يا أخي الكُبر دآ حاجة ثقيلة بشكل

[بابكر مخير]

أتذكر يوم علي أخوي ضرب ليا تلفون الصباح وقال ليا: خد الأرقام وهي دي أكيييييد كسبانة اللوتري.
ضحكت وقلت ليهو: ما تلعبها إتا. وكان رده: أنا لو كسبت ما ظنيتكم تتحظو بنسب منها لكن إتا بتوزعها وبيكون للكثيرين منها نصيب.
دآ حصل وأني عميد آل مخير وترجمته أنه علي ثقته فيني كبيرآ أني حأتصرف بموجب الوضعية (رأس العايلة).
ما هو رب البيت، عميد الأسرة، قايد الجماعة والرأس الرئيس.
عليهم واجبات علي الهم حقينهم وهو حقهم.
طيب إحنا الشعب الكمين وتلاتين ولا كمين أربعين مليون، رئيسنا دآ والهو متأكد حسب هترشته وأنه إلا الإنتخابات تشيلهو ذي ما (إحنا جبناهو:eek::eek:) ما ينصفنا. قول حتى فتات من الكيكة والك... التحميهو المشي.
ملاحظة: مشيي عمر البشير (ذي زولن مك..) وحال الواقع متشابهان بي شكل غريب وأمرهم باين وبذكرني بالمثل البيقول:
..... بيبين عند المخاضة..
كدي لاحظوها :o:o:o
ومش أكيييييييييييييييد حتبين....;);)

[بابكر مخير]

https://www.youtube.com/watch?v=tl1DxVi3GxI

[بابكر مخير]

حين بلغ السيل الزبى وإتحرقتا خلااااااااااص. لابدن تتقال

قالوا الأمير شيخ الدين ود سيدي خليفة المهدي في يوم كرري كان أول المتقديمين بحصانه لملاقاة الغزاة. سيدي الأمير يعقوب لمن شافهو، غمز فرسته وقال: الوليد بدور يسبقنا علي الشهادة وكانوا بيتسابقوا مع إبن أخيه للفوز بمرتبة أول شهيد...
دآ حسي شنهو؟؟
ناس أنا والشيوخ الهم قدري وأكبر.
نقعدو نعاييينو. بس نشوفو جنس أبن إتناشر وأبو عشرين وتلاتين يسبقونا علي الشهادة.
أها كدي خليك مننا إحنا ناس قريحتي رآحت القيادات صانآ مالها.
إن لي الكُبر والكِبر والجاه وإستحقاق حق هم فايتيننا ملايين.
صورة غير فتوغرافية لواقع حالنا ولكن في إطارها "فريمها" سؤال..
في البلاد الديمقراطية لمن تكون في مظاهرة وهي أصلن بتكون سلمية، تلقى القيادات متشابكة الأيادي تسير في الصف الأمامي وما بتتعرض لآذى.
لكن برضك في خلفية الصورة نشوف قادتهم الزمان في زمن الحروب بالسيوف والحرآب والموت الحاااااااااار برضك بيتقدموا الجيوش بلا رهبة أو خوف (وذي ما ذكرنا في قصة سيدي الأمير يعقوب الذي كان النائب الأول ويقال بأنه كان الماسك الفعلي بزمام الحكم يعني الزعيم)..
الإحتجاجات وهي تسمية تحمل معها مدلول بأنها "سلمية" ما حسب المفهوم في دولنا مظاهرة معناها أقلهو بمبان وخبت بالعصي من الأجهزة الأمنية وممكن حتى الوصول لي الرصاص في آخر الأمر..
سؤال مشروع؟؟
ما دام دعينا للحل السلمي وبالتراضي وأهو بقت "سلمية"..
ويييييييييييييين الناس الذي ما قلنا:
أكبر وفي الجاه أعظم وبالإستحقاق أسبق وفايتيننا ملايين في العمر :(:(:(:(:(

[imported_عبدالله الشقليني]

حبيبنا دكتور بابكر ، ذهبت للسودان 13 يوم ، وعملنا عقد في جامع النيلين ، وقابلت صديقنا أحمد كوريا ، قال قبضوه ونبزوه جنس نبز ...
لكن سلامة ، ما بقدروا الراجل خواجة:mad:

[imported_عبدالله الشقليني]

العقد لبنتنا إيناس
خلاس كبرنا واتجدّعنا في الكُبُر

[بابكر مخير]

العقد لبنتنا إيناس
خلاس كبرنا واتجدّعنا في الكُبُر

سلامات أخي الصغير..
يومتها كان عقد أشقائي علي وعزيزة ولم تمض فترة على ذلك وإلا تغير الوضع في السودان وكانت رجب أبريل..
يا ربي عقد بنيتي إيناس يكون ذي حق عمها وخالتها؟؟
الف مبروك يا سيدي الحبيب وإن شاء الله تملاك أحفاد تتمتع بيهم كما هو حالي :cool:

[بابكر مخير]

بتذكر أيام مايو، لمن نميري يكون بيلقي خطاب متلفز، الوالدة كانت أول الجالسين قدام التلفزيون ولو عندها شنهو وشنهو دآك تأجله ليين ينتهي الخطاب.
ما كانت عليها الرحمة بتهتم بالجزء المقرئ لأنه دآ عادتن ما بيكون حقهو والبركة كان في ناس "منصور خالد وأحمد عبد الحليم وعمر الحاج موسى وكدآ" لكن يرفع رأسه من الورقة القدامه تأمر جميع من حولها بالسكوت التام وتقول: كدي بس شوفهو ماش يقول شنهو.. كانت تلك الكلمات المضحكة المحزنة ناس بتاعت في معناها أنه مرتهو يحق ليها تلبس أفخر الملابس لأنها ما مرت نجار وأمثال كتيرة علي شاكلة كلام بتاع مسرحية مدرسة المشاغبين "يونس شلبي"..
الشاهد أنه رئيسنا الحسي برضك بيخرج عن النص..
أول أيام كان عدواني لأقصى الدرجات وهناك مجموعة ضاغطة فرضت عليه حسن التأدب في مخاطبة شعبه. قال فئران وحسي بيقول الشباب (موضوع عبد الواحد الناس تمشيهو ليهو ما ما بقدر يجر واطي لي الدرجة الفرضت عليهو وأعطي سماح للتنفس)
يا أخوانا البشير دآ متصور أنهو هو لي شخصه عنده أصدقاء وناسي أنه لو ما كان "سوداني" ما في زولن بيعبرهو.
أصدقاهو ديل والهم في الأصل أصدقاء السودان القال ليهو: خفض اللهجة وخفف من البتعمل فيهو من أمور ودت القبلك في داهية. ودي هي ديمة طريقة أصدقائنا إحنا الشعوب المتهضة بي خلقهم الراقي وفهمهم الواعي وبسياسة بينصحوا الطغاة بالهداوة وممكن حتى يوفروا ليهم مركب نجاة ودآ كله عشان خاطر تلك الشعوب ورفع البلاء عنها لأنهم أصدقائها وما أصدقاء أفراد وهاكذا يدير الحكماء بلادهم وهم يخاطبون شعبهم بأحسن القول:
أيها الإخوة
أبناء بلدي الأعزاء
أهلي
ويا أريتنا منهم نتعلم :o

________________
لما الزول يفصل ويطربق
https://www.youtube.com/watch?v=OuNu5HCMywI

[بابكر مخير]

في حاجة إسمها الملطشة ودي بيعرفها المثل السوداني البيقول:
فلان بقآ زرزور في يد جوهال "الأطفال الصغار".
مع الكُبر بنتابك شعور المملطش، يعني لا بتقدر تمشي مع الناس وتساويهم سرعة. ما تقدر تلاوي ولا تقاوي يعني تلقى أنك تميل وين النسمة هابآ...
حسي شايف أنه دي الباقي علي حكومة ناس هاشم عثمان وعمر.
بقوا ملطشة. عينك عينك الناس تسبهم وتلعنهم في الشارع وفي التلفزيونات والإذاعات. في السودان وين مكان في أرضنا الطيبة الكريمة العظيمة وفي أوربا وأمريكا..
لكن صحي كيف فاتت عليا ما هم برضهم حقيقتن عجزو أكان عمر فعلي أكان إفتراضي...
تسنين أكبر مني وفي الكرسي 30 سنة...
دحن حسي حفيداتي وأحفادي ما شاء وربنا يحفظهم ويغطيهم وبنياتي ووليداتي الهم ياهم دخري الحوبة ما بقوهم ذي الزرزور دآك..
وربنا ينصر شعب السودان

[بابكر مخير]

في صُغرنا كااااااااان عندنا قولة وهي ذي الغلوطية:
يقدر طبقكم يطبق طبقنا ذي ما طبقنا طبق طبقكم
وهي تعني بأن طبقنا الأكبر والأوسع لدرجة أن طبقكم قدر ما كيبر فهو صغير برضك بينطبق جووووآ طبقنا..
نلقى الغلوطية دي هي نفس الحالة الحسي حاصلة في السودان فالحرآك أكبر معونا من قدرات الحيكومة.
وأن إدعاءات ومكابرة رئيس أو مدير الأمن بتاعت أنه المظاهرات بس قوامها 800 نفر ما صآح وممكن يتعمل ليها "بيان بالعمل".
وهنا حيبين ال عند المخاضة ونعرف ياتهو طبق أكبر الطباقة..
لمعرفة آي الطباقة أكبر، بقترح أنه يتم السماح للمحتجين أن يمشوا "البتاعة الخضرآ" ديك وبس ناس الخرطوم والخرطوم بس المدينة ما العاصمة القومية كلها وشريطة أنهم يمشوا بي كرعينهم ما بي بصات ودفارات وسبل نقل وسندوتشات وموية مدفوعة الأجر من الخزنة المنهوبة..
سي صلاح لو راقت ليك الفكرة تواصل مع شباب الحراك ونسق معاهم ومن ناحيتي؛ إن بقآ طبقكم أكبر من طبقنا..
بسكت تِم والعصيدة فيها السِم:(:(:(:(

[بابكر مخير]

قلنا أنه الشايع ولاحظ شايع مش شائع وبين الإتنين والإتنين غير تأكيد لقول.
شايع ممكن جاية من إشاعة والهي خبر ممكن يكون مؤكد وممكن غير ذلك
وشائع بمعني منتشر ولمن تجي للقول برضك ممكن يكون وممكن لا...
والقول الشايع أو المنتشر هو؛ مع الكُبر يزداد النضوج (مشكلة النضوج أنه بيقود لي درجة الصوفان ذي الفاكهة لمن تنضج ولا البيضة لمن تبذر)..
الشيخ فرح ود تكتوك، كبير وناضج وقوله حكم وأمثلة تضرب في الأوقات المماثلة ودي قصة للناس تتعظ بيها.
قالوا واحد جآي هارب وملاحقينهو جماعة. وأثناء هروبه مرآ بالشيخ فرح وطلب منهو أن "يدسهو" في مكان يخفيه من الملاحقينهو.. وكمن وافق، أشر الشيخ لكومة قش كبيرة وقال ليهو أدخل فيها. جاء الملاحقين للهارب وسألوا الشيخ إن شاف زولهم. رد الشيخ قال ليهم بالحليل وأهو دآك جوو كومة القش دي. ضحكوا وقالوا الزول دآ مخرف وأرحكاكم نواصل تفتيشنا. لمن خرج العارب من كومة القش زعل من الشيخ وقال ليهو كيف توريهم محلي وإتا قلتا (بدسني)...
قالهو الشيخ:
يا وليدي؛ إن الصدق ما نجاك. الكضب ما بنجيك...
دحن يا ناس حسي ويا القدامنا بي دفع (ما تسنين سآكت بي تلاتة سنين)
ويا البتجو في التلفزيونات وتكضبوا..
قالوا: الكِذب حبله قصير....
وقولة الحق طوف نجاة "دي ما من زول. دي قولتي برآآآآآآآآآآآآي"

[بابكر مخير]

نقطة اللاعودة
دي قلنا مع الكُبر حقيقة ولا تحتاج لعلاج أو تعديل..
زمان بعد سنون اللبن بتقوم ليك سنون تانية، حسي إلا طقم وتقنية الزرع مصايبها أكتر، غير تقدقد حنكك ما في أيتها فايدة بالله عليك ينصلن من محلتهن ذي ما لمن تدوس ليك فص ترمس وتنزلق اللحمة من الغطاء وطبعن ما الكبر لو قلتا تأكل لحمة الترمساية جزئيتها يبهدلنك بهدلة مع خروم السنون ويبقن ذي الحشوة الختاها نطاسي حذك..
ما علينا والقصد من إسترجاع نقط اللاعودة حسي جأي من ما هو حال الحاصل في السودان...
حكومة بقت ولا حكومة ولا شئ
ضباط جيش عيانك بيانك يقدموا إستقالة مسببة ودي حسب الأنظمة العسكرية وظنيتهو حتى وسط الكشافة يعني هذا قمة الخلل..
أساتذة جامعة الخرطوم عديييييييييييييل كدآ بسجلوا فيديو لمؤتمر يعلنوا فيهو بحنكة الأكاديميين مطالبة البشير يمشي وبكل جراءة (ما هو معاهم سيدة وإلا الواحد كان قال رجالة) وقوة يعلنوا إنحيازهم "للمحتجين"
الفنانين والإذاعيين والكتاب ديل كسروها تب..
شيختو يا الدفعة القبالنا وماااااااااااااااافي بعد دآ عودة..
بقت عليكم نقطة اللاعودة وأخير سيبوها حكومة وسيبوهو حكم وإتوكلوا إتخارجو..

[بابكر مخير]

قلناها لمن بقت ممجوجة حكاية النسيان في الكِبر..
بالله عليك تقول تقرب تنسى إسمك لمن زول يناديك لو ما الفطرة البتميز بيها الإنسان وهي الفراسة في أنك تلحظ أنه الزول النادى الإسم بعاين ليك جووا عيونك..
تنسى الإحداث وتنسى الأقوال القلتها..
دحن حسي زولي دآ البيكبرني بي سنتين (مع ملاحظة أنه تسنين) ما هو مصاب بي متلازمة الكِبر (النسيان) بس الحكمة أنه نسيانه أسرع ودي طبعن حاجة بديهية ما أنا بنسى الحاجة أو الكلام الحدث قبل سنتين وبما أنه هو أكبر بي سنتين (مع ملاحظة أنه تسنين) فيبقى أنه بينسى الحاجة الحصلت أمس أو الكلام القالهو أمس...
في الساحة الخضراء قال: فيران وأمس قال: الشباب ليهم حق في إحتجاجهم لأنهم مظلومين...
أنا غايتهو لاقي ليهو العذر ما مسكين ضربه الكِبر في موجع (الذاكرة)...
قالوا:
لو الكلام من فضة فلسوكات من ذهب..
يا أخي !!!
ما تسكت بس

[بابكر مخير]

يا أخوانا دآ عدل دآ...
في أوربا وكل العالم المتحضر والتاني الفي عمرنا دآ وهم في إجازة مفتوحة لمن ياخد الأمانة باريها. همهم تعويض الفات من فرجة وفسحة في الدنيا، همومهم منحصرة في ياتهو بلد لسة ما شافوها وياتو أكلة ما جربوها..
شوراب صوف ودفاية و"فجان" حاجة خاصة وجلسة علي كرسي هزاز وفاتح ليهو كتاب غلييييد بيقرآ فيهو...
لكن ناس إحنا وفي باقي العمر المفروض يكون راحة وإستراحة..
مشلهتين بين محطات التلفاز وحيطان الفيسبوك ومساحات التواصل نشوف ونتابع أخبار البلد وناس ياسين وعمر وبابكر حنين وهاشم عثمان..
نراعي لي وليدات جنونا ينضربوا وبنياتنا بناتنا ينهانن وشذاذ أفاق يهينو السادة واللساتك نارها وقادة في الشارع ومنظر التاتشرات تحرق القلب والفشفاش...
شوف البروف ود خالي بلالي حسن فرح والفرح فارقهو زعلن علي إعتقال دفعتنا إلا سنين مستر أحمد عبد الله الشيخ وشوف علي عبد الرحيم مسكين يتابع في الأخبار ودمهو يغلي...
بالله عليكم دآ عدل دآ.
بدل راحة جسد نتملي تعب قلب وبدل فسحة ونزهة تبقى قعدة قدام التلفزيون نتلقط خبيرات البلد.
بس برضك بنفرح لمن نشوف الحفيدة والحفيد بملء حناجرهم يصرخو؛
تسقط بس
تسقط تسقط
تسقط بس :cool:

[imported_عبدالله الشقليني]

لازم نرفع الملف ... والكبر دخل ومرق بيغادي

[بابكر مخير]

لازم نرفع الملف ... والكبر دخل ومرق بيغادي

ترانا كبرنا والحمد لله
وكبرنا يابا ما شين
لا ختينا ولا إتعدينا
كعب الكِبروا وكبرت مصايبهم
أكبر بتلات سنين وهن تسنين
كتل، سرق وكضب...
وياهو دآ الكُبر الكعب وبالعربي الفصيح ؟؟
دا ياهو سوء الخاتمة

[بابكر مخير]

ناس عمرك وقدر ما كبرت وذاكرتك ضعفت أو حتى إتمحت..
خالدين...
خلودي نفتقدك كل ما ذكر الوطن فأنت كنت دوما شغوف بحبه....

http://sudanyat.org/vb/attachment.php?attachmentid=1348&stc=1&d=1549768008

[imported_عبدالله الشقليني]

تحية لدكتور بابكر
مفخرة الكُبُر

[بابكر مخير]

مفخرة الكُبُر

أخي الحبيب
قالوا:
الما عندهو كبير، يشوف ليهو كبير...
القولة دي رانة ليا في مخي الأيام دي بصورة دائمة....
وليداتنا يتساقطو شهداء والأحياء منهم هموا أبطال في سَاحَةُ الوَغَى الغير متكأفئة النزال والإنقاذ في غيها غير عابئة..
الكُبُر مفخرة عند الناس والبشر وما عند شذاذ الآفاق...
يعني شوف حسي أغلب لو ما كل الناس الفوق الثمانيين بينصحو في الوهم ديل وبيقولوا ليهم البتعملو فيهو دآ!
لا دين ولا عرف ولا إنسانية راضياهو..
يا باب شوفنا هنان على سبيل المثال، بروف ود فرح ود خالي بلالي، شوقي بدري والخواجة روفي وأنا كلنا ما راضين على البيحصل....
شوف دكتور الجزولي وسيد صادق وبروفيسور الطيب زين العابدين وعلي عبدالله كلهم بصورة أو أخرى قالوها:
تسقط بس...

[بابكر مخير]

مع الكُبر كل الأمور بتضائل...
الإنسان خليهو يكون بي طول روبرت وادلو حيتضائل ويمكن دي تلقى ليها تحليل علمي في حكاية فسيلوجية البشر بسبب الجفاف وضمور الأعضاء.
لكن المدهش هو؟! الفرص في الحياة العامة. قول من سنن دائرة الحياة.
الزواج الفرص فيهو بتتضائل مع الكِبر فأكان أنثى بتفقد جاذبيتها وإن ذكر دآ خليهو حمده في بطنه لأني لو كان (البحر مداد) ما بيكفي الممكن ينقال عن الببقى على الذكور مع "الثقيل" دآ.
الفرص في العمل ودي حاجة بديهية منهو البشغل ليهو زول معاشات.
الفرص في الرزق تكاد تنعدم لأنك بتبقى ذي القرادة قعيد عند الغير(والله حتى لو جناك، مساكين ذنبهم شنهو يعيلوك وهم عندهم حقهم) يعني معتمد على رزق الغير.
والأدهش فرص ما بعد دآ كلهو يعني فاطي صلاة ومصهين للصيام وجاغم وحادات وحادات كدآ :eek::eek:
دي فرص النعيم ما موضوع تتضائل بس :(:(:(
بتنعدم عدييييييييييييييييييل...
لكن الغريبة ومع المعادلة دي!!!
الأكبر مني بسنتين (وكمان تسنين) عايز ليهو فيها كجة بعد عشرين عشرين....
يابا خليك واقعي وعليك بالفروة بالجد جد ما "كضب".
ربنا أهدينا وأهديهم وسهل لنا مخرجنا قبل أن نعجز......

[بابكر مخير]

:(:(:(
دآ هو شكل الزول الإتملكه الثقيل دآ

[ناصر يوسف]

:(:(:(
دآ هو شكل الزول الإتملكه الثقيل دآ

إحباط شنو و من شنو و عشان شنو يا الحبيب

دائماً بقولها ليك

( يا كبيرنا وتاج راسنا )

و الجملة دي مفخرة بالنسبة لي

عاوزك دائماً تبقالنا قدوتنا

في الفرح
في التفاؤل
في المحبة

عيش حياتك كما ينبغي يا الحبيب

[بابكر مخير]

إحباط شنو و من شنو و عشان شنو يا الحبيب

ما انقفلت بس!!!

[بابكر مخير]

يقولو الدبرسة..
هي مرحلة سالبة متقدمة والكُبر ذي الكراكة البتنضف الواطة قبل ما يرشو فيها الأسفلت عشان يكون الطريق البوصل للهدف المبتغى..
الإحباط هو مرحلة الكتاب يعني ذي ما بيقولوا حسي في السلم التعليمي هي مرحلة الأساس..
زمنا كانت الخلاوي وقليل من الروضات هم ما قبل الكتاب، الإبتدائي، الوسطى فالثانوي ومنها الجامعة وتتخرج بالدبرسة...
يعني وذي ما ديمة بنقول ورغم جراحة التجميل البيقوموا بيها "اللسة ماضاقوا مرارته ذي كدي (الأحباء شقليني ونصور)" أنه أثقل ثقيل وأنه مرحلة الأ عودة وأنه هادم المتع ومدمر اللذات..
أها وما ننسى الأمراض العضوية مما تنعكس سلبا على الجسد في الضعف والضمور والمسح عديل كدي :(:(..
يجيك دآ النفساوي :confused::confused:
الأحباط القوي المؤدي للدبرسة المؤكدة..
غريبة يعني زول عمرهو صغير ولساتهو "ما ضاق الثقيل دآ"..
يستبق عمرهو ويملك إحساسنا ويقول:
إن حظي كدقيق فوق شوكٍ نثروه
ثم قالوا لحفاة في يوم ريح اجمعوه
عَظم الأمرُ عليهم ثم قالوا اتركوه
إن من أشقاه ربي، كيف أنتم تسعدوه...
عليك الرحمة يا سابق عمرك.........

[بابكر مخير]

المصداقية في القول مربوطة بعنصر الشجاعة والشجاعة صفة يتميز بها بعض البشر عن بعضهم..
والكذب في القول مربوطة بعنصر الجُبن وهي صفة تضعف من قيم بعض البشر عن بعضهم...
مستحيل تلقى ليك زول يزموهو بأنه صادق لكن الكذاب دآك سيرته لا تطاق وحتى إن إتتلاكت لا تتزقّم ولكنها تبصق دلالة على رفضه...
الصدق من كرم الطباع وطالما *** جاء الكذوب بخجلة ووجوم
كلامي دآ مقصود بيهو أننا في عمرنا دآ والباقي لينا فيهو القليل بعد أن مضى الكثير بحلوه ومره...
حقنا نكون صادقين حتى لو كان بيودنا للقبر "قال ليك: الأعور طبزوه في عينه العورآ. فقال: هي أصلها خربانة خربانة"
"محمود محمد طه ذاك الرجل الكبير "شايب"؛ إن وافقناهو ولا إختلفنا معاهو. كان صادق مع نفسه وقال الفي خاطرهو"
دحن يا الأكبر مني بي سنين وهي في ظاتها تسنين..
أصدق القول، ينجيك من في السماء
ولا تقل قولا هراء......
وتسقط بس :(:(:(
بس بس بس
إتو الكديسة مش بيقولوا ليها (بس) عشان تغور:confused::confused::confused:

[بابكر مخير]

الفشل، قالهو تعريفه أنه عدم النجاح..
ويبقى النجاح هو أنه تغلب الفشل..
غلوطية لكن البيعرف فكها الياهو الزول العاشها...
نمسك الشوية ونقول مثلن؟!
تلاتين سنة وما في نجاح ودي = الفشل والتلاتين سنة دي (بتذكر في بحث كنا عملناهو في 1977 عن البنقو وإنتشارهو وسط شباب العاصمة حددنا التلاتين نهاية فترة مرحلة الشباب) فهي الحاسمة للفصل بين النجاح والفشل، ما هو الزول إما بقآ دكتور ولا ما بقى، بقى مهندس ولا لا، بقى ضابط ومليان طموح يقلبها ويحكم بيكون فشل في طموحاتهو وفشلت أحلامهو ويبقى فاشل..
إذن تلاتين سنة هي مفصلية في حياة الإنسان والإنسان دي تحتها خط وخطوط لأنهو ما بستحق تسمية إنسان إلا المصطفى والذي خلق على أحسن تقويم ما الحيوان ولا الجماد...
بعد تلاتين سنة إن ما نجحت تبقى ؟؟
فشلتا بس.....
وما تستنى أيتها نجاح بعدها ولو عندك قدرة هرقل ولا مال قاروووون. ما خلاص فترة الشباب والإنتاج ولت فما تحلم....
لكن برضك هناك عامل يغير المعادلة حتى لو نجحت في التلاتين الأولى وهو "الكُبر" ممكن جدن وممكن حقاً أنك تفشل في الستين..
ودي مصيبتها أنه ما بس فشل بالجد بس بي الزود:(:(:(.....
وهاكذا يستمر الفشل مع السنين السبعين فشل شكل والتمانيين فشل حتى في الفشل ظاتهو والتسعين والسنون بغير غيابها النطق وتبقى حقيييييييييييييييييقي (الفسل)....
الحكمة هناك رفيق لي(الفسل) وهو يحمل نفس الحروف بس الرصة غير وهو (الفلس)...
يا أخي مصايبهو كتيرة وهمومهو أكتر؟؟؟
هو مالهو ما ياهو "الثقيل" دآ :mad::mad::mad::mad::mad::mad:

[imported_عبدالله الشقليني]

في واحد صاحبنا إسمو (عباس الكارب ) قدرنا وكده عزم واحد في الواتساب على عرس ولدو في السودان يوم 7 فبراير الماضي
ردة ليهو الأخ ( تسقط بس)

[بابكر مخير]

في واحد صاحبنا إسمو (عباس الكارب ) قدرنا وكده عزم واحد في الواتساب على عرس ولدو في السودان يوم 7 فبراير الماضي
ردة ليهو الأخ ( تسقط بس)

هههههههههههههههههه
مع أنه دآ يابا شغل الكوبار..
الأنقدر وما مدنقرlooool
___________
لكن للأسف ورغم عظمة الكُبر والكِبار...
في ناس ما بتعرف أصول لعبة الكُبر..
أمسك ما هو "بشة" دآ فشلنا وخلانا وسط العالم أضحوكة...
جمع كبير من وليداتي زباين "المندولا" قاعدين ومن الساعة تمانية (هم ناسين توقيت السودان وأنه تمانية هناك عشرة هنا بعد ما التوقيت إتوحد) منتظرين خطاب القدامي بسنتين وهن تسنين "الله يعلم عمرهو الحقيقي كم" مشدودين وبي حماسة..
في دواخلي وكامل قتناعي أنه زولنا ما بيجيب النجيضة لكن قلت يمكن ويمكن "بس" يكون ربنا من عندهو هداهو ويقول شيتن يفرح الوليدات ديل. لكن كمان مسئوليتي كأب ليهم لآبدن من أني أوضح ليهم حاجة غايبآ عنهم في شائننا إحنا العجزنا ديل (وهو أكثرنا عوجزن) في أنه بعض مرات بتفوت علينا وننسى وما نجيب جديد بننسى ونكرر قولنا ظاتهو. وأنا متردد في أني ممكن احبطهم في أمالهم العريضة. آها وبعد ساعة ونص ظهر وبدآ يقول كلامن ولا كلام الطير في الباقير ويهترش ويطربق لمن وبرباطة جأش أعلن الطوارئ وأنه باقي من حتتهو دي ما متحرك وعديييييييييييييييييل كدي قالها ودون مواراة وفي عين الجعيص...
قولة وااااااااااااااااااااااااااحدة من كلمتين.....
طُز بس..
وإنفض الجمع مع إني كنت معول بأنهو قعدتم واليوم إجازة حتطول ومن شاي لي قهوة وشوية سندوتشات حأعمل ليا قرشين تلاتة..
لكن الله لا بارك فيهو... فززهم ولي رزقي قصاهو ليا....
والله مما وعيت ما شفتا لي زولن متبجح وفارغ أكتر من القدافي إلا هو وبس :mad::mad::mad::mad::mad:

[imported_عبدالله الشقليني]

والله القزافي أطيب من بشة ..
بشة دمو بقري فاقد الأحاسيس

[imported_عبدالله الشقليني]

عزيزنا دكتور بابكر
ياخ قارنتو بالقذافي ... رحمتو

[بابكر مخير]

جمع كبير من وليداتي زباين "المندولا" قاعدين ومن الساعة تمانية (هم ناسين توقيت السودان وأنه تمانية هناك عشرة هنا بعد ما التوقيت إتوحد) :mad::mad::mad::mad::mad:

http://www.bbc.com/arabic/world-47333127

بالله دآ لي زملاهو في السلطة الشق التشريعي، بيعتذر...
الأكبر مني سنتين وهن تراهن تسنين.... لي شعبه الهو أصله وراسهو..
متأخر ساعة ونص ولا الله ما فتح ليهو بي قولة متأسف...
نستاهل وإحنا الفرغيين... الناس في شنهو وناس لساتها ماسكا لينا في الصادق وقال وولدهو سوآ... :mad::mad::mad::mad::mad::mad:
هي العمالة دي ما شوف عيييين "بس" ما دايرة معرفتها دخول جامعات :mad:

[بابكر مخير]

والله القلب منشطر من الوجعة
معقول "بس" أصله البيحصل من زبانية الحكومة على الشباب
يا أخي والله كل ضربه في أجسادهم الطاهرة كأنها جردل موية نار إنكبت في جسمي
شفتا قبل شوية فيديو للهجمة على جامعة مأمون حميدة
أنا غايتهو لو كنت محلهو بسلم مفاتيح الجامعة للبشير وأخلي طرفي من الجرم الوقع في مكان هو صاحبه ومالكهو
يا أخونا شذاذ الآفاق ديل ما عندهم رحمة وأنا بفتكر ذي ما الثورة دي بدت سلمية تستمر في سحب البساط من حكومة القتل دي ويمسكهوم الهواآ..
كيف بقآ؟؟
الإضراب التام وما موضوع عصيان عن العمل والذهاب للشغل...
"بس" كل الناس تقعد في بيوتها لمدة يومين تلاتة
نفضي ليهم البلد...
الخطة على النحو التالي..
في اليومين تلاتة الجايات ديل، كل بيت يحضر مؤنته البتكفيهو فترة...
من خضار وموية والحاجات الأساسية..
مدة الإضراب دي لو حتى الناس قدرت تلم الكلاب الضالة من الشارع فليفعلوا ويخلو ليهم الشوارع فاضية..
خليهم يحكموا الفراغ ويعنفوا الهواء وتاتشراتهم ما تسك الا السراب...
وتبقى مش "بس" سلمية
لا نخليها ليهم بلدن فاضية ومبروك عليهم حكمها....
كدي سؤال محيرني؟؟
أكان ضباط الجيش النزلوا معاش ولا دآك بتاع البوليس كيييييييييييييييف لابسين لبس الميري وهم معاشات..
هل صدر قرار جمهوري بإعادتهم الخدمة ولا شنهو :rolleyes::rolleyes::rolleyes::rolleyes:

[بابكر مخير]

يا ربي ينمد في العمر ونحضر التالتة وكنا حاضرين الأهم..
حضرنا الإستقلال وهو الأهم في سن الطفولة..
ثم أكتوبر الأخضر في شبابنا
فرجب أبريل في كوبرنا
التالتة تكون مع عوجوزنا
يا رب بي مشيئتك وقدرتك...
يوم الجمعة دي كلام الرئيس ذكرني الجمعة السوداء ديك (30 يوينيو)
نفس الحكاية، الجيش وهو لا يدري ينسرق..
ضباط وصباط معاشات هم أصلن صف أخونجي جابوهم لابسين دبابير بعد ما البعض خلاص رفاها..
يومتها ديك البيان كان بإسم القيادة العامة حين هو أصلن كان بتاع إخوان مسلمين..
حسي برضك نفس الحكاية كأنه إنقلاب عسكري وهو إخونجي..
شوف الصف وتاريخ رأس الدولة ورئيس الوزراء اللحسي ما عرفناهم والولاة..
غايتهو هاشم عثمان دآ بالجد مصيبة..
حسي وسط الجماعة ديل كيف، كله كآكي وهو ذي الطبشيرة الوقعت في الدواية...
يا أخونا الزول دآ ما شاء الله حضور قوي وشطارته أنه ديمة في الضل لمن حسي جدع عبد الرحيم هنااااااااااك ومسك البشير من حنانه "وودادهو" :eek:

[بابكر مخير]

تاني من جديد؛
يا ربي حينكتب ليا أحضر إنتصار ثورة بنياتي ووليداتي والأحفاد من الجنسين ..
شعور جميل داخلي بيقول ليا: هي ما خلاص..
الشئ دآ بيزيدني إصرارية في التمسك بالحياة إنتظار لي يوم غد (مجازا وما حرفيا) وسقوط المتاجرين بالدين..
قبل شوية شفتا لي موضوع للطيب مصطفى صنف فيهو السودانيين كولللللللللللللللهم لي إتنين، حماة للدين والتانين الشيوعيين وبني علمان (يعني الما كوز يبقى شيوعي ومن بنو علمان طيب أنا أكون شنهو الشيوعين ديل تب ما ناسي أها أبقى يعني من البني وبرضك أحسن ليا مما أكون ذيهو، حاقد، ظالم، مغرور، نرجسي وكل أوصاف حماة الدين)...
قمتا قلتا كدي من ذاكرتي الخربة ومعرفتي المحدودة للناس في سودان البعرفهو أنا أستعرض منو هم الحماة للدين .
لقيت أنهم:
متعددي الزوجات كاذبين في القول غير صادقين في التعامل مع البشر دون الرمي لمكسب مرجو ويكاد يكون غلبتهم الكثيرة من المكتظين بالشحمة وترهل البطن وبروز الخلفية (الغريبة حامي حماة الدين بروفسير حسن الترابي كان غير كدآ مما يخلق شك في حمايته وهو فعلن كان حمايته للدين من منطلق الفلسفة والتنظير ما ذي ناس الغالبية العظمى من ناس حسين خوجلي وايلآ وهلم جرآ)..
يا ربي حينكتب ليا أحضر إنتصار ثورة بنياتي ووليداتي والأحفاد من الجنسين ..
وأشوف يوم في هاشم عثمان

[imported_عبدالله الشقليني]

أشوف يوم فيك يا بشة السيايكوباتي

[بابكر مخير]

أشوف يوم فيك يا بشة السيايكوباتي
رضاء الوالدين
قوله سبحانه: وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلًا كَرِيمًا غ‌ وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَّبِّ ارْحَمْهُمَا كَمَا رَبَّيَانِي صَغِيرًا [الإسراء:24]
هذه واحدة من النعم التي لا يعيشها إلا من له بنت أو ولد وبعض من البشر سيشار اليهم لحقاً "البيتبنو جنآ غيرهم"... فالأمر لست مقصور على أن تكون أنت ِبرَّ بوالديك لكنه يمتد أن تنعم ذريتك أو من ربيت بذلك ويكسبو رضاك عنهم..
الحمد لله حسي مثلن أنا قاعد عند مدينة بتي الموفرة ليا المرقد والمأكل والمشرب غير أنها متابعة مستقبل بقائي بصورة كريمة في بلد زايد الخير....
كما أن الحال يشمل منهم غير بيلوجياً ذريتك إستناداً على (وَقُـل رَّبِّ ارْحَمْهُمَا كَمَا رَبَّـيَانِي صَغِيرا )...
بت ولا ود أخوك ولا أختك أو من الأهل وحتى ممكن طفل يافع قام بتربيته من غير أهله...
ولوجه الله تعالى أو الوالدين طلبوا منك أو إستجابو لرغبتك ومش ؟؟
أخنق فطس..
عشان تنعم برفقة الجمال واللظلظة :eek:
ولا مش كدآ يا ;););)
وتقول ليا: سيايكوباتي :rolleyes::rolleyes:
ما أهو القصة واااااااااااااااااضحة
ما حيتنعم بأن ينعم غيره برضاء المولى عز وجل في بِر والديهم.....

[imported_عبدالله الشقليني]

الكُبُر بلوة لذيذة وغريبة

[بابكر مخير]

الكُبُر بلوة لذيذة وغريبة

اللذيذ في الكُبر أنهو لو فوتا حاجة بيعذروك ويقولوا "هو ما كِبر وبقى نسآي"
والغريب فيهو أنك بعض النواحي الرقيقة تفوتك عدييييييييييييييل، تقول الحق وكتين أخير تسكت وترمي الدراب "ذي شوقي بدري" بلا هوادة...
بمناسبة الكُبر؟؟؟؟
نعم الزول البيكبر بيكون ثقيل "بس" في حالات وما طوالي...
بيكون بينسى وبيكابر لو حاول البعض تذكيرهو بأمر وهو نساهو...
"بس" برضك الزول لمن يكبر
بيبقى حنين
بيبقى رقيق
بيبقى عطوف ...
إتا عمر البشير دآ؟؟؟
ما بيكبر
ولا كِبر لمن إتحجر :(:(:(:(
بكرآ كيف؟؟
ماشي الشغل ولا ذيي؟
متضامن:o:o:o:o:o

[بابكر مخير]

يا أخونا شذاذ الآفاق ديل ما عندهم رحمة وأنا بفتكر ذي ما الثورة دي بدت سلمية تستمر في سحب البساط من حكومة القتل دي ويمسكهوم الهواآ..
كيف بقآ؟؟
الإضراب التام وما موضوع عصيان عن العمل والذهاب للشغل...
"بس" كل الناس تقعد في بيوتها لمدة يومين تلاتة
نفضي ليهم البلد...
الخطة على النحو التالي..
في اليومين تلاتة الجايات ديل، كل بيت يحضر مؤنته البتكفيهو فترة...
من خضار وموية والحاجات الأساسية..
مدة الإضراب دي لو حتى الناس قدرت تلم الكلاب الضالة من الشارع فليفعلوا ويخلو ليهم الشوارع فاضية..
خليهم يحكموا الفراغ ويعنفوا الهواء وتاتشراتهم ما تسك الا السراب...
وتبقى مش "بس" سلمية
لا نخليها ليهم بلدن فاضية ومبروك عليهم حكمها....
rolleyes::rolleyes::rolleyes::rolleyes:

ردي دآ واليوم المبارك دآ بيناتهم تناسق في الروح.
أنا في السبعين من عمري أستلهم رؤى شباب (المهنيين) وتأكيداً مني لهذا التناغم..
اليوم "المندولا" قاااااااااااافلة..
فلتكن دريهمات. فهي أكيد لن تشبع بطن أو تروئ ظمآ
وغير مبكين عليها
ولكن كل البكاء على الشهداء ممن هم في عمر الظبا

[imported_عبدالله الشقليني]

البشير مشيهو زي فرامة الخدرة .. أظنو قايل ما بكبر
مشيهو مشاتر ورقيصو مشاتر . مافي زول يهديهو ..
يريحوا ويريح الناس منو..
ويقول ليهو تسيب الحكم فافي زول بيسلمك
أمي الله يسلمك ...
ولا يسلم علي على الرئيس ويسقط بس

https://www.youtube.com/watch?v=gKsB5nC9BtY

[بابكر مخير]

مع الكُبر في حاجات أخير الوصل للمرحلة العمرية الثقيلة دي يختاها..
زمان كان الواحد ذي حمل الخريف في مشيته ينطط وإن ماشي في الشارع وهناك البيستاهل ينشاف، رقبته التقول رقبة بومة أكتر من full circle.
شباب وعنفوان وفتوة كمييية كدآ من الجمال..
كلها وراس مالها صفقة (حسي بنياتي بقن بي زغرودة) والخلق تتلمآ وهتافات بحلاقيم تشق عنان السمآ. أكتوبر كنا في قمة الصحة أما رجب فالعمر بدا في الخنوع والإستكآنة لطاعون الكِبر..
اها حسي مع العمر دآ؟؟
كتر خيرنا القادرين علي "طق الحنك"
شقيقي الحبيب بروفسير قاسم فرضت عليه الظروف أن يكون وسط بنياته في وسط سينامي بمبان ومسكين دفع التمن والحمد لله ربنا غطاه وجات خفيفة. دحن يا قسيم ابقآ على أضعف الإيمان...
بس الغريبة المصيبة دآ مع البلالي المغيرنها ليهو...
"بس" التقول باقي ليهو يعمل رقصة مشي الرمل بتاعت مايكل جاكسون

[imported_عبدالله الشقليني]

أخونا دكتور بابكر
تحياتي
سمعت تراطيش كلام عن الكُبُر:
أولاً : الشعر فضة
ثانياً : حجارة كريمة في الكُلى
وثالثاً : الكلام موزون بالدهب

[imported_عبدالله الشقليني]

والشَعر فضة جاري دة المجننا :
https://www.youtube.com/watch?v=yWdK9721vR0

أها دة الجن عديل

[بابكر مخير]

أخونا دكتور بابكر
تحياتي
سمعت تراطيش كلام عن الكُبُر:
أولاً : الشعر فضة
ثانياً : حجارة كريمة في الكُلى
وثالثاً : الكلام موزون بالدهب

الحبيب قالوا: السن تضاحك نديديها
تعرف كتير من الأوقات دون سابق إنذار أو ممكن لي سبب.
تتذكر زولن دفعتك أو أصغر لكن عندك ليهو معزة خاصة..
دحن الأيام دي وكل يوم أفتش في "الراكوبة" لي الأستاذ الفاتح جبرة المعلم الساخر..
ما لاقيهو لمن بديت أنزعج..
يا ريت لو عندك معرفة يقدر يجيب لينا أخبارهو..
تتقل بيها قلبنا عليهو......
آها نجيك ردن لي قولك الفوق دآ..
قولة أنه الشعر فضة فدي مشكوك في صحتها لأنه مع الكُبر يبدآ الشعر في الإنعدام وياهن سبيبتين والباقي دلجة... والكلام دآك ما بتوزن حتى بالحصحاص ما ياهو هترشة خرف وحتى ما بيساوي حبتين من الخزف ...
اللهم دوم لينا محبة الأحباب

[imported_عبدالله الشقليني]

https://www.youtube.com/watch?v=80k3b90od2w
بقيت ظالم يا أخوي

[بابكر مخير]

كما قلنا من قبل.
رهافة القلب وزخم العاطفة وغلبة المحنة..
قلبي معصور شوق للأستاذ الفاتح جبرة
توهني في سبيل معرفة إنقطاعه من الكتابة
بالله عليكم العندو ليهو طريق
يبلغه أشواقنا وبالغ تحايانا وجل إحترامنا

[imported_عبدالله الشقليني]

هذا حديثك :


كما قلنا من قبل.
رهافة القلب وزخم العاطفة وغلبة المحنة..
قلبي معصور شوق للأستاذ الفاتح جبرة
توهني في سبيل معرفة إنقطاعه من الكتابة
بالله عليكم العندو ليهو طريق
يبلغه أشواقنا وبالغ تحايانا وجل إحترامنا

والله الفاتح جبرة ما عندي خبره

[بابكر مخير]

ما عندي خبره

الحبيب
لكن أنا عندي ليك خبر..
جابو لينا دكتور وكمان عميد وشرطة معتمدً لامدرمان..
يعني زول رتبة عشان عينهو حمرا ودكتور عشان يعالج الخلل وشرطي حامي الناس المساكين وناصر للغلابة...
والله يا شقيق الحبيب
بلدنا بقت إقطاعية..
الرئيس مكن أهله وعشيرتهو ورفاقتهو..
هاشم كمان مسك موالينهو في الشرطة محليات العاصمة القومية، ما هي حقتهو. مش هو الوالي...
والله يابا...
بس الواحد إلا يقول ليهو:
هانت حتى صرت للخرطوم واليا
وعجبي كيف أنت
أصبحت واليا
بتذكر مرة مشيت الخرطوم إجازة وكنت أنت مدير مكتب رئيس الجمهورية ولما كانت الدنيا عيد وأنا إتصلت بمكتبك بعد إسبوع من إجازة العيد. قالوا: أنك ما رجعت من بلدك..
ديك هي بلدك محل بتعيد شنهو الجاب لي جاب في شان تكون والي الخرطوم؟؟؟؟
غايتهو وغايتهو من هنا، لييييييييييين صنقعت...

