المساعد الشخصي الرقمي

مشاهدة النسخة كاملة : *** مصطلحات عامّية سودانية ***

الصفحات : 1 2 3 4 5 6 7 8 9 [10] 11 12
همس الشوق
16-03-2011, 06:19 PM
انتو نار القصب دي بتتكشم كيف

قدر ما حاولته اتخيل التكشم غلبني
فتحي مسعد حنفي
16-03-2011, 06:28 PM
حولااااا !!!!! الواحد قاعد مع متاحف طيبة طيبة :D
غايتو الورور دا غير طير مانا خابرنو ...



داك اسمو الوروار ياجاهل الورور هو الفجل الصغير لا يزيد حجمو عن سنتمترين يؤكل مع أوراقه..وهو يكون مع الصفق الورور..
أشتر
16-03-2011, 07:25 PM
داك اسمو الوروار ياجاهل الورور هو الفجل الصغير لا يزيد حجمو عن سنتمترين يؤكل مع أوراقه..وهو يكون مع الصفق الورور..

غايتو لو ما أكبر مني وبحترم احساسك الحلو ومكابستك معانا دي في سبيل الارتقاء إلى المصاف .. كنت أورورك جنس ورورة في الدنيا دي ... ويا الدلجة أمسكي عليك شهيد هعهعهعهعهعه
كدي اول هام راجع معلوماتك عن الورور وبعديها الوروار واديني النتيجة في الخاص ...
النشوف البورور فينا منو من صباح الرحمن ...
زي ورورة الرشيد بدوي عبيد دي !!!!!!

على فكرة عندنا ليها معنى تاني ودي من مصطلحات الباك استريت بويز الغير متداولة ;)

ملحق :
انا في مسكين بابا ونطلب من سيادتكم اللطف فينا لو حبيتو تمسحو بينا الواطة :D
طارق صديق كانديك
16-03-2011, 07:43 PM
المشاركة الأصلية كتبت بواسطة شبارقة


بمناسبة العلوق أهلنا بيقولوا : علوق الشدّة ما بنفع ..... المثل ده معناهو شنو ؟

علوق الشدة موش ياهو (الضواقة ساكت) لا تسمن ولا تغني من جوع ...
زي الزول العندو شوال (أمباز ولّ همباز الله أعلم) وعندو 147 بقرة يقوم يكبو ليهن كلهن تطييب خواطر ساي ...
الاجابة بتصرف غايتو ...
أصلا مما جبت ليكم سيرة العلوق يانا الخاشين الزريبة :D


والله يا اشتر خذلتني خذلانا مبيناً ... !!looool

يازول ( ضواقة ) شنو .. !!:D

علوق الشدة .. الفكرة فيهو انو ينوي الرجل ركوب دابته مسافراً أو متجولاً وهو ( يشد) فيها .. أي يضع السرج* علي الدابة .. واثناء ذلك .. يأتي بالعلوق* لتأكل .. فلا تستفيد الدابة منه في مهمتها الآنية ... !!

وكتير بيستخدم للزول البذاكر في وش الامتحان :D

* السرج .. مقعد خشبي /حديدي يوضع على ظهر الدابة :)
* العلوق .. الأكل الذي يقدم للبهائم .

المتداول .. أمباز ... همباز دي شوف ليها مكان غير الحتة دي looool

ياخ لقيتك حنكوش والله :D
أشتر
16-03-2011, 07:54 PM
والله يا اشتر خذلتني خذلانا مبيناً ... !!looool

يازول ( ضواقة ) شنو .. !!:D

علوق الشدة .. الفكرة فيهو انو ينوي الرجل ركوب دابته مسافراً أو متجولاً وهو ( يشد) فيها .. أي يضع السرج* علي الدابة .. واثناء ذلك .. يأتي بالعلوق* لتأكل .. فلا تستفيد الدابة منه في مهمتها الآنية ... !!

وكتير بيستخدم للزول البذاكر في وش الامتحان :D

* السرج .. مقعد خشبي /حديدي يوضع على ظهر الدابة :)
* العلوق .. الأكل الذي يقدم للبهائم .

المتداول .. أمباز ... همباز دي شوف ليها مكان غير الحتة دي looool

ياخ لقيتك حنكوش والله :D
حنكشتي انا خلها يا اللخو بس سرج حديدي دا ما ادونا ليهو ...
موش كفاية (الدبرة الـ في دبر الراكب) كمان نجيب للدواب دبر في صمّة خشمو ...
أشتر
16-03-2011, 07:57 PM
انتو نار القصب دي بتتكشم كيف

قدر ما حاولته اتخيل التكشم غلبني
لو قلت ليك كدا ما بتشوفي ..
إلا يجي يصوّرا ليك شبارقة احتمال لاقتو نار بتتكشّم ...
فتحي مسعد حنفي
16-03-2011, 08:12 PM
غايتو لو ما أكبر مني وبحترم احساسك الحلو ومكابستك معانا دي في سبيل الارتقاء إلى المصاف .. كنت أورورك جنس ورورة في الدنيا دي ... ويا الدلجة أمسكي عليك شهيد هعهعهعهعهعه
كدي اول هام راجع معلوماتك عن الورور وبعديها الوروار واديني النتيجة في الخاص ...
النشوف البورور فينا منو من صباح الرحمن ...
زي ورورة الرشيد بدوي عبيد دي !!!!!!

على فكرة عندنا ليها معنى تاني ودي من مصطلحات الباك استريت بويز الغير متداولة ;)

ملحق :
انا في مسكين بابا ونطلب من سيادتكم اللطف فينا لو حبيتو تمسحو بينا الواطة :D


لأ احنا كدا نروح الاسم وهناك نشوف لينا ظابط يحكم بيناتنا..
ياشبارقة تعال شوف الود دا بقول في شنوlooool مش انت برضو في مجلس الادارة:confused:طيب ما تشوف شغلك ياخ..الزول دا بيسيئني بالبارد المغتغت عشان أنا أمي هندية;):D:D
شبارقة
17-03-2011, 07:07 AM
انتو نار القصب دي بتتكشم كيف

قدر ما حاولته اتخيل التكشم غلبني


إلا يجي يصوّرا ليك شبارقة احتمال لاقتو نار بتتكشّم ...

إنتو باين عليكم بتقروا سطر وتفطوا سطرين ... في الصفحة السابقة شرحنا ما المقصود بالتكشم وكيف نار القصب تتكشم وتتبسم .. وحلاوة وخفة دم :) ... وعشان عارفكم ما عندكم وقت للرجوع للصفحة السابقة جبت ليكم الإقتباس هنا وياهو ده :
ماهو التكـِشـِم ؟

التكـِشـِم هو الإبتسامة المتقطعة :) الواحد يبتسم ويقفل خشمو ويبتسم تاني وهكذا وهو ما يشبه نار القصب تماما ً (الشرار يتصاعد ثم ينقطع فجأة ويتصاعد مرة تانية وهكذا)
شبارقة
17-03-2011, 07:10 AM
ويا الدلجة أمسكي عليك شهيد هعهعهعهعهعه


:D:D
شبارقة
17-03-2011, 07:27 AM
وكتير بيستخدم للزول البذاكر في وش الامتحان :D


تعرف يا طارق أنا أول مرة أسمع بالمثل ده كنت داخل إمتحان الكيمياء في إمتحان الشهادة الثانوية (إبريل 1982م) ... وبعدما تهيأت للخروج من المنزل للمدرسة فجأة إتذكرت إني مفروض أراجع (إختبار الحلقة السمراء) وقمت بفتح كتاب الكيمياء فأنتبهت لي الوالدة (أطال الله عمرها) وقالت لي : يا ولدي خلاص ... كفاك القريتو ... علوق الشـَدَة ما بنفع.

فلذلك الحمار (بلا مؤاخذة) بعدما تشد السرج عليهو وتظبط الكـرّاب والضـنّاب واللجام بتكون خلاص همـّمتو لرحلة لا تخلو من المشقة ... وبعدما يشيل الهم بتتقفل شهيتو للعلوق (ولو جبت ليهو كنتاكي زاتو :)).
شبارقة
17-03-2011, 07:36 AM
الورور هو الفجل الصغير لا يزيد حجمو عن سنتمترين يؤكل مع أوراقه.


أنا بعرف الوِرْوِرْ يا خواجة بحكم إني درست في مصر ... لكن في السودان هذه الكلمة غير مستعملة (حسب علمي) ... والله أعلم.
أشتر
19-03-2011, 09:10 AM
إنتو باين عليكم بتقروا سطر وتفطوا سطرين ...
بالعكس ... بنقرا ما بين السطور وبنفُط السطور :D...
ياخ اجابتي تهكمية لا تخلو من المساخة الغرض منها تحريك الساكن ومنشحط ...
بعدين ياخ التعريف غير التصوير ولّ ما كدا ؟؟
طارق صديق كانديك
19-03-2011, 09:17 AM
تعرف يا طارق أنا أول مرة أسمع بالمثل ده كنت داخل إمتحان الكيمياء في إمتحان الشهادة الثانوية (إبريل 1982م) ... وبعدما تهيأت للخروج من المنزل للمدرسة فجأة إتذكرت إني مفروض أراجع (إختبار الحلقة السمراء) وقمت بفتح كتاب الكيمياء فأنتبهت لي الوالدة (أطال الله عمرها) وقالت لي : يا ولدي خلاص ... كفاك القريتو ... علوق الشـَدَة ما بنفع.

فلذلك الحمار (بلا مؤاخذة) بعدما تشد السرج عليهو وتظبط الكـرّاب والضـنّاب واللجام بتكون خلاص همـّمتو لرحلة لا تخلو من المشقة ... وبعدما يشيل الهم بتتقفل شهيتو للعلوق (ولو جبت ليهو كنتاكي زاتو :)).

:D:D:D


التحية ليك وللوالدة أطال الله عمرها

-
حول الكنتاكي .. برضوكلامك صاح :)
أشتر
19-03-2011, 09:17 AM
أنا بعرف الوِرْوِرْ يا خواجة بحكم إني درست في مصر ... لكن في السودان هذه الكلمة غير مستعملة (حسب علمي) ... والله أعلم.
كلامك صاح لكن الوِرْوِر يا شبارقة نوع من الطيور ...
ممكن تقول عندنا الجِروِل .. برضو نوع من الطيور ...
شبارقة
20-03-2011, 09:16 AM
بعدين ياخ التعريف غير التصوير ولّ ما كدا ؟؟

طبعا ً نحن الشعب الوحيد الذي يقوم بالتصوير في كلامو :
فوووووو - طااااخ - ترااااح - كو كررررو - جمبلق :)
شبارقة
20-03-2011, 09:28 AM
حول الكنتاكي .. برضوكلامك صاح :)


فعلا ً كلامي ما صاح (مالنا ومال اللغاويس دي) نحن ناس بريدا بي روب ساااي :)
أشتر
20-03-2011, 09:48 AM
طبعا ً نحن الشعب الوحيد الذي يقوم بالتصوير في كلامو :
فوووووو - طااااخ - ترااااح - كو كررررو - جمبلق :)
عاين
امبارح في واحد معانا هنا اسمو عبداللطيف النقر قال :
موقّفا الناس على رجل واحدة ...
طبعن هو بتكلم عن بت شديدة فهل بأوامر منها موقفاهم ولّ شنو الفكرة ؟؟؟
فوووووووو عندي شغل بجيك بعدين خلي لي اجابتك هنا وشكرا
سمراء
20-03-2011, 11:55 AM
فعلا ً كلامي ما صاح (مالنا ومال اللغاويس دي) نحن ناس بريدا بي روب ساااي :)

وطبعا برضو ياشبارقة فى احيان كتيرة عندنا عبارات منجورة دالة على الفعل ...
لغاويس نموزجن :D بالله الكلمة دى قاعدة تكلب شعرة جلدى :D

من هنا ياريت تورينى
المفرد من عبارة (لغاويس) و(المؤنث منها ) !

وايضا من ايت اتت عبارة (شعرة جلدى ...كلبت ):D

وشكرن :D
شبارقة
20-03-2011, 11:59 AM
ولّ شنو الفكرة ؟؟؟


الفكرة إنو الواحد من شدة الإندهاشة ومن غير ما يشعر (بدل ما يخت الـ5 في الـ2) تلقاهو واقف وخاتي قدم كراعو اليسرى (نعم اليسرى) في رُكبة اليمنى ... زي الديك :)
سمراء
20-03-2011, 12:07 PM
شبارقة مالك ياود امى فى شنو ؟؟ :D
اسع المشاركتين ديل ماقاعدين يتشابهو !
غايتو
أشتر
20-03-2011, 12:24 PM
الفكرة إنو الواحد من شدة الإندهاشة ومن غير ما يشعر (بدل ما يخت الـ5 في الـ2) تلقاهو واقف وخاتي قدم كراعو اليسرى (نعم اليسرى) في رُكبة اليمنى ... زي الديك :)

ويقوم مع ظهور الجدادة في الأفق يستعد للكوشة ململما ريش الخيبة والهزيمة هعهعهعهعه
أريتو كان ختّ الخمسة في الاتنين وطلع طوالي ...
حِليلِن هِن !!!!
وحلييييل البوقّفن الزول على فَدْ رِجِل !!!!!
الرجال عرفناهم ماتو في كرري ... النسوان ديل الكتلن شنو !!!!!!!
شبارقة
20-03-2011, 12:24 PM
من هنا ياريت تورينى
المفرد من عبارة (لغاويس) و(المؤنث منها ) !

وايضا من ايت اتت عبارة (شعرة جلدى ...كلبت ):D

وشكرن

لغـوّس يلغوس لغوسة ً ...واللغوسة واللغاويس كلمة خليجية موغلة في البداوة ... وهي كلمة تنفع جمع مؤنث أو جمع مذكر (أو الإتنين معا ً) لا تستخدم في حالة المفرد وهي كلمة لا أصل لها (ممكن تكون مستحدثة) وهي تعني اللخبطة أو الشي المبهم ... واحد قال للتاني عازمك لغاويس وهي إشارة إلى أكلة تحتوي أكثر من صنف (كمونية مع أم دقوقة مع طحنية وشعيرية...إلخ)

شعرة جلدي كـلـّبت
كـلـّبت صيغة مبالغة أصلها كَلِبَتْ وهي تعني البروز أو الخروج أو الإستقامة

قال الشاعر :
للهِ بردُ خوارزمٍ إذا كَلِبَتْ أنيابُهُ وكَستْ أبدانَنَا الرَّعدَا


والله أعلم ،،
سمراء
20-03-2011, 12:31 PM
كـلـّبت صيغة مبالغة أصلها كَلِبَتْ وهي تعني البروز أو الخروج أو الإستقامة
قال الشاعر :
للهِ بردُ خوارزمٍ إذا كَلِبَتْ أنيابُهُ وكَستْ أبدانَنَا الرَّعدَا

والله أعلم ،،

علمو وااسع والله !!
والله ماكنت متخيلة انو العبارة دى عندها مرجع ! قلت ياهو نجر اهلنا ديل

ذى عبارة : فلان ده مطموس !
شبارقة
20-03-2011, 12:51 PM
علمو وااسع والله !!
والله ماكنت متخيلة انو العبارة دى عندها مرجع ! قلت ياهو نجر اهلنا ديل

ذى عبارة : فلان ده مطموس !

بالمناسبة معظم كلامنا عربي فصيح

فلان ده مطموس

مطموس كلمة عربية فصيحة تعني ممسوح ... بنقول : اليافطة دي مطموسة أو الورقة دي مطموسة ما قادر أقراها (أي حروفها ممسوحة أوغير واضحة )

فلان مطموس كناية عن عدم الوضوح وعدم التركيز أو غير واضح الهدف.
سمراء
20-03-2011, 12:58 PM
بالمناسبة معظم كلامنا عربي فصيح
مطموس كلمة عربية فصيحة تعني ممسوح ... بنقول : اليافطة دي مطموسة أو الورقة دي مطموسة ما قادر أقراها (أي حروفها ممسوحة أوغير واضحة )
فلان مطموس كناية عن عدم الوضوح وعدم التركيز أو غير واضح الهدف.

فعلا كلامك صاح ياشبارقة فى المعنى المعروف عن (مطموس) ....بس
بتتقال لى معنى غير الوضوح !
غالباً للشخص المستهبل ..او الغارق فى غي ! او كثير الهذل ...اشتر نموزجن:D

طيب فى عبارة قالته حبوبتن لينا ..قالت لينا الزول ده ( مطلسـّم ) !!
اها تفتكر جاية من شنو ؟
شبارقة
20-03-2011, 01:31 PM
طيب فى عبارة قالته حبوبتن لينا ..قالت لينا الزول ده ( مطلسـّم ) !!
اها تفتكر جاية من شنو ؟

الطلاسم هي خطوط وكتابات ليس لها معنى مفهوم ... عادة يستخدمها السحرة والمشعوذين.... والزول المطلسم كناية عن الزول المجوْجو (نفسيا ً) إشارة إلى أنه قد كتبت له طلاسم (من أحد المعالجين)
أشتر
20-03-2011, 04:53 PM
فعلا كلامك صاح ياشبارقة فى المعنى المعروف عن (مطموس) ....بس
بتتقال لى معنى غير الوضوح !
غالباً للشخص المستهبل ..او الغارق فى غي ! او كثير الهذل ...اشتر نموزجن:D

كلامك بعيد من المعنى الاساسي للكلمة بس عشان حشرنا قدومنا البدخل هارب من جحيمٍ ما كاتمو في حشاهو قمتو قشيتوها فينا ..
لا بنقدر نحل لينا موضوع هنا !! لا نربطو !! ولا نطلع بنتائج ملموسة تاخد بيد المطحونين لبر آمن ...
فـ شنو ... نقوم نمسك لينا درب دربين ننجضم بمزااااااج اخير لينا من بعزقة افكارنا ساي ...
ما تنسي الوشوش الخدرا دي كلها صدقات وشكرا ...
سمراء
20-03-2011, 08:00 PM
كلامك بعيد من المعنى الاساسي للكلمة بس عشان حشرنا قدومنا البدخل هارب من جحيمٍ ما كاتمو في حشاهو قمتو قشيتوها فينا ..
لا بنقدر نحل لينا موضوع هنا !! لا نربطو !! ولا نطلع بنتائج ملموسة تاخد بيد المطحونين لبر آمن ...
فـ شنو ... نقوم نمسك لينا درب دربين ننجضم بمزااااااج اخير لينا من بعزقة افكارنا ساي ...
ما تنسي الوشوش الخدرا دي كلها صدقات وشكرا ...


