تسجيل الدخول

مشاهدة النسخة كاملة : *** مصطلحات عامّية سودانية ***

الصفحات : 1 2 [3] 4 5 6 7 8 9 10 11 12
أشتر
13-01-2008, 10:17 AM
سلامات يا محمد يا حبوب :
بالله عليك اعمل لي تصميم "لايبود" زي الازرق الكان اصفر، اكتب لي اسمي فيه و املاو لي غناء نضيف و رسلوا لي هدية في اقرب فرصة لاني مغروض فيه شديد و محتاجه بشدة :D:D:D و كمان دايرين تصميم لويب سايد تحت التخطيط و الدراسة و التحليل و دا بزنس و حقك محفوظ تب :D:D

الجاعورة ، التنقس ، القورة، الجميزة ، الجهنمية ، الجراية

أملاو غنا دي قصة طويلة ... الا يكون لنكات ودي حاجة ما جميلة ... وبالنسبة للويب سايت زي القلت لي البحر فيهو سمك امشي اقبض من طرف ...
والموضوع ما زي الجراية ... بالكتير كدنكة :D:D:D
شبارقة
13-01-2008, 12:20 PM
سؤال
بسيط
صريح

ما بين أسماء الوجبات البيسيل ليها اللعاب دي
ناس، أم تكشو وأم شعيفة كم منهن بيدو فائدة غذائية وكم في المية من البروتينات في الوجبة وكم نفر ماتو من فقر الدم الناتج عن تعاطي الوجبات دي وكم نفر ماتو بي جلطة وضغط دم من الربيت وكم واحد كبدتو إنفجرت من البقو والمريسي والعرقي (سواء ذكر أو لم يذكر،،، يمكن نرجع لي وراء)

هو السؤال مركب، يعني من كمين لسان
عبد الرحيم
شبارقة
أبوعاقلة
وفيصل
أفيدونا وبتنا آماسي معاكم

دكتورنا ود مخير يا الماك محير...سلامات

نحنا زمان كنا بنقول ناس أم شعيفة وأم تكشوا أم بقبق وأم دقوقه ديل حفظ حياة ساااي ..ولكن الغريبة إنو حبوباتنا وعماتنا النحنا عاصرناهم إنتقلوا إلى الرفيق الأعلى وبدون أي مرض (موت الله ساااي) وبعمر لم يقل عن 90سنة وكانوا بيعتمدوا على الوجبات المذكورة وهذه حقيقة غيرت مفاهمينا عن البروتينات والنشويات والسكريات والكربوهيدرات والشنو شنو بتاعتكم دي ..وكانوا بيأكلو شوية بلح وبيشربوا الحليب بيشربو السمن كمان ...وهل بالبلح والحليب وحدهما يحيا الإنسان ؟...رغم إفتقار هذه الوجبات التراثية لكل شئ إلا أنها أبعدتهم عن أمراض القلب والشرايين والسكر وأطالت أعمارهم ...و الأعمار بيد الله أها أم دقوقه دي بيعملوها كيفن؟
شبارقة
13-01-2008, 12:26 PM
في واحدة من الأخوات سألتكم قبل فترة عن التوريق وعملتو فيها نايمين ..لكن بي وين أنا صاحي ليكم ...أها التوريق شنو؟
منال
13-01-2008, 12:38 PM
دكتورنا ود مخير يا الماك محير...سلامات

نحنا زمان كنا بنقول ناس أم شعيفة وأم تكشوا أم بقبق وأم دقوقه ديل حفظ حياة ساااي ..ولكن الغريبة إنو حبوباتنا وعماتنا النحنا عاصرناهم إنتقلوا إلى الرفيق الأعلى وبدون أي مرض (موت الله ساااي) وبعمر لم يقل عن 90سنة وكانوا بيعتمدوا على الوجبات المذكورة وهذه حقيقة غيرت مفاهمينا عن البروتينات والنشويات والسكريات والكربوهيدرات والشنو شنو بتاعتكم دي ..وكانوا بيأكلو شوية بلح وبيشربوا الحليب بيشربو السمن كمان ...وهل بالبلح والحليب وحدهما يحيا الإنسان ؟...رغم إفتقار هذه الوجبات التراثية لكل شئ إلا أنها أبعدتهم عن أمراض القلب والشرايين والسكر وأطالت أعمارهم ...و الأعمار بيد الله أها أم دقوقه دي بيعملوها كيفن؟

ام دقوقة ملاح التقلية او الملاح الاحمر او ملاح الشرموط وهو عبارة عن لحم مجفف ومدقوق فى فندك و يفضل ما يكون ناعم (بستعاض عنه باللحمة المفرومة فى الزمن ده )وكمان البصله تكوم مجففة و ناعمة . تقوم تقدح الزيت او السمن عشان حبوباتك ديلاك ... وتضيف البصلة لما تصفر اوعك تكترب اى تكون محروقة تضيف الشرموط تديه قلبتين كده ثم تخلط طماطم حمرا زى انتاج الشتاء فى السودان طماطم كبيرة بنضورة اسمها و بالعدم صلصة و تضيف البهارات وتكون محضر الويكة وهى البامية الخضراء تجفف و تدق اى ان تنضج و ما تسوط الملاح كتير عشان بنقطع اى الويكة بتفصل الملاح يكون ملاح كااااااااااااارب و تظبط العصيدة او اللقمة او القراصة و بالهناء
شبارقة
13-01-2008, 03:34 PM
ام دقوقة ملاح التقلية او الملاح الاحمر او ملاح الشرموط وهو عبارة عن لحم مجفف ومدقوق فى فندك و يفضل ما يكون ناعم (بستعاض عنه باللحمة المفرومة فى الزمن ده )وكمان البصله تكوم مجففة و ناعمة . تقوم تقدح الزيت او السمن عشان حبوباتك ديلاك ... وتضيف البصلة لما تصفر اوعك تكترب اى تكون محروقة تضيف الشرموط تديه قلبتين كده ثم تخلط طماطم حمرا زى انتاج الشتاء فى السودان طماطم كبيرة بنضورة اسمها و بالعدم صلصة و تضيف البهارات وتكون محضر الويكة وهى البامية الخضراء تجفف و تدق اى ان تنضج و ما تسوط الملاح كتير عشان بنقطع اى الويكة بتفصل الملاح يكون ملاح كااااااااااااارب و تظبط العصيدة او اللقمة او القراصة و بالهناء

أختنا منال ...سلامات وإزيك ...طول معاك عمر الهنا يا الفرقتك تمت سنة ...ما طولتي الغيبة لكن

لكن جيهتيها جنس جيهة ...والله شرحك ووصفك الرائع لأم دقوقه دهـ خلانا نكابس المطبخ ونصحي أم العيال من النوم ..شهيتينا أم دقوقه وأخواتها
شبارقة
13-01-2008, 05:08 PM
سلام شبارقة و محمد و الشباب الظريف :

و نحن ماشين سوا في هذا البوست، نسينا بعض المصطلحات و ما شرحنا معانيها. ناخد بريك و نرجع ليها و نواصل معا . اطيب التحايا :

السّلبة : نوع من الحبال

المحَويب : حبل تربط به الأرجل الخلفية للبقرة لمنعها من الحركة أثناء عملية الحلب

المَسور : الحصاد

الشُخب : قال سماعين حسن : أنا يا يمه في دروب البنات إتوكرت دابي ..إلى أن يقول : سنونن يمه زي شخب الحليب الدافي يرهج في الكبابي ..ولونن يمه زي لون القمح ضروهو لوجعي وعذابي ...

الجاكومة : الرأس الكبيرة

الغُشغُش : القش البلموهو من الواطه لزوم وليع النار

الكَدوبَه : الأوساخ التي تتراكم على الجلد من عدم الإستحمام لفترة طويلة

الدَفِيس : الأوساخ المتراكمة مع بعض (قش مع حطب مع فحم إلخ..)

التَرتوس : جذور أشجار معينة تجفف وتستخدم كفحم ولكنها أفضل من الفحم لأنها تظل مستعرة لفترة طويلة جداً

التِعل : أهلنا بقولو : كيل يا ميكاييل بالتعل التقيل وهو السحاب التقيل (السحاب الماطر)

السلعلع : نوع من أشجار تكون غصونها لينة وتحتوي على القليل من الماء ولكنها مرة جداً جداً لا يمكن تذوقها على الإطلاق ...ولذلك كانو لما يداعوك يقولو ليك : تشرب موية السلعلع

الطقطوقة : التربيزة

سلام يأهلنا ...وإستجابة لطلب صاحب البوست الذي إستجاب لطلبنا ..تجدون مشاركاتي باللون الأحمر أعلاه ...أها قصرنا معاكم ؟
شبارقة
13-01-2008, 05:16 PM
التوريق : هو المزلاج (بالفصحى) وكان من الخشب بيعملوهو بطريقة معينة لزوم قفل وفتح الأبواب في ذاك الزمن الجميل
شبارقة
13-01-2008, 05:25 PM
السهراجه : الحمى الخفيفة ... الواحد يقول ليك : أنا مسهرج ..أو أنا عندي سهراجة ..وهي دائماً ليست دلالة على مرض وغالباً ناتجة من التعب الشديد أو السهر الغير معتاد أو الوقوف في الشمس لمدة طويلة
شبارقة
14-01-2008, 07:21 AM
حبايبنا الكرام ....سلامات
نعيد لكم مرة أخرى ما أوردناه في الصفحة رقم 24 من قبل ونديكم فرصة أخرى لغاية بعدين :

قال المغني محمد كرم الله: زنوبة كل ما أفتح كتاب ألقاكي في أول سطر ....إلى أن قال: ما دام عقيل الجن سدر ..يُمه المدرس لو فكر ...يلقاهو قاعد فوق ككر في الدونكه لسع ما فطر ...أها الككر يطلع شنو ؟ وكذلك الدونكه تطلع شنو؟ وسدر كمان تطلع شنو؟
منال
14-01-2008, 08:56 AM
اها يا شبارقة فى الصباح و للفطور عازمك قراصة رهيفة بى رايب لو قيلتا فى ضل الضحى جبنة تفوت حقت الادوربات و بعد داك نغديك بملاح ورق ملخبط بي سلج وشمار طااااااااااااااااااااااعم مع الكسرة ...و العشا تبيت القوا عشان ما تجيك تخمة:D:D:D
جنك اكل كدى مالك.................:)
لكن اصبر لى عرفت منهن
الككر: مقعد خشبى يشبه البنبر و كمان بقولو الشى ده موكر لى جوا يعنى مهكور ...
فيصل سعد
14-01-2008, 09:59 AM
الككر: مقعد خشبى يشبه البنبر و كمان بقولو الشى ده موكر لى جوا يعنى مهكور ...

يا منال مرحب بالعودة بعد سفر البناطين :D:D و صينيتك مجيهة تمام و كاربة و مكرربة و ما مهكورة :D:D
شبارقة
14-01-2008, 11:48 AM
اها يا شبارقة فى الصباح و للفطور عازمك قراصة رهيفة بى رايب لو قيلتا فى ضل الضحى جبنة تفوت حقت الادوربات و بعد داك نغديك بملاح ورق ملخبط بي سلج وشمار طااااااااااااااااااااااعم مع الكسرة ...و العشا تبيت القوا عشان ما تجيك تخمة:D:D:D
جنك اكل كدى مالك.................:)
لكن اصبر لى عرفت منهن
الككر: مقعد خشبى يشبه البنبر

أختنا منال مشكورة على العيزومه ...وطبعاً نحن هنا في بلاد الغربة والأكل بتاعنا ما عندو أي طعم ...وبمناسبة ملاح الورق تصوري في واحد عزمنا عليهو قبل فترة بعد ما جابو ليهو الورق من الجروف بتاعتهم في السودان وبرضو ما كان طاعم لانو الحاجّة بتاعتو ما كتّرت الشمار:D

إجابتك عن الككر صحيجة 100% .. والككر ده غالباً بيكون في الدونكه . أها الدونكه شني؟
شبارقة
15-01-2008, 12:25 PM
شبارقة صباحات الأجواء الربيعية


غايتو النعير .................... على ما اعتقد منطقة في اليمن
الشهفوفة ليها علاقة بالمراة



ههههههه

النعير : الحمار الكسلان

الشهفوفه : المطرة المصحوبة بالهواء (تجيك من جميع الجهات) بينما الزيفة هي البرد المصحوب بالهواء
همس الشوق
15-01-2008, 12:32 PM
ههههههه

النعير : الحمار الكسلان

الشهفوفه : المطرة المصحوبة بالهواء (تجيك من جميع الجهات) بينما الزيفة هي البرد المصحوب بالهواء

طيبين .......... ناس التكل ؟

ههههههههههههه
والله يا شبارقة انا بالغته عديل في النعير ...........والشهفوفة

الدور دا قديت الشبكة عديييييييييييل

عليك الله ما تكتر المحلبية
منال
16-01-2008, 11:27 AM
والككر ده غالباً بيكون في الدونكه . أها الدونكه شني؟

الدونكه : التكل ذاتو
وحجر المحراكة البكون بقوق اسمه على اعتقد العجان

اها كمان بتعرق ام جنقر
شبارقة
16-01-2008, 04:12 PM
الدونكه : التكل ذاتو
وحجر المحراكة البكون بقوق اسمه على اعتقد العجان

اها كمان بتعرق ام جنقر

مشيت مرة للسودان في زمن العولمة وتلقيت عزومة من بعض الحناكيش وبعد العشاء أسقوني مديدة على ما أعتقد كانت تسمى أم جنقر وكانت لذيذة وتذوقت فيها طعم الطحنية أما باقي المكونات فلم أعرفها كانت ما بين الدخن والحليب على ما أذكر ....صاح ولا أنا خاشي غلط ؟
شبارقة
16-01-2008, 04:15 PM
الدونكه : التكل ذاتو
وحجر المحراكة البكون بقوق اسمه على اعتقد العجان



الإجابات صحيحة ...وإلى الأمام دائماً
شبارقة
16-01-2008, 04:24 PM
هناك مثل في غرب السودان سمعته من أحد الزملاء عندما كنا طلبة والمثل هو:

أم سلبمويتك ولا كدكاي زول وهو يقابل المثل : لالوب بلدنا ولا تفاح الناس

أها أم سلمبوي ده شنو؟ والكدكاي يطلع شنو؟ ودمتم سالمين
فيصل سعد
16-01-2008, 10:04 PM
لالوبنا و لا تمر الناس يا شبارقة :
بتعرف العرديب و الجميز و القنقليز و التمربونا و التمرهندي و الجهنمية و الدوم و الدليب و طيارة الصباح
شبارقة
17-01-2008, 08:05 AM
لالوبنا و لا تمر الناس يا شبارقة :
بتعرف العرديب و الجميز و القنقليز و التمربونا و التمرهندي و الجهنمية و الدوم و الدليب و طيارة الصباح

عزيزنا فيصل ... سلامات

كل عام وأنت بخير بمناسبة الحاجة الشفتها في بوست تاني والتي ذكرتني بدودة مشهورة ...عرفتها؟:D

نحن لالوبنا يا فيصل أحلى من تفاح لبنان ...العايز ليهو تمر منو؟ قال تمر قال ..

الحاجات الذكرتها دي كلها بعرفها لمساً ومصاً وتذوقاً (ما عدا الجهنمية وهي الكلمة الشاذة في هذه المجموعة لأنها ليست بثمرة) أما طيارة الصباح دي فلم تهبط في أي مطار من مطارات الذاكرة عندي
فيصل سعد
17-01-2008, 08:20 AM
عزيزنا فيصل ... سلامات

كل عام وأنت بخير بمناسبة الحاجة الشفتها في بوست تاني والتي ذكرتني بدودة مشهورة ...عرفتها؟:D

انت يا معلم ما تجي تبارك الحاجة ديك في محلها بهناك :D:D مالك بتزازي بيجاي..



الحاجات الذكرتها دي كلها بعرفها لمساً ومصاً وتذوقاً (ما عدا الجهنمية وهي الكلمة الشاذة في هذه المجموعة لأنها ليست بثمرة) أما طيارة الصباح فلم أسمع بها من قبل (دي أسماء بتاعت حناكيش ولا شنو؟:D)...

طيارة الصباح اسأل منها صاحبك محمد ابوعاقلة لانه تخصص و كدة :D:D بكرت و كرتين..
الفاتح
17-01-2008, 08:36 AM
الشاطر يعرف الحاجات دي:
الكركجيًه
الشرشه
الشقيقيّل
أم سَيْ سَيْ
الساسوْيه
الخُس
السْيداب
الهدّام
أُم بَحَتيْ
القدون
mohamed merghani
17-01-2008, 09:09 AM
هناك مثل في غرب السودان سمعته من أحد الزملاء عندما كنا طلبة والمثل هو:

أم سلبمويتك ولا كدكاي زول وهو يقابل المثل : لالوب بلدنا ولا تفاح الناس

أها أم سلمبوي ده شنو؟ والكدكاي يطلع شنو؟ ودمتم سالمين

امسلمبوى = ام سيسي
كدكاي = الجقر
والقصة لها علاقة باكلى لحم حمام الشقوق
والله اعلم
فيصل سعد
17-01-2008, 11:35 AM
الشاطر يعرف الحاجات دي:
الكركجيًه
الشرشه
الشقيقيّل
أم سَيْ سَيْ
الساسوْيه
الخُس
السْيداب
الهدّام
أُم بَحَتيْ
القدون

أم سَيْ سَيْ اكلت الدخن !!!
شبارقة
17-01-2008, 05:36 PM
الكركجيًه : تراب البحر
الشرشه : الجزء الزائد من الظفر
الشقيقيّل : PASS
أم سَيْ سَيْ : نوع من أنواع الفيران (سوداء اللون)
الساسوْيه : القطعة الصغيرة من القزازة المكسرة
الخُس : PASS
السْيداب :راح لي - يمشي ويجيني
الهدّام : الجزء الذي يتهدم من قيفة البحر
أُم بَحَتيْ : الصبرة التي تحفر بيوتها تحت الأرض
القدون :PASS
mohamed merghani
18-01-2008, 08:01 AM
الكركجيًه : تراب البحر
الشرشه : الجزء الزائد من الظفر
الشقيقيّل : PASS
أم سَيْ سَيْ : نوع من أنواع الفيران (سوداء اللون)
الساسوْيه : القطعة الصغيرة من القزازة المكسرة
الخُس : PASSph[m [size=5]
السْيداب :راح لي - يمشي ويجيني[size=5][color=#0000FF]]
الهدّام : [color=#0000FF]الجزء الذي يتهدم من قيفة البحر
أُم بَحَتيْ : الصبرة التي تحفر بيوتها تحت الأرض
القدون :PASS
الخُس : PASSph[m حاجة كدة زى الراكوبة او القطية
السْيداب :راح لي - يمشي ويجينيعنقريب يصنع من القنا ولحاء الشجر
بابكر مخير
18-01-2008, 08:57 AM
الضُل
الإضينا
الضُقل
الضقِل
فيصل سعد
18-01-2008, 09:31 AM
أها ..... سلام جاكم ...وهاكم:

1- النفاج (تشديد النون)

2- السلبابه أو الخلاله

3- الرقراق


4- أم مالبينا


5- الماروق

النفاج دا يا الحبيب الباب الداخلي بين البيوت القاعدة في الحيشان الكبيرة ... و دي اسأل منها اولاد الحيشان التلاتة طبعا نحنا :D:D و ناس جدودنا مخير و كدة:D:D:D اما نفاج محجوب شريف فداك باب براو اسأل منه الخال بجيهك تب :D:D