[imported_عبدالله الشقليني]

https://www.youtube.com/watch?v=jP_PmZ-oCAA&list=RDjP_PmZ-oCAA&start_radio=1

استراحة

[بابكر مخير]

استراحة

الحبيب ويييييييييييين الإستراحة وكل يوم تلقى من الأخبار البعكنن المزاج ويفور الدم..
قالوا البشير مشى لحسين خوجلي يطمئن على صحته..
ياهم شبهينا وإتلاقينا.........
قالوا النظام يحاول إستمالة سكان بري لإنهاء المظاهرات والمعتمد يؤكد أن المنطقة ستجد كل الاهتمام والرعاية...
يعني حملات نظافة....
ودي هنا شطارة النظام وقول ليا كيييييييييف...
عمال النظافة هم منهو؟؟
أكيد عناصر الأمن undercover عشان يكونوا في موقع نشاطات أحفادي الثوار..
أدوات النظافة ما هي الهروات يعني المقشاشة بتكون بدون عصاية؟؟؟
النقليات المستعملة في الحملات دي وهي بكاسي ولواري ودي هي مخازن متحركة للبمبان والأسلحة النارية لتكون في متناول اليد...
وأنا بقول:
نظافتكم هي. بقشكم وبس..
دي قراءة مستوحاة من دراسة سريعة لشخصية الوالي الذي هو من الدهاء والخبث واصل لحد الإعجاز وشطارته أنه أتى بوليداتهو على رأس المحليات عشان ينفذوا ليهو مخططه ..
بالمناسبة الوالي دآ كان أول من قاد النظام العام وبدون مناسبة ويييييييييين دكتور عبد الباقي "كلاب" يد هاشم عثمان الطولى...
وكييييييييييييييييييييييييييييف تكون في إستراحة ولساتنا في بَرَّحَ الإنقاص....
الخبر منقول من الجارة..
https://www.alrakoba.net/news-action-show-id-317033.htm
ملحق وإستدراك..
بالمناسبة والحمد لله لقيت الأستاذ الفاتح جبرة في الجارة الراكوبة ورجع من جديد، حمد الله على عودته قلمن حلو وجميل وراقي...

[imported_عبدالله الشقليني]

الشكر ليك يا حفيد مربي الأجيال / الدكتور بابكر مخير،
إن شاء الله قضيت الفي مرادك .
والله هذا الملف استراحة لمن لم تريحه دنياه ،
فيأتي المُتأمل في خيره
لك السلام ومنك السلام.

[بابكر مخير]

مع الكُبر
الحياة بتبقى روتين بشكل عجيب
كل الأمور ممنهجة
ومش موضوع بصورة كدآ عادية؟
لا!! بصورة تطرف إنتمائي أقوى من الداعشسيم والاسترالي بتاع نيوزيلندا، تطرف وبجهالة ذي بتاع الأمنجيية الهبل ديل البتعدو ضربا بوحشية على الناس وهم خادمين لأجندة جبناء بيحركوهم من خلف الكواليس ومصالح ذي تصرف زولن وصل من العمر أرزله وينافق لمراضاة الحرامية الذيهو ويسب ويلعن أصله وفصله "حسين مثال"..
قول مثلن موضوع التطرف في الإنتماء ممكن الموضوع دآ يكون للجينات فيهو تأثير أو البيئة المحيطة ، مثلن أنا أنصاري أكييييييييد البيئة المحيطة ليها تأثير في إنتمائي للكيان دآ نتيجة ليهو..
أنا حسي في سودانيات
بكتب فيها وإنتمائي الكاااااااااامل هو البيخلني مهما كان وإن كان أو لم يجوز له أن كان ولم يكن.. ما بسيبها. بقرا هنا وهناك لكن ياها داري وناسها أهلي...
أهاااااااااااااااااااا نجي لي لب الموضوع؟؟؟
شايف روفي في صفحتهو منزل صور لا أملك إلا أن أحسده على أن حظي بأن شارك ناسن جمال في أن التقى بهم وأخد معاهم صور...
طيب يا روفي لييييييييييييييييييه ما تبرنا بيها هنانا..
منها تشبعنا بشوفتكم كلكم ومنها إثراء لصفحات سودانيات ودعم لإرشيف مدياها...
وتفتح لينا فيها مثل هذا... :cool::cool:

الملف

بنيتي الحبيبة
برضك عاتب عليك
أشركينا معك
جمال قلمك
وحلو الكلام

[بابكر مخير]

صويحبات الكُبر..
ما ليهن شبيه، يقدلن كُتر
ما لهن رقيب يحكمن بي أمر.....
بالله عليك كتيرات كترآ...
قلن منهن البينشاف بالعين والبنحس في الجسم والبحس بيهو غيرك من قبلك من ثقالة أو تقل دم أو فرض نفس كدي بس أخنق فطس ولا المطاطرة الدون سبب ومسببات.
سؤال عرضي؟
إتو حسين شندي دآ قدرنا ولا شنهو مرق من الشبكة :eek:..
ما علينا نرجع للجيكس (الوصيحبات)..
هن بيغونك لي أمور غايتهو بس العياذ بالله من غلبة الوصيحبات وقهر الرجال... والمشكلة أنك ما قدر كدي...
أمسك عندك الوضوء!!
أهآ دآ الكُبر بأذرعه الخبيثة ما ياهن "الوصيحبات" يجهجك فيهو..
إتا واقف تتضواء إلا بي سنادات والمشكلة السنادة دايرآ ليها يدن تمسكها وتبقى بس قصة والعروس دايرآ فلوس والفلوس .... وهلما جرآ...
إن قلتا تقعد بتقوم قيامتك لمن تجي تقوم. ما الركب إنصلبن والراس بيدوش وبيقى الحل تقضي أمرك في جلسة وضوءك لكن كيييييييف؟ دآ ممكن في السودان في الحيشان وإتا قاعد في الهبتابي والإبريق جمبك.
سؤال عرضي.. لييييييييييييه في الوضوء الناس التقول تناكر البلدية أيام إنتشار السحائي بيروشو الموية ويطمبجو محل الوضوء بالموية مع أنه قيل والله أعلم أنه الرسول وصى بأن الماء الكافي للوضوء هو بمقدار نص كوبوطبعن أكيييييييييييييييد ما في في الدنيا دي كلها كوب سعتة جالون..
سيبنا والنرجع لي قصة الوضوء؟!
عندك سكري ما عندك. عندك البروستاتا أم عندك فالأمر سيان...
التبول من حسان "الوصيحبات" وأكثرهن سطوة يعني تجهجه عدييييييييييييييييييييييل وبقآ مع الوضوء ليها صولات وجولات.
بي قدرتك ومشيت تنقز تنقز بي رجليك وإتوضيت! قبل تصل التبروقآ تنعصر وترجع ويا زول تستمر الجيكسوية تراذي بيك لمن يقرب وكت الصلآ يفوت وما يبقآ ليك إلا تكتم الزنقة في حنانك وتقضي فرضك وبعدين تنحل...
آآآآآآآآآآآآآآآآآآآخ يا حليلنا منها الفانية..

http://sudanyat.org/vb/attachment.php?attachmentid=1349&stc=1&d=1553757946

[بابكر مخير]

[QUOTE=بابكر مخير;545999]
إتو حسين شندي دآ قدرنا ولا شنهو مرق من الشبكة :eek:..

ههههههه
طلعتا أنا المرقتا خارج الشبكة :eek:
(واحدة من صويحبات الكُبر) "الطربقة والخرف في صحن شهي"
مع الإعتذار الشديد للفنان حسين شندي والذي أنا واحد من الكثيريين جدا المعجبين بيهو.
لك العتبى.
قطعا لم يفت عليكم أنه المقصود حسين خوجلي :(:(:(

[بابكر مخير]

واحدة من الأشياء المحزنة في الكُبر أنك بتعيش لترى أمور نقول نعم منها الحسن وهي أنك بتلاقي ناس تسعد بيهم وبمعرفتهم، أمور تحدث تفرح وتخليك تشعر بقيمتك وبإنسانيتك.
لكن وبما أنك عشت طويل ما ننسى أنه بتمر عليك حقبات صعيبة وعصيبة.
تحصل تغيرات محزنة بتشعرها وهي دي البتخليك تكره حتى اليوم الإتولدتا فيهو..
أنا عن نفسي شافع، عايشت أبوي وأمي وقاسم أخوي، جدي بابكر بدري والسيد عبد الرحمن وما بتذكر أنه حكاية إمام دي ما كانت ذائعة الصيت حتى ما بين الأنصار أنفسهم (كان محبيه وتابعيه وكل الكون بيقولوا "السيد عبد الرحمن" ليهو ولأبنه السيد صديق المهدي)، شفتا نهرو والإمبراطور هيلاسيلاسي عن قرب، لاقيت الزعيم أزهري في إجزخانة أمدرمان"صيدلية الوالد" قبل أن يكون رئيس الوزراء وجالست عبد الخالق محجوب قبل أن نصاهره أو يصاهرنا (أيهما أصح) والمحجوب وأبراهيم عوض وحضرت أم كلثوم في المسرح القومي وفرقة التزحلق على الجليد في المسرح القومي برضك وكذلك حضرتا مبارة هونفيد المجري ولاعبه بوشكاش (طبعن غلبوا الهلال 9 وكانت في أغنية قبل المبارة بتقول: يا بوجيك (لاعب مشهور في هونفيد) صديق (القصد صديق منزول) راجيك..
وإستمتعت بكوني ملاصق للعميد يوسف بدري وطفولتي جمالها كان في صحبة توأم الروح بروفسير قاسم بدري.
فترة كنت يافعا حضرت حكم العسكر الأول نوفمبر بقيادة العم إبراهم عبود و شبابي كان زمن حكم مايو. نميري وخالد حسن عباس والزينكو (في عمر إخوة أكبر عمرا "مع إختلافي مع فترة حكمهم الدكتاتوري")..
توالت الأيام وأبى القدر إلا أن تكون سنين الشيخوخة والكِبر أن أحضر حكم فرد هو في نفس عمري (طبعن تسنين وعلى قوله وبي عضمت لسانه).
أعيش عشان أشوف سوداني الزمان !
إتقطع (جنوب وشمال)
إتلاك لبانة في خشم البسوى والمابيسوى
ملاحق في المحاكم دوليا
حكومته بقت شعب كأنه منطلق شحدة بين الأمم............
في زمنا العم عبود لمن شاف الناس وقفت ضده إستقال.
نميري لمن الناس ثارت عليهو، الكانو معاهو سلموها للشعب (عمر محمد الطيب).
الكلام دآ كان زمان.
الثورات الشعبية عملناها قبل الناس ما تعرف الثورات، 40 سنة...
حسي والله الواحد خجلان من نفسهو ومحتقر جيلهو والمنهو الأكبر مني سنتين وبالتسنين دآ.
لييييييييييييييه ما يبقى ذي عمي عبود وجماعة مايو..
يسلمها...
أهو واحد من مقاتلي الحرية في الجزائر الشقيق عمل بي أصله (نعم بعد ما إتلويق) وسلمها للناس القالوا ليهو.
تسقط بس...
وتسقط بس :mad::mad::mad:

[بابكر مخير]

ضرب مثال آخر لمفهوم الكبر...
بوتفليقة يعتذر لشعبه عن المعاناة التي تسبب له فيها...
يا دفعة الحق وما تفوت الفرصة واتا عارف شعب السودان يستاهل اكتر مما عمله الزول دا لي شعبه...

[بابكر مخير]

بس
كلمة من حرفين تهز كل يوم بقوة في عرش الطغاة، ترعبه أكثر لمن تصدر من "شافع"1..

هي معناها شنهو..


http://sudanyat.org/vb/attachment.php?attachmentid=1350&stc=1&d=1554452307

طلع أنها في الأصل هي فارسية، لكن المعنى هو نفسهو المقصود البنستعملهو ..

طبعن القول دآ كلهو، قوقلآ


شافع لست تقليل لي أحفادي الأبطال طلبة الكتاتيب فكلمة "شافع" هي تعني الصغير اللساتهو طفل صغير (شَاةٌ شافِعٌ : شَاةٌ لَهَا وَلَدٌ يَتْبَعُهَا وَهِيَ حَامِلٌ)

https://www.youtube.com/watch?v=jGcMiWrLfik

https://www.youtube.com/watch?v=MpLwirjgjAY

[imported_عبدالله الشقليني]

تحياتي لدكتور بابكر ..
الكبير نط من خطاب الليلة !!!!!!!!!!

[بابكر مخير]

تحياتي لدكتور بابكر ..
الكبير نط من خطاب الليلة !!!!!!!!!!

أخي الحبيب
تعرف صاحبك بخاااااااف من الطيارة ومن زمااااااااان ولي حسة وظنيتهو لين قدام (حتى قبل سقوط الطائرة الأثيوبية) وتلاقاني! بطني مايصاني وريقي ناش وصداع كدآ ما تعرفهو وجع رأس ولا حرقة عيون ولا صنة أضان وزيادة في حموضة المعدة وزيادة في ضربات القلب.
الليلة وأنا السفر الهين دآ ما مسافرهو (ربنا براهو يعرف مواعيد السفر دآك الدون رجعة).
لكن كل الأعراض دي صايباني. الوالدة الله يرحمها كانت ديمة لمن أكون في ذي الحالة دي وصااااااني وفاصل وقاطع شبكة وولا حتى بتكلم. بتقول ليا: خير وزين والصلاة علي النبي، مالك ضاربك أرو، ما تمشي يجينا خبرن شين. وسبب كلامها دآ أنه لمن يضربني الأرو أكييييييييييد شيتن بيحصل..
حسي وأنا في الحالة التعيسة المخيفة دي؟؟
إن شاء الله ما يكون خوف أرو ويكون خوفن، ذي حق سفرن هييييييين..
أنا يابا
خايف علي وليداتي وأحفادي من الجنسين البآكر بإذن الله وحمايتهو طالعين يصادموا الغول..
يا رب يا حق
أنصرهم وأحميهم وغطيهم...
قال الله عز وجل: {إذ تستغيثون ربكم فاستجاب لكم}.
https://www.youtube.com/watch?v=Wvma-0QWLVI

[imported_عبدالله الشقليني]

https://www.youtube.com/watch?v=OcEgxdvBDNk
والله مشتاقين : ألحان محمد وردي وغناء عثمان مصطفى

[بابكر مخير]

http://sudanyat.org/vb/attachment.php?attachmentid=1351&stc=1&d=1554652827

هكذا يًجل الكبار
لكن هل كل الكبار يستحقون ذلك؟؟؟؟؟؟
(أكبر بسنتين تسنين على قولك وما قدرت تستحوز على مثل هذا؟)..
في رأيي؟!
الشعب السوداني لكرمه
المولى أرسل له مثل هؤلاء ليتعلم الغير كيف تكون الشعوب؛
شعب جاد
مصادم ومقدام
مؤدب وراقي
شعب عظيييييييييييييييييييييييييييييييييييييييييييييييي ييم
:cool::cool::cool::cool::cool::cool:

[بابكر مخير]

الحرقة
إحساس نفسي ينقلب بصورة سريعة ومباشرة للترجمهو الدموع
فيديو غلبني أنزلهو وطلبت من شقيق الروح الصغنوني "كوكي" أنه يساعدني فيهو..
المهم لمن بشوف في الفيديو وجندي القوات المسلحة السودانية الأصيلة فخر السودان زملاهو بيدوا في الثوار الموية وهو من الحرقة جالس بلا حراك وبس يمسح في ديمعاتهو الطاهرات. أنا كنت قايل برآآآآآآآآآآآي الدمعة ساخنة الجرت لكنه لقيتهو حرقتهو أكتر..
فلينصركم الله يا شعبي الجميل، الحبيب

[بابكر مخير]

الغريبة في معايشت الحاصل دآ
تلقى عينك منها دمعة جارية
وبسمة في شفاكا حايرة..
ما في الصورة تحكي شيتن يوجع،
الجرحي دماها سايلة
والشهيد
جنازة ساير
مش بخلي الدمعة جارية؟؟؟؟
لكن كمان الأمور في الحاصل دآ؟
أحداثها دايرة..
البنيات والجنون حول القيادة ذي الفراشة
لمن تكون لافة حول الزهرة دايرة...
حقيقي شيتن يفرح...
بس بين دآك الوجع والتاني الفرح،،،
تبقى البسمة مرسومة وفي دليلها حايرة.....
تفرح ولا تحزن
تضحك ولا تبكي
والله صعب تقدر تقول ولا توصف الحال العليك......
يا ربي يا سيدي يا لطيف يا عزيز..
الليلة قبل بآكر!!
______________________

تسقط تسقط بس

[بابكر مخير]

مع الكُبر
القدرات بتضعف لي درجة عالية "ولا تظنن بالقولة الظنون وإحنا في الصدق والشفافية" وتتجلى عليك قولة: ركيب سرجين وقيع وصاحب بالين كضيب.
هي حاجة واحدة تقدر تعملها وحتى لو بقن يدينك عشرة لأنه كل الحواس مربوطة بمركز واااااااحد وهو الدماغ والمركز دآ بقآ ذي مركز المؤتمر الوطني! فاضي جواهو شكله جميل وكبير.
القصة وما فيها أنا حسي رأسي دايش
تشوف قدام القيادة والحلاوة دي وعظمة الشعب
تلقى أنه الحقيقة البشير حكمنا 30 سنة
تقوم تتلخبط وأخرتها ترميها في الكُبر الخلاك "مضطرب ومهزوز وتفكيرك خرب"
لكن بالجد كدآ مش دي غلوطية.. كيف وكيفن؟؟؟؟؟
لا وكمان تزعل من نفسك ومن ناسك لمن تلقى ذي الكلام التحت دآ من زوله في القمة......

_________
http://sudanyat.org/vb/attachment.php?attachmentid=1352&stc=1&d=1554886371

___________

ديشك ظاتهو :mad::mad::mad::mad::mad:

[بابكر مخير]

_________
http://sudanyat.org/vb/attachment.php?attachmentid=1352&stc=1&d=1554886371

___________

ديشك ظاتهو :mad::mad::mad::mad::mad:

ود خالي بلالي؛
لحق صلي
روفي؛
لحق صلي..
أنا غايتهو رغبتن أن أكون (جزئية) بديت أصلي..
ما هو صك الجزئية يمكن يكون مقابلهو "كآش"
وبوصيكم بالصلاة الوسطى..
أكييييييييييييييييد بتوصل القصر:(

[بابكر مخير]

من صباحات الله
ما عارف الفيني شنهو..
والله العظيم وأصدقكم القول...
ضاربني آرو..
يا رب يا مغطي
يا لطيف
يا الله
جيب العواقب سليمة..
اللهم غطي على حفيداتي وأحفادي، بناتي وأبنائي وإخواتي وإخوتي وأهلي وأحبائي...

[بابكر مخير]

يعني بالله مع العمر دآ والواحد نظرهو قريب من كمين كدآ على كمين "ما هو حكاية المقاس بي ستة مرن عليهو عشرات السنين" يجبر أنه يسكاك بالمصيبة الشاشتها إن خلاص وسعت (ربنا يوسعها علي الفي القيادة والسودان كله، الليلة قبل باكر) ياها 5 بوصة. في الفيس والواتس للأخبار والأحداث الفي البلد. ما هو لو كان الإعلام العالمي منستر كان التلفزيون ينقل لينا الطامحين ليهو وتكون رحمة (إن شاء الله يا رب رحمتك تغطي الميدان القدام القيادة بكل ممن فيه وتحميهم من "الزُنماء.. الكلمة دي عجبتني تب").
يعني والله لو عمر ينستر ويفكها ويرحل وياخد معاهو محبينهو ورفقاهو وأسرته وزوجاته إحنا ترآ حننفكا من البحلقة في الخمسة بوصة دي..
يا أخي رحمة بأبناء جيلك وأرحل بس :mad::mad::mad::mad::mad:

[بابكر مخير]

إتصور معاي!؟
جيت من أسرة متعلمة وإتا قريت وإتعلمت...
إتوظفت وإشتغلت ووصلت في الوظيفة لحتة كويسة لييييييين نزلتا المعاش وقبلها؟!
إتزوجت وجابو ليك جنآ...
وكِبرتا خلاااااااااااص بعد ما عشت في الدنيا وعرفتا الكتير أكان في بلدك ولا في دول الغربة أكان أسيا ولا أفريقيا وحتى أوربا وشعرتا بي نفسك أنك..
ناقشها وراسمها وحتى كمان مقددها..
يلموا فيك من هم أقل منك في دآ كلهو إلا العمر إتا وهم قرييبين من بعض ويدقسوك :mad::mad::mad::mad:..
ما حاجة فعلن تزعل....
حسي إبن عوف الهوين دآ يعني يدقسني ما شيتن يوجع..
غايتو إلا ياهو القولة:
حسبي الله ونعم الوكيل...........
وتسقط تاني

[بابكر مخير]

ليييييييييييييييه الجيش ينحصر في مجموعة صغيرة هي جنا النظام السابق..
اللجنة الأمنية ولا سميها ما شئت..
الكانو فيها منهو كلهم منظمين وذي مجموعتهم دي ما بتدخل وسطها إلا زولها أو زول يكون هوين ومن السهل قيادتهم....
يا أخوانا لييييييييييه ما كانو قادة الوحدات ولا المناطق هم المشكلين للمجلس العسكري..
الزول الحسي فوق دآ لو عاقل وأنا بكون من أول الداعميين ليهو. يعلن عن حل مصيبتهم الورثوها دي ويسميها ما شاء وحتى بي نفس الخلق. بس يعني يفهم أنه المسميات القديمة من الإنقاذ مستفزة للشعب وإلا يكون رجالة جياشة وركوب رأس..
بس حقهو يعرف أنه البيركب رأسهو بتنقلب عليهو ورأسهو بيبقى تحت كرعينهو.....
والله الدياشة يحلنا منهم الله أكان الحسي ولا الجايين وأكييييييييييد بيجوا تاني وتلات "ما هم يضيرهم أن يروا الخلق تعيش بعزة وكرامة وحرية، ذي ما بينعصروا في الجيش يفشهو فينا"
يلعن ديشك ظاتهو

[بابكر مخير]

قالوا: "بس هم مهو القالوا والله ماني عارف"
لو ضرسك مواجعك، إنشغل منهو وأجرح يدك..
يعني كلهو في كلهو وجع وألم، بس بتنصرف عن دآك بي دآ....
ودي الحالة الباقية عليا...
أربعة شهور والواحد عايش في دنيا الخوف علي الأهل من طراشة المندحرين وردود أفعالهم المتطرفة تجاه العزل حباني ناس "سلمية، سلمية"
أربعة شهور ومرتاح من آآآآآآآآخ وإيخ، من رجلي شاداني وبطني مواجعاني وعيني مؤلماني.
مرتاح من التفكير من كل شئ من البنقدر عليهو وما بستوجب جهد أو طاقة ومن دآك الأصله أصبح في طئ النسيان...
أربعة شهور الواحد إستمتع بيها وفيها ومنها..
الأيقونة وقوتها، الدياشة السادة الوليدات الحلويين الوقفوا متصدين للرصاص لحمياة أهلهم العزل "ناس سلمية"، الأحفاد الحلويين و"تسكت بس".
أربعة شهور حلاوتها
إرتحنا من شوفة القَمِيءٌ، من طلة أحمد الطاهر والخبيث هاشم عثمان المتوارئ وعامل حريف وما ظاهر....
إنتهت فترة الإجازة من أوجاع الثقيل دآ والعيش وسط البشر والعودة لي حضنه ومسلم نفسي ولا لسة..
الدياشة عندهم رؤية تانية وما عايزين يجيبوها البر ويغوروا وناس "سلمية سلمية" يقعدوا حارنيين ومستمرين في إعتصامهم فترة تانية...
الجسم ما بتحمل جنس دآ...
هدوء وإثارة..
ما هو إحنا ما "بيرة":eek:
قالوا (المهم قالوا): البيرة أثناء تصنيعها بمرروها في مواسير بااااااااااااردة وبعدها حاااااارة تقوم ياهو تتطلع طعمتها مخمرة ومسكرة...
والناس تقدرها لذلك. لكن ناس إحنا بنتفتفت..
ما أصلنا من تراب :(:(:(:(

[بابكر مخير]

مع الكُبر
المواهب تتجلى من جديد، يعني قول زمان كنت شطور أو حريف أو ناقشها وقالبها وداهن الهوآ دوكو..
مع الكبر ومرور السنين بتكسب مهرات وخبرات ومعرف.
أمسك مثلن شوقي بدري..
في دمه الأدب والعلم، كان من أبوهو أو أهله كان رباطاب كان دناقلة وحاله حال أخوانه الكبار "عمرا ومقاما" ودي الحاجة الما كانت ظاهرة فيهو من زمان، زول رياضة وحياة إجتماعية وداقش الحياة من كل زاوية وكل حيطة ونور شارع. مع العمر رجع بقوة لإرثه في الأدب (طبعن أدب دي المقصود بيها في المقام الأول وأظنه الأخير "الكتابة")..
حسي أنا يعني من جدودي والحمد لله بس أضفت عنصر ندر أن يحظى بيهو الكثير من الناس وهو أن تثق في أحد ومنه تتعلم.. القراية الصحيحة... ربنا يحفظك ويغطيك سيد صادق، بصرت رؤانا حتى أن بعض الأمور تنجلي أمامنا قبل أن يراها الأخرون..
شنهو الجاب الكلام دآ....
رؤية كنت رسلتها لأخي الحبيب "القبطي" روفي في الفيس
http://www.sudanyat.org/vb/uploaded/851_1555314148.png
وكان أن حدثت يوم البارحة....
https://www.alrakoba.net/news-action-show-id-318405.htm...
:cool::cool::cool::cool:

[بابكر مخير]

تتذكر أيام زمان والناس الكانت فيها.
بساطة في التعامل وهي كبيرة في مناصبها وعالية في مكانتها.
يعني الزعيم أزهري يجي إجزخانة أمدرمان وهو ماشي علي نادي الخريجين، يلقى ابراهيم قاسم معهو نفرين تلاتة من أهله الأنصار. يقعد والشاي من قهوة ود ال أغآ المواجهة لإجزخانة أمدرمان وفي الجهة المقابلة لنادي الخريجيين، يمرق من هناك يمر على الحلاق الجمب الصيدلية والعجلاتي يسلم عليهم ومن الطرف دآ يرفع يدهو تحية لكربيت (صيانة السيارات وهو راجل معضل يحكى عنه "أنا ما شفتها" يرفع العربية ليغيير الإطارات بيديه).
نمشي وشقيق الروح بروف قاسم مع جدي بابكر لزيارة الإمام عبد الرحمن، يأخدك ويقبل رأسك وما تنسى حولية الميرغني أخر مرة حضرتها كانت في أخر إجازة في السودان ورفقة للعميد قاسم بدري والكان دعهو أهلنا الكوارتة لحضورها.
كان أعز أصدقائي أخي صلاح حمد وعمه القيادي الإتحادي حسن حمد ومن إخوتي الذين أعزهم ليومنا هذا، علي بابكر الكنين "شيوعي" وفتحي حنفي "مستقل" ولا أنسى العزيز دكتور سيد "البعثي" ودكتور الفاتح "من القيادات الأولى لحزب المؤتمر" ..
هاكم دي؟؟؟؟؟
مارست العمل النقابي "نوعياً!؟" ممثل للطلاب الأفارقة والعرب في طلاب داخليات ملينسكآ دولينا، مارست العمل السياسي والطوعي......
روحي شااااااااااااااااابة بالجد ;););) لكن العمر خاييين. غدر بيا طيرني للسبعينات :mad::mad::mad:
طيب ما تفتكرو وحسي إتو كآيسين ليكم شخصية قومية لمدة يكون رئيس "بس ما بديكم ضمان أني أعيشها للأخر:(:(:(
قال ليك؛ واحد مرتااااااااااااح سمع ليهو عن فكي كآرب حتى الشآي باللبن في الكباية بيوزعهم يخلي ليك اللبن فوق والشاي من تحت.. أها ال لي الفكي، عايزك تديني عمرن ما أموت بيهو. الفكي قال ليهو: خت البياض وزولك ردم ليك الفكي ردم والفكي شغااااااال يرمي في البخور ويتمتم ويرمي ويتمتم وفي الأخير قال لي صاحبنا:
أمشي كلهو تمام، ما بتمنا إلا في أجلك....
حاجة مهمة بذكرها..
قدر ما أنكم بتعيني رئيس معناها حتوفروا ليا سكن وبتحلوا ليا مشكلة كبير (أخوكم أصله مهملس) وأطمئنكم كمان أني بلغت من العمر عتية ويبقى سرقة وإن حصلت بتكون يا دوبك قدر حق الكفن..
بالله رأيكم شنهو..
ما رئيسن لقطة
وكمان ود غرب ودي حتى بيوصووا بها للدايرة عريسن لقطة ذي ما حسي عروستنا ثورتنا دايرين ليها زولن ينصرها ويسترها ويريحها "ود الغرب البسر القلب"..
مش كدآ يا وداد :o:o:o

[بابكر مخير]

مع الكُبر
الحسابات تكتر وكلها سبحان الله محظورة في العملتهو شنهو عشان ينفع لي قدام وتبقى زولن بس كآيس السترة والمخارجة السهلة..
تبقى ما عايز تزعل زول وما تغضِب حد..
أنا غايتهو بستغرب البشير دآ...
كِبر في العمر ولكنه أبدن ما أشعرني يوم بأنه أكبر مني بسنتين "وهن تسنين" لأنه ما أداني إيحاء بأن تفكيرهو ذيي كدي، زولن منكسر ومَهيض الجناح وخاوي الوَفْضَةُ...
زولن قرب... وأخير ليهو ما يظلم وما يتكبر
حسي زول دآ وعيييييييييييك وملايييييين عييييييييييك...
حسي شوف المشاكل الماشة تقابلهو..
سجن والسجن دآ فيهو مشكلة أنا غايتهو لو دخلوني ليهو بقتل روحي..
إتصور كم زنزانة جمب والحمام مشترك "حمام دآ تعبير شوية كدآ حساس ما القصد هو بيت الأدب".
وإحنا العجزنا ديل قدرة الضبط والمسك عندنا بتضعف :eek: يعني إتصور زولك دآ لو وقف في الصف مستني دورهو مع ضعف قدرة الضبط والمسك أكيييييييييييد بجلوط روحهو والحواليهو ;);) ..
غير كدآ النوم في أرضية ناشفة والعضة لا لحم ولا لبن. بغوليات صرف ودي مشكلتها في الهضم يعني المعدة إلا تبلع ليك هراسة عشان تساعدك ما الفولاية "حبة الفول" مع عدم الضروس البتكسر هي ذاتها مكسرة أن بقت في وهي دايمن بحل محلها اعضام الملصقة في الأكريليك.
ما بتنهضم وياها مارقة بي ذاااااااااااتها :rolleyes::rolleyes::rolleyes:
غايتهو وغايتهو كبيييييييييييييييييرة
الناس الكبرو ديل حقو إن الواحد ما بيعرف ينستر....
ينتحر............
بس

[بابكر مخير]

خوفي منك يا شعب وخوفي عليك يابا بلد..
بكرا تنشر الاسماء للوزارة ويبدآ الرفض والاستعلاء
الشيوعيين ما راضيين بفلان والبعث غير معترف بعلان والامة القومي هنا والامة القيادة بي هنا والامة تجديد والامة تقديم والاتحادي القديم والاصل والفصل والنقابات تطلق الشعارات والمهنيين لا يرضون والشعبية الحركة والحزب بي رايهم وما بعيد حتى المؤتمر الوطني يدلو بدلوه...

[imported_عبدالله الشقليني]

عزيزنا دكتور بابكر
ياخي عزرائيل دة ما شايف شغله ،
كان حقو يريحنا من الكًبار

[بابكر مخير]

عزيزنا دكتور بابكر
ياخي عزرائيل دة ما شايف شغله ،


أخي الحبيب
خليهو في غباهو :):)
يمكن ناسينا ما تهابشو يقوم يتذكرنا...
لسة في ثورة عايزين نفرح بيها :cool:

[بابكر مخير]

تحزن علي الفات من كل جميل ومفرح..
تحزن أكتر لمن تلقى أنك عاجز أن تحقق لي جناك حتى القليل مما أعطاك والديك..
وتطرشق من الحزن علي شعبك الكان ..
أزهري عليه الرحمة لا سرق ولا أساء حتى لي أقسى أعدائه وأشد معارضيه..
عبد الله خليل بيتو ياهو المعروف دآ مشى من الدنيا دي ولم يذكر عنه أنه سرق ولا نهب.
المحجوب صفحة ناصعة البياض وما ذكر إسمه إلا وكان مصدر إعزاز لكونه سوداني لمع نجمه وسط قادة عرب كانوا ما شاء الله من الملك فيصل لي عبد الناصر والملك حسين والشهيد عرفات..
وتموت من الحزن حسي لمن تجيك الأخبار أنه رئيس السودان سرق ونهب..
بالله يا أخوانا عمنا عبود ولا نميري الناس دي ما كان عندها أخوان؟؟
بفتكر عندهم لكن كانوا ناس أولاد ناس، ما شذاذ أفاق إستغلوا سلطتهم أخوانهم وسرقوا ولا بإسمهم تملكوا وغنوا...
يا حليكم يا أبوتنا العشتوا وعيشتونا في خير..
ويا سجمنا إحنا الما عرفنا نعيشن وليداتنا إلا في الضنك والبؤس.....

[imported_عبدالله الشقليني]

https://www.youtube.com/watch?v=dycq0zDq280
أنا حصل كضبت عليكم ؟
كضاب وحرامي كمان
*
أرذل العمر ... الذي استعاذ منه النبي الكريم

[بابكر مخير]

أرذل العمر ...

هؤلاء البشر لا يفهمون...
كل يوم تجيك مصيبة ناطة وإحنا خلااااااااص بقينا ما بنتحمل. شوف جنس دآ..
"عبدالوهاب همت في إتصال هاتفي فجر اليوم بالدكتور مضوي أبراهيم آدم الاستاذ بكلية الهندسة والسياسي المعروف والذي رشح إسمه خلال الايام الماضية كمرشح لتولي منصب رئاسة الوزراء سألته الراكوبة عن الجهة التي رشحته لتولي المنصب هل هي جهة رسمية أم غيرها فقال: تم ترشيحي من قبل الشباب في ميدان الاعتصام والذين تحدثوا معي في الأمر والمبادرة نبعت منهم ، وقد أبديت لهم موافقتي حال حدوث توافق في الموضوع ، وقلت لهم إذا وافقتم يجب عدم تركي وحيداً إنما الوقوف إلى جانبي، وفي سؤالي عن متى بدأ هذا الكلام بالضبط ؟أجاب قائلاً قبل 6 أيام ، لكنهم عملوا المقترح يوم الخميس19 ابريل وقد تم تعميم ذلك عبر وسائط التواصل الاجتماعي المختلفة"
منقول "الراكوبة"...
سنة يا فارس الأحلام الجآي على حصان أبيض لتنقذ الأميرة الحسناء....
وكمان هناك حمدوك قالوا أنه حامل عصى موسى عشان يشق لينا بيها يم الصعاب لنصل بر الأمان
لستة بتاعت كم نفر كدآ ديل الوزارة.......
لا خلاص وصلنا:mad::mad::mad::mad:
والله العظيم أصله القلب بقآ أرهف من ورقة لف سجارتي يعني نفخة وينفطر..
شعب عظيم وثورة ما ليها مثيل وشباب حلويين....
ومع دآ كلهو؟!
الواحد متمني يمشي الليلة قبل باكر :(
عشان ما يشوف نهاية الفليم بموت "الشعب" البطل...

[بابكر مخير]

دآ ما معقول البيحصل دآ..
إتو ما في زولن كبير كدي ينسمع كلامهو..
يقهر الدياشة ويوريهم حمرة العين ويقرص المهنيين في أضانهم ويوعيهم وينهر التغيير والحرية ويفهمهم..
الشابات والشباب ديل فتروا خلااااااااااااااااااااص
الأمهات والأبوات مستنيين لي جنياتهم وجنونهم يرجعوا يتلموا
النسوان راجيت رجالهم يرجعوا حتى الخميس نهاية الأسبوع ليهن مطرشق :eek:
الرجال زوجاتهم بي هناك مسكينات مواصلات الليل بالنهار ما في زولن يلمهو ويحضنهو ويواسيهو في الليل الطوييييييييييييييييييييييييييييييييل
الحبوبات مقلقات علي الحفيدات والأحفاد
الجدود فاقدين اليرسلوهو يناولهم جغمة موية..
يا أخي كفى..
يا الدياشة سلموها
يا المهنيين والتغيير والحرية باركوها
بس بالله عليكم فكونا من حمدوك
شاطر علم: ممكن نقول يلا
بس للحكم ما ظنيتهو ويعلم الله

بالأحمر الخطري
يعني خط أحمر فلقد بلغ السيل الذبى:mad:

[بابكر مخير]

لمن تكبر
برضك بتكبر في نظر روحك
تترفع عن كثير من الحاجات ممكن لسبب أنك فعلن بتشعر أنه كل شئ مريت بيهو وممكن أهدافك الكنت خاتيها إما أنها وصلتها أو أنهو فشلت وبرضك كمان ممكن لأنهو فاتت عليك فأحسن تعزف عن التمني..
قالوا وقولن ما القصد منهو عكس الحال لكن بس من باب قالوا: حين عافتهو المعصية... إدعى بأنها توبة....
المهم والقصد..
مثلن تُسأل أن تقوم ليك بي مهمة لكن إتا بقناعة الكُبر تشوف أنه هناك من هو أقدر وأجدر وأعرف..
فلا تجد حرج في أن تقول ليهم فلان دآ أحسن ليكم....
حسي دحن والناس ترشح وتتكلم وتسمى كما تشاء من أسماء ليكون رئيس وزراء الكفاءات للمرحلة الإنتقالية..
أبراهيم، لا حمدوك ولا الزول القيافة "هو مالهو إسمه ديمة بروح ليا"..
لكن أنا مع دكتور حيدر أبراهيم علي وأريتهو لو إتصلوا بيهو يرضى..
يا بيكاسو والله هو ذيك نسمة ويا نصوري ذيك بسمة ويا روفي ذيك قولن ويا النور ذيك حكمة وأحسن حاجة فيهو أنه ما ذيي ...
وعليكم السلام
__________________________

حيدر إبراهيم علي ............. ويكيبديا الموسوعة الحرة

[بابكر مخير]

في بوست الثقيل دآ..
ليون مرة يكون جآ ما معناهو أنه الكُبر هو البعد عن أيتها إثارة وتجنب لإهدار النشاط في أمور عبثية ذي التفكير والتخطيط وديل الإتنين مشكلتهن ذي بعض الأبليكشنات يصرفهو كمييييييييييية من الداتا والبطارية..
التفكير في النهب والسرقة والكضب وتعداد الزوجات وتجميل الذات وحتى أنك عارف أنه ما في زول دايرك.
أما التخطيط فالقولة بتاعت "أعقلها وتوكل" تجسد أنك حكمت؛ سيبها ذي ما تجي تجي، يعني شوف في ذي عمري دآ الحق أمشي لي أيتها دكتور بالله العظيم ينزل كتاب الطب من زمن ناس خالي علي بدري في الاتلاتينيات لي زمن ناس قوقو "محمد سهل أحمد ود العم" حسي...
طيب الزول دآ وهو حسب التسنين مولود في 1/1/1944 يعني أكبر مني بي سنتين وشوية حساباً...

http://sudanyat.org/vb/uploaded/851_1556099036.png


مستني شنهو غير دآ يبقى عليهو.....

