مشاهدة النسخة كاملة : *** مصطلحات عامّية سودانية ***
الصفحات :
1
2
3
4
5
6
7
8
9
10
[
11]
12
بالحيل بعرفو .. البربخ هو : بوابة لحجز المياه على الترع
وجيف جيف دي لمن استلم الجواز بخليها اشلون ;)
سمح ...
لكن تعريفك للبربخ غلط !!!
عشان تبطّلو تقوقلو على عماكم looool!!!
هو قريب من كدا وأي زيادة بتحول من بربخ لجسر ...
بعيد تماما عن الجسر الحتعدي بيهو لنيل الجواز ..
________________________
لقيتا ليك....الزعلة
بس ابت ترجع ليك نووووووب بنووووووووب:D
قالت انت ما بتعاملها حلووووو يا حلوووووووlooool
ف شنو ....انساها ثمح..؟;)
نسيتا .. بس خلي بالك أشتر آخر من يزعل ..
مالي بجيب لروحي تنشنة ع الفاضي ...
الكشمبير حسب مصادرنا الخاصة
عبارة عن 3 خشبات
او بالاحرى 3 شومات
تتخالف في شكل مثلث وتعلق فيها ما يسمى ب (السعن)
والسعن عبارة عن دلو من جلد الماعز او العجل( يخج)فيها اللبن بطريقة معينة
لفصل الدهن عن اللبن لاستخراج السمن
والله اعلم
الاجابة صحيحة ...
الكلمة دي قالا لي عكود في رسالة داخلية ما بقدر اجيبا هنا عشان ما يوقفوني عن الكتابة ...
الاجابة صحيحة ...
الكلمة دي قالا لي عكود في رسالة داخلية ما بقدر اجيبا هنا عشان ما يوقفوني عن الكتابة ...
_
_________________________
اهن....
الجايزة...ثرييع;)
كلمة شنو...؟;)
عكود منو...؟:D
عك ...قثدي هبب ...ياخ قال شنو...؟:confused:
ولي شنو...؟:mad:
خلاث انت موقوف مؤقت...:confused:
طيب الصح شنو...؟:rolleyes:
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=374384#post374384)
مطلوب واحد شايقي يشكّل لي الكلمات دي
ولو جدعنا بمعناها ما قصّر تب ...
قيسبت :
المشكنة :
قريفة : قرْيَّفَة مزاج القهوة لمن ترميك جوة قرياف كيفها " وتمشي على كل الحاجات البتوزن الراس بالكيف "
كروقة :
اشميق: حاجة بصنعو منها الحبال " اعتقد من النخيل
البقل :
الزبل :
نورقن :
تقرط :
منقلت :
تنضارا :
غمت :
و(البرود) الطول ضريح
البرود = البرْوِّد : ومعناها الأرض البور :D
والعهدة على الراوي " قريبي جدن " ;)
البرود = البرْوِّد : ومعناها الأرض البور :D
والعهدة على الراوي " قريبي جدن " ;)
وبرضو غلط !!!!!
البَرَوِدْ الطوّل ضريح ...
والعهدة على سيدا ... النطقا و نقّطا ;)
_
_________________________
اهن....
الجايزة...ثرييع;)
كلمة شنو...؟;)
عكود منو...؟:D
عك ...قثدي هبب ...ياخ قال شنو...؟:confused:
ولي شنو...؟:mad:
خلاث انت موقوف مؤقت...:confused:
طيب الصح شنو...؟:rolleyes:
يا زولة بتهضربي مالك ؟؟؟
عكود دا كمان بقولو هبب ؟؟؟
ياخ إتي جديدة ما تقابضي ساي :mad:!!!!!
يا زولة بتهضربي مالك ؟؟؟
عكود دا كمان بقولو هبب ؟؟؟
ياخ إتي جديدة ما تقابضي ساي :mad:!!!!!
____________________________
اهئ اهئ اهئ
عاين ..زيما قنا ليك ال:mad: تشمها قدحة عندنا
طيب النبد (اكسر النون والباء والدال كمان )يعني شنو؟;)
wadosman
25-05-2011, 10:16 AM
____________________________
اهئ اهئ اهئ
عاين ..زيما قنا ليك ال:mad: تشمها قدحة عندنا
طيب النبد (اكسر النون والباء والدال كمان )يعني شنو؟;)
نوركا ممكن اجاوب..؟؟
ولا امشى اقعد فى البرش البهناك اتفرج عليكم...:rolleyes:
فيصل سعد
28-05-2011, 02:42 AM
نوركا ممكن اجاوب..؟؟
ولا امشى اقعد فى البرش البهناك اتفرج عليكم...:rolleyes:
و زي ما ابكى عيني
سهر لي عيونو :D:D
ود عثمان بتعرف ديك الكلجو !!
و لو نسيت عليك بباكر مخير للتوضيح
و مرحبا بك و به و بالجميع ..
و ابقوا طيبين ..
حمدي اب جقادو
04-06-2011, 11:41 AM
http://2.bp.blogspot.com/_UZImdYAiry8/SEO4f9ytt_I/AAAAAAAAGT8/oCgg0kyDjMY/s320/7up_logo.jpg
الدانقة :
الديناب :
الكرباب :
الطاروق :
السورج :
الكوجين :
____________________________
اهئ اهئ اهئ
عاين ..زيما قنا ليك ال:mad: تشمها قدحة عندنا
طيب النبد (اكسر النون والباء والدال كمان )يعني شنو؟;)
وكسرت خاطري كمان !!! برضو ما عرفتها ...
تعالي ورينا ...
الدانقة :
الديناب :
الكرباب :
الطاروق :
السورج :
الكوجين :
صباح بلدي معتّق اصالة
الكوجين على ما اعتقد .. عجن الزريّعة وخلطها بالدقيق بعد عملها اقراص على "الصاج" ;)
صباح بلدي معتّق اصالة
الكوجين على ما اعتقد .. عجن الزريّعة وخلطها بالدقيق بعد عملها اقراص على "الصاج" ;)
يا صباح الأصالة ذاتا ... (رايك شنو في التلجاية دي looool)
لكن كلامك ما مظبوط يا اللخت ...
فيهو تقديم وتأخير للخطوات الواجب اتباعها في لخٍ كهذا .. ومجوبك ...
يا صباح الأصالة ذاتا ... (رايك شنو في التلجاية دي looool)
لكن كلامك ما مظبوط يا اللخت ...
فيهو تقديم وتأخير للخطوات الواجب اتباعها في لخٍ كهذا .. ومجوبك ...
يا اشتر ماتكوجني .. الخطوات هي :-
تنشيف الزريعة
طحن الزريعة " شان تبقى دقيق"
عجن الزريعة بالماء " قوامها اتقل من عجين الكسرة بشوية
عملها كأقراص في الصاج .." تشبه كسرة الحبش كدا بس لونها مايل للحمرة"
ناخد الاقراص ونختها في الدقيق ونعملها كرات
وبعد داك نجي نكوجنها بشوية موية وكنش كبير مع اضافة الخُمّار
بتعرف الخُمّار طيب ;)
يا اشتر ماتكوجني .. الخطوات هي :-
تنشيف الزريعة
طحن الزريعة " شان تبقى دقيق"
عجن الزريعة بالماء " قوامها اتقل من عجين الكسرة بشوية
عملها كأقراص في الصاج .." تشبه كسرة الحبش كدا بس لونها مايل للحمرة"
ناخد الاقراص ونختها في الدقيق ونعملها كرات
وبعد داك نجي نكوجنها بشوية موية وكنش كبير مع اضافة الخُمّار
بتعرف الخُمّار طيب ;)
طيب مكلفتانا ليه ؟؟؟
قايلك بتت كوجني فقررت ألخُّك في صاج أشواقنا المسخّن دا :D:D
الخمّار عبارة عن تيبار ...
بتعرفي التيبار ؟؟؟
شبارقة
08-06-2011, 08:10 AM
لكن كلامك ما مظبوط يا اللخت ...
فيهو تقديم وتأخير للخطوات الواجب اتباعها في لخٍ كهذا .. ومجوبك ...
يا اشتر ماتكوجني .. الخطوات هي :-
تنشيف الزريعة
طحن الزريعة " شان تبقى دقيق"
عجن الزريعة بالماء " قوامها اتقل من عجين الكسرة بشوية
عملها كأقراص في الصاج .." تشبه كسرة الحبش كدا بس لونها مايل للحمرة"
ناخد الاقراص ونختها في الدقيق ونعملها كرات
وبعد داك نجي نكوجنها بشوية موية وكنش كبير مع اضافة الخُمّار
بتعرف الخُمّار طيب ;)
تعرف يا ود أبو عاقلة أنا في الأول كنت مفتكر أختنا شهد غلطانة ... لكن يبدو لي كلاما صاح
جبت الكلمات دي من وين؟
طيب مكلفتانا ليه ؟؟؟
قايلك بتت كوجني فقررت ألخُّك في صاج أشواقنا المسخّن دا :D:D
الخمّار عبارة عن تيبار ...
بتعرفي التيبار ؟؟؟
بما انو الخُمّار عبارة عن تيبار . إذن التيبار عجين "الضُرا" الذرة المُخمّر
مي ياهو :D
شبارقة
08-06-2011, 08:12 AM
مع اضافة الخُمّار
;)
الخمّار عبارة عن تيبار ...
:D:D
مع إضافة التيبار ؟
تعرف يا ود أبو عاقلة أنا في الأول كنت مفتكر أختنا شهد غلطانة ... لكن يبدو لي كلاما صاح
جبت الكلمات دي من وين؟
شبارقة .. صباحك زي طعم الحلو مر .. المكوجن صاح :D
امااااااااااااانة ما كوجّنّا يا اخوي :D
امي كانت تعمل القراريص وتنادينا تعالو يا بنات كوجنو
والكوجانة الياها ;)
تعرف يا ود أبو عاقلة أنا في الأول كنت مفتكر أختنا شهد غلطانة ... لكن يبدو لي كلاما صاح
جبت الكلمات دي من وين؟
أقول ليك جبتها من وين ..
عندي صاحبي الملقّب بـ (الحِنيّن) معاي هنا في الشغل ... وعندو اصحابو عزابة بمشي ليهم طواااالي .. قتا ليو متى ما تمشي لعزابتك جيب لي ونستكم ...
هو عارفنا بنعمل في شنو قدام الشاشات العمتنا دي ...
الليلة من الصباح جاني شكلو طايف ... وحانف وشّو طبعن لأنو بكاااااي ولهلاه لهله بالسودان ..
اداني ورقة أ فور مكتوب فيها الكلمات دي ..
قال لي امبارح اتذكرت موضوعك وفتح سيرة الكلامات المدكّنة مع اصحابو ومرق منهم بالجبتهم ديل ...
يعني بصراحة كدا شغّال معاي في الموال دا ..
ومن هذا المنبر احب اشكرو وكدا كدا كنت ح اقولو ليكم لأنو بقرا البنكتب فيهو دا ..
وبالمناسبة هو من جماعتكم لكن ما أسيوطي ...
أزهري راسو ما عديل :D
ياخ شهد في الأول كروتتنا ساي looool
أبان بطناً غريقة ديل دايرين ليهم لزة حتى يمرقو المدكّن !!!
شبارقة
08-06-2011, 08:23 AM
الخـُمّار يا محمد هو الخميرة ... وحبوباتنا بيضيفن الخميرة للعجين ... والعجين المـُخمـِّر ده بيتحتفظو بي جزء منو عشان يستعملوهو مرة تانية (نفس قصة الروب)
تحفة حوا
08-06-2011, 08:26 AM
الدانقة :
الديناب :
الكرباب :
الطاروق :
السورج :
الكوجين :
ناس المصطلحات كيفنكم
الدانقة : بيت للاستقبال وهو دائما مكان مجلس اهل الشورى ودائما ما يكون فى بيت شيخ الحلة ويكون مرتفع واعلى من باقى البيوت
الديناب : عبارة عن مقطع طولى (مخزن) ويقطع ايضا منه جزء لتخزين العيش
ومافي زول يقول لي جبتهن من وين ;)
كبرنا الخط قصرنا معاكم ؟ :)
الخـُمّار يا محمد هو الخميرة ... وحبوباتنا بيضيفن الخميرة للعجين ... والعجين المـُخمـِّر ده بيتحتفظو بي جزء منو عشان يستعملوهو مرة تانية (نفس قصة الروب)
كلامك دا بالنسبة للخمار ... بفتح الخاء وتشديد الميم ...
أما الخُمّار فهو وعاء التخمير ..
وفي مقولة أخرى الخُمّارة ..
غايتو اجتهاد شخصي ضعيف والله أعلم ...
وفي النهاية ياكا مرجعنا وآآآب نغالطك :D
شبارقة
08-06-2011, 08:30 AM
شبارقة .. صباحك زي طعم الحلو مر .. المكوجن صاح :D
امااااااااااااانة ما كوجّنّا يا اخوي :D
امي كانت تعمل القراريص وتنادينا تعالو يا بنات كوجنو
والكوجانة الياها ;)
:):)
تعرفي يا شهد نحن الكوجين عندنا لا يطلق إلا على الآبري ... القراريص والعصيدة ما محتاجة كوجين (على ما أظن).
طارق صديق كانديك
08-06-2011, 08:32 AM
كلامك دا بالنسبة للخمار ... بفتح الخاء وتشديد الميم ...
أما الخُمّار فهو وعاء التخمير ..
وفي مقولة أخرى الخُمّارة ..
غايتو اجتهاد شخصي ضعيف والله أعلم ...
:D
like:D
:):)
تعرفي يا شهد نحن الكوجين عندنا لا يطلق إلا على الآبري ... القراريص والعصيدة ما محتاجة كوجين (على ما أظن).
ظنك في محلو :D
انا قصدي هنا قراريص الزريّعة ياخ
قبال الكوجين بِقّرصّوها لمن تحمِّر :D
شبارقة
08-06-2011, 08:33 AM
ناس المصطلحات كيفنكم
الدانقة : بيت للاستقبال وهو دائما مكان مجلس اهل الشورى ودائما ما يكون فى بيت شيخ الحلة ويكون مرتفع واعلى من باقى البيوت
الديناب : عبارة عن مقطع طولى (مخزن) ويقطع ايضا منه جزء لتخزين العيش
ومافي زول يقول لي جبتهن من وين ;)
كبرنا الخط قصرنا معاكم ؟ :)
ما قصرتي معانا ... لكن نحنا ما قاعدين نقوقل ... ولو قوقلنا بنقوم نضيف ليها حبة توم وشمار عشان تظهر كأنها ما مقوقلة :)... رأيكم شنو يا ود أبو عاقلة ويا شهد .
ناس المصطلحات كيفنكم
الدانقة : بيت للاستقبال وهو دائما مكان مجلس اهل الشورى ودائما ما يكون فى بيت شيخ الحلة ويكون مرتفع واعلى من باقى البيوت
الديناب : عبارة عن مقطع طولى (مخزن) ويقطع ايضا منه جزء لتخزين العيش
ومافي زول يقول لي جبتهن من وين ;)
كبرنا الخط قصرنا معاكم ؟ :)
الحمدلله شديدين وطيبين
وتب ما قصرتي والله ..
هو القال ليك نظرنا ضعيف منو ؟؟؟
الدانقة اجابتك صحيحة مية المية ...
والدينات هي غرفة النسوان اللآجوة ...
المخزن دا موجود في الصفحات الورا وقلناهو ما طالت ليهو مسافة ...