ما تبقى رقراق ، ابقى يا ضل يا شموس يا شبارقة و اظنو وقع ليك؟؟ الباقين Pass
mohamed merghani
18-01-2008, 09:11 PM
الضُل
الإضينا
الضُقل
الضقِل

الاضينا ....
ما فينا الاضينة ومانا قلّة كتار
نصلى الحارة نحن نوجّب البتّار
-- ------------------------------------
المثل القديم مالك تقول ودّر لو
ما قالو الاضينة أمفتو واتعضّر لو
------------------------------------
الضقل بضم الضاد و القاف تطلق على قصير القامة
أما بفتح الضاد والقاف فهو عصا قصيرة يلعب بها الصبية سكّج بكّج
أما بفتح الضاد وكسر القاف فهو تنطيط الكورة بالرجل دون ان تلامس الارض
الفاتح
19-01-2008, 07:42 AM
الخُس : PASSph[m حاجة كدة زى الراكوبة او القطية
السْيداب :راح لي - يمشي ويجينيعنقريب يصنع من القنا ولحاء الشجر
سلام بتاعكم..
الخُس= التُكُل=المطبخ
أُم سَيْ سَيْ=طائر أسود ذو منقار وأرجل طوال يتحرك بسرعة ويلتقط الدود بسرعة أكبر.
الشقيْقيّل= الزنبور= حشره تتحاوم عادةً حول شجرة الحنّاء.
أُم بحَتَيْ: مهنة يمتهنها المزارعين تتمثًل في إزلة الأشجار الغير مرغوب فيها من جذورها لتوسعة البلدات وتتم العملية بالحفر عميقاً وإشعال النيران تحت الشجره المراد تبحيتها.
القدون= ميزان العجله.
فيصل سعد
19-01-2008, 08:11 AM
وجب السؤال عن اخونا محمد ابو عاقلة مسجل غياب و ان شاء الله يكون طيب. كذلك الجنس اللطيف عموم زايغ و لابد؟؟ الحاصل شنو ؟؟
المعلم شبارقة رجاء مراجعة المصطلحات التي لم تشرح معانيها و دورها تاني..
انا متذكر بابكر مخير سألك عن الماندولا؟ فحقو تسكو يجي يشرحها!!
أشتر
19-01-2008, 11:23 AM
وجب السؤال عن اخونا محمد ابو عاقلة مسجل غياب و ان شاء الله يكون طيب. كذلك الجنس اللطيف عموم زايغ و لابد؟؟ الحاصل شنو ؟؟

دي الإرادة
ونحن ما بنقدر نجابه المستحيل
غصباً عني (أغيب) وغصباً عنك (تسأل)
الاغنية دي شغالة حاليا وفايتة اضاني
اها واقفين وين ... والزنقة بت كلب
بابكر مخير
19-01-2008, 12:33 PM
والزنقة بت كلب

سؤال :eek: :eek:
كم نوع من أنواع الزنقة تعرف ؟؟؟؟؟؟
شبارقة
19-01-2008, 06:04 PM
المعلم شبارقة رجاء مراجعة المصطلحات التي لم تشرح معانيها و دورها تاني..
انا متذكر بابكر مخير سألك عن الماندولا؟ فحقو تسكو يجي يشرحها!!

يخيل لي أنو الماندولا هي الماندلين (آلة موسيقية) لغاية ما يلحقنا عمنا ود مخير الما بتحير وما بتحير إلا مغير.. ودمتم سالمين.
أشتر
19-01-2008, 08:23 PM
سؤال :eek: :eek:
كم نوع من أنواع الزنقة تعرف ؟؟؟؟؟؟

سؤالك محير يا مخير !!!!!
أول حاجة ومهمة جداً ...
زنقة سؤالك ...
وزنقة الإشارة ...
وزنقة ابن ماجة ... (أحياء المغرب بسموها زنقة)
وزنقة السبيلين ...
وزنقة الحرامي ...
بابكر مخير
19-01-2008, 09:24 PM
ود ميرغني الحبيب
ما شاء الله عليك
الضقل بضم الضاد و القاف تطلق على قصير القامة
أما بفتح الضاد والقاف فهو عصا قصيرة يلعب بها الصبية سكّج بكّج
أما بفتح الضاد وكسر القاف فهو تنطيط الكورة بالرجل دون ان تلامس الارض
طيب بس ملحق صغيروني،،، هل ممكن ضقل تبقى دقل
ما إحنا مثلن عندنا لخبتت الحروف "ذي ما بتقول دنقلاوي، ممكن برضو يتقال ضنقلاوي"
يديك الف عافية وفيت النضمي حقو وإستوفيت الشكر على الشرح

يخيل لي أنو الماندولا هي الماندلين (آلة موسيقية) لغاية ما يلحقنا عمنا ود مخير الما بتحير وما بتحير إلا مغير.. ودمتم سالمين.

يعني الحبيب دي لو تسمح أقول ليك فيها شبا قة (بعد حزف حرف الراء،، حتى تنطق بما يشابه "شو بآ" وهو ما يعني أيش بآ وتقال لتعرف بالسوداني مخلوط بالمصري؛ شنو بآآ)
المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع الجلابة
المهم المندولا بمفهوم المكان: مطعم في قلب مدينة لندن؛ وحسب أهل الغرب هي إناء مربوط بالطعام
ودا السبب الخلى سيد مطعم المندولا يسميهو بلإسم دا، لأنو أصولو من غرب السودان.
على آي حال من يرى غير ذلك!!!! ممكن ليهو أن يغير وعهد مني أني ما بكون متحير ولا متغير

أبوعاقلة الحبيب
سؤالك محير يا مخير !!!!!
أول حاجة ومهمة جداً ...
زنقة سؤالك ...
وزنقة الإشارة ...
وزنقة ابن ماجة ... (أحياء المغرب بسموها زنقة)
وزنقة السبيلين ...
وزنقة الحرامي ...

إتخيل ليا زنقة في المغرب معناها شارع أو زقاق
(كلها اسبوع قضيتو في المغرب زمان والمعلومة من وكت داك)
لكني والله، لمن أتخلعتا،،، أنا ما كنت قايل الزنقة دي مزنوقة في زنقات كتيرة كدي
كتر الف خيرك مرقتني من جنس زنقة
فتحي مسعد حنفي
20-01-2008, 06:12 AM
أها ..... سلام جاكم ...وهاكم:

1- النفاج (تشديد النون)

2- السلبابه أو الخلاله

3- الرقراق


4- أم مالبينا


5- الماروق

5- الماروق هو السماد
4- ام مالبينا هو جزء من معدة الخروف يستعمل في الطبخ
3-الرقراق هو الظل
1- النفاج هو فتحة في الحائط لتصريف ماء المطر
2- السلباية أو الخلالة هو مسلة خشبية تستعمل في المشاط
فتحي مسعد حنفي
20-01-2008, 06:21 AM
[QUOTE=Babiker Mukhayer;87288]ود ميرغني الحبيب
ما شاء الله عليك





المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع (الجلابة)

شكرا يابابكر علي استعمالك لكلمة جلابة هنا لانها بتثبت كلامي القلت فيهو انو الجلابة لا يقصد بها جالبي الرقيق فقط كما يصر البعض علي ربطها بتجارة الرقيق
بابكر مخير
20-01-2008, 07:33 AM
5- الماروق هو السماد
4- ام مالبينا هو جزء من معدة الخروف يستعمل في الطبخ
3-الرقراق هو الظل
1- النفاج هو فتحة في الحائط لتصريف ماء المطر
2- السلباية أو الخلالة هو مسلة خشبية تستعمل في المشاط

خد
الترك والهنود

طيب بالمناسبة دي:
حلبي
جلابي
أهل ود العوض
فريق فنقر
الحواتا
مايرنو
المسالمة
سلافة
والسالفاب
من القائل وما مناسبة المقولة:::::
الفي ألب في ألب يا كنيسة الرب
شبارقة
20-01-2008, 08:47 AM
سؤالك محير يا مخير !!!!!
أول حاجة ومهمة جداً ...
زنقة سؤالك ...
وزنقة الإشارة ...
وزنقة ابن ماجة ... (أحياء المغرب بسموها زنقة)
وزنقة السبيلين ...
وزنقة الحرامي ...

وأنا أضيف ليهن : زنقة كلب في طاحونة (زنقة سودانية)

وزنقة الستات (زنقة مصرية)
فيصل سعد
20-01-2008, 08:51 AM
وأنا أضيف ليهن : زنقة كلب في طاحونة

[QUOTE=Babiker Mukhayer;87288]

المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع الجلابة

لقد ذكرت يا حبيبنا ود مخير قبل فترة إنو هناك مطعم في لندن إسمو الماندولا ولذلك تبادر إلى الذهن إنو الماندولا لها علاقة بالطعام لكن قلنا نزعلكم شوية بالإتفاق مع فيصل سعد عشان تجونا وتردوا علينا .. وشكراً على التوضيح

مية مية يا ود عمك ، عرفتليو تمام مخير؟؟ و اهو الشرك صاد تمام التمام..
شبارقة
20-01-2008, 08:55 AM
المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع الجلابة
المهم المندولا بمفهوم المكان: مطعم في قلب مدينة لندن؛ وحسب أهل الغرب هي إناء مربوط بالطعام
ودا السبب الخلى سيد مطعم المندولا يسميهو بلإسم دا، لأنو أصولو من غرب السودان.
على آي حال من يرى غير ذلك!!!! ممكن ليهو أن يغير وعهد مني أني ما بكون متحير ولا متغير



لقد ذكرت يا حبيبنا ود مخير قبل فترة إنو هناك مطعم في لندن إسمو الماندولا ولذلك تبادر إلى الذهن إنو الماندولا لها علاقة بالطعام لكن قلنا نزعلكم شوية بالإتفاق مع فيصل سعد عشان تجونا وتردوا علينا .. وشكراً على التوضيح
شبارقة
20-01-2008, 09:04 AM
5- الماروق هو السماد (السماد الطبيعي ..روث البهائم ..بلا مؤاخذه)
4- ام مالبينا هو جزء من معدة الخروف يستعمل في الطبخ (وقد تكون رحم إناث البهائم .. وقد تكون الضرع كذلك)
3-الرقراق هو الظل (خطأ)
1- النفاج هو فتحة (هو فتحة فعلاً ولكن ....ويمكنك الرجوع للصفحة السابقة أو التي قبلها) في الحائط لتصريف ماء المطر
2- السلباية أو الخلالة هو مسلة خشبية تستعمل في المشاط (خطأ)

حمداً لله على السلامة وعوداً حميداً يا إبن النيل:p .. إفتقدناك كثيراً

تجد تصويبي باللون الأحمر أعلاه ..نديك 50 % ..وندي فرصة لغيرك .. وشكراً
شبارقة
20-01-2008, 09:30 AM
حلبي : أول ناس لونهم أحمر يدخلوا السودان في ذاك العهد كانوا من مدينة حلب بسوريا ولذلك أصبحت تطلق حتى يومنا هذا على كل ذي بشرة حمراء في السودان :confused:
جلابي : ممكن نسأل عنها باقان أموم:D
أهل ود العوض : جاءت حديثاً من الفكاهي/ محمد موسى ويقصد بيها العروب (عرب الجزيرة)
فريق فنقر : PASS
الحواتا :صيادي السمك ... وهناك قرية في السودان تسمى الحواتا
مايرنو: قرية بالقرب من سنار
المسالمة : لي في المسالمة غزال:D
سلافة : يا سلافة الفن ولهفة البتمنا يا هدية من الله والله بدي الجنه;)
والسالفاب : ود سالفاب البنعرفها قرية بالقرب من الحصاحيصا ..وذكرتنا المرحوم المبدع/ مصطفى سيد أحمد


عمنا ود مخير إن شاء الله ما تتحير ...تجد تعليقي باللون الأحمر أعلاه ..
شبارقة
20-01-2008, 11:28 AM
- السلبابة أو الخلالة هو مسلة خشبية تستعمل في المشاط

ههههههه مسلة خشبية؟ شعر ده ولا دُباره؟ أظنك قاصد المخرز والمخرز من المعدن ولكن مخروز في قطعة خشبية:p

وفعلاً السلبابه أو الخلاله لها علاقة بالنسوان (علاقة بالثياب بالذات) أها يطلعوا شنو؟
شبارقة
20-01-2008, 11:38 AM
جيناكم ..وهاكم إلى أن نلقاكم :

1- التندل (بكسر التاء)

2- البتاب (ضم الباء)

3- القرهاب

4- الشلاتيت

5- يقولون في المثل البلدي : أندمس في وطاتك (أها دي كناية عن شنو؟)

6- يقولون في المثل البلدي : أضان الحامل طرشا (أها قاصدين شنو والمناسبة ذاتا شني ولشنو؟)
فيصل سعد
21-01-2008, 02:37 PM
جيناكم ..وهاكم إلى أن نلقاكم :

1- التندل (بكسر التاء) PASS

2- البتاب (ضم الباء) PASS

3- القرهاب PASS

4- الشلاتيت PASS

5- يقولون في المثل البلدي : أندمس في وطاتك (أها دي كناية عن شنو؟) يعني روق في علبك..

6- يقولون في المثل البلدي : أضان الحامل طرشا (أها قاصدين شنو والمناسبة ذاتا شني ولشنو؟)
يعني صهين ، و انسى و سلفني البينسة..
أشتر
21-01-2008, 03:45 PM
يعني صهين ، و انسى و سلفني البينسة..

دا لو عندو بينسة يسلفك ليها ...

وصاحبك يا فيصل ... الثرو باص يخلو ليهو ... لمن يدق في المدرجات الشمالية
بالغت لكن ...
ما قلتو .................


اها الكنيزر يطلع شنو ...
وفجأة كدا أم بوقبوق ههههههه
همس الشوق
22-01-2008, 01:42 PM
ازيكم يا ناس التكل

مالوا الليلة مضللللم كدا

جبت رتينتي وجيت ............
شبارقة
22-01-2008, 03:41 PM
1- التندل (بكسر التاء) : كوم كبير من الجالوص المتهدم والمتراكب فوق بعضه..... وكانوا يقولون : فلان ده تندل سااي (كناية عن الخمالة واللطاخه وقلة المرؤة وهكذا )

2- البتاب (ضم الباء) : الغطاء الذي يحمي قندول الذرة وكل الحبوب مثل القمح والشعير و..إلخ

3- القرهاب : الحوجة الشديدة

4- الشلاتيت : الملابس المهترئة والممزقة


أديناكم زمن كافي وزيادة وحصل الجميع على صفر من 4 (قديتو كلكم :D) عشان كده حليناها ليكم بالأحمر ونشوفكم في الجايات إن شاء الله.... وما ح نكتر المحلبية ولا السرتية :cool:
شبارقة
22-01-2008, 04:07 PM
- السلبابه أو الخلاله : هي الطرف من التوب الذي يوضع في الكتف عندما تلبس نساؤنا التوب .. وتياب زمان تختلف عن تياب هسع ... ويا حليل السلبابه أو الخلاله مع تياب الربط :D
- الرقراق : أشعة الشمس البتدخل رواكيبنا و أوضنا وقطاطينا ...من فتحات صغيرة ..(ظنيت سعد الدين إبراهيم وأبوعركي كانوا قاصدين الرقراق:D)



أديناكم زمن كافي ونسيناكم كمان ...وبرضو قديتو كلكم ..ويلا صفقوا كلكم ... وتجدون الحل باللون الأحمر ... ونرجاكم قدام:p
منال
24-01-2008, 01:28 PM
:D- السلبابه أو الخلاله : هي الطرف من التوب الذي يوضع في الكتف عندما تلبس نساؤنا التوب .. وتياب زمان تختلف عن تياب هسع ... ويا حليل السلبابه أو الخلاله مع تياب الربط :D
- الرقراق : أشعة الشمس البتدخل رواكيبنا و أوضنا وقطاطينا ...من فتحات صغيرة ..(ظنيت سعد الدين إبراهيم وأبوعركي كانوا قاصدين الرقراق:D)

مصطفى برضو غنى ادفقى ما تبقى رقراق ابقى يا ضل يا شمس يعنى شنو يا شبارقة


أديناكم زمن كافي ونسيناكم كمان ...وبرضو قديتو كلكم ..ويلا صفقوا كلكم ... وتجدون الحل باللون الأحمر ... ونرجاكم قدام:p

فا تتنى حاجات كتيرة خلاله و سمعت بيها بعملوها للسخلة من الخشب فى فكها عشان ما ترضع امها و يلقو لبن شاى الصباح شاهى بى لبن غنم
تخريمة
التوب ذاتو خلو يا عمنا و ربط و لا تعب :D:D:D
بابكر مخير
24-01-2008, 01:50 PM
على من؟؟؟؟؟؟ يطلق:
الغبيان
السجمان
الرمدان
البغران
الطبرا
العرا
الدلاها
الكآآآآآآواي
شجرة المزاح

في أي الحالات تستعمل التعابير هذه في غير معناها الأصلي
الحمام
اللمام
تباري الجداد يوديك الكوشا
الجكس
فردا
عينا
شرط
شبارقة
24-01-2008, 04:51 PM
:D

فا تتنى حاجات كتيرة خلاله و سمعت بيها بعملوها للسخلة من الخشب فى فكها عشان ما ترضع امها و يلقو لبن شاى الصباح شاهى بى لبن غنم
تخريمة
التوب ذاتو خلو يا عمنا و ربط و لا تعب :D:D:D

هههههه ... ...الخلاله أوالسلبابه التي أقصدها هما الإثنين إسم لشئ واحد هو ما تم شرحه أعلاه ...و الخلاله التي ذكرتيها هي أيضاً صحيحة ... وشهيتينا شاي لبن الغنم والضان ..ذلك الشاهي التقيل الذي قال فيه أحد الظرفاء : سيدي الحسن أب قبةً لالايا ... أكتب لي حجاب لي فاطنه بت التايا ...الشاهيها التقيل الفرطق الكبايه :D

أما التوب الخلوها ده فزمان لما كنا طلبه في واحد كتب قصيدة حلمنيشية أثارت بعض الجدل قال في جزء منها:

وأختاري توب شفاف تمسو الليد وما يشوفو البصر
والتوب زاتو أرميهو بعيد .. التوب خسار التوب بزار ما بتاع عمل و التوب زمان راح وإندثر
بالشارلي بالماكسي بالإسكيرت بالميني الخطر
بي جكسا في خط ستة ...جكسا في خط خمسة ..جكسا في خط الصفر

وهذا الكلام كان قبل عصر العولمة .... فأين نحن وزمن زمان .... النسى قديمو تاهـ
شبارقة
24-01-2008, 05:03 PM
على من؟؟؟؟؟؟ يطلق:
الغبيان
السجمان
الرمدان
البغران
الطبرا
العرا
الدلاها
الكآآآآآآواي
شجرة المزاح

في أي الحالات تستعمل التعابير هذه في غير معناها الأصلي
الحمام
اللمام
تباري الجداد يوديك الكوشا
الجكس
فردا
عينا
شرط

عمنا ود مخير الخلانا نتحير ... الكلام الفوق داك حقنا هو كلام حبوباتنا و بنعرفو إلا الطبرا دي شني؟ ما عرفتها.. وشجرة المزاح هل المقصود بيها كثير المزاح؟
أما الكلام التحت داك فخلينا نسأل عنو المساعديه والشماشة في السوق العربي :D
بابكر مخير
24-01-2008, 09:05 PM
عمنا ود مخير الخلانا نتحير ... الكلام الفوق داك حقنا هو كلام حبوباتنا و بنعرفو إلا الطبرا دي شني؟ ما عرفتها.. وشجرة المزاح هل المقصود بيها كثير المزاح؟
أما الكلام التحت داك فخلينا نسأل عنو المساعديه والشماشة في السوق العربي :D

الحبيب الشبارقة

الطبرا، بيطلق على الشخص الما معمول ليهو حساب وبرضو بيقولو طرآ وهي أحد جانبي العملة المعدنية وهي الجهة الخالية من الكتابة ويكون فيها رسم شخص في قمة السلطة أو الحكم،،، يعني ذي ملك وكدا،،،، كان القصد منها زمان تقليل من قيمة رسم الملك المصري سؤا من شعبه أو شعبنا الذي كان تحت حكمه.
طرآ وكتابة، هي أيضا لعبة وسط الأطفال زمن ناس إحنا،،، هي برضو نوع من العاب الميسر
كلمة طبرا، تشابه في النطق الصبرا وهو نوع طير،،، على ما أظن

شجرة المزاح: بيقولن الحبوبات (يعني أنا بقول حبوبات،، تتصور معايا يكون شنو لي أجيالكم وللإجيال البعدكم؟؟) أنه هناك شجرة كلها شوك وفي يوم الحساب هذه الشجرة بتتمسح في الزول كتير المزاح الثقيل والجارح (يكفينا شرهم ويدينا خيرهم) وحين يطلب منها الإبتعاد،،، تقول ليهو بهزر (بمزح) معاك.