[imported_عبدالله الشقليني]

الدكتور
صباح مالو أحبابك جفوني
قلت 1/1/ 1944 ..دة تسنين
والتسنين ( من 2 إلى 5 سنين)
على أحسن الفروض 1942
وأسوأ الفروض 1939
قال بعضمة لسانو: ( جلدوني في المدرسة 60 صوط)
كبير وبليد:cool:

[بابكر مخير]

كبير وبليد:cool:
كبير وبليد ومن عندي
كضآآآآآآآآآآآآآآآآب
وإن كان الكضب بقى سِيمَته
جواز سفر لأرض الغير ممكن
عايز تبقى زول
كضب
عايز تأخد وضعية
كضب
والمشكلة الأكبر
بعضهم يكضب ويصدق كضبته..
هنآي إدريس بتاع الفكرية دآك..
لي سؤ حظي إستلمتا ليا رسالة في الواتس من شقيتي الحبيبة بتول الحلو.. فيها فيديو حلقة من تلفزيون السودان بوق المجلس العسكري وكل حاكم مستبد...
أتذكر يومتها أيام الديمقراطية الأخيرة وكنا أعضاء في حزب الأمة مع صاحبنا محمد محمد خير إستضاف عبد الله محمد أحمد وزوجته..
لم أرحمه وعنفته بأن جهاز قومي يسخر لتلميع الخاص لأيتها سبب..
نرجع للفيديو..
دآ واحد متفلسف حاجة كدآ ما تعرف تقول عنهو أيتها كلمة حسنة لأبس ليهو عمة لا تمت للإنضباط المهني بأيتها رابط مستضيف الوليد والتقول بس بن طلال وما كدآ..
إبن أدم مادبو..
أنا، قلتا، عملتا........... يا أخي طز:mad::mad::mad:
حاولت أركز مع لهجتهو وما قدرتا أصنفها.
لها حقة غرابة ولا بتاعت خواجة
خليك من دآ الوليد قال مما قال وما معناهو..
أنه كان شايل هم البلد براهو والناس التانية المفكرة تتكفء عشان تكون حيكومة ما كانو ذيهو..
دي مصيبة شنهو دي..
المصايب دي بتتحدف علينا من وييييين..
أنا غايتهو كفاءة ما إندعك في الميري وإترفد من الإنقاذ وحتى إن إغترب ترابطهو بالبلد ما إنقطع ما شيفهو أبدن زول عشان يكون مسئول...
قوقلتا قلت أشوف عن الزول دآ..
لقيتها كلها سودانيزأونلين وندوات وأنا في الغربة عارفها بتكون كيف..
كدي وقعوا ليا الزول دآ مما إتخرج حصل إشتغل في السودان ووين ولمدة قدر كيف..
ما تقولوا ليا كان في شغال في مكتب أبوهو :mad::mad::mad::mad::mad:



https://www.youtube.com/watch?v=gdPwiYCI2h4&feature=youtu.be

[imported_عبدالله الشقليني]

حبيبنا دكتور بابكر
د. الوليد آدم مادبو هو كاتب في مدونة سودانايل معارض للإنقاذ ، ويعمل في قطر
http://www.sudanile.com/index.php/منبر-الرأي/169-6-1-8-6-3-8-1

[بابكر مخير]

الحبيب عبد الله
بتذكر لمن مشينا وفد التجمع وفي إجتماع مع وزير الخارجية وهناك مترجمة. الحصل أنه كل أعضاء الوفد كانوا لابسين بدل وحالقين وما شاء الله حاجة تسر العين إلا شخصي الضعيف ودون مناسبة كان عندي وقتها شعر ما صلعة ذي حسي لكنه كان أشعث ودقن مكنة الحلاقة رفضت المرور عليها خوفاً من أن ينجرح نصلها وبتذكر كان ياهو بنطلون كوردروي وقميص وإسوتر كدآ أيتوها كلام والجزمة لها قصة "لمن بقيت خلاص زول شردة والطيارة فجرا بدري لم يكن في حسباني أنه الجزمة وهي مصنوعة مناصفة ما بين القماش والبلاستيك بغسلها المساء للفجر ما بتكون نشفت وكان المقدر أنها لساتها لينة وتفتق ذهني عن حيلة أني أختها في الميكرويف فتنشف، إلا أن البلاستيك الداخل في خلطتها خلى شكلها مكعبر ومع دآ برضك عدت بيا أيام صعيبة والحمد لله"..
المهم وأنا أتقن اللغة الأسلوفاكية وكذلك التشيكية ولم أنطق في الإجتماعات حتى بحرف منهن. في واحد من الأجتماعات قام الوزير قال لي المترجمة؛ الجماعة ديل ما فيهم إلا دآ الممكن (يقصدني أنا لشكلي المزري. ما هو يمكن رابط حكاية المعارضة بالحركات الثورية الفي أمريكا الجنوبية ناس جيفارا وكاسترو مع أنه الوفد كان من أرقام من المعارضين أمين مكي رحمه الله، عبد العزيز خالد، دكتور حمودة وباقي ليا برضك سعادة الفريق عبد الرحمن سعيد "زهاااااايمر") نقول عليهو معارضة..
قصدي يابا
الوليد دآ بي وجاهته دي ما شكلهو أبدن عارض لكن حسي عارض جووووووو الحلقة..
والشئ أنه سليل أنصار لكن النورة الفيهو دي. أنا ما شفتها إلا مرة وااااااااااااااحدة كنت مشيت مع بروفسير قاسم لحولية السيد علي الميرغني وهناك شفتا واحد من أولاد مولانا أبو هاشم..
بتذكر أني في سودانياتنا دي كتبت عنها في وكتها وقلت أني شفتا شعاع ضوو. واحد في السما من قمرة الله ورسولهو الوااااااااحدة دي والتاني من وشيش الشريف دآ..
عندي قولة بقولها: مصيبتنا إحنا الأنصار، الغبشة لافانا حتى سيد صادق..
إلا الرزيقي ما عارفهو بتن ملستا دي جابها منين....
يابا
الزول دآ والله بالغ عدييييييييييييييل.
إلا بيقول..
ياني أنا دآ رئيس وزراكم المرتقب..
عما يعمي البيجيبهو لو جابهو
وحريقة تحرق البيوافق عليهو عشان يجي
ودآ طرفي من بلدن
الوليد
رئيس وزراها ولا حتى وزين فيها..
يسقط ويسقط بس حتى قبل ما يركب
ودا كلام زولن
كِبر وفتر ومااااااااا فارقا معاهو قولة الحق

[imported_عبدالله الشقليني]

ودون مناسبة كان عندي وقتها شعر ما صلعة ذي حسي

https://www.youtube.com/watch?v=nleTRXzBK8o
ما بنشتل الزهرة في الأرض اليباب


والله قصة كُبُر بديعة.. قلت ليس كان وقتها عندك شعر !

[بابكر مخير]

ودون مناسبة كان عندي وقتها شعر ما صلعة ذي حسي
كان وقتها عندك شعر !

ما شعر "وبس" كمان ثقة بالنفس وفهم للأشياء وتقبل المعقول وبشدة وقوة رفض الخمج..
لكن حسي وبعد ما القرد بقى يلعب كما يشاء
وبعد ما تقطعت الأشلاء، ردمت في مستنقع الامعقول..
جاتطت....
يابا في زمنا
إستاذ ال math "الرياضيات" ما كنا بنخلط بينهو وبين أستاذ الرياضة "physical education" مع الإعتراف التام بأن كلو واحد ليه إجلاله كمربي.
والمساعد الحكيم مع عرفانا التام بدوره المقدر ما كان حكيم "طبيب" وإن كان برضك بطبب.
وضابط البوليس عندنا ياهو زول الحلة اللو إحتجنا توصيلة للمستشفى في نص الليل ما عندنا حرج أن نصحيهو ما هو أصلن زول خدمة الشعب والدياشي ياهو معرفتنا ليهو زول ظبط وربط حتى وليداتهم المعانا في الحلة بنعذرهم لمن ما يشاركونا إجرام الطفولة ما أبواتهم ناسن رسميين وأسياد سلاح وأبطال قتال.
بتذكر على سبيل المثال الأخ الحبيب فتح الرحمن أحمد مختار الكان لاعب سلة ممتاز ووالده رجل جيش عظيم ولوكان غير ذلك لكان فتح الرحمن برز في مجال السلة وفاااااااااات ناس مايكل جوردون.
ناس الجيش حماة الوطن وظيفتهم فوق الرؤس وفي حدقات العيون في مجالهم لكن مثلنا بيقول صاحب باليين كضيب وراكب سرجيين وقييع..
نميري وعمر مشوا إتطاطرو وكان ليهم باليين وفوق دآ مشوا ركبو سرجيين..
سياسي ودياشي وحزب ونظامي قومي فكانو كآذبيين ووقعوا شر وقعة..
القصة حسي ناس عبد الفتاح بيتحرفنوا في شنهو.
ما قلنا ليهم كتر خيركم وبالكم في أنكم نصرتم شعبكم دآ مقدر وعرفانهو لمن مغرقنا وسرجكم الكآكي دآ مشرفنا..
لكن إن بقيتوا عايزين تبقوا ذي الفاتوكم..
الضحك بشقكم..
التجمع ساسة وإنتم ما ناس سياسة
فأسمعوا كلام عمكم "بابكر"...
معركتكم ضد الساسة بتخسروها وبتبقى ليكم وصمة ولمن تمشوا الناس ما بتطراكم بالخير وبيلعنوكم بحق الشهداء والصلاح..
فأرض القيادة هي الفيصل..
ذي ما شالت البشير وزمرته. قادرة تشيل وما "بس" بتشيل وتشيل وما بتهادن..
أرضو بالقسمة بتاعت التجمع وخليكم عقلاء..

[imported_عبدالله الشقليني]

شعر "وبس" كمان ثقة بالنفس


(أهم حاجة الأخلاق)
العبارة الفوق دي كانت بتقولا أختنا الله يطراها بالخير، كلما رأوا فيها عيب

[بابكر مخير]

(أهم حاجة الأخلاق)


بعض الدياشة يتكبروا على شعبهم، حالهم حال حاكم دكتاتور..
قبل ما يكون حاكم تلقاهو زولن عادي ويمكن أقل من ذلك لكنه يوم يمسك ويتسلط ويتجبر وكأنما يا دنيا أنتي ملكي وما ليك غيري..
الملازم فلان ولا النقيب فرتكان ولا الفريق أو المشير عِلان.. هو إبن ذاك الرجل وتلك المرأة وديل أهلهو وناس حلتهو وجيرانهو وزملاهو في مراحل التعليم حت الدخول لعرين الأبطال..
وهو طالب عايش في البركس وماكل وشارب دون ما يدفع مقابلو. لكن قطع من ما يجمع من الضرائب المجموعة من المدرسة فلانة والعامل فلان..
في شبابه بيكون لصيق وممتن لهؤلاء القوم من أهل وأصدقاء ودافعي الضرائب، لمن يترقى يبدآ "يشم صناحهو" (القولة دي تنقال وللعلم بمعني الإنتقال لمرحلة البلوغ حيث تبتدي الهرمونات تفرز مع العرق ويكون لها رئحة)..
وديل من بعض الدياشة البيتكبرو ذي حالتنا الحسي.
مجلس الأمن بتاع البشير البقى المجلس العسكري والهوا ولا عسكري ولا حاجة لأنه رأسهو رويعي (وفي رواية أخرى همباتي) ربنا ما فتح عليهو بي يوم في عرين الأبطال ولكنه بقدرة قادر بقى فريق أول وممكن بعد شوية يكون مشير وتنابلة السلطان يسمحو ليهو ويمسحوا ليهو...
فدحن يابا "بيكاسو"
أختك يطراها بالخير مش فعلن ليها حق بأن تكون الكلمة دي خاصتها..
((وإنما الأمم الأخلاق ما بقيت.... فـإن هُمُوُ ذهبــت أخـلاقهم ذهــبوا))...

[بابكر مخير]

روبن هود..
كتاب قرايناهو وفيلم شفناهو..
بطل أعجبنا بيهو أيام طفولتنا وقصة التفاحة الشطرها برمية من بي سهمو
وكان إعجابنا بيهو أنه متصدي قوي للبرجوازية وياخد حقهم ويوزعه على الفقراء...............
أرسين لوبين..
سلسلة قصص للكاتب الفرنسي موريس لوبلان
كان إقتناء نسخة منها كما تملك أيفون أخر موديل أو سامسونج نوت 10 أس الأيام دي وهو أيضا يسرق الغني البخيل ليعطي المحتاج الفقير من عامة الشعب........
الهمباتة..
يقول الدكتور "شرف الدين أحمد" المتخصص في الفن الشعبي السوداني بكتابة "الهمباتة" إنهم يختلفون عن اللصوص الآخرين في أن معظمهم من أنساب محترمة، بينما كان أغلب الصعاليك الذين يشبّهون بهم، جماعة فقراء من قبائل شتى جمعت بينهم الحاجة إلى مال الغير، فخرجوا على قبائلهم وتحللوا من نظمها فأنكرهم قومهم. (منقول)
وفي سطور جميلة شبه عبد الحميد أحمد قدر ما حمل على النظام السابق إلا أنه مدح الهمباتة حين شبهها بروبن هود ولوبين "أبدعت منظمة كفاية الأمريكية نعتاً ملهماً أطلقته على نظام الحكم في السودان فوصفته بأنه (kleptocracy) وهو مصطلح قد يُوَاطِئُ، من اللهجة السودانية الدارجة، كلمة (الهمباتة) وهم قطاع الطرق أو جماعات النهب المسلح، لكن المصطلح الذي يحوى ما بالهمباتة من عنافة وعسف يتقاصر عن أن يحيط بما لهم من مكارم الأخلاق ومن حسن القيم كالنخوة والشهامة وحفظ العهد وصيانة الذمّة، ذلك أن "كليبتوقراطية" الإنقاذ تتجافى عن شمائل الهمباتة الحسنة بينما تغرق في سوء صنيعهم." (منقول) "(كليبتوقراطية الإنقاذ) أو نظام الهمباتة"
من هنا يبقى أنه الهمبتة لست بذلك الشئ السيئ حال ربطها بمساعدة الفقراء والمحتاجين ولكنها أمر قبيح حين تكون همبتة في شان تغنى ولا تشبع رغباتك في أذية الأخرين...
وهنانا حكاية السرقة حمدتي يقف مثالا ويضاف اليها الإرتزاق فهو كان مرتزق عديييييييل كدي لنظام البشير وترحيلهو وتسليموه للشيخ موسى هلال وأهله للبشير تقف دليل.....
https://www.youtube.com/watch?v=uqie60AhTLs&t=811s

[بابكر مخير]

قدر ما الفرح هو إحساس جميل إلا أن "لا تَفْرَحْ إِنَّ اللَّهَ لا يُحِبُّ الْفَرِحِينَ"...
وهو للسامع أكيد بتدهشه.. كيييييف وكلنا نعلم بأن المولى عز وجل سخر لنا من الإمور ما بفرح ولكن هل هو قول الله لنا؟؟
كلام دآ جاء والمقصود بيهو "قارون" الذي كان له من المال ما لا يعد وأسعدهو وفرحهو ولكنهو إفترا وتكبر وبغى علي الناس..
أما الفرح الأنا قاصدهو "قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ" يوم زال الهم من البلد وضحك قارون الإنقاذ..
وصبت من الغطبة ما أسعدني، يوم ما شفت الحفيدات والأحفاد والأبناء والبنات والأخوات والإخوة مجتمعين في أرض القيادة. ويوم شمسون القرن الحادي وعشرون هدا المعبد..
وذي ما قتا من قبل: مع الكُبر الأحاسيس بتتضخم
فالأيام دي أنا فرح وأتمنى أنها فرحة خواتمها رضاء

[بابكر مخير]

الإحترام هو نوع من التعامل وما ظنيتهو حصري علي البشر في دنيا الحيوانات وتعاملها مع البشر برضك بتلقاهو (بتذكر كان عندنا كلب "بوني" هو مدلل من عند الوالد الله يرحمه. مرة وزمن لساتنا في الطاشرات ذهب الوالد في "سباتيكل" لبريطانيا وفي فترة غيابهو لاحظنا تدهور شديد في صحة "بوني" وإطرينا رسلنا للوالد بما معناه وإنزعج وكاد أن يقطع سفرته عشان يرجع يشوف ما أصاب "بوني" لكنه لإنشغاله إكتفى بالمهاتفة اليومية وكان من المشرفين علي "بوني" دكتور سلمان بدري الطبيب البيطري وكان تشخيصه لحالة "بوني" أنه مصاب بالدبرسة الحادة (ذي الضاربة بشة الأيام دي) ونفق "بوني"..
بتذكر لمن الوالد ينادي "بوني" كييييييييف الكلب دآ بيجي جاري وينطط بالفرحة وكان الوالد يعطف عليهو والعطف وإظهارهو هو قمة إحترام الآخر...
كمان الإحترام دآ بتجلي في شنهو؟؟
أنك الزول البتحترمهو دآ بتبين في تقييمك ليهو.
والزول البتحترمهو دآ لابدن يكون في دافع بتمحور في أنك بتغنم شنهو من إعطاءه إحترامك..
المدرس إحترامنا ليهو جآي ومن علمك حرفا
أهلك من أنهم سندك
شعبك من إنتماءك ليهو...
نقوم نتلفت نشوف في الجهة الناية من المريآ والهي بتعكس إحترام..
نلقى إحتقار..
هنا بيت القصيد..
إحترم، تُحترم
تحتقر برضك بتُحتقر...
الفريق أول (ترقية إستثنائية أكييييييييييد) صلاح..
ظنيتهو إما أنه قولة red line وبستعملها بي جهالة ودآ عدم إحترام منهو لي نفسهو والما بعرف حده ما محترم أصلن وذي دآ ما مفروض يظهر في التلفزيون أصلن..
وما ظنيتهو قاصدها لأنها دي بتكون الطامة الكبرى ويبقى زول ما محترم لأنه ما إحترام أعظم شعب علي العريضة في أنه بيهددهو بأنه الخط الأحمر لا يجب تجاوزه..
ودي قمة عدم الإحترام لأعظم شعب وهو طبعن مفروض يكون منسوب ليهو..
لكن كمان لمن نعايين ونشوف زولن دعك في الديش لمن وصل "ترقي إستثنائي" فريق أول قاعد ليهو في مجلس دياشة ونائب رئيسهم "مدني" وفي المدنيين (همباتي)...
يا شاطر القالهو قبالك شوفهم وين؟؟
أهم ديك مرمين...

[بابكر مخير]

كتير من الشعوب الوصلت لي مستوى راقي وعالي.
رغد في الاقتصاد وإستقرار في نظام الحكم ومستوى معيشة مرتفع وإكتفاء في الصناعات والزراعة.
تلقها تفكر في أمور بعييييييييدة عن تفكير تلك الشعوب العايشة في صنك وشغف الفقر هالكها..
قلت ليك مرة قريت في جريدة في لندن أنه الحكومة حتلزم مصنعي العربات بأن يعملهو شنهو وشنهو في العربيات وفي بداية الأمر ما وقعت ليا لأني ودايمن بفكر بعقلية زول أصله من دول الإستهلاك وما التصنيع فقلت كيييييف الحكومة تلزم المصانع الكبيرة البتصنع الوف العربات أنها تعمل الدايراهو (ما أنا من بلد خلااااااااااص لو إستوردت عربات جديدة ما بفوتن الالف...
غير دآ كمان تلقى بعض دول تلك البلدان المروقة يجوك بحاجات كدآ بعيدة جدا مننا (ناس بلاد الفقر) في القصد ولكنها إرث عندنا في التعامل..
مثلن العام دآ هو عام التسامح هنانا وهذا التسامح لو شفت ذي السودان تلقاهو عام كل عام ويوم كل شهر..
التسامح واحدة من الميزات البيتمتع بيها الزول لمن يكبر وأظنه ذي السودان دآ ما هو بلدن كبير مش مساحة بس (وإن كان قبل ما يقطعوا أوصاله) لكنه في القِدم ففرضية التسامح فيهو متوارثة من الأجيال لي الاجيال.. لكن حسي وأنا بعاين أشوف في بلدنا دآ أنه المتغيرات قد تأتي على هذه الخصلة المميزة..
يعني البشير وهو قبل وبعد كل شئ سوداني كان عديم الخصلة دي وعديم نخوة لأمتهو وشعبهو، سرقهم وكتلهم وعمل فيهم كل الكعب..
حسي وناس مجلس الدياشة ديل وهم فريق أول وما فوق (عدا الهمباتي) كلهم في عمر كبير ومرفوض أمر التسامح دآ يكون مشبعين بيهو..
لييييييييييييييه ما يكونو متسامحين..
فالتسامح هو التجاوز عن الغلطات لو في وحتى في حال الإساءة مقابلتها بالإحسان والعفو..
فيا سادة إن حصل غلطنا عليك!
معليش..
بس وبس
حلو عننا وخلونا نتذكركم بي خير

[imported_عبدالله الشقليني]

https://www.youtube.com/watch?v=4i5MR_mIDaE

الأهيف ..
هدية للشيخ دكتور بابكر ، الله يعظم الأجر

[بابكر مخير]

الأهيف ..


الحبيب
وين والكرش تمبزت وإترهلت وصلت حد الركب
والخصر البوصفو بيهو الأهيف؟
عضلهو الماسكهو هناك سرب
ما البطن إتملت هواء منفوخة حتى لو الزول ما شرب...
وبرضك شكر غنية من بيت الكلاوي:cool:

[بابكر مخير]

مثل بتقال وذيهو بنقول؛ أبقى علي التركي ما المتورك..
الطبع هو صفة خلقية أو نقول مكون حياتي سامي يخلق من البشر ما هو حالهم وأحوالهم..
طبعهو حرامي دآ الرماد كال حماد وإن طبعه سمح يبقى جيتن لي أمهو...
يا أخونا الطبع دآ شيتن خاشي في الخرزومات ومشبع الحامض النووي يعني مهما الزول كِبر مفروض يكون طبعهو ياهو الربى بيهو..
لكن المشكلة أنه في بعض مرات عوامل خارجية تتسرسب وتدخل في حصن الخروزمات وتفرتق زينة الحامض النووي وتمسح منهو مكونات الطبع ويبقى الإنسان عرضة لإخترقات التي ممكن تغير من سلوكه وطباعهو وتعاملهو.
العوامل دي ما حاجة عضوية ولا مادية محسوسة أو ملموسة أو مرئية هي بي كل بساطة. هلامية ووهمية يعني ممكن تصنف أنها فكرية وهنا مكمن خطورتها...
زولن تلقاهو متربي في حوش ود بانقا وسط جو مشحون بي التسامح الصوفي والنعومة في التعامل والرقة وزخم عظيم من الطرب الذي يهز الوجدان فترتجف الأجساد وتهتز غير مبالية بكل قوانيين الفيزياء والأحياء، تتلف وتنط وترقد علي الأرض كله في قطرة من زمن في بحر الحياة..
"بشة" يقف مثال حي لهذه الخروقات والمسماة في عضرنا هذا بالأيدلوجية وحالها حال كل الأيدلوجيات الأخرى من شيوعية لقومية شنهو وشنهو وكلها تقود في إتجاه مخالف لقوانين الطبيعة..

https://www.youtube.com/watch?v=D3i22chiFp0

الله يجازيكم يا البنا ويا ماركس ولينين وعبد الناصر قدر ما جهجهتم لينا عالم كان ممكن يكون هادي وجميل..
العبادة فيهو كما أراد لها المولى عز وجل والتعايش فيهو كما يرتضي العزيز الواحد "يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا"

[بابكر مخير]

الكُبر في العمر بيخلي الزول ذي عمة الكِرب لمن تقدم، تقول تشدها من طرفها تتمزع ليك..
حسي الواحد فينا بس إلا يساير نفسه بشيش. خوفتن من يتمزع...
وأخير ليهو يقيف في حتتن تكون ما فيها ملاوة. النعمنهو المدافرها بتمزعهو حتت..
لكن برضك ما بتقدر لمن الأمر يكون قارصك من جوووووا..
حسي الحاصل في البلد.
أمرهو ساااااااهل لو النفوس إطايبت وهي والله العظيم بسيييطة وهينة أكتر من جغمة حلومر بارد بعد مدفع الفطور وأطعم من لقمة عصيدة بملاح روب وأحلى من قرمة كنافة مروية بسمن بلدي و"معطونة في عسل"..
هي وأنها كالأتي:
الدياشة ما يماطلو ويتحرفنو بالتطويل وتسويف الأمور بقصد أنه الناس بيناتها تبدى تتغالط وتتخاصم وتتنابز وتتفرتق يعني ذي ما الكيزآن عملوا وسط الأحزاب. فرتقوها وشرزموها وقربوا يقضو عليها...
وحسي كل يوم يمر. تسمع بكيانات جديدة إتكونت وجماعات إنشقت عن بعضها وناس لا هم في الحير ولا في الطير كايسين ليهم موقع...
يعني خطتهم ماشة حسب مخططهم مليون في المية صآح...
دحن يا أخونا إعتصموا وحافظو علي وحدتكم..
خلوها أيام تعدي وبعدين لمن ينضمن أنه البلد رجع.
يبقى لي كل حدث حديث..
يعني حسي شنهو فلان قال وهو خلاص وفلانة ما عارف شنهو والحزب العلاني النعتهو والتجمع الفرتكاني الوصفهو..
بالله عليكم وأستحلفكم بكل غالي عندكم..
العندهو قولن ينجح ويفلح..
اليقولهو والما عندهو وبس داير يطربق بي كلامن لا يغني ولا يسمن..
أخير الينطم..
عمى اليلايس الجهلاء والعملاء..
وهنا بالوااااااااااااضح وما فاضح..
إياك أعني يا المنطط عينيك ومن تتوافق فيك الأوصاف..
وبعدين يا أخوانا وأحفدنا وأولادنا..
وليد مادبو!
لا لا لا

[imported_عبدالله الشقليني]

يا الدكتور إشهد الله إنت كتاب...
حلاة الكُبُر كان بقى مِتل دة

[بابكر مخير]

أشنآ حاجة في الكُبر..
مجاريات الأحداثر وما قصدي المجاريات الآنية..
الأحداث المرت عليك من صغرك مرورا بفترة شبابك ورشدك حتى جلكنتك الحالية..
كان ديمة في كبير وفي عاقل وفي حبوبة حنينة وجد عطوف وشيخ رشيد وقوم محترميين..
زمان كان الصدق عنوان والهمة كيان وكانت النفرة والتفكير في إصلاح الغير قبل حالك "لا يؤمن أحدكم حتى يحب لأخيه ما يحب لنفسه" كان دآ إسلامنا وكنا بنجادل بالتي هي أحسن وإن غلبنا بنسردب وإن إنحقرنا بنهب ونحرق..
عشنا دآ الحلو لمن جانا زمن الشين..
ناس تسرق وناس تكضب
لا رحمة لا مرتوية
وناس من تحت المداس كايسة تبقى الراس
وناس ملاقيط بقوا الزحمة وزيط..
بقت الفارغة تشغلنا والإنصرافية همنا ومشغلنا
نعرف بس للنميمة ونقيل الكلامات حقيقة أو خيال منسوج في أدمغة نتنة وعفنة..
مثال:
الأيام الفايتة الميديا وعشاقها من الأيدلوجيين المنحرفيين (يسار ويمين) ما عندهم شغلة، إلا فلان قال وفلان قالت والهم الأكبر عملوا عن قصد مبين أن يصرفوا الناس بتفاهاتهم...
وثيقتنا بي سلبياتها وإيجابيتها الدياشة قطعهوا في رأسنا وقالوا لينا بالعديل: بلوهوا وأشربوا مويتها..
نحنا بي الفرقة والضغائن والفكر السلبي البنمارسهو؟؟
قدمنا ليهم العايزينهو في طبق وجاهز للعضة...
يا هؤلاء العملاء الجهلاء..
الشباب ديل عملوا العليهم وبالزيادة... فيا ناس الفيس بوك والهاشتاق والواتسابت إنطمو وأخرسو وأصله ما مندكم فايدة لا كنتم ليكم فايدة ولا حيكون من أصله..
يا من خلق ذونون ومكن الهمباتي أنه يكون وسهل للكباشي الوصول لمنصة الخطابة..
قرفتونا..
الدقير قال، مريم فعلت، الصادق همس، الحرية والتغيير ما شنهو والمهنيين قصروا في شنهو والحكومة الإنتقالية رئيسها يكون إدريس "وأهو إنفضح ليكم" ولا يكون الوليد وليد..
لا بارك الله فيكم إن كنتم عايزين توْءُدَو الثورة في مهدها

[imported_عبدالله الشقليني]

المجلس العسكري .. أخوان مسلمين فقط

[بابكر مخير]

الغريبة يابا
مساء اليوم وسألني أحدهم عن من هو أول قيادات الأخوان المسلمين وهل كانوا سلاموساسة من الأول..
طبعن لم أحاول حتى أن أستعين بذاكرتي للرد على السؤال لكني إستعنتا بيها في تذكر إسم العم الذي نجد عنده رد على كل سؤال وإتذكرت ذي ما بتقال "أوفهاند" إسم العم قوقل وأغناني عن الرد. فعندهو الخبر اليقين.....
أما عن ........
المجلس العسكري .. أخوان مسلمين فقط
شوف بقآ أنا غايتهو في رأيئ..
كل رتب الفريق وفريق أول ..
فيهم عفنة..
لأنه وكونه إنه هم في العمر دآ لو ما كانو منهم..
كان زمان إترفدو وإتا يا هندسة زول الحساب وفلسفة الإفتراضي الأصلها قائمة علي الرياضيات...
فشنهو رأيك..
هل
المجلس العسكري .. أخوان مسلمين فقط
ولا لا.....

[بابكر مخير]

لقيت أنه الكُبر دآ أصلهو إنجليزي...
ما مع الكُبر تتمسك بشدة بالتقاليد وكمان معاها بتنصبا روتين..
والإنجليز هم أسياد حكاية التمسك بالتقاليد ومحترفين الروتين..
بالله عليك!!
الواحد قبل ما يتفنش (للمعاش) كان ياهو الصباح تشرب الشاي وتأكل ليك لقمة وعلي الشغل ومن الشغل طوااااااالي للقهوة وحجر الشيشة التفاحتين (الفخامة) وبعدها للمندولا لغاية المساء والبيت والنوم وتاني يوم نفس الطبع الإنجليزي...
إنتهينا من حكاية الإلتزام بالمشية للشغل وبقينا قليلين شغل وكتيرين مشغلة..
جدكم بابكر بدري قال: أكبر شغلة، قلة الشغلة.. وفعلن الواحد بدون شغل يكون مشغول باصعب أنواع الإنشغال وهو العطالة.. وبقيت أول ما أصحى وطبعن ما ذي أيام العز، أيام الشغل بقوم أمشي المندولا وهناك صحن فول وبعدهو فنجان قهوة وحجر شيشة..
قام يا حبان جانا منهو؟؟
رمضان والروتين إنهد
ولمن الزول ينقسب يسيب عادتهو بتقل سعادتهو...
رمضان الشهر المبارك الجميل فيهو للعاملين في الميري "يعني الحومة" ساعات العمل بتكش.
بس :eek:
(ما بس بتاعت تظلم ولا عدم رضآ.. أبدن بس بتاعت محبة)
روتينك بنخرب والذينا كدآ وبما أنه الكُبر إينقليزي ممكن تدبرس من دم إشباع رغبة التمسك بالتقاليد كمان ومع الكِبر بتهضلب وتنقرص وأخرتها الدبرسة الهي نهاية الطريق بالنسبة للعواجيز فتودع وفي حالتنا تنطبق قولة : الميت فاقد روحه.. لأنه الحياة بعدهو ماشة في طريقها ومواصلة سيرها..

[imported_عبدالله الشقليني]

http://sudanyat.net/vb/showthread.php?t=29808

موضوعنا هدية للملف ولكم

[بابكر مخير]

أبو الدقيق تنقال لي الزول الرد فعله طوالي بغير رضاء ويوصف بها الزول الرد فعله طوالي زعلة
الزعلة هي حالة أخف من الغضب
والغضب شبيه بالبغض والبغض بيولد العداوة..
هوي أنا قايم
لكن بجيكم راجع..
بس ربنا يذكرني الأنا بي صددهو
الموضوع مربوط بي روفي ومرحلة متأخرة كتييييييييييييير شوقي بدري والثورة المباركة إن شاء الله لو نسيت يا أخوانا
وكمان للتأكيد

http://sudanyat.net/vb/showthread.php?t=29503

[بابكر مخير]

[QUOTE=بابكر مخير;546212]أبو الدقيق
بس ربنا يذكرني الأنا بي صددهو.

[QUOTE]

القصد والمقصود أنه حقيقتن مع الكُبر الواحد أخلاقهو بتكون في رأس نخرتهو.. مع الكُبر قلنا كتير من قبل... السمع بتقل.. المشي في تلتلة والنوم بالقطارة والفهم يجيركم الله وما خفي عظيم الشأن ومهول الصدمة.
يا أخي الحاجات دي مش تخليك أبو الدقيق بتخليك كاره نفسك والحوالينك وحتى البعيدين منك..
وهنا لمن خطرت بيا خاطرة الكُبر البيغسبك تبقى أبو الدقيق رافقها شوقي بدري..
وحالتهو حالة زولن وصل مرحلة كره النفس بعد ما خلص كل الناس وبرضك جأني طيفهو طايف "روفي" من زولن محب وعاشق لي زولن بدت عليهو أعراض (الشوقيسيزم)...
طيب ليييييييييييه ختيت رابط البوست السابق...
لأنه شترت الشوت ما بتجيب قون لكنها بتوتر الجمهور وتزعل المدرب وتحبط الزملاء اللاعبين وإحنا حسي في مبارة حامية الوطيس بين الشعب بكل مكوناتهو (والله بالنسبة ليا، حتى صالحهو وطالحهو إذا إرتضاء أن يركب معنا) مبارة مع أن يكون سودان الغد الذي نادآ بيهو حميد وجون قرنق وأبوي وأمي وقاسم أخوي وسيدي المهدي وخيلاني إبراهيم ويوسف وبنياتي مدون وزنوبة وأمنة وتوتو الحبيب وأمهم الثائرة...
مبارة عايزين ما نضيع الفوز بالشوت الأشتر....
تسقط بس...
وإن شاء الله منصورين هندوس يهود وكل طوائف المسيحيين "وقبطآ" ومسلمين
:cool::cool::cool::cool:

أقول قولي هذا وأطلب من الله أن يوفق بين القلوب للهدف المقصود

[imported_عبدالله الشقليني]

http://sudanyat.net/vb/showthread.php?p=546221#post546221
موضوع كتبناه في سودانيات :

قرون الشيطان

[بابكر مخير]

يوم الليلة (حسب ما بقولوا السودانين، يقول ليك اللليلة وهو قاصد نهار اليوم وحتى دغشهو وصباحهو قبل ما يحل ليلهو...
الإتنين 13/5/2019 ذي الزول العجوز تجمعت فيهو متناقضات..
فرحة عارمة بأن ربنا فتح علي المجلس (كسير تلج بالجد، بعد ما كان نقولو دياشة "الليلة" المجلس) وصفى بصيرتهم وبنسبة كبيرة إنحازو للشعب ووصول لإتفاق. كمان هناك حزن عميق مدوي على أرواح الشهداء الإرتفعو..
متناقضاتنا إحنا الجلكنا ديل..
في أنك متأكد أنه يوم بكرآ بكل المقاييس ما حيكون أحسن من الليلة ولا أمس. تقوم تقول تنوم بدري عشان من الصباح يوم جديد.
يابا هو حيكون فيهو شنهو غير الوجع والصدعة وقرب الوقعة..
يزيد يوم وهو بنقص في يوم.
حقيقة يا أخونا ال "شوقيسيزم" صابت عقول البعض وخلتهم إنصرفو وإتشتت إنتباههم عن الخطر المحدق والمتربص بثورتنا (بقلوبنا من بعد وهو أضعف الإيمان) وكاد أن يصيبنا التناحر في ما بيننا وننقسم لمعسكرات ليتيح الفرصة للكلاب الضآلة المترصدة بالحمل السلمي وأن تحاول الإستقواء عليه لتهجم وتنال منه..
لكن ربنا لطف وتوصل شعب السودان لإتفاق وتوافق وإن شاء الله يتوج يوم غد بالتوفيق..
عاش شعب السودان واحدا بكل قطاعتهو وأعراقهو وديناتهو وثقافاتهو. بنسائه ورجاله شبابه، أطفال وشيبه:cool::cool::cool:

[بابكر مخير]

للعواجيييز ونصيحة تااني لوجه الله تعالى،،
لمن تكبر أوعك، أوعك تشوف مؤتمر صحفي لي "المجلس"....
إن إنقبضتا، اللهم إني بلغت فأشهد. إن إنشليت برآك جبتهو لي روحك وخلي باللك الذبحة 100% واردة.. شلل مضمون، قرحة إنفجارها في يدك وإتا ما بتتحمل ما العمر مشى..
هم يمشوا بس ويسقطو بس..
والله فوضى.. كان هشومي (فريق أول هاشم ما دآك المقبور بتاع الشرطة لا بتاع الجيش) بشلاضيمه وشبهو لي بشة في الكضب والتلاليش والرجالة الزايدة والبتكلم كأنهو في بيتهو مع أولادهو "مساكين والله ربنا أداهم ليهو" ولا كبكب (كباشي) في وشيهو البيوري الزول دآ كيييف الحمل كتر عليهو لمن نورتك خبوئت وكمان والزول دآ الكبكب ما عرف وظيفتهو رئيس ولا مدير الإستخبارات وهباتي جونير بس قال حاجة كبييييييييييييرة أنه الدعم السريع هو فصيل من القوات المسلحة ودآ عذر قوي بناء عليهو الحكم المقبل يحلهم ويضم الصالح منهم للجيش وحميدتي لمستواه الأكاديمي الدون رتبة ضابط يطلقهو شان يرجع لأهله ويقوموهو ... الناس ديل واحد قال: أخير نملص الكاكي لو عملوها تاني والزول المامعروف هو رئيس ولا مدير قال: كان عندنا معلومات.. لكن يا يابا معلوماتك دي مخليها لمن الفاس وقع في الرأس..
الأولاد ديل "طبعن من منطلق الفارق العمري والوعيي يحق ليا أقول أولاد" بتكلموا كدآ كانهو في زول جابهم وهم في الحقيقة همبادتا عايزين يسرقوها..
8 من أبنائي ترقوا وحباهم الله أن إستشهدوا..
طائفتهم ما قصرت ووعدت بأن تأخد ليهم بتارهم...
كبكب في الختام تحدث مرة يقول ناس متربصة بالثورة ومرة يؤشر بخبث لي أنه الجبخانة الجات من الكبري من الثوار...
يا أولاد رفقن بعمك بابكر والله خلاااااااااااص.
لا قلبو بتحمل لا مخ بيستوعب..
بس بقول ليكم باللهم عليكم:
أنا عارف هي صعبة تب وإتو أصلكم بي عجلة وصلوكم لي الإتو فيهو.
فمن فضلكم حفاظن علي الثورة الإتو بتقول جايين تحموها..
غوووووووورو وبس
ههههه.. هشومي في الختام قال: من حظي أني ما من المجلس.. يظهر خوفي حيكون حقيقة وحيرشحهو وزير دفاع ومن قبلهو كان عندنا ويرن قريب من كدآ "بالنظر ولا بدون نظر تكونو عرفتهو منهو ;)...
https://www.youtube.com/watch?v=ER43EeHkFrs&t=2442s

[بابكر مخير]

كون مستني بترغب وراجي بي تشوق ولمن تتم؟!
يتبلد شعورك..
لأنهو تستنى دي مع الكُبر ما بيتماشو... لأنهو الإنتظار واحد من أكتر الحاجات فتكن بالجلاكين..
لييييييييييييه بقآ؟
أولن تبادي هو مخالف لنهج حياتهم ومسار سلوكهم. ما هو حياتهم وذي ما قلنا الكُبر إنجليزي روتينها محدد وتقاليدهو معصومة مخالفتها.
لا في حاجة تانية غير أنه إنجليزي فهو مثبت أنه مرتبط برابط قوي يخلي الكُبر حقيقي أوربي وهو عنصر الأتْمَتَة "automatization" الأوربيين هم الفكروا فيالكومبيوتر عشان يحفظوا المعلومات ويساعدهم في تجنب المخاطر وإختيار أقصر الطرق للوصول للهدف دون مخاطر جسام حالهم حال الكِبار في حال تجنب النسيان فمثلن قول؛ ختيت دآ هنا ترجع لمن تدورهو بس تمد يدك ولا محتاج تعاين، كف بتلقاهو وعليهو بتلقاهو عارف روحهو الجلك وين ماشي ومتين وفي ياتهو جيب ختا أكان حقت الصعود ولا سجاير اللف "القامشة". طبعن رابط الأتمّتة بقوى عند العواجيز تلقائياٍ (سبحان الله ما بينسى عبادهو حتى العواجيز منهم) للتعويض عن عامل النسيان أعز ملازميين الخرف والزهايمر....
تابعنا ناس عطبرة وصعود المهنيين وتتويج الحرية والعدالة وقلبنا في إيدينا من مجلس الأمن وشوية ريحنا إيدينا وإستبشرنا خيرا بالمجلس العسكر لكن متل بيقوا الإنجليز "هاف هارتد" ما العسكور ما مضمونيين..
ترقب وتنشنا وشدآ وعضة وقرصة ورقصة التانجو الأخير "رقصة الواداع الأخيرة في الساحة الخضراء";);).
أول أمس كان يوم مشهود وأمس جميل وبدآ شعوري يتبلد.
لأنهو لذة الترقب بدت تهمد وتتلاشى مع الكُبر دآ ديمة بيحصل..
كيف الواحد حيفقد تنشنت الإنتظار وخلاص التمتع بمنظر بنياتي ووليداتي في قدام القيادة يبقى فيديو من واقع معاش..
لكن الحمد لله بلى وإنجلى وإن شاء الله ختامها مسك ونفرح
ودي ليكم أجمعين :cool::cool::cool::cool:

https://www.youtube.com/watch?v=sJrtPMIoLcs

[imported_عبدالله الشقليني]

تحية لك دكتور بابكر مخير
الملف وصل أكثر من 44000
مداخلة
ما شاء الله
الملف بي كبير !

[بابكر مخير]

ما شاء الله
الملف بي كبير !

بيك يا هندسة :cool:

[بابكر مخير]

سبحان الله
العاطفة الجياشة فجاءة ساقتني لي حب الدياشة
بسمع قبيل في الفريق أول ركن وشعرت بنبرة زعل وما حماقة عسكر
شوفتا في الزول دآ أنه كِبر في العمر قرب مننا وأنه كبرت عليهو المتناقضات بين عسكري حازم ووالد ليهو وليداتهو وأحفادهو ذي أحفادي الفي أرض الإعتصام وأنه برضك خايف عليهم...
يا أخونا هي صعبة المسئولية شيتن ما تتمناهو للعدو..
خال يوسف الله يرحمه كان ديمة بيقول: والله الصادق دآ مسكين، قاصد أنه منصبهو مشاكلهو لا حد ولا حدود ليها..
وبرجع لي قولي الفي بوست سابق..
الثورة دي ربنا يغطيها من إتنين..
عدو مترصد، قاصد ورفيق جاهل...
الأول ما محتاج لتوضيح أما التاني فهو الناس البعلقو ويتكلمو ساكت دون ما يعملوا حساب لي أقوالهم. تلقاهم يحرضو وينظرو ويلخبتو دونما يعرفو..
أريتهم ينطموا :mad::mad::mad::mad::mad:

[بابكر مخير]

يا عُبد (الفريق أول أركان حرب عبد الفتاح البرهان، رئيس المجلس العسكري) عشمي كبير في ال 72 ساعة (تلاتة وسبعين ساعة الجآيات "زنوبة كيتنك فيك") لكن قبلها بس عايز أذكرك ببعض من الآيات وأحذرك من الإنسياق مع سياسي الأسلمة (الكيزان) فهم من يشار اليهم بالأعراب في قوله...

"يَعْتَذِرُونَ إِلَيْكُمْ إِذَا رَجَعْتُمْ إِلَيْهِمْ ۚ قُل لَّا تَعْتَذِرُوا لَن نُّؤْمِنَ لَكُمْ قَدْ نَبَّأَنَا اللَّهُ مِنْ أَخْبَارِكُمْ ۚ وَسَيَرَى اللَّهُ عَمَلَكُمْ وَرَسُولُهُ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ (94) سَيَحْلِفُونَ بِاللَّهِ لَكُمْ إِذَا انقَلَبْتُمْ إِلَيْهِمْ لِتُعْرِضُوا عَنْهُمْ ۖ فَأَعْرِضُوا عَنْهُمْ ۖ إِنَّهُمْ رِجْسٌ ۖ وَمَأْوَاهُمْ جَهَنَّمُ جَزَاءً بِمَا كَانُوا يَكْسِبُونَ (95) يَحْلِفُونَ لَكُمْ لِتَرْضَوْا عَنْهُمْ ۖ فَإِن تَرْضَوْا عَنْهُمْ فَإِنَّ اللَّهَ لَا يَرْضَىٰ عَنِ الْقَوْمِ الْفَاسِقِينَ (96) الْأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنزَلَ اللَّهُ عَلَىٰ رَسُولِهِ ۗ وَاللَّهُ عَلِيمٌ حَكِيمٌ (97) وَمِنَ الْأَعْرَابِ مَن يَتَّخِذُ مَا يُنفِقُ مَغْرَمًا وَيَتَرَبَّصُ بِكُمُ الدَّوَائِرَ ۚ عَلَيْهِمْ دَائِرَةُ السَّوْءِ ۗ وَاللَّهُ سَمِيعٌ عَلِيمٌ (98) وَمِنَ الْأَعْرَابِ مَن يُؤْمِنُ بِاللَّهِ وَالْيَوْمِ الْآخِرِ وَيَتَّخِذُ مَا يُنفِقُ قُرُبَاتٍ عِندَ اللَّهِ وَصَلَوَاتِ الرَّسُولِ ۚ أَلَا إِنَّهَا قُرْبَةٌ لَّهُمْ ۚ سَيُدْخِلُهُمُ اللَّهُ فِي رَحْمَتِهِ ۗ إِنَّ اللَّهَ غَفُورٌ رَّحِيمٌ" (

وخليك من هؤلاء فتكسب رضى الله وشعبك وضميرك...