شكلها ..والله اعلم ..دقت فى عارضتكم :eek:
ياربى اعتزر هنا ؟ ولا بهناك ؟
لالا يابت هو ماقاعد يحتاج لجنس ده ...اعتمادنا كلو على الويرلث !
الليلة يارب الويرلث ماتجى كتاحه تشوش الارسال :D

ثم انو صدقاتكم دى ياها المتكلين على الله وعلى سنيناتا !!
وهو نحن بنسوى شنو بلا سنيناتكم البمرقن بى يالطيف ...!
عموما غايتو لو عاملتونا بمبداء يوم ليك ويوم عليك ديك بنخلق عالم منالتواصل المحبب ، اللا بغلط عليك ...ولا بيوجع نخريك
اطردو انتو يا الاحباب ....نجيكم نحن بالجلطات :D
وجلطة جلطة وكرشة كرشة وزنقة زنقة ..ويحلنا الحلة هناى *



_______________________
* اخو هناية :D
أشتر
20-03-2011, 08:15 PM
شكلها ..والله اعلم ..دقت فى عارضتكم :eek:
ليه متكون راس الصوت هبش اضنينا ...
اعتذار شنو البكوسو عندك يا سمرمر ؟؟؟
عينتكم دي اسمها: أغلطو انتو يا الحلوين وجية مننا ما تعشمو فيها :D
نقعد نقابض معاكم كدا لامن الغربة تزهج مننا ...
طيب بتعرفي يعني شنو الفُكامة والحجامة والهجامة والنجّامة ؟؟؟
سمراء
20-03-2011, 08:38 PM
ليه متكون راس الصوت هبش اضنينا ...
اعتذار شنو البكوسو عندك يا سمرمر ؟؟؟
عينتكم دي اسمها: أغلطو انتو يا الحلوين وجية مننا ما تعشمو فيها :D
نقعد نقابض معاكم كدا لامن الغربة تزهج مننا ...
طيب بتعرفي يعني شنو الفُكامة والحجامة والهجامة والنجّامة ؟؟؟

غايتو بقدرة قادر قفلته نخرتى من الريحه الماعجبتنى فى درابك ياخ !:o
وده برجعو للمبداء الزكرتو فوق..
بس عينتنا دى والله من العينات النادرة الحدوث فى عالمنا المعاصر !! عارف ده برجع لى شنو ؟
لانو قاعدين نميز بين العينات كويس !!
وانت من العينة النادرة البتفوق فى نفاثتة ...الذهب goood
نفاثتة دى ماله بقت لى كيف كيف ..
سمراء
20-03-2011, 08:44 PM
نسيت اقول ليك الفكامة ماعرفتها !!
بس الحجامة والهجامة والنجّامة....عرفتهن تب
بس اخير ننتظر ا لجضّامة شبارقة goood
أشتر
20-03-2011, 08:55 PM
غايتو بقدرة قادر قفلته نخرتى من الريحه الماعجبتنى فى درابك ياخ !:o
وده برجعو للمبداء الزكرتو فوق..
بس عينتنا دى والله من العينات النادرة الحدوث فى عالمنا المعاصر !! عارف ده برجع لى شنو ؟
لانو قاعدين نميز بين العينات كويس !!
وانت من العينة النادرة البتفوق فى نفاثتة ...الذهب goood
نفاثتة دى ماله بقت لى كيف كيف ..
نفاثته ربعانته looool
البوديك شنو تمسكي في درابي واساس الموضوع ما جاوبتي عليو ؟؟؟
نسيت اكتب معاهم الكجامة ... والهجامة ياهو متل كلامك دا ...
ياخ ما بكون قاصد بي عينتكم دي سوى سامبل مظهر ساي والجوهر معروف لدينا ...
مالك دايراني اقوم اخش في دور تنقيح ومراجعة والقصص البايخة ديك ...
الكلام بطلع من مصنعنا على الكرتونة وللمستهلك طوالي ...
تقومي تستهلكي قدر البنفعك عشان ما تستهلكونا ساي نقوم نستنكحكم ...
الحنك دا لو ما ظبط معاك بربط ليك مكنة تقيلة تفرطق ياياتك في ليلك دا ...
سمراء
20-03-2011, 09:03 PM
نفاثته ربعانته looool

الكلام بطلع من مصنعنا على الكرتونة وللمستهلك طوالي ...
تقومي تستهلكي قدر البنفعك عشان ما تستهلكونا ساي نقوم نستنكحكم ...
الحنك دا لو ما ظبط معاك بربط ليك مكنة تقيلة تفرطق ياياتك في ليلك دا ...

هى نان مابكون فى واحدت مكسرات متل التكسير البحصل فى خلقو ده!
تكرتنوهن ساااى بث :D
والمستهلك المسكين ده يسكت يكوضم فى حنانو يعنى ولا كيف !

لا بس النبى ابعد من ياياتى دى اليومين دي شكلهن حالجات وبنقوم ندق الدلجة ساى

قيل فى الاثر : رب يايات ..ياية من بيتكم عدل :cool:

وشكرن
أشتر
21-03-2011, 05:27 AM
تكرتنوهن ساااى بث :D
:D
القال منو ؟؟
في هذه الحالة المصنع فييييي عضمو دا هو المستهلك ..
يا (قصطير) حشاي .. ويا فلين هناي* .. ويا نايلون قساي ...:D
فـ كـيّـســونا ياخ goood

----
كـيّـســونا دي من الكياسة وكدا .. وزاد وجدي ..;)

سمرا ياخ ارفعي لينا كراعك من الأبنص الحتة دي كلها دفيس وماروق ولكيب وكُجرة ..
شبارقة
21-03-2011, 07:32 AM
دفيس وماروق ولكيب وكُجرة ..

1- الدفيس : معروف

2- الماروق : معروف

3- اللكيب : ما عرفتو ... لكن من سياق كلامك حيكون نفس معنى الدفيس والكرور

4- الكـُجـْرة : عندكم في قطر وفي الإمارات مقصود بيها الخردة (scrap)

أما الكـُجـْرة حقتنا في السودان فلها علاقة بالعروس والنفساء ... زمااااان كانوا بيخصصوا مكان في أحد أركان الأوضة أو القـُطـية معزول بناموسية أو ستارة تكون النفساء أو العروس بداخله ... بالنسبة للنفساء تقعد فيهو لغاية ما تربـْعـِن ... أما للعروس فهو مكان بيدسـُوها فيهو قبل اللعبة.
شبارقة
21-03-2011, 07:39 AM
قُبَّال أراك أنا كنت في حيرة وضجر
واليوم حُظيت بي لقاكَ يا ظبي الكُجَر

أها الكـُجر هنا معناها شنو ؟
أشتر
21-03-2011, 08:22 AM
1- الدفيس : معروف

2- الماروق : معروف

3- اللكيب : ما عرفتو ... لكن من سياق كلامك حيكون نفس معنى الدفيس والكرور

4- الكـُجـْرة : عندكم في قطر وفي الإمارات مقصود بيها الخردة (scrap)

أما الكـُجـْرة حقتنا في السودان فلها علاقة بالعروس والنفساء ... زمااااان كانوا بيخصصوا مكان في أحد أركان الأوضة أو القـُطـية معزول بناموسية أو ستارة تكون النفساء أو العروس بداخله ... بالنسبة للنفساء تقعد فيهو لغاية ما تربـْعـِن ... أما للعروس فهو مكان بيدسـُوها فيهو قبل اللعبة.

حلوة قبل اللعبة دي ... اللعبة ولّ والحَلَبة ...
دا كلام جميل جدا ومنسق بس راكب مع القطية أكتر من الأوضة لأنو في الاساس دا شغل بتاع ناس رُحّل أو إقامتم بتتوقف على تقلبات المناخ والظروف الجوية ...
اللكيب ياخوي هو ود عم الكـُجـْرة في السترة وممكن تقول عليهو برقع بس دا متحرك والكـُجـْرة ثابتة ودا شغل بتاع ناس بطانة وشوية كدا داخل في البجا بس عندهم بتحول لرجالهم اكتر من النساء ...
أشتر
21-03-2011, 08:40 AM
قُبَّال أراك أنا كنت في حيرة وضجر
واليوم حُظيت بي لقاكَ يا ظبي الكُجَر

أها الكـُجر هنا معناها شنو ؟
عندها علاقة بـ دابي الكجر ولّ الكُجر غير الكَجر ؟؟؟
على فكرة الكُجرة ممكن تكون هي نفسها (الضَرْوَة) في وسط وغرب السودان ...
شبارقة
21-03-2011, 08:59 AM
عندها علاقة بـ دابي الكجر ولّ الكُجر غير الكَجر ؟؟؟


دابي الكجر ما سمعنا بيهو لكن بنعرف دابي الكـَر شباب النيل ...
دابي الكر هو دابي خطير جدا ً بيكون مندسي في الكر والكر هو الحجارة التي توضع على جانبي القبر (المقابر القديمة بالذات).

الكـَجَـر : هو البوليس (عربية الكجر دورية الكجر جفـّلت الحمار وطوّح زي حجر)
أشتر
21-03-2011, 09:08 AM
دابي الكجر ما سمعنا بيهو لكن بنعرف دابي الكـَر شباب النيل ...
دابي الكر هو دابي خطير جدا ً بيكون مندسي في الكر والكر هو الحجارة التي توضع على جانبي القبر (المقابر القديمة بالذات).

الكـَجَـر : هو البوليس (عربية الكجر دورية الكجر جفـّلت الحمار وطوّح زي حجر) عليك النبي ...
كان كدا اخوك خلط زيت !!!
بس برضو وارد يكون في (دابي الكُجَر) ...
متقول لي ظبي الكُجر حاجة وظبي المسالمة حاجة تانية كمان ؟؟؟
سمراء
21-03-2011, 09:23 AM
كدى النمد كنشى معاكم
بحسب ثقافتى اللقطها من حبوبتى وابوى ...ظبى الكجر : تعنى ظبى الجبال
والكجر دى حارة الجبال البتكون منزلقة نحو الغابات او الاشجار القصيرة ..

والله اعلم
وشكرن goood
أشتر
21-03-2011, 09:50 AM
كدى النمد كنشى معاكم
بحسب ثقافتى اللقطها من حبوبتى وابوى ...ظبى الكجر : تعنى ظبى الجبال
والكجر دى حارة الجبال البتكون منزلقة نحو الغابات او الاشجار القصيرة ..

والله اعلم
وشكرن goood
طيب دا ظبي متوحش عديل كدا ...
يكون الشاعر ضرب بيو المثل للفقارة والعصلجة والتقلة ...
موش برضو بقولو المرا التقيلة مِرِق ... والمرا الخفيفة عِرِق (هوي المثل دا قطعتو من راسي ساي :D)
سمراء
21-03-2011, 10:06 AM
طيب دا ظبي متوحش عديل كدا ...
يكون الشاعر ضرب بيو المثل للفقارة والعصلجة والتقلة ...
موش برضو بقولو المرا التقيلة مِرِق ... والمرا الخفيفة عِرِق (هوي المثل دا قطعتو من راسي ساي :D)


والله الشاعر ده بكون قاصد انو البنية دى شوية راسه قوى وبراوية
فما ادتو ريق حلو ...او حنكو كان ميت ساى بس ..بس!
انا عندى امثال النصيحه برضو حصرية ....بس بتحكمنا اللائحه :D
أشتر
21-03-2011, 10:25 AM
والله الشاعر ده بكون قاصد انو البنية دى شوية راسه قوى وبراوية
فما ادتو ريق حلو ...او حنكو كان ميت ساى بس ..بس!
انا عندى امثال النصيحه برضو حصرية ....بس بتحكمنا اللائحه :D
(.....................:mad:)
وطبعا قوة الراس دي مقابلا (فصلت)
سيد عبد العزيز الله يرحمو في واحدة من روايعو قال ليها ...
تعجبني والشيء العجيب هادئ واليف ماك النفور ... يعني كان ممكن يدخّل لينا كديسة في الموضوع دا ونعمل جنينة حيوانات الأغاني :D ...
ولامن خش هنا انا آآآآآآآمنتا
بى عفتك صنت السفور اخخخخخخخخخخخخ
كدي خليني من الغزال والظبي وكل من يمشي على اربع ...
هو إتن لو فيكن فايدة بشبهوكم بأبو أربعة ديل
ياتو يوم غزالة انقبضت باخوي واخوك كدا ...
ما تقلة منهم إلا عدم حنك ساي زي ما قتي :D
looool
سمراء
21-03-2011, 10:32 AM
(.....................:mad:)

بى عفتك صنت السفور اخخخخخخخخخخخخ
كدي خليني من الغزال والظبي وكل من يمشي على اربع ...
هو إتن لو فيكن فايدة بشبهوكم بأبو أربعة ديل
ياتو يوم غزالة انقبضت باخوي واخوك كدا ...
ما تقلة منهم إلا عدم حنك ساي زي ما قتي :D
looool


النصيحه عفتك دى هجمتنى وطوالى عمرت الكلاش لو مالنون اختفت فجأة:D
انت صحى ناس الحقيبة ديل مالقو الا الحيوانات والطيور يلصقوهن فينا !
ده انا بعتبرو افلاس لغوى عديل كده ! بس بينى وبينك ، مافى شى احسن ..يعنى قولو ذى الحيط مسلن :D! ولا يشبهونا بالقطر والجرارات الثقيلة !
خلينا فى طيرنا ده ...اصلنا طير من يومنا
تماضر حمزة
21-03-2011, 10:43 AM
طبعا مابحب اشارك في بوست الا اكون قريتو كلو
النصيحة كدة كلما أشوف البوست ده أقول لا ماأسي ياخ ده دايرليو سهرة وجبنة بمزاج:p
لي يوم الليلة ماعندي سهرة فضت:D
روحي حرقتني دخلت
مابتذاكروا ليّ؟:D
سمراء
21-03-2011, 10:45 AM
طبعا مابحب اشارك في بوست الا اكون قريتو كلو
النصيحة كدة كلما أشوف البوست ده أقول لا ماأسي ياخ ده دايرليو سهرة وجبنة بمزاج:p
لي يوم الليلة ماعندي سهرة فضت:D
روحي حرقتني دخلت
مابتذاكروا ليّ؟:D
عندكم بعوضة ولاشنو ؟؟:D
ياطمطم ياقلب تلبى ساى
ده بوست سيدو زاتو سبـّلو ياقول عكود ...اى صار سبيل
وهو موضوعو اى كلمة واقفة ليك فى دربك ومافهمتيها تجى تقوقليها فوقو ...
اهان بقومو اعمامك ناش شبارقة واشتر ديل بجيبو ليك خبرة :D
رايك شنو فى الاختصار المفيد ده
يلا ابقى داشرة
تماضر حمزة
21-03-2011, 10:49 AM
مابتقصري ياسمرمر
أنا غايتو جُبتي ملانة بطانة ورطانة سااااي النشوف جبة التانين;)
سمراء
21-03-2011, 10:54 AM
مابتقصري ياسمرمر
أنا غايتو جُبتي ملانة بطانة ورطانة سااااي النشوف جبة التانين;)
خلاص انتى ممكن نستفيد منك كـ مترجم داخلى .
يلا ..كيب ان تتش
المخرج قال ارفعن كرعينكن من الابنص :D
أشتر
21-03-2011, 10:54 AM
النصيحه عفتك دى هجمتنى وطوالى عمرت الكلاش لو مالنون اختفت فجأة:D
انت صحى ناس الحقيبة ديل مالقو الا الحيوانات والطيور يلصقوهن فينا !
ده انا بعتبرو افلاس لغوى عديل كده ! بس بينى وبينك ، مافى شى احسن ..يعنى قولو ذى الحيط مسلن :D! ولا يشبهونا بالقطر والجرارات الثقيلة !
خلينا فى طيرنا ده ...اصلنا طير من يومنا
والله يا سمرا دي المرة التانية يحصل توارد خواطر ما كتبناهو لكن ما بقول ليك وين كيتن على المرقوت ...
وكمان المصطلح الحديث البستعملو الجيل دا (مُهرة) وما تنسي جراياً لبوة وسمحة سمحة الصيدة متناقضة تماما مع جارتنا وبت حارتنا مع اننا كل شي ولا بت الجيران ناهيك عن الزمن داك ...
سمرا .. شكلنا كدا سرحنا يا بت أمي ...
بعد شوية صياد في النجوم وصادني بى سهامو بجي مارقة تب للبنسوي فيهو دا ...
لكن برضو اخير من (أم بُقبُق) على أيتها حال :D
فخري الزين
21-03-2011, 10:56 AM
انتوا المكشم بلا بصل دا كيف ؟
تحياتي
أشتر
21-03-2011, 10:59 AM
انتوا المكشم بلا بصل دا كيف ؟
تحياتي
المكشن يا فخري ... المكشششششن اسمو ...
ياخ اي حاجة فيها بصل طوالي كشّن الميم وادخل بالكنش ...
النسوان ديل تراهن قاعدات يجاوبنك علا اعتبر المداخلة دي تِحِشِّر ساي مني ...
سمراء
21-03-2011, 11:02 AM
والله يا سمرا دي المرة التانية يحصل توارد خواطر ما كتبناهو لكن ما بقول ليك وين كيتن على المرقوت ...
(أم بُقبُق) على أيتها حال :D

قالو فى المثل ( ويرليسنا ..ولا امبقبق هناى* ) :D

_______
* شبارقة ياخ goood
أشتر
21-03-2011, 11:02 AM
طبعا مابحب اشارك في بوست الا اكون قريتو كلو
النصيحة كدة كلما أشوف البوست ده أقول لا ماأسي ياخ ده دايرليو سهرة وجبنة بمزاج:p
لي يوم الليلة ماعندي سهرة فضت:D
روحي حرقتني دخلت
مابتذاكروا ليّ؟:D
في بيتنا إمرأة ؟؟؟ يا لسعادتي
وإمرأة ايه ... تمسك لجام حرف الكلام ... وتقوم اللغة تنطط :D
سمراء
21-03-2011, 11:06 AM
انتوا المكشم بلا بصل دا كيف ؟
تحياتي

فخرى ازيك
المكشن ده هو الملاح البكون بلا بصل ، وتضوق فوقو طعم الكُشنة ..
يعنى دى مابتعمله الا مرة حريفة شديد :D
وشكرن
عكــود
21-03-2011, 11:13 AM
المكشن يا فخري ... المكشششششن اسمو ...
ياخ اي حاجة فيها بصل طوالي كشّن الميم وادخل بالكنش ...
النسوان ديل تراهن قاعدات يجاوبنك علا اعتبر المداخلة دي تِحِشِّر ساي مني ...