تمام عن الكلمات التحت بتاعات المساعدية والشماشة في السوق العربي، لكن تفتكر أنا سمعت بيها كيف لو ما أنها برضو متداولة وسط المتعلميين والصيادلة والأطباء;);););)
وبرضو :D:D
فيصل سعد
26-01-2008, 11:54 AM
تمام عن الكلمات التحت بتاعات المساعدية والشماشة في السوق العربي، لكن تفتكر أنا سمعت بيها كيف لو ما أنها برضو متداولة وسط المتعلميين والصيادلة والأطباء;);););)
وبرضو :D:D

يا الحبيب يا حليلك ، انت من زمن الشماشة في السوق العربي ،، هسي بقي فوقوا التماسيح و ناس الكسر بكسر السين و ناس الزئبق و التنزيل و سماسرة اب صلعة و دجالين المشروع الحضاري المندحر :D:D
أشتر
27-01-2008, 05:18 AM
يا الحبيب يا حليلك ، انت من زمن الشماشة في السوق العربي ،، هسي بقي فوقوا التماسيح و ناس الكسر بكسر السين و ناس الزئبق و التنزيل و سماسرة اب صلعة و دجالين المشروع الحضاري المندحر :D:D

قصدك شنو بناس الكسر ... ؟ مجرد سؤال
هل ليهم علاقة بناس الكسِير الواحد دا وناس برّد ...
وثم
دجالين المشروع الحضاري المندحر
هل هو نفسه المشروع الحضاري المنحدر من أصول ترابية ... وهو الآن الترابة في خشمو ...
ما المقصود بالترابة في خشم الواحد ما دام بتسوك كلو يوم ...
والعين ما بملاها الا الترابي ...(طبعا بالشايقي بتجهجه الجماعة) وكل الحصل والله ما مني ... وممكن تعتبروها خطآ مطبعي

يا ناس ... الشوق الحاصل ما عندو فاصل
أشتر
27-01-2008, 09:48 AM
الدُبر
الدّبَرة
الدَبارة
الدُبارة


الدغش
الدقش
الطقش
الطفش
الدحش
الربش
الخمش
وانبرش
أشتر
27-01-2008, 10:02 AM
أبوعاقلة الحبيب


إتخيل ليا زنقة في المغرب معناها شارع أو زقاق (كلها اسبوع قضيتو في المغرب زمان والمعلومة من وكت داك)
لكني والله، لمن أتخلعتا،،، أنا ما كنت قايل الزنقة دي مزنوقة في زنقات كتيرة كدي
كتر الف خيرك مرقتني من جنس زنقة

مشيت دخلت في كم زنقة كدا ولقيت كلامك صاح ...
زمان لم كنت مراهق ... كنت من هواة المراسلة وعندي صديقة مغربية لقيت عنوانا في مجلة الشبكة وراسلتها بعنوان كان فيهو زنقة ابن ماجة ... فانا افتكرت زنقة ام ماجة هي المنطقة العايشة فيها وقرطت على كدا ... لحدي هسي بتكون اتزوجت قطع شك ... لانها شديدة شدة الحرامي اللحس المكوة ...
شبارقة
27-01-2008, 06:02 PM
سلامات ... وجيناكم بتقليعة جديدة
http://www.l44l.com/up/uploads/c86355572e.jpg (http://www.l44l.com/up)

الصورة أعلاه ملئية ببعض الأشياء التراثية التي ترتديها هذه الفتاة الجميلة ...المطلوب التعرف على هذه الأشياء
شبارقة
27-01-2008, 06:08 PM
أها ...الصورة الجميلة أدناه تحتوي على تراثيات المطلوب ذكر أسمائها جميعاً ...وألف مبروك وبالمال والعيال:p وصاحب الإجابات الصحيحة ح نزغرد ليهو/ ليها

http://www.l44l.com/up/uploads/925af43b74.jpg (http://www.l44l.com/up)
أشتر
28-01-2008, 06:20 AM
سلامات ... وجيناكم بتقليعة جديدة

الصورة أعلاه ملئية ببعض الأشياء التراثية التي ترتديها هذه الفتاة الجميلة ...المطلوب التعرف على هذه الأشياء

وين يا شبارقة ... مشتاقين ياخ
خلاص لميت ليك في درب ... تنزيل صور وكدا !!!! فكرة جميلة جدا

غايتو انا ما عرفت الا الزمام ورشمتو والجدلة والحلق والخنّاق و(السلّة) والنظرة الخطيرة
أشتر
28-01-2008, 06:24 AM
أها ...الصورة الجميلة أدناه تحتوي على تراثيات المطلوب ذكر أسمائها جميعاً ...وألف مبروك وبالمال والعيال:p وصاحب الإجابات الصحيحة ح نزغرد ليهو/ ليها


وهنا الحُق والمبخر والشمعة والحنة وبخور التيمان والمحلبية ( وكيس صعوط) أو نظري ضعيف :D:D
همس الشوق
28-01-2008, 06:53 AM
سلامات ... وجيناكم بتقليعة جديدة
http://www.l44l.com/up/uploads/c86355572e.jpg (http://www.l44l.com/up)

الصورة أعلاه ملئية ببعض الأشياء التراثية التي ترتديها هذه الفتاة الجميلة ...المطلوب التعرف على هذه الأشياء

يا سلااااااااااااااااااااااام

كدا الواحد ممكن يشارك


اولا طبعا دي لبسة العروسة السودانية .......
الجدلة وهي بتتكون من الشعر الاسود الطويييييييييييييييل .... وهو ما شعر بس عبارة عن خيوط حريرية ... بتنسج او تمشط زي الشعر .......... ودا بسموهو المقدري ....... اما الدهب المرصع بيهو راس البنية دي فدا بيقولوا عليهو الطاقية ......... وهي مختلفة في اشكالها زمااااااااااااان اهلنا كانو بيختو الجنيهات او النص جنيه بس هسة اطورت وبقى اشكال والوان
الرشمة والزمام (والزمام ابو رشمة ) ربنا يطراهو بالخير الفنان عبد الرحمن عبد الله ... وتاني مفروض يكون في العقد وهو البيسمي باللبة ... وهو عبارة عن عقد كبير بيملاء الرقبة ....... والحلق دا كان اسمو (الهلال المصري )

كاد كيف
همس الشوق
28-01-2008, 06:58 AM
أها ...الصورة الجميلة أدناه تحتوي على تراثيات المطلوب ذكر أسمائها جميعاً ...وألف مبروك وبالمال والعيال:p وصاحب الإجابات الصحيحة ح نزغرد ليهو/ ليها

http://www.l44l.com/up/uploads/925af43b74.jpg (http://www.l44l.com/up)

ودي صينية العديل والزين ........... او صينية الجرتق ........ او دي شكلها صينية حنة عريس او عروس

بتتكون من حقين ........ بيختو فيهم الضريرة ... وواحد بختو فيهو البخور ..... صحن الحنة ومعاهو شمعة ........... والشمعة اهلنا بيقولو فال سمح للعريس وللعروس ......
المبخرين .......... واحد بختو فيهو بخور الصندل وواحد بختو فيهو بخور التيمان .......
والسكرية دي بختو فيها الدهن ...... لزوم الضريره ........

والما ضاق يضوق السيرة ............ امييييييييييييييييييييييييييييييين
شبارقة
28-01-2008, 07:33 AM
وين يا شبارقة ... مشتاقين ياخ
خلاص لميت ليك في درب ... تنزيل صور وكدا !!!! فكرة جميلة جدا

غايتو انا ما عرفت الا الزمام ورشمتو والجدلة والحلق والخنّاق و(السلّة) والنظرة الخطيرة

ود أبو عاقلة يا فردة .... شوقنا بحر لا سواحل له .... شايفكم بغادي في الديوان ..قلنا نعمل لينا حركة حركتين كده عشان نجيبكم ومعاكم الجكس والحمام والحناكيش ....وشكراً على الإشادة بالفكرة ..وح نحاول ننزل بالصور كل الحاجات التراثية التي ذكرناها سابقاً (يعني صورة وصوت :D) لكن بسأل هل بالإمكان إضافة أسهم تشير للمسمى التراثي في الصورة؟

وبالرجع للصورة وإجاباتك نديك 100%
شبارقة
28-01-2008, 07:36 AM
( وكيس صعوط) أو نظري ضعيف :D:D

ههههههههه المصيبة ده أيام العرس ما بخلوهو؟ لكن ما أظنو كيس صعوط (يا ريت أخواتنا من الجنس اللطيف يوضحوا لينا)
فيصل سعد
28-01-2008, 07:39 AM
سلام لكل الاحباب هاهنا :D:D
و يا ود ابو عاقلة كيس السعوط بضارو و بضايرو في هذة المحافل زي ما بشنقوا محتواه :D:D
و شكرا شبارقة على النقلة النوعية التراثية البديعة ، و كتر لينا من زي ديل :D:D
شبارقة
28-01-2008, 07:39 AM
يا سلااااااااااااااااااااااام

كدا الواحد ممكن يشارك



أغنية ود اللمين ...إزيك وسلامات

أولاً: أشكرك على الإعجاب بالفكرة الجديدة

ثانياً: أبدعتي عديل كده في معرفة الأشياء والوصف في الصورتين ونديك 100%
أشتر
28-01-2008, 07:57 AM
شايفكم بغادي في الديوان ..قلنا نعمل لينا حركة حركتين كده عشان نجيبكم ومعاكم الجكس والحمام والحناكيش ....

يا شبارقة انت زول بتاع تراث وفلكلور فارجوك احترم تخصصك عشان تبدع فيو وخلي (المزازا) الكتيرة و(التِطِبِز):D:D
هل بالإمكان إضافة أسهم تشير للمسمى التراثي في الصورة؟
نعم ... يمكن إضافة أسهم تشير الى المسمى التراثي في الصورة شريطة أن تدخل (دكان الصور) يعني الفوتوشوب ... ودي بتحتاج لتعاون مسبق في هذا الشأن .
شبارقة
28-01-2008, 07:58 AM
سلام لكل الاحباب هاهنا :D:D
و يا ود ابو عاقلة كيس السعوط بضارو و بضايرو في هذة المحافل زي ما بشنقوا محتواه :D:D
و شكرا شبارقة على النقلة النوعية التراثية البديعة ، و كتر لينا من زي ديل :D:D

أخونا فيصل ...سلامات
بمناسبة ملاحظة أخونا ود أبو عاقلة أنا زاتي ما كنت منتبه للكيس ...ولما رجعت للصورة وشفتو بديت أضحك ضحك غير عادي لتعليق أبو عاقلة الظريف ...وبعدين فعلاً في مناسبة حلوة زي دي المفروض يضاروهو ويضايروهو ..مش يشنقوهو بس المفروض رمياً بالرصاص :D
أشتر
28-01-2008, 08:03 AM
سلام لكل الاحباب هاهنا :D:D
و يا ود ابو عاقلة كيس السعوط بضارو و بضايرو في هذة المحافل زي ما بشنقوا محتواه :D:D
و شكرا شبارقة على النقلة النوعية التراثية البديعة ، و كتر لينا من زي ديل :D:D

الشنقة عندك لكن !!!
يشنقون السفة ... ويشنّقون الطاقية ... والفرق شدة :D:D
وكل شدة معاها مطة:D:D
أشتر
28-01-2008, 08:12 AM
أخونا فيصل ...سلامات
بمناسبة ملاحظة أخونا ود أبو عاقلة أنا زاتي ما كنت منتبه للكيس ...ولما رجعت للصورة وشفتو بديت أضحك ضحك غير عادي لتعليق أبو عاقلة الظريف ...وبعدين فعلاً في مناسبة حلوة زي دي المفروض يضاروهو ويضايروهو ..مش يشنقوهو بس المفروض رمياً بالرصاص :D
طالما جبتو لينا مضايرة ... خلاص ولا تزعلو ... على الأرجح كيس دلكة ...
فيصل سعد
28-01-2008, 08:23 AM
يا أخوي هوي ده شعرن ما عندنا ليهو رقبة ...ده شغلكم إنتو ...كتر خيرنا القدرنا نزلنا لينا صورة صورتين ..
يا فردة ...تعليقي باللون الوردي .. ودمتم سالمين

اها ، ما تنداح قبلك هنا المزازا العليك شنو؟؟ :D:D ، عارفنك شفت و مقددها ، بعدين غناك و مواويلك مع فردنا الهنا ديل فايتها اضانا و مطنشين و مصهينيين ، ما تفتكرنا داقسين و كدة :D:D يديك العافية..
شبارقة
28-01-2008, 08:27 AM
على الأرجح كيس دلكة ...

تمخض الجبل فولد فأراً :rolleyes: الصعوط كانت أقرب للحقيقة ... يطرشنا في الدلكة البختوها في الكيس الصغيرون ..
أشتر
28-01-2008, 08:32 AM
اها ، ما تنداح قبلك هنا المزازا العليك شنو؟؟ :D:D ، عارفنك شفت و مقددها ، بعدين غناك و مواويلك مع فردنا الهنا ديل فايتها اضانا و مطنشين و مصهينيين ، ما تفتكرنا داقسين و كدة :D:D يديك العافية..

:D:D:D:D:D:D كلمو يا مجّو ههههه
شبارقة
28-01-2008, 08:34 AM
اها ، ما تنداح قبلك هنا المزازا العليك شنو؟؟ :D:D ، عارفنك شفت و مقددها ، بعدين غناك و مواويلك مع فردنا الهنا ديل فايتها اضانا و مطنشين و مصهينيين ، ما تفتكرنا داقسين و كدة :D:D يديك العافية..

أخونا فيصل ...أنا حذفت المداخلة لزوم التعديل وكده ..لقيتك خطفتها طوالي الشئ حديه؟ ونقول ما شاء الله أها الحديه شنى؟
أشتر
28-01-2008, 08:34 AM
تمخض الجبل فولد فأراً :rolleyes: الصعوط كانت أقرب للحقيقة ... يطرشنا في الدلكة البختوها في الكيس الصغيرون ..

اول حاجة الصورة دي ما في بيت عرس عشان تكون عارف
دي في معرض التراث السوداني لكن وين ما عارف
فاحتمال يكونو شحدو ليهم حبة دلكة (سامبل) للعرض فقط وفي كيس ... عشان نوعكم دا ما يكسر كرونا :D:D
أشتر
28-01-2008, 08:37 AM
أخونا فيصل ...أنا حذفت المداخلة لزوم التعديل وكده ..لقيتك خطفتها طوالي الشئ حديه؟ ونقول ما شاء الله أها الحديه شنى؟

والله يا شبارقة انا فتشت عليها وما لقيتا ... رجعت صفحة برضو ماف ... فعرفت فيصل عمل ليها دبل كيك وسربع بيك
شبارقة
28-01-2008, 08:51 AM
يا شبارقة انت زول بتاع تراث وفلكلور فارجوك احترم تخصصك عشان تبدع فيو وخلي (المزازا) الكتيرة و(التِطِبِز):D:D إنت فاكرني حبوبه ..يعني عشان عندنا شوية تراثيات عاوزين تفورونا وتختونا في الرف ..برضو بنعرف الحَمَام والجكس والحنان وشنو وشنو والراندوق ذاتو ..كدي أفتحوا ليكم بوست بالحاجات دي عشان ننداح ليكم ونخليكم تتلفتو :D:D
نعم ... يمكن إضافة أسهم تشير الى المسمى التراثي في الصورة شريطة أن تدخل (دكان الصور) يعني الفوتوشوب ... ودي بتحتاج لتعاون مسبق في هذا الشأن .
يا أخوي هوي ده شعرن ما عندنا ليهو رقبة ...ده شغلكم إنتو ...كتر خيرنا القدرنا نزلنا لينا صورة صورتين ..قال فوتو شوب قال

نعيد المداخلة التي خطفها أخونا فيصل أثناء تعديلها ....وتجد تعليقي باللون الوردي
أشتر
28-01-2008, 09:08 AM
إنت فاكرني حبوبه ..يعني عشان عندنا شوية تراثيات عاوزين تفورونا وتختونا في الرف ..برضو بنعرف الحَمَام والجكس والحنان وشنو وشنو والراندوق ذاتو ..كدي أفتحوا ليكم بوست بالحاجات دي عشان ننداح ليكم ونخليكم تتلفتو
جكس شنو وحنان شنو وانت فطرت بأبُقبُق :D:D ومتغدي ويكاب !!!!
وكان دخلت في الشارع دا مش نخليك تتلفت ... تلف حول نفسك وانا ألف حاجة تانية بعيد عنك :D:D
فيصل سعد
28-01-2008, 09:27 AM
جكس شنو وحنان شنو وانت فطرت بأبُقبُق :D:D ومتغدي ويكاب !!!!
وكان دخلت في الشارع دا مش نخليك تتلفت ... تلف حول نفسك وانا ألف حاجة تانية بعيد عنك :D:D

بعيد عنه ليه يا حاسد :):) المعلم دا يمين يكون داير معاك نفس نفسين و انا بكتر ليكم العنب و الطحنية :D:D و بعد داك ضحك للطيش ، و الثلاجة جاها بلا و الغريبة باب الشارع من باب الاوضة ما ينفرز :eek::eek::eek:
شبارقة
28-01-2008, 09:33 AM
جكس شنو وحنان شنو وانت فطرت بأبُقبُق :D:D ومتغدي ويكاب !!!!
وكان دخلت في الشارع دا مش نخليك تتلفت ... تلف حول نفسك وانا ألف حاجة تانية بعيد عنك :D:D

ههههههههه ....والله أنا مشتاق لأم بقبق ...والويكاب بعرفو لكن والله ما حصل يوم أكلتو ..والسبب الرئيسي هو إنو أنا طلعت من السودان وعمري 19 سنة لزوم الدراسة وكده ومن ديك وعيييك ...ولغاية هسع أنا بره السودان لذلك لما أرجع في الإجازات الغير سنوية ..:confused:بلقى حاجات كتيرة متغيرة وبالذات في التعابير الشبابية أو كلام المساعدية والشماشة وبكون مسطح تسطيحه ما عادية (سمعت شماشي يقول للتاني : جريت ليك نور طويل للحنان بتاعي وكنتكت ليهو) وطبعاً ما فهمت أي حاجة ...وفعلاً كل زمان ليهو غنّاي ...وبالمناسبة التعابير الشبابية موجودة في كل زمان ولكنها تختلف من جيل إلى جيل ...لما كنا شباب في الثانويات كنا بنقول الصيص والدساس وما عارفين معناها شنو ولكنها كانت تعبيراً عن الجكس هسع ... وكنا بنقول الجلكين والجلك وتعني الرجل الكبير أو الكناية عن الوالد (مع إني كنت أستنكرها في هذا الموقع) وكنا بنقول عضه تعبيراً عن الأكل أو العزومه وهكذا ...لكن زمنكم ده الله يدينا خيرو ويكفينا شرو ..خلانا زي مجنون سنار الي يردد دائماً : كان مشيت بجي وكان جيت بمش
أشتر
28-01-2008, 09:38 AM
بعيد عنه ليه يا حاسد :):) المعلم دا يمين يكون داير معاك نفس نفسين و انا بكتر ليكم العنب و الطحنية :D:D و بعد داك ضحك للطيش ، و الثلاجة جاها بلا و الغريبة باب الشارع من باب الاوضة ما ينفرز :eek::eek::eek:

لكن انا خايف يدخل في عمود ... والباب باب بيت عنكبوت:D:D
أشتر
28-01-2008, 09:41 AM
(سمعت شماشي يقول للتاني : جريت ليك نور طويل للحنان بتاعي وكنتكت ليهو) وطبعاً ما فهمت أي حاجة ...

