::cool:

والله ياعم بابكر دي واحدة من حوادث ارتكاب الحياة .. هسي انا الداب ماش علي نص قرن ده بدينا بوجع الركب .. فجيلكم ربما صادف حظوظ افضل .. اما جيلنا ده فجيلكم حيجي ماشي يلقاه مكسر في العناقريب

[بابكر مخير]

نبو الغالية وعلويي الجميل
شكرا على المرور البفرح
ما هي الغريبة
الكرعين ما يشيلنك والعيون ما يشوفنك
بس القلب
يمرض وما يشيخ
محبتي ليكم ياها ظاتها القبل سنين
حكيمو العزيز
هو لو كان مرض كان إتعالج
لكنه شيتن أكبرgoood

[بابكر مخير]

كدي سؤال،
ما الكُبر هو الدورة التانية للطفولة
الشافع تلقاهو عايز يعرف كل حاجة بس دي الغريزة عشان يتحضر للمستقبل
آها ناس إحنا عايزين نعرف كل حاجة عشان نجترآ الماضي.. ونتذكر الحدث مرينا بيهو متين.
قبل السؤال نقول حكاية "يني" السكر ورجع، آها كلب مرآ تحته وشال نصيب من الإسترجاع بتاع "يني"..
إنتبه "يني" للكلب المغطئ ب(الطراش)..
وقال، السمك في الجندول والشية في حديقة المورد ووورك الجدادة في المقرن،،
لكن الكلب دآ أكلته ويييييييين...
هو إتوا أنا كنت عايز أقول شنهو؟؟؟؟؟:eek:

[بابكر مخير]

إتذكرتا
كنت عايز أسأل؟؟؟
عيد الشكر أو بالإنجليزي سانكس قفن (thanksgiving day)
يجوز للمسلمين الإحتفال يبهو.....
لو ، لآ... لييييييييييييه
ولو آيا ..... برضه ليييييييييييييييييه

[بابكر مخير]

إتو
أبو أماني
وييييييييييييييييييييييييييييييييييييييييييييين؟؟؟
والله لسة فيني بركة..
الذكرى؛ بركة
والبركة ليها أجر...
أبو أماني،،
"زينبنا" ما اتوحدت مع زوجها...
إن رديت علي الدفعة
يا أهليييييييييين
وإن لأ..
تشااااااااااااااااااااااو :cool::cool::cool::cool:

[بابكر مخير]

بمناسبة السؤال عن دفعتي الزين "أبو أماني"...
الباقيين من الدفعة المندسين بي ظاتهم أو أعمارهم
اليبلوا رأسهم...
ملحوظة وهااااااااااااااااااااااامة كمان؛
المعني هنا الجنسين..
قال ليك الأعور؟
طبزهو في عينه، قال أصله خربانا..
وينك يما :eek:
أقول الإسم ولا الإسم سالم :cool:

[imported_قرقاش]

كدي سؤال،
ما الكُبر هو الدورة التانية للطفولة
الشافع تلقاهو عايز يعرف كل حاجة بس دي الغريزة عشان يتحضر للمستقبل
آها ناس إحنا عايزين نعرف كل حاجة عشان نجترآ الماضي.. ونتذكر الحدث مرينا بيهو متين.
قبل السؤال نقول حكاية "يني" السكر ورجع، آها كلب مرآ تحته وشال نصيب من الإسترجاع بتاع "يني"..
إنتبه "يني" للكلب المغطئ ب(الطراش)..
وقال، السمك في الجندول والشية في حديقة المورد ووورك الجدادة في المقرن،،
لكن الكلب دآ أكلته ويييييييين...
هو إتوا أنا كنت عايز أقول شنهو؟؟؟؟؟:eek:
أولا هههههههههههههههههههه..
ثم

بابكر الحبيب ..سلام وتحيه
الكلمه بالكلمه
هسه في زمتك ...( بسم الله ماشاء الله ) ده نشاط جلاكيم ..
شباب وعينى بارده عليك

[بابكر مخير]

أولا هههههههههههههههههههه..
ثم

بابكر الحبيب ..سلام وتحيه
الكلمه بالكلمه
هسه في زمتك ...( بسم الله ماشاء الله ) ده نشاط جلاكيم ..
شباب وعينى بارده عليك

يابا الحبيب
نشاط في أمكنة
خمول في أخرى
إنعدام في غالبيتها...
تسأل "كوكي" أباذر عكود
بيشرح ليك بتفاصيل تفاصيل
كل كلمة ومعناها
مغزاها
وخلينا على كدآ
بعدين تهجمني (حرية الكلمة)
وبرضه يا سعادتهو "نوونو"
النور يوسف مشتاقيين:cool:

[بابكر مخير]

وقدر ما فيه الكُبر من مآسي
برضه فيهو الجميل، لمن تجيك "غفوة" صحيان..
ما هو الصحيان نادر الحدوث ويشبه الغفوة عن الشباب...
غفوة تتذكر فيها أشياء جميلة..
تتذكر أنه العالم عباس كان من الناشطين في سودانيات، يكتب بقلم حروفه لولوي وكلماته عقد جواهر..
ولا أقول تنط ليك صورة هاشم طه وشيتهو العجيب من أدب قول وأدب خلق
حليلها الأيام الخوالي
علي عبد الرحيم عمدة لندن
وأولاد البرير الفي لندن والفي أمريكا المهندس "بندر"
أيام من لبنان الحبيب تشاركنا حسناء ومن اليمن السعيد كمان حسناء.....
لمن جانا "عابر سبيل" وفات خلانا.....
....
يقال عن "الفاليم" أنه بيمسح الحدث الحديث ويخليك مع الذكريات....
وياهو العمر لمن يمشي ياها دي البتبقى...
.......................................
كسرة::::
الحكمة أنه:
كله على كله مع الزمن بيشيخ
إلا القلب مع الكُبر بكبر...
بيزيد في تحنانه يوسع
ولي البحبه أسمى مكانة بيرفع....
.....
شوفهو إتو كيفنكم
عند شيخن كِبر :cool::cool:

[imported_رأفت ميلاد]

ما تطعما ساكت الصغرة سمحة والكبر شييييين

YJDIZ6JH0w0

[معتصم الطاهر]

هنا دار العجزة و لا مركز الشباب؟

[بابكر مخير]

هنا دار العجزة و لا مركز الشباب؟

بين الشباب والعجزة
المقياس هو الروح...
روح شابة ممكن تسكن جسم شيخن مجلكن
وحالة مشيخ تلقاها مالكة شابن يترتر......
تعرف الحبيب
لي كل سؤال، جواب ولي كل حدث، حديث
ولي كل كبوة، عذر (ما هو البتعوفه المعصية بدعي أنها التوبة "متصرف فيها")
ويا هو دآ (الكُبر) ظااااااااااااااااااااااااااااااتهو:(

[بابكر مخير]

ما تطعما ساكت الصغرة سمحة والكبر شييييين

YJDIZ6JH0w0

قالوا:
الشجر الكبار
بالله عليك حسي لمن تكون ماشي في الشارع
ما الجكس مجناتنك..
هوي أم الوليدات ما تقرآ دآ
بعدين تغير نظرتها فيني :rolleyes:

[بابكر مخير]

ذي ما قلت في فجة صحيان مع الكُبر
تكون عفوية وبعض مرات صدفة واليوم في ملفي لقيت أصدقائي من بين النقاوة
وينهم الناس ديل
ليهم محبة زايدة

http://www.sudanyat.net/attachment.php?attachmentid=1239&stc=1&d=1450588452

[بابكر مخير]

سلسلة لبعض الحالات الميؤسة في الكُبر......
ونبدآ!!!!

لسانك يتبرآ منك،،،،
دي لمن ترمي الكلام جزاف
قلمك يجرح وإتا ما واعي
في حال تكتب دون مراعاة أو تسب وتشتم على غير حق...

مثال لذلك..
خليها مستورة:(

[بابكر مخير]

كثرة الأنتقاد....
بالله الواحد لا يعجبة العجب ولا الصيام في رجب...
هو التقول الصيام في الشهر الكريم مكمله....

[بابكر مخير]

الكذب
بالله عليك ترمي الكضبة ولا تتلفت...
ما هو الذاكرة بتكون إتمحت، يقوم زول يتكلم عن موضوع. تنط ليهو في زمورة حلقة وتقول:
والله (لاحظ بي حليفتها) زمان كان وكان....
وهو زمان تكون الداير عنه الموضوع لساتهو ما نزل في السوق...
لا والموضوع كمان فيهو إدعآ..
ما بتكون فاكر الناس الفي عمرك،، جاورو العزيز وخلف الأشهاد وما في شهود...

[بابكر مخير]

الحمام
دآ!!!!
خليهو ساكت...
ما ياااااااااااا حليل بيت الآدب والمستراح والسروال وآم فكو..
و وووووب من التوليت والبنطلون ...
شيتن مرة
ما ترفع الغطاء ومرة تنشينك يجلي
مرة ما تلحق تفك السستة ومرة تخلص وما تقفلها....
آآآآآآآآآآآآآآآآخ من الكُبر

[عبدالحكيم]

الحمام
دآ!!!!
خليهو ساكت...
ما ياااااااااااا حليل بيت الآدب والمستراح والسروال وآم فكو..
و وووووب من التوليت والبنطلون ...
شيتن مرة
ما ترفع الغطاء ومرة تنشينك يجلي
مرة ما تلحق تفك السستة ومرة تخلص وما تقفلها....
آآآآآآآآآآآآآآآآخ من الكُبر

ياخي ده انت حلجت عديل كده وفي كل الاتجاهات ..:D

ماتخليها مستورة ...:mad:

[imported_رأفت ميلاد]

الحمام
دآ!!!!
خليهو ساكت...
ما ياااااااااااا حليل بيت الآدب والمستراح والسروال وآم فكو..
و وووووب من التوليت والبنطلون ...
شيتن مرة
ما ترفع الغطاء ومرة تنشينك يجلي
مرة ما تلحق تفك السستة ومرة تخلص وما تقفلها....
آآآآآآآآآآآآآآآآخ من الكُبر

:D:D:D:D

لامن تتحل تتشهد إنا لله :D:D
يا حليل حجر قطع الجمار كان بستر الزول برضو :p

[imported_Hassan Farah]

قالوا:
الشجر الكبار
بالله عليك حسي لمن تكون ماشي في الشارع
ما الجكس مجناتنك..
هوي أم الوليدات ما تقرآ دآ
بعدين تغير نظرتها فيني :rolleyes:
----------------------------------------------------------
ههههههههههها ما قلتوا مصريون...... بتخافوا....
ود عمتى مدينة....طوييل وما بيلحق الكعكول....دا شنو

[بابكر مخير]

----------------------------------------------------------
ههههههههههها ما قلتوا مصريون...... بتخافوا....
ود عمتى مدينة....طوييل وما بيلحق الكعكول....دا شنو


الحبيب ود خالي بلالي
أسأل ود عمك شوقي....
نقول الكُبر الله يلعنه..
جآي يابا تسألني، هو حسي الواحد لو سألهو من إسمه وإتذكره...
ي(فرح) :cool::cool::cool:

[بابكر مخير]

المّْشي

قالوا:
الفقري يعترن ليهو ..... :eek:
حسي وهن ملصقات علي الورك... :mad::mad::mad:
البعتر للزول شنهو؟؟؟
ما اليهو إلا الما بتسمى دآ!!
الكُبر

[بابكر مخير]

النوم
أمسك عندك!!
المساء قبل ما يجي وكت النوم وإتا قاعد وسط الناس،
رأسك ذي البندال الرأسي،،
مرة يصنقع ومرة الدقن يلامس الصدر..
لا وبي شخيرهو..
آها وكت النوم تشيل هم الصحيان والقومة من السرير..
أبقآ راجل جد ومن التسطيح بس أقعد....
آآآآآآآآآآآخ، يا الله، آححححححييييييييييييآ..
جرسة جد...
بالله التقول، شنهو دآك يوم شنهو دآك :eek::eek:
لا والمدهش..
الشخير..
دآ في أوقات مستمرة في اليوم..
لو يكمموك برضه تشخر:(:(
ما هو الصوت مرات كتيرة يطلع...
بس المصدر ما من القصبة الهوائية...
قالوا دآ بيقولوا ليهو:
إرتخاء العضلات والتصرف اللا إرادي...
البخليك تغيير كمين مرة في اليوم..
هو شنهو البتغيرهو؟؟
خليها مستورة وما ينشرهو في الويكا"لكس":eek::eek:

[عكــود]

سلام يا "شباب"،

صاحباً لي قال ما عرفت نفسي كبير إلا بعد بقيت ألاحظ للناس الحولي في حراكي اليومي؛ في المول، في الشارع، في المسجد، في الشغل .. لقيت أكتر من تلتينهم، أصغر مني عمراً .. حتى بعد داك اقتنعت :).

شباب البديت بيها دي، مقصودة والله .. هسع لو ألقينا نظرة على النشيطين في منتدانا ده، خاصة بعد التوقف الأخير، بنعرف الشباب من الما شباب.

الله يديكم العافية ويملاكم محبة وسماحة (فوق لي سماحتكم دي).

[imported_قرقاش]

سلام يا "شباب"،

صاحباً لي قال ما عرفت نفسي كبير إلا بعد بقيت ألاحظ للناس الحولي في حراكي اليومي؛ في المول، في الشارع، في المسجد، في الشغل .. لقيت أكتر من تلتينهم، أصغر مني عمراً .. حتى بعد داك اقتنعت :).

شباب البديت بيها دي، مقصودة والله .. هسع لو ألقينا نظرة على النشيطين في منتدانا ده، خاصة بعد التوقف الأخير، بنعرف الشباب من الما شباب.

الله يديكم العافية ويملاكم محبة وسماحة (فوق لي سماحتكم دي).


تقول شنو..؟
ماقالوا كوامر وعمروها ...ياباش

[بابكر مخير]

الكُبر
والزهايمر
بالله عليك..
تنسى حاجات مهمة، أساسية،،
مش بس إسمك
الجنس ظاتهو يتوه ليك..
ما الغربة طولت والواحد ما متذكر "جنسهو" شنهو...
شئ بريطانيا وشئ سويسرا
والسرآ ما ضرآ..
والحالة كل ما ليها تصعب..
هو الحديد بصداء ويصقر :eek:
غايتهو حالة....
سعبة :rolleyes::rolleyes:
___________
كوكي قلتا ليك كيف "بين السطور" والمبهمات الباينات والواضحات..
شكرا ليك وسماحتنا ديك خليها...
ما تفتح مواجع :(:(:(
______________
قرقاش يابا
قولت "كوامر" ظاتها شوية..
دفارات وما تقوم ولو بي دفرة...
:mad::mad::mad:

[بابكر مخير]

الدرآب..
الزول لمن يكبر بالله عليك ذي الما بشوف الناس القدامهو،،
يطلق العنان لي لسانه مع شطب حكاية "لسانك إن خنته خانك وإن صنته صانك"
يومتها في محاضرة عن موضوع المخدرات
خنت أبو لساني ظاتهو:::
قلت أنه كل المكتوب عن بدء الإنسان تعاطي المخدرات لست كما يكتب فالبعض يرجعه للفراعنه وإستعمال الأفيون كعلاج للدسنتاريا وأنه الهنود أول من حشش والي آخره بالعكس أنه بداء مع بداية الخليقة وأول معصية لمن أبونا آدم لم يمتنع من تلك الشجرة وأكل منها ونزلونا للأرض "عراايآ"...
إمتعض الحضور ولكن وين أنا؟؟
ما الكُبر بخليك تطربق :(

[بابكر مخير]

أمس
شرفني العميد قاسم بدري هنانا
هو شيخ وشاخ
وأنا شختا وشيختا
وبين الإتنين
أشوف في شخصه
ذكريات أيام كنا نركب مع جدي بابكر ونزور السرايات ونشوف كبار الشخصيات ومن بعد مع خال يوسف وزياراتنا معه للجي بي ..
في طفولتنا أتذكر مرة مشينا السينما وبإصرار منه،،،
قلتا ليهو: بدقوني لو مشيت
قال: دقآ تفوت ولا حدي يموت..
وأنا الطيب المسكين الساذج، ذي السخلة المبارية الخيل "مع ىأني أكبر بعشرين يوم واليوم ينطح التاني" مشيت معاهو...
بالله تاني يوم، ما الليلة دي رجعت وقدرت أتخفى وما شافوني...
كيف وصل الخبر، الله أعلم..
في الصباااااااااااااااح أشوف قاسم أخوي،، الله يرحمه (بحبه والله أكتر من نفسي) ذي طرزان متسلق شجرة النيمة "وافرة الظلال وكريمة العطاء من ناحية أفرع طرية وعرجونة وأيضا متماسكة الألياف" إستنضف ليهو فرع ما كان عآدي، كان سميك في طرف وكأنه يشكل مقبض وماخد في النحافة حتى نهايته وكأنها لسان سحلية....
والعيون ماتشوف لا نور ولا ضلمة،، شئ بين الحياة والموت...
لمن لاقيت قاسم بدري تاني مرة
قال ليا:
شوفتا الدقة فاتت وإتا ما مت....
ويييييييييييييييييين
والله حسي
الواحد من السلام يفتر ومن المقالدة ينهار
ولي آي شئ فوق ذلك؟؟
بنتجبه....
ملعون أبو الكُبر :o

[imported_عبد العظيم الطاهر]

يا نعمي
والله شيب الراس
بالصبغة بينقدر عليهو
المشكلة في العضام البقت برآآآآآآآآآآآها تطقطق ذي حب الفشار
لا وفي حاجات تانية
ما مكانهو ذكرها :cool::cool::cool:

:D:D:D:p طيب .؟؟؟

يا بيكو ... قال :-

الكبر ضارب لي تلفون
قال بزور الرأس والسنون
قتلو بس ما تغشى العيون
:D:D:D

[imported_قرقاش]

:D:D:D:p طيب .؟؟؟

يا بيكو ... قال :-

الكبر ضارب لي تلفون
قال بزور الرأس والسنون
قتلو بس ما تغشى العيون
:D:D:D

وانا قلته ..
بعد الشيبه شابتنى وعودى صابه جفاف
طليت انته زى بدرا منور كامل الاوصاف .
ــــــــــــــــــــــــــــــــــــــــــــــــــ ــــ
كل زمن وليه طعمه..
وحلات البل استيشن معاهم ...
ريم حفيدتى ..
http://www4.0zz0.com/2016/04/13/15/846783560.jpg (https://www.0zz0.com)

[بابكر مخير]

وانا قلته ..
بعد الشيبه شابتنى وعودى صابه جفاف
طليت انته زى بدرا منور كامل الاوصاف .

ريم حفيدتى ..
http://www4.0zz0.com/2016/04/13/15/846783560.jpg (https://www.0zz0.com)

أجمل لقطة وأحلى رسمة وما شااااااااااااااااااااااااء الله :cool::cool::cool::cool:
دي أجمل حاجة في الكُبر الثقيل دآ......
الأحفاد
وأنا أقول جدي بابكر سمها الأحفاد ليييه
أتاريهو بي سببهو looool

[بابكر مخير]

:D:D:D:p طيب .؟؟؟

يا بيكو ... قال :-

الكبر ضارب لي تلفون
قال بزور الرأس والسنون
قتلو بس ما تغشى العيون
:D:D:D

بعد النضارة قعر كباية "الشوب"
تقول ليهو ما يغشى العيون...
هن إتعفصن وإتبشتنن..
كانن كوبااااااار
ومتل الكُحل كاسيهن
بقن خرم إبرة
والجفون إلا بالمشابك شادهن
والدمعة ديك قبل تنزل الخد
تلقى التانية دافراها..
بختك إتا اللساتهو ما وصل العيون :cool::cool::cool::cool:

[بابكر مخير]

كباية "الشوب"


كباية الشوب
ناس حسي ما ناقشينها
وناسنا الزمان
ليهم معها وعنها ذكريات....
إحنا "الكُبار" طبعن القصد عمر!!!
كب يا علي فكبابي الشوب
آآآآآآآآآآآآآآآآآخ
بالله كان زمان محلات المرطبات؛ زكي في الخرطوم ومشرقي فأمدرمان وحتى يوسف الفكي وود الغآ..
الليمون بروح الموز والشعير "البرئ مش المخمر" البارد..
يقدمهو في كبابي الشوب المضلعة ونضيييييييييييييييييييفة ...
طبعا قعر الكباية دي كان مضرب مثل لأنه بالنظر خلاله يكبر الأشياء
آها نضارتي بقت 3 طبقات من "القعر" دآ......
"كوكي" والله جآت براها وبدون قصد:eek::eek::eek:
كآآآآآآآآآآآآك

[بابكر مخير]

والساعة واحدة ونص بعد ما الواحد يكون زار الحمام كمين مرة كدآ ويقطع .. يرقد في السرير ويبتدي الوسواس (الخناس) يا ربي جريت السيفون، تقوم وتلقى نفسك أصلن ما إحتجتا ليهو لأنك دخلت الحمام ولفيت وإتلفتا وتتذكر أنا جيت هنا لي شنهو؟؟
خلاص إذن نمشي نرقد،،
آآآآآآآآآخ يا ربي أنا قفلت باب الشقة والتعب والإرهاق نال منك كل الممكن تقول يا زول البلد آمان وما في زول بيخش، لكن الوسواس الخناس يزوزي بيك، تمشي تلقى أنك قفلت والمفتاح جووووووا الكالون،، ترجع للغرفة وإتا راجع،،،،
طيب لو حسي حصل ليا شئ البيدور يجي يتفقدك يلقى الباب مقفول والمفتاح جووووووووووووا الكالون..
نسحب المفتاح ونخلي لو زول من برآ دار يدخل يقدر يفتح، لكن هو المفتاح ما عنده نسخة..
يلا يا زول طنش خليهو اليبقآ يبقآ ما إتى أصلن بتكون كسحتا،
بس لكن الواحد يمكن لو حصل شئ يقوم تنكشف منه حتة كدآ ولا كدآ...
يا زول ما بتحلها إلا حبة باندول نايت..
أخدتا وحدة وكانت الساعة بقت تلاتة ونص، يعني الدوام جآ خلاص،،
البندول نايت عشان ينعسك دي نص ساعة وعشان تنوم كمان نص ساعة وانت حتنوم معناها ساعة ونص عشان الدوام الساعة سبعة ونص :mad::mad::mad:
لكن طيب أنا بلعت الحبة، دي معناها رجعة للحمام من تاني عشان علويا تفضي البطن وإلا الدوام بقآ في خبر كان،،
لكن كمان المدير مديني شغلة والساعة تمانية ونص إجتماع.....
يا زول دآ كلوووووووووووو بسبب الكُبر
ما هو الواحد ما كان الحمام ببقى شغله الشاغل ولا بينسى قصة المفتاح في الباب وكمان زيادة على كدآ..
ما تخلي الباب فاتح يمكن يجيك منه الريح وتستريح:cool:

[imported_عبد العظيم الطاهر]

والساعة واحدة ونص بعد ما الواحد يكون زار الحمام كمين مرة كدآ ويقطع .. يرقد في السرير ويبتدي الوسواس (الخناس) يا ربي جريت السيفون، تقوم وتلقى نفسك أصلن ما إحتجتا ليهو لأنك دخلت الحمام ولفيت وإتلفتا وتتذكر أنا جيت هنا لي شنهو؟؟
cool:

:D:D:D:D:D:D

[بابكر مخير]

:D:D:D:D:D:D

عظمة
إن شاء الله سنيناتك ديمة ضاحكات..
مشكلة الحمام معاي مشكلة، ما عندي سكري حسب الفحوصات ولكن علاماتهو ذي عين الشمس نص النهارية،،، أوضح من الوضوح...
الرِجل "الوطاية ولا مؤاخذة" التقول تحتها جمر...
بعض مرات من ما القى فحم لي الشيشة بس أقول أقيف فوق الرأس;)، إتصور شكلها كيف والتقول بهلوان (كلمة من أيام زمان)...
عمنا خضر الحاوي عليه الرحمة ولده عمر كان رياضي متميز وبذكر أيامنا كان بيلعب حركات بهلوانية متعددة أثناء عرض والده..
خليناهو السُكر تكون بروستاتا؟؟؟
هو قالوهو فوق الأربعين المصيبة دي صرة في خيت، ضمان ولا عربية مرسيدس...
وكيل المرسيدس زمان كانوا ناس أبو العلآ...
ويييييييين حسي سبحان الله.....
دي برضهو ما في دكتورن كدي ختاها ليا واضحة...
يكون المكيف،، ما هو الجو البارد بيخلي الزول داير الحمام..
أمسك
شوف
مش ياها الهترشة وتوابع الكُبر....
آآآآآآآآآآآآآآآآآآآآخ منهو الثقيل دآ

[بابكر مخير]

بالله العظيم قدر ما الواحد كجن وإتغمى في ترماي براتسلافا كمان إرتاح وإنشرح في بصات لندن..
يا أخي في الترماي في براتسلاف، تجي داخل بي نطة كدآ بتاعت شباب وحيوية حتى يحكم عليك بحركاتك وما بي مظهرك لكن شفعهم الثقلى ديل طوالي يقيف ليك من أقرب كرسي ويقول ليك إتفضل أقعد...
بالله الواحد يحبط جنس إحباط ويندم علي النطة ديك، ما هو لو الواحد كان عارف أنه خدعة ما بتنجلي على أحد ما كان عرض نفسه لخطر الوقعة والكسير والرقاد في المستشف وإحتمالية الإلتهاب الرئوي والموية الفي الصدر والغرغرينة "وهلماجرآ"...
لكن بصات لندن وآآآآآآآآآآآآآآآ حلاتها تدخل ونفسك قايم ما هو بتكون جريت ليك تلاتة خطوات بالعدد وهي كافية مع العمر والكُبر الثقيل أنها تلحقك أمات طه..
تدخل وتلقآ ليك شافع بدون شنب ووشه مليان حبوب الشباب وصته يادوبك بدآ يتخن، الشافع يكون مادي رجلينه ولا مهبب إتا كبير ولا صغير ودآ الجمال..
هنانا
وإتا سايق العربية، يجي واحد يفوتك بطريقة مليناة عنفوان شباب، تنغاز وبحراق روح الكُبر تضرب ليهو بوري، يفتح الشباك ما يسبك لكن يحبطك "والله لو ما إتا شيبة"..
آآآآآآآآآآآآآآآآآآخ يلعن يومه الكُبر..
وناس تانية "ظريفة ومؤدبة" في طرف لسانهم "يا عمي الحاج"" :mad::mad::mad:
يآ أخي هو أنا ما حجيت لسة...
بس النقول (غالب الله ويا ها حكمته)
وكل نفس إن شاء اللله ذائقة الكُبر..
وضوقوهو:cool::cool::cool:

[بابكر مخير]

زمان الواحد ذي عيون الصقر، حسي نضارتين ما هن واحدة للشوف عدستها تحاكي ظلام الليل الكاحل ما العيون ما بتتحمل أيتها نوع من الأشعات، سينية ولا حمراء أو تحت البنفسجية وإلا الدموع "تحاكي الشولة" والتانية كريستالية المظهر تستعمل في المساء وأسخف فترة في اليوم هي شوية قبل وبعد المغرب حيث الإضاءة ممومهججة بين ضوء وإنعادمه ودي بغلبها أني ما أمرق من البيت ما الواحد بيروح بين نضارة النهار السوداء وسواد الليل للكريستالية..
وين لمن الواحد بالعيون الكاحلة الما محتاجة لي جنس الجهجهة دي!!! :(
النضارة التانية "قعر كباية الشوب" الغنوا ليها (كب يا علي في كبابي الشوب) لمن الواحد يلبسها بالله التقول ينفقه (الفقهآ يعني رقبتك تقول تنشمط عامود بس) من تقلها وبعد دآ جابت ليها إخية، ما هي بتاعت قرآية والقرآية أنواع؟؟
قراية كتاب وحروفه بالبنط 12 وقراية جريدة عواميدها المختلفة شئ بنط 8 وبعدها 12 ويتخللها 15 وجوطة يعني وفي قراية شاشة التلفون "الذكي" الخلانا هُبل تفتح الواتسب، يجيك تنبيه الفايبر والإيمو والإستقرام التلقرام "وهلماجرآ"
والمونتر بتاع الكمبيوتر والإشعاعات المنبعثة منها..
دي الحاجة الوحيدة في حياة الذينا كدآ ما منها خوف..
ما هو الإشعاع بيأثر بعد سنوات،،
يلآ نشوفه بيلقى منهو بعد سنوات عشان يأثر فيهو أوعليهو :cool::cool::cool:

[بابكر مخير]

يمكن كل الأمهات والأباء بيكون عندهم خطط لبناتهم وأولادهم، العايزنهم يكونوا دكاترآ، مهندزين، محاميين، عساكر وحتى حرآمية أو يكونوا على نفس الحرف من سروجية أو نقاشيين أو خلاطين مونة..
آها يقوموا يدخلوك المدرسة وفيها تتعلم وبي طرق مختلفة، منها القاسية وحصة الإملاء والحساب والطرح والجمع والقسمة و"الضرب" والدين والحفظ والتسميع وسوط العنج المعطون في القطرآن والشعر والمعلقات....
مع الزهايمر حقت "الكُبر" كله يتمحي إلا حاجاتن مربوطة بذكريات قاسية،
تلقى نفسك متذكر إستهجاء كلمة بصورة كريستالية لأنك أخدتا فيها كم سوط كدآ ولا متذكر بيت من قصيدة كتبوك ليهو عشرين مرة..
أنا عقدتي كانت معلقة طرفة بن العبد ولخولة أطلال ببرقة ثهمد..
نشفت ريقي قدر ما نشفت محابر وأقلام الحبر الصينية..
بالله من زمنا دآك والصناعة الصينية "بيييييييييييييش"

https://www.youtube.com/watch?v=0r7c46hft7o

[بابكر مخير]

تقول تصهين للثقيل دآ وتحاول تتشبب، تتعامل مع التكنلوجيا وناس الفيبر والواتسآب..
ما أشقائي وشقيقتي وهم أصغر مني،، يعني أكبرهم أصغر بي خمس سنين، عاملين ليهم قروب فقلت أتصغر وأتجمل شوية،،،
فتحتا وفتحت عينيا علي حوار بين أحمد وعلي:
نصه؛؛؛



علي:
اي الHaring ود عم فسيخ جبل الاولياء مع اختلاف طريقة الحفظ وتقبل المذاق ( حلو او عمق التمليح والfermentation ))
احمد:
نوع السمك نفسه ما تنسى السمك نفسه ماهو سمك القرموط.
سمك (الرنجة) سمك نقي ومبتسم وسعيد ومتغذي بأجود أنواع الأغذية..
علي:
يا هي الفسايخ زاتها خشم بيوت نوع الانشوقه قريبه من الفسيخ لكنها حاجه بين الساردين والطعم في الاخير هنالك عاملين اثنين ١الطريقه (processing ) ٢ الطعم والاستذواق والذوق وبس! ياسيدي
........





آها دي حالة دي، إن هم اللساتهم شباب ;) بيسرحوا كدآ
أنا أكون حالتي كيكيف:(:(:([/COLOR][/B]

[imported_عبد العظيم الطاهر]

:D:D::D أسه عليك النبي يا بيكو ... الهترشه الفوق دي كووووولها ما براها تثبت إنك لسه ... ما خشيت ( الفورمة ) :p:p:p

يا اخوي كتلوك ... ولا جوك جوك ... قبال كم سنة كدا لما مشيت السودان إجازة كانوا بقولوا لي يا عمو ... كويس ... لومك بي السنة الفاتت دي بقوا يقولوا لي يا جدو وانا ولادي لسه واحد فيهم عرس مافي :D:D:D مرة قمت صبغت شعري ولبست ليا بنطلون جينز ورحت المكتب ... نظرات الزملاء الحاقدين في المكتب كانت بتقول لي يا زول إنت جنيت أرجع غير هدومك دي وتعال :D:D:p

[بابكر مخير]

مرة قمت صبغت شعري ولبست ليا بنطلون جينز ورحت المكتب ... نظرات الزملاء الحاقدين في المكتب كانت بتقول لي يا زول إنت جنيت أرجع غير هدومك دي وتعال :D:D:p

عظمة الحبيب
بتذكر الوالد الله يرحمه (طبعا الإفتراضات كلها تصب في أنه توفي،،، ومن زمن)
مداخلة بتاعت على قولك الهترشة;)...
بتذكر قبل سنتين أو بالكتييييييير خالص، تلاتة،، إتصل بيا صديق مشترك من لندن وبيسأل، مشيت عزيت فلان.... أمه ماتت، ضحكت وقلت للمتصل يا حليلك، أكيد ما أمه يمكن تقصد شخص آخر... لمن أصر من جانبه سألت طرف تالت وأكد ليا أنه أم فلان ماتت والعزاء في النادي السوداني...
مشيت العزاء وفي الباب قابلني حفيد المشيت أعزيه ومعاه طفله العمره سبع سنوات....
نرجع للوالد؛
يوم وأنا لابس يعني متقيف بنطلون كوردروي بيجي من ليفيس وقميص مقلم بالأحمر واللبني وجزمة لونها كبدي وأنا مارق، قال ليا:
إتا يا أخوي ما سمعت بالهياب تحت الثياب،،
حسي زول ذيك في منصب البيشوفوك يقولوا شنهو، إنطمس ولا بتشبب..
نفسي إنكسرت ومن يومها وحاتك القميص برآ ولون وااااااااااااحد، لبني ولا أبيض...