احتمال الديناب عندكم مخزن هو نوز !!!
ما قصرتي معانا ... لكن نحنا ما قاعدين نقوقل ... ولو قوقلنا بنقوم نضيف ليها حبة توم وشمار عشان تظهر كأنها ما مقوقلة :)... رأيكم شنو يا ود أبو عاقلة ويا شهد .
عاد الحرفنة بشتروها :D
ظنك في محلو :D
انا قصدي هنا قراريص الزريّعة ياخ
قبال الكوجين بِقّرصّوها لمن تحمِّر :D
غايتو الشي البعرفو من الخُمّار وبِدّوْ النار ..
ما قصرتي معانا ... لكن نحنا ما قاعدين نقوقل ... ولو قوقلنا بنقوم نضيف ليها حبة توم وشمار عشان تظهر كأنها ما مقوقلة :)... رأيكم شنو يا ود أبو عاقلة ويا شهد .
انا يا اخوي قوقلت فرِد مرة شالو حالي ونهروني;)
تاني قوقل دا بي وين ما عرفتو :D
شبارقة
08-06-2011, 08:40 AM
وبعد داك نجي نكوجنها بشوية موية وكنش كبير مع اضافة الخُمّار
بتعرف الخُمّار طيب ;)
أما الخُمّار فهو وعاء التخمير ..
وفي مقولة أخرى الخُمّارة ..
غايتو اجتهاد شخصي ضعيف والله أعلم ...
وفي النهاية ياكا مرجعنا وآآآب نغالطك :D
like:D
كلامكم صاح يا ود أبو عاقلة ويا ود كانديك ... ولكن شهد قالت لينا
نكوجنها بشوية موية وكنش كبير مع اضافة الخُمّار
إذا ً هي قاصدة الخميرة ومش الزير ... (التيبار هو الزير يا شهد :))
تحفة حوا
08-06-2011, 08:42 AM
الحمدلله شديدين وطيبين
وتب ما قصرتي والله ..
هو القال ليك نظرنا ضعيف منو ؟؟؟
الدانقة اجابتك صحيحة مية المية ...
والدينات هي غرفة النسوان اللآجوة ...
المخزن دا موجود في الصفحات الورا وقلناهو ما طالت ليهو مسافة ...
احتمال الديناب عندكم مخزن هو نوز !!!
عندكم ؟
هم منوا والله الا اسأل ليك قوقل :D
شبارقة نقشني مقوقلة :)
تكبير الخط خلينا ;)
like:D
يلكّكك في سماحة ما تمرق منها كلوكلو :D:D
كلامكم صاح يا ود أبو عاقلة ويا ود كانديك ... ولكن شهد قالت لينا
إذا ً هي قاصدة الخميرة ومش الزير ... (التيبار هو الزير يا شهد :))
دي معلومة سمحة خلاس .. التيبار الزير ... سمح
غايتو ثقافتي لحدي القيزان .. كنا بنخمّر العجين في القيزان
اها قولو ما بتعرفوا القيزان ;)
تحفة حوا
08-06-2011, 08:47 AM
دي معلومة سمحة خلاس .. التيبار الزير ... سمح
غايتو ثقافتي لحدي القيزان .. كنا بنخمّر العجين في القيزان
اها قولو ما بتعرفوا القيزان ;)
انا غايتو بعرف التيبار هو الزير
لكن القيزان غير الرمال ما بعرف شي
عندكم ؟
هم منوا والله الا اسأل ليك قوقل :D
شبارقة نقشني مقوقلة :)
تكبير الخط خلينا ;)
لا ياخ حجم خمسة مناسب جدا ...
ما تتعودي على قوقل كتير في تسفارك الاسفيري دا ..
شبارقة داير إدقّسك ساي فاعملي حسابك منو ...
كلما كانت المصادر مننا وفينا يكون أحسن ..
لي وليك وليهم ...
لا تنقّشها ... يا بعلها .. لما سرى :D
يلكّكك في سماحة ما تمرق منها كلوكلو :D:Dونااصحوهم بالبر والتقوى
ولا تبسطوا كل البسط:D
تحفة حوا
08-06-2011, 08:51 AM
كدي عندي ليكم سؤال
ليه أهلنا ملخبطين الالوان
حبوبتي الله يرحمها تقول لي جيبي المجوز الاخضر
افتش لمن الله يغفر لي في النهاية اكتشف انو ازرق بلو
واللون الاسود هو الازرق عندهم
دي معلومة سمحة خلاس .. التيبار الزير ... سمح
غايتو ثقافتي لحدي القيزان .. كنا بنخمّر العجين في القيزان
اها قولو ما بتعرفوا القيزان ;)
غايتو انا بعرف قوز الناقة وقوز كبّرو وقوز أحمد نور ووووووو قوز اللوز :D ...
القرعة يا شهد ... موش ؟؟؟
ونااصحوهم بالبر والتقوى
ولا تبسطوا كل البسط:D
الله جميل يحب الجمال ...
خلاص يعني جيتي وكت جات في عبدو الفقير دا !!!
كدي عندي ليكم سؤال
ليه أهلنا ملخبطين الالوان
حبوبتي الله يرحمها تقول لي جيبي المجوز الاخضر
افتش لمن الله يغفر لي في النهاية اكتشف انو ازرق بلو
واللون الاسود هو الازرق عندهم
اساسا احنا كايسين للناس البتقول حبوبتي قالت كيت وكيت ...
غايتو شهد دي حبوبة إلا على ما أعتقد .. (ما قصدي العمر سمح ؟؟)
توب الزراق ذكرناهو قبل كدا لكن الحمار الاخدر ما واقع لي
والغنمة البعامية :D
يعني شنو يا بشبش ؟؟؟
غايتو انا بعرف قوز الناقة وقوز كبّرو وقوز أحمد نور ووووووو قوز اللوز :D ...
القرعة يا شهد ... موش ؟؟؟
لا لا لا يا اشتر ويا تحفة حوا
القِيزان .. هي الحلة الكبيرة ..
حلة الالمونيوم اكبر مقاس من الحِلل
يقولو ليك يا يمة شادين الضلِع بالقيزان :D
شبارقة
08-06-2011, 09:05 AM
وفي مقولة أخرى الخُمّارة ..
:D
بمناسبة الخُمّارة دي يا ود أبو عاقلة ... قال ليك في زمااان في سبعينيات القرن الماضي في واحدة من المتفلهمات والمتفلقصات من ذوات اليسار قالت لواحدة (بلدياتنا) : والله أمبارح إتعثرتا بثلك التلفون لو ما أثتندتا على التلاجة كنت كثرت التلفزيون ... قامت بلدياتنا قالت ليها : أنا أمبارح عتـّرت لي حلة فيها باقي كـُرارة * لو ما أتكلتا على السحـّارة كنت كسرتا الخـُمّاره :D
الكـُرّارة : أي حاجة بكـُرّوها ممكن نسميها كرارة ... ولكن الشائع هو ملاح النعيمية لأنو بكون تقيل وبفضل باقيهو في الحلة زيو زي العصيدة
تحفة حوا
08-06-2011, 09:05 AM
لا لا لا يا اشتر ويا تحفة حوا
القِيزان .. هي الحلة الكبيرة ..
حلة الالمونيوم اكبر مقاس من الحِلل
يقولو ليك يا يمة شادين الضلِع بالقيزان :D
مش في حلة كدا تقيلة وليها اضنين
اسما راح لي
خايفى اقول ام تكشو يطلع ملاح
اياها يا بنية ولا مو ياها :confused:
شبارقة
08-06-2011, 09:12 AM
هو عارفنا بنعمل في شنو قدام الشاشات العمتنا دي ...
هو القال ليك نظرنا ضعيف منو ؟؟؟
براك القلتا .. نسيت:)
مش في حلة كدا تقيلة وليها اضنين
اسما راح لي
خايفى اقول ام تكشو يطلع ملاح
اياها يا بنية ولا مو ياها :confused:
ياها يا تحفة حوا .. اظنك قاصدة القدور ... مي كدي؟
بمناسبة الخُمّارة دي يا ود أبو عاقلة ... قال ليك في زمااان في سبعينيات القرن الماضي في واحدة من المتفلهمات والمتفلقصات من ذوات اليسار قالت لواحدة (بلدياتنا) : والله أمبارح إتعثرتا بثلك التلفون لو ما أثتندتا على التلاجة كنت كثرت التلفزيون ... قامت بلدياتنا قالت ليها : أنا أمبارح عتـّرت لي حلة فيها باقي كـُرارة * لو ما أتكلتا على السحـّارة كنت كسرتا الخـُمّاره :D
الكـُرّارة : أي حاجة بكـُرّوها ممكن نسميها كرارة ... ولكن الشائع هو ملاح النعيمية لأنو بكون تقيل وبفضل باقيهو في الحلة زيو زي العصيدة
شبارقة ياخي الكرارة ما النعيمية ... الكُرارة ملاح الروب الابيض البكون فيهو البصل حي داك ,, وفوق وشو سمنة بلدية
شبارقة
08-06-2011, 09:24 AM
لا لا لا يا اشتر ويا تحفة حوا
القِيزان .. هي الحلة الكبيرة ..
حلة الالمونيوم اكبر مقاس من الحِلل
يقولو ليك يا يمة شادين الضلِع بالقيزان :D
معقول في زول ما بيعرف حلل القيزان ;)... وبعدين يا شهد ما بالضرورة تكون ألمونيوم بس (زمان كانت من النحاس ولما عرفوا إنو النحاس مع التسخين بكوّن مواد سامة قاموا منعوهو)... وحلل القيزان تستعمل في الولائم فقط ... وهي جاتنا أصلا ً من مصر ... وكلمة قيزان هنا هو إسم لعلامة تجارية مصرية ولا علاقة لها بالقوز المعروف لدينا ... والقوز هو المكان المرتفع.
معقول في زول ما بيعرف حلل القيزان ;)... وبعدين يا شهد ما بالضرورة تكون ألمونيوم بس (زمان كانت من النحاس ولما عرفوا إنو النحاس مع التسخين بكوّن مواد سامة قاموا منعوهو)... وحلل القيزان تستعمل في الولائم فقط ... وهي جاتنا أصلا ً من مصر ... وكلمة قيزان هنا هو إسم لعلامة تجارية مصرية ولا علاقة لها بالقوز المعروف لدينا ... والقوز هو المكان المرتفع.
وحاتك يا اخوي .. اظنها امي ذاتا ما عارفة قيزان دي علامة تجارية:D
كانت تقول لي يا بت جيبي القوز الوسط :D
لكن الكلمة الصحيحة مية المية هي القدور " القّدر"
شبارقة
08-06-2011, 09:32 AM
شبارقة ياخي الكرارة ما النعيمية ... الكُرارة ملاح الروب الابيض البكون فيهو البصل حي داك ,, وفوق وشو سمنة بلدية
والله في تخصصاتكم دي ما بنغالطكم ... وإحتمال تختلف التسمية قليلا ً من مكان لآخر ... وبعدين ما فرقت كتير طالما المكوِّن الأساسي هو الروب :) ... لكن طالما إتفقنا إنو الكرارة جاية من الكر والكر لا يتم عمله إلا لحاجة ثقيلة القوام ... وبما إنو ملاح النعيمية (بسبب إضافة الويكة أو الدكوة) يصبح أثقل قواما ً من ملاح الروب إذن الكرارة يجب أن تطلق على النعيمية.
ود أبوعاقلة رأئك شنو ... ما منطقتها ليك؟ :)) أقصد الكرارة مش شهد :)
بمناسبة الخُمّارة دي يا ود أبو عاقلة ... قال ليك في زمااان في سبعينيات القرن الماضي في واحدة من المتفلهمات والمتفلقصات من ذوات اليسار قالت لواحدة (بلدياتنا) : والله أمبارح إتعثرتا بثلك التلفون لو ما أثتندتا على التلاجة كنت كثرت التلفزيون ... قامت بلدياتنا قالت ليها : أنا أمبارح عتـّرت لي حلة فيها باقي كـُرارة * لو ما أتكلتا على السحـّارة كنت كسرتا الخـُمّاره :D
الكـُرّارة : أي حاجة بكـُرّوها ممكن نسميها كرارة ... ولكن الشائع هو ملاح النعيمية لأنو بكون تقيل وبفضل باقيهو في الحلة زيو زي العصيدة
:D:D
وبعد دا ما صلّحت مشيهن !!! كان دي كان دي كانديك :D
ما قادر اتخيل بت تعتر تخيل looool .. معقولة بس ياخ !!!
لكن عترة ذوات اليسار مكلّفة ياخ في ظل العولمة الطقشتنا ;)
تحفة حوا
08-06-2011, 09:35 AM
اساسا احنا كايسين للناس البتقول حبوبتي قالت كيت وكيت ...
غايتو شهد دي حبوبة إلا على ما أعتقد .. (ما قصدي العمر سمح ؟؟)
توب الزراق ذكرناهو قبل كدا لكن الحمار الاخدر ما واقع لي
والغنمة البعامية :D
يعني شنو يا بشبش ؟؟؟
اتا ما عرفتا المجوز :eek:
ياخي حاجة زي الملاحة الزمان ديك بس من جالون
بختو فوقو البهار والويكة
شبارقة
08-06-2011, 09:36 AM
وحاتك يا اخوي .. اظنها امي ذاتا ما عارفة قيزان دي علامة تجارية:D
كانت تقول لي يا بت جيبي القوز الوسط :D
لكن الكلمة الصحيحة مية المية هي القدور " القّدر"
:):)
يا زولة عنوان البوست مكتوب فيهو بالعريض (عامـّية) ... الفصيح ده خليهو لناسو .... وسلميلي ع السر أحمد قدور :D
والله في تخصصاتكم دي ما بنغالطكم ... وإحتمال تختلف التسمية قليلا ً من مكان لآخر ... وبعدين ما فرقت كتير طالما المكوِّن الأساسي هو الروب :) ... لكن طالما إتفقنا إنو الكرارة جاية من الكر والكر لا يتم عمله إلا لحاجة ثقيلة القوام ... وبما إنو ملاح النعيمية (بسبب إضافة الويكة أو الدكوة) يصبح أثقل قواما ً من ملاح الروب إذن الكرارة يجب أن تطلق على النعيمية.
ود أبوعاقلة رأئك شنو ... ما منطقتها ليك؟ :)) أقصد الكرارة مش شهد :)
وقول منطقتها .. الجايب خبر كلامك دا منو ؟؟؟
الكرارة دي يا سيدي الأمنتا عليك حلة المرا الزايعة .. وهي التي تخلي مواعينا لامن تنشف ...
وتجي بعدين تكر!!!
في بيوت العزابة في قاعدة ثابتة وهي (الشي الهيّن غسيل الماعون وهو ليّن)
يعني شوية إهمال مننا يخلق لينا كلمات عامية زيادة ساي في غنى عنها :D
:):)
يا زولة عنوان البوست مكتوب فيهو بالعريض (عامـّية) ... الفصيح ده خليهو لناسو .... وسلميلي ع السر أحمد قدور :D
يازول .. انا قصدي القدور بالعامية تصدق ;)
ما شفت في الشيخ سيّرو قالو تلاتة قدور ريحة نية ;)
اتا ما عرفتا المجوز :eek:
ياخي حاجة زي الملاحة الزمان ديك بس من جالون
بختو فوقو البهار والويكة
اها وبختو جواهو شنو ؟؟؟ :Dloooollooool
يازول .. انا قصدي القدور بالعامية تصدق ;)
ما شفت في الشيخ سيّرو قالو تلاتة قدور ريحة نية ;)
يعني كان في داعي تجيبو سيرة ريحة نية تنجّضونا بيها looool!!!!!