"لَيْسُوا سَوَاءً ۗ مِّنْ أَهْلِ الْكِتَابِ أُمَّةٌ قَائِمَةٌ يَتْلُونَ آيَاتِ اللَّهِ آنَاءَ اللَّيْلِ وَهُمْ يَسْجُدُونَ (113) يُؤْمِنُونَ بِاللَّهِ وَالْيَوْمِ الْآخِرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُسَارِعُونَ فِي الْخَيْرَاتِ وَأُولَٰئِكَ مِنَ الصَّالِحِينَ"

[بابكر مخير]

تشرب تقول تروى
تحس بي بطنك إتجوغرت..
تقول تأكل خيف، سلطة روب
التوم ينفخك تقول تطرشق
تقول عصيدة بملاح
بيت الأدب يزهج منك
ما فضل إلا تقول تصوم :(
أها أصلن مع الكُبر ال dehydration بلا كدي ضاربك ضاربك
والبطن الخاوية إحتمال تلبك المصارين بس أمسكه في يدك ما أمرهو أكيد
...
يا أخي الكُبر دآ ما أثقل منهو وأليق منهو إلا عبد الحي والجزولي...
بمناسبة العضة ورمضان دآ فطور "المندولا" في رمضان..
ويتبارك عليكم الشهر وصوم مقبول

http://sudanyat.org/vb/attachment.php?attachmentid=1356&stc=1&d=1558135796

[بابكر مخير]

أخي الحبيب الشقليني..
إهداء خاص ليك ولي الكنداكة... وبقول ليها:
يما جدك شيخ عبيد عبد النور إتغنى بيك ولا هو حضرك ولا إتي حضرتيهو..........

ﻳﺎ ﺃﻡ ﺿﻔﺎﻳﺮ ﻗﻮﺩﻱ ﺍﻟﺮﺳﻦ
ﻭﺍﻫﺘﻔﻲ ﻓليحيا ﺍﻟﻮﻃﻦ
ﺍﺻﻠﻮﺍ ﻣﻮﺗﺎ ﻓﻮﻕ ﺍﻟﺮﻗﺎﺏ
ﻛﺎﻥ ﺭﺻﺎﺹ ﺃﻭ ﻛﺎﻥ ﺑﺎﻟﺤﺮﺍﺏ
ﺍﻟﺒﺪﻭﺭ ﻋﻨﺪ ﺍﻟﻠﻪ ﺍﻟﺜﻮﺍﺏ ...
ﺍﻟﻴﻀﺤﻰ ﻭﻳﺎﺧﺪ ﺍﻟﻌﻘﺎﺏ
ﻳﺎﻟﺸﺒﺎﺏ ﺍﻟﻨﺎﻫﺾ ﺻﺒﺎﺡ
ﻭﺩﻉ ﺍﻫﻠﻚ ﻭﺍﻣﺸﻰ ﺍﻟﻜﻔﺎﺡ
ﻗﻮﻯ ﺯﻧﺪﻙ ﻭﻣﻮﺕ ﺑﻲ ﺍﺭﺗﻴﺎﺡ
ﻓﻮﻕ ﺿﺮﻳﺤﻚ ﺗﺒﻜﻰ ﺍﻟﻤﻼﺡ

ﻳﺎ ﻛﺒﺎﺭ ﺍﻟﺒﻠﺪ ﺍﻷﻣﻴﻦ
ﺍﻟﺴﻜﺎﺕ ﺩﻩ ﺑﻴﺼﺢ ﻟﻤﺘﻴﻦ
ﺑﻴﻨﻮﺍ ﻟﻨﺎ ﺍﻟﺮﺃﻱ ﺍﻟﻤﺒﻴﻦ
ﺍﻟﺘﻜﺘﻢ ﻫﺴﻊ ﻣﺸﻴﻦ

ﻣﺎ ﺑﺘﺸﻮﻓﻮﺍ ﺍﻟﺬﻝ ﻭﺍﻟﻬﻮﺍﻥ
ﻣﺺ ﺩﻣﺎﻧﺎ ﻭﻋﻘﺐ ﺍﻣﺘﻬﺎﻥ
ﻏﻨﻤﻮﻧﺎ ﺣﻔﻈﻮﺍ ﺍﻷﻣﺎﻥ
ﺑﺎﻟﻨﺒﺎﺑﻴﺖ ﻭﺍﻟﺨﻴﺰﺭﺍﻥ
ﻗﻮﻩ ﻫﺎﻳﻠﺔ ﻭﺇﻳﻤﺎﻥ ﺿﻌﻴﻒ
ﺇﻧﺠﻠﻴﺰﻱ ﻭﻣﺨﻠﻮﻕ ﺭﻫﻴﻒ
ﻃﺎﺑﻴﺔ ﻓﻲ ﻗﺼﺎﺩ ﺯﻭﻻ ﻧﺤﻴﻒ
ﺑﻄﻨﻪ ﺧﺎﻟﻴﻪ ﻭﺇﻳﻤﺎﻥ ﻧﻄﻴﻒ

ﺍﻧﺖ ﻏﺎﻟﻴﺔ ﻭﻫﻢ ﺭﺧﺼﻮﻙ
ﺍﻧﺖ ﺳﻤﺤﻪ ﻭﻫﻢ ﻭﺳﺨﻮﻙ
ﺍﻧﺖ ﻟﻴﻨﺎ ﻭﺣﻴﺎﺓ ﺃﺑﻮﻙ
ﻧﻤﺸﻰ ﻟﻴﻚ ﻓﻮﻕ ﻧﻴﺮﺍﻥ ﻭﺷﻮﻙ
ﺍﻟﺸﻮﺍﺭﻉ ﺑﺘﺴﺎﺋﻠﻦ
ﺑﺎﻟﻌﺴﺎﻛﺮ ﻳﺘﻤﺎﻳﻠﻦ
ﺍﻟﺒﻨﺎﺩﻕ ﻳﺘﻼﻣﻌﻦ
ﻭﺍﻟﻤﺪﺍﻓﻊ ﻃﺒﻌﺎ ﻳﺠﻦ

ﺍﻧﺖ ﻋﺎﺭﻓﺔ ﻭﻣﺎ ﺑﻌﺮﻓﻮﻙ
ﺍﻧﺖ ﻧﻮﺭﻧﺎ ﻭﻋﻤﺪﺍ ﻃﻔﻮﻙ
ﺍﻧﺖ ﺭﻭﺣﻨﺎ ﻭﻓﻰ ﺍﻟﻨﺎﺭ ﺭﻣﻮﻙ
ﺿﺤﻜﻮﺍ ﺑﻴﻨﺎ ﻭﻧﺼﺒﻮﺍ ﺍﻟﺸﺮﻭﻙ

ﻭﺍﺳﺘﺒﺪﻭﺍ ﻭﺳﻮﺍ ﺍﻟﻘﺪﺭ
ﻭﻗﺎﻟﻮﺍ ﻧﺤﻦ ﺍﻟﺴﻤﺎ ﻭﺍﻟﻘﻤﺮ
ﻭﺃﻧﺖ ﻣﺶ ﻣﻦ ﻧﻮﻉ ﺍﻟﺒﺸﺮ
ﺍﻟﺒﻘﻮﻝ ﺍﻟﺒﻢ ﻳﺒﻠﻊ ﺣﺠﺮ
ﺣﺎﻟﺔ ﺻﻌﺒﺔ ﻭﻣﺴﺮﺡ ﻓﺘﻦ
ﺩﻧﻴﺎ ﻓﺎﻧﻴﺔ ﻭﻓﻴﻬﺎ ﺍﻟﻤﺤﻦ
ﻧﺤﻦ ﻧﺼﺒﺮ ﻟﻤﻦ ﻳﺤﻴﻦ
ﻫﺎﺗﻔﻴﻦ ﻓليحيا ﺍﻟﻮﻃﻦ
..
..
عبيد عبدالنور

https://www.youtube.com/watch?v=RpZg2ivyg1o

[بابكر مخير]

ذي ما الشباب هتافهم الأيام دي: سلمية مية في المية..
أنا بقول:
خليك إتسمر، لأنك ما بتقدر..
هم قالوا: الكوز ندسو دوس. وهم علي دراية تامة من قدراتهم
أنا أقول شنهو؟؟
الكُبر أدسهو دوس ;)
ما بقدر..
وهنا بقآ الفرق بين الجلكنة والشباب وهو الفرق بين القدرة والمقدرة ..
والخنوع والبشتنة..
يا أخونا البحلنا من الثقيل دآ شنهو..
تعرفو جابت ليهو موضة وهي حالة معاكسة لرواد الفضاء..
ديك عشان إنعدام الوزن يلبسوهم جزم الواحد تقرب في الوزن من طن كيلو.
أنا دآ ما محتاج تب لأنهو الكرعيين هرقل ما بقلهم من الواطة وبي ثباتهم دآ يترجفن ذي البدول شمال يمين..
جابت لها لفة رأس وبس القولة بتاعت:
قع أقو، قع قعوق..
لو كان الكِبر رجلً
لتركتهو في حالهو عشان يسيبني في حالي ولو كان إمرأة لهربت منها خوف من أن تقع في عشقي وتتزوجني وتتفرغ ليا وأبقى أندم أني كان أحسن أختار الكُبر...
دآ كلهوووو جأييكم يا الماضاضوقتوهو... :cool::cool::cool::cool:

[بابكر مخير]

من محاسن الكُبر أنه في أشياء تلقائيا وبنعمة من الله تبعد عن وتكون محمي منها.. تقول تتبختر وتمشي في الأرض مرحاً (هيهات يا زول) الكرعين ما بساعدنك والضهر بقى قوس بدون سهم وبسبب ضعف النظر تمشي الهوينة ما بتخاف يكون قدمك شيتن يرميك..
وعشان كدي الكُبر دآ واحدة من نعم الله التي خلقنا المولى عز وجل لننعم بها..
يا أخونا حتى حين يبتليك المولى بي أمر ففيها نِعمٌ كُثر (بلوة الإنقاذ، كيييييييف زادتنا توحد، سخف البشير كيف ملانا روح فكاهة، الدفاع الشعبي والللإلزامية كيف صقلت مواهب شبابنا وخلقت منهم أشاوس "فاتحيين صدروهم للرصاص وتارسين بأكفانهم" وحسي بلوة المجلس البعدها حنمرق بالجديدة وأننا قدر ما كان بالنا قصير وبس ناس أمسك ليا وأقطع ليك إتعلمنا منهم "الليقنة" وطولت البال)..
نعمة أنك ما تتبختر وما تشوف روحك أحسن وأعلى من الخلق والإحنا الجلاكيين ديل هبة من عنده العزيز الكريم..
بوصيك بقوه تعالى:

"وَلَا تَمْشِ فِي الْأَرْضِ مَرَحًا ۖ إِنَّكَ لَن تَخْرِقَ الْأَرْضَ وَلَن تَبْلُغَ الْجِبَالَ طُولًا (37)"
فقوله تعالى؛ ولا تمش في الأرض مختالا مستكبرا( إِنَّكَ لَنْ تَخْرِقَ الأَرْضَ ) يقول: إنك لن تقطع الأرض باختيالك، كما قال رُؤْبة:
وقاتِمِ الأعماقِ خاوِي المُخْتَرَق (6)
يعني بالمخترق: المقطع ( وَلَنْ تَبْلُغَ الْجِبَالَ طُولا ) بفخرك وكبرك، وإنما هذا نهي من الله عباده عن الكبر والفخر والخُيَلاء، وتقدم منه إليهم فيه معرِّفهم بذلك أنهم لا ينالون بكبرهم وفخارهم شيئا يقصر عنه غيرهم.

دحن يا "كبكب" روقها شوية وما توري أنك فاقد تربوي

https://youtu.be/moPJmdIyabc

[بابكر مخير]

الجرجرة ياها الليقنة وياها متلازمة الكُبر..
وإحنا! "قصدي ما الجلآكين بس" لكن سائر قطاعات الشعب الكريم البجهجه في ثورته الحين..
أصلن ما بنكوس لي الجرجرة سبب..
تلقى الحاجة في متناول اليد لكننا ما بنتناولها طوالي ونعمل قصة جحا لمن سألوهو أضانك وينها، بيده اليمنى مسك أذنه اليسرى..
برااااااااااانا سيكلوجيتنا جرجرجية وعشان كدآ مولعيين بالجرجير؟؟
اليوم؟؟
الجرجرة دياشة والجرجرة أيدلوجية..
والمشكلة في أنه بعض الأيدلوجيين والبدعو السياسة لا يفقهون ما هية السياسة.
السياسة! ما طوالي توشك وأمسك ليا وأقطع ليك طول بالك
وحلاوتها وعلي قول حبيبي دكتور حسين مالك "كلمة هوينة" ..
قالوا؛ أنه أمر الملاطفة سنة...
الشطارة في السياسة تعرف فهم الناس وتتعامل معاهم..
الدياشة صنوج، أها تقعد تلاويهم..
حسي بنياتك في البيت إن لاويتهم بطشن منك ، عاملهم بالتي هي الأحسن وهي شنهو الأحسن دي.. ما الياهو الديالوق..
حسي يعني حردة الشيوعيين وإصرارهم دآ شنهو يعني،،
ركوب رأس.
وهو في صناجة أكتر من حقة الدياشة..
ولا رجالة وحمرة عين وهو الإتحاد السوفيتي ظاتهو إتملص من العلم الأحمر وبقى "شلاتين" ألوان..
ولا لياقة وهو أليق من ناس حيميدتي (أهلي الغرابة ديل) بالنا طويييييييييييييل سلبة قدر ما تتلويق تلقانا ملاح ويكاب.
والله ثورة الشارع دي في محك، إن ما تمت تنازلات معقولة..
بتجهجه وأصلك الأيدلوجيين كان يسار كان يمين ما بدور الديمقراطية لأنها بتحجمهم..
من كميييييييييين سنة تتذكر سيد صادق

http://sudanyat.net/vb/attachment.php?attachmentid=1308&stc=1&d=1558435582

[بابكر مخير]

نحنا العواجيز ديل سواء على حق أو تهيئات، أننا ناس فاهميين..
من هذا المنطلق فالحصة فهم...
ناس المجلس (وسميهو كما تشاء، الأمني، الإنتقالي، الطامح او نقول العامل فالح) حسب السمعته قالوا إنتخابات بعد 6 شهور.
نقول أنهم عصلجوا وركبو رأسهم "التعبير دآ وهو بيشابه قولة قمتا نمتا أو بتكلم سااكت" وهم رأسهم الغريبة هو الراكبهم؟! مش حميدتي الأصلن ما ضرب صفى وإنتباه فريق أول ونائب رئيس مجموعة عساكر مخضرميين..
ما علينا نرجع للموضوع بتاعنا قبل الزهايمر تلفحهو ذي ما ثورتنا دايرين يلفحوها. لكن هيهات وإحنا أخوان البنات "الكنداكات"..
يا أخوانا نقول، وإحنا كل الملايين الطلعت دي مش ملتفة حوالين الحررية والتغيير.. وناس الحرية والتغيير مش مفروض يكون عملوا الواجب المنزلي "عبارة مسروقة من home work" وتكون حكومتهم بتاعت الكفاءات جاهزة وأسماء مرشحيهم للمجلس التشريعي برضهو جاهزة..
مش الترويكا موجودة والوحدة الأفريقية مراقبة وجامعة الدول العربية بتقبل عزومة أنها تشرِف وتشرّف والأمم المتحدة أصلها عندها جهاز إستاند باي للنظر في الشفافية حال أنه في إنتخابات قامت في أيتها حتة من العالم وما ننسى أنه أهم عنصر للحماية الأمنية لمراكز الإنتخابات متوفر..
ما تضحكو بالله عليكم وبالجد أنا قاصد الدعم السريع.. يمكن حيدتي يكون نخوة أهله الغرابة ويا أخوانا الغرابة دي شاملة الفور وعرب وزغاوة وكله علي كلهو وهو أكيييييد كان رزيقي ولا غيرهو بينتمي لهذه الأمة ذات النخوة وصادق في كلامهو بتاع عاوزين إنتخابات شفافة ونزيهة...
أهااااااااااااااا.
نوافق علي الإنتخابات بعد 6 شهور والمدنية العايزنها بتتحقق وأول قرار للهيئة التشريعية يكون حل المجلس العسكري وتحديد فترة إنتقالية لمدة الأربعة العايزنها ناس القوة وحاكموا العايزين تحاكموهو وخاصمو العايزيين تخاصموها وظبطوها بالطريقة البترضي الشعب.....
وبما أني الفاهم الختا السناريهو دآ!؟
عندي طلب؟؟
أنه التشريع الطلبته زنوبة بتي ينظر فيهو وبالله عشانها وافقو :cool::cool::cool:

[imported_عبدالله الشقليني]

https://www.youtube.com/watch?v=6ZrfyxWTbCM

شُفتك ... وين الكبُر البتحكي عنو..؟
بيني ما بينك ....:cool:

[بابكر مخير]

شُفتك ... وين الكبُر البتحكي عنو..؟
بيني ما بينك ....:cool:

الكُبر يابا
بعرفهو صاحبه وأمره داخل
هو بنشاف وبنعرف
إلا باقيا عليك::
القرد في عين أمه غزال
عشان كدي ما بتشوفهو فيني... :cool::cool::cool:
أحمد ربشة الله يرحمه
صادق صدوق
أحب السودان وحبيناهو إحنا كمان....

[بابكر مخير]

عبد الله أخي الصغير الحبيب..
كدي شاركني في قولي دآ...
في أوجه شبه بين الإ؟تنين ديل. ولا شنهو...
"الصعاليك اسم يطلق على جماعة من العرب في عصر ما قبل الإسلام، عاشوا وأطلقوا حركتهم في الجزيرة العربية؛ وينتمون لقبائل مختلفة. كانوا لا يعترفون بسلطة القبيلة وواجباتها، فطُردوا من قبائلهم. ومعظم أفراد هذه الجماعة من الشعراء المجيدين وقصائدهم تعدّ من عيون الشعر العربي" (منقول)...
"الهمباتة مغامرون يقضون ليلهم في السرقة والإغارة لأجل الفقراء وكتابة الشعر" (منقول)

[imported_عبدالله الشقليني]

يا دكتور بابكر
إتّ ما صغير

https://www.youtube.com/watch?v=9n_NK9jgrc8

[بابكر مخير]

[QUOTE=عبدالله الشقليني;546292]
إتّ ما صغير
يابا الزول لمن يقولو ليهو جد شوية بهضلم لكن برضك أخير مليون مرة من قولة: "حبوبة" :eek::eek:
اليوم فطرن عندي في "المندولا" بناتياتي مدون وأمونة وأنا دآ العارف أني ما صغير ما شاء الله كأنهن إمعانً في تأكيد أني ذي ما قلتا.
إستطحبن معاهن أحفادي..
وكان دآ الفطور...

http://sudanyat.org/vb/attachment.php?attachmentid=1358&stc=1&d=1558741221


وبعدها شربن شاهي ما خمج..


http://sudanyat.org/vb/attachment.php?attachmentid=1359&stc=1&d=1558741234

أها أمنة التي تسكن دبي مع زوجها إبني الحبيب محمد صالح وهي من بين بنياتي تشابه أبوي في الروح بشكل عجيب... قليلة الحديث ورسمية جدا ونفس طريقة أبوي عندها فكاهته بتاعت الخواجات الما بيفهما إلا أهلي الرباطاب "عاصم البنا كان لمن يجينا في لندن مسميها (الخواجة)"..
قالت تعليق علي الشاهي:
بلا دبي بلا هناي. ياهو الشاي بي جاي، شاي البي جي ومعاهو بلح الشام......
مدنية وحرية سلام وعادلة وثورة حتى النصر....

[imported_عبدالله الشقليني]

ما قلت ليك إت صغير ....
أهو كلامك ...

[بابكر مخير]

ما قلت ليك إت صغير ....


لمن كنت صغير ودي طبعن مجازاً.. كان عمري وكتها فوق التلاتين...
أخواني الصغار يكونوا دايرين يمشوا مناسبة وتقوم أم قاسم الله يرحمهم الإتنين تكلفني بمهمة أخذهم وإعادتهم...
بقوم أوصلهم وأقول ليهم بجيكم الساعة كدآ..
بي في الوقت المحدد وأقيف ليهم هناااااك وأاشر. طوالي يجوا وهم مساكين بأدبهم وإحترامن ليا ومسورين خاطر يسلماو نفسهم وأرجعهم البيت دون الإستمتاع الكامل مع الشباب التانيين فيما تحب أنفسهم...
دحن حسي أنا كلمتا الإستاف في المندولا ورغم عدم رضاهم بالخسارة المادية التي ستلحق بينا وكلمت الزباين الإحتجوأ لأنه فطورهم في رمضان مربوط بي هنا بي قراري أنه إحنا هنانا مع الإضراب العام حفاظن على الإلتزام القومي والأدبي والوطني وسميهو أيتها شئ ممكن يكون في خط الثورة وتجاوبن معا المهنيين والمهندسين والقوى والضعفاء الثارو علي الطغاة وإنطلاقن من قرارات نداء السودان والوقفة ضد كل جبان..
لكني ووا حرقتي فجاءة لقيت الكان بتعملهو كريت لقتهو في جلدها..
سيد صادق وإحنا وسط المولد دآ!!!!
وقف لينا هنااااااااااك وقال لينا..
خلاص يلا.... :(:(:(:(
يا سيدي سماح.
المرة دي ما بقول لي أمرك يرح، ينزاح
بس في عشان ضميري ئرتاح
ياني مع الفلاح، الثوار الصلاح
إضراب وعصيان لمن يلوح لينا صباح...

[بابكر مخير]

ههههه
ما وصفت في يوم في حياتي وإلا أني حزب أمة وكتر خيرهو شوقي بدري ديمة بروج لي مدى إخلاصي للحزب وجماهيرهو وقيادته ممثلة في سيد صادق المهدي..
في القلته فوق دآ..
أكيييييييييد بيقع لبعضهم موقع أني شققت عصآ الطاعة عن قيادة الحزب..
لا والله والف مليون لا..
فحزب الأمة الذي جزء من حبي وإخلاصي وإنتمائي له فترة شبابي الأولى! إرث والجزء الأكبر وبعد نضوجي الفكري والذهني الإجتماعي والثقافي جاء متشبعاً بقناعة زرعها داخلي هذا الرجل "سيد صادق"..
ولهذا بدأت بهذه الضحكة (ههههه) قاصد من فهم خطاء.
أنا وبإسلوب إستشقيتهو منه هو شخصيا (كلام التورية الحلو) قلت قولي هذا:
___________

سيد صادق وإحنا وسط المولد دآ!!!!
وقف لينا هنااااااااااك وقال لينا..
خلاص يلا.... :(:(:(:(
يا سيدي سماح.
المرة دي ما بقول لي أمرك يرح، ينزاح
بس في عشان ضميري ئرتاح
ياني مع الفلاح، الثوار الصلاح
إضراب وعصيان لمن يلوح لينا صباح...
__________
وقلي بديتهو بقولة "سماح" وهذا الأدب والتأدب الذي شربناه وتطعمناه في الحزب ختى لو إحتلفنا ناهيك أن تخاطب شخص يستحق التأدب أمامه مثل شخص ...

[imported_عبدالله الشقليني]

https://www.youtube.com/watch?v=t9lxe5I-yFE&list=RDt9lxe5I-yFE&start_radio=1

هدية بمناسبة العشر الأواخر :cool:

[بابكر مخير]

في حاجة هي من طباع البشر ولكننا إحنا السودانيين ديل تغلب علي الكتير من طباعنا وهي "النخوة" قول بعضهم بيقول ليك: أخو أخوان ولا ضزول ضطر وبما أننا مجتمع ذكوري متقوقع لمن تكون السيدة هي ياها ديك. يقول ليك والله بس راجل...
يعني وحسب فهم البعض والخاصة من الذين لم ينحظو بقسط وافر من التعليم وكمان مغيبين إجتماعيا.
الرجل هو قمة النخوة والبطولة والكرم والشجاعة.. لا يتعدى على من هو دونه قوة ولا يسرق من محتاج وينصر الضعيف ويكرم النساء ويحنوا علي الصغار ويعطي من حقه وحق غيره يحفظه ويصونه.
لا يقول قول السوء فيجرح ولا يسب فهي من أزل صفات الرجولة ويسامح ويتعفف عن الدناءات ولا يكذب ولا ينافق وأن لا ينكر أصله ولا يدعي قوة وصلته على غير حق...
غايتهو أنا دآ وبعد شفتا خطاب نائب رئيس المجلس العسكري (عسكر + مدني تاجر) إتعجبت!؟
لأني بعرف عن أهلي الغرابة (السودانين) منهم وخاصة أقاربي الرزيقات معرفة تطمئنني بأن حميدتي وحسب قوله "أنه رزيقي" فهو صاحب نخوة كاملة الدسم وأنه ربنا جاء به لنا بالفرج ويضاف لذلك أنه وبي عضمة لسانه (وفي السودان بيقولوا: الراجل بمسكهو من لسانه) أنه جاء منحازاً وما قاصد سلطة وأنه وأنه..
لكنه صدمني بمنابزته لأهله السودانيين القعد معاهم وقال ليهم بنسلمكم الحكم..
سبحان مغير أحوال الرجال
وحسبي هو ونعم الوكيل....

[imported_عبدالله الشقليني]

http://www.sudan-forall.org/forum/viewtopic.php?t=9831&sid=1e123736b8f068c8dea6d6e89184ba47
ملف أعددناه لما يسمى ( حميدتي في مدونة سودان فور أول.

[بابكر مخير]

http://www.sudan-forall.org/forum/viewtopic.php?t=9831&sid=1e123736b8f068c8dea6d6e89184ba47
ملف أعددناه لما يسمى ( حميدتي في مدونة سودان فور أول.

الحبيب
هناك معلومة تكاد تكون مؤكدة أكثر من إنتماء حميدتي للرزيقات وهو طبعن أصلن ما في قرية إسمها الرزيقات كما جاء في بداية الملف..
المعلومة أنه من قرية أبشي وهي في تشاد...

[بابكر مخير]

تقول تكتب ليك في حاجة عن تجاربك الإتلملمت طول السنين.
تخاف ينط ليك زولن يندمك علي قولتن كتا داير بيها إصلاح ما بين الناس....
والخوفة الجد مشكلتها كنصل سيف علي الكرار بحدين قاطعين.
جهة طرف ذي طرف السيف السنين واحدة دسمة وملياااااااانة، قراية ذي فرجة الصوغارين لتوم وجيري دون مخرجات مستفادة لها أن تسمن و تغني من جوع وديل ترى البينقال عليهم "المثقفين" وهم صفويين إحتكروا المسمى و(شاع) بينهم حق مكتسب ينعم به الجاهل الأمي والجاهل (حصة وطن)..
الطرف التاني المفروض من السيف البتار تمثلها مجموعة (في السودان بيقولوا: صونج) ديل ذي ما ديك بينقسموا لي أفرع وشعب. منها فرع الطرش الفي الزفة ومنها شعبة ديك العدة ومنها جماعة السف والسحت..
وبقدر ما أنه الحدين لا يمكن إن يلتقيا فهم علي خط متوازي "ذي قضيب السكة حديد الجاب ثوار عطبرة إطئمنوا علي ثورتهم وأنها في أيدي أبطال في أرض الإعتصام" إلا أنهما متشابهان في أنهم حد لنصل صغير مهما كبر فهو لخنجر وذي قولة "الكديس ما بيكبر عشان يبقى أسد ولا مساعد الياي أبدن يبقى ياي"...
الحالة الأنا فيها دي..
مستقاة من واقع معاش....
سيد صادق منجهة والشيوعيين والكيزان الحديين السنييينين......
إلا بارداااااااااااااااااااااات ومولوسسسسسسسسسسسسس ذي بطن يد الوليد الجديد.....
ومقبض يد الخنجر بتشابه ليا بالدياشة..
كل ما طرف دآر "يبقى ليهو قيمة" يمسك بالمقبض (مايو والإنقاذ)

[بابكر مخير]

ما بين بين سيد صادق وجهلول دآك اللإسمهو إسم علي إسم... بون شاسع أو ممكن يوصف بالنقيضان دون تشابه بل تنافر يعني مضادان...
كبير تفاسير كتيرة تصاحبها....
يقول ليك فلان دآ كبير وحسب فهم بعض وأنا واحد من ناس البعض ديلا بأخدها علي أنه كبير. كبير سنا وعمرا وكمان كبير في عطاهو وأنه كبير في فهمو وكبير في تعامله ودي تستوجب له أن ينال من الإحترام ما يستحق.
عندنا بيقولوا: الما عندهو كبير يفتش ليهو كبير...
مرادفة ليها كبيرن تانية وحسب فهم البعض وأنا منهم، كبير حجم يعني ضخم لكن عليهو تنطبق قولة: حجمه حجم النخله وعقله عقل السخلة وكبير عمر بمعنى عدد سنين يتراكم دون عطاء أو خير يذكر وكبير وكبرن مصايبهو ...
بعض الناس الأنا ذيهم..
بنحب الكبير صاحب الفهم الكتير
الكبير الملامحهو في الضلما بتنير
والكلامهو من حلاتهو سايل غدير
سيد صادق في عيونا ياهو هو دآ الكبير...
وكما أنه بعض الناس والأنا ذيهم..
بنحتقر الكبير الجهلول وعوير
الما بيتعلم سنة الحياة ولا بستنير
قولهو وأفعالهو ذي شافعن صغير
حاقد وفاسد وضار والذيهو ما بنقال ليهو كبير...
يا أخوانا كدي مش مكابرة لمن زول يكون حياته كلها شر وشجار، سب وإساءة، إدعاء ورياء يعمل نفسهو كبير..
ما لهو شوقي بدري..
متمنى يكون في زول وااااااااااااحد ما يكون وصله طرف السوط من قلمهو الأسن دآ..
كان أهلو ولا معارفهو ولا أعداهو "والأخرين ديل بشوف أنهم محظوظين لأنهم ما بيحرقهم ولا بيهمهم ما علي قولة المصريين "سفيه نبذ الباشا"..
من زولن كبر عمر كدي سااااااااااكت بس أحسن منك أنه ما بيعتدي ويسب ويلعن من طرف بنصحك باقي أيامك دي تشوف ليك طبيب نفساني يشخص ليك مرضك المزمن دآ..
برثى علي حال الطبيب لو شفتهو لأنه أكيييييييد حيصيبهو أمر من سؤ طباعك...
في ذي حالاتك لمن تضارب كان باليد أو بالقول بتذكر قولة الأسلوفاك في حالة الحوار والنقاش بين طرفين وقدر ما متذكر من اللغة..

(comu vesherba idia. zdvehni ruku) الترجمة الحرفية " من نضبت أفكاره رفع يده "...
والله أنا غايتهو كل ما يقولوا ليا: من ناس بدري أشيل هم..
لأني بخاف زول يقول ليا... وصمة الأسرة دآ قريبك.. بس وحصلت كم مرة بقول ليهم.. أنا حفيد بابكر بدري ودآك أظنه إسم علي إسم.. عملن بقولة:
باب يجيك منه "ريح" سدهو وإستريح..... وشن بيلم الإسم علي الإسم

[بابكر مخير]

بتذكر مرة تعرض بعض الأحباء من سودانيات وسودانيين "سودانيات" للكلمات التي تلقى قبول لتنتشر بسرعة في الوسط السوداني وبتذذكر "طبعن لسة الذاكرة فيها فجاج يطل علي الماضي الحلو مقارنة بالحاضر الشيييين، سحار بس" كلمة وكدآ كانت مداولة بشكل عجيب وحسي بيستعملوا قولة آها...
من ملاحظتي أنه عند جيرانا حبانا "الأحباش" عندهم كلمة وهي تنطق "كذآ" وترافقها كلمة "بوهلا" وهي تعني أها بعدين.. واحدة سودانية إسمها هالآ "هالة" وبيعملوا معاها أثيوبيات إتنين وأثناء ونستهن مع بعض هالة سمعت قول "كذا بوهلا" وتوارى ليها القول أنه "كذابة هالآ" وكيييييييييييف زعلت وشكلة لي رب السمآ لكن لحسن الحظ كان هناك شاب كيييف قهوة وكدآ وملم باللغ الأمهرية الساحرة كسحر طبيعة أرضهم (بس واللهم الدنيا صيام) فترجم لي هالة وهدءت النفوس...
أها حسي من كلمات الثورة قولة "الحيكومة العميقة" الدولة العميقة .. أما الأنا قاصدها قولة "إقصاء"...
يا أخونا الكلمة دي جزورها عمييييييييييقة عندنا هي بعض الناس بيبالغوا ويقولوا عنصرية وهي نفس الإقصاء بس مربوط بعوامل عرقة ، دينية وكدآ وبنشوفها أنها كبييييييييييير مقارنة بالإقصاء مع أنه الإقصاء دا هدامممكن يؤدي للموت عديييييييييل يختك في دبرسة وشعور بتاع ضعف لمن تنتحر... والإقصاء برضهو ذي العنصرية لأنه بيمارس من قبل ناس عقولهم صغيرة وشخصيتهم ضعيفة يعني جهلاء عدييييييييييييل كدآ...
عندنا في السودان أشد القبائل إقصائن هم الشيوعيين وأفرادن هو شوقي بدري..
الله يشيلهم ويريح العالم يخليها متحابة ونسيجها جامع

[بابكر مخير]

الكُبر
تقلآ في كتير من الحاجات منها؛
رد الفعل
إستيعاب الأمور
التصريح بما يدور في العقل..
أهآ الصفات دي قدر ما هي تتعارض والسير السريع لوقع الحياة الأيام دي إلا أنه يوصف بأنه advantage وفي نظر البعض أن نتاجهو شيت خرف ساااااااااكت...
الحاصل في البلد حسي دآ رغم صعوبة أحداثه والآما الغير متقبلة والأخبار المتناقلة عن أساليب بعيدة كل البعد عن خلقنا وطباعنا لدرجة تقشعر لها الأبدان قبل الأطراف..
تلقى برضك إستيعابك ليها مشوش...
يا إخوة خرج علينا برهان وقال كلام ونسبة لي تقل فهمي خرجت بي حاجة وااااااااااااحدة وهي أنه عايش في دنيا غير الإحنا فيها دي.. وتانين أنه بيتكلم عن مشوار بتاع 9 شهور وهو ناسي أنه الأفريقية باقي ليهو معاها أيام.
أها وجاتني فجة كدى لأني مع الكِبر بفوت حاجات وحاجات بستحضرها وفي الحالة دي أنه يحكم الشعب ناس يختاروهم الشعب نفسه وعن طريق إنتخابات لكن ربطها بصورة مبااااااااااااااااااااشرة أنه ما يكونوا ناس الحرية والتغيير ودآ معناهو لو الإنتخابات جابتهم بأي صورة من الصور بيكون لي كلم حدث حديث وبالعربي الفصيح يشموها قدحة...
طيب ما قلنا هم إقصائين وإتا شنهو إبعادي ما إقصائي...
بس برضك والله عندنا مثل بيقول:
سك الكضاب لي خشم الباب
طيب يعني الأحزاب تعمل ندواتها في الشهور دي.. والحكومة البتمسك فترة التسعة دي في بطن البلد من منهو وليييييييه ديل وكيف تم إختيارهم ومنهو البيسمع كلامهم..
برضهو نقول تلاتين مشن نشوف خشم الباب البعده 9 شهور دآ بيكون كيف..
طبعن للوقت دآك ليكم الف حلال وناس أنا أريتنا نعيش ليها.....

[بابكر عباس]

تعرف يا بكور،
أنا بالرغم من أني زول عكاس ومكاجر وبنقد أي زول نقد حاد، إلا انو في ناس كدا ما برضى فيهم خالص
الأستاذ محمود
الصادق المهدي
م إبراهيم نقد
وحسن موسى

[بابكر مخير]

تعرف يا بكور،
أنا بالرغم من أني زول عكاس ومكاجر وبنقد أي زول نقد حاد، إلا انو في ناس كدا ما برضى فيهم خالص
الأستاذ محمود
الصادق المهدي
م إبراهيم نقد
وحسن موسى
بابكير
لمن قريت إسمك في المداخلة وقبل ما أقرآ أيتها شئ في ما كتبت وإني الأن أضم صوتي اليك..
قلتا يا حظي كمان الشباب الصغار ناس 40 وشويييييييييييية ;) دخلو هنان عشان يصيبو بعض المعرفة عن ثقالة الكُبر ويحضروا نفسهم للمستقبل القاتم، الظالم..
والله تعرف ما في شئ ممكن تشبهو بيهو الكبر ثقالة وعدم فايدة ووهم إلا ياهو حميضتي ومجلس الدياشة...
شوف أمسك مثل؛
تتمسك بي شيتن ما ليك فيهو قدرة واخد بالك "ولا ننادي عكود يوقعها ليك"..
هم الحكم وناس أنا التحكم وأمسك من مسكان دركسون العربية ليييييييين "نضم الإبرة"
تلاوي ليك في زولن كبير وعظيم شأن وإتا ترآ لو حمر ليك ركبك بتسيب وإلا بتتقوى بي قولة أنك كبير.. أها الثقلة ديل ما هم حسي بيلاوو في شعب أصغرهو عمر أضخم وأعظم من رئيس مجلسهم ونايبهو ومتقويين بي مرتزقتهم الشايلين بنادق في الوكت يومتها أربعة منهم سلاح وعصي وسيطان يعني شغل عصابة راجلن واااااااااااااااحد ضكر ركز ليهم لمن عصيهم إتكسرت وهب هجم علي واحد فيهم إلا عار متل الجريو لمن تهره....
شوف شيتن تاني... النضمي دآ حق الله والرسول البيديهو للشافع عشان بعدي يتفاصح بيهو لمن تكبر إلا يختو ليك مكرفون عشان تتسمع وحتى بالمكرفون النفس ما بساعدك يقرب ينقطع... يومتها هو إسمهو منهو؟؟ (يا أخي هو الثقيل دآك الإسمه تب ما بنحفظ ليا. ما قصدي العسكري الإسمهو الأول ذي إسم رئيس مصر) الزول دآ بيتكلم وذي المزنوق إلا داير يهرول لي " محلهو وشبهو" لأنهو بطنهو مايصاهو ويتلفت هو الرايحآ ليهو حاجة ودي أكيد لأنهو كرامتهو راحة ورجولتهو راحت وهو ظاتهو رآح ودي ذي عين الشمس نص النهار لا دايرة إثبات ولا "برهان" والتاني دآك الرايحآ ليهو لا قادر علي نضمي أهل دار صباح ولا قادر يفاصح بي كلام أهلآ يدغمس في القول ويلفلف ويكضب..
مش ياهو الكلام ليهم صعب ذي ما إحنا ديل "الجلاكين""
حسبي أنت الله خير معين
يا فراج، فرج علي أهل السودان وأزيح منهم هذا الكابوس القميئ
وأنصرهم علي حميدتي ودياشة المزعوم بأنه مجلس عسكري والعسكر منهم براء
وأرحم كل من أرتق الي مقامك وأشفي كل مصاب وأدخل الفرحة في قلوب كل الأطفال والشباب والشيب، إناث وذكور من أهل السودان..
آآآآآآآآآآآآآآآآآآآميييييييييييييييييييين

[بابكر مخير]

حقيقتن لله
الدنيا دي بقت مسيخة جنس مساخة
غايتهو الحمد لله أنه أيامنا فيها معدودات
ويا خد سيد الأمانة أمانتهو..
نتخارج ونخليها لي ناس حميدتي وشوقي ومن لف لفهم وكل زولن مزعج لا يهمه قدر الناس ولا مكانتها
ويلا بلا لمة

[بابكر مخير]

الإعتزاز بالنفس مع الكُبر بيكبر ودي ممكن تصنف نوع من الأمراض وكما ذكر في بوست هنانا أنهو "إعتلال نفسي"...
الأعتزاز بالنفس هو شئ جميل لما يكون موجه لي قيم وأفعال عظيمة.. قول مثلن زول معتز بي نفسهو لإنتمائه لي بلد ولي أمة ولأسرة وبيعمل ديمة لإظهار هذا الإعتزاز..
أها في إعتزاز بالنفس مبالغ فيهو ويغوى الزول ويدفعه للغرور...
تاني هام الخط الرفيع البين الإعتزاز والتكبُر فبعضهم نفسهو تكون عزيزة عليهو لي درجة أنه ما شايف زولن تاني متلهو ودآ برضك مصنف إعتلال نفسي وديمة بيكون ضارب فاقدي القيم البشرية العامة وبمعنى تاني مركب نقص..
وهنا المشكلة البتكمن في التقدم في العمر
معها كلهو شيء غير مهم بيكبر كان المرض كان الإعتلال الجسدي والفكري والنفسي وحاجات كتيرة تنعدم منها الشوف والسمع
"بس ولا بشهد لا زول ولاحاجة وخلوها علي كدآ"

[بابكر مخير]

ياخي ما عارف لييه الناس بتنسى ولا بتتناسا أنه الموت حق والحياة باطل...
قولي دآ ما نتاج دبرسة كُبر وطبعن دي قلنا أنها أقوى المتلازمات ورفيقات وصفات الكُبر ولا قول زولن فاقد الأمل desperate ولا لأنهو الحياة وكل ما ليها من الأصعب (ما هي تجاوزت ما ساهل وصعب وصعب بالجد الي أخر الصعوبات)..
إتصور التلفزيون موت والأخبار موت والميديا موت والنوسة كلها عن الموت في الشارع عربية الإسعاف تونون يا ماشة تجيب ميت يا شايلا ميت.
ما حاسد والله لكن بستغرب لي التفكيرهو في القرش وإغتناهو وزيادته وهمو التملك ووالزيادة في ما رزقه الله..
الزهاد في الدنيا هم الصلاح
ياهو شيتن يستر بيهو جسمهو وشيتن ياكله يسد الرمق وشيتن ينوم فيهو وشيتن يطراهو بيهو الناس لمن يمشي..
شوف حسي بشة تلاتين سنة ما متذكر فيها الموت ما هو الزول دآ ما ليهو جنا يقول يورثهو ويلم في القروش. أمس الأخبار أنه عندهو في سكنهو "طبعن هو ما سكنهو هو مقر ضيافة مؤقت لكل شاغل المنصب ولي فترة وفي الأصل ملك شعب السودان" كم مية مليون يرو ولا دولار ما متذكر...
كبش أمس يحمر في وشينا ويرفع في حاجب وينزل في التاني ويكضب ماهو متذكر الموت وسؤال منكر ونيكر (ديل قول ليهو يا كبش ما ذي الصحفيين المساكين وإن كانوا على حسن الظن ولكن ترصد بهم متوقع فأنت لا تؤتمن علي شئ ووليداتنا الثوار خير دليل. ديل يا إتا هم الحيلوكوك لوكاة وما بتقدر تخوفهم بأنك تعتقلهم لأنهم هم المعتقلنك بأمر لا تطوله ولا يطوله أي من البشر فهو أمر من الأمر والناهي والقادر والعادل "الموت يا ظالم")...
إذن يا ناس
كان ثوار وكان جايرين علي بلد الثوار
يا أحرار يا أبطال..
أعدولُ بين أنفسكم
وعلي القولة يا مراكبي عدينا (لي بر السلام)
إتذكروا أنه هو السودان القاعد مر الالقرون وإحنا وإتو ماشييييييييين منها..
وموتو علي دينكم ووطنكم gooodgooodgoood

[imported_عبدالله الشقليني]

حبيبنا دكتور بابكر مخير
تحياتي ،
ما كنت عارف يا ريت يا ريتني كنت عارف.
*


https://www.youtube.com/watch?v=fvTsbwNFYz8

[بابكر مخير]

حبيبنا دكتور بابكر مخير
تحياتي ،
ما كنت عارف يا ريت يا ريتني كنت عارف.
*


https://www.youtube.com/watch?v=fvTsbwNFYz8

إختيار جميل من رجل جميل
لغناء جميل وفنان جميل
من الأصوات التي فعلن تطرب
شكرا ليك يابا
شئ جميل في زمن قبيح

[بابكر مخير]

كل زول عندهو شوفة في الجماَل وما شرطن توافق أغلبية البشر..
وكل زول عندهو شوفة للعروس البدورها وذي ما كل عروس عندها شوفة لعريسها البتدورو وفي الحالة دي الناس الحوالين العريس والعروس ديل بيكون عندهم أراء متباينة مع الإتنين وفيما بينهم..
العريس بعضهم عايزها بييييضاء وشعرها أسود طويل ومكتنزة الجسد "خلونا علي كدآ" وبعضهم بت أسرة مقرشة وبعضهم تكون مفرفشة "رفيقة" متفهمة وبعضهم تكون ملفلفة ولا خيمتن زحيحا يقوم التراب كتاحة..
بس في حاجة..
أها إتا تقول قول ورغباتك إتحققت لكن لي قدام شن الحال بيكون..
خلينا من حكاية الإتنين يجلكنو ودآ أمرن حتمي لكن المشكلة تكون ويييييييين..
المشكلة لما اللون الأبيض الشمس تحرقه والشعر الأسود ينملي شيب والشحم واللحم يبقى جلافيطوالأهل المقرشين العريس دخل عليهم بالساحق والماحق والبلاء المتلاحق لأنه نهبم وسرقهم وبرطع بي حقهم لمن فلسهم وحتا الفريقة ست الفرفشة والفهم والنقاش والإختلاف هم الكُبر كسر مقاديفها وطفى النور الفيها وبقى عليها بعد ما شاب دخلهو الكتاب وتبدآ من جزء عم لين تختمهو بي قول البنا الما بنآ إلا الخراب وين حلو وليداتهو وأفكارهو وكفارهو..
أها يا أهل العروسة البلد المليانة خير ويا أمدر المفرفشة ويا الخرطوم المنورة ويا الجزيرة الرويانة وغنيانة ويا أهلي ناس ميلاد وأخويا القمص ويا بيت البرعي والميرغني وأبكساوي يا "ملوكآ أخويا" ويا أستاذنا المرحوم الصادق عبد الله وحسن الترابي...
جآكم عريسن طامع
بنيتكم أحموها ولموها وغطوها
ما تبيعوها بي قرشن أحمر ينقط دم
ولا بي خوفتن بعدها الندم...
وصيتي ليكم..
دآ الزول دآ..
خلوهو إلا يحوس ويلوص، يلف ويدور وإتو تم وعصيدة فيها السم
لمن يعرف أنهو ديل ما ناسن ما بيدو بنيتهم بالساهل..
وخلوها طوااااااااااااااالي
سلمية
سليمة بس
سلمية مية المية :cool::cool::cool::cool:

[بابكر مخير]

لجيشك عليك واجب كما لنفسك عليه لك حق...