[بابكر مخير]

وهو برضه ليهو منافع :eek::eek::eek:
جمب "المندولا" في قهوة يعني كآفيه بيقدموا فيها الشيشة وفيها صفوة من شبابنا السودانيين بيلعبوا وست من بعد المغرب لين 12 وأنا بحب القيم دآ وكمان بموووووووت في الشيشة تفاحتيين "النخلة" وهي كمان متوفرة..
يكونوا الشباب الحلويين ديل كمية وبالدور وكل واحد مستني دوره بي شغف،،،
آجي عليهم وكلهم يتململوا في كراسيهم حتى الماسكين ورق يبادروا؛
أمسكي ورقي يا (؟؟) دكتور،،،
شوف الرقي دآ :cool:
لا يا خال الطالعة موضة ولا يا عم أو حاج البتعمل ليا آرتيكاريآ...
وطبعا ما برد الكريم إلا اللئيم،،
لو قرب يقوم،
ما أنا المغفل البضيع الفرص للجآي من أوله وببلاغة تتعارض مع أوصولي الرباطابية والغرابية بشكره وأنا متطلع لي المساكين المنتظرين التوزيعة الجآي لأتحكر في كرسي أحدهم...
آآآآآآآآآآآآآآآه
وللكُبر الثقيل منافع
:cool::cool::cool:

[بابكر مخير]

نوم الظالم عبادة....
غايب عن سودانيات كمين يوم كدآ :mad:
ووحاتكم لحقوني "توحة" وإمكن هو أحسن، لأنه في ناس بتحبه وسألت عنه..
لا سؤال وطاريتي جابوها . هههه
ما هو يمكن أكون ظالم :confused::confused:
أخدت إجازة من الشغل وقال الواحد "يتعبد" أصله النوم عبادة لكنه كله خزاز...
هو بيقولهوا: الزول لمن يعجز ساعات نومه بتزيد،،
آها دآ ظاتهو المجنني، عجزنا وعجزنا :eek:
وبرضه النوم بالسيسي (السيسي دي مقياس لقلة الشئ مقارنة من الكثير البلترات،،، آها يكون ياتهو فيهم المنطبق عليهو القول، التجاني ولا عبد الفتاح:()
خلاص يا ناس..
أحسن نتعبد،
ورمضان جآ...
بس برضه العوض فيهو مباح،،،،،،،
ممكن يكون النوم حل..
ونشوفك ولا لا لو العبادة ما ظبتت gooodgoood

[معتصم الطاهر]

غايتو

قدر ما اشوف البوست دا اتحسس " مسدسي" ..

[بابكر مخير]

غايتو

قدر ما اشوف البوست دا اتحسس " مسدسي" ..

يابا لساتك من دآ..
يا أخي أنا حسي شايف أحمد أخوي (طبعن أرباب معاش برضه) لساتهو صغنوني،،
يديك كل الصحة والعافية.
إتا زين الشباب

[imported_Hassan Farah]

يا اخوانا دكتور بابكر دا مالو مالو
https://www.youtube.com/watch?v=7hRpd3S63BE

[بابكر مخير]

يا اخوانا دكتور بابكر دا مالو مالو
https://www.youtube.com/watch?v=7hRpd3S63BE

ما هو ياهو دآ؟؟
شيتن ما يمكنك
يمسكنك...
شفتا الكُبر دآ..
بيعمل شنهو :cool::cool::cool:

[imported_Hassan Farah]

ما هو ياهو دآ؟؟
شيتن ما يمكنك
يمسكنك...
شفتا الكُبر دآ..
بيعمل شنهو :cool::cool::cool:
----------------------------------------------------------
ماك براك....كلنا فى الهوى سوى....كدى قوم حاول تعرض مع الشباب ديل واخدلك شبال ..بتساعد

[imported_عبد العظيم الطاهر]

يا اخوانا دكتور بابكر دا مالو مالو
https://www.youtube.com/watch?v=7hRpd3S63BE

والله يا صحاب ... الفيديو دا غايتو عمل لي ... إحباط :D:D:D:D

[imported_Hassan Farah]

والله يا صحاب ... الفيديو دا غايتو عمل لي ... إحباط :D:D:D:D
----------------------------------------------------------
https://www.youtube.com/watch?v=7hRpd3S63BE

مالو مالو ابوعبدا مالو.....سلامتك من الاحباط...انت شنو برضك عجزت ولا شنو...ام الحكاية ذكريات محفورة فى جوف الوجدان هبشناها وايغظناها

[imported_عبد العظيم الطاهر]

[QUOTE=Hassan Farah;532474]----------------------------------------------------------
https://www.youtube.com/watch?v=7hRpd3S63BE

مالو مالو ابوعبدا مالو.....سلامتك من الاحباط...انت شنو برضك عجزت ولا شنو...ام الحكاية ذكريات محفورة فى جوف الوجدان هبشناها وايغظناها
[/QUOTE

الحبيب حسن ..

الإتنين ... بقن عليّ :D:D:D:D:D

[imported_Hassan Farah]

[QUOTE=Hassan Farah;532474]----------------------------------------------------------
https://www.youtube.com/watch?v=7hRpd3S63BE

مالو مالو ابوعبدا مالو.....سلامتك من الاحباط...انت شنو برضك عجزت ولا شنو...ام الحكاية ذكريات محفورة فى جوف الوجدان هبشناها وايغظناها
[/QUOTE

الحبيب حسن ..

الإتنين ... بقن عليّ :D:D:D:D:D
----------------------------------------------------------
سلامتك يا الحبيب ...تقيلة والله ...تقبل تضامنا معك ... وودعمتى مدينة فى مقدمة المتضامنين...الشكية لى اب ايدن قوية.....ربى يهون القواسى

[بابكر مخير]

بالله الواحد ما يقيف قدام المرآيا
اللآلم ورايا
تخلني أتذكر للماضي السبته ورايا
جداول، خيران مالية الوش
وإن لقيت فضاء تلقى النخل إترش
هو دآ شنهو دآ؟؟؟
يعني ما تتمتع بي شيتن أصلهو :mad::mad::mad:
نفسك تخش ليها في أكلة لذيذة متخيلها ومتمنيها!
تنشط تقوم وتسويها
بس أبقآ راجل وخت يدك فيها:o
النفاخ ..
وكفآ:confused:
ما!!
ما عايز آذي مسامعكم;);)
اللوايآ أتقول طاحونة تهرس في مصارينك...
بالله زمان
البطن حوية وتملاها من التالاها....
حلييييييييييييييييييييييييييلوة الحلوة gapgapgap

[بابكر مخير]

https://www.youtube.com/watch?v=NilASeqRsjw



دآ ظاتهو بكرآ بيكبر
وتبقآ ليهو ذكريات..
لمن يقيف قدام المرآيا ;)

[imported_عبد العظيم الطاهر]

أحد أعمامنا عليه الرحمة ... ونحن شباب وكانت في حفلة عرس أحد أقاربنا ... دخلنا الأوضة وقاشرين وقفنا بالدور قدام المرايا ونسرح في شعرنا ... وهو متكئ في السرير ومتبعنا بنعمل في شنو ... تسريح شعر وبريل كريم ومش عارف ريحة وبتاع ... فقام فجأة كدا قال لينا ... أصبروا يا ولاد الكلب أمانة ما حاتعجزوا عجيز ...:D:D:D

[imported_عبد العظيم الطاهر]

ما هو يا بيكو يا أخوي .... جنس الفيديوهات البجيبا لينا أبوعلي دي ... هي البتسوي لينا اللوايا ....:D:D:D:D:D

[بابكر مخير]

http://sudanyat.net/vb/attachment.php?attachmentid=1248&stc=1&d=1463388291

بالله العظيم الواحد كان دآ في يوم...
:(:(:(

[imported_Hassan Farah]

http://sudanyat.net/vb/attachment.php?attachmentid=1248&stc=1&d=1463388291

بالله العظيم الواحد كان دآ في يوم...
:(:(:(
----------------------------------------------------------
ههههههه ....فى روضة فاطمة دكة....

[imported_Hassan Farah]

ما هو يا بيكو يا أخوي .... جنس الفيديوهات البجيبا لينا أبوعلي دي ... هي البتسوي لينا اللوايا ....:D:D:D:D:D
----------------------------------------------------------
سلامتكم من اللوايا... نصيحة...اتعشوا بدرى والعشاء يكون خفيف واوصيكم بتناول عصير ال (prunes(dried plums فلها فوائد عدة...
لو ما اتوفرت اقعوا الجردقة

The Top 7 Benefits of Prunes and Prune Juice
http://www.healthline.com/health/food-nutrition/top-benefits-of-prunes-prune-juice#1
http://www.healthline.com/health/digestive-health/prune-juice-for-constipation#2

[imported_Hassan Farah]

Prunes
https://en.wikipedia.org/wiki/Prune

[بابكر مخير]

Prunes
https://en.wikipedia.org/wiki/Prune

الإسلوفاك عندهم حاجة كدآ إسمها اللإسلوفيتسآ...
قول ليا عرقي "تمرنا"
ولا إتكلم عن الفودكآ ولا تقول ليا السبيرتهو ظاتهو!!
صعبة، صعبة تب
جمرة من شلاليفك وسكين تشق وهي داخلة ليييييييييييييين (ونخليها مستورة) وهي مارقة...
علاج للعديد وفيها تتجلى منافع ومضآر...
آتحدى آيتها بكتريا في الفم وليكون لها من الاسبورات الملايين ما تنحرق... وما تقوليا من المسكنات ناس أسبرو ولا بنادول ولا حتى كودئين يشيل من الشقيقة وإتا نازل لين وجع السنون... ما القصة أنك ريحتها سآكت تسكن التوج..
الإمساك ينفكآ لمن تفتش ليهو من جديد ذي شيتن حلو...
يا ود خالي بلالي تقول ليا Prune
:cool::cool::cool::cool:

[ناصر يوسف]

غايتو ،،، البوست ده قدُر ما لفيت منو جاي لي جاي ،،،
أبي لي كلو كلو ياخ

قلت كدي أدخل يا ( عجوز ) وشوف العواجيز ديل ياخ
عبرهم ،،، قول ليهم كلمة كلمتين ياخ

وتوووووووشك دخلت

أول هاااااااام

العجوز دايماً ما مُؤاخذ مِتِل بت مجذوب ههههههههههههه

والشباب شباب الروح

إستمتعوا بأيامكم كما تشتهون

ياخي الكُبُر ذاتو لذيذ ،،، إستمتعوا بالكُبُر ده ياخ ،، عيشوه لحظة بلحظة

تسلموا يا كُبارنا وتاج راسنا ،،، ليكم المحبة والإحترام والله

[imported_عبد العظيم الطاهر]

[QUOTE=Hassan Farah;532531]----------------------------------------------------------

اقعوا الجردقة


الجردقة خوفونا منها ... و( الجردق ) خوفونا منو ...:D:D:D ونحن ذااااااتنا ما بنقدر عليهو بعد كدا :D:D:)
قمنا جبنا ( الداقستيل ) و اللانزور و الديسفلاتيل وانقفلنا في الأوضة برانا.....:):):)

[imported_عبد العظيم الطاهر]

----------------------------------------------------------
ههههههه ....فى روضة فاطمة دكة....

:D:D:D علييييييييييييييك النبي شوف الحكاية دي ... ياخي إنت الموديك تبحت في الحاجات شنو .؟؟؟ :D:) تقوم لينا وليك برضو impact ...:)

[imported_عبد العظيم الطاهر]

غايتو ،،، البوست ده قدُر ما لفيت منو جاي لي جاي ،،،
أبي لي كلو كلو ياخ

قلت كدي أدخل يا ( عجوز ) وشوف العواجيز ديل ياخ
عبرهم ،،، قول ليهم كلمة كلمتين ياخ

وتوووووووشك دخلت

أول هاااااااام

العجوز دايماً ما مُؤاخذ مِتِل بت مجذوب ههههههههههههه

والشباب شباب الروح

إستمتعوا بأيامكم كما تشتهون

ياخي الكُبُر ذاتو لذيذ ،،، إستمتعوا بالكُبُر ده ياخ ،، عيشوه لحظة بلحظة

تسلموا يا كُبارنا وتاج راسنا ،،، ليكم المحبة والإحترام والله

الحمد لله الجيت يا ناصر ... البوست دل سايقين فيهو براااااانا انا وفرداتي الإتنين ديل من صبحاً بدري ... الماسك الدريكسون بيكو و حسن راكب جنبو وانا قاعد في الكرسي الورا :D:D:D

[معتصم الطاهر]

الواحد ما عارف يرد على اى مداخلة

بس يقرأ و يشوف

" دا حصل لى ..:

" لا دا لسه ما حصل ..!!)

( .. "معقول دا يحصل ..؟؟؟؟؟)


ياخ قراءة المستقبل بواسطة بابكر مخير دى تخليك تقول " مخيّر الله فى خلقو !!) ..

[imported_Hassan Farah]

[QUOTE=Hassan Farah;532531]----------------------------------------------------------

اقعوا الجردقة


الجردقة خوفونا منها ... و( الجردق ) خوفونا منو ...:D:D:D ونحن ذااااااتنا ما بنقدر عليهو بعد كدا :D:D:)
قمنا جبنا ( الداقستيل ) و اللانزور و الديسفلاتيل وانقفلنا في الأوضة برانا.....:):):)

----------------------------------------------------------
ههههههههه....قلت لى كيف...انغلقت فى الاودة براك...قبلك وحدك .... نان الجابرك على دا شنو...قلناكم خففوا العشا....او خلوه كلو كلو ...اخير من الجرسة دى ...او نقول لود العمة يلحقنا بدواه من براتسلافا

[imported_Hassan Farah]

الواحد ما عارف يرد على اى مداخلة

بس يقرأ و يشوف

" دا حصل لى ..:

" لا دا لسه ما حصل ..!!)

( .. "معقول دا يحصل ..؟؟؟؟؟)


ياخ قراءة المستقبل بواسطة بابكر مخير دى تخليك تقول " مخيّر الله فى خلقو !!) ..
================================
وانت مالك يا باش شايل هم المستقبل من هسع صغير وتحمد ربك شفت ليك صورة فى الفيس بوك شايل ليك جيتار عام 1981 باين لسع فى عنفوان الشباب ...خلى الهموم لأجل محتوم عندما يحل ميعادا

[imported_Hassan Farah]

ما شاء الله شباب ربنا يعطيك العافية

https://www.facebook.com/photo.php?fbid=10150266307936209&set=a.172984801208.145658.751231208&type=3&theater

[بابكر مخير]

ياخي الكُبُر ذاتو لذيذ ،،، إستمتعوا بالكُبُر ده ياخ ،،

دون أيتها تعليق
والخوف :confused::confused:
أسأل مجرب :eek:
متأسف نصوري،،،
كنت قايل المتداخل "كوكي"
حبيبنا آباذر عكود gap

[بابكر مخير]

ياخ قراءة المستقبل بواسطة بابكر مخير دى تخليك تقول " مخيّر الله فى خلقو !!) ..

يا الحبيب همدزة
دآ الواقع المرير،
تقول ليا قرآية مستقبل...
الجميل في القصة أنهو في مستقبل ينظر ليهو
بس الما لذيذ فيهو..
وعلى قول الفنان:
ذيدني وتفنن في الوآن عذابي..
ما هو المناظر كدآ
الفيلم يا ربي حيكون كيييييييييييف...
أشواق حبيبنا معتصم

[عكــود]

دون أيتها تعليق
والخوف :confused::confused:
أسأل مجرب :eek:
متأسف نصوري،،،
كنت قايل المتداخل "كوكي"
حبيبنا آباذر عكود gap
سلام حبيبو وليك وحشة،

بوست واحة ومقيل راكوبة وعنقريب هبابي والجدول تحتك والمنقة فوقك ضلّها رهيييين.

ما عليك مدسّة، البوست ده بقراهو مداخلة مداخلة، حتّى المدسدس بين السطور :).

الله يديك العافية ياخ!

[بابكر مخير]

:cool:سلام حبيبو وليك وحشة،

بوست واحة ومقيل راكوبة وعنقريب هبابي والجدول تحتك والمنقة فوقك ضلّها رهيييين.

ما عليك مدسّة، البوست ده بقراهو مداخلة مداخلة، حتّى المدسدس بين السطور :).

الله يديك العافية ياخ!

:cool:

[بابكر مخير]

نرجع للتبويب بتاع آلم الكُبر.....
السمع...
كلمة؛ آآآآ
بقت لا إرادي تطلع منك لو شفتا ليك شلفوة تتحرك..
ما هو حالة إستباقية وأسلوب الهجوم خير وسيلة للدفاع...
أصلن ما حتسمع الكلام أو حتى تفهمه من أول مرة "الفهم من أول مرة ببقآ ضرب من المستحيل" فتقوم توهم الزول الداير يتكلم معاك وتلهب أعصابه ويكون مستعد أنه حيعيد كلامه مرات وبصوت عآلي وهو ممكن يصنفك ثقيل "غالآط" بس ما يعرف أنك كِبرتا وسمعك إتطرطش لكن عشان يكون هو اليد العليآ والقوي والشديد.
أشبع ليهو غروره، بس إتا برضهو ما تتصنف "كِبرتا" وقدر أخف من قدر...

[بابكر مخير]

أيام الواحد فكامل قواه "العقليلة، قبل الثقيل دآ"
تخجل تتنحنح مرة واحدة حتى ولو بصوت بالكآد ينسمع، مراعاة لشعور الحولينك..
حسي في الدقيقة كم نحنيحة وعشرقة وكحة وشفيطي وكررررررررررررررررررررر وبعدها؟!
توووووووووووووووف
إتوا ملاحظين أنه الجداد هو الوحيد البياكل ناتج الشفيط والكرررررررررررر والرمية في الأرض...
بس برضهو الغريب؟؟؟؟
ما بقرب "بصقة" تمباك....
عجبي

[بابكر مخير]

السادة الإدارة وفرصت لسة في زحمة مليان الشواغر...
أرجوكم توجيه السادة الأعضاء والقراء
بأن مفترع البوست (اللهو أنا) كِبر وممكن يفك ليهو كلمة كدآ ولا كدآ..
ممكن تجرح شعور زول حساس
تخدش مسامع شيخن متشدد
تعكر مزاج حد "موزون"
تتلوم في قطة والجنة تروح
أو عضي كلب وأصلن هي رايحة بت الكلب..
عليه أرجوكم التنويه..
بأن البوست مصنف X والدخول لمن هموا فوق الستة وستين الف سلسفيلهم رآح ذيي كدآ..
ما ديل في الهم شرق ومفترع البوست والبفهموا حقيقة الطربقة المصاحبة للكُبر..
غير كدآ يمضي ويوقع على أنه "دخل" بمحض إرادته دون عنف بس "للتمتع"

[بابكر مخير]

الذوق والمجاملة
كان الواحد زمان ظريف، مستمع جيد، مجامل، مبتسم (طبعا ناس توحة وشوقي حيقولوا دآ منهو دآ الفيهو جنس الوصف دآ؟؟؟ لكن لو هم لو كانوا أدوني فرصة، كان لقوا دآ كله فيني) "بجي راجع لي دي!!!
كااااااااااان الواحد
وحسي الناس من حواليك يتفرنقعوا التقول مصاب بالجدري، ما هو ليهم حق؟؟؟
عايز إتا التتكلم وهم يسمعوا، تحكي قصص مملة وعايزهم يضحكوا، في كل شئ ينقال، تقول زمنا كان كدآ وكان أحسن، أحكامك على السلوكيات أوت أوف ديت..
دآ بنطلونه في نص جعباته، ودي كاشفة صرتها...
لا والحكمة الواحد يعلق على التسريحات، إن واحد أصلع تقول: دآ شنهو يعني ما يستنى بجيهو اليوم البصلع فيهو... ولا واحدة تكون لابسة الجينس تقول ما قماش بس تلوين على الجسم من ورآ ووووب ومن قدام موت..
أها ذي دآ بيعلقوا عليهو ولا بس سااااااااااااااكت تستمتع بالنظر فيهو...
تكضب وبعقدة الكُبر الرافضة وزهجانة تقول وتكآبر: بالله التوب مالهو...
يا أخي قم لف..............
آها رجعتا ليها تاني
إبن خالتي عثمان جيمس وإبن الخال شوقي بدري زمان كانو مسميني أبو وش مستعار وولاااااهي كنت أوسم منهم الإتنين، بس الرباطاب ما شنافين،، وتوحة دآك إتسبب ليا في تسمية أبشلاضيم يعني زول في واجهتي ينظلم كدآ...
ما قلت ليك ما أدوني فرصة :cool::cool:

[imported_عبد العظيم الطاهر]

السادة الإدارة وفرصت لسة في زحمة مليان الشواغر...
أرجوكم توجيه السادة الأعضاء والقراء
بأن مفترع البوست (اللهو أنا) كِبر وممكن يفك ليهو كلمة كدآ ولا كدآ..
ممكن تجرح شعور زول حساس
تخدش مسامع شيخن متشدد
تعكر مزاج حد "موزون"
تتلوم في قطة والجنة تروح
أو عضي كلب وأصلن هي رايحة بت الكلب..
عليه أرجوكم التنويه..
بأن البوست مصنف X والدخول لمن هموا فوق الستة وستين الف سلسفيلهم رآح ذيي كدآ..
ما ديل في الهم شرق ومفترع البوست والبفهموا حقيقة الطربقة المصاحبة للكُبر..
غير كدآ يمضي ويوقع على أنه "دخل" بمحض إرادته دون عنف بس "للتمتع"


:D:D:D مادام دخلك ( التقيل ) وإيماءاً لي المداخلتين حقاتك الفوق ديل ... فيا اخوي لا يهمك قووووووووووووول الداير تقولو :D:D:D:D بيشفعن ليك.

[بابكر مخير]

:D:D:D مادام دخلك ( التقيل ) وإيماءاً لي المداخلتين حقاتك الفوق ديل ... فيا اخوي لا يهمك قووووووووووووول الداير تقولو :D:D:D:D بيشفعن ليك.


يا كوكي (عكود) الحق...
زولك فات القدامهو ؟؟؟
والقدرهو....
"التقيل" يا عظمة ما لينا فيهو
إحنا حقنا الثقيل...
الإن شالهو ما بيتشال
وإن خلهو؟؟
جنازة بحر...
تجيب الهوآ والسؤال ...
وإن لآ بتبقى الملامة واللوم..
ما هو البودي هناك شنهو والقدرة مااااااااااااااااااا في..
ذي قولة الما عندها شعر شن بوقفها في السباتة...
غايتهو!!

[imported_عبدالله الشقليني]

يا الحبيب بابكر
( مَخيّر الله )
( بتين بقيت على الكُبُر ، عشان تعرفوا )
( ما ياكَ جاهل وصغيِّر )

[ناصر يوسف]

يا الحبيب بابكر
( مَخيّر الله )
( بتين بقيت على الكُبُر ، عشان تعرفوا )
( ما ياكَ جاهل وصغيِّر )

هههههههههه

مُش كِدَه بالله يا بيكاسو

كلمو الولد الشاب الوجيه ده

وبهذه المناسبة دي أهديه بصوت عبد العزيز محمد داؤود

جاهل صغير مغرور في أحلام صباه

هههههههههه

تسلموا الإتنين والله من الكُبُر

[بابكر مخير]

يا الحبيب بابكر
( بتين بقيت على الكُبُر)

مُش كِدَه بالله يا بيكاسو

كلمو الولد الشاب الوجيه ده
[/QUOTE]

هو الإتنين ما بيمشن بتناغم،،
تكبر إتا
وتصغر "المكونات" حتآ، حتآ....
الواحد بيحسى كل ما الزمن يمشي،،
ما هو ذي الشمعة....
https://www.youtube.com/watch?v=pkHNh3J8q3k[QUOTE=ناصر يوسف;532706]هههههههههه

[بابكر مخير]

السنون
آآآآآآآآآآآآخ ودي قصة تانية،،،
لستة الممنوعات

اللحمة
القرمشة
التسالي المكسرات
الرغيف

ولساتك ماشي،،،
دكتور الأسنان، تقول تزوره، تشيل هم الإحباط...
لستة الما بقدر يعمله

حشوة لأنه ما في تاج بقت ملجة
الزراعة ما بتتعمل لأنه الفك هش
القلع صعب كتير لأنه النزيف البعد القلع بيضعف الدم والدم الواحد محتاج ليهو عشان بعض مرات بتجي فجة وبتطلب إندفاع الدم بغزارة نحو (نخليها كدآ محترمين نفسنا إلا ود خالي بلالي دكتور حسن يشرحها)


طقم، يمسكهو في شنهو؟؟ ما السنون المفروض يكونن للربط ظاتهن عايزات يطقمن

ولسة ولسة...
وخليها علي الله

[بابكر مخير]

البطن
______________

تكون في حضرة ناسن جمال
فيها المنمق من الكلام ومستنضف الأقوال
يتكلم واحد والناس تسمع البنقال (تكون قلتوا آكييييد ما سودانيين ولا عرب)
وفي دي الحآل...
كورررررروووور وحتى في آحيان صفير بس الكويس
كله دآخلي،، وبي دآ يثير إنتباه الحضور....
قال "غازات"...
آهاااااااااااااااااااااااا
ياهو دآ من أفضال "الثقيل" الكُبر
:mad::mad::mad::mad::mad:

[imported_Hassan Farah]

مُش كِدَه بالله يا بيكاسو

كلمو الولد الشاب الوجيه ده


هو الإتنين ما بيمشن بتناغم،،
تكبر إتا
وتصغر "المكونات" حتآ، حتآ....
الواحد بيحسى كل ما الزمن يمشي،،
ما هو ذي الشمعة....
https://www.youtube.com/watch?v=pkHNh3J8q3kهههههههههه
---------------------------------------------------------
ههههههههههه....اطلع من دورك انت وغنايك دا....هى الشمعة براها البتصغر مع الزمن....اسأل النصرانى رأفت....

[بابكر مخير]

[B][COLOR="black"]
هى الشمعة براها البتصغر مع الزمن....


يابا الصُغر ما بنابه
المشاكل الصغيرة أهون حلها
العربية الصغيرة أقل صرفا في البنزين
العروسة الصغيرة والله دي صعب تقول ميزة لأنه متطلباتها صعبة
تكون هي صغيرة وإتا (المعا الشمعة بصغر)
ما في فايدة تب...
وعليه الصغر فيه ميزات
إلا الكعب "االبتصلقن" :eek:

[بابكر مخير]

قلت ليكم وأنذرتكم وحذرتكم
ونفطا يدي من كل إدانة لاحقة في قولن ولا فعلن
ما بقولو: ليس على "المُخرف" حرج...
وحتى ضربتا لي الممثل وإستأذنت الإدارة وماااااااااااااا في زول قال "لآ"
عليه أنا على حل من الإيقاف والإنذار...
وبين السطور يقراء "علي الوراكين"
:rolleyes::rolleyes:

[بابكر مخير]

الفجة
_______

بيقولو "فجة الموت"
دي حاجة بتجي لمن الزول يكون خلاص (عزائيل) قررررررررررب منهو وفي نفس الوقت أموره تتصلح وتتحلحل وآخر تظبت...
آها دي مع الكُبر بتحصل وحاصله عليا حسي...
الفي بالي بالك يا ود خالي بلالي، إنتعش وإتمليت آمل.....
وقلتا خلاااااااااااااااااااااث يا روح رديتي....
قووووووووووووووومي يا مدينة جونير بت بابكر جونير،،
تلبي وحطي ترحالك بين ظواهير والدك....
زيارة لمدة أيام وآكييييييييييييييييييييد
"الفجة" بتكون طرشقت و"عزائيل" آخد أمانته
وآبقى يا بابكر
إستنى ليك فجتن تانية،،
وينطبق قول: يا دآر ما "دخلك" شر...
وعسى تكون عيدية
ما رمضان كريم
إه إه إه....
دآ جعري عدييييييييييييل

إتو خم الرماد متين ولا فآت :confused::confused:

[imported_Hassan Farah]

يابا الصُغر ما بنابه
المشاكل الصغيرة أهون حلها
العربية الصغيرة أقل صرفا في البنزين
العروسة الصغيرة والله دي صعب تقول ميزة لأنه متطلباتها صعبة
تكون هي صغيرة وإتا (المعا الشمعة بصغر)
ما في فايدة تب...
وعليه الصغر فيه ميزات
إلا الكعب "االبتصلقن" :eek:
----------------------------------------------------------
ود عمتى مدينة عاد ان شاء الله يا سيدى ود اعول الشامخ فوق ابسلول شمعتك ما تصغر.... انت دكتور صيدلة اقع فايتمين D بيقوى العضم والضروس واليتلصغن بعد داك مافى عوجة تب بس يكونن من العينة دى

https://www.youtube.com/watch?v=zu9IcMCkjFk

[بابكر مخير]

----------------------------------------------------------
ود عمتى مدينة عاد ان شاء الله يا سيدى ود اعول الشامخ فوق ابسلول شمعتك ما تصغر.... انت دكتور صيدلة اقع فايتمين D بيقوى العضم والضروس واليتلصغن بعد داك مافى عوجة تب بس يكونن من العينة دى


وبرضه مع ثقالته دي الكُبر عنده حسنات....
ما النظر بيضعف وما بتتمغس بي شوفة الحسنوات
لكن والغريبة في الأمر "وأنا حسي مآر بيها" في أماكن في جسد (جملة إعتراضية ...... "الإنسان وهو ما آت أو مقبل") وإتا كِبرت ونظرك طشاش برضه تلاحظها هو في الحقيقة بتستشعارها..
يعني السينآر بينبهك ليها،،
مش "الوطاويط" ما بتشوف لكن بتستشعر.. دحن يابا حسي (العينة دي) النزلتها مضت هبآ!؟
ما قدام قدام الرادار إستقباله ضعيف..
ولتحسين الإلتقاط يكون "الدش" كبير بقصد الجودة ووضوح الرؤية..
وقع ليييييييييك
:(:o

[imported_عبد العظيم الطاهر]

والله يا ( تيمان عطبرة ) إتو ... تتمطقوا ساااااااي بلا ضواقة :D:D:D

[ناصر يوسف]

الما عندو كبير ... اليشوفلو كبير
والشدر الكبار فوقو الصمغ

واقوال كثيرة قيلت في الكبر .. تعظيييييييما

فيا كبارنا وتاج راسنا

ربنا يديم عليكم نعمة الصحة وطولة العمر

وياكم المعين البننهل منو المعرفة والقوة والابتسام والفرح والحب

[imported_Hassan Farah]

هاك اسمعوا دى يا ودعمتى ومعاك باقى العجايز
Doctor sends an old man home with a tough request. When he returns the next day? HILARIOUS!
An 85-year-old man had to do a sperm count for his physical exam. The doctor gave the man a jar and said, “Take this home and bring back a sample tomorrow.”

The next day, the 85-year-old man reappeared at the doctor’s office and gave him the jar, which was as clean and empty as on the previous day.

The doctor asked what happened, and the man explained …
“Well, doc, it’s like this — first I tried with my right hand, but nothing. Then I tried with my left hand, but still nothing. Then I asked my wife for help.
“She tried with her right hand, then with her left, still nothing. She tried with her mouth, first with the teeth in, then with her teeth out, still nothing. We even called up Arleen, the lady next door, and she tried too, first with both hands, then an armpit, and she even tried squeezin’ it between her knees, but still nothing.”

The doctor was shocked. “You asked your neighbor? Good heavens!”

The old man replied, “Yep, none of us could get the jar open.”

[ناصر يوسف]

هاك اسمعوا دى يا ودعمتى ومعاك باقى العجايز
Doctor sends an old man home with a tough request. When he returns the next day? HILARIOUS!
An 85-year-old man had to do a sperm count for his physical exam. The doctor gave the man a jar and said, “Take this home and bring back a sample tomorrow.”

The next day, the 85-year-old man reappeared at the doctor’s office and gave him the jar, which was as clean and empty as on the previous day.

The doctor asked what happened, and the man explained …
“Well, doc, it’s like this — first I tried with my right hand, but nothing. Then I tried with my left hand, but still nothing. Then I asked my wife for help.
“She tried with her right hand, then with her left, still nothing. She tried with her mouth, first with the teeth in, then with her teeth out, still nothing. We even called up Arleen, the lady next door, and she tried too, first with both hands, then an armpit, and she even tried squeezin’ it between her knees, but still nothing.”

The doctor was shocked. “You asked your neighbor? Good heavens!”

The old man replied, “Yep, none of us could get the jar open.”

