*** مصطلحات عامّية سودانية ***

[صلاح الدين هجو النحاس]

[QUOTE=عكــود;191609][align=justify]طيّب يا ود أب عاقلة، نسمع من شبارقة وبعدين بقولا ليك عشان تفهم الأغنية.
[size=5]بالمناسبة، (الأيّام دوليق نوريقك) بعتبرها من أبلغ المقاطع الغنّاها ود النصري.
[font=Arial][color=#0000FF]بس سرقنا لك الخط جبناه ليك واما الفرناقه يعنى زى السيسه كان مالفيت وجهك وانت عابرها داير ليك تنفس اصطناعى دى من ود حامد
وكذلك جمع (القنقرة الطايرة) وبعد جمع رؤوس الحمص أو الفاصوليا أو الفول المصري تعقبه مرحلة أخرى تسمى بـ (الدوليق) وهي جمع ما تبقى من الحبوب المتناثرة ، وقد جرى العرف أن ما يأتي من هذه العملية من محصول يكون خالصاً لصاحبه حتى ولو كان من خارج الأسرة . ثم تأتي مرحلة (النوريق) وهي هرس هذه الرؤوس ولها أدبيات كثيرة وهي تبدأ بنصب عود النوريق في الأرض بإحكام شديد ويسكّن بالحجارة فأضخم الثيران يسمى (تور الكارة) ويربط مباشرة مع العود بحبل ضخم يسمى (أرص) ثم تنظم بقية الثيران فالعجول ثم الأبقار تبعاً لذلك ، بعد ذلك تأتي مرحلة الرشة وهي نثر الرؤوس أمام الأبقار ، فإذا ما تم دهس الرشة عملوا رشة أخرى ، وفي هذا الأثناء يظل المزارع يصيح خلف الثيران (هو هو هورد) ويتغنى بين الفينة والأخرى ثم يكرر مقولته (هو هو هورد) (هيا) ويكون ذلك طوال الليل ، في الليالي المقمرة ، ويتناوب المزارعون على هذه العملية حتى الصباح مع تعاطي الشاي الأحمر والحليب طوال الليل

[أشتر]

بس سرقنا لك الخط جبناه ليك واما الفرناقه يعنى زى السيسه كان مالفيت وجهك وانت عابرها داير ليك تنفس اصطناعى دى من ود حامد
وكذلك جمع (القنقرة الطايرة) وبعد جمع رؤوس الحمص أو الفاصوليا أو الفول المصري تعقبه مرحلة أخرى تسمى بـ (الدوليق) وهي جمع ما تبقى من الحبوب المتناثرة ، وقد جرى العرف أن ما يأتي من هذه العملية من محصول يكون خالصاً لصاحبه حتى ولو كان من خارج الأسرة . ثم تأتي مرحلة (النوريق) وهي هرس هذه الرؤوس ولها أدبيات كثيرة وهي تبدأ بنصب عود النوريق في الأرض بإحكام شديد ويسكّن بالحجارة فأضخم الثيران يسمى (تور الكارة) ويربط مباشرة مع العود بحبل ضخم يسمى (أرص) ثم تنظم بقية الثيران فالعجول ثم الأبقار تبعاً لذلك ، بعد ذلك تأتي مرحلة الرشة وهي نثر الرؤوس أمام الأبقار ، فإذا ما تم دهس الرشة عملوا رشة أخرى ، وفي هذا الأثناء يظل المزارع يصيح خلف الثيران (هو هو هورد) ويتغنى بين الفينة والأخرى ثم يكرر مقولته (هو هو هورد) (هيا) ويكون ذلك طوال الليل ، في الليالي المقمرة ، ويتناوب المزارعون على هذه العملية حتى الصباح مع تعاطي الشاي الأحمر والحليب طوال الليل

والله كلام عجيب !!!!
طيب السيسة ذااااتا شنو ؟
بس لو فهمت حاجة من كلامك دا أدّولق وأتعلوق بعد الحال :D!!!!!!!!
كنت معاك لغاااااية ويسكّن بالحجارة .. اللي هو عود النوريق ... لكن مما جات فيها تيران وعجول وابقار طشيت ومما زاد الطين بلة الرشة والرشة الأخرى !!!!
بالجد ما قدرت استوعب الشغلانة دي ..
وس وس : هو هورد آكشن في السلك ...
ويربط مباشرة مع العود بحبل ضخم يسمى (أرص)

طيب قبل كدا الخير ابنعوف قال لي الحبل دا اسمو (الألص) البربطو بيهو القواديس في الساقية اللسه مدورة دي ... فهل الأرص حاجة والألص حاجة تانية ولا اختلاف مسميات بين منطقة وأخرى ...
يعني لو الألص إتملص بناكل نيم gooodgoood

[شبارقة]

طيّب وبمناسبة العواوير دي (يييييييييييييع ومعاها يااااااي :D) . .
الكيوقة شني؟



لكن الحنكشة عندكم يا ناس الإمارات :D:D

الكيوقة هي الطبقة التي تغطي العـُوَّارة بعدما تنشف .

[أشتر]

أما البازجور فلم أسمع به من قبل
يا شبارقة ...
مما تلقى بداية الكلمة (با) طوالي اعرف إنها يمنية ... زي باخشوين وباعبود وبازرعة وبازجور .. وليس كمن باء بسخط من الله :D وهكذا يعني ...

[شبارقة]

وشبارقة ذاتو مااااا ظنيتو يقدر عليهن لانو حدودو الشمالية ياها حدودي ...


وحاتك إت ... ضـُمة ما بقدر عليهن

[أشتر]

لكن الحنكشة عندكم يا ناس الإمارات :D:D

الكيوقة هي الطبقة التي تغطي العـُوَّارة بعدما تنشف .
يييييع (طمّمتَ) خيل طيفي وبقيت أتأسفك :D...

[شبارقة]

اول شيء شبارقه كان عندك كم كلمه سألت منها و جاوبنا و شكلو اجاباتنا انا و احمد زين صاح وانت زغت من الجائزه


السنقاقه : العُشر



السُنقَاقَـةَ:الجزء السميك في السعفة ويستخدم لعمل المقاشيش البدقونا بيهم نسوانّا :D

:D:D

يا أم أحمد دُقي المحلب في توب أحمد
أحمد غائب في أم ركائب
جانا كلب سنونو صـُفـُر
حلب الناقة في السنقاقة

هلا بنبراس

الكلمة مازالت محل خلاف ... إنتي قلتي العـُشر وود الزين قال : الجزء السميك من السعفة ... وبعدين أهلنا بقولوا ليك : فلان ده ضعيف ورقيق زي السنقاقة ... وحبوباتنا قالن : الناقة الفي السنقاقة .... فما هي السنقاقة إذا ً ؟ وما زال السؤال مطروح :) ولسة الجائزة موجودة :D

[شبارقة]

يييييع (طمّمتَ) خيل طيفي وبقيت أتأسفك :D...

:D:D:D

إذا ً هل هناك علاقة بين الكيوقة والكاويق ؟

[جانيت]

والله الواحد بيدخل هنا يقول يتعلم ليه كلمة كلمتين من حق اهله واقول بت بلد من اصله
بس الله عالم قدر ما اشوف البوست ده ادخل فضول
واطلع راسي لافي لفه وبتقودني الحيطه:D
تجيبوا الكلام وتفسروهو باصعب منه:o
جد الواحد نفسه يعرفlooool

[أشتر]

:D:D:D

إذا ً هل هناك علاقة بين الكيوقة والكاويق ؟
وهل هنالك علاقة بين الكاويق والكوليق؟ goood

[بدور التركي]

وهل هنالك علاقة بين الكاويق والكوليق؟ goood
والعواليق:D والخوازيق

[عكــود]

سلام يا شباب ويا شبارقة:rolleyes::D

النوريق: زي ما حدست نبراس و زي ما شرح هجو، هو درس الحبوب (قمح، عيش، فول) بعد حصاده و ترك سيقانه لتجف.
وببساطة يا ود أب عاقلة، مجموعة من الدواب تربط من رقابها مقرّنة مع بعضها و الفي الطرف بيربط في عمود خشبي يكون (العمود) هو مركز الدائرة. ثمّ جعلها تلف حول العمود و حِزم القمح ترمى تحت أرجلها لتتم عملية فصل البذور عن التِبِن.
الدوليق: تماماً كما شرح العزيز هجو، هو ما يتساقط من حبوب، سواء من الحِزم الجافة أو ما تبقى منها بعد جمعه، ويكون عادة بين شقوق الأرض.
يتم لقيطه حبّة حبّة ويكون من نصيب من قام بلقيطه و . .
الأيّام دوليق نوريقك.

الكاويق: صفق اللوبيا الجاف المصفر البيتساقط منها قبل حصادها، عادة يكون كثير ويتم جمعه (قشّه) لتعلف به البهائم:
تقعد تحش اللوبي للكاويق تقش
تصل البحر والموج يداعبا فوق هدوما ينط يرش
(السر عثمان الطيب في بت البلد العبراتا سدّت في الحلق)

الكوليق: حزمة سيقان العيش الأخضر أو اليابس (الورتاب).

الكيوقة: ترا شبارقة جاب خبرها. بس ما قلت لي يا شبارقة، ساعة تنشف وتجي تدور تباصرا تمرقا شفت شعورك بيكون كيف :).

[شبارقة]

جد الواحد نفسه يعرفlooool

مرحبا ً بجانيت

نحن هسه في الصفحة رقم 135 ولو عايزة تعرفي ما عليكي إلا تقلبي الصفحات السابقة صفحة صفحة .

وبمناسبة الصفحات ... مره حبوبتي قالت لي صفحتي موجعاني ... تكون قاصده شنو يا تـُرى؟ :D

[فيصل سعد]

مرحبا ً بجانيت

نحن هسه في الصفحة رقم 135 ولو عايزة تعرفي ما عليكي إلا تقلبي الصفحات السابقة صفحة صفحة .

وبمناسبة الصفحات ... مره حبوبتي قالت لي صفحتي موجعاني ... تكون قاصده شنو يا تـُرى؟ :D

و انت صفحتك
كيف يا كابتن :D:D
و وينك لابت و لابد :D:D
و اشرح الفرق بيناتم ..

و لا تعوق ..

[شبارقة]

سلام يا شباب ويا شبارقة:rolleyes::D



:D:D

[شبارقة]

الدوليق: هو ما يتساقط من حبوب، سواء من الحِزم الجافة أو ما تبقى منها بعد جمعه، ويكون عادة بين شقوق الأرض ويتم لقيطه حبّة حبّة ويكون من نصيب من قام بلقيطه .

غايتو من قام بتلقيطه ده إلا يبقى نملة :D:D

[شبارقة]

الكاويق: صفق اللوبيا الجاف المصفر البيتساقط منها قبل حصادها


نحن بنستخدم كلمة الكاويق فقط للبامية التي تأخر حصادها ... وبتكون بامية أقرب للجافة ... وبتكون من الداخل زي البلاستيك أو زي العنكوليبا المأكولة :) ... وبنقول عليها كاوقت ... وعشان كده أمهاتنا وحبوباتنا لمن يرسلننا عشان نجيب الخضار يقولن لينا : جيب بامية رُخص ... ما تجيبا كاويق .

[أشتر]

[QUOTE=عكــود;191849]سلام يا شباب ويا شبارقة:rolleyes::D

النوريق: زي ما حدست نبراس و زي ما شرح هجو، هو درس الحبوب (قمح، عيش، فول) بعد حصاده و ترك سيقانه لتجف.
وببساطة يا ود أب عاقلة، مجموعة من الدواب تربط من رقابها مقرّنة مع بعضها و الفي الطرف بيربط في عمود خشبي يكون (العمود) هو مركز الدائرة. ثمّ جعلها تلف حول العمود و حِزم القمح ترمى تحت أرجلها لتتم عملية فصل البذور عن التِبِن.
كلام في السليم ومية مية ...
:D باقيلك التِبِن والدّرِس ديل بجيبو خبرن !!!
يعني الموضوع عبارة عن ساقية متعددة الدواب ... ديك بتسقي ودي بتفجّخ ...
طيب ما كان يستغلو تور الساقية بدل ما هو لافي ع الفاضي لا شغل لا مشغلة في الهرِس دا :D:D
ولا الوكت داك هو بسقي اللي ح يفجخو مستقبلا ؟؟؟؟ :D
غايتو كلو شغل لف ودروان :D:D ... اها الضوران يطلع شنو ؟؟؟؟؟
وإتو الدواب دي تضمنوها كيف ترمي ليها رمية رميتينlooool من الباب البجيب الريح :D
وهنا ماف طريقة تسدو وتستريح طبعن !!!!!! لووووووول ساي !!!!!!! جنس لولوة

[شبارقة]

تقعد تحش اللوبي للكاويق تقش
تصل البحر والموج يداعبا فوق هدوما ينط يرش
(السر عثمان الطيب في بت البلد العبراتا سدّت في الحلق)


تعرف يا عمدة أنا عشت لي 5 سنين عجيبة في ليبيا (أيام الشباب) وكنا في مجاهل ليبيا في الحدود مع النيجر ... وكان معي 4 شباب (يسدو عين الشمس) وكانوا من أهلنا المناصير بالشمالية .... منهم تعلمت الكثير جدا ً من اللهجة المحلية ... ومنهم تعلمت أستمع للطنبور وتعرفت على جميع مطربي الطنبور في ذاك الوقت ... ولكم كنت معجبا ً بالأغنية أعلاه وخصوصا ً البلاغة في : الموج يداعبا فوق هدوما ينط يرش ..

وبعدين تشيل القش تفوت .. واليوم يفوت وتمر سنين
ويكبر عمير بت البلد ويكبر معاها كمان أنين

والله غناكم سمح بالحيل (يا ريت تنـِّزل لينا بت البلد دي هنا يا عمنا لأني والله من الزمن داك ما سمعتها)

[أشتر]

نحن بنستخدم كلمة الكاويق فقط للبامية التي تأخر حصادها ... وبتكون بامية أقرب للجافة ... وبتكون من الداخل زي البلاستيك أو زي العنكوليبا المأكولة :) ... وبنقول عليها كاوقت ... وعشان كده أمهاتنا وحبوباتنا لمن يرسلننا عشان نجيب الخضار يقولن لينا : جيب بامية رُخص ... ما تجيبا كاويق .اعتقد الكلمة (كاويك) ولو قنا كانديك ماف مشكلة ;)... لكن كاويق دي ما سمعت بيها
والبامية كاوكت .. أي عجّزت ... وتستخدم فقط لملاح البامية المفروكة ...
بس أهمّ حاجة تكون معاها شطة خدرا ...

[شبارقة]

والعواليق:D والخوازيق

العواليق هي الأسمال البالية لأنها كانت تـُعلق في مـُعلاق ولا توضع في الدواليب (رأئك شنو يا ود أبو عاقلة في الأسمال دي ؟:))

الخوازيق مفردها خازوق وهو الوتد عموما ً ... والخوازيق عندنا في الهندسة المدنية هي نوع من أنواع الأساسات وهي كناية عن الأوتاد العميقة Pile Foundation

كلو حاجة عندنا في البوست ده (عامي ودارجي وفصيح ... وكجور كمان :D) ...

[عكــود]

غايتو من قام بتلقيطه ده إلا يبقى نملة :D:D

مالك داير تقلّب علي المواجع يا شبارقة ياخي!
هناك من وصلت بهم الفاقة ليأكلون من شقوق الأرض وأعرفهم، والمفجع يتنافسون في حجز (البرازي*) المُزمع نوريقها.
لهم الله يا عاصم وليسامحنا الله في مبيتنا شبعانين وهم جياع!

* البرازي (البرازة): الأرض الدلجة البتتم فيها عملية النوريق.
أجيب لك بيت شعر عنّها؟

[عكــود]

بقلّب دفاتري وأجيب لك أغنية بت البلد يا شبارقة، وهي فعلاً تصوير درامي في منتهى الروعة . .
بس خلّي العبرة الفي حلقي دي تنزل.

[أشتر]

سلام يا شباب ويا شبارقة:rolleyes::D


الكيوقة: ترا شبارقة جاب خبرها. بس ما قلت لي يا شبارقة، ساعة تنشف وتجي تدور تباصرا تمرقا شفت شعورك بيكون كيف :).


تصدق كتبت عن الاحساس دا في المرة الفاتت لكن ييييع دخلت بناتنا زي العارض ..
لا وكمان لو باقي منها حتتتتتة ماسكة في الجلد .. تغمد وتدي وشك قبلة لا ترضاها لكن مجبورين نسوي شنو !!!
واححححححح تعقبها شفطة هوا مرتين تلاتة لغاية ما تتصالح تدريجيا مع الألم ...
جنس شقاوة غايتو !!!!

[شبارقة]

لهم الله يا عاصم وليسامحنا الله في مبيتنا شبعانين وهم جياع!


أخخخخخخخخ يا أبا ذر ... لقد أثرت شجوني وأججت مشاعري وفطرت قلبي وأدمعت عيني ...

[أشتر]

العواليق هي الأسمال البالية لأنها كانت تـُعلق في مـُعلاق ولا توضع في الدواليب (رأئك شنو يا ود أبو عاقلة في الأسمال دي ؟:))

الخوازيق مفردها خازوق وهو الوتد عموما ً ... والخوازيق عندنا في الهندسة المدنية هي نوع من أنواع الأساسات وهي كناية عن الأوتاد العميقة Pile Foundation

كلو حاجة عندنا في البوست ده (عامي ودارجي وفصيح ... وكجور كمان :D) ...

نكتّها من وين دي يا موسوعة ..
جاكلين عندها حق تطلع (تِدّبّا):D:D:D:D مع الحيطة ...
اها بكلامك دا خوازيق البلد ديل معناها لن يتزحزو قيد أنملة ...
بس المعنى المقصود بالخوازيق الناس الهناي .. البشيلو الهناي .. ولا يبجيبو الهناي ولا بتلقى منو فِرِد هناي ... وغايتو هنايات سااااااي :D

[أشتر]

شنو يا جماعة دايرين تقلبوها مناحة !!!!!
والله اتمنّح ليكم هنا تنسو مناحتكم وتبقو في الطريقة التخارجوني من مناحتي ومحنتي ...
ناس حسساسين خلاص وحسسونا اننا ما بنحس !!!!!!
هو الاكل الاكلناهو في حنّانا شوية ...
بس عليكم الله اهضمو اوفلاين ...
برانا معوقين وساكتين بالغبينة !!!!

[فتحي مسعد حنفي]

شنو يا جماعة دايرين تقلبوها مناحة !!!!!
والله اتمنّح ليكم هنا تنسو مناحتكم وتبقو في الطريقة التخارجوني من مناحتي ومحنتي ...
ناس حسساسين خلاص وحسسونا اننا ما بنحس !!!!!!
هو الاكل الاكلناهو في حنّانا شوية ...
بس عليكم الله اهضمو اوفلاين ...
برانا معوقين وساكتين بالغبينة !!!!