حسّون محمد سعيد قال:
لمّن وصلنا الكوبري،
كنّا خلااااص تعبنا ودُشنا
لكن هُشنا ساعة جاتنا ريحة الكُشنة
(ديل الحيران لاحقين صدقة أحمد بكري)

أحمد بكري . .
لو دايرين تعرفوا حكايتو . .
بالخير ربّكم يطراهو . .
واحد أفندي . .
منقول للقرير من شندي
كان زولاً كريم واجواد
أكلو رغيف
ولبسو ظريف . .
وكل يوماً قميص بشرايتو
ما بيركب حمار حاشاهو . .
عندو جواد . .
والسايس دوام يبراهو
بيتو اسمنتي مبلوط كلّو
والحوش داك . .
أسكت خلّو
القمّيز داير ما يدور بيضلّو
***
يوم جاهو الخبر بي أمّو . .
والناس في المحطة اتلموا . .
يكشحوا في التراب ويخموا . .

"زايلي الدنيا دي وخرباني"
"زايلي الدنيا زايلي وفاني"
زايلي الدنيا حي حي ووب"
"يا أم أحمد الحبوب"

نأسف لحرف البوست.
أشتر
21-03-2011, 11:13 AM
قالو فى المثل ( ويرليسنا ..ولا امبقبق هناى* ) :D

_______
* شبارقة ياخ goood
علي اليمين يا سمرا أم بُقبُق دي بضحك فيها شهر بحالو وامكن اكتر ...
وصاحبة القدح المعلى في إخراجي من بوتقة الذات الحرجة إلى فضاء أرحب لكي اشاهد خِلقتكم دي ...
احرجتني كم مرة قدام الناس وتمت اعادة كم وكت وشرقت في كم وجبة ...
تماضر حمزة
21-03-2011, 11:14 AM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=349407#post349407)
فخرى ازيك
المكشن ده هو الملاح البكون بلا بصل ، وتضوق فوقو طعم الكُشنة ..
يعنى دى مابتعمله الا مرة حريفة شديد :D
وشكرن



المعلومة العندي تحتمل الخطا والصواب لكن الندلي بدلونا وكده:D
المكشن ده ريحة الزيت مع البصل في النار البتشم من بعيد
وكت تطبخ بشحم البهايم وبدون بصل بتشم نفس الريحة فيقول ليك ده مكشن بلا بصل والله تعلم
سمراء
21-03-2011, 11:16 AM
حسّون محمد سعيد قال:
لمّن وصلنا الكوبري،
كنّا خلااااص تعبنا ودُشنا
لكن هُشنا ساعة جاتنا ريحة الكُشنة
(ديل الحيران لاحقين صدقة أحمد بكري)

أحمد بكري . .
لو دايرين تعرفوا حكايتو . .
بالخير ربّكم يطراهو . .
واحد أفندي . .
منقول للقرير من شندي
كان زولاً كريم واجواد
أكلو رغيف
ولبسو ظريف . .
وكل يوماً قميص بشرايتو
ما بيركب حمار حاشاهو . .
عندو جواد . .
والسايس دوام يبراهو
بيتو اسمنتي مبلوط كلّو
والحوش داك . .
أسكت خلّو
القمّيز داير ما يدور بيضلّو
***
يوم جاهو الخبر بي أمّو . .
والناس في المحطة اتلموا . .
يكشحوا في التراب ويخموا . .

"زايلي الدنيا دي وخرباني"
"زايلي الدنيا زايلي وفاني"
زايلي الدنيا حي حي ووب"
"يا أم أحمد الحبوب"

نأسف لحرف البوست.

ياااعمدة ياخ مالك !!
انا لله من النضم القعد تردمنا بيهو ده !
شكلك ملاااان وحلفتة علا كان نفرغك هنا ده :D
الكلام ده سمح ...وسمح شديد
حسيت بيهو الله يعلم
أشتر
21-03-2011, 11:17 AM
فخرى ازيك
المكشن ده هو الملاح البكون بلا بصل ، وتضوق فوقو طعم الكُشنة ..
يعنى دى مابتعمله الا مرة حريفة شديد :D
وشكرن
:D:D
حاوية ...
سمراء
21-03-2011, 11:18 AM
علي اليمين يا سمرا أم بُقبُق دي بضحك فيها شهر بحالو وامكن اكتر ...
وصاحبة القدح المعلى في إخراجي من بوتقة الذات الحرجة إلى فضاء أرحب لكي اشاهد خِلقتكم دي ...
احرجتني كم مرة قدام الناس وتمت اعادة كم وكت وشرقت في كم وجبة ...


انت عارف امبق بق دى دايرة ليها زول جضومو كبار عشان يملاهن هواء
ويقوله :D..والعجب ان بقى عندو بقايا سفة وانت واقف فى وشو هههههههه
غايتو الا تمش تستحمى بعداك :D:D
عكــود
21-03-2011, 11:19 AM
عشان ما نحرف البوست يا سمراء . .
بتلقيهو كامل هنا:
http://algorer.net/vb/showthread.php?t=1951

حسّون شاعر فحل!
تماضر حمزة
21-03-2011, 11:20 AM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=349425#post349425)
انت عارف امبق بق دى دايرة ليها زول جضومو كبار عشان يملاهن هواء
ويقوله :D..والعجب ان بقى عندو بقايا سفة وانت واقف فى وشو هههههههه
غايتو الا تمش تستحمى بعداك :D:D



اخييييييييييييييييييييييييي:D
سمراء
21-03-2011, 11:20 AM
:D:D
حاوية ...


لا كونتينا :D
أشتر
21-03-2011, 11:22 AM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=349407#post349407)
فخرى ازيك
المكشن ده هو الملاح البكون بلا بصل ، وتضوق فوقو طعم الكُشنة ..
يعنى دى مابتعمله الا مرة حريفة شديد :D
وشكرن



المعلومة العندي تحتمل الخطا والصواب لكن الندلي بدلونا وكده:D
المكشن ده ريحة الزيت مع البصل في النار البتشم من بعيد
وكت تطبخ بشحم البهايم وبدون بصل بتشم نفس الريحة فيقول ليك ده مكشن بلا بصل والله تعلم
بتعرفي الربيت ... بس
فيهو نفس المواصفات دي ...
شكلك يا تماضر معتمدة على مواتر التيك آوى حتى نشم الكشنة حتين نصدق looool...
تماضر حمزة
21-03-2011, 11:30 AM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=349432#post349432)
بتعرفي الربيت ... بس
فيهو نفس المواصفات دي ...
شكلك يا تماضر معتمدة على مواتر التيك آوى حتى نشم الكشنة حتين نصدق looool...




الربيييييييت
حصل أكلتو؟؟ كان ربيت وماكان جيتنا معصعص كدة:p
شبارقة
21-03-2011, 11:52 AM
انتوا المكشم بلا بصل دا كيف ؟
تحياتي

المكشن يا فخري ... المكشششششن اسمو ...
ياخ اي حاجة فيها بصل طوالي كشّن الميم وادخل بالكنش ...
النسوان ديل تراهن قاعدات يجاوبنك علا اعتبر المداخلة دي تِحِشِّر ساي مني ...


فخرى ازيك
المكشن ده هو الملاح البكون بلا بصل ، وتضوق فوقو طعم الكُشنة ..
يعنى دى مابتعمله الا مرة حريفة شديد :D
وشكرن

حسّون محمد سعيد قال:
لمّن وصلنا الكوبري،
كنّا خلااااص تعبنا ودُشنا
لكن هُشنا ساعة جاتنا ريحة الكُشنة
(ديل الحيران لاحقين صدقة أحمد بكري)


:D:D
زمااان لما كنا صغار كانوا بيقولوا لينا قولوا المقطع ده 5 مرات من غير ما تغلط :
عمي الكركشندي كشـّن كرشة كبشو أحلى كرشة كبشي ولا كرش كبش عمي الكركشندي المكشنة بالكشنة
شبارقة
21-03-2011, 12:06 PM
المكشن ده هو الملاح البكون بلا بصل ، وتضوق فوقو طعم الكُشنة ..
يعنى دى مابتعمله الا مرة حريفة شديد :D
وشكرن

لا لا ... مستحيل نضوق طعم الكشنة بدون بصل ... حتى لو كانت الحلة قديمة :)

ياخ النسوان بقولن بي زعل وبي غضب وبي لهجة تهديد : والله أجيك أوريك ليهو مكشن بلا بصل ... أو يقولن ليك : والله فلانة ديك ورّتـُو ليها مكشن بلا بصل ... كناية عن شنو ؟
سمراء
21-03-2011, 12:09 PM
لا لا ... مستحيل نضوق طعم الكشنة بدون بصل ... حتى لو كانت الحلة قديمة :)

ياخ النسوان بقولن بي زعل وبي غضب وبي لهجة تهديد : والله أجيك أوريك ليهو مكشن بلا بصل ... أو يقولن ليك : والله فلانة ديك ورّتـُو ليها مكشن بلا بصل ... كناية عن شنو ؟

كناية عن الجودة :D...اى جودة الدقة !
لانو ياشبارقة كونو المرة تسوى ليها ملاح ريحة كشتنو ضاربة وبدون بصل !
دى تعتبر قمة الجودة والمباصرة !
ولا شنو ؟
جانيت
21-03-2011, 04:48 PM
اها النعدل توبي
المكشن بلابصل هي الكمونيه المسبكه بي الزيت بس ومن غير بصل يعني عشان تطلع حاجه رهيبه الاتقلب فيها الهوبه اها بتتقال للزول العايزين يوروهو الويلات ويخلو يقلب الهوبه وماياخد نفس والبيغالطني بوري المكشن بلا بصل
فخري الزين
21-03-2011, 05:20 PM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=349396#post349396)
المكشن يا فخري ... المكشششششن اسمو ...
ياخ اي حاجة فيها بصل طوالي كشّن الميم وادخل بالكنش ...
النسوان ديل تراهن قاعدات يجاوبنك علا اعتبر المداخلة دي تِحِشِّر ساي مني ...




ايواااااا انا قاصد المكششششششششششششننننننن بس دي غلطه مطبعيه
اتحشر بي راحتك يا معلم مافي اي عوجه
شبارقة
22-03-2011, 07:13 AM
المكشن بلابصل هي الكمونيه المسبكه بي الزيت بس ومن غير بصل يعني عشان تطلع حاجه رهيبه الاتقلب فيها الهوبه اها بتتقال للزول العايزين يوروهو الويلات ويخلو يقلب الهوبه

أعتقد الإجابة دي ممكن تكون صحيحة ... إلى حين إشعار آخر.

تتقال للزول العايزين يوروهو الويلات

ده كلام صحيح
جانيت
22-03-2011, 07:24 AM
اقتباس:
المشاركة الأصلية كتبت بواسطة شبارقة http://sudanyat.org/vb/images/buttons/viewpost.gif (http://sudanyat.org/vb/showthread.php?p=349747#post349747)
أ عتقد الإجابة دي ممكن تكون صحيحة ... إلى حين إشعار آخر.




ده كلام صحيح





والله انا طلعت ماهينة تربية حبوبتي ضمرت فيني يعني
يلا ياسمورة الامورة انت وتماضر اتدسو وسوقو معاكم اشتر خلوني اتجدع في البوست ده براي :D
أشتر
22-03-2011, 12:37 PM
اها النعدل توبي
بالمناسبة ... تعديل التوب عند السودانيات يعتبر من الحركات الغريبة والما لاقي ليها تفسير ...
ياخ والله أكتر حركة غياظة وما عندها أي سند قانوني ...
في الدقيقة تصلحو ستمية مرة ساي كدا .. حتى لو ما وقع منها ..
هل المسألة دي حبا في التِغِتغِت ؟؟ ولّ عدم موضوع .. ولّ لفت انتباه ...ولّ شنو الفكرة ؟؟؟
أشتر
22-03-2011, 12:39 PM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=349396#post349396)
المكشن يا فخري ... المكشششششن اسمو ...
ياخ اي حاجة فيها بصل طوالي كشّن الميم وادخل بالكنش ...
النسوان ديل تراهن قاعدات يجاوبنك علا اعتبر المداخلة دي تِحِشِّر ساي مني ...




ايواااااا انا قاصد المكششششششششششششننننننن بس دي غلطه مطبعيه
اتحشر بي راحتك يا معلم مافي اي عوجه

هن كلهن تلاتة كلمات وكت تغلت في كلمة اساسية فضّلت فيهن شنو يا اللخو :D
سمراء
22-03-2011, 12:47 PM
هل المسألة دي حبا في التِغِتغِت ؟؟ ولّ عدم موضوع .. ولّ لفت انتباه ...ولّ شنو الفكرة ؟؟؟


كل ماذكر صحيح :D
جانيت
22-03-2011, 12:57 PM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=349926#post349926)
بالمناسبة ... تعديل التوب عند السودانيات يعتبر من الحركات الغريبة والما لاقي ليها تفسير ...
ياخ والله أكتر حركة غياظة وما عندها أي سند قانوني ...
في الدقيقة تصلحو ستمية مرة ساي كدا .. حتى لو ما وقع منها ..
هل المسألة دي حبا في التِغِتغِت ؟؟ ولّ عدم موضوع .. ولّ لفت انتباه ...ولّ شنو الفكرة ؟؟؟





:D:D:D
للفت الانتباه انها عايزة تقول ليها كلام مقعد ومزبوط وماهو مجوبك
زي كلامي ده :p
ول لو لابسة ليها كرسي جابر زمان الحلبي حديثا بتصلح التوب كل مرة نظام شوفوهو ول غيرت دقت الغوايش عرفت كيفن :D
أشتر
23-03-2011, 09:59 AM
كل ماذكر صحيح :D
ومرات بتوقعو عشان تصلّحو ...
اها ياتو لحظة بتعضّي فيها التوب ولماذا ؟؟؟
على فكرة الحتة دي جميلة خالس خالس ...
أشتر
23-03-2011, 10:01 AM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=349926#post349926)




:D:D:D
للفت الانتباه انها عايزة تقول ليها كلام مقعد ومزبوط وماهو مجوبك
زي كلامي ده :p
ول لو لابسة ليها كرسي جابر زمان الحلبي حديثا بتصلح التوب كل مرة نظام شوفوهو ول غيرت دقت الغوايش عرفت كيفن :D
وليه سموهو كرسي جابر ...
اوعا يكون جابر الصباح !!!
همس الشوق
23-03-2011, 10:05 AM
عشان كدا انا ما من انصار التوب

ما عملي ياخ
سمراء
23-03-2011, 10:15 AM
ومرات بتوقعو عشان تصلّحو ...
اها ياتو لحظة بتعضّي فيها التوب ولماذا ؟؟؟
على فكرة الحتة دي جميلة خالس خالس ...


والله يا اشتر بحسب الخبرة التراكمية حقتى - يعض الثوب فى تلاتة حالات :
الحالة الاولى - عند الخجل ! وتجد المزة - اقصد الحسناء تأخذ بطرف ثوبها وتجره
ناحية وجهها وتترك مساحة لجزء من عينها لتخترقك تلك النظرة الخافتة من (الخفر) المحبب وتتركك جنازة بلا كفن :D
وهذا لعمرى موضع محبب لى .

الحالة التانية : عند المخاض- اى النفاس ...
ونجد ان السيدة -البكر- تاخذ بتلابيب ثوبها وتضعه كلهو -او معظمه حتى لا تسمع
احد وهى تصرخ صرختها المكتومة - وكأن الصراخ والتألم عيب !! غايتو حتى
الصراخ مستكثرينو علينا فى هكذا مواضع :o:mad:

الحالة الثالثة - عند الجرى وراء توصيل الشمار :D
وهذا الموضوع يجعل السيدة لاتريد ان يعيقها اى عائق فى هرولتها المقدسة نحو توصيل اقرب جارة لشمار لايحتمل ، فنجدها تاخذ طرف توبها ...ويافكيك ..

اتمنى ان اكون قد اوجزت واوضحت ...
وشكرن :D
أشتر
23-03-2011, 10:25 AM
عشان كدا انا ما من انصار التوب

ما عملي ياخ
وعندكن شنو غير الاسكيرت والبلوزة والطرحة القديتونا بيهن ديل ؟؟؟
غايتو انا من انصار التوب شديد .. لكن ما أي توب ;)
الله يلعن ليك التوب في المرا القصيرة !!!
غايتو مجرد لفلفة ساي وخمخمة هدوم ...
همس الشوق
23-03-2011, 10:29 AM
وعندكن شنو غير الاسكيرت والبلوزة والطرحة القديتونا بيهن ديل ؟؟؟
غايتو انا من انصار التوب شديد .. لكن ما أي توب ;)
الله يلعن ليك التوب في المرا القصيرة !!!
غايتو مجرد لفلفة ساي وخمخمة هدوم ...


مالو البنطلون دا عيبو لي
والإسكيرتي والبلوزه او كما يقال الجيبا
حلاة الدنيا عليهم
القصيره وضعيفه كمان
بنصحها ما تلبسو
أشتر
23-03-2011, 10:45 AM
والله يا اشتر بحسب الخبرة التراكمية حقتى - يعض الثوب فى تلاتة حالات :
الحالة الاولى - عند الخجل ! وتجد المزة - اقصد الحسناء تأخذ بطرف ثوبها وتجره
ناحية وجهها وتترك مساحة لجزء من عينها لتخترقك تلك النظرة الخافتة من (الخفر) المحبب وتتركك جنازة بلا كفن :D
وهذا لعمرى موضع محبب لى .