هههههههههه

يعلم الله ضحكتني يا عم حسن لامن اتشرقت ياخ

مباااااالغة

قصتك دي بتذكرني حكاية كده ان حكيتها هني حيوقفوني ياخ


هههههههه

[ناصر يوسف]

ثم إنو انا لسسسسع ما هرفت في شان يرفع عني القلم

هههههههه

حأرسلها ليك ولدكتور مخير في الخاص

إن نزلتوها هني .. فلا مؤااااااهذة غايتو


هههههههه

[imported_Hassan Farah]

ثم إنو انا لسسسسع ما هرفت في شان يرفع عني القلم

هههههههه

حأرسلها ليك ولدكتور مخير في الخاص

إن نزلتوها هني .. فلا مؤااااااهذة غايتو


هههههههه
----------------------------------------------------------
هههههههه.....رسلها يا زول حرم ننزلها ....العجايز مرفوع عنهم القلم

[بابكر مخير]

ثم إنو انا لسسسسع ما هرفت في شان يرفع عني القلم

هههههههه

حأرسلها ليك ولدكتور مخير في الخاص

إن نزلتوها هني .. فلا مؤااااااهذة غايتو


هههههههه
نصوري أبو رحيق وإخياتها
(قال كيف عاصم البنا،،، البنيات التلاتة، كل واحدة بي حلاتها)
يابا شوف!!
إتا غلطت وكشفت المغتى،، بحاول من الصباح أفتح رسالة الفي خاص وحالفها "بدين أبوها يبآ مين" ما تفتح ...
تكون يد "المصنفات" وصلتها....
بعدين يابا البوست دآ (عذره فبطنه والشوت ضفاري)...
ما خلاث جلآكين خرفوا ومفوتين :cool:
وعلى قول ود خلالي بلالي...
نزلها هنا وإتا تحت الحماية !! ما "كوكي" السمح ... سمح:rolleyes:

[بابكر مخير]

البطن تكركر
الريق ناشف
المزاج متعكر
النوم بالقطارة
الحاجات ديك من دروب المستحيل إلا بالسنين حسنة..
دي حصرية للكُبر والمعايشة اليومية و(بالسنين حسنة)
_________
البطن إن فضيت ياها نوبة "حمد النيل" ولا دلوكة "حوة الطقطاقة" وعشان تتجنب دآ؟؟؟
لازم تأكل حتى ولو شيتن صغير طوال اليوم.... آها
:confused:
من اللهلة والنضمي والشورة المطلوبة وغير مطلوبة، مع الكُبر الخشم ما بخش الضل،، وجفاف الفم آآآآآآآآفة، علاجه الإكثار من شرب الماء وبرضها ما ننسنى أهم مكونات الدم...... يعني نموت بلآنيمية.... طبعا لآ
:mad:
وجع ركب، آلم مفاصل، الشوف طشاش وأسألوا العمايآ كيف مضجر ليهم عدم الشوف وبالأخص الكانوا بشوفو وبقوا عمايآ، الناس إتطورت وبقت تلبس محذق يظهر محاسن ومكشوف يبين مفاتن وإتا!؟!
بس تتمغس، آها في شيتن بحرق الروح ويزهج أكتر من كدآ،،، ما دآ كله بسب الما يتسمى الكُبر....
مش مفروض نبعد من الحاجات البتزهج البتجيب إنفجارات في الآوعية الدموية في الدماغ وتسبب في الشلل و(العقم،، كآآآآآآآك) ولآ نزهج ونزهج لمن ننشل....
ما بيبقآ

تكون جعان وعطشان وزهجان ودين أبوك إسمه أييييييييييييييييه
بتقدر تنوم.. ما هو قال: النوم جآفاني...
بس عشان الحب، يعني يأكل ويشرب وممكن يعيش "عآآآآآآآآآآآآآآآآآآآآآآدي في لياليهو، ما هو ما شرط إلا المسبب جفآ النوم"

بعد دآ تقول ليآ..
تماااااااااااااااااااااااااااااااااااانية وعشرين يوم
دآ طبعن إن ما بقت تسع وعشرين والأدهش في فريق العمايآ..
ما ظنيت عندهو نهاية..
ما قالوا:
لي رؤيته ولي رؤيته........
عليكم وعلينا وعليهم ..
يتبااااااااااارك

أهل السودان في بعدهم عن الدسدسة ومباشرتهم في القول، بيقولوا:
اليحبه كله كريم...
جزما للرضاء وحزما في إبداء الرآي دون المجاملة وتخصيصاً لمن يحبه..:(

[ناصر يوسف]

البطن تكركر
الريق ناشف
المزاج متعكر
النوم بالقطارة
الحاجات ديك من دروب المستحيل إلا بالسنين حسنة..
دي حصرية للكُبر والمعايشة اليومية و(بالسنين حسنة)
_________
البطن إن فضيت ياها نوبة "حمد النيل" ولا دلوكة "حوة الطقطاقة" وعشان تتجنب دآ؟؟؟
لازم تأكل حتى ولو شيتن صغير طوال اليوم.... آها
:confused:
من اللهلة والنضمي والشورة المطلوبة وغير مطلوبة، مع الكُبر الخشم ما بخش الضل،، وجفاف الفم آآآآآآآآفة، علاجه الإكثار من شرب الماء وبرضها ما ننسنى أهم مكونات الدم...... يعني نموت بلآنيمية.... طبعا لآ
:mad:
وجع ركب، آلم مفاصل، الشوف طشاش وأسألوا العمايآ كيف مضجر ليهم عدم الشوف وبالأخص الكانوا بشوفو وبقوا عمايآ، الناس إتطورت وبقت تلبس محذق يظهر محاسن ومكشوف يبين مفاتن وإتا!؟!
بس تتمغس، آها في شيتن بحرق الروح ويزهج أكتر من كدآ،،، ما دآ كله بسب الما يتسمى الكُبر....
مش مفروض نبعد من الحاجات البتزهج البتجيب إنفجارات في الآوعية الدموية في الدماغ وتسبب في الشلل و(العقم،، كآآآآآآآك) ولآ نزهج ونزهج لمن ننشل....
ما بيبقآ

تكون جعان وعطشان وزهجان ودين أبوك إسمه أييييييييييييييييه
بتقدر تنوم.. ما هو قال: النوم جآفاني...
بس عشان الحب، يعني يأكل ويشرب وممكن يعيش "عآآآآآآآآآآآآآآآآآآآآآآدي في لياليهو، ما هو ما شرط إلا المسبب جفآ النوم"

بعد دآ تقول ليآ..
تماااااااااااااااااااااااااااااااااااانية وعشرين يوم
دآ طبعن إن ما بقت تسع وعشرين والأدهش في فريق العمايآ..
ما ظنيت عندهو نهاية..
ما قالوا:
لي رؤيته ولي رؤيته........
عليكم وعلينا وعليهم ..
يتبااااااااااارك

أهل السودان في بعدهم عن الدسدسة ومباشرتهم في القول، بيقولوا:
اليحبه كله كريم...
جزما للرضاء وحزما في إبداء الرآي دون المجاملة وتخصيصاً لمن يحبه..:(


حبيبنا وكبيرنا وتاج راسنا

الزول الجميل

د. بابكر مخير

تحية طيبة واحترام وشوق كتير يعلم مداه الله

رمضان كريم ،،، تصوم وتفطر علي ألف خير يا رب

صوموا ،،، تَصِحوا

وربنا يقويك يا الحبوب

[بابكر مخير]

صوموا ،،، تَصِحوا
وربنا يقويك يا الحبوب

الحبيب بالجد وما تضحك وتبقى عليك يا أبسنينة البيضحك علي أب تلاتة..
بآكر بيعرسن بنياتك يديهن العافية هن وأمهن
ويجيبن الأحفاد وتكْبر
تصومو عشان تصحو،
المقصود بيها أنهو تبتهجو بيها الصحة دي في أيامكم القادمات وإلا
يبقآ؛ ربنا يقويك
وينصرك علي الرآجيك...
ودآ مربط الفرس (مش لكل حصان كبوة)
رمضان كريم عليك وعليهم ويهون علينا وعلينا... :cool:

[بابكر مخير]

الهدوم!!
المقصود الملابس مما جميعه، الظاهر والمخفي والمستخبي ...
بالله عليك زماااااااااااااااان لمن كنا فينا رقشة وصغار،
تلبس بي تشهي بنطلون أخضر وكوردوي، قميص مقلم ومخطط بالأحمر والبنفسجي ولياقته بيضاء، شبط شكل شبشب وجزمة على شكل صندل وبوت من جلد الأصلة.
يعني الواحد ذي نضارات السينما المخصصة لأفلام الأبعاد الثلاثية.
الوآن وشكل الشروق اوالغروب على ضفاف النيل الأزرق (أبو تلفزيون السودان ظآته)..
بقت القصة بي لآآآآآآآآآآآآآآآآآآآآآآ إرادة
تمشي تقول تشتري ليك بنطلون، تقيف قدآم تشكيلة آخر تقليعات وآلوان وزخارف..
لآ إرادين، وجهتك محددة!؟
اللون "الرمآآآآآآآآآآآآآآآآآآآآآدي"..
تشتريه أول بي إعجاب،، تاني مرة عفويا ما بقآ اللون المفضل، تالت مرة قسبية ما أصله بقآ اللون البيمشي معآك..
والله العظيم عندي أربعة بناطلين من مآركس أند سبنسر.. أخرهم إشتريه أمس وكلللللللها، نفس اللون وإتنين نفس الشكل..
بالله دي حالة دي:mad::mad:..
الجلابية بقت ما عملية،
شي البغلة تسف، شي الهواء يهب من قدام يكشف حالك، شي تقعد أو دون وتلقى بقعة مجهولة المصدر...
يا ربي أنا قعدت وين وفي شنهو ومتين..
قال كيف "يني" لمن بيستفرغ بعد السكرة فوق كلبن جآ جاري تحته..
سأل متحير، السمك في الجندول والللحمة دي في الريفيرآ...
طيب يا ربي الكلب دآ كان أكلته متين ووين؟؟؟؟

[imported_Hassan Farah]

الهدوم!!
المقصود الملابس مما جميعه، الظاهر والمخفي والمستخبي ...
بالله عليك زماااااااااااااااان لمن كنا فينا رقشة وصغار،
تلبس بي تشهي بنطلون أخضر وكوردوي، قميص مقلم ومخطط بالأحمر والبنفسجي ولياقته بيضاء، شبط شكل شبشب وجزمة على شكل صندل وبوت من جلد الأصلة.
يعني الواحد ذي نضارات السينما المخصصة لأفلام الأبعاد الثلاثية.
الوآن وشكل الشروق اوالغروب على ضفاف النيل الأزرق (أبو تلفزيون السودان ظآته)..
بقت القصة بي لآآآآآآآآآآآآآآآآآآآآآآ إرادة
تمشي تقول تشتري ليك بنطلون، تقيف قدآم تشكيلة آخر تقليعات وآلوان وزخارف..
لآ إرادين، وجهتك محددة!؟
اللون "الرمآآآآآآآآآآآآآآآآآآآآآدي"..
تشتريه أول بي إعجاب،، تاني مرة عفويا ما بقآ اللون المفضل، تالت مرة قسبية ما أصله بقآ اللون البيمشي معآك..
والله العظيم عندي أربعة بناطلين من مآركس أند سبنسر.. أخرهم إشتريه أمس وكلللللللها، نفس اللون وإتنين نفس الشكل..
بالله دي حالة دي:mad::mad:..
الجلابية بقت ما عملية،
شي البغلة تسف، شي الهواء يهب من قدام يكشف حالك، شي تقعد أو دون وتلقى بقعة مجهولة المصدر...
يا ربي أنا قعدت وين وفي شنهو ومتين..
قال كيف "يني" لمن بيستفرغ بعد السكرة فوق كلبن جآ جاري تحته..
سأل متحير، السمك في الجندول والللحمة دي في الريفيرآ...
طيب يا ربي الكلب دآ كان أكلته متين ووين؟؟؟؟
----------------------------------------------------------
هههههههههه....نان ما قلتوا عجزتوا هواء شنو البيكشف الحال تانى...
فلان زولكم داك فضحنا فى الجزائر.... نزلتو من سلم الطيارة لفحو هواء من قدام ........ اكمل زيارته ومفاوضاته وغادر والشعب الجزائرى لمدة شهر ملاحقنا بالسخرية....

[ناصر يوسف]

الهدوم!!
المقصود الملابس مما جميعه، الظاهر والمخفي والمستخبي ...
بالله عليك زماااااااااااااااان لمن كنا فينا رقشة وصغار،
تلبس بي تشهي بنطلون أخضر وكوردوي، قميص مقلم ومخطط بالأحمر والبنفسجي ولياقته بيضاء، شبط شكل شبشب وجزمة على شكل صندل وبوت من جلد الأصلة.
يعني الواحد ذي نضارات السينما المخصصة لأفلام الأبعاد الثلاثية.
الوآن وشكل الشروق اوالغروب على ضفاف النيل الأزرق (أبو تلفزيون السودان ظآته)..
بقت القصة بي لآآآآآآآآآآآآآآآآآآآآآآ إرادة
تمشي تقول تشتري ليك بنطلون، تقيف قدآم تشكيلة آخر تقليعات وآلوان وزخارف..
لآ إرادين، وجهتك محددة!؟
اللون "الرمآآآآآآآآآآآآآآآآآآآآآدي"..
تشتريه أول بي إعجاب،، تاني مرة عفويا ما بقآ اللون المفضل، تالت مرة قسبية ما أصله بقآ اللون البيمشي معآك..
والله العظيم عندي أربعة بناطلين من مآركس أند سبنسر.. أخرهم إشتريه أمس وكلللللللها، نفس اللون وإتنين نفس الشكل..
بالله دي حالة دي:mad::mad:..
الجلابية بقت ما عملية،
شي البغلة تسف، شي الهواء يهب من قدام يكشف حالك، شي تقعد أو دون وتلقى بقعة مجهولة المصدر...
يا ربي أنا قعدت وين وفي شنهو ومتين..
قال كيف "يني" لمن بيستفرغ بعد السكرة فوق كلبن جآ جاري تحته..
سأل متحير، السمك في الجندول والللحمة دي في الريفيرآ...
طيب يا ربي الكلب دآ كان أكلته متين ووين؟؟؟؟

هههههههههههههههههه

الله يديك العافية ويخلي ليك اللون الرمادي ياخ

ههههههههههه

ليك الأشواق

[بابكر مخير]

ليك الأشواق

الشوق، الفرح، الحب وكل ما يتعلق بالعاطفة والإحاسيس!!!
مكمنه القلب...
آهااااااااااااااا قدر ما الزول يكبر ويعجز ويجلكن. الحكمة حاجة وااااااااااااااااحدة تبقى كما هي وتستمر حتى آخر لحظة...
عْجِز قدر ما تقدر بس برضك بتشتاق
برضك تتفقد ناس وترتاح لي شوفتهم، تفرح بي لقآهم..
تتمنى يكونو ديمة معاك وجمبك وبي قربك
ناس تحبها (لله ما للشهوات) وناس تانية تحبها برضك..
الكل يشيخ ويهرم
بس الحكمة القلب لآ..
القلب دآك المضخة بتاعت الدم
دآ خله سآكت، يشيخ وينخ
وطلمبات وأنابيب ومكنة وزن وضبط ذي حرارية بري الكهربائية..
لكن القلب مكمن العاطفة
أبدن أبدن :rolleyes:
برضك مشتاق ليك يا أبو الجميلات :cool:

[بابكر مخير]

ما تقول ليا المرآية بتفضح أمرك لمن تكبر وتعجز،، ما هو في حاجة إسمها تكضب على روحك.
البوريك بالجد كِبرتا...
تلاقي زولن دفعتك ولا أصغر منك بسنين مريحة كدآ...
في دفعتك بتشوف البشتنة، الكرمشة وتقل الحركة..
برضك ما بتشوف روحك لكن بتشوف الناس بتشوفك كيف؟!؟
ياهو بتشوفك ذي ما إنت شايف دفعتك ...
دي نعديها!! ونجي لي الأصغر منك :(
زمان بالله كان كيفنهو، الشعر مسبسب، الحلقوم مليان، بيغني ويطرب ويفرح الناس بي شوفته...
حسي الشعر هبوي والحلقوم إتجلفط والصوت إن أصلن طلع وإتسمع إلا صرصرت باب الطلح لمن حديدة يصدي،، سيييييييييك سيك...
ها ما قلت ليكم،،،
أمس ما إتسيكتآ.. طبعا حجت المهزوم،، زميلي ما قفلها يمكن كان تردع اللاعبين ضدنا وترهبهم...
بجي لي لقائي مع دفعتي الهبط معناوياتي وللأصغر الخلاني حزنان ليهو علي الرآجيهو :cool:

[بابكر مخير]

مبروك عليكم مرور التلت وربنا يبارك ليكم في العشر الأوآخر..
بالمناسبة السنة الجآية برضهو رآجيكم وإن الله حيانا نعديهو معاكم.....
رمضان كريم ووإطلالة العيد قربت عسآكم من عايدينه...

[عكــود]

مبروك عليك الشهر حبيبو،

عساك من عواده.

بعد العيد جاييكم أبوظبي منقول نهائي للمكتب الرئيسي، إن شاء الله.

[بابكر مخير]

مبروك عليك الشهر حبيبو،

عساك من عواده.

بعد العيد جاييكم أبوظبي منقول نهائي للمكتب الرئيسي، إن شاء الله.

عيدييييييييييييييييييييييييييييييييييييية حللللللللللللللللللللللللللللللللوة
وفرحة كبيرة :cool::cool::cool::cool::cool::cool::cool:

[بابكر مخير]

عليِّ العادة الما كانت عادة زمان،، صحيت الصباح هو في الحقيقة وبي لغة صآح..
لمن الجآ الصباح وأنا ذي "الجدادة الرآكضة فوق (بيضها)" ما بحرك سآكن وهذا طبعا لست بمحض إرادتي ولا نزولاً على "شهواتي" لكن لعامل واااااااااااااااااااااااااااااحد وأساسي :confused::rolleyes:
الكُبر :mad::mad:
جآني الصباح والسجن والسجان باقيييين، الكرعين مكلبشات، شئ رطوبة وشئ عرق نسآ وشيتن تاني صعب..
العضلة الفي الرجل مكرضمة تقول كورة شراب،، قالوا ناس الكورة بيقولوا لي الحالة المتل دي، تمزق عضلي،،،
هو عضل شنهو الفضل فيها،،،
بالله عليك جنس جلآفيط... تمد يدك أفقياً تشوف الكآن زمان إسمه عضل،،، مدلدل ذي ناسن فاتن الستين وبدل التفاح مكرضم بقت الحالة في الصرة إتلملم...
الله من دآ الغلط...
أخير نرجع لي قومت من السرير البقت إلا بي ونش وهو الونش ما عايز ليهو شيتن يتربط بيهو.. قول يا زول "كراكة" ولا شيول عشان يخم الخردة..
غايتهو الما ضاقهو حيضوقهو ويومها دآك آكيييييييييييييييييييييد ما حيلالهو..
ما هو حآآآآآآآآآآآآآآآر...
ملعون أبو دآ عمر :(:(:(

[بابكر مخير]

بتشوف للإمور من عين واعية ما هو عندك فرصة تقارن بين الماضي والحاضر
بتفكر بصورة متزنة؛ الكُبر مرادفهو البطئ وبيرافقه التقلة في كله على كله، الكلام، الحركة (وهلما جرا)
بتتحرك برآآآآآآآآحة (فيها فايدة وبرضها عكس كدآ)
ما بتسمع كل حاجة وعشان كدآ في كتير من الأوقات بتفوت... (هم بيكونو "الطرش" فاكرين سبب تاني ):D
"بتستمتع آكثر"
لمن تأكل وإتا طبعا ضروس فيها وما فيها وسنون غالبا ما تكون طقم،، شنهو البتعملوا؟؟؟
للأكل تقعد تلوك فيهو وإتحلل في خشمك فتقوم شنهووووووووووووو،، تتذوق كل مكونات الالطعام وهنا المتعة أقصاها...
كدي عيني في عينكم وبالجد كدآ...
حكاية "بتستمتع آكثر" دي ما سرحت بيكم...
بس برضه الفي بالكم؟!؟!
مع الكُبر الواحد بيستمتع آكتر

[بابكر مخير]

بالله قدر ما الشباب حلو،، عنفوان وطاقة
قدر ما الكُبر بي ثقالته دي؟
آحلى :eek:
شوف معآي...
وإتا كبير تتفشخر ما همو بيقولوا: الكبير، كبير
وتحاول تشوفها كييييييييييف،، ما تعرف...
وهو الحاصل كله بيصغر، سيبك منهو!!! جسمك بعد كنت تلبس بنطلون الوسط 36 بقيت 32 ويعني لو عندك نفاخ 34... من جوآ المقاس بدل 93 قصر وبقآ 72،،
المصريين لمن تمشي تفصل بنطلون عندهم سؤال ظريف،،، تركن من فين يا بيه؟؟؟
ما هو مع الكُبر في صُغر وبالعكس هن بيكبرن وما بينطبق عليهن كلمات الأغنية "كبرن وسمحن" بالعكس هن "إتسجمن"...
لا بلجد الكُبر غير الكنا قلنها فيهو شيتن زين؟؟
بتبقى حنين، تحب الناس وتحب الخير
تريد تعمل لي كل زول شيتن سمح
تتمنى لو الدنيا ما فيها زعل ولا ضغاين
تريد الناس بيناتها متحابة
وتتمنى لو كل الناس ذي أبو رحيق، طيب وذي عكود، مسامح ومتل بدور التركي عايشة الحب وعاشقة الجمال..

وذيي كدي..
ما ليهو فيها أم بنايت قش. إلا عنقريب يرقد فيهو ويسرح في جمال الخلق الحلوة وزيرن فااااااااااااااااااااااضي ما ينغرف منهو شيتن لا سمح لا شين ولحافن يغطي الرجلين سترة وإحترام وركوب (حصان ولا حمار ولا ناقة ولا .... وخليها على كدآ) :(:( يشيلك يحوم بيك في الروض وسط الأزاهر والورود وبين فصوص البرتكآن
آآآآآآآآآآآآآآآآه من دآ المكان...


حلو، حلو يا كُبر،،،،
ما هو تصريح مرور بين كميرات المراقبة وعصي على مقص الرقيب...
كوكي قلتا ممكن نسرح
مش كدآ :cool::cool::cool:

[imported_Hassan Farah]

رمضان كريم يا ود عمتى
حكيك دا كله مفهوم بس ما قلتلينا السنون كيف

[بابكر مخير]

رمضان كريم يا ود عمتى
حكيك دا كله مفهوم بس ما قلتلينا السنون كيف

كان بيحكوا يقولوا في آديس؟!
بين كل بآر وبآر، بآر
السنون كانن متراصات كدي،
لا ومضرب مثل أحسن وأكرم وإحنا في رمضان..
قال ليك ذي المصلين، الكتف في الكتف وصباع الرجل "الكُرآع" الصغير من المصلي ملاصق للصباع الصغير من رجل المصلي الواقف جمبه "وقفة خشية ووقار" واللصيقي دآ قالوا عشان ما يدهو فرصة للشيطان يقيف،،، حتى لو راد ان يتوب مااااااااااااااااا عندهو سكة..
المهم يابا دآ كان حالهن، سمحاااااااااات وبيض، صحيحات وملامستهن حرير، ليهن بريق ونضيفااااااااااااات..
تعرف يا ود خالي بلالي،، ليه سموهن سنون اللبن؟؟؟
بيقولوا عشان قايمات من لبن الأم مع أنه في أطفال أصلن ما طعموا لبن بشري، بدو وإتربو على حليب الأطفال،،، يبقآ التسمية ما ذات صلة مؤكدة...
لكن المؤكد أنه السنون ديل إن لمسن مصدر الحليب العند الإناث،،،
لا ضرر ولا ضرار منهم، لا بيجرحن لا بخربشن... (قال كيف، إرضاع الموظف المعاك في المكتب،، ما هو كان في فتوى كدآ :eek::eek:)
السنون يابا الباقيات فيهن مترمات ومن السجيار بقن بنيات
إلا كبارهن "الضروس" ديك حدث وأحكي وأتونس قدر تدور...
في حاجة إسمها "الكراون" ودآ مقرقر وفي الجذور وديل وحاتك ماسكات في الهوى ساكت وبقن في المقابر. هو أصله كل ما تمشي طبيب أسنان يقتل ليك جذور...
هو على آيتها حالة،،
السوائل مفيدة للجسم وسهلة الهضم وميزتها الأكبر..
ما محتاج لي سنون ولا ضروس...
وبقن سنون لبن سااااااااااااااااااكت،،
بس فاقدات ال.............
خليها على كدآ :cool::cool::cool:

[imported_Hassan Farah]

كان بيحكوا يقولوا في آديس؟!
بين كل بآر وبآر، بآر
السنون كانن متراصات كدي،
لا ومضرب مثل أحسن وأكرم وإحنا في رمضان..
قال ليك ذي المصلين، الكتف في الكتف وصباع الرجل "الكُرآع" الصغير من المصلي ملاصق للصباع الصغير من رجل المصلي الواقف جمبه "وقفة خشية ووقار" واللصيقي دآ قالوا عشان ما يدهو فرصة للشيطان يقيف،،، حتى لو راد ان يتوب مااااااااااااااااا عندهو سكة..
المهم يابا دآ كان حالهن، سمحاااااااااات وبيض، صحيحات وملامستهن حرير، ليهن بريق ونضيفااااااااااااات..
تعرف يا ود خالي بلالي،، ليه سموهن سنون اللبن؟؟؟
بيقولوا عشان قايمات من لبن الأم مع أنه في أطفال أصلن ما طعموا لبن بشري، بدو وإتربو على حليب الأطفال،،، يبقآ التسمية ما ذات صلة مؤكدة...
لكن المؤكد أنه السنون ديل إن لمسن مصدر الحليب العند الإناث،،،
لا ضرر ولا ضرار منهم، لا بيجرحن لا بخربشن... (قال كيف، إرضاع الموظف المعاك في المكتب،، ما هو كان في فتوى كدآ :eek::eek:)
السنون يابا الباقيات فيهن مترمات ومن السجيار بقن بنيات
إلا كبارهن "الضروس" ديك حدث وأحكي وأتونس قدر تدور...
في حاجة إسمها "الكراون" ودآ مقرقر وفي الجذور وديل وحاتك ماسكات في الهوى ساكت وبقن في المقابر. هو أصله كل ما تمشي طبيب أسنان يقتل ليك جذور...
هو على آيتها حالة،،
السوائل مفيدة للجسم وسهلة الهضم وميزتها الأكبر..
ما محتاج لي سنون ولا ضروس...
وبقن سنون لبن سااااااااااااااااااكت،،
بس فاقدات ال.............
خليها على كدآ :cool::cool::cool:
----------------------------------------------------------
ههههههههه....شكيتك على سيدى الحسن يا ودعمتى...
هسع وصفك دا لى نفسك وللا فينى انا....اصلكم ما تستروا ليكم زول يا رباطاب لا ود خال لا ودعم....اها انا ود القليعة بى سببى من صغير مقابل التمر شئ دفيق شئ مغمول شئ معصود وحتى اليابس كترت منو انتوا ولادة الخرطوم سببكم شنو

[عكــود]

سلام حبيبو بابكير،

شايفك ماخد راحتك ع الآخر :).

متابعة ومراقبة.

[بابكر مخير]

الزعل
بالله عليك مع الكُبر عيار الزعل بيزيد ذي ما تمن الدهب كل يوم يزيد....
تقوم تغيب من ناس الكشتينة، تقول "تستا" حيسألوا ولا بيطنشهو..
إسبوع إتنين وعييييييييييييييييييييييك حتى تلفون بالغلط ما شئ..
في آخر ترجع تجرجر ذيول الإنكساف وتتسيك ليهم عن قصد..
عشان ترضيهم ويفقدوك عشان يسيكوك من جديد....
غبتا من سودانيات شهر وشوية...
لا عكود، لا أبو رحيق..
حليلكن يا بنيتي بدور وهموسة ومرمر..
هو حتى فتحي مسعد كان يمكن سأل...
آها إتوا يرضوكم كيف عشان تسالوا لو غبنا ولا نموت بي غبنا؟؟
:mad::mad:
زعلة كُبر
باكر تتلاشى

[بابكر مخير]

بالله عليكم قضيت ليا إجازة من آخر يوم في رمضان ينعاد علي الإنقاص ومن لف لفه بالساحق والماحق والبلآ المتلاحق...
إجارزة نمت فيها بمعدل تلات أرباع اليوم "الأربع وعشرين ساعة" نووووووووووووم والربع الباقي في التفكير (أمشوا أقروها تكفير، عشان تلحقونا التوج)...
فكرت في أمور كتييييييييييييييييرة...
ليه إحنا السودانيين عندنا الشتارة في اللبس وقلة الأوتيكيت مع أنه حسب ما بِنعرِف ونعرف أنفسنا أننا آرقى من الأفارقة ..
لييييييه الأعراب كلهم ذي حالتنا بعروفوا وبيعرفوا أنفسهم أنهم الآرقى...
آهااااااااا لقيت أنه الأفارقة واقعيين وغير مربوطين بمركب نقصنا دآ.. تلقاهم مع الموضة آكثر تجاوب ومع الأوتيكيت حسب المفهوم الحضاري آكثر تقبل وتعامل..
لقيت أنه أننا إحنا عايشين في وهما كبيييييييييييييرة..
ما إحنا لساتنا بنقول أننا أحسن ناس وشلنا الكآس...
كورة قلنا علمنا أهل الخليج،، شوف جنس عموري بتاع العين دآ ما بس تقول "ميسي" شوف الأثيوبيات الواحدة تجي من مرتفعات تانا ملفلفة ومخبخبة وبعد شهر إتنين الجينس التقول ولدوها بيهو..
حالنا وحال أهلنا العرب...
مننا فلان ومننا فرتكان بس المشكلة دآ كله كان زمااااااااااااااااااااااااااااااااااااااان
حسي فاتت علينا..

[عكــود]

سلام حيبو،

زي ما قلت ليك قبل كده،
بوست قرايتو تحتاج لكباية شاي بالهبهان (بس حاسب ما تخنقك حبتومن الضحك التحت تحت) :).