أنا بفتكر (يمكن بحسن نية أو بسذاجة). أننا نحن الشعب حين يتسلط علينا دكتاتور أو تحكمنا شرذمة وتنال من حقوقنا المشروعة نلجا للجيش وما بيخذلنا وهو ما حصل في المرتين السابقتين..
جيشنا كان قبل هجمة الكيزان وفي التلاتين سنة ديل صابهو ما صاب كل مكونات الأمة..
طيب هل سألنا نفسنا عن هل جيشنا دآ الديمة بنوصفه بأنه "جيش واحد، شعب واحد" وبنلقاهو عند الحوجة... إمكن هو اليوم داير مننا نقيف معاهو نناصره ونعاضدهو..
أنا بفتكر أنه علينا واجب قومي ووطني وهو؛
إعلان كافة أهل السودان وخاصة الأحرار والثوار منهم الوقوف بحزم مع قواتنا المسلحة، جيشنا الباسل..
أنا بفتكر أننا ندي جيشنا فسحة لتجميع قواه بأننا نشغل أعدائه الهم أعداء الوطن بعصيان مدني متكامل الحلقات. نلهي به أعداء الله والوطن. ونترك الفرصة لجيشنا اللأبي تنظيم صفوفه في قياداته ووحداته في العاصمة والأقاليم ليهب منتصرا لشعبه وشرفه الذي كآد أن يهدر...

[بابكر مخير]

يا أخونا بالجد أتاريهو الكُبر بباريهو الكُبر في فهم الحياة واكتييييييير من الأمور..
في واحدة من الجارات الحبيبات قريت لقائين صحفيين واحد لي "شاب" زولن قريب من عمري في منصب قيادي وواحد لي شباب نضارة ووسامة وثورة وحرارة نفس.
إتنينتهم سألهم تقريبا نفس الأسئلة عن الحالصل في البلد لكنهم كانوا في جريديتين مختلفتين. زولي التقريبن دفعة تميز بهدوء النفس والشاب الحروف بس التقول تنط ليك لكمة في وشيك.
الكبير كان متفائل والشاب متشائم..
"يا أخوانا والله السودان دآ بلد العجايب (بس ما زارهو جليفر) يعني معرووووووف في الدنيا دي كلها وكل النظريات النفسية والإجتماعية بتشوف أنه الشباب هو في ذاتهو بيعتبر مصدر للتفاؤل والشيب هو عنوان الدبرسة والتشائم"
كان حديث الشاب خالد (ما الجزائري) في نبرته قرييييييب من الشاب (ود حمدان) ... إتنينتهم مع إختلاف باين بين مواقعهم (واحد مع الخير والتاني زول شر) إتنينتهم بدلقو العدائيات البتقفل طريق التلاقي غايتهو يا قوى الحرية ويا المجلس العسكري إلا تتواعدو تتلاقو بعيد من ديل... قطع شك ما في الحتة المذكورة في غنية "توبة توبة" لأنه شارع النيل ذكراه حزينة وما محل لي ولادة فرحة..
قريت برضك تحليل جميل لي زولن أكيد دفعة لو ما بيكبرنا بالعشرة وفيهو الغريبة لقيت شبه وتوافق مع طرح أخي وشقيقي (نسب الدم هو صلة الدم) الحبيب أبو خليل...
الكُبر قدر ما هو ثقيل!
لكنهو نعمة فكر ورأي

[بابكر مخير]

قالوا: الما عندهو كبير يشوف ليهو كبير...
هل هذا القول كان زمان بس
لأنهو لو لي حسي نافذ
يبقى يا ثورا شوفو كبيركم

[بابكر مخير]

قلناها قبل كدآ...
مع الكُبر بيرهف القلب وقلنا برضك البيحصل أنه عكس الشباب قدر ما القلب زمان بيكون تقيييل وكل شئ يمشى دون وجل وفزع.. ذي حسي الشباب الثوار ديل منهم الشايل كفنهو وماشي ومنهم الما أكل كم يوم وما شاعر بالجوع ومنهم البعاين لي الشايل الدوشكا ويبتسم في وشيهو وعارض ليهو غصن زيتون وكرعينهم بتكون ذي الريشة في المناورات يسابق التاتشر ويسبقها وفي نواصي البيوت تلقاهو ذي البرق من الناحية دي للناحية التانية يلف والمتاريس دي يفططها التقول القطري الأصله كيني "سيف سعيد شاهين"...
حسي مع الكُبر
قلنا القلب بيخف ويبقى أرهف من ورقة الريزلآ البلف بيها سجارتي "والله صافي تباكو ما ذي الكلومبي:rolleyes:" وكبيييييييير أن عطس زول ساكت جمبك تنط تقول فجرو قنبلة هيروشيما قدامهو وذيييييييييد علي دآ كلهو بيبقى الزول همييييييييم لدرجة مزعج.. يا ولد ما تمشي في الواطة تكون في حفرة تقع تكسر حوضك "دي طبعن من مخاوف الذينا أنها تبقى عليهو"... ولو سمعت قالوا شنهو تبقى كل ليلك ونهارك تفكر فيهو....
دحن يا بنياتي ووليداتي وأخواني (أخواتي ديك ربهن يحفظهن ما هن عايشين الباقي عليا لكن أخواني ديل ياهم ناس المجلس العسكري بس إلا يتليقوا وهم ناسيين أنها كم يوم ويلا منكر ونكير يبقوا هم بس الأعضاء في جلساتك وإجتماعاتك)..
بالله عليكم يا ديل..
حلوها وإتوفقوا وخلونا شوييييييية وباقي أيامنا دي نلقى لينا شمة نفس وغمدة عين في نومة هنية قبل النومة ديك..

http://sudanyat.org/vb/uploaded/851_1561192752.pngة

[بابكر مخير]

مع الكِبر أخطر ما يمكن أن يفتك بالزول هو الإحباط ودآ لينا بدخلك في دبرسة وقناعة من الدنيا وبيتأكد ليك أنها أدتك ضهرها ولو بقيت عندك العزيمة.
أخير بيدك وما بيد عمْر cut your life short.
هل في شئ بيربط عمْر وعُمر أنا بفتكر أكيد أيوة ما هم الإتنين بتكون الأمور القبيح بيدهم. لكن عُمر أشد بطشاً من عمْر لأنه فكآ فينا بلوة إسمها حميدتي..
يا أخونا والله الواحد محبط لي أقصى درجات الإحباط
بالله يعني ناس ما تعرف هل هم سكارآ ولا حيارآ ولا طول الوكت هم مصقوعين ولا هم هبل وأغبياء بإمتياز ولا بس كضابين وموهومين أنهو شعب السودان مغفلين وبيصدقوا الهراء والضلال ولا تربيتهم فرضت عليهم أن يكونوا كدآ..
يا أخي كباشي دآ إما أنه مضروب في روحه مقلب عالمي وأنه هو خلاااااااااص بقى ياهو هو.. ولا أنه ما الياهو ورمي في عيونهو لمن يتكلم مع أنه بيقول كلام كبيييييير بتاع ناسن هم البيكسرو العين ما همن العينهم مكسورة لا ودآ هين المشكلة في البلوة الخلاها عُمر يا زول دآ لو قريتو سيرة هتلر بتلقوها مكررة يعني أنا بالجد مستغرب زول شبه أمي من وين ليهو عرف بسيرة هتلر عشان يتقمص شخصيتهو..
ذي ما هتلر خلق حزب العمال القومي الاشتراكي الألماني (وقصة نازي دي جآية من مختصر Nationalsozial) وعلي نفس الوتيرة دآ بيعمل في حزب "نازي" عمادهو الإدارة الأهلية وفضلات التلاتين سنة من كيزان ومؤلفة قلوبهم وضعاف النفوس...
أنصحوني بالله لأنهو الإحباط هداني وخايفهو يهدني لإرتكاب الإثم الأكبر في حق نفسي :(:(:(

[بابكر مخير]

شوف بالله مع الإحباط بتاع المجلس العشكري وكباشي


الكُبر متعته في ذي الأحفاد ديل البخففو وجع القلب
تخليك تتمسك بالدنيا (أكيد ما طامع ذي ما قالت ليا حبوبتهم السيدة الجليلة "وتحضر أولادهم" :D:D:D)

http://www.sudanyat.org/vb/uploaded/851_1561417623.png

[بابكر مخير]

يا زول أصلن بيقولوا أنه كلام خرف.. ففرغ وإستفرغ وأطرش علي دين كيفك....
السودانيين من شهر ديسمبر لييين يوم الليلة وممكن لي أيام وسنين قادمات شعب معلم وكونه معلم فهناك معلم العلم الفلكي والذرة وفي معلم الشيشة والمخمخة وفي معلم القيم العظيمة والأخلاق وفي المعلمة (ذي بمبا وما يقال بمبا كشر)..
عمل ثورتين وبشتنوها الأيدلوجيين المتطلعين دوما الصعود فوق ضهور الثوار ولنيل الحكم عن طريق النهب والسلب...
كان الإستقلال وكان أن مصر وبريطاني بضغوط هجو سابو البلد ولكن إستخبارتهم بقيت وعملت لتنفيذ سياستهم فكانت نوفمبر وكان السد العالي شلاتين وحلفا الغرقانة وحلايب. وكانت أكتوبر ومع وبرغم ضعف مجلسها الإنتقالي إلا أنها بوقفة شعبها الصلبة وصلت لإنتخابات وكانت حكومة مدنية منتخبة ديمقراطيا ولكن الأيدلوجيين رغم قلة عددهم في المكون السياسي السوداني وبتحالف بين ناصريين وقوميين عرب وشيوعيين قاموا بإنقلاب وإنتفض الشعب في رجب/ابريل وكان مجلس إنتقالي عسكري وضع لبنة لتسهيل شرذمة من شذاذ آفاق أن يسيطروا على مقاليد الحكم وكان تلاتين نوفمبر والذي كان يوم شئوم متنافس عليه من العديد من الأيدلوجيين بجانب الكيزان الذين فازو بالكيكة ويشهد على ذلك الخيانة الكبرى حين عزف الشيوعيين والبعثيين والناصريين وحتى جزء من الإتحاديين عن الإلتزام بميثاق الدفاع عن الديمقراطية وكان الكل يمني نفسه بأن البيان العسكر المرتقب صدوره هو لأبناء جلدتهم. وبهت المتربصين دوما إستلام كرسي الحكم (دوما عن طريق الإنقلابات فالصندوق يا شوقهم) فكان كيزاني جسم علي الصدور تلاتين بالتمام والكمال (ما هو لسة نجراكيك الإنقاذ حاكمين أكيييد لين يوم 30 "هو شنهو التلاتين الشابكا فينا دي" 30 + 30+ 13 دآ عمري :(:()....
حسي العايز أقوله!!!
ذي ما من الكلمات المتداولة (تصعيد وتصعيد مقابل) أنا بشوف أنه دآ تصرف صبياني
أكان ناس حميدتي وكباشي وحتى الزول الكبير في السن عبد الفتاح ظاتهو ولا أكان المجموعات المكونة لي قحت..
سبعة شهور ويتناقروا ويلفتو إنتباهة الناس من المهم للجانبي ويخلوا المايسوا يشتري وبقى بس سوق شراية ذمم بدايتن من القيادات ليييين عمد أصغرالقرى ...
كفاية بالله عليكم وكلنة أخيرة..
يا حميدتي ما عندك مواعيين حكام ويا كباشي ماك من رجال السلطة ويا قحت take it easy ووصولوها لي بر الأمان

[بابكر مخير]

في زمنا كان يكاد كل الكتب القصص وخاصة بتاعت أرسين لوبين تبتدي بي قولة؛
ذات صباح باكر أو في يوم ولو قصدت الإثارة والتشويق وعلى صوت الهفيف وكأنه لحن يعزف على قيثارة وفجاءة.... لو القصد إثارة في القصص العنيفة وإذا القصة رومانسية وعلى صوت الهفيف تسبقة رائحة عطرها المميز...
الحالة حسي إختلفت أولن تبادي ندر أن تلقى الكانوا في عمرنا ماسكين ليهم ورق يقروا منه "جريدة، قصة ويا زول تقرب تقول مُصحف:(" ما الياهو القراية قبل فترة بسيطة كان من شاشة الحاسوب لمن صغرة المساحة وبقت بالكتير خمسة بوصات وشوية سنتيات وما قصص أكترها قرايت شاتات وشمارات و"حمبكانات" خسارة ما كان في زمنا جنس دآ يا ما كان "جكسنا:rolleyes::rolleyes:"...
بمناسبة قصة "المُصحف وأبيي أحمد والكتاب"
وديي البنية الشغالة معانا في الموندلا وككل الشباب الأثيوبي شهقانيين بي رئيس وزراهم الجديد، أها قالوا أنه أبوهو مات والبت التقول المات دآ أبوها.. قربت تقول ليا فارشة عليهو التلاتة أيام الجايات ومعناها ما حتجي وبيتنا "المندولا" الخربان أصله حيخرب زيادة.. قمت قلت ليها خلاص يعني حتصبي البايبل وكان سألت هو شنهو البايبل لمن شرحت قالت ليا تقصد "مُسحهف قودس" وأنا نوع دآك WHAT طلع أنهم بيقولوا ليهو الكتاب المقدس وكتاب بي لغتهم ياهو مصحف ويبقى أبيي أحمد يا ناس العسكري إحنا بي جلالة قدرنا وإيمانا وتأريخنا وحضارتنا هو زولن أعرق مننا وحتى أعظم الكتب عندنا مشتق من تأريخهم فلا حرج أن نعترف بأن الإنجيل أقدم من القرآن وهو لمن جمعهو في البايبل وإحنا القرآن جُمع في المصحف...
هو أنا مالي ومال أبيي مدخل نفسي في عداوة ما ليها معنى مع كبش الفاهم وتوحة النايم وهمبت الحايم ومجلس الدياشة الزايم وهلما جرآ:eek:
نرجع للقصد من زمنا والكتابة..
أننا كنا بنقراء ونكتب نجود لغتنا قول ونطق وكتباة..
حسي لا حول ولا قوة إلا بالله..
الخط بس التقول: نملة رميتها في محبرة وقلت ليها أمشي وأجري ودوري ولفلفي في الورقة دي..
القراية وكأنها إستهجاء والنطق الجيم ويييييييييييييييييين يا حليها بقت "زلمية" الجيم الكان رويانا بقت معطشة وطرشانة....

[بابكر مخير]

أكيد قديت أيتها زولن بيقرآ ليا في البوست بتاعي دآ عن حكاية أنه الزول لمن يكبر؟؟
بيبقى رجااااااافة...
حسي ومن قبيل وما بكضب لو قلتا من يوم قالوا أنه تلاتين يونيو (العزيز بتاع بآكر ما النكد دآك بتاع 1989)..
فيهو مليونية..
أتراجف
ما خايف أنه العدد ما حيكون فعلن مليونية ومباركة
لكني خايف الجزم ديل يعملوا تمثيلية ويتحايلوا بيها لسفك المزيد من الدماء
خوفي دآ
ما في شآن الموت لأنه الموت حق
لكن خوفي في أنه نفقد حبان وكأنه ما كفانا الفاتونا من أول ثورة ديسمبر المباركة...
ربنا يغطي
ويا كريم أمانة عليك تحفظهم من شرور الظآلمين وتحميهم من كيد الكايدين
اللهم ابعد عنا كيد الكائدين،
و حقد الحاقدين
ومكر الماكرين
و شر الحاسدين
وظلم الظالمين
اللهم إنا نجعلك فى نحورهم ونعوذ بك من شرورهم
اللهم يارب العالمين اسألك أن تحبس عنا أنظار الظلمة المريدين لنا السوء وأن تصرف عنا مايضمرون في قلوبهم من شر
اللهم حصنا واهالينا بحصنك الحصين وحبلك المتين ..... آمييييييييين يا رب العالمين

[بابكر مخير]

حليلها أيام كان الكبير قولته مسموعة
والتوب والزراق والعمة والملفحة علي الكتف مجدوعة
وحليها أيام لمن الجنيه بأكتر من دولارين
ولمن كوسة الكعبة من سلطان دارفور
ولمن الحمة بالأوقة ما الرطل اللعين
وأيام الجيش ضباطهو معرفوين
ولو عندك عرس وداير تدور حفلة دربك عديييل لي نقابة الفنانين
وحلاوة القعدة في فندق الشرق ولا فندق الواحة ولا حتى في الساحة قدام البيت
زمان كانت أمدر ولا بحري أو الخرطوم عموم متعة وجمال وطرب
وفرقة وليم أندريه للجاز صالة في مقرن النيلين
زمن دار الرياضة واللعيبة ناس منزول وبرعي والهادي صيام
وسينما كليزيوم والحلفاية وبرمبل في أمدرمان
حلاة التوست من بابكوستا وحلة كوارع منها ديك الفي الشعبية ماخدآ مكان
ما تنسى ورا الوطنية وحي السوق والقهاوي بي إسمها الرنان
ذي يوسف الفكي ود الآغا والعصاير من جورج مشرقي وأرونط ؟؟؟ "يوحنا الماشي كان عندهو كل المقاسات من الفتيل لي الخمسة لتر;);)"
وكمان ديك بالعبار تروي للظميان وما ننسى القزازتها مزينة بي سفينة الصحراء
والأعياد والمولد وسوق الزلعة وليهب الجمر ورائحة الشواء
حليل دآ كله الكان زمنا
وما كتير علي الله يرجعها عشان أو بناتنا وأولادنا وحفيداتنا وأحفادنا
وأنه يعيشوا في السودان الهم دايرنهو والإحنا عشناهو

[بابكر مخير]

قلنا مع الكُبر
الزهايمر تضربك ولا الزمهرير القارس
والنسيان في بحرهو ديمة غاتس
والفططان ما بس! تفط سطر ولا صفحة دآ الكتاب بي طوله
والسهيان بيكون مرحلة قريبة من الهذيان
والقلب بعد زهلان يبقى طفشان، خايف مرتجف..
لكن في شئ وقلناهو...
القرآن
بالله عليك من بتاع الكتاب دآك و"جزء عمّ" لين بتاع رابعة ثانوي ومن ما بإجهداتك الخاصة حفظته مختوت في مكان آآمن في الدماغ ومحفوظ جووو القلب..
الحصل..
قريت تقارير الدعم السرييع عن موت بعض منسوبيه وكذلك بيانات المجلس العسكري عن "إستشهاد" بعض من أبنائنا أفراد القوات المسلحة الذين أودعناهم أمانة في رقاب قادتهم وعن رضائنا التام. أنه لو كتب لهم الشهادة أن تكون دفاعا عننا ولا يستعملوا كآدة لقمعنا.
وكما هي مهمة الدماغ رد الفعل فكان لزاما أن يثير غضبي لهذه الأقوال الجوفاء فأستنجد بالقلب ليفتح له بواطن المَكْنُونُ ويجد ما يناسب في نصوص الكتاب المبين
"القرآن الكريم"..
فأتاني ما يفيد بأنه لابد أن القدرة الإلآهية تدخلت لنصرة قوم أعزل في وجه قوة باطشة مدججة بالسلام...
وكان الفيل....
"أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ * أَلَمْ يَجْعَلْ كَيْدَهُمْ فِي تَضْلِيلٍ * وَأَرْسَلَ عَلَيْهِمْ طَيْرًا أَبَابِيلَ * تَرْمِيهِم بِحِجَارَةٍ مِّن سِجِّيلٍ * فَجَعَلَهُمْ كَعَصْفٍ مَّأْكُولٍ *"

[بابكر مخير]

حليلها أيام

في البوست السابق قدر ما قلنا جميلها كمان حقنا نقول عن قبيحها..
كانت النزعة القبيلية
وكانت الفاظ مليانة عنصرية متشتتة في كل حارة وزقاق، شارع وحلة وقرية ومدينة وما ببالغ لو قلتا في البيوت بين ساكنيهو وجيرانهو في التلات جهات...
أمسك عندك:mad::mad:
يقول ليك: يا أخي ليييه قايلني هندي.... والهند يا صحاب كان كتير من أساتذة جامعة الخرطوم منها.
أو قولة أنا ياماني وهم عديد كم القبائل العربية جات من عندهم يعني كأنه البسب هؤلاء سبا أصلهو.....
حلبي وأهل حلب إن كان جاءو لي السودان مع الغزو إلا أنهم أنعشوا إقتصادنا وأدخلوا عندنا أنواع أكل وثقافة وأدونا صبغة جميلة خُلطت مع إلتنا وجاء لونا الحلو المميز....
حبشي أو حبشية قوم النيجآشي وين إختار النبي محمد لأحبائه التوجه ليأمنوا من بنو جلدهم وديل كمان ناسن حبونا أكتر مما حبيناهم وكنت أسمع دوماً أنه في كل شارع في أديس أبابا تسمع صوت سيد خليفة يسطع وصوت وردي يُسمع وعبد العزيز المبارك. كان الفنان أحمد المصطفى قد إختار أن يصحب معه في الحفلات التي يقيمها دوما الراقصة "سلاسي" لتعطي الحفل رونق وبهجة وجمال......
ومن الصفات وأقبحها وأسواءها وأحقرها والتي كانت دايرآ من البعض بعفوية ومن الأخرين بعنصرية وضيعة.. قولة عبد :(:(
وهناك العنصرية التي كانت قوامها الأقاليم والقبائل..
غرابي، رطاني، جعلى حر، شايقي ويتغنى بها إمعانن في التحزب العنصرية.....
في نظري كان الأخف من صور التشرزم الذي كان غالب على سودان زمنا هي البيسموها أهل اليسار بالطائفية لأنها مجموعة من البشر من مشارب ومضارب مختلفة وقبايل متنوعة برضك تشوف نفسها علي التانيين لكن البيخفف فيها وعلي رأيي..
أنها داخلها خلقت نوع من التوالف بين المكونات المختلفة للمجموعات العنصرية..
تلقى الرباطابي وزول الشرق وجيوب في الغرب والشوايقة وكتيريين هم من الختمية وكذلك مجموعات منتشرة في ربوع السودان "الكان مليون ميل مربع" هي المكون "لطائفة" الأنصار......دآ كله من الكان زمنا "الما حليلهو"...


وأنا بطلب منهو صاحب القول والفعل وما هو كتير علي الله يجيبها أيام عشان بناتنا وأولادنا وحفيداتنا وأحفادنا
يعيشوا في السودان الهم دايرنهو ما دآك الإحنا عشناهو..
غايتهو أنا متفأل كل الخير للبلد ودآ ظهر ليا!؟
من الهتافات الكانت مسموعة والشعارات المرفوعة بتوري أنه جنس جديد إتولد هنانا...
من الحياة الكانت في أرض القيادة شئ جديد وجميل ومفرح...
الخطاب المتداول والفهم الكبير والجمال الصارخ والمحنة الشاملة والمحبة الساطعة..
سودان بخت اليادوبك إتولد عشان يعيش فيهو...
:cool::cool::cool::cool::cool:

[بابكر مخير]

في أكتوبر والعمر 18 سنة وليد شباب والقلب حجر لكن بتذكر أني دموعي رترتت لمن الثورة نجحت وأعلونوا الأعمام: سر الختم رئيس وزراء والتجاني الماحي وعبد الحليم محمد ومبارك الفاضل شداد، لويجي أدوك وإبراهيم يوسف سليمان مجلس سيادة ((لاحظ ما فيهم عسكري ما لأيتها سبب غير أن عساكر زمان بيستشعروا الواقع وعاقلين.. وبيقولوا ما دام حكمنا الفترة الفاتت والشعب ما دايرنا يبق أخير ننضمضم))
جعرت شيتن يشهي الجنازة في رجب أبريل المباركة كنت خلاص أربعيناوي والقلب بدآ يرهف وبتذكر اللحظة دي بالذات لأني كنت مشيت السودان إجازة من عملي في أبوظبي وكنت في سيارة الوالدة وفي زيارة لأخي الحبيب عليه الرحمة سلمان بدري وقبل ما أنزل وفي الراديو سمعت خبر إزاحة البشير وعمك سوار الدهب ومن المجلس العسكري الوقت دآك بتذكر أخونا العزيز اللواء عثمان الأمين. تم هذا المجلس العسكري سنة لخبط فيها الدنيا ومشى بعد ما ساب لينا عقرب أسود حايم ومهد ليهو الطريق ليعيش بعد أن قاسم النميري الحكم وإبتعد معه قوانين سبتمر وهم الأخوان المسلمين وحتى مكنهم من أنه يدخل الإنتخابات ويفوز بكل مقاعد الخريجيين وكان الجزولي دفع رئيس وزراء والهو كان مش أضعف من سابقه النصبته ثورة أكتوبر لكنه كان مقلب عديييييييل....
العسكر وقتها إكتفوا بي سنة الحكم وأهم ديل العايش منهم مكان تقدير والأموات لهم التقدير أيضاً..
ما شهد السودان ذي العساكر الحسي ديل لياقة وتشبث بالحكم وعلى السوابق الذكرتها في الثورتين أكتوبر ورجب/ابريل فكان العسكر وقتها نزيهين وكانو سودانيين وعينهم ملانة ولاد ناس وأباء أناس برضك..
الحسي ديل هم قطع شك إمتداد لي تساؤل الطيب صالح "من أين جاء هؤلاء"....

اليوم وجات الأخبار بأنه تم الإتفاق ولو أقلهو أنه يضمن سلامة أولادنا من الإعتداءات لو مرقوا وظاهروا وأنه المسكوهم بيأتو حق ما تعرف أنهم حيفكوكهم وأنهو "كبش" ما حيعور نظرنا بي طلتهو وكضبهو وأنهو حميدتي ينفشخ في أم جاد الله ...
جواني الفرحة ما الياها البتتساوى في أنه إتحقق حلم بعد واحد وتلاتين سنة ((ما أيام اللجنة الأمنية أطول من سبعة شهور)) ما عارف هل سبب الأرواح الأزهقت ولا قرفة من لولوة العسكر.
مع أني ديمة بقول أنه مع الكُبر القلب بيرهف وإن ضبانة ماتت وعرفتا ما بس رترتت دموعي ولا نهيفي أبدن.. جعرييييييي عدييييييل..
هل جفت عيوني من البكاء بعد ما سكبت على شهداء الوطن؟؟
يا أخونا اليوم فرحة بس كمان نتذكر أنها صفارة بداية
اليوم فلنعلم الخونة كيف للأمة الواحدة أن تعيش في تناغم
كيف أن حق المواطنة متساوي
أنه الكفاءاة هي المقياس للشغل والترقي والأحقية في نيل لقب مواطن سوداني..
يا أهلي
فالنبعد عن الإقصاء فقد عانينا منه وما إحنا ثورنا ضدهم عشان نبقى ذيهم
شئ أخير...
بتذكر أنهو لا ثوار أكتوبر ولا ثوار رجب/أبريل أخد منهم وقت عشان يختاروا مجلس سيادة لأنه كان في هناك رموز..
هل عندمنا الرموز والشخصيات الوطنية المتراضى عليها...
أنا لساتني ولي أسبابي الموضوعية ضد حمدوك فهو ذييي كدي إرتضى بأنه يوم يستفيد من جواز سفر بلدن تاني في تسهيل أمور كسوداني ما كان قد توفق في الحصول عليها. وليد مادبو والله بينهو وبين الرزيقي الحسي لاصق أخير دآ، أقلها بيتكلم بي لغة أهله الهيآ سودانية زولكم دآ لا هو لسان شامي ولا خليجي ولا مصري وأكيييييييييد ما هو سوداني..
لا لا بالله عليكم..
أُستاذي دكتور حيدر أبراهيم علي وينهو رئيس وزراء بإمتياز
____________

كلمة أخيرة:
وإثبات للحق؟؟؟
الثورة ثورة كل سوداني
أطفال، الشباب والشيب
الإناث والذكور منهم
حقت العامل والمزارع والموظف والمهني والعسكري وست البيت قبلهم والعاطل الإنحرم من فرص العمل
الثورة نجاحها ما مجال مزيادة ولا إحتكار ولا خصخصة
خوفي تبقى ذي قصة قناة الجزيرة ولسة ثورة مصر ضد حسني ما نضجت لمعت الكيزان وورت أنهم هم صناع الثورة..
خوفي يطلع حزب في أنه هو المكون للمهنينين وأنه قواعدهو هي النجحت الثورة
خوفي نبدى في النظر للبلد أنها كيكة في شان نوزعها ولا أنها شجرة عشان نقطف ثمارها وتروح مننا من تاني وربك يلمها..
تلاتة سنين حرية ما فوضى
إنتاج وتفاني عمل
تلاتة سنيين ندي فيها الحكومة المختارة فرصة أنها تعمل شئ..
ما ننتظر بكرى الرغيف يملا الأفران ومحطات البترول تطرش بنزين في الشوارع وأنه حتكون فوضى لو ما عجبني شئ ألم ليا تلاتة أربعة معاي وأطلع موكب (معارض ولا مؤيد،،، كله لا)

[بابكر مخير]

خوفي يطلع حزب


https://www.alrakoba.net/news-action-show-id-322906.htm
https://www.sudaress.com/sudaneseonline/28112
https://revsoc.me/publications/20732/9-%D8%A7%D9%86%D8%AA%D9%81%D8%A7%D8%B6%D8%A9-%D8%A3%D9%83%D8%AA%D9%88%D8%A8%D8%B1-1964/

[بابكر مخير]

قلت ليكم الكُبر مصيبة..
في كتير من الأحيان تهترش دون ما تحسب حساب لي قولك
وبعض مرات ذي الزول بعد العملية الجراحية لمن يفك منه البنج تلقا عقله الباطني يطرش ليك كل شئ في قلبه بدون سنسرة ويقول كلام شين وقبيح وما مناسب أبدن...
..
الجاب الكلام دآ شنهو؟؟؟
أنا لمن قريت كلام صديق يوسف مع البي بي سي. أولن تبادي زعلتا بالجد وحنقت عليهو وكمان لمن قريت كلامهو في صفحة كنوز أمدرمان المفقودة إنصدمتا وخاصة في قولتهو: وقد بدأ رفضنا لقوانين العسكر منذ إنقلاب عام 1990 "هنا بس نقطة نظام!! إتو يا الشيوعين مستنين لغاية 90 يعني بعد كم شهر عشان تكونوا ضد الإنقاذ..... كنتو مغشوشين ذي ترباس في أنها ما صنيعة كيزان وحقتكم;)"
عجبي :eek::eek::eek:...
لكن حسي لمن شفت صورة زولي دآ ومنها تبين ليا وكما هو باين. أنه لو ما دفعة قريب مننا..
لقيت ليهو العذر..
ما إحنا الجلآكين ديل سموح وعفو..
بس نصيحة ليهو ولي كل ممن هم قدرنا..
Please get a side

[بابكر مخير]

كنت في بلدي
وظيفة قدر حالي
جآ البشير وإترفدتا ولا شغل ولا مشغلة
كان ممكن أستمر في السودان
لكن إتقفلت فكانت الهجرة..
بلادي وإن جارت علي عزيزة…………..وأهلي وإن ضنوا علي كرام
لقيت لجوء في المملكة المتحدة لأسرتي ولي
إستقر بنا الحال ودرسوا وتزاوجوا وأنجبو....
فكانت علينا هجرة:
لمال مرغوب أو من حاكم مرهوب "ولكم مطلق الحرية في الإختيار"
المهم أنه قصدي..
قريت في حتة: بعض من ناس النظام السابق تقدموا لطلب لجوء في كندآ..
رأيكم شنهو أني ما معترض علي ذلك..
وهنا برضك هجرة لمال مرغوب أو من حاكم مرهوب وأنا بفتكر أنه السبب ربما لمال فالحاكم ما بانت نوايهو لسة فتسقط الرهبة من الحاكم ويبقى المال..
ليهم حق فهم عاشوا ونقول نعم في فساد وفر ليهم القرش وبقت حياتهم ميسورة وهذا سيجعل من حالهم شر فبعد القرشين تلاتا بتاعت الفساد سيسوء حالهم ويفقروا..
غايتهو لو كنت ضابط جوازات كندي وبي يدي بوافق ليهم..

[بابكر مخير]

في زمنا كان كلهو علي كلهو
فوق الطربيزة والبنية في الوش ما تحت الحزام..
المحجوب كان حزب أمة ولمن إختلف مع وليدهو الصادق قالها وما بي مراواة.
يوسف بدري وهو في كلية غردون لمن جاهم السيد عبد الرحمن وساطة بينهم وبين الإدارة، قالها عديييل: والله يا سيدي. كلامك دآ بيدخل بي جآي وبيمرق بي جآي.
نقد لمن كان في الجمعية التأسيسية في المعارضة كان بيقول ويعترض ويؤيد وكل ذلك علنا وحسبما حزبه هو شايفين.
حسي الدسدسة والكلام المغطى الليهو مليون تفسير..
قريت أنه في جريدة إسمها الهامش ومن إسمها فقدت مصداقيتها وهي تتدعي أنها حرة. أبدن هي عنصرية وإقصائية من جوووو النخاع...
بتروج لي كلام عن إختلاف جوآ الدعم وهي هنا القصد أنها تخدم أغراض المؤتمر الوطني المقبور بأن تشكك بي صورة غير مباشرة أنه الدعم عصآ واقفة وعصآ راقدة... "طبعن هو الشقين من الدعم سجم ورماد".. وبي كدآ يكون الشارع في حالة عدم إستقرار وتشكك في مصادقية الإتفاق الهو أنا شايف فيهو ميزة أساسية "حقن الدماء"..
حاجات ذي دي تتنافى وطبع شعب السودان الأصيل.. إحنا البنقول لي الأعور أعور في وشيهو وإحنا البنعرف الأعوج من مشيهو والخاين من ذكرهو وطاريهو...
يا ألأحفاد والبذورة والأخوات والإخوة...
ما تنشغلوا بي سفاسف الأمور وخلونا نباركها ونتوكل علي العزيز الوكيل، المُتوكل ونتعاون نلحق الباقي من بلدنا عشان نبنيهو راجع شامخ وكبير..
لا إقصاء ولا عداء

[بابكر مخير]

مع الكُبر
غالبية الحاجات الجسدية بتنشل وتتبلد
وغالبية الأحاسيس والمشاعر تتقد وتولع
الفرح الكان زمان من قبل ما تظهرو، بتفكر وتحسب وتجمع وتطرح عشان يكون حجمه قدر كيف..
الحزن الكنت تقدر حساباتهو هل يستحق الامور حتى رفعت حاجب فيهو ولا لا..
يا أخي الحب العذري والعشق الطاهر إن ما فيهو مصلحة فلتكن كيف ما كيف ما ظنيتهو يلقى منفذ للقلب... الفنان قال كيف: حب في الله ما للشهوات ;)"..
مع تغير الزمان الهالك والعمر المندثر والجسم الإنهرى...
تتغير المعادلة؟؟؟
أمسك حسي..
قالوا الأمور ماشة كويسة..
قلبك يفر من الفرح..
طيب هي لساتها الأمور ماشة يعني ما وصلت ولا وقفت ولا نامت ولا حتى قعدت... الشفقة شنهو؟؟
ياهو الكُبر كايس الفرح حتى لو كان دون سبب..
الكباشي قال:
بس تقول تبكي وتتنخج وعشريقة وأم ظوئوتا ونهفي ذي الشافع الصغير. هي ما تصبر تتم القالهو شنهو.. برضك ياهو الكُبر لمن تكجن ما بتفكر :mad:
الحب بيبقى من طرف ما محتاج لي مبادلة،،،، إن شفتا زولة ولا زول ماشي ساكت تحب الحيوية والقدرة والعافية وتحب نعمة الله الوهبا ليهم وتحب نعمت الرزق الهم متنعمين بيهو وتحب ربك أكتر....
...
خليني أفرح وأفرح
كان كُبر ولا لآ..
ما هي ثورة إنتصرت وبكرآ الأحفاد والجنون بيقطوفو خيرها الشجرة المباركة دي...
السودان الوطن الواحد:cool::cool::cool:

أوعك من ديك بتاعت الإنتخابات الكانت ديمة مزورة وجابت بشة مرة تانية "ديك شعارالمؤتمر الوطني"

[بابكر مخير]

ظنيتهو دفعة ومتلي محروق حشاهو
ظنيتهو عايش بي غلط غيرهو وهو الجناهو
ظنيتهو ذي كدي شاف الشفتهو وقايل روحهو هو الموجوع ..
براهو :(:(:(
آآآآآآآآآآآآآآآآآآآآآآآآخ

https://www.youtube.com/GJfGEdiUnNg

[بابكر مخير]

قبل زمنا كان العروسات دموية "المباطنة" التقول يعني أخويا البطل الضكر دآك الركز قدام شذاذ الأفاق وليدات الدعم يكون في دأخله كان فرحان وإتذكر عرسوات القبالنا "غايتهو والله ظنيتني لو كتا أنا كان صقعت من أول شحطآ ووقعت ميت... من هنا ليهو التحايا والأجلة والإحترام وكم هائل من المحبة..
في زمنا وزمنن ما بعيد كان العروسات ضرورة حجز الفنان والإذن من مجلس البلدية عشان الفسحة القدام البيت وناس بوليس الحركة "حسي شرطة المرور" عشان إذن قفل الشارع والمهم والذي يعطي حفلة العرس رونقها وإن غاب هذا العنصر بتبقى حفلة عرس "كشامشا" وبيئة..
الخواجة وهنا المحك...
عشان توري عظم الحفلة كتر منهم لو لقيت ليك إتنين بترفع من أسهمك ولو بقت أسرة زوج وزوجته دآ معناها أنك "برستيجيس"...
المهم في القصة
في صورة من فيديو أخباري عن "المزعومة" المحاولة الإنقلابية الأخيرة 12 يوليو 2019 وكم هن محاولات في فترة ما بعد فك الإعتصام لزوم التغطية ما هم ذي الشفع الصغار عشان عملتهو يجلوط بيها نفسهو أكتر.. في الفيديو إندهشت لأنهم بيتكلموا عن 12 نفر والكيزان كانوا قاموا بي إنقلابهم بي 120 نفر وأنه القصة كل ما ليها عدد البيعملوا إنقلابات منحسر فخوفي أنه المجلي قبل يذهب لمزبلة التأريخ يجينا بي تقليعة أنه ضبطت محاولة إنقلابية قامولد واحد عسكري بمشاركة نطفة وعلقة وجارب معاهم التحقيق...
بس أصلن أصل القصة بتاعت الموضوع وخواجات الأعراس..
عايز أعرف من أين جاء هذا... "طبعن الكتيرين ظنيتهم شافهو قبل كدآ وبيتكلموا عن دحلان... يا أخي الشبه عجيب ذي شبه بتاع الجريدة الإسمه الهندي وحمدوك"..
في الصورة ولو يا أخونا زول عندهو صداقة بناس "منبرشات" يسألهم يدونا أخرهو.. :mad::mad::mad:

http://www.sudanyat.org/vb/uploaded/851_1562916436.png

[بابكر مخير]

ياهو دآ الكُبر
كان شباب بيبشتنك
كان ثري برضك بتتبشتن
كان قادر بتتبشتن
كان قاهر برضهو ذي إخيانك
حتى لو كنت مجرم ولا حرامي ولا كتال كوتلا الكُبر بيجيب نخرتك في الواطة وبتتبشتن....
مثال ديل الحسي قايلين وقايلين ومنفوخين ومتوردة خدودهم..
بيضربهم الما بداوى ويوم يصيبهم الثقيل الصايبني حسي بيعرفوا أنها ما دايمة أم بناية قش :(:(:(


http://www.sudanyat.org/vb/uploaded/851_1562959688.jpeg

[بابكر مخير]

يااااااااااااااا الله
في العمر دآ وبعد الوجع دآ..
هجرة وغربة وتغرب
ضياع مستقبل في منتصف (الأربعين)
فلس وفقر وجوع وغبن
وبعد دآ
عطاء وجِّد وحب للوطن
مشاركة بكل شكل كان ممكن وكان قد كان
لمن تقول رأي مخالف إن على حق أو بغير هام..
توصف بقدر ما يحمل الوصف بين طياته من ظُلم وجُور
لا تشفع لك أنك أصبحت في عمر يجوز ويقبل حديثك الف تفسير
ولا ينظر لماضيك المشرف وجدك في رفع وطنك..
وتعمى العيون وتظلم الأفئدة ويتناسون ..
أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ..
ولكنهم هموا غير اولائك ممن يندم فهموا من إستهوا الجهل حتى أصبح ديدن حياتهم...
والعزاء الباقي أن هناك ولو عدد قليل يقول: ولله دَرُّهُ ...
لكن منهو البيهمو..
للحق؟؟
قحت والعسكر والمهنيين وشيوعيين وهمباتا وكلومبيا والسجم ديك أصلن ما بطراهم ناس الإنقاص.
غير مسئوليين ونظرتهم ضيقة وغير مسئولة وغير وطنية...
لو كان عندهم مسئولية ما كان فقدنا الشهداء وما كان لي حسي الظالمين أفشلهم الله وهلكهم مطلوقين وملخبطين.
كان لي حسي حكومتنا مدينة وديمقراطية وأريتنا يوم نلقاها نبقى عليها عشرة ونحافظ عليها..
الحردلو الله يرحمك ما عارف لو كنت عايش معانا لي حسي كنت قلتا شنهو أضخم من... ملعون أبوك بلد......