الحالة التانية : عند المخاض- اى النفاس ...
ونجد ان السيدة -البكر- تاخذ بتلابيب ثوبها وتضعه كلهو -او معظمه حتى لا تسمع
احد وهى تصرخ صرختها المكتومة - وكأن الصراخ والتألم عيب !! غايتو حتى
الصراخ مستكثرينو علينا فى هكذا مواضع :o:mad:

الحالة الثالثة - عند الجرى وراء توصيل الشمار :D
وهذا الموضوع يجعل السيدة لاتريد ان يعيقها اى عائق فى هرولتها المقدسة نحو توصيل اقرب جارة لشمار لايحتمل ، فنجدها تاخذ طرف توبها ...ويافكيك ..

اتمنى ان اكون قد اوجزت واوضحت ...
وشكرن :D
هسي عليك الله في ذمتك دي الأولى عضة والتانية عضة ؟؟
ويحك كيف تعضعضين ؟؟؟
الأولي بتكون بطرف الناب ويا دوووووب عضة كدا زي عضة الكديسة لوليداتا...
اما التانية ما حصل لينا الشرف ونحمد الله الفكانا منها :D:D
عضة الشمار دي احسن منها عضة العقرب والعياذ بالله looool


عايني : صغار الكلاب جريوات ...
اها صغار الكدايس اسمهم شنو ؟؟؟
سمراء
23-03-2011, 10:48 AM
هسي عليك الله في ذمتك دي الأولى عضة والتانية عضة ؟؟
ويحك كيف تعضعضين ؟؟؟
يعضك فار ضايع من اهلو
عايني : صغار الكلاب جريوات ...
اها صغار الكدايس اسمهم شنو ؟؟؟


اسمهن كديسات ;)
أشتر
23-03-2011, 10:53 AM
مالو البنطلون دا عيبو لي
والإسكيرتي والبلوزه او كما يقال الجيبا
حلاة الدنيا عليهم
القصيره وضعيفه كمان
بنصحها ما تلبسو
البنطلون المغتغت بعراقي الرجال دا خليني منو ...
اسم لابسات بنطلون ساي ...
البنطلون كان ما ظهّر الامكانيات شن فايدتو
والامكانيات يا حبة عيني ضعيييييفة رقم ماب تظهِّرو
نحمدو ونشكرو غايتو على نعمة المسح !!!!
:Dlooool
أشتر
23-03-2011, 10:56 AM
اسمهن كديسات ;)
سألت كم واحد هنا ما عرف يا بره !!!
سمراء
23-03-2011, 11:00 AM
سألت كم واحد هنا ما عرف يا بره !!!

اها انت العارف ....نورنا !
الله ينور درب كديساتك
أشتر
23-03-2011, 11:04 AM
اها انت العارف ....نورنا !
الله ينور درب كديساتك
والله انتي يا الـ (مرها) لو باريتي كدايسي دي ياكي المخربشة
كااااااااك دي في السلك والله ...

عارفة المرها يعني شنو ؟؟؟
سمراء
23-03-2011, 11:15 AM
والله انتي يا الـ (مرها) لو باريتي كدايسي دي ياكي المخربشة
كااااااااك دي في السلك والله ...

عارفة المرها يعني شنو ؟؟؟



المرها ....يعنى المرا المامشلخه ..

اها انت اعرف لى ام كلعلع دى شنو ؟:D
أشتر
23-03-2011, 11:24 AM
المرها ....يعنى المرا المامشلخه ..

اها انت اعرف لى ام كلعلع دى شنو ؟:D
لو جاتني كنت عرفتها بس ان شاء الله ما تجيني ...
المرها دي لو ما شكّلناها بتتوه ... كمان يمشو يقروها مرها الله لا جاب مرارة ..
الـمَرْها .. بفتح الميم وسكون الراء وفتح الخشم في الها فتحتين مناسبتين ...
ولو جات ام كلعلع يا ياريت تكون بصحبتك يا المكلكعة :D...
سمراء
23-03-2011, 11:31 AM
لو جاتني كنت عرفتها بس ان شاء الله ما تجيني ...
المرها دي لو ما شكّلناها بتتوه ... كمان يمشو يقروها مرها الله لا جاب مرارة ..
الـمَرْها .. بفتح الميم وسكون الراء وفتح الخشم في الها فتحتين مناسبتين ...
ولو جات ام كلعلع يا ياريت تكون بصحبتك يا المكلكعة :D...


ام كلع لع (بضم الميم ضمة شديدة ومد القدوم لى برة :D) عشان ماتمش تقراها بالفتحة ويبقى لسانك مارق وخشمك فاتح ذى القالعين ليهك ضرس ;)....تبقى لعلعه ومد اللسان ساى وتجيب لينا الكلام فى صمة سكاتنا ...

اها النوريك ام كلع من غير (لع) وهى حلقة مدورة بربطوها للحمارة فى رقبتها
اها شفتة كيف انا عرافها ..
أشتر
23-03-2011, 12:19 PM
ام كلع لع (بضم الميم ضمة شديدة ومد القدوم لى برة :D) عشان ماتمش تقراها بالفتحة ويبقى لسانك مارق وخشمك فاتح ذى القالعين ليهك ضرس ;)....تبقى لعلعه ومد اللسان ساى وتجيب لينا الكلام فى صمة سكاتنا ...

اها النوريك ام كلع من غير (لع) وهى حلقة مدورة بربطوها للحمارة فى رقبتها
اها شفتة كيف انا عرافها ..
الزمن دا كوووولو رابط جأشي (أقصد دحشي) في بربندي الحواس المفلكبة لكن لو دي طريقتك عاير عاير يا اللخت هعهعهعهعهعهعه
برستيجنا وقنعنا منو كمان جابت ليها مد قداديم !!!!!
اخير لينا الضرس كان بقت كدا :D
سمراء
23-03-2011, 12:28 PM
الزمن دا كوووولو رابط جأشي (أقصد دحشي) في بربندي الحواس المفلكبة لكن لو دي طريقتك عاير عاير يا اللخت هعهعهعهعهعهعه
برستيجنا وقنعنا منو كمان جابت ليها مد قداديم !!!!!
اخير لينا الضرس كان بقت كدا :D

انت يا اللخو البرستيج ده فارشنو وين عليك الله !!
النقوم اخد لى جغمة اكان استطمام البطن ده يغور والكوفارة الضاربة اطنابة عندنا:D تخف شوية !!
هاااااااااا زول هاا ...قالولك الاطناب اتخورتن واتقولعن ومرقن على السهلة ...الصفراء ! اها والجنون اتكورجو ، بعد اتجوغرو لبون من المراحات المارقة على
الخلاء ....آآآبدورلك ....خورات معاهم :D

اطنابة دى جاية من شنو اتا يا اللخو :confused:
أشتر
23-03-2011, 12:39 PM
انت يا اللخو البرستيج ده فارشنو وين عليك الله !!
النقوم اخد لى جغمة اكان استطمام البطن ده يغور والكوفارة الضاربة اطنابة عندنا:D تخف شوية !!
هاااااااااا زول هاا ...قالولك الاطناب اتخورتن واتقولعن ومرقن على السهلة ...الصفراء ! اها والجنون اتكورجو ، بعد اتجوغرو لبون من المراحات المارقة على
الخلاء ....آآآبدورلك ....خورات معاهم :D

اطنابة دى جاية من شنو اتا يا اللخو :confused:
من مبالغاتك الكترت دي :cool:
لكن والله حتة فاصل الفوق دا ... رهييييب ... شوية كدا والاطناب تكورك ...
مجنونة ياخ اتي والبباريك يانا المتخورنين قطع شك ...
إتي يا سمرا ولدوك بسجارتك :D
سمراء
23-03-2011, 12:51 PM
من مبالغاتك الكترت دي :cool:
لكن والله حتة فاصل الفوق دا ... رهييييب ... شوية كدا والاطناب تكورك ...
مجنونة ياخ اتي والبباريك يانا المتخورنين قطع شك ...
إتي يا سمرا ولدوك بسجارتك :D


برى ..وقعت منى جوة :D
والله تكون جازفته الداية واتخورت بيها براها

ودعتك سيد الوداعه ...مارقة اتخورت على اهلى goood
أشتر
23-03-2011, 01:10 PM
برى ..وقعت منى جوة :D
والله تكون جازفته الداية واتخورت بيها براها

ودعتك سيد الوداعه ...مارقة اتخورت على اهلى goood
والخورتة هي أن تتأخْرَت ووعثاء السفر .. وبمعنى أصح تشيل في يدها خُرتاية ...
وهي من ضرورات الرحيل غصباً عنك ...
النبي خورتيني معاك القاعد ليها شنو !!!
بتعرفي كيف طعم الثواني تمر بدون ما انتي في
عودتي شوقنا علي لقاك واصبحتي كالخل الوفي
والعشق بعدك شي محال والعشق غير ك معطياتو بتنتفي ...
والله في ...
رايك شنو عليك الله في القفلة المجيهة دي
معنويات الف قال ليك looool
اعتبري الكلام دا كلمات طيبات طيبة ساي في شكل صدقة looool
سمراء
23-03-2011, 01:19 PM
والله في ...
رايك شنو عليك الله في القفلة المجيهة دي
معنويات الف قال ليك looool
اعتبري الكلام دا كلمات طيبات طيبة ساي في شكل صدقة looool


اكان خليتنى على القفلة الفوق دى كان اخير لى من قفلتك الماسخة التحت دى ;)
لكن اتعودته عليها
اخير النتخورت بى صمة خشمنا ساى ...ونبقى على القفلة الفوق :D
ونعيش على حلم التلاقى هناك
على اهداب خيوط الضو
وضو القمرة ماهو بعيد
على زولاً مرق ........

تمها خورات :D
ورحكاكا
أشتر
24-03-2011, 05:23 AM
اكان خليتنى على القفلة الفوق دى كان اخير لى من قفلتك الماسخة التحت دى ;)
لكن اتعودته عليها
اخير النتخورت بى صمة خشمنا ساى ...ونبقى على القفلة الفوق :D
ونعيش على حلم التلاقى هناك
على اهداب خيوط الضو
وضو القمرة ماهو بعيد
على زولاً مرق ........

تمها خورات :D
ورحكاكا
خورات شنو ياخ !!!!
خُرتاية التي وردت أعلاة ما عندها علاقة بيك ...
وشكرا ...
أشتر
24-03-2011, 05:24 AM
البعرف ناس فَقّس خقّس منو ؟؟؟
تماضر حمزة
24-03-2011, 07:43 AM
مع انكم قلبتو صفحة تعديل التوب دي لكن نقلبا تاني نرجعا ورانا شنو غير القلب؟:D
أنا شخصياً كده بعدل التوب أكتر من ستموية مرة وذلك خوفا من انو يقع:p
لكن كمان في البعدلنو عشان يظهرن المثلت الفوق الفي شكل سبعة دييييك وماتحويه من دهيبات او لحيمات حسب حسب او يظبطن التمانية التحت لزوم الخطوة والحنة والكبرتة عشان مايبقى اجتهاد بلافايدة:D
والبعدلنو فوق الراس يدو ليك رفعة خفيفة كدة جهة الاذن اليمنى عشان الحلق واليد والشعيرات يكونوا في قلب الكام:D
أمّا تعديلة النص دي لوكان توب ربط تدي العقدة شدّة كدة قلق من انو يقع زي حالاتي كده:p

اهن ان شاءالله كفيت ووفيت:p
طارق صديق كانديك
24-03-2011, 08:12 AM
مع انكم قلبتو صفحة تعديل التوب دي لكن نقلبا تاني نرجعا ورانا شنو غير القلب؟:D
أنا شخصياً كده بعدل التوب أكتر من ستموية مرة وذلك خوفا من انو يقع:p
لكن كمان في البعدلنو عشان يظهرن المثلت الفوق الفي شكل سبعة دييييك وماتحويه من دهيبات او لحيمات حسب حسب او يظبطن التمانية التحت لزوم الخطوة والحنة والكبرتة عشان مايبقى اجتهاد بلافايدة:D
والبعدلنو فوق الراس يدو ليك رفعة خفيفة كدة جهة الاذن اليمنى عشان الحلق واليد والشعيرات يكونوا في قلب الكام:D
أمّا تعديلة النص دي لوكان توب ربط تدي العقدة شدّة كدة قلق من انو يقع زي حالاتي كده:p

اهن ان شاءالله كفيت ووفيت:p

:D:D

والله عصرتي علينا عدييل :)
الرشيد اسماعيل محمود
24-03-2011, 08:25 AM
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=350507#post350507)
:D:D

والله عصرتي علينا عدييل :)

هو عصِر ساي..:)
شبارقة
24-03-2011, 09:41 AM
البعرف ناس فَقّس خقّس منو ؟؟؟

ده كلام قاطعو من رأسك ساي ... ما سمعنابو .. ولا يندرج تحت كلامنا العامي بتاتا ً

أخنق فطـِّس تنفع معاك ؟ :)
شبارقة
24-03-2011, 09:55 AM
زمااان في الماضي البعيد كان لما يموت زول لم تكن هناك طريقة لإبلاغ الناس أو سكان الحلاّل المجاورة إلا أن يركب شاب أو شابين حميرهما ويرفعان أصواتهما ويقولا : الحي الله والدائم الله فلان ودفلان راح في حق الله.

أها الشاب البيقوم بالمهمة دي كانوا بيسموهو شنو ؟

الإجابة موجودة في صياغ مداخلتي دي زاتا
تماضر حمزة
24-03-2011, 10:08 AM
اقتباس:
المشاركة الأصلية كتبت بواسطة شبارقة http://sudanyat.org/vb/images/buttons/viewpost.gif (http://sudanyat.org/vb/showthread.php?p=350561#post350561)
زمااان في الماضي البعيد كان لما يموت زول لم تكن هناك طريقة لإبلاغ الناس أو سكان الحلاّل المجاورة إلا أن يركب شاب أو شابين حميرهما ويرفعان أصواتهما ويقولا : الحي الله والدائم الله فلان ودفلان راح في حق الله.


أها الشاب البيقوم بالمهمة دي كانوا بيسموهو شنو ؟

الإجابة موجودة في صياغ مداخلتي دي زاتا



الصائح؟
لكن مالقيتا في الصياغ:p
تماضر حمزة
24-03-2011, 10:09 AM
:pطارق والرشيد متسببين براكم بس
شبارقة
24-03-2011, 10:51 AM
الصائح؟
لكن مالقيتا في الصياغ:p

إجابة صحيحة 100% لكن من الرأس ولاّ الكراس؟

ويرفعان أصواتهما ويقولا

هذا ما عنيته من الصياغ الفي المداخلة ... رفع الصوت هو الصياح
أشتر
24-03-2011, 11:44 AM
ده كلام قاطعو من رأسك ساي ... ما سمعنابو .. ولا يندرج تحت كلامنا العامي بتاتا ً

أخنق فطـِّس تنفع معاك ؟ :)
أبدا والله ما قطعتو من راسي ...
وبالرجوع لواحد من مصادري لقيت نفسي قلتها غلط ...
والصحيح .. فَنْقّس خَنْقّس ...
والفنقسه في الخليج تعني الشقلبة ... وعندنا في السودان تعني التِوِطي أو أي فعل مناسب للشقلبة إتو وضميركم:D والخنقسة الرفع من التِوِطي ...
والحركة البايخة دي ماب تلقاها إلا عند عمال الدريسة أثناء قيادتهم لمركباتهم الفارهة ...
وقع ليك ولّ أقلب ليك الهوبا بعد كلامي دا ؟؟؟
أشتر
24-03-2011, 11:48 AM
:pطارق والرشيد متسببين براكم بس
لقيتم قاعدين كنب ساي جماعتي ديل ...
ياخ انا الما في بالي شي دخلت علي محاحا خليها ساي !!!!
فُتّ النعامة في الزوزوة بس الحمد لله الـ الله أدانا ملحة نقُرشا ...
أشتر
24-03-2011, 12:08 PM
مع انكم قلبتو صفحة تعديل التوب دي لكن نقلبا تاني نرجعا ورانا شنو غير القلب؟:D
أنا شخصياً كده بعدل التوب أكتر من ستموية مرة وذلك خوفا من انو يقع:p
لكن كمان في البعدلنو عشان يظهرن المثلت الفوق الفي شكل سبعة دييييك وماتحويه من دهيبات او لحيمات حسب حسب او يظبطن التمانية التحت لزوم الخطوة والحنة والكبرتة عشان مايبقى اجتهاد بلافايدة:D
والبعدلنو فوق الراس يدو ليك رفعة خفيفة كدة جهة الاذن اليمنى عشان الحلق واليد والشعيرات يكونوا في قلب الكام:D
أمّا تعديلة النص دي لوكان توب ربط تدي العقدة شدّة كدة قلق من انو يقع زي حالاتي كده:p

اهن ان شاءالله كفيت ووفيت:p
غايتو الله يلعن ليك التوب الربط في المرا السمينة !!! وحلاوتو في زولة ما عندها كرش ... ويا حبذا لو الكرش داخله لجوه :D
يعني الواحد يقوم يفهم انو النساء ديل في حرب ضروس بين ما يريدن وما نريد ...
كايسة السترة لى روحا المعنوية والفضيحة للحاجات العينية ... تخ معقولة بس
معادلة صعبة جدا ولكن بحنكتهن لن تتوان في الطلوع بالواحد وتخت مكانو صفر ...
اساسا اختيار نوعية التوب هي البتخلي معدل التّعِدّل يزيد فكلما كان زلاق زادت الشغلة ...
الشفاف شديد داك ما عندنا معاهو شغلة وعيبو اسمو توب ...
طيب ليه عندهن توب للبيت وتوب للصلاة وتوب للمرقة وتوب الجارات ...
الراجل المسكين دا ما بشوفا الا بتوب واحد خمسة مرات في اليوم إنا لله ياخ !!!!
هوي انا مشيت وين شكلي كدا سرحت ...
نرجع لمحور حديسنا ...
تماضر حمزة
24-03-2011, 03:41 PM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=350604#post350604)
غايتو الله يلعن ليك التوب الربط في المرا السمينة !!! وحلاوتو في زولة ما عندها كرش ... ويا حبذا لو الكرش داخله لجوه :D
يعني الواحد يقوم يفهم انو النساء ديل في حرب ضروس بين ما يريدن وما نريد ...
كايسة السترة لى روحا المعنوية والفضيحة للحاجات العينية ... تخ معقولة بس
معادلة صعبة جدا ولكن بحنكتهن لن تتوان في الطلوع بالواحد وتخت مكانو صفر ...
اساسا اختيار نوعية التوب هي البتخلي معدل التّعِدّل يزيد فكلما كان زلاق زادت الشغلة ...
الشفاف شديد داك ما عندنا معاهو شغلة وعيبو اسمو توب ...
طيب ليه عندهن توب للبيت وتوب للصلاة وتوب للمرقة وتوب الجارات ...
الراجل المسكين دا ما بشوفا الا بتوب واحد خمسة مرات في اليوم إنا لله ياخ !!!!
هوي انا مشيت وين شكلي كدا سرحت ...
نرجع لمحور حديسنا ...