طيب هل في ريحة منجّضة ولّ نخرتي كعبة :D:D ؟؟؟
براك القلتا .. نسيت:)
:D قراي لكن ...
الشي ما ننداح كلوكلو ولا نطلق العنان لهذا اللسان !!!!
الكرباب :
الطاروق :
السورج :
.
وكسرت خاطري كمان !!! برضو ما عرفتها ...
تعالي ورينا ...
____________________
بطل شتارة قالا ليك ود عثمان
وتبرا اتا ود امي من كثر الخاتر:o
يعني كان في داعي تجيبو سيرة ريحة نية تنجّضونا بيها looool!!!!!
طيب هل في ريحة منجّضة ولّ نخرتي كعبة :D:D ؟؟؟
هي زاتا لمن تكون نية ولا بت نجّض
نجاضة لمن تكون نجيضة :D
الريحة النية زي القرنفل والمحلب والصندل والضفرة قبال ما يشتغلو فيهم
شغلهم العجيب داك ويطلعو منها "خُمرةٌ" حلال بلال ;)
scaptionoz
08-06-2011, 09:56 AM
اها وبختو جواهو شنو ؟؟؟ :Dloooollooool
يعنى اسى يا جماعة كان سالت من (الكبليبة) بكون انا من اخر رجالات الحرس القديم؟!!!!!!!!!!!
والله البعرف لى الكبليبة يكون زول مصيييييييييييييييييييييبة
اها
قلتا اناغمك بالكلامlooool
____________________
بطل شتارة قالا ليك ود عثمان
وتبرا اتا ود امي من كثر الخاتر:o
الله يسلّمك يا بت أمي
عايني
حان الآن موعد صلاة الظهر ...
قومي صلي ليك صلاة تنفعك بلا كسر بلا جبيرة looool
wadosman
08-06-2011, 09:58 AM
و زي ما ابكى عيني
سهر لي عيونو :D:D
ود عثمان بتعرف ديك الكلجو !!
و لو نسيت عليك بباكر مخير للتوضيح
و مرحبا بك و به و بالجميع ..
و ابقوا طيبين ..
انزل يا عمك...:rolleyes:
نحنا جاوبنا بضربه ثاابته ياخى...:p
الله يسلّمك يا بت أمي
عايني
حان الآن موعد صلاة الظهر ...
قومي صلي ليك صلاة تنفعك بلا كسر بلا جبيرة looool
_____________________________
ثمح
جيب لي نبد الصلاة
طيب برش الصلاة...
عالم حناكيش جنها سبسبة وتركزة:D
يعنى اسى يا جماعة كان سالت من (الكبليبة) بكون انا من اخر رجالات الحرس القديم؟!!!!!!!!!!!
والله البعرف لى الكبليبة يكون زول مصيييييييييييييييييييييبة
اها
قلتا اناغمك بالكلامlooool
هلا باسكابي التحتو الشدر كابي
الكبليبة يا اسكابشن .. هي الرقعة .. برقعو بيها القِربة
صاح ولّ ما غلت;)
wadosman
08-06-2011, 10:10 AM
_____________________________
ثمح
جيب لي نبد الصلاة
طيب برش الصلاة...
عالم حناكيش جنها سبسبة وتركزة:D
خلاص امشى ملى ليهو الابريق من الفوكى البهنااك..:p
يعنى اسى يا جماعة كان سالت من (الكبليبة) بكون انا من اخر رجالات الحرس القديم؟!!!!!!!!!!!
والله البعرف لى الكبليبة يكون زول مصيييييييييييييييييييييبة
اها
قلتا اناغمك بالكلامlooool
يا سلام ياخ ..
إتا جيت ؟؟؟ طبعا دي من الأسئلة السغيلة والمفروض نضيفا لقاموسنا الهبنقاتي looool
أمانتن في ذمتك .. وكت تخش .. تخش لينا بكبليبة ؟؟!!!!
نهائي ما عندك برستيج تخاطب ولا لهجة تفتح النفس :D
ناشف ياخ .. التقول محلب !!!
هلا باسكابي التحتو الشدر كابي
الكبليبة يا اسكابشن .. هي الرقعة .. برقعو بيها القِربة
صاح ولّ ما غلت;)
والله لو ياها تكوني بالغتي ..
وبت حبوبة صحي صحي ...
_____________________________
ثمح
جيب لي نبد الصلاة
طيب برش الصلاة...
عالم حناكيش جنها سبسبة وتركزة:D
نِبِد دي اول مرة تلاقيني بالمناسبة ..
احنا ناس تبروقة سااااااي وحصير ...
والله لو ياها تكوني بالغتي ..
وبت حبوبة صحي صحي ...
وحياتك ياها looool
خلاص امشى ملى ليهو الابريق من الفوكى البهنااك..:p
دي لئيمة ياخ ابريق شنو البتملاهو !!!
بعدين يا ودعثمان كلامك تكريس لمبدأ الهيمنة الغير مرغوبة في واقعنا المعاصر ...
وكدا looool
الفوكي يعني شنو ؟؟؟
بس ما يكون الدونكي ؟؟؟
wadosman
08-06-2011, 10:23 AM
نِبِد دي اول مرة تلاقيني بالمناسبة ..
احنا ناس تبروقة سااااااي وحصير ...
ههههههههههههههه
دى يا عمك علا تمشى ليها سلتى..:rolleyes:
وحياتك ياها looool
نهائي ما خطر على بالي تكون رقعة ...
طيب ما دام في حاجة اسمها كبليبة ليه بننفخ في قربة مقدودة الزمن دا كلو looool
wadosman
08-06-2011, 10:28 AM
دي لئيمة ياخ ابريق شنو البتملاهو !!!
بعدين يا ودعثمان كلامك تكريس لمبدأ الهيمنة الغير مرغوبة في واقعنا المعاصر ...
وكدا looool
الفوكي يعني شنو ؟؟؟
بس ما يكون الدونكي ؟؟؟
انت ما قريت كتاب الزير سالم ولا شنو..؟؟ و سلم بعيونك لو...:rolleyes:
نهائي ما خطر على بالي تكون رقعة ...
طيب ما دام في حاجة اسمها كبليبة ليه بننفخ في قربة مقدودة الزمن دا كلو looool
ما هو عشان عدم العرفة دي ;)
هسع كان بعرفوها كان نفخوها مقدودة:D
ههههههههههههههه
دى يا عمك علا تمشى ليها سلتى..:rolleyes:
سلتي دي على وزن ميطي :D (الراجعة للثام وكدا :D:D)
ود عثمان خلو الرطانة بالله آآب نخبر كلامكم دا ...
]دي لئيمة ياخ ابريق شنو البتملاهو !!!
بعدين يا ودعثمان كلامك تكريس لمبدأ الهيمنة الغير مرغوبة في واقعنا المعاصر ...
وكدا looool
الفوكي يعني شنو ؟؟؟
بس ما يكون الدونكي ؟؟؟
[/SIZE]
______________________________
:D:D:D:D
اللهم اني في نبد الصلاة
انت ما قريت كتاب الزير سالم ولا شنو..؟؟ و سلم بعيونك لو...:rolleyes:
أسأل مرة روحك ...
ود عثمان ياخ بطلّل وغوشة !!!
عندك تيبار جيبو لينا ما عندك (قّلل) من كلامك وشوف مين الملام ...
سؤال ليك يا اشتر
ولو جاوبت بصرف نظر عن مقاضاتك فيما سبق
كوز يعني شنو
ما رطانة
عشان ما تتلكك
دا تراث قديييم قدم ابونا ادم
وبلاش تحملو الكلمة اكتر من معناها....:D
ما هو عشان عدم العرفة دي ;)
هسع كان بعرفوها كان نفخوها مقدودة:D
تخيلي دا مشروع لوحة جاااااهز ...
نشتري مع كل قربة كبليبة ولّ حلاة القربة كبليبتا منها وفيها ؟؟؟
wadosman
08-06-2011, 10:41 AM
أسأل مرة روحك ...
ود عثمان ياخ بطلّل وغوشة !!!
عندك تيبار جيبو لينا ما عندك (قّلل) من كلامك وشوف مين الملام ...
خلاص بطلنا..:)
احسن نمشى نقعد فى العنقا فى الراكوبه البهناك ديك..:rolleyes:
اشتر كتب:-
الكرباب :
الطاروق :
السورج :
الكرباب : شيتن يشبه الراكوبة ، يقعد فوق راسها زول يحاحي الطير ويشوف الغاشي والماشي
هاتو معاني الكلمات دي :
القحف :
الكركجية :
الرقيطة :
فيصل سعد
15-06-2011, 06:44 AM
6- الكركجية : هي طين البحر المتشقق ... تربة طينية خصبة جداً
و التحايا للجميع ..
فيصل سعد
15-06-2011, 06:50 AM
هاتو معاني الكلمات دي :
القحف :
القحف هو القدح والكسرة من القدح .
قال الازهري : القحف عند العرب الفلق من فلق القصعة او القدح اذا انثلمت .
قال : ورايت اهل النعم اذا جربت ابلهم يجعلون الخضخاض في قحف
ويطلون الاجرب بالهناء الذي جعلوه فيه .
قال الازهري : واظنهم شبهوه بقحف الراس فسموه به .
قال الجوهري : القحف اناء من خشب علي مثال القحف كانه نصف قدح . "
والقحف في الاصل :-
" العظم الذي فوق الدماغ من الجمجمة والجمجمة التي فيها الدماغ ،
ولايقولون لجميع الجمجمة قحفا الا ان يتكسر منه شيء ، فيقال :-
للمتكسر قحف ، وان قطعت منه قطعة فهو قحف ايضا .. "
-"لسان العرب" .
ونحن نقول لجمجمة الراس قرعوبة .
ولعلها من القرعة اي ان شكلها يشبه القرعة وكذلك بقايا البرمة والزير
تشبه القرعة في الاستدارة ، فسميت قحف وقد وردت كلمة قحف في
هذا المعني في شعر المتنبي اذ يقول :
كأن خيولنا كانت قديما تسقي في قحوفهم الحليبا
احمد سيداحمد
15-06-2011, 07:07 AM
اشتر كتب:-
الكرباب : شيتن يشبه الراكوبة ، يقعد فوق راسها زول يحاحي الطير ويشوف الغاشي والماشي
http://www.sudanyat.org/upload/uploads/30045_2.jpg
الصور منقولة من بوست الاخ ياسر بيناوي
امكي الملكني هواها ....... توجد صور
(http://www.sudanyat.org/vb/showthread.php?t=17840&highlight=%ED%C7%D3%D1+%C8%ED%E4%C7%E6%ED)
شبارقة
15-06-2011, 08:12 AM
القحف هو القدح والكسرة من القدح .
قال الازهري : القحف عند العرب الفلق من فلق القصعة او القدح اذا انثلمت .
قال : ورايت اهل النعم اذا جربت ابلهم يجعلون الخضخاض في قحف
ويطلون الاجرب بالهناء الذي جعلوه فيه .
قال الازهري : واظنهم شبهوه بقحف الراس فسموه به .
قال الجوهري : القحف اناء من خشب علي مثال القحف كانه نصف قدح . "
والقحف في الاصل :-
" العظم الذي فوق الدماغ من الجمجمة والجمجمة التي فيها الدماغ ،
ولايقولون لجميع الجمجمة قحفا الا ان يتكسر منه شيء ، فيقال :-
للمتكسر قحف ، وان قطعت منه قطعة فهو قحف ايضا .. "
-"لسان العرب" .
ونحن نقول لجمجمة الراس قرعوبة .
ولعلها من القرعة اي ان شكلها يشبه القرعة وكذلك بقايا البرمة والزير
تشبه القرعة في الاستدارة ، فسميت قحف وقد وردت كلمة قحف في
هذا المعني في شعر المتنبي اذ يقول :
كأن خيولنا كانت قديما تسقي في قحوفهم الحليبا
غايتو جننتا قوقل جن :)
القحف بإختصار يا فيصل هو أي قطعة مكسورة من أي إناء فخاري (التيبار والقلة والخـُمـّارة والدوكة حقت العواسة وهلمجرا ...) زمااان البنات كان بيستخدمن القحف في لعبة (الحجلة) أو ما نسميها عندنا (أريكا عمياء أو بـُربـُرة)
wadosman
15-06-2011, 08:29 AM
التبّاعه..؟؟؟!
شبارقة
15-06-2011, 08:33 AM
التبّاعه..؟؟؟!
تبع منو ؟ ولا ّ بتتبع منو :)
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=380639#post380639)
الكرباب :
الطاروق :
السورج :
.
الطاروق :- ممر . او طريق صغير بين غرفتين
يعني بالعربي كدا زُقاق looool
الطاروق :- ممر . او طريق صغير بين غرفتين
يعني بالعربي كدا زُقاق looool
وممكن ممر بين الديناب والحيطة ؟؟؟
قتي لي غرفتين ؟؟؟ غرفتين يا اللخت :mad: .. غرفتين !!!!!!!
عيبي لي دينابين ؟؟؟ أوضتين ؟؟؟
غايتو شكلو كدا الخليج خربكم تب !!!!
وزقاق دي ذاتا شينة :D
الله يكفينا شر الزقاقات يا بت أمي
وربنا يدخّل زقاق في زقاق ونمرق منهن رقاق (رقاق دي من رقة .. وكدا)
وكمان زقاق بتاعة الخليج إخير من زقاقنا :eek:
لا لا ... ما إخير منها ولا حاجة والعياذ بالله !!!
الاتنين .. دي يضربو بيها دي !!!
وممكن ممر بين الديناب والحيطة ؟؟؟
قتي لي غرفتين ؟؟؟ غرفتين يا اللخت :mad: .. غرفتين !!!!!!!
عيبي لي دينابين ؟؟؟ أوضتين ؟؟؟
غايتو شكلو كدا الخليج خربكم تب !!!!
وزقاق دي ذاتا شينة :D
الله يكفينا شر الزقاقات يا بت أمي
وربنا يدخّل زقاق في زقاق ونمرق منهن رقاق (رقاق دي من رقة .. وكدا)
وكمان زقاق بتاعة الخليج إخير من زقاقنا :eek:
لا لا ... ما إخير منها ولا حاجة والعياذ بالله !!!
الاتنين .. دي يضربو بيها دي !!!
إتا اصلك ما بتفوّت حاجة :mad:
يعني هسع نفهم انو الديناب دي الغرفة قصدي الاوضة.. سمح ;)
طيب دنّاب معناتا شنو .. غناها كابلي " دنّاب دنّاب دنّاب يا الله فوق زينب"
اما بالنسبة للزقاقات وكدا .. الله لا لماني معاك في زقاق ضيق:D
اشتر كتب:-
الكرباب : شيتن يشبه الراكوبة ، يقعد فوق راسها زول يحاحي الطير ويشوف الغاشي والماشي
سجم الكرباب كان كدي !!!!!
يعني ختيناهو مع الديناب والطاروق والدانقة عشان شنو ؟؟؟؟
الكرباب ويييين والراكوبة وين ؟؟؟
وكمان أسمر ما صدّق جاب راكوبتو وجا :D
أها غلط ... النشوف راكوبتك دي بتكجها وين تاني ؟؟؟
ذاتو ما عندنا شي محتاج محاحاة
اللهم إلا رهوة عابرة :D:D
سجم الكرباب كان كدي !!!!!