طيب الفصاحة ليك شنو اذا كان دي ما فهمتها ... كلمو يا فيصل ...
شبارقة
28-01-2008, 09:44 AM
خلاص كفاية تخريمات ونرجع لموضوعنا

http://www.l44l.com/up/uploads/7a1841829b.jpg (http://www.l44l.com/up)

الطبق الماسكاهو البنيه الحليوه دي إسمو شنو؟ ونوع الطرحه اللابساها دي شنو؟
شبارقة
28-01-2008, 09:50 AM
وليد البجه الحليو ده (ما شاء الله) ما تشوفوهو لينا ..مليان تراث ....يا ريت ود أبو عاقلة يخش لينا كده بالفوتوشوب

http://www.l44l.com/up/uploads/6b495299a6.jpg (http://www.l44l.com/up)
شبارقة
28-01-2008, 09:55 AM
أها للحناكيش المولودين خارج السودان وما زالوا بالخارج http://www.l44l.com/up/uploads/cd7e1654a4.jpg (http://www.l44l.com/up)
أشتر
28-01-2008, 10:00 AM
خلاص كفاية تخريمات ونرجع لموضوعنا

http://www.l44l.com/up/uploads/7a1841829b.jpg (http://www.l44l.com/up)

الطبق الماسكاهو البنيه الحليوه دي إسمو شنو؟ ونوع الطرحه اللابساها دي شنو؟

دي الريكة يافيصل مش طبق ...
نوع الطرحة ؟ الا اقول ليك ملفحة غير كدا ما عندي
أشتر
28-01-2008, 10:02 AM
أها للحناكيش المولودين خارج السودان وما زالوا بالخارج http://www.l44l.com/up/uploads/cd7e1654a4.jpg (http://www.l44l.com/up)

تلاتة قفف وجدادة قداما ضُل
عليك الله في ناس ما بتعرف القفة
أشتر
28-01-2008, 10:05 AM
وليد البجه الحليو ده (ما شاء الله) ما تشوفوهو لينا ..مليان تراث ....يا ريت ود أبو عاقلة يخش لينا كده بالفوتوشوب

http://www.l44l.com/up/uploads/6b495299a6.jpg (http://www.l44l.com/up)

أخش ليك على شنو لكن :D:D
جيب لينا وحدة تانية فيها جبة وسديري وسيف وسكين
يا سمح يا زين
شبارقة
28-01-2008, 10:10 AM
تلاتة قفف وجدادة قداما ضُل
عليك الله في ناس ما بتعرف القفة

صدقني يا ود أبو عاقلة ..لا أطفالي ولا أطفال السودانيين العايشين معاي هنا ما عرفوها ...لأنهم أصلوا ما شافوها ..ونحن قلنا الصورة دي للحناكيش العايشين خارج السودان.. مش ليكم إنتو يا بتاعين أم بقبق والقفف:D
شبارقة
28-01-2008, 10:13 AM
أخش ليك على شنو لكن :D:D
جيب لينا وحدة تانية فيها جبة وسديري وسيف وسكين
يا سمح يا زين

يأخي الوليد العسول ده شايل ليهو سفيريق على قدرو ...ولابس ليهو سحسوح خش كده وعرّف الناس بالسفروق والسحسوح
همس الشوق
28-01-2008, 10:18 AM
أغنية ود اللمين ...إزيك وسلامات

أولاً: أشكرك على الإعجاب بالفكرة الجديدة

ثانياً: أبدعتي عديل كده في معرفة الأشياء والوصف في الصورتين ونديك 100%


باااااااااااااااااااااااااس

هسه انا قلته مع اجتهادي دا

الهدية تكون عريس :D
فيصل سعد
28-01-2008, 10:18 AM
هدية للجميع في هذا البوست ، و الشرح لشبارقة كونتاكت و محمد سيرفر :D:D

http://tabatpeople.com/songs/sudan/khidirbashir/almawlalmiwali.ram
شبارقة
28-01-2008, 10:23 AM
من السعف ..ولكن ماها قفه وماهو سبت ..تطلع شنو؟
http://www.l44l.com/up/uploads/cd31313b82.jpg (http://www.l44l.com/up)
شبارقة
28-01-2008, 11:16 AM
هدية للجميع في هذا البوست ، و الشرح لشبارقة كونتاكت و محمد سيرفر :D:D

http://tabatpeople.com/songs/sudan/khidirbashir/almawlalmiwali.ram


تشكر يا فيصل ...وبالمناسبة أنا معجب جداً بصوت وأداء المطرب / خضر بشير ...وبرضى ليك المولى الموالي من أجمل القصائد المغناة التي إمتازت بجمال تعبيرها ...كتبها المبدع الراحل / إبراهيم العبادي وتغنى بها سرور ...وعشان نترجم كلامها لازم ننزلها شعراً وبعدين نشوف ..ويلا نحلق مع كلمات هذة الأغنية الرائعة :
لو تحول دون قصدي العوالي برضي أغوص في بحوري وأوالي ليك أخرج درري الغوالي

وأنشي شعري وزجلي وموالي في سناك قليل ياجميل

برضي ليك المولى الموالي وفيك لازم الصبر الجميل


ياملاكي ظروفي العصيبة حايلة دونك مالي صيبة

قالي هاك أقوالاً مصيبة كل نفس توجد نصيبة

والمصيبة المولى اليصيبة بالقدر كم عز الذليل

كم ربوعاً أجدب خصيبة ومافي فجراً ماعقبة ليل


المكارم خلقي الجبيلة والمحامد سالك سبيلة

ديمة شارب سلسبيلة من أخاير أخر قبيلة

ومن أعالي العايلة النبيلة وكل صميم لصميم بديل

الليالي اليلة وقبيلة للجلل معدود الجليل


تشككى كتر النوح العيالك وديمة تشكي أيام زاهيالك

يامهفهف سيرك أمالك والنسيم السائر أمالك

أن زاهر ولاهى ويالك من مرائى وصدقك قليل

أنت عاشق بالجد خيالك ومنه ساكن ظلاً ظليل


ياسما الغايات ياملاكا من تطاول لي نيل علاكا

عشت دم ياحليلة حلاكا ياحياة أرواحنا هلاكا

لو سليتو النار ماسلاكا قلبي راضي وهاك الدليل

أنه صابر وحامل بلاكا مرة أرحم يكفي القليل

برضي ليك المولى الموالي وفيك لازم الصبر الجميل
منال
28-01-2008, 11:22 AM
من الشرق الحبيب صورة مع الرقص
شبارقة
28-01-2008, 11:28 AM
من الشرق الحبيب صورة مع الرقص

تشكري يا من توقيعها يهممني ...وكبرناها أدناه عشان نشوفها كويس أنا وود أبو عاقلة وفيصل وعمنا ود مخير ...أصلوا خلاص الكبر حصل وطششنا كلنا :D

http://www.l44l.com/up/uploads/a24d8e3263.jpg (http://www.l44l.com/up)

أها أخوي ود أبو عاقلة رائك شنو في الجبه والسديري والسيف والسكين ..أظن منال ما قَصَرتْ معاك
شبارقة
28-01-2008, 11:49 AM
وهاكم إلى أن نلقاكم

http://www.l44l.com/up/uploads/12aeabc951.jpg (http://www.l44l.com/up)

ما الفرق بين المشلعيب وهذه الحمّالة ...وده برش أم تبروقة أم سباته ولا شيتن تاني ؟ أها رأئكم شنو؟
شبارقة
28-01-2008, 12:13 PM
هسه انا قلته مع اجتهادي دا

الهدية تكون عريس :D

ههههههههه .......الهدية الكبرى للمتسابقات معانا هنا لما تكتمل جميع المسابقات التراثية الخاصة بالحنه والضريره والحق والبخور ..وإلخ ..ح تكون عريس من النوع أبو كديس :D:D
فيصل سعد
28-01-2008, 12:22 PM
باااااااااااااااااااااااااس
هسه انا قلته مع اجتهادي دا
الهدية تكون عريس :D

كيف يا حلم ،، و ينك و ليه الجفا دا كلو :D:D
المهم و الشاهد في الموضوع ، انت كان جادة في الموضوع دا :D:D، محمد كان بفتش في عروس و انا بضمن اخلاقه و زول مسئول و مستور و مهندس تصميم جرافيك و كدا :D:D انتوا شباب و ممكن تتفاهموا في الموضوع دا :D:D و نحنا من خلفكم و نشد من اذركم و كدة :D:D و اها كمان كان بتهظري ، نحن برضوا بنهظر و نمزح :D:D
أشتر
28-01-2008, 12:40 PM
وهاكم إلى أن نلقاكم

http://www.l44l.com/up/uploads/12aeabc951.jpg (http://www.l44l.com/up)

ما الفرق بين المشلعيب وهذه الحمّالة ...وده برش أم تبروقة أم سباته ولا شيتن تاني ؟ أها رأئكم شنو؟

المشلعيب لحفظ بعض الاطعمة خصوصا من الكدايس ويعلق على اربعة حبال
اما دا فممكن يكون سباتة او تبروقة ... لانو البرش غالبا بكون ملون
أشتر
28-01-2008, 12:44 PM
كيف يا حلم ،، و ينك و ليه الجفا دا كلو :D:D
المهم و الشاهد في الموضوع ، انت كان جادة في الموضوع دا :D:D، محمد كان بفتش في عروس و انا بضمن اخلاقه و زول مسئول و مستور و مهندس تصميم جرافيك و كدا :D:D انتوا شباب و ممكن تتفاهموا في الموضوع دا :D:D و نحنا من خلفكم و نشد من اذركم و كدة :D:D و اها كمان كان بتهظري ، نحن برضوا بنهظر و نمزح :D:D

تضمن اخلاقي ... ما مشكلة
جادي في الموضوع ..آآآآآآآآي
مستور ... والحمدلله
شباب ... أكييييد
لكن على عماي لا ... وستين لا ...ونشكر سيادتكم الوقوف من خلفنا والشد من أزرنا و الخير فيما يختار الله
فيصل سعد
28-01-2008, 12:53 PM
تضمن اخلاقي ... ما مشكلة
جادي في الموضوع ..آآآآآآآآي
مستور ... والحمدلله
شباب ... أكييييد
لكن على عماي لا ... وستين لا ...ونشكر سيادتكم الوقوف من خلفنا والشد من أزرنا و الخير فيما يختار الله...

و نعم بالله ، و " يا بخت من وفق راسين بالحلال" :D:D:D
أشتر
28-01-2008, 01:02 PM
و نعم بالله ، و " يا بخت من وفق راسين بالحلال" :D:D:D

هوي ... احنا في ياتو بوست !!!!!!!!!!!

ودي من باب الكلاوي الغويييييييط

الأروَتّي ...
الألص ...
الكوديك ...
التُهُم ...
فيصل سعد
28-01-2008, 01:14 PM
هوي ... احنا في ياتو بوست !!!!!!!!!!!

ودي من باب الكلاوي الغويييييييط

الأروَتّي ...
الألص ...
الكوديك ...
التُهُم ...

و ديك من باب جغمسة الورطة الحميمة، و اصول التآمر الودود :D:D
و العين تلاقي العين و الايد تصافحه :D:D و كويس انك مشيتها يا شفت يا فقري :D:D
أشتر
28-01-2008, 01:26 PM
و ديك من باب جغمسة الورطة الحميمة، و اصول التآمر الودود :D:D
و العين تلاقي العين و الايد تصافحه :D:D و كويس انك مشيتها يا شفت يا فقري :D:D

انا أحد اولاد المويه ... إن اردت ذلك ... وحيلا يوصلنا الباب ... وحيلاً نقفلبو (لاحظ لى نقفلبو دي قفلتا لزيزة كيف) ... كلو من شبارقة ... عوج لسانّا ... لكن برضو اخير من يعوج دربنا ...
شبارقة
28-01-2008, 03:24 PM
الحاجة الماسكها في يدو الشمال دي درقه ...إسمها شنو في التراث الجنوبي؟ وكمان ما إسم الأساور التي يرتديها

http://www.l44l.com/up/uploads/f8981a888e.jpg (http://www.l44l.com/up)
شبارقة
28-01-2008, 03:28 PM
أها ..المطلوب التعرف على جميع الحاجات في الصور أدناه ... والهدية عروسة للوليد الصغيرون ده :D .....

http://www.l44l.com/up/uploads/6e6b32216b.jpg (http://www.l44l.com/up)


http://www.l44l.com/up/uploads/f7c9fbf5ae.jpg (http://www.l44l.com/up)
شبارقة
28-01-2008, 03:41 PM
الصورة أدناه بها أشياء تم ذكرها سابقاً وفيها عنقريب كرّابو شمالي :D هل تذكرون ...المطلوب التعرف على جميع ....والهدية كباية شاي أو فنجان قهوة تحت الهمبريب الضارب ده
http://www.l44l.com/up/uploads/7829545005.jpg (http://www.l44l.com/up)
شبارقة
28-01-2008, 04:32 PM
الصورة مرة أخرى ولكن مكبرة للكهول والشياب الزينا...وحذفنا منها الزول العاوز البطان ده ..خوفنا سوطو الشايلو ... ويا ود أبو عاقلة كيسك مافي هنا :D...أها المطلوب معرفة جميع الأشياء حتى العطور الموجودة تدونا أسمائها :D

http://www.l44l.com/up/uploads/d5f533e977.jpg (http://www.l44l.com/up)
شبارقة
28-01-2008, 04:40 PM
واحدة من فوائد الشعبة

http://www.l44l.com/up/uploads/0fc77a4048.jpg (http://www.l44l.com/up)
شبارقة
28-01-2008, 06:26 PM
المشلعيب لحفظ بعض الاطعمة خصوصا من الكدايس ويعلق على اربعة حبال
اما دا فممكن يكون سباتة او تبروقة ... لانو البرش غالبا بكون ملون

فسّر الماء بعد الجهد بالماء!!! وديل كم حبل يا أبوفاطنه؟
وهل الفرق بين السباته والبرش هو اللون فقط؟ إنتو ما سمعتو بأغنية حسناء السباته لصلاح بن البادية؟ وهل تلكم الحسناء ترضى بأن ترقص على برش غير ملون؟ أفيدونا
أشتر
28-01-2008, 06:53 PM
http://www.l44l.com/up/uploads/e0bfe83b3f.jpg
أشتر
28-01-2008, 06:55 PM
http://www.l44l.com/up/uploads/f528fc67e8.jpg
أشتر
28-01-2008, 07:00 PM
المطلوب التعرف على جميع
http://www.l44l.com/up/uploads/7829545005.jpg
....

على جميع شنو يا شبارقة ...
أوْعَ تقول لي الشُّفع القاعدين ديل :D:D:D تحت الراكوبة
تكون بالغت معانا !!!!!!!!!!!!!!!
أشتر
28-01-2008, 07:16 PM
فسّر الماء بعد الجهد بالماء!!! وديل كم حبل يا أبوفاطنه؟
وهل الفرق بين السباته والبرش هو اللون فقط؟

نعم ... اللون فقط ... و ... حيث يا عزيزي البرش يفرش على الأرض للصلاة ومآرب أخري واطول من السباتة ومن السعف كبير الحجم وبدون لون وزخرف .
اما السباتة فيستخدم للعناقريب وكما ذكرت وبعدة ألوان وسعف السباتة يسمى (حنقوق) وهو أقل سماكة ومطاوع أكثر ...
(زي ما شفت في المعرض وقالو لي كدا)
شبارقة
29-01-2008, 06:48 AM
http://www.l44l.com/up/uploads/e0bfe83b3f.jpg

شكراً على الإستجابة يا فرده وإبداع عديل كده يا ود أبو عاقلة وما قصرت معاي ....وتستاهل الهدية على كده بس حتى لو قديت في جميع الإجابات ، لكن ح أتعبك معاي لأنو عندي صور بالكوم ...وإلا أذكّرك بالمثل الصيني (لا تعطيني سمكة كل يوم ولكن علمني كيف أصطاد السمك) ويلا نخلي الجماعة يعرفو المشار إليه بالأسهم ...(ذكرتني إمتحانات العلوم لما كنا في المدارس) ....والهدايا بالكوم
أشتر
29-01-2008, 06:55 AM
http://www.l44l.com/up/uploads/e0bfe83b3f.jpg
لكن في حاجة نسيتا مفروض تكون رقم تلاتة ... الشتم وما خلّ شي
وصباح القونقليز
شبارقة
29-01-2008, 06:59 AM
على جميع شنو يا شبارقة ...
أوْعَ تقول لي الشُّفع القاعدين ديل :D:D:D تحت الراكوبة
تكون بالغت معانا !!!!!!!!!!!!!!!