أولا في التبادي مااسمها كرش داخلة لي جوّة..:confused:
اسمو ضمير يالابيض ضميركlooool
حكاية الحرب أنا معاك فيها شديد
سترة شنو وفضيحة شنو مع انهن متباريات لكن ده اسمو سلف بروموشن ياخ :D

أنا عن أنواع التياب التي ذكرت،
توب البيت ده عادة بكون يابوليستر ياهزاز ياتوتل اكل عليه الزمن وشرب وجدعتو متعددة الفوايد فهي تارة منديل للعرق وتارات اخرى للمخاتيت:Dوطبعا برفعوا بيهو الحلة من النار ومرات تمارة كبابي بالذات في البكيات البكون مغتي الخلفية ده شوف عيني تمروا بيو صينية :D
توب الصلاة للحبوبات عادة ابيض والنسوان الكبار ومرات ملون داك يالتوب النضييف المطبق ومختوت جنب المصلاية ومرات تحت المخدة لكن زي ناس سمرمر ديل بفنوهو فوق السرير يتخذ الموقع البعجبو ومرات بتدلدل عديل يقررب على الواطة بس وكت تجي تمسح تحت السرير بتنجبر ترفعو بعرفا انا:D
التياب الباقية لي بعدين منطرة امرق اسوي شنو عاد:p
سمراء
24-03-2011, 07:42 PM
لكن زي ناس سمرمر ديل بفنوهو فوق السرير يتخذ الموقع البعجبو ومرات بتدلدل عديل يقررب على الواطة بس وكت تجي تمسح تحت السرير بتنجبر ترفعو بعرفا انا:D
التياب الباقية لي بعدين منطرة امرق اسوي شنو عاد:p

هييييييييييييي وتانى هى ياطمطم انتى اظنو شمار توبى ماجاك :D
اذا حدث ولا حرج حيث اننى النصيحه لا استخدم هذاالثوب الا فى الحالات التى تستدى الجرجرة
طمطم ياخ هنا بقومو يهرشونه ساى شبارقة والجنا المحومر داك ;)
اخير ننتبز ركن قصى للاندياح ! رايك شنو نفتح لينا ركن برانا كدى ونحتو ؟:D
أشتر
24-03-2011, 07:48 PM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=350604#post350604)
غايتو الله يلعن ليك التوب الربط في المرا السمينة !!! وحلاوتو في زولة ما عندها كرش ... ويا حبذا لو الكرش داخله لجوه :D
يعني الواحد يقوم يفهم انو النساء ديل في حرب ضروس بين ما يريدن وما نريد ...
كايسة السترة لى روحا المعنوية والفضيحة للحاجات العينية ... تخ معقولة بس
معادلة صعبة جدا ولكن بحنكتهن لن تتوان في الطلوع بالواحد وتخت مكانو صفر ...
اساسا اختيار نوعية التوب هي البتخلي معدل التّعِدّل يزيد فكلما كان زلاق زادت الشغلة ...
الشفاف شديد داك ما عندنا معاهو شغلة وعيبو اسمو توب ...
طيب ليه عندهن توب للبيت وتوب للصلاة وتوب للمرقة وتوب الجارات ...
الراجل المسكين دا ما بشوفا الا بتوب واحد خمسة مرات في اليوم إنا لله ياخ !!!!
هوي انا مشيت وين شكلي كدا سرحت ...
نرجع لمحور حديسنا ...




أولا في التبادي مااسمها كرش داخلة لي جوّة..:confused:
اسمو ضمير يالابيض ضميركlooool
حكاية الحرب أنا معاك فيها شديد
سترة شنو وفضيحة شنو مع انهن متباريات لكن ده اسمو سلف بروموشن ياخ :D

أنا عن أنواع التياب التي ذكرت،
توب البيت ده عادة بكون يابوليستر ياهزاز ياتوتل اكل عليه الزمن وشرب وجدعتو متعددة الفوايد فهي تارة منديل للعرق وتارات اخرى للمخاتيت:Dوطبعا برفعوا بيهو الحلة من النار ومرات تمارة كبابي بالذات في البكيات البكون مغتي الخلفية ده شوف عيني تمروا بيو صينية :D
توب الصلاة للحبوبات عادة ابيض والنسوان الكبار ومرات ملون داك يالتوب النضييف المطبق ومختوت جنب المصلاية ومرات تحت المخدة لكن زي ناس سمرمر ديل بفنوهو فوق السرير يتخذ الموقع البعجبو ومرات بتدلدل عديل يقررب على الواطة بس وكت تجي تمسح تحت السرير بتنجبر ترفعو بعرفا انا:D
التياب الباقية لي بعدين منطرة امرق اسوي شنو عاد:p
شتتي الشبال يم ضمير ... خليهن اللطيرن كدا ولّ كدا ... هِن ياتو يوم ركّن :D!!!!!
صاح كلامك في ما يخص الضمير وكدا ... ما هو ذااااتو الكشح ولّ شيتن تاني مانا خابرنو؟؟؟
ما مشكلة اعتبرناهم سترة وفضيخة متباريات ...
قامت السترة اماطت اللثام عن حاجة كدا ... قامت الفضيحة غفّلت السترة ... مع انو سلطان الفضيحة ابليس .. وسلطان السترة ايمانك ووعيك (وضميرك) وعندما تقرر الفضيحة التخلي عن السترة .. حتما هنالك ضحايا اوقعتهم الخطيئة في براثنها الضلال ...
اها في ناس كدا فضيحتم لو لكزت السترة ساي بالغلط تجي واقعة ...
هلنكاااات كان شفتيهم .. وهم كثر ... والله لا وقعك في طريقم ...
كلامك دا معناتو هنالك استخدامات أخرى للتياب غير السترة ...
غايتو جني وجن المرا البتقش العرق بى طرف توبا ... والمَبلّمة .. والبتلبس معاو سفنجة ...
شبارقة
27-03-2011, 12:23 PM
نرجع لموضوعنا :

يرازي - يحاحي - يناحي - يساسق - يخب - يجخ
أشتر
27-03-2011, 08:31 PM
نرجع لموضوعنا :

يرازي - يحاحي - يناحي - يساسق - يخب - يجخ
والتوب الكان محور حديثنا دا ما سوداني ولّ شنو ؟؟؟
في الدنيا دي كلها عن منو غير السودانيات والموريتانيات ؟؟؟
يرازي : الكلمة ممعوطة من الرزّة طبعا ..
وهي رزّة الباب … الرايحة وجاية .. وترازي الشي يعني تكرر محاولاتك فيهو لو عصلج معاك ...
وترازي الدامة برضو ممكن تكون تكرار محاولات التقرب منها في حال طنقعت والمرازة قد تاخد منحى آخر لو كترت وهنا الـمِرازي يا دمو تقيل يا إما المرازية مستّفة كبرياء ...
هن ذاتن لو ما رازيتن ما بتكيّفن !!!
يحاحي دي موش الايام الفاتت دي مسّخناها ؟؟؟
يناحي : ما بعيدة من يحاحي وقد تدي نفس المعنى ...
يساسق : أساسق بالدريب الجايي بحداكا اقول إمكن أصادف مرة ألقاكا أسالمك وينشرح قلبي الأصلو حباكا ... لاحظ هنا مافي مرازا والمِساسق احتمال ما تكون عندو مقومات الزول المِرازي فـ يعديها حوامة ساكت ...
انا في اعتقادي الزول المرازي مقوماتو ما أحسن من البساسق
يخب : فعل مضارع مجزوم بـ لم :D
يجخ : ويخج نفس المعنى بس قلبنوالحروف ليه ما تعرف !!!
شبارقة
28-03-2011, 03:22 PM
يناحي : ما بعيدة من يحاحي وقد تدي نفس المعنى ...

يخب : فعل مضارع مجزوم بـ لم :D

يجخ : ويخج نفس المعنى بس قلبنوالحروف ليه ما تعرف !!!
:)
يقولو ليك : يا ولد ناحي الجداد ده ... أو ناحي الذباب ده ... أو الليل كلو قاعد أناحي في الباعوض.

يخب : يمشي مسرعا ً ... قال عمر الطيب الدوش في أغنية الساقية : وأحمد ورا التيران يخب .

يجخ : يقولوا ليك فلان ده جخـّاخ ... أي حاجة يقولا طوالي المستمعين يقولوا ليهو : دَل :)
فيصل سعد
29-03-2011, 01:39 AM
:)
يقولو ليك : يا ولد ناحي الجداد ده ... أو ناحي الذباب ده ... أو الليل كلو قاعد أناحي في الباعوض.

يخب : يمشي مسرعا ً ... قال عمر الطيب الدوش في أغنية الساقية : وأحمد ورا التيران يخب .


سلامات يا عاصم و عساكم طيبين .. و ماك محتاج شكر
لمحاحاتك و خبك و مساسقتك في هذا البوست العامر بالجميع ..

الملود ؟؟؟

اب ستة ؟؟؟

القهبونة ؟؟؟

الكنيزر ؟؟؟

العرموص ؟؟؟
شبارقة
02-04-2011, 12:11 PM
الملود ؟؟؟

اب ستة ؟؟؟

القهبونة ؟؟؟

الكنيزر ؟؟؟

العرموص ؟؟؟

سلام يا ود سعد وعلك طيب

اللخو مزارع ولا طـُلبة بنيان :)

كلهن معروفات إلا القهبونة ما عرفتها

الكنيزر (كتير من الناس ما بعرفوها) وهي قطعة من الطوبة (ممكن تقول ربع طوبة) يحتاج ليها عامل البناء لسد الفراغات البينية ما بين الطوب ... وأحيانا ً يكسر طوبة كاملة بالمسطرينة عشان يحصل على الكنيزر.
آخـر المواني
02-04-2011, 01:00 PM
كلهن معروفات إلا القهبونة ما عرفتها


غايتو كلامك في القهبونة صاح ما عرفتها زيك !

لكن البجي يقرأ كلامك عن كلها معروفات دي وما شرحت الا الكنيزر ح يقول عمك دا زائغ :p

كان مفروض تشرحها كلها وما تكتفي بي كلهن معروفات دي لأنو ما تعرفه أنت ربما غيرك لا يعرفه !

اما الكنيزر في اغلب المناطق تطلق علي تلتي الطوبة البتكون في الزاوية او الترويسة وليس اي قطعة طوبة لسد الفراغات ! وبرضو ربما تختلف المسميات حسب المناطق !النصيحة لي الله انا كلهن عارفن الا القهبونة .. لكن في ناس بكونو شايفين الكلام دا رطانة ما ! :D .. أنا ما قلت فلان ..



السلام عليكم ،،،
شبارقة
02-04-2011, 02:52 PM
لكن البجي يقرأ كلامك عن كلها معروفات دي وما شرحت الا الكنيزر ح يقول عمك دا زائغ :p
كان مفروض تشرحها كلها وما تكتفي بي كلهن معروفات دي لأنو ما تعرفه أنت ربما غيرك لا يعرفه !

اما الكنيزر في اغلب المناطق تطلق علي تلتي الطوبة البتكون في الزاوية او الترويسة وليس اي قطعة طوبة لسد الفراغات ! وبرضو ربما تختلف المسميات حسب المناطق !النصيحة لي الله انا كلهن عارفن الا القهبونة .. لكن في ناس بكونو شايفين الكلام دا رطانة ما ! :D .. أنا ما قلت فلان ..




وعليكم السلام :):)

هلا بأخونا آخر المواني وحبابك عشرة

لو رجعت حركة وراء في هذا البوست لكنت أدركت بأنه أقرب للمسابقات وإنو نحن دائما ً بندي فرصة للآخرين لمحاولة الإجابة (ما بنحرق الفيلم طوالي)... ولكن الحاجات الما عارفنها بنقول ما عرفناها (زي القهبونة مثلا ً)..

اللخو مزارع ولا طـُلبة بنيان
الإقتباس أعلاه دليل على إنو الواحد ناقش معاني الكلمات الفوق ديلك ... لكن دائما ً ندي الآخرين فرصة وبعدين بنجيكم صادّين...:)

وبرضو ربما تختلف المسميات حسب المناطق

ده كلام سليم وهو أحد أهداف هذا البوست

مرحب بيك مرة تانية يا آخر المواني .
آخـر المواني
02-04-2011, 03:10 PM
وعليكم السلام :):)
هلا بأخونا آخر المواني وحبابك عشرة


شاكر لك ترحيبك .. :)


(ما بنحرق الفيلم طوالي)... ولكن الحاجات الما عارفنها بنقول ما عرفناها (زي القهبونة مثلا ً)..

الإقتباس أعلاه دليل على إنو الواحد ناقش معاني الكلمات الفوق ديلك ... لكن دائما ً ندي الآخرين فرصة وبعدين بنجيكم صادّين...:)


كان كدا يبقي كلام سليم .. :D

بوركت من فتى .. :)
شبارقة
03-04-2011, 06:41 AM
اليوم البشيل أهلي ما بتعرّفو علي ...


ياخ والله ذكرتني تعابير لي زمن ما سمعتبا ... شايل مدني ... شايل الخرتوم

أنت عارف كتيرين هنا ما بكونو فهموا جملتك الفوق دي .
فيصل سعد
03-04-2011, 08:11 AM
ياخ والله ذكرتني تعابير لي زمن ما سمعتبا ... شايل مدني ... شايل الخرتوم

أنت عارف كتيرين هنا ما بكونو فهموا جملتك الفوق دي .


سلامات يا شاب و ماك طيب :

كلامك صاح و نحنا طبعا همباتة بدل "شايل البندر" بنقول "قالعين الصعيد" و ناس الاستشراق و الحداثة :D:D بقولوا كاسحين و هم اساسا طاشين و كدا :D:D زي قصة "الطشاش في بلد العمي شوف" و لا يفوت فراستك و حصافتك انه شغلانة الطشاش عندها علاقة بالذي اكل الكباب و كدا :D:D

القهبونة : الحر الشديد والذى لاتستطيع معه البقاء أو الانتظار
وهو الحر الذى يقلى الحبة و السموم اللافح ..

اها العرموص و جمعها عراميص تبع المسطرينة و المونة و القدح
و الملود كما تعلم تابع الحواشات و المنجل و الطورية و الكرك ..
اها بتعرف الصي ؟؟

الايامات دي اجارك الله عندنا برد " نخرة كلب" اها العلاقة شنو بين الاتنين ديل .. غايتو انا مخمختها و دورتها ما لقيت غير انه الكلب بركلس و برطب تحت المزيرة و دا الببرد نخرتو :D:D

سلام ..
سمراء
03-04-2011, 08:21 AM
الايامات دي اجارك الله عندنا برد " نخرة كلب" اها العلاقة شنو بين الاتنين ديل .. غايتو انا مخمختها و دورتها ما لقيت غير انه الكلب بركلس و برطب تحت المزيرة و دا الببرد نخرتو :D:D

سلام ..

:D:D:D

الله يبردة علينا ، واليومين ديل نحن على النقيض منكم
يعنى قهمووووبة شديدة :D
آخـر المواني
03-04-2011, 09:09 AM
القهبونة : الحر الشديد والذى لاتستطيع معه البقاء أو الانتظار
وهو الحر الذى يقلى الحبة و السموم اللافح ..


شكرن للمعلومة :D .. لكن نحنا بنقول ليها الجهمورة :)


اها بتعرف الصي ؟؟

اما دا زي الواحد لما يقول ليك قاعد في الصقيعة كدا او المرأة تقول ليك امرق تمرق في الخلاء و الصي ..! و المعنى واضح :p

الايامات دي اجارك الله عندنا برد " نخرة كلب" اها العلاقة شنو بين الاتنين ديل .. غايتو انا مخمختها و دورتها ما لقيت غير انه الكلب بركلس و برطب تحت المزيرة و دا الببرد نخرتو :D:D


الغريب في الأمر انو الكلب بكون يلهث من العطش و لا تزال نخرته باردة :D
فيصل سعد
03-04-2011, 09:32 AM
شكرن للمعلومة :D .. لكن نحنا بنقول ليها الجهمورة :)


سلام يا كوتش و مرحبيك بيجاي
اها بتعرف الجعمورة ؟؟
فيصل سعد
03-04-2011, 09:35 AM
:D:D:D

الله يبردة علينا ، واليومين ديل نحن على النقيض منكم
يعنى قهمووووبة شديدة :D

عليكم بمزيدا من الداندرمة :D:D
او البوظة حسب رواية ابو اليشا و كدا !!