يعني ختيناهو مع الديناب والطاروق والدانقة عشان شنو ؟؟؟؟
الكرباب ويييين والراكوبة وين ؟؟؟
وكمان أسمر ما صدّق جاب راكوبتو وجا :D
أها غلط ... النشوف راكوبتك دي بتكجها وين تاني ؟؟؟
ذاتو ما عندنا شي محتاج محاحاة
اللهم إلا رهوة عابرة :D:D
اللخو شغّال بنّا ولا طُلبة :D
عرفنا الكرباب المتبخ .. او التُكل ;)
والدانقة المجلس وعشان ما تشيل حالنا الصالون ;)
اللخو شغّال بنّا ولا طُلبة :D
عرفنا الكرباب المتبخ .. او التُكل ;)
والدانقة المجلس وعشان ما تشيل حالنا الصالون ;)
وليه ما يكون الديوان ؟؟؟
ناس المدن بقول للدانقة الصالون وناس القرى الديوان
والناس الكلاس خالس خالس ما عندهم صالون ولا كرباب ...
المتبخ فاتح في اللوبي واللوبي فاتح على حوض السباحة ...
والمتبخ فيهو مشروبات ما كويسة .. ولكن !!! فيها منافع للناس :D
وليه ما يكون الديوان ؟؟؟
ناس المدن بقول للدانقة الصالون وناس القرى الديوان
والناس الكلاس خالس خالس ما عندهم صالون ولا كرباب ...
المتبخ فاتح في اللوبي واللوبي فاتح على حوض السباحة ...
والمتبخ فيهو مشروبات ما كويسة .. ولكن !!! فيها منافع للناس :D
إتا صحي منافعها شنو النصيبة دي .. فيها نفعاً كدي يقولو عليهو
نأنو شنو .. منكن تقضالنا غرد ;)
طيب يا اشتريكو .. الديوان عرفنا هو المجلس او الصالون .. او اللالوب ;)
ياربي الديوان ليهو علاقة بالليوان .. هنا في الخليج
سؤال على هامش خليجي
طارق صديق كانديك
21-06-2011, 10:09 AM
والمتبخ فيهو مشروبات ما كويسة .. ولكن !!! فيها منافع للناس :D
:D:D:D
إتا صحي منافعها شنو النصيبة دي .. فيها نفعاً كدي يقولو عليهو
نأنو شنو .. منكن تقضالنا غرد ;)
غَرَد شنو كمان ؟؟؟
أول مرة أجرب النصيبة دي مشينا سيرة الحاج يوسف .. وكانت عندي شلة مشهود ليها بالرمتلة .. كنت بباريهم لكن ما طوالي .. أها كانو شايلين معاهم أكياس نصائب وكل واحد بياخد نصيبو بعدين .. وانا الوحيد الما عندي كيس والحمد لله (زول جكس ساي هعهعهعه لكن هم تو وآي .. مع إنهم كريميييين في الشغلانة دي ما عارف السبب شنو !!! أها وقفت في الحفلة وهم مشو يرضعو علبال ما يجو داخلين مشعشعين ... وبيني وبينك عاينت في الحفلة كداااااا ... لا الفنان بخليك تقيف ولا البنات عندهن حوافز تشحطك !!!! البعيو ما بريد غناهو .. والحفلة حفلة شايقية عجاجتا في السما .. لا بخلو ليهم بت ترقص لا مرا تترتر ... وفي هذه الأثناء قامت علي الأمّارة بالسوء تلكّز فيني تحت تحت ... قالت لي بدل تعاين للعجاجة دي إخير تاخد ليك رضعة رضعتين غير مشبعات ما بسون شي .. وكلما أقاوم الاحساس دا تلكّزني أكتر .. وشكلها كدا الرضاعة محمداني .. أنقري ما لحقتهم ؟؟؟:D واريتني ما مشيت ... جنس كُبب بعديها خليها ساي .. قرطعتو قرطعة موية في سبيل .. أولاً لأني ما عارف برضعو كيف :D ... الله ينعل ليك الرضاعة بدون حلمة !!! قولي المسألة عندي كانت شفط .. دِرِب عدييييل .. طوالي مشو رقدوني في الحافلة في الكنبة الورا ... والحافلة كانت واقفة عالي واطي لأنها ما بتدوّر إلا بالدردقة .. أها وبديت عزفي المنفرد جيط عووع جييط .. باب الحافلة بقى سبلوقة عديل كدا .. تاني ما صحيت إلا لامن السواق دردقا ورفع كراعو من الكلتش (الحركة دي بتذكرني بأبو الشهيق) ونطيت تِتّرِب :D ... أشوف ليكم الحاجات شكلها كيف كيف كدا .. لافة ما لافة !!! مستقرة ومرة لافة !!! وزي الرحلت لعوالم أخرى لا وجود فيها لجتة بني آدم بقلب يدق ... واعاين للبنات ما باقي لي إلا كل واحدة أخبت بيها التانية !!! والكانو معاي ذاتم غُبُش وكل واحد رقبتو مكسورة وتاكلا بى كتفو ... وجنس بشتنة على ما أعتقد ...
المهم لامن وصلنا الحلة لقيت روحي نازل من بص كبير .. كيف؟ ما عندي فكرة ...
ودي كانت أول مرة وآخر مرة أمشي فيها الحاج يوسف ... ولا عندي نية تاني هعهعهعه
وفوق الحلة ديك أنا تاني ماااااااا بمش ...
أسي لو سألتك .. غَرَد شنو القضتو لي في الحالة دي ؟؟؟ غير بشتنت روحي أمام خلقو ووسخت ليهم الحافلة .. بالله ريحتا لو ربطو فيها أبو العفين يقوم فازي أو كما قالت فلانة (الأشدّ واحدة فيهن) :D... والغريبة تلقاهم يضحكو معاك ولامن يدوك ضهرم يشبعو فيك سلخ ... حاجة ما جميلة ياخ !!!!
الواحد يقوم يهرب من بؤس لأم كبائر تفتكري يتوقع شنو ؟؟؟
غايتو كانت محاولة سخيفة للخروج من واقع أسخف أو عندما يفرض الواقع نفسو بِوقّعنا ساي لا ايدنا لا كراعنا ... وجيت راجع لمعاودة السخف مع أول كباية شاي في صباح اليوم التالي ... وبعدين ؟؟!!!!
لكن الحمد لله رب العالمين ونشكر فضلو .. المسألة كانت عبارة عن لقلقة مراهقة ساي ... ورمتالتي ديلاك حالياً دافرين صاح وماسكين دربو اللذيذ دا بإيمان ومحبة جميلتين ... في واحد منهم مشى قعد في الحرم خمسة سنوات متتالية ودا أكتر واحد كان بتاع غلاغل وكُبب .. لامن رجع السودان قالو لي دقنو وصلت موظف الجوازات وكراعو الشمال في سلّم الطيارة هعهعهعهعه .. وعمار مشى امريكا وحاليا حايم في اوربا أظنو في سبيل الله .. وخالد عمل ليو دكان كشاكيش في السوق الشعبي وبمشي مسجد بلال طواااالي وفريد ما عندي منو خبر لكن قطع شك عرّس اربعة نسوان قياسا على لهلهتو ديك ..
هم صحيح كانو رمتالة لكن فيهم بذرة خير وكريمين وياهو دا السودان وياهو واقعنا ...
ضرب ليك مثل بي عشان ما أقعد أتكلم بالانابة عن ناس ما بعرف ظروفم شنو ...
لكن عندي لو شافو ليهم شغلانة غيرا إخير ليهم وأوفر ليهم وما بخسرو حاجة غير رضوان من الله وسُترة ...
طيب يا اشتريكو .. الديوان عرفنا هو المجلس او الصالون .. او اللالوب ;)
ياربي الديوان ليهو علاقة بالليوان .. هنا في الخليج
سؤال على هامش خليجي
المهم .. لزيادة المعرفة وكدا تقومي تمشي لعمك قوقل وتكتبي (إثمُهما أكبرُ من نفعهما)
بتجيك النتائج كلها مريسة وقمار :D ... وشوفي لينا موضوع منافع دا ذاااتو مقصود بيهو شنو ...
بس خلي بالك الخطاب الرباني دا فيهو حاجات كدا ختاها لي بالتقسيط المريح والدفع بالتي هي أحسن .. عشان يمرقنا برااااحة براحة من مشتبهات ربما تستعصي على البعض لكنها في الواقع بسيطة جدا ...
وكدي باللوال أعرفي لالوب بلدنا حتين تقبّلي على تمر الناس ...
كنتي عارفة الكرباب عشان نعرف الليوان ؟؟؟
بلا ليوان بلا ايران معاك looool
:D:D:D
ما تفرح ساي إثمها أكبر من نفعها :D
المهم لامن وصلنا الحلة لقيت روحي نازل من بص كبير .. كيف؟ ما عندي فكرة
ودي كانت أول مرة وآخر مرة أمشي فيها الحاج يوسف ... ولا عندي نية تاني هعهعهعه
وفوق الحلة ديك أنا تاني ماااااااا بمش ...
اولاً حمدلله على سلامة الوصول .. وبركة الشلّتَ اهلك قبال تهلك :)
أسي لو سألتك .. غَرَد شنو القضتو لي في الحالة دي ؟؟؟
غايتو قدر ما فتشت في قوقل ما شفت لي فيها نفعاً يقول عليه.. الشئ الفهمتو مقصود بنفعها قبل تحريمها .. والكلام شامل الخمر والميسر والعوائد المالية منهم
وشوية الانبساطة البتجي للواحد
قال العلامة القرطبي : (( أما المنافع في الخمر : فربح التجارة ، فإنهم كانوا يجلبونها من الشام برخص ، فيبيعونها في الحجاز بربح ، وكانوا لا يرون المماسكة فيها ، فيشتري طالب الخمر الخمر بالثمن الغالي ، هذا أصح ما قيل في منافعها ))
ويُحتمل أن يُراد بالنفع في الخمر تلك اللذة والنشوة المزعومة التي عبَّر عنها الشاعر بقوله
ونشربها فتتركنا ملوكاً http://www.ahlalhdeeth.com/vb/images/icons/mid.gif وأُسداً ما ينهنها اللقاء
وكما قال بعض المغرمين في الخمر :
لا يلذ السكر حتى http://www.ahlalhdeeth.com/vb/images/icons/mid.gif يأكل السكرانُ نعله
ويرى القصعة فيلاً http://www.ahlalhdeeth.com/vb/images/icons/mid.gif ويظنَّ الفيل نملة . انتهى .
هم صحيح كانو رمتالة لكن فيهم بذرة خير وكريمين وياهو دا السودان وياهو واقعنا ...
ضرب ليك مثل بي عشان ما أقعد أتكلم بالانابة عن ناس ما بعرف ظروفم شنو ...
لكن عندي لو شافو ليهم شغلانة غيرا إخير ليهم وأوفر ليهم وما بخسرو حاجة غير رضوان من الله وسُترة ...
كلامك مظبوط مية الــ100 .. ولو كل زولن اخدو جغيمة سوى سواتك اظنو بكون شال احلى المنافع .. تركها عن رضى وايمان ومحبة
ووبعدين الما بخليني اهبش ليوانات الناس شنو وكت ما لقيت لالوب بلدي;)
طارق صديق كانديك
22-06-2011, 08:46 AM
ما تفرح ساي إثمها أكبر من نفعها :D
عنها الشاعر بقوله
ونشربها فتتركنا ملوكاً http://www.ahlalhdeeth.com/vb/images/icons/mid.gif وأُسداً ما ينهنها اللقاء
وكما قال بعض المغرمين في الخمر :
لا يلذ السكر حتى http://www.ahlalhdeeth.com/vb/images/icons/mid.gif يأكل السكرانُ نعله
ويرى القصعة فيلاً http://www.ahlalhdeeth.com/vb/images/icons/mid.gif ويظنَّ الفيل نملة .
ياخي المريسة دي غير المنافع " المقوقلة من أختنا شهد دي:) " كتيييرة بس الحمدلله أخوك برضو مابقربا خوف ساااي .. !!:)
اقتباس:
ياخي المريسة دي غير المنافع " المقوقلة من أختنا شهد دي:) " كتيييرة بس الحمدلله أخوك برضو مابقربا خوف ساااي .. !!
والخواف في هذه الحالات ربى حسناتو يا طارق ..ولا مو جدي :)
طارق صديق كانديك
22-06-2011, 09:15 AM
اقتباس:
والخواف في هذه الحالات ربى حسناتو يا طارق ..ولا مو جدي :)
:D
( جِدي ) وخرووووف راسو عديييل كمان
بس ما عصرتي على الخلايجة شوية ..؟:)
ياخي المريسة دي غير المنافع " المقوقلة من أختنا شهد دي:) " كتيييرة بس الحمدلله أخوك برضو مابقربا خوف ساااي .. !!:)
خوف منها ولّ منو ؟؟؟
التبّاعه..؟؟؟!
اعتقد هي زهرة عبّاد الشمس " تبّاع الشمس"
مو كدي ؟
طارق صديق كانديك
23-06-2011, 07:32 AM
خوف منها ولّ منو ؟؟؟
مو كدي ؟
:D:D
منو يا اشتر
أيوه كدي يا شهد :)
:D:D
منو يا اشتر
أيوه كدي يا شهد :)
اتا يا طارق قايلني "متخلجنة" :D
وحاتك شدة ما سودانية قربت اتشلخ :D
طارق صديق كانديك
23-06-2011, 07:50 AM
اتا يا طارق قايلني "متخلجنة"
لا :)
وحاتك شدة ما سودانية قربت اتشلخ
طيب بتعرفي :
اللاويب ؟:D
لا :)
طيب بتعرفي :
اللاويب ؟:D
غايتو شيتن غلب قوقل دا :D إلا نسأل فوقو شبارقة looool
يطرشني يا طارق ما سمعتبو
شبارقة
23-06-2011, 07:59 AM
الشاعر / عمر الطيب الدوش
الشاعر / محمد جيب الله كدكي
أها الدوش معناها شنو ؟ وكدكي معناها شنو؟
شبارقة
23-06-2011, 08:05 AM
طيب بتعرفي :
اللاويب ؟:D
غايتو شيتن غلب قوقل دا :D إلا نسأل فوقو شبارقة looool
يطرشني يا طارق ما سمعتبو
:D:D:D
بالله يا طارق الكلمة دي قلـّعتا من وين ؟
الشاعر / عمر الطيب الدوش
الشاعر / محمد جيب الله كدكي
أها الدوش معناها شنو ؟ وكدكي معناها شنو؟
غايتو بجاوبلك الدوش .. لأنه اسم جدي ;)
الدوش هو فحل الابل الكبير ... يعني اكبر شئ في القطيع
طارق صديق كانديك
23-06-2011, 08:17 AM
غايتو شيتن غلب قوقل دا :D إلا نسأل فوقو شبارقة looool
يطرشني يا طارق ما سمعتبو
:D:D:D
بالله يا طارق الكلمة دي قلـّعتا من وين ؟
:)
أفوو آآآآ اللخو .. حالتي قلت اختنا شهد لمن استنجدت بيك جابت الحل أضمن من الماهية :D
عربنا الفي الحلال هناك ذاكرة عجيبة للكلمات العتيقة ..