انت يازول هسة في زول هبشك:confused:مداخلتينك ديل الاتنين ورا بعض ومافي زول دخل في النص عشان نقول زعلك ولا يكون في زول سب ليك بالموبايل الما بترد عليهو دا..
خلاص انت وصلت المرحلة الخطرة الفيها الزول بيكلم ويشاكل روحو...كر عليك يا محمد يا حتة من أم فت فتيgoood:Dgoood...ما كانش يوووووومك يامحمد..ياللي اتخطفت من أبل ما تخش دنيا يامحمد:mad:ياللي أهلك رموك وسط الديابة ومشيوا سابوك لوحدك ياحرام.. (وش جارية منو أنهار من الدموع):(

[شبارقة]

جاكلين عندها حق تطلع (تِدّبّا):D:D:D:D مع الحيطة ...


جاكلين كنيدي ؟

قصدك جانيت .. جانيت آ اللخو :)

أها (تِدّبّا) دي ما في زول غيرنا بيستعملا مع إنها عربية فصحى

[شبارقة]

ذات مرة من المرات واحد من أهلنا بالشمالية قال في معرض حديثه :

والله تانى تفتشونى تِبْني لِبْني ماتلقونى

فما المقصود بالتِبْني واللِبْني ؟ تبن لبن (بكسر الفاء والعين)

[أشتر]

انت يازول هسة في زول هبشك:confused:مداخلتينك ديل الاتنين ورا بعض ومافي زول دخل في النص عشان نقول زعلك ولا يكون في زول سب ليك بالموبايل الما بترد عليهو دا..
خلاص انت وصلت المرحلة الخطرة الفيها الزول بيكلم ويشاكل روحو...كر عليك يا محمد يا حتة من أم فت فتيgoood:Dgoood...ما كانش يوووووومك يامحمد..ياللي اتخطفت من أبل ما تخش دنيا يامحمد:mad:ياللي أهلك رموك وسط الديابة ومشيوا سابوك لوحدك ياحرام.. (وش جارية منو أنهار من الدموع):(

:D:D:D حلوة أم فت فتي دي ...
الحمدلله الما كنت (مرارتك) كنت فقعتها من زمان:Dgooodgoood
اها النقول ليك كلام مهم جدن جدا ...
دا عيب الزول البجي متلب ساي بدون ما يعرف الموضوع شنو !!!!
ياخ عكود ربط كوزو وشبارقة القاعد على الهبشة ربطو معاو وانا في نصهم قاعد ... يا اربط كوزي معاهم يا ابقى ليهم طبطاب ... لقيت نفسي ما بقدر اغش على نفسي :D ودخلت لفت كلفت نظر ليس الا ...
بس ... دي كل الحكاية

[أشتر]

جاكلين كنيدي ؟

قصدك جانيت .. جانيت آ اللخو :)

أها (تِدّبّا) دي ما في زول غيرنا بيستعملا مع إنها عربية فصحى


:D:D كلامك صاح يا اللخو ما اتلاقينا قبل كدا والله ...
وتّدبّا دي عندنا معاها كلاش وقصة طويلة عريضة وهي في الحقيقة لقب واحد معانا هناك ما فردتنا لانو انطوائي لكن حكى لينا حكاية كدا وسميناهو تِدّبّا وهو ذاتو فيهو ملامح الكلمة دي ...
الله يطراهو بالخير المبشتن ....
...

[أشتر]

ذات مرة من المرات واحد من أهلنا بالشمالية قال في معرض حديثه :

والله تانى تفتشونى تِبْني لِبْني ماتلقونى

فما المقصود بالتِبْني واللِبْني ؟ تبن لبن (بكسر الفاء والعين)

اها قمنا لسيبي ليبني وتِبْني لِبْني ؟؟؟؟
شايف عكود ساقك بعيد وين !!!!!gooodgooodgoood

[شبارقة]

اها قمنا لسيبي ليبني وتِبْني لِبْني ؟؟؟؟
شايف عكود ساقك بعيد وين !!!!!gooodgooodgoood


:D:D
خلاص دي نخليها لعكود لمن يجي يحلحلها لينا

أها .. ما الفرق بين الضـَقـَل و البُـقـُُـل
للمساعدة : هناك لعبة إسمها الضقل ... والبُـقـُُـل ليهو علاقة بالشمس ... أها قصـَّرنا معاكم؟

[عكــود]

خلاص دي نخليها لعكود لمن يجي يحلحلها لينا

أها .. ما الفرق بين الضـَقـَل و البُـقـُُـل
للمساعدة : هناك لعبة إسمها الضقل ... والبُـقـُُـل ليهو علاقة بالشمس ... أها قصـَّرنا معاكم؟


أخُشْ في دي وللاّ أخلّيها لود أب عاقلة ومن لفّ لفّه؟

التبني: جاية من يتبِن أو يهبش أو يجس (يعني وين ما تهبشوا ما بتلقوني).
كمان بيقولوا: والله تبنت جسمو لقيت وِرْدِتو مولّعي نار!
اللبني: ما نقشتها.

[فتحي مسعد حنفي]

أخُشْ في دي وللاّ أخلّيها لود أب عاقلة ومن لفّ لفّه؟

التبني: جاية من يتبِن أو يهبش أو يجس (يعني وين ما تهبشوا ما بتلقوني).
كمان بيقولوا: والله تبنت جسمو لقيت وِرْدِتو مولّعي نار!
اللبني: ما نقشتها.



والله ياعكود لو عارفين ترك المسئولية بخليك تبقي زينا كنا رفدناك زماااااان وطالبنا بعزلك:D:D

[عكــود]

والله ياعكود لو عارفين ترك المسئولية بخليك تبقي زينا كنا رفدناك زماااااان وطالبنا بعزلك:D:D:D:D:D

[شبارقة]

والله ياعكود لو عارفين ترك المسئولية بخليك تبقي زينا كنا رفدناك زماااااان وطالبنا بعزلك:D:D

عكود أشار في غير هذا الموضع إلى أن منصب الأمين العام للعضو يحد من مشاركاته ... لأنو ما بكون عندو الوقت للمشاركات (ما بكون فاضي من المساسقة والحوامة :) بين البوستات والمداخلات ... يقص هنا ويقطع هناك) ... زي الألفه تلقاهو قائم بعملو في الفصل (يحفظ النظام ويجيب الطباشير ألخ ...) وقد يهمل بعض واجباته ومشاركاته المدرسية .

أها ... وردت كلمتي المساسقة والحوامة أعلاه فما هو مصدرهما ... وهل هما فصيحتين أم دارجيتين ؟

[فيصل سعد]

و انت صفحتك
كيف يا كابتن :D:D
و وينك لابت و لابد :D:D
و اشرح الفرق بيناتم ..

و لا تعوق ..

و يا عاصم مالك
ما بترد السلام ..
تغيت ولا لقيت :D:D

[طارق صديق كانديك]

الكلمة مازالت محل خلاف ... إنتي قلتي العـُشر وود الزين قال : الجزء السميك من السعفة ... وبعدين أهلنا بقولوا ليك : فلان ده ضعيف ورقيق زي السنقاقة ... وحبوباتنا قالن : الناقة الفي السنقاقة .... فما هي السنقاقة إذا ً ؟ وما زال السؤال مطروح :) ولسة الجائزة موجودة :D


شبارقة كيف حالك .. ؟

( السنقاقة ) .. ان صح اعتقادي انها .. شق في الأرض .. حلب الناقة في السنقاقة أي أنه لم يدع أحداً يستفيد من لبن الناقة .. ويبدو أن هذا الروى كان ايام الانجليز حين حكموا البلاد والعباد .. فكانوا هم ( الكلب السنونو صفر ) .. !!

أخوك متبرع بالجائزة لمنكوبي هاييتي ... !!looool

[شبارقة]

و انت صفحتك
كيف يا كابتن :D:D
و وينك لابت و لابد :D:D
و اشرح الفرق بيناتم ..

صفحتي بيضاء من غير سوء يا معلم .

لبد يلبد فهو لابد (حمد لبد :)) ونحن في السودان متعودين على قـِلـِّيب وإبدال الحروف فحولناها من لابد إلى لابت (30 مليون سوداني بيقولوا لابت .. خلاص هي لابت لابت :)).
و يا عاصم مالك
ما بترد السلام ..
تغيت ولا لقيت :D:D

معذرة يا كوتش
عارفني منك ... لا الزمن يقدر يحـوِّل قلبي عنك
لا اللقيان ولا التغـَيان يشغلني ويبعدني عنك :)

[بابكر مخير]

و انت صفحتك
كيف يا كابتن :D:D
و وينك لابت و لابد :D:D
و اشرح الفرق بيناتم ..
و لا تعوق ..

لابت، لا ولد
أو لا فاطني، لا محوود،،
بيقولها الجماعة لمن يكونو حضرو الذي منهو والحلة بس مستنين يجعوا ليها حق اللحمة وواحد منهم عاوز يفلزع ويكب الزوقة، ويقصد بها،،
أنه ما وراهو شيتن يستعجلو وأمره إنكشف،، ودآ بعد كدي، إلا يبقى على السمسمية:(

أما لابد،
فهذه ما بدهاشي توضيح، إذ أن الأمر ومادام، حيث أنه أوكامبو، صرح بيهو،، يبقى البشير، التخشيبة مستنياهو،
إذن لابد أن القدر بيعمي البصر،
والوقعة بتكتر السكاكين وكترت البتابت عييييييييييييييييب..

[شبارقة]

( السنقاقة ) .. ان صح اعتقادي انها .. شق في الأرض .. حلب الناقة في السنقاقة أي أنه لم يدع أحداً يستفيد من لبن الناقة .. ويبدو أن هذا الروى كان ايام الانجليز حين حكموا البلاد والعباد .. فكانوا هم ( الكلب السنونو صفر ) .. !!

أخوك متبرع بالجائزة لمنكوبي هاييتي ... !!looool

هلا بحبيبنا ود كانديك

يوصف الرجل الطويل ورقيـّق أو المرأة الطويلة ورقيـَقة بأنهما : زي السنقاقة ... فهل هذا الوصف يستقيم مع تعريفك للسنقاقة ؟

بالمناسبة عجبني تحليلك ووصفك المستعمر بأنه هو الكلب السنونو صـُفـُر .

[Hassan Farah]

فيصل سعد صباحاتك بالخير
السبلليق معناتا شنو--

[طارق صديق كانديك]

هلا بحبيبنا ود كانديك

يوصف الرجل الطويل ورقيـّق أو المرأة الطويلة ورقيـَقة بأنهما : زي السنقاقة ... فهل هذا الوصف يستقيم مع تعريفك للسنقاقة ؟

بالمناسبة عجبني تحليلك ووصفك المستعمر بأنه هو الكلب السنونو صـُفـُر .

يعجبوك وليداتك ... !!:)

أنا لم أهتم بالوصف اذ لو قدرت أنه جزء من الحل لفكرت أن ( السنقاقة ) اناء فخاري طويل ورقيق يحلب فيه اللبن .. وهو ما أشار به على بعض معارفي لكنه لم يصادف هوىً في نفسي .. اذ لو كان ذلك كذلك لما كان هناك ابداع في المقطع موضوع السؤال اذ عادة ما يحلب اللبن في اناء من الفخار كان أم من غيره ... !!

احترامي ومودتي

[شبارقة]

أها .. ما الفرق بين الضـَقـَل و البُـقـُُـل
للمساعدة : هناك لعبة إسمها الضقل ... والبُـقـُُـل ليهو علاقة بالشمس ... أها قصـَّرنا معاكم؟

عشان نعرِّف الضقل أو(الدقل) لابد نرجع حركة وراء 60 - 70 سنة حيث كانت معظم البيوت من قش أو طين وكانوا بيصنعوا باب القطية أو الأوضة من الحطب والمفتاح كمان من الحطب .. والمفتاح بيسموهو الكشر أما الضقل فهو خشبة مستطيلة منحوتة من الداخل توضع في تجويفها خشبة مستطيل تـُعرف بالكلاب (تشديد اللام) وبها ثقب خارجي يدخل خلاله الكشر لفتح الباب .... وعملية فتح الباب لا تخلو من كركبة الضقل (عشان كدة بيقولوا ليك : جاب ضقلا يكركب) أنا أذكر ولغاية بدايات الثمانينيات كانت عندنا بعض المباني القديمة التي أبوابها ومفاتيحها من الخشب.

كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت :D

أما البُقـُل فهو ضل بداية العصر (بين الساعة3 و4) تقريباً ، وهو ضل حار ، كانوا يحذرونا من الجلوس على ترابه ( يا ولد قوم من البقـُل بياذاك ) ..

[شبارقة]

كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت :D
..

ما الفرق بين لعبة الضقل ولعبة الطاب ؟

[جانيت]

ما الفرق بين لعبة الضقل ولعبة الطاب ؟

قبل ما الواحد تخستكو بمخه الما ناقص ده قول لي الضقل بيلعبوها كيف
والطاب زاتها بتتلعب كيف;)
وبعدجين نوريك الفرق :D

[أشتر]

عشان نعرِّف الضقل أو(الدقل) لابد نرجع حركة وراء 60 - 70 سنة حيث كانت معظم البيوت من قش أو طين وكانوا بيصنعوا باب القطية أو الأوضة من الحطب والمفتاح كمان من الحطب .. والمفتاح بيسموهو الكشر أما الضقل فهو خشبة مستطيلة منحوتة من الداخل توضع في تجويفها خشبة مستطيل تـُعرف بالكلاب (تشديد اللام) وبها ثقب خارجي يدخل خلاله الكشر لفتح الباب .... وعملية فتح الباب لا تخلو من كركبة الضقل (عشان كدة بيقولوا ليك : جاب ضقلا يكركب) أنا أذكر ولغاية بدايات الثمانينيات كانت عندنا بعض المباني القديمة التي أبوابها ومفاتيحها من الخشب.

كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت :D

أما البُقـُل فهو ضل بداية العصر (بين الساعة3 و4) تقريباً ، وهو ضل حار ، كانوا يحذرونا من الجلوس على ترابه ( يا ولد قوم من البقـُل بياذاك ) ..

ياسلااام يا شبارقة ياخ ... معلومات ثرة بالجد في فقرة بسيطة ومختصرة تحسسك بالزحمة ...
والضقل دا زي الشفتو في بيت الخليفة ... لكن بصراحة افتكرتها لعبة الضقل البنلعبا بالكورة والبضقل كتير داك يعتبر فائز ... فائز فائز يا البشيرloooollooool

[شبارقة]

قبل ما الواحد تخستكو بمخه الما ناقص ده قول لي الضقل بيلعبوها كيف
:D


:D:D
لعبة الضقل هي لعبة سـُكج مـُكج :) (كنا بنقول سكج ومكج ... وما أظن عندها معنى)

تتكون اللعبة من فريقين ... ويجب تجهيز بعض الأشياء حتى يتم اللعب :
1- عصاية طولها حوالى متر.
2- ضقل ويكون طوله حوالى 15سم
3- نحفر حفرة صغيرة قطرها حوالي 10 سم وعمقها لايتجاوز5 سم

أما كيف تلعب اللعبة فغايتو إلا يجيكم عمنا عكود يشرحا ليكم :).. لكن تتلخص اللعبة في وضع الضقل فوق الحفرة بحيث يكون متعارض عليها ويتم إدخال العصاية فى الحفرة - تحت الضقل - ويقول اللاعب( سكج ) فيرد عليه الطرف الاخر(مكج) فيتم رفع الضقل بالعصاء قليلا ً في الهواء ويضرب على الطائر(وجات منها الجملة الشهيرة : على الطائر) حتى يصل إلى منطقة تم تحديدها سابقآ فاذا فشل فى ذلك تبدأ إعادة المحاولة وللضارب عدة محاولات (نسيتها كم) حتى يذهب الضقل الى ابعد مسافة .

[جانيت]

:D:D
لعبة الضقل هي لعبة سـُكج مـُكج :) (كنا بنقول سكج ومكج ... وما أظن عندها معنى)

تتكون اللعبة من فريقين ... ويجب تجهيز بعض الأشياء حتى يتم اللعب :
1- عصاية طولها حوالى متر.
2- ضقل ويكون طوله حوالى 15سم
3- نحفر حفرة صغيرة قطرها حوالي 10 سم وعمقها لايتجاوز5 سم

أما كيف تلعب اللعبة فغايتو إلا يجيكم عمنا عكود يشرحا ليكم :).. لكن تتلخص اللعبة في وضع الضقل فوق الحفرة بحيث يكون متعارض عليها ويتم إدخال العصاية فى الحفرة - تحت الضقل - ويقول اللاعب( سكج ) فيرد عليه الطرف الاخر(مكج) فيتم رفع الضقل بالعصاء قليلا ً في الهواء ويضرب على الطائر(وجات منها الجملة الشهيرة : على الطائر) حتى يصل إلى منطقة تم تحديدها سابقآ فاذا فشل فى ذلك تبدأ إعادة المحاولة وللضارب عدة محاولات (نسيتها كم) حتى يذهب الضقل الى ابعد مسافة .

شكراااااااااااااااااااااااااا شبارقة
بس اللعبة دي دايرة ليها حوش ولا في الشارع :D
ممكن العبها ;)
اها والطاب كيف :p

[فيصل سعد]

فيصل سعد صباحاتك بالخير
السبلليق معناتا شنو--

و الله يا دكتور السبلليق دي الا يجيك
ود عمتك الحبيب يفككها لينا، غايتوا نحن
معاك لحدي السبلوقة و السبهللية و الليق:D:D

يديك العافية
و خليك بالجوار ..

[أبو أماني]

و الله يا دكتور السبلليق دي الا يجيك
ود عمتك الحبيب يفككها لينا، غايتوا نحن
معاك لحدي السبلوقة و السبهللية و الليق:D:D

يديك العافية
و خليك بالجوار ..

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة. goood

[فتحي مسعد حنفي]

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة. goood

القطيع= المراح
التكل= المطبخ البلدي
الدروة= هو المكان المحاط بما يداريه من العيون...التل المرتفع من الرمال لضرب النلر
الهمبريب= النسيم العليل
القحف= دوائر مستديرة من الفخار للعب أم القحف
القرقاب=تساوي الوزار عد الخليجيين تلبسه النساء في الجزء الأسفل من الجسم
الميترة= مقياس يستعمله البنايين ويستعمله المراكبية لقياس العمق
الرحط= كانت تلبسه النساء قديما بدل الملابس الداخلية ومكون من الخيوط الطولية
البرمة= وعاء من الفخار لحفظ السوائل والأطعمة
التيلة= عقد يوضع علي عنق المرأة من الذهب والخرز الهندي..
السحارة= صندوق يستعمل كالدولاب
الشرقرق= وعاء له بوز مثلث تصنع فيه القهوة
الفندق= هوت خشبي كبير تدق فيه البهارات والويكة وخلافو
الشملة= بطانية من صوف الابل تغطي بها المرأة جسمها وهي جالسة فوق حفرة الدخان
الكتوش= ودا اسمو الكنتوش وهو أيضا يشبه الزير الصغير وفمه ضيق يستعمله أهل رأفت لوضع المش فيه..
الدقنوس = هو مؤخرة الرأس زي دقنوسك الفيهو الصلعة
الرشمة= هو تاتوو يدق علي وجه النساء قديما ( الرشيم الأخضر)
الكظرونة= برضو أناء للطبخ
الظعبوط= القنبور
المطرق= فرع من الشجر يجلد به الصغار
المحراكة= قطعة من القماش توضع بها الطايوقة ويمسح بها صاج الكسرة لتنظيفه وتجهيزه لرمي الطرقة الجديدة..
أما باقي الكلمات فلست متأكد من المعاني وان كانت السعدة ليست غريبة علي وطول المدة برة السودان بتنسي الزول اسمو ذاتو..وللعلم هذه المعلومات بدون مساعدة خارجية...