سلام ..
جانيت
03-04-2011, 09:36 AM
اقتباس:
المشاركة الأصلية كتبت بواسطة فيصل سعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=353973#post353973)
سلام يا كوتش و مرحبيك بيجاي
اها بتعرف الجعمورة ؟؟




شنو يا بوكش انت بقيت تنجر من راسك
انا البوست ده خشيتو فترة كده بي ثقة لكن بعد نجرك ده اخير نتضاير



خبرك يا اللخو :)
فيصل سعد
03-04-2011, 09:40 AM
الغريب في الأمر انو الكلب بكون يلهث من العطش و لا تزال نخرته باردة :D

دا يكون كلب حر ساي يا ابن العم ..
كدي ننتظر عاصم يجي يفلفل لينا
مصطلح "كلب الحر" دا و الله
يكرم السامعين ..
شبارقة
03-04-2011, 09:44 AM
الايامات دي اجارك الله عندنا برد " نخرة كلب" اها العلاقة شنو بين الاتنين ديل .. غايتو انا مخمختها و دورتها ما لقيت غير انه الكلب بركلس و برطب تحت المزيرة و دا الببرد نخرتو :D:D


:D:D

لغاية ما يجيكم بابكر عباس خلونا نفتي ليكم :

الكلاب ليس لها مسامات ولذلك تقوم بتنظيم درجة حرارتها (ترطيب وكده) بواسطة اللسان والأنف ... شغل ليهو علاقة بالتبخر ومن ثم التبريد ... أعتقد إنو داخل أنف الكلب توجد غدد خاصة تفرز سوائل وهي السبب في النهاية إنو النخرة تكون باردة جدا ً .. (نخرة الكلب لونا أسود ومكنة التلاجة لونا أسود :)).
فيصل سعد
03-04-2011, 09:44 AM
اقتباس:
المشاركة الأصلية كتبت بواسطة فيصل سعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=353973#post353973)



شنو يا بوكش انت بقيت تنجر من راسك
انا البوست ده خشيتو فترة كده بي ثقة لكن بعد نجرك ده اخير نتضاير



خبرك يا اللخو :)

سلام يا اللخت .. و الله الخبر شالوا النسيم !!
قلتلي الجعمورة غلبتك.. طيب بتعرفي الجاغورة
او الكسمبر او الكرنديس ..
سمراء
03-04-2011, 09:45 AM
عليكم بمزيدا من الداندرمة :D:D
او البوظة حسب رواية ابو اليشا و كدا !!

سلام ..

بوظة !!
والله ابو اليشا ده اعصابو البايظة
نحنا البوظة دى بنسمع بيها فى اسبيستون بس :D
احمد سيداحمد
03-04-2011, 09:52 AM
دا يكون كلب حر ساي يا ابن العم ..
كدي ننتظر عاصم يجي يفلفل لينا
مصطلح "كلب الحر" دا و الله
يكرم السامعين ..

كلاب الحر او كلاب الهجيري(عندنا في بلاد الشايقي) هي عبارة عن اشكال خيالية متحركة تشاهدها وانت جالس في الضل ايام الحر الشديد
فيصل سعد
03-04-2011, 10:13 AM
كلاب الحر او كلاب الهجيري(عندنا في بلاد الشايقي) هي عبارة عن اشكال خيالية متحركة تشاهدها وانت جالس في الضل ايام الحر الشديد

شكرا للمعلومة الثابتة
و حبابك الف ..
أشتر
07-04-2011, 09:36 PM
ياخ والله ذكرتني تعابير لي زمن ما سمعتبا ... شايل مدني ... شايل الخرتوم

أنت عارف كتيرين هنا ما بكونو فهموا جملتك الفوق دي .
الفِهِم كتّر خيرو والما فِهِم برضو كتّر خيرو ؟؟؟
طيب الناس دي بتعاين للتلفزيون ساي كدا عدم موضوع ؟؟؟
اول امبارح القريييب دا سمعتها من مرا عجوزة جابو معاها لقاء في قناة الشروق ...
ولّ بس عارفين شايلين المحنة وهمّنا نبني جنّة ...
هسي لو قالو ليهم بشيلوها كيف يقولو في قدح مونه ;) ...
أشتر
07-04-2011, 09:38 PM
اها يا شبارقة ...
من وين جات كلمة .. لنج ..
دي جديدة لنج ...
تماضر حمزة
07-04-2011, 09:42 PM
اها يا شبارقة ...
من وين جات كلمة .. لنج ..
دي جديدة لنج ...

اهن من وين؟
أشتر
08-04-2011, 09:18 PM
اهن من وين؟
وانا لو عارف كنت سألت ؟؟؟




:D ;)
شبارقة
09-04-2011, 07:49 AM
اها يا شبارقة ...
من وين جات كلمة .. لنج ..
دي جديدة لنج ...



طبعا ً دي واحدة من الكلمات الأجنبية التي نستخدمها بمعناها وبنفس نطقها

زماااان لما كنا في الثانوي كان في درس في مادة اللغة الفرنسية بعنوان le nouveau وكان بيحكي قصة ولد جديد بالمدرسة ... وكلمة nouveau عرّبناها وأصبحت نيف ... يقولك : عجلة نيف ... وكتاب نيف ... وفيلم نيف .

أها قمنا سألنا أستاذ اللغة الإنجليزية عن كلمة لنج التي تقابل نيف فقال لينا لنج هي في الأصل كلمة لاتينية تعني (يادوب مخلوق أو يا دوب مصنوع) يعني حاجة جديدة بالمرة (launch) ... والعهدة على الأستاذ.
شبارقة
09-04-2011, 07:51 AM
ما الفرق بين الطقطوقة والفرطاقة ؟
آخـر المواني
09-04-2011, 09:00 AM
سلام يا كوتش و مرحبيك بيجاي
اها بتعرف الجعمورة ؟؟

سلام ود سعد ..

طبعن اخوك لبد من الاجابة وكل يوم بجي اتاوق يمكن واحد يرمي الاجابة :D

قلت لي كلب الحر يعني حاجة خيالية ..!!

عشنا وشفنا .. :)

اهااااا ..

بتعرف البلقة ؟؟؟
أشتر
09-04-2011, 09:16 AM
ما الفرق بين الطقطوقة والفرطاقة ؟
لو قتا لي الطقطوقة شنو والفرطاقة شنو بوريك الفرق :D
آخـر المواني
09-04-2011, 09:29 AM
لو قتا لي الطقطوقة شنو والفرطاقة شنو بوريك الفرق :D


الفرطاقة .. حسب منطقتنا .. هي ملاح بصل :D

مكوناته .. بصل + موية + نار + بهارات (ملح +شمار)
في البندر بسموهو (سخينة) و يضاف ليها دكوة :D

اما الطقطوقة دي ما عارفها ...
شبارقة
09-04-2011, 09:35 AM
لو قتا لي الطقطوقة شنو والفرطاقة شنو بوريك الفرق :D


:D:D

الطقطوقة بت طقطق والفرطاقة بت فرطق والماسورة بت نـقـّط :)
فيصل سعد
09-04-2011, 09:38 AM
سلام ود سعد ..

طبعن اخوك لبد من الاجابة وكل يوم بجي اتاوق يمكن واحد يرمي الاجابة :D

قلت لي كلب الحر يعني حاجة خيالية ..!!

عشنا وشفنا .. :)

اهااااا ..

بتعرف البلقة ؟؟؟

انت الظاهر عليك داير تدخلنا
في حيصبيص :D:D
شبارقة
09-04-2011, 09:41 AM
مكوناته .. بصل + موية + نار + بهارات (ملح +شمار)


النار بدل اللحمة ولا ّ شنو ؟ :)
فيصل سعد
09-04-2011, 09:41 AM
لو قتا لي الطقطوقة شنو والفرطاقة شنو بوريك الفرق :D


غايتو الفرطاقة دي ان ما اخاف الكضب
عندها علاقة بكيس النايلون و كدا :D:D
و الله اعلم ..
فيصل سعد
09-04-2011, 09:45 AM
لو قتا لي الطقطوقة شنو والفرطاقة شنو بوريك الفرق :D


النار بدل اللحمة ولا ّ شنو ؟ :)

احتمال يكون قاصدة موية نار
و علامة الزايد + عترت ليو و كدا :D:D
تخيل يا عاصم انا متأكد في ناس معانا هنا
قطع شك ما بعرفوا موية النار !!

سلام ..
آخـر المواني
09-04-2011, 09:48 AM
انت الظاهر عليك داير تدخلنا
في حيصبيص :D:D

اها عشان نمرقك من الحيص بيص دي :D نشكل ليك ..
(بلقة) بضم الباء و ضم اللام مع التشديد وفتح القاف مع الترقيق :D






مع التأكد أن فتح الفاء :p و فتح اللام مع الترقيق والمرور ساي في القاف :D تعني العصاة التي يستخدمها شيخ الخلوة في معاقبة الطالب الذي لم يحفظ ورده :p













مشلعيب : :D
دا في حال قريت الباء فاء :p
احمد سيداحمد
09-04-2011, 09:49 AM
احتمال يكون قاصدة موية نار
و علامة الزايد + عترت ليو و كدا :D:D
تخيل يا عاصم انا متأكد في ناس معانا هنا
قطع شك ما بعرفوا موية النار !!

سلام ..

موية النار البعرفه ياها بتاعت بطارية العربية غير كده الله اعلم يا ود سعد
آخـر المواني
09-04-2011, 09:51 AM
النار بدل اللحمة ولا ّ شنو ؟ :)

لحمة مين ياعم :D انت بتحلم looool


دي وجبة كانت ولا تزال موجودة في كثير من (رواكيب) بلادي .. دليل علي الفاقة و العوز ..
وهم لم يحلمو بي لحمة من مثل 5000 بقرة الهدية البشيرية لاولاد بمبة :mad:
آخـر المواني
09-04-2011, 09:53 AM
احتمال يكون قاصدة موية نار
و علامة الزايد + عترت ليو و كدا :D:D
تخيل يا عاصم انا متأكد في ناس معانا هنا
قطع شك ما بعرفوا موية النار !!

سلام ..

خلنا موية نارك البقو يستعلموها للانتقام التشويهي :D

لكن الفرطاقة دي مكوناتها للأسف :o
احمد سيداحمد
09-04-2011, 09:54 AM
لحمة مين ياعم :D انت بتحلم looool


دي وجبة كانت ولا تزال موجودة في كثير من (رواكيب) بلادي .. دليل علي الفاقة و العوز ..
وهم لم يحلمو بي لحمة من مثل 5000 بقرة الهدية البشيرية لاولاد بمبة :mad:

السخينه يا اخر المواني ما بتبقه سمحه الا بالربيت
آخـر المواني
09-04-2011, 09:57 AM
السخينه يا اخر المواني ما بتبقه سمحه الا بالربيت

شكرن يا سموري :D

كلم الحناكيش ديل بالله وبالمرة أشرح ليهم الربيت دا شنو :p

بس خلي كلامك بشيش ما تسمعك سمراء وتقوم تقول لي ياي :D
فيصل سعد
09-04-2011, 09:57 AM
موية النار البعرفه ياها بتاعت بطارية العربية غير كده الله اعلم يا ود سعد

كان تصبر شوية يا حبوب
و تخلى المستشرقين يظهروا :D:D
و ياها موية النار ذاتها..

سكان اميركا الشمالية يطلقون على
الخمر عموما كلمة Fire-water
برضوا يا اسمر يا مغير الاسم ..
شبارقة
09-04-2011, 09:58 AM
غايتو الفرطاقة دي ان ما اخاف الكضب
عندها علاقة بكيس النايلون و كدا :D:D
و الله اعلم


[SIZE="5"]
قال سماعين ود حد الزين:

و إن كان للقروش إن شاء الله طايري...
أنا معلّم الله لي حولين اسم فرطاقة ما دخلت جُرابي ...

http://www.sudanyat.org/upload/uploads/taradah.jpg
الطرّادة
فيصل سعد
09-04-2011, 10:01 AM
قال سماعين ود حد الزين:

و إن كان للقروش إن شاء الله طايري...
أنا معلّم الله لي حولين اسم فرطاقة ما دخلت جُرابي ...

http://www.sudanyat.org/upload/uploads/taradah.jpg


ما قلنا ليك كيس النايلون
زمنا كان بطرادة :D:D
احمد سيداحمد
09-04-2011, 10:06 AM
شكرن يا سموري :D

كلم الحناكيش ديل بالله وبالمرة أشرح ليهم الربيت دا شنو :p

بس خلي كلامك بشيش ما تسمعك سمراء وتقوم تقول لي ياي :D
الربيت با اخر المواني اصلا ينتج من عملية تسخين اللحم الملتصق بالدهن فيتحول الدهن الي ودك واللحم يبقي ربيت
شبارقة
09-04-2011, 10:07 AM
زمنا كان بطرادة :D:D

ياخ الطرادة دي كانت بتعمل عمايل :)
فيصل سعد
09-04-2011, 10:10 AM
الربيت با اخر المواني اصلا ينتج من عملية تسخين اللحم الملتصق بالدهن فيتحول الدهن الي ودك واللحم يبقي ربيت

اذن :D:D ما الفرق بين الربيت و السنكيت
و ايهما اطعم و بمطق !! عطش لي الطاء و
اكسرها شديد ..
شهد
09-04-2011, 10:17 AM
شبارقة كتب :
ما الفرق بين الطقطوقة والفرطاقة ؟

سلام آآآناس
غايتو الطقطوقة التربيزة الصغيرونة looool

الجايزة شنو:D
آخـر المواني
09-04-2011, 10:17 AM
اذن :D:D ما الفرق بين الربيت و السنكيت
و ايهما اطعم و بمطق !! عطش لي الطاء و
اكسرها شديد ..

الربيت من الدواخل .. والسنكيت من الخوارج ..


اما البمطق بالصح هو السنكيت :D خصوصاً لو كان حق جمل looool











..
آخـر المواني
09-04-2011, 10:21 AM
ياخ الطرادة دي كانت بتعمل عمايل :)

:D:D:D

لقيتكم قدام لكن :p
شهد
09-04-2011, 10:26 AM
اذن :D:D ما الفرق بين الربيت و السنكيت
و ايهما اطعم و بمطق !! عطش لي الطاء و
اكسرها شديد ..

الربيت طعمو مقرمش ويتلصق في اللسة من كترت الشحم :D
لأنو اساساً هو من شحم البطن (ستارة البطن);)
وبطلّعو منو المدعو (الودك)

السنكيت فيه شية عجيبة ،، لأنها لحمة مخلوطة بشوية شحيمات تخلي الشية عجيبةlooool
فيصل سعد
09-04-2011, 10:33 AM
عهد جيرون
محمد سعيد العباسي

أرقت من طول هم بات يعرونى
يثير من لاعج الذكرى و يشجونى
منيت نفسى آمالا يماطلنى
بها زمانى من حين الى حين

ألقى بصبرى جسام الحادثات ولى
عزم أصد به ما قد يلاقينى
ولا أتوق لحال لا تلائمها حالى
ولا منزل اللذات يلهينى
و لست أرضى من الدنيا
وإن عظمت إلا الذى
بجميل الذكر يرضينى
و كيف أقبل أسباب الهوان و لى
آباء صدق من الغر الميامين
النازلين على حكم العلا أبداً
من زينوا الدهر منهم أى تزيين

WIDTH=350 HEIGHT=400

و التحايا للجميع
شبارقة
09-04-2011, 11:15 AM
سلام آآآناس
غايتو الطقطوقة التربيزة الصغيرونة looool


إجابة صحيحة 100%
شبارقة
09-04-2011, 11:18 AM
لحمة مين ياعم :D انت بتحلم looool
دي وجبة كانت ولا تزال موجودة في كثير من (رواكيب) بلادي .. دليل علي الفاقة و العوز ..


طيب ما الفرق بين أم تكـَشو وأم شعيفة ؟
آخـر المواني
09-04-2011, 11:48 AM
طيب ما الفرق بين أم تكـَشو وأم شعيفة ؟

الفرق البصل :D ومدي تواجدهـ من عدمه :p
احمد سيداحمد
09-04-2011, 12:14 PM
التَتِقَه معناها شنو
احمد سيداحمد
11-04-2011, 05:44 PM
التَتِقَه معناها شنو

لحدي الان مافي زول عرف معناها
شبارقة
12-04-2011, 07:10 AM
التَتِقَه معناها شنو

لحدي الان مافي زول عرف معناها

مافي خيارات ؟ :)

أو بعض المساعدات.
شبارقة
12-04-2011, 07:15 AM
طيب ما الفرق بين أم تكـَشو وأم شعيفة ؟

الفرق البصل :D ومدي تواجدهـ من عدمه :p

واحدة خدرة ناشفة والتانية بامية ناشفة والإتنين بدون لحم وبدون بصل ... وبدون موية زاتو :)
فيصل سعد
28-04-2011, 10:22 PM
السلام و التحايا للاحباب الكرام الافاضل
رواد و رفاق هذا البوست العامر بالجميع ..


عهدنا معاك كنداب حربة ما بتشلخ
وصرة عين جبل بصاقعة ما بتفلخ
كان إيدينا فيك من المسك تتملخ
السما انتكى وجلد النمر اتسلخ


اشرح !!
شهد
15-05-2011, 10:57 AM
وين يا ناس الكلمة ومعناها

النضم السمح لسع ما كمل ارحكم :D

كلمة هضليم شن معناها ;)
شبارقة
15-05-2011, 12:33 PM
السلام و التحايا للاحباب الكرام الافاضل
رواد و رفاق هذا البوست العامر بالجميع ..

عهدنا معاك كنداب حربة ما بتشلخ
وصرة عين جبل بصاقعة ما بتفلخ
كان إيدينا فيك من المسك تتملخ
السما انتكى وجلد النمر اتسلخ
اشرح !!