هههههههههه .... يا فرده الصورة دي غير الراكوبة فيها الشعب بجميع أنواعها وفيها القش وفيها الأنكوج (الدنكوج) وفيها العنقريب وكرّابو وفيها البنبر وفيها ضحكات وإبتسامات طبيعية بشكل غير طبيعي وفيها محمد أحمد والخزين ومحمد طه وود زين العابدين:D

يلا خش عليهم وأديهم أسهم من سهامك العجيبة
شبارقة
29-01-2008, 08:49 AM
الشلوخ خشم بيوت ..كدي خشوا لينا على الشلوخ دي وأدونا أنواعها وأنسبوها لقبائلها وعشائرها .. ودمتم سالمين
http://www.l44l.com/up/uploads/842ad35eeb.jpg (http://www.l44l.com/up)
http://www.l44l.com/up/uploads/51be1d2c89.jpg (http://www.l44l.com/up)
http://www.l44l.com/up/uploads/291f82034b.jpg (http://www.l44l.com/up)
شبارقة
29-01-2008, 08:51 AM
الصورة أدناه مليانة بتراثيات ...أها خشوا عليها وورونا شطارتكم ...ممكن الإستعانة بالأمهات والحبوبات .. ودمتم سالمين

http://www.l44l.com/up/uploads/2aa694d8d2.jpg (http://www.l44l.com/up)
شبارقة
29-01-2008, 05:47 PM
رأيكم شنو في القربة والكورة أم قعر ديل

http://www.l44l.com/up/uploads/f27246edf9.gif (http://www.l44l.com/up)


وشوفو هودج حنكوشات البدو ده ;)
http://www.l44l.com/up/uploads/b2055c16b0.jpg (http://www.l44l.com/up)

وها هو العبلانج ود عم الككو :D وسلمولي على ككو حليمه الطلع النيمه :p (وبالشايقي: ككو حليمي الطلع النيمي)
http://www.l44l.com/up/uploads/e3ecdf89c0.jpg (http://www.l44l.com/up)
همس الشوق
30-01-2008, 08:53 AM
http://www.l44l.com/up/uploads/e0bfe83b3f.jpg
يا اخواني مالكم عايزين تتاورو علينا مرض حامد .....:D
(1)عطر باريسي بس ما ظاهر اسموا
(2)سرتيه اومحلبية
(3)بت السودان
(4)قلامور
(5)محلبية
(6)الخمرة (بضم الخاء)
(7)مبخر العديل والزين .
(8) دي الهبابة (زمن الزمن زين لا مكيفات ولا مراوح )
(9) دا البخور الحلو (بخور الصندل )
(10)دي السباته
(11) دي ما الدلوكة والله عليها جنس نقرشة ....
همس الشوق
30-01-2008, 08:55 AM
محمد أبو عاقلة

والله بالغته في الشتم

يعني ما شايفوا

جنى الدلوكة
همس الشوق
30-01-2008, 09:01 AM
http://www.l44l.com/up/uploads/f528fc67e8.jpg

(1)الهلال
(2) قطعة يربط فيها الهلال ...
(3) سديدري ..
(4) الحريرة وبتكون فيها خرزنه (من العين )
(5) سيموته
(6) الفركة
(7)دي من عندي ............. السبحة
همس الشوق
30-01-2008, 09:13 AM
على جميع شنو يا شبارقة ...
أوْعَ تقول لي الشُّفع القاعدين ديل :D:D:D تحت الراكوبة
تكون بالغت معانا !!!!!!!!!!!!!!!

هههههههههههههههههههههه
والله غايتو على حسب معلوماتي

انه الصورة دي فيها محمد ابو عاقلة ............. فيصل سعد ........... خالد الخال ............ شبارقة


ايام الصبا .............
شبارقة
30-01-2008, 09:29 AM
يا اخواني مالكم عايزين تتاورو علينا مرض حامد .....:D
(1)عطر باريسي بس ما ظاهر اسموا
(2)سرتيه اومحلبية
(3)بت السودان
(4)قلامور
(5)محلبية
(6)الخمرة (بضم الخاء)
(7)مبخر العديل والزين .
(8) دي الهبابة (زمن الزمن زين لا مكيفات ولا مراوح )
(9) دا البخور الحلو (بخور الصندل )
(10)دي السباته
(11) دي ما الدلوكة والله عليها جنس نقرشة ....


(1)الهلال
(2) قطعة يربط فيها الهلال ...
(3) سديدري ..
(4) الحريرة وبتكون فيها خرزنه (من العين )
(5) سيموته
(6) الفركة
(7)دي من عندي ............. السبحة

برافو عليك يا أغنية ود اللمين وتستاهلي الجائزة وأنا كنت متأكد لما نزلنا الصورتين ديل (أنا وفردتي ود أبو عاقلة) إنو ح تكون صاحبة الجائزة من الجنس اللطيف
شبارقة
30-01-2008, 09:36 AM
(1)الهلال
(2) قطعة يربط فيها الهلال ...(يخيل لي عندها إسم ...أسألي لينا كُبارك)
(3) سديدري ..
(4) الحريرة وبتكون فيها خرزنه (من العين ) (وفي حاجة إسمها السفيفة دي وين في الصورة ؟هل هي الحريره ؟ أنا ماعارف ..أفيدونا)
(5) سيموته
(6) الفركة
(7)دي من عندي ............. السبحة

ودمتم سالمين
همس الشوق
30-01-2008, 09:48 AM
برافو عليك يا أغنية ود اللمين وتستاهلي الجائزة وأنا كنت متأكد لما نزلنا الصورتين ديل (أنا وفردتي ود أبو عاقلة) إنو ح تكون صاحبة الجائزة من الجنس اللطيف

في الانتظار
همس الشوق
30-01-2008, 09:51 AM
ودمتم سالمين

تعرف يا شبارقة انا كل ما أدخل علي البوست دا ............ بيملاني حزن شديد لانه عندي عمتي ربنا يرحمها ............... سبحان الله موسوعه في كل شي .............. محنكة في الترثيات دي

ربنا يرحمها

ويا حليل كُبارنا
أشتر
30-01-2008, 12:32 PM
الصورة أدناه بها أشياء تم ذكرها سابقاً وفيها عنقريب كرّابو شمالي :D هل تذكرون ...المطلوب التعرف على جميع ....والهدية كباية شاي أو فنجان قهوة تحت الهمبريب الضارب ده
http://www.l44l.com/up/uploads/7829545005.jpg (http://www.l44l.com/up)

من اليمين : فيصل سعد ... خالد الحاج ... عاصم الشبارقة ... محمد أبوعاقلة ... والعنقريب التاني فاضي
منال
30-01-2008, 12:53 PM
من اليمين : فيصل سعد ... خالد الحاج ... عاصم الشبارقة ... محمد أبوعاقلة ... والعنقريب التاني فاضي

لكن هو ما عنقريب بنبر لكن ما وريتنا ميت من الضحك و القرقره قدر ده:D:D:D قال ليك شنو شبارقة

و السفنجتو مالصه منو يا بطان :):)
منال
30-01-2008, 02:23 PM
الرقص فى بلدى
أشتر
30-01-2008, 02:40 PM
لكن هو ما عنقريب بنبر لكن ما وريتنا ميت من الضحك و القرقره قدر ده:D:D:D قال ليك شنو شبارقة

و السفنجتو مالصه منو يا بطان :):)

اول حاجة من دربك دا شوفي ليك محل فحص نظر وبعدين نشوف الحاصل :D
كمان بقيتو ما بتفرزو العنقريب من المنبر .... اقصد البنبر ... عجبي:D
والزول القرقرابة دا شبارقة وليس شخصي الضعيف الرايح فيها ...
أشتر
30-01-2008, 02:42 PM
الرقص فى بلدى

رقصة زاندية كاكاوية ... وجبجبة !!!!!!
شبارقة
30-01-2008, 03:30 PM
صوركم الخائفين عليها دي كبرناها عشان نشوفها .... نعم قد تكون رقصة زاندية كاكاوية بتغازل نسمة جنوبية ونغازل الليل والليل طربان في عيونك والله يا نوبية وتحياتنا لأبو عركي وقد تكون رقصة من غرب السودان والله أعلم ...أها إسم الرقصة شنو في التراث؟
http://www.l44l.com/up/uploads/f45dc9deb1.jpg (http://www.l44l.com/up)
شبارقة
30-01-2008, 03:43 PM
لكن هو ما عنقريب بنبر
و السفنجتو مالصه منو يا بطان :):)

ما إنتي براك المطششة ..والله أنا في الأول قايل الوليد الصغيرون فيهم قاعدلو فوق بنبر لكن بعد ملاحظة ود أبو عاقلة إكتشفت إنهم عنقريبين ... الأول مستعرض وقاعدين فيهو الوليدات ديل والثاني وراهم وكرابو شمالي زي ما قالت إحدى أخواتنا في الصفحات السابقة وود أبو عاقلة شب ليها في حلقها عشان جهوية الكرّاب ...وأنا ما قصرت معاها كمان وقلت ليها ما يسمعوك الجماعة

والسفنجة المملوصة وينها؟ شككتينا في شوفنا...وحلوة كلمة البطان الذكرتيها دي وتعني الأطفال ولها معنى آخر وهو الجلد بالسياط في مناسبات الزواج قديماً.
أشتر
31-01-2008, 07:09 AM
...أها إسم الرقصة شنو في التراث؟
اللعب .. على ما أظن ...ما إنتي براك المطششة ..والله أنا في الأول قايل الوليد الصغيرون فيهم قاعدلو فوق بنبر لكن بعد ملاحظة ود أبو عاقلة إكتشفت إنهم عنقريبين ... الأول مستعرض وقاعدين فيهو الوليدات ديل والثاني وراهم وكرابو شمالي زي ما قالت إحدى أخواتنا في الصفحات السابقة وود أبو عاقلة شب ليها في حلقها عشان جهوية الكرّاب ...وأنا ما قصرت معاها كمان وقلت ليها ما يسمعوك الجماعة

ذاكرتك كدا يا شبارقة ... شايف اصبعي ؟ لكن يا منال .......
التدريس هدّ فيك شديد يا شبارقة ...
شبارقة
31-01-2008, 09:42 AM
يتداول بعض الإخوة عبر الموبايلات هذه الأيام مقطع من قصيدة طريفة ومعبّرة شاعرها من مقيمي سلطنة عمان ...وبما أن العبلانج النزلنا ليكم صورته من يومين مذكور فيها ضمناً فأسمحوا لي أن أنزلها لكم كاملة كما جاءت على لسان صاحبها:


استـر عـيب رفيــقــك... وســـــرو أوعـــى تفكُّـــو

وارحمــــو من ظنونك.. صارحــو واقطع شَكُّو

وارخيلــو الحبل... ما تحكمــــــو حُكــم أبْ تَكُّـو



احترم الـشـــــريــف... درب الأصـــول ما تفِكُّــــــو

وما تهين الضـعـيـف! ... وتعاملــــــو زي الكَكُّـــو :D

والمصلحجـــي.... أملك فيــهــــــو بطلــع سَكُّــو



والزول كان أباك من غير سبب... ما تسُكُّـــو

وامســـح اسمـــــــو من تختــة ضميرك... حُكُّـــو (عارفين التختة ؟)

حـب الـبـحــبـَّـك.... والبـدكَّكْ دُكُّـــــــــــــــــــــو



الناس زي الهــــــدوم!... أهـــل الـمــثــل بتحكُّــوا:

واحدين بدلة شيك، وواحدين جناح أمْ جَكُّو

وواحدين توب! أخير من لبســو تمشي أمْ فَكُّو:D:D (ده زي التوب القالو فيهو: أختاري توب شفاف تحسو الليد وما يشوفو البصر ;);))
همس الشوق
31-01-2008, 01:39 PM
أشرح الابيات الاتية




الشم خوخن بردن ليالى الحره
والبراق برق من منا جاب القره
شوف عينى الصقير بجناحو كفت الفره
تلقاها ام خدود الليله مرقت بره
شبارقة
02-02-2008, 07:28 AM
الصورة أدناه مليانة بتراثيات ...أها خشوا عليها وورونا شطارتكم ...ممكن الإستعانة بالأمهات والحبوبات .. ودمتم سالمين

http://www.l44l.com/up/uploads/2aa694d8d2.jpg (http://www.l44l.com/up)

في إنتظار المشاركة ...وخصوصاً من جانب بنات الحبوبات ...وما تنسوا الشلوخ ..نوعها شنو ؟ شلوخ مطارق أم شلوخ عُراض أم شلوخ مستعرضة أم منبطحه :Dولا شنو؟
شبارقة
03-02-2008, 07:20 PM
UP
لزوم رفع البوست عشان ما يغطس حجرو ...بسبب غياب المشاركين ..وذلك بسبب المشاكل التي تواجه الإنترنت في كثير من الدول هذه الأيام...حوالينا ما علينا :p
فيصل سعد
04-02-2008, 07:56 AM
http://sudaniyat.net/up/uploading/almamsha_al3areed-3ood.wma
منال
05-02-2008, 04:33 PM
في إنتظار المشاركة ...وخصوصاً من جانب بنات الحبوبات ...وما تنسوا الشلوخ ..نوعها شنو ؟ شلوخ مطارق أم شلوخ عُراض أم شلوخ مستعرضة أم منبطحه :Dولا شنو؟
الشلوخ مطارق :pو الودع و المشاط تسريحة زمانك لكن بالله شوف الجبين الناير فوقو ضوا هلال من غير كريمات جمال طبيعى:D:D:D
والله ايام يازمان يا شبارقة
همس الشوق
06-02-2008, 06:56 AM
هوي يا شبارقة

انا كان عندي مشاركة هنا ما لاقياها :confused:

وييييييييييييييييييييييينها
همس الشوق
06-02-2008, 06:58 AM
والله انا ما بعرف غير انه الجعليين عندهم الشلوخ المطارق (111) او مائة وحداشر وبعرف انه الشوايقة

شلوخهم معارضة ............. الله يكفينا شر المعارضة والمعارضين

لكن بجيب ليك خبرن
شبارقة
06-02-2008, 08:03 AM
الشلوخ مطارق :pو الودع و المشاط تسريحة زمانك لكن بالله شوف الجبين الناير فوقو ضوا هلال من غير كريمات جمال طبيعى:D:D:D
والله ايام يازمان يا شبارقة

يا من توقيعها يهممني : فعلاً والله أيام يا زمان ببكي وأتحسر عليك وما بقول العشنا كان وأرمي حبة لومي فيك
فيصل سعد
07-02-2008, 06:47 AM
سلام للجميع هنا ، اليكم هذة المصطلحات " ملطوشة من بوست كيكي :D" دايرنكم تفكوا شفرتها :D:D و يا شبارقة راجع وراء شوية و تأكد انه ما فطينا حاجة ، اطيب التحايا..

الكجيك

فار البوص

البني كربو

ضريسة

النقونق

الكيموت

مرحاكة

و نواصل ...
همس الشوق
07-02-2008, 11:49 AM
سلام للجميع هنا ، اليكم هذة المصطلحات " ملطوشة من بوست كيكي :D" دايرنكم تفكوا شفرتها :D:D و يا شبارقة راجع وراء شوية و تأكد انه ما فطينا حاجة ، اطيب التحايا..

الكجيك ...........نوع من الاسماك ........ بتتنشف زي الفسيخ

فار البوص ........... دا موش ام سيسي

البني كربو

ضريسة

النقونق

الكيموت.................الدكوه

مرحاكة هي عبارة عن حجر بيطحننوا فيهو الذره

و نواصل ...

وعشان اكون نزيه معاك ...... في حاجات عرفتها براااااااااااااااي وحاجات استعنته بصديق
أشتر
08-02-2008, 07:45 PM
سلام للجميع هنا ، اليكم هذة المصطلحات " ملطوشة من بوست كيكي :D" دايرنكم تفكوا شفرتها :D:D و يا شبارقة راجع وراء شوية و تأكد انه ما فطينا حاجة ، اطيب التحايا..


من ناحية فطيتو ... فطيتو ... قطع شك
وكلامي ضربتو بيو نص الحيطة ... وما بسألكم النشوف اخرتا معاكم شنو !!!!!!!!! (وش مَهمّش)
فيصل سعد
10-02-2008, 07:27 AM
من ناحية فطيتو ... فطيتو ... قطع شك
وكلامي ضربتو بيو نص الحيطة ... وما بسألكم النشوف اخرتا معاكم شنو !!!!!!!!! (وش مَهمّش)

كلامك ياتو يا محمد ميم :D:D بتاع البنبر و العنقريب و جبجبة اللعب :D:D و لا بتاع الباب و قفلتوا يا اللخو :eek::eek::eek:
شبارقة
10-02-2008, 10:28 AM
و يا شبارقة راجع وراء شوية و تأكد انه ما فطينا حاجة ، اطيب التحايا..



قالوا في التراث الفاتك فوتو ...ولكن بالرغم من من ذلك حنرجع وراء ونجيب الحاجات التي لم يتعرف عليها الإخوة ونترجمها ليهم لتعم الفائدة ...
شبارقة
12-02-2008, 11:13 AM
قالوا في التراث الفاتك فوتو ...ولكن بالرغم من من ذلك حنرجع وراء ونجيب الحاجات التي لم يتعرف عليها الإخوة ونترجمها ليهم لتعم الفائدة ...

ما زلنا راجعين لي وراء
شبارقة
12-02-2008, 12:08 PM
السفروق ، الكنش ، الوسن ، الرشيم ، الكدندارة، التمربونا، القهوة الداشرة، ابو عديلات، الرندوق ، الصير، الكرك ، الجنزير، الفافنوس، الطرفة، الرجرجة، الدهماء.

أها جيناكم يا حبايبنا ...وشوفو لينا كلام أخونا فيصل ده رأئكم فيهو شنو ...وراجعين
شبارقة
12-02-2008, 03:42 PM
إلى كل الذين يسمعون بالمرحاكة ولم يسمح الزمن لهم برؤيتها ...أهديهم هذه الصورة كعربون محبة ...والشكر لأخي الأرباب/ عادل جعفر
http://www.l44l.com/up/uploads/66376926ec.jpg (http://www.l44l.com/up)
الخير ابنعوف
13-02-2008, 09:15 AM
-- ---------------------------------------------------------------اقتباس من الشبارقة---------------

اقتباس:
كاتب النص الأصلي : فيصل سعد

السفروق ، الكنش ، الوسن ، الرشيم ، الكدندارة، التمربونا، القهوة الداشرة، ابو عديلات، الرندوق ، الصير، الكرك ، الجنزير، الفافنوس، الطرفة، الرجرجة، الدهماء.

أها جيناكم يا حبايبنا ...وشوفو لينا كلام أخونا فيصل ده رأئكم فيهو شنو ...وراجعين

-------------------------------------------
أولاً : أحيي الأخوة/فيصل والشبارقة وجميع المشاركين على هذا البورد الجميل اللي رجعنا لعاميتنا الطاعمة00شايف نفسي بقدر على بعض الكلمات:

* السفروق:عصاية شبه مقوسة تستخدم عند الهدندوة0 أما السبروقة: فيطلق على طبخة من أ وراق البامية0
* الكدندارة:الخنفسانة0
* الصبر :نبات مر الطعم
* الطرفة ، سهيل ، العصاية ، التريا ، دره :كلها أسما نجوم ، في اغنية اسفاي: يحاكي الطرفة في وسط الخريف بكاي 00 وكذلك يطلق على نوع من الشجر في الجزر النيلية0
* الجنزير : السلسلة

مع تحياتي،،،
شبارقة
13-02-2008, 11:46 AM
----------------------------------------------------------------أولاً : أحيي الأخوة/فيصل والشبارقة وجميع المشاركين على هذا البورد الجميل اللي رجعنا لعاميتنا الطاعمة00شايف نفسي بقدر على بعض الكلمات:

* السفروق:عصاية شبه مقوسة تستخدم عند الهدندوة0 أما السبروقة: فيطلق على طبخة من أ وراق البامية0
* الكدندارة:الخنفسانة0
* الصبر :نبات مر الطعم حلو الكلام ولكن أظن المكتوب هو الصير
* الطرفة ، سهيل ، العصاية ، التريا ، دره :كلها أسما نجوم ، في اغنية اسفاي: يحاكي الطرفة في وسط الخريف بكاي 00 وكذلك يطلق على نوع من الشجر في الجزر النيلية (الطرفة هي واحدة من عين(كسر العين وفتح الياء) الخريف وهي أيضاً نوع من الأشجار كما ذكرت )0
* الجنزير : السلسلة

مع تحياتي،،،

مرحباً بالأخ أبنعوف عضواً فعالاً وإضافة حقيقية لهذا البوست ....تجد تعليقاتي باللون الأحمر أعلاه وشكراً لك
شبارقة
13-02-2008, 12:03 PM
في واحدة من الأخوات سألتكم قبل فترة عن التوريق وعملتو فيها نايمين ..لكن بي وين أنا صاحي ليكم ...أها التوريق شنو؟

يمكنكم الإستعانة بكل ماهو متاح من قوقل إلى صديق إلى حذف إجابتين :D
شبارقة
13-02-2008, 12:13 PM
الدُبر
الدّبَرة
الدَبارة
الدُبارة


الدغش
الدقش
الطقش
الطفش
الدحش
الربش
الخمش
وانبرش


الكلام الفوق ده عايزين ليهو تفسير .... وراجعين
أشتر
13-02-2008, 01:25 PM
الأروَتّي ...
الألص ...
الكوديك ...
التُهُم ...