[شبارقة]

المحراكة= قطعة من القماش توضع بها الطايوقة ويمسح بها صاج الكسرة لتنظيفه وتجهيزه لرمي الطرقة الجديدة..
أما باقي الكلمات فلست متأكد من المعاني وان كانت السعدة ليست غريبة علي

المعراكة : هي قطعة القماش البعركو بيها الدوكة أو الصاج .... أما المحراكة (أو المرحاكة) فهي طاحونة بلدية صغيرة وهي عبارة عن قطعة صخرية توضع بها الحبوب (ذرة - دخن - قمح ...إلخ) وتطحن بحجر آخر أصغر حجما ً ...

السعدة : نوع من النباتات الغير مرغوب فيها ... وهناك مثل شهير : البـِعـِد ولا البلاد أم سـِعـِد.

[فتحي مسعد حنفي]

المعراكة : هي قطعة القماش البعركو بيها الدوكة أو الصاج .... أما المحراكة (أو المرحاكة) فهي طاحونة بلدية صغيرة وهي عبارة عن قطعة صخرية توضع بها الحبوب (ذرة - دخن - قمح ...إلخ) وتطحن بحجر آخر أصغر حجما ً ...

السعدة : نوع من النباتات الغير مرغوب فيها ... وهناك مثل شهير : البـِعـِد ولا البلاد أم سـِعـِد.

هنا كلامك صح والغريبة اني عارفا وبقولو في المثل العين فلقت حجر المحراكة..
والسعدة فعلا نبات ومنها جاي اسم قرية أم سعد..

[نبراس السيد الدمرداش]

فيصل سعد صباحاتك بالخير
السبلليق معناتا شنو--

السبليق , بلام واحده في الوسط نوع من انواع السمك في الشمال
و الله اعلم

[فيصل سعد]

فيصل سعد صباحاتك بالخير
السبلليق معناتا شنو--

سلامات يا دكتور، و ارجو
مراجعة و اعتماد اجابة نبراس
الفوق .. لك و لها و لكم التحايا ..

[محمد عبد الرحمن]

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة. goood





الكابدلو: حاجة من السعف زي القفة بس يدها طويلة و ليها غطاء.
الدحلوب: آنبة فخاربة مفلطحة بتستعمل عشان يشرب منا الحمام و الجداد (و ودأبرق ان وجد).
مش بيقولو للزول راسك الدحلوب ده.
الطالوش: بستعمل في شغل بياض البناء بالأسمنت.
و الله أعلم

عم أبو أماني اتا كنت بنا.

[سارة]

/

التكل
المطبخ زمان او محل العواسة وكوجين العجين مافى زول يقول لى كوجين يعنى شنو
المشلعيب /
شبكة تصنع من السعف والحنقوق وتثبت فى مرق او تعلق فى الراكوبة او القطية ويضع عليها الاشياء التى يخاف ان يصلها القط او الكلب الله يكرمكم وفى الغرب اسم المشلعيب( دواء كلب )

اللداية /

حجار تضع اما فى شكل مثل يعنى تلاتة وتضع عليه الحلة او اربعة ويضع عليها صاج العواسة
وتكون فى شكل مقاعد يوقد النار تحتها يعنى بوتاجاز للحناكيشgoood
الهمبريب /
النسمة الرقيقة فى عز الصيف
القحف
اى شكفى او شريحة من فخار مكسور ممكن نقول عليها قحف

الكابدلو /
قفة تصنع من السعف وللماعرفين قفة معناها سلةgoood

النطع /
بساط يصنعمن السعف فى شكل دائرى ويكونمفتوح من الوسط فى شكل دائرة تجلس عليها المراة

عند الدخان وللماعرفين الدخان ( حمام بخار)
القرقاب /

قماش او توب تربطه المراة فىالوسط ليقطى من الخصر وحتى الارجل وهناك نوعمعينمشهور

الفركة ام صفيحgooodgoood كنوع مشهور للقرقاب

الرحط /

لبسة فى شكل اسكيرت منالجبلود المشرشرة تلبس فى الوسط للعروس وتكون السيور منفصلة بحيث يمكن نتف السير الواحد وهو ما يعرف بقطع الرحط

البرمة /
تصنع من الفخار باحجام مختلفة لاغراض مختلفة معظمها لاعدادالطعام او تخزينه او تجهيزه

التيلة
يا تيلة الانصاص فى الرقبة خايلة خلاس متفقد الثورة خالد حسن عباسgooodgoood

عقد يصنع من نوع من الحجر المسمى بالسوميت يكونلو الحجر ابيض فى الوسط واسود بالاطراف ويفصل بين الحجار بانصاص الجنيه الدهب
/ السحارة /
صندوق من الخشم المزركش يعتبر خزنة او دولاب للاشياء الثمينة
الشرقرق /

يغلى فيه البن لاعداد القهوة ويصنه من بقايا العلب الفارغة علب اللبن او علب الحلاوة والعاش ما بتداوى:p
الفندك /
من الخشب يصنع لسحن التوابل والبهارت وقد يصنع من النحاس لسحن الروائح الناشفة
الشملة /
غطاء من وبر الابل تصنع لتستعملها المراة للدخان
الكتوش
نوع من برم الفخار يصنع فى شكل صغير نوعا ما وغالبا ما يحرق ويكونلونه اسود

الدقنوس
الراس المزعمط زى راسى داgoood
/ الرشمة /
الرشيم الاخضر نوع من الحلى تعلق من الانف وحتى الاذن
السعدة
نبات معروف
/ الكظرونة /
هى تحوير لكلمة كسرولا ويعنى حلة او طنجرة صغير بس بيكون شكله اعمق منالحلة العادية
وغالبا من الالمونيوم وتكون لها ايادى
المطرق /

نوع من الفروع التى تقطع لينة نوعا ما وتستعمل فى البناء يعنى وبتكون عادة طويلة

واقل سمكا من اعوادالبنا العادية تستعمل لتثبيت القش فى بناء الرواكيب جمع راكوبة وللمعارفين راكوبة معناها برندا او سومر هاوس :p

المعراكة

قطعة من قماش قديم اومستعمل عادة تستعمكل لتنظيف صاج العواسة اثناء العواسة وعادة تطون معطونة بالزيت والطايوق

طلعتوا زيتنا زاتو

[محمد عبد الرحمن]

سرورة الحلوةgoood



حجار تضعامام فى شكل مثل يعنى تلاتة وتضع عليه الحلة او اربعة ويضع عليها صاج العواسة

أحسن تلاتة عشان تزبط مع:
ثالثة الأثافي




البرمة /
تصنع من الفخار باحجام مختلفة لاغراض مختلفة معظمها لاعدادالطعام او تخزينه او تجهيزه


برمة ملؤها عافية التمر و الذرة
قال أغراض الطعام
في أطعم من كده


وأشيل مطرق أسكك بيهو سهلة سودانيات دي كلهاlooool:plooool

المطرق يستعمل للجلد برضو:D

[سارة]

سرورة الحلوةgoood





أحسن تلاتة عشان تزبط مع:
ثالثة الأثافي








قال أغراض الطعام
في أطعم من كده


وأشيل مطرق أسكك بيهو سهلة سودانيات دي كلهاlooool:plooool

المطرق يستعمل للجلد برضو:D



gooodgooodgooodgoood

[فيصل سعد]

سلامات محمد و سارة
و عساكم بخير، و نطلب
حضور اميري و بابكر سحسحة :D:D
و حافظ، الرشيد، زول الله،
الفطن الوسيم و هيفائنا الدخول
هنا و اثراء البوست و الحوار، مع
اطيب التحايا و الامنيات
للجميع ..

تخريمة : ود ابو عاقلة، شبارقة
فتحي، بابكر، و رأفت غيابكم
ملحوظ شديد .. و نتمنى عودتكم ..

[هيفاء عبدالستار]

سلامات محمد و سارة
و عساكم بخير، و نطلب
حضور اميري و بابكر سحسحة :D:D
و حافظ، الرشيد، زول الله،
الفطن الوسيم و هيفائنا الدخول
هنا و اثراء البوست و الحوار، مع
اطيب التحايا و الامنيات
للجميع ..

تخريمة : ود ابو عاقلة، شبارقة
فتحي، بابكر، و رأفت غيابكم
ملحوظ شديد .. و نتمنى عودتكم ..

انا جيت ...gooodgooodgoood

[فيصل سعد]

انا جيت ...gooodgooodgoood

حبابك الف و
مرحب بيك
تب، نثر و قوافي :D:D
و الجابك يجيب وجيدة
و همس و مرافئ..

[هيفاء عبدالستار]

انا جيت ...gooodgooodgoood

القرقراب../الحَجَلَه../الحِرته ../ام بلحوت ..

القرقراب هو قلب سعف الدّوم ..
يصنع منو برش العروس لأنو ناعم ..

الحَجَلَه برش أشبه بالسِجاده ..وأكبر منها حجما ..
تُلف بيهو غرفة او قطّيّة العروس من الدّاخل ..
ورق حيط يعني ..

الحِرته ألوان من النّباتات يعطن فيها السّعف
ليصنع به البروش الملوّنه (السّباته )

أُم بلحوت هي أنثي الضّبع
مرت المرفعين يعني ..

بجيكم تاني ..دي مقبلات ساي ..

[عبداللطيف النقر]

/

التكل
المطبخ زمان او محل العواسة وكوجين العجين مافى زول يقول لى كوجين يعنى شنو
المشلعيب /
شبكة تصنع من السعف والحنقوق وتثبت فى مرق او تعلق فى الراكوبة او القطية ويضع عليها الاشياء التى يخاف ان يصلها القط او الكلب الله يكرمكم وفى الغرب اسم المشلعيب( دواء كلب )

اللداية /

حجار تضع اما فى شكل مثل يعنى تلاتة وتضع عليه الحلة او اربعة ويضع عليها صاج العواسة
وتكون فى شكل مقاعد يوقد النار تحتها يعنى بوتاجاز للحناكيشgoood
الهمبريب /
النسمة الرقيقة فى عز الصيف
القحف
اى شكفى او شريحة من فخار مكسور ممكن نقول عليها قحف ( القحف هو انا الفخار وهو ما يمدد فيه مديدة الدلكة )
الكابدلو /
قفة تصنع من السعف وللماعرفين قفة معناها سلةgoood

النطع /
بساط يصنع من السعف فى شكل دائرى ويكون مفتوح من الوسط فى شكل دائرة تجلس عليها المراة

عند الدخان وللماعرفين الدخان ( حمام بخار)
القرقاب /

قماش او توب تربطه المراة فىالوسط ليقطى من الخصر وحتى الارجل وهناك نوع معين مشهور

الفركة ام صفيحgooodgoood كنوع مشهور للقرقاب والنوع التانى التوب البنقالى ---

الرحط /

لبسة فى شكل اسكيرت من الجلود المشرشرة تلبس فى الوسط للعروس وتكون السيور منفصلة بحيث يمكن نتف السير الواحد وهو ما يعرف بقطع الرحط

البرمة /
تصنع من الفخار باحجام مختلفة لاغراض مختلفة معظمها لاعدادالطعام او تخزينه او تجهيزه

التيلة
يا تيلة الانصاص فى الرقبة خايلة خلاس متفقد الثورة خالد حسن عباسgooodgoood

عقد يصنع من نوع من الحجر المسمى بالسوميت يكون لون الحجر ابيض فى الوسط واسود بالاطراف ويفصل بين الحجار بانصاص الجنيه الدهب
/ السحارة /
صندوق من الخشم المزركش يعتبر خزنة او دولاب للاشياء الثمينة
الشرقرق /

يغلى فيه البن لاعداد القهوة ويصنه من بقايا العلب الفارغة علب اللبن او علب الحلاوة والعاش ما بتداوى:p
الفندك /
من الخشب يصنع لسحن التوابل والبهارت وقد يصنع من النحاس لسحن الروائح الناشفة
الشملة /
غطاء من وبر الابل تصنع لتستعملها المراة للدخان
الكتوش
نوع من برم الفخار يصنع فى شكل صغير نوعا ما وغالبا ما يحرق ويكون لونه اسود

الدقنوس
الراس المزعمط زى راسى داgoood
/ الرشمة /
الرشيم الاخضر نوع من الحلى تعلق من الانف وحتى الاذن
السعدة
نبات معروف
/ الكظرونة /
هى تحوير لكلمة كسرولا ويعنى حلة او طنجرة صغير بس بيكون شكله اعمق منالحلة العادية
وغالبا من الالمونيوم وتكون لها ايادى
المطرق /

نوع من الفروع التى تقطع لينة نوعا ما وتستعمل فى البناء يعنى وبتكون عادة طويلة

واقل سمكا من اعوادالبنا العادية تستعمل لتثبيت القش فى بناء الرواكيب جمع راكوبة وللمعارفين راكوبة معناها برندا او سومر هاوس :p
وقد تكون تستعمل للجلد او لحث الدواب للسير ---

المعراكة

قطعة من قماش قديم اومستعمل عادة تستعمكل لتنظيف صاج العواسة اثناء العواسة وعادة تطون معطونة بالزيت والطايوق

طلعتوا زيتنا زاتو

سارة --- كنت قايلك افنديه ساى -- بس بعد الشفتو ده ما ينخاف عليك -- ومرضاك ديك كلهم -- اريتن بالضريب ----

تحياتى ---

[عبداللطيف النقر]

القرقراب../الحَجَلَه../الحِرته ../ام بلحوت ..

القرقراب هو قلب سعف الدّوم ..
يصنع منو برش العروس لأنو ناعم ..

الحَجَلَه برش أشبه بالسِجاده ..وأكبر منها حجما ..
تُلف بيهو غرفة او قطّيّة العروس من الدّاخل ..
ورق حيط يعني ..

الحِرته ألوان من النّباتات يعطن فيها السّعف
ليصنع به البروش الملوّنه (السّباته )

أُم بلحوت هي أنثي الضّبع
مرت المرفعين يعني ..

بجيكم تاني ..دي مقبلات ساي ..

اريتك دكتورة السرور ---

[فيصل سعد]

مرحب يا عبد اللطيف،
و حبابك ما غريب الدار ..

[سجمان]

بوست الحبوبات دا أنا ما شفتو.. يا حليل حبوبة المطر..
الدانقة والطيرمة: برندة لها بابين متقابلين.
القاطوع والتُكل: مطبخ صغير للعواسة
اللرتيق: راكوبة
الكاويق: الصفق اليابس.
التكريقة:ضروة تستخدم للدفو من الزيفة "وما تسالوني من الزيفة"
أم تكشو:عبارة عن نبات مثل الخدرة يطبخ بماء ساخن بدون أي بصل أو لحمة (نحن بنسميها خدرة الخلا).
المُطالة:عبارة عن قراصة تعمل في "مناقير القلع" يعني تقوم تجيب الحجار وتغسلن بي موية وترصهن زي البعملوهن للسلات ديك وتلخ عجينك وترميهو عليها.
عنز الليل: الصيدة
بت أم ساق:الناقة
بت أم حفيرة:الصيدة
السبلوقة (الدروة): منفذ يعمل على سطح بيت الجالوص لخروج الأمطار..
السريقة: طوف الطين..
السفروق: قطعة خشب محنية تستخدم للصيد
السبروق: عبارة صفق نبات البامية (الويكة) يعمل منه نوع الملاح
الكمتر:النجيلة الناشفة
أبو السعن: نوع من الطيور..
أها .. الله يجيب حبوبة المطر..
أقعدو عافية

[فيصل سعد]

مرحبتين حبابك
اليوم السعيد الليلة جابك
يا سجمان يا حبوب ..

[عبداللطيف النقر]

مرحب يا عبد اللطيف،
و حبابك ما غريب الدار ..

حياك الله يا فيصل -- وان شاءالله نحاول معاك --- بس الظاهر البنات حيغلبونا --- سعيد بان الناس محافظة على تراثها -- مازى اولادنا فى دول الاغتراب -- حتى خشمن اتلوي ---

تحياتى وواصل المسيرة ----

[سجمان]

مرحبتين حبابك
اليوم السعيد الليلة جابك
يا سجمان يا حبوب ..

أخو البنتوت..
إنت آآآآآآآآآآيابا لا تفوت ولا تموت..

تشكرات..

[جانيت]

انت يا فيصل الموضوع ده فيه جائزة ولا ساي
انا غايتو معلوماتي ما بطلعها ساي كده
وبعدين اسمي في الرصة ديك ما فيش
لكن في زوائز
بحشر روحي بالقوة :D

[حافظ اسماعيل احمد]

لك التحية وسلامات الاخ فيصل
حقيقة اول مرة اشوف البوست دا ورغم ذلك فاتح واحد زيو الرجاء الغاء السابق
وضمها الي هنا ولك كامل الشكر


دنيا دبنقا دردقي بشيش

ريسو وتسيو

وموماصل معاك انشاء الله

[فيصل سعد]

سلامات يا حافظ
و حبابك، ممكن
ننقل كوبي من
دنيا دبنقا هنا و
نخليو، ربما تحتاجة
و يأخذ حظو يا صاحب ..

ارقد عافية ..

[خالد الصائغ]

بوست يغري بالمتابعة و الإغتراف منو


جينا متأخرين لكن حنرابط هنا


شكرا عزيزي فيصل سعد

وكل من ساهم بالإضافة


محتاجين نوثق لي تراثنا اللغوي المشتت بين لغة الراندوق و مآلات العولمة والإنفتاح

[همس الشوق]

سلامات محمد و سارة
و عساكم بخير، و نطلب
حضور اميري و بابكر سحسحة :D:D
و حافظ، الرشيد، زول الله،
الفطن الوسيم و هيفائنا الدخول
هنا و اثراء البوست و الحوار، مع
اطيب التحايا و الامنيات
للجميع ..

تخريمة : ود ابو عاقلة، شبارقة
فتحي، بابكر، و رأفت غيابكم
ملحوظ شد يد .. و نتمنى عودتكم ..


ياااااا حليلنا نحن خلاص مشينا المعاش

كانت لنا أيام

[فيصل سعد]

ياااااا حليلنا نحن خلاص مشينا المعاش

كانت لنا أيام



حبابك الف و
مرحب بيك
تب، نثر و قوافي :D:D
و الجابك يجيب وجيدة
و همس و مرافئ..

معاش وين يا انيقة،،
مشكلتكم بتقروا صفحة
واحدة و بتتسرعوا :D:D
و دي من سوالب العولمة،
و لا يكون شاغلك اسد الكداد الممحن
المهروش و الشاي و الكيك المبروش :D:D

حبابك و مرحب بيكم تب
و فالك طيب .. و ليتنا عدنا
او عادت الايام ..