الجبل : جبل ملوية
المسك : القبضة
النمر : الصحيح النمل ... ما سمعت يا فيصل بأولاد بمبه السلخو النملة :)

والقراءة الصحيحة هكذا:
عهدنا معاك كنداب حربة ما بيتشلَّخ
صُرة عين جبل ملوية الما بتفلَّخ
كان إيدينا من القبضة فيك تتملَّخ
السما ينتكي وجلد النمل يتسلَّخ

أها ... كنداب حربة معناها شنو ؟
مي هاشم
15-05-2011, 12:38 PM
متابعة بس:D:D
شبارقة
15-05-2011, 12:50 PM
وين يا ناس الكلمة ومعناها

النضم السمح لسع ما كمل ارحكم :D

كلمة هضليم شن معناها ;)

يا أبو فاطنة أم طعم منها النفوس ما كزّن
غارت قلبي بي جُلل المدافع الرزّن
ديسا القادا هضليم النعام الفزّن


الشعراء عندنا يطلقون لفظ الهضليم على الشعر الأسود الطويل ... معانا واحد من أهلنا البجا قال لي : الهضليم وينطقونها (الهدليم) في لهجتهم هو ذكر النعام عموما ً وهو غالبا ً لونه أسود وعندهم كمان كلمة هدل (هضل) تعني أسود

عمر البناء قال :
هضليم السحاب النفضنو بروقو فيهو يا عمر شعرا ً بموّت معشوقو
شبارقة
15-05-2011, 12:53 PM
متابعة بس:D:D

أهلا ً بالأخت مي هاشم ... وعودا ً حميدا ً إن شاء الله

المتابعة ما كفاية عايزين المشاركة وإثراء البوست يا ناس الشهادات العربية :)
فتحي مسعد حنفي
15-05-2011, 12:56 PM
المشاركة الأصلية كتبت بواسطة شهد
سلام آآآناس
غايتو الطقطوقة التربيزة الصغيرونة
إجابة صحيحة 100%


والطقطوقة أيضا نوع من أنواع الغناء الخفيف زي الرمية وما شابه وكان ما مصدق أسأل ود عثمان أو خش القوقل.:D
شبارقة
15-05-2011, 01:00 PM
والطقطوقة أيضا نوع من أنواع الغناء الخفيف


عشان كده سموها حواء الطقطاقة يعني :)؟ بتعرف السيارة يا عم فتحي ؟
مي هاشم
15-05-2011, 01:06 PM
أهلا ً بالأخت مي هاشم ... وعودا ً حميدا ً إن شاء الله

المتابعة ما كفاية عايزين المشاركة وإثراء البوست يا ناس الشهادات العربية :)

تسلم يا شبارقة..
انا شهادة سودانية ياخوي، لكن أسئلتكم صعبة أمي زاتا ما بتعرفها:D:D
فتحي مسعد حنفي
15-05-2011, 01:11 PM
عشان كده سموها حواء الطقطاقة يعني :)؟ بتعرف السيارة يا عم فتحي ؟


السيارة لها عدة معاني غير العربية فالسيارة هم من يسيرون في ركب القافلة وهم أيضا من يشاركون في السيرة وخم ايضا من يسرون في الليل ومنها كلمة يسري أو العكس أما حكاية خالتي حوة فدي ما خطرت علي بالي خصوصا بعد كلام شوقي وتفسيره لها ان مطلقها هو الخواجة الانجليزي القال ليهو انتي كل يوم من الصباح تقومي تغني طق طق طق وعشان كدا سموها الطقطاقة وبالمناسبة الخليجيين بقولو علي الغنا طقطقة..
شبارقة
15-05-2011, 01:49 PM
السيارة لها عدة معاني غير العربية

يا خواجة السيارة القاصدا أنا ليها علاقة بالعواسة ... عرفتها؟ ولا ننادي ليك حبوبة مي هاشم :)
شبارقة
15-05-2011, 01:52 PM
تسلم يا شبارقة..
انا شهادة سودانية ياخوي، لكن أسئلتكم صعبة أمي زاتا ما بتعرفها:D:D

:):)

أنا زوجتي شهادة عربية ... وهي عضو معانا هنا وبتخش البوست ده لكنها ما عارفة التكتح :D
فتحي مسعد حنفي
15-05-2011, 01:53 PM
يا خواجة السيارة القاصدا أنا ليها علاقة بالعواسة ... عرفتها؟ ولا ننادي ليك حبوبة مي هاشم :)


لأ ما عرفتها ومعلوماتي عن العواسة لا تتعدي الدوكة أو الصاج والقرقريبة والمحراكة وكنتوش العجين أو البلاص وبيض النعام..تحنا ناس بنعاين لي فوق النجوم السيارة وما شابه وما لينا في التكل:D:D
شبارقة
15-05-2011, 02:00 PM
معلوماتي عن العواسة لا تتعدي الدوكة أو الصاج والقرقريبة والمحراكة وكنتوش العجين أو البلاص وبيض النعام..تحنا ناس بنعاين لي فوق النجوم السيارة وما شابه وما لينا في التكل:D:D

خطيييير والله يا خواجة وما شاء الله عليك ... ما نسيت حاجة إلا الطايوقة والطايوقة هي السيارة وسموها سيارة لأنها بتيسر العواسة ... والعواسة ما بتسير معاهن بسهولة من دون إستخدام الطايوقة .... أوع تقول لي ما عرفت الطايوقه !!! بزعل منك :)
تحفة حوا
15-05-2011, 02:06 PM
:):)

أنا زوجتي شهادة عربية ... وهي عضو معانا هنا وبتخش البوست ده لكنها ما عارفة التكتح :D

:D :D

اي والله كلامكم دا كلو مابعرفوا
الا السيارة عرفتها والله بس قلت ادي فرصة للاخرين :)
فتحي مسعد حنفي
15-05-2011, 02:12 PM
خطيييير والله يا خواجة وما شاء الله عليك ... ما نسيت حاجة إلا الطايوقة والطايوقة هي السيارة وسموها سيارة لأنها بتيسر العواسة ... والعواسة ما بتسير معاهن بسهولة من دون إستخدام الطايوقة .... أوع تقول لي ما عرفت الطايوقه !!! بزعل منك :)



انت يازول طايوقك ضرب ولا شنو:confused: بالمناسبة أحسن أنواع الطايوق هو البطلع من عضمة الساق:):p
شبارقة
15-05-2011, 02:18 PM
انت يازول طايوقك ضرب ولا شنو


الطايوق بسيح ما بضرب يا خواجة ... يقولو ليك ما تقيف تحت الشمس بتسيّح طايوقك ويجيك السحائي
فتحي مسعد حنفي
15-05-2011, 02:22 PM
الطايوق بسيح ما بضرب يا خواجة


الطايوق بالبلدي بنقصد بيهو المخ وبنقول فلان مخو ضرب..
فضي الخاص سريع قبل ما أعمل ليكم كارثة ونروح كلنا في حديد:eek:
شبارقة
15-05-2011, 02:26 PM
فضي الخاص سريع قبل ما أعمل ليكم كارثة ونروح كلنا في حديد:eek:

:D:D

فضيناهو ... وربنا يستر :D
أشتر
15-05-2011, 02:26 PM
:D :D

اي والله كلامكم دا كلو مابعرفوا
الا السيارة عرفتها والله بس قلت ادي فرصة للاخرين :)أها أنا ديك كلهن عرفتهن ما عدا السيارة دي !!!!!!
وأول مرة (أسمعبها :D زي ما بقولو الشوايقة)
فهل المسعلة دي تضارب حضارات ؟؟ ولّ عُصارة اختلافات ؟؟ ولّ جنس غايتوهات ؟؟ :D
شبارقة
15-05-2011, 02:39 PM
اي والله كلامكم دا كلو مابعرفوا
الا السيارة عرفتها والله بس قلت ادي فرصة للاخرين :)

كونك تعرفي إنو طايوقة العواسة هي السيارة ما قصرتي تب ... وخليك معانا هنا عشان تتطوري :)
شبارقة
15-05-2011, 02:51 PM
أها أنا ديك كلهن عرفتهن ما عدا السيارة دي !!!!!!
وأول مرة (أسمعبها :D زي ما بقولو الشوايقة)
فهل المسعلة دي تضارب حضارات ؟؟ ولّ عُصارة اختلافات ؟؟ ولّ جنس غايتوهات ؟؟ :D

وينك يا حبيب ... أوع الإشراف الفني يأخدك مننا ... مرة مرة تعال أجدع معانا بي جاي
شبارقة
15-05-2011, 02:52 PM
يناغم ... شن معناها؟
شهد
15-05-2011, 02:54 PM
يناغم ... شن معناها؟

ينادي;)
تحفة حوا
15-05-2011, 03:08 PM
اقتباس:
المشاركة الأصلية كتبت بواسطة أشتر http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=372287#post372287)
أها أنا ديك كلهن عرفتهن ما عدا السيارة دي !!!!!!
وأول مرة (أسمعبها :D زي ما بقولو الشوايقة)
فهل المسعلة دي تضارب حضارات ؟؟ ولّ عُصارة اختلافات ؟؟ ولّ جنس غايتوهات ؟؟ :D


عليك النبي كلهن عرفتهن ؟؟؟

المسعلة ان تلك المصطلحات لم تعد متداولة كالسابق
كما انها تختلف من منطقة واخرى
وفي ناس بيروا ان عدم تداولهم واستخدامهم لهذه المصطلحات رقي
رغم ان الكثير منها عربي فصيح
تحفة حوا
15-05-2011, 03:32 PM
اقتباس:
المشاركة الأصلية كتبت بواسطة شبارقة http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=372292#post372292)
كونك تعرفي إنو طايوقة العواسة هي السيارة ما قصرتي تب ... وخليك معانا هنا عشان تتطوري :)



:D :D

سمح goood
أشتر
17-05-2011, 08:59 AM
عليك النبي كلهن عرفتهن ؟؟؟

المسعلة ان تلك المصطلحات لم تعد متداولة كالسابق
كما انها تختلف من منطقة واخرى
وفي ناس بيروا ان عدم تداولهم واستخدامهم لهذه المصطلحات رقي
رغم ان الكثير منها عربي فصيح
آآي عرفتهن من زمان ...
اساسا دي من المصطلحات الما بتقبل التداول بقدر ما هي مسميات يتم التعامل بها في نطاق جهوي أو جغرافي عشان لامن أقول ليك ناوليني الطايوقة دي تمدّي يدك على السيارة :D
رقي شنو عليك الله البنقيسو بعدم المعرفة ؟؟!!!!
لكن برضو ما ضروري ناس العمارات يعرفو المعراكة لأنو ما عندهم صاج عواسة ...
اها الفرق بين الصاج والطاجن شنو ؟؟؟
شبارقة
17-05-2011, 09:39 AM
اها الفرق بين الصاج والطاجن شنو ؟؟؟


تعرف يا محمد الفرق بين الصاج والطاجن فيهو لغط كبير وكل ناس منطقة عندهم رأي ... طبعا ً الإتنين مصنوعات من المعدن ... والفرق بينهما في الغـُرُق ... في ناس بيقولوا الطاجن أغرق من الصاج ويستخدم للتحمير في زيت كتير (طعمية - لقيمات إلخ) وفي ناس بيقولو العكس ... وفي ناس بيقولو الصاج مسطح الشكل لعواسة الكسرة والقراصة .

وفي ناس بيقولوا الطاجن هو الحـَلة نفسها ...

والطاجن في المغرب العربي هو نوع من أنواع الأكل (صينية سمك بالطماطم والبهارات) وبتكون معمولة بالفرن.

والله أعلم،،،
تحفة حوا
17-05-2011, 09:41 AM
اقتباس:
المشاركة الأصلية كتبت بواسطة شبارقة http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=373013#post373013)
تعرف يا محمد الفرق بين الصاج والطاجن فيهو لغط كبير وكل ناس منطقة عندهم رأي ... طبعا ً الإتنين مصنوعات من المعدن ... والفرق بينهما في الغـُرُق ... في ناس بيقولوا الطاجن أغرق من الصاج ويستخدم للتحمير في زيت كتير (طعمية - لقيمات إلخ) وفي ناس بيقولو العكس ... وفي ناس بيقولو الصاج مسطح الشكل لعواسة الكسرة والقراصة .

وفي ناس بيقولوا الطاجن هو الحـَلة نفسها ...

والطاجن في المغرب العربي هو نوع من أنواع الأكل (صينية سمك بالطماطم والبهارات) وبتكون معمولة بالفرن.

والله أعلم،،،


شبارقة كيفنك :D
يعني الصاج للعواسة والطاجن للتحمير
طيب الدوكة فرقها شنو من الصاج ؟
جيجي
17-05-2011, 09:44 AM
تعرف يا محمد الفرق بين الصاج والطاجن فيهو لغط كبير وكل ناس منطقة عندهم رأي ... طبعا ً الإتنين مصنوعات من المعدن ... والفرق بينهما في الغـُرُق ... في ناس بيقولوا الطاجن أغرق من الصاج ويستخدم للتحمير في زيت كتير (طعمية - لقيمات إلخ) وفي ناس بيقولو العكس ... وفي ناس بيقولو الصاج مسطح الشكل لعواسة الكسرة والقراصة .

وفي ناس بيقولوا الطاجن هو الحـَلة نفسها ...

والطاجن في المغرب العربي هو نوع من أنواع الأكل (صينية سمك بالطماطم والبهارات) وبتكون معمولة بالفرن.

والله أعلم،،،وانا بقول الصاج من المعدن
والطاجن هو اي اناءمصنوع من الفخار:)
والطاجن في المغرب هو اي اكلة مطهية في اناء الفخار:p
يعني في طاجن سمك
وطاجن جداد
وطاجن لحمة
تحفة حوا
17-05-2011, 09:45 AM
اقتباس:
المشاركة الأصلية كتبت بواسطة أشتر http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=372988#post372988)
آآي عرفتهن من زمان ...
اساسا دي من المصطلحات الما بتقبل التداول بقدر ما هي مسميات يتم التعامل بها في نطاق جهوي أو جغرافي عشان لامن أقول ليك ناوليني الطايوقة دي تمدّي يدك على السيارة :D
رقي شنو عليك الله البنقيسو بعدم المعرفة ؟؟!!!!
لكن برضو ما ضروري ناس العمارات يعرفو المعراكة لأنو ما عندهم صاج عواسة ...
اها الفرق بين الصاج والطاجن شنو ؟؟؟


بركة الجا شبارقة وجاوب
في داعي للاختبارات دي :mad:
يعني ممكن تقول للبرادو طايوقة :rolleyes:
جيجي
17-05-2011, 09:46 AM
شبارقة كيفنك :D
يعني الصاج للعواسة والطاجن للتحمير
طيب الدوكة فرقها شنو من الصاج ؟لووووووووول
السمحين وين انتوا
فيصل سعد
17-05-2011, 09:48 AM
السلام و التحايا للجميع و ذكرتونا
مطعم العيلفون و البربري
و فول ابو العباس العشرة الكرام

يديكم العافية ..
تحفة حوا
17-05-2011, 09:52 AM
اقتباس:
المشاركة الأصلية كتبت بواسطة جيجي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=373023#post373023)
لووووووووول
السمحين وين انتوا


جيجي كيفنك
انتي وينك وين ؟
قالوا لي تفتشي عن الفرح ؟ ولا رايح ليك زول ما عارفة :D

الله يسعد ايامك وايامنا
جيجي
17-05-2011, 09:57 AM
جيجي كيفنك
انتي وينك وين ؟
قالوا لي تفتشي عن الفرح ؟ ولا رايح ليك زول ما عارفة :D

الله يسعد ايامك وايامناسلام ليك وللبنيات
والله لو جيتي لي الجد
رائحة من روحي زاتها
بالجنبة
لقيت ثقافتكم المطبخية واقعة لكن:p
شكلك كدايعني ماضبحتي الكديسةlooool
تحفة حوا
17-05-2011, 10:02 AM
اقتباس:
المشاركة الأصلية كتبت بواسطة جيجي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=373034#post373034)
سلام ليك وللبنيات
والله لو جيتي لي الجد
رائحة من روحي زاتها
بالجنبة
لقيت ثقافتكم المطبخية واقعة لكن:p
شكلك كدايعني ماضبحتي الكديسةlooool


:o
اصلي بعوس في صاج تيفال وبحمر في طوة غريقة
يابت بمش السوق بشوف الحاجة العايزاها وبجيبها من غير اعرف اسمها goood
يوم قلت لي بتي املي الكفتيرة موية ساعة عشان اشرح ليها الكفتيرة فهمت لما قلتا ليها ابريق الشاي

الكديسة بضبحوها كيف ؟ goood
تحفة حوا
17-05-2011, 10:05 AM
اقتباس:
المشاركة الأصلية كتبت بواسطة فيصل سعد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=373025#post373025)
السلام و التحايا للجميع و ذكرتونا
مطعم العيلفون و البربري
و فول ابو العباس العشرة الكرام

يديكم العافية ..


خلاص ولا يهمك باقي البوست نسميه
مطاعم سودانية :D

ود سعد اخبارك والاسرة الكريمة
شبارقة
17-05-2011, 11:45 AM
طيب الدوكة فرقها شنو من الصاج ؟

الدوكة من الفخار والصاج من المعدن (ممكن يكون دهب :))
فيصل سعد
17-05-2011, 11:50 AM
خلاص ولا يهمك باقي البوست نسميه
مطاعم سودانية :D

ود سعد اخبارك والاسرة الكريمة

الله يسلمك و يبارك ايامكم
كيفكم و كيف الشباب و ابوهم
العزيز .. و الاهل عموم ..
شبارقة
17-05-2011, 12:53 PM
والطاجن هو اي اناءمصنوع من الفخار:)
والطاجن في المغرب هو اي اكلة مطهية في اناء الفخار:p
يعني في طاجن سمك
وطاجن جداد
وطاجن لحمة

والطاجن هو اي اناءمصنوع من الفخار:)

معنى كده الزير طاجن ؟ والقلة طاجن ؟ وإبريق جدي داك المصنوع من الفخار برضو طاجن؟ :mad:

يعني في طاجن سمك
وطاجن جداد
وطاجن لحمة

هنا كلامك صاح

جيجي إزيك :)
شبارقة
17-05-2011, 01:05 PM
كيفكم و كيف الشباب و ابوهم
العزيز .. و الاهل عموم ..

حبيبنا الغالي ود سعد ... وين أراضيك يا رجل ...

ما المقصود بالكنداكة ؟ وما علاقتها بحبيبنا طارق كانديك :)
جيجي
17-05-2011, 01:18 PM
معنى كده الزير طاجن ؟ والقلة طاجن ؟ وإبريق جدي داك المصنوع من الفخار برضو طاجن؟ :mad:



هنا كلامك صاح

جيجي إزيك :)معليش اي اناء طهو من الفخار هو طاجن
ابريق جدك من الفخار دي كيف:eek:
الله يسلمك
وتسلمو
ا
Hassan Farah
17-05-2011, 03:03 PM
فيصل سعد لعلكم بخير..
ادينى معنى الكلمات ادناه وبجيك...