ودا الكلام الضربتو بيو نص الحيطة ... عشان ما تنسو
الخير ابنعوف
13-02-2008, 01:51 PM
الأخ/ فيصل00شكراً على التنبيه 00أنا كنت فاكر الطَّرفة نجمة الخريف اللي بتصادف نزول الامطار الغزيرة0
اها00أديك كلمتين صعبـــــــــــــــــــــــات:
* الكاويك
* الطِّرقه
* السّوميد

مع تحياتي،،،
الخير ابنعوف
13-02-2008, 02:01 PM
اقتباس:
كاتب النص الأصلي : محمد أبوعاقلة

الدُبر
الدّبَرة
الدَبارة
الدُبارة


الدغش
الدقش
الطقش
الطفش
الدحش
الربش
الخمش
وانبرش


الكلام الفوق ده عايزين ليهو تفسير .... وراجعين

--------------------------------
غايتو يا ابوبوعاقلة أخوي 000في تلاته بس عرفتهن:

الدُباره: الخيط
الدغش : قبل طلوع الفجر
الدحش : ولد الحمار
مع تحياتي،،،
شبارقة
13-02-2008, 03:17 PM
الأخ/ فيصل00شكراً على التنبيه 00أنا كنت فاكر الطَّرفة نجمة الخريف اللي بتصادف نزول الامطار الغزيرة0
اها00أديك كلمتين صعبـــــــــــــــــــــــات:
* الكاويك
* الطِّرقه
* السّوميد

مع تحياتي،،،

تشكر عزيزنا أبنعوف على المشاركة

أولاً النبهتك أنا وليس فيصل !!! صحصح معانا شوية
ثانياً : الكاويك هي البامية الكبيرة والمعصعصة
ثالثاً: الطرقه هي قطعة القماش (الطرق هو التوب)
السوميد : مذكورة في واحدة من أشهر المناحات السودانية التي يتغني بها الكابلي ونترك الفرصة للجمهور
شبارقة
13-02-2008, 03:29 PM
كاتب النص الأصلي : محمد أبوعاقلة

الدُبر
الدّبَرة
الدَبارة
الدُبارة


ود أبو عاقلة سلامات ... قلنا نجيبكم بكلامكم :D وينك اليومين ديل ...كيبل الإنترنت الإنقطع ده جنبكم ولا شنو؟

الدُبر : الواجهة الخلفية لجميع أنواع الحيوانات بما فيها الإنسان ;)
الدبرة : عوارة الحمار (بلا مؤاخذة) :cool:
الدَبارة : من تدبير الأمر (أي إحكام الشئ)
شبارقة
13-02-2008, 03:34 PM
اقتباس:
كاتب النص الأصلي : محمد أبوعاقلة
الأروَتّي ...
الألص ...
الكوديك ...
التُهُم ...

ودا الكلام الضربتو بيو نص الحيطة ... عشان ما تنسو

ود أبو عاقلة يا أخوي إنت متأكد إنو الكلام الفوق ده من التراث السوداني؟ غايتو عندنا واحد إسمو ود أبو كوديك والباقي ده كلام مصريين سااااي
أشتر
13-02-2008, 04:27 PM
الأخ/ فيصل00شكراً على التنبيه 00أنا كنت فاكر الطَّرفة نجمة الخريف اللي بتصادف نزول الامطار الغزيرة0
اها00أديك كلمتين صعبـــــــــــــــــــــــات:
* الكاويك
* الطِّرقه
* السّوميد

مع تحياتي،،،

ياخ السوميد دي (جدي) غلبتو .... ومستر قوقل زااااااتو دقس فيها ...
والدبارة في العبارة ...
أشتر
13-02-2008, 04:34 PM
كاتب النص الأصلي : محمد أبوعاقلة

الدُبر
الدّبَرة
الدَبارة
الدُبارة


ود أبو عاقلة سلامات ... قلنا نجيبكم بكلامكم :D وينك اليومين ديل ...كيبل الإنترنت الإنقطع ده جنبكم ولا شنو؟

الدُبر : الواجهة الخلفية لجميع أنواع الحيوانات بما فيها الإنسان ;)
الدبرة : عوارة الحمار (بلا مؤاخذة) :cool:
الدَبارة : من تدبير الأمر (أي إحكام الشئ)

تلاتة اجابات صحيحة يا استاذ ولكن !!!!
لا توجد واجهة لخلفيةٍ ما مهما كان ضهرها قوي:D:D ...

وبيني وبينك النت شغال عندنا فل اوبشن لكن مرات مرات بياخد ليو (تطهمه) كأننا ما عملنا كلك ...
سوري ... نت ويرك ايرور او سفاري كان نوط فايند سيرفر ... وسفاري دا متصفحي المفضل ... وهذا للمعلومية
أشتر
13-02-2008, 04:43 PM
اقتباس:
كاتب النص الأصلي : محمد أبوعاقلة
الأروَتّي ...
الألص ...
الكوديك ...
التُهُم ...

ودا الكلام الضربتو بيو نص الحيطة ... عشان ما تنسو

ود أبو عاقلة يا أخوي إنت متأكد إنو الكلام الفوق ده من التراث السوداني؟ غايتو عندنا واحد إسمو ود أبو كوديك والباقي ده كلام مصريين سااااي
غايتو انا لقيتو في المنبر الداخل فيهو دا ... وابو كوديك بتاعكم دا بكون زول بطنو غرييييييقة زي بير الساقية ... واسأل استاذ ابنعوف من الموضوع دا ...
شبارقة*... شمّك بصحة جيدة
الخير ابنعوف
14-02-2008, 10:01 AM
اقتباس من الشبارقة:
تشكر عزيزنا أبنعوف على المشاركة

أولاً النبهتك أنا وليس فيصل !!! صحصح معانا شوية
ثانياً : الكاويك هي البامية الكبيرة والمعصعصة
ثالثاً: الطرقه هي قطعة القماش (الطرق هو التوب)
السوميد : مذكورة في واحدة من أشهر المناحات السودانية التي يتغني بها الكابلي ونترك الفرصة للجمهور

----------------------------------------------
معليش 00أخوي الشبارقة في اللبس ، أها نراجع معاً المعاني السابقة:
** الكاويك :اجابتك قريبة للصاح ، الكاويك : الأوراق الجافة المتساقطة من نبات اللوبية ، وتجمع بعد قطع النبات لتقدم كعلف جاف للحيونات00 كما تلاحظ في الاغنية الشايقية ( بت البلد) :
أبوها شايل السبحي صاح

يا شافعي سوي الشاي

سريع شدي الملاح

شيلي المناجل وأمشي

قدامي الجرف

وإتذكرت كانت تسبقو

وتمشي تنزل بي تحت

تمسك سبيطة التمرة

بي إيدها وتحِت

تقعد تحُش اللوبي

للكاويق تقُش

تصل البحر والموج

يداعبها فوق هدومها ينُط يرُش


بعدين تشيل القش تفوت

واليوم يفوت

وتفوت سنين

وتمر سنين

يكبر عمير بت البلد

يكبر معاهو كمان حنين

**الطّّرقه :اجابتك صحيحة ، هي توب الحبوبات بلون أزرق0
** السوميد : الخرز او اللؤلؤ0

------------------------------------------------------------------------------

اقتباس:
كاتب النص الأصلي : شبارقة
اقتباس:
كاتب النص الأصلي : محمد أبوعاقلة
الأروَتّي ...
الألص ...
الكوديك ...
التُهُم ...

ودا الكلام الضربتو بيو نص الحيطة ... عشان ما تنسو
ود أبو عاقلة يا أخوي إنت متأكد إنو الكلام الفوق ده من التراث السوداني؟ غايتو عندنا واحد إسمو ود أبو كوديك والباقي ده كلام مصريين سااااي


اقتباس من أبوعاقلة:

غايتو انا لقيتو في المنبر الداخل فيهو دا ... وابو كوديك بتاعكم دا بكون زول بطنو غرييييييقة زي بير الساقية ... واسأل استاذ ابنعوف من الموضوع دا ...
شبارقة*... شمّك بصحة جيدة
__________________

الكلمات اللي ذكرها أخونا أبوعاقلة من التراث السوداني ، وأصولها نوبية زي ( الكاويك) اللي شرحناها فوق في الأغنية الشايقية ، أصلها : كاوى بالنوبية وتعني نفس المعنى0
أما :
*الأروتي: فهو سائق الساقية
* الالص: الحبل الذي يحمل القواديس في الساقية
*الكوديك : بيارة الساقية
*التهم : المقعد الذي يجلس عليه (الأروتي)

مع تحياتي،،،
شبارقة
14-02-2008, 10:24 AM
سلام للجميع هنا ، اليكم هذة المصطلحات " ملطوشة من بوست كيكي :D" دايرنكم تفكوا شفرتها :D:D و يا شبارقة راجع وراء شوية و تأكد انه ما فطينا حاجة ، اطيب التحايا..


فار البوص : PASS

البني كربو : العصيدة القوية (دقيق في موية حارة)

ضريسة : نبتة شوكية معروفة قطعت كريعاتنا لما كنا صغار
النقونق : PASS

الكيموت : شفنا رد أختنا حلم الأماسي وما عارفنو صاح أم خطأ
مرحاكة : تم شرحها سابقاً وبالصور كمان
و نواصل ...

تجدون ردي بالأحمر
شبارقة
14-02-2008, 10:31 AM
اقتباس:
كاتب النص الأصلي : شبارقة
اقتباس:
كاتب النص الأصلي : محمد أبوعاقلة
الأروَتّي ...
الألص ...
الكوديك ...
التُهُم ...



الكلمات اللي ذكرها أخونا أبوعاقلة من التراث السوداني ، وأصولها نوبية زي ( الكاويك) اللي شرحناها فوق في الأغنية الشايقية ، أصلها : كاوى بالنوبية وتعني نفس المعنى0
أما :
*الأروتي: فهو سائق الساقية
* الالص: الحبل الذي يحمل القواديس في الساقية
*الكوديك : بيارة الساقية
*التهم : المقعد الذي يجلس عليه (الأروتي)

مع تحياتي،،،

تشكر أخونا أبنعوف على هذه المداخلة القيمة ...ومسكاقيرو وميسكفيشو ...وأتاريهو الكلام كلام رطانة ...إنت فعلاً إضافة حقيقية لهذا البوست .. ويا ود أبو عاقلة أنا عارفك ما رطاني لكن جبت الكلام ده من وين؟
الخير ابنعوف
14-02-2008, 04:08 PM
الاخ /الشبارقة00مساء الخير 0
العامية السودانية تزخر بكثير من المفردات ذات الاصول النوبية وخاصة فيما يخص وسائل الري والزراعة ، فهذه الخاصية في رايي تعد عاملا من عوامل الوحدة بين القبائل السودانية إذا ما حُظيت باهتمام الدارسين 0 واليك بعض الأمثلة :
** سوميد : أصلها بالنوبية : سُمد وتعني الخرز (السكسك)
** حُطة: الحاجز بالنوبية، والعرب عندنا يستخدمومنها بنفس المعنى النوبي وخاصة في اوساط النساء ، تقول الواحدة : (حطة بيني وبينك)
** ضنقيل :اصلها بالنوبي :دنقل : الطوب الأحمر 00في اغنية ود الامين : تبكيك الجوامع اللي اتبنت ضنقيل

ومن المدهش أن كثيراً من مفردات عاميتنا هي فصيحة مية في المية 0 واليك الرابط أدناه :

http://sudanyat.org/majala/2/alkheer.htm

مع تحياتي،،،
أشتر
14-02-2008, 11:14 PM
** السوميد : الخرز او اللؤلؤ0[/size][/size]

استاذي ابنعوف ... صباحاتو

هل هو سوميد ... ولا سوميت ...
غايتو يا لخبطوني ... او انا خلطت زيت ...
أشتر
14-02-2008, 11:16 PM
ويا ود أبو عاقلة أنا عارفك ما رطاني لكن جبت الكلام ده من وين؟

من على بعد (كِلِك) مننا الاتنين ....
واسأل استاذ الخير بكلمك ...
الخير ابنعوف
15-02-2008, 05:46 AM
اقتباس من أبوعاقلة:
استاذي ابنعوف ... صباحاتو

هل هو سوميد ... ولا سوميت ...
غايتو يا لخبطوني ... او انا خلطت زيت ...
------------------------------------
صباحك نور أخوي أبو عاقلة
فعلاً كنت متردد لمن كتبت ، هل هو سوميد أو سوميت؟؟ ولكن غالب الظن أنه : سوميت0
اللخبطة جات من التداخل بين حرفي الدال والتاء0
-----------------------------
**الاخوة الأعزاء00بعض المصطلحات المشتركة بين النوبيين والعرب في السودان لم أجد لها تفسيراً مقنعا لا في النوبية ولا في العربية رغم محاولاتي لذلك :
** كندو!؟Kondo يقال للتعبير عن عدم العلم بالحدث0
** كُر00كُر - Kur ..Kur يقال في التعبير عن العار والفضيحة0
** ألَيه !! Elai يقال للتعبير عن الاستغراب والتعجب0

أرجو أن أجد منكم ما يفيد عن أصولها 00مع تحياتي،،،
أشتر
15-02-2008, 09:34 PM
صباحك نور أخوي أبو عاقلة
فعلاً كنت متردد لمن كتبت ، هل هو سوميد أو سوميت؟؟ ولكن غالب الظن أنه : سوميت0
اللخبطة جات من التداخل بين حرفي الدال والتاء0

بالضبط هو سوميت ... ومفردها سوميتة .... سو !!! تاني ما تخلونا نتجهجه
أشتر
15-02-2008, 09:40 PM
**الاخوة الأعزاء00بعض المصطلحات المشتركة بين النوبيين والعرب في السودان لم أجد لها تفسيراً مقنعا لا في النوبية ولا في العربية رغم محاولاتي لذلك :
** كندو!؟Kondo يقال للتعبير عن عدم العلم بالحدث0
** كُر00كُر - Kur ..Kur يقال في التعبير عن العار والفضيحة0
** ألَيه !! Elai يقال للتعبير عن الاستغراب والتعجب0

أرجو أن أجد منكم ما يفيد عن أصولها 00مع تحياتي،،،

كندو وأليه لم اسمع بهما لا من قريب ولا من بعيد ...
أما كُر (وهي كلمة واحدة فقط)... (كُر عليها طبعاً:D) فدي من قمنا نسمع فيها واعتقد لو بحتنا فيها بنلقاها زي (آآآآي) و(أوب علي) وبعض الاصوات التي تُنطق (باللسان) لرفض الشي او قبوله ... وليوم الدين ما بقد اكتبا ليك هنا ...
تحياتي
شبارقة
16-02-2008, 05:15 PM
سلامات

العمبلوق أم دوللي وإبنتها دوللي
http://www.l44l.com/up/uploads/5a6bf50a87.jpg (http://www.l44l.com/up)

العمبلوق عرفناها والحمل عارفنو فماذا نطلق على النعجة الصغيرة (التي تقابل الحمل) في التراث السوداني ؟
شبارقة
16-02-2008, 05:27 PM
وهاكم :

1- أبكريق 2- الدود 3- السمبر 4- الكسمبر 5- المرعفين أم المرفعين (أيهما أصح)
الخير ابنعوف
17-02-2008, 10:02 AM
اقتباس من ابو عاقلة:
كندو وأليه لم اسمع بهما لا من قريب ولا من بعيد ...
أما كُر (وهي كلمة واحدة فقط)... (كُر عليها طبعاً) فدي من قمنا نسمع فيها واعتقد لو بحتنا فيها بنلقاها زي (آآآآي) و(أوب علي) وبعض الاصوات التي تُنطق (باللسان) لرفض الشي او قبوله ... وليوم الدين ما بقد اكتبا ليك هنا ...
تحياتي

-----------------------
يا أبو عاقلة00 الكلمات دي أنا سامعها كتير عند الحبوبات ، سواء كانو عرب أو نوبة ، بس مافي حد عارف المعنى اللغوي للكلمة00كدى ندي فرصة لأخونا فيصل يبحث لينا في المحسية0
مع تحياتي،،،
فيصل سعد
17-02-2008, 10:12 AM
-----------------------
يا أبو عاقلة00 الكلمات دي أنا سامعها كتير عند الحبوبات ، سواء كانو عرب أو نوبة ، بس مافي حد عارف المعنى اللغوي للكلمة00كدى ندي فرصة لأخونا فيصل يبحث لينا في المحسية0
مع تحياتي،،،

الخير مرحب بيك اضافة ثرة في هذا البوست ، بس لو وريتني عرفت كيف انا محسي ينوبك ثواب ، و لعلمك انا مولود في بري المحس و جدودي من الجهتين من توتي ، يعني محسي قشرة ساي بكسر القاف و رطانة نهي نهي و كان راجيني ابحث ليكم في المحسية ،، يبقى كر عليكم :confused::confused::D:D
شبارقة
17-02-2008, 06:27 PM
إهداء لكل الذين يسمعون بالزمام والرشمة ولم تسمح لهم الظروف برؤيتهما ...لكن الموجود على الجبين الناير ده إسمو شنو؟
http://www.l44l.com/up/uploads/e2cb859ec2.bmp (http://www.l44l.com/up)
شبارقة
17-02-2008, 06:33 PM
ما هو الفرق بين المُشاط والكوفيت ؟ الجائزة مُخرز.....و المُخرز هو زاتو شنو؟
http://www.l44l.com/up/uploads/7aabca19db.jpg (http://www.l44l.com/up)
أشتر
17-02-2008, 06:42 PM
لعلمك انا مولود في بري المحس و جدودي من الجهتين من توتي ، يعني محسي قشرة ساي بكسر القاف و رطانة نهي نهي و كان راجيني ابحث ليكم في المحسية ،، يبقى كر عليكم :confused::confused::D:D
:D:D وتيب .... امدرمان في عيون أبنائها*
أشتر
17-02-2008, 06:44 PM
لكن الموجود على الجبين الناير ده إسمو شنو؟
http://www.l44l.com/up/uploads/e2cb859ec2.bmp (http://www.l44l.com/up)
الموجود على الجبين لابد تشوفو العين ... لكن ما عرفتو ...
أشتر
17-02-2008, 07:12 PM
ما هو الفرق بين المُشاط والكوفيت ؟ الجائزة مُخرز.....و المُخرز هو زاتو شنو؟
http://www.l44l.com/up/uploads/7aabca19db.jpg (http://www.l44l.com/up)

المشاط ... رفيع واكثر دِقة .. والكوفيت ... اكبر من المشاط (يعني دَقَة سريعة) واعتقد انو الكلمة جايه من (الكلفته) :D:D او بت عمها.
غايتو اجابة مبشتنة لكن اقبلا مني ... والمخرز يُمسك به الشعر ويؤدي نفس عمل البنسه حاليا ...