يقول ليك :
اها وكت البقر شرد واضايقنا خلااااااس .. جيتن باللاويب حويتن جججججججت عليهن احمد سيدي :D
شبارقة
23-06-2011, 08:25 AM
:)
أفوو آآآآ اللخو .. حالتي قلت اختنا شهد لمن استنجدت بيك جابت الحل أضمن من الماهية :D
عربنا الفي الحلال هناك ذاكرة عجيبة للكلمات العتيقة ..
يقول ليك :
اها وكت البقر شرد واضايقنا خلااااااس .. جيتن باللاويب حويتن جججججججت عليهن احمد سيدي :D
سلامات يا ريس
أنا عارف معناها لكن إستغرابي كان في إنو ما حصل جبناها هنا كلو كلو
شبارقة
23-06-2011, 08:33 AM
بمناسبة اللاويب والبقر ... أها المحويب يطلع شنو ؟
بمناسبة اللاويب والبقر ... أها المحويب يطلع شنو ؟
المحويب اعتقد حبل بكتّفو بيهو البقرة لامن يحلبوها ...
اللاويب دي مسمعتبا .. يطرشني
اللاويب شن معناها آآآناس؟؟
طيب : القِضاف .. معناها شنو ؟
:)
جيتن باللاويب حويتن جججججججت عليهن احمد سيدي :D
أسع يا طارق لو قتا في بت .. جيت باللاويب حويتا ..
بعرفو إني قاصد بت ولّ بمرقوها لي بقرة ساي ؟؟؟ looool
طارق صديق كانديك
23-06-2011, 08:57 AM
سلامات يا ريس
أنا عارف معناها لكن إستغرابي كان في إنو ما حصل جبناها هنا كلو كلو
اللاويب شن معناها آآآناس؟؟
أسع يا طارق لو قتا في بت .. جيت باللاويب حويتا ..
بعرفو إني قاصد بت ولّ بمرقوها لي بقرة ساي ؟؟؟ looool
وعليكم السلام ياشبارقة .. ايوه لازم تكون بتعرفا ياخي
ياشهد بعد قصة البقر دا برضو ماعرفتيها ؟ اللاويب يعني باللفة :D
اشتر شكيت محنك أو بقرتك أيهما أقرب لحبل اللاويب :)
وعليكم السلام ياشبارقة .. ايوه لازم تكون بتعرفا ياخي
ياشهد بعد قصة البقر دا برضو ماعرفتيها ؟ اللاويب يعني باللفة :D
اشتر شكيت محنك أو بقرتك أيهما أقرب لحبل اللاويب :)
طالما باللفة .. يعني بتركب لو قتها ...
طيب لاوِب .. كدا ولّ كدا :D
الناس ديل كلهم قاعدين يجوهن باللاويب ...
وهن ذاتن لو ما جيتن باللاويب ما بتحاون :D
ياشهد بعد قصة البقر دا برضو ماعرفتيها ؟ اللاويب يعني باللفة
بالله !!
يعني كلاكلة لفة لفة لفة لفة :D
باللاويب كدا .. انت من ياتو فجة ;)
طارق صديق كانديك
23-06-2011, 10:29 AM
بالله !!
يعني كلاكلة لفة لفة لفة لفة :D
باللاويب كدا .. انت من ياتو فجة ;)
البركة الوقعت ليك :)
من جنب ناس أخوي شبارقة ديل :)
البركة الوقعت ليك :)
من جنب ناس أخوي شبارقة ديل :)
انعم واكرم
يعني ممكن نتقوقل بيك لمن نحتار :)
شبارقة
23-06-2011, 10:55 AM
البركة الوقعت ليك :)
من جنب ناس أخوي شبارقة ديل :)
الشبارقة والشكابة (يشتركان في الألف واللام والشين والتاء المربوطة) يفصل بينهما مجرى مائي إسمو النيل الأزرق ... يعني أنا ممكن أقيف في القيفة بتاعتنا وأقعد أكورك : يا ود كانديك ... هوي يا ود كانديك ... ح يسمعني طوالي :)
شبارقة
23-06-2011, 10:59 AM
غايتو بجاوبلك الدوش .. لأنه اسم جدي ;)
الدوش هو فحل الابل الكبير ... يعني اكبر شئ في القطيع
برضو في علم العضـُام في حاجة إسمها الدوش :)
شبارقة
23-06-2011, 11:05 AM
الشاعر / عمر الطيب الدوش
الشاعر / محمد جيب الله كدكي
أها الدوش معناها شنو ؟ وكدكي معناها شنو؟
قالو جد الشاعر محمد جيب الله كدكي كان إسمو محمد حمد وكان الزول الوحيد في تنقاسي في الزمن داك العندو حصان ... أها الحصان بتاعو كانت مشيتو موسيقية : كدك كدك كدك كدك :) أها بقى الناس يسمعو صوت الحوافر من بعيد ويقولولك: كدك جاء ... وبلهجة الشايقية يقولوها : كدكي جاء ... وأصبح يلقب بي كدكي.
والله أعلم.
طارق صديق كانديك
23-06-2011, 11:09 AM
برضو في علم العضـُام في حاجة إسمها الدوش :)
الدوش بكون أدق لو قلناه في علم الشحوم :D
وياشهد .. قوقلي سااااي عافي ليك :)
تحفة حوا
23-06-2011, 11:20 AM
اهل الحلة
سلام
دا يكون السنكيت
مادام اختلفتوا علم عضام ولا شحم
استنتاج ساي
طارق صديق كانديك
23-06-2011, 12:42 PM
اهل الحلة
سلام
دا يكون السنكيت
مادام اختلفتوا علم عضام ولا شحم
استنتاج ساي
وعليكم السلام ورحمة الله
الحلول الوسط برضو كويسة :)
وعليكم السلام ورحمة الله
الحلول الوسط برضو كويسة :)
اهل الحلة
سلام
دا يكون السنكيت
مادام اختلفتوا علم عضام ولا شحم
استنتاج ساي
والله لقيتكم نباتيين صر :D
ياخ الدوش دا بيعرفوه اللحّامة الصحي ;)
دا الجزء الجمب الترقوة داك .. فيهو شحمة بيضاء قوية تتقرمش كدا
وفيهو سماحة عضم مقرشة واللحم حقو زاتو سمح :)
شبارقة
26-06-2011, 12:35 PM
برضو في علم العضـُام في حاجة إسمها الدوش :)
الدوش بكون أدق لو قلناه في علم الشحوم :D
ياخ الدوش دا بيعرفوه اللحّامة الصحي ;)
دا الجزء الجمب الترقوة داك .. فيهو شحمة بيضاء قوية تتقرمش كدا
وفيهو سماحة عضم مقرشة واللحم حقو زاتو سمح :)
أها الدوش عضم ولا ّ شحم ؟
كبير أخوانو منو ؟ :)
أها الدوش عضم ولا ّ شحم ؟
كبير أخوانو منو ؟ :)
شبارقة اخوي اريتك طيب يابا
كبير اخوانو ... مي ياهو المصران الكبيرlooool
الشي الوحيد البجدعوه من جوف الخروف :D
فيصل سعد
27-06-2011, 07:23 AM
شبارقة اخوي اريتك طيب يابا
كبير اخوانو ... مي ياهو المصران الكبيرlooool
الشي الوحيد البجدعوه من جوف الخروف :D
و ليه ما يكون ضراب البلي :D:D
ازيك يا شهد و عساك بخير ..
و ليه ما يكون ضراب البلي :D:D
ازيك يا شهد و عساك بخير ..
فيصل يا سعد
يطرشني ما سمعت بضراب البلي اسمو كبير اخوانو :D
ضراب البلي موش ياهو ذاتو الجُلة ;)
انا شديدة .. انت كيفنك looool
فيصل سعد
27-06-2011, 08:11 AM
فيصل يا سعد
يطرشني ما سمعت بضراب البلي اسمو كبير اخوانو :D
ضراب البلي موش ياهو ذاتو الجُلة ;)
انا شديدة .. انت كيفنك looool
كلوا في السلك و الحمد لله ..
الجلة معدن و الضراب قزاز زي البلي
لكن يفوقه حجما و مرات برضو اسمه
ضراب الموية :D:D
اها بتعرفي اللين او الليم و كدا !!
كلوا في السلك و الحمد لله ..
الجلة معدن و الضراب قزاز زي البلي
لكن يفوقه حجما و مرات برضو اسمه
ضراب الموية :D:D
اها بتعرفي اللين او الليم و كدا !!
كدي حدد يا فيصل .. اللين ولا الليم:)
اللين زي الميس في لعبة " سكج بكج " :D..
اما الليم .. الملم .. "التدورو والتابا تكوس لِلِماتو ما تلقى"
وفي رواية اخرى الشفايف .. زي ماقال ابو داؤود.. كيف الحياة غير ليمك من بعدك اصبح حظي زي لون هضليمك يا نعيم الدنيا
طارق صديق كانديك
27-06-2011, 09:07 AM
كلوا في السلك و الحمد لله ..
الجلة معدن و الضراب قزاز زي البلي
لكن يفوقه حجما و مرات برضو اسمه
ضراب الموية :D:D
اها بتعرفي اللين او الليم و كدا !!
كدي حدد يا فيصل .. اللين ولا الليم:)
اللين زي الميس في لعبة " سكج بكج " :D..
اما الليم .. الملم .. "التدورو والتابا تكوس لِلِماتو ما تلقى"
وفي رواية اخرى الشفايف .. زي ماقال ابو داؤود.. كيف الحياة غير ليمك من بعدك اصبح حظي زي لون هضليمك يا نعيم الدنيا
ياودعمك ( الليم ) بالمعنى البشبه ( اللين) إلا يقولوه الحناكيش غايتو :D
رغم التقاط الاخت شهد للمعنى الآخر ( لليم ) إلا أنني أعتقد أن معناه ( حُمرة جميلة ) في الشفاه وليست الشفاه كما تفضلت ..
المشاركة دي منك ومن البلي :)
فيصل سعد
27-06-2011, 09:14 AM
المشاركة دي منك ومن البلي :)
يا حبوب الليم هو التلاقي برضو
و الشوفة و الوصل و الله اعلم ..
قلت لي المشاركة لنا و لهم :D:D
ارقد عافية ..
شبارقة
27-06-2011, 09:39 AM
كدي حدد يا فيصل .. اللين ولا الليم:)
اللين زي الميس في لعبة " سكج بكج " :D..
الصحيح اللين ومصدرها كلمة line وهي هنا 3 خطوط في شكل مثلث
بعدين كبير أخوانو في البلي مافي يا فيصل ... القاصدو إنتا إسمو الضرّاب ... (والهبـَشك ما ضرّاك :D).
يا ناس البِلي والدوش ... الميس مالو فاضي ;)
شبارقة
28-06-2011, 11:48 AM
عمنا سيد عبد العزيز قال :
الجرحو نوسر بي
وغــوّر في الضمير ... في قلبي خـَلـَف الكي
يا ناس الله لي
أها ... النوسار ده يطلع شنو؟ والكي بيخلفو كيف ؟
تماضر حمزة
30-06-2011, 12:44 PM
عمنا سيد عبد العزيز قال :
الجرحو نوسر بي
وغــوّر في الضمير ... في قلبي خـَلـَف الكي
يا ناس الله لي
أها ... النوسار ده يطلع شنو؟ والكي بيخلفو كيف ؟
سلامات،
نوسير الجرح فساده والتهابو الشديد لدرجة التفسخ.
قوول واحد:p
فيصل سعد
02-07-2011, 10:05 AM
سلامات،
نوسير الجرح فساده والتهابو الشديد لدرجة التفسخ.
قوول واحد:p
اتنين ..
شبارقة
02-07-2011, 11:56 AM
سلامات،
نوسير الجرح فساده والتهابو الشديد لدرجة التفسخ.
قوول واحد:p
اتنين ..
:D:D سلامات يا شباب
الدَبَر ومفردها دَبَرة هي العـُوّارة التي تصيب الحمير (بلا مؤاخذة) ... وسميت بالعـُوّارة لأنها تعتور (وهي كلمة فصيحة) والإعتوار هنا تعني أنها لا تبرأ بسهولة وحتى إذا إندملت ترجع تاني وتتقيح (تلتهب زي ما قالت تماضر) ... وزي ما قال د. حسن عباس صبحي : يا جرح دنيايا الذي لا يندمل في أغنية ماذا يكون حبيبتي ماذا يكون.
النوسار هو العـُوّارة التي تصيب الإبل ... والنوسار هو تقيح الجرح مرة أخرى بعد شفائه.
والله أعلم وشكرا ً لكم ،،،
شبارقة
02-07-2011, 12:00 PM
الجرحو نوسر بي
وغــوّر في الضمير ... في قلبي خـَلـَف الكي
يا ناس الله لي
أها ... النوسار ده يطلع شنو؟ والكي بيخلفو كيف ؟
النوسار عرفناهو ... أها شنو يعني خـَلـَف الكي ؟
الكابدلق :
البشديق :
الأشــفة :
الكنيـف :
فيصل سعد
05-07-2011, 01:41 AM
الأشــفة :
الأشفة هي الشلوفة و
الله و رسوله أعلم ..
شبارقة
05-07-2011, 09:03 AM
الكابدلق :
البشديق :
الأشــفة :
الكنيـف :
الأشفة هي الشلوفة
:D:D
يعني الأشفة هي الشفة يا فيصل ؟
الغريبة الكلمات دي فيصل هو الجابا قبل كده (لو رجعتو حركة ورا ح تلقوها)
الكنيف يا محمد هو الصريف والصريف هو عبارة عن ضرا من القش (حاجة زي حوش صغيروني كده مربع الشكل يشبه الزريبة) وبيكون في زاوية من زوايا البيت ..والناس كانو بيقضوا فيهو الحاجة (وذلك لمن إستبعد الخلا والرفيق الفسل :)) ... وتقوم الشمس بعمل اللازم من تجفيف وخلافو... ومن ثم يتم تجميعه بواسطة مزارعي البطيخ كسماد عضوي لا يعلى عليه في ذاك الزمن (في ناس ببيعوهو كمان :))... والكنيف كلمة عربية فصحى ولا زالت تستخدم في كثير من قرى السودان.
شبارقة
05-07-2011, 09:13 AM
بمناسبة الكنيف أديكم السؤال ده:
الأم قالت لولدا الصغير : يا ولد خلاص قوم أمشي اتبوبح goood
تكون قاصده شنو ؟ :)
:D:D
يعني الأشفة هي الشفة يا فيصل ؟
الغريبة الكلمات دي فيصل هو الجابا قبل كده (لو رجعتو حركة ورا ح تلقوها)
شفة شنو فيصل دا بستهبل ياخ .. بدل يكتب up بعمل حركاتو دي ....
وفيصل ما جابا هنا ولا بكون سمعبها قبُل ...
وقوقل البشديق دي عليك الله شوف حتلقاها وين في النت غير في الصفحة دي ...
يعني أشتر أول من قام بوضعها في محرك البحث الشهير .. looool والله جد ...
موش قتا ليكم بنقل الونسات .. لكن خشمي ما خفيف والحمدلله ...
بمناسبة الكنيف أديكم السؤال ده:
الأم قالت لولدا الصغير : يا ولد خلاص قوم أمشي اتبوبح goood
تكون قاصده شنو ؟ :)
أوعا يكون قصدها أح إح ديك :D:D
بخجل ليك هنا والله :D
تماضر حمزة
05-07-2011, 09:50 AM
قوقلتها لكن نتّي بطيييييييييييييييئ ياخ
:D:D
قوقلتها لكن نتّي بطيييييييييييييييئ ياخ
:D:D
أو حاجة بقول ليك هل تقصدي التشديق .. جليهو ..