اللدايات ....... الكفيق...... كاويقة... درين.... كدنبس... شكوة .... سيربيبة ...
الشرمالة.. مارقون.. تيديق...
الدبرغوية....
الفرناغة...
الدبزاوى....
ام سكتو ....
ام بور...
شبارقة
17-05-2011, 03:20 PM
ابريق جدك من الفخار دي كيف:eek:


http://www.sudanyat.org/upload/uploads/darwah.jpg
الإبريق الحيموري الفوق ده ياهو إبريق جدي يا جيجي
http://www.sudanyat.org/upload/uploads/rakwa.jpg
الإبريق الفي الوسط ده هو الإبريق المعروف والسائد قبل حوالي 30 سنة
http://www.sudanyat.org/upload/uploads/fkkkkkkk.jpg
أها ده إبريق الحناكيش والشهادة العربية :)


الإبريق الخاص بالوضوء يسمى الركوة وهو إسم عربي فصيح ... وطبعا ً زمان كان بصنعوهو من الفخار ومن ثم تمت صناعته من الزنك أو النحاس ... وفي بعض المناطق إبريق الفخار يسمى الدروة وإبريق النحاس أو الزنك بسموهم الركوة (يخيل لي عشان يفرقوا بينهم)

وكانوا بيقولوا : الركوة مع الدروة لا بتشبع ولا بتروى (يعني كان جنبك ركوة ودروة ومليانات موية ما حتشبع من الصلاة ... أي طول اليوم تتوضأ وتصلي)
تحفة حوا
17-05-2011, 07:03 PM
اقتباس:
المشاركة الأصلية كتبت بواسطة Hassan Farah http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=373212#post373212)
فيصل سعد لعلكم بخير..
ادينى معنى الكلمات ادناه وبجيك...

اللدايات ....... الكفيق...... كاويقة... درين.... كدنبس... شكوة .... سيربيبة ...
الشرمالة.. مارقون.. تيديق...
الدبرغوية....
الفرناغة...
الدبزاوى....
ام سكتو ....
ام بور...

حسن فرح كيفنك

اللدايات ديل غايتو حجارة بتكلوا بيهن يا الزير يا الحلة في نار الحطب
الكاويق البامية القوية وناشفة لو ضغطها بتتشقق
الفرناغة دي حاجة تخص المطر او التربة بعد نزول المطر اظن حاجة زي ام سويديب

والله اجتهدت اجتهاد
ان شاء الله يكونوا صاح
Hassan Farah
18-05-2011, 07:06 AM
حسن فرح كيفنك

اللدايات ديل غايتو حجارة بتكلوا بيهن يا الزير يا الحلة في نار الحطب
الكاويق البامية القوية وناشفة لو ضغطها بتتشقق
الفرناغة دي حاجة تخص المطر او التربة بعد نزول المطر اظن حاجة زي ام سويديب

والله اجتهدت اجتهاد
ان شاء الله يكونوا صاح
----------------------------------------------------------

صباح الخير تحفة حوا
عفارم عليكى... فى بعضو اصبتى .. وفى مكان قربتى.. برضك حاولى...:
للدايات ثلاثة او اربعة حجارة توضع تحت القدر اثناءالطهى ...
لكاويقة بقايا اللوبيا او الفول ( السيقان و الاوراق ) الجافة..
لفرناغة تراب ناعم تتمرغ فيه الحمير..
على كدا يا ستى تاخدى 90% مبروك
شبارقة
18-05-2011, 07:53 AM
دكتورنا الحبيب .. صبـّحك الله بالخير

الفرناغة تراب ناعم تتمرغ فيه الحمير..
:D:D
طيب أكان مافي فرناغة يتمردغن وين ؟
Hassan Farah
18-05-2011, 08:56 AM
دكتورنا الحبيب .. صبـّحك الله بالخير


:D:D
طيب أكان مافي فرناغة يتمردغن وين ؟
----------------------------------------------------------

صباح الخير اخو الاخوان شبارقة....
طبعا فوق التبن ... وخصوصا لو كان قصب شعير...
ابراهيم المونة
18-05-2011, 09:59 AM
اقتباس:
المشاركة الأصلية كتبت بواسطة فيصل سعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=83229#post83229)
الدفتر : ورق شفاف رهيف يستعمل في نظافة النظارات



ورق البرنسيس: ورق شفاف رهيف يستعمل في نظافة النظارات وفي حاجات تاني....................حامياني
فيصل سعد
18-05-2011, 10:09 AM
فيصل سعد لعلكم بخير..
ادينى معنى الكلمات ادناه وبجيك...

اللدايات ....... الكفيق...... كاويقة... درين.... كدنبس... شكوة .... سيربيبة ...
الشرمالة.. مارقون.. تيديق...
الدبرغوية....
الفرناغة...
الدبزاوى....
ام سكتو ....
ام بور...

مراحب يا دكتور و حبابك الف
نورت البوست يشهد الله ..
ناصر يوسف
18-05-2011, 01:50 PM
بوست وصل السفحة 165 وغالبني أضيف ليهو بقدر ما أضاف لي الكثير جداً
أسعف الذاكرة ببعض الموروث وأضاف الكثير من غير المعروف لدي مسبقاً
شكراً ليكم كلكم علي هذا البوح الإستثنائي
وتبقي ياها ثقافتنا الأصيلة
العودة إلي الجذور
بارك الله فيكم كلكم جت عليكم
وعازمكم ( أُم جَغوغه )
تماضر حمزة
18-05-2011, 02:11 PM
فيصل سعد لعلكم بخير..
ادينى معنى الكلمات ادناه وبجيك...

اللدايات ....... الكفيق...... كاويقة... درين.... كدنبس... شكوة .... سيربيبة ...
الشرمالة.. مارقون.. تيديق...
الدبرغوية....
الفرناغة...
الدبزاوى....
ام سكتو ....
ام بور...

سلامات،
نحاول في جزء من الباقيات غايتو..
التيديق..الطايوق؟
الدبزاوي..حمار يمتاز بقوتو فبسخروهو للعتالة؟
أم سكتو..الهدهد؟
الدبرغوية برضك تراب ناعم؟
الشرمالة..عراقي ولاجلابية قديمة يختوها في العنقريب بدل لحافو؟
تماضر حمزة
18-05-2011, 02:19 PM
فيصل سعد لعلكم بخير..
ادينى معنى الكلمات ادناه وبجيك...

اللدايات ....... الكفيق...... كاويقة... درين.... كدنبس... شكوة .... سيربيبة ...
الشرمالة.. مارقون.. تيديق...
الدبرغوية....
الفرناغة...
الدبزاوى....
ام سكتو ....
ام بور...

الكفيق أظنها الراكوبة من القصب
ماشي آخدلي تكية في الكفيق:p
Hassan Farah
18-05-2011, 02:30 PM
سلامات،
نحاول في جزء من الباقيات غايتو..
التيديق..الطايوق؟
الدبزاوي..حمار يمتاز بقوتو فبسخروهو للعتالة؟
أم سكتو..الهدهد؟
الدبرغوية برضك تراب ناعم؟
الشرمالة..عراقي ولاجلابية قديمة يختوها في العنقريب بدل لحافو؟
----------------------------------------------------------
يا بت انتى من (اندنا)... قر قر قر... لو تلاحظون ان كل هذه الكلمات ذات اصول نوبية... اخوانا نوبة الشمال الاقصى يرفضون انتماء قبائل الشمال الاوسط الى العرق النوبى...مافى شك ان الشايقية والمناصير والرباطاب والميرفاب والجعليين قد تعربوا بدرجة تفوق اخواننا فى الشمال الاقصى... لكنهم بالتأكيد لا زالوا يحتفظون بالكثير من المفردات النوبية القديمة... وجاييكم
طارق صديق كانديك
19-05-2011, 11:00 AM
ما المقصود بالكنداكة ؟ وما علاقتها بحبيبنا طارق كانديك :)


كيف حالك يا شبارقة وأسعد الله ايامك ومن حولك ..

كنت من قبل أفهم أن لقب جدي كانديك واسمه الأصلى محمد ينصرف الى كونه المكان الكثيف الأشجار في الغابة كما حكى لي أحد أعمامنا رحمه الله اذ يقول أن جدي كان لايهاب الدخول في هاتيك الأماكن المخيفة زمانئذ ويفعل فعل الملوك فلقب بالكانديك .. وربما اعتز عمي الذي حكى بأصله ليس إلا .. والله أعلم !!

حتى اذا ما تلمست معنى الكنداكة وجدته اسما قديما يطلق على ملكات منطقة مروى ماقبل الميلاد وهو لقب ملوكي له هيبة ووقار في نفوس أهلنا زمانئذ .. وقد كتب عنه في منتدى التوثيق السوداني شيئا من هذا القبيل بتفصيل أكثر .. !!


وحكمتهم هي بعض جهلنا كما يقول الفيتوري :)

لك التحيات والمودة
تحفة حوا
21-05-2011, 09:01 AM
الدوكة من الفخار والصاج من المعدن (ممكن يكون دهب :))



ان شاء الله الدهب يرخص بعد الحال

الدهب البقيتو تحندقونا بي دا
اها مافي زيارة قريب للرميزان :D
أشتر
21-05-2011, 03:50 PM
مطلوب واحد شايقي يشكّل لي الكلمات دي
ولو جدعنا بمعناها ما قصّر تب ...

قيسبت :
المشكنة :
قريفة :
كروقة :
اشميق:
البقل :
الزبل :
نورقن :
تقرط :
منقلت :
تنضارا :
غمت :
و(البرود) الطول ضريح
شهد
22-05-2011, 07:54 AM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=374384#post374384)
مطلوب واحد شايقي يشكّل لي الكلمات دي
ولو جدعنا بمعناها ما قصّر تب ...

قيسبت :
المشكنة :
قريفة : قرْيَّفَة مزاج القهوة لمن ترميك جوة قرياف كيفها " وتمشي على كل الحاجات البتوزن الراس بالكيف "
كروقة :
اشميق: حاجة بصنعو منها الحبال " اعتقد من النخيل
البقل :
الزبل :
نورقن :
تقرط :
منقلت :
تنضارا :
غمت :
و(البرود) الطول ضريح
أشتر
22-05-2011, 08:28 AM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=374384#post374384)
مطلوب واحد شايقي يشكّل لي الكلمات دي
ولو جدعنا بمعناها ما قصّر تب ...

قيسبت :
المشكنة :
قريفة : قرْيَّفَة مزاج القهوة لمن ترميك جوة قرياف كيفها " وتمشي على كل الحاجات البتوزن الراس بالكيف "
كروقة :
اشميق: حاجة بصنعو منها الحبال " اعتقد من النخيل
البقل :
الزبل :
نورقن :
تقرط :
منقلت :
تنضارا :
غمت :
و(البرود) الطول ضريح


اتنين من تلطاشر :eek:
ياهو دا عَمَارك مع النسوان :mad:؟؟؟
شكرا ما قصّرتي وربنا يسعد ايامك وما نجيك في شينة تب ...
فطوم
22-05-2011, 08:53 AM
شهد

اشميق: حاجة بصنعو منها الحبال " اعتقد من النخيل

________________________
بالتأكيد من النخيل
دي الحاجة العاملة كدا زي الليفة;) لوووول
بيتهيأ لي الكلمة نوبية بحتة وبيستخدموها برضو الشوايقة والله اعلم
شهد
22-05-2011, 09:09 AM
فطوم كتبت


بالتأكيد من النخيل
دي الحاجة العاملة كدا زي الليفة;) لوووول
بيتهيأ لي الكلمة نوبية بحتة وبيستخدموها برضو الشوايقة والله اعلم



شكراً فطوم على تأكيد المعلومة

الزبل : سماد عضوي من فضلات الحيوانات
أشتر
22-05-2011, 10:31 AM
فطوم كتبت



شكراً فطوم على تأكيد المعلومة

الزبل : سماد عضوي من فضلات الحيوانات
طيب الزبالة تطلع شنو ؟؟؟

متكوني زعلتي مني المرة الفاتت مرات بتكلم ساي ...
فيصل سعد
22-05-2011, 11:27 AM
طيب الزبالة تطلع شنو ؟؟؟

متكوني زعلتي مني المرة الفاتت
مرات بتكلم ساي ...

مرات في الحديقة
يكون جالس براهو :D:D
تماضر حمزة
22-05-2011, 06:31 PM
طيب الزبالة تطلع شنو ؟؟؟

متكوني زعلتي مني المرة الفاتت مرات بتكلم ساي ...





مرات في الحديقة
يكون جالس براهو :D:D


ومرّات أقول أديهو كلمة تزعلو:D
حبّة عذاب وكلام عتاب أنا عارفو مابتحمّلوlooool;)
فطوم
22-05-2011, 10:14 PM
طيب الزبالة تطلع شنو ؟؟؟

متكوني زعلتي مني المرة الفاتت مرات بتكلم ساي ...
______________________________
اللخو رايحة ليه زعلة...؟;);)
أشتر
24-05-2011, 08:25 AM
______________________________
اللخو رايحة ليه زعلة...؟;);)
آآي .. ولو لقيتيها رجّعيها لي في أقرب فرصة looool...


طيب الـكشمبير يطلع شنو ؟؟؟
أشتر
24-05-2011, 08:28 AM
مرات في الحديقة
يكون جالس براهو :D:D
تعال أقعد معاهو ;) :D
شهد
24-05-2011, 08:46 AM
طيب الزبالة تطلع شنو ؟؟؟

متكوني زعلتي مني المرة الفاتت مرات بتكلم ساي ...

الزبالة : نفس الشرح الفات ( تستخدم كدعامة لبيوت الطين من التِشِقِّقِّ ;) دا عندنا في السودان )
في دول الخليج اسمها " كَشَره"
والشام ومصر الزبالة هي ( القُمامة)


وبعدين ازعل منج جَيَفْ وانا آدري انج جِدِي ، مو غريب عليج ها الحجيlooool
فيصل سعد
24-05-2011, 08:49 AM
ومرّات أقول أديهو كلمة تزعلو:D
حبّة عذاب وكلام عتاب أنا عارفو مابتحمّلوlooool;)

و ان جرت
برضك عادل
ظلم الجميل مغفور ..
فيصل سعد
24-05-2011, 08:56 AM
و بعدين ازعل منج جَيَفْ وانا آدري
انج ، مو غريب عليج ها الحجيlooool


ايش لون ما تدرين
ها الريال بيحجي ساي
ما عندو سالفة ..

قلتلي الحجي جِدِي !!
لا لا ما بصير هيك :D:D
شهد
24-05-2011, 09:04 AM
ايش لون ما تدرين
ها الريال بيحجي ساي
ما عندو سالفة ..

قلتلي الحجي جِدِي !!
لا لا ما بصير هيك :D:D

فيصل ازيك ياخ
في ذمتج !!! بيحجي سااااااااي كدا :D
يعني اشيل زعلتي واكرفسها وامضغها وجمبلغ ابلعا ;)

سمح بلع نااااااااها looool
فيصل سعد
24-05-2011, 09:09 AM
يعني اشيل زعلتي واكرفسها وامضغها وجمبلغ ابلعا ;)



و وراها كوز موية ساقط :D:D
بابكر مخير
24-05-2011, 09:12 AM
و وراها كوز موية ساقط :D:D

كوز درة كدآ وتحمره في حلة وبيقآ فشار
وجربهو مع جبنة في صحبة مقدرة :o
فيصل سعد
24-05-2011, 09:14 AM
كوز درة كدآ وتحمره في حلة وبيقآ فشار
وجربهو مع جبنة في صحبة مقدرة :o


مرحبا بالحبيب القريب النسيب ..
اشرقت الانوار و حبابك تب ..
أشتر
24-05-2011, 10:20 AM
الزبالة : نفس الشرح الفات ( تستخدم كدعامة لبيوت الطين من التِشِقِّقِّ ;) دا عندنا في السودان )
في دول الخليج اسمها " كَشَره"
والشام ومصر الزبالة هي ( القُمامة)


وبعدين ازعل منج جَيَفْ وانا آدري انج جِدِي ، مو غريب عليج ها الحجيlooool
ها الحجي ؟؟؟!!!!!!
ياخ زمنّا دا كووووولو قاعدين نوصل المنصّل ونحصّل المكنصل
تجي تشبكينا جَيَفْ جَيَفْ جِدِي ؟؟؟

اللخت شكلها كومر مركّبة مكنة همر loooollooool:D
اها ان شاء الله أدّوك الجواز ؟؟؟ loooollooool

بتعرفي البربخ ؟؟؟
شهد
24-05-2011, 10:28 AM
ها الحجي ؟؟؟!!!!!!
ياخ زمنّا دا كووووولو قاعدين نوصل المنصّل ونحصّل المكنصل
تجي تشبكينا جَيَفْ جَيَفْ جِدِي ؟؟؟

اللخت شكلها كومر مركّبة مكنة همر loooollooool:D
اها ان شاء الله أدّوك الجواز ؟؟؟ loooollooool

بتعرفي البربخ ؟؟؟



بالحيل بعرفو .. البربخ هو : بوابة لحجز المياه على الترع

وجيف جيف دي لمن استلم الجواز بخليها اشلون ;)
فطوم
24-05-2011, 10:53 AM
آآي .. ولو لقيتيها رجّعيها لي في أقرب فرصة looool...


طيب الـكشمبير يطلع شنو ؟؟؟

________________________
لقيتا ليك....الزعلة
بس ابت ترجع ليك نووووووب بنووووووووب:D
قالت انت ما بتعاملها حلووووو يا حلوووووووlooool
ف شنو ....انساها ثمح..؟;)



الكشمبير حسب مصادرنا الخاصة
عبارة عن 3 خشبات
او بالاحرى 3 شومات
تتخالف في شكل مثلث وتعلق فيها ما يسمى ب (السعن)
والسعن عبارة عن دلو من جلد الماعز او العجل( يخج)فيها اللبن بطريقة معينة
لفصل الدهن عن اللبن لاستخراج السمن
والله اعلم