[فيصل سعد]

بوست يغري بالمتابعة و الإغتراف منو


جينا متأخرين لكن حنرابط هنا


شكرا عزيزي فيصل سعد

وكل من ساهم بالإضافة


محتاجين نوثق لي تراثنا اللغوي المشتت بين لغة الراندوق و مآلات العولمة والإنفتاح

مرحب بالاخ العزيز
خالد الصائع اضافة
و اثراء لهذا البوست ..

ننتظر مساهماتك،
و كن بالف خير ..

[فيصل سعد]

انت يا فيصل الموضوع ده فيه جائزة ولا ساي
انا غايتو معلوماتي ما بطلعها ساي كده
وبعدين اسمي في الرصة ديك ما فيش
لكن في زوائز
بحشر روحي بالقوة :D


هلا و مرحب بيك،
كلما تضيفي معلومة هنا،
تمشي تحاسبي ود عثمان
في الخزنة ..

ابقي طيبة ..

[فيصل سعد]

العزيز شبارقة
اطيب التحايا،
ياخي المجلس دا
شالك و قلعك مننا
عديل كدا، اظهر
مرة مرة و الفا البوست دا
و ما تعوق :D:D..

يديك العافية ..

[شبارقة]

العزيز شبارقة
اطيب التحايا،
ياخي المجلس دا
شالك و قلعك مننا
عديل كدا، اظهر
مرة مرة و الفا البوست دا
و ما تعوق :D:D..

يديك العافية ..

والله يا ود سعد أتاريهو مجلسكم ده صعب خلاص ... كسـّر مجاديفنا بتاعة منتدى الحوار وخلانا ضيوف سااي ... نتاوق من بره لي بره ... ونتلبـَّد زي حرامي البيض :D

أها نرجع لموضوع البوست وأنا عندي كلمتين مـُصـِر نلقى ليهن معنى قبل ما نخش في الجديد :
يا أم أحمد دقي المحلب في توب أحمد
أحمد غائب في الركايب أو (الركائب)
جانا كلب سنونو صفر حلب الناقة (في) أو (الفي) السنقاقة

ما معنى الركايب أو (الركائب) وما معنى السنقاقة ؟

[حافظ اسماعيل احمد]

سلامات استاذ فيصل

من دارفور

شجر كان هوزز يا أبلاي يا هبوباي

الابلاي هو القرد
والمثل يعني مافي دخان بدون نار
او ( اهتزاز الشجر لسببين اما الهواء او القررود)



بعشوم برضو كلب

البعشوم هو الثعلب
يعني العرق دساس ( ومن طينة واحدة )
تستخدم للربط بين اشياء بها تقارب في الشبه


ابو القدح بيعرف محل يعضي اخو
يعني ضرر الشخص القريب اكثر الم من الشخص البعيد
تقال عند تضرر من شخص غريب لك ضرر بالغ

[فيصل سعد]

تحياتنا حافظ و شبارقة،
و خليكم مواصلين ..

[أميرى]

فيصل انا جييييييت :p
قريت قصيدة قبيل لدكتور محمد بادي
اسمها أنا أخو البت اللكعت... قرن الخمرة النازة
وكلمات كتيرة مافهمتها
المهم حلونها باللون الأزرق وياريت نلاقي زول يشرحها

النص:

أنا أخو البت اللكعت قرن الخمرة النازة
على وردان الصبوة الراكزة
الجنيات الهازة .. صدورن لازة
ورقّ النص زي خيت الشلة
بالحيل آ جني .... إيه والله
الجنيات الحزمو الجبة
وعرق الشتوي عليهم نايا و صب
قول ما ذلة ..
رجالا حصدوا الحبة
عيشهن هاد و انكال واتعبّ
ومنو كتير في الواطا انكبّ
وباقي مصوبر واقف قبة
الحمد آلاف ..
الشكر آلاف
الحمد آلاف
الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة..
الحلق الجاف اتبلة
بالحيل آ جني إيه والله
الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دلة..
الحلف الجاف اتبلّ
بالحيل آ جني إيه والله
مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرّن.. فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية القربة كمان...
كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر
لبن الشاي بالعملة
سمح الخمج الفوق أسيادو
سمح العز المن أجدادو
الجنيات المشو ما عادو
كان بالردة أكان اتنادو
غرب حامد وشرق بلة
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إيه والله
ذات في يوم والغيمة تهتّف مطرا
نقّع فوق نوار الطلح الفقع
ريحة البرد إن جاتك عطرا
فايت خمر الفوق أردافا مجضع
شفنا الوادي يقشقش في دمعات الليل
والتعل الشايل بدا يتفقع
تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي
لا قوه ثلاثة زبيدية
خالفين سيقانن فوق السنكيت
ورقاب ألبل بيناتن مرخية
محجوبات بالخرز الفصلو السوميت
كل واحد درقة وسيف وطبنجية
وباقي جرابن مليان دلميت
الجنيات اتقبلو وضاقو الحارة وضاقو المرة
وكان حجازن صقر الجو
حامد كان عارفين
ضاقوه رجال قبالكن
شوفو أرزاقكم أخير من ضو
حامد عوج الطندب
آ وليدات عوج الطندب
نار القصب الهبلت ما بتعدلو
شوفو شلوخو مطارق رقدن
وكل تلاتة يمين سياف اتقبلو
حبوب القارح ... ما ذلة
ولدا ما ختالن زلة
شن قولك فيهو عليك الله
بالحيل آ جني إيه والله
وينا مراتع الدرت الباسط
دايما ببكي عليهن
وين بنوت الحلة البكّر
عصرا بدري يسون في شاهيهن
بعد الليل ما يهّود ونحن نهّود..
عاد أماتن ينادن ليهن
نمشي على القيزان نتقادم..
أقيس الخطوة مع التاتاي
ومشيهن والله البعد الحاصل
ما نساني وحاتكن
في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس كان يبقى
الشوق الحاصل بينا معشعش
فيهن مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولهن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن
فوق رملاة الحلة
الا كمان بنشوفا مذلة
الجنيات الغابت جابت
إنت الجيب بس قايلو قميص افرنجي وكرتونات كرملّة
لا لا وحاتك
حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة
الولد الجاي حقايب سفرو تقال.. تقال
من جنس كتاب ومجلة
الحكمة النضم إياهو الكان..
الحكمة الولد اتوضا وصلّ
عادة البلد الدخلت فيهم سكنت ..
سكنت ماب تتخلا
نحن كمان طارين الحلة
ودرنا الطلة
نشيلا معاهم فرح وميتة
حلاة الموت كان في عبدلة

ــــ
وحاتك كلها تستاهل تتلون ازرق goood

[باسط المكي]

سلام
بعدغياب من هذا البوست.
اها يافيصل .هاكم دي
الدشر معناها شنو؟

[اشرف السر]

سمعت اغنية لمحمد النصري فيها كلمة العميوق
فما هو العميوق يا فيصل ؟

العميوق
والمفرد عميوقة

نبات يقوم بروس. أي نبات بري
يوجد ايضا في منطقة جنوب المتمة



- بوست مبالغة.. 140 صفحة اسه دي اقعد كم يوم عشان احصر الفيها؟؟
الله يديكم العافية شباب

[أشتر]

قبل خمسة دقائق جاني واحد سوداني زميل شغل مشترك في منتدى وين كدا ما عارف عطبرة وجاب لي ورقة مكتوب فيها سطر واحد بس ...
(عايز أعرف وبالأمثلة .. يقال : فلان محومر أو فلانة محومرة ؟) يعني شنو ؟؟؟
فقلت أجيبا ليكم هنا لأني ما عرفت معناها ...

[تحفة حوا]

قبل خمسة دقائق جاني واحد سوداني زميل شغل مشترك في منتدى وين كدا ما عارف عطبرة وجاب لي ورقة مكتوب فيها سطر واحد بس ...
(عايز أعرف وبالأمثلة .. يقال : فلان محومر أو فلانة محومرة ؟) يعني شنو ؟؟؟
فقلت أجيبا ليكم هنا لأني ما عرفت معناها ...


محمد أبو عاقلة كيفنك
المحومر هو إنسان سئ الحظ و دائما ماشه معاهو بالعكس

يعني يشيل الصبر

[أشتر]

محمد أبو عاقلة كيفنك
المحومر هو إنسان سئ الحظ و دائما ماشه معاهو بالعكس

يعني يشيل الصبر

يعنى بكلامك دا الواحد طلع محومر ساي وما جايب خبر :D ...
الله إدينا ضهرا (نشيلبو) الصبر .. طول العمر ..

شكرا تحفة حوا ... كميات

[سمراء]

يعنى بكلامك دا الواحد طلع محومر ساي وما جايب خبر :D ...
الله إدينا ضهرا (نشيلبو) الصبر .. طول العمر ..

شكرا تحفة حوا ... كميات


أنت مخودر يامحمد ، وفتش عن المعنى ده بطريقتك !!!
غايتو انا اظنى برضو اليومين ديل مخوووودرة شوية :D

[أشتر]

أنت مخودر يامحمد ، وفتش عن المعنى ده بطريقتك !!!
غايتو انا اظنى برضو اليومين ديل مخوووودرة شوية :D

يا جماعة ملافظ الشمالية دي مانا خابرنها ...
أمسكو لينا من الوسط ولغاية دولة جنوب السودان جنوبا ;)

[سمراء]

يا جماعة ملافظ الشمالية دي مانا خابرنها ...
أمسكو لينا من الوسط ولغاية دولة جنوب السودان جنوبا ;)



سمح اتا (منيّـل ) وتحت البان مقيّـل :D
كده كيف معاك ؟ بس ما60 نيلة ياقول اهل الحلبى المسمسم
اعتقد بانها من صميم الوسط ، وناس الوسطية يمتنعون looool

[أشتر]

سمح اتا (منيّـل ) وتحت البان مقيّـل :D
كده كيف معاك ؟ بس ما60 نيلة ياقول اهل الحلبى المسمسم
اعتقد بانها من صميم الوسط ، وناس الوسطية يمتنعون looool

ما هو عشان الواحد براهو محومر فـ مخودر دي يا اللخت إلا تشوفي ليها واحد مِكوفِر ...
اها مِكوفر دي زي السمعتها .. فحبيت ادخلا ليكم في جملة فإذا ظبطت معاي يبقى ما محومر المرة دي ؟؟؟
:D

[حافظ حسين]

سلام للجميع .... عندي حاجات أخلصها و بجي راجع لكن هاكم ديل لمن نجي علي مهلنا و نشوف كلام أهلنا:
إمامة الظلم: البوليس أو العسكري
درفون: الشافع

[سمراء]

ما هو عشان الواحد براهو محومر فـ مخودر دي يا اللخت إلا تشوفي ليها واحد مِكوفِر ...
اها مِكوفر دي زي السمعتها .. فحبيت ادخلا ليكم في جملة فإذا ظبطت معاي يبقى ما محومر المرة دي ؟؟؟
:D


ماظبطت معاك ! فان تكون محومر او مخودر اعتقد بانها ستكون اجمل من (مجوعّـــــر :D)
ثم ما ادراك مامجوعّر looool
ماتخلينا نقوم (نشوعّر )ساى

[أشتر]

سلام للجميع .... عندي حاجات أخلصها و بجي راجع لكن هاكم ديل لمن نجي علي مهلنا و نشوف كلام أهلنا:
إمامة الظلم: البوليس أو العسكري
درفون: الشافع

اهلييين حافظ ..
طيب الدريعفونة تطلع شنو ؟؟؟

[أشتر]

ماظبطت معاك ! فان تكون محومر او مخودر اعتقد بانها ستكون اجمل من (مجوعّـــــر :D)
ثم ما ادراك مامجوعّر looool
ماتخلينا نقوم (نشوعّر )ساى

ياخ الجعير الجعرناهو فيكن شوية ؟؟؟
بلا جعيرنا دا ماف شي خلانا مكوفرين :D:D
اها كدا ظبطت ؟؟؟

[سمراء]

ياخ الجعير الجعرناهو فيكن شوية ؟؟؟
بلا جعيرنا دا ماف شي خلانا مكوفرين :D:D
اها كدا ظبطت ؟؟؟



ماشوية والله !! عاد الزمة دى حااااارة ولازم نمرقة عشان ماندخل فى حتة(ناكرات العشير)
وهكذا نضم looool
بس كوفيركم اظنو ماكان (متخصص ):D
راجعو (شعيراتكم) كويس عشان ماتجهجهو (مشاعرنا)ساى بث looool

[أشتر]

ماشوية والله !! عاد الزمة دى حااااارة ولازم نمرقة عشان ماندخل فى حتة(ناكرات العشير)
وهكذا نضم looool
بس كوفيركم اظنو ماكان (متخصص ):D
راجعو (شعيراتكم) كويس عشان ماتجهجهو (مشاعرنا)ساى بث looool

حرفين بس بره الموضوع طوالي تفتلو ...
نرجع لمحور حديثنا إذن

[أشتر]

عمن أول : :D

[عكــود]

البوست ده من أول أول عمن أول بادي ولليلي ما قضينا غردنا فيهو

فوق مع التحية للجميع

[فيصل سعد]

البوست ده من أول أول عمن أول بادي ولليلي ما قضينا غردنا فيهو

فوق مع التحية للجميع

حبابك آعمدة و ماك طيب ،،
و سبحان من يحي الظام
و هي رميم :D:D:D

و لك ما لك من كلو !!!

[أشتر]

البوست ده من أول أول عمن أول بادي ولليلي ما قضينا غردنا فيهو
:D:D الأول مشترك ؟؟؟

أعتقد عمن أول براها تكفي ...

غردك مقضي .. سَمْ :D

[أشتر]

حبابك آعمدة و ماك طيب ،،
و سبحان من يحي الظام
و هي رميم :D:D:D

و لك ما لك من كلو !!!

يعني شنو فاتح لينا كدا ؟؟؟
تغيت ولّ لقيت ..

[فيصل سعد]

يعني شنو فاتح لينا كدا ؟؟؟
تغيت ولّ لقيت ..


سلام يا لالوب هوانا و تمربون
محبتنا، ما فاتح ليك لكن مجليك
شوية بسبب درشة و لخمة و هكذا
لوجستيات عابرة ،، لقيت حنانكم
و تقيت خصامكم و بالجمبتين اعكس
بتصل لنفس القسمة :D:D اها ما
نويت الحج عشان نوصيك و كدا ..
الى ان تروق السحب و تصفى
الغيوم،، خليك قريب و سلم و اسلم،،
و اخوي ان شاء الله لي تسلم ..

[أشتر]

ما فاتح ليك لكن مجليك
شوية بسبب درشة و لخمة و هكذا
لوجستيات عابرة ،،

سمح التّجِلي في لحظة تَجلي ...
وكعب التّجِلي في لحظة تجني ...

[فتحي مسعد حنفي]

حرفين بس بره الموضوع طوالي تفتلو ...
نرجع لمحور حديثنا إذن




الحرف الأول ياء والتاني......أقول ولا مافي داعي عشان ما أجيب ليك مشكلةgooodgooodgoood

[أشتر]

الحرف الأول ياء والتاني......أقول ولا مافي داعي عشان ما أجيب ليك مشكلةgooodgooodgoood

هي ذاتا فيها غلط املائي ..
قصدي (حريفين) في الفتل ;):
دايرني أكتبا ليك حريفون يعني looool

[فتحي مسعد حنفي]

هي ذاتا فيها غلط املائي ..
قصدي (حريفين) في الفتل ;):
دايرني أكتبا ليك حريفون يعني looool






المشاركة الأصلية كتبت بواسطة سمراء
ماشوية والله !! عاد الزمة دى حااااارة ولازم نمرقة عشان ماندخل فى حتة(ناكرات العشير)
وهكذا نضم
بس كوفيركم اظنو ماكان (متخصص )
راجعو (شعيراتكم) كويس عشان ماتجهجهو (مشاعرنا)ساى بث

حرفين بس بره الموضوع طوالي تفتلو ...
نرجع لمحور حديثنا إذن


أها أكتر من كدا ما بقدر أقول حاجة...

[طارق الحسن محمد]

هي ذاتا فيها غلط املائي ..
قصدي (حريفين) في الفتل ;):
دايرني أكتبا ليك حريفون يعني looool




لقيتك ( حريفون )

:D

[أشتر]

لقيتك ( حريفون )

:D
بل مجرد زغبير ...

[أشتر]

يعني شنو الكنداكة ؟؟
هل هي الكان داكا .. ولّ الكان دا ..
ولّ الكان زمان ... ولّ كانديك ;)

[جيجي]

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282724#post282724)
يعني شنو الكنداكة ؟؟
هل هي الكان داكا .. ولّ الكان دا ..
ولّ الكان زمان ... ولّ كانديك ;)





كلهم مع بعض:D

[أشتر]

اقتباس:
كلهم مع بعض:D

متأكدة ؟؟؟
يعني ما آخر واحد ؟؟؟ ;)looool

[جيجي]

المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282735#post282735)
متأكدة ؟؟؟
يعني ما آخر واحد ؟؟؟ ;)looool




يعني الكااان داك الجاية من تكنديك وكنديك
االتكندك خشمي:D

[شبارقة]

المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282724#post282724)
يعني شنو الكنداكة ؟؟
هل هي الكان داكا .. ولّ الكان دا ..
ولّ الكان زمان ... ولّ كانديك ;)


سلامات يا ود أبو عاقلة ... مشتاقون وكده

قال ليها : وشك المكبوت مكندك سمسونايتك زمزمية

الكندكة هي كتـّيح التراب أو الكتـّاحة عموما ً ... أما كنداكة فسمعت أنها لقب ملوكي لملكات مملكة مروي التاريخية.

والله أعلم،،،

[أشتر]

يعني الكااان داك الجاية من تكنديك وكنديك
االتكندك خشمي:D
قصدك الترابة دي في خشمك موش looool...
طيب ليه سف التراب ربطو بالندم ؟؟؟

[أشتر]

سلامات يا ود أبو عاقلة ... مشتاقون وكده

قال ليها : وشك المكبوت مكندك سمسونايتك زمزمية

الكندكة هي كتـّيح التراب أو الكتـّاحة عموما ً ... أما كنداكة فسمعت أنها لقب ملوكي لملكات مملكة مروي التاريخية.

والله أعلم،،،
اوووووو أبو الشا ... بعد مشتاقين وكدا ...
قتا أخليك براحتك نشوف نهايتك شنو ...
كلامك دا يا اللخو كلام تقوقل سااااي :D

اها هاك ليو ...
أماني ريناس داخلة في الموضوع ...
الكنداكة .. الرمز التاريخي للمرأة السودانية
عبدالله حنقة

لا شك ان كلمة(الكنداكة) يكتنفها الكثير من الالتباس في أذهان الكثيرين، ولعل ذلك ناتج عن بعد المسافة التاريخية التي تفصل ما بين عصرنا الراهن وذلك العصر البعيد الذي كانت تحمل فيه الكلمة مدلولها الملوكي، بل حتى ان المعاصرين لذلك العصر من الأجانب كان يلتبس عليهم معنى الكلمة حيث كان الرومان، على سبيل المثال، يعتقدون ان الكلمة هي اسم للعديد من ملكات مروي، ويعتقد كثير من المؤرخين بان الكلمة هي أصل الاسم الأوربي المؤنث (كانديس).