تحياتي

[بابكر مخير]

الدبرسة_________________

حقت الكُبر دي!!
برآآآآآآآآآآآآآآآآآآها...
أسبابها للإنسان عدِد مهول لا حصر ولا آخر، داخلية وخارجية...
نبدآ بالخارجية: تشوف الناس ماشة فت فت بي قوة ومقدامة وكلها متجه نحو أمل، إتا تجرجر في الكرعين وذي في شئ شاديك لي ورآ، تشوف شنهو يعني؟؟؟
أمل!!!
كييييييييييييف والفات دآك كله ما لحقتا جآي حسي بعد ما خلاث:(...
تعاين تلقآ الدنيا فرحة، يعني الحالة الكانت في البرازيل في إفتتاح الألعاب الأولمبية ما شيتن (بدبرس).. وهن تعالو؟؟
البنيات البلعبن جمباز ديل ولا البلعبن فولي بول الشاطئ، إنس ولا من الجآن.... وبلبسوهن كدي ليييييييييييييييييييييييييييييييييه..
أبو الكُبر ظاته البخلي الزول(شاهد شاف حاجة بس ما بلحق)....
الداخلية: تقول (تقوم) راسك يلف ولمن (تقوم) كرعينك يتراجفن التقول قالب جيلي "يا أخونا بمناسبة الجلي دي ويييييييييييييين حبيبنا (الجيلي الجميل)".... تقول تأكل ما تعرف شنهو، دآ ما بينهضم، دآ ما بيقعد في البطن، دا ما بتلاك ودآ!!! الربنا بيهو بلاك...
تقول تغير تمشي تشرب ليك حاجة (من دآ ولا دآك) في حتة تشيل هم الناس الحتشوفها وشحتفت الروح الحتضربك...
ما هو الناس جميلة وملظلظة وإتا إن خلااااااااااااااااااااااااث، إلا الكلمة الهوينة و"العضة" اللوينة...
ما قلنا خلاص ما بنقدر (نلوك) :eek::eek:
والله يا كوكي العمدة عكود) كل ما الواحد يدور ينداح في الكتابة وينطلق بالذي منهو....
تقيف ليهو قدامه :rolleyes:

[بابكر مخير]

----------------------------------------------------------
انتوا ولادة الخرطوم سببكم شنو

سبب واحد ولا إتنين،،
ما هن كُتآآآآآآآآآآآآآآر..
أولن تبادي شراب (الموية) الساااااااااااااااقطة وإن بقآ (عصير) يا هو شرابه بالتلج..
وإتا يابا سيد العارفيين الكثير عن عوامل "التعرية"...
حتى الحديد إن "شدو" بيه بناية "التعرية" بتهده..
يعني إحنا ولاد الخرطوم الكان شجرها ساد شارع النيل مش (قلندر) عراهو..
أيش بالك إحنا مع الكُبر مش حاجة طبيعية نلحق شارع (النييل) :confused::confused:

[بابكر مخير]

الفرح_______

لمن كل حاجة في الكُبر "بتضخم"
من ملاحظاتي الخاصة....
الشفايف عند الذكور فقط وخاصة السفلى يا ود خالي بلالي هل هناك رابط بين الشفايف والهناية البتضخم ديك ولا بس ملاحظاتي الخاصة...
المهم قلنا الشفة السفلى على عكس الإناث ديك بترق... يا بروف هل ذلك تأكيد للرابط بين البتضخموا عند الذكور ولا صدفة ساكت...
عروق اليد!؟ بالله عليك بعد ما كانت تحت الجلد مدفونة، حسي نطت التقول عروق شجرة التبلدي لمن تكون فوق سطح الأرض. لا والحكمة يقول يشيلوا منك دم عند "الفحيص"،،، يقدقد ليك يدك كلها ويقول عروقك صعب الوصول ليها :eek:
طيب الكيبلات الممددة دي شنهو :mad:
بتضخم تاني؛ الإحساس وتلتهب المشاعر، إن زعل بيكون بي مبالغة وإن فرح العيون تقول ضبحوا قدامها "فحل بصل"، تشتاق لي كله شئ، تتمنى تكون ديمة مع من يفرح بهم قلبك وتفتقد برضك كل زول عشت معها أو شاركته لحظة جميلة... وتضخم الإحساس برقق القلب تبقآ تخاااااااااااااااف من أمور زمان ولااااااااااااااااااااااااتهمك،،
إن عيالك إتصلوا بالتلفون قلبك ضرباته تغطى نغمة رنين التلفون، تتشهد وتسبح وتتعوذ...
خير يا رب أجعله خير وبعد دآ كله؟؟؟
قال كيف؟؟
يقول يا أبوي ضربنا نضمئن عليك،، هو إتوا كنتوا عايزين تروحوني عديييييييييييييل...
حليلهم ياهم هم الباقيين :cool::cool:

[imported_Hassan Farah]

سبب واحد ولا إتنين،،
ما هن كُتآآآآآآآآآآآآآآر..
أولن تبادي شراب (الموية) الساااااااااااااااقطة وإن بقآ (عصير) يا هو شرابه بالتلج..
وإتا يابا سيد العارفيين الكثير عن عوامل "التعرية"...
حتى الحديد إن "شدو" بيه بناية "التعرية" بتهده..
يعني إحنا ولاد الخرطوم الكان شجرها ساد شارع النيل مش (قلندر) عراهو..
أيش بالك إحنا مع الكُبر مش حاجة طبيعية نلحق شارع (النييل) :confused::confused:
----------------------------------------------------------
ود عمتى مدينة ربنا ياخد بى ايدك يخفف حركتك ويرفع معنوياتك ويقوى ضروسك ويوسع مجارى عروقك
اشاركك الاحزان فى ما حدث لاشجار اللبخ الظليلة التى حمتنا من اشعة الشمس الحارقة لعشرات السنين ليأتى اولاد الحرام ليضعوا حدا لحياتها ويستبدلوها بشجرة النخيل التى فرضوا عليها الهجرة من وطنها الاصلى شبه الصحراوى فى الشمال وجلبوها الى ولاية لا يناسب طقسها النخلة...مطرة واحدة تفسد ثمار النخيل..الأهم من ذلك أنها ليس شجرة ظليلة، وتكلفة استيراد النخلة المثمرة الواحدة نحو ثلاثة آلاف جنيه بالجديد.
* تحتاج الخرطوم إلى أشجار ظليلة تتحمل العطش على شاكلة النيم واللبخ.. سألت نفسي هل مشروع تزيين الخرطوم بأشجار النخيل مدروس. ..أغلب الظن أن مشروع نخيل الخرطوم جاء بالمزاج، وربما كان هنالك من له مصلحة في تسويق هذه الصفقة.
حول موضوع نخيل الخرطوم كتب الصحفى عبدالباقى الظافر ما يلى:
* حاولت أن أجد استنتاجا لهذا المشروع الذي يشبه (دفن الليل أب كراعاً برة )..ضغطت على دماغي فوجدت إعجاباً من حكام بلدي ببعض مدن الخليج ..من ذاك الإعجاب باتت خرطومنا تعج بأسماء من شاكلة الشارقة والطائف والدوحة..رغم أننا شعب مزيج فلا نجد شارع يحمل اسم مانديلا ولا مخططاً يتشبه بجمال نيروبي..تحت هذا الإستلاب، ربما جاءت فكرة تزيين الخرطوم بأشجار النخيل وذلك حتى تكتمل الصورة.. شجرة الدمس التي حملت اسم الحزب الحاكم ربما كانت أبلغ مثال للتقليد الأعمى ..ولكن هؤلاء نسوا أن النخيل يشبه تلك البيئة الصحراوية وإن كان بإمكانهم زراعة أشجار أخرى لفعلوا.

[بابكر مخير]

العيون
____________
سبحان الله وحتى بعد حين من دآك البيساوي سنين تتحقق رؤية كاتب الجوازات في أنه العيون عسلية..
بالله العظيم الواحد كان بيستغرب كيييييييييف كاتب الجوازات في وصف العيون بيكتب أنها عسلية لكن لقيت أنه مع الثقيل دآ!!
حقيقي العيون بيبقى لونها عسلي التقول بركبو ليها عدسات لاصقة....
كدي يا من أنتم دون سن الثقيل عاينو في عيون من هم في عمر الثقيل.............
حتلقوا فعلا العيون عسلية....
وكل من عيونه عسلية أخير ليهو يعترف بأنه..
العسل بقآ ليهو بس في العيون والباقي مسييييييييييييييييخ "إن بالصدفة (صدق)" ;)

[بابكر مخير]

الحب
___________

مع الكُبر تتغير المفاهيم وتتبدل المعاني.. زمان كان لمن يتقال الحب، شعرة جلدك تقيف..
تشوف زولتن وحسب مقايسك للجمال والأنوثة
تترجف وتبلع ريقك مليون مرة وعقلك يشرد بين الحيشان حتى يجد مستقر في غرفة لا يهم أثاثها ولا سعتها. المهم أنها تمكنك من التمتع بضم قلبك الشارد...
كان تحب الحب والبيطراهو، تهيم بالحب ومعناهو...
حسي الحب إتشقلب من أحاسيس الي راحات...
البريحك هو البتحبه..
سرير فاضي وثير يلمك برآآآآآآآآآآآآآآآآآآآآآآآآآآآك
مقعد في الحمام مجهز بي سبل الهايجين
نعال وزنه لا يتعدى 100 جرام
ريموتات.. واحد للتلفزيون والتاني للمكيف والتالت للنور والرابع أريتهو لو كان لي روبت عشان يناولك كباية الشآهي من المطبخ
تحب قعاد البيت في روكينغ شير والهدوء دون ضوضاء
تحب الأكل السهل الممتنع، ينزل بردا وسلاما ويمتنع عن الخروج غير الإرادي...
وقدر ما بتحب جنس دآ؟!
كمان ما بتحب تتذكر الأيام الخوالي..
لمن كان الحب معناهو حصري لسن الشباب...
ملعون أبوك يا الكُبر الغيرت مفاهيمنا :mad::mad:

[بابكر مخير]

حسنات منقولة من الأطفال (الشفع)
__________________

الغتاتة (الغتة)

الشفع ذكيين جدا، لما الواحد يكون عايز حاجة أو عايز يلفت الإنتباه إتجاهو يقوم يبكي والشاطرين فيهم ينهف ويجري نخرينه لزوم الإنتباه مشفوع بالرآفة.
عندهم برضك الغتاتة يعمل ليك وبما أنه ما بيتكلم كمان ما بيفهم ويضرب طناش.
آهااااااااااااا والبقولوهو أنه الزول لمن يكبر خلاص بيرجع (رويس) خلف لي حركات الشفع..
حسي أنا لمن أدور أصهين لي حاجة أعمل غشيم، كلام ما عجبني أعمل أطرش، سئلت ما عايز (أقول وما قادر أطرح) أعمل أبكم، إتصرفت غلط وطلب مني مراجعة نفسي أقول يخوانا ان زول خرفت وعلى ذمة الواعيين، قلت حاجة وداير أتمكلص منها بكل بساطة أنكر وأحلف قسما عظما ما حصل لمن يتطوع زول ويقول: الزهايمر.

النوم

بالله عليك الواحد زمان آي ضو حتى ضو القمر لو ما غتآ وشيه بالتوب ولا البطانية ما تغمِّد ليه عين، إن نسمة هزت فرع في شجرة ينط من السرير، "إن الرفقة في العنقريب همست (تقوم)"
=يا كوكي إتلفت غآدي=
حسي وين، لو كشافات إستاد ويمبلي كلها مولعة ولو (لسة الساقية مدورة) وموية (خآرة)، رفقة سرير شنهو؟ :( ما الشخير يطرد الشيطان (رمي جمرآت التقول)....
تنوم بس أبو الفاروق بن الخطاب تحت شجرة لكن العدل والأمن ديل مشكوك في آمرهم.

العناية والرعاية والإهتمام

الحكمة لمن تكبر و"تعجز" جسمك كما بعض منه وبصورة ملفتة يبدى في الضمور، يعني تصغرو في الحجم، ويضعف البنيان وتبقى قابل (للكسر) وتضعف لدرجة أنك عند المصافحة تكتفي بوضع اليد دون الشد ودآ بيخلي الناس تعاملك كالشفع،،
تقوموا ليك (إتا لآ)، يناولوك إذا مديت يدك تشيل حاجة، يعطفو عليك، يحِنو عليك وديك يحنوُ عليك دون حرج....
بختهم الشفع الصغار تغذيتهم صحية
أريتنا بيها:eek:

[بابكر مخير]

النووووووووووووووم
--------------
لو لاحظتوا الخط مقطع،،،
ذي نوم الكُبر...
المهم النوم بقآ يخوف، ترقد علي قفاك تسمع شخيرك بي أضانك ونفسك ينقطعتقول تخنق...
ترقد علي صفحتك الراقد عليها؟!
تخدر
تعمل شنهو يعني تنوم واقف...
الآدهش
تنوم؟؟؟
والضمان شنهو تقوم...
ما تنوم الوقت كله تترجف من الإرهاق:(
وقت النوم ذي الثعلب
عين مفتحة من الخوف من عدم القومة وعين مغمضة لزوم ترويح الجسم
وحتى لمن تنوم النوم دآ؟!
تنوم، تقوم، تمشي، ترجع
تنوم، تقوم، تمشي ترجع
عشرين مرة في الأربع ساعات القالوا مناسبة ، ما هي 8 للعمر المقبول وأقل للعمر البزيد..
معادلة عجيبة؛ فلان كبير لأنه سنينه كترن (سنين العمر)، بس الحقيقة أنه سنينه قلن...
يعني تحتار وين نقطة البداية..
إن قلت يوم ولادتك ما صاح لأنه دي بداية العد التنازلي..
معنى الكلام دآ أنها !! قبل بداية العد التنازلي، آها لمن كنت حيوان حايم في الضهر ولا لمن بقيت نطفة وعلقة والعكس يمشي وولا زعل ولا علقة....
ممكن ود خالي بلالي بي علمك يشاركنا..
تعرفهوا منهو البيقدر يحل طلاسمها...
بيكاسو (شقيقي الصغير) ولا أقول ليكم..
في زول شكله بيقدر دورو عليهو...
عالم عباس الحقنا وأفزعنا.. ليهو شوق وإحترام

[بابكر مخير]

العِرس والزواج
____________

هي المؤسسة التي بدعها وإختارها البشر، أمشوا قولوا ليا، قبائل ولا أنكحوهن،،،،
ما برضه في خط رجعة، الفرآق بمعروف ;)
كانت سهلة وحسي بقت ميتة عديييييييييل وخراب لمستقبل إتنين قبل ما يبتدوا شراكتهم..
ملايين مهبببة في غنآي وصالة والبنوك ترصد الحركات وسداد السلفية؟! صعب...
يقولوا: قفص (ذهبي) والقفص هو حيز مهما كان حجمه إلا أنه مغلق يعني مقفول، ذهب ولا زبالة ما الياهو واحد...
الأسماء، نحن ناطقي العربية وغيرنا من عاربة ومستعربة، تلقى عندنا أسماء هي صفات أفعال وهي أسماء لي بشر وحيوانات وأشياء بس وملاقاتي لناس كُتاااااااااار ما لاقيت بينهم إسم (عريس أو عروسة)، تلقى مفتاح وشمس وفضل وتعبان وسبت وجوهر، تلقى خزرج وزيد وعبيد،،، ليييييييييييه
القصة ما بتستاهل :(:(
المهم خلونا في شأننا والكُبر والعرس والزواج.. تلقى زول مريش وفي سن التعبانين يعرس ليه بنية في عمر الزهور... تكون ليهه بنت العشرين رضت بي خردة والسوق ملان بالعداداتهم على الزيرهو، يكون سترة، يكون قرش، يكون تتسمى أنها فكت بورتها ولا تكون لي سبب (تحت، تحت)... يومين تلاتا وتلقى زولنا بالليل مضوي (تتذكروا السبح البيجيبوها من الحج وفي الضلمة تضوي؟؟.... ما السبب أنها فيها فسفور "مشع" وكذلك الحبوب الزرقاء "ف.... " وكم يوم ويتوكل،،، هو ما دام ما عنده القدرة الوداهو يتشابر شنهو...
إتوا ممكن يكون إنتشار أنواع السرطان في السودان سببها فسفور السبح :eek::eek:

"جدودنا زمان" لا أزرق ولا جرجير ولا زنجبيل... عسل وسمن وشمس وعمر الواحد فوق السبعين وإلتزام بالدين يكون أربعة على حباله وآخر أولادهو عمره سنتين وبت بت بته جابت ولدها التاني أمس....
قالوا واحد فيهو العوارة (يعني الهبل) ومعرس، رقد جم أمه
وقال لها، أمي عايز أعرس تاني..
الأم: يا ولد هآ العوير دآ، قوم من جنبي ... إتاك لا قادر ولاك قاهر
هو: ليييييييه خالي فلان ما معرس أربع وعمي هنآي عنده تلات
الأم: خالك، دآك قادر نسوانه الأربع كل واحدة مسكنها في بيت بي خدما وحشما وإن لي عمك ياهو القاهر، للآميهن التلاتي في حوشن واحد وولآ واحدتن قالت بم ...
يعني الحكاية ماها هوبلي...
هناك زيجات تستمر رغم الأنف وأخرى طواعية وتانيات عشان الأولاد والجميلات ديك بعد الملح المر وبحلي الأكل....
تبقآ صداقة ونهايتها خوة...
مش من الأول كان تكون صداقة عشان تنتهي خوة :L

[imported_Hassan Farah]

ودعمتى مدينة كفاية شكاوى...عندى ليك نصيحة ويحيدة......
ههههههه..... ارقصوا الزومبا للتخسيس

[بابكر مخير]

الزومبا

يابا بنعرف الزنتاك والزوتون لزوم تأزم البطن...
لكن الزومبا دي لسة ما جربناها
بتنفع في الذي منهو؟؟؟؟
"لونه شنهو الإسمه منهو وبصنع وين" على قول الأغنية :cool:
سائل ولا حبوب ولا كبسولة ولا "لبوسة (كدآ ما بتخارج لأنه بتسرع بالخروج)"
كيفكم يابا :)

[بابكر مخير]

الخُلق يضيق والنفس ينقطع
_____________

إن هبت نسمة ولا لاحت قمرآ ولا لفحتك ريحة بخور حلو
إن شفت وردة ولا إتراويت بسمة في وش طفل
إن قدامك وقفت غزالة، مقسمة، طويلة وسمحة..
إن سمعت ليك سيفونية ولا غنية رآب ولا عزف فلوت
خُلقك يضيق

إن قلتا تمشي في الكورنيش
إن قلتا تغير وتمشي ديسكو
أو حتى حلقة ذكر
وقول مسجد لي درس
إن قلتا تكون وسط الناس في نادي
دقيقة، إتنين وتشعر
نفسك تقول ينقطع


دآ يقولوا عليهو شنهو:mad::mad::mad::mad:

[imported_Hassan Farah]

يابا بنعرف الزنتاك والزوتون لزوم تأزم البطن...
لكن الزومبا دي لسة ما جربناها
بتنفع في الذي منهو؟؟؟؟
"لونه شنهو الإسمه منهو وبصنع وين" على قول الأغنية :cool:
سائل ولا حبوب ولا كبسولة ولا "لبوسة (كدآ ما بتخارج لأنه بتسرع بالخروج)"
كيفكم يابا :)
----------------------------------------------------------
ههههه يا ود عمتى نضمك دا يذكرنى بى زولا كان شغال فى اجزخانتكم الزمان ديك المجاورة لنادى الخريجين بامدرمان...نفس النضمى:
(سائل ولا حبوب ولا كبسولة ولا "لبوسة )

الزومبا دى رقيص يا يابا
https://www.youtube.com/watch?v=ezKyrWbobas

[بابكر مخير]

الذاكرة
_____

قولت تضعف مع الكُبر، ما شيتن جديد وذي ما قلنا من قبل، كله على كله بيضعف.
بس الغريبة في حاجات مخزنة داخل الدماغ ما بتنهبش حتى من أعتى جيوش الزهايمر..
ودي ظنيتني أنه الأمر غريزة وطبيعة مثلا؛ الأكل إدخاله وإخراجه، النوم والنوم.
وبرضه شيتن تاني، الذاكرة بتشغل بعض مرات حسب مزاجها يعني لا إرادي...
إتا تقول تتذكر، تلقى نفسك حتى إسمك إن درت تفرض تذكرهو ما تضبط وبعض مرات تلقى نفسك تتذكر حاجات من زمن الطفولة؛ جزء عم وكتاب الإنجليزي الأخضر المسطر وشنطة الدمورية وحزام الوالد عليه الرحمة (أشد آدوات التعذيب تبريحا)...
تتذكر التمُر من جيب "جدي العم" وما تتذكر أول مرة أكلت فيها آيس كريم..
تتذكر أول مرة مشيت فيها .... وما تتذكر الجيكس الإسلوفاكي النضر...
لكن برضه في حاجات جميلة تعلق في الذآكرة وتبقى ليك مقياس لمؤشرات ومعايير ...
في قهوة إسمها آروما في دبي، التقينا فيها مع الخالد "خلود" والشقيقات (آها الذآكرة وقفت هنانا) ما حصل مشيت دبي وإلا زرت القهوة دي والحكمة مكانها غميسس شوية بالنسبة لزول ذي بيمشي دبي في السنة حسنة... لكني مع تبديل العربات (ما هو حمار سيد اللبن بيعرف بيبان الزباين) طوآآآآآآآآآآآلي ألقى روحي قدامها ودي ما قصة ذآكرة بفتكر دي لأسباب نقشت في الدماغ وحتى (الزمهرير) يصعب عليه غزوها...
ناس لو شنهو وشنهو دآك الذآكرة ما بتتخلى عنهم وهو مالكين النفس ومطلعين الروح.... يعني ممكن يوم الواحد توحة وهو جزء أساسي من الحياة ولا بدور التركي ولا الزين (الراجل الحلو) وهشومي...
ينساهم،،، ما أظن
غايتهو ربنا يرحم أرواحنا ويعفو عنا يوم ذآكرتنا تخرب...

[عبدالحكيم]

الذاكرة
_____

قولت تضعف مع الكُبر، ما شيتن جديد وذي ما قلنا من قبل، كله على كله بيضعف.
بس الغريبة في حاجات مخزنة داخل الدماغ ما بتنهبش حتى من أعتى جيوش الزهايمر..
ودي ظنيتني أنه الأمر غريزة وطبيعة مثلا؛ الأكل إدخاله وإخراجه، النوم والنوم.
وبرضه شيتن تاني، الذاكرة بتشغل بعض مرات حسب مزاجها يعني لا إرادي...
إتا تقول تتذكر، تلقى نفسك حتى إسمك إن درت تفرض تذكرهو ما تضبط وبعض مرات تلقى نفسك تتذكر حاجات من زمن الطفولة؛ جزء عم وكتاب الإنجليزي الأخضر المسطر وشنطة الدمورية وحزام الوالد عليه الرحمة (أشد آدوات التعذيب تبريحا)...
تتذكر التمُر من جيب "جدي العم" وما تتذكر أول مرة أكلت فيها آيس كريم..
تتذكر أول مرة مشيت فيها .... وما تتذكر الجيكس الإسلوفاكي النضر...
لكن برضه في حاجات جميلة تعلق في الذآكرة وتبقى ليك مقياس لمؤشرات ومعايير ...
في قهوة إسمها آروما في دبي، التقينا فيها مع الخالد "خلود" والشقيقات (آها الذآكرة وقفت هنانا) ما حصل مشيت دبي وإلا زرت القهوة دي والحكمة مكانها غميسس شوية بالنسبة لزول ذي بيمشي دبي في السنة حسنة... لكني مع تبديل العربات (ما هو حمار سيد اللبن بيعرف بيبان الزباين) طوآآآآآآآآآآآلي ألقى روحي قدامها ودي ما قصة ذآكرة بفتكر دي لأسباب نقشت في الدماغ وحتى (الزمهرير) يصعب عليه غزوها...
ناس لو شنهو وشنهو دآك الذآكرة ما بتتخلى عنهم وهو مالكين النفس ومطلعين الروح.... يعني ممكن يوم الواحد توحة وهو جزء أساسي من الحياة ولا بدور التركي ولا الزين (الراجل الحلو) وهشومي...
ينساهم،،، ما أظن
غايتهو ربنا يرحم أرواحنا ويعفو عنا يوم ذآكرتنا تخرب...

تعرف يا صاح إنت جبت الكلام الصاح ..:)
أتفق معك في كل الذي أوردته هنا ... بلا استثناء ..
أهـ الواحد قال أحسن يجي يسلي نفسه معاك هنا بدل ما هو ....
ولو تذكر في أول مداخلة لي هنا ...
قول الله تعالى ...
‏اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ ) ‏ الروم ‏:‏ 54

ترى كيف ختمها بالضعف .. والشيبة ..
أحكي يا صـــــــــــــــاح ...

[imported_أمير الأمين]

الذاكرة
_____


تتذكر أول مرة مشيت فيها .... وما تتذكر الجيكس الإسلوفاكي النضر...



أحكي يا صـــــــــــــــاح ...

احكى يا عم :cool:

[بابكر مخير]

ترى كيف ختمها بالضعف .. والشيبة ..
أحكي يا صـــــــــــــــاح ...

الحكمة
____________

شوف التسلسل
عند قول المولى عز وجل...
ضعف الطفولة وقوة الشباب وضعف عرف بالشيب ولا ينتهي التسلسل هنا...
القوة جسم وقدرة ومقدرة، القوة العقل وموازنة الأمور، القوة المسامحة والتريس، القوة في الكلمة، القوة الحنكة والخبرة...
شفتا يابا
الشيب إن ضعف جسدهم وذاكرتهم و"إمكانياتهم" لكن مكانتهم بين الأقوياء محفوظة بحكمتهم وخبرتهم وهلماجرآ..
شفتا يابا كان مشيته ذي الأسد ومصافحة ذي ضربت الكهرباء،، حسي ياهو فكره الباقي وحكمته الثاقبة وهلماجرآ وكفاية على كدآ وما تجرجورنا في عشان نقول إسمه (أصله الهوآ بيقسمه)
ياهو ظاتهو سيد صادق :cool::cool:

[بابكر مخير]

احكى يا عم :cool:

الأمانة
____________


الأمين يابا
مع الكُبر الأمانة شيتن غسب ما هو ما في شئ بعجبك، قولك صدق وبي أمانة، إن حرسوك "ملاك" هو في آمان (فيك شنهو يعني عشان تعرضه لي ضرر) شفتا الواحد يا هو ذي الموية؛ لا بغلت عليك لا "بيوسخ" يديك ظاتهم;)
الأمين يابا إتا والله طيب وعسل
حسي ياتهو العجبك ..... (النقط دي) ولا الجيكس...
موضوع النقط ما ظنيتها لأنها دي مجال "كوكي" وحصري هو البينقشها...
في السودان الناس تعرف الأحياء بسكانها، الحي البريطاني، فريق العمايا (عندنا في العباسية أمدرمان) فريق فنقر وبرضه في أحياء حسب طبع ودين سكانها مثل المسالمة، أبو صليب وكدآ..
برضه غير الأحياء والفرقان كمان البيوت بتذكر في الهاشماب كان في بيت مسكون والله باقي ليا ود خالي بلالي شوقي بدري بيكون بتذكره لأنه قريب منهم ومن الأحفاد للبنات معروف البيت بأنه بيت الشياطين، وبيت العسلية وبيت آحرار...
بين السطور أسرار والأسرار هي ياها نقطة الحوار
وبي أمااااااااااااااااااااااااااااااانة كدآ:o
الدار دار والما دار
ما يتحاوم بي هنانا


لا دي لااااااااااازمن أقولها:
الأحباش للمرحاض بيقولو ليهو تشتنا بيت
بيت "البول" والحلاق شنهو كدآ "بيت"
تعرف يابا ومعليش
مستو بي الأسلوفاكي معناها مكان أو نقول برضه بيت وراحة معروفة وين الزول بيرتاح
يعني برضه مكان الراحة العندنا دآك قرييييييييييييييب من تسميت الحبش،، لكن إحنا جبنا الأسلوفاكي من ويييييييييييييييييين
يكون الأصل تركي
بي أمانة "ماني عارف" :cool::cool::cool::cool:

[بابكر مخير]

[QUOTE=بابكر مخير;534192]
الذاكرة

"ملحق" _____

الذآكرة تنمحي منها حاجات محزنة ودي حسنة بس كمان أوقات مفرحة وناس حلوة وأماكن كل النعيم أسقطت على الأرض...
لكن المابينمحي أو حتى يصيبه شرخ أرهف من سبيبة شعر طفل مولود حساتهو...
مثلاً.....
بسمة الوالدة عليها الرحمة وأشعاعة وجهها الجميل، صفاء قلبها وحبها للجميع (بدون فرز)، ضحكتها التي كانت تجلجل كصوت جرس الكنيس وبطعم صوت الآذان، لونها، شعرها، قامتهان خلقها، كرمها وكلها!!!
قطعاً لن تنمحي
وإلا كانت قد إنمحت القيم... لست من الذآكرة، بل من الكون كله...
الوالد الذي أورثني الكثير من شبهه في الشكل وحرمني من العزير علمه لن تنمحي ذآكرته من قلبي وعقلي..
شقيقي قاسم الذي بمغادرته لنا أحدث جرحا عميق في قلبي، لن يشفى ولن يزول أو ينمحي..
شارع الأربعين وبيت أبراهيم قاسم حيث أشرقت علي أول شمس وتطور الشارع من تراب لي زلط ولي مسارين واحد إتجاه السوق وحي الشيخ دفع الله حيث "الحوش" بيت الكبير لجدي بابكر وجاره عمنا ميلاد وقصاده بيت الهنود وشوية شمال بيت كمال وأبنئه متوكل وكمال أبو غازي صلاح كمال "الأمه ليبية" والمسار التاني ماش جنوب وخور أبعنجة الكان مخاضة لمن بقى كبري، غربه الضو حجوج وشرقه بيوت ناس معني وأولاد فريد وعمنا الجآك أبو العميد علي الجآك ومرورا بسينما بانت...
ما بينمحي بيت أبراهيم قاسم الرحلنا ليهو وهو في العرضه وعلى بعد من سينما العرضة وليها معاي حكاوي
بجيها راجع looool

[بابكر مخير]

البحبتة
(الفضول نتاج قلة الشغلة)
___________

ما هو ما في شيتن بيبقى تعمله لي قدام، آها تقوم "تفتش الماضي" اله ولى وفات من زماااااااااان..
تقوم الصباح أقرب حاجة ليك (الكومودينو) جنب السرير وتفتح الدرج..... تلقى حاجة كان في ما مضى تستعملها منها الباقي الفيه فايدة ومنها (الواقي) :eek: لا والله .... قصدي البتتختا فوق العيون عشان الضو ما يحيمك النوم، ما زمان كان الواحد علي الهبشة، آي خشخشة أو حركة يتنفض وبعدها ما ينوم، حسي ذي البالع خلطة باربيتون مع فاليم، ما يصحيك ولا يقومك إلا مدفع بآزوكآ ودا بيودي التوج،،، إنخفاض في الدم لزوم الهجيمة...
الغريبة حكاية إنخفاض الدم وإرتفاعه موضوع تناغمي،، ينخفض من الأطراف الفوق ويهرب لي تحت مع أنه (موسم الهجرة شمال) مش الشمال فيهو أوربا والناس بتهاجر لي هناك...
ما علينا نخليها أوضة النوم البتجيب هوآ و"كوكي" يزعل...
تمشي الصالة والسايدبورد قدامك يقيف بإغراء وترغيب ما فيهو ستة أدراج والواحد يكفي يوم بحبتآ..
تلقى ظروف منها البسر النظر فيهو مرة تانية ومرات لأنها (الرسايل) وفيها فواتير تغم وتذكرك مرارات الدنيا...
تلقى فيها قلامة الأظافر الكنتا بتفتش ليها شهور وكمان بالله دي ما الساعة الكنت قايلها راحت وإنفقدت مبكي على جمالها أهميتها...
وبحبتا !!!!!
لقيت الصورة دي:
http://sudanyat.net/vb/attachment.php?attachmentid=1249&stc=1&d=1472105470

[imported_Hassan Farah]

وجدتها......وجدتها....وجدتها.....
اسعى ليك كلب...اى والله....قمت بدرى وطلعت البلكون اشوف ليك راجل عجوز سايق ليهو كلب رابطو من رقبتو وقايدو فى الغابة القدام بيتنا حايم بيهو يمكن نصف ساعة اتذكرتك يا ود عمتى وقلت اخوى دا لو سعى الكلب ومرق كل صباح يتفسح معاهو مش اخير ليهو من يقوم من الصباح يبحت فى الكمدينو

[بابكر مخير]

اشوف ليك راجل عجوز..........
اخوى دا لو سعى الكلب

يابا

الخواجات ديل حقهم برآآآآآآآآآآآهو:eek:
الكُبر الكُبر
قصدي :o

اخوى دا لو سعى الكلب

يابا باقي ليا
عيشتك مع الخواجات دي خربتك تب..
حسي لو كنت في الرباطاب، كان قلتا أسعى ليك (مرتن) تونسك وإن قلتا كمان تدلكك، تدللك...
الكلب بعمل شنهو من دآ...
إلا النبيحة والهوهو....
خال يوسف مرة سألني سؤال (إيحايئ) وكان من ورا قصده أني إتزوجت، قلتا ليهو إن قصدك أني عرست تاني فالجواب لآ..
قال ليا: بيقولوا، راجل المرتين ذي العنزة بين كلبين، هو هو هو هو...
الباقي ليا الكلب والعرس
أخير منهم البحبتة:cool:

[بابكر مخير]

الموت
__________

أولا تبادي دي الحاجة الوحيدة الما في زول جربها... تجرب الشئ معناها أنك تمر بي تجربة جربتها وفي وعيك تتذكرالحظات المرة عليك في التجربة المعنية يبقآ ما في زول جرب الموت (إلا بعض من خترفات وأساطير)...
باليل ترقد على قفاك بعد يوم مرهق (التقول الواحد شغال طحان) تقول تنوم، تبدى الوساويس؛
حسي إن غمضتا وما قمتا
حسي إن لساني إنزلق وإتخنقتا بيهو
حسي وحسي وحسي
وفي لحظة ما تشعر وإلا إتا إزنقتا بولة وقلتا تقوم،، آها الأوضة مضلمة مع أنه بنوم والإضاءة فاتحة (الحاجة الوحيدة الفاتحة البقينا نستفيد منها:eek:، ما حظنا مقفل)...
آها يا زول دي ضلمة تحت وإلا بس ترجآ الثنائي بدكير ومنكير(ديل محققين شغالني معانا والبيمر عليهم آكيييييييييييييد لللظة ودآ سجن مكيفاته مركبة بالعكس، البارد لي برآ و"الحآر" جوآ)
المهم جنس شلهته وشهقة وخوفة بي عرقها، تغمض عيونك تقول عشان "ما تقدر تصرح" وتعضي لسانك عشان "ما يقدر يقول" وتلملم وراكينك عشان ما يمشي يفضحك.... وتتذكر حينها النملة المسكينة الدهستها بي شبطك وتقول أريتني ما كنت لابسة لأنه من دونه كان بخاف أنها تعضيني وتجنبت تلك الفعلة الشنيعة ما برضها روح، لآ كمان تتذكر البيف باف والكم الهائل من الصراصير التي هلكت به يعني هو "نوبل" برآهو اليعمل جائزة للتكفير عن شنيع فعله، ما برضه (مستر بيف باف) حقهوا يكون عنده جائزة..
يا زول وأسمع ليك من بعيد صوت كديس:(:(:(
دي ديكي وأنا في شقاوة طفولتي شتآ لي كديس لمن جرت تتلولو تكون جات تشتكيني،،،
ما هو قالوا يوم الحساب العظيم، بالله الحساب في المدرسة كان منجضنا، كمان حسي تااااااااااااااااااااني ورانا وانا بس دآك هين خمسة بالكتير عشر جلدات...
بس برضه أشوف شعاع ضوء ودآ أداني أمل، أنه الأنا ماري بيهو دآ
ما دآك الما منه رجعة
وفعلا لقيت يدي بتتحرك تهبش <غماز> اللمبة الفوق رأسي وبرضه ما ضوت....
على قول المصريين: هزت وسطي وقدرتا أقوم ونور الأوضة إستجاب لندائي وكان المنقذ الذي سمح لي بيوم آخر أو أيام...
لكن الزعلتني بالجد!!!
اللمبة الفوق رأسي،
ما عرفت تنحرق إلا "في الليلة ديك"