وكما هو واضح في الصورة ... الممشطة (بتكلفت) في بت خالتا ...
شبارقة
17-02-2008, 07:18 PM
المشاط ... رفيع واكثر دِقة .. والكوفيت ... اكبر من المشاط (يعني دَقَة سريعة) واعتقد انو الكلمة جايه من (الكلفته) :D:D او بت عمها.
غايتو اجابة مبشتنة لكن اقبلا مني ... والمخرز يُمسك به الشعر ويؤدي نفس عمل البنسه حاليا ...

وكما هو واضح في الصورة ... الممشطة (بتكلفت) في بت خالتا ...

ود أبو عاقلة يا رائع ...وينك؟ ومقبولة منك
شبارقة
17-02-2008, 07:33 PM
الخمس وعشرين قرش في الزمن السمح كان ليها قيمة ...أها كانوا بيسموها شنو؟ وما هو أصل الكلمة؟ ...والخمس وعشرين قرش السمحة دي هي جائزة صاحب الإجابات الصحيحة

http://www.l44l.com/up/uploads/4b200d4717.jpg (http://www.l44l.com/up)
أشتر
17-02-2008, 07:35 PM
ود أبو عاقلة يا رائع ...وينك؟ ومقبولة منك

الحي بفرفر يا شبارقة ... وما عندنا اي شي ناقصنا سوى (عدم) رؤياكم الغالية :D:D:D
ومقبولة دي فيها (إنّه)
أشتر
17-02-2008, 07:37 PM
الخمس وعشرين قرش في الزمن السمح كان ليها قيمة ...أها كانوا بيسموها شنو؟ وما هو أصل الكلمة؟ ...والخمس وعشرين قرش السمحة دي هي جائزة صاحب الإجابات الصحيحة

http://www.l44l.com/up/uploads/4b200d4717.jpg (http://www.l44l.com/up)

طراااااااادة ... وبنك السودان
وفي ضهرها ... خزان سنار هههههههههه لقيتني كيف عليك الله

(الهواية سابقا) جمع عملات وطوابع
أشتر
17-02-2008, 07:40 PM
طيب محافظ بنك السودان كان منو ؟ ١٩٧٤
أشتر
17-02-2008, 07:42 PM
والطرادة ... اي الذين (طَرَدو) طردو منو والله ما عارف ...

اجتهاد شخصي
فيصل سعد
17-02-2008, 08:50 PM
:D:D وتيب .... امدرمان في عيون أبنائها*
جدودي الاتنين الله يرحمهم ، واحد قلع بيت المال و واحد قلع بري المحس :D:D و اخوانهم قلعوا شمبات و الفتيحاب و الشجرة و حلة حمد و الملازمين و المقرن ، و امدر النشأة و الترعرع السلوى و الخلوة :D:D
فتحي مسعد حنفي
17-02-2008, 11:24 PM
طيب محافظ بنك السودان كان منو ؟ ١٩٧٤

أظنو كان مأمون بحيري
فيصل سعد
18-02-2008, 05:16 AM
أظنو كان مأمون بحيري

هاردلك يا خواجة و دي طلعت اوت سايد :D:D و الاجابة الصحيحة :

ابراهيم محمد علي نمر
محافظ بنك السودان
11/2/1973 - 13/2/1980

و لمزيدا من المعلومات ، اعفص هنا

www.bankofsudan.org
الخير ابنعوف
18-02-2008, 05:43 AM
اقتباس من فيصل:
الخير مرحب بيك اضافة ثرة في هذا البوست ، بس لو وريتني عرفت كيف انا محسي ينوبك ثواب ، و لعلمك انا مولود في بري المحس و جدودي من الجهتين من توتي ، يعني محسي قشرة ساي بكسر القاف و رطانة نهي نهي و كان راجيني ابحث ليكم في المحسية ،، يبقى كر عليكم

---------------------------------------

أخوي /فيصل—صباح الخير والمحبة في عيد الحب0
أليه!!! 00انت مش رحبت بي في الأول بالمحسية؟؟ أنا طبعاً ما قدرت أرد ليك بالمحسية ، قلت أردها ليك بالدنقلاوية كمان تشوفها شتيمة00ههههههههههه
برضك مش بعيد من المحس ، شوف الحبوبات الكبار المشلخات ميه وحداشر تلقى عندهن الاجابة0

**أسئلة:
1/ القرش الاصفر 000الصورة اللي عليها شنو؟؟
2/ما هو الفرِّيني؟؟
3/عرف الشلن والريال في العملة القديمة0
مع تحياتي،،،
فيصل سعد
19-02-2008, 05:34 AM
أخوي /فيصل—صباح الخير والمحبة في عيد الحب0
أليه!!! 00انت مش رحبت بي في الأول بالمحسية؟؟ أنا طبعاً ما قدرت أرد ليك بالمحسية ، قلت أردها ليك بالدنقلاوية كمان تشوفها شتيمة00ههههههههههه
برضك مش بعيد من المحس ، شوف الحبوبات الكبار المشلخات ميه وحداشر تلقى عندهن الاجابة0


الخير اظن و اعتقد انه شبارقة هو الحياك بالرطانة ، لكن برضوا مسكاقمي ، الفريني الفضي الصغير هو القرشين و الدولارين هنا عملتهم اسمها "التوني" و الدولار عملته اسمها "اللوني"، الشلن هو الخمسة قروش و الريال العشرة قروش ، و القرش الاصفر يا كان فيه بطة يا زول راكب بعير و الله اعلم الزمن طول و كدة :D:D
الخير ابنعوف
19-02-2008, 06:11 AM
اقتباس من فيصل:
الخير اظن و اعتقد انه شبارقة هو الحياك بالرطانة ، لكن برضوا مسكاقمي ، الفريني الفضي الصغير هو القرشين و الدولارين هنا عملتهم اسمها "التوني" و الدولار عملته اسمها "اللوني"، الشلن هو الخمسة قروش و الريال العشرة قروش ، و القرش الاصفر يا كان فيه بطة يا زول راكب بعير و الله اعلم الزمن طول و كدة

-------------------------------
الاخ/ فيصل 00صباح الخير ، وشكراً على التنيه0
مرة أخرى أعتذر للأخ العزيز /شبارقة00 وله العتبى حتى يرضى 0 سبب الخلط هو أن مشاركتكما في البورد تكاد تكون متساوية00طيب ياشبارقة اللي جاب المحسية في شرق مدني شنو؟؟؟ تحياتي لصديقي الاستاذ/عمر جادين0
مع خاص ودي،،،
بابكر مخير
19-02-2008, 06:40 AM
الخمس وعشرين قرش في الزمن السمح كان ليها قيمة ...أها كانوا بيسموها شنو؟ وما هو أصل الكلمة؟ ...والخمس وعشرين قرش السمحة دي هي جائزة صاحب الإجابات الصحيحة
http://www.l44l.com/up/uploads/4b200d4717.jpg (http://www.l44l.com/up)

الطرادة
ولماذا سميت الطرادة وتنطق برضو طرادا؟
هنا الشباب محتاجين لي شيخنا شوقي بدري
طيب ؟؟؟؟؟؟؟؟؟؟؟
الطراحا
والطرحا
والطرادا
هل للتلاتة ديل صلة؟

وين كان أكتر إستعمال للطرادا؟؟؟
يمكن بالبريد الداخلي ان نتداول بعض الإجابات
فيصل سعد
19-02-2008, 07:29 AM
الطرادة
ولماذا سميت الطرادة وتنطق برضو طرادا؟
هنا الشباب محتاجين لي شيخنا شوقي بدري
طيب ؟؟؟؟؟؟؟؟؟؟؟
الطراحا
والطرحا
والطرادا
هل للتلاتة ديل صلة؟

وين كان أكتر إستعمال للطرادا؟؟؟
يمكن بالبريد الداخلي ان نتداول بعض الإجابات


الحبيب بابكر :

العلاقة و الصلة بيناتهم ،، الطراحا من المحطة الوسطى امدرمان للخرطوم كانت في زمنكم داك بطرادا :D:D ، و الطرحا كانت موضة الزمن داك و هنا نستحضر اغنية الملك الراحل "الخال" محمد احمد عوض "ملكة الطرحا دي الغيرت بالتوب" :D:D

و اكتر استعمال للطرادا اظنه كان قدام عمك سورج لربع رطل عماري :) و قدام عامل الطرمبة لجالون بنزين :) و عند اليماني لعلبة بينسون :) و في شباك السينما لوج :) و تستعمل بكثافة برضو في سبعة بيوت و الشهداء و سعد قشرة :) و احتمال كبير كانت بتجيب نص ابو بت :) و بتكسر بنك و بتدخلك بعد ما تحرق و كدا :D:D وفر البريد الداخلي للاهم ، يديك العافية...
بابكر مخير
19-02-2008, 07:59 AM
فوفو
هو قالو ليك فهمي تقيل كدي
ما بفهم إلا تكرر ليا القول
وبي زولك الصيني الأصفر دا بس ظريف البضحك وما شايل هم دا،، الاخضر
ليه نسيت وزنة الأخضر برضو بي طرادا
بس الطرحة هي المشوار بالتاكسي لمكان محدد
يعني التكسي مشوار ولا طرحا
شكرن ليك الحبيب وفرتا عليا حق لبريد الداخلي
مع المودة
فيصل سعد
19-02-2008, 09:46 AM
فوفو
هو قالو ليك فهمي تقيل كدي
ما بفهم إلا تكرر ليا القول
وبي زولك الصيني الأصفر دا بس ظريف البضحك وما شايل هم دا،، الاخضر
ليه نسيت وزنة الأخضر برضو بي طرادا
بس الطرحة هي المشوار بالتاكسي لمكان محدد
يعني التكسي مشوار ولا طرحا
شكرن ليك الحبيب وفرتا عليا حق لبريد الداخلي
مع المودة

معليش يا الحبيب التكرار ما مني و انت ما البكررو ليك :):) و الاصفر دا لزوم التغيير و كدة ، و الاخضر جليه و اختانا منو كفاية الطرادتين كانت خضراء :D:D اما الطرحا القلتها ليك ما دام ما طلعت الطرحة "اشتراكية عربة تاكسي" يبقي فعلا دايرها ليها تلفون :D:D مش بريد داخلي الهوين داك ، لكن هاك اتصبر بي "ايام كنا نقطف زهرات الخريف و نطارح البلابل في الظل الوريف" و تبكي بس :D:D
فتحي مسعد حنفي
19-02-2008, 09:52 AM
الحبيب بابكر :

العلاقة و الصلة بيناتهم ،، الطراحا من المحطة الوسطى امدرمان للخرطوم كانت في زمنكم داك بطرادا : و الطرحا كانت موضة الزمن داك و هنا نستحضر اغنية الملك الراحل "الخال" محمد احمد عوض "ملكة الطرحا دي الغيرت بالتوب" :

و اكتر استعمال للطرادا اظنه كان قدام عمك سورج لربع رطل عماري :) و قدام عامل الطرمبة لجالون بنزين :) و عند اليماني لعلبة بينسون :) و في شباك السينما لوج :) و تستعمل بكثافة برضو في سبعة بيوت و الشهداء و سعد قشرة :) و احتمال كبير كانت بتجيب نص ابو بت :) و بتكسر بنك و بتدخلك بعد ما تحرق و كدا :D:D وفر البريد الداخلي للاهم ، يديك العافية...

[color=#0000FF]ازيكم ياشباب;)يافيصل في كلام كتير صاح لكن في حاجات غير دقيقة فمثلا ايام يابكر الطرحة لامدرمان كانت بي شلن وباقي الامثلة الطرحتها دي كانت بعد كذا سنة من سفر بابكر اما الجزء الاخير من مداخلتك هو السبب الخلا بابكر يقول ليك في الداخلي... ياشماشي سكر وقمار وكمان ............:D:D:D اما الطرحة بتاعة بنات المدارس فسموها كدا عشان في طراحة التكسي بتدفع جزء من الأجرة يعني كل واحد بيدفع الخمس وطرحة البنات خمس التوب يالذيذ فهمت يالبنكك دايما كاسرو.أما أبو بت فكانت كاملة بي طرادة وأبو جمل بي 18 قرش:D:D:D[/colo
فيصل سعد
19-02-2008, 10:15 AM
[color=#0000FF] فكانت كاملة بي طرادة وأبو جمل بي 18 قرش:D:D:D[/colo

منور يا خواجة يا بهجة :D:D و ال 18 قرش كانت السعر لزبائن القطاعي ، اما انتوا ناس الجملة فقالوا الكرتونة سعة دستة كانت بتقع ليك بسبعين قرش على حسب رواية اولاد خالتك محمد و حسين و صاحبك ابراهيم بلاش :D:D
فتحي مسعد حنفي
19-02-2008, 11:09 AM
منور يا خواجة يا بهجة :D:D و ال 18 قرش كانت السعر لزبائن القطاعي ، اما انتوا ناس الجملة فقالوا الكرتونة سعة دستة كانت بتقع ليك بسبعين قرش على حسب رواية اولاد خالتك محمد و حسين و صاحبك ابراهيم بلاش :D:D

خذوا الحكمة من أفواه الصعاليك:Dوعند جهينة الخبر اليقين....جهينة دا محمد أما حسين فدا كان طرادتو بجيب بيها وزنة...عشان كدا أخوك زراع لما كان في العين كان لابد عندهم طوالي:D
شبارقة
19-02-2008, 11:50 AM
مرة أخرى أعتذر للأخ العزيز /شبارقة00 وله العتبى حتى يرضى 0 سبب الخلط هو أن مشاركتكما في البورد تكاد تكون متساوية00طيب ياشبارقة اللي جاب المحسية في شرق مدني شنو؟؟؟ تحياتي لصديقي الاستاذ/عمر جادين0
مع خاص ودي،،،[/size]

أخونا ود أبنعوف ...سلامات
قبلنا إعتذارك ...لكن صحصح معانا شوية ..
أنا صحيح من شرق مدني ولكن قضيت كل أيام الشباب والصبا والفتوة والفتونة في مدينة حلفا الجديدة ولذلك إختلطت وإتلخبطت بالحلفاويين والمحس ولذلك أفهم الكثير من رطانتهم (وبالمناسبة أنا أحب الحلفاويين والمحس حباً كثيراً ولي معهم ذكريات طيبة ومشاعر دفاقة)
تحياتك للأستاذ الكريم عمر جادين أعتبرها وصلت ...ويار يت لو أعرف أين تلاقيتما وتعارفتما وشكراً لك
منال
19-02-2008, 12:11 PM
ازيكم نغيب و نجى نلقى الناس مشوا كيف ما كدارى غايتو :D:D:D
الصورة مهداة للجميع
وشبارقة يكبرها عشان الشوف
شبارقة
19-02-2008, 06:32 PM
ازيكم نغيب و نجى نلقى الناس مشوا كيف ما كدارى غايتو :D:D:D
الصورة مهداة للجميع
وشبارقة يكبرها عشان الشوف

أهلاً بمن توقيعها يهممني ...مرات بنمشي بي كارو ومرات بي رقشة ومرات بي برينسه ...وبرضو إنتي ما قادرة تحصلينا؟ إذن إنتي الماشه كداري (هل تعرفون الماشه التي كانت تستخدم في التكل؟)

لكن صورتك فيها مزج عجيب ما بين الأمس واليوم (حقائب سمسونايت وطباقه وبنابر) لكن يا ريت تورونا الأسماء بتاعت السُباتا الصغيرة صغيرة ذات الألوان الزاهية الموجودة في الصورة ...وفي طباقه صغيرونه لونها أزرق دي بيسموها شنو؟
http://www.l44l.com/up/uploads/31621c972a.jpg (http://www.l44l.com/up)
شبارقة
19-02-2008, 06:53 PM
وبمناسبة المشي ...يخيل لي لو عملنا زي الجماعة الفي الصورة التحت دي ح يكون أضمن لينا من الرقشة :D

http://www.l44l.com/up/uploads/08cd7799c6.jpg (http://www.l44l.com/up)
شبارقة
19-02-2008, 07:11 PM
ما هو الشي التراثي الذي يظهر جزء منه في الصورة أدناه .. والجائزة صفقة حلوة زي دي http://www.l44l.com/up/uploads/961edc0356.gif (http://www.l44l.com/up)

http://www.l44l.com/up/uploads/4e61c47954.jpg (http://www.l44l.com/up)
أشتر
19-02-2008, 09:24 PM
وبمناسبة المشي ...يخيل لي لو عملنا زي الجماعة الفي الصورة التحت دي ح يكون أضمن لينا من الرقشة :D

http://www.l44l.com/up/uploads/08cd7799c6.jpg (http://www.l44l.com/up)

خووووووووش رقم لكن !!!!!!
أشتر
19-02-2008, 09:27 PM
ما هو الشي التراثي الذي يظهر جزء منه في الصورة أدناه .. والجائزة صفقة حلوة زي دي http://www.l44l.com/up/uploads/961edc0356.gif (http://www.l44l.com/up)

http://www.l44l.com/up/uploads/4e61c47954.jpg (http://www.l44l.com/up)

كان جبتو لينا مع ريحتو كنا قلنا ليك ... !!!!!!
لكن ناشف كدا الله اعلم نفتي ليك فيو ...
فيصل سعد
19-02-2008, 10:19 PM
كان جبتو لينا مع ريحتو كنا قلنا ليك ... !!!!!!
لكن ناشف كدا الله اعلم نفتي ليك فيو ...

وين يا حبوب :D:D يا بتاع الريحة الناشفة انت..
فتحي مسعد حنفي
19-02-2008, 10:22 PM
ما هو الشي التراثي الذي يظهر جزء منه في الصورة أدناه .. والجائزة صفقة حلوة زي دي http://www.l44l.com/up/uploads/961edc0356.gif (http://www.l44l.com/up)

http://www.l44l.com/up/uploads/4e61c47954.jpg (http://www.l44l.com/up)

دا شكلو كدا تقول قدح ولو كان أفطح شوية كان يكون دوكة فخار
الخير ابنعوف
20-02-2008, 05:24 AM
اقتباس من الشبارقة:
أخونا ود أبنعوف ...سلامات
قبلنا إعتذارك ...لكن صحصح معانا شوية ..
أنا صحيح من شرق مدني ولكن قضيت كل أيام الشباب والصبا والفتوة والفتونة في مدينة حلفا الجديدة ولذلك إختلطت وإتلخبطت بالحلفاويين والمحس ولذلك أفهم الكثير من رطانتهم (وبالمناسبة أنا أحب الحلفاويين والمحس حباً كثيراً ولي معهم ذكريات طيبة ومشاعر دفاقة)
تحياتك للأستاذ الكريم عمر جادين أعتبرها وصلت ...ويار يت لو أعرف أين تلاقيتما وتعارفتما وشكراً لك

----------------------------------------------------------
أخوي/شبارقة 000صباح الخير0
سعداء جداً للقائك مرة أخرى00كما يشرفني وجودك وسط أهلنا النوبيين( الحلفاويين والمحس) أما قصتي مع الأخ الاستاذ/ عمر جادين ،نحن زملاء دراسة لمدة اربع سنوات متتالية ( جالسين جنب بعض أشيل منه القلم ويشيل مني الورق)وكمان زملاء في العمل في الغربة00بس انت لمن تقول ليه ابنعوف ما بيعرفني ، قول ليه : الخير محمد حسين 0أنا متأكد لو قلت ليه (الخير) حيتم لك هو الاسم0وأكر لك وله التحية0
مع ودي،،،
فيصل سعد
20-02-2008, 10:59 AM
اهداء الى جميع سكان و زوار هذا البوست ،،
و التحية و التقدير و الاحترام لكل من اضاف سطرا
هنا و ساهم في نجاح هذا العمل الجماعي :D:D:D

http://sudaniyat.net/up/uploading/hasadoni_fi_hobak.wma
شبارقة
20-02-2008, 11:41 AM
ذكرتني الحفلات الختامية وتقديم الشكر والإمتنان والهدايا ...مالك؟ ...خلاص ...عاوز تقفل البيت؟ يأخي نحن دافعين إيجار سنة لقدام وشكراً على الأغنية الرائعة ...وكل أغاني ملك الطرب الشعبي المرحوم محمد أحمد عوض كانت رائعة.
فيصل سعد
20-02-2008, 11:50 AM
ذكرتني الحفلات الختامية وتقديم الشكر والإمتنان والهدايا ...مالك؟ ...خلاص ...عاوز تقفل البيت؟ يأخي نحن دافعين إيجار سنة لقدام وشكراً على الأغنية الرائعة ...وكل أغاني ملك الطرب الشعبي المرحوم محمد أحمد عوض كانت رائعة.