والواقع التاريخي يقول ان الكلمة -من غير (أل) التعريف العربية - كانت لقباً ملوكياً لاثنتين من أعظم ملكات مملكة مروي التاريخية العظيمة التي أصبحت آثارها اليوم من ضمن منظومة التراث الإنساني العالمي التي ترعاها منظمة اليونسكو، ولا يزال الغموض يكتنف طبيعة العلاقة الأسرية بين الملكتين مع التأكيد على انها قرابة من الدرجة الأولى.

والملكة الأولى هي الكنداكة أماني ريناس أو (أماني رينا)، وقد ولدت فى العام 40 قبل الميلاد وتوفيت في عام 10 قبل الميلاد، وكانت زوجة للملك المروي تريتكاس وخلفته على العرش بعد وفاته، وأطلق عليها لقب (كنداكة) عندما كانت زوجة أولي للملك وذلك على ما جرت عليه العادة في مملكة مروي، ولكن اللقب اكتسب في عهدها معنى جديداً هو اقرب الى وصف (الملكة العظيمة)، وقد كانت بحق أعظم الملكات فى تاريخ مملكة مروي العريقة بل انها تصدت لمملكة من أعظم الممالك آنذاك إذ أمرت جيشها بمهاجمة سيني(أسوان القديمة) في عام (24 ق.م) وذلك عندما قام الرومان بغزو مصر وإخضاعها لحكمهم، وقد اغضب ذلك الهجوم الرومان فأرسلوا حملة انتقامية وصلت الى مدينة(نبتة) عاصمة مملكة مروي والتي كان تعد مدينة مقدسة ولا تذكر مصادر التاريخ المتاحة شيئاً عن مجريات تلك الحرب التي يدعي كل من الكوشيين والرومان ان النصر كان حليفه فيها، ولكن المعروف ان الحرب قد أسفرت عن عقد اتفاقية سلام لم يعد بعدها الرومان مطلقاً لمهاجمة المملكة الكوشية.

ويبدو ان الرومان قد رأوا الملكة أماني ريناس رؤية العين حيث كتب مؤرخهم(سترابو) ان الملكة كانت(مسترجلة للغاية)، وهو وصف يتوافق مع مظهر الاسترجال والقوة البدنية الذي تعكسه مناظر ملكات مروي العظيمات والتي يمكن مشاهدتها على جدران معابدهن ومدافنهن.

ويرجح المؤرخون ان الهرم رقم 21 بالجبانة الشمالية(مروي - البجراوية) هو مدفن الملكة أماني ريناس، وان رسم السيدة الجالسة المنقوش على جدران المصلى هو لها وان كانت المقبرة لم تفصح عن ذلك بالطرق التقليدية التي كانت سائدة.

أما الكنداكة الثانية التي اعتلت عرش مروي بعد وفاة الملكة أماني ريناس فهى الملكة أماني شاخيتي، وكما ذكرنا يختلف المؤرخون حول صلة القرابة بين الملكتين، فإما ان الثانية هي ابنة الأولي أو أختها، ويذهب بعضهم الى انها الزوجة الثانية للملك تريكتاس، وأياً كان الأمر فهى من أكثر حكام مروى قوى وثراءً، وقد شيدت القصر والمعابد التي توجد إطلالها حالياً في ود بانقا، وكان مدفنها في البجراوية هرماً من اكبر الأهرامات التي بنيت عموماً في البجراوية وله 64 عتبة ويبلغ ارتفاعه 28 متراً، وقد اكتشفه الطبيب الايطالي جيوسيبي فرليني عام 1934م والذي كان طبيباً في جيش محمد على الغازي، وأثناء تفكيكه للهرم عثر فرليني في داخل تجويف الجدار الشرقي على علبة مجوهرات تعود للملكة نفسها. ومن هذا القليل عن هاتين الملكتين العظيمتين لا يدهشنا ان تفتخر المرأة السودانية المعاصرة بهذا التاريخ وتحتفي به في تظاهرة ثقافية كبيرة تحت مسمى مهرجان البجراوية الثقافي وذلك خلال احتفالية الخرطوم عاصمة للثقافة العربية للعام 2005م، والحق ان تاريخ هاتين الملكتين هو الذي جعل كلمة(الكنداكة) تحتل هذا المكان المرموق في ماضينا وحاضرنا

[جيجي]

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282870#post282870)
قصدك الترابة دي في خشمك موش looool...
طيب ليه سف التراب ربطو بالندم ؟؟؟





لانه الدهشة او الصدمة بتخلي الزول يفتح خشمه
ويقوم التراب يخش
هههههههههههههههههه

[شبارقة]

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282877#post282877)

قتا أخليك براحتك نشوف نهايتك شنو ...
كلامك دا يا اللخو كلام تقوقل سااااي :D




صدقني ياود أبو عاقلة أنا ما قاعد أقوقل كلامنا العامي ده لأنو أصلا ً قوقل ما بيعرفو

مكندك معناها مكتح بالتراب إذا ً كنداكة ممكن تكون كتاحة

لكن خلف الله حمد لما غنى الكنداكة كان بيقصد شنو؟

[فتحي مسعد حنفي]

أنا بقترح نسأل كانديك وأبو أماني عشان عندهم علاقة مباشرة بالاسم وممكن يورونا الاجابة الصح..لكن أنا برضو عندي سؤال نبع من قوقل أشتر..ليه الملكتين كان اسمهن أماني وهل أماني معناها ملكة؟؟؟؟؟؟
عموما الكنداكة في العامية هي الهبوب المصحوبة بالتراب الكثيف ومقصود بيها رياح الخماسين..

[شبارقة]

المشاركة الأصلية كتبت بواسطة شبارقة http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282914#post282914)
مكندك معناها مكتح بالتراب إذا ً كنداكة ممكن تكون كتاحة





المشاركة الأصلية كتبت بواسطة فتحي مسعد حنفي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282971#post282971)

عموما الكنداكة في العامية هي الهبوب المصحوبة بالتراب الكثيف ومقصود بيها رياح الخماسين..





إذا ً إتفقنا يا خواجة في تعريف الكنداكة ... لكن في أغنية حماسية تراثية ومعروفة هل كانت تتحدث عن الهبوب والكتاحة ؟

[أشتر]

اقتباس:




لانه الدهشة او الصدمة بتخلي الزول يفتح خشمه
ويقوم التراب يخش
هههههههههههههههههه
بالله !! ؟؟ looool
دا خشم ولّ باب قراش !!!!!
يا جيجي بالله عليك تبطلي الحركات دي وما تخلينا نندهش فيك ساي ;)looool

[أشتر]

اقتباس:




صدقني ياود أبو عاقلة أنا ما قاعد أقوقل كلامنا العامي ده لأنو أصلا ً قوقل ما بيعرفو
غايتو (أم بُقْ بُقْ :D) بتاعتك ديك كانت مبالغة ولسه أصداها أبترن
مكندك معناها مكتح بالتراب إذا ً كنداكة ممكن تكون كتاحة
كتاحة دا ياخ عندو معاهو عشق خاص والله ...
لكن خلف الله حمد لما غنى الكنداكة كان بيقصد شنو؟
الكنداكة سيدي سيدي الأراكَ ...
مااااا هو دا الجنن تفاكيرنا وخلانا نسألكم يا سيد المعلمين :p!!!

[أشتر]

أنا بقترح نسأل كانديك وأبو أماني عشان عندهم علاقة مباشرة بالاسم وممكن يورونا الاجابة الصح..لكن أنا برضو عندي سؤال نبع من قوقل أشتر..ليه الملكتين كان اسمهن أماني وهل أماني معناها ملكة؟؟؟؟؟؟
عموما الكنداكة في العامية هي الهبوب المصحوبة بالتراب الكثيف ومقصود بيها رياح الخماسين..
والله يا برنس كلامك أقرب للمنطق والدليل الحتة دي ..
فإما ان الثانية هي ابنة الأولي أو أختها
فلو بتّها أو اختها ما بحملو نفس الاسم موش كدا ..
معاي في الحتة دي ولّ أنا مزمبع ...
وشكرن ...
بالمناسبة ..
مشتاقين خالص الضرائب
وضرائب جمع ضربة ومفردها ضِريبة طبعن :D
اها يقولون يضربك الضريب ...
فما هو الضريب ؟؟؟
سؤال وجيه جدن جدن ومنكم نستفيد ...

[شبارقة]

المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282724#post282724)
يعني شنو الكنداكة ؟؟
هل هي الكان داكا




نعم هي الكان داكا ... كما أشار عمنا قوقل :)

أغنية الكنداكة ليس لها شاعر السبب في وجودها المرحوم (صديق مضوي)، كان يتواجد في مسيد ام ضوا ًبان شخص يقال انه مريض نفسيا يساله صديق مضوي كلما التقى به في المسيد ويقول له :انت شيخك ياتو فيهم فيقول له : كان ده كان داكة فيغني له صديق مضوي في شكل هظار او لعب : كان ده كان داكة سيدي سيد اللراكة الى ان سارت اغنية تغنى بها الفنان الشعبي الكبير (خلف الله حمد )

[شبارقة]

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283097#post283097)
اها يقولون يضربك الضريب ...
فما هو الضريب ؟؟؟
سؤال وجيه جدن جدن ومنكم نستفيد ...




طبعا ً هي دعوة من دعا بناتنا في الضهاري : يضربك الضريب شقـّاق العناقريب ... إذا الضريب يكون شنو ؟ :)

[شبارقة]

المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283092#post283092)
غايتو (أم بُقْ بُقْ :D) بتاعتك ديك كانت مبالغة ولسه أصداها أبترن



:)

سمعتها قبل فترة في تلفزيون السودان (أعتقد برنامج دنيا) ضحكتا وإتذكرتك طوالي ... أم بقبق دي كلمة قوية يأخي .. تملأ الخشم :D

[أشتر]

نعم هي الكان داكا ... كما أشار عمنا قوقل :)

[COLOR=#000080][FONT=Times New Roman]

وسيد اللراكة منو ؟؟
ويعني شنو اللراكة ؟؟؟
هل هي شدرة الأراك ولّ حاجة تانية ..
وشكرن شبارقة ..

[أشتر]

اقتباس:



طبعا ً هي دعوة من دعا بناتنا في الضهاري : يضربك الضريب شقـّاق العناقريب ... إذا الضريب يكون شنو ؟ :)
خليك من الضريب .. شقّاق العناقريب ذاااتو يطلع شنو ؟؟؟
غايتو انا سمعتا بالناس البكسرو العناقريب رحمة الله عليهم أجمعين ;) لكن شقّاق دي يطرشني فيها ..
إتا يا شبارقة فاكرني شنو :D:D
والله يا ريت الواحد يطلع شقّاق ...
قبل تشقنا المغسة !!!

[أشتر]

:)

سمعتها قبل فترة في تلفزيون السودان (أعتقد برنامج دنيا) ضحكتا وإتذكرتك طوالي ... أم بقبق دي كلمة قوية يأخي .. تملأ الخشم :D
علي باليمين نفس الشعور والله ونفس الآكشن حصل ..
لكن .. في اذاعة البيت السوداني ...

[جيجي]

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283242#post283242)
وسيد اللراكة منو ؟؟
ويعني شنو اللراكة ؟؟؟
هل هي شدرة الأراك ولّ حاجة تانية ..
وشكرن شبارقة ..




سيد الطاحونة

[أشتر]

اقتباس:



سيد الطاحونة
يطحنوك يا شيخة حية :D;)

[همس الشوق]

يا حليل البوست دا

كان لينا فيهو غرام :D

[جيجي]

اقتباس:

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283256#post283256)
يطحنوك يا شيخة حية


:D;)




يازول كلامي صاح ومصرة عليه
يازول انا مطحونة ومعجونة
بس اعمل حسابك امشي على العجين ماتلخبطوش:)

[أشتر]

يا حليل البوست دا

كان لينا فيهو غرام :D
وأماني ...
ريناس :D

[همس الشوق]

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283265#post283265)
وأماني ...
ريناس :D




واماني ريناس دي منو
ما عرفتها
اشتر ياخ مشتاقين
كدا كويس؟;)

[أشتر]

اقتباس:

اقتباس:


:D;)




يازول كلامي صاح ومصرة عليه
يازول انا مطحونة ومعجونة
بس اعمل حسابك امشي على العجين ماتلخبطوش:)
ألخك كدا :D
تقولي لخاني ومشى خلاني !!!

[أشتر]

اقتباس:
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283265#post283265)
وأماني ...
ريناس :D




واماني ريناس دي منو
ما عرفتها
اشتر ياخ مشتاقين
كدا كويس؟;)
دا عيب (تُولوب) ومقصاتكم العجيبة دي !!!!
ارجعي صفحة ورا بتعرفي أماني ..
قالت لي غرام قالت !!!!
غرام مع أم بُقْ بُق دي كيفنو هعهعهعه

[فيصل سعد]

الاعزاء

شبارقة
اشتر
همس الشوق
جيجي
فتحي
سمراء
طارق


لكم التحايا و الود و التقدير
و ماكم طيبين ..

[شبارقة]

المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283245#post283245)

خليك من الضريب .. شقّاق العناقريب ذاااتو يطلع شنو ؟؟؟



الضريب : جايه من الضرب كما هو واضح من الكلمة ... كان هناك مرض خطير جدا ً يمسك عضلات الضهر والكرعين والزول ما يقدر يتحرك بتاتا ً زي الضاربنو بكل عكاكيز الدنيا (وعشان كده سموهو الضريب تشبها ً بعملية الضرب) وكان المريض لا يستطيع الجلوس أو أن يقيف على حيلو كلو كلو ويكون راقد على ضهرو بس ... ولذلك بيعملو ليهو فتحة أو شق في العنقريب حتى يستطيع قضاء حاجته.

عفانا الله وحماكم ...والله أعلم

[فيصل سعد]

اقتباس:
المشاركة الأصلية كتبت بواسطة همس الشوق http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283260#post283260)
يا حليل البوست دا


كان لينا فيهو غرام :D




الله يعودوا
قولي آمين ..

[أشتر]

الاعزاء

شبارقة
اشتر
همس الشوق
جيجي
فتحي
سمراء
طارق


لكم التحايا و الود و التقدير
و ماكم طيبين ..

ماكو عوجة تب يا اللخو ..

[بدور التركي]

اقتباس:
المشاركة الأصلية كتبت بواسطة شبارقة http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283275#post283275)
المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283245#post283245)



الضريب : جايه من الضرب كما هو واضح من الكلمة ... كان هناك مرض خطير جدا ً يمسك عضلات الضهر والكرعين والزول ما يقدر يتحرك بتاتا ً زي الضاربنو بكل عكاكيز الدنيا (وعشان كده سموهو الضريب تشبها ً بعملية الضرب) وكان المريض لا يستطيع الجلوس أو أن يقيف على حيلو كلو كلو ويكون راقد على ضهرو بس ... ولذلك بيعملو ليهو فتحة أو شق في العنقريب حتى يستطيع قضاء حاجته.

عفانا الله وحماكم ...والله أعلم



سلام يشرح الخاطر للجميع

أعتقد يا شبارقة
الضريب هو القشف والتشقق الناتج عن البرد

ضربك الضريب كسار العناقريب
العنقريب بتشقق في موسم البرد الحلو:D
لما يخش العظم;)

والله أعلم

[جيجي]

اقتباس:
المشاركة الأصلية كتبت بواسطة فيصل سعد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283273#post283273)
الاعزاء



شبارقة
اشتر
همس الشوق
جيجي
فتحي
سمراء
طارق


لكم التحايا و الود و التقدير
و ماكم طيبين ..





تحياتنا ياجميل
ومودتي

[أشتر]

المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283245#post283245)



الضريب : جايه من الضرب كما هو واضح من الكلمة ... كان هناك مرض خطير جدا ً يمسك عضلات الضهر والكرعين والزول ما يقدر يتحرك بتاتا ً زي الضاربنو بكل عكاكيز الدنيا (وعشان كده سموهو الضريب تشبها ً بعملية الضرب) وكان المريض لا يستطيع الجلوس أو أن يقيف على حيلو كلو كلو ويكون راقد على ضهرو بس ... ولذلك بيعملو ليهو فتحة أو شق في العنقريب حتى يستطيع قضاء حاجته.

عفانا الله وحماكم ...والله أعلم
حالتي قتا العملية وكت جابت ليها ضِرّيب وشِقيق معناتو فيها كِسّير ...
اتاري في حاجات تانية بتنكسر ...
نحمدو ونشكر فضلو ..
شكرا ابو الشا

[شبارقة]

زماااان كانوا بيقولو لينا : طوييييل وما بلحق الكعكول ... ده شنو ؟

ولما ما نعرف الإجابة كانوا بيقولو لينا ده : الدرب .

خلونا من الدرب الطويل ده ... الكعكول شنو؟

[شبارقة]

المشاركة الأصلية كتبت بواسطة فيصل سعد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283273#post283273)
لكم التحايا و الود و التقدير


ليك وحشة يا حبـّوب ... إشتقنا ليك شوق السحابة في جوف الشتاء وعطشانة تحلم بالخريف.

[فتحي مسعد حنفي]

زماااان كانوا بيقولو لينا : طوييييل وما بلحق الكعكول ... ده شنو ؟

ولما ما نعرف الإجابة كانوا بيقولو لينا ده : الدرب .

خلونا من الدرب الطويل ده ... الكعكول شنو؟


الكعكول هو الكتلة المجمعة من الثمار مثل كعكول الصمغ ان جاز هذا القول فالصمغ ليس ثمرة ولكنه نزف لحي الشجرة ولكنه عندما يتجمع يكون كعكول..

[شبارقة]

المشاركة الأصلية كتبت بواسطة بدور التركي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283279#post283279)
أعتقد يا شبارقة
الضريب هو القشف والتشقق الناتج عن البرد

ضربك الضريب كسار العناقريب
العنقريب بتشقق في موسم البرد الحلو:D
لما يخش العظم;)

والله أعلم




:D:D

التشقق الناتج من البرد الجاف عندنا حاجة عادية جدا ً ... حتى النسوان بتلقي كرعينهن مشققات وبرضو عادي ... يعني ما حاجة خطيرة ويخافو منها عشان تصبح مثل :)

[شبارقة]

المشاركة الأصلية كتبت بواسطة فتحي مسعد حنفي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283292#post283292)
الكعكول هو الكتلة المجمعة من الثمار مثل كعكول الصمغ..



إجابة صحيحة 100 % يا خواجة ... وجائزتك موجودة مع فيصل سعد أو ود أبو عاقلة :)

[فيصل سعد]

اقتباس:
المشاركة الأصلية كتبت بواسطة شبارقة http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283296#post283296)
إجابة صحيحة 100 % يا خواجة ... وجائزتك موجودة مع فيصل سعد أو ود أبو عاقلة :)



سجل في النوتة يا حبيب :D:D
هسي النوتة دي ما مصطلح !!