[بابكر مخير]

متلازمات الكِبر كتااااااااار ومن الصعب ترتيبن ولا وصف ياتها الأكبر والأسوء لأنهن كلهن سواسية "الغريبة يقولوا ليك متساوية كأسنان المشط وهن أبدن ما تساويات وتلاحظ إختلافهن في مشط الحلاق"
إتكلمنا عن الخرف، التحشري، الثقالة و و و ..
لكن في دي كمان؟؟
شقاوة الكُبر..
فعلن الثقيل دآ بيخلي حياتك كرضمة من الشقاوة..
تقول تعمل بي قولة جدي بابكرفي أنك تشوف ليك شغلة خوفن من أكبر شغلة الي هي قلة الشغلة..
تلقى الشغلة بقت ليك شقاوة ومشاكل ومساخة وإزعاج...
شقاوة الكُبر تتجلى في أنك تكون أسير لهذا الثقيل يتحكم فيك كما شاء.
إن قلت تشغل نفسك يغير ويعترس ليك أيتها شغلة وتبقى إتا شغلك الشغال هو..
إن قلت تعيش ذي الناس. بسطوته يفرض عليك قانونه ويمنعك من كل مما يعيشه البشر العاديين "يعني ما الذي كدآ"..
الأنا بستغرب ليهو حقيقة للناس القدري والأكبر مني ممن تملكهم الثقيل وملاهم شقاوة وأكلهم من مآسيه وشربهم حنضل أمراضهو....
منهم كتيرين كان في الحياة العامة من كتاب وساسة وعسكر ;)

[بابكر مخير]

الدموع أنواع
دمعة تنزل من الفرح ودمعة تنزل سببها الحزن
دموع دون سبب عاطفي لكن ممكن يكون سببها طبيعي "عوامل الطبيعة" وممكن غير طبيعي براها تذرف..
دمعة الفرح اليوم شفتها متتلئة في عيون المندوب الأثيوبي أثناء خطابهو وثناهو علي الشعب السودان، شفتها تلمع تراري وغطت علي النجوم المرصوصة في أكتاف العسكر.
لمن شفتها كانت أحاسيسي لساتهو بيتجمع وبعدهو ما تلقت إشارة من الدماغ أنها تنشحن وترسل راجعة أيجابا عشان يقوم الدماغ يرسلها للعيون وتفتح مواسيرها..
عاينتا في عيون الكانوا هناك كلهم لقيتهم ناشفاااااااات وبحسن نية قلتا يكونن جفن لأنهو النوم جافاهن والجماعة مساهرين من مغرب أمس..
شكرا ليهم تحمل المسئولية وربنا يوفقهم كمان وكمان..
ما بنسى برضك ممثل الوحدة الأفريقية وكيف كانت كلمتهو تهز المشاعر لمن شعرت جلد الواحد كلبت والغريبة أنها تمت بصورة أسرع بي ذي أربعين رمشة عين من الدموع تزرف..
الدموع ذي ما قلنا منهن الإتغنوا بيهين وشبهوهن بسائل الشمعة لمن تنزل وحتى اللؤلؤ برضك بيشبه الدمعة..
بس في دمعة وأجاركم الله جريانها من العيون وهي الدمعة الأخيرة ..
حكمة عجيبة أنه لحظات الفراق لمسافر أو حبيب مهاجر تنزل دمعة وهي لا حزن ولا فرح ولكنها كبطاقة دعوة للقاء..
فهل تلك الدمعة الأخيرة تذرف مع التمني بلقاء....

[imported_عبدالله الشقليني]

إنها دموع مفرحة ياصديقي ،فقد بسم أخيراً
https://www.youtube.com/watch?v=oIC_CzNOzI0

[imported_عبدالله الشقليني]

لن تغادر يا دكتور .....

[imported_عبدالله الشقليني]

https://www.youtube.com/watch?v=6ZrfyxWTbCM

بيني ما بينك

[بابكر مخير]

لن تغادر يا دكتور .....

المشكلة يابا
مع الثقيل دآ.. (الكُبر)
إتقفلت في وشينا وياهو ما فيها إلا الباب دآ..
باب التواصل والمحبة "سودانيات"
ونمشي وين ولا وين :rolleyes:

[بابكر مخير]

لن تغادر
ما بنغادر لكن المشكلة مع الكُبر متلازماتهو بيغدرن بالزول..
ما قال ليك: محل رهيفة بتنقد ويبقنك ملطشة..
حسي دحن أنا الحردان والهو أقوى من الحنة البتغير ليك لون الشعر والحردان أكثر منها فعالية في التغيير كتير مرات يغير أخلاق الزول والحكمة أنهو بتشكل ولا صبغة Clairol ذاتها، مرة بلوند ومرة أحمر ومرة مهوقني..
الحردآن...
هو حالة نفسية بتغلب علي الزول في حالة العجز عن المصادمة فيقوم ينسحب من المعركة ويتحجج بي الحردة...
...
تعرف يا بيكاسو..
مشكلتي في الدنيا دي "الإدمان"
السجاير، الشيشة والغالبهن الإتنين ؟؟؟
سودانيات

[بابكر مخير]

يقولوا ليك؛
شعرة جلدي لمن كلبت...
دي طبعن بتتقال في حالات هي أقرب للخدة "الخلعة"
ومن الخلعة أنواع منها الخفيف ومنها ذي جنس دآ..
إندهاشة؛ ودي تخليك منطط عيونك وفاتح خشمك دون قول ولا حديث :eek:
صدمة؛ دي بتخليك عيونك قربن يطلعن من حجرن وتتبعها تمتمات :لا حول الله ولا قوة إلا بالله" يعني وكتها الما مسلم ينده باريهو أووووو GOD..
الخفيف دآ هو أصلن ما مفروض حتى يدعي للخلعة لأنهو شئ طبيعي وبديهي..
يعني ذي حسي وفي العمر دآ..
يقول يقوم يجري يحصل الباص، تقوم رجلك تتشمط..
البيخلعك شنهو.. ما هو سكر ينحرق عشان يديك طاقة ما في..
دي هينة؟؟
قدر السبيبتين الفي رأس تلزقهن بي موية والحكمة ينطن "كوكي الحق" وليهن حق ما بس ياهن الحاجة الوحيدة البتنط... وتلبس وتتقيف وتقول تمشي تشرب ليك قهوة ورأس شيشة وتبصبص يمكن شعرة جلدك تكلب وتجدد شبابك..
آهاااااااااااااااا
الثقيل "ما الكُبر" يقهمك ويخلي شعرة جلدك تتأكسد (من كديسة) وتصدي "وياها دي الحالة" وتتجمد وبي ندم ترجع مكسور الخاطر...
حزين ومدبرس ومحبط ولا خلعة ولا خدآ بس بإندهاشة علي الزمن، زمن كان للزول شنة ورنة وحسي بقت صنة وفنة ذي الريال البرآني :)

[بابكر مخير]

يا أخي الواحد حقهو يحترم نفسهو ويبعد عن الحيطان الميلة في الفيسبوك..
شئ ذي ذو النون يجيك ناطي دون دعوة ولا إتفضل، يغمك ويزهجك ويرفع ضغطك (هو أصلن عالي وعلي الهبشة يطرشق شراينك وأوردتك ويفجر قلبك) وبي دآ كله أخير من المصيبة ديك الإسمها تراجي لأنهو في أم روحهو دي ما بيسيء للناس بس لي روحهو بي هبلهو دآ...
سيبك من الإتنين ديلا لأنهم برضك ما هابشنك مباشرة ولا بعيروك بالحاصل عليك..
يعني شوف ليك زول/ة تعترض علي حكمته..
الكِبر وكما ذكرنا مرارا وتكرارا أنه بقلل أشياء ويعظم أمراض ويوسع مخارج ويصغر مسامع ويضعف روىء ويصعب نطق ويفقد منطق..
مع دآ كلهو وتجيك مصيبة كدآ تشغل الخلق في الفيس والواتس وشويييييييية كدآ تصل قنوات التلفزيون..
قال إسمها داليا الياس..
إسم علي مسمى لأنها بتجيب اليأس :mad::mad::mad:

[بابكر مخير]

كبرتا وعجزتا وقول خرفتا..
ودآ بيدني الحق الكامل أن أقو رأيي عدييييل..
والعندهو الهوآ اليمسكهو...
خلاصة الأمر أنه إحباط وقرف نتج عنه ما سيلي لاحقا...
كنت في حيطتي في الفيس مرة من المرآت ذكرت قولة: زرزور في يد جهال "جهال بمعنى صغار العمر ويمكن برضك التجربة والدراية) وقصدي كان قادة الحرآك من شباب غالبا علي روحهم الثورة والثورات إن لم تدار صاح بتنقلب علي الثورا والشباب الدلقت ممشينها "الثورة" متحمسين وهذا جميل وغيورين ودي محمدة ونيتهم حسنة ودي خصلة متميزة لكن والله فاقدين التجارب وهم مسجلين نجاح باهر في العمل المعارض... بتذكر مرة قلتها لي المرحوم دكتور عمر نور الدايم في أنه علي حزب الأمة أن يغير قياداتهو التي مرست العمل المعارض المصادم وأجادت فيهو بي ناس من الصفوف الأخرى في الحزب كانت تعارض بالفكر والرأي وقلت حينها لتوضيح رؤيتي "ما ممكن معول هدم يكون هو أداة بناء وللتفسير الطورية ما بتبقى مسطرين"..
الموضوع الخلاني أكتب دآ؟؟
ظنيتهو لقاء مع الإبن الأصم والذي أعتبر نفسي من المعجبين به لحد ما ولكني هنا إندهشت فقوله فيهو نبرة إنهزامية لمن تحدث عن مستقبل الحكم المدني وكان إقصائي برضك في مضمون قولهو وختمها بتحريض شديد..
ودي مشكلة الطورية الما ممكن تبقى مسطرين...

https://www.alrakoba.net/news-action-show-id-323892.htm

[بابكر مخير]

في نظريات متباينة في موضوع الزول لمن يجلكن "يكبر في العمر ويعجز" ببقى مرتب يعني حاجاته لو شال منها حاجة وعايز يرجعها. برجعها في مكانها نفسه ويكاد أقول في نفس السنمترات أو المليمترات الكانت فيها (هنا بستحضرني الوليد نسبة لصغر سنه "نادل" لاعب التنس الإسباني لمن يشيل قزازة الموية يشرب منها تأخده حكاية دقيقة أو إتنين لمن يرجعها في نفس المكان بالميتر).
واحدة من النظريات بتوري أنه العجوز بينضرب بآفة النسيان وعليه تفادين للجهجة أخير يرجع الحاجة في نفس حتتها وبعد دآك بيبقى الموضوع بالنسبة ليهو ما موضوع تذكر وين ووين قدر ما هو أمر عوامل خارج مخيخهو الخلاص مسح وهي الأوتماتيكية (العنصر العفوي أو التلقائي).
منها برضك عامل الرتابة وهو صفة ملصوقة بالكُبر..
ونقول شوية عن الرتابة...
مصدرها رتب... يعني نظَم،، درجة "رتبة عسكرية وكدآ"،، تقول رتب الزول بالبلد يعني أقام فيها،،، راتِب بمعنى ساكن.... ودي بعض منها لكن القصد شوفها كيف تتوافق مع "الجلآكين" موضوع أنه بنظم وهي ظاهرين دي ذكرناها فوق وأنه القصة كلها بيبقى غالب عليه أمر الأوتوماتيكية. بعدها الرتبة العسكرية يعني بيكون وصل أعلى ما يمكن حتى الفكر فيها صدام العجوز بيكون فاتها "ما هو صدام كان أعلى رتبة وما مات عجوزن مخضرم". أها حكاية الرتبان بالبلد برضك العجوز بقى إهرامات البجراوية في البلد وموضوع "السكون" دآ حدث فيهو ولا حرج... سكون في كله علي كله إلا لسانهو المتبري عنه...
الرتابة حسب ما أنا شايفها؛ مرض نفسي يصاب به الإنسان قسرا نسبة لرِتابته في هذه الدنيا وقعادهو فيها مدة طويلة ورتابة الحياة الروتينية المملة مما يؤدي للدبرسة والزهج...
وسؤالِ هذا الناسِ كيفَ لبيدُ:(:(
..............

[بابكر مخير]

النووووووووووووووووووووم
لي يوم الليلة مستني النظرية بتاعت لمن تكبر ذي البترجع متل الطفل الصغير..
أكتر من تلتين يومك تنوم..
يا أخي بالله عليك في اليوم ياهن خمسة لي سبع ساعات متقسمات بين الفجر والصباح والنهار والضهر والعصر والمغرب والعشآ والليل...
كانن ترجع بليل قول أيتها وقت تنووووووووووووووووم وتقول لمن المنبه يضرب بس تضربه ضريب يضرب شوكاتهو وهن يأشرن لوقت النهوض من حضن البطانية الدافء (:o) وتجرجر الكرعين لي الحمام وتسب وتلعن وتسخط علي فكرة الدوام ولزمتهو شنهو وليييييييييه ما يخلوهو حسب الإختيار الشخصي وتحديد ساعات العمل الثمانية حسب راحتهو..
بس برضك نمتهن حتى ولو خمسة ساعات دون الزيارات المتواصلة غير المنقطعة للحمام. يا زول يمكن تمانية مرات بين تلحق تخلص صلاة العشاء بالليل المتأخر قبل ما اليوم ينتهي وإن كان هو إنتهى من إتناشر بس برضك عض بالنواجز على قولة إقامة الليل وغير محددة بساعة بس المهم قبل ما يدخل الوقت التاني في اليوم دآ وصلاة الفجر (ما هي جابت ليها صلاة في وقتهاlooool) بالله عليك بس حجوة أم ضبيبينة.. يعني حسي إقامة الليل وهي ممكن ممتدة من إتناشر لي ما بعدها وتبقى عملين دخلت في اليوم التاني من نص الليل يعني بعد إتناشر..
المهم النرجع لي النوم الجافاني من بعد صلاة الفجر ياهو البي بي سي والحكمة إسكاي نيوز العربية الكنت مكجنها فاجاتني بتجاوبها المقدر تجاه الثورة في السودان لكن برضك مكجنها لأنها ما بتخليني أنوم..
يا أخوانا لو زول عندهو وصفة يكون كتر خيرهو والله كايس النوم الفي الدنيا دآ.
النومة ديك بس متين تجي وتبقى بلاااااااااااا هم ولا هموم ولا بي بي سي ولا اسكاينيوز.
موضوع الصلة دآك بيبقى جرد حساب ويا اليأكا الماشفتا النوم من منكر ونكير يا نمت هااااااااااادي لين يوم دآك. يوم يكرم من يكرم ويهان من يهان...
يلا نقوم نشوف لينا ساعة كدآ ونتوكل علي الصلاة :cool::cool::cool:

[بابكر مخير]

الحركة تقلت
والزيارات إنعدمت
بس الحمد لله لساتهو النظر فيهو طشاش قدر البيكفي شوفت الحبايب هنا وهناك..
شكرن قوقل
بقيت لينا دابة نترحل بيها
نتواصل مع الحبان
اليوم في الفيس لماني في فيسات جميلة وطولت منها
كانت لامانا مواقع جغرافية.. في لندن مع ولدي الجميل أباذر صديق
ومواقع إسفرية ذي سودانيات مع طيب القوم الطيب البشير
ومواقع هي جوآ في القلب محشورة ومليانة بدم دم القربى ذي كم هائل من أخوتي وأخواتي وبناتي وأبنائي وحفيداتي وأحفادي من آل مخير وبدري. من زيادية ورباطاب وتُرك (يا بدور التركي ما أنا برضي فيني العرق) وتعايشة حلويين وأصدقاء مقربين وناس الحسب والنسب الطيبين..
وأهلي الغالين في سودانا الحبيب وكمان جيرانهو المحبيب...
ملعون أبو الكُبر الصعب التواصل المباشر والشوفة التفرح..
لكم المحبة والمودة حتى تكتفو أجمعين

[بابكر مخير]

ذي ما هي عادتهو "الثقيل" دآ كل ما يوم بي جديدهو
كل يوم أكتشف أنهو فجعني بمصيبة
ما تكون منتبه ليها وتكون أيام عزك تعفيصها ذي الضريسة وإتا لابس ليك بوت حقات الجيش والمتارث لاباسه من زمن الإنجليز...
الكيزان زمنهم أول حاجة عملوها أفقدو الأجهزة النظامية المُتدرسة (يعني لابسة دريس أو نقول ذي موحد) كتير من قيامها الإنضباتية وبرضك الموروثة وحافظ عليها عظام رجالات تلك الأنظمة ويا ريت قائد عام القوات المسلحة والمنضمين ليهو أولن تبادي يصدر أمر بأن تلتزم تلك القوات بأمر الحلاااااااااااااااااااااااااقة (اشعث، أغبر). الغريبة التقول ليا حقين الدعم السريع حالقيين ما مربيين دقون ذي كيزان الدبش ولا حتى ناس المجلس الإنتقالي فيهم دقون ولا أهآآآآآآآآآآآآ عشان كدآ تأمروا علي البشير...
يا زول ما علينا!!!
الفجعني
عدم الصبر وكره الإنتظار
الثانية تتوارى ليك أكتر من دقيقة
والساعة من دون إنقضاء الأمر يبقى إسبوع ومُر ما بنقدر نطييقة...
تبقى تتململ وتتزحزح وما بيحلك
الإنتظار دآ خلهو بس للملكة المتحدة منفردة..
قال ليك إتنين سايقيين عرباتهم موتواجيهين في كبري خط سيرهو واحد يعني نوع دآك البيكون مرسوم فيهو سهم بي جآآآي كبييير أحمر وتحته سهم صغير أخضر...
المن الجنبة بتاعت الأسهم الأحمر ما إنتبه في عربية من الناحية التانية وخل نص الكبري لقآ العربية التانية ودآك سيد حق وحقاني فحرن في القيد ورفض يتحرك قيد أنملة المن الجهة التانية ظنيتهو كان حكمدار في المستعمرات وشايف روحه ما إشتغل بي صاحبنا وفتح ليهو كتابن كبييير وبدآ يقا.. التاني ولا هماهو بيربرود مشى عليهو وطقطق في شباك العربية وقال ليهو: لمن تخلص القراية أديني ليهو عشان أقراهو...
الإنتظار يا عالم أنواع..
المفروض ودآ مستني الزوجة تلدي بتنتظر بي شغف
الإنتظار لنتائج الإمتحان دي حرق دم وجرسة
إنتظار الكُبر طبعن مفروض يكون ملياااااااااااان....
تبروكة وسبحة وجوآك؟؟
تعد كم من الأيام تخفي يا قدر
وكيف يكون ختام الأمر

[imported_عبدالله الشقليني]

https://www.youtube.com/watch?v=QwCCln3AN4c

عزيزنا دكتور بابكر

سمعت هذه الأغنية من راديو ترانستر ،
كنا نحمله معنا ونحن ننتظر الناقلة التي تحملنا من الضفة الأخرى
لجوبا تحملنا لتوريت في ديسمبر 1972 .

[بابكر مخير]

عزيزنا دكتور بابكر

سمعت هذه الأغنية من راديو ترانستر ،
كنا نحمله معنا ونحن ننتظر الناقلة التي تحملنا من الضفة الأخرى
لجوبا تحملنا لتوريت في ديسمبر 1972 .
[/SIZE]

وأكييييييييييييد شعرت جلدك كانت بتكلب
يا أخي حكاية شعر الجلد دي
مع العمر دآ والخدر المالي الجسم والتنميل الشاغل الأطراف
بقت جريو ما كلب :cool:
كان لو كنا في قدرتنا كانت شعرت جلدنا بقت أسد عديل مع نجاح ثورة السودان دي

[بابكر مخير]

الحب دآ حاجة في رأيي ليها رابط بالعمر يهبت عند الكِبر ويلتهب في عمر الشباب وفي مفهومي أنه الحب هو نوع عميق من الأنانية ضربه مثل الدولة العميقة يعني يبعث في الشخص الإرادة في تملك المحبوب بصورة كاملة، عقلهو وجسدهو ووقته. إن إمتنع عن عطائه ايتوها حاجة من الذي يعتقد أنه ملكه يزوم ويزعل ويشطت غضبا ويدخل معه في حرابة وقدر ما صرف ليهو من قبل كلام حلو ومنمق وجميل، يعمل على تعذيبهو مما يتسبب في ضررهو وحتى لو كان هذا الحب قد أدى لي قمة العلاقة أنهم يعرسوا بعض (في رأيي برضك أنهو نهاية الأوقات الحلوة بين الحبيبين هو الزواج حيث تتبلور الأمور لتصير الملك الخاص) فمن أنواع الإضرار بالمحبوب (طبعن أنا ما قصدي أحد الجنسين. لا قاصد الإتنين كان مراة كان راجل) وهو الطلاق وفي بعض الحالات طلاق يخلق بين الحبيبين السابقين أعداء وربما محاكم ومشاكل كثيرة وكبيرة..
آها دي ميزة الكُبر في أنه الحُب ينقلب ل شعور جميل سامي ويصبح إسمهو "المحبة" التي أساسها العطاء دون إنتظار مقابل..
أمسك عندك وقول أنه حال أن بين إتنين في شبابهم تحابوا بالمفهوم دآك بتاع الأنانية ولكنهم إجتازوا كل العقبات والمساوئ بتاعت الشعور العميق فالذي بينهم ينقلب لي محبة عنوانها صداقة وإلفة، حنان متبادل وإحترام كبير..
نحو الناس من حولك تكن لهم محبة عنوانها العطف والتمني الدائم لهم بالسمح..
محبتك نحو بلدك وشعبك وقمة المحبة هي للذي خلقك فحتى لو كنت غير ملتزم بإنجاز المطلوب منك نحوه تبقى شغلك الشاغل طاعته والتمتع بمنجاته وتسعى لمرضاته..
فأنا الذي كبُرت في العمر أستمتع الأن بكم المحبة الهائل الذي يتملكني نحو وطني العائد لأهله بحمد الله وعزيمة أهله وإخلاص بنوه.
لكن كتيرين من الناس في الفيسبوك يحملوا علي في أني بطالب بأن يتولى أمر حكم بلادي في فترته الإنتقالية أحسن الناس عطاء وأكثرهم شكيمة وأرجحهم عقلً وأحلاهم حديثا وأفهمهم في أمور السياسة وأني من محبتي لبلدي أخاف أن يتولى أمرهم شخص بعيد عن مشاكله ومنصرف عن مخاطره، غير ملم بأمور السياسة وغير واثق بنفسه يميل مع الرياح يجاريها حيثما تهب ولا قادر علي التصدي للتحديات الأمنية والإجتماعية فلست بالمال وحده يحي الناس..
(أعجبني حديث أخي وإبن أختي وأخي دكتور المعز عن فكر الرفاهة يومها في قناة الشروق)
محبتي لبلدي هي مصدر إلهامي بأن أتبين قول الشخص الراشد من لغا الشخص العادي..
يا أهل بلدي إن الله أعلم بمحبتي لكم أجمعين وخوفي عليكم من شر يصيبكم وحسد ينال منكم.....

[imported_عبدالله الشقليني]

فمن أنواع الإضرار بالمحبوب (طبعن أنا ما قصدي أحد الجنسين. لا قاصد الإتنين كان مراة كان راجل) وهو الطلاق وفي بعض الحالات طلاق يخلق بين الحبيبين السابقين أعداء وربما محاكم ومشاكل كثيرة وكبيرة..

والله إنت خبرة ...
ولا آية ولا

https://www.youtube.com/watch?v=r-kqNGRg3UQ

[imported_عبدالله الشقليني]

https://www.youtube.com/watch?v=qIq8U0XeWSg


قصيدة للشاعر الفحل إبراهيم العبادي
يؤديها بادئ محمد الطيب
وهي تناسب الغناء للحفدة ... ولا شنو

[بابكر مخير]

قلنا المحبة أقوى رباط من الحُب..
قبيل مشيت لتقديم العزاء في شاب في ريعان شبابه توفي مسكين في الغربة وهي مرحلة تؤهل من نالهو الموت في مثل حالته التقرب من الشهداء الأخرين. من رصفاء عمره من ثوار ديسمبر الثورة الظافرة بإذن الله، لكنه تتميز في أن جسمانه قد دفن في أرض غير موطنه.
هذا الموت والذي هو حق كما العيش هو حق في هذه الأيام يصول ويجول بين بنو البشر بلا هوادة أو لطف في الإختيار وبلا مراعاة للأولويات.
أطفال وشباب يذهبون لتتجوع القلوب لفراقهم وتندب الأمهات والأباء حظوظهم لمغادرة أفئدتهم مواقعها ويبقى الجسد هايما بلا فرح ومتعة..
في هذا الجوء الكئيب وأنا في هذه الحضرة المهيبة وسرحااان في هذه الأفكار القميئة الريح وتعيسة الحضور.
هلت عليا طلعة أزالت غشاوة ظلام الحزن المالي الجو وإنبلج وجه أبا ذر "كوكي" بطلعته المفرحة.
ولاااااااااااا إشتغلت بالحواليني وأخذته في أحضاني حتى أني شعرت كما الغريق في ينبوع طرئ، مخملي ووثير. ولو كان الجو غير ذلك. أكيييييد كتا طبعتا على وجنتية المكتنزات المتوردات دوما، المنيرات بضياء البِشر والرخاء قبلة سكرى حنينة، لطيفة وهادئة.
حينها شعرت بأن دفء قلبه قد يلهب جسده كله فيحرقني أكثر وأنا المحروق بمحبته كأخ شقيق وصديق ورفيق في دنيا التواصل والمودة سودانيات.....


https://www.youtube.com/watch?v=zTd_vc3kCGU

[imported_عبدالله الشقليني]

والله يا دكتور ..غلبتنا وكمان غلبت الكُبر ذاتو

[imported_عبدالله الشقليني]

https://www.youtube.com/watch?v=1X1u3aPJmj8

(ذاتو)

[بابكر مخير]

يومتها زارني في المندولآ حبيب ولا أخفيك ر في أني نسيت بالجد كان منهو. لكن إتونسنا فترة من الزمان وتناولنا شتات وبواطن الأمور من حمدتي لين حمدوك وإستغفر الله في جلستنا دي سيرة كم نفر جآت وكان فيها الجميل والحلو المكن بطعامة تلوك..
إتذكرنا الأستاذنا في الثانوي لعلم الجغرافيا أمين خضر الزين "يا ربي يكون الإسم صآح :eek:"..
أها وأنا بحاول أتذكر الكان معايا منهو وطفر ليا علم الجغرافيا... قوقلت والعم قوقل ساقني لي مكتبة شبيهتو البتسهل للناس حياتهو؛ خالة ويكيبديا.
https://ar.wikipedia.org/wiki/%D8%AC%D8%BA%D8%B1%D8%A7%D9%81%D9%8A%D8%A7
إستغربت أمر الخالة وهي بهذه الضخامة من سعة للمعلومات تلخص هذا العلم في أنه الأمر كله مربوط بالأرض.. جغرافيا مناخية وتضاريس وجغرافية سياسية والأجناس المختلفة من البشر وكل ما جاء في تلك الصفحة. في وقت غابت حقيقة أن الجغرافيا هي دراسة أيضا لجسم وتكوينه وسلوكه البشر..
جغرافية الإنسان..
التكوين الجسدي وهو ذي الأرض ليهو باطن وخارج وتجاعيد وأخاديد وقلب يدفق الدم علي الجسم وما يحمله من مواد عشان تقوي الجسم وتعمل علي موهو ذي ما الموية تغذي النباتات
التكوين النفسي، زهج وضجر وفرح كما شهور السنة
مراحل العمر؛ ذي مواسم السنة من صغرآ لي شباب ليييين جلكنة والحمد لله
تغيير شامل يصيب الإنسان كما مع الزمن تتغير ملامح الأرض...
بيقولوا فسيولجي وبايلوجي وكمستري عضوية وغيرها، علم التشريح وعلم النفس...
ودآ كلهو ياهو جغرافية البشر كما هو الحال جغرافية الأرض...
غايتهو الكُبر دآ يتبالى بيهو العدو..
ثقيل جنس ثقالة... يا أخي قلت ليك زول قبل كم يوم ما أكتر من تلاتة ونسيتهو كان معاي وإتونسنا لي فترة من الزمن ما ساهلة.. :mad::mad::mad::mad:

[imported_عبدالله الشقليني]

https://www.youtube.com/watch?v=LftXlFYoc4s

من هس بقيت تنسى !
دلايل الريد وقت تظهر ...

[بابكر مخير]

[B][COLOR="DarkGreen"]غايتهو الكُبر دآ يتبالى بيهو العدو..
ثقيل جنس ثقالة... يا أخي قلت ليك زول قبل كم يوم ما أكتر من تلاتة ونسيتهو كان معاي وإتونسنا لي فترة من الزمن ما ساهلة.. :mad::mad::mad::mad:

من هس بقيت تنسى !
دلايل الريد وقت تظهر ...
[/CENTER][/SIZE]

كتر خيرك يا المنقذ
شوف قالوا "الفاليم" مشاكاهو أنهو بنسيك الأحداث الققريبة الحصلت ولكن ما بيمحاها ذي "البنقو" والكُبر دآ ياهو ذي الفاليم...
حسي بي قولك دآ إتذكرت الزول منهو؟؟؟
حبيبنا دكتور علي زايد كان هو الشخص وطبعن أنا جريتهو من يدهو المواجعاهو وقلت ليهو عندنا عصيدة وملاح بنعملها في المندولآ فزولك جاء وكانت جلسة دسمة وحلوة إجترينا فيها الذكريات الماضية الخارج سطوة "الفاليم" لمن كان رئيس المدرسة الثانوية وكلمتهو وهو طالب رابعة ثانوي الإرتجلها في الأسمبيلي بالإنجليزي أمام الأساتذة والطلبة وأثنئ عليها المرحوم بروفسير يوسف بدري...
:cool::cool::cool:

[بابكر مخير]

كل عام وأنتم كلكم بخير وصحة وعافية متكاملات وربنا يجعل الأيام القادمات نعمة علي السودان ورخاء وتقدم


العمر ذي ما في الرياضيات تشبهو بالخط ليهو نقطة بداية وليهو نقطة نهاية
خط مستقيم وخط متعرج وزقزاق (بالله ذكرتني دي بأخ عجيب في خلقهو بأنه مكمل الطف والذوق والأدب، جميل في رفقتهو وكضاب من دفعتنا يقول أنه مرة شافهو زعلان ولا مزعل زول وهو محمود زقزوق... يا أخي الكُبر دآ بيذكرك في أغلب الأحيان بالجميل ودي نعمتهو. كان ما شاء الله جسمه ملو هدومهو ولونهو أبيض "بالنسبة لينا في السودان كما نسمي اللونهو أفتح من المقياس الأكثر شيوع" ليهو مني أكثر من معزة وبتذكر أنه من سكان الخرطوم الغابة ولي حسي متذكر بيتهم..... الله يا دنيا ما أروعك لمن تذكري الزول بالناس الجميلين وشكرن لي كلمة زقزاق الخلتني أتذكر صديقي وأخي زقزوق)...
قلنا الدنيا خط يبدآ من نقطة البداية وينتهي في نقطة النهاية متمثلة في الشباب والشيب الخط إن عديل أنا بشوفوهو ذي الزول الدغري في حياتهو ودآ بالذات قدر ما أنه شئ حسن حين يحسب في أمر القيم، إلا أنها سيئ في حقهو فهذا الخط تقابلهو الكتير من العترات والمنقصات والمشاكل. يعني إتصور تكون بترسم ليك في خط بقلم رصاص في لحظة تدوس علي السنة فتنكسر ولا قول قلم ball pointed pen ذي الBiC تكون بترسم في الخط تمرليك بي مساحة ملساء وطبعن القلم ما بيواصل في الرسم وينقطع أها ديل ياهن المنقصات و"المتاريس" بس في الحياة بيكونوا من البشر هم الما بيعجبهم قولة الحق ويقوموا يبقوا ليك ذي السنة البتنكسر ولا المساحة الملساء.
أما الخط الزقزاق والمتعوج فدآ قصتهو سالكة والغريبة يكونوا الناس راضيين عليهو...
يبقى الخط والشبهناهو بالشباب والشيب بيبتدي من نقطة البداية بآي حال كان دغري ولا متعوج لي نقطة النهاية الهي الشيب حيث الخاتمة والنهاية..
اللهم أجعلها خاتمة حسنة وليكن خطنا مستقيم قدر ما تمنينا في حياتنا...

[imported_عبدالله الشقليني]

https://www.youtube.com/watch?v=rvRxY0EiYAI
قبل عدة سنوات وعنا الأستاذ علي صديق ، وقد رحل بعد تلك الحادثة بعد عام .
بالمناسبة علي صديق ودكتور علي زايد كانا شريكين ، ودرسا بمدرسة الأحفاد الثانوية .
رجاء اسمع كامل الملف.

[imported_عبدالله الشقليني]

الأستاذ علي محمد صديق ( 1945 – 2012 ) .. بقلم: عبد الله الشقليني

(1)

لَوْ دَرَتِ الدُّنيا بِمَا عِندهُ .. لاستَحْيتِ الأيامُ من عَتبه
لعَلَها تَحْسِبُ أنَّ الذي .. ليسَ لدَيهِ ليسَ مِن حِزبِهِ
لا بُدّ للإنسانِ مِن ضَجعَةٍ .. لا تَقْلِبُ المُضْجَعَ عن جَنبِهِ
يَنسى بها ما كانَ مِن عُجْبِهِ .. وَمَا أذاقَ المَوْتَ مِن كَربِهِ
نحنُ بَنُو المَوتى فَمَا بالَنَا .. نَعَافُ مَا لا بُدّ مِن شُرْبِهِ

أبو الطيب المتنبي

(2)

للأرياف عَزوةٌ لا يعرفها إلا مَن تذوق شرابها . لا يأتي إلا من بعد عُسرة . ولكنها مذاقها قرنفُل الوجد من بعد الضنى . هو ابن الأرياف التي تحدرت من الشمال إلى الوسط إلى جبال النوبة في كردفان . تجري في دمائه صنابير العشائر ، فكان سودانياً تمدد آفاق البلاد بطولها والعرض .

(3)

رحل عنا الأستاذ ( علي محمد صديق ) في الثاني من أغسطس 2012 . من منا لا يذكر أن هطول الأمطار تنبؤنا ببشائر الخيّرين حين يرحلوا ويغسلوا دموع الأحباء بمطر الخير . من منا لا يذكر الثاني من أغسطس 1988 ، يوم الفيضان العظيم. كان سيدنا في محفل الخير غارقاً في محبة أهله والعشيرة بعد أن قدم عطاء ثرياً لوطنه عندما كان في سدة العمل العام قيادياً من أعمدته ومثّل وطنه خير تمثيل في المهاجر ،وكان من أعمدة منتدى السودان الفكري شعلة وطنية وضاءة .وكان علماً ضمن رابطة الإعلاميين في الإمارات وقامةً هلاليةً سامقة .

(4)

ولد في " المجلد" . درس من بعد "الدلنج" في مدارس الأحفاد . وكان من المبرزين فتم قبوله بالمجان . درس على يد قامات تعليمية سامقة : منهم الأستاذ موسى المبارك ، والأستاذ الصادق عبد الماجد والأستاذ عبد الله الشيخ البشير وكان من الأوائل عند دخولهم جامعة الخرطوم في بداية الستينات .كان رفيقاً لقريبه الشهيد "القرشي" . أحب أن يعمل في الحكومات المحلية بعد التخرج ، وعمل ضابطاً إدارياً في" الدلنج" وجاب معظم الأرياف البعيدة ، التي لم تزل حتى تاريخه تحاول الوثوب من دولة الرعايا إلى دولة المواطنة . عمل ضابطاً إدارياً في منطقة " أبيي"في أواخر الستينات وأنجز في المنطقة بعض المشروعات الزراعية. له في صحافة السبعينات عمود ( أم جركم ما بتاكُل خريفين ).

(5)

كان ضمن الكوكبة التي استقطبتها السلطة أيام مايو فصار مسئولاً عن أمانة الشباب أيام الحكم المايوي . وشارك مثل رفاقه دكتور منصور خالد ، والأستاذ جمال محمد أحمد والدكتور جعفر محمد علي بخيت ،و الأستاذ إبراهيم منعم منصور ، ودكتور سيد أحمد الجاك ودكتور بشير عبادي وأبل ألير وغيرهم . جميعهم كانوا نماذج صادحة للعلاقة بين ( المثقف والسلطة ) وتداعياتها ، ولكنهم جميعاً عقدوا العزم أن يدفعوا ضريبة لوطنهم وفق رؤاهم الخاصة حين سنحت الفرصة للعمل العام ، وهو موضوع اختلفت فيه الرؤى وتعددت فيه الروافد ما بين الوسائل والأهداف . وهو طريق وعِر تشتت فيه الصفوة .

(6)

إن اختلفت مع الأستاذ " علي محمد صديق " في حوار أو في قضية أو مسألة ، يترك كل شيء وراءه من بعد الحوار، لقبه المُحِب ونُبل سريرته وأصالة معدنه ولا يفسد للود بينكما قضية . لم ينس والمنتدى الفكري حين كرمه في أكتوبر من العام الماضي أن يقدم اعتذاراً مفتوحاً لكل الذين لم يستوفِ طبعه أن يكون رفيقاً رءوفاً في الخلاف الفكري معهم . فهو عاطفي رقيق الاحساس ولن تعرف ذلك إلا عند المنعطفات الحادة . تغتسل عينيه في ساعات الوفاء ، فما أجمل منْ تطبَّع بطباعه . كالماء عندما يلقى الصخر يضجّ بالرغوة ، ثم لا يلبث أن يتلمس طريقاً هادئاً للمسير . أحب وطنه واحداً موحداً .ولم تُثنِيه كل القرائن الموضوعية بهزيمة الوحدة ، ولم يَقنَع بغير وطنٍ واحد يسع الجميع. فكان يغضب حين تدُل البعرة إلى البعير. غضبُ المُحب الذي وهب وطنه دمه وعمره لينهض .

(7)

هو من جيل العقد الثاني من بعد الاستقلال . التحق بالعمل العام منذ الستينات إلى الثمانينات. وقد اهتزت عاطفته كثيراً عند ميول القيادة المايوية لموالاة التطرف الإسلامي آخر أمرها . وأخرجه الزمان حزيناً تاركاً وطنه للمهاجر. وفي الخليج تنوعت خبراته وكان ممثلاً لوطنه خير تمثيل . عمل في البحوث والدراسات والمنتديات الثقافية والإعلامية والرياضية . فمن منا لا يذكر محاضرته مع الدكتور "علي زايد "، عن وقائع أحداث ثورة أكتوبر 1964 كشهود عيان .وهما يحكيان قصة استشهاد القرشي ورفقته معهما . وقد قدم الاثنان استقراءً للمستقبل منذ العام 2002 حين تنبآ بأن الوطن سوف يتآكل من أطرافه .
كانت حياته أيام الطلب تضج بالعمل العام ، وكان خطيباُ مفوهاً وقيادياً في المؤتمر الديمقراطي الاشتراكي في الجامعة حينما كان التمثيل الطلابي في جامعة الخرطوم نسبي و يمثل الجماعات الطلابية الفكرية المتنوعة .

(8)

في المهاجر رفد الحياة الثقافية بالكثير من المحاضرات والمداخلات الثرية ، كما قدم لنا الراحل ضمن مجموعة المحاور الست التي أعدها منتدى السودان الفكري خلال نصف عام ( حول أزمة السودان) 2010 ، دراسة وطنية بامتياز عن المخاطر والمآلات . سكب فيها لطائف خبرته و عصير تجربته في العمل العام في أشباه المدائن والأرياف السودانية . وقد حفظنا ملف الدراسة ضمن مجموعة الدراسات التي أثرى بها منتدى السودان الفكري الحياة الثقافية والفكرية والوطنية في المهجر .و خلال عام من المحاضرات والمباحث والحوارات ، تتساقط الأخبار علينا بالثمار العجفاء وهزيمة الوطن الواحد وتناطُح عَنَزتي السياسة الغاشمة ، والجميع يشاهد المباراة بحسرة .انهزمت الطموحات و الأحلام في وطن السلام والاستقرار والتنمية والعدالة .
قدم الراحل دراسته ( وحدة السودان المعادلة الصعبة بين المرغوب والممكن ) مفتتحها بالفقرة الآتية :
(هل يأتي يوماً على السودان حيناً من الدهر لن يكُ فيه شيئاً مذكوراً؟ سؤال مشروع ، يكتسب مشروعيته من واقع حال السودان المثخن بجراحات البلايا – لا الابتلاءات ، وهي بلايا لأنها تأتي بفعل الإنسان وتأتي الابتلاءات بفعل عوامل خارجة عن إرادته وسوء تدبيره ، يكتسب عقلانيته من المخاطر والمهددات التي تتربص بوحدة السودان وبأمنه وسلامته ، وبمستقبله )..

(9)

ها هي المنافي تلقي بثقلها علينا كل حين ، وتحزّ أعناقنا بالفراق . نذكر بالخير أعماله النقدية والثقافية ومحاضراته الثرية في المنافي ومنتدى السودان الفكري وعطاء الخير الفسيح ، وهو يتلقى بصبر أخبار فرار الأحباء من أسرته والأسر السودانية من مواطنها في جنوب كردفان وقد لجأت إلى وسط وشمال كردفان .إنها من بلايا النظام وسلطة الحكام القساة على الأهل في النجوع والأرياف ، بعد أن صار للسودان محوراً آخر لشيطان حرب جديدة تنمو وتتسع، وهذه المرّة ضد أبناء الأرياف الذين يحلمون أن يصبحوا مواطنين لا رعايا.

(10)

نسأل المولي أن يسكنه مسكن أحبائه الذين اصطفي ، فقد أحب وطنه واحداً موحَداً . وقدم صورة مشرفة داخل السودان و في المهاجر ، لكن انكسر خاطره آخر المطاف بسيل حزنٍ لم تردعه الجداول عن أن يقتلع خيام الفأل ، يجرفها إلى نهر الانفصال وقيام دولتين تحملان أوجاع شعبيهما ولا يحس الحُكام بوخز الضمير ! .

عبد الله الشقليني
5/8/2012

[بابكر مخير]

الأستاذ علي محمد صديق ( 1945 – 2012 ) .. بقلم: عبد الله الشقليني


نسأل المولي أن يسكنه مسكن أحبائه الذين اصطفي ،
عبد الله الشقليني
5/8/2012


جزاك الله خير عن هذا الذكر الكريم
علي صديق والمشهور بإسم علي كورة..
كان فعلا شخص جميل وحلو المعشر
هو كان الدفعة القدامنا
عليه الرحمة

[بابكر مخير]

الزول الكِبر دآ!!
أوعك تاخدهو علي المضمون بس في حالة وااااحدة لو كنت صادق معاهو...
كسرت ليهو تلج وطلع أنه شيتن وقتي. شيل شيلتك معاهو.. ياهو البعدها ما بديك قيمة حتى لو هديت ليهو مصنع تلج بي حالهو....
صرفتا ليهو مكنة وطلعت مخستقآ لو تجيب ليهو مكنة روزرويس تشغل ماكوك الفضاء. خلاص إتا في نظرهو الصرفتهو كان "ترتارا" (ناس الأيام دي ما ظنيتهم بيعرفوها وبخلي الفرصة للأخرين يوروها....)
في كلمات وأقوال وأحاديث وشعر ونثر وسجع بحذركم منهم إلا تكونوا بالجد قاصدينها وهي طبعن بديهي وعقلاني وأصلن ما بتنطابق علي الزول العجوز...
ما شاء الله آخر وسامة........... "لأنهو الذينا، لمن بيقيف قدام المرايآ بشوف الحقيقة"----

بحبك............. "أكيييييد كضبة لأنهو إتا أصلن خلاص لا نفع مادي ولا مالي ولا إجتماعي يعني ذاتهو ولا مؤنس.. يحبوك في شنهو" ---

الما عرفك! أخير منهو الإنهلك......... "دي شيييينة في حق العجوز لأنها ذي خميرة عكننة وأكيد القصد أنه يعيد ليك زمن كان فيك الرجآ (الما عرفك زمان)"----

ولرب حكمة تفيض بها كلماتك قولا وحديث........ "يا أخي أول حاجة إتا النفس بتلقاهو وين عشان كلماتك تبقى تفيض هن بقن حرف ينقال من الكلمة والتاني مفطوط"---

وحشتنا بي غيابك والمجلس بقى صآآآني...... "أكيد المقصود إتفكينا من ربربتك ونضميك الممجوج وأننا بقينا نستمتع بالهدوء في مجلسنا" ---
دي مجموعة من الظنيتهو أقوال من زولن مقاشر ماهو مباشر
وللعم يا ناس أنا دآ فاهم اللعبة دي وعشان كدي لمن زول يقول ليا من ديل؟؟
بدخل بي جآي وبمرقها بي جآي فأفهمو واعو؟؟
كل كلمة تنقال لي زولن كِبر بتحمل نوع من المدح أكييييييد الما الياها....
ما هو إن المتكلم عاقل كمان حقو المتلقي يكون برضك عاقل ويفهم...
حسي في رأيكم...
غير جناك الأصلن صااااااااااااادق في قولة بحبك منهو :o:o:o..