وفي السطر الخامس طوالي بتلقي سودانيات ...
والباقي كلو شديق كتيبا بمحافظة بيشة ..
في بريطانيا وبطئ ؟؟!!!!!!
يا دي انجلترا !!!:D
شبارقة
05-07-2011, 10:07 AM
أوعا يكون قصدها أح إح ديك :D:D
بخجل ليك هنا والله :D
:D:D
البوبيح يا أبوعاقلة هو إستنجاء من الغائط بالتراب يقوم به الأطفال بطريقة ديناميكية وميكانيكية معينة بدون ما يوسخو أياديهم بالتراب(إنت الزول البغمز بعين واحدة داك وين ياخ؟)
:D:D
البوبيح يا أبوعاقلة هو إستنجاء من الغائط بالتراب يقوم به الأطفال بطريقة ديناميكية وميكانيكية معينة بدون ما يوسخو أياديهم بالتراب
الوش قاعد بس وريني دي كيف دي ؟؟؟
محتاجة لخيال واسع ياخ الحتة دي !!!
وأطفال كمان بمكنيكتم ودينميكتم ؟؟؟
واتبوبح وين ؟؟؟
وعملا وين هو ؟؟؟
وهل البوبيح مكانو غير الكنيف ؟؟؟
وشكرا ...
اهو دا الوش ;) غمزتو بالجمبة ...
ودا وشي المفضل في الضحك بعد الاخدر ممباشرتن ... http://www.sudanyat.org/upload/uploads/smile33333.gif
احمد زين
05-07-2011, 10:49 AM
سلام يا شبارقة وضيوفه الكرام
عمك طه الضرير قال في واحدة من مربعاته
كم عتمرتبن فوق قجة العبادي
وكم غصتلن من الدنادر وغادي
أكان مي قسمة يا الديفة أم قريناً نادي
ما خصّانا بي زراعة الفشق والوادي
عليكم الله اشرحو ما تحته خط
أحمد طه
05-07-2011, 11:52 AM
سلام يا شبارقة وضيوفه الكرام
عمك طه الضرير قال في واحدة من مربعاته
كم عتمرتبن فوق قجة العبادي
وكم غصتلن من الدنادر وغادي
أكان مي قسمة يا الديفة أم قريناً نادي
ما خصّانا بي زراعة الفشق والوادي
عليكم الله اشرحو ما تحته خط
دكتور أحمد سلامات ،
عتمرتبن : يعني سافربهن في العتامير (أي الصحارى) فوق قجّة العبادي ، العبادي ده الجمل بتاعو و القجّة السنام
الدنادر ، الخيران الجاريه ، و الديفة الغزالة أو الصيدة
و الفشق : أي مكان يتفرّع منه الوادي ليصبح فرعين يسمى فشق ، زي فشق الوادي اب كليوات بتاع أخونا الفاضل ، و في منطقة إسمها (الفشق) في البطانة
لكن (غصتلن) دي ما عرفتها :confused:
كدي شكّلها لينا ، هي زاتها عاملة ربكة في إيقاع البيت !
شبارقة
05-07-2011, 12:19 PM
عمك طه الضرير قال في واحدة من مربعاته
كم عتمرتبن فوق قجة العبادي
وكم غصتلن من الدنادر وغادي
أكان مي قسمة يا الديفة أم قريناً نادي
ما خصّانا بي زراعة الفشق والوادي
عليكم الله اشرحو ما تحته خط
عتمرتبن : يعني سافربهن في العتامير (أي الصحارى) فوق قجّة العبادي ، العبادي ده الجمل بتاعو و القجّة السنام
الدنادر ، الخيران الجاريه ، و الديفة الغزالة أو الصيدة
و الفشق : أي مكان يتفرّع منه الوادي ليصبح فرعين يسمى فشق ، زي فشق الوادي اب كليوات بتاع أخونا الفاضل ، و في منطقة إسمها (الفشق) في البطانة
لكن (غصتلن) دي ما عرفتها :confused:
كدي شكّلها لينا ، هي زاتها عاملة ربكة في إيقاع البيت !
شكرا ً للأعزاء الأحمدين
كلام صحيح ... والدنادر جائي منها نهر الدندر ويمكن يكون قاصد المناطق المحيطة بنهر الدندر زاتو ... وبالنسبة للفشق فهناك أيضا ً الفشقة الكبيرة والفشقة الصغيرة بمنطقة القضارف.
أما غـُصتلن (غـُصتلهن) جاية من الغوص ... يعني كان بيغوص في الأنهار أو الخيران الجارية ... وغادي بيقصد بيها النيل الأزرق زاتو.
شبارقة
05-07-2011, 12:54 PM
وهل البوبيح مكانو غير الكنيف ؟؟؟
بعدما يطلع من الكنيف يشوف ليهو أقرب كوم من التراب .. وبالعدم يشوف ليهو أي أرض نظيفة (بس ما تكون دلجة) http://www.sudanyat.org/upload/uploads/smile33333.gif وبعدين يقعد ويمد رجليهو (نص مدة) ويحرك مكان الأذى جيئة ً وذهابا ً عدة مرات (ويحمد الله الذي أزال عنه الأذى وعافاهو).
شبارقة
05-07-2011, 01:06 PM
اهو دا الوش ;) غمزتو بالجمبة ...
ودا وشي المفضل في الضحك بعد الاخدر ممباشرتن ... http://www.sudanyat.org/upload/uploads/smile33333.gif
الغمزتو بالجنبة ده ما بيخارج معانا (ده وش زعلان ياخ)... القديم كان أظرف
أما وشك المفضل فعجبني والله عشان كده حفظتو عندي
شكرا ً للأعزاء الأحمدين
كلام صحيح ... والدنادر جائي منها نهر الدندر ويمكن يكون قاصد المناطق المحيطة بنهر الدندر زاتو ... وبالنسبة للفشق فهناك أيضا ً الفشقة الكبيرة والفشقة الصغيرة بمنطقة القضارف.
أما غـُصتلن (غـُصتلهن) جاية من الغوص ... يعني كان بيغوص في الأنهار أو الخيران الجارية ... وغادي بيقصد بيها النيل الأزرق زاتو.
طيب العتمربهن والغصتلهن ديل ذااااتن شنو ؟؟؟
بس ما يكون مهوّد ساي !!!
بعدما يطلع من الكنيف يشوف ليهو أقرب كوم من التراب .. وبالعدم يشوف ليهو أي أرض نظيفة (بس ما تكون دلجة) http://www.sudanyat.org/upload/uploads/smile33333.gif وبعدين يقعد ويمد رجليهو (نص مدة) ويحرك مكان الأذى جيئة ً وذهابا ً عدة مرات (ويحمد الله الذي أزال عنه الأذى وعافاهو).
جادي في كلامك دا يا شبارقة ؟؟؟؟
حكحكة العدو !!!!!!
ما قادر اتخيّل طبعا !!!!
الشي لا ضريسة لا شوكة لا عضم !!!
الغمزتو بالجنبة ده ما بيخارج معانا (ده وش زعلان ياخ)...
كل يرى الوجوه بعين طبعه ;) looool ...
طارق صديق كانديك
07-07-2011, 09:31 AM
دكتور أحمد سلامات ،
عتمرتبن : يعني سافربهن في العتامير (أي الصحارى) فوق قجّة العبادي ، العبادي ده الجمل بتاعو و القجّة السنام
الدنادر ، الخيران الجاريه ، و الديفة الغزالة أو الصيدة
و الفشق : أي مكان يتفرّع منه الوادي ليصبح فرعين يسمى فشق ، زي فشق الوادي اب كليوات بتاع أخونا الفاضل ، و في منطقة إسمها (الفشق) في البطانة
لكن (غصتلن) دي ما عرفتها :confused:
كدي شكّلها لينا ، هي زاتها عاملة ربكة في إيقاع البيت !
شكرا ً للأعزاء الأحمدين
كلام صحيح ... والدنادر جائي منها نهر الدندر ويمكن يكون قاصد المناطق المحيطة بنهر الدندر زاتو ... وبالنسبة للفشق فهناك أيضا ً الفشقة الكبيرة والفشقة الصغيرة بمنطقة القضارف.
أما غـُصتلن (غـُصتلهن) جاية من الغوص ... يعني كان بيغوص في الأنهار أو الخيران الجارية ... وغادي بيقصد بيها النيل الأزرق زاتو.
like:D
شبارقة
07-07-2011, 11:30 AM
طيب العتمربهن والغصتلهن ديل ذااااتن شنو ؟؟؟
سؤال وجيه جدا ً ... وما عليك إلا أن تفتش المربع الأول في النمة والدوباي (موضوع المداخلة) وح تفهم الإجابة طوالي
والغصتلهن
الصحيح الغاصلهن (غاص ليهن)
شبارقة
07-07-2011, 11:39 AM
ما قادر اتخيّل طبعا !!!!
تتخيل شنو يا كابتن؟
ده نحنا ياما إتبوبحنا لغاية ما اتبربحنا زاتو :)
شبارقة
07-07-2011, 11:41 AM
like:D
تشكر على الدعم يا ريس
شبارقة
07-07-2011, 11:43 AM
ما المقصود بالشوكة والشنكار؟
أحمد طه
07-07-2011, 05:34 PM
سلام يا شبارقة وضيوفه الكرام
عمك طه الضرير قال في واحدة من مربعاته
كم عتمرتبن فوق قجة العبادي
وكم غصتلن من الدنادر وغادي
أكان مي قسمة يا الديفة أم قريناً نادي
ما خصّانا بي زراعة الفشق والوادي
عليكم الله اشرحو ما تحته خط
معليش يا شبارقة (لحظات و نواصل البرنامج)
أنا قبيل قلت غصتلن دي ما راكبة عدلها ( من ناحية وزن)
فتشت علي المربع في مظان أخرى فوجدته:
كم عتمرتبن فوق قجّة العبّادي
و كم غوّصْتلِن مِنَّ الدنادر و غادي
عليك الله شوفو كده ما استعدل :D
طارق صديق كانديك
07-07-2011, 06:32 PM
معليش يا شبارقة (لحظات و نواصل البرنامج)
أنا قبيل قلت غصتلن دي ما راكبة عدلها ( من ناحية وزن)
فتشت علي المربع في مظان أخرى فوجدته:
كم عتمرتبن فوق قجّة العبّادي
و كم غوّصْتلِن مِنَّ الدنادر و غادي
عليك الله شوفو كده ما استعدل :D
احمد طه سلامات ياخي ومساك الله بالخير ..
يعلم الله استعدل و ( غوّصْتلِن ) في تقديري أضبط وزناً من ( غصتلن) و ( غصتلهن ) والعبادي بقريحته الفذة لايبدو غير أنه أراد ( غوصتلن ) .. !!
شكرا ليك ولأحمد الزين ولشبارقة ..
رفقتكم ممتعة ياحاملي المسك
أحمد طه
07-07-2011, 08:25 PM
الله يمسيك بالخير أخي طارق كانديك ، و شكراً لرأيك الداعم لصحّة (غوَّصتلن)
أها نرجع ل (شوكة و شنكار)
* يقولوا : الساعة 12 شوكة و شنكار ، يعني بالضبط ! ما زايدة ولا ناقصة دقيقة ، أنا غايتو ما عارف ، لكن يتخيّل لي إنو الشوكة و الشنكار حاجة ليها علاقة بالميزان !
بعدين في (الشنكارة) بتاعة ناس الكورة البلبسوها تحت الشراب عشان تحمي الساق من الإصابات ، دحين مش اسمها الشنكارة برضو ؟
كان عندي صاحب لامن يشوف بت كرعينا سمحات يقول لي (عليك الله شوف الشنكارات دي كيف؟:D)
غايتو يا شبارقة جطت ليك الشغلة :D:D:D
تعال ورّينا المفيد
1- دوا ملاح
2- داقّي سِستِم looool
الله يمسيك بالخير أخي طارق كانديك ، و شكراً لرأيك الداعم لصحّة (غوَّصتلن)
أها نرجع ل (شوكة و شنكار)
* يقولوا : الساعة 12 شوكة و شنكار ، يعني بالضبط ! ما زايدة ولا ناقصة دقيقة ، أنا غايتو ما عارف ، لكن يتخيّل لي إنو الشوكة و الشنكار حاجة ليها علاقة بالميزان !
بعدين في (الشنكارة) بتاعة ناس الكورة البلبسوها تحت الشراب عشان تحمي الساق من الإصابات ، دحين مش اسمها الشنكارة برضو ؟
كان عندي صاحب لامن يشوف بت كرعينا سمحات يقول لي (عليك الله شوف الشنكارات دي كيف؟:D)
غايتو يا شبارقة جطت ليك الشغلة :D:D:D
تعال ورّينا المفيد
كلامك دا فيهو ريحة صاح حيث إنو لو قلنا الساق هو الشوكة والشنكار معاهو لحام لكن المسعلة دي بتكون ظابطة في حالة تكون الساعة اطناشر شوكة وشنكار ...
غير كدا الكراع في جهة والشنكار ربك العالم ...
بدور التركي
13-07-2011, 08:49 AM
ما المقصود بالشوكة والشنكار؟
يسعد صباحكم بالخير جميعا
اعتقد انها ألة يستخدمها النجار لقطع الخشب
يا محمد طه
لما يقولوا ليك البت دي كرعينها زي الشنكارة
يعني زي لوح الخشبة ما متناسقة
والله اعلم
بدور التركي
13-07-2011, 09:04 AM
التحية والتقدير لصاحب هذة الفكرة العظيم
ولكل المجتهدين. وللأخ شبارقة
لماذا لا يكون هناك كتاب يضم كل هذة المفردات والمعاني السودانية القديمة يكون كمرجع للدراسات
تلتي تخص التراث السوداني
حقيقة هذا البوست فيه مجهود وفيه كمية من المعاني القديمة التاريخية
حرام ما يستغل للفائدة الأكبر!!
مجرد فكرة ورأي
شبارقة
13-07-2011, 10:12 AM
أها نرجع ل (شوكة و شنكار)
* يقولوا : الساعة 12 شوكة و شنكار ، يعني بالضبط ! ما زايدة ولا ناقصة دقيقة ، أنا غايتو ما عارف ، لكن يتخيّل لي إنو الشوكة و الشنكار حاجة ليها علاقة بالميزان !
اعتقد انها ألة يستخدمها النجار لقطع الخشب
سلام يا شباب
الشنكار في الأصل هو آلة يستخدمها النجار وهي عبارة عن مربع خشبي مجوف يُرَكـّب داخلو مستطيل والمستطيل بيسموهو (شوكة) ويوجد في اخر المستطيل مسمار بيسموهو(سن الشوكة)
يستخدم النجار الشوكة والشنكار لتحديد مكان الثقوب المطلوبة أو لتحديد حدود المفصلات بدقة قبل ما يقشروها بالأجـَنـَة (الإزميل) كما يستخدم لرسم خط مستقيم أو لقياس أو تحديد نقطة البداية و النهايه لقطعة الخشب المراد نشرها بالمنشار ... طلاب الهندسة برضو بيستخدموا آلة لو ترجمناها حنلقاها قريبة من الشوكة والشنكار.