[جيجي]

اقتباس:
المشاركة الأصلية كتبت بواسطة شبارقة http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283296#post283296)
إجابة صحيحة 100 % يا خواجة ... وجائزتك موجودة مع فيصل سعد أو ود أبو عاقلة :)




وطيب كيف يعني مابتلحقوا
وكيف طويل ومابتلحقوا

[شبارقة]

المشاركة الأصلية كتبت بواسطة أشتر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283284#post283284)
حالتي قتا العملية وكت جابت ليها ضِرّيب وشِقيق معناتو فيها كِسّير ...



أنا زمان كنت مفتكر الضريب هو أبو فرار (مرض السحائي) ... الفرار بيكسـِّر عضام الناس ... وبيكسـِّر العناقريب كمان .

[شبارقة]

المشاركة الأصلية كتبت بواسطة جيجي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283300#post283300)
وكيف طويل ومابتلحقوا




يعني الدرب مهما بلغ طولو ... برضو ما ح يقدر يلحق لينا كعكول الصمغ وإن طال الزمن.

[أشتر]

ليس ثمرة ولكنه نزف لحي الشجرة .
لحي يا كبير ؟؟؟ :mad:
الحي الله والكاتل صناعة فرنسية looool
واهديك المقطع الجايي ولشبارقة وجيجي اهديهم عيوني عشان استريح ..
يا بوي ياخ قال
فى لحا الأشجار كتبتو نحتو فى صم الحجارة ...
ويااا همس الشوق .. تعالي وتعالي وتعااااالي :goood

[فتحي مسعد حنفي]

لحي يا كبير ؟؟؟ :mad:
الحي الله والكاتل صناعة فرنسية looool
واهديك المقطع الجايي ولشبارقة وجيجي اهديهم عيوني عشان استريح ..
يا بوي ياخ قال
فى لحا الأشجار كتبتو نحتو فى صم الحجارة ...
ويااا همس الشوق .. تعالي وتعالي وتعااااالي :goood




لحاء عشان ما تزعل;):D

[فتحي مسعد حنفي]

حالتي قتا العملية وكت جابت ليها ضِرّيب وشِقيق معناتو فيها كِسّير ...
اتاري في حاجات تانية بتنكسر ...
نحمدو ونشكر فضلو ..
شكرا ابو الشا




تعرف يا أشتر المثل كان في الأصل الضريب بكسر وتشديد الراء شداد العناقريب مش شقاق العناقريب.ودا الزول البفتل الحبال وبقوم يضربا وهي لينة عشان ما تفك وكان الزول البفتل الحبال دا هو نفسو البشد العناقريب..مع مر الأيام قاموا حبوباتنا ختفو الكلام ونطقوهو غلط زي ما بنسمعو هسة وزي ما حبوبتي الله يرحما بتقول علي البامبرز بمبظ وزي ما بتقول علي اللصاق العريض شطرطون..

[أشتر]

لحاء عشان ما تزعل;):D
شكرن لعدم زعلك looool

[أشتر]

تعرف يا أشتر المثل كان في الأصل الضريب بكسر وتشديد الراء شداد العناقريب مش شقاق العناقريب.ودا الزول البفتل الحبال وبقوم يضربا وهي لينة عشان ما تفك وكان الزول البفتل الحبال دا هو نفسو البشد العناقريب..مع مر الأيام قاموا حبوباتنا ختفو الكلام ونطقوهو غلط زي ما بنسمعو هسة وزي ما حبوبتي الله يرحما بتقول علي البامبرز بمبظ وزي ما بتقول علي اللصاق العريض شطرطون..
يعني بقيت تألف ؟؟؟ !!!!!
حسنا ..
إتا عارف شدّاد العناقريب منو ؟؟؟

[فتحي مسعد حنفي]

يعني بقيت تألف ؟؟؟ !!!!!
حسنا ..
إتا عارف شدّاد العناقريب منو ؟؟؟




مش ياهو الفي الحلة داك ولامن تخبط بجي يفتح الباب:confused::confused:
أنا غايتو بعرف واحد اسمو عبدالله كو..ياخ كويس أنا بقيت أألف في الأمثال ..في ناس ألفو في تفسير القرآن:D:D

[أشتر]

مش ياهو الفي الحلة داك ولامن تخبط بجي يفتح الباب:confused::confused:
جنس تخبط !!! لامن يخبّت بمشي أفتح قول ;)
ابدا والله إجابتك غلط ...

[mautamad]

الكنيزر

[فتحي مسعد حنفي]

الكنيزر



انجليزي دا يامرسي:confused::confused::confused:

[شبارقة]

المشاركة الأصلية كتبت بواسطة mautamad http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283890#post283890)
الكنيزر



حبابك يا معتمد ...

لا أعرف أصل الكلمة ولكني سمعتها عند البنائيين وسألتهم عنها فعرفت أنهم يقصدون بها جزء من الطوبة الحمراء (ممكن تقول ربع الطوبة)... والله أعلم ,,,

[أشتر]

حبابك يا معتمد ...

لا أعرف أصل الكلمة ولكني سمعتها عند البنائيين وسألتهم عنها فعرفت أنهم يقصدون بها جزء من الطوبة الحمراء (ممكن تقول ربع الطوبة)... والله أعلم ,,,


هو ربع الطوبة يا ابو الشا
ذاكرتك فنيخت ولّ شنو ؟؟؟
قلتها ليكم قبل كدا هنا

المهم عندي حاليا شنو ؟؟؟
سمعت واحد يقول لصاحبو جيب سجارة يقوم يقول ليهو الساجور العاصي ؟؟؟
وناس تقول ساجوري إتفكه
ممكن أعرف الساجور بالضبط شنو ؟؟؟
استخدمتها قبيل وجات في وكتها ...
مرات بنكتب ساي غايتو بدون ما نعرف المعني الحقيقي ...
نسمع الناس يقولو كدا نقول زيهم وخلاص ..

[عكــود]

سلام أشتر والأخوان،

الساجور يا أشتر أعتقد هو العارِض أو سوء الطالع.
بس أصل الكلمة جايي من وين . .

الله أعلم.

[أشتر]

سلام أشتر والأخوان،

الساجور يا أشتر أعتقد هو العارِض أو سوء الطالع.
بس أصل الكلمة جايي من وين . .

الله أعلم.

اوووووووو عكود طيبين وشديدين ما عندنا عوجة تب
انا ذاتي كتبتها على هذا الأساس ولكن !!!!
يبقى عندي سؤال :
لماذا تنمحي دوما بداخل دفتر الألحان أحن مقاطع الغنية ؟؟؟
مع تحيات elle :D

[شبارقة]

ممكن أعرف الساجور بالضبط شنو ؟؟؟



الساجور يا أشتر أعتقد هو العارِض أو سوء الطالع.
بس أصل الكلمة جايي من وين . .

الله أعلم.

سلام يا شباب

فعلا ً يا عكود نقصد بالساجور العارض أو سوء الطالع ... وطبعا ً كما أسلفنا سابقا ً زي الكلام ده ما عندو أصل حقيقي (الزول يسمع ليهو كلمة يقوم يركـِبـّا في غير محلا وتمشي الحكاية) ... زمان درسونا في المدارس بأن الساجور هو إسم لأحد الأنهار فما علاقة هذا الإسم بسوء الطالع .... ويقولو ليك فلان ده ماشي معاهو (عطية) وعطية برضو كناية عن سوء الطالع .... فتحور إسم ومعنى كلمة عطية (الجميل) إلى معنى من معاني التشاؤم وسوء الطالع.... نحن شعب عجيب ياخ :)

[شبارقة]

مرات بنكتب ساي غايتو بدون ما نعرف المعني الحقيقي ...
نسمع الناس يقولو كدا نقول زيهم وخلاص ..

بالطريقة دي يوم ح تلقى نفسك دخلت في أماكن ضيقة ... ولمن يزنقوك ما ح تلقى البخارجك ... إلا تقعد تبـلـِّع في ريقك :)

[أشتر]

زمان درسونا في المدارس بأن الساجور هو إسم لأحد الأنهار

مدارس وين دي وياتو سلم ؟ :D
اخوك كان مرضان جغرافيا وكدا ..
برسم خريطة العالم بوديانا وصحاريها ونخيلا ;):D يعني ممكن تقول مِقدِّدة (دُولْ)...
يوم واحد ما لاقاني نهر اسمو الساجور ...
غايتو الا يكون نهر موسمي ماري بعندكم !!!

[أشتر]

بالطريقة دي يوم ح تلقى نفسك دخلت في أماكن ضيقة ... ولمن يزنقوك ما ح تلقى البخارجك ... إلا تقعد تبـلـِّع في ريقك :)
اللببلّع ريقو دا كان ما نشّف ريق غيرو ما بتبلع لينا :D

[عبده سعد]

القُشُوق * هو فرملة اليد فى الساقية وهو عود يعطل دوران الحلقة الصغيرة بالساقية .
الاسلاج * عود يوضع على كتف الأبقارللحرث .
التميمة * حبل صغير مابين رجل البهيمة وباقى الحبل الطويل ليعطى حرية حركة (ماتتلولو) .
السندقيق * اسنان ترس كبير مصنوعة من شجر السنط فقط مركبة بمقاسات متساوية .
العُطفة *هى الدائرة الكبيرة التى تحمل قواديس الساقية .
الألس * حبل غليظ تربط عليه قواديس الساقية يسمح بغرف المياه أثناء دوران العطفة .
أمبور* حشرة صغيرة تدفن نفسها فى حفرة مخروطية وهى وسيلة لعب عند الاطفال فى القرى .
الكرورى *
كائر صغير يصتاد الديدان والنمل .
أم سكتو* هى الهدهد طائر ذهبى جميل الشكل .
الطالوش * آله خشبية تستعمل فى البياض والتزبيل .
شليل * (نخلى الشرح للأخ شليل )وينو؟؟
الكادان* نظافة الجدول من الحشائش التى تعيق مرور المياه .
المرقون * جزء صغير فى آخر البيت يفصل لأستعمالات تخزين المؤن من محاصيل متنوعة .
الدمير* عود طويل يعلق بعرش البيت وتوضع عليه ملابس ناس البيت (الدولاب الآن ).

[فيصل سعد]

مرحبا عبده سعد و حبابك مشاركا
فعالا في هذا البوست العامر بالجميع ..

[شبارقة]

... زمان درسونا في المدارس بأن الساجور هو إسم لأحد الأنهار

يوم واحد ما لاقاني نهر اسمو الساجور ...
غايتو الا يكون نهر موسمي ماري بعندكم !!!


سلام يا ود أبوعاقلة ... نحن كما تعلم لا نستعين بقوقل في مصطلحاتنا العامية ... وبما إن نهر الساجور ليس من كلامنا العامي لذا فقد إستعنت بالأخ قوقل وذلك لمزيد من المعرفة وأيضا ً لإثبات إنو نحنا قرينا في الزمن السمح ياخ ..
قوقل قال : إن نهر الساجور طوله 74 كم ينبع من تركيا ويخترق الحدود السورية في عين عزة في محافظة حلب ويسير في سوريا وينتهي النهر باندماجه مع نهر الفرات من الضفة الغربية للنهر.

المصدر:
http://ar.wikipedia.org/wiki/%D8%A7%D9%84%D8%B3%D8%A7%D8%AC%D9%88%D8%B1

[سمراء]

ناس المصطلحات جيتكم "مغرودة " والله
عترت لى كلمة امس وقدر ماقوقلتها جوة حبوبتى ...ماعرفتها "ضمُـة" !!
اها هاكم ليها اتصرفو لى فيها ..
الدمبهوك و المعتوف :confused:

[خالد الصائغ]

ناس المصطلحات جيتكم "مغرودة " والله
عترت لى كلمة امس وقدر ماقوقلتها جوة حبوبتى ...ماعرفتها "ضمُـة" !!
اها هاكم ليها اتصرفو لى فيها ..
الدمبهوك و المعتوف :confused:

سمراء تحياتي ليك و لي حبوبة

متاكدة إنو الدمبهوك و الملتوف ديل من إندنا ما لسانن كتر :D:D

[أشتر]

ناس المصطلحات جيتكم "مغرودة " والله
عترت لى كلمة امس وقدر ماقوقلتها جوة حبوبتى ...ماعرفتها "ضمُـة" !!
اها هاكم ليها اتصرفو لى فيها ..
الدمبهوك و المعتوف :confused:
هو عليك الله حبوبتك (طوّل الله عمرها) ما عرفتن ...
جايه ومغرودة كمان تفتشي عليها هنا ...
لو شبارقة لبد انسي الموضوع ...

لكن احتياطي كدا الدمبهوك ومعتوف ديل اسماء لقرى جنوب النيل الأبيض ... أو جنوب كردفان ...
بتكون في قرى بالاسماء دي طالما عندنا اربعة وعشرين القرشي وحنبكت ...
واسماء تانية ما بقدر أقولا !!!!!!!!

[شبارقة]

لكن احتياطي كدا الدمبهوك ومعتوف ديل اسماء لقرى جنوب النيل الأبيض ... أو جنوب كردفان ...


سلام يا سمراء وعوافي يا ود أبوعاقلة

الدمبهوك والمعتوف (لم أسمع بهما من قبل) يمكن يكونوا كلمات في لهجة محلية وغالبا ً من شرق السودان.

الدمبهوك ومعتوف ديل اسماء لقرى جنوب النيل الأبيض ... أو جنوب كردفان ...


:D مافي قرى بالأسماء دي ... تنجروا ساااي :)
هناك معتوق بمنطقة المناقل .

والله أعلم ،،،

[سمراء]

العزيز شبارقة
كل التحايا ليك وللغالية الغائبة وللحبائب

بالنسبة للمعتوف عرفتة انها تعنى ....الزول المافوقو فائدة او زول اهبل ساى
اما الدمبهوك ...تعنى زول فارغ وفاضى ومابفهم :D

ده تأكد لى انو الزول السمعتو بردد فى العبارات دى كان بنبذ فى زول ماخلى ليهو صفحه يرقد عليها :D

لانو قالت ليها ، يازولة ها تعرسى لى شنو ؟ ده زول معتوف ودمبهوك ساى بس :D:D

التحية لكل من حاول ....اشتر وخالد الصائغ نموزجن

[همس الشوق]

اللهم كفين شر الراجل المعتوف والدمبهول ساي

سماره إزيك

[أشتر]

سلام يا سمراء وعوافي يا ود أبوعاقلة

الدمبهوك والمعتوف (لم أسمع بهما من قبل) يمكن يكونوا كلمات في لهجة محلية وغالبا ً من شرق السودان.

اقوم اجيب ليك دي من شرق السودان ...
قالا واحد معانا هنا من عطبرة قبل يومين ...
قال لي بتعرف الشاكوين ...
قتا ليو الشاكوين فؤادي ؟؟؟
بعد تحانيس حتى وراني معناها ..

[أشتر]

اللهم كفين شر الراجل المعتوف والدمبهول ساي
الدمبهول ساي ؟؟؟؟!!!!!!!!
الدمبهوك ... الدمبهووووووك قالو ليك :D

غايتو نقوم نصبّنن لأقرب كوماج في المستقبل البعيد ;)

[شبارقة]

اقوم اجيب ليك دي من شرق السودان ...
قالا واحد معانا هنا من عطبرة قبل يومين ...
قال لي بتعرف الشاكوين ...
قتا ليو الشاكوين فؤادي ؟؟؟
بعد تحانيس حتى وراني معناها ..


نوع من أنواع المسوح المحلية :)

مسوح من الودك المعطـّر

[شبارقة]

العزيز شبارقة
كل التحايا ليك وللغالية الغائبة وللحبائب
بالنسبة للمعتوف عرفتة انها تعنى ....الزول المافوقو فائدة او زول اهبل ساى
اما الدمبهوك ...تعنى زول فارغ وفاضى ومابفهم :D


سلامات يا سمراء وشكرا ً على التحايا

في بعض المناطق تنتشر بعض الكلمات (ليس لها معنى حقيقي) يقطعا واحد من رأسو ويشير بها إلى شئ معين ... وتجري على ألسنة الناس ... زي التوزة والتستوس وحمبرة و شتت وشتات وهكذا ... حاجة زي الراندوك (الراندوق) وهي كلمات محلية ولكن مع الزمن قد تنتشر وتعم مما يضر باللغة أو اللهجة الأصلية.

[أشتر]

نوع من أنواع المسوح المحلية :)

مسوح من الودك المعطـّر
معطر شنو ياخ !!!
على اليمين قال لي ريحتو تجيب الضهبان ...
عفنااااااااااا وتشمها على بعد كيلو ... لو كان لاعب الهوا ضدك طبعا ...
هو الجاب السيرة شنو غير الريحة الخايسة ...
بس
كلامك صاح .. ودك .. وفي الودك ودك الجمال ...
ما الجمال الأذانا داك ;)...

[عكــود]

سلام يا أشتر، شبارقة سمراء و
أخص خالد الصائغ بالإقتباس ده:


الكرّوق= الكُرناف = بقايا الجريد الناشف الملتصق بالنخلة ليشكّل سلّم
الكَـوَرّيق = عُقلة (فص) من القصب عندما يجف
الكوريق = مِعول لجرف التراب (يشبه الملعقة) مقبضه من الخشب ورأسه من المعدن الكَـرِّقَـة = الراكوبة
الكارديق = معول مقبضه من الخشب ورأسه مثل المشط. يكون الرأس عموديّاً مع الأرض للَمْ الحشائش والتمور وما شابه
الأربِل = يشبه الكارديق غير أنّه مصنوع من الخشب ورأسه عمودي و عريض
الواسوق = مصنوع من الخشب، عموده طويل ورأسه عريض مربوطة عليه حبال، يستخدمه شخصان لتسوية الأرض. يُمسك أحدهما العمود والآخر الحبال، ليغرس ماسك العمود التُربة ويجر الآخر الحبال
الكركجي (الجيم معطّشة) = طين الجروف اليابس
السلّوكة = عمود خشبي طرفه حاد يغرس في التربة لبذر البذور
الكاويق = الصفق الناشف للنباتات و الحشائش (اللوبيا مثلاً)
الكُوريقة = نوع من أنواع التمور، سوداء اللون مركّزة الحلاوة وتظل لينة
الكرّقة = الراكوبة
الكتِّقة = باب زريبة البهايم، يُصنع من عيدان أفقية مثبّتة على أخرى (أقوى منها) عموديّة
السمندقيقة = أحد أجزاء الساقية
تُكُم = مقعد جلوس لمن يسوق الساقية ويكون خلف التور
السبلوقة = شبه قُمع مخروطي تثبّت على السقف لتصريف مياه الأمطار
البسدّيق = قطعة قماش لدهان الدوكة و إزالة ما بها من بقايا عجين.
آرتيق = الضل البارد
آرنيق = عمود من الخشب يثبّت وسط الغرفة ليسند السقف
أرقوق = تور الساقية عندما يؤدّي المهمّة وحيداً
قَسّيبة = مبنى أسطواني لحفظ التمور والمحاصيل
قيساب = كوم المحصول
قارسيقا = قاريقا = القصبة وهي فتيّة ولم يكتمل نموّها بعد (شديدة الإخضرار، لدِنة) إستعارها الشُعراء لتشبيه محبوباتهم بها.
دانقا = البرندة أو الصالة
دونكَا = التُكل أو المطبخ
ورتاب = حزمة القصب الناشف
بُتّاب = البقايا الجافّة من أوراق المحاصيل
بُتِّق = الشجيرات الصغيرة للذرة التّي تنبت بعد حصاده
متّيق = حش الزائد من شجيرات الذرة بعد أن يكبر قليلاً، حتّى يقوى العود الأصل
نوريق = دَرس المحصول (ذرة، قمح أو فول) بحوافر الدواب لفصل الحبوب
دوليق = اللقيط اليدوي لما تساقط من حبوب المحصول بعد نوريقه وجمعه
بُقُل = الظل الحار عند بداية تكوينه (ضُل العصر مثلاً)
السارة = جانب الماء من النهر المُحازي للقيفة
دالة = المكان العميق وسط النهر

سلام يا مُحسن،
هذه التعريفات حسب بيئة الشايقيّة وهي قابلة للمراجعة، التصحيح والإضافة من قِبل الآخرين.
أدعو أسامة معاوية، أحمد طه، الزوول، عبد العظيم الطاهر وعثمان الحليبي للتداخل والتعليق.