[بابكر مخير]

الكذب

_____________

إن كنت كذوبا كن ذكورً
وحبل الكضب؟! قصير
الكُبر والكِذب ما بيمشوا مع بعض، ما هو إن كضبت ، تقوم تنسا الكضبة والحبيل ينقطع. هو زول ضاربه الزهايمر!
إسمه لمن يذكره كتر خيرهو...
عمنا مطر عليه الرحمة (قنصل البرازيل الفخري في السودان "زماااااااااااان") كان رجل ليه حضور وديمة قيافة، مرة إلتقاه شقيقي أحمد "كوريا" بعد ما عمنا خلااااااص كِبر ومن الفضول سأل عمنا عن شئ ينسب ليهو وقال ليهو: تتذكر.... رد عمنا وقال: يا إبني أنا كوني لسة أتذكر إسمي، مش برضه كتر خيري...
قلنا كضب الكُبر بيقولوا شين....
مشيت قلتا أطقس خبيرات السودان وزرتا الرآكوبة...
لقيت...
"الكاتب الصحفي ذائع الصيت فتحي الضو:
الحلقة الثانية"
قمتا من التواريخ لاحظت أنه زولي دآ
يكون كِبر وتنطبق عليه...
لكن يبدُ أنه لساته ناكر وما فاكر..
المهم معارض من أيام نميري وصحفي متجول ومراسل حربي ورئيس تجمع صحفيين وشئ آرتيريا والصومال وكندآ والكويت.
بس القاهرة مالهو ما إتذكرها مع أنه شهدت فترة مليئة بالآحداث والصخب وناس حلوة وناس فنانة وناس من الصعب تتنسي..
يا ربي الزهايمر عند ناس غسب وعند تانين عفوية وينطبق عليها
إرادية وغير إرادية...
بتذكر في شبابي
بالله عليك الكضبة برآآآآآآآآآها تدفر، حسي لمن زول يكضب ولو من باب الونسة بعطس... حساسية مفرطة
خالي محمد كان ديمة يكجن الزول البيكضب وساررني بأنه كان بيكضب لكن لمن كِبر شعر بأنه الزول البيكذب، أولن تبادي يفتكر أنه فهلوي والناس الحولاينه ساذجين لكن الحقيقة أنه بيرخس نفسه فهو بالضبط خاصة لمن الحبل ينقطع تبقى عليه قصة الجنين من ظلام بطن أمه لي ضو الكون وهنا كل مغطى يبان...
كذبة بيضاء وكذبة ما بيضة، ذي حكاية الزواج، قفص ذهبي برضه قفص ودي برضها كذبة.....
فرح ود تكتوك قال:
إن الصدق ما نجاك، الكِضب ما بنجييك:(

[بابكر مخير]

الحِلم

_____________

قالوا أنه أنواع
مقصود، موعود، مفقود، ممنوع، حلم المفجوع وغير مسبوق وحلم اليقظة
الأول تكون عشمان ليك في حاجة وتقوم تنوم وتحلم بيها، الموعود بيه دآ من دون تكون مستني ليك شئ تحلم بيهو وباكر يحصل، المفقود: حاجات تكون حصلت يعني الفاس وقع في الراس وفات عليك تقوم تحلم بيها ذي الفيلم عايز ترجعه من أول لكن هيهآآآآآآآآآآآآت والحلم (الأزرق) الممنوع نربطه بقصة الأفلام اللونها "أزرق"؛ تحلم وتفرح وتستمتع وتصحى الصباح غير نادم والحسنة أنك سالم لا جلد ولا رجم لكن دش الموية لو في الشتاء بالله عليك تقول متل دآ!؟ أخير ليا ما أنوم حسي إن قلنا يجينا الحلم دآ، إلا بس نستعين بصديق وبرضه أزرق:eek:.
حلم المفجوع انك تنوم نكدآن ومطرب وخايف وبرضهو فلم يكون حاقص بيك نوع فرانكشتين ودراكولا ويلا ليلك كله خليع والأخير دآ حق ناس مخصوصة الحلم الرؤية تشوف شيتن يبقآ وتقصد أمر يتحقق
والحلم اليقظة دآ نقول عليهو "بين اليقظة والأحلام" حلم كله أمل وتفاؤل ورغبة في التطوير يعني شغل إستراتيجيات.
آهاااااااا الأخيرناس إحنا ديل ما لينا فيهو ولا أنا عشمانين ليهو وما دآ بس كتيرات...
أيام زمان عندي زول كدآ بيجيني في النوم (قطع شك ما في الحلم الأزرق) ديمة يصحيني ويقول ليا شئ، مرة وأنا في لندن جاني وأداني ستة أرقام قال ليا دي اللوتري، صحيت وعارف زولي دآ صادق وعشان ما أنساها كتبتها في غلاف ورق الريزلا RIZLA بتاعت سجاير اللف بتاعي، آها كنت يومها شغال في المندولا لندن بتاعت يوسف أخوي وزنقة، جىء أحمد زكريا الهاشمي ود أختي فريدة بدري، أديته الأرقام وكانت عالقة في ذاكرتي (أيامها كنا لسة بنتذكر:()...
جاني آخر اليل وأداني ورقة اليانصيب بس لقيت فيها أرقام متغيرة، قال ليا في الحقيقة يا خال روحت الورقة ديك لكن من المتذكره لعبت ليك اليانصيب..
والله الأرقام كانت الستة الأدأني ليها زولي هي الكاسبة وكانت 4 مليون وبتاعت أحمد زكريا جابت أربعة عبارة عن متين وشية جنيه...
زولي دآ جاني يوم والراحل المقيم في قلبي قاسم أخويا في المستشفى وقال ليا: أمشي شوف أخوك. كانت ذي الساعة 4 ونص صباح، قمتا على عجل ومشيت المستشفى وين قاسم راقد. أول ما وصلت الممرضة قالت ليا كويس أنك جيت لأنه قاسم مغادرنا.. قضيت معاهو خمس دقايق ورحل وقدر ما نزلت من دموع إلا أن السماء خجلتني فقد أنهمرت كما لم يسبق له مثيل...
رحم الله قاسم ووالدي وكل من غادرنا من أهل وأحباء وأصدقاء، أقارب ومعارف ممن هموا من جنسنا ووطننا...

[عكــود]

رحم الله قاسم يا بابكر، وكل أحبابنا السبقونا.

بوست غاية في الروعة ومليان حكمة.. بدون مجاملة.

واصل أرجوك.

[بابكر مخير]

رحم الله قاسم يا بابكر، وكل أحبابنا السبقونا.
بوست غاية في الروعة ومليان حكمة.. بدون مجاملة.
واصل أرجوك.
في ناس أوعك تصدقها :confused:
ذي البشير كلماته كلها مزيفة :eek::eek:
وفي ناس تأخد كلامها ديمة جادة
شوقي بدري لمن يقول ليك حاجة عنك،،،
"كوكي" لمن يبدي مشاعره...
مؤكدة....
بدون مجاملة
ما أصلي عارفك ما بتجامل
لأنها "هي" :)
الشايلة روحها منك

[بابكر مخير]

شنهو الشايلينو منها؟؟؟

___________

زمان تقول؟
يمكن أترفد ولا يمكن يزعلوا مني، إمكن يلبدو ليا يدقوني ولا يمكن ترفض تتزوجني، إمكن العوز قدام يرخصني ولا إمكن القرشين المعايا ديل ما ألم فيهن وأخير أدسهن...
قالوا أهلنا المصريين:
الكفن! ما ليهوش قيووب..
آها مانا شايلين منها شيتن تب...
مع الكُبر تشوف الناس تتجارآ وتلهث،،
وإتا ما خلاص، ولكتها لي واهبا، إلا بتشوف وتستغرب.....
-----
والله ما شماتة ولا حسد لكن بس شوفو الدنيا، الفانية أم بنايتن قش دي بتعمل شنهو...
في مرة كدآ واحد بيحكي ليا عن أملاكه ورزقه ربنا يزيدهو، عن صحتة وعافيته المولى يحفظن ليهو وكيف موفر حق علاجه لو إستوجب وكيف مقري وليداته وكيف أمهم بي عربيتها وبنايتها الخاصة غير الشقة الوين والفيلا الوين...
صدفة إتغيرت عليه.... الحمد لله؛ ما فلس ولا شئ من حلاله إتهبش، بس ولده حصلت ليه مشكلة بسيطة وكيف الدنيا بي حلاتها ومتعها إنقلبت لي مآساة وشراد عقل...
-----
مع الكُبر تعزف عن ملذات الدنيا ومتعها والأسباب عدة؛
عدم القدرة والمقدرة
ضعف البنية والشهوة
ضيق الوقت (مشكلة الأيام تمشي في زيادة عدد مستقطعة من الرصيد)...
بمناسبة الرصيد، حاجات كتيرة تستقطع من الرصيد...
مش كلنا مسطر لينا،،، يعني معروف يومك البتتولد فيهو وحتعيش كم ويبقآ كل يوم بينقطع من رصيد عمرك،،
مكتوب ليك كمين سنة ووشهر ويوم وساعة ودقيقة وثانية وعشر من الثانية وهلما جرآ
وكل لحظة بتمر بتنقطع من العمر.....
هوي إتلفتوا غآدي :eek::eek::eek: ويا "كوكي" سمآآآآآآآآآآآح :(
يعني في بداية المراهقة في عادات كدآ،،
آهاااااااااااااا في ناس بتسرف منها ودي برضها بتستهلك من الرصيد..
وينسوا حقيقة أنه كله مليون بيروحوا، يصعب تعويضهم...
:rolleyes::rolleyes::rolleyes::rolleyes:

[بابكر مخير]

مع الكُبر وقلة الشغلة؛
أتصورو معايا كيف كانت تكون لو لا الواحد لساته (مااااااااااااا) على رأس عمله...
كان ياهو بتكون الحالة ذي السطر الفوق دآ، تكرار وكلام معاد وقلة شغلة والقعاد والتفكير في الوجع والآلم وفي "المضى واللكان"...
حسي كدآ مليون أحسن..
بتذكر الحبيب والشقيق الأكبر دكتور حاكم عبد الرحمن حاكم، فكر أنه خلاص يمشي السودان بعد عطاء ثر ونفع كثير لغيره؛
قلت ليهو هناك حتشتغل شنهو؟
قال: أقعد أرتاح بعد سنين العمل المتواصل.. قلت ليهو: سعادتك دآ إنتحار عديييل..
مثلك ومثلي بدون شغل معناها "دبرسة" ومع عمرنا دآ، ياهو الموت الأحمر....
طبعن يا ود فرح "ود خالي بلالي، ما التاني" علميا الدبرسة مرض نفسي وحاجة في الدماغ لكن أنا بفتكر أنه مع الكُبر هي شبه حتمية ما بس مرض نفسي، وهناك عدد كبير أعرفهم وقطع شك تعرفونهم!! ممن ضربوا في العمر عتيه دبرسو لمن قضوا...
لكن مع دآ كله...
الكُبر الجميل فيهو............


الأحفاد

http://sudanyat.net/vb/attachment.php?attachmentid=1250&stc=1&d=1473054835

كوكي صورة الأحفاد ما نزلت،، الحقني وأفزعني :cool::cool::cool:

[بابكر مخير]

الرجفة والرجفة

______________

أتذكر زمان الوالدة الله يرحمها كان لمن تطلب كماية موية تشرب، ما تمسكها إلا لمن يكون نص الكوب مليان والتاني فاضي ودآ عشان ما تندلق الموية...
والغربية الحكاية دي وراثة عند أهلي...
صابني منها نصيبي
ودا نوع من الرجفة :(
أتذكر واحد صديقن لينا لمن كنا طلب في أسلوفاكيا،،، كيف ظريف مع الجنس اللطيف ومجامل للحد حتى لو صابه رشاش تجريح أو إنهمر عليه تقريح وكان بيقولوا ليهو رجافة....
مع العمر يتم التركيز على نوع وااااااااااااحد من الرجفي
اليد تقول تمسك بيها قلم عشان تكتب سطر تبقا الكتابة رسم سريالي
تقول تكب السكر في كباية الشاهي، تبقى "ان حظي كدقيق نثروه"
تقول تصافح بالله، تجهجه الزول المادي يده يصافحك جنس جهجهة بس ماردونا لمن غسل دفاع الإنجليز يوم قونه البي يده
لا وخلي بالك عشان تعاااااااااااااااااااااااااااااااااال اقفل سوستت البنطلون :eek:
غايته إلا تكون مردف ليك كمين سروال وإلا الإصابة بتكون بليغة :mad:
ما هو ماااااااااااااا ذي ما قال عادل إمام....
"أنا خفت ليشيلوا العدة"
العدة؟!
ما حتنشال لكن حتزيد عطب، مرمت الله :rolleyes::rolleyes::rolleyes::rolleyes:

[بابكر مخير]

زنقة الترزي، يوم الوقفة

_________

العيد يا هو العيد زمان
أيامنا كنا صغار، بدل الخروف مرات إتنين ومرات تلاتة، ما الموظف العازب العايش في كنف الوالدين برضه بيجيب! هو بضحي لي منهو ما عنده إسماعيل...
كانو الخرفان، واحد حق بيت الأسرة الكبيرة "الحوش" والتاني حق بيت الأسرة الصغير "أبوك وأمك وإخيانك"
يوم الوقفة والكل يتراكض، الما جاب خروف وتايه في الزرايب، الما حلق شعره وخايف العيد "يخرآ" ليهو في رأسه يفتش في الحلاقيين والجلبيته "جناح أم جكو" ما إستلمها واقف قدام "ترزي الوصية" ويترجى عمنا (عبد الله)، ناس البيت والتجديد في الأثاثات والعندهم حاجة أو حاج رآجع من الحج بيزينو في باب الحوش؛ أبواب الصنت تترك بلونها لكن الحيطة من حول الباب باللونين الأبيض والأخضر (اللون الأخضر هو المربوط بالإسلام بس برضه أيامي بخلص في بحثي بتاع التخرج وكان عن تأسيس الصيدليات وجدت دراسة تتحدث عن اللون الأخضر أنه الأكثر صداقة للبيئة "طبعا وكتنا صداقة البيئة ما كانت معروفة بالمفهوم الحالي ولا التدوير! تستعمل وترمي ذي الموانع...

سؤال: إتو فيه موانع بتتدور:eek:)
غايتهو يا "كوكي" ليييييييييه دايما تجيني نآطي في جنس الوقت دآ :mad::mad:
وتزنقني "زنقة كلب في طآحونة، ما زنقة الترزي هينة;)"


كل سنة وإتا طيب يا حبيب وإتوا كلكم
وإن الله ادآنا عمر
نتلاقى بعد العيد ربنا يعيده عليكم وعلينا بالخير :cool::cool::cool::cool::cool:

[بابكر مخير]

عيدنا وبحمد الله وتوفيقه
واليوم رجعنا الدوام بفضل الله ورضاه...
يبدا الحجاج بالعودة
زمنا كانت الهدايا، سبحة الفسفور المضيئة والسجادة الجآية من الآراضي المقدسة وبعضهم والملاحظ كانت قلة بيجيبوا موية زمزم (حسي بقت الموضة) الهدايا كانت قيمة فمنها الساعات أيضا الجوفيال "بالفاء المعطشة وكدآ" (ناسي الدفعة، لو تتذكروا ساعة الجوفيال، حسي وينها ما شايفها كتير ما هي بقت إلا في محلات الحجارة الكريمة، بالله الزمن كيف يتغير، تغريب كل من هب ودب لبس الجوفيال حينها وحسي إلا المقتدريين الكلآس "class" ناس الإنقاص مع قدرتهم ما بيعرفوا قيمة حاجات الناس الكلآس...) والسيكو وأقلام الحبر...
الغريبة زمان حكاية الإصابة بالنزلات والفيروسات ما كانت كتيرة يكون عشان البيئة كانت أكثر نظافة :confused:....
وهاكم العيدية دي

http://sudanyat.net/vb/attachment.php?attachmentid=1251&stc=1&d=1474179376

[عكــود]

سلام يا بيكو وكل سنة وإنت طيب،

الجوفيال فعلاً بقت كلاس وراقية جداً، وكان ليها مكانة هي والرومر أبو صليب (مرسوم علامة + في ضهرها) بالك ما يمشي بعيد looool.

أذكر الرومر كانت أول ساعة ألبسها هدية من الوالد بمناسبة نجاحي ودخولي القرير الأميرية الوسطى/الثانوي العام.

بوست زي نقّاع الزير في نهار صيف.

على جنب:
إستقريت في أبو ظبي - شارع حمدان، والحمد لله.

[بابكر مخير]

على جنب:


والجنبا دي
آحلي شئ
ويااااااااااااااااااااااا دوووووووووووووووووبك
السندوتشي بيبقآ يعشي....
يا بختنا اللو ما إتلاقينا يوماتي
عبيرك حيرطب خشاشيمي.......
:cool::cool::cool::cool::cool:

بمناسبة الهدايا في المناسبات!!!
طبعا إتو ناس القرير كنتو عامليين لي ناس مدارس الخرطوم عقدة نفسية.. إحتلال رسمي للمراكز الأولى في نتائج القطر..
أنا دآك ولاااااااااا كان بيهمني، مش ياهو قدر النجاح بينقلك لي المرحلة الدراسية التي تلي:o
لكن (الكشاح) قاسم أخوي عليه الرحمة وذي ما بسمية عمنا أحمد داؤد كان على منافسة معاكم، أولن الوسطى "الكانت أربع سنين" من تالتة لي مرحلة الثانوية وحاولها مع الثانوية لكنه أصيب بمرض عارض (شلل وجه) ومنع من التركيز في الدورس (يعني ما مفروض يذاكر وأنا من جآه الملوك نلوك وقفت مذاكرة ;))
المهم نواصل لأنه جاني زول

[بابكر مخير]

الشعر
"بي أنواعه"
__________

يلدوك بدون شعر (أمرح) أو تصلع أو تكون معتاد حلاقة،،
برضك برضك مع الكبر الشعر يصيبه تغيير،
لو شعر قرقدي ولا سبيبي أخرتها يكون ملمسة ناعم
آهاااااااااااااا نقول السبب شنهو،،،
أبو علي ود خالي بلالي رأيك شنهو،،،
أنا بفسرها ما بين علمي حقيقي وفلسفة أنصاف متعلمين...
ذي ما قلنا زمان، كله على كله بشيخ ويضعف وينخ، كمان الهرمونات الذكورية بتبقآ شكيمتها (غير المعنى المتعارف فهي :حديدة معترضة في فم الفرس من اللِّجام) هينا وسهل اللويِّ (يغير إتجاه الزول) من سهم مستقيم لي ناخي وأقرب لي الصليب...
ما هو هرمونات النساء تساعد في نمو الشعر وإطالته وإكسابه نوع من النعومة..
يبقآ لمن تكبر تلاحظ هذه الميزات وغير كدآ،،
الحاجب سبايبه تكون ذي "قُصْة الشعر" متدليا على الخدود المكرمشة فتخلق لوحة سريالية....
ظاهرة الشعر في الضهر يطول وبفتكر قدر ما بيقولوا أنه الزول لمن يكبر برجع لي مرحلة الطفولة إلا الظاهرة دي بتمشي أبعد لي نظرية دارون وأصلنا القردي...
برضه يقال أنه الشعر بيزيد نمو مع الموت،،
في حتت الشعر فيها بيطول وبي سرعة ولو خلينهو إلا يتمشط.....
دآ الشعر اللونه كان أسود وبقآ أبيض وفي الرأس إنعدم....

[بابكر مخير]

الهم والوهم
_____________
تهِتم؛
تشيل هم عيالك، وتشيل عيالك هم...
كيفهم وعامليين شنهو إن شاء متفاهمين مع أزواجهم ومهتمين بي عيالهم وتشيلهم همك، يمون عامل كيف، إن حسي الزول دآ إنقرض منهو البيكون حداهو وهلماجرآ.....
تِتوهمّْ؛
تبقى تتوهم الليل وفي الصباح ونص النهار، بس التقول صلاة خمسة مرات في اليوم وإن بقت هينة تكون جرعة مضاد هيوي 4 مرات يعني كل ستة ساعات 3 في حال أنه المضاد الحيوي قوي وإن قوي جدا ياهن المرتيين...
تشيل هم تنوم وتتوهم أنك ما تقوم وإن كتب وقمتا. تشيل هم لفة الرأس المؤكدة لمن تقوم من السرير. بالله عليك الركب من تنزل تلامس الآطة تتقطق التقول فحم لين مختوت فوق النار "دي بقآ تخصصي، ما ديمة الفحم في النار عشان الشيشة والشيشة معسلها تفاحتين ودي بتدور فحم كتير ومتوهج :rolleyes:"
تتوهم تفرق بالشيشة وتنسى كيف الوراهآ من مصايب التبغ المعروف منها والمجهول...

http://sudanyat.net/vb/attachment.php?attachmentid=1252&stc=1&d=1474521948

هو على آيتها حال؟!
ما ملحقة ما البقآ بقآ :mad::mad::mad::mad:

[imported_Hassan Farah]

(( أبو صليب (مرسوم علامة + في ضهرها) بالك ما يمشي بعيد .))
ههههههههه حتى انت يا بروتوس!!!
وتانى يجينى واحد يقول لى امد رمان دى البيعرف مداخلها ومخارجها زول فرد واحد.....شوقى بدرى

[imported_رأفت ميلاد]

سلام يا بيكو وكل سنة وإنت طيب،

الجوفيال فعلاً بقت كلاس وراقية جداً، وكان ليها مكانة هي والرومر أبو صليب (مرسوم علامة + في ضهرها) بالك ما يمشي بعيد looool.

أذكر الرومر كانت أول ساعة ألبسها هدية من الوالد بمناسبة نجاحي ودخولي القرير الأميرية الوسطى/الثانوي العام
بوست زي نقّاع الزير في نهار صيف.

على جنب:
إستقريت في أبو ظبي - شارع حمدان، والحمد لله.
الساعة الرومر كانت هدية النجاح ولّ برضوك من الدقة الفتنك فيها أخوك قبال النتيجة بيوم يا أبا ظر ههههههههههههههههه

[بابكر مخير]

صديق وأخ عزيز، أصغر مني وجديد في شغلتنا دي، بيشكي أنه الصباح بيكون فتران وإن ليهو ما يقوم من السرير..
بنحكي مع بعض في التلون أمس وأنا خلاص، ما الساعة بقت 11 باليل ورقدت عشان أصلي حآصحى كمين مرة كدآ..
التلفون رنا ورفعت لقيته محمود تميم يا هو البشكي والجديد في شغلتنا دي.. (لساته صغنوني ما قرش في السبعين...
أها عرف أني ساكن برآي وبدآ يحكي ليا قصص ناسن كبرت وكانت ساكنة برآها..
كيف دآك فتحو الباب لقيهو ميت، كيف دآك لمن غاب من المسجد مشوا الجماعة يتفقدهو لقيهو ميت، كيف دآك صاحبته سافرت ولمن إتصلت ما ردآ عليها بلغت الشرطة ومشوا كسرو الباب لقيهو ميت...
يعني وأنا أسمع وسرحااااااااااااااااااااان..
آها طيب، قال كيف؟؟؟
تصبح على خير ودي طبعا بتتقال لي الزول الحينوم...
بالله لحدي حسي والساعة 9 ونص صباح اليوم التاني!
جفون عيوني ما إتقالدن، مع أنه زمان عآآآآآآآآآآآآآآدي على الساعة إتناشر نص الليل بتقالدن... ولو جفن ساكت إنقلب بيلقآ روحه في حصن رفيقه...
مش بالله حقوا "أجفن" نفسي عشان ما ألحق جماعة محمود..
بس ويييييييييييييييييييييييييين القى جفنن، مريح :(:(:(:(

[بابكر مخير]

الروقة

_____________

يقولوا: فلان رايق والمقصود أنه غير قابل للإثارة في الأمور التي لا تستاهل وفلانة رايقة، يعني عينها ما طايرة والرواق بستعملهو لإزلة عكرة الشئ...
آها لمن تكبر، ما موضوع كرم أخلاق ولا تقلة ولا لي فائدتك ذي الرواق...
القصة وما فيها؛؛
إما تقل السمع فلا تستفز بقول ما عجبك ولا قدرة على رد آيتها فعل يثير الشخص العادي... ما بقت القصة أصلها كلها دبرسة وهي أصلها ما بتسوى حرق شوية ادرينالين الفاضل ولا الإمتناع من بقة أوكسجين الرئتين فاضية منها..
يلا وكله في كله بقآ مربوط بمثلك الأعلى وهو؟؟
قولت.....
طُّز
لي وعلى وفي كل حاجة :cool:

[بابكر مخير]

فتنة الفتان
_________

البعض يضعها في موضع الفتنة لكنها في حقيقة الأمر هي طربقة غير موفقة..
البيحصل زول يكون قال كلام ليك عن زول تاني وما خد أنه ساررك أو حتى سمعت ليك ناس بتتكلم في زول تاني، يعني "قطيعة" ممكن تكون عفوية وما سيئة..
آها تلاقي الزول التاني دآ وبي الزهايمر وسؤ التوازن البصيبك في كل شئ حتى لسانك يتبرى منك بسبب "كُبرك" (ما عجوز سآهي)..
تقوم تفك ليه الذي منه ويزعل وتبقى ليك وصمة أنك (فتآآآآآآآآآآآآآن)

[imported_Hassan Farah]

هاك يا عجوز اسمع الكلام دا:
إحدىٰ القصائد الخالدة للشاعر/ صالح بن عبد القدوس -رحمه اللّٰه تعالىٰ- أحد شعراء الدولة العباسية؛
فدَّعِ الصِّبا فلقدْ عداكَ زمانُهُ ⭐ وازهَدْ فعُمرُكَ مرَّ منهُ الأطيَـبُ
ذهبَ الشبابُ فما له منْ عودةٍ ⭐ وأتَىٰ المشيبُ فأينَ منهُ المَهربُ
دَعْ عنكَ ما قد كانَ في زمنِ الصِّبا ⭐ واذكُر ذنوبَكَ وابِكها يـا مُذنـبُ
واذكرْ مناقشةَ الحسابِ فإنه ⭐ لابَـدَّ يُحصي ما جنيتَ ويَكتُبُ
لم ينسَـهُ الملَكـانِ حيـنَ نسيتَـهُ ⭐ بـل أثبتـاهُ وأنـتَ لاهٍ تلعـبُ
والرُّوحُ فيكَ وديعـةٌ أودعتَهـا ⭐ ستَردُّها بالرغمِ منكَ وتُسلَـبُ
وغرورُ دنيـاكَ التي تسعىٰ لها ⭐ دارٌ حقيقتُهـا متـاعٌ يذهـبُ
والليلُ فاعلـمْ والنهـارُ كلاهمـا ⭐ أنفاسُنـا فيهـا تُعـدُّ وتُحسـبُ
وجميعُ مـا خلَّفتَـهُ وجمعتَـهُ ⭐ حقاً يَقيناً بعـدَ موتِـكَ يُنهـبُ
تَبَّـاً لـدارٍ لا يـدومُ نعيمُهـا ⭐ ومَشيدُها عمّا قليـلٍ يَـخـربُ
فاسمعْ هُديـتَ نصيحةً أولاكَها ⭐ بَـرٌّ نَصـوحٌ للأنـامِ مُجـرِّبُ
صَحِبَ الزَّمانَ وأهلَه مُستبصراً ⭐ ورأىٰ الأمورَ بما تؤوبُ وتَعقُبُ
لا تأمَنِ الدَّهـرَ فإنـهُ ⭐ مـا زالَ قِدْمـاً للرِّجـالِ يُـؤدِّبُ
وعواقِبُ الأيامِ في غَصَّاتِهـا ⭐ مَضَضٌ يُـذَلُّ لهُ الأعزُّ الأنْجَـبْ
فعليكَ تقوى اللّٰهِ فالزمْهـا تفـزْ ⭐ إنّّ التَّقـيَّ هـوَ البَهـيُّ الأهيَـبُ
واعملْ بطاعتِهِ تنلْ منـهُ الرِّضـا ⭐ إن المطيـعَ لـهُ؛ لديـهِ مُقـرَّبُ
واقنعْ ففي بعضِ القناعةِ راحةٌ ⭐ واليأسُ ممّا فاتَ فهوَ المَطْلـبُ
فإذا طَمِعتَ كُسيتَ ثوبَ مذلَّةٍ ⭐ فلقدْ كُسيَ ثوبَ المَذلَّةِ أشعبُ
وابـدأْ عَـدوَّكَ بالتحيّـةِ ولتَكُـن ⭐ منـهُ زمانَـكَ خائفـاً تتـرقَّـبُ
واحـذرهُ إن لاقيتَـهُ مُتَبَسِّمـاً ⭐ فالليثُ يبدو نابُـهُ إذْ يغْـضَـبُ
إنَّ العدوُّ وإنْ تقادَمَ عهـدُهُ ⭐ فالحقدُ باقٍ في الصُّدورِ مُغَّيبُ
وإذا الصَّديـقٌ لقيتَـهُ مُتملِّقـاً ⭐ فهـوَ العـدوُّ وحـقُّـهُ يُتجـنَّـبُ
لا خيرَ في ودِّ امـريءٍ مُتملِّـقٍ ⭐ حُلـوِ اللسـانِ وقلبـهُ يتلهَّـبُ
يلقاكَ يحلفُ أنـه بـكَ واثـقٌ ⭐ وإذا تـوارَىٰ عنكَ فهوَ العقرَبُ
يُعطيكَ من طَرَفِ اللِّسانِ حلاوةً ⭐ ويَروغُ منكَ كمـا يـروغُ الثّعلـبُ
وَصِلِ الكرامَ وإنْ رموكَ بجفوةٍ ⭐ فالصفحُ عنهمْ بالتَّجاوزِ أصـوَبُ
واخترْ قرينَكَ واصطنعهُ تفاخراً ⭐ إنَّ القريـنَ إلى المُقارنِ يُنسبُ
واخفضْ جناحَكَ للأقاربِ كُلِّهـمْ ⭐ بتذلُّـلٍ واسمـحْ لهـمْ إن أذنبوا
ودعِ الكَذوبَ فلا يكُنْ لكَ صاحباً ⭐ إنَّ الكذوبَ يشيـنُ حُـراً يَصحبُ
وزنِ الكلامَ إذا نطقـتَ ولا تكـنْ ⭐ ثرثـارةً فـي كـلِّ نـادٍ تخطُـبُ
واحفظْ لسانَكَ واحترزْ من لفظِهِ ⭐ فالمرءُ يَسلَـمُ باللسانِ ويُعطَبُ
والسِّرُّ فاكتمهُ ولا تنطُـقْ بـهِ ⭐ إنَّ الزجاجةَ كسرُها لا يُشعَبُ
وكذاكَ سرُّ المرءِ إنْ لـمْ يُطوهِ ⭐ نشرتْـهُ ألسنـةٌ تزيـدُ وتكـذِبُ
لا تحرِصَنْ فالحِرصُ ليسَ بزائدٍ ⭐ في الرِّزقِ بل يشقىٰ الحريصُ ويتعبُ
ويظلُّ ملهوفـاً يـرومُ تحيّـلاً ⭐ والـرِّزقُ ليسَ بحيلةٍ يُستجلَبُ
كم عاجزٍ في الناسِ يأتي رزقُهُ ⭐ رغَـداً ويُحـرَمُ كَيِّـسٌ ويُخيَّـبُ
وارعَ الأمانةَ؛ والخيانةَ فاجتنبْ ⭐ واعدِلْ ولا تظلمْ يَطبْ لكَ مكسبُ
وإذا أصابكَ نكبةٌ فاصبـرْ لهـا ⭐ مـن ذا رأيـتَ مسلَّماً لا يُنْكبُ
وإذا رُميتَ من الزمانِ بريبـةٍ ⭐ أو نالكَ الأمـرُ الأشقُّ الأصعبُ
فاضرعْ لربّك إنه أدنىٰ لمنْ ⭐ يدعوهُ من حبلِ الوريدِ وأقربُ
كُنْ ما استطعتَ عن الأنامِ بمعزِلٍ ⭐ إنَّ الكثيرَ من الوَرَىٰ لا يُصحبُ
واحذرْ مُصاحبةَ اللئيم فإنّهُ ⭐ يُعدي كما يُعدي الصحيحَ الأجربُ
واحذرْ من المظلومِ سَهماً صائباً ⭐ واعلـمْ بـإنَّ دعـاءَهُ لا يُحجَـبُ
وإذا رأيتَ الرِّزقَ عَزَّ ببلـدةٍ ⭐ وخشيتَ فيها أن يضيقَ المذهبُ
فارحلْ فأرضُ اللّٰهِ واسعةَ الفَضَا ⭐ طولاً وعَرضاً شرقُهـا والمغرِبُ
فلقدْ نصحتُكَ إنْ قبلتَ نصيحتي ⭐ فالنُّصحُ أغلىٰ ما يُباعُ ويُوهَـبُ

[بابكر مخير]

هاك يا عجوز اسمع الكلام دا:
إحدىٰ القصائد الخالدة للشاعر/ صالح بن عبد القدوس -رحمه اللّٰه تعالىٰ- أحد شعراء الدولة العباسية؛


أبو علي الحبيب
يا أخي زولك دآ عليه الرحمة بس متشائم
لييه ما يشوف الشيب هو icing on the cake
وبعدين أخاف يكون زولك دآ كان في عمر الزهور وحانق على جلكن عجوز، تشكس منه بلورة ولا رجلً غيور يكون عجوز عمل فيهو ؟!
أمن الجمال يغآر منا...