[بابكر مخير]

الأكل...
زمان كان النوع البتريدهو من الأكل بتستمتع بي تناوله، حسي كدي ابقآ راجل وأكل الكنت بتألكهو زمان.. يا زول كم هائل تنحرم منهو وخاصة "الشطة" بأشكلها. بالغلط جزيئات وتقول يلحقوك السمحين..
أنا عن نفسي والبتذكرهو مع الأكل دآ كنت نباتي وبقدر أقول اللحمة دي ما أكلتها بصورة دايمة إلا لمن مشيت تشكوسلوفاكيا وبالأخص الإسكلوب...
ما عارف سر الحكاية دي شنهو هل هي أني كنت وجات كدآ من جماعات الرأفة بالحيوان ولا يمكن كان تأريخها مربوط بأيام كنت بترسل أجيب اللحمة من الجزار ودي قصتها يعني عذاااااااب..
كنا ساكنين في العباسية غرب وممكن تسميها العرضة ومع أنه إتعمل سوق هناك بعد الخور ناحية سينما العرضة حاليا لكن ما كان فيهو جزار فيبقى المكان التشتري منهو الللحمة سوق الجزر وعشان تمشي هناك الطريق المختصر هو تشق شارع العرضة وفي خط مستقيم تباري الخور وتكسر يمين ناحية بيوت ناس سر تجار وبيت جدي عبيد عبد النور شمال سينما كلوزيوم وبعدين يسار وزنك اللحمة قدامك. لكني كنتا من ناس "عوج الدرب" فبما أني في تلك المنطقة يحال أني ما أغشى توأم الروح قاسم بدري ونكسر علي بيت ناس جدي العم حيث أحبائي العميد وطلق النار وفي كتير من الأوقات البترسل فيها كنت بلتهي عن أنه اللحمة في البيت مستنينها وأتاخر وعينك ما تشوف إلا النور.
سبحان الله يبدو أن في هرمونات بتفرز كدآ وتخليك تنسى العقاب الذي نلته وينتظرك لو تاني إتأخرت وتعملها من جديد..
إعتراضين: "قالوا أنه المرأة كذلك هرمونات تفرز وتنسيها وجع الولادة وبيقولوا أنه حكاية رضاعة الثدي هي البتنشط إفراز هذه الهرمونات"..
لحدي حسي اللحوم البيضآ ;) ما بأكل إلا دجاج معمول بروست يعني كنتكي إستايل وفي السمك إلا الفرايد ناس بياض وبلطي وكدآ أما المصايب ديك ناس شريمز فما كانت عندي نحو جاذبية زمان ما كان يغويني ولا حسة في ليهو عاطفة..
ناس يقولوا ليك المرارة يا حليلها حسي أيام العيد دي كان متعة وخاصة معها شطة بالآلتي "معقول أصلهو" ويا زول الكمونية ودي بقى حاجة ما عارف ظاتهو الناس بتأكلها كيف، أنا مسميها "سادة راجعة"..
ما هو أحشاء الخروف الصادة بعد ذبحهو من معدة لي مصارين وغيرهم من أجزاء بيستعملها الحيوان لهضم الأكل نقوم إحنا نطبخها ونرجعها لتكون طعام.. :(:(:(:(

https://www.youtube.com/watch?v=2Y0U3qcbFYc

[imported_عبدالله الشقليني]

(كنا ساكنين في العباسية غرب وممكن تسميها العرضة ومع أنه إتعمل سوق هناك بعد الخور ناحية سينما العرضة حاليا لكن ما كان فيهو جزار فيبقى المكان التشتري منهو الللحمة سوق الجزر وعشان تمشي هناك الطريق المختصر هو تشق شارع العرضة وفي خط مستقيم تباري الخور )

كنا في صغرنا نستأجر عجلات بقرشين العجلة الواحدة لمدة ساعة من سوق العرضة .

[بابكر مخير]

كنا في صغرنا نستأجر عجلات بقرشين العجلة الواحدة لمدة ساعة من سوق العرضة .

يعني قصدك من العجلاتي looool
يا "كوكي" واخد بالك بيكاسو دآ كيف زول علي نياتهو... ما قلت ليكم زول فنان :cool::cool::cool::cool:

[بابكر مخير]

يا ربي هو الغط ولا الهلوسة..
نومي الأصلن خزاز بقآ كمان مشاركني فيهو "حمدوك"
الغط بي إسمهو والهلوسة بي شكلهو...
يا أخي ما عارف مشكلتي شنهو مع الزول دآ..
هل هي تكجينة كدي سآآآآآآآكت ولا إحساس داخلي تجاهو ولا غيرة علي البلد...
سبحان الله
قبل ما أقراء شيتن عن سيرته الذاتية وخلوها من تأريخ ميلاد ولا حتى كنت قريت جواب وزير الزراعة (الهو كان شغال فيها وأنهو خريج زراعة والصق به زورا وبهتنا كلية الإقتصاد) البيشكرهو فيهو على فترتهو القضاها في الوزارة وهي ما ظنيتها حتى تمت الخمسة لو ما أقل ووصف بأنه رفدية..
مرة كنت قريت كتاب رفدية فووووووووووق مكتوب. الموضوع: فصل عن الخدمة وما فيهو ولا كلمة كدي ترقد شعر الجلد كلهو أنه وأنه وقلت أنه الحمد لله الزول دآ ما قالوا ليهو حنسجنك ونوصي بأنك بعد مماتك تدخل النار والقصة كلها أنهو الزول دآ في تقرير أمني وصفه بأنه معارض للحكم... ياأخي والله الجواب دآ أرقى من جواب تعين حتى.
لسة كمان والهلوسة الميديا والإعلام ما أدوها الفرصة تتملكني براها بل بالعكس زادو في وجعي ما أدخل النت وإلا حمدوك ومكا أشوف نشرة وإلا حمدوك وبقيت وين ودوك ووين جابوك ياهو قدامي حمدوك...
يا أخوانا المدهش والبيخلي دمي يفور ويغلي حجة الناس يقولوا ليك..
لمن عرضوا عليهو وزير مالية، إعتذر..
يعني لو كان بقآ كان فيسيلوجيتهو وسايكلوجيتهو وكان لحق البلد وصلح إقتصادها ويشار ليهو بالبنان والحكمة ولا كان حيكون؟؟ ما كفاءة..
الكفاءة هي شنهو.. أنا من الأول بفتكرها من غير رابط أساسي بالمؤهل الأكاديمي.. تلقى عامل نجار كفء وتلقى طباخة كفء وتلقى تلميد جاد وكفء وأنها هي بلورة القدرة في أنك توجها للعمل الصاح..
https://mawdoo3.com/مفهوم_الكفاءة
حسي حميديتي دآ ما كفاءة، قدر بحركات بهلوانية وشغلبة ومقلبة بقى نائب رئيس المجلس العسكري الإنتقالي الفيهو ناسن حكو العسكرية من الألف لين الياء وقاعدين في الصف من وراهو..
يا أخي كفاءة البشير ظاتهو هينة، خمآ ليك الترابي ولعب بي ناس علي عثمان..
عشان كدآ أنا من أول يوم إحساسي الباطني شعر بأنهو حمدوك دآ مقلب حنشربهو..
ووالله يا أمة المجد والأبطال والصمود والثورة والنصرة..
بلدكم دي إلا سلمتوها لي زولن هوان حيصوطها ويجوطها وباكر تندمو حيث لا ينفع الندم لمن يلم ليكم فيها عسكري وممكن يكون من الحسي موافقين عليهو ديل لأمر في أنفسهم. مش إتقال هم والحيكونوا على قرب للإطمئنان على سير الحكومة الإنقتالية...
اللهم إني بلغت. اللهم فأشهد

[بابكر مخير]

لمن يجيك ذي يوم الليلة دآ في مسير حياتك والحمد لله.
يرجعك لي لي أيام متلهو.
ترجع بي ذاكرتك لي أيام الطفولة وكت كان عمرك ذي تمانية سنوات وإتا ما داري بأن هذا اليوم كان أول إدخال لكلمة جديدة في سيرة السودان "يوم الإستقلال" كان هذا اليوم شبيه بهذا اليوم.
نجاح ثورة سلمية سبقها نعم فترات طويلة قدمت فيها الدماء لتسطر بها حروف الحرية والتغيير.
وتمر بيك الذكريات لتسترجع إنقلاب نوفمبر وأيام جكم العسكرتارية لسنوات. كانت أقل دموية وخلالها سفكت دماء في أرجاء السودان وكان لجنوب القطر النصيب الأكبر من مدنيين امينين وعسكرين أيضا وتطعم حلاوة ثورة أكتوبر حيث إنتفض الشعب بقيادة جبهة الهيئات وكان حينها عمري في أحلى مراحله وهي فترة بداية الشباب وتطور الوعي بعد مرحلة الطفولة "طالب رابعة ثانوي"..
وتتذكر أنك قبل ما تنعم بحياة حرة مستقلة يرجع العسكر لطموحاتهم ويقوموا بإنقلاب مايو ويستمر حكمهم ستاشر سنة ذاق فيها الشعب من المر ما دفعه للقيام بثورته الثانية على العسكر والثالثة على حكم غيبهم كشعب صاحب الأرض والحق. فإستاثر به قلة وهم (حفنة من العسكر أو إدارة المستعمر من إنجليز وأتباعهم المصريين) وكانت رجب/أبريل وقبل أن يتنسم الشعب الحرية جاء العسكر "ورجعت ريمة لي عادتها القديمة" فإنقلبوا على الحكم الديمقراطي ولكنهم هذه المرة جاءوا متأدلجين يدعمهم حثالات من شذاذ الآفاق. فجثموا على صدور الناس. طغاة لا يرهبون المولى بل يرهبون الناس وكان الفصل التعسفي ليمكنوا أنفسهم من السيطرة التامة على أجهزة الدولة وكانت الملاحقات للبرياء بسجنهم وتعذيبهم بل وبقتلهم. فكانت حقبة من تأريخ السودان دموية بكل ما تحمل الكلمة من معاني ولا أبلغ إن قلت أسوء من أيام حكم المستعمر الأجنبي..
ودامت فترتهم لثلاثين عاما..
كتب لي أن أعيشها مع كل شعبي بحرقة وغبن متناهي.
لكن الحمد لله. فقد قَيَّضَ الله لي أن أعيش هذا اليوم وأفرح فيه كما فرح شعبي العظيم بعد أن دفع مهر هذا الفرح بدماء طاهرة وشهداء من خيرة شباب هذا البلد العظيم فيتقبلهم الله..
..
___________

لا أخفيكم قولا بأني كنت في حيرة من أمري..
هل أخط هذه الحروف باللون البمبي كعادتي حين سعيد وفرح..
أم باللون الأخضر كما هي عادتي..
لكن إسودت أمامي الفرحة فغلبني اللون الأسود حين جاء ذكر الشهداء

[بابكر مخير]

اليوم دآ بالنسبة ليا يوم الأمان والبوح بالذكريات..
قبلها كان الواحد بيخاف يذكر إسم زول من العرفتهم أول أيام إنقلاب الكيزآن يقوم يعرضهو لي الخطر...
من الأسماء الإتنحتت في ذاكرتي.. عمنا فضل علي وتيراب تندر آدم ومحمد عبدالله ومجموعة من أهلنا الإنصار المجاهدين.. شوقي بدري ذكر مرة مدينة بدري أنها فاتح البيت وذكر أنه لو لا ابراهيم قاسم لما كانت قدرت.. أنا في حالتي العكس كان هو الحصل فبفضل السيدة حسب سيدها بدري لما كنت إستقبلت هؤلاء الأبطال في بيتي زوارا لفترات بسيطة حيث يغبوا عين الشمس الحارقة بكوباية ليمون تكتل العطش وفنجان شاي يروق المزاج من المساككاة.
مع هؤلاء الأبطال ومعهم إخوتي الصغار ابوبكر عبد المجيد الأمير يعقوب ومحمد بشري فاضل البشرى "المهدي". بدينا شيتن كبير وكم كان خطير ضد هذا الإنقلاب المشين وكان لصرف النظر نلتقي في الأحفاد متخفين أولا عن أعين أجهزتهم الأمنية وتانين عن رئيسها العميد يوسف بدري خوفن من أن يعرف ولو سئل وهو الرجل الصادق الصديق فما كان قطع شك قال ما قالهو الشيخ فرح ود تكتوك للراجل دآك الجاهو عشان يحميهو: إن الصدق ما نجاك فالكذب ما بنجيك..
لكن وهو ذاك الرجل الحذق ولا أبالغ لو قلت أن كل حصاة في مجمع الأحفاد هو ملم بحركتها وسكونها.. فقد عرف الأمر ونبهني أن ناخد الحذر وهو ما شجعني يومها أن أطلب منه طلبان أحدهم أن هناك عدد من أهلنا المجاهدين ضعفت أماهم سبل العيش وطواااالي إستوعب جزء كبير منهم عندهم ف الأحفاد في الحراسة والسواقيين وكذلك الأخ بريمة في المطبع وهو الطلب التاني والذي كان من الخطورة بمكان وهو أن نستغل مطبعة الجامعة في طباعة المناشير الخاصة بالحزب وكان أن توفقنا في ذلك لأبعد الحدود وكم من أبنائنا من كوادر الحزب نجحوا في توزيعها وكان من المشرفين علي ذلك بجانب "بكور" أبوبكر ومحمد البشرى، الأميرة مريم نقد الله وإحسان كزام والإبن للأسف الشديد نسيت إسمه بس أظنه محمد وبذكر أنه ساكن المقرن "الغابة" مع أنه كان ناشط نافذ في حراكنا الأول وهو كان سرب لينا الخطاب الصادر من اٌستخبارات العسكرية عن تحرك وسط القوات المسلحة وللشهادة اليوم أقول أنه هذا الخطاب إبننا قدر يسربهو من مكتب مدير مكتب رئيس الوزراء الذي لم يطلع عليه وعلى غير مما ذكر أنه الخطاب قد أشار الي جهة معينة القايمة بالتحرك لكن ذكر أن وسط القوات المسلحة وكما نعلم جميعا أن العسكر كانةا قد أصدروا مذكرة وبين سطورها إشارة لمثل هذا التحرك..
من أكتر المواقف كنت عشتها مع مجموعة أهلنا المجاهدين من الأنصار أنهو يوم ذي حكاية التقيع علي الإتفاق الحصلت أمس.. أننا نتعاهد على كتم الأمر بيننا وقاااااااام عمنا فضل علي قال ليا: يا دكتور هآك المصحف شان نقسمو الخاين الله يخونهو..
عرقتا وإترجفتا وإتمنيت الأرض تنشق وتبلعني... هو ياعو الكلاشنكوف الكنت شايلهو أيام حركة يوليو وكان ذي الديكور لزوم القيافة وياهن الطلقتين الفكتين في الدروة بي ماركة أربعة أقيف بيها مع ناسن الجمر يلوكوهو والنار من حمرة عينهم تهبت. بفراسة أهلنا الغرابة عمك فضل طوالي مسك يد تيراب وقال ليهو إتا بتكون متذكر القول البنقولها..
الحمد لله
تعرفوا الحبانن ديل كان حصروا كم عربة رباعية الدفع متوفرة وكم بندقية قنص ومنه القناصين ووين الإستحكامات والله والله أنا بعد ضربت العربية في قدام دار الهاتف والإستشهد فيها من الكانوا راكبين معاي فيها قسم الله ووراق عليهم الرحمة بقيت بس مستني ما هو بعد كل الرصاص دآك إلا يومك وممكن تكون شرقت موية تروحك..
عذرني لمن كان معنا في تلك الأيام العصيبة ولم أذكر ما الكُبر ود كلب، ينسيك الحبان وما ببالغ لو قلتا الخوف من اليوم الواحد ينسى إسمهو....
ونشوفكم لي قدام...

[بابكر مخير]

مكتب مستر أحمد الطاهر في مستشفى الخرطوم التعليمي وبحضور الدكاترآ الفاتح، أبو قصيصة، سيد "رفيق الغربة حتى فرقت بيناتنا بلاد المهجر"، أبراهيم بدري وهنا وقف الكُبر سدا منيعا أمام سيل الأسماء الأخرى" إلا عن ذكر إسم الدكتور مامون محمد حسين شيخ المناضليين (طبعن دكتور سيد كان معاهو في قائمة الإعدام وربنا لطف بيهم الإتنين).
في المكتب دآ "والله أعلم" حظيت بأني كنت مع تلك المجموعة ممن ذكرت أسمائهم وغابت أخرى حملنا هم البلد وإنضافت الحبيبة نعمات مالك بعدها وكان فصيل من مكون التجمع الوطني. كانت الأغلبية من شباب حزب المؤتمر وبعض أهل اليسار وكنت ولا بدن كان هناك من أهل الوسط السياسي ممن شَاعَهم مثلي حب الحرية وخانتني الذاكرة ذكرهم.
كان الرأي أن يتوسع الماعون ويتم الإتصال بالأحزاب الموقعة على إتفاقية الدفاع عن الديمقراطية في مدني وكانت الأغلبية من شركائنا هم في بُوخٍ من أمرهم أن يشارك من حزب الأمة وسطهم بواحد من إثنين عبد الرحمن عبد الله نقد الله حفظه الله "الحاج نقد الله" أو صلاح عبد السلام الخليفة "يوبي" وتحركت في هذا المجال بالإتصال السيدة سارة الفاضل عليها الرحمة والتي عملت معها فترة ناجحة كمسئول عن شباب حزب الأمة والذي هو تحت الهيكل التي كانت على رأسه في مكون من أمانات حزب الأمة القومي "أمانة التنظيم والمرأة والشباب والخريجين".
كان حينها "يوبي" في المعتقل بسجن كوبر وعليه يتعذر أن يمثل الحزب في إجتماعات تكوين التجمع وأخي الحبيب "الحاج نقد الله" كان يشكو بإستمرار من آلام المعدة والتي تلازمه الي يومنا هذا شفاه الله وكل الأهل السودان من الأمراض وحماهم من المخاطر "بيقولوا ما معناهو أكثر المخاطر فتكا علي الإنسان هي نفسه والعياذ بالله من تلك الأمارة بالسوء".
بتذكر أنه كان الكثيرين من قيادات الحزب بين معتقل وغير معروف الجهة لأمور أمنية وعليه إقترحت علي السيدة سارة عليها الرحمة أن نشكر في هذه اللقاءات قيادات غير معروفة للعامة بنشاطها (يعني ذي تمويه) بتذكر كان من الأسماء الزهاوي وعبد الله الدومة لكن لي سبب نسيتهو أو متناسيهو لم نتوفق في يشاركوا مع بقية مكونات التجمع الأولى وقلتا ليها: يا سيدة أنا عندي زول ومحل ثقة فردت هو منهو عشان ندخل إسمه لرئيس الحزب "سيد صادق" في المعتقل في كوبر وأن يبدى رأيهو.
كان أن وافق رئيس الحزب على الزول الرشحتهو والذي أبلى بصورة جيدة ومتميزة في أداء هذه المهمة الي حين إتفقت قيادات الحزب بتبديله بالأخ الدومة..
القيادي كان هو الباشمهندس أحمد أبراهيم قاسم "كورية"..
بتذكر كان أمر ديباجة تكوين التجمع مشكلة واجهتنا بسبب إختلافات في رؤى الأحزاب داخل تلك المجموعة وبتذكر كان يوم حاسم في معالجتها في لقاء محدود في مناسبة زواج الأستاذ حامد من إبنتنا أمنة أحمد إقبال مالك.. واحد من الإجتماعات المفصلية التانية في موضوع إضراب الدكاترة كان في مناسبة عزاء جدي عبد السلام الخليفة وكانت رؤى مختلفة في التوقيت ولكن قد صدر الأمر بالتنفيذ وللأسف أنه ما كان له التوفيق التام...

[بابكر مخير]

سعادة اللواء التجاني علي صالح كنت ضيف عندهو في بيتهو سنة 1978 في أبوظبي مع أنه كان منزلتي مفروض تكون عند حبيبي وشقيقي سهل خالد موسى الرحمة كلها خاص بيهو..
لكن سعادتهو شيخ عرب بكل ما يحمل المفهوم السوداني. بهجة ودين، حزم وطرفة، فهمن زايد وعلمن واسع..
رجعتا السودان وكذلك هو بعد قضى فترة إندابهو في البحرية.
(حدث ما حدث) وإنقلبت وهو طبعن لساتهو في القوة وكان قائد كلية القادة وأنا بمعرفتي المحدودة بيهو ولكن تقتي بيها تجاوزت كل حواجز المعرفة..
مشيت ليهو وحكيت ليهو وهو كان أصلن مليان داير يطق..
لقيتهم هم كانوا برضك فاتحيين قنوات وصارحتهو بالحاصل مدنين.
مرة لقيت معاهو مجموعة من ناسهو وإستغربت الأمر كييييف بيجتموا في مكتبهو.. قال ليا دي أخر حتة بيفكروا يشتبهو فيها لإعتقادهم بأنه ما في زول بيتجراء يتعمل تحرك معارض من جوآ مكاتب القيادة وفعلن هو كان مكتبهو كله شبابيك وطالي علي المدخل الرئيسي..
حصل أني لحقتا بأخي سيد نصر الدين الهادي المهدي الي القاهرة وكنا على تواصلهنا وهناك مع الحاصل..
جانا زيارة أحمد مخير "كوريآ" في القاهرة وين كان ملجئ الأول وبعد طلع إسمي في القوائم فسالته عن الأنشطة والحرآك المعارض وصدمني بخبر أن صديقي سعادتهو التجاني أعتقل وكان قلقي كبير فمثل دكتور مامون وسيد حكموا عليهم إعدام، ماذا سيحل بصديقي..
الحمد لله في عودتي للعمل في الإمارات للمرة التانية التقيته سالم معاف ىظاهريا وما حبيت أسألهو عن تجربة المعتقل كما كان الحال مع أحبتي عبد المنعم سعد الدين شفاه الله ودعواتكم جميعن له بأن يديم عليه الصحة ودكتور نصري. لأنهم هؤلاء حكوا لي عن أهوال كان تلقوها في بيوت الأشباح.. حكيت لي منهو يا ربي "زهايمر" عن شكل جلد ضهر "نصري" وقلت ليهو والله ذي ورق كراس الحساب كله مربعات.....

[بابكر مخير]

كم شكيت من حكاية ضعف الذاكر المقرونة بأواصل الحتمية مع الكُبر..
لكن سبحان الله
هي بتلقاها لمن يكون الأمر متعلق بي الجمال والفرح والسعادة..
بكتب عن معارف التقيتهم في حياتي وكان لهم عليا impact وكنت خايف أنهو ذاكرتي كما حاجات كتيرة نخت مع الأكبر تبقى ذيهم وتفشلني..
لكنها كانت هناك دون أوميغا ثري ولا فسفور ولا غيرهو..
إنهمرت الأسماء ذي مطر لبى نداء مصليي الإستسقاء
فكانت مدرار جابت سيل وهدمت الحيطان الكانت حاجة ذلك الجمال..
يا أخي حتى بهونكآ التشيكية إتذكرتها وهي كان من القابلتهم في سنة أولى صيدلة لكن هو منهو الشافها مرة واحدة وما إطبعت فيهو كله ذي إسمهو..
شكرن ليك يا الذاكرة البلقاك وكت الحاجة ما ذي الحاجات السجمانة الإتنكرت ليا..
يا أخي كان النفس دآ سحبة وااااحدة تقطع بيهو ميل جري ;)

[imported_عبدالله الشقليني]

دكتور بابكر مخير
تحياتي وكل عام وأنت بخير

ما كنت أحلم أن يقارب الملف لستون ألفاً ....؟
عينا باردة

[بابكر مخير]

الملف لستون ألفاً ....؟


لساتهو يابا
بينهو وبين العمر الفية (هو ستين والعمر فوق السبعين)
ما الكُبر هو القِدم يعني إتصور مقارنتن بالأرض العندها عدد لا يحصى ولا يعد من القرون أما عن السماء فهذه لست لديها قِدم ولا سنين...
عشان كدآ حنمد كمان نشوف لي قدام ;)


عينا باردة

هو إتا حاشك من الحسد والغيرة
وإنت الملاك
ويابا
عينك حتى إن قالت تصيب بتخيب
ومع الكُبر
لا حلاتن معاهو يشوفوها
لا قوة تقول يتباهو بيها
ولا عمرن وأيامن جايات يستنو ليها

[بابكر مخير]

يا أخي مع الكُبر بتتشوش بصورة عجيبة يعني هدم تركيز يكاد يلهيك عن أيتها شغلة.. إتا تكون في لحظة صفاء ذهني ودي فعليا مستحوزة علي جل وكتك.. ما هو شنهو..
الصفاء الذهني دآ معناها أنك ما بتكون بتفكر في شئ وهذه الحالة عند الإنسان "السوي" العادي المتوازن المقاييس سواء جسدية أو عقلية صعبة جداً فهو يعيش في الواقع لكن ما لي ذي حلاتنا كدآ..
الذاكرة فاضية ذي ما يكون كومبيوترك حصل ليهو كرآش وما كتا عامل حفظ للفايلات الفيهو ويلا أبقآ حوش...
القدرة الجسدية لحقت بصات الكومر ديك وبص الكومر كان في التلاتينات ولغاية أوواخر السبعينات مستعمل وما تبقى منه ليومنا هذا. حالهو حالتنا كدآ ما بيمشيك ربع كيلو ولو حتى غيرتا ليهو المكنة وركبتا مكنة "داف" واللساتك بي سوميتو اليابانية..
التشويش أنكهيا ربي أنا في علم ولا حلم ما هو بتحصل حاجات كتيييييييييييرة من ماضيك حدثت وكانت بين السالب والموجب لكنها يومنا دآ هي الحقيقة المعاشة وأمسك عندك...
نوع من أنوا التشويش:
1- الزول الكبير والصغير؛ طريقة التعامل بيناتهم كنت بتشعر بأن حقوقك مهضومة وكان حلمك أنه لمن زول كبير يقول ليك حاجة وإتا ما مقتنع تباشر بيها وتعترض وتناقش ما تكتمها في حنانك وتمشي قولهو.. (تشويش محمود وإيجابي)
2- تلقى معلومة وإتا عشتها وعايشتها فعلين وتقراها حسي كسرد من الماضي وهي خالية تمامن من الحصل ومثال لي كدآ مجموعة ممن حظاهم الله بأن يمسكو القلم ويكتبوا في الصحف يأرخوا التأريخ بما يحلوا لهم. مراضاتن لحاكم مرهوب أو شهرة وقصد مرغوب. (تشويش خطير يعرضك لنوبة غضب قد تؤدي بحياتك فالقلب صار ضعيف ذي البابور المتهالكة وضخها نزل لمستوى حرارية بري في تغذية الشبكة بالكهرباء وما بتحمل)
3- زمان كان الناس لي بعضها في الأفراح ما بس الناس تجي الحفلة وبعدها ذي الشمات من بعييييييد يتونسوا بيك "زمان كان إجتماعي، يا أخي أصله راجلها حرامها من كل شئ، إتملوا أولاد حسي كيف مع الغلاء دآ يعيشوهم.. بتذكر خال يوسف عند ولادة زنوبة بتي قال ليا: كدآ يكون خلصتوا وما تبقى عليكم، الناس لم يجيبوا الطفل الأول التانيين يقولو ليهم خاوهو وكل مرة أنهم يزيدوا لمن يتملوا عيال وبعد يونسوا بيهم ويقولوا: مساكين محمولين.. كانوا لي بعضهم في الأتراح الواصني وكت الفطور والغدآ والعشآ تجي من كل بيوت الجيران حسي إنعكست بقوا الناس يمشوا لبيوت العزاء لزوم العضة. كيد الحصل في أرض الإعتصام زاد تشويشي لأنه كان صورة للكان زمان وبقيت مشوش هل القدامي دآ حقيقة ولا فلاش بآك...
وأخيرا ولست أخرن. دي مراعاة للصدق والإلتزام بمبدء قولة حق والمحافظة علي المناوشة وتوضيح وجهة النظر.. تتشوش لمن تلقى الناس تتطبل لي زولن ما بيعرفهو وبس يركبوا الموجة.... زمان كمال ود خالي موسى ولساتهو جاء جديد من مصر وهو في الحوش، جا السيد عبد الرحمن لزيارة جدي بابكر وقام كمال بصوت عالي هتف يعيش السيد عبد الرحمن قام واحد من الأسرة نهرو قصد أنه يسكت فردا حبيبنا كمال عليه الرحمة وليجازيهو ربه قدر طيبتهو وحبه للناس ومحبة الناس ليهو: طيب أومال تطبلوا لمين...

[imported_عبدالله الشقليني]

تحية لك : دكتور بابكر مخيّر
كنت ولم تزل سندنا في الدنيا ..
رب عمر طويل نتمناه لك أن يطيل سموق الشهاب الذي يطل في العلالي

[بابكر مخير]

تحية لك : دكتور بابكر مخيّر


الحبيب
أنا من يوم شفتك ضارب الكداري وبفكر
أنه لابدن هناك حكمة فيلسوف وراء المشوار الطويل من سكنك لغاية درا المركز السوداني
وضحت الرؤية عندي متكاملة...
القصة هي مشتركة بين هدر قدر الكلوري "طاقة" الباقية في الجسد بعيداً عن الأمور المستعصية "من باب إدعى أنها توبة" وكذلك لحظة خلو بالنفس أثناء السير وتحدي النفس بأنه المشي لساتك قادر عليهو...
غايتهو الثقيل دآ ما بندار لي زول لكن برضهو فيهو حلاوة....
الحبيب فلتنعم بما أنت فيه الأن وبما هو قادم..

[بابكر مخير]

خديجة الحفيدة الحديقة تلميذة ومدرستها يمكن خمسة بنايات من سكنهم هي وأمها وشخص المحتكر أريح مكان في الشقة.. بس وضع يد ساااااكت..
الأيام دي إجازتها من المدرسة باقي فيها يومين تلاتة وهي مستمتعة بالسهر لي أنصاص الليالي والصحيان بعد ما الشمس تقرب تقع.
اليوم وأنا راجع علي البيت بعد نهاية الشفت بتاعتي في المندولا مريت قدام المدرسة وشايف العمال يجيروا في الحيط وينقلوا مواد بناء.
رجعت السكن ولقيت الحديقة يانعة ونضرة وتبحلق في التلفزيون بي متعة مع الرسوم المتحركة وبي حق الكُبر الغتة والحسد الأصلن ما بيرحموا لا لي حبيب ولا غريب..
قلتا ليها شايف بيجهزوا ليكم المدرسة عشان خلاص الإجازة في نهايتها..
نظرة ليا مسكينة مكسورة خاطر حتى وأنا بي حقض الجلآكين المتملكني قلبي إنشطر وندمت وقلتا أحاول التظارف وأقول شيتن أأغير بيهو وقع المصيبة..
طبعن هم رجعوا من السودان قبل يومين تلاتة وشافت آثار الأمطار والبيوت الإتهدمت وكان دآ مدخلي لتجنب آثار العدوان المزاجي فقلتا ليها...
زمان في عمرك دآ كنا بنستنى المطر ذي الكانت في السودان وبطيبة الطفولة ونعومة الخلق الرهيف إنمسح من وشيها الصبوح تلك المسحة الحزينة وركزت معايا فواصلت بعد هذا النجاح الذي تكلل بإزالة جزء من الهجيمة الكانت وقعت عليها وقلت..
كان البيوت تقع والخيران تتملي وكنا نلعب في الموية المتجمعة والبيعرف يعوم بيعوم (لييية ما بتعوموا في الإسويمنج بول) ما إتجاوبت مع السؤال خوفن أن تتقطع حبال أفكاري وقبل ما أنجر المهمة ترجع تذكر المدرسة التي هي قريبة من الباب وعلي الأبواب ووصالت؛ وكان يا جيجآ (هكذا أسميها وهي بتناديني جيدوو) أجمل شئ في هذه الكوارث أنه بعض المدارس تنهار الفصول وتعطى إجازة تمتد يمكن شهور. خلاص عاشت القصة وترسم على جوهها الجميل علامات الإرتياح وأكيد أنها مرت الكريزآ وبدآ عليها علامات النصر عليا بأني كنت بكون في مثل حالتها هذه الوقتية ووقتية لأنها بتستمتع بالمدرسة وحتى دوما تقول أنها إفتقدت صديقاتها في هذه الإجازة ما برتاح للمدرسة.
من باب الونسة قلتا ليها حكاية الغياب من المدرسة بحجت أنه الفصل وقع وهذا ما يجعلني أحمل علي جدي بابكر الله يرحمه في تلك الأوقات لأنه الذيي في العمر كان الأمطار وقدرتها علي هدم المدراس تفرحهم وتعيشهم في نعيم إجازة خارج الدورة الدراسية لكن أنا الشقي دآ وعدد من زملائي في المدرسة يفوتنا هذا لأنه جدنا عليه الرحمة بنآ المدرسة بطوب وحجر وأسمنت فكانت تقف المباني لتقهر المطر وتصد الرياح التي كانت تتقاذف بالأسقف كما أسهم لعبة الدارتس...
وكان الحزن يصل قمتهو لمن أرجع من المدرسة وألقى أصدقائي الذي جازاهم الله بمطر قفل مدارسهم وهم في الأرض الرطبة والهمبريب الجميل ضاربيين البيلي... :(:(:(

[بابكر مخير]

إحنا عندنا وصف للأحداث والأفعال والأقوال ما ليهو حدود..
ممكن توصف بالإشارة وهي بقت لغة للصم والبكم وهي أصلن قديمة يعني لمن تدور تقول لي زول أسكت بتخت يدك في خشمك وهو بيفهمك.
ممكن بتعابير الوجه وأنك تركفس وشك تبقيهو ذي حق زولن قدرنا وفيهو تعبير وصفي لحالة الإشمئزاز (متلازمة الكِبر)
لكن إحنا عندنا إضافات لا يجيدها إلا الكنا مليون ميل مربع وهي فعلن حكر لنا لأنهو ما بيقدر يفرق في مفرداتها إلا سوداني جد..
بالأصوات لو سيبويه ولا البحتري ما ظنيتهو يلقى كتبها بي حروف وهي مثلن الصوت الغريب البتعمل بقصد نعم أو نقيضهو لا..
بالكلمات مثلن نقول تدوش دخل البيت.. ممكن يكون صرصور ولا قندراني ..
أها اليوم أنا دُت وقفت قبل ما تحصل الستين ألف وإنعدمت الولفة مع الكتابة..
يكون حق الكُبر خلاااص إتملك مني وإحتكرني والفتر هلكني..
ولا الملل من جانب الكان بجاملوني ويدخلوا يقروا ولا يقولوا رفع معنويات ورفع رصيد وتكبير رقم وبدل عشرة أخش أخليهو ليهو يبقآ حداشر..
:rolleyes:

[بابكر مخير]

كل شئ ماشي بيقيف وبعد الوقوف ممكن يرجع يواصل السير
العربية ممكن توقفها بفرامل اليد ولا فرامل الزيت البتنداس بالكراع
الحمار ولا الجمل وحتى الحصان ممكن توقفهم بس جرة للجام
حتى لو زول ماشي، جاري بتوقف، الساعة، الهواء من مكيف ولا مروحة إلا حق القادر ما بينقدر..
كلهو علي كلهو بيتوقف وبعدها برجع لي حركته..
إلا العمر
لو كان بتفرمل كان محلاها في عمر الشباب توقفه علي كدآ عشرة ولا عشرين سنة تعمبب بيها الأيام الجميلة ديك.
يا أخي خليهم يستقطعوها وبرضك بتكون إتا المنتفع.
عمرك تلاتين سنونك وضروسك تامة وكاملة تقطع تجرش وتهرس وتسهل للبطن مهامها وحتى البطن هي مالها حتى لو مليتها من التالاها عااااااادي لا نفاخ لا حيرقان ولا سجم رماد بيكيلك في عمرنا دآ...
تتفرمل تلاتين سنة وإتا في نعيم عمر التلاتين دون تأزم وما يعقبها من مشاكل. تلاتين وبعدها فليكن ما يكن تبقى ستين ولا أكتر.
قول ما الباقي اليبقآ...
آآآآآآآآآآآآخ كانت حلوة بس ماشة وتجرجر في الهول والقول والشكاوئ والهموم لمن مشت دون ما تفرمل لي لحظة، ماشة باللحظة والثانية والدقيقة والساعة واليوم والشهر والسنوات والأجيال....

[بابكر مخير]

مشت دون ما تفرمل لي لحظة، ماشة باللحظة والثانية والدقيقة والساعة واليوم والشهر والسنوات والأجيال....

http://www.sudanyat.org/vb/uploaded/851_1567342110.png

[imported_عبدالله الشقليني]

https://www.youtube.com/watch?v=qj7Ql_eyt4Y

نفس الملامح والشبه

[بابكر مخير]

نفس الملامح والشبه

شيخي الحبيب دوما عليه الرحمة الغايب الحاضر جوآ القلب قاسم مخير.
كنا هو وأنا بينا شبه كبير..
كنت شغال في الإمارات زمان ومرة واحد صاحبي معانا كان هنا قال ليا: يا أخي فلان كنت بتكلم معاهو أمس وقال ليا شافك في الخرطوم وأنا طبعن متأكد أنك ما سافرت وإتغالطنا وأخرتها سألتهو هو خاتي سجارتهو الصغير ذي ضنب الفار دي في خشمهو. قال قال ليهو لا. فقال قلت ليهو دآ أكيد ما بابكر...
كذلك مع سيدي وحبيبي قاسم بدري بينا برضك شبه كبير "يا ريتني كنت شبهو الرجل الجميل" كنت يومتها بشرب قهوة في كفتريا في غرفة داخلية وجاء أحد الأصدقاء عاين ليا ورجع من وين ما جاء وجانا تاني صادي وقال ليا: متين كنت في السودان وسجلتا حلقة في التلفزيون وكان دي شقيقي قاسم بدري في برنامج في العيد..
صديقك أحمد كورية وشقيقي الأصغر علي كذلك بينا شبه كبير إلا يوسف أخوي وكذلك ست الكل عزيزة ربنا لطف بيهم منشبهي فطلعوا وسيمين لفوق الوصف..
دحن كدآ ما تامين عشرة وتقول ليا يخلق أربعين ;)

[imported_عبدالله الشقليني]

أه تذكرت عندما كُنا نزور أحمد كوريا في البيت الجامعي لعميد الصيدلة الدكتور إبراهيم قاسم ، وكان هو ووالدتكم رحمها الله ، وهي شقيقة العميد يوسف بدري. كانا يمنحاننا كثير من ( الوِلِف). هذا البيت الذي يفتح غرباً.
نعمنا بضيافة الأسرة الكريمة مرات عديدة :

ونذكر اليوم الشاعر أبو العتاهية حين قال :

بكيْتُ على الشّبابِ بدمعِ عيني.. فلم يُغنِ البُكاءُ ولا النّحيبُ
فَيا أسَفاً أسِفْتُ على شَبابٍ،.. نَعاهُ الشّيبُ والرّأسُ الخَضِيبُ
عريتُ منَ الشّبابِ وكنتُ غضاً .. كمَا يَعرَى منَ الوَرَقِ القَضيبُ
فيَا لَيتَ الشّبابَ يَعُودُ يَوْماً،.. فأُخبرَهُ بمَا فَعَلَ المَشيبُ

[بابكر مخير]

الخميس صفة ورقيص مقولة كنا نرددها حتى وإحنا في أيام العافية الأولى "الطفولة" ثم في حقبة الشباب وكانت أكثر واقعية من بتاعت الطفولة. أما في مرحلة النضوج فقد كانت كان لها طعم خاااااااااص...
في الطفولة؛ عيد الفطر ليهو فرحتين لكنهو بي إتنيناتهو ديل بيكون مرة واحدة في السنة.
العيد الكبير الهو عيد الأضحى كان فرحتهو أكبر لأنه أكيد بيشتروا ليك هدوم جديدة وممكنة ساعة والمحظوظين عجلة ومع أنه أقلا شئ بتكون إجازتهو تلاتة أيام مؤكدة "وقفة عرفة ويوم التضحية ويوم العيد المكمل" إلا أنهو برضك يوم واااااااااااااحد.
الإجازات والعطلات الرسمية برضك مرة واحدة في السنة.
كل هذه الأعياد كان طعمها أحلى وترقبها بصل قمتهو في اليوم القبلها وقول للتلاميذ والطلبة والموظفين والعمال كان التحضير النفسي بيكون في القمة الليلة السابقة لهذا العيد "ما بكرآ إجازة" ودآ عكس اليوم الأخير.. يعني البركة كلها في اليوم القبل المناسبة..
من هذا المنطلق تأتي حلاوة الخميس رغم قدسية اليوم الذي يليه وهو "الجمعة الجامعة والدعوة السامعة"..
في هذا اليوم الجميل قبل أن يدخل الليل ويرمي سترهو لما يدور ويتم في الأرض من أمور..
يتم التحضير اولن النظري من وضع رؤى وخطط ورسم مخططات وإستراتيجيات محسوبة يراعى فيها المخاطر وإحتمالات النجاح وإمكانيات الفشل.
ثم التحضير الذهني بي نومة أو غفوة تنضف الذهن من كل الذي عايشته خلال هذا اليوم المرتقب.
التحضير الجسدي بي حمام كارب تغسل فيهو جسدك من ما صابه من عوالق وعواليق.
لو صغير ربما تكون هذه هي المرحلة القصوى البتصل ليها والإكتفاء بأنه بكرا ما في مدرسة وتنوم قرير العين وتسيب يوم باكر وللراجيك.
لو شاب بعد الحمام تستنضف ليك هدمين تلاتة من النقاوة وتصب ليك ربع قارورة من الكلونيا المحفوظة للخميس وتتلقف الصحبان ونخليها ظريفة وتمشوا تشوفو ليكم فيلم تتفرجوا فيهو علي الممثلين وشنهو البيقوموا بيهو من أدوار وترجعوا بعد تمرو علي بتاع الفول وعشوه كآربة ومختومة بي بزيانوس ولو شاب ناضج ياكا الإتلميت مع الصحبان وكان ليلة جميلة ملؤها الأنس والحب..
ومن هم فوق ذلك!!
خميسهم فيهو سترة الحال في بيوتهم بدون السينما والممثلين أفلامهم لا عربية وما هي أجنبية..
وبكرآ الجمعة.
وكل واحد من هذه الأجيال يجني ما اقترفته يداه...
حسي مع العمر دآ..
الخميس بيمسخ ويبقى بدون طعم وبلا تشوق بل بالعكس بيبقى محزن لأنهو الواحد بيشوف الحوالينهو من الأجيال سابقت الذكر بيستمتعوا بيهو وكل حسب حالتهو العمرية.....
ويبقى بدل صفقة ورقيص؟؟
الخميس صفعة وقريص

[بابكر مخير]

مع العُمر دآ كلهو..
سمعتا وقريت وشاهدت
ساسة وشعراء وأدباء وممثلين وأساتذة
بي دآ ومع دآ
من يوم أمس بالليل
وأنا في سعادة ونشوة وعزة طغت علي الفات
هنيئا لك بلدي
طريقك سلك والدرب وضحت معالمهو..
حرية سلام وعدالة

[imported_عبدالله الشقليني]

نقطف ما كتب الدكتور بابكر :

خميسهم فيهو سترة الحال


https://www.youtube.com/watch?v=K1awATvG50Q
ياها القالا الكابلي الغربة سترة حال !