تسلم

مداخلة في بوست مُحسن (زهرة الغَرق)

[شبارقة]

معطر شنو ياخ !!!
على اليمين قال لي ريحتو تجيب الضهبان ...
عفنااااااااااا وتشمها على بعد كيلو ... لو كان لاعب الهوا ضدك طبعا ...
هو الجاب السيرة شنو غير الريحة الخايسة ...
بس
كلامك صاح .. ودك .. وفي الودك ودك الجمال ...
ما الجمال الأذانا داك ;)...

:D:D

المهم إنو طلع نوع من أنواع الودك
سال من شعرها الودك وتدلى للحنك :)

لكن عموما ً النسوان بيضيفن حاجات للودك (بعض المعالجات الفنية) بتخلي ريحتو معقولة أقرب للكركار ... فمن باب أولى إنو الشاكوين يكون على نفس الشاكلة (وخد عندك مثلا ً الضـُفرة ريحتها لا تطاق وبالرغم من ذلك هي واحدة من مكونات الخـُمرة ) ... حبوباتنا ديل عجيبات ياخ .

[أشتر]

:D:D

المهم إنو طلع نوع من أنواع الودك
سال من شعرها الودك وتدلى للحنك :)

لكن عموما ً النسوان بيضيفن حاجات للودك (بعض المعالجات الفنية) بتخلي ريحتو معقولة أقرب للكركار ... فمن باب أولى إنو الشاكوين يكون على نفس الشاكلة (وخد عندك مثلا ً الضـُفرة ريحتها لا تطاق وبالرغم من ذلك هي واحدة من مكونات الخـُمرة ) ... حبوباتنا ديل عجيبات ياخ .

ما عجيبات ولا شتين !!!! عجيبين احنا البدفرو فينا بالضفرة :D
كان ما سااااااي العوج حاصل بخترعن لينا دعم لوجيستي كالخمرة وملحقاتها ;)...
المهم
الشاكوين بيستعملوه رجال الهدندوة دون النساء من شحوم الجمال زي ما قتا ليك لاضفاء الحيوية في شعرهم الكث ...
بس الحتة بتاعة يجيب الضهبان مثل ما في محلو ...
العكس هو الصحيح ...

[همس الشوق]

الدمبهول ساي ؟؟؟؟!!!!!!!!
الدمبهوك ... الدمبهووووووك قالو ليك :D

غايتو نقوم نصبّنن لأقرب كوماج في المستقبل البعيد ;)


انا بعرفو
بتجيبو ليكم في مسميات عجب

عليكم الله هسه دا مصطلح سوداني ؟؟؟؟

[أشتر]

انا بعرفو
بتجيبو ليكم في مسميات عجب

عليكم الله هسه دا مصطلح سوداني ؟؟؟؟

والعارف منو ؟؟؟
ما كتيييير السمعتو هنا والحمدلله ...
بس تصدقي عندي احساس سمرا قاطعة الكلام دا من راسا ...
والزولة المعولقة دي اتوقعي منها أيّ حاجة looool...
يعني شنو عولاق ؟؟؟
طبعن انا قتها باعتبار إني ما عارف معناها ...
لو كلمة شينة بقدم اعتذاري من هسع ...
لا دمبهوك لا معتوف ..
هن ذاتن ما سياحيات :D

[شبارقة]

سلام يا أشتر، شبارقة سمراء


وعليكم السلام أستاذنا عكود

قال أستاذنا عكود :

قَسّيبة = مبنى أسطواني لحفظ التمور والمحاصيل

أضحكتني كلمة مبنى (مبنى من كم دور ؟ :))

ممكن نقول وعاء من الطين - حافظة من الطين - حاوية من الطين
وياها دي القسيبة :

http://www.sudanyat.org/upload/uploads/xxxxyyy.jpg

ورتاب = حزمة القصب الناشف

حزمة القصب نحن بنسميها الكُليقة أما الورتاب عندنا فهو ورق الذرة (أوراق المحاصيل عموما ً)

والله أعلم ،،،

[فتحي مسعد حنفي]

والعارف منو ؟؟؟
ما كتيييير السمعتو هنا والحمدلله ...
بس تصدقي عندي احساس سمرا قاطعة الكلام دا من راسا ...
والزولة المعولقة دي اتوقعي منها أيّ حاجة looool...
يعني شنو عولاق ؟؟؟
طبعن انا قتها باعتبار إني ما عارف معناها ...
لو كلمة شينة بقدم اعتذاري من هسع ...
لا دمبهوك لا معتوف ..
هن ذاتن ما سياحيات :D

راسو كبير كرعينو رقاق ومن ولدو سمو العولاق.ودا كلو ما بنطبق علي سمراء ياعولاق..أما معولق فدي أظنها تكون جاية من العلوج حقت الصحاف رضي الله عنه:D:D

[شبارقة]

الشاكوين بيستعملوه رجال الهدندوة دون النساء من شحوم الجمال زي ما قتا ليك لاضفاء الحيوية في شعرهم الكث ...


ياخي قوقل قال ليك : مكحلة بكحل الحجر ومزينة بالعكش ومعطـّرة بالشاكوين وعلى رأسها قرمصيص مـُذهـّب وعلى يدها اليسرى خاتم ودبلة

[سمراء]

اها ياشبارقة وعكود واشتر ، لاقتنى الكلمات دى ودايراكم تورونى معانيها شنو :D
اللورتي
اللرس
الدير( بكسر الدال)
الباطوس (بضم الطاء)
السندقيق
الإزميل ( بكسر الميم )
البدن
الصارى
السيناق

غايتو عكود ده بعرف جزء منها اظنو !

[سمراء]

راسو كبير كرعينو رقاق ومن ولدو سمو العولاق.ودا كلو ما بنطبق علي سمراء ياعولاق..أما معولق فدي أظنها تكون جاية من العلوج حقت الصحاف رضي الله عنه:D:D

تشششششششششششششششش ...بردته بطنى :D
انا النصيحه اشتر ده اليومين ديل من لممنى جدادى فى صمة خشمى
وكسر محاثيثى ، بقيت اشوفو ديك ديك ;)

[عكــود]

اها ياشبارقة وعكود واشتر ، لاقتنى الكلمات دى ودايراكم تورونى معانيها شنو :D
اللورتي
اللرس (الألس، أو اللّس) الدير( بكسر الدال)
الباطوس (بضم الطاء)
السندقيق (وردت في القائمة أعلاه)
الإزميل ( بكسر الميم ) البدن
الصارى السيناق

غايتو عكود ده بعرف جزء منها اظنو !كلامك صاح (البالأحمر).

[سمراء]

والعارف منو ؟؟؟
ما كتيييير السمعتو هنا والحمدلله ...
بس تصدقي عندي احساس سمرا قاطعة الكلام دا من راسا ...
والزولة المعولقة دي اتوقعي منها أيّ حاجة looool...
:D

ها الدمبهوك المعتوف ده ;)

[أشتر]

حزمة القصب نحن بنسميها الكُليقة أما الورتاب عندنا فهو ورق الذرة (أوراق المحاصيل عموما ً)

والله أعلم ،،،
كضبن كااااضب يا أبو الشا ...
شوف
قندول الذرة وهو مليان عيش اسمو قندول ... وهو لسه يا دوووب ملبن ونص استوا اسمو (قنقر)
وهو فاضي اسمو ورتاب ...
وشكرا ...

[سمراء]

كلامك صاح (البالأحمر).

عرفتك ...صدق!
اها يلا ادينا المعنى عشان اقوم اقارنه بالمعنى العندى

[أشتر]

راسو كبير كرعينو رقاق ومن ولدو سمو العولاق.ودا كلو ما بنطبق علي سمراء ياعولاق..أما معولق فدي أظنها تكون جاية من العلوج حقت الصحاف رضي الله عنه:D:D
المعنى العام غايتو فعل بشتنة في محل جر من عمايلك دي :D

[أشتر]

تشششششششششششششششش ...بردته بطنى :D
انا النصيحه اشتر ده اليومين ديل من لممنى جدادى فى صمة خشمى
وكسر محاثيثى ، بقيت اشوفو ديك ديك ;)
وبعوعي ... من صباحات الله لغاية تمغرب ...
ومشتهي ليو كوشة ... محاطة بالورود :D 

بصراحة كدا عندنا حاجات جايطة شديد ...
هسي كان سألتكم السماها كوشة منو ؟؟؟؟

[سمراء]

وبعوعي ... من صباحات الله لغاية تمغرب ...
ومشتهي ليو كوشة ... محاطة بالورود :D 

بصراحة كدا عندنا حاجات جايطة شديد ...
هسي كان سألتكم السماها كوشة منو ؟؟؟؟


كوشة : من كاش ..يكوش
اى انو العريس كاوش بت الناس
او بت الناس ...كاوشت العريس
وفى الحالتين مكشوشين من اهلهم goood

وشكرن

[أشتر]

ها الدمبهوك المعتوف ده ;)

الله أعلم يدخلن في جملة مفيدة !!!
لو قلتهن لى زول ما بحركن فيهو شي ... لكن ممكن تعدي على المشرفين براااحة...

[أشتر]

كوشة : من كاش ..يكوش
اى انو العريس كاوش بت الناس
او بت الناس ...كاوشت العريس
وفى الحالتين مكشوشين من اهلهم goood

وشكرن
:D
قادر الله ..
أول مرة أعرف المكاوشة مكانها الكوشة ...
لو ما بخاف الكضب اقول الهناي إطوّر looool

[سمراء]

:D
قادر الله ..
أول مرة أعرف المكاوشة مكانها الكوشة ...
لو ما بخاف الكضب اقول الهناي إطوّر looool

والله المكاوشة خخشم بيوت
لو بقت شرعية فاكيد مكانه الكوشة ..وان كانت خلافو
فـ الكوشة برضو ..;)
بس بكون هناك بايظ اترمى :D

[شبارقة]

هل هناك فرق ما بين : الشناقة - الشنقاقة - السنقاقة

[أشتر]

والله المكاوشة خخشم بيوت
لو بقت شرعية فاكيد مكانه الكوشة ..وان كانت خلافو
فـ الكوشة برضو ..;)
بس بكون هناك بايظ اترمى :D
بابكم بى وين آآآآآآآ ناس :D:D

كرور رو ...
غايتو جنس ركن :D

[همس الشوق]

والعارف منو ؟؟؟
ما كتيييير السمعتو هنا والحمدلله ...
بس تصدقي عندي احساس سمرا قاطعة الكلام دا من راسا ...
والزولة المعولقة دي اتوقعي منها أيّ حاجة looool...
يعني شنو عولاق ؟؟؟
طبعن انا قتها باعتبار إني ما عارف معناها ...
لو كلمة شينة بقدم اعتذاري من هسع ...
لا دمبهوك لا معتوف ..
هن ذاتن ما سياحيات :D

والله ما بعيد نجاااااااااااااااااااااااره سمراء دي

تكون قالتها في حين زعلة كدا

وصدقت نفسها :D

[شبارقة]

هل هناك فرق ما بين : الشناقة - الشنقاقة - السنقاقة

مافي أي فرق وكلها مدلولات (وإن إختلف النطق والحروف) لشئ واحد وهو إناء يحلب فيه الحليب (يمكن يكون فخار يمكن يكون قرعة ...إلخ) حسب كل منطقة.
يقولون في الأحاجي: حلب الناقة في الشنقاقة ... والبعض يقولها : في السنقاقة ... والآخرون يقولون : في الشناقة .... وما زال أحمد غائب .. في أم ركائب (أو الركائب) .

[شبارقة]

قندول الذرة وهو مليان عيش اسمو قندول ... وهو لسه يا دوووب ملبن ونص استوا اسمو (قنقر)
وهو فاضي اسمو ورتاب ...
وشكرا ...


وهو فاضي اسمو ورتاب ...

إذا ً ما اختلفنا لأنو القندول الفاضي ده عبارة عن ورق ساااي .. والورتاب هو ورق الذرة كما أسلفنا.

[أشتر]

مافي أي فرق وكلها مدلولات (وإن إختلف النطق والحروف) لشئ واحد وهو إناء يحلب فيه الحليب (يمكن يكون فخار يمكن يكون قرعة ...إلخ) حسب كل منطقة.
يقولون في الأحاجي: حلب الناقة في الشنقاقة ... والبعض يقولها : في السنقاقة ... والآخرون يقولون : في الشناقة .... وما زال أحمد غائب .. في أم ركائب (أو الركائب) .
:D:D
ياخ والله إتا لذيذ لذة مبالغة ...
قتا لي قنعت من خيرن فينا وجاوبتو براااك يا اللخو...
يعرفوك كيف كنت استاذ ...
اساسا المعلمين ديل عندهم خرمة بعرفوها براهم ...
عندنا شيخ لسانو سليط سلطة ;).. بعد صلاة الصبح بنعمل حلقة قرآن وكل واحد من القاعدين يقرا صفحة وهو عليهو التفسير وتصليح الأخطاء ..
والزول دا كان استاذ عمن اول ;)
وبعاملنا تلاميذ عديييل كدا مع انو في ناس اكبر منو وطبعا لو ما جاوبت صاح اتوقع طوالي سلطة شطة خدرا مدنكلة تقول يا ريت لو اداني كف ..
اها بمعاملتو دي ناس كتيرة كبت الزوغة ولو ما جاوبت يقوم يحول السؤال لغيرك وهكذا .. ولو ماف زول فينا جاوب يقول لينا ياخ إتو قاعدين ساي الله يكون في عونكم ... والنسوان ورا البارطشن يقعدن يضحكن فينا ...
غايتو السواها فينا يلقاها في الجنة وفييي دنيتنا الجميلة دي ...
لكن كدي لاقيهو بره المسجد .. طوالي بتقول عليهو الزول دا يا شنكاتي يا واقع من السما سبعة مرات ...

طيب الواحد لو كان واقع من السما مرة واحدة مصيرو شنو ؟؟؟
الاجابة :
قد تخطفه الطير .. أو تهوي به الريح في مكان سحيق والعياذ بالله ...

[أشتر]

إذا ً ما اختلفنا لأنو القندول الفاضي ده عبارة عن ورق ساااي .. والورتاب هو ورق الذرة كما أسلفنا.
لاااااا لا
الورق براهو والقندول براهو ...
زي ما عفشة الخروف اسمها كمونية وراسو اسمو نيفة ...
الورق عندو اسم تاني علا نسيتو اديني صنة لامن اتذكرو ...
واحتمال ما اتذكرو خالص :D

[شبارقة]

لاااااا لا
الورق براهو والقندول براهو ...
زي ما عفشة الخروف اسمها كمونية وراسو اسمو نيفة ...
الورق عندو اسم تاني علا نسيتو اديني صنة لامن اتذكرو ...
واحتمال ما اتذكرو خالص :D


:D:D

المشكلة يا محمد زول سااي في المنتدى ده يجي يحكم بيناتنا مافي... عاملين فيها حناكيش :D

[أشتر]

:D:D

المشكلة يا محمد زول سااي في المنتدى ده يجي يحكم بيناتنا مافي... عاملين فيها حناكيش :D
حناكيش على منو ؟؟؟؟؟
على اليمين يا شبارقة في سودانك داك عاااادي اكون فطرت في برج الفاتح واتغديت في هيلتون وشارب شاي المغربية في القرين ڤيلدج محل الطير رحل خلاني داك
:D
الشي مطلوق ساااااي ما عندي اهل هعهعهعهعهعه
ياخ مرت على سنوات كدا لامن انزل مطار الخرطوم اشوف الناس كلهم بعيدين عن الموضوع وعن العالم الخارجي تشوف البت البيضا فيهم غبشا ...
حناكيش قال ....
المتحنكشين ليها شنو واحنا يا حبة عيني من سكان العالم التالت وطالعين في رقابنا ناس كدا الحمدلله غايتو ...

[جانيت]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=346954#post346954)
حناكيش على منو ؟؟؟؟؟
على اليمين يا شبارقة في سودانك داك عاااادي اكون فطرت في برج الفاتح واتغديت في هيلتون وشارب شاي المغربية في القرين ڤيلدج محل الطير رحل خلاني داك
:D
الشي مطلوق ساااااي ما عندي اهل هعهعهعهعهعه
ياخ مرت على سنوات كدا لامن انزل مطار الخرطوم اشوف الناس كلهم بعيدين عن الموضوع وعن العالم الخارجي تشوف البت البيضا فيهم غبشا ...
حناكيش قال ....
المتحنكشين ليها شنو واحنا يا حبة عيني من سكان العالم التالت وطالعين في رقابنا ناس كدا الحمدلله غايتو ...





:D:D:D
بعيدا عن المصطلحات العامية المداخلة دي تنفع موضوع في طاولة حوار يطول نقاشها
ونقاط قابلة للفحص والتمحيص والتصنيف according to شنو ما بعرف

[احمد سيداحمد]

إذا ً ما اختلفنا لأنو القندول الفاضي ده عبارة عن ورق ساااي .. والورتاب هو ورق الذرة كما أسلفنا.

الورتاب هو القصب الناشف الذي يتم نشره في الشمس حتي يصير يابسا وبعد ذلك يربط في شكل حزم للتخزين لاطعام الغنم والبقر والحمير وقت انعدام الحشائش

[فتحي مسعد حنفي]

الورتاب هو صفق الخضار الصغير الحجم..يعني لسة ورور..