[بابكر مخير]

الكلام والألقاب

______________

بالله عليك الكلام ظاتهو إتغير
كان تقول بعدين، باكر، الشهر الجآي ولا السنة الجاية وكدآ
حسي كله ده بقآ؟!
زمان
دي حالة دي :rolleyes:

لا والالقاب؛؛؛؛
لي ناس دفعتك أو أعمامك وخيلانك (جدودك دي أنسى) تقول فلان ومن قبله لقب!!
جنابه، دكتور، باشمهندس، مولانا وهلماجرآ
حسي بقآ في أغلب الأحيان!!
لقب وااااااااااااااحد أو إتنين..
رحمة الله عليه أو الله يرحمة...
أها شوف جنس دآ :(

[بابكر مخير]

المفاصل والركبة

____________

خليك من الطقطقة مع كل حركة
وجع المفاصل بعض مرات وبعد بعض المرات، مرات ومرات (هو بينقال، بعض مرات لكن في الحقيقة هي! ديمة)، بتشمطن دون مبرر وكمان مرقن من وضعهن الطبيعي (يعني بروز من الوضع الطبيعي، بديهي ما كل شئ مع الكُبر ما طبيعي).
الركبة بقت ذي غطاء قزازة البيبسي، مكرضمة وحوالينها خيران وحاجة كدآ رابطاها مع السآق،، غايتهو جنس عولاق...
بيقولوا:
"ركبه فاضية" وبيرجعوا السبب لي ممارسة عادة كدآ :eek:
أو لمن الزول يكون واقف "متين:rolleyes::rolleyes::rolleyes::rolleyes:"
المهم.
زمان كان الواحد يشتم منهو رائحة الكلونيات (زمنا 7411 ولا التباك ولا أولد سبايس) حسي الواحد ريحته من ناس (القيسال، أبو فاس، ديب هيت وهلما جرآ) وبعد ده اريتهو لآحق :(:(:(:(

[بابكر مخير]

كدي سؤال؟؟
حسي الطربقة دي كلها وما في واحد يقول؟
العجوز دآ كفاهو..
وإتو عارفين كتر الكلام بيسبب جفاف والواحد أصله يده بالله عليك ذي ورق الصنفرة والجلد يتجرا تلاتة بوصة من اللحم والشلاليف ذي طين البحر لمن النيل ينزل والشقوق تدخل ضب...

[بابكر مخير]

الإحباط
_________

بالله عليك قدر ما الزول
عاش في الدنيا، خبرها وخبرته، صال وجال فيها قدر ما قِدر
نافش ريشه ولا طاؤوس سرآي السيد عبد الرحمن..
(كان هناك طاؤوس يتبختر بزهو في سراية سيدي وبتذكره والله كانه أمامي "يعني قدامي ما أصله الموضة _إمامة_")
رغم دآ ودآك
علآ
الواحد داخله؟1
ديمة محبط، ما هو تقول تعمل شئ، تتذكر عدم القدرة والمقدرة والخوف من الآقدار...
شوف حسي!!
الواحد قال يشاغل البيتابعو البوست في المداخلة السابقة وهم في الأصابع قدراً (عدد طبعاً ولست قدرا قيمة وأهمية، لأنه قيمتهم عندي عالية ومكانتهم سامية وأهميتهم هي الدافع للطربقة)
يقوم يقول ليهم
إتداخلوا...
ربنا يدخل في قلبكم المسرة قدر الحأشعر بيهو..
لكن
هه، صنة...
برضه شكرا وأنا محبط
الأيقونة: "دموع ترترت شكشاكة وتنهمر سيل وتكب مدرار"

[بابكر مخير]

يقوم يجيك أخوك الأصغر منك بخمس سنوات ويحكي ليك عن يوم وداعه في الشغل بمناسبة "نزولو" المعاش..
آها دي الحالة، الكنت زمان بتشيله وتغير ليه "اللفة" نزل المعاش والحكمة يحكي ليك عن وجع الركب :(
مع أنه، بتذكر الزول دآ لمن كان صغير ما ليهو في "ركوب الحمير" بالمناسبة أولاد بتاعين اللبن كلهم ركبهم بتواجعهم من "ركوب الحمير" إحصائية غير مؤكدة بس عملتها برآي (حكاية الإحصائيات دي عندي معاها غرام)
حسي مثلا البوست دآ أنا مشاركتي فيهو حوالي 16% والباقي بين ناس بتجامل وتقرآ وبين ناس تتطلع لي الحيكون قدامهم وبين ناس بتحب قرآية البين السطور ذي الحبيب "كوكي" ;)
وبما أنه الإحصائيات أرقام تكتب بالحروف وفي كتير من الأوقات بيستفاد منها في رسم إستراتيجيات، فأنا حسي دي مشاركتي ال 9,489 يعني لو الواحد في كل مشاركة بيكون قضى ليهو على أقله عشر دقايق (ما حكاية تعتمد المشاركة وترجع تعدل "قال: عدآل القصص أب قصتن معوجة - القصص بتاعت قصت الشعر-" وتاني تعدل التعديل وقد تمتد الحكاية الي آكتر من العشر دقايق) معنى الكلام دآ الواحد قضى في سودانيات 1582 ساعة يعني حوالي 66 يوم يعني شهرين...
ودا في 10 سنين...
هو ظنيتني لو كنتا أديت القراية في المراحل الدراسية قدر العدل دآ :rolleyes::rolleyes:،،
كان كنت أكون بروفسير :mad::mad::mad::mad:

[عكــود]

سلام حبيبو،

والله انا منهم كلهم، البيجاملو والبيقروا عشان يعرفوا الراجيهم، وإن كان بدأ، والبيقروا بين السطور، والبيقروا ويستمتعوا..
يعني زي ما تقول، بتاع كلو (اها دي كمان اقرا بين سطورا).

تسلم وراجي زيارتك

[بابكر مخير]

وراجي زيارتك

قبل 9 سنوات كنت بجي للإمارات بعمل دورات تدريبية، كان الأحباء وكلهم دون فرز في شأن يظهروا فرحتهم بيك، يقوموا يعزموك، غدآ وبي إصرار..
قلتا لحبيبي وأخي عبد الوهاب مكي الذي كان يصر بشكل لا مثيل له في موضوع الغدآ معاهو:
يا أخوي أتا قالوا ليك في لندن ما في أكل؟؟
"مع أنه يعرف أنه يوسف أخوي عنده المندولآ؛ كآفية في شكل مطعم ("ذي ما بيقولوا" فيونكآ فشكل وردة)..
حسي دحن كوكي الغالي، تجونا في بيوتنا وتستنوا زيارتنا.....
ولا فيشآن عزابي:o:o:o:o، مع أنه دي حافز...
شرفني برضك إتا...
تجدنا على أهبة الإستعداد لي ضيافتكم ، ما شرطاً إلا رمضانيات والإفطار..
"قالوا"
بيتنا رحب إلا ياهن غرفتين، واحدة لي عفشي :eek:
والتانية "وما قالوا" لي ضيوفي;);)
مرحب بيك هنانا ويشيلك الرأس ذي ما شايلك القلب...

[بابكر مخير]

بتذكروا ليا زمان
___________

الأيام دي مضيوف بي شقيقي "كوريا" اللهو في نفس أعز صديقي، ضرب ليا تلفون الساعة 12 ونص بعد منتصف اليوم وقال: عايز يمشي "المندولا" يظبطو ليهو فول وطعمية!!
هآ!!! لكن دآ ما وكت غدآ، إستنى شوية لكن شوقهو للفول والطعمية طان أكبر.. المهم مشى هناك والتقى بواحد من رواد الكفتريا ودآ من نوع البيحترمني كتير وشايف فيني خصال الناس الكُبآآآآآآآآآآآر (فهم وديمقراطية)..
أنا لو كنت عارف أنه "كوريا" بيلاقي زول هناك، ما كنت وافقت، أقله كنت إعتذرت أنه البت الجرسونة "معذورة" و(نميري) الطبآخ زوجته بتولد..
ما آهو حاجة كدآ، تفاديا للإفادات الحيصريح بيها شقيقي (ولسانه الفآكي)..
المهم يا زول إلتقى بهاء الدين وقال ليهو شنهو :eek::eek:
سيرتي الذاتية لقيتها عند بهاء الدين ولكن للأسف :( الجانب المظلم)..
كيف كانو مسمني بالصول نسبة لدكتاتوريتي في التعامل مع أشقائي وشقيقتي الأصغر، يا أخي حتى أني بفرض عليهم يشجعوا الهلال (طبعا حسي كلهم مريخاب) وكيف أني في غياب الوالد والوالدة، أطبخ ليهم وأفرض عليهم طعامه..
بس الكويسة أني؛ لا كتا شيوعي عشان أبشتنهم ولا كوز عشان تبقى ليهم سبة في وكتنا دآ....
سيرة ذاتية لخصها قاسم أخوي الله يرحمه في كلمات
"بابكر أخوي دآ، سبع صنايع والبخت ضايع" :(:(:(

[بابكر مخير]

"الحبش داخل البوست على مسئوليتي الشخصية!!"
رفعتوا لييييييييييييييييييييييييييييييييييييييييييييييييه من تاني
بس لي عذابنا...
يعني قلنا ندخل نفرق....
تقوموا تأزمونا:mad::mad:
وإحنا بلَغّْنا مِنَ العُمْرِ عِتِيّاً.....

[Abdullahi Gaafar]

استاذنا بابكر

تحية ومودة

ياهو دا كلو الحاصل علينا ...
كمان اليومين ديل الصوماليين هنا بقو يقولو شيخ عبد الله
ربنا يعني الجميع

[بابكر مخير]

استاذنا بابكر

تحية ومودة

ياهو دا كلو الحاصل علينا ...
كمان اليومين ديل الصوماليين هنا بقو يقولو شيخ عبد الله
ربنا يعني الجميع

أبو عبدآ
سلام
لا يابا !!
نبرآ ونستبرآ من حقك.
لساتهم بيقولوا ليا يا "بيكو" :eek:
وكمان إحنا ثقيلنا وسط أجواء ظريفة، شئ مكيف في كل حتة ومكان، بالله عليك قربوا يلبسونا بدل و "جناح أم جكو" بي مكيفات..
إتا خليك في "المراوح" دي ;)
شكرا يابا على مداخلتك شآني دي الرفعت من شأني :cool:

[بابكر مخير]

"قالوا" كل يوم في شأن، الأمس كان اليوم بيكون غير..
قبل تمانية سنين وأنا في رأس الخيمة، ناس الشرطة الكرآم، (ربنا يحفظه شيخ طالب القاسمي) نزلوا ليا عربية ألتيما من الورقة وطبعا لسة في قدرة أكتر من حسي بي تمنية وتمانين مرة زيادة (ما هي الدقيقة بتساوي كتير مع الثقيل دآ)..
أسوق ليا العربية وكأني في الفورميلا ون..
حسي عربية سمممممممممممممممحة وقوية وسريعة لكن وييييييييييين....
عشان تركب أول حاجة دي أدبآ، ترفع رجل الركبة تنشمط، تخت (آها أقول شنهو:confused:) نقول تقعد ونريح نفسنا ضهرك يتشد، ترفع يدك للمفتاح وطعنة في الكتف..
بعد دآ كله تدور وتمشي في الشارع، بالله عليك التقول سيرة عرس، العربية الورآك!!!
تييييييييييييت وبوريهات أشكآل والوان وخليه الواحد يمر بيك، اليدين ديل. شئ علامة النصر V لكن بي صباح واااااااااااااااحد وبدون سبابة (ما هي سبة)، يعني الوسط تقول يصلك جوآ العربية...
وآخرتها ترتاااااااااااااح وتتعنطز لمن يتصلوا بلبوليس ويجيك بوليس الحركة بي موتره، ما هو لمن تسمع صوت "صفارته" بيجيك شعور عظمة...
بس التقول موكب رئاسي.....
ملعون الدين عن الثقيل دآ goood...
(راجعوا مداخلتي في الرد على آمولي وما تتشنجوا) :cool::cool::cool:

[بابكر مخير]

بعض مرات، ما تلقى التعمله. ما هو في غيمة كدآ بتغطي سماك.
نوع من الدبرسة المغلفة بالفاقة ومختوتا في صندوق إحلاط.. الإحباط ديمة ترجع للغير يعني إنت بتحبط ما من شيتن عملته لكن من عمايل الغير (هي دي طبعا مرحلة متقدمة في الكُبر والبصلها؟ وصل).
المهم كدآ من الله بس تحب ليك زول وتقول تساعده لا كايس أجر ولا رد جميل، ترفعه بي جآي ينزلق بي هناك، يملاك كلام أنه حسب حسن ظنك فيهو..
لكن مرمي الله ما بيترفع..
آها تحبط لي درجة أنك ممكن تحقد وإن شفت زولن بالجد محتاج وبستاهل. تصهين.
طيب من الأول الزول الردته دآك، كان سببك شنهو. إتا برآك قيمت الأمر وما حسبت صآح..
يبقى الغلطان منهو؟؟
الهم والإحباط ولا الوقع نفسه فيهو...
حسابات الكُبر في أغلب الأحيان مطرشقة، ما هي نتيجة عاطفة وبس...
مش ديل (الكوبار)!
حقهو يصنفوهم ذي النسوان في "حديثنا" في حكاية نقص العقل وحتى شهادتهو إلا إتنين شرط أنه يكون معاهو ولده ولا بته ولا حتى جاره..
بس أوعك من مرته لأنها البتكون قاعدآ معاهو لي حسي دي وهو كدآ :(:(:( ؟؟؟؟؟
ديمة شهادتها بتكون مشروخة...
تعيد وترجع ذكريات ذي الأسطوانة....

[imported_شبارقة]

دكتورنا الغالي ود مخير

متابعك ومستمتع بهذا البوست الحقيقي والواقعي

خليني أكمّلو وأجيك بمداخلاتي وشطحاتي بإذن الله

[imported_Hassan Farah]

"الحبش داخل البوست على مسئوليتي الشخصية!!"
رفعتوا لييييييييييييييييييييييييييييييييييييييييييييييييه من تاني
بس لي عذابنا...
يعني قلنا ندخل نفرق....
تقوموا تأزمونا:mad::mad:
وإحنا بلَغّْنا مِنَ العُمْرِ عِتِيّاً.....
================================
ود عمتى مدينة صباحاتك بالخير
ههههههه انت البخليك تتاوق فى الحتات دى شنو...حب الاستطلاع دا ماك عارفو عمل شنو فى الكديس!!!!
فى البلد الشمالى دا عندهم اهتمام عجيب بصحة العجايز...
حتى لوكانت صحتك تمام التمام كل سنة عندك دورة كشف تمر فيها على كل الاخصائيين تستمر لاكتر من شهر ما يخلوا ليك حاجة ما يهبشوها... شئ تحليل بول وتحليل براز والترا ساوند وكشف على الكبد والعيون والكلى و البروستات والاسنان والحلق والبطن وغيره وغيره
يوم 19 اكتوبر دخلت على ال urologist قام طوالى سألنى قال خرطوشك بى يكب بأى زاوية؟....قلت ليهو خرطوش شنو كمان؟ قام فتح ليهو لوحة فيها صورتين فى الاولى التقول نقاطة شغالة كلو تحت الكرعين وفى التانية التقول مركبين ماسورة حريقة ضاربة بعيد!!! دحين انت كيف؟؟؟

[بابكر مخير]

خليني أكمّلو

الأغلى شبو،
قدر ما نقول الواحد بيبقى مع الكُبر!!
حسااااااااااااس وشكاااااااااااااك، "للمعلومية له ننسب ونحن شق من أهلنا الرباطاب ديل"
برضك تقول ليا أكملو...
يعني خلاث، كجنتوهو.....
أبيييييييييييييييت..
لسة فيني قولة...
حبوبتنا الكبرى لي جدنا يابا ود مخير لمن شافت أنها كبرت، قالت ليهو:
يا أمير إتا لسة وخليني أجيب ليك مرتن تانية ;)....
تقول ليا أكمله...
:cool::cool::cool::cool::cool:

[بابكر مخير]

================================
ود عمتى مدينة صباحاتك بالخير
ههههههه انت البخليك تتاوق فى الحتات دى شنو...حب الاستطلاع دا ماك عارفو عمل شنو فى الكديس!!!!
فى البلد الشمالى دا عندهم اهتمام عجيب بصحة العجايز...
حتى لوكانت صحتك تمام التمام كل سنة عندك دورة كشف تمر فيها على كل الاخصائيين تستمر لاكتر من شهر ما يخلوا ليك حاجة ما يهبشوها... شئ تحليل بول وتحليل براز والترا ساوند وكشف على الكبد والعيون والكلى و البروستات والاسنان والحلق والبطن وغيره وغيره
يوم 19 اكتوبر دخلت على ال urologist قام طوالى سألنى قال خرطوشك بى يكب بأى زاوية؟....قلت ليهو خرطوش شنو كمان؟ قام فتح ليهو لوحة فيها صورتين فى الاولى التقول نقاطة شغالة كلو تحت الكرعين وفى التانية التقول مركبين ماسورة حريقة ضاربة بعيد!!! دحين انت كيف؟؟؟



يابا
من أساليب البستعملوها في الإستجواب الكريهة، أنه الزول المشتبه بيجيبوهو تحت حنفية ودي بتنقط بشكل غير منتظم، مرة بعد 5 ثواني مرة بعد ثانيتين ومرة بعد دقيقة وكدآ يعني. آها الزول دآ بينهار وحتى إن كان برئ بيديهم العايزينه من إعترافات....
دحن أولن تبادي...
مسمى خرتوش إنعدم وبقى القياس حنفية وما دون
تاني هام النقطة إلا تتشاف بالميكروسكوب
تالتة الآسافي
حقيقة كدآ؟!
هو ظاتهو تقدر توقل بقى ما في........

_____________

دآ شنهو يا ود خالي بلالي،
كدآ ما كسرتهو تب :eek::eek::eek:
ولا إتا إستأذنات "كوكي" ووافق ليك:rolleyes:

[imported_Hassan Farah]

يابا
من أساليب البستعملوها في الإستجواب الكريهة، أنه الزول المشتبه بيجيبوهو تحت حنفية ودي بتنقط بشكل غير منتظم، مرة بعد 5 ثواني مرة بعد ثانيتين ومرة بعد دقيقة وكدآ يعني. آها الزول دآ بينهار وحتى إن كان برئ بيديهم العايزينه من إعترافات....
دحن أولن تبادي...
مسمى خرتوش إنعدم وبقى القياس حنفية وما دون
تاني هام النقطة إلا تتشاف بالميكروسكوب
تالتة الآسافي
حقيقة كدآ؟!
هو ظاتهو تقدر توقل بقى ما في........

_____________

دآ شنهو يا ود خالي بلالي،
كدآ ما كسرتهو تب :eek::eek::eek:
ولا إتا إستأذنات "كوكي" ووافق ليك:rolleyes:
----------------------------------------------------------
ههههههه يا ود العمة بيقولوا الدين ما فوقو خجل....وكذلك العلم!!!!
دحين نصيحتى لكل العجايز يزوروا الاخصائى دا ويشوفوا حنفيتهم شغالة كيف.... خصوصا ان كان الواحد بيزور الحمام كم مرة بالليل...ام بوالة ان انتفخت كتير بى تجيب ليها عمليات معقدة الله يشفيكم ويشفينا

[imported_AMAL]

والله يابيكو البوست دا قدر ماكبرت اللفة منو
غلبني 😅 الكبر الكبر 😐

[بابكر مخير]

والله يابيكو البوست دا قدر ماكبرت اللفة منو
غلبني 😅 الكبر الكبر 😐

آمولي الغالية.
إنتن لا خوف عليكن ولا حرج..
المرأة، ساعتها بتدور عكس، كلما زادت السنين عليها، إتوقدت حنية وكلما إزدادت الأيام كبرت في قيمتها..
هي في زمانها حبيبة أبوها وفي شبابها حبيبة الوليدات وفي كبرها حبيبة راجلها وفي شيبها حبيبة أحفادها ما هي ياها الشجرة الضليلة الكلهم في ضلها بتضللوا..
نورتي يما

[بابكر مخير]

وإتا صغير في العمر (حكاية صغير دي نسبية يعني حوالي 20 و30 وكدآ يعني) الكلام بالنسبة ليا كان بيطلع بي صعوبة، حتى أذكر الوالدة عليها الرحمة، كانت تقول أني ما بعرف أتونس...
بالله عليك حسي، الميكرفون ما بنقلع من يدك، شئ هترشة في البيسوى والما بيسوى..
زينب بتي مرة قالت ليا وفي حضور أمها؛ يا أبوي بقيت نضام ذي أمي...
دي بيقولوا عليها "عصفورين بي حجر"
غايتهو الواحد كلم ما يفكر في الحكاية دي،،
قلبه بيرتى على سيدات كتيراااااااااااااااات، مدام روفي ومدام توحة ووليدات ناس تانيين برضه طبعا يا كوكي إتا تصنيفك مع أبو رحيق وكدآ..
لساتكم شباب ونشاط :eek:

[عبدالحكيم]

اليوم تأخرت علينا في الجرعة اليومية والصباحية ..
ولو ما جيت قلت أكيد عدا علي الـ urologist

[imported_Hassan Farah]

اليوم تأخرت علينا في الجرعة اليومية والصباحية ..
ولو ما جيت قلت أكيد عدا علي الـ urologist
-----------------------------------------------------------
عبد الحكيم لك التحية مشتاقين
والله فعلا يمكن مشى للدكتور داك...... اصلو ضارب الجرسة من الكبر

[imported_AMAL]

ياشباب بيكو دا الخير والبركة
شباب والله شباب
وقلبو مفرهد
ووناااس :cool:
عبير سودانيات الفواح
وموسيقاها العذبة
ياحليل الزمن الاخضر
يابنفسج عليك الله اظهر 😉

[النور يوسف محمد]

والله يابيكو البوست دا قدر ماكبرت اللفة منو
غلبني 😅 الكبر الكبر 😐


بسم الله الرحمن الرحيم

غايتو البوست ده نحنا ما بعنينا :D:D:D

لكن بينى وبينك قدر ما نلف نلاقهو فى وشنا ،،

يا سعادتك انسى وعيش اللحظة :):):):):):):)

[Abdullahi Gaafar]

بابكر والمتداخلين سلام

النور مادام دايما بتلقي البوست في وشك يبقي انت من ناسو

الليلة مشيت الدكتور قلت ليهو عندي نزلة ابت تروح
اها بدل يكتب لي الدوا زي الدكاترة السودانيين سألني عن عمري
قلت ليهو ستين سنه
تخيل قال شنو
قال دي مرحلة النهاية والبداية لي حاجات كتيرة

قلت ليهو كدي خليني من النهاية لانو عارفك قليل ادب وريني البداية لي حاجات كتيرة كيف
قال بداية المرحلة مثال ليها النزلة البتمسك فيك فترة طويلة وما بتروح بالساهل
عليكم الله دا دكتور
قال نصيحتو اكتر من اكل الفواكه البتحتوي علي فيتامين سي
اها مرقت منو لا حبوب لا حقنة وطوالي اذكرت بوست بابكر مخير دا

سلام

[imported_Hassan Farah]

بابكر والمتداخلين سلام

النور مادام دايما بتلقي البوست في وشك يبقي انت من ناسو

الليلة مشيت الدكتور قلت ليهو عندي نزلة ابت تروح
اها بدل يكتب لي الدوا زي الدكاترة السودانيين سألني عن عمري
قلت ليهو ستين سنه
تخيل قال شنو
قال دي مرحلة النهاية والبداية لي حاجات كتيرة

قلت ليهو كدي خليني من النهاية لانو عارفك قليل ادب وريني البداية لي حاجات كتيرة كيف
قال بداية المرحلة مثال ليها النزلة البتمسك فيك فترة طويلة وما بتروح بالساهل
عليكم الله دا دكتور
قال نصيحتو اكتر من اكل الفواكه البتحتوي علي فيتامين سي
اها مرقت منو لا حبوب لا حقنة وطوالي اذكرت بوست بابكر مخير دا

سلام
----------------------------------------------------------
سلام دكتور عبدالله جعفر
اها يا خوى خليك من كلام دكتور بابكر انت يا خوى الظاهر استجبت لنصيحتى الفوق دى...وحسنا فعلت والدكتور ششششاطر...طوالى سألك من عمرك...بس نسى يقول ليك ما زلت شباب!!! انا والحلبى النصو هندى داك فايتنك بمراحل ...بابكر مخير مكبر نفسو ساكت...ود امبارح!!!

[بابكر مخير]

إسمه منهووووووووووووووووووووووووو
أيوآ، فتحي الضو في هجومه علي مبارك الفاضل (عجبي)، قال وكل إناء بما فيه ينضح، إلا إحنا في السودان بنقول:
الفيكا بدربو والعليك إتناسه.... وفي نفس الموآل؛ الفي قلبه حرقص برآهو بيرقص...
حسي أنا دآ، بتكلم عن روحي،،
ناس نورو وحكيموف ودكتور المنصور، ديل ليييييييييييييييه حايميين في هنانا، غايتهو إلا يكون "كوكي" حرشهم لزوم المراقبة، ما هو شهر ما ليك فيهو نفقة عاد أيامه في شني...
صغاااااااااااار وحلاة الدنيا فيهم..
بالله لمن كنا كدآ في سنهم!! إلا بنتدارآ سااااكت من درب العجايز، خوفا من العدوى.......
بالأخضر

[بابكر مخير]

ياشباب بيكو دا الخير والبركة
شباب والله شباب
وقلبو مفرهد
ووناااس :cool:
عبير سودانيات الفواح
وموسيقاها العذبة
ياحليل الزمن الاخضر
يابنفسج عليك الله اظهر 😉

يا آمولي
بالغتي يا شيخة
أنا زمني دآ كله قايلهو بالبمبآ
تقول ليا بنفسجي
على قولهن؟!
سجمي :eek: النلحق "دكتور" العيون :(:(:(
لي عين واحدة.. ما التانية شايفاهو أخضر،
يخضر يمينك..
علي قول الفنان وقولي!!
"يا ستهم"

[بابكر مخير]

يا حكيم..
شفتا اليوم جيتك من بدري لأنه فيني نقول زعلة لكن بتزعل من الشئ البيكون غلط مرتكب في حقك.
هو في الحقيقة إحباط وقرفة والدنيا ظاتها مسخت...
تتصور جاتني رسالة في تلفوني من البنك البتعامل معاهو لي 8 سنين (أولاد الذين أتقول لمن فتحوا ليا الحساب، ما شافو تأريخ الميلاد)، الرسالة فيها أنه متاح ليا قرض وحسب الراتب بيوصل لحدي متين وخسمين الف درهم "ربع مليون"، قلتا خلآث دي معناها شقة في الرحاب (دي مدينة في مصر، كلها سودانيين) و"عربية جديدة" ما صناعة مصرية من سيارات (نصر) بالمناسبة الأيام دي متوفرات أنواع وخصوصا بلون الأبيض الناصع "كوكي" واخد بالك - خروج عن النص- ...
المهم فرحت وطوالي إستجبت لي الندآ، ما إحنا ولاد أمسك ليا وأقطع ليك (وييييييييييييين يا يابا;);))..
إتصلت وكانت الأمور تسير على خير وجه إلا أن جاء الصوت من طرف الخط التاني بقول سخيف ما ليهو معنى..
قال: لست هناك عائق في أن تحصل على القرض بالمبلغ العايزة، لكن إتا تجاوزت الستين...
يا أخي حديثكم :mad::mad::mad::mad: "بالمؤدب؛ يا أخي ديشكم"
قفلتا التلفون في وشه ذي ما إتقفلت الدنيا قدامي..
إتو مش في حاجة إسمها حقوق إنسان والمساوة بين البشر....
لكن كمان ما الخوجات البيقولا النظريات دي!!
برضهم عندهم حاجة تقفل أبواب المساوة وإسمها Senior Citizen
وتخليك بس على "رحمة الله عليك" :(:(:(:(

أخضر

[بابكر مخير]

بس عديييييييييييل كدآ قالوا لينا:
ما نأكل....
تقضم ليك إن شاء الله لو لبة عيش (سمون ولا حتى رغيف مرحرح)!
تطلع سن :mad:
تمص ليك تمرة (ما هو كونك تلوكها، دي صعبة كتير) تلقاها إتملصت لي حلقك :(
تقول خلاص الأكل دآ ننساهو نبقى "نمص"..
آهااااااااااااااااااااااااااااااااا بعدهو بتقدر على العواقب :eek:
ما إمكن بطنك تمشي (شئ خوف، شئ عدم هضم :o)
أمس قلتا ومع أني عارف أنه ما بعشي أكل ليا ساندوتش بتاع "سجك" يعني أكلهو وكدآ...
قضمت وقلتا الوك وعضمة حسيت بيها :rolleyes::rolleyes:
أترايهو جزء مقدر من الضرس وقطع شك ما العقل ولا اللبن..
آها دي حالة عليكم الله..
http://sudanyat.net/vb/attachment.php?attachmentid=1253&stc=1&d=1477460693

شوف حسي كدآ بيضحك وما عارف أنه تاااااااااااااااااني راجعا ورادا ليهو;);)..
عدم السنون طبعا

[Abdullahi Gaafar]

يا بروف تشكر
بس ما اظن تاني في شباب بعدين نصحيتك لسه ما بقيت عليها !
شايف بابكر ابو يدوهو القرض عشان بلغ الستين
اها دي برضو بداية مرحلة البداية لعدم وجود ضمانة عمرية لتسديد القرض وبالتالي يمنع البعض من الاستمتاع ببعض الخدمات المقدمة من البنوك مثلا
بابكر يا خوي ممكن تشوف ليك محامي بس يكون عكلييتة شديد يبدا بي حكاية الاعمار بيد الله وما عندها علاقة بالقروض ...يقلع ليك القرض وكمان ممكن يطلب تعويض علي الاثر النفسي المصاحب لقرار المنع بسبب العمر
بالله كان عملتها ما تنسانا من العمولة ان شاء الله من التعويض

سلام للجميع

[imported_Hassan Farah]

بس عديييييييييييل كدآ قالوا لينا:
ما نأكل....
تقضم ليك إن شاء الله لو لبة عيش (سمون ولا حتى رغيف مرحرح)!
تطلع سن :mad:
تمص ليك تمرة (ما هو كونك تلوكها، دي صعبة كتير) تلقاها إتملصت لي حلقك :(
تقول خلاص الأكل دآ ننساهو نبقى "نمص"..
آهااااااااااااااااااااااااااااااااا بعدهو بتقدر على العواقب :eek:
ما إمكن بطنك تمشي (شئ خوف، شئ عدم هضم :o)
أمس قلتا ومع أني عارف أنه ما بعشي أكل ليا ساندوتش بتاع "سجك" يعني أكلهو وكدآ...
قضمت وقلتا الوك وعضمة حسيت بيها :rolleyes::rolleyes:
أترايهو جزء مقدر من الضرس وقطع شك ما العقل ولا اللبن..
آها دي حالة عليكم الله..
http://sudanyat.net/vb/attachment.php?attachmentid=1253&stc=1&d=1477460693

شوف حسي كدآ بيضحك وما عارف أنه تاااااااااااااااااني راجعا ورادا ليهو;);)..
عدم السنون طبعا
----------------------------------------------------------
ود عمتى مدينة سلامات
اقسم بالله العظيم قبل ان افتح بوستك دا كنت جايى اسألك:السنينات كيف؟
هسع زى دا بيسموه شنو؟

[بابكر مخير]

ي
بابكر يا خوي ممكن تشوف ليك محامي
ويييييييييين يا عنيا :(:(:(:(
إتا!
هآ، أنا هنا :eek:
ما في لندن ;);)

[بابكر مخير]

----------------------------------------------------------

هسع زى دا بيسموه شنو؟


بسموهو
آخر الفينا، خلاص...
و تقول ليا الدكتور بيسأل! عن أمور إن تبدو له تسوئهو

[بابكر مخير]

هل ممكن يكون؟
يوم وما فيهو جديد.
دي الحاجة الوحيدة الجميلة البتنشاف مع الكُبر "الثقيل" دآ..
كل شئ عْتق وقِدم ونخآ وإتبشتن وإنهرى وصدآ.
بس!
برضك في حاجة جديدة..
اليوم وكل يوم في نفسة جديد. مافي السبقة وما متل يومن قبله ولا يومن جآييهو.
يعني ذي بصمة اليد واحدة وغير متكررة.
"ملخصهو؛ مشاركة، تحسب في الحسنات" ;)

عشان آمولي بالبنفسج

http://sudanyat.net/vb/attachment.php?attachmentid=1254&stc=1&d=1477545129

[بابكر مخير]

اليوم الصباح القومة من السرير، شكلها عجيب..
تجبد في رجلينك وتتمحرك في الإعتدال للقيام الإنجاز الأعظم، ما هو حكاية دايرا ليها عزيمة وشَّكِيمَة وتحمل "الشكم" (دي كلمة بالفارسية ومعناها ذي مغص البطن) المرافق لك حركة تنوي القيام بها. دآ من ناحية والناحية التانية كل قطعة فيها عضمة تربطها مع التانية غضروف (ودآ طبعن إتهرآ ونشف وبقا هو ظاتهو عضم) تطقطق والسرير برضك يطقطق من كترت الحركة "الما منها فايدة، ما ذي طقطقت فترات الشباب:eek:"
ياااااااااااااااا "كوكي" الحق ;)
المهم.
أخيرا تحققت المعجزة اليومية وقمت من السرير وبعد الطقوس المتعبة، ما حكاية الحمام دي فرض عين بس بيني بينكم حيكون فرض كفاية وإمكن ما ينفرض بعد فترة.
للدولاب لإختيار الشئ البيتلبس ساهل، لقيت ليا بنطلون جريته وأعاد ليا ذكريات،
قبل 12 سنة والله إتنااااااااااااااشر سنة والغريب المقاس لساتهو "فيت"..
دي حاجة واحدة "الكُبر" ما لحقها، حكاية أني أكان قمصان ولا بناطلين وحتى (يكرموا القارئ) الجزم ما بستهلكآ وتعيش معاي..
بتذكر أيام الطفولة ونفس الأمر، يقوموا الوالدين (عليهما الرحمة) لمن قاسم "يااااااااااا حليلوه" يستهلك ملابسة يشتروا ليهو الجديد وأنا لا... "ما لسة الما محتاج" آها أقوم أَلْجَأَ للخطة "باء" وأقطع الملابس..
نهايتها، ما بيشتروا ليا الجديد بل بتم "تدويرا" recycle. ما الوالدة كانت شاااااااطرة في مكنة الخياطة
ما دآ وبس!!
فيها علقة كمان...