الرمزية في النهاية هي الدقة والإنضباط ... ولذلك أصبحت الشوكة ترمز لعقرب الساعات والشنكار يرمز لعقرب الدقائق.
والله أعلم ،،،
ملحوظة : جائزة السؤال ده من نصيب الأخت بدور ... تستلميها من فيصل سعد
بدور التركي
13-07-2011, 10:42 AM
سامع يا يا ود العم!!
عايزة هدية كاربة:D
يعني شنو كاربة?
شبارقة
13-07-2011, 12:46 PM
يعني شنو كاربة?
كرّب (فعل ماضي) ... يكـرّب (فعل المضارع) .... ومنها (الكرّاب) على وزن فعـّال .... لو عرفتي كرّاب العنقريب ح تعرفي معنى كاربة.
هناك عائلة مشهورة في مدني (آل الكارب) منهم الأخت / رباب الكارب كانت زميلتنا في الدراسة.
شبارقة
13-07-2011, 12:52 PM
1- دوا ملاح
2- داقّي سِستِم looool
دوا الملاح هو مصطلح عامي فعلا ً وهو البهارات (اللازمة) للملاح عموما ً.
أما التانية الفيها system دي فما من مصطلحاتنا العامية.
وبمناسبة الملاح ... ما هو الكاتول؟
بدور التركي
13-07-2011, 02:14 PM
كرّب (فعل ماضي) ... يكـرّب (فعل المضارع) .... ومنها (الكرّاب) على وزن فعـّال .... لو عرفتي كرّاب العنقريب ح تعرفي معنى كاربة.
هناك عائلة مشهورة في مدني (آل الكارب) منهم الأخت / رباب الكارب كانت زميلتنا في الدراسة.
لا بعرف كراع العنقريب:D
اعتقد كراب يعني الحامل.
أي الرجل الذي يحمل العنقريب
بدور التركي
13-07-2011, 02:22 PM
دوا الملاح هو مصطلح عامي فعلا ً وهو البهارات (اللازمة) للملاح عموما ً.
أما التانية الفيها system دي فما من مصطلحاتنا العامية.
وبمناسبة الملاح ... ما هو الكاتول؟
يا شبارقة دواء الملاح
نوع من أنواع البهارات يعني مش البهارات كلها
ومش كل الملاحات تحتاجه
في اليمن يطلق عليه الكبزرة الناشفة
الكاتول
اظنه نوع من أنواع الشجر
كانوا قديما يحرقو منه لطرد الأرواح الشريرة
لانه خانق جدا
بدور التركي
13-07-2011, 02:23 PM
يعني شنو الترتوس?
طارق صديق كانديك
13-07-2011, 02:36 PM
وبمناسبة الملاح ... ما هو الكاتول؟
الكاتول
اظنه نوع من أنواع الشجر
كانوا قديما يحرقو منه لطرد الأرواح الشريرة
لانه خانق جدا
:D:D:D
الكاتول هو " الكُنش " الكبير .. أو المفراكة الكبيرة .. !!:)
يعني شنو الترتوس?
الترتوس .. هو ثمرة لشجر الطلح تكون في باطن الارض تستخرج وتستخدم استخدام الفحم ونارا ملهلبا لهلبة شديدة :D
لقيتك ماساهلة ياصديقة :)
شبارقة
13-07-2011, 02:47 PM
يا شبارقة دواء الملاح
نوع من أنواع البهارات يعني مش البهارات كلها
ومش كل الملاحات تحتاجه
في اليمن يطلق عليه الكبزرة الناشفة
أنا ما قلت كل البهارات ... قلت البهارات اللازمة
ومش كل الملاحات تحتاجه
قي ظني كلها تحتاج لتوم وشمار وبعض (الكزبرة) ... وبعدين كل البهارات ناشفة مافي بهارات لينة :)
شبارقة
13-07-2011, 02:54 PM
:D:D:D
لقيتك ماساهلة ياصديقة
والله برضك ما ساهل يا ريس
الترتوس زي الفحم الحجري يظل مولـّع اليوم كلو (مثال جيد على إنو المادة لا تفنى ولا تخلق من عدم :))...
طارق صديق كانديك
13-07-2011, 03:00 PM
والله برضك ما ساهل يا ريس
الترتوس زي الفحم الحجري يظل مولـّع اليوم كلو (مثال جيد على إنو المادة لا تفنى ولا تخلق من عدم :))...
مساء الخير ياجميل
ياخي نحن الترتوس ده ورم يدينا من الحفر.. نهارنا كلو في الغابة القدامنا ديك .. ومرات نبيعو looool
مساء الخير ياجميل
ياخي نحن الترتوس ده ورم يدينا من الحفر.. نهارنا كلو في الغابة القدامنا ديك .. ومرات نبيعو looool
شكلو زي البامبي وفيهو نتوءات كتيرة ولّ أنا غلطان ؟؟؟
شبارقة
13-07-2011, 03:06 PM
ياخي نحن الترتوس ده ورم يدينا من الحفر.. نهارنا كلو في الغابة القدامنا ديك .. ومرات نبيعو looool
:D:D
طيب كنت وين لمن أنا جبت ليهم الترتوس ده في الصفحات الأولى من هذا البوست ... ما في زول عرفوا ولا ود أبوعاقلة زاتو.
شبارقة
13-07-2011, 03:08 PM
شكلو زي البامبي وفيهو نتوءات كتيرة ولّ أنا غلطان ؟؟؟
قرضتو قرْضَة :) ... ياهو زاتو
أما التانية الفيها system دي فما من مصطلحاتنا العامية.
دي من المصطلحات الحديثة ياخ ...
لازم نواكب يا شبارقة لربط الماضي بالحاضر لمستقبلٍ مشرقٍ وكدا ...
قرضتو قرْضَة :) ... ياهو زاتو
:D الله يخليك لينا إتّا دا ...
شبارقة
14-07-2011, 07:24 AM
:D:D:D
الكاتول هو " الكُنش " الكبير .. أو المفراكة الكبيرة .. !!:)
صباح القرنفل يا شباب
طيب ... ليه سمـّوهو الكاتول؟
شبارقة
14-07-2011, 07:24 AM
:D الله يخليك لينا إتّا دا ...
تسلم يا جميل
صباح القرنفل يا شباب
طيب ... ليه سمـّوهو الكاتول؟
لأنو بِكتُل البصلة :D
شبارقة
14-07-2011, 08:08 AM
لأنو بِكتُل البصلة :D
ويهرسا ليك هرِس :)
لكن نسوان الزمن ده بيستعملن مواد كيماوية (زي الكربونات ومشتقاتها) لكتل البصلة بسرعة وبدون أي مجهود عضلي ... ولذلك تجد طعم الكربونات في خشمك ... عشان كده كاتول حبوباتنا ملاحو أطعم.
طارق صديق كانديك
14-07-2011, 08:14 AM
صباحكم خير
بالله : التابا .. و .. اليابا ... يعني شنو ؟
ولو قيلت في الصفحات الاوائل " كماكان يحلو للاستاذ الحسين الحسن عليه الرحمة " جيبو لينا مكانا .. !!
شبارقة كلامك صاح ياخي في الكاتول والملاح :)
شبارقة
14-07-2011, 09:01 AM
صباحكم خير
بالله : التابا .. و .. اليابا ... يعني شنو ؟
صباح القونقليز
فعلا ً جبناهن قبل كده يا طارق ... لكن في يأتو صفحة عليم الله
واحدة قالت للتانية : ولاد الزمن ده ولادة التابا واليابا
التانية قالت ليها : أي والله ... ولادة الكودا وألاّ كودا :)
بدور التركي
14-07-2011, 09:22 AM
صباح القرنفل يا شباب
طيب ... ليه سمـّوهو الكاتول؟
لأنه بقتل البصلة وبقتل الراجل:D
صباح اللالوب والنبق
بدور التركي
14-07-2011, 09:26 AM
صباح القونقليز
فعلا ً جبناهن قبل كده يا طارق ... لكن في يأتو صفحة عليم الله
واحدة قالت للتانية : ولاد الزمن ده ولادة التابا واليابا
التانية قالت ليها : أي والله ... ولادة الكودا وألاّ كودا :)
يقصد بها الأولاد والأطفال سريعين المرض
الما عندهم مقاومة
لأن أمهاتهم ما رضعوهم رضاعة طبيعية
رضعوا من اللبن المستورد
بدور التركي
14-07-2011, 09:30 AM
طارق يا صديقي
صباحك أشهى من اللقمة والملاح والروب:D
يعني شنو أبو الصارقين
صباح القونقليز
فعلا ً جبناهن قبل كده يا طارق ... لكن في يأتو صفحة عليم الله
واحدة قالت للتانية : ولاد الزمن ده ولادة التابا واليابا
التانية قالت ليها : أي والله ... ولادة الكودا وألاّ كودا :)
صفحة 73 مشاركة رقم 1083
اليابا والتابا : أصلها أبى وأبت بمعنى (رفض ورفضت) ونحن بنقول أبيت وأبيتي ... ومنها الرافض (اليابا) والرافضة (التابا) ... والمعنى واضح .. وسلملي على عبد الله الطيب :D:D:D
شبارقة
14-07-2011, 09:52 AM
بالله : التابا .. و .. اليابا ... يعني شنو ؟
كما تعلمون أبى (فعل ماضي) ... يأبى (فعل مضارع للمذكر) حبوباتنا بينطقنـّها : يابا ... تأبى (فعل مضارع للمؤنث) حبوباتنا بينطقنـّها : تابا ... أبيت (المتكلم)
وجميعها تعني الرفض.
أها لمن حبوباتنا يقولن : أولاد الزمن ده ولادة التابا واليابا ... يعني أولاد مرفوضين (بسبب تصرفاتهم) مرفوضين من قبل النساء والرجال.
شبارقة
14-07-2011, 09:56 AM
صفحة 73 مشاركة رقم 1083
لقيتك كده (يد جميع أصابعها مضمومة ما عدا الأبهام فإنه يرتفع عاليا ً في زهو ٍ وخيلاء)
شبارقة
14-07-2011, 10:01 AM
لأنه بقتل البصلة وبقتل الراجل:D
مافي كنش بكتل ليهو راجل ... إلا يكون راجل من ورق (ما زي نمر من ورق)... الورق القاصدو أنا هو ملاح الورق :)
طارق صديق كانديك
14-07-2011, 10:03 AM
كما تعلمون أبى (فعل ماضي) ... يأبى (فعل مضارع للمذكر) حبوباتنا بينطقنـّها : يابا ... تأبى (فعل مضارع للمؤنث) حبوباتنا بينطقنـّها : تابا ... أبيت (المتكلم)
وجميعها تعني الرفض.
أها لمن حبوباتنا يقولن : أولاد الزمن ده ولادة التابا واليابا ... يعني أولاد مرفوضين (بسبب تصرفاتهم) مرفوضين من قبل النساء والرجال.
غايتو النصيحة كده .. الكلام ده مااا راق لي كلو كلو يا الحبيب .. !!:)
كدى نعصر على البحث شوية أكيد بكون في معنى تاني أو هكذا تحدثني نفسي .. !!
شبارقة
14-07-2011, 10:06 AM
ما الفرق بين الفنجطة والبرطعة :D
شبارقة
14-07-2011, 10:08 AM
غايتو النصيحة كده .. الكلام ده مااا راق لي كلو كلو يا الحبيب .. !!:)
كدى نعصر على البحث شوية أكيد بكون في معنى تاني أو هكذا تحدثني نفسي .. !!
تحدثك نفسك ممكن ... لكن معنى تاني مافي ... وقوقل ما ح يفيدك كتير يا الحبيب.
غايتو النصيحة كده .. الكلام ده مااا راق لي كلو كلو يا الحبيب .. !!:)
كدى نعصر على البحث شوية أكيد بكون في معنى تاني أو هكذا تحدثني نفسي .. !!
أنا ذاتي أقوم أزنقو معاك موش لو رفع لي إبهامو !!!
طيب نفس اللفظ دا والدارج أكتر أولاد الياباني التاباني ...
أعتقد (عاق) أقرب لمرفوض ..
ولّ شنو يا طارق ؟؟؟
طارق صديق كانديك
14-07-2011, 10:18 AM
طارق يا صديقي
صباحك أشهى من اللقمة والملاح والروب:D
يعني شنو أبو الصارقين
صباح الخير يا جميلة
والله ( ابو الصارقين ) ده ما عرفتو .. بس يبدو بتكوني قاصدة ( ابو الصارقيل) :)
شبارقة
14-07-2011, 11:02 AM
طيب نفس اللفظ دا والدارج أكتر أولاد الياباني التاباني ...
أعتقد (عاق) أقرب لمرفوض ..
ولّ شنو يا طارق ؟؟؟
الياباني والتاباني والتابا واليابا جميعها لا تخرج عن إطار الكلمة الفصيحة (أبى)
قال الشاعر :
أتاني أبيتَ اللعنَ أنكَ لمتني و تلكَ التي أهتمّ منها وأنصبُ
أطفالنا في السودان تقول ليهو: تعال يقول ليك : أبيت ... تقول ليهو : أمش يقول ليك : أبيت (على كيفك تعال على كيفك أمش):)
ده معنى اليابا والتابا شئتم أم أبيتم:)
شبارقة
14-07-2011, 11:06 AM
أعتقد (عاق) أقرب لمرفوض ..
لو مشيت لمديرك وطلبت منو خدمة وقام قال ليك : أبيت
بيكون عاق ولا ّ رافض ؟
لو مشيت لمديرك وطلبت منو خدمة وقام قال ليك : أبيت
بيكون عاق ولا ّ رافض ؟
رافض في حال يكون قطيم .. بس مديرنا ما كدا .. طيب طيبة مبالغة ...
بس يا شبارقة الكلمتين بتخص الأبناء ...
وعشان بتخصهم لازم المعنى يرجع ليهم في المقام الأول ...
ما ممكن الصغار يكونو مرفوضين من قِبل الكبار بقدر ما الصغار يكونو (مصهينين) لأوامر الكبار ...
في الحالة دي بنقوم نمسح الكلمتين ديل في وش الشُّفّع وبس ...
بمعنى تاني أنا بكون عاق لأبوي وأبوي رافض العوقة دا :D
شبارقة
16-07-2011, 12:12 PM
... لو عرفتي كرّاب العنقريب ح تعرفي معنى كاربة.
اعتقد كراب يعني الحامل.
أي الرجل الذي يحمل العنقريب
سلام عليك يا بدور
كرّاب العنقريب هو الرجل الذي يحمل العنقريب؟ يعني أنا لو شلت عنقريبي وطلـّعتو بره في الحوش عشان الهمبريب الضارب وكده ... بيسموني الكرّاب :)
يعني ناس مرقنبو قرنبو نعتبرن كرّابات :)
أضحك الله سنك ياخ
شبارقة
16-07-2011, 12:15 PM
عمنا أبو صلاح قال :
وصـف الخنتيله جمال تاجوج المافى مثيلا
كفاك يا زميل؟
خـديرا كحيلا ضهيرا رنع غــالباهو الحيلا
إلى أن يقول :
وليها طباع الصيد جفيلا عليها القافية وجب تقفيلا.
أها ... ما معنى الخنتيلة؟ .