[أشتر]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=346954#post346954)




:D:D:D
بعيدا عن المصطلحات العامية المداخلة دي تنفع موضوع في طاولة حوار يطول نقاشها
ونقاط قابلة للفحص والتمحيص والتصنيف according to شنو ما بعرف
ما أعتقد .. دي مجرد وجهة نظر احتمال ما عندها علاقة بالواقع أو الواقع الشايفو انا واقع ومدشدش عديل كدا ...
إتي ما شفتي مرمطت الفرنسيين لامن تلقيهم قاعدين يبحتو ويحفرو ويحنسو في الحجار عشان الحاجات تمرق سليمة ...
عادي تلقي زول ينشحط قدامن ويقول : عليكم الله الجابركم شنو والله ما عندكم شغلة ساي ...
ثم يلكز حمارو ويكسح لجهة غير معلومة ...
في زريبة العيش وقفت مع تاجر قايلني داير اشتري فرحب بي أيما ترحيب .. ولامن قلت ليهو العيش دا اسمو شنو نهرني ...
يا شافع مالك ومال إسمو إتا داير تملا بطنك ولّ بدورو علوق ؟؟؟
قهمني وطوالي مشيت خليتو ...

[شبارقة]

الورتاب هو القصب الناشف الذي يتم نشره في الشمس حتي يصير يابسا وبعد ذلك يربط في شكل حزم للتخزين لاطعام الغنم والبقر والحمير وقت انعدام الحشائش

حباب أخونا فجر المشارق

إذا ً إتفق تعريفك للورتاب مع تعريف أستاذنا عكود الذي قال :

ورتاب = حزمة القصب الناشف

وكما أسلفنا فإن التعريفات قد تختلف من منطقة أخرى ... وده ياهو زاتو التنوع الثقافي والحضاري الذي نتميز به.

[أشتر]

حباب أخونا فجر المشارق

إذا ً إتفق تعريفك للورتاب مع تعريف أستاذنا عكود الذي قال :



وكما أسلفنا فإن التعريفات قد تختلف من منطقة أخرى ... وده ياهو زاتو التنوع الثقافي والحضاري الذي نتميز به.
إتا ما عارف يا شبارقة ورتاب دي بتهمّني قدر شنو :D
يلاا وكت اتفقتو على تعريفا وريني القندول فاضي اسمو شنو ؟؟؟

[شبارقة]

الورتاب هو صفق الخضار الصغير الحجم..يعني لسة ورور..

يا سلام عليك يا خواجة ... وده نفس الكلام القلتو أنا .. لكن يا أخوي الوٍرْوِرْ ده شنو (طبعا ً أنا عارف معناها لأني سألت عليها لما سمعت محمد صبحي يرددها كثيرا ً في مسلسل سمبل قبل 30 سنة)

[شبارقة]

إتا ما عارف يا شبارقة ورتاب دي بتهمّني قدر شنو :D


:D

أنا غايتو سمعت لي واحدة بتقول لي جارتها : والله ولدي الصغير إتخلع خلعة خلت قلبو يرجف زي الورتابة ... باقي ليك يا ود أبو عاقلة القندول الفاضي برجف ؟ وأيهما أكثر رجفانا ً مع النسيم العليل : القندول الفاضي أم صفق النباتات أم حزمة القصب ؟

[شبارقة]

يا شافع مالك ومال إسمو إتا داير تملا بطنك ولّ بدورو علوق ؟؟؟


:D:D

بمناسبة العلوق أهلنا بيقولوا : علوق الشدّة ما بنفع ..... المثل ده معناهو شنو ؟

[أشتر]

يا سلام عليك يا خواجة ... وده نفس الكلام القلتو أنا .. لكن يا أخوي الوٍرْوِرْ ده شنو (طبعا ً أنا عارف معناها لأني سألت عليها لما سمعت محمد صبحي يرددها كثيرا ً في مسلسل سمبل قبل 30 سنة)
حولااااا !!!!! الواحد قاعد مع متاحف طيبة طيبة :D
غايتو الورور دا غير طير مانا خابرنو ...

[احمد سيداحمد]

حباب أخونا فجر المشارق

إذا ً إتفق تعريفك للورتاب مع تعريف أستاذنا عكود الذي قال :



وكما أسلفنا فإن التعريفات قد تختلف من منطقة أخرى ... وده ياهو زاتو التنوع الثقافي والحضاري الذي نتميز به.
ده التعريف السائدعندنا في بلاد الشايقية

[أشتر]

:D

أنا غايتو سمعت لي واحدة بتقول لي جارتها : والله ولدي الصغير إتخلع خلعة خلت قلبو يرجف زي الورتابة ... باقي ليك يا ود أبو عاقلة القندول الفاضي برجف ؟ وأيهما أكثر رجفانا ً مع النسيم العليل : القندول الفاضي أم صفق النباتات أم حزمة القصب ؟
والله انا ذاتي سمعت بالمقطع دا لكن وين ما بتذكر ...
طيب الورتاب حقي دي ماااا ظنيتو رجفيبة .. لانو في الاساس قندول وعضمو مرموم يحمد سيدو ...
بس كمان !!!! هو أعلى مكان في (شدرة العيش واعتبرها سارية) ومن الطبيعي يرفرف .. اها الرفرفة دي يمكن حسبوها رجفيبة والله اعلم ...

[أشتر]

:D:D

بمناسبة العلوق أهلنا بيقولوا : علوق الشدّة ما بنفع ..... المثل ده معناهو شنو ؟
علوق الشدة موش ياهو (الضواقة ساكت) لا تسمن ولا تغني من جوع ...
زي الزول العندو شوال (أمباز ولّ همباز الله أعلم) وعندو 147 بقرة يقوم يكبو ليهن كلهن تطييب خواطر ساي ...
الاجابة بتصرف غايتو ...
أصلا مما جبت ليكم سيرة العلوق يانا الخاشين الزريبة :D

[جانيت]

اقتباس:
المشاركة الأصلية كتبت بواسطة شبارقة http://sudanyat.org/vb/images/buttons/viewpost.gif (http://sudanyat.org/vb/showthread.php?p=347158#post347158)
:D


أنا غايتو سمعت لي واحدة بتقول لي جارتها : والله ولدي الصغير إتخلع خلعة خلت قلبو يرجف زي الورتابة ... باقي ليك يا ود أبو عاقلة القندول الفاضي برجف ؟ وأيهما أكثر رجفانا ً مع النسيم العليل : القندول الفاضي أم صفق النباتات أم حزمة القصب ؟






طالما جات مناسبة الرجفيبة والقصب لمن يقولو ليك الزول ده يترجف زي نار القصب دي كيفن
ده ما مصطلح عامي مثل عامي مليان رجفيبة

[أشتر]

ده التعريف السائدعندنا في بلاد الشايقية

طيب يا فجر المشارق معاي اتنين هنا واحد من مدني والتاني من عطبرة ...
بتاع عطبرة قال مِتِل كلامكم دا وبتاع مدني قال مِتِل القلتو أنا ...
وعلى كلٍ ما مشينا بعيد من الهدف المنشود ...

[أشتر]

طالما جات مناسبة الرجفيبة والقصب لمن يقولو ليك الزول ده يترجف زي نار القصب دي كيفن
في تشبيهات كتيرة طالعة من بيئتنا البسيطة مرة بتلفق ومرة شاطحة أو على حسب الشخص المرقت منو ...
طيب حصلت ليك رجفيبة زي نار القصب ولّ رجفيبتكم لهيبها يفسخ ...
على فكرة .. يفسخ دي ما عندها علاقة بالخطوبة ...
قنا نطمّنكم وكدا ...

[أشتر]

أقوم آطقش مسامعكم باتنين من أبو لستك ...
الكُـرارة :
الـكَـرِّقة :

[جانيت]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347205#post347205)
أقوم آطقش مسامعكم باتنين من أبو لستك ...
الكُـرارة :
الـكَـرِّقة :




وانت ما طقش سمعك انو الكرارة هي ملاح الروب او في رواية اخرى هي النعيمية

اما فيما يخص الكرقة طقشت سمعي بس نسيتها ولمن استحضرها حاجيبها هنا على طول

على طول دي مصطلح عامي ول انسب اقول طوالي :D

[جانيت]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347203#post347203)
في تشبيهات كتيرة طالعة من بيئتنا البسيطة مرة بتلفق ومرة شاطحة أو على حسب الشخص المرقت منو ...
طيب حصلت ليك رجفيبة زي نار القصب ولّ رجفيبتكم لهيبها يفسخ ...
على فكرة .. يفسخ دي ما عندها علاقة بالخطوبة ...
قنا نطمّنكم وكدا ...





من خلال بيئتنا الجديدة بعد اتمسحت بكريم دوف ربع حليب مرطب وبقت انعم مما تتخيل
بنقول مالو بيرجف زي الجلي كده
بالمناسبة نحن مطمنين طوالي ونار قصبنا لايطفئها الهبوب العادي ده غايتو نجرب العواصف ان شاءت وان ابت نجرب العواطفlooool

[أشتر]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347205#post347205)



وانت ما طقش سمعك انو الكرارة هي ملاح الروب او في رواية اخرى هي النعيمية

اما فيما يخص الكرقة طقشت سمعي بس نسيتها ولمن استحضرها حاجيبها هنا على طول

على طول دي مصطلح عامي ول انسب اقول طوالي :D
قولي زي ماااب تتكلمي ...
اصلا الشغلانة دي كلها ونسة في ونسة وتبادل آراء تخارجنا من كهوفنا المظلمة ...
تصدقي اول مرة أعرف الكرارة هو الاسم السابق لملاح النعيمية كما ذكر العلّامة الشغال معاي دا أو بالاحرى شغالين مع بعض ...
شكلك يا جانيت بتاعت قوقلة ... وبعدين الفلهمة خليها :D ...

[جانيت]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347218#post347218)
قولي زي ماااب تتكلمي ...
اصلا الشغلانة دي كلها ونسة في ونسة وتبادل آراء تخارجنا من كهوفنا المظلمة ...
تصدقي اول مرة أعرف الكرارة هو الاسم السابق لملاح النعيمية كما ذكر العلّامة الشغال معاي دا أو بالاحرى شغالين مع بعض ...
شكلك يا جانيت بتاعت قوقلة ... وبعدين الفلهمة خليها :D ...





حررم يا اشتر من واقعي المعايشاهو وعايش معاي ونصارع في بعضنا ده
ونحن لي هسي بنقول علي ملاح النعيمية ملاح الكرارة
اما فيما يخص الكرقة يبدو انها شيتا رقيقة او نوع من القصب او الخشب غايتو من خلال ضرب المثل بيقول ليك فلانة كرعينها متل الكرقة او قد تشابة علي البقر
يعني رقاق وشينات وما بيشبهن الكوارع التركية :D

[أشتر]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347203#post347203)





من خلال بيئتنا الجديدة بعد اتمسحت بكريم دوف ربع حليب مرطب وبقت انعم مما تتخيل ما بقدر اتخيل
بنقول مالو بيرجف زي الجلي كده
بالمناسبة نحن مطمنين طوالي ونار قصبنا لايطفئها الهبوب العادي ده غايتو نجرب العواصف ان شاءت وان ابت نجرب العواطفlooool
كدا يا دااااااب الشعللة جاها جلي :D
ألسنة اللهب ترجف وإتي ترجفي .. وتقومو مع بعض تجهجهو بوليس الموية* ...

بوليس الموية يعني رجل المطافي ... واحتمال يكون فارس احلامك ...

[أشتر]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347218#post347218)




حررم يا اشتر من واقعي المعايشاهو وعايش معاي ونصارع في بعضنا ده
ونحن لي هسي بنقول علي ملاح النعيمية ملاح الكرارة
اما فيما يخص الكرقة يبدو انها شيتا رقيقة او نوع من القصب او الخشب غايتو من خلال ضرب المثل بيقول ليك فلانة كرعينها متل الكرقة او قد تشابة علي البقر
يعني رقاق وشينات وما بيشبهن الكوارع التركية :D
غايتو النبزوها قالو ليها كرعينك متل الكرقة ما فضّلو ليها فضلة ...
غير انهن رقاق .. متباعدات وانا ما قايل كرعين زي ديل بزوروني هعهعهعهعهعهعهعه
طوالي تقوم تقنع من خيرن فيها وتصطاد سمك على شواطئ اللهفة والشوق والحنين لنوستالجيا غرقت ...


بالمناسبة ...
حرّم بتاعتك لذيذة شديد ...
والله انا اول يوم اسمع بالكلمتين ديل النصيحة ليك يا الله ...

[جانيت]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347226#post347226)

اقتباس:
غايتو النبزوها قالو ليها كرعينك متل الكرقة ما فضّلو ليها فضلة ...
اقتباس:

غير انهن رقاق .. متباعدات وانا ما قايل كرعين زي ديل بزوروني هعهعهعهعهعهعهعه
طوالي تقوم تقنع من خيرن فيها وتصطاد سمك على شواطئ اللهفة والشوق والحنين لنوستالجيا غرقت ...


بالمناسبة ...
حرّم بتاعتك لذيذة شديد ...
والله انا اول يوم اسمع بالكلمتين ديل النصيحة ليك يا الله ...







يعني كلامي صح مليون الميي :D
غايو ما حصل قالو لي كدي ول بيقدرو يقولي كدي
ويابى يبعد عنك المتل الكرقي قالو ناشفة ويدها ممحوقي وكمان شيالة حال وبتجيب النحس
بري الشر برا وبعيد :D
غايتو يا اشتر ثبت شرعا انك حنكوش لكن برضو انا الحنكوشة من وجهة نظري طبعا سمعت بن :D

[أشتر]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347226#post347226)





يعني كلامي صح مليون الميي :D
غايو ما حصل قالو لي كدي ول بيقدرو يقولي كدي
ويابى يبعد عنك المتل الكرقي قالو ناشفة ويدها ممحوقي وكمان شيالة حال وبتجيب النحس
بري الشر برا وبعيد :D
والله كتابتك دي لامن شممتني ريحة الطين وحيضان البرسيم .. والدعاش والغيم رذاذا في العصير بالفرح بلل كتوفنا
آي ياخ بطّلي شغل التناقيح المملة دي ...
المهم ما داير اقول يا كرقة لانها ما شبهك :D
لكن الشوايقة ديل عندهم جره بعرفوها براهم .. ترمي عديل كدا ...
تصدقي انا بحبهم اتكلمو زي في البلد والحتة دي مريحني فيها عصام سرالختم هنا ...
تقولي حسي دي نزل من قطر كريمي هعهعهعهعه

[شبارقة]

يقولو ليك الزول ده يترجف زي نار القصب


ما بقولوا يترجف زي نار القصب ... بيقولوا : يتكشـّم زي نار القصب

[أشتر]

ما بقولوا يترجف زي نار القصب ... بيقولوا : يتكشـّم زي نار القصب
ما بقولوا يتكشـّم زي نار القصب ... بقولو : يتكشـّم زي نار الهشيم ;)

[جانيت]

اقتباس:
المشاركة الأصلية كتبت بواسطة شبارقة http://sudanyat.org/vb/images/buttons/viewpost.gif (http://sudanyat.org/vb/showthread.php?p=347236#post347236)
ما بقولوا يترجف زي نار القصب ... بيقولوا : يتكشـّم زي نار القصب




هسي يا شبارقة بعد نفضت توبي اللابساهو ده ولبس توب بت البلد تطلع مثلي غلط

مش هو برضو الكشيم نوع من انواع الرجفي بس رجفي داخلي

التكشم ده ناتج من رجفة القلب بي انبساطة ورجفة الاسنان المتل البردزي حقاتي ديل
ورجفة العوينات البطرفها حور برضو زي حقاتي ديل :p

هاااا شبارقة مافي شي بيغلبنا هع بتك يا ابزيد:D

[أشتر]

غايتو يا اشتر ثبت شرعا انك حنكوش لكن برضو انا الحنكوشة من وجهة نظري طبعا سمعت بن :D
قت لك ما سمعت بن :D
غايتو البوست دا لامن يوصل الصفحة سبعمية تلاتة وستين ياهو العاوج لساني ..
اليوم البشيل أهلي ما بتعرّفو علي ...
هم بكونو متوقعين أجيهم بـ ايش تبقى وايش دعوة وهلا فيج أقوم أجيبلهم كرارة وكرقة وسنقاقة لا في سماهم لا سمعوبا ...
طوالي يقومو يشغّلو لي يا خسارة دموعنا فيك :D
واحتمال يقولو لي حِل عن سمانا بكل بساطة !!!!
معقولة بس ياخ !!!!

[جانيت]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347365#post347365)
قت لك ما سمعت بن :D
غايتو البوست دا لامن يوصل الصفحة سبعمية تلاتة وستين ياهو العاوج لساني ..
اليوم البشيل أهلي ما بتعرّفو علي ...
هم بكونو متوقعين أجيهم بـ ايش تبقى وايش دعوة وهلا فيج أقوم أجيبلهم كرارة وكرقة وسنقاقة لا في سماهم لا سمعوبا ...
طوالي يقومو يشغّلو لي يا خسارة دموعنا فيك :D
واحتمال يقولو لي حِل عن سمانا بكل بساطة !!!!
معقولة بس ياخ !!!!





:D:D:D:D
ياخ في حادثة متل دي بالزبط
قال ليك عمك راجي لدو مغترب يجي محمل ليو من خيرات الله ومن تلك الاراضي ف اذا به تلقطو ليك الكشة والترحيل وجا ملقط كرعينو (الله يكفيك شر ما سبق )
وخلى ابوهو يمطق ملح ملح واتوسط ليك ناس البلد حنا الرياييييل والبذورة
علامك يااااا لالا ماابي وغيرو
ابوهو وقف في نصهم قال انتو كان قايلين ولدي ماجاب لو شي جابلو نضم

[أشتر]

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=347365#post347365)




:D:D:D:D
ياخ في حادثة متل دي بالزبط
قال ليك عمك راجي لدو مغترب يجي محمل ليو من خيرات الله ومن تلك الاراضي ف اذا به تلقطو ليك الكشة والترحيل وجا ملقط كرعينو (الله يكفيك شر ما سبق )
وخلى ابوهو يمطق ملح ملح واتوسط ليك ناس البلد حنا الرياييييل والبذورة
علامك يااااا لالا ماابي وغيرو
ابوهو وقف في نصهم قال انتو كان قايلين ولدي ماجاب لو شي جابلو نضم
على اليمين في ناس ياهم الراجعين ميطي ساكت ... لا نِقّة لا شرتيت ...
كاضمين تب .. وطُرُش في زفة ... التقول قالو ليهم الزفة ناقصة طُرُش هعهعهعهعهعهعهع

[شبارقة]

ما بقولوا يتكشـّم زي نار القصب ... بقولو : يتكشـّم زي نار الهشيم ;)


الهشيم دي كلمة فصيحة جدا ً ... والصحيح يتكشم زي نار القصب

ماهو التكـِشـِم ؟

التكـِشـِم هو الإبتسامة المتقطعة :) الواحد يبتسم ويقفل خشمو ويبتسم تاني وهكذا وهو ما يشبه نار القصب تماما ً (الشرار يتصاعد ثم ينقطع فجأة ويتصاعد مرة تانية وهكذا)

[شبارقة]

مش هو برضو الكشيم نوع من انواع الرجفي بس رجفي داخلي


بناءا ً على تعريف التكشم سابقا ً فإنه يعتبر نوع من أنواع الرجفيبة الخارجية