[بابكر مخير]

في المباريات البيكون لاعب فيها الهلال ولا تشيلسي دايمن برجع أشوفها مرة تانية بعد يومين كدآ لأنهو بتكون أعصابي ما مشدودة أثناء المباركة وما بركز علي الجماليات والهفوات..
لحظتها وإتا مشدود بكل حواسك كل شئ بثيرك ونرفزك.. وفي النهاية وإتا فرحان بالنتيجة بتكون صرفتا طاقة هدت حيلك وما بكون العقل قابل لإسترجاع المجريات وتحليلها برآك مع روحك..
تاني ولا تالت يوم هي أصلن البقت بقت لو غالب بتكون مبسوط وعايز تركز علي أمور محددة ولقطات معينة من المبارة... ولو مغلوب بتكون عايز تحلل برضهو مع نفسك أخطاء المدرب واللعيبة والحكم وحسي طبعن دخل فيها "فار".... لا لا VAR الهو يعني ب تأخير لمجريات المبارة لأنهو خلف الكميرات ربضلحيان ك قاعدين حكام وبنفس المينتليتي mentality وبرضك بيراعو ديمة حق الزمالة وفي أغلب انصر أخاك.
كان الواحد في طرف لسانهو للحكم "ظالم" وللمدرب "ما إختار التيم الصاح" وللاعب "دآ سجلهو ليييه" وللمنظمين "دي أرضية الدبابة تتعتر فيها"..
حسي بقيت البراجع من الشوفتهو قبل كدآ!؟
كلام ناس الإنقاذ الزمان (بالله شوف سبحان الله حلاوة الكلمة دي "زمان" ولاد أم زقدة) خطب البشير والمنافقين التانيين..
وكتها كان الدم بيفور ويغلي..
حسي برجعها شان أشوف كيف الدنيا دي بت كلب..
تنشاف بي حرقة لكنها كوميديا أنهو ذي ديل تلاتين سنة حاكميننا..
والنحرق دمكم شوية


https://www.youtube.com/watch?v=5S0q5z3SlKI

[imported_عبدالله الشقليني]

https://www.youtube.com/watch?v=qTyHlXCRKwc

[بابكر مخير]

ذي ما قلنا مرات ومرات.
مع الكُبر الزول لسانه بيبقى حصان جافل...
يعني يومتها بتونس مع مدون بتي عن إتين من أبنائي الأحباء وصلت القربى بيني وبينهم أنهو أماتهم الإتنين لي والدتي بنات عمها..
وهم بحكم السن بيقولوا ليا يا "خال"..
ومرة ضرب واحد يسأل مني وقال ليها "الخال".. وهي سألتني عن صلة القرابة التي عليها بيقولوا ليا خال..
فحكيت ليها القصة التي تروى عن الفنان الراحل المقيم عبد العزيز محمد داؤد لمن في حفلة واحد قعد ليهو قدامهو وكل شوية "يا خال" ما تغني لينا شنهو وغني لينا كدآ وما تغني لينا دي.. فيحكي أنه أبو داؤد زهج وقال ليهو: منهو إتا ما عرفت ياتهو فيهم لأني عندي أخت وااااااحدة وعندها ولدين واحد مات والتاني .... فإنت ياتهو....
بعدها طبعن كبيت ليها أعذار الدنيا والأخرة وإستشهدت بي واحدة من الردود الهنا في بوست الكُبر.. عشان أوريها حقيقة الكبر بفك لجام لسان البعجز وبيخليهو ينطلق ويعربد....
طبعن دي برضك فيها إعتزار شديد ومكرر للحبيب زين العابدين حسن لو أخد علي خاطرهو الغالي عندي...:cool::cool::cool:

[بابكر مخير]

يا الله

https://www.youtube.com/watch?v=HCJBZwrKCuk

[imported_عبدالله الشقليني]

حبيبنا دكتور بابكر
تحياتي
قالوا الكًُبُر لذيذ ، صحي؟

تغلطوا إنتو يالحلوين ..

https://www.youtube.com/watch?v=fIw0XSg-c8k

[بابكر مخير]

آآآآآآآآآآآآآآآآآآآآآآآآآآآخ

http://sudanyat.org/vb/uploaded/851_1568233755.jpg

[بابكر مخير]

قال الشاعر عمر قدور ما معناهو؛ يتمنى لو رجع السودان خمسين سنة لي ورآ..
قولة تحير..
هل هي تفاؤلية أنه ممكن تحصل والسودان يتطور وينصلح حالهو ويقدر يرجع الخمسين دي طبعن ما معروف في كم سنة لكن المهم أنه يحصل..
طيب قبل خمسين سنة كان المذيعين في التلفزيون ناس حمدي بدر الدين ومتوكل كمال ومدير البوليس أبارو ومدير مستشفى الخرطوم عبد الحليم محمد وصوت حقيبة الفن يزهر يوم الجمعة والمقرئ كان عوض عمر وكان توزن الساعة بسفريات الخطوط الجوية السوداني مغادرة ووصول وسينما النيل الأزرق سبعين في المية حضورها من طلاب الجامعة وكانت سارة جاد الله سباحة دولية وعمنا جاد الله مخرج سنمائي والبربري السمك عندهو ولا أجود صحن يقدم في سافوي لندن ووييييييييييييييين ما داير تسافر تقدم باسورتك السودان وأكيد فيزتك مؤكدة.
ولا يا ربي هي تشاؤمية بمعنى وين وين تلقو ذي دآ..
لا قطار بتتحرك ولا خطوط جوية وطنية بقت تطير، لا فريق باسكتبول ولا فرقة أكروبات ولااااا مسرح قومي ولا إذاعة قومية بقت مسيسة بي إمتياز وإتصور كان عندنا حديقة حيوان وكمان هناك الجنيه الكان أبشنة ورنة وبتقول فيهو كم دولار حسي بقآ الكم الف في الدولار...
غايتهو أنا عشتها ديك وإسمتعتا..


http://www.sudanyat.org/vb/uploaded/851_1568261695.jpg

[بابكر مخير]

وشوف

http://www.sudanyat.org/vb/uploaded/851_1568261511.jpg

ولا شوف

http://http://www.sudanyat.org/vb/uploaded/851_1568261447.jpg

[imported_عبدالله الشقليني]

قال حبيبنا دكتور بابكر:
قال الشاعر عمر قدور ما معناهو؛ يتمنى لو رجع السودان خمسين سنة لي ورآ..

**

لو رجعنا خمسين سنة ، سنغادر الملف ونحن شباب :

و حيغني لينا ربشة :

إنت لس شباب يا فرايحي اللون يا اب عيون أحباب
أو الكاشف:
با صغير يا المحيرني ومتحير



https://www.youtube.com/watch?
v=vd_zcY9BC1Q


شوف الصغرة دي : شعر ووش مليح

[imported_عبدالله الشقليني]

https://www.youtube.com/watch?v=FtwyLHn1PKo

[بابكر مخير]

وتقول ليا سبت دودو
ما حد يسأل المبارة إنتهت كم لي كم..
كنت القون اللابس بنطلون :o:o:o


http://sudanyat.net/vb/attachment.php?attachmentid=1314&stc=1&d=1568298964

[بابكر مخير]

زمااااان زمن زمنا
كانت الدنيا راخية اللجام وما كان بنعرف شد الحزام وواطاتها رخوة حتى وهي ما مسفلتا تمشي بالنعال أميال بلا حجرن يعتر ليك وحياتها رخية اللحم كان بالأوقة والسكر بالراس والطحينية صفيحة والمزة ميكسدقريل mixed grill "قالوا واحد من ظرفاء أمدرمان عليه الرحمة أيام حكم الإنقاذ قال: البلد دآ ما برجعها لي أيام زمان إلا صفقة في الريفيرآ وسألهو المعنى؟ قال: تصفق يجيك الجرسون وتطلب نص وتوصيهو أنه صحن المزة تكون شية جمر"..
زمن زمنا
كانت العوروسات في الصيوان قدام بيت العروس والسيرة بالبصات تتحرك من بيت ناس العريس والعقد يجيبوا فيهو فرقة موسيقى البوليس وتلقى صحانة الكعك وحلاوة الملبس وليمونادة السكة حديد (وهي تلاتة أنواع؛ ليمونادة وجنجريل "بتاعت الزنجبيل" وبتاعت الفراولة "ودي باقي ليا قبال ناس الفانتا يعملوا بتاعتهم وظنيتها هي ملهمة صاحب البزيانوس الأصلي عشان يعملها (هنا غايتهو إلا شوقي بدري يورينا أصلن حقت منهو قب ما يشتروها ناس حجار)"
والعشآ كل صينية من العدد المهول البيطلع عشان عشاء ناس العرس مكوناتهو أساسها الضلعة ويزين الصينية كم من السلطات والبيدخل البذنجان مكون أساسي بيناتها وبعد دآك الحلو كستر أو جليي...
زمن زمنا
كانت المواصلات لمن خلاص بقت غالية ياهو الركوب الطراحة والطرحة من الخرتوم أمدرمان أو بالعكس بي طرادة وقبل كدي كان الترماج يلف بيك العاصمة ولي حسي بتذكر رنة الجرس لمن يدخل الأسواق...
زمن زمنا
زمنهو فاااااااااااااااااااااااااااااااااات :(:(:(:(:(

[imported_عبدالله الشقليني]

https://www.youtube.com/watch?v=MltDlAQf-m8

أيام زمان كانت أيام
كان فيها قصة قصة غرام
*
أيام الرفيرا كان التلج والرغيف مجاني
*

[بابكر مخير]

أيام الرفيرا كان التلج والرغيف مجاني
*

تعرف يابا
سياستنا في المندولا كدآ
لكن ناس الريفيرآ كان بعوضوا بي حق الإنصاص وأبو جمل الباااااااااردة
بس هنا لو قلنا يبقى نعوض بالقهوة. الزباين كلهم ضغط دم ومصران أعور ملتهب :(:(:(

[بابكر مخير]

مؤنسك المحبوب مع الكُبر هو إجترار الذكريات..
وتتذكرها بحلاوة يسبقها دايمن قولت "زمان" وهي بالنسبة للواحد..
البلي في أيام الإجازات وأيام إتا بصرفوا عليك ويشتروا ليك ويوفروا ليك المأكل والمشرب والملبس.. أيام كانت وظيفتك ومهمتك في البيت أسهل الوظائف وهي القراية وخاصة أيام الإمتحانات فكنت أنت السيد وكل أهل البيت في خدمتك. في محلك يسألوك عايز تأكل ولا تشرب وحتى قضاء الحاجة تلقاهم جهزهو ليك قبل ما تمشي وطبعن للمكان دآك وراهو منافع. أولن بتمشي براااااااااحة حتى أنك تأخد صنة حلوة من القراية "الغسبية" ولمن تصل تأخد ليك وقت مستقطع علي حساب المذاكرة ولول بقيت حريف بتأخد معاك واحدة من روايات أرسين لوبين. آآآآآآآآآخ لوكان زمان في موبايلات حسي ومعها السماعات. كنت ظنيتك كل خمس دقايق مسكتا بطن وجريت الحمام ما ما محتاج للمشئ البطئ ومضيعة الوقت لأنهو مع الموبايل أمتع جوآ....
لكن برضك مع إسترجاع تلك الذكريات الحلوة وبتجيك أسماء ناس حبايب كتاااار منهم الأكبر منك ومنهم دفعتك وهؤلاء كثير منهم إختارهو الله..
الذكريات فيهو الحلو وفيها المُر :(

[imported_عبدالله الشقليني]

الكبر دة ما ثقيل ، لكن مضحك أهو الزمن الكان بيمشي بطيء ، أها وصلنا الميس:cool: .
مين قدرنا .. كبرنا وراحت علينا ، بقينا ما بتدهشنا أي حاجة ، حتى الموت .
في التمانينات من القرن الفات كان معانا شغال بعد المعاش .
وكُنا بنتكلم عن ( المزة)
قال : كان عندنا صاحبنا في مصلحة الاسكان ، كان بيشرب ما يمز .. قام مات!

*
في الحقيبة أغنية بتقول :
بعد ذلك أموت .. ما في شك بفخربك
*

[بابكر مخير]

تفكر بعض مرات في المعادلة دي!؟
هل هو فرضاً لكل موجب، سالب ولكل سالب. موجب..
يا أخي أمسك الكُبر وهو سالب بالجد "بيعرفه إلا العايشهو ذي كدي"
الشباب وهو موجب بكل ما تحمل الكلمة من معاني..
الشر في شوفة بشة وأيام حكمهو..
وشوف الخير في ذي شيخ زايد عليهو الرحمة.
شوف النسمة لمن تهب حتى لو كانت إصطناعية من مكيف..
وشوف السموم المشيئة الإلهية...
الحب. الكرآهية
العلم. الجهل
الجمال بالمفهوم البشري والشنآ....
لكنك ممكن تمرق بنيجة..
أنه ما القصة سالب وموجب قدر ما أنه دآ طعم الحياة..
لو لا اللون الغامق ما بيبين البياض والغريب في القصة أنهو..
أنه البياض هو بتمثل في الضوء في وكت أنك لو كسرتا الضوء بتجيك الوان قوس قزح..
يبقى نظرية السالب ونقيضهو الموجب..
فكر الإنسان براهو...
ونرجع لي قولة المولى عز وجل..
"وَمَا أُوتِيتُم مِّنَ الْعِلْمِ إِلَّا قَلِيلًا"


الحسي إحنا فيهو..
الكان أسوء والجآي أحسن ولا برضهو سالب وموجب ..
الله وحده الأعلم

[بابكر مخير]

الشيخ فرح ود تكتوك قال: السفر بالبيوت والكلام بالخيوط... كلامهو دآ قالهوا في القرن السابع عشر وبقت حقيقة وعشنا وشفناها..
الحصل أنه فعلن سافرنا بالبيوت.. بتذكر عمي عبد الرحمن حسن الأمير يعقوب كان منصب عالي في السكة حديد وفاروق الطيب عليه الرحمة كان مدير البريد والبرق وكانوا إتنينتهم لمن يكون عندهم سفرية تفتيش ولا تفقد المواقع التحت مسئوليتهم بتكون بعربية سكة حديد مخصصة لهذه المهام وفي أغلب الأحيان تلحق بالقطار أن كانت المهم تتزامن مع سفرية لتلك الجهة أو بقاطرة مخصصة والعرلابية دي معروفة "بالصالون" وهذا الصالون داخلهو كل ما يمكن أن يتوفر في البيت "طبعن حسي ممكن ينقال عليهو استديو".
كسرة على قول "ساخر سبيل"
مرات يحصل نا تتكلم أنها لفت السودان لأنهو أبوهو ولا عمهو ولا خالهو المهم يعني الإتربا معاهم.. شغلهم كان بيستوجب عليهم التنقل بين مديريات السودان وكنت بحسدهم أنهم لفوا في السودان كتير.. لكن لقيت أني إلا الجنوب ما مشيتهو.. وكانت ياهو كا إجازة تقريبا بمشي كوستي لناس عمي أحمد مالك "لمن يهمه الأمر، والد نعمات زوج عبد الخالق محجوب" ومشيت بورتسواد لعمي محمد محمود عبد الكريم والد السفيرة زينب "قربت تبقى وزير خارجية" وعبد الله المأمون بدري "ود العم" وسنار كان ناس الصادق بدري وعمنا أحمد العبيد زوج عرفة عبيد عبد النور "شاعر يأم ضفاير قودي الرسن" والأبيض ناس قمبور والجميل كان في زيارت كوستي لناس الخالة حرم بدري وعمي عيسى الطاهر مخير أنه برضهو مشينا الجزيرة أبآ منبع الثورة وغيرهم فحسي لمن أتذكر دآ قلبي بيبرد أني برضهو شفتا الكتير في بلدي..
الكلام بالخيوط كان كلام الكلمات بالتلغراف وبعدين الحروف المرصوصة بالتلكس "العميد قسيم قال أنه الزول دآ ذي التلكس، ينضم ينضم وشوية يسكت توقل خلاص الحمد لله وبس تاااااااني تتتتتتتك تتتتتتك.. بعدها جاء التلفون كلام مسموع ومتبادل موصول بي سلك بين الطرفين المرسل والمتقبل وحسي ياهو المحمول والجوال والموبايل وسمه كم شئت ولكنه ما كان متضمن في نبوة شيخ فرح...
كما لم تكن متضمنة لناس سينما وتلفزيون وبعد ثنائي وثلاثي والرباعي في الطريق...
وهو دآ حال الدنيا...
زمنا كان البعد الثنائي حياة روتينية ذي لوحة مرسومة في حيطة
الحال الأن يشابه البعد الثلاثي صخب وسرعة تفرض عليك أنك تكون تتجاوب معاها
والجآي والما حنكون لينا فيهو كجة هو البعد الرباعي الهو يفغرض عليك تتعايش معاهو لأنه بيلفك بكلك وسطهو..
وإستعدوا لسداسي الأبعاد...
كِبرنا وعشنا يا الجميل الشقليني وحضرنا وشفنا نبوة ود تكتوك إتحققت...



https://www.youtube.com/watch?v=XiQVVKRBae4

[imported_عبدالله الشقليني]

[QUOTE=بابكر مخير;547571]الشيخ فرح ود تكتوك قال: السفر بالبيوت والكلام بالخيوط... كلامهو دآ قالهوا في القرن السابع عشر وبقت حقيقة وعشنا وشفناها..
الحصل أنه فعلن سافرنا بالبيوت.. بتذكر عمي عبد الرحمن حسن الأمير يعقوب كان منصب عالي في السكة حديد وفاروق الطيب عليه الرحمة كان مدير البريد والبرق وكانوا إتنينتهم لمن يكون عندهم سفرية تفتيش ولا تفقد المواقع التحت مسئوليتهم بتكون بعربية سكة حديد مخصصة لهذه المهام وفي أغلب الأحيان تلحق بالقطار أن كانت المهم تتزامن مع سفرية لتلك الجهة أو بقاطرة مخصصة والعرلابية دي معروفة "بالصالون" وهذا الصالون داخلهو كل ما يمكن أن يتوفر في البيت "طبعن حسي ممكن ينقال عليهو استديو".
كسرة على قول "ساخر سبيل"
مرات يحصل نا تتكلم أنها لفت السودان لأنهو أبوهو ولا عمهو ولا خالهو المهم يعني الإتربا معاهم.. شغلهم كان بيستوجب عليهم التنقل بين مديريات السودان وكنت بحسدهم أنهم لفوا في السودان كتير.. لكن لقيت أني إلا الجنوب ما مشيتهو.. وكانت ياهو كا إجازة تقريبا بمشي كوستي لناس عمي أحمد مالك "لمن يهمه الأمر، والد نعمات زوج عبد الخالق محجوب" ومشيت بورتسواد لعمي محمد محمود عبد الكريم والد السفيرة زينب "قربت تبقى وزير خارجية" وعبد الله المأمون بدري "ود العم" وسنار كان ناس الصادق بدري وعمنا أحمد العبيد زوج عرفة عبيد عبد النور "شاعر يأم ضفاير قودي الرسن" والأبيض ناس قمبور والجميل كان في زيارت كوستي لناس الخالة حرم بدري وعمي عيسى الطاهر مخير أنه برضهو مشينا الجزيرة أبآ منبع الثورة وغيرهم فحسي لمن أتذكر دآ قلبي بيبرد أني برضهو شفتا الكتير في بلدي..
الكلام بالخيوط كان كلام الكلمات بالتلغراف وبعدين الحروف المرصوصة بالتلكس "العميد قسيم قال أنه الزول دآ ذي التلكس، ينضم ينضم وشوية يسكت توقل خلاص الحمد لله وبس تاااااااني تتتتتتتك تتتتتتك.. بعدها جاء التلفون كلام مسموع ومتبادل موصول بي سلك بين الطرفين المرسل والمتقبل وحسي ياهو المحمول والجوال والموبايل وسمه كم شئت ولكنه ما كان متضمن في نبوة شيخ فرح...
كما لم تكن متضمنة لناس سينما وتلفزيون وبعد ثنائي وثلاثي والرباعي في الطريق...
وهو دآ حال الدنيا...
زمنا كان البعد الثنائي حياة روتينية ذي لوحة مرسومة في حيطة
الحال الأن يشابه البعد الثلاثي صخب وسرعة تفرض عليك أنك تكون تتجاوب معاها
والجآي والما حنكون لينا فيهو كجة هو البعد الرباعي الهو يفغرض عليك تتعايش معاهو لأنه بيلفك بكلك وسطهو..
وإستعدوا لسداسي الأبعاد...
كِبرنا وعشنا يا الجميل الشقليني وحضرنا وشفنا نبوة ود تكتوك إتحققت...




يالها من أيام سعيدة ، ربما ذلك بسبب قضاء زمان ، يجعلها تبدو جميلة. ربما ذلك كان تصورنا الحالي . التاريخ الذي تسرده أنت تاريخ نبيل ، وكوننا شاهدنا ذلك هو خير ، وأن الكبر لديه منافع .

ماذا ترى في كتابة ( مذكرات شخصية) ؟
يمكنك تجميع ما كتبت هنا ، وجدكم بابكر بدري كتب كراساته مرتين ، قبل أن يجمعها العميد. وكذلك كتب خضر حمد وإسماعيل الأزهري . ويعتقد د. منصور خالد أن جدكم كان أكثر شفافية ، ولا يستطيع أن يكون مثله.

[بابكر مخير]

يمكنك تجميع ما كتبت هنا ، وجدكم بابكر بدري كتب كراساته مرتين ، قبل أن يجمعها العميد. وكذلك كتب خضر حمد وإسماعيل الأزهري . ويعتقد د. منصور خالد أن جدكم كان أكثر شفافية ، ولا يستطيع أن يكون مثله.
[/SIZE]

الحبيب الغالي
قبل ما أقول حاجة. ويييييين للمرقوت يندسا في حيطان المرمر وبالعامية! شن جاب لي جاب وويييييين ليا من ديل..
قامات أسماهم بس نطقها الأبكم وذاتهم أقامت الدنيا وكل الكون متلم....
ديل يابا عندهم البيكتبوهو ويفرض علي الناس تقراهو.
أخوك العجوز دآ وذي ما قال:
القصد بس تذكير لأولي الأعمار الشابة وأنهو لا تلهيهم محاسن الدنيا ومفاتنها عن الواقع الراجيهم...
الكركبة والكلكعة، البشتنة والجهجهة، الحرمان ويبقى كلهو؟؟؟
كان زمان
وكان يا ما كان
في غابر الأزمان...
دآ كلهو غير المهم..
هو وينهو الصبر ولا القدرة علي القعدة ..
يابا في عمرنا دآ؟؟
الحمام ومساككتهو برآها ماخدآ تلات أرباع اليوم....
إلا خليها علي الله :cool::cool::cool::cool:

[بابكر مخير]

بعض تصرفات الزول الكِبر بتكون ذي الصخرة المتدرقة من راس الجبل صعب تنحاش، تردم وتهدم وتكسر ولا ذي السيل الضارب يشيل القدامهو وبشتن حال الخلق...
ما هو لمن يتكلم بيرمي دراب ولو ما وقفهو بنداح بي قولن حسب في الرأسهو وبي قولن إلا الله يجير السامعين. ما بشوف منهو المتلقية ولا المتلقي شوت ضفاري ولا بيهتم السامع في ياتهو حقبة من العمر ولا ياتهو مستوى علمي ولا وينهو الوضع الإجتماعي ولا المقام الأدبي...
لا وخليك من القول والكلام شوف الهندام.. تلقهاهو ماشي والبنطلون صيفي "ذي شبابيك الأوضة في الصيف" ما تعرفها لزوم الهمبريب ولا نتاج متلازمة الكِبر التخليك تفتش لي إسم زولن قرييييييب منك مدة دقايق وتبتدي ترص الأسماء حسب ما أسعفتك بيها ذاكرتك المنهكة الخربة...
بالله عليك محمد ولدي من ضهري كمين مرة أقول ليهو يا يوسف ودي طبعن القصة أنهو يوسف هو أخويا ولمن أكون داير أقول يا محمد، يقوم يجيني فلاش بآك بتاع يوسف لمن كان في عمر محمد حسي وأنا أهون حالن من "مدون كما كان يطلق عليها من كل إخواتها واخوانها" الوالدة عليها الرحمة. كان لمن تنادي عزيزة ترص ليك يمكن نص أسماء بنات الأهل ومن أكبرهن عمرا ونازل لي الأصغر والوقت دآك تكون عزيزة عرفت أنها المعنية وتوفر للوالدة عناء ذكر الباقي منهن...
أخي الحبيب قال:
جدكم كان أكثر شفافية ، ولا يستطيع أن يكون مثله.
[/SIZE]
يابا
جدي كتب الكلام وكت القلوب متصافية وإن خلاااااااااااص الزعلة كانت من قولتن ولا سطرن بنكد أسوء ما يوصف به الإنسان أنه قولهو "سفيه بمعنى مستتفه نسبتن للقول ولست للشخص" وحتى ظاتهو وكتها كانت بتكون محصورة في نطاق محدود.. وكتها ما كان الكتاب بيحظى بيهو كل زول ولا المكتوب بيقراهو كل فرد وحتى البيقرآ ولو دار يقولهو بيتحسس من الكلام "الشفاف (علي قولك :))".
حسي يابا حتى ولما قلتا بيقولوك وإن ما درتا بيغسبوك..
الفهم أنحصر في مساحات ضيقة بعد كانت أفقهو واسعة...
قول بي غيرة القصد منها المصلحة ولا بي نقد من أجل إصلاح ولا بي قولن ياهو الصاح والحق..
إلا بالله يندموك علي يومك الإتلودتا فوقهو...
الثقافة والحضارة وقيمة الإنسان هي المقياس فيما تكتب..
أمسك عندك ذي منصور خالد زولن متعلم وفاهم يقول: أنه بابكر بدري أكثر شفافية.. طيب الدكتور إتعلم في أوربا وحتى ممكن نقول أنه أقرب ليهم مننا لكن برضك معشش في مخه أنه في خطوط حمر لا تذكر.. مع أنه الأوربي وخليهو يكون صاب من الصيت والشهرة مرتبة لا يص ليها إلا القليلين، بلا أيتها حرج لون "مثليي" يصارح بيها ولو هو حتى ما عارف لياتهو أبو بيذكرها وأنه عايش مع صديقتهو أو صديقهو وأنه عذريتهو أزيلت مع منهو ولا شنهو وأنه وأنه...
وتقول ليا يابا أكتب..
هو أنا حامد الله أنه هنانا إلا عكود وكان الجيلي (إتو الجميل أبو الجميل وينهو:cool:) وطبعن (بي حق الرباطاب) أهلي الهنا معانا ما بتعرف المخفي بين السطور :eek:...
خليهم يدوني الأمان وبطلق ليك قلمي بالمكنون لمن أخليهم يقولوا ما شفاف لكنهو عدييييييييل مجنون ;););)

[بابكر مخير]

A study in the United States shows that over 51% of Old people fall-down while climbing stairs every year, many Americans are killed by falling while climbing stairs.
After 60 years. 10 actions should be avoided
Do not climb staircase if must climb, hold on firmly to Stair-case railings.
Do not rapidly twist your head warm up your whole body first.
Do not bend your body to touch your toe. Warm up your whole body first.
Do not stand to wear your Pants. Wear your pants while sitting down.
Do not sit up when lying face up. Sit up from one side (left hand side, or right hand side) of your body.
Do not twist your body before exercise. Warm up whole first.
Do not walk backwards, falling backwards can result in serious injury.
Do not bend waist to lift Heavy weight. Bend your knees and lift up heavy object while half squatting.
Do not get up fast from bed. Wait a few minutes before getting up from bed.
Do not over force defecation. Let it come naturally.
One more important thing you must be active always think positive as life has started now only after all these years of hard working now it's time to enjoy life

[بابكر مخير]

من أجمل الأشياء الزول بيسعد بيها..
الإطراء دآ بيخلي علي قولنا الرأس يكبر ويدي دافع إيجابي قدر ما كان العمر والظريفة فيهو أنك ممكن تتغشآ وتتحفذ أنك تعمل حاجات فوق طاقتك أو دون وضعك الإجتماعي المفروض تكون فيهو مثلن شوف البشير كيف كان بيتغشا لمن تنابلتهو يلعبوا ليهو موسيقة العرضة ويقوم يعرض وهو فوق السبعين وركبهو غير المجهودات من تسلق الأماكن العالية من سلالم طيارات وسلالم القصر الجمهوري وسلالم بيتهو ركبهو أصلن إتعمل ليهن تغيير وما بيراعي أنه رئيس جمهورية ولا مشير قي الجيش...
لكن كمان ما بس الجانب السلبي بتاع البشير دآ حسي في البيت تكون عندك مرقة كدآ وإتصور أنك لبست الجلابية ولفيت العمة ولفحت الملفحة وأم العيال الإتا وهي فوق السبعين قالت ليك ما شاء الله ويغطيك من عين الحسود. ما شعرت جلدك بتكلب وتقول لبدن المراة دي أفرحها بي شيتن لمن أرجع يعني فتيل ريحة ولا توب شيفون.. يعني كأنه صدق وكأنهو ليها هي فتيل الريحة ولا الشيفون لو من أغلى العطاريين حيصلحوا ما أفسده الدهر..
خليك من الجلابية... حسيييي دي الواحد لمن يجي مارق من البيت وهو فوق السبعين ملعونة الأصل ولي سببين "بتبقي الحياة مسيخة وطويل علي الزول أنه ما مشى وإرتاح" تلقاهو يصلح من هندامة ومستني يعني الناس حتى بي عيونهم بس يشعرهوا بذرة من الإطراء... عشان يعمبب ويفرح وينشرح... ويترفع وزرهو الأثقل كاهلو ...

[بابكر مخير]

الواحد بصل عمر كدآ يشعر فيهو بالمسؤولية.
مسؤولية نحو الأصل والفصل. مسؤولية نحو الذي مضى وما هو قادم..
مسؤولية الأسلاف ومسؤولية البذورة وبذورها..
مسؤولية بقولة الحق ومسؤولية بضحد الباطل..
مسؤولية نحو الإسعاد ومسؤولية نحو نبذ التعاسة..
مسؤولية الهواء النقي ومسؤولية في محاربة تلوث البيئة..
بإختصار الإحساس بالمسؤولية الشاملة وهذا الشعور بيكسب الزول ثقة في نفسه مفرطة فيقول قولا حكم كريما...
وعليه أقول:
أيها الشعب العظيم
أنتم أبناء تهراقا، أبناء الكندآكة، أبناء الصالحين الأكآرم..
قمتم بثورة لم يسجل التأريخ لها مثيل، ستذكر في التأريخ لتضاهي كل الثورات التي سبقتها في كل العالم.
لا ننسى أن الثورة الفرنسية حين قامت أكلت نفسها والثورة البلشفية تسلمها جمع من الناس وتملكوها والثورة الإنجليزية بعثت في شعبها روحا إستبدادية فإستعمروا بلاد غير لهم (الإمبراطورية التي لا تغيب عنها الشمس) والثورة الأمريكية وهي كانت معترك للمستعمرين الإنجليز ضد الفرنسيين في أرض غير أراضيهم الثورة المخمليية "تشكوسلوفاكيا" التي كانت ضد حكم موروث من ثورة إستبدادية (البلشفية) وغير هذه وتلك من ثورات كان الدم يروي ساحاتها..
ثورتكم قدر ما كانت نتيجة تراكمات صبرتو عليها تلاتين سنة حتى خُيل للطغاة شذاذ الآفاق أنكم إستكنتم ولكنك الهبتموها كلكم في وقت واحد. بلا قائد فرد أو مجموعة محددة لكن كلكم فاصبحتم أنتم ملاكها...
الأطفال زنادها والشباب لهيبها والنساء وقودها والشيب هموا المتنعمين بمسكِها..
أولكتم مع بداية ثورتكم المشهودة للقادرين بالمسير بها نحو هدفها السامي وهؤلاء كانوا وهموا لا زالوا عند حسن الظن بهم...
فلا ترموا بهذا الشئ العظيم بهذا الإنجاز المذهل في مستنقع الثورات السابقات ولا تخلقوا ممن هموا أناس مثلكم ومثلنا أباطرة وفراعنة..
أهااااااا للكلام الجد...
البرهان (والمقصود العسكر كلهموا) لم يكن هو عدونا حتى نصب عليه جامة غضبنا ولا سيد صادق (والمقصود قيادات العمل السياسي غير الكيزآن) كان في يوم غير وطني حتى نرميه بنيران كرهنا...
كما لم يكن حمدوك هو ذآك الفارس الذي كنا نحلم به في مخيلاتنا. نحن هذا الفارس ونحن ذآك الحلم فافيقوا ولا تجعلوا منه آلة أو نبي الله الخضر..
اللهم أنت شاهدي لو صار هناك رد سوء على ثورتنا الفية القوية هذه وأنت نصيري في قولة الحق هذه التي أفصحت بها عن مكنوني...

[بابكر مخير]

أهي دي المسؤولية القلتا عنها...
سقط عن جون ميجر حاجز التبعية الحزبية للمحافظين فإنطلق بقول الحق...

https://www.youtube.com/watch?v=XpyKdGaqKpA

[بابكر مخير]

تصحى وذي كل يوم كالعادة من وجع جسم وهم دماغ وزنقة المثانة وشيلت هم الصلاة الفاتت وعليك تقضيتها وعكرة المزاج والخوفة من شوفت التلفون والمسكولات من الخايف يكونوا إتصلوا ومن الوليدات أنه وربنا يديم ليهم الصحة والعافية ما يكون في شئ ولا من رقمن إتا ما مسجل إسم سيدهو ويبقآ وراهو مصيب "مدهولة" والمصيبة الأكبر يكون من إستاف المندولآ" يقولوا المكيف ولا الكهرباء ولا بتاع البلدية...
بس تتوكل علي المتوكل وكاشف المخبئ والمستخبي وتلملم أطرافك المتهالكة وتبتدي في إجراءات القومة من السرير.. ودي طبعن إجراءات مستشفة من "قوقل" حيث الإرشادات القيمة لمن هم ف ذي عمري توضح أسلم الطرق للقيام من السرير والتي تحمل في مضمونها أنك لو ما إتبعتها بدل تقوم ذي الإنسان العادي؟ حتقوم قيامتك وهي؛ تقوم أولن تبادي كيف ما كنت راقد، تتسطح علي ضهرك وتنقلب علي جهة أرضية الأوضة وتنزل رجلك الفوقانية علي جهة الأرض وتحاول "أهم شئ تحاول دي" تجلس علي حافة السرير وتجلس علي إستقامة تسعين درجة وبالإعتماد التام علي عضلات الورك الهي أصلها بقت "جلافيط" تبدتي في عملية القيام ويستحسن يكون جمبك شئ صلد ومتماسك ما بينزلق أن تتكل عليهو "أوعك تتكل علي حيطة مايلة لأنها بتلحقك جدودك لو وقعت ووكسرت الحوض "طبعن حوض ناس السبعينات الأقوى منهو عود العشر الناشف، نسمة وينكسر"..
تقوم ولإلتزامك الخلقي والأدبي والإجتماعي والعاطفي نحو الناس المحترمين في (www.sudanyat.net) البيقوا بوست "يا أخي الكُبر دآ حاجة ثقيلة بشكل" طوالي تنادي علي من يعينك في إيجاد النظارة بتاعت القراية وتتلبسها وعلي طول لي اللابتوب وتفتح البوست قبل كل شئ ومثل تسطر هذه الحروف وبعد ما تخلص تتجه لي صفحة الوورد word في اللابتوب وتشوف كم من "المجاملين" القروا ليك ووتأكد أنه هناك لساتها الدنيا بي خيرها وفي ناس طيبة بتجامل...
شكرا ليهم كتييييييييير :cool::cool::cool::cool::cool: .......
شفتهو كييييييف الكُبر إناء ينضح بما فيهو من معادن..
حكاية رسلها صديق في الواتساب: كويتي في القاهرة يقول: دخلت فندق الفيرمونت وأنا أبدخل الفندق نزلت كل إللي في جيبي عشان أعدي الإطار كاشف المعادن حق الأمن، ومع ذلك دق الجرس!!
قلت لرجل الامن: غريبة ليه دق الجرس مع اني نزلت كل حاجة؟!
قال لي : لأن حضرتك "معدنك" أصيل.
أهلا بك في القاهرة
يخرب بيتك
يقول : اضطريت اعطيه ١٠٠ جنيه...
وأنا رديت عليهو وقلتا ليهو: لو كان زولك الكويتي دآ وقع ليهو في رباطابي. كان قال ليهو..
لأنك زئبق والزئبق معدن "ثقيل" وجآي بلدنا قايل أنك أحمر "بقصد الزئبق" شان تغنآ... راجع جدول مندليف "الزئبق يحتل منتصف جدول العناصر الدوري مثله مثل بقية المعادن كالذهب و التوتياء .......

[بابكر مخير]

نبدآ بي عزيز خطاب وقولة مخير الله في ريدهو ومرورا عبر "المسافة" الحسيب النسيب ومحطات تعبرها بتلذذ قولهم عني وأحلاها تلك المحطة التي يافطتها تقول أو ما معناهو (سيد المحبة) وهذه المحطة فيها وقفت أنا شخصيا وترجلت عن قطار الإشادة وتأملت معناها.....
لقيت أنه ربما هي تصرف لي وأنا ذآك الواهِن في أمر المحبة.. لأن الحقيقة تقف ماثلة في من هو الأجدر والأحق والأكثر محبة..
الا وهو الحبيب الغالي الجميل والحلو صاحب الكلمات المنتقاة والبوستات الجميلات و"الجُمال" لا تعطش من ذوق ولا تتعب من المروق لمسافات طوال ولا تكاد أن تمل أو تعجز من السفر في دروب القول الجميل..
الباشمهندس معتصم الطاهر..
شوف أمشوا وأدخلو في "مشاهدة جميع الاحصائيات" وإختارو "البحث فقط عن المواضيع التي كتبها معتصم الطاهر"...
هناك تلقو المحبة في كل سطر بمعناها الحقيق..
دمت لنا رب المحبة أبداً :cool::cool::cool:

[imported_عبدالله الشقليني]

دكتور بابكر
تحياتي
دحين طريت معتصم الطاهر
https://www.youtube.com/watch?v=1yZa5GMwPtQ

[بابكر مخير]

[QUOTE=عبدالله الشقليني;547677]
دحين
[QUOTE]

كلمة تراثية لمن تتشرح تلقى فيها الكتييير المثير الخطر
ترمى أحيانا جزافا وبلا مضمون فيها ولا حذر
وتقال مرات بقصد دآ الحين وفي هذا الوقت المستمر...
هل هي كلمة أمدرمانية لأني أستعملها كثيرا وثقافتي في الكلمات واللهجات العامية السودانية ورغم عروقي الغرباوية والرباطابية إلا أنه يغلب عليها الديالوق الأمدراني الصِرف وهي تقال لربط الحديث ببعضه..
يعني في نص القول الشفهي ولا القول المكتوب تاخد ليك كسرة من دربك لي موضوع ممكن يكون إنصرافي أو ذو علاقة بالأمر وللرجوع لي الدرب بعد "عوجة الدرب" تبقى قولة دحن هي النور الأخضر للعبور في خط سيرك ومواصلة القول الساسي.
وهي برضك بي عاميتنا تقال حال الإستفسار عن أمر يعني مثن تقول؟
كدي إتا بشة ياهو الكان رئيس وحسي حالهو تعيس...
"تعيس" دي ذكرتني رسالة واتساب ذكرى من أيام كان السودان (وإن شاء الله راجع) بلد قمة في الإنضباط والنظام والعدالة....
قصة "تيس" مصلحة السكة حديد في حينها...
_________________
تيس السكة حديد....
هيئه السكه حديد كانت تعتني بعمالها عنايه خاصه وتوفر لهم كافه سبل المعبشه والراحه خصوصا اؤلئك الذين يعملون في المحطات الخلويه.
كان يعطي كل عامل معزات للبن .بدون فحل طبعا.
اما الفحل التيس فيوجد في الرئاسه فقط ويتحرك بامر مكتبي لاداء خدماته في مختلف المحطات المطلوبه. تحجز له قمره خاصه باكلها وشرابها. يظل التيس متتقلا بين المحطات لاداء واجبه الوظيفي حيت بستقبل بحفاوه واكرام.
للتيس فايل ضخم يبين تحركاته والبرقيات التي ارسلت في طلبه واحيانا طلب تمديد له.

http://sudanyat.net/vb/attachment.php?attachmentid=1315&stc=1&d=1570154472

السيد التيس شخصين.....

http://sudanyat.net/vb/attachment.php?attachmentid=1316&stc=1&d=1570154621

[بابكر مخير]

مع الكُبر
كلمة تفرح
شوفة بتسعد
قولة تطيرك السمآ
أعجبني اليوم في سودانيات لمن فتحت المنتدى أني لقيت بوستي بتاع الكُبر في المرتبة العاشرة..
زمان كان في الخمسة الأوائل "طبعن في حياتي الأكاديمة من الروضة لين خلصت الجامعة ما صبتها ولا حتى كنت بشعر بغيرة لمن قسيم وكوريا وعلي وعزيزة ويوسف يحرزوا هذه المكانة ولا حتى لمن يحكوا عن ترتيب أبوي الأكاديمي ولا جدي الخضر بدري الكان ملقب بالبرينجي"...
شعرت بأنهو سودانيات حالها حال السودان..
رجعت ليها العافية
حفظكم الله ومنآي أني بكرآ القى بوستي في الصفحة التألية.....
:cool::cool::cool::cool:

[عبدالحكيم]

ماهو باين ...


الظاهر عليك وانت تقلب في الصفحات وحسيت بالـ 69 ديه ..
ولو لم تأتي بهذا البوست لعرفناك وقد طالك الكبر .. وخلينا مستورين لامن صاحب الوداعة يأخذ وداعته ..

على كل هي مرحلة عمرية يمر عليها كل من يدركها .. ومرحلة الأوجاع ديه بسيطة ..
وانظر الشاب قيس إلى جوارك .. متعه الله بالصحة والقوة ..
هكذا الحياة ..

‏اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ ) ‏ الروم ‏:‏ 54

وفي يومك هذا نزف لك خالص التهاني .. وعقبال الـ 110 شمعه :D

( 999 ) مشاركة حجزتها ... يعني باقي مشاركة واحدة ويبلغ الــ 1000 مشاركة .
كانت هذه مشاركتي الأولى في هذا السفر الماتع ... ولا زلت اية اضافة اتلقفها وفاهي فاغر ... وتذكر هذا الثقيل وأيامنا ماضية ...
علنا تعلمنا الأيام ..

طول الله في عمرك ... على الطاعة ونحن معاك ...

https://www.youtube.com/watch?v=KXeiZ4SPb3M