[imported_Hassan Farah]

‎Haitham Ezzldaen Ezzldaen‎ to حكايات وامدرمانيات الاستاذ شوقي بدري

في أوروبا
مجرد أن يزعل الرجل و تزداد عليه الضغوط يكره الحياة و يقرر الإنتحار
أما السوداني :
مديون
متشاكل مع مرتو
دوام طويل و أحياناً بلا راتب
و البيت إيجار و غالباً مطرود
و العربية في الورشة
حموضة ، قولون ، ثعلبة ، ضغط ، سكري
وحساب في الدكان
و التلفون خربان ما فيه رصيد
و تلقاهو في الشغل رافع رجل فوق رجل و يشرب في الشاي و يقول لأصحابه *دايرين نعرس ياخ*
الله يثبتك يا قاهر الصحراء دائماً معنوياتك فوق 💪😂
منقول من الفيس بوك

[بابكر مخير]

مجرد أن يزعل الرجل و تزداد عليه الضغوط يكره الحياة و يقرر الإنتحار
ويندم، ما الإنتحار حرآم وبيدخل النار
يبقى "الرجل" زاد الطينة "بلة"

أما السوداني :

آها دآ ينتحر كيف وهو أصله ميت :eek:

عني لو سألت
ما موضوع ضغوط ولا الذي منه
لكن الجسم الكله وجع
يخليك زهجان أكتر من زعلان
والإحباط الأكبر
لمن تتذكر العنفوان
والأيام زمان...
يا أخي والله ما الإنتحار
لكن حالة أخير منها العرس :mad::mad::mad::mad:

[imported_Hassan Farah]

ويندم، ما الإنتحار حرآم وبيدخل النار
يبقى "الرجل" زاد الطينة "بلة"

آها دآ ينتحر كيف وهو أصله ميت :eek:

عني لو سألت
ما موضوع ضغوط ولا الذي منه
لكن الجسم الكله وجع
يخليك زهجان أكتر من زعلان
والإحباط الأكبر
لمن تتذكر العنفوان
والأيام زمان...
يا أخي والله ما الإنتحار
لكن حالة أخير منها العرس :mad::mad::mad::mad:
----------------------------------------------------------
ود عمتى صباح الخيرات
هههههه كلنا عندنا منو وبالزايد
اهو صباح اليوم قمت فى وقتى المتعود عليهو جيت لقيت الخواجات جارين الزمن ساعة للخلف قاليك بمناسبة دخول الشتاء انقر قدرت تميت نومتى؟
اليوم 31 اكتوبر نهاية شهر
طوالى مشيت على عداد الموية السخنة والموية الباردة سجلت قراءاتها ... ورسلت الارقام بالايميل لادارة العمارة عشان يبعتوا لى الفاتورة....هسع لو كنت صبى الساعة دى ما كنت اخدت لى فيها شخرة

[بابكر مخير]

ناس تشوفها تفرح ويذكروك حلاوة الدنيا، بس كمان تشوف التغيير في شكلها،،،
تنغمآ..
أول أمس لاقيت دكتور كرار ذآك الطالب الجميل ذو الشعر الأسود الدآكن، سبيبي ومتدلي لين جبهته. لمن جآنا في تشكوسلوفاكيا كنت نهائي الدراسة وخلاص يعني مخضرمي مجموعة السودانيين. كنت بشوف فيه روحي أول أيام جيت..
حسي وهو ما شاء الله بعد هذه السنين برضك فيهو من بقايا الوسامة والحلاوة بس متسترة تحت غبرة الزمن.
الشعر ما شاء الله للجبهة لكن أبيض قطنة...
أمس التقيت دكتور سعيد، بالله عليك زمان لمن تشوفهو وكأنك أمام عارض أزياء لأفخم بيوتات الموضة وكان يحليها ديمة ببسمة و"سحسة" عيون مميزة لهو ولا تغيب عن من يراه. بس برضك هندام ونظاكة لكن "الثقيل" أثقل من حمله على كاهله، فإنحنئ الظهر وثقلت الأرجل وإكتئبت نظرة "السحسحة" وحلت مكانها "تغميدة" وهناك أمر لاحظته في نظاكتهو..
قدر ما كان بعتني بأنه الكرفتا تكون نازلة عامودية ولياقة الجكتة مغطية للقميص من الخلف..
الكرفتا كانت فيها لفة ربما لا يلاحظها من لا يعرف تأريخ الدكتور الأنيق، كانت منحرفة قليل ورميتها ما مظبوطة "ذي ما قلنا من قبل كدآ، الترزية المصريين لمن تجي تفصل بنطلون بيقولوا ليك؛ بترمي فين يا بيه" ولياقة الجكتة كانت ملامسة للعنقرة دون أن تسمح لي رقبة القميص أن تظهر كخط رفيع يفصل بين صوف الجكتة وملمس الجلد الأبيض الذي يتميز به سعيد..
كان هذا من الدلائل المدموغة بأن الكُبر" قد نال منه المقصدُ
كسرة: سعيد دفعة (حسب شهادة التسنين وهو أصغر)

[بابكر مخير]

فجة وصحية
_____________

بالله عليك مع "الثقيل" دآ، إلا بعض مرات حاجات كدآ من ورآ المخ تجيك نابلة..
ذكرتني الحكاية دي بوستات شوقي بدري..
هو طبعا وما شاء الله وربنا يديمها ليهو مع الصحة الوافرة، ذاكرته أصلن قوية، لكن بتنبل منه حاجات كدآ تتناقض وكل نظريات الدنيا البتتكلم عن "الكُبر" وضعف الذاكرة..
آها أنا مثلن، أقوم أسمع القرآن الكريم، سور كدآ رابطي بيها كان "الجْلِد" ما كنت ما حافظها. حسي بالله أرصها بسهولة أكتر من تذكر رقم تلفوني.
بعض مرات تجيني الفجة دي وأتذكر زول. أمسك أضرب ليهو تلفون ويكون الكلام دآ بعد أني آخر مرة إتذكرت حتى إسمه. قبل ستة وسبع سنين وحاتكم لمن هو ظاتهو يتخلع،،
ها يا بابكر المناسبة شنهو، أقول ليهو؛ صحية من دغمسة وإسمك ونمرة تلفونك جني ناطات..
حسي إتذكرت زميل حبيب وغالي ربيع عبد المعطي نجار.
أجمل من الرجال من رأت عيني والخالق لم يعطيه الجمال فقط ولكن تأكيدا لإبداع الخالق، لحم ليهو شامة أسفل الخد.
ويمكن لو شافته إمراة العزيز كانت قدت ليهو قميصه من دُبُرٍ ومن قوبلن :eek:
"كوكي" ولا يأخذنك الظن مأخذ آخر:eek::eek:، والله حكاية بس ذكرت وعفواً:rolleyes:

[بابكر مخير]

قلتا أكتب عن "الكبر" والبحصل منه في أمرين!
واحد، لمن الزول ينوم وأثناء النوم بيشتغل فيديو إما لأحداث لها رابط مع احداثيات اليوم أو الأيام الفايتة أو لي رموز لأحداث ربما تحدث أو حتى لأمر في نفس الزول وماااااااا بقدر عليها (ودي ذي حالتي الحاصلة وتكون فهمت يا "كوكي":eek:) وبيقولو ليهو (الحلم) ونخليها كدآ من غير تشكيل.
التاني، هو يفسر بالصبر في بعض الأحيان يعني حاجة أغصبتك وتحملت عليها وكتمتها جوآك أو ممكن تكون ما تحمتلها إلا لأنك مااااااااااا عندك القدرة وتعمل "زغبير وتصهين" ودي من الخوف سسسسسسسسسسسسساكت، وبرضها بيقولو (الحلم).
آها قلتا أستعين بالعم قوقل عشان يديني مفاتيح المواقع الملمة بالعربية بتفسير مَحض.
جاطة معآي ورجعتني لي فقهي القبل كدآ قلتا فيهو، أخير الكتابة بطريقتي ما بالتشكيل ولكن بالحروف،، يعني حرف الجر يكون يآ والبتاعة البتكون مدبلة ([SIZE="5"ٍ) ً، ٌ، ٍ[/SIZE]) يستعاض عنها بالياء والنون معن...
المهم
بين الإتني ديل؟؟ وعمنا قوقل فشل وكل العمله توهني في الشغل اللاحق دآ...
http://www.almaany.com/ar/dict/ar-ar/%D8%A7%D9%84%D8%AD%D9%84%D9%85/
وعليه قلتا نسيب الموضوع بي رومتو...
هي طبعاً تكتب (بِرُمَّتِهِ);)

[بابكر مخير]

الملكة اليزابيث " طال عمرها;)" لمن يقضي الله أمرا مكتوب وريثها الأول تشارلس (برضك طال عمره:rolleyes:) يعني القاد كملك المملكة المتحدة وأيرلندا وملك دول الكمنولث جميعها. الجميل في الأمر أنه دفعة.
الحليف الأكبر لبريطانيا، تأريخين ومستقبلن هي أمريكا واليوم تحمل الأخبار أن القادم للبيت الأبيض وصاحب المكتب في القاعة الدائرية هو دونالد تريمب.
آها صاحبنا برضك دفعة وما أخفي عليكم العديد من رؤساء وملوك وسلاطين حاكمين في العالم برضك دفعة وأكبر...
آها نجي تأني لي قولت:
فضيحة الفقيرة مشهورة وفضيحة الغنية مستورة.
ناس أنا الفقيرين ديل يقدونا
عجوز
كبرت
إتا دقآ قديمة
وكمان إمعان في الظلم:(:(:(:(
يختموها بقولة :mad:
أمورك كلها وقفت إلا ؟؟؟؟؟ :p

[بابكر مخير]

وأهو
ترامب فاز بالبيت الابيض
حتى كلينتون ظاتها هنئتهو
يلا لي قدام يا "دفعة"
فلتعش السبعين من العمر والضاقها هنئيا ليهو
واللساتهو
إن شاء الله يضوقها

[Abdullahi Gaafar]

يا ربي قلة النوم دي برضو تكون بي سبب الكبر

اليومين ديل النوم بقي بس تلاتة لي اربعة ساعات بالكتير

مبروك لي ترامب ..العالم محتاج للخروج من الروتين ... خليهو ان شاء الله يفرتكو زاتو

سلام بابكر وبقية الناس الكبار

[بابكر مخير]

يا ربي قلة النوم دي برضو تكون بي سبب الكبر


عوبد، الحبيب
يا زول كُبر شنهو، لساتك ماوصلت عمر الرؤساء والملوك القدميين، يعني عمر وزراء وكدآ :cool::cool::cool:
إتو تعالوا، عمر البشير ما برضه في العمر دآ،،، لكن تسنين طبعا وهو أكبر في العمر بس:(
______

تعرف حكاية النوم دي
أمرها عجيب..
الساعات بقل عدد النوم فيها، لكن في الحقيقة!!
الساعات الفي اليوم بتتنام، بتكون أكثر وموقاربة لعدد ساعات نوم الطفل اليافع "الرضيع، نوع البيقوم (يرضع) وينوم تاني"
الساعات المفروضة وهن تمانية بالليل، بيمونن ياهن مجهجهات وفي مجموعهن ما فوتن الخمسة بتاعاتك ديل.
لكن بالله عليك، دقسات نوع الرأسك براهو يقع لمن الحنك يلاصق الصدر، ديل بيكونن في مجموعهن تلاتة لي أربع ساعات في اليوم،
تكون بتتفرج في التلفزيون ولو في فيلم وطوله ساعة ونص، مجموع البتكون شفته نص ساعة والساعة غفوة حلووووووة كدآ
يابا هو في اللحظات الحاسمة
الواحد بيدقس :rolleyes::rolleyes:
وبرضك تقول ليا النوم بيقل... :cool::cool::cool::cool:

[بابكر مخير]

نشوف الشباب اليوم وهم يتصرفوا بعفوية وحسب الطرق المتعامل بها في زمانهم هذا (ما إحنا زمنا رآآآآآآح) نشوفهم ونقوم ننتقدهم دون تذكر ما كنا إحنا بنعمله في شبابنا والعمر المماثل لي عمرهم الحالي. كيف كنا بنحرق دم الأكبر دون الشعور بالآذى الكنا بنجيبه ليهم.
يومتها ومع شباب حلويين في عمرهم متقاربيين وأنا ومعاي واحد تاني "جلاكين" بنلعب كوتشينة (وست بي فهمي تقنية القرن الماضي وهم بي حضارة حسي وترامب رئيس أمريكا، يعني الحديث والمستحدث).
حصل إختلاف في الراي وطبعن حسب ضغوط العمر الكأنه الواحد شايلها حمل في ضهره، شفتا أنهم ما بيراعوا الذوق ولملمت كرايكبي وإنهزمت. يعني الود زعلان ومستني منهم إتصال يعتذروا..
مشيت البيت وجلست أتأمل وأجتر الحادثة..
ضحكت من نفسي وإتذكرت القولة بتاعت: تلعب مع الجريوات ....
طيب ما إتا أصلن يا تبقى تتعامل بي عقليتهم الثائرة أو أنك تنهزم في بيتك بي عقليتك المنغلقة.
ركبت العربية ورجعت وقبل أوقل شئ..
وين يا دكتور قيمك رآح، لكنك والله التقول شميتها.. زميلك في قبوله أخدها "السيك"..
ضحكت علي الحصل لي زميلي وعلى نفسي الأني دقة قديمة، ما هم أصلهم في فورة شبابهم ما شعور بأني زولن تفكيرة رجعي..
ومن يومها بقى الجينز سروالي لمن أكون ماشي عليهم.. :o

[عبدالحكيم]

ضحكت من نفسي وإتذكرت القولة بتاعت: تلعب مع الجريوات ....
طيب ما إتا أصلن يا تبقى تتعامل بي عقليتهم الثائرة أو أنك تنهزم في بيتك بي عقليتك المنغلقة.
ركبت العربية ورجعت وقبل أوقل شئ..
وين يا دكتور قيمك رآح، لكنك والله التقول شميتها.. زميلك في قبوله أخدها "السيك"..
ضحكت علي الحصل لي زميلي وعلى نفسي الأني دقة قديمة، ما هم أصلهم في فورة شبابهم ما شعور بأني زولن تفكيرة رجعي..
ومن يومها بقى الجينز سروالي لمن أكون ماشي عليهم.. :o

Hi دكتور وينك ..
من لاعب الجريوات خربشنو ...
عدت أدراجك .. يكون قالوا ياخي العجوز الثقيل ده رجع ..:p
من كان له شباب فليتشابى لهم بحبوك ..

إليك هذه القصة .. للتسلية وانت تتشابى بسروالك الجينز ...

من كان له صبي فليتصابى له ... الحديث

تحكي واحده عن زوجها ..

قالت لي صديقتي: كنت أنتظر مولودي الأول، وذات يوم اصطحبني زوجي في نزهة، وفي النادي لمحنا رجلا جاثيا على ركبتيه في حديقة الأطفال يلاعب طفله الذي مازال يحبو.
انتقد زوجي ما يفعله هذا الأب، وتغيرت ملامح وجهه، وكأنه يشفق عليه من تعليقات رواد الحديقة، وقتها قلت له مداعبة: الأيام بيننا، وستفعل مثلما يفعل عندما يأتي طفلنا، فرد علي باستنكار: أنا محال.
ومرت شهور الحمل، وجاءت طفلتي الأولى، وكبرت، وحَبَت، وحملها زوجي على ظهره، وانحني أمامها ليلاطفها وجها لوجه، وتنازل لها عن ركبتيه لتستخدمهما كأرجوحة.
وحين ذكرته بالموقف القديم ضحك وقال: صحيح.. من سمع ليس كمن رأى.
فبادلته الضحك وقلت: بل من كان له صبي فليتصابى له، كما قال رسول الله (صلى الله عليه وسلم).
ولأن هذا الحديث يتفق مع الفطرة الإنسانية السليمة، فقد فعلت يا زوجي ما اعتبرته منذ عامين محالا.
ويشرح د. علي الحمادي - مؤسس ورئيس مجلس إدارة مركز التفكير الإبداعي بدولة الإمارات المتحدة - بعض دلالات هذا الحديث النبوي الشريف فيقول: إن كل إنسان يمر في حياته بمراحل متعددة، ولكل مرحلة طبيعتها المميزة، فالطفل له طبيعة تختلف عن طبيعة الشاب، وطبيعة الشاب تختلف عن طبيعة الشيخ المسن، والرجل تختلف طبيعته عن طبيعة المرأة، وهكذا. ولذا يجب علي الإنسان أن يتعامل مع الآخرين بما يتناسب وطبيعة مرحلتهم، بل يجب عليه أن يترك الآخرين يعيشون مرحلتهم، فالطفل يحتاج إلى إشباع حاجة اللهو واللعب، والمرأة تحتاج إلى التدليل، والوالدان يحتاجان إلى البر..إلخ.
من الأخطاء التي يرتكبها بعض الناس أنهم يريدون من الطفل أن يكون رجلا فيترك اللعب واللهو، ومن المرأة أن تتعامل بخشونة وكأنها رجل، وكل ذلك لا يصح؛ لأنه مخالف للطبيعة والفطرة البشرية، وقد يتسبب في نشأة الإنسان نشأة غير سوية، وربما لا يظهر ذلك إلا بعد حين، وصدق المتنبي:
فإن الجرح ينغر بعد حين .... إذا كان البناء على فساد
لقد كان رسول الله (صلي الله عليه وسلم) يلعب مع الأطفال، ويمازحهم، فقد ثبت في الصحاح أن رسول الله (صلي الله عليه وسلم) قبل ابنه إبراهيم وشمه، وأنه تأخر في السجود تأخرًا ملحوظا، فلما سئل عن السبب بعد الصلاة قال: ((إن ابني ارتحلني وأنا ساجد فكرهت أن أعجله))، وكان الذي فعل ذلك هو الحسن ابن ابنته فاطمة رضي الله عنهم أجمعين.
كما ثبت أنه كان يضع الطفل في حجره حتي ربما يبول عليه، فكان يرش موضع البول بالماء، وثبت أنه حمل أميمة بنت ابنته زينب على عاتقه وهو يصلي.
وأخرج الحاكم عن ابن عباس (رضي الله عنهما) قال: أقبل النبي (صلي الله عليه وسلم) وقد حمل الحسن على رقبته، فلقيه رجل فقال: نعم المركب ركبت يا غلام، فقال رسول الله (صلي الله عليه وسلم): ((ونعم الراكب هو)).
وأخرج ابن سعد عن أبي سلمة بن عبد الرحمن قال: كان رسول الله (صلي الله عليه وسلم) يدلع لسانه - أي يخرجه - للحسن بن علي، فإذا رأي الصبي حمرة اللسان يهش إليه، أي يسر، وتنبسط أساريره.
وأخرج ابن سعد عن عبد الله بن الزبير (رضي الله عنهما) قال: أشبه أهل النبي (صلي الله عليه وسلم) وأحبهم إليه الحسن بن علي، رأيته يجيء وهو ساجد فيركب رقبته - أو قال ظهره - فما ينزله حتى يكون هو الذي ينزل، ولقد رأيته وهو راكع فيفرج له بين رجليه حتى يخرج من الجانب الآخر.
ويروي ابن أبي الدنيا وابن عساكر عن جبلة بن سحيم قال: دخلت على معاوية بن أبي سفيان - وهو في خلافته - وفي عنقه حبل، وصبي يقوده، فقلت له: يا أمير المؤمنين، أتفعل هذا؟ قال: يا لكع، اسكت، فإني سمعت رسول الله (صلى الله عليه وسلم) يقول: ((من كان له صبي فليتصاب له))، وقال ابن عساكر: غريب جدا.

[بابكر مخير]

من الأخطاء التي يرتكبها بعض الناس أنهم يريدون من الطفل أن يكون رجلا فيترك اللعب واللهو

الحبيب عبده وأنت سيد الحكمه ومستبشربك من أحسنت له حكمً،
شكري للإطلالة والمشاركة المرصعة بأحرف، قرائتها متعة وفهمها حكمة وختامها خليهو سآكت:cool:.
عندي صديقي وهو دفعتي برضك بس إستسلم ونزل "معاش"، بتكلم معاهو يومتها في التلفون: وينك، قاعد في البيت مربية أطفال لي حفيدي،أصله أمه شغالة... هههه بقت فيك يا صاحبي... دآ هين يا بابكر، المشكلة في الهبل البقينا نتهبله مع الشفع، بالله عشان تجر إنتباهو إلا تبقآ "أرجوز"...
فعلن مع الأحفاد تبقآ أهبآآآآآآآآآآآآآآآآآآآآآآآآآآآآآآل..
لكن شكرا ليك،
طلعتها لينا إتباع سنة goood
...........................

كوكي بالله عليك سؤال؟؟؟؟؟
عبد الحكيم بتحمال الجآية دي :confused::confused:
السنة دي سهلة، شوفوا لينا طريقة مع السنة ديك :eek::eek::eek:

[بابكر مخير]

يا زووووووووووووووووووول
قالوا:
جآ يتفولح
جاب ضقلها يتلولح...
الود خلاص بقآ مرجع خطط شمولية، إستراتيجية، مرجعية، سحلية ومحلبية
بس ناااااسي أنه يومين ويدق الدلجة...
لكن ما في ناسي شغلانتها ملاحظة الأمور الما بتدسدس.
وجاء الخبر اليقين
خلاث يابا حضر نفسك السنة الجآية شوف ليك صرفة..
في لحظتها بتحز في النفس أنك (بعضهم بيقول: إتفنش وبعضهم إستقناء عن الخدمات والإتنين شينات، ليه ما يقولوا مثلا، هناك مجالات تانية ممكن تسفيد من أكتر "أجمل شئ أنه قال ليا مديري الجديد، شاب في منتهى الرقي")
خلاث إستغنوا...
هنا بقآ مربط الفرس
هل بستسلم وأدخل في دوما دبرسة ولا بتجاوز المرحلة وأفكر أنه لسة فيني فايدة....
حبوبتنا زوج الأمير يابا ود مخير لمن كبرت، قالت ليهو، يا الأمير إتا لساتك فيك شئ وأنا خلاث، أها نجيبو ليك عروس وقد وقد أنجب الرجل وهو عمره اربعة وتمانيين..
أكون ذي جدي يا رب
النشيف :cool::cool::cool:

[بابكر مخير]

توب القنجة من كترت إستعماله ببقى ارقآ من شاش الإسبتالية وعمة الكرب الأصلية بعد تقدم بتبقآ يصفوا بيها الروآق للعصيدة والزول لمن يكْبر يبقآ عبئا تقيل علي قلوب الناس....
يغيب، يبتعد، يسافر ويمكن حتى يموت
مآآآآآآآآآآآآآآآآآآآفي زولن يطراهو.
طبعا دآ أخف الأمور، ما هو يمكن تصل مرة؟!
الحمد لله...

[ناصر يوسف]

توب القنجة من كترت إستعماله ببقى ارقآ من شاش الإسبتالية وعمة الكرب الأصلية بعد تقدم بتبقآ يصفوا بيها الروآق للعصيدة والزول لمن يكْبر يبقآ عبئا تقيل علي قلوب الناس....
يغيب، يبتعد، يسافر ويمكن حتى يموت
مآآآآآآآآآآآآآآآآآآآفي زولن يطراهو.
طبعا دآ أخف الأمور، ما هو يمكن تصل مرة؟!
الحمد لله...

حبيبنا الجميل د. بابكر

تحايا وشوق ومحبة تعلم مداهم يا حبيب

المسألة ما في كونك تغيب وترجع وتلقي مافي زول فقدك

كلنا بنغيب يا دكتور

بنغيب غصباً عننا والله

ممغوصين ومقهورين ومطعونين ومقتولييييييييييييين ياخ

ربنا يدينا قُدرة نكون متواجدين هنا علي الدوام نعمر بيتنا الكبير ده والله

[بابكر مخير]

حبيبنا الجميل د. بابكر

تحايا وشوق ومحبة تعلم مداهم يا حبيب

المسألة ما في كونك تغيب وترجع وتلقي مافي زول فقدك

كلنا بنغيب يا دكتور

بنغيب غصباً عننا والله

ممغوصين ومقهورين ومطعونين ومقتولييييييييييييين ياخ

ربنا يدينا قُدرة نكون متواجدين هنا علي الدوام نعمر بيتنا الكبير ده والله

ديمة واقف فوش المدفع درق
شيال الهموم، رواق الأرق
كلامك عسيل، "رحيق"، نسيم تشمه
تقراهو كانه مسطر في ورق....
__

نخليك يابا
معا العصيان
وربنا يكون في العون
نصرا وإنتصار
آمين

[بابكر مخير]

ما في حاجة في الدنيا بتتغير غير الإنسان
فصول السنة ياها ظاتها، الشمس من يومها بتشرق شرق وتغرب غرب، الموية أساس الحياة والخلق ياها الشجر والتراب والسماء والارض.
الموت حق والولادة مستمرة، تجي ناس وتمشي تاني.
الإنسان هو الوحيد البتغير
طبعه، شكله، أخلاقه، خلقه،
زمان وما زمنن بعيد
الإنسان السوداني! عزيز نفس، كريم، متجرد، عطآي.
إتغير لي مستكين، شحيح، سئآآآآآآآل
زمنا وهو بالنسبة لناس المك نمر والمهدي الإمام وعلي عبد اللطيف، برضك ما زمنن بعيد.
مرقنا في أكتوبر
شفنا كيف الأصغر مننا ولعو رجب/أبريل
حسي
عووووووووووووووووووووووووووع

[بابكر مخير]

لي البشير رسالة وبي هداوة وعقل.
ذي ما ليك جدود ليا جدود بتذكر منهم رجاحة العقل وسداد الرآي، عرفت منهم لي ديك العاشرتهم؛
أجدادي الطاهر ود الأمير أبراهيم مخير وجدي حسن الأمير يعقوب كان متشاركين في المهنة الإتعلموها في فترة أسرهم في مصر قدر ما هم أبناء أمراء لكنهم كانوا فاجيين الواطة وقاعدين فيها، كلامهم سمح منتقى وما أظنهم في يوم زعلوا زول ولا أغضبهو، جدي عبد الكريم بدري، الناس بتعرفوا أكتر مننا أبنائه وأحفاده بخلق عظيم وشقيقه جدي الخضر بدري وهو من المهندسين الشاركو في تشييد هيثرو لندن وليه أعمال من أحبها الي قولبنا من الأسرة هو مسجد شيخ بابكر بدري وهو الجد الذي آسرا شعبه وأمته على نفسه وأسرته وأهله حين سجل كل ماهو "أحفادي" ماضيا وحاضرا ومستقبلا بإسم الشعب السوداني وترك مهمة تحمل العبء و إنجاز المهمة (شبه المستحيلة) على عاتق أبنائه وبناته وبناته وأبنائهم بناتهم وبنات وأبناء أبنائهم وبناتهم من بعده ويقف يوسف عليه الرحمة والعميد قاسم الأن شهود على ذلك لهم التجلية والإحترام، منهم كذلك صديق مخير مساعد مدير الشرطة ذلك الرجل الذي بيننا من آل مخير علم، عالم وهو العالم بكله بطيبته ودرايته ومعرفته.
ولي ديك الماعاشرتهم، أبوالقاسم مخير وهو عاش وسط أهلك (الجعليين) مهندس سودن مشروع قندتو وعمل كمدرس في مدرسة الزراعة بكلية كتشنر، منهم يوسف بدري الذي كان حال إخوته بابكر وعبد الكريم (العم) وخضر؛ ناكرا لذاته مقدما غيره على نفسه حتى حياته الغالية وهبها لي ديك الكان طالبهم سداد دين وحين لم يستطيعوا أخذ حياته بنفسه تاركهم يعيشون حياتهم دون حرج ودون – غلبة الدين وقهر الرجال-. سيدي الخليفة وقدر ما وصفة فترة حكمه بالجور والظلم إلا أنه لم شمل السودانيين وجعل منهم دولة تحمي جيرانها وترعب الإستعمار، الأمير يعقوب ويكفى أنه لقب بجراب الرآي (شهد له بابكر بدري بعظمة شأنه)...
ودآ كله قصدت منه أن أذكرك بجدودك أيضا الذين لا بد أنك تتفاخر بهم وهم فعلا مدعاة تفاخر.
آها،، غير دآ إتا وأنا ولاد عمر واحد، عشنا حياتنا في أولها أواخر أيام الإستعمار وفي بدايتها ديمقراطية حكم الأبوين المقدرين والمرحومين بعفونه ولطفه إن شاء هو الواحد الأحد؛ عبد الله خليل و إسماعيل الازهري "دون تقديم أحد على الأخر، ثم حكم إبراهيم عبود والذي برغم كونه حكم شمولي عسكري إلا أن العقل ومحنة الأبوة كانت شفيع في بعض الأحيان لقبح "حكم العسكر" ثم حكم الديمقراطية الثانية ورغم قصرها فقد كانت ممتعة، عرفنا فيها الأحزاب والليالي السياسية ونشاط الشباب والتنظيمات والنقابات التي كانت حكرا على أهل اليسار وظهر خلالها التيار الإسلامي بشكله المستورد وسط مجتمع كله إسلام التسامح والمحبة. وجاء نميري ووقتها كنا في قمة فورة الشباب وتشتت جمع أبناء عمرنا، فكان الجيش حلم الكثيريين لسرعة صرف الرواتب فيها وكان هذا سبب للكثيرين ممن كانوا طامحيين في الإستغلال بمواردهم ومنهم من إختر الجيش لصرف راتب بطريقة أسرع ما هن سنتين وفي الكلية الحربية وبعدها ضابط بي راتب لمساعدة الأهل ومن من ذهب للجيش لطموح شخصي وربما عقدة السطوة والكآكي ومنهم من أغلق أمامه السبيل ولم يوفق بدرجات أكاديمية تعطيه فرصة الإستمرار في الدراسة والتخرج بي شهادة جامعية. وعادة الديمقراطية التي لا تزال ولن تنفك في جهدها لتكون نظام حكم مستدام رغم هذو وهزآل أبناء الوطن الذين لا ينفكون في حربهم ضد إرادة شعبهم والرغبة الدائمة في ظلمه، جاءت الديمقراطية لكن لينحرها نفر ما كان لهم أن يفعلوا فعلتهم المشينة هذه إلا لأسباب واهية وبرغبة من أمراض أشخاص قضى الله عليهم بعد أن أفسدوا حياة الأمة. بتذكر أنه أوائل أيام إنقلاب 25 يونيو، أنا رفعت شعار النهادنة وأنه الناس تتصل بيكم وأننا نتفق على أنه الأربع سنين بعد الإنقلاب تكون هي فترة يوكل لكم فيهو بالحكم تعقبها إنتخابات حرة بالصورة الديمقراطية التي يتراضى بها ةعليها وفيها حيبين الحق على الباطل، إن كنتم حكمت بصورة يرتضيها الناس فهم قطعا سيعيدوا إنتخابكم و\إن أخفقتم في تحقيق طموحات الشعب حينتخبوا غيركم. كان هذا أملي ولكن لم يستحسنه الكثيرين ممن لم يضعوا ثقتهم فيكم من اللحظات الأولى "أنا نفسي ما كان عندي فيكم رجآ، لكن قلتا أنه رأي دآ هو خيار أم خير".
خلاصة قولي دآ ورسالتي دي البتمنى أن تصلك بشوفها كلام من زول ود عمرك، بيحب بلده وأريتك تكون متلي بتحب بلدك برضه وتفكر في مستقبله وتستعجل العمل على حل.. هو شنهو يعني لو سمعت كلام الناس التانيين مش نصف رأيك عند أخيك، وليييييه يعني تستبد على الأمة وهي الجابتك من رحمها وناسها الجابوك من صلبهم، ليييه يعني إتا والقليلين تغنوا والتانيين يفقروا، ليييييه إتا وإنتم تفتكروا الرآي عندهم والتانيين جهلاء، لييييه يعني تتحكم بطانتك الإتا جبتهم في أمور أولاد الناس التانيين أواد التسعة ذيهم وليييهم عيال عايزززين يربهم ذيهم وطموحات ذييهم..
كدي وبعد ما وصلت العمر دآ وما راجييك إلا الشبر أسمع كلامي دآ، كلام زول شايف أنه إلا الذكرى الطيبة هي البتبقآ وأنه العمل الشرير بيجيب لي سيده المسبة واللعنة..
سيبهو الحكم البيجيب ليك فرقة مع ناسك وملعون أبوها الدنيا الزايلة...