لا زال البوست طفلا يحبو يا عزيزي شبارقة :D:D بس حبينا نشكر المشاركات و المشاركين و ضيوفنا المشاهدين الكرام ، و انت ايجار شنو البتدفعه :D:D دا ملك حر ليك يا الحبيب على وزن المونة الحرة و اكيد عارفها :D:D
شبارقة
20-02-2008, 11:52 AM
دا شكلو كدا تقول قدح ولو كان أفطح شوية كان يكون دوكة فخار
عمنا فتحي ...سلامات ...لو في إمكانية كان زغردنا ليك ..لكن نديك الجائزة الوعدناكم بيها
http://www.l44l.com/up/uploads/2b9994dcfd.gif (http://www.l44l.com/up)

http://www.l44l.com/up/uploads/1f9eb75674.jpg (http://www.l44l.com/up)
شبارقة
20-02-2008, 12:20 PM
هاكم إلى أن ألقاكم :

1- الجبنه 2- الرتينة

والهدية صحن لقيمات كارب زي التحت ده ...وما هو الفرق بين اللقيمات والزلابية ولقيمات القاضي ;);)
http://www.l44l.com/up/uploads/88c7bbf0a4.jpg (http://www.l44l.com/up)
فتحي مسعد حنفي
20-02-2008, 01:16 PM
هاكم إلى أن ألقاكم :

1- الجبنه 2- الرتينة

والهدية صحن لقيمات كارب زي التحت ده ...وما هو الفرق بين اللقيمات والزلابية ولقيمات القاضي ;);)
http://www.l44l.com/up/uploads/88c7bbf0a4.jpg (http://www.l44l.com/up)

الظاهر كلامك كمل بقيت تجيب اسئلة تعبانة.
الرتينة هي وسيلة للاضاءة ساطعة النور تراها دائما في خيم الموالد ايام زمان..
الجبنة كلمة متعددة المعاني فهي ان كانت بفتح الجيم وباقي الحروف تكون البنشرب منها القهوة وبنستعملها كمان لوصف الزول الحالق صلعة..وان كانت بكسر الجيم وسكون الباء فدي بناكلهاوتصنع من اللبن. ولو كانت بضم الجيم وفتح الباقي فهي استعمال دارجي لكلمة جبناء.كفاك ولا ازيدك بس انا عايز اللقيمات مرشوش بي سكر ناعم ما يكون بالعسل عشان الحساسية:D:D:D
شبارقة
20-02-2008, 03:34 PM
الظاهر كلامك كمل بقيت تجيب اسئلة تعبانة.
D:D:D

عمنا فتحي ...سلامات

دخلنا في الغريق قالوا لينا ما تكترو لينا المحلبية ...وبقينا نوضح بوسائل تعليمية :D ..نجيب كلام من فوق فوق ناس عمنا فتحي يقولوا ليك الأسئلة بقت تعبانة ...وفي كلمات تراثية كتيرة إتكتبت في الصفحات السابقة ولم نجد إجابة حتى الآن ...ونحن ح نرجع وراء ونجيبو تاني ..وبنحاول نتعامل مع جميع الفئات (الحملان والديناصورات :D).نحن عاوزين الخبراء الزيكم إنت وود مخير وعكود و منو ومنو ديل يظهروا ويشاركو معانا عشان الشباب والشابات يعرفو تراثهم ...بعدين الحاجات الإنت شايفها ساهلة دي لو سألت عنها أولادك وأولادي ما ح يعرفوها حتى لو جبناها ليهم مصورة ...وده الهدف الرئيسي من البوست ....ولك ودي ومحبيتي
شبارقة
20-02-2008, 03:51 PM
إهداء إلى عمنا فتحي .... ويا ود أبو عاقلة رأئك شنو في الوقاية التحت الجبنه دي

http://www.l44l.com/up/uploads/82416bda1f.jpg (http://www.l44l.com/up)
شبارقة
20-02-2008, 03:58 PM
ويا عمنا فتحي هاك دي وبالحجم الطبيعي كمان :D:D ويا ريت تسأل عنها أولادك أو أخوانك أو أي واحد عمرو أقل من خمسين سنة :D:D عشان ما تزعلونا تاني :mad::mad:
http://www.l44l.com/up/uploads/50f6d09ce8.jpg (http://www.l44l.com/up)
شبارقة
20-02-2008, 06:43 PM
عمنا فتحي ....مساء الخيرات

حصل أكلت ليك بني كربو ؟... أكان ما أكلت أنا عازمك عشاء مع الرجال ديل

http://www.l44l.com/up/uploads/71ad56d9b8.jpg (http://www.l44l.com/up)
شبارقة
20-02-2008, 06:47 PM
وشوفو العصيدة عند الجماعة ديل ...للمقارنة بين عصيدتهم وحقتنا
http://www.l44l.com/up/uploads/3d4bf82ffe.jpg (http://www.l44l.com/up)
شبارقة
20-02-2008, 06:54 PM
لكن أنا مشتاق لعصيدة بالنعيمية زي التحت دي ....مافي واحد شاطر كده يرسلها لينا بالإيميل عشان نتدفأ بيها من البرد الشديد ده

http://www.l44l.com/up/uploads/6e72aabaff.jpg (http://www.l44l.com/up)
فتحي مسعد حنفي
20-02-2008, 08:06 PM
لكن أنا مشتاق لعصيدة بالنعيمية زي التحت دي ....مافي واحد شاطر كده يرسلها لينا بالإيميل عشان نتدفأ بيها من البرد الشديد ده

http://www.l44l.com/up/uploads/6e72aabaff.jpg (http://www.l44l.com/up)

ياخي في الأول أديني اللقيمات الوعدتني بيهو وبعدين نتكلم في الحاجات التانية ولعلمك أنا اتربيت سنين عمري الأولي في الأبيض يعني بني كمبو والمرس والتمليكة والويكاب حاجات ما جديدة علي ودايما كنت بمشي لي أصحابي في بيوتم عشان كدا تلقاني مجمع مفردات كتيرة من مناطق مختلفة في السودان يعني مثلا لو سألت واحد من أولاد الزمن دا شنو الأنجيرة حيقول ليك الكسرة الحبشية البرضو بيسموها اللحوح لكن زمنا الانجيرة هي كسرة الفتريتة الحمرا وبتتعاس في الدوكة مش في الصاج وتلقي جنبها المحراكة والقرقريبة وبعد الأكل تلقي كنتوش الشربوت جاهز;) يابلد كانت لنا أيام كنت كل اسبوع بمشي في آخرو مع واحد من اصحابي لي بلدو نقضي خميس وجمعة مرة في اب زبد ومرة أم روابة أوالغبشة ومرة بارا أو نقضي اليوم في جناين البان جديد:)
أشتر
20-02-2008, 08:14 PM
إهداء إلى عمنا فتحي .... ويا ود أبو عاقلة رأئك شنو في الوقاية التحت الجبنه دي

http://www.l44l.com/up/uploads/82416bda1f.jpg (http://www.l44l.com/up)

الوقاية خيرٌ من العلاج ...
والله لا حوجكم للعلاج يا رب ...

ويا فيصل بمناسبة موضوعكم الفي الصفحة الفاتت عندي كلام واقف لي هنا ... لكن ما بقدر اقولو !!!!:D:D
لكن والله لسه واقف لي هنا*:D:D
أشتر
20-02-2008, 08:21 PM
الجبنة كلمة متعددة المعاني فهي ان كانت بفتح الجيم وباقي الحروف تكون البنشرب منها القهوة وبنستعملها كمان لوصف الزول الحالق صلعة..وان كانت بكسر الجيم وسكون الباء فدي بناكلهاوتصنع من اللبن. ولو كانت بضم الجيم وفتح الباقي فهي استعمال دارجي لكلمة جبناء.كفاك ولا ازيدك بس انا عايز اللقيمات مرشوش بي سكر ناعم ما يكون بالعسل عشان الحساسية:D:D:D

دي ما كانت جبنة دي ... طلعت روحا وما خليت فيها صامولة ما فكيتا ...
لكن والله رد لزيز لزة
وسؤال وجيه يا استاذ ... الصورة ما كانت طالعة معاك ولا شنو ؟ ... ولا حبيت تفكفك على مزاجك ...
أشتر
20-02-2008, 08:29 PM
الرتينة عرفناها ... لكن يا شبارقة دي رتينة تجيبا لينا ...

الحاجة الجواها البتولع اسمها شنو (السؤال دا غلبني اصيغو)
ما مشكلة
أشتر
20-02-2008, 08:40 PM
لا زال البوست طفلا يحبو يا عزيزي شبارقة :D:D بس حبينا نشكر المشاركات و المشاركين و ضيوفنا المشاهدين الكرام ، و انت ايجار شنو البتدفعه:D:D

دا من اجمل البوستات البلقى فيها نفسي ...
حوار هادئ مريح ...
ردود غاية في الروعة ...
فائدة بلا حدود ...
والجو الذي لا يخلو من كلام ودُرّاب وكبكبة.

ونشكر الأخ شبارقة على هذه البوست ... وإلى الأمام أكسح ... وقشه ما تعتر ليك .
أشتر
20-02-2008, 08:45 PM
ولعلمك أنا اتربيت سنين عمري الأولي في الأبيض

في المواليد يعني الربع الأول والتاني ... حي بلدو ... الشويحات ... ابخمسه ... حي (رايد) ... الرديف ... فلسطين ... البترول ... المطار ... و (قدوم كلب) :D:D:D:D
فتحي مسعد حنفي
20-02-2008, 10:00 PM
في المواليد يعني الربع الأول والتاني ... حي بلدو ... الشويحات ... ابخمسه ... حي (رايد) ... الرديف ... فلسطين ... البترول ... المطار ... و (قدوم كلب) :D:D:D:D


قعدت في الأبيض أنا ياسيد لغاية سنة 1954 وسكنت في القبة وآخر سكن كان خلف المستشفي في بيوت الحكومة ودرست في الشرقية:(تاني في سؤال عايز توجهو لي:confused:وأبوي كان أمين مخازن وبالليل مدير سينما كردفان بتاعة ناس خليل عكاشة ونسيبي المرحوم مختار صابر ضابط سجون وهم من سكان الأبيض الأصليين..وقع ليك؟:D:D:D هللت علينا الأنوار بي طلتك يا ود أبو عاقلة:)
فيصل سعد
21-02-2008, 07:14 AM
[QUOTE=شبارقة;89950]هاكم إلى أن ألقاكم :

1- الجبنه 2- الرتينة

والهدية صحن لقيمات كارب زي التحت ده ...وما هو الفرق بين اللقيمات والزلابية ولقيمات القاضي ;);)
[QUOTE]

الفرق انه الزلابية بكسروا فيها بيضة بيضتين جناء جداد :D:D:D
فيصل سعد
21-02-2008, 07:38 AM
الوقاية خيرٌ من العلاج ...
والله لا حوجكم للعلاج يا رب ...

ويا فيصل بمناسبة موضوعكم الفي الصفحة الفاتت عندي كلام واقف لي هنا ... لكن ما بقدر اقولو !!!!:D:D لكن والله لسه واقف لي هنا*:D:D

يا زول كلام شنو البقيف ليك في حلقك معانا :D:D انت عاضيك كلب ولا قايلنا بنبيع في ترمس :D:D يكون خندريس امبارح الداشر و ما نضيف عامل ليك حيرقان :D:D بعدين الكلام بقيف للبطنه غريقة :D:D:D و انت معودنا من قلبك و لى لسانك ، فدحين شوت يا حبوب و فكوا من حلقك و عوجة تب مافي :D:D
فيصل سعد
21-02-2008, 07:54 AM
ولا حبيت تفكفك على مزاجك ...

تفكفك دي زاتها اعمل حسابك في استعمالها عربي و انجليزي:D:D يعني بتتلبس بالجهتين :D:D و اديك امثلة بسيطة : تفكفك الصواميل ، تفكفك الشباك من المرمى بعد نهاية الكورة ، تفكفك المعادلة الرياضية ، تفكفك السلوك و اللمبات من الصيوان في نهاية المناسبة ، و تفكفك عمود الاكل في المستشفي و بالانجليزي لو زول زهجك تفكفكوا و تفكفك حنانو زاتو:D:D:D
شبارقة
21-02-2008, 09:50 AM
هاكم وبدون تنوين عشان نديكم الخيال والإنشطاحة والإنشكاحة :D زي ما عمل عمنا فتحي في الجبنه الفي الصفحة الفاتت

1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول
شبارقة
21-02-2008, 10:15 AM
دي ما كانت جبنة دي ... طلعت روحا وما خليت فيها صامولة ما فكيتا ...
لكن والله رد لزيز لزة
وسؤال وجيه يا استاذ ... الصورة ما كانت طالعة معاك ولا شنو ؟ ... ولا حبيت تفكفك على مزاجك ...

ود أبو عاقلة سلامات ....نحن أولاً سألنا عن الجبنة وبعدين نزلنا صورتها بعد ما عمنا فتحي فتتا فتيت و جننا جن ... وصحصح معانا يا فردة ... وبالمناسبة يا خبيرنا الليله تحميل الصور مختفي مالو ؟ تحميل الملفات ده ما بيخارج معانا ...ظبّط لينا الموضوع مع جماعة المنتدى ...ولك الشكر
شبارقة
21-02-2008, 10:25 AM
الرتينة عرفناها ... لكن يا شبارقة دي رتينة تجيبا لينا ...

الحاجة الجواها البتولع اسمها شنو (السؤال دا غلبني اصيغو)
ما مشكلة

ألقى ليك رتينة سمحة وين ؟ بعدين الحاجة البتولع إسمها الشاشة (شاشة الرتينة) وأسأل عنها طلبة المذاكرة الليلية في مدارس القرى الما فيها كهرباء كانو بيحرقوها كيف؟ (أقصد الشاشة :D) والشاشة لما تحرق (أي تنطفي) كنا بتقول عليها إتحتت (من الحتتان :D)
شبارقة
21-02-2008, 11:19 AM
لا زال البوست طفلا يحبو يا عزيزي شبارقة :D:D :D:D

ومبروك ونحن اليوم في الصفحة رقم خمسين ونقول (خمسة وخميسة) و (هرشك) و (يا عين يا .....) وما شاء الله تبارك الله ما زال البوست فتياً ندياً ....عاطر التحايا لجميع المشاركين والزوار ...والبتاوقو من بره بره ياريت يخشوا ويبتهجوا معانا ...وبهذه المناسبة كلكم معزومين معانا عشاء الليلة (أكلات شعبية وتراثية ...أم بقبق وكده :D) والمواصلات مجانا ً بعد إنتهاء المباراة :D
شبارقة
21-02-2008, 11:58 AM
هاكم وبدون تنوين عشان نديكم الخيال والإنشطاحة والإنشكاحة :D زي ما عمل عمنا فتحي في الجبنه الفي الصفحة الفاتت

1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول

أين أنت يا عم فتحي ؟ عاوزين نشوفك هنا ..ما تكب الزوغة ..
فيصل سعد
21-02-2008, 12:28 PM
ومبروك ونحن اليوم في الصفحة رقم خمسين ونقول (خمسة وخميسة) و (هرشك) و (يا عين يا .....) وما شاء الله تبارك الله ما زال البوست فتياً ندياً ....عاطر التحايا لجميع المشاركين والزوار ...والبتاوقو من بره بره ياريت يخشوا ويبتهجوا معانا ...وبهذه المناسبة كلكم معزومين معانا عشاء الليلة (أكلات شعبية وتراثية ...أم بقبق وكده :D) والمواصلات مجانا ً بعد إنتهاء المباراة :D

المواصلات نخليها للحناكيش :D:D ، و نحن راجعين كداري :D:D و قابضين في "تعشى ثم تمشى"
و يا حبيبي يلاك نتعشي
نتعشي و يلا نتمشى
اوعاك تركب الركشة
الركشة بتقلبك لي
فيصل سعد
22-02-2008, 09:27 AM
أين أنت يا عم فتحي ؟ عاوزين نشوفك هنا ..ما تكب الزوغة .. كلو Pass يا حبوب ما عدا نمرة ستة :

البرم بكسر الراء بمعني ان تبرم شنبك و كدة :D
و البرم بضم الباء و هي جمع برمة و هو الاناء المعروف. و الله اعلم ..
شبارقة
23-02-2008, 09:10 AM
كلو Pass يا حبوب ما عدا نمرة ستة :

البرم بكسر الراء بمعني ان تبرم شنبك و كدة :D
و البرم بضم الباء و هي جمع برمة و هو الاناء المعروف. و الله اعلم ..

لا يا الحبيب القاصدو إنت إسمو البرّيم (برم يبرم برماً) والقاصدو أنا : يقولو ليك : فلان ده زي عتيد البرم (وعتيد دي تصغير عتود) ...وإن كان للبرمه فدي قلناها زماااان في الصفحات الأولى ...أها رأئكم شنو؟ وبنتحراكم لي قدام ..وما ح نجيب أي كلمة جديدة لغاية ما تحلو العشرة ديل في الأول ..عشان عمنا فتحي ما يسحسح بينا ;);)
أشتر
24-02-2008, 12:51 PM
يا زول كلام شنو البقيف ليك في حلقك معانا :D:D انت عاضيك كلب ولا قايلنا بنبيع في ترمس :D:D يكون خندريس امبارح الداشر و ما نضيف عامل ليك حيرقان :D:D بعدين الكلام بقيف للبطنه غريقة :D:D:D و انت معودنا من قلبك و لى لسانك ، فدحين شوت يا حبوب و فكوا من حلقك و عوجة تب مافي :D:D

أكل راسي بى فكو لحدي ما القى (الرد دوت) في وشي ...
ياااااا
موديراتور ... سوبر موديراتور ...
الكلام لم يخش خط حداشر منو خوف ... فاحسن تخليني اموت بيو ... لي وليك ... ولى زمانك
أشتر
24-02-2008, 12:56 PM
هاكم وبدون تنوين عشان نديكم الخيال والإنشطاحة والإنشكاحة :D زي ما عمل عمنا فتحي في الجبنه الفي الصفحة الفاتت

1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول

ما صدقت استاذ فتحي قال ليك أفلست ...
هي لكن يا شبارقةيا خوي دا كلام شنو الجبتو لينا دا !!!
ياها نمرة ستة دي لكن فيصل خش فيها وطممت بطنا ...
انا غايتو غير البرم العارفو أنا مااااا عندي شي اقولو ليك ...
ولو سمحت ما ترطن لينا هنا ...
اتكلم عربي او قدّم اوراق استقالتك خلينا نتفكفك من بدري ...
لسه ورانا عصِر و مغرب وعشا ... وعدم نوم !!!!