الإقتباس الفوق ده جبتو ليكم من بوستاً تاني ... أها الخنتيلة سمعتو بيها ؟ بيغنيها الكابلي ... معناها شنو ؟
سلام عليك يا بدور
كرّاب العنقريب هو الرجل الذي يحمل العنقريب؟ يعني أنا لو شلت عنقريبي وطلـّعتو بره في الحوش عشان الهمبريب الضارب وكده ... بيسموني الكرّاب :)
يعني ناس مرقنبو قرنبو نعتبرن كرّابات :)
أضحك الله سنك ياخ
____________________
جبت ليكم معنى كراب من مصادر موثوقة جدن جدن
اهن يا اسمعو يا حلوين
والبفهم منكم ثريع يساعد الحناكيش
عشان الموضوع صعب استيعابه لناس الشهادة العربية ومن لف لفهم
الكراب يا سادة يا كرام
والله انا زاتي غلبني اوصفو;):eek:
المهم
موش العنقريب بيكون منسوج من الحبل...؟
اها يلا النساجة دي بتختلف في واحد من اطراف السرير
قثدي العنق ريب
بتكون خطوط بدل النساجة
ويلا الخطوط دي بيخلوها كدا عشان يكربو بيها النساجة كلما النساجة ترخي
يكربو بيها دي يعني يشدو بيها
واااي ...نفسي قام من الحكي
فهمتو شيئ..؟
ولا انا
احمد سيداحمد
16-07-2011, 12:45 PM
____________________
جبت ليكم معنى كراب من مصادر موثوقة جدن جدن
اهن يا اسمعو يا حلوين
والبفهم منكم ثريع يساعد الحناكيش
عشان الموضوع صعب استيعابه لناس الشهادة العربية ومن لف لفهم
الكراب يا سادة يا كرام
والله انا زاتي غلبني اوصفو;):eek:
المهم
موش العنقريب بيكون منسوج من الحبل...؟
اها يلا النساجة دي بتختلف في واحد من اطراف السرير
قثدي العنق ريب
بتكون خطوط بدل النساجة
ويلا الخطوط دي بيخلوها كدا عشان يكربو بيها النساجة كلما النساجة ترخي
يكربو بيها دي يعني يشدو بيها
واااي ...نفسي قام من الحكي
فهمتو شيئ..؟
ولا انا
فطوم سلامات
لما الزول يكرب العنقريب بفك الشناط او الكراب بيفك راس الحبل ويبدأ يشد من الطرف لحدي ما يصل الطرف التاني ويربط الحبل في محلو
تخريمة:لوفي واحد فيكم داير يشد العنقريب حقو يكلمني انا جاهز.
تحياتي
شبارقة
16-07-2011, 01:22 PM
____________________
والله انا زاتي غلبني اوصفو;):eek:
المهم
موش العنقريب بيكون منسوج من الحبل...؟
اها يلا النساجة دي بتختلف في واحد من اطراف السرير
قثدي العنق ريب
بتكون خطوط بدل النساجة
ويلا الخطوط دي بيخلوها كدا عشان يكربو بيها النساجة كلما النساجة ترخي
يكربو بيها دي يعني يشدو بيها
واااي ...نفسي قام من الحكي
فهمتو شيئ..؟
ولا انا
هاك يا فطوم وبدون ما نفـَسـِك يقوم
http://www.sudanyat.org/upload/uploads/4025_1264694450.JPG
بدور التركي
16-07-2011, 01:25 PM
سلام عليك يا بدور
كرّاب العنقريب هو الرجل الذي يحمل العنقريب؟ يعني أنا لو شلت عنقريبي وطلـّعتو بره في الحوش عشان الهمبريب الضارب وكده ... بيسموني الكرّاب :)
يعني ناس مرقنبو قرنبو نعتبرن كرّابات :)
أضحك الله سنك ياخ
طيب!
ح يسموك شنو?
ربي يجعل هذة الضحكة تملأ عمرك فرحة ونور
بدور التركي
16-07-2011, 01:29 PM
صباح الخير يا جميلة
والله ( ابو الصارقين ) ده ما عرفتو .. بس يبدو بتكوني قاصدة ( ابو الصارقيل) :)
في مدني بنقول أبو الصارقين
يعني شنو وبستخدم لشنو:D
شبارقة
16-07-2011, 01:54 PM
في مدني بنقول أبو الصارقين
يعني شنو وبستخدم لشنو:D
شكرا ً ليك يا بدور
إسمو الصارقيل (مش أبو الصارقيل زي ما قال كانديك) ... وفي المداخلة رقم (1) في الصفحة رقم (1) من هذا البوست ستجدين الصارقيل.
بدور التركي
16-07-2011, 05:03 PM
ما الفرق بين الفنجطة والبرطعة :D
البرطعة يعني اصدار صوت مزعج
مش? زي لما الواحد يشرب موية ويصدر منه صوت
بق بق بق:D
الفنجطة ما عرفتها:confused
طارق صديق كانديك
16-07-2011, 05:40 PM
في مدني بنقول أبو الصارقين
يعني شنو وبستخدم لشنو:D
شكرا ً ليك يا بدور
إسمو الصارقيل (مش أبو الصارقيل زي ما قال كانديك) ... وفي المداخلة رقم (1) في الصفحة رقم (1) من هذا البوست ستجدين الصارقيل.
ممنون للتصحيح ياشبارقة فعلا هو الصارقيل .. !!
وصورة العنقريب جميلة ياجميل ماقصرتا كلو كلو بس ناقصلو جردل الليل مريسه وودوبيت ... !!:)
تحياتي ليك ولبدور
بدور التركي
16-07-2011, 05:43 PM
ممنون للتصحيح ياشبارقة فعلا هو الصارقيل .. !!
وصورة العنقريب جميلة ياجميل ماقصرتا كلو كلو بس ناقصلو جردل الليل مريسه وودوبيت ... !!:)
تحياتي ليك ولبدور
تاني ماأسألك
انت بتعلمني غلط:D
طيب
الفرق شنو بين السجم والرمد!
أحمد طه
16-07-2011, 07:33 PM
البرطعة يعني اصدار صوت مزعج
مش? زي لما الواحد يشرب موية ويصدر منه صوت
بق بق بق:D
الفنجطة ما عرفتها:confused
بدور إزيّك ، البرطعة دي أقول ليك شنو يعني ، زي الجمل وكتن يقطع عقالو و يجري ، برطع برطع برطع ،،، لكن ما سمعت بالموية البتبرطع في الحلق ديlooool
أما الفنجطة فهي نطّيط غير منتظم ، زي فنجطة الشفع ، أو فنجطة الحمار العاير
شبارقة
17-07-2011, 06:52 AM
البرطعة يعني اصدار صوت مزعج
مش? زي لما الواحد يشرب موية ويصدر منه صوت
بق بق بق:D
الفنجطة ما عرفتها:confused
:D:D
زي لما الواحد يشرب موية ويصدر منه صوت
بق بق بق:D
دي إسمها الكرطعة ... يركطع في الموية.
أما بخصوص الفنجطة فشايف أخونا أحمد طه ما قصـّر في شرحها
زمااان كنا صغارا ً نغني هزلا ً كمجاراة لأغنية زيدان إبراهيم وكنا بنقول:
أجمل دحيش في السوق ...أجمل دحيش في السوق ... جدي إشتراهو ...فنجط رماهو ... وإيه ... إيه أسباب جفاهو :)
شبارقة
17-07-2011, 06:54 AM
يعني عملت نايم ؟ looool
ما عمل نائم ياخ ... لكن طرفو من طبعو نعسان :)
أنا ذاتي أقوم أزنقو معاك موش لو رفع لي إبهامو !!!
طيب نفس اللفظ دا والدارج أكتر أولاد الياباني التاباني ...
أعتقد (عاق) أقرب لمرفوض ..
ولّ شنو يا طارق ؟؟؟ولا شنو
التاباني يعني عدوتي
والياباني عدوي
يعني انت ولد عدوي وعدوتي ودا دلالة على عدم الرضاء
اها المافي شنو؟ مش كلها اجتهاد في اجتهاد:p
اه جي جي بالباكستاني شنو؟:p
شبارقة
17-07-2011, 07:03 AM
وصورة العنقريب جميلة ياجميل ماقصرتا كلو كلو بس ناقصلو جردل الليل مريسه وودوبيت ... !!:)
:D:D
شكرا ً ليك يا ود كانديك
طيب ... التبروقة التحت العنقريب دي عندها لسان من الأمام (شكلو مستطيل) المربوط فيهو حاجة من الصوف (لونا أزرق في الصورة) عشان يعلقوا بيها التبروقة في الحيطة ... أها الحاجة الزرقاء دي إسمها شنو ؟ والمستطيل زاتو إسمو شنو ؟
ملحوظة : سألنا منو قبل كدة ... تذكر يا أبا عاقلة؟
http://www.sudanyat.org/upload/uploads/4025_1264694450.JPG
غايتوا ياشبارقة بما انه بيعلقوها منها تبقى رقبتها:p
اقصد التبروقة
شبارقة
17-07-2011, 07:15 AM
البرطعة دي أقول ليك شنو يعني ، زي الجمل وكتن يقطع عقالو و يجري ، برطع برطع برطع ،،، لكن ما سمعت بالموية البتبرطع في الحلق ديlooool
أما الفنجطة فهي نطّيط غير منتظم ، زي فنجطة الشفع ، أو فنجطة الحمار العاير
سلام يا أحمد طه
نعم ... الفنجطة تطلق على الحمير والبرطعة على الإبل
الفنجطة لا تحتاج إلى مساحات كبيرة بينما البرطعة تحتاج إلى مساحة كبيرة ومريحة
الحمار العاير لا يفنجط بل يكون مسرعا ً ومتحفزا ً وبدون تركيز عشان كده مرات كتيرة بلقى نفسو دخل في أماكن ضيقة أو طرق مسدودة
بدور التركي
17-07-2011, 07:17 AM
بدور إزيّك ، البرطعة دي أقول ليك شنو يعني ، زي الجمل وكتن يقطع عقالو و يجري ، برطع برطع برطع ،،، لكن ما سمعت بالموية البتبرطع في الحلق ديlooool
أما الفنجطة فهي نطّيط غير منتظم ، زي فنجطة الشفع ، أو فنجطة الحمار العاير
تسلم يا جميل
ما قصرت
يقصر الملح:D
يا شبارقة زمان وانا طفلة بلعب بالتراب
كنا نلعب لعبة
نمسك يد الزول ونقول له كد بضمة الكاف
الدومة
يعني شنو
الدومة عرفتها
بس ليه يمسكو اليد
وما يفكك إلا يكدها:D
شبارقة
17-07-2011, 07:24 AM
غايتوا ياشبارقة بما انه بيعلقوها منها تبقى رقبتها:p
اقصد التبروقة
ما دائما ً العلـِّيق من الرقبة ... حبوباتنا كانن بقولن لينا : يوم القيامة بيعلقو الزول من لسانو :)
بدور التركي
17-07-2011, 07:30 AM
ما دائما ً العلـِّيق من الرقبة ... حبوباتنا كانن بقولن لينا : يوم القيامة بيعلقو الزول من لسانو :)
والنساء من شعورهن:(
التبروقة
أظنها اللسان!!
شبارقة
17-07-2011, 07:35 AM
كنا نلعب لعبة
نمسك يد الزول ونقول له كد بضمة الكاف
الدومة
يعني شنو
الدومة عرفتها
بس ليه يمسكو اليد
وما يفكك إلا يكدها:D
دي لعبة مؤلمة ... بل هي ليست لعبة أصلا ً وهي ضغط ظاهر اليد بقوة حتى تنثني للأمام في إتجاه باطن الساعد .
أها لما تنضغط اليد يبدو شكلها أقرب للدومة عشان كدة بيقولوا ليك كدها ... لأنو الكد بيكون للدوم عادة ... وبعدين للعضم :)
شبارقة
17-07-2011, 07:36 AM
والنساء من شعورهن:(
وكان ما عندها شعر !! أو حالقة صلعة :D
وكان ما عندها شعر !! أو حالقة صلعة :D
من العرقوب ...
:D:D
ملحوظة : سألنا منو قبل كدة ... تذكر يا أبا عاقلة؟
ودابعاقلة هو السألك وعملت نايم ليوم الليلة !!!
البجبوج ...
الطمبجة ...
الطرابيل ...
سلام جاكم يا ناس المصطلحات
ود ابعاقلة كتب :
البجبوج ...
الطمبجة ...
الطرابيل ...
الطمبجة : زيادة الطين بلة
البجبوج : في ظني تشبه الطبمجة . بس "لاقة " يعني نجيضة لمن قربت تخرب حاجة مُبجبجة كدا:D
الطرابيل :اعتقد الترابيل ..البشتغلو في التراب وكدا المزارعية
سلام جاكم يا ناس المصطلحات
ود ابعاقلة كتب :
الطمبجة : زيادة الطين بلة
البجبوج : في ظني تشبه الطبمجة . بس "لاقة " يعني نجيضة لمن قربت تخرب حاجة مُبجبجة كدا:D
الطرابيل :اعتقد الترابيل ..البشتغلو في التراب وكدا المزارعية
ود ابعاقلة الكتبو شوية ؟؟؟
الطمبجة صاح كلامك ..
أما البجبوج ما عندها علاقة بالطمبجة إلا في حالة واحدة .. حالة السيولة :D looool أو نحو ذلك ;)
الترابيل حقتك دي بقولو عليها الترابلة ...
لكن طرابيلي دي بعيدة عن ترابيلك ...
ثم
مشاقين وكدا ..
يا الطال غيابك سنة وزيادة ...
wadosman
26-07-2011, 09:46 AM
البجبوج ...
الطمبجة ...
الطرابيل ...
الطرابيل جمب اهلنا فى البلد
و يقال انها الت ترهاقا...:rolleyes:
الطرابيل جمب اهلنا فى البلد
و يقال انها الت ترهاقا...:rolleyes:
لكن هي شنو تحديداً ؟؟؟
عادي حاجة تكون جمبك وما تعرف هي شنو !!!
شهد نموذجن ;)
مشاقين وكدا ..
يا الطال غيابك سنة وزيادة ...
ما تشتاق ليها يارب قول آمين ...." قصدي العافية ";)
والشوق طمبج محاسيسنا وكدا looool
اها اجتهاد تاني بالنسبة للطرابيل .. اعتقد حاجة زي الاهرامات كدا
اعمدة اثرية في الشمال بعد الاستعانة برد ود عثمان
ما تشتاق ليها يارب قول آمين ...." قصدي العافية ";)
والشوق طمبج محاسيسنا وكدا looool
ومَلَخ قليبي عديل كدا :D
اها اجتهاد تاني بالنسبة للطرابيل .. اعتقد حاجة زي الاهرامات كدا
اعمدة اثرية في الشمال بعد الاستعانة برد ود عثمان
في الحقيقة هي مش أعمدة راسا عديل !!!
إنما اهرامات قرمبوذة إتبنت على قدر الهمة الكانت موجودة looool ..
wadosman
26-07-2011, 10:17 AM
لكن هي شنو تحديداً ؟؟؟
عادي حاجة تكون جمبك وما تعرف هي شنو !!!
شهد نموذجن ;)
;)
ترهاقا دا دفنو فى اهرامات الجيزه..؟؟؟:p
;)
ترهاقا دا دفنو فى اهرامات الجيزه..؟؟؟:p
والمساخة ليك شنو حسي دي :D؟؟؟!!!
لامن تقول لي بتاعة ترهاقا أنا كقارئ أفهم شنو ؟؟؟;)
أمشي بعيد مثلاً !!! looool
vBulletin® v3.8.8 Beta 2, Copyright ©2000-2026