[بابكر مخير]

في أحايين تلقاني أقول الحبيب ومرات يابا وما بقصر لمن أقول أخوي
في جلسة مع نفسي ودي بتحصل يوماتي ومرتين مع الصحيان الصباح والتانية برضك مع الصحيان بس التاني، بكون مع نفسي في لحظة صفاء وصنة ما تسمع فيها إلا صوت مروحة الشفط البتديك خلفية ذي لمن تكون قاعد ليك في "لوبي" في هوتيل من خمسة الي إتا طالع من عدد النجوم وهناااااااااك في الركن بيانو ومن وراه إن بقيت محظوظ تكون تحفة من سلالة بناتها وإن إتا ذي بيكون وراهو عجوز وش مكرفس وأصابعين براااااااااها تنطط بي مفاتيح البيانو والحكمة برضها تتوفق في تجميع نغمات فيصبحوا لحنا.
قلنا بعض الاحيان المخاطبة بين الحبيب ويابا وأخوي فهل هناك إختلاف أو تفاوت..
بالنسبة ليا كزول عااااااااااادي وبي فكره المحدوووووووووود بس بي قِدمُه الما شوووية، رايي في الحكاية دي على النحو التالي:
الحبيب قولة جميلة ومنمقة بس كمان لمن تشوفها كدآ طوالي بيتبادر لي ذهن الإنسان "طبعا بتكلم عن روحي مع الإفتراضية الواقعية بأني إنسان" أنها تطلق لي إعجاب وكثير من الأحيان الإعجاب يكون وقتي قدر ما طال زمانه، دآ غير المفهوم العام بين الأجناس (ذ او أ).
باخد مثال سيد صادق والراجل دآ بحبه من جوا قلبي، بفرح لمن أشوفه شخصيا أو حتى صورة ساكت، آها تلقا جماعتنا فكو فيهو قولة الحبيب إلا هو من أكثر المسميات البيطلقها على الحوالينه قولة "أخينا" وهي تعني أخي بس بالعامية السودانية وقولة كانت الأكثر شيوعا زمان، يعني بتذكر الوالد عليه الرحمة كان بكثر إستعمالها " ربنا يهدينا ويهديك يا أخينا".
قال لمن النخودة سأل الراجل بي أسرته في المركب التي بدت تغرق، ياتهو في ناسك عايزيني أنقذه معاك دون تردد الراجل قال: أخوي... سيدنا يوسف ربنا نصره بي أخوهو.
وبين الإتنين قولة يابا دي بتجي في مناسبات وليها برضك رابط تأريخي (هو ما تأريخ تأريخ قدر ما هو يعني القصد بيه زمان اللهو زمنا)
طيب إتا بقآ يا بابكر بتنوع فيهم التلاتا بناء على شنهو؟؟؟
الحبيب تنقال لزوم التهدئة ما هو بعض مرات تكتب مداخلة ولا تعلق على حاجة وتلقا الطرف التاني ما إرتاح لي قولك، تقوم بي حرفنة كدآ تديه روشتة تهدئة (قال ليك حبة فاليم إتنين مليغرام ما تكتر في القرامات وإلا بتبقا من الغراميات) ولا بتكون تخاطب واحد من جماعتنا "جماعة الحبيب ولا ناس الحزب، ما دآ ديالوق متعارف بيناتهم" بس الغريبة ماااااااااااااا بتقدر لو شنهو وشنهو دآك تخاطب بيها جنس (إ) وإلا بس خلينا ساكت ما (الشريعة سمحة)" وعشانها تقوم تصرف قولة الغالية.
يابا دي تقدير وتكبير وبتنقال لي الزول الكلامه بيعجبك ما الأبو هو الغدوة وهو في نظرك بيمثل العقل والفهم والخبرة وحاجات كتيرة يمكن تصل للقدسية (عند أهلنا الغرابة لمن تجي تجيب سيرة زول كبير بتقول "يابا، أبا" فلان)
أخوي دي عات وصفة خاصة تب تنقال في أوكات زروة الأحاسيس وفيضانها والمشاعر وسيولها ..
بالمناسبة ورجوعا لما ذكر من قبل، أنه الكبر بيخلي الزول فهمان أفندي وعالم باشا

[بابكر مخير]

حقيقي مع الكُبر!!؟
1 تشوف الدنيا بعيون عمياء..
2 تسمع بي إضنين صماء..
3 تتكلم بلسان مقطوع.
كييييييييف بقآ:rolleyes:
1- عيونك بعد ما تُستهلك من كترت المعاينة وسرق النظر في الجميل والمثير بتبقآ عايزآ دعم تقني من أرق شرائح الزجاج كعدسات من المحدبة والمقعرة
وبعد دآ ما بلحق :( ما هو كل أنواع المياه تفيض فجاءة ومتقلبة من بيضاء مرورا بالرمادي "الرمد" وإنتهاء بالسودآ..
لا تشوف جميل في الخلق ولا في الكتب والصحف ولا في التعامل والمعاملة وخلقك وروحك فوق نخرتك..
آها دآ ما العماء ظاتهو....
2- تسمع بي إضنين صمآ، ما إتا الكبير وبس كلامك هو الصاح وقول الناس ما بستحق يدق طبلة أضانك،، وحالك المملوك لشيطان الكُبر مغرق الأذن الوسطي في إدعاءات (هم ولاد متين ولا شن عرفهم)..
مش برضك الما بيسمع قول غيره آطرش:mad:
3- قول قولك حتى لو صرخت بأعلى صوت وإن ما كفآ، جيب سماعات "آكاي" (دي بقآ شباب اليوم ما ليهم فيها لأنهم بيعرفوا حسي _بوس وإنفينتي... الخ_) ولو تتكلم بي ميكرفون ريموت ولا ثابت برضك منك طناش، ما بتكون مصنف بأنك مخرف...
أووووووووووووف..
أها في لزوم للكلام ظاتهو، مش أخير يكون لسانك منقطع وأبكم...
غايتهو ما أثقل منه إلا البعدهو :(:(:(:(

[بابكر مخير]

الزعل دآ وصفة فيها فوايد وليهو أشكال ؟؟؟
بتزعل!! تديك فرصة تراجع أمور "زعلت من زول بتخليك تستعرض ملفه"
تزعل؟ فط سطر (حاجة زعلتك، تاني ما تطراها)
زعلة؟! بتجدد (ممكن تزعل من زول وهو بقدرك، يقوم يراعي البزعلك ويتجنبه وتتجدد أمورك معاهو)
زعلان!؟ نشاط (تكون كبرتا كدا والعبد لله، الزعلة إفرازات أدرينالين وحركة نشطة)
تزعل؟؟ متعة (بي قتاتة تشوف البتزعله يتحرق ويسيتشيط غضبا،، خالتنا عزيزة بدري كانت بتقول لقاسم أخوي "عليهم الرحمة"؛ يوم القيامة في شجرة كلها شوك تتلصق في الزول ويقوم يزحزحها، آها تقول ليهو، ما بهظر معاك "يعني تزعله بي تلذذ وهو الإغاظة)..
نوعين للزعل!
في الزعل البزعل وفي الزعل الما بزعل،
البزعل الما بزعل دآ هو البيحصل بسبب شئ تافه أو صدر من حدث ما ليهو قيمة أو فعل شخص جانبي أو جاهل...
دآ النوع بس تتجاوزه...
الزعل البزعل من سبب قوي له اصداء تؤثر على النفس أو من شخص قيم وعزيز له مكانة...
دحن عليهو نقيس..
ونبقى نزعل أو لا نزعل
بس المشكلة مع الكُبر الزول أصله ببقآ حساس زيادة وأدرينالينهو على الهبشة وسريع الإلتهاب..
دحن يا أخونا
الكُبااااااااااااار
لا تزعلوهم :cool:

[بابكر مخير]

سبحانك الله
الزول يحتفل بعيد ميلاده وبرضك "يوحتفل" ليهو في عيد ميلاده.
بس يجيك الوكت وإلا بس تتزاوغ من طارية عيد الميلاد، جآي جآي لمن يجيك راس السنة وتغيير النتيجية من 2016 لي 2017.
برج خليفة بالألعاب النارية وبيكدلي سيركس وماديسون إسكوير ويا ناس اليسار عشانكم الميدان الأحمر!! وقبالة الكرميلين ودار الأوبرا في سيدني (مع مراعاة فروق الوقت) وخلق ولمة بالألوف وسكر وقلة فكر وبوووووووووووس في الخد وحتى كمان في المحظور.
قال بيودعوا في السنة الماضية!؟
طيب يا حلويين دي محسوب من العمر:mad:
يعني إستهلاك في المخزون الإستراتيجي:(
والمخزون الإسترتيجي يا صحبان:confused::confused:
النفس يبقآ شحتفة
النظر يبقآ نتفة
الكلام هطربة
الشكل تحفة
القلب ضارهو خفة
أما الذي منه
حتة لفة جارآ ليها قفة :eek::eek::eek::eek::eek:

"كوكي" الوصف وقع لييييييييييييييييك..

[بابكر مخير]

زمان لمن الواحد كان أصغر عمر وعقله متقد علما ومعرفة وحضارة، كان بيحسب الأمور بمناظير علمية.
يعني قبل ما تشتري حاجة تحسبها صاح، تقول تمرق تمشي محلة تخت ليك خطة إستراتيجية تشوف المخاطر والمهددات والفوائد، تلقى ليك زول حتى يسلم عليك سلام الله والرسول تاخد الموضوع وتخضعه للفحص والتمحيض تصور القصة وتحمضها وفي الأخير تدرس الصورة بمناظير وتلسكوبات وممكن تكون إيجابية فعلا فتتقبل القصة بواقعية ولكن في أغلب الأحيان وبحث إستخباراتي إستباقي ترفض تقبل السلام البرئ دآ وتشوف فيهو كل الممكن والما ممكن من سوء نية، بيقولوا ليهو (مركب نقص المتحضرين) ما هو الحضارة والتقدم تفرض عليك بس نفسك.
حسي الحمد لله مع التأكل الذي يصيب العلم والفهم والصدى البياكل قوائم الظن والشكوك تلقى أنك بقيت ذي زرزور في يد جهال، تبقآ تستجيب إيجابا لكل شئ وما تفكر مرة سلبي أو تظن بغير حسن النية وتثق في الشيطان وتصدق الكذاب وتنتصح من عند الأطفال....
مش بالله الواحد حسي بيعيش في نعمة
لا هم ولا وهم

[بابكر مخير]

البنطلون والجزمة لون، كانت تقال مدحا في المضمون يعني نظريا أنه تشكيل ولكن الناظر الفعلي ممكن يشوف أنها جهجهة للعيون بمعنى إتصور البنطلون كاروهات أخضر وبني والجزمة بيضاء يعني بس بلياتشو.
في وكت يكون البنطلون كاروهات أبيض مع رمادي والجزمة سوداء، يعني في تناسق في الالوان.
أتذكر أيام تشكوسلوفاكيا كان عندي بنطلون "ليفايس" كوردوروي وفي المعمل إتكب عليه حامض، آها إتقدقد وكان من الملابس المحببة عندي، ما بالظبط بتتخلق علاقة خاصة بين الإنسان وبعض من ملابسه يصبغ عليها نوع من الحب ذي"حب الناس، خلاني أحب من تاني"..
(تم بصورة من الصور) ;) أنه على القدود إتعملت شكل ورود وبما أني كنت شاب إستطبت البطلون من تاني وبقآ من جديد حبي العائد وكان داعمي في جلب أظار القوارير.
يوم وبعد رجعت نهائي وإشتغلت في شركة أدوية كان عليا السفر للقضارف وكان أن أعملها بي البص. السفرية غبار ومعفارة فقلت خلاص النلبس الحبيب أبو ورود. عملتها وطلعت قدام الوالد :eek:..
قال: دآ شنهو اللابسه، إتا يابا ما سمعت بي قولة "الهياب تحت الثياب". غيرت البطلون وكان ذآك اليوم هو نهاية مشواري مع حبيب القلب ومنها إنتقل الحق في ملكيته "لعمي سبت" والذي كان قد أحسن معاملته، بالله عليك لمن تشوفه لابسه إلا تقول:
غيابك في الفؤاد له إحتشاء
وطيفك في الخيال له إنتماء
عشقتك، هل إلى العشّاق صبر وهل يجلى بلقياك الشّقاء.....
_______
حنواصل بعد أن أستجمع قوأي، فقد هزمتني حرارة الشجون فادمعت عيناي وكأني لا ارى وإرتجفت يداي كانه لمس ماس كهربائي قد ضربني

[عبدالحكيم]

البنطلون والجزمة لون، كانت تقال مدحا في المضمون يعني نظريا أنه تشكيل ولكن الناظر الفعلي ممكن يشوف أنها جهجهة للعيون بمعنى إتصور البنطلون كاروهات أخضر وبني والجزمة بيضاء يعني بس بلياتشو.
في وكت يكون البنطلون كاروهات أبيض مع رمادي والجزمة سوداء، يعني في تناسق في الالوان.
أتذكر أيام تشكوسلوفاكيا كان عندي بنطلون "ليفايس" كوردوروي وفي المعمل إتكب عليه حامض، آها إتقدقد وكان من الملابس المحببة عندي، ما بالظبط بتتخلق علاقة خاصة بين الإنسان وبعض من ملابسه يصبغ عليها نوع من الحب ذي"حب الناس، خلاني أحب من تاني"..
(تم بصورة من الصور) ;) أنه على القدود إتعملت شكل ورود وبما أني كنت شاب إستطبت البطلون من تاني وبقآ من جديد حبي العائد وكان داعمي في جلب أظار القوارير.
يوم وبعد رجعت نهائي وإشتغلت في شركة أدوية كان عليا السفر للقضارف وكان أن أعملها بي البص. السفرية غبار ومعفارة فقلت خلاص النلبس الحبيب أبو ورود. عملتها وطلعت قدام الوالد :eek:..
قال: دآ شنهو اللابسه، إتا يابا ما سمعت بي قولة "الهياب تحت الثياب". غيرت البطلون وكان ذآك اليوم هو نهاية مشواري مع حبيب القلب ومنها إنتقل الحق في ملكيته "لعمي سبت" والذي كان قد أحسن معاملته، بالله عليك لمن تشوفه لابسه إلا تقول:
غيابك في الفؤاد له إحتشاء
وطيفك في الخيال له إنتماء
عشقتك، هل إلى العشّاق صبر وهل يجلى بلقياك الشّقاء.....
_______
حنواصل بعد أن أستجمع قوأي، فقد هزمتني حرارة الشجون فادمعت عيناي وكأني لا ارى وإرتجفت يداي كانه لمس ماس كهربائي قد ضربني

دكتورنا ومسلينا ..
للشجون حرارة .. وهي زاد كذلك ..
وللدموع حرارة .وفيها دفء كذلك ..
أياماتك كانت أنيقة فيما يظهر في شجونك .. وكوردورويك كان فيه لمعة ..
وصدق والدك "الهياب تحت الثياب" وبرك إياه زادك هيبة ..

https://www.youtube.com/watch?v=txA1LIiGQEY

شكرا كتير .. وواصل قواك الله ...

[بابكر مخير]

بتذكر جارنا في الحوش (الحوش هو ديمة البيت الكبير وين الجد ولا االجدة من آي الطرفين عايش) جارنا عمنا ميلاد (غير ناس روفي) وبتذكر "البتريز" وديل أسرة بريطانية كانت تعيش السودان وتعمل في مجال التعليم وبتذكر ناس "منديل" وبيتهم تحت كبري بحري من ناحية الخرطوم وبتذكر المواد وخيمة الإنصار والختمية والطرق الصوفية..
بتذكر كدآ كمييييييييييييية من التسامح
بتذكر كيف في الجي بي بتاع الحلويات كان فضل وفي بيوت المسلمين يعملوا مسيحيين ومن بين العلاقات القوية اللمن وصلت الدم بين المسلمين واليهود..
بتذكر المحنة بين ناس غرباء من بقاع السودان المختلفة جمعتهم جيرة بسبب العمل، تأطرت وتطورت وأثمرتوبقت أقرب من الأسرة الواحدة...
بنظرة خاصة قدام المرآية بشوف نفسي، أبراهيم قاسم مافي شيتن بلمة مع يوسف بدري لكن بدت بيناتهم معرفة فصداقة لمن بقت بقوة الأخوة وتمت ختمت بي ناس قاسم وبابكر وكورية وعلي وعزيزة ويوسف...
آها جابت عيسى الطاهر مخير لي أمونة ميرغني شكاك ومحمد والهام والطاهر وحاجة،
أولاد محمد حبيب الله من هدي مالك ربنا يحفظهم
ما وقفت آها جابت أولاد بابكر محمد مالك "أبوعزيزة" من الرضية محمد محمود..
كانت الإحتفالات الدينية شراكة أمة واحدة مؤمنة بالدين لله والوطن حق الجميع، كان وأقول شنو هو الما كان، التعليم مجاني والعلاج مجاني، المحبة ولامحنة مجاني، العرض مصان والأصل معروف.
يمكن في السودان الزمان كان
كل شئ ما ممكن في آي حتة في العالم، ممكن في السودان
خيره بلا حد ولا حدود
كضاب الكان بيجوع، ما هو دق آي باب بيت
ولا حتى بس أديها لفة في الشارع؟!
يا لقيت ليك بيت عرس ولا بيت بكآ
بالله عليك لا تكون من أهل دآ ولا دي (آكان عريس ولا عروسة ولا متوفى أو متوفية) تتسيد البيت وإن نقص ملاح بس تأمر وحتى الضعة ممكن تطلبها وفي لحظات تجي..
كانت زمان طرادة ولا فريني:eek:
ولا عايزة تفسير ياتهو أبو فريني وياتهو التاني:rolleyes:
كوووووووووووووووووووكي قول عوك

[بابكر مخير]

شكرا كتير .. وواصل قواك الله ...

حبيبو
القوة كانت أول الفايتين، كان الواحد لما يحمر ولا يشمر، القدامهو يعمل ليك حساب(كدي دي مشيها يابا).
القوة فاتت لمن بقآ الواحد في البيت مقصر في واجباته ;) يعني غسيل العدة بقى الواحد يتحايل بالرطوبة ونشاف اليدين ودي طبعن أصعب الواجبات وخليك من الكانت الأسهل :confused::confused:
والله يا عوبد
تعرف الوالد الله يرحمه كان كيييييييف قيافة وفايت الناس مسافة، بالله عليك البدلة موهير والقميص توتال والجزمة ديك لمعتها تجهر العين (من مصدر موثوق؛ قال: زمان كان عنده جزمة بتاعت (تاب دانس).. كان لمن يجي مارق على الكلية الوالدة "تتحرق" مع تعليق ناري؛ حسي أبوكم دآ قدام المرايا ليهو ساعة، هو مش ماشي يحاضر بس ولا شنهو:mad::mad::mad:
من حظي ورثت عنه توازن الوزن مع القامة لكن أخواني التانيين، كتلهم الطرف التاني:rolleyes:
يابا
ليك شكر على المداخلة ودمت

[بابكر مخير]

نواصل مع الزمن الراح وفات
ونتواصل مع الزمن الفينا آسع
شفتا ليا عنوان لي بوست حق ود خالي بلالي، ما قريته لكن ذي ما بيقولوا الكتاب من عنوانه باين..
آهاااااااااااا
زمنا وزمنهن
كان الكلام بيناتنا قمة وإن بقآ فيها لمسة "ما في داعي نقول" ولا حصلت ليها قبلة يبقآ عليك حد ترضاهو ولا!! القبلة، الله أعلم :(...
زمنا ولي جنس "الذال"، ليهم كل الأمر مباح حتى :eek:، زمنا لمن نلبس كيف ما بيعجب الوالدين، زمنا لمن نعرس من غير أهلنا يشوفوها عيب الزعل لو كانت العروس من قبيلة تانية والكفر دآك كانت أجنبية حتى لو من مكة زاتها..
عملنا وعملنا ما أغضب علينا الوالدين وهموا الأقرب والذين مرضاتهم تقاس بالأجر من المولى ولست مراضاة لعبيدهو..
زمنهن..
مساكين إنعدم ليهم فرص لقمة العيش، طيب زماااان ما قالوا: واحدة عشان تعيش عيالها باعت حتى جسدها..
زمنهن
جأت الطامة والإنقاص والفوضى وقدر ما كانن نسبيا مستورات في بلهن، بقن لزامن عليهن، يهجن....
غايتهو مع "الكُبر" تتقلب المقاييس وتختل الموازيين
إما سلبي ولا إيجابي..
آها حسي إن بقيت سلبي أبقوا سامحوني ما أنا ضربت من "الكِبر" حتى الثمالة
وإن بقت فجة عقلانية أبقو! سامحوهن ما هن إطرن وأنجبرن ودُفعن لذلك....

[بابكر مخير]

رسلت معايدة لي حبيب، أخ، صديق وزمن فينا رقشة الإتنين زملاء شقاوة مرح وطرب وكل الذي منه،،
يوم في فترة "الأعياد" كما يحلو لأهل الغرب تسميتها (الغرب الغرب وين في إحتفالات وكهرباء تضاء و"حبش" يتآكل ...ما هو الديك الرومي دآ، هم بيسموهو "تيركي" وبالعربي بيترجمهو "حبش" وكل يبكي ليلاهو)
في أيام دراستنا في تشكوسلوفاكيا وعند الكريسمس (عيد ميلاد المسيح وطبعا دآ فيهو كلااااااااام، البعض يقول 24 إتناشر وتانيين يقولوا 7 واحد) كان كل الداخليات بيقفلوها ويجمعوا الطلبة الأجانب في داخلية واااحدة، وكل واحد مننا ساكن ليهو مع ولد من أهل البلد بيستمتع بأن الغرفة بتكون ليهو براااااهو، يقوم يلم السريرين ويبقآ سرير نوم دبل..
دآ طبعا أكبر من المقاس المتعود عليهو :eek:، قصدي السرير غير أنه كمان الدنيا سقط يقطع النخرة (الحبيب أمير عبد الله خليل، كان راجل جميل وكلامهو حلو بالأخص في لحظات السرحة والمبالغة، أول أيام لينا وبيحكي لينا عن السقط قال، راجييكم سقط، -البول- قبل ما يصل الوآطة بيكون إتجمد ;))
ولما كنا مع بعض في نفس الداخلية، قررنا مع أخويا إميل عزيز غبريال أننا ننزل ونتسوق؟ بي بطانية وأدوات تدفئة على أن تكون إن ما جديدة تبقآ إستعمال (حنين) وقد كان أن سخر لنا وحظينا بكم زايد عن حاجتنا ولم نمانع من أخذ كل المشتريات للداخلية وبطبعنا السوداني الكريم وزعنا على كل المعارف وإكتفينا بغطائئين لك منا، مسكين إميل الصباح مش صباح يعني هو كان العصر لكن طبعنا السودانيين ذي ما بنقول يتكلم ساكت وقاعد ماشي. الوقت الذي يصحى فيه الإنسان من نوم المساء أو وش الصبح، بيكون صباح...
جآني يشكي من أنه الآغطية سخنت بيهو من كثرة حرارتها.... مسكين جأت حمة ورجفة وضربت قلب،،،
زمنا ما في غير أغذية محلية الصنع ما ش~مصنع وملون!!! خاصة أزرق أو خلافهو:o:o:o
نرجع للمعايدة التي أرسلتها في الوتسآب، بالله عليك شفتا البروفيل (بتاعهو)....
شفتا الدنيا بي حقيقتها
والله أتارينا كِبرنا خلااااااااااااااااااااااث

http://sudanyat.net/vb/attachment.php?attachmentid=1269&stc=1&d=1484111273

اليآها دي الحالة كركبة ومنها الذكريييييييييييييييات

[بابكر مخير]

الكُبر بيجسد صحة النظريات العلمية في موضوع النسبة والتناسب،
تكبر في العمر وبزيادة متطردة لا فيها رحمة ولا هوادة وبنفس النسبة في الزيادة عندك تصغر أشياء منها المهم الذي كان ليهو تأثير فعال في (الدنيا العيال) وعشان ما نمشي نفسر وننظر يا "كوكي" بالغلط!!
قصدي العيون بتصغر ونفس النسبة محفوظة بالنسبة للرؤية؟ تبقى ما تفرق الأشياء بالصورة الواضحة يعني حتى عيالك هو أصلن موضوع السمع دآك فالله يرحمه، كضاب البيقول ليكوصل ذي عمرنا دآ ويفرق صوت وليداته من بعض..
الوالدة الله يرحمها، كان لمن نتصل إحنا واحد من أولادها، سؤالها التقليدي كان "إتا ياتو فيهم"
ما علينا نرجع لي قصة النسبة والتناسب..
المسامحة الكان بيقف ليها كنِد هو "الغتاتة، البطن الغريقة، الدفيينن، لا تنسى وعدم التسامح"
حسي بالله عليك
جنس غشامة، إن زول أكل من لحمك، تديهو طرفك يمسح فيهو، بس التقول غنماية، يعني مثل:
شباب حلويين ما عارف تفسيرهم للذي حدث شنهو لكني برضك "غنماية" منهم الركبني "التونسية" ومنهم "الدخلني الماسورة" ومنهم "الوداني البحر وجابني عطشان" لكن بالله عليك لمن ألاقيهم بس تقول قابلت واحد من أزواج بناتي...
والعين ما بتعلا على الحاجب و(كسرها) بيرمي الجفون وتحجب البصر:mad::mad: ...
يا كوكي وقع ليك الصلة البتربطك مع النسيب :eek::eek::eek:

[بابكر مخير]

أتذكر زمان الوالدة عليها الرحمة كانت من بيناتنا (وليداتها وبتها) مستصطفيا "كورية" حتى بتذكر مع شيخي الراحل المقيم "قاسم" سألناها ليييه يعني "
(بتريدي) كورية آكتر وهو بيضحك عليك، قالت: بيضحك عليا بس بضحكني وبونسني، إتا يا قاسم بس تماغص وإتا (المقصود أنا) سااكت لا تتكلم ولا بتتونس...
حبيبي وأخي "شنقيطي بدري" كان ملقبني بالصول، لأني قليل الكلام مع صرامة، "زيي" بتي كانت مسمياني من ورايا (أبو شنب) وكتيير من الأطفال بيخافوا من الزول اللابس ليهو شنب كبير. (إبني) العزيز :cool: "ناصر أبو عيسى" لمن نلعب الكوتشينة ما بزاملني وقال كيف؛ يا أخي بشنبك دآ تخوف الزول..
دآ كله كان زمان
بالله عليك حسي :confused::confused:
الواحد لو عشرين نفر قاعديين معاهو، يمسك الميكرفون وخد يا هترشة..
لا والمدهش؟
تكون قاعد في كفتريا ويكونو ناس قاعديين براهم يتونسوا، ترمي أضانك ذي شبكة الصيد تلقف ليك طرف كلام ومنها تنتهزآ فرصة وتدخل التقول (بوابة عبد القيوم)..
واليحلهم الله من جنس هترشة وبعدين ما الواحد كبير وناسنا لساتهم فيهم الذوق والتأدب، يديوك فرصة ومساكين متوقعيين العجوز دآ نفسه ينقطع وينطم،،
لكن هيهآآآآآآآت لهم في مرادهم...
حسي بعض مرآت كدآ أقول "المصيدة ظابطآ..
ما هو "المندولآ" دي بيجوها الرواد المساكيين، هم قايلين القهوة والشاهي البيشربوهم والفرجة في "الجيكسي" ديل ما بيدفعوا تمنهم آكتر، مسآكيين مش درآهم بس، لكن ديل بدفعوا شد أعصاب وحرق دم!!
من هترشتي..
ودآ كولللللللللووووووووووووووو حق "الكُبر" :(:(:(

[بابكر مخير]

كان أيامنا في الكُتاب (لي ناس حسي، الإعدادي) يوم الخميس ننتظره من يوم السبت بداية الإسبوع الدراسي. لكنه لمن يجي تلقانا خلطة بين فرحة! يوم الإجازة الباكر وحزن لأنه خلاص ياها الجمعة وتنتهي وبعدها تاني من جديد المدرسة. طيب مالها المدرسة ما فيها برامج حلوة..
ما فيها فترة الفسحة وقت نلعب (سك)، بتذكر شقيقي إبن خالتي مامون عبد المجيد علي طه ("الخواجة الأزرق" لأنه لونه داكن وشعره سبيبي لذا كان هذا لقبه) كان الفرقتين المتبارتين تتنازعا أن ينضم ليهم. فهو كان كرمح إنطلاقة وذي الريح لا يحاش وذي الظل ما بيقبض..
بس قدر ما كان فيها الأوقات الفرحة الحلوة، كان فيها (التسميع) وجدول الضرب الذي كان يصاحبه ودون رأفة او حنية أو مراعاة لصغر سننا وحجمنا، "ضرب السوط".....
هو نلقاها من منهو ولا من شنهو، ما حافظ السور تنضرب، ما حافظ جدول الضرب، تنضرب، إتوسخت بعد نشاطات فترة "الفسحة" تنضرب في البيت..
دآ الخميس ومن ذكرياته أيام الطفولة
وذكرياته بعد الزواج كان أداء وعطاء
أما حسي
فهو خوف من أنه البعد كان صفقة ورقيص
بقآ:confused:
ماااااااااااااااااااااااا في قدرة ليهو :eek:
لا دآ ولا دآك
وإن الله أدآك
تبقى عليك قصة الجلك البيحكي لي دفعته
أنه
ساعتين وتلات إرباع الساعة خمسة ثواني...
الساعتين بين الحياة والموت والتلت إرباع لغاية ما الذي منه ينهضم والخمسة؟؟
ياهن هن...
كوووووووووووكي واخد بالك

[بابكر مخير]

قالوا الخواجة لمن يفلس؟
يفتش فايلاتهو القديمة
...........
والذكريات هي الفايلات البيرجع ليها الزول لمن يعجِز.
يجترها ويستعيد جرها "ويجري مدمعي" حزنا على الجميل منها وترتسم على الوجه بسمة لها أن تكون فاتنة وجميلة لكن آثار الدهر والعمر والكِبر!! تشنيها وتقبيحها لتكون أقبح من عبسة وجه طفل.
المهم الذكريات هي الأنيس في أوقات الفراغ التي هي سمة تلازم العجايز، ما هو ما في شيتن يتعمل
الشغل بكل أنواعه ومجالاته بقت ام في قدرآ ليهو
إن قلنا شغل لي كسبان لقمة العيش
وينها العضلات البشدن الحيل
إن قلنا للهو والترفيه
وينهو التركيز
إن قلنا للذي منهو والذي ما منهو
برضك ذيهو وذي آيتها شغل وأصعب لي درجة المحال...
قلنا الذكريات ترجعك للحلو والمر..
بتذكر عمي علي الطاهر مخير
يجسد قصة الحلو مر
كان قمة في الروعة والجمال، اللطف والذوق، شباب وفرحة
مرض وهو في قمة شبابه إتوفآ
تتذكره وتتذكر البهجة وبرضك تتذكرهو وتتذكر الوجعة
______________

بنرجع للذكريات من تاني
بس البذكرني شنو:eek: