مشاهدة النسخة كاملة : *** مصطلحات عامّية سودانية ***
الصفحات :
1
2
3
4
[
5]
6
7
8
9
10
11
12
شبارقة
06-05-2008, 07:31 AM
بارك لى يا شبارقة بقيت اعرف اعمل اقتباس زيك ههههههههههههه و تسلم يا عمنا معتصم [/color]
مبروووك ... مع إنو طريقة عمنا معتصم الشرحها ليك في البيبان والطاقه تختلف عن طريقتي التقليدية والكلاسيكية والتراثية :D
فيصل سعد
06-05-2008, 07:45 AM
الخيل تجقلب والشُكر لي حمّاد ! يا عماد يا أخوي هو فيصل وينو؟ فتح البيبان والطاقه وهجَّ :D:D
و انت هجيجو دة ما مريحك و لا ما ساري بالك :D:D
ولا طرفك من طبعو نعسان :D:D
و انت هجيجو دة ما مريحك و لا ما ساري بالك :D:D
ولا طرفك من طبعو نعسان :D:D
وهل تدري يا نعسان ... مشتاق ليك
مالكم يا شباب؟ نسوي ليكم المديدة حرقتني؟ :D:D
ويا ود أبو عاقلة كلامنا السمح جاب لينا من حلم توقيع سمح ;) ;) (زهرة ووردة وكلام يرتفع بنا لرحلة بين طيات السحاب :D:D) وكلامكما جاب أبواب وحيطة وزيطة وزمبريطة وأم برمبيطه زاتو ..:D:D
أها ...عارفين أم برمبيطه؟ :D:D
كدي خليني من أم برمبيطة بتاعتك دي ... بس أهم حاجة ما تكون زعلت ...
ما بحب ازعل زول لكن فاولاتي خشنة اعمل شنو ...
وطبعا لم القاها مدردقة عز الطلب ...
اسفين جدن جدن يا حلم...
الفنان النصرى فى اغنية لا تنجع قال
النيل صبح رحراح المعنى يا معلم
الشائل شمسك في جواك ...خليها تبين للناس تطلع
والرحراح يعني الواسع
وين تلقى الفرحه وتتهنا في دارا ضيقة ومافي براح...
جم ناسا من عين العطشان تخطف ومضات البرق اللاح ...
سايب اهلك ونخلك راحل قول لي وين ماشي ووين يا صاح ...
الشمس النايري ابت تطلع النيل يازول اصبح رحراح...
الضل قصر ماغطى رويس ولدا ساكت عرق الكتاح...
الواطة ابت تديك الخير والانت عليك ما هابي رياح...
قول لي وين ماشي ووين ماشي ولشن سايب بلد الصلاح...
النسمة ان جاتك بتجيك ملياني عبير عند البياح...
الموية ان داير تلقاها نقاعا و اطيب من الراح ...
ان درت نغبم الموج تلقاه وان درت كمان الطير صداح...
ارجع ارجع يازول ارجع...
ما بتسمع (دي مني)
الشائل شمسك في جواك ...خليها تبين للناس تطلع
والرحراح يعني الواسع
وين تلقى الفرحه وتتهنا في دارا ضيقة ومافي براح...
جم ناسا من عين العطشان تخطف ومضات البرق اللاح ...
سايب اهلك ونخلك راحل قول لي وين ماشي ووين يا صاح ...
الشمس النايري ابت تطلع النيل يازول اصبح رحراح
الضل قصر ماغطى رويس ولدا ساكت عرق الكتاح...
الواطة ابت تديك الخير والانت عليك ما هابي رياح...
قول لي وين ماشي ووين ماشي ولشن سايب بلد الصلاح...
النسمة ان جاتك بتجيك ملياني عبير عند البياح...
الموية ان داير تلقاها نقاعا و اطيب من الراح ...
ان درت نغبم الموج تلقاه وان درت كمان الطير صداح...
ارجع ارجع يازول ارجع...
ما بتسمع (دي مني)
ههههههه حلوة منك
الشمس النايري ابت تطلع النيل يازول اصبح رحراح...
لكن يا محمد فى الشطر الاول المعنى البجى فى ذهنى الشمس ما طلعت و النيل بكون واسع ..كيف يعنى متمدد فى حالة الفيضان و دى بعيدة لانو رحراح لما تربطها مع الشمس بجى معنى لنضب مياه النيل او جفافه ده اجتهاد منى لكن بالجد كدى نعرف المعنى
شبارقة
06-05-2008, 11:27 AM
و انت هجيجو دة ما مريحك و لا ما ساري بالك :D:D
ولا طرفك من طبعو نعسان :D:D
الواحد فيكم زي الدابي ما يطلع إلا لما يكبو ليهو مويه أو شطة مدخنه في جحرو :D
مشتاقين وبركة الشفناك طيب وجيدن جيت
شبارقة
06-05-2008, 03:21 PM
الرحراح يعني الواسع
لكن يا محمد فى الشطر الاول المعنى البجى فى ذهنى الشمس ما طلعت و النيل بكون واسع ..كيف يعنى متمدد فى حالة الفيضان و دى بعيدة لانو رحراح لما تربطها مع الشمس بجى معنى لنضب مياه النيل او جفافه ده اجتهاد منى لكن بالجد كدى نعرف المعنى
يا جماعة للمساعدة فقط .... الرحراح له علاقة بالبحر .. يقولوا ليك فلان ده مباري رحراح البحر (والبحر طبعاً قاصدين بيهو النهر).... وبعدين الرحراح ده أديناهو حقو من زمان .... إنتو الظاهر ما قاعدين تراجعوا دروسكم :mad::mad: قال الواسع قال :mad: إنت قاصد البراح يا فردة وسلمولي على القيفه والضفة الغربية كمان:mad:
وهاكم الكلام الحلو ده (لمحتك) بمناسبة القيفه لعبد القادر الكتيابي والراحل المقيم مصطفى سيد أحمد :-
أقول يا انتى يا اغرق
تلوح لى مدن عينيك وأخاف الضفة ترجع بيك قبل الحق
أخاف غيم المنى الشايل تسوقو الريح ويتفرق
وأخاف وأخاف
لكن يا محمد فى الشطر الاول المعنى البجى فى ذهنى الشمس ما طلعت و النيل بكون واسع ..كيف يعنى متمدد فى حالة الفيضان و دى بعيدة لانو رحراح لما تربطها مع الشمس بجى معنى لنضب مياه النيل او جفافه ده اجتهاد منى لكن بالجد كدى نعرف المعنى
لو اخدتي الكلام على انو استرسال عادي قد يجوط المعني شويتين في راسك ... وهو في الحقيقة قصد الشاعر (مفروض نعرف اسمو عشان الحقوق الأدبية وكدا) بخاطب الزول الهجّة بصيغة (ما فينا زولن ابى عشاو) أو المسافر ليها شنو ... والله اعلم
الواحد فيكم زي الدابي ما يطلع إلا لما يكبو ليهو مويه أو شطة مدخنه في جحرو :D
ويجينا يقحقح ... القحة ولا صمّت الخشم يا شبارقة ...
بالمناسبة : في قحة كدا بنسمعا عبارة عن تحذير مهذب ... بتعرفا قحة شنو ؟
قال الواسع قال :mad: إنت قاصد البراح يا فردة
وبدون تعليق طبعا !!!
المويه ياها المويه ...
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح
يــا أم لســــاناً لســـــع معجّن
كلمة كلمة وحروفــــا ضجّن
ديل خدودك غير داعي وجّن
ديل عيونك من غير سبه لجّن
فيصل سعد
07-05-2008, 07:06 AM
وبدون تعليق طبعا !!!
المويه ياها المويه ...
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح
عرفنا منك البراح :D:D اها الخزام و الشيح ديل شنهن :D:D
قال يقحقح قال ،، مش اخير من ما اعطس و ما القي مشمتين :D:D
شبارقة
07-05-2008, 07:12 AM
ويجينا يقحقح ... القحة ولا صمّت الخشم يا شبارقة ...
ههههههه مع تحياتنا لأخينا فيصل ود سعد السمع الرعد وصنقر قعد :D
فيصل سعد
07-05-2008, 07:16 AM
ديل خدودك غير داعي وجّن
ديل عيونك من غير سبه لجّن
غلبك الحفظ بقيت تنجر من راسك و تألف وليد اللحظة :D:D
ديل خدودك غير داعي وقن عملتها وجن انت رايحة ليك وجنات و لا كيف :D:D
و ديل عيونك من نظرة سجن فرمتها سبة و لجن ، انت داير تسب في اللجج و السلام :D:D
برضوا ما منك من العليك عارفك معصور و مزنوق زيي كدة حروفك مشتتة و ذاكرتك عشوائية :D:D و سلملي على الشغل الوديته الورشة اخيرا داك كان يجي فازي و قالع منها قريب ..
فيصل سعد
07-05-2008, 07:24 AM
ههههههه مع تحياتنا لأخينا فيصل ود سعد السمع الرعد وصنقّر قعد :D
و عليكم السلام و الرحمة يا حبيبنا و عزيزنا شبارقة ..
لكن جد خلعتني و لاوزت بي يا حبوب بحسك الاستخباري العالي دا :D:D
انت يا زول حضرت سمايتي و لا سرت معاي البحر ،، و لا الموضوع دا ضرب معاك بالحظ و الصدفة،،
و لا سمعتوا و جابوا ليك بضبانته و كدة :D:D:D لانه السالفة التاريخية دي حصرية فقط لاهلنا ناس بري و التكلة و البشاقرة و التكينة و ودراوة فقط و انت ما منها على ما اعتقد و حتي اهلنا في امدر ما عارفنها و ما جايبين خبرها..
شبارقة
07-05-2008, 07:48 AM
و عليكم السلام و الرحمة يا حبيبنا و عزيزنا شبارقة ..
لكن جد خلعتني و لاوزت بي يا حبوب بحسك الاستخباري العالي دا :D:D
انت يا زول حضرت سمايتي و لا سرت معاي البحر ،، و لا الموضوع دا ضرب معاك بالحظ و الصدفة،،
و لا سمعتوا و جابوا ليك بضبانته و كدة :D:D:D لانه السالفة التاريخية دي حصرية فقط لاهلنا ناس بري و التكلة و البشاقرة و التكينة و ودراوة فقط و انت ما منها على ما اعتقد و حتي اهلنا في امدر ما عارفنها و ما جايبين خبرها..
أولاً: سمايتك دي ما حضرتها طبعاً لفروقات في التوقيت (لصالحي طبعاً) وعلى مستمعينا في الأقاليم مراعاة ذلك :D
ثانياً : سيرتك للبحر دي كنت أتمنى حضورها ...بس ما تكون باريت الرحراح:D
ثالثاً : التكله أبشر ولاّ التكلة رفاعة (تكلة أو تكيلات جمع تُكل والمعنى واضح :D)
رابعاً : ود راوه حصحاصا حلاوه :D
خامساً : البشاقرة والشبارقة بنات حفرة واحدة ... قف ..الدايه مشتركة
ويجينا يقحقح ... القحة ولا صمّت الخشم يا شبارقة ...
بالمناسبة : في قحة كدا بنسمعا عبارة عن تحذير مهذب ... بتعرفا قحة شنو ؟
انت قصدك يقحقح ولا ينحنح ؟
ينحنح ...
عرفنا منك البراح :D:D اها الخزام و الشيح ديل شنهن :D:D:D
ارجع خلف كم صفحة ... وكان ما جات منك !!!!
قال يقحقح قال ،، :D:Dغيرتها لى ينحنح ...
غلبك الحفظ بقيت تنجر من راسك و تألف وليد اللحظة :D:D
ديل خدودك غير داعي وقن عملتها وجن انت رايحة ليك وجنات و لا كيف :D:D
و ديل عيونك من نظرة سجن فرمتها سبة و لجن ، انت داير تسب في اللجج و السلام :D:D
برضوا ما منك من العليك عارفك معصور و مزنوق زيي كدة حروفك مشتتة و ذاكرتك عشوائية :D:D و سلملي على الشغل الوديته الورشة اخيرا داك كان يجي فازي و قالع منها قريب ..
كلامك فيو شك وكان ما فيو شك ما قال طق ..
طق حنك وكدا يا ابو حنكن سنين ...
خامساً : البشاقرة والشبارقة بنات حفرة واحدة ... قف ..الدايه مشتركة
ليه سموها البشاقرة ؟
لو اخدتي الكلام على انو استرسال عادي قد يجوط المعني شويتين في راسك ... وهو في الحقيقة قصد الشاعر (مفروض نعرف اسمو عشان الحقوق الأدبية وكدا) بخاطب الزول الهجّة بصيغة (ما فينا زولن ابى عشاو) أو المسافر ليها شنو ... والله اعلم
سلامات يا شيخنا مٌحمد الرويس فاير ما لاقى ضل .....الشاعر هو خالد شاقورى هو زول و صاف بالحيل و انت ما قصرت جبت النص
و مريت على ( الضواحى ) و كدى اسمعها تانى بصوت مصطفى سيداحمد عشان نعرف فيصل قاصد شنو:D:D
شبارقة كدى ورينا المثل ده معناهو ( قبل يتوهط لولح ) لكن راحراح ما اديتنا المعنى لسه
خليك معانا فى الخط
شبارقة
07-05-2008, 09:29 AM
ليه سموها البشاقرة ؟
ههههههه زمان شرحنا ليكم ليه سموها الشبارقة ... هسع أنجر دي من رأسك ساااي وما تلاوز
سلامات يا شيخنا مٌحمد الرويس فاير ما لاقى ضل .....الشاعر هو خالد شاقورى هو زول و صاف بالحيل و انت ما قصرت جبت النص
و مريت على ( الضواحى ) و كدى اسمعها تانى بصوت مصطفى سيداحمد عشان نعرف فيصل قاصد شنو:D:D
منال يا أختي ... كان باريتي لي كلام فيصل دا ...
يا طق فيك عِرِق ... يا وغوشك ...
فدحين اختيو ... واذا قدرتي تجليو جليو ورقبتي سدّادة ...
وانا زااااتي أباصي المثل لاخوانا شبارقة لاني أول مرة اسمعو ... لا أفتي وعاصم بالمنتدى ...
ههههههه زمان شرحنا ليكم ليه سموها الشبارقة ... هسع أنجر دي من رأسك ساااي وما تلاوز
الباشا أقرا ...
شبارقة
07-05-2008, 09:39 AM
شبارقة كدى ورينا المثل ده معناهو ( قبل يتوهط لولح ) لكن راحراح ما اديتنا المعنى لسه
خليك معانا فى الخط
يتوهط : يجيه القعده ويتفرشخ ويقعمز تب
لولح : حرك الشئ أكان سبحة أكان مفتاح سيارة ... تلولح لي مدن عينيك وكده :D
وبعد ده أنجري من رأسك أي حاجة تصلح لهذا المثل وما تلاوزي على رأي أخونا فيصل:D
الرحراح : هو مضرب المويه في البحر (منطقة المد والجزر) وهو منطقة خطيرة جداً للذين لا يحسنون العوم ...(لو كنت أعرف أن البحر عميق جداً ما أبحرت ولو أني أعرف أن الحب خطير جداً ما أحببت ;)).ويقولو ليك باري الرحراح أي خليك بمحاذاته وأياك أياك والإقتراب منه أو الدخول فيه... وأخاف الضفة ترجع بيك قبل ألحق والموج الأزرق في عينيك يناديني نحو الأعمق وأنا ما عندي تجربة في العوم وما عندي زورق وأخاف وأخاف أخاف أشرق :D وسلمولي على عشوشه وود أبرق :D من الشبارقة للخندق :D مع الإعتذار لتلك التي لمحتها وللكتيابي ولمصطفى سيد أحمد
شبارقة
07-05-2008, 09:46 AM
وانا زااااتي أباصي المثل لاخوانا شبارقة لاني أول مرة اسمعو ... لا أفتي وعاصم بالمنتدى ...
شكراً يا فرده وده من تواضعك .. لكن عاصم ده منو ؟ ;);)
شبارقة
07-05-2008, 09:48 AM
الباشا أقرا ...
والله لو سمعوها ناس البشاقرة يتكيفو منك كيف شديد خلاص ... والله بسطّهم بسطه أحلى ليهم من الباسطة :D:D باشوات عديل كدى ؟ إنت عارف يا ود أبو عاقلة أسماء قرى السودان دي كلها ممكن تنجر ليها معاني من رأسك ...وما تلاوز :D
شبارقة
07-05-2008, 11:10 AM
أضان الحامل طرشه .... ده مثل سوداني مشهور
أها حكايتو شني ؟ وبضربوهو لي منو وبتين ؟ الجائزة وحَمَه :D وممنوع دخول الرجال مؤقتاً:D:D
فيصل سعد
07-05-2008, 11:12 AM
منال يا أختي ... كان باريتي لي كلام فيصل دا ...
يا طق فيك عِرِق ... يا وغوشك ...فدحين اختيو ... واذا قدرتي تجليو جليو ورقبتي سدّادة ...
...
رقبتك ولا اضنينك يا اللخو :D:D
شبارقة
07-05-2008, 11:16 AM
... يا وغوشك ...
الوغوشه دي يا ريت تدونا معناها وأصلها ولاّ ده من الراندوق؟
والله لو سمعوها ناس البشاقرة يتكيفو منك كيف شديد خلاص ... والله بسطّهم بسطه أحلى ليهم من الباسطة :D:D باشوات عديل كدى ؟ إنت عارف يا ود أبو عاقلة أسماء قرى السودان دي كلها ممكن تنجر ليها معاني من رأسك ...وما تلاوز :D
و بمناسبة اسماء المدن السودانية و القرى بضحك لما اسمع فى نشرة الاخبار اللت قناة الشروق النطق من المذيعين المستوردين زى (سرف الجداد) عد الفرسان عد بابكر المحيريبة اما قراكم با ناس شرق النيل تعرفوها براكم الاسم دى و اغلب الظن انها ما جات عبس ابو دليق -ابو ضلوع - ام عكد - ام ضوبان - المسعودية ... وهلم جرا كدى ادينا المعنى ما تعرفه من كنوزك
ام المثل بس حضرت الاستعانة بيهو فى موقف زى ما تقول (دق الوتد قبل الحمار ) و كدى اقتراح ما نمسك امثالنا دى شوية و نترجم للحناكيش :):p:D
شبارقة
07-05-2008, 11:26 AM
و بمناسبة اسماء المدن السودانية و القرى بضحك لما اسمع فى نشرة الاخبار اللت قناة الشروق النطق من المذيعين المستوردين زى (سرف الجداد) عد الفرسان عد بابكر المحيريبة اما قراكم با ناس شرق النيل تعرفوها براكم الاسم دى و اغلب الظن انها ما جات عبس ابو دليق -ابو ضلوع - ام عكد - ام ضوبان - المسعودية ... وهلم جرا كدى ادينا المعنى ما تعرفه من كنوزك
ام المثل بس حضرت الاستعانة بيهو فى موقف زى ما تقول (دق الوتد قبل الحمار ) و كدى اقتراح ما نمسك امثالنا دى شوية و نترجم للحناكيش :):p:D
عارفه يا منال أنا من زمن البطان عندي هواية تفسير أسماء مدن وقرى السودان ... وفعلاً في أسماء تفطِّس من الضحك :D:D وأسماء تانية تخلينا نكتم الضحك بين الضلوع :D:D وأنا خائف على بنوت قناة الشروق المستوردات ديل من الوقوع في براثن شرك أسماءنا العجيبة دي
أما بالنسبة لترجمة الحناكيش فنحن بنديهم طرف الخيط والباقي عليهم ..تتطير عيشتم كلو شئ دايرنو جاهز؟ هسع أضربم ليك بالمنديل ده :D:D
شبارقة
07-05-2008, 11:32 AM
و بمناسبة اسماء المدن السودانية و القرى بضحك لما اسمع فى نشرة الاخبار اللت قناة الشروق النطق من المذيعين المستوردين زى (سرف الجداد) عد الفرسان عد بابكر المحيريبة اما قراكم با ناس شرق النيل تعرفوها براكم الاسم دى و اغلب الظن انها ما جات عبس ابو دليق -ابو ضلوع - ام عكد - ام ضوبان - المسعودية ... وهلم جرا كدى ادينا المعنى ما تعرفه من كنوزك
:):p:D
ولأنو الموضوع كبير وقرانا كتيرة أنا أقترح عليك إفتتاح بوست خاص وممكن تحضري فيهو رسالة :D ونحن ما ح نقصر معاك ح نزودك بكل المراجع .. مراجع النحت والنجر والتأليف :D
شبارقة
07-05-2008, 11:59 AM
الاحباب الكرام :
تحية طيبة ،،
اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ
و كدى اقتراح ما نمسك امثالنا دى شوية
بدون تعليق... وأول مثل جانا بعد 69 صفحة كان بتاع التوهط واللوليح :D وأعنيكي أنتي وأسمعي يا جاره وتقول لي منو وتقول لي شنو !!!:D:D ;);)
ولأنو الموضوع كبير وقرانا كتيرة أنا أقترح عليك إفتتاح بوست خاص وممكن تحضري فيهو رسالة :D ونحن ما ح نقصر معاك ح نزودك بكل المراجع .. مراجع النحت والنجر والتأليف :D
وما صدّقت ... جري ... وانا الماعندي موضوع أسوي شنو؟ والغريبة دا المنتدى الوحيد الما عندي فيو موضوع واكتر منتدى حبيتو ... شفتو المغسة دي كيف !!! تشق !!! لا بتشق ولا حاجة ... انت قول الناس دي ما فضّلت شي وابني على هذا الأساس حاجاتك ... لقيت نفسي مكشّح في كم حتة حاصل فارغ ... كلو مرة أطير جوز أو اهبط اضطراريا في حتة كدا القاهم يغردو خارج السرب ... وكأني مررت بسرب أعجمي ... فقلت يا زول لِم عفشك عليك واشتغل قشّاش ... قشّاش أي حاجة بما فيهم قشّاش دموع بس ما أكون غشّاش ... اها لقيت القرصات كترت والسندات ما تديك الدرب .... جريت فرملة اليد ... ثم عملت نايم بكل بساطة ... ركيت في زمن ميّل... غير الفرع الراكّي فيو وبغرد ... أغنية الغيم والخريف ... والراس كان يستوجب على الذي أحب أن يجُر شخيت ولا يجرجر أذيال الخيبة والهزيمة والخزي ... فقلت للمحطات إستقيمي فإني على صراط ... صبأت روحي كما ولدتني الإنسانة التي أحب ... اها تاني حاجة البوست زي شدرة كلام تسقيها بحروفك والتزامك بالمبدأ والغاية والهدف ... وأنا من الذين يكشّحون مويتهم على الرهاب بغير قصد ... أو الرهاب ينكشح فيني ... حيث الحظ العاثر والخطى الملككة في موية رهاب تاني جواي حيث الريق النِّشِف والبلاوي التي تبِيض كما يحلو لها متى ما تكاكي ... وكان مشيت حلّقت وأكيد خارج السرب ح أكون خارج التغطية ... فقررت ألِم المشتتت واعاين بالضبانة وتااااح بارتياح ... في قلب التارقت ... ويا تموت نضيف أو زول حريف ...
وكثيرا ما أخش على نفسي وهي التي تهمني في المقام الأول حتى أعكس الكورة صح ... وعشان ما أجليها فلابد من قنطرتها ريثما أقد الشبكة أو أصِب الحارس في مقتل والجمهور كذلك ...
ثم آتي أُكلي كل حين ... ألملم ما تبقى من خطاوي الشوق ... والجسد المدوزن بالتسفار ... أصنقر ... ليس بالضرورة أن تعني استراحة مقاتل بقدر ماهي دخول على روحك تفليها ...
وتصبر يوم تقوليها ...
وحاتك كوني زي شمعة ...
بتبزق في وشوش الريح ...
وتمرق يوم أناديها ...
البوست دا صاح باسم فيصل لكن (اسم على اسم) زي ما قال شبارقة:D:D:D
وكان مشيتو عملتوها شينة انا زاتي بفرز عيشتي التي لم تطير لغاية الآن ...
والكلام الفوق دا بداية بوستإاندياحي في المقام الأول ... إمكن أترك أثر ... لأنو الموت من الحياة ما معروف ...
فاحسن أعمل معروف واخلي الموت يقول كلمتو ... ويا ريتو لو أبكم ...
شبارقة اخدت فرصتك وانفردت بالعرفي ...
منال أهي خشت لينا في اعلام ومعالم ...
فيصل سعد ما تعدش ...
اها يا جماعة ادوني فرصة معاكم اشتعل بقدر الزيت العندي ... لعلي آتيكم بقبس ... أو تجدوا على النار هدى ...
ملحق : بدون نحت ونجر ... وكُتر الحنية كيفن بدّاوى ...
ملحق : بدون نحت ونجر ... وكُتر الحنية كيفن بدّاوى ...
وكان مشيتو عملتوها شينة انا ذاتي بفرز عيشتي التي لم تطير لغاية الآن ...
والكلام الفوق دا بداية بوستإاندياحي في المقام الأول ... إمكن أترك أثر ... لأنو الموت من الحياة ما معروف ...
سلامات محمد
قاعدين معاك هنا لانو عاجبنا و نستك و نضميك و رص كلامك الزى سنيناتك :D:D و صفك كمان و ذخيرتك من جنس الكلام ده نلقاها و ين كان طفشنا و مكيفانا هترشتك و فاولاتك و باكاتك و الونسة الدقاق فى الرملة و السرب كلو مغرد معاك بالجد كدا مشاركتك فى البوست ده مميزة ادينا بالقيزان الكبير و نحن بنملا البراميل حنية و بنطط بس و نجى صادين مودتى
سلامات محمد
قاعدين معاك هنا لانو عاجبنا و نستك و نضميك و رص كلامك الزى سنيناتك :D:D و صفك كمان و ذخيرتك من جنس الكلام ده نلقاها و ين كان طفشنا و مكيفانا هترشتك و فاولاتك و باكاتك و الونسة الدقاق فى الرملة و السرب كلو مغرد معاك بالجد كدا مشاركتك فى البوست ده مميزة ادينا بالقيزان الكبير و نحن بنملا البراميل حنية و بنطط بس و نجى صادين مودتى
سنيناتك بالتكسرن وتلحقِن النضارة :D:D
أتريدون أن يُهدر دمِ هذا البوست ويتفرزع بين القبائل ...
كلو من شبارقة ... حرّشك وانتي ما صدقتي ...
ويحك ... وويحنا والوحيح الذي فصيح ...
عارفه ... برميل واحد بجيب أجلي ...
وبالكوريك شحتفة ... ما العمل !!!
العمل عمل ربنا إلى حين مقدرة ...
وحين (إذن) الكاتبو كراعنا في رقبتنا ... والايضينات بالتقطعن كيتن عليك يا فيصل :D
سنيناتك بالتكسرن وتلحقِن النضارة :D:D
أتريدون أن يُهدر دمِ هذا البوست ويتفرزع بين القبائل ...
كلو من شبارقة ... حرّشك وانتي ما صدقتي ...
ويحك ... وويحنا والوحيح الذي فصيح ...
عارفه ... برميل واحد بجيب أجلي ...
وبالكوريك شحتفة ... ما العمل !!!
العمل عمل ربنا إلى حين مقدرة ...
وحين (إذن) الكاتبو كراعنا في رقبتنا ... والايضينات بالتقطعن كيتن عليك يا فيصل :D
:D:D:D:D:D
كلو من شبارقة ... حرّشك وانتي ما صدقتي ...
اسوى شن عاد يا ود امى شبارقة معلمى .... و الخواجة هارشنى... و انت مضحكنى ... الا معاكم معاكم... بس اضحك و الله
:D:D:D:D:D
اسوى شن عاد يا ود امى شبارقة معلمى .... و الخواجة هارشنى... و انت مضحكنى ... الا معاكم معاكم... بس اضحك و الله [/color]
,وغير الابتسامة ما عندنا شيتن نديهو ...
والله يقدرنا عليها ...
لكن يا بت أمي الزول ما أي كلام بسمعو ... ما ينفع الناس يبقى .. أما الزبد الخ ... ولخي على كيفك ... كيسين حنة أو كيسين محنة ... وجلبطينا ...
بعدين خواجة شنو البهرشك ... الناس دي هنا قاعدة ورشاشاتا كيبورداتا ... فما تشيلي هم ...
مافي زر كيبورد كتل ليو زول .. ولا بجيب الدم ...
والجروح الفي الروح ... بتروح ...
والله في ...
,وغير الابتسامة ما عندنا شيتن نديهو ...
والله يقدرنا عليها ...
وللابتسامة الكل شى اهديك كلمات الشاعر يحى فضل الله
لابتسامتك التي
غازلت وجه الصباح
و عاندت كل الرياح
للمواسم
و التواريخ القريبة و البعيدة
للزغاريد التي
مزقت ستر الليالي
للمزامير التي
وحدت بين الخطاوي
للشوارع
و المحطات القديمة و الجديدة
هذي ضفائرك ارتمت
حزنا عليك
وخفقة ترنو اليك
تثير منك ساعديك
لوثبة
تغتال فيك
برودة الانفاس
و الصمت
ا
ل
م
ب
ع
ث
ر
بالكلام
لكن
عينيك اكترت لونا
يهدهد اغنية تموت
علي شفاه العابرين
علي ممرات
التراكم
والتراحم
و التعارف
و التعاطف
و التهتك
بين فوضي و نظام
لكنني
يا وحدة البيت المتاخم للدروب الذاهبات الي البروق القادمات من الطفولة و الغمام
رسمت منك عوالما تأتي اليك
تبيح فيك خصوبة الكلمات و الفروع الناميات
تحيل فيك نشازك اللوني اغنية توقع بانسجام
شبارقة
08-05-2008, 04:19 PM
خد وهات جميلة منكما يا محمد ومنال ولو كانت بداية إسمي بالميم كنت إنجعصت معاكم :D
وبعدين يا محمد مناجاتك لذاتك دي عجبتني شديد ... وفعلاً لو أديناك فرصة ح تتوهط تب و ح تنشرح وح تنشكح وتتفرشخ كمان.
وهاكم إلى أن ألقاكم :
1- الحزا 2- التال 3- ضمه 4- أنكرب 5- الكرور 6- المقانس
7- الفوسيب
فيصل سعد
09-05-2008, 08:08 AM
وما صدّقت ... جري ... وانا الماعندي موضوع أسوي شنو؟ والغريبة دا المنتدى الوحيد الما عندي فيو موضوع واكتر منتدى حبيتو ... شفتو المغسة دي كيف !!! تشق !!! لا بتشق ولا حاجة ... انت قول الناس دي ما فضّلت شي وابني على هذا الأساس حاجاتك ... لقيت نفسي مكشّح في كم حتة حاصل فارغ ... كلو مرة أطير جوز أو اهبط اضطراريا في حتة كدا القاهم يغردو خارج السرب ... وكأني مررت بسرب أعجمي ... فقلت يا زول لِم عفشك عليك واشتغل قشّاش ... قشّاش أي حاجة بما فيهم قشّاش دموع بس ما أكون غشّاش ... اها لقيت القرصات كترت والسندات ما تديك الدرب .... جريت فرملة اليد ... ثم عملت نايم بكل بساطة ... ركيت في زمن ميّل... غير الفرع الراكّي فيو وبغرد ... أغنية الغيم والخريف ... والراس كان يستوجب على الذي أحب أن يجُر شخيت ولا يجرجر أذيال الخيبة والهزيمة والخزي ... فقلت للمحطات إستقيمي فإني على صراط ... صبأت روحي كما ولدتني الإنسانة التي أحب ... اها تاني حاجة البوست زي شدرة كلام تسقيها بحروفك والتزامك بالمبدأ والغاية والهدف ... وأنا من الذين يكشّحون مويتهم على الرهاب بغير قصد ... أو الرهاب ينكشح فيني ... حيث الحظ العاثر والخطى الملككة في موية رهاب تاني جواي حيث الريق النِّشِف والبلاوي التي تبِيض كما يحلو لها متى ما تكاكي ... وكان مشيت حلّقت وأكيد خارج السرب ح أكون خارج التغطية ... فقررت ألِم المشتتت واعاين بالضبانة وتااااح بارتياح ... في قلب التارقت ... ويا تموت نضيف أو زول حريف ...
وكثيرا ما أخش على نفسي وهي التي تهمني في المقام الأول حتى أعكس الكورة صح ... وعشان ما أجليها فلابد من قنطرتها ريثما أقد الشبكة أو أصِب الحارس في مقتل والجمهور كذلك ...
ثم آتي أُكلي كل حين ... ألملم ما تبقى من خطاوي الشوق ... والجسد المدوزن بالتسفار ... أصنقر ... ليس بالضرورة أن تعني استراحة مقاتل بقدر ماهي دخول على روحك تفليها ...
وتصبر يوم تقوليها ...
وحاتك كوني زي شمعة ...
بتبزق في وشوش الريح ...
وتمرق يوم أناديها ...
البوست دا صاح باسم فيصل لكن (اسم على اسم) زي ما قال شبارقة:D:D:D
وكان مشيتو عملتوها شينة انا زاتي بفرز عيشتي التي لم تطير لغاية الآن ...
والكلام الفوق دا بداية بوستإاندياحي في المقام الأول ... إمكن أترك أثر ... لأنو الموت من الحياة ما معروف ...
فاحسن أعمل معروف واخلي الموت يقول كلمتو ... ويا ريتو لو أبكم ...
شبارقة اخدت فرصتك وانفردت بالعرفي ...
منال أهي خشت لينا في اعلام ومعالم ...
فيصل سعد ما تعدش ...
اها يا جماعة ادوني فرصة معاكم اشتعل بقدر الزيت العندي ... لعلي آتيكم بقبس ... أو تجدوا على النار هدى ...
لفيتنا و دورتنا و خبت بينا الدلجة
و فكيتنا عكس الهواء و اخيرا
بعد اللف و الدوران قعدت تبرر بالقدرة و الزيت الشحيح
و القبس و النور و الموية و هكذا جغمسات :D:D:D
لفيتنا و دورتنا و خبت بينا الدلجة
و فكيتنا عكس الهواء و اخيرا
بعد اللف و الدوران قعدت تبرر بالقدرة و الزيت الشحيح
و القبس و النور و الموية و هكذا جغمسات :D:D:D
جغمسات الذين انقسموا نصين ...
وانتو غير الدلجة مافي شي بستلمكم :D:D
فكان لابد من البطبطة والعكر ... ومخلايتي محل تقع ياها القعدة ... ادق خيمتي واولع ناري ...
يا فيصل ياخ ما تبقى لي زي نار الهشيم ...
وزي الفكو وطار ...
وانشاء الله ما تطير ليك عِيِشة قول يا لطيف ...
وس وس
لسه بضحك على البوست النزلتو وطلع فشنك !!!
شبارقة
10-05-2008, 03:33 PM
قعدت تبرر بالقدرة و الزيت الشحيح
و القبس و النور و الموية و هكذا جغمسات :D:D:D
ما ياهو ده الإبداع زاتو يا فيصل ... وكدي خشوا لينا على الكلام التحت ده :-
1- المُله 2- الكركابه 3- الفلكابه 4- التقابه 5- التقا (التقه)
ما ياهو ده الإبداع زاتو يا فيصل ... وكدي خشوا لينا على الكلام التحت ده :-
1- المُله 2- الكركابه 3- الفلكابه 4- التقابه 5- التقا (التقه)
1- المُله ... المُله عُمر:D
2- الكركابه باااااص
3- الفلكابه باااااص
4- التقابه المسيد
5- التقا (التقه) (بقيت تكرر يا شبارقة ... قلناها قبل كدا ...
وكترت المحلبية هنا!!!
فيصل سعد
12-05-2008, 08:04 AM
الملة عندها علاقة بالزير او المزيرة او البناء و خشب العروش و السراير و هكذا تفاصيل :D:D
الكركابة قطع شك هي العربة "نركب الكركابة ندلى في ام روابة الجنني و جنن العزابة :D:D "
الفلكابة دي اسأل عنها عكود زول بتاع بلاستيك و كدة :D:D
شبارقة
12-05-2008, 10:42 AM
4- التقابه المسيد الرجاء الإفصاح أكثر وأكثر
5- التقا (التقه) (بقيت تكرر يا شبارقة ... قلناها قبل كدا ...) ذكرناها ولكن مافي واحد حلحلها لينا
تعليقي بالأحمر أعلاه ...وشوف المداخلة رقم 1050 حتلاقي فيها الكركابة التي كانت تستخدم في زمن ناس فيصل :D
شبارقة
12-05-2008, 10:50 AM
الملة عندها علاقة بالزير او المزيرة او البناء و خشب العروش و هكذا تفاصيل :D:D
الفلكابة دي اسأل عنها عكود زول بتاع بلاستيك و كدة :D:D
المُله والمَلاله أصلها المل وهو كلمة عربية فصحى ... وفي معنى آخر لها علاقة بالسرير ..ولكن ليس لها علاقة بالزير أو الحرير :D وفي إنتظار عكود بالرغم من إنو الفلكاب ليس له علاقة بالبلاستيك :mad::mad:
فيصل سعد
15-05-2008, 10:05 AM
ما اديناك احتمال علاقة الملة بالسرير صهينت مننا و كبيت الزوغة :D:D
بتعرف السحلبة ؟؟ يقول ليك فلان دا مسحلب
و بتعرف الكتاوت و الضفيرة و الدفرنش ؟؟
شبارقة
15-05-2008, 11:17 AM
بتعرف السحلبة ؟؟ يقول ليك فلان دا مسحلب
السحلب نبات يا فيصل(أنظر الصورة أدناه ) ويستخلص منه مشروب سميك محلى بالسكر يعرف بمشروب السحلب (مشروب جيلاتيني - هلامي) بالذات في مصر وتركيا والمنطقة الغربية بالمملكة العربية السعودية
والمادة الفعالة في السحلب هي مادة هلاميـة ويمكن ده سبب تسميتنا لبعض الأشخاص الهلاميين بالمسحلبين :D
http://sudanyat.org/vb/imgcache/120.imgcache.jpg (http://www.l44l.com/up)
و بتعرف الكتاوت و الضفيرة و الدفرنش ؟؟
سلملي على ميكانيكيي السيارات
شبارقة
15-05-2008, 11:38 AM
1- المُله 2- الكركابه 3- الفلكابه 4- التقابه 5- التقا (التقه)
1- المله : المل هو الرماد الساخن (كلمة عربية فصحى) ونحن بنقول الملاله ..وكانو أمهاتنا يداعونا بـ : الملاله التحرقك ! أما المله فهي قطعة حديدية تستعمل لتقليبب الجمر تحت الدوكة أو الصاج (تعمل عمل الماشه في الفحم) ... وهناك أيضاً ملة السرير وهي قطعاً معروفة لديكم .
2- الفلكابه : هي القنايه
3- التقابة : هي مجلس قراءة القرآن الكريم في ساحات الخلاوي وتستخدم فيها نار الحطب للإضاءة
4- التقا (التقه) : هي مساحة تترك خالية في الأماكن الزراعية ليوضع فيها المحصول
1- المله : المل هو الرماد الساخن (كلمة عربية فصحى) ونحن بنقول الملاله ..وكانو حبوباتنا يداعونا بـ : الملاله التحرقك !
كان بقولو الملاله الجمرها حي ... كلامك صاح يا شبارقة
لكن انت عملت ضمة في الميم وكان مفروض تكون فتحة ...
شبارقة
17-05-2008, 07:54 AM
لكن انت عملت ضمة في الميم وكان مفروض تكون فتحة .
الملة بضم الميم هو إسم للقطعة الحديدية التي تعمل عمل الماشة بتحريك جمر الحطب تحت الرماد أما المل والملاله فهي بفتح الميم يا فردة وشكراً لك .
شبارقة
17-05-2008, 08:00 AM
هاكم إلى أن ألقاكم (وبدون تشكيل لمزيد من الإنشطاحة والإنشكاحة والإنبراش والفرشخه):
1- يخب 2- اللهيج 3- الدرت 4- عنقالي 5- مركوز
6- مختر (تشديد التاء) 7- مدروع 8- القيساب 9- السايحه والمتراوحه
10- الحركرك 11- الرحيح 12- طفر (تشديد الفاء)
فيصل سعد
17-05-2008, 08:20 AM
هاكم إلى أن ألقاكم (وبدون تشكيل لمزيد من الإنشطاحة والإنشكاحة والإنبراش والفرشخه):
1- يخب 2- اللهيج 3- الدرت 4- عنقالي 5- مركوز
6- مختر 7- مدروع 7- القيساب 8- السايحه والمتراوحه 8- الحركرك
9- الرحيح 10- طفر (تشديد الفاء)
نمرة 8 المدبلها دا زي اخونا ود ابو عاقلة قاعد على الحركرك و على الهبشة و متلقي حجج. و كل ما تعصروا يقول ليك لسة في الفرن :D:D . اما السايحة و المتراوحة اعتقد المطرة :D و لا زولة بتساسق كتير :D:D و انت الظاهر داير تجيب لينا مشاكل يا مركوز :D:D
نمرة 7 برضو مدبلها :D:D واحدة فيهم زي البوست دا مدروع في رقبتك :D:D و التانية يطرشني و يعميني :D:D الا اطفر بالحيطة و استعين بصديق .
نمرة 2 دي ما دايرة شرح اسمع الاغنية و بتفهمها و هي طايرة :D:D
تحياتي يا مندوب الاتحاد الافريقي ..
شبارقة
17-05-2008, 05:45 PM
نمرة 2 دي ما دايرة شرح اسمع الاغنية و بتفهمها و هي طايرة :D:D
..
أولاً : يا ريت تنزل لينا الأغنية وتبقى أول أغنية في البوست ده على ما أعتقد ... عشان الجماعة يعرفو اللهيج السكر والكلام اللادن ;);)
ثانياً : للمساعدة :
1- يخب : أحمد وراء التيران يخب أسيان يفكر منغلب مابين بكاء الساقية الهناك ومابين طفوله بتنتحب (من كلام المرحوم/ عمر الطيب الدوش).
9- الرحيح : واحدة زعلانة من راجيلا قالت ليهو : شاحدة الله تقع تراااح ... قام قال ليها: تَرِحي رحيح تامزينو ديك الما عادت :D
أها قصرنا معاكم ؟ يلا خشو على الباقيات بلا مساعدة بلا قونقليز :D:D
أولاً : يا ريت تنزل لينا الأغنية وتبقى أول أغنية في البوست ده على ما أعتقد ... عشان الجماعة يعرفو اللهيج السكر والكلام اللادن ;);)
الشاعر قال القوام اللادن و الحشا المبروم و الصدير الطامح زى خليج الروم
ما تجغمس غنا الحقيبة يا بتاع التراث الزغت منو داك ... معاك نزل الاغنتين يا فيصل للبكائين حصريا ;);)ثانياً : للمساعدة :
1- يخب : أحمد وراء التيران يخب أسيان يفكر منغلب مابين بكاء الساقية الهناك ومابين طفوله بتنتحب (من كلام المرحوم/ عمر الطيب الدوش).
يا سلام يا شبارقة
9- الرحيح : واحدة زعلانة من راجيلا قالت ليهو : شاحدة الله تقع تراااح ... قام قال ليها: تَرِحي رحيح تامزينو ديك الما عادت :D
تامزينو يقال انها كانت سكرانة لط تترحح اله يجازى محنك يا جنى
طفر :دى نط وقع تلب (شكلهاعندك)
السايحه والمتراوحه : ضرب مثل يقال عندما تفقد جزؤ كبير من الشى يبقى فى ايدك القليل يقولولك اديتو السايحه والمتراوحه
دى اجتهاد بنص القيمة:p
شبارقة
19-05-2008, 03:24 PM
السايحه والمتراوحه : ضرب مثل يقال عندما تفقد جزؤ كبير من الشى يبقى فى ايدك القليل يقولولك اديتو السايحه والمتراوحه
دى اجتهاد بنص القيمة:p
الإجتهاد مطلوب يا بت أخوي ... لكن فسرتي الماء بعد الإجتهاد بالماء
فيصل سعد
23-05-2008, 06:23 AM
[color=#0000FF][size=5][align=justify]سلملي على ميكانيكيي السيارات
طبعا اكيد انت قاصد الكهربجي و ليس الميكانيكي :D:D
اها ، بتعرف القيزان و الحارة و الرحمتات.. و السلوكة و الازمة و الكرك ..
و الحسكنيت و الرماي و الصارقيل ؟؟؟
شبارقة
24-05-2008, 08:05 AM
قال كيشو:
يا دكتور
قراصة النبق عندنا اسمها (التابون)، وهذه المعلومة معنونة عبرك للأخ شبارقة
ورد عليه طارق:
عارف يا كيشو الـ(التابون)
اسم في المغرب لي حاجة بطالة خلاص :D:D:D
قال شبارقة:
شكراً يا كيشو ... فكرنا ننزلها بهناك .. لكن تعريف أخونا طارق المغربي خوّفَنا بالحيل :D
ورد عليه كيشو:
يا خوي تابون المغاربة خليه هناك، لن نترك حياتنا وثقافتنا لأحد
أنا جيت الدوحة وعملي معظمه مع الإخوة القطريين واحد قال لي: قلط واشرب معانا شاي :)
قلط بتشديد اللام، واقلط معناها اجلس، والمقلط هو المجلس (يللا قلطوا كلكم :D) دي عكود ما يحذفها من هنا
المداخلات أعلاه كانت ما بين كيشو وطارق جبريل وشخصي الضعيف في بوست نوال الزغبي وقراصة النبق ..وبدون تعليق
اتا زاااااتي غير بدون تعليق ما عندي حاجة اقولا ...
يعلقوك من عصبتك : .. انت وعُصبتك D:D:D
شبارقة
24-05-2008, 08:26 AM
اها ، بتعرف القيزان و الحارة و الرحمتات.. و السلوكة و الازمة و الكرك ..
و الحسكنيت و الرماي و الصارقيل ؟؟؟
القيزان دي يشرحا لينا ود أبو عاقلة لأنو سأل عنها قبل فترة قصيرة
الحارة : الحارّات كتيرات !! ياتو حارة قاصد؟
الرحمتات: في يوم 27 رمضان تقوم النسوان بعمل كرامة للأطفال ... تعبيراً عن زكاة أو كفارة أو صدقة .. وكده
السلوكه : ذكرت من قبل
الأزمة : بيسموها أم رأسين وتستخدم في الحفر عموماً
طبعا اكيد انت قاصد الكهربجي و ليس الميكانيكي :D:D
اها ، بتعرف القيزان و الحارة و الرحمتات.. و السلوكة و الازمة و الكرك ..
و الحسكنيت و الرماي و الصارقيل ؟؟؟
فيصل ... الرد ما بيابا الزيادة ... كان ناقص على ما اظن ....
السلوكة ... اداة زراعة
الأزمة ... (ازمة السلطة وهي بت عم الحفّارة لكن دي بى راس وديك راسين ...
الكرك ... في حاجة اسمها شاي كرك ... ولو قاصد كرنك دا حاجة تانية ...
الحسكنيت ... وتسمى ايضا بالضريسة ... واعتقد الحسكنيت والضريسة شبه بعض لكن الضريسة سنّة خشنة والحسكنيت سنّة ناعمة ... الله يكفينا شر الزول الحسكنيت ...
الرماي ... قلناهو لكن مجموعة من السنارات في خيط واحد لصيد السمك ...
الصارقيل ... الدودة الشهية للكثير من الاسماك ... خصوصا اسماك جبل اولياء حيث المراكب والدبش ...
اها الدبش يعني شنو ...
*
الود دا ود اليابا والتابا ... برضو يعني شنو يا شبارقة
شبارقة
24-05-2008, 08:59 AM
اها بتعرف الكرك .. ؟؟؟
الكرك : من أدوات الزراعة برضو وبيسموهو الكرن أيضاً (أبو سنون) يستخدم في تنظيف الأرض من الحشائش التي تم قطعها وكده
[QUOTE=محمد أبوعاقلة
الكرك ... في حاجة اسمها شاي كرك ... ولو قاصد كرنك دا حاجة تانية ...
الكرك هي آلة تستخدم في تجميع الأوساخ التي تستعصي على المقشاشة، وهي تشبه المشط ولها عصا طويلة مثل الكوريق، ممكن تعتبرها آلة مساعدة لأن المقشاشة تأتي بعدها في مراحل النظافة
تعرفو الدفارين؟ ربما تكون الكلمة ذكرت عندكم من قبل
شبارقة
24-05-2008, 09:03 AM
اتا زاااااتي غير بدون تعليق ما عندي حاجة اقولا ...
D:D:D
الحمد لله ... أنا ما كنت خائف إلا من تعليقاتك إنت بس ... وشوتاتك الضفّاريه ... نحمد الله المرة دي إنسترتا معانا:D:D
شبارقة
24-05-2008, 09:07 AM
مرحباً بالأخ كيشو مساهماً ومشاركاً ومدافراً :D ... والدفارين دي أول مرة نسمع بيها ... كدي أدي الجماعة فرصة وبعدين تحلها لينا ... ويحلنا الحله ..... :D:D
[QUOTE=محمد أبوعاقلة
الكرك ... في حاجة اسمها شاي كرك ... ولو قاصد كرنك دا حاجة تانية ...
الكرك هي آلة تستخدم في تجميع الأوساخ التي تستعصي على المقشاشة، وهي تشبه المشط ولها عصا طويلة مثل الكوريق، ممكن تعتبرها آلة مساعدة لأن المقشاشة تأتي بعدها في مراحل النظافة
تعرفو الدفارين؟ ربما تكون الكلمة ذكرت عندكم من قبل
يعني الكناسة ... والكرك كلمة تحسسك انها ناقصة حرف لكن شنو ما عارف
الدفارين دي شبارقة زاتو ما بكون ناقِشا ...
مرحباً بالأخ كيشو مساهماً ومشاركاً ومدافراً :D ... والدفارين دي أول مرة نسمع بيها ... كدي أدي الجماعة فرصة وبعدين تحلها لينا ... ويحلنا الحله ..... :D:D
امكن تكون مثنى (دفّار) يا شبارقة منصوبين :D
فيصل سعد
24-05-2008, 09:16 AM
[QUOTE=كيشو;98585]
يعني الكناسة ... والكرك كلمة تحسسك انها ناقصة حرف لكن شنو ما عارف
الدفارين دي شبارقة زاتو ما بكون ناقِشا ...
الدفارين يعني عدد اتنين دفار و كدة :D:D لكن المعلم كيشو دا قاصد بيها روحو لانه بدفر الناس في بوستاته و بلزهم و بهرشهم و بحمر ليهم و مرات بطردهم عديل كدة :D:D و كان ما مصدقني اسأل شبارقة عنده تجربة معاو و كدة :D:D
فيصل سعد
24-05-2008, 09:23 AM
مرحباً بالأخ كيشو مساهماً ومشاركاً ومدافراً :D ... والدفارين دي أول مرة نسمع بيها ... كدي أدي الجماعة فرصة وبعدين تحلها لينا ... ويحلنا الحله ..... :D:D
انت صاح اول مرة تسمع بيها :D:D لكن قطع شك شفتها و ضقتها من صاحبك الاسيوطي في بوست تصرف فردي و شوف عيني :D:D و سماع اضنين ود ابوعاقلة :D:D كيشو قال ليك امرق من هنا :D:D و انا لو في محلك افرش ليو بساط احمر و ادق ليو مزيكة جيش في البوست دا مودة و ترحاب عشان يخش في اضافرينه صاحبك الدفار اللزاز الخرخار دا :D:D
انت صاح اول مرة تسمع بيها :D:D لكن قطع شك شفتها و ضقتها من صاحبك الاسيوطي في بوست تصرف فردي و شوف عيني :D:D و سماع اضنين ود ابوعاقلة :D:D كيشو قال ليك امرق من هنا :D:D و انا لو في محلك افرش ليو بساط احمر و ادق ليو مزيكة جيش في البوست دا مودة و ترحاب عشان يخش في اضافرينه صاحبك الدفار اللزاز الخرخار دا :D:D
انا يا مراقب هناك عايز أعمل تأسيس لما يجب أن تكون عليه الجماعات والمجموعات التي لا حصر لها في السودان، وانتو جيتو ذي الشلة البتفتش ليها في حفلة بعد الساعة اتنين صباحأ ونزلتو عندي وعجبكم الحوش وحسب البيكم قلتو هندي حفلة وبديتو، عشان كدة طردتكم :D
عليك الله أمشي بوست ركن النقاش ص 4 رد الأخ خالد الشنقيطي على مداخلاتي، شوف الاعتذار بالتصرفات الفردية راقد كيف؟
"عيال ام زين اخيرم زين" رايكم شنو في المثل دا
الدفارين بوريكم ليها بعدين
أجيكم هنا برضو؟
أنا الظلامي محل ما تمشي تلقى ضلي:mad:
فيصل سعد
24-05-2008, 09:56 AM
انا يا مراقب هناك عايز أعمل تأسيس لما يجب أن تكون عليه الجماعات والمجموعات التي لا حصر لها في السودان، وانتو جيتو ذي الشلة البتفتش ليها في حفلة بعد الساعة اتنين صباحأ ونزلتو عندي وعجبكم الحوش وحسب البيكم قلتو هندي حفلة وبديتو، عشان كدة طردتكم :D
عليك الله أمشي بوست ركن النقاش ص 4 رد الأخ خالد الشنقيطي على مداخلاتي، شوف الاعتذار بالتصرفات الفردية راقد كيف؟
"عيال ام زين اخيرم زين" رايكم شنو في المثل دا
الدفارين بوريكم ليها بعدين
أجيكم هنا برضو؟
أنا الظلامي محل ما تمشي تلقى ضلي:mad:
مرحب بيك و حباب ضلك و همبريبك و سمومك كمان يا حبوب ، و بالمناسبة نحن جينا الحفلة بهناك للمجاملة و كدة لانه متفقين انه نهابش على خفيف و ما نسترسل و نخش في الغريق :D:D عشان ما نحكها معاك كتير و نطلع ليك بوست الاسايطة برضو تصرف فردي و كدة :D:D احتراما و تقديرا لخاطرك الغالي و خاطر اخوانا كباشي و ابو ريم و الزول و مكي لانهم عشرة تاريخية و معارف قبل ما نتلاقى في سودانيات ، المهم في التصرف الفردي ود ابوعاقلة رشاك بمداخلة قوية و في التكفير ود الحاج رص ليك محاذير و انا هنا بديك من المودة الصافية احلاها و اعذبها و تقبل مناوشاتنا الحميمة و لا تحملنا مسؤلية نعت ظلاميتك و ان شاء الله تضوى ليك و تظللنا فردي و جماعي :D:D
مرحب بيك و حباب ضلك و همبريبك و سمومك كمان يا حبوب ، و بالمناسبة نحن جينا الحفلة بهناك للمجاملة و كدة لانه متفقين انه نهابش على خفيف و ما نسترسل و نخش في الغريق :D:D عشان ما نحكها معاك كتير و نطلع ليك بوست الاسايطة برضو تصرف فردي و كدة :D:D احتراما و تقديرا لخاطرك الغالي و خاطر اخوانا كباشي و ابو ريم و الزول و مكي لانهم عشرة تاريخية و معارف قبل ما نتلاقى في سودانيات ، المهم في التصرف الفردي ود ابوعاقلة رشاك بمداخلة قوية و في التكفير ود الحاج رص ليك محاذير و انا هنا بديك من المودة الصافية احلاها و اعذبها و تقبل مناوشاتنا الحميمة و لا تحملنا مسؤلية نعت ظلاميتك و ان شاء الله تضوى ليك و تظللنا فردي و جماعي :D:D
ذكرت شخصيات أسيوطية حبيبة إلى النفس، هم عشرة تاريخية وللا عشرة سنين؟
كباشي كان يسكن معه أبناء القضارف ولهذا كنت أقابله كثيراً، وهو رجل أصيل
أبو ريم برلومنا العزيز، ومكي كان من المجانين وكنا نصنفه مع أحد مجانين القضارف واسمه الحركي "قمر" الغريبة كل من ذكرت كان اتحادياً إلا أبا ريم
أما الزوول داك خلو خلو
أها انت الحفيان ما جدك؟
فيصل سعد
24-05-2008, 11:33 AM
ذكرت شخصيات أسيوطية حبيبة إلى النفس، هم عشرة تاريخية وللا عشرة سنين؟
كباشي كان يسكن معه أبناء القضارف ولهذا كنت أقابله كثيراً، وهو رجل أصيل
أبو ريم برلومنا العزيز، ومكي كان من المجانين وكنا نصنفه مع أحد مجانين القضارف واسمه الحركي "قمر" الغريبة كل من ذكرت كان اتحادياً إلا أبا ريم
أما الزوول داك خلو خلو
أها انت الحفيان ما جدك؟
لا و انت الصادق انا جدي الشيخ ادريس ارباب العقائد ، اما اصحابي ناس القضارف وليد محمد عبد الله عصام عوض الكريم "كاو"، فيصل حمد، عاطف حسين ود اليماني، احمد قرض ، سهل مصطفى سمهن ، ناظم على الخضر و نسائبنا في عصار و ديم النور آل الشيخ عطية محمد سعيد .. و الاستاذ مصطفى محمد سعيد و الدكتور عبد الرحمن محمد سعيد لهم الرحمة ..
لا و انت الصادق انا جدي الشيخ ادريس ارباب العقائد ، اما اصحابي ناس القضارف وليد محمد عبد الله عصام عوض الكريم "كاو"، فيصل حمد، عاطف حسين ود اليماني، احمد قرض ، سهل مصطفى سمهن ، ناظم على الخضر و نسائبنا في عصار و ديم النور آل الشيخ عطية محمد سعيد .. و الاستاذ مصطفى محمد سعيد و الدكتور عبد الرحمن محمد سعيد لهم الرحمة ..
يا زول أكان كدي انت جيت قريب خالص
انا مولود في ديم النور والجماعة ديل جيرانا
احمد قرض (حلبي) معانا في ديم النور
عصام كاو (حي الجناين)
سهل مصطفى سمهن والده رحمه الله كان تلميذا وصديقاً لجدي، مازالت صورته في الليليات والحوليات في ذهني
هي يا القلبتوها معارفي ومعارفك ... وجماعتي وجماعتك ...
ويا فيصل نحن ما ناسك ...
ما ناسك نحن ماااااااااااا ناسك ...
لو انت ناسي انا راسي ... ومفتح ... وكان للتخريمات دي عندي منها كتير ...
استعدل البوست يا ريس ...
الحمد لله ... أنا ما كنت خائف إلا من تعليقاتك إنت بس ... وشوتاتك الضفّاريه ... نحمد الله المرة دي إنسترتا معانا:D:D
هو مشى وين يا كابتن ...؟
تخيّل : غيرت رايي في آخر لحظة ... ودفّقت ردي على الرهاب ...*
ود اليابا والتابا ... دي ما تنسوها وتعملو نايمين ...
للحول ما بخليكم ...
شبارقة
24-05-2008, 03:52 PM
... وكان للتخريمات دي عندي منها كتير ...
استعدل البوست يا ريس ...
كفينا شر تخريماتك :D:D:D وواصل في إبتساماتك
وأنا البستعدل ليك الكركابة وهاكم :
1- الحيف 2- الرحيح والتحيح 3- العوّه
شبارقة
24-05-2008, 03:58 PM
هو مشى وين يا كابتن ...؟
هو منو هو ؟! ما طفشّتها وخليتها تعتزل الفن يا سليمان عبد القادر :D:D
ود اليابا والتابا ... دي ما تنسوها وتعملو نايمين ...
للحول ما بخليكم ...
اليابا والتابا : أصلها أبى وأبت بمعنى (رفض ورفضت) ونحن بنقول أبيت وأبيتي ... ومنها الرافض (اليابا) والرافضة (التابا) ... والمعنى واضح .. وسلملي على عبد الله الطيب :D:D:D
كفينا شر تخريماتك :D:D:D
وأنا البستعدل ليك الكركابة وهاكم :
1- الحيف 2- الرحيح والتحيح 3- العوّه
الحيف ... طرف الشئ ... الشي شنو !!!!!!
الرحيح والتحيح ... غايتو حاجة فيها مساسقة لكن شنو ما عارفة ....
العوة ... المشكلة ... بلنجات شلاليت... وألفاظ شينة وضرب تحت الحزام
شبارقة
24-05-2008, 04:10 PM
تخيّل : غيرت رايي في آخر لحظة ... ودفّقت ردي على الرهاب ...*
خيراً ما فعلت :D:D:D
عارف يا فردة عندنا واحد كلامو كلو مشاتر ...وشوتاتو الضفارية تصم الإضنين.. أها قاموا الجماعة عاتبوهو.. قام قال ليهم: والله يا جماعة الكلام بمرق من بطني حلو لكن بتغير بره :D:D
شبارقة
24-05-2008, 04:13 PM
الرحيح والتحيح ... غايتو حاجة فيها مساسقة لكن شنو ما عارفو ....
مظبوط ...يقولوا ليك: فلان ده يرح ويتح من أمبارح وما جاب مريسة تام زينو :D:D
فيصل سعد
25-05-2008, 06:31 AM
مظبوط ...يقولوا ليك: فلان ده يرح ويتح من أمبارح وما جاب مريسة تام زينو :D:D
اها يا شباب :طالما بتراجعو،، طيب السايحة و المتراوحة مالكم جليتوها :D:D اوعى تكونوا هارشين منهن و ملاوزين و كدة :D:D و يا شبارقة ينوبك ثواب تعمل ليك مراجعة و بحت في البوست دا لا وراء و تشوف اي فططان و نسيان و كلمات جفلن :D:D تقرعهم و تلمهم لينا قدام هنا ...
يا جماعة الدفارين ما لقيتو ليها طريقة
خلاص أقول
بابكر مخير
25-05-2008, 08:21 AM
هارشين
...
هارش
harsh
هاتريك
hat trick
هترشا
hush
شوش
shush
فيصل سعد
26-05-2008, 12:42 AM
استراحة قصيرة مع الامثال و التركيز
على امثال غنائية الشرح عند شبارقة و ود ابو عاقلة :D:D
الخيل تجقلب و الشكر لحماد.
زي ابل الرحيل شايلا السقى و عطشانة .
العين ما بتعلى على الحاجب .
ضل الدليب البرمي بعيد.
نية الزول دليل اعماله.
بزرع في المحبة و حصادي العشم.
الجمرة بتحرق الواطيها.
اختى الرملة ما تقع المكان الهش دي الممطورة ما بتبالي من الرش
شبارقة
26-05-2008, 07:13 AM
زي ابل الرحيل شايلا السقى و عطشانة
عارف يا فيصل بيت الدوبيت المذكور ده معبّر جداً وقوي .. بيقابلو في الفصحى :
وأمرّ ما لاقيتُ من ظلم الهوى قربُ الحبيب وما إليه وصولُ
كالعيس في البيداء يقتلها الظمأ والماء فوق ظهورها محمولُ
* ملحوظة : العيس هي الإبل طبعا ً
بابكر مخير
27-05-2008, 09:58 AM
استراحة قصيرة مع الامثال و التركيز
على امثال غنائية الشرح عند شبارقة و ود ابو عاقلة :D:D
الخيل تجقلب و الشكر لحماد.
زي ابل الرحيل شايلا السقى و عطشانة .
العين ما بتعلى على الحاجب .
ضل الدليب البرمي بعيد.
نية الزول دليل اعماله.
بزرع في المحبة و حصادي العشم.
الجمرة بتحرق الواطيها.
اختى الرملة ما تقع المكان الهش دي الممطورة ما بتبالي من الرش
نسيبكم وعشان خاطر وسا بنيتي نسيبي "الطاهر مخير" لمن يدور يخفف عليا مصايبي بيقول ليا دايمن:
قول يا لطيف
"ما أصلو هي محل رهيفة بتنقد"
آها لي حسي هي رهيفة ومقدودة أم بنايتن قش
شبارقة
28-05-2008, 07:15 AM
آها لي حسي هي رهيفة ومقدودة أم بنايتن قش
ود مخير يا الماك محير وما بتحير إلا مغير ... سلامات
كنا بنقول : خربانة أم بناين قش ... ولكن يمكننا القول : مقدودة أم بناين قش (كما ورد في مداخلتك) لأننا يمكن أن نقد القطية أو الراكوبة ... وزمان في قصة مشهورة من قصص حبوباتنا فيها جانب شعري بين زوجين :
قالت ليهو : ود الجمد مجمود
قال ليها: بت التصوت بالعود
قالت ليهو : ود التكيتو مليتو
قال ليها: بت التقد البيتو
وفعلاً قدت البيت ورجعت بالسمن المطلوب لزوجها واسع الحيلة وأطفالها الجياع :D:D:D
فيصل سعد
30-05-2008, 07:31 AM
قالت ليهو : ود الجمد مجمود
قال ليها: بت التصوت بالعود
قالت ليهو : ود التكيتو مليتو
قال ليها: بت التقد البيتو
وفعلاً قدت البيت ورجعت بالسمن المطلوب لزوجها واسع الحيلة وأطفالها الجياع :D:D:D
يا شبارقة الايام دي شايفك مشغول و مركز مع وشوش بناتنا :D:D و مجغمز مع الكريمات و الديانات و مخستك بالكركار و الودك :D:D و مصهين من البوست دا يا حبوب :confused::confused: ، الشاهد في الموضوع،، ما تسرح و تطول الغيبة ،، اقرع الجفلن و الفا البوست دا ينوبك ثواب :D:D
طارق الحسن محمد
30-05-2008, 03:19 PM
الكُنُش : المُفراكة
شبارقة يا جميل
كيفنك .. ؟
تصحيح بسيط
المفراكة هى العصاء التى فى راس قطعة خشب متعارضة افقيا
ام الكنش فهو مثل المفراكة فى الطول فقط يختلف فى شكل الخشبة التى توجد
فى نهايته وهى تاخذ شكل نصف دائرى او هلال
المفراكة تستخدم لفرك الخدرة -ملاح الورق - السلق ( الثلج) وامثالها
اما الكنش يستخدم لمللايقة الويكة والعصيدة
ومستعد لاى تصحيح
مودتى لك ولى فيصل صاحب هذا البوست الجميل
طارق الحسن محمد
30-05-2008, 03:25 PM
الدفتر : ورق شفاف رهيف يستعمل في نظافة النظارات
خليك واضح وصريح :mad:
اصلا الورق صنع للف السجائر
واخوانا المساطيل بيستخدموه فى لف البنقو والحشيش
فيصل
بيت النضارة البيجى مع النضارة بيكون معه قطعة قماش صغيرة لمسح العدسات
بطل لف ودوران :D:D:D:D
طارق الحسن محمد
30-05-2008, 03:32 PM
المستراح: الادبخانة ، بيت الادب، الحمام
فيصل واحد صاحبنا دخل حمام فى الجامعة
لقى واحد كاتب كدة
ادبخانة
مستراح
بيت الادب
بيت الراحة
w c
( دورة مياه)
كنيف
فقال كثرة الاسماء تدل
على عظم المسمى :D:D:D
طارق الحسن محمد
30-05-2008, 03:41 PM
سلامات ..وهاكم:-
مريسيلا : سراج (مصباح) يضي بإستخدام الجاز
المربعة : الأوضة (الغرفة) المنفردة
البيرون : السحلية
الغوغاية : آلة خشبية لفصل الغلغل عن القطن.
شبارقة يا جميل
والله الفوق دا كله جديد على
علا دى
السحسوح : السفنجة (الشبشب)
كان عندى معنى تانى ليها
:eek:
لكن الفى بالى اكتر
:D
فيصل سعد
31-05-2008, 07:13 AM
شكرا يا حبيبنا عم ميادة :D:D على مشاركاتك القيمة بشد الياء :D:D و بالمناسبة ابو مناهل وين و خبرو شنهو :D:D الراجل مختفي ليو زمن يا ابو الطرق فارجو ان تتقفدوا و تبلغة تحياتنا و قول ليه يلكع و يلاقينا بجاي لانه الحبايب جميع في انتظاره و كدة :D:D
شبارقة
31-05-2008, 07:44 AM
شبارقة يا جميل
كيفنك .. ؟
تصحيح بسيط
المفراكة هى العصاء التى فى راس قطعة خشب متعارضة افقيا
اما الكنش فهو مثل المفراكة فى الطول فقط يختلف فى شكل الخشبة التى توجد
فى نهايته وهى تاخذ شكل نصف دائرى او هلال
المفراكة تستخدم لفرك الخدرة -ملاح الورق - السلق ( الثلج) وامثالها
اما الكنش يستخدم لمللايقة الويكة والعصيدة
سلام يا طارق يا مبدع وفنان ... وتشكر على التصحيح ... وما تغيب عننا وخليك معانا
تخريمة : عارف يا طارق رسمتك الجميلة المصاحبة ليك دي بتذكرني جاغوم بن بلاع (تشديد اللام) :D:D
فيصل سعد
01-06-2008, 07:17 AM
سلام يا طارق يا مبدع وفنان ... وتشكر على التصحيح ... وما تغيب عننا وخليك معانا
تخريمة : عارف يا طارق رسمتك الجميلة المصاحبة ليك دي بتذكرني جاغوم بن بلاع (تشديد اللام) :D:D
قصدك بتاع الهناي داك :D:D كل ما يشفط يترقى
ليهم يوم اولاد الهرمة :mad::mad:
شبارقة
01-06-2008, 07:41 AM
كان عندى معنى تانى ليها
:eek:
لكن الفى بالى اكتر
:D
سلامات يا طارق ...
نعم كلمة سحسوح وتجمع سحاسيح هي مشتقة من السحسوح (الشبشب) المذكور في المداخلة .. وهي كلمات إهانة في حق بعض الشباب والرجال ظهرت في سبعينيات القرن الماضي في السودان .... زي ما قال ود بادي : هووي يا وليد إتلحلح وأقيف دوغري وواسي سدرك مع سدري
شبارقة
01-06-2008, 04:13 PM
هاكم إلى أن ألقاكم :
1- يراري 2- يكاكي 3- يتحتحت
4- البقجة 5- القجة 6- ما الفرق ما بين الحاري والطاري
فيصل سعد
02-06-2008, 08:08 AM
هاكم إلى أن ألقاكم :
1- يراري 2- يكاكي 3- يتحتحت
4- البقجة 5- القجة 6- ما الفرق ما بين الحاري والطاري
يراري عندها علاقة بالورد كما جاء في اغنية البلوم لاحمد الجابري رحمه الله "طرينا مشوار العصاري و رعشة الورد البيراري، و لا يكون عندها علاقة بنكتة المسطول لصاحبه "انت ترجف و الجلي يرجف جهجهتوا المعلقة" :D:D
يكاكي لها ارتباط وثيق بالديوك و كدة :D:D
يتحتحت بتظبط مع الصفق و الرماد و هي طاقية طائرة :D:D بتلفق في اشياء كثيرة و متعددة انت عارفها براك يا سنيرنا :D:D
البقجة هي كوم الهدوم ماشة الغسيل او المكوة :D:D
القجة استايل و فاشون و موضة شعر و تسريح و سلملي على الكوافير :D:D
الحاري و الطاري لهم في الاشتياق و اللوعة باع و اثر تليد، و ربما تمطيق و كدة :D:D و هنا وجب السؤال عن حال و احوال ود ابو عاقلة المختفي و قاطع الخبر و ان شاء الله يجي ينورنا اكثر في المفردتين ديل لانه تخصص و امتياز ..
اها : بتعرف التركاش ؟ و العكش ؟ والكوكاب ؟
شبارقة
02-06-2008, 05:27 PM
http://sudanyat.org/vb/imgcache/199.imgcache.jpg (http://www.l44l.com/up)
أين الفداية في الصورة أعلاه؟
شبارقة يا جميل
كيفنك .. ؟
تصحيح بسيط
المفراكة هى العصاء التى فى راس قطعة خشب متعارضة افقيا
ام الكنش فهو مثل المفراكة فى الطول فقط يختلف فى شكل الخشبة التى توجد
فى نهايته وهى تاخذ شكل نصف دائرى او هلال
المفراكة تستخدم لفرك الخدرة -ملاح الورق - السلق ( الثلج) وامثالها
اما الكنش يستخدم لمللايقة الويكة والعصيدة
ومستعد لاى تصحيح
مودتى لك ولى فيصل صاحب هذا البوست الجميل
الكنش بيكتلوا بيه البصلة، وهو موجود بقرب الحلة ذي السكرتير الخاص
هاكم إلى أن ألقاكم :
1- يراري 2- يكاكي 3- يتحتحت
4- البقجة 5- القجة 6- ما الفرق ما بين الحاري والطاري
يراري يلمع وفيصل صاح
الحاري هو المؤمل، ويقولون (الحاري أخير من المتعشي)
يتحتحت يتكلم بنبرة غاضبة أو متوسلة
القجة بفتح القاف هي القشرة بفتح القاف أيضاً
يكاكي هل هي الياء أو التاء يا عاصم؟
محاولة ما بطالة:p
يا جماعة الدفارين ما لقيتو ليها طريقة
خلاص أقول
الدفارين جمع دفار وهم العمال الذين يعملون في التقاة ويزودون دقاقة العيش بقناديل الذرة حيث تقوم الدقاقة بفصل الذرة وغربلته وتعبئة الجوالات به
الدفارين يستعملون نوعاً خاصاً من العصي يدفرون بها قناديل الذرة، ولهذا أطلق عليهم اسم الدفارين
الدفارين يلبسون ملابس خاصة مصنوعة من الدمورية أو الدبلان تغطي كل الجسم ليتفادوا الشرا الذي يتطاير من قناديل الذرة، ويكون عملهم بالليل ويفضلون الليالي التي تكون فيها الرياح نشطة لتبعد عنهم الشرا
عمل الدفارين صعب ويتطلب صبراً شديداً
الدفارين تطلق عليهم هكذا بالجمع وبالياء في كل الأحوال مرفوع منصوب مجرور
أخيراً الحاصدات الزراعية لا تحصد وهي متحركة وإنما يتم جمع الذرة في أكوام كبيرة تقف الدقاقة (بتشديد القاف الأولى وهي الحاصدة الزراعية الضخمة) أمام كل كوم لتقوم بعملها وأمامها الدفارين
كفاكم؟
عادل عسوم
02-06-2008, 06:24 PM
تعرفو البعشوم ؟:confused:
طارق بالله خليك بعيد :mad:
شبارقة
03-06-2008, 07:15 AM
يكاكي هل هي الياء أو التاء يا عاصم؟
:p
في حال المفرد بالتاء وفي حال الجمع بالياء ... الجداد يكاكي والجدادة تكاكي ...والشعب كلو بيكاكي ... وخليك معانا وألبس الكاكي :D
شبارقة
03-06-2008, 07:22 AM
تعرفو البعشوم ؟:confused:
طارق بالله خليك بعيد :mad:
نحن في صفحة 75 وجائي تقول لينا بعشوم !!! أرجع حركة وراء يا ود عسوم يا لذيذ وح تلاقينا جبنا سيرة البعشوم (وأم الكلب بعشوم)والحلوف والمرعفين والمرفعين والككو وجناح أم جكو وأم فكو كمان ... قال طارق قال :D
شبارقة
03-06-2008, 07:26 AM
الدفارين جمع دفار وهم العمال الذين يعملون في التقاة ويزودون دقاقة العيش بقناديل الذرة حيث تقوم الدقاقة بفصل الذرة وغربلته وتعبئة الجوالات به
الدفارين يستعملون نوعاً خاصاً من العصي يدفرون بها قناديل الذرة، ولهذا أطلق عليهم اسم الدفارين
الدفارين يلبسون ملابس خاصة مصنوعة من الدمورية أو الدبلان تغطي كل الجسم ليتفادوا الشرا الذي يتطاير من قناديل الذرة، ويكون عملهم بالليل ويفضلون الليالي التي تكون فيها الرياح نشطة لتبعد عنهم الشرا
عمل الدفارين صعب ويتطلب صبراً شديداً
الدفارين تطلق عليهم هكذا بالجمع وبالياء في كل الأحوال مرفوع منصوب مجرور
أخيراً الحاصدات الزراعية لا تحصد وهي متحركة وإنما يتم جمع الذرة في أكوام كبيرة تقف الدقاقة (بتشديد القاف الأولى وهي الحاصدة الزراعية الضخمة) أمام كل كوم لتقوم بعملها وأمامها الدفارين
كفاكم؟
كفانا تب ... ده إنت حتحتـّها حِتـّيت :D
شبارقة
04-06-2008, 06:04 PM
أها ممهوج معناها شنو؟
أها ممهوج معناها شنو؟
وكمان
موهدب معناها شنو؟
فيصل سعد
05-06-2008, 07:10 AM
يا كيشو السنيح الزول الشرهان في الاكل و العضة و الربربة :D:D و ما بشبع تب ، و الله اعلم . و يا عاصم ممهوج اعتقد ممكون لكن ما عارفه صابر و لا ما صابر :D:D اها يا بتاعين اسيوط بتعرفوا البرمة و سلمولي على البراندي :D:D
بابكر مخير
05-06-2008, 08:13 AM
نحن في صفحة 75 وجائي تقول لينا بعشوم !!! أرجع حركة وراء يا ود عسوم يا لذيذ وح تلاقينا جبنا سيرة البعشوم (وأم الكلب بعشوم)والحلوف والمرعفين والمرفعين والككو وجناح أم جكو وأم فكو كمان ... قال طارق قال :D
شبارقة الحبيب
لابد أنك تجيز مفهوم أخطاء الكيبوردات وهي أخطاء ذي ما بيقول في التنس unforced errors وهذا يبدو ما وقع فيه عادل فهو أراد الفصل ما بين الكلمتين "باع شوم" والكيبورد نسى الفطا والألف وطلعت بعشوم،،
فدحن باع الشوم دي مش إضافة جديدة؟؟
فالشوم هو سؤ الطالع، تشائم ونقيضها تفائل
مثلن،، عندما تفتح برنامج في تلفزيون السودان وتطل طلعة مقدمه ويقدم البرنامج وبعد كم يوم تسمع أنو فلان الكانو مستضيفنو في البرنامج الفلاني مااااااااااااااااات
آها مقدم البرنامج دا بيكون كمن بيبيع الشؤم فيقال باع شوم أو حتى الباع هو مد اليد فممكن أن تكون "باع شوم" مقاربة لمن يمد الشوم
فيبقى ود عسوم كيبوردو ختاها في الخلط الغير مقصود دا
متأسف هترشة عواجييز، "عصرهم العمر وطال بيهم السفر"
ودي برضها من المصطلحات البعرفها الضاقها
شبارقة
05-06-2008, 08:59 AM
عندما تفتح برنامج في تلفزيون السودان وتطل طلعة مقدمه ويقدم البرنامج وبعد كم يوم تسمع أنو فلان الكانو مستضيفنو في البرنامج الفلاني مااااااااااااااااات
آها مقدم البرنامج دا بيكون كمن بيبيع الشؤم فيقال باع شوم أو حتى الباع هو مد اليد فممكن أن تكون "باع شوم" مقاربة لمن يمد الشوم
حبيبنا ودكتورنا ود مخير الما بيتلفت والما بتحير ... سلامات
إنت قصدك ود الجزلي ولا ّ شنو ؟ ندعو له الله بالشفاء فهو في رحلة علاج خارج السودان ... وبالمناسبة جماعتو قبل فترة سجـّلوا ليهو عدة حلقات عن نفسو في برنامجو بتاع الأسماء التي كانت في حياتنا :D وربنا يستر :D
عادل عسوم
05-06-2008, 09:10 AM
نحن في صفحة 75 وجائي تقول لينا بعشوم !!! أرجع حركة وراء يا ود عسوم يا لذيذ وح تلاقينا جبنا سيرة البعشوم (وأم الكلب بعشوم)والحلوف والمرعفين والمرفعين والككو وجناح أم جكو وأم فكو كمان ... قال طارق قال :D
معليش ياشبارقة أنا أصلو راكب من شوية :cool:
ماتقولي دي كمان دُاكرتوها
التقاة (بالقاف المعجمة) :cool:
بابكر مخير
05-06-2008, 09:19 AM
حبيبنا ودكتورنا ود مخير الما بيتلفت والما بتحير ... سلامات
إنت قصدك ود الجزلي ولا ّ شنو ؟ ندعو له الله بالشفاء فهو في رحلة علاج خارج السودان ... وبالمناسبة جماعتو قبل فترة سجـّلوا ليهو عدة حلقات عن نفسو في برنامجو بتاع الأسماء التي كانت في حياتنا :D وربنا يستر :D
اللهم يشفيه
والله عمر شخص حبيب لي قلبي
وفي قصة حصلت ليهو مع الوالد إنشاء الله لمن يقوم نحكيها ليكم
شبارقة
05-06-2008, 09:20 AM
معليش ياشبارقة أنا أصلو راكب من شوية :cool:
:cool:
نديك قرشك وتنزل طوالي :D
فيصل سعد
08-06-2008, 08:05 AM
نديك قرشك وتنزل طوالي :D
يا معلم براحة على الزبائن :D:D
خصوصا ناس كسلا ديل و كدة :D:D
اهل الجبل احساس
رقه و سلامة ذوق
زورهم عشان تعرف
معنى الحياة و تروق
شجر الاراك نديان
و الطير يغرد فوق
و التاكا فى عزو
بعيد و ما ملحوق
قضيت سنين عمرى
بين الدروب رحال
لفيت بلاد و بلاد
زاد رحلتى الآمال
شفت الجمال لكن
ما مر بي جمال
يشبه جمال كسلا
و يشبه نخيلها الشال
ولهان انا و مشتاق
لخوة الاحباب
على ضفاف توتيل
الجنة تفتح باب
حيران انا و مشتاق
لخضرة الوادى
لنغمة الساقية
و ترنيمة الشادى
يا نسمة يا مارة
طربانة تتهادى
يا ريت على جناحك
أنا امشى لبلادى
يا ريت على جناحك
العودة لبلادى
و لا زال السؤال قائما عن اخبار اخونا و صديقنا العزيز محمد ابوعاقلة، احد الشركاء الاساسيين و الاصيلين و العمود الفقري لهذا البوست العامر بمشاركاتكم و مداخلاتكم الثرة و المقدرة ..
طارق الحسن محمد
08-06-2008, 10:04 PM
شكرا يا حبيبنا عم ميادة :D:D على مشاركاتك القيمة بشد الياء :D:D و بالمناسبة ابو مناهل وين و خبرو شنهو :D:D الراجل مختفي ليو زمن يا ابو الطرق فارجو ان تتقفدوا و تبلغة تحياتنا و قول ليه يلكع و يلاقينا بجاي لانه الحبايب جميع في انتظاره و كدة :D:D
فيصولى
والله ابو مناهل بخــــــــــــــــــــــــــير
وزمان وصانى وقال لى اسلم عليكم واحد واحد
بس العيب فينى انا والله المقصر
وبيجيكم قريب
وتقبلو تحياته
وتحياتى
شبارقة
09-06-2008, 08:02 AM
أها ممهوج معناها شنو؟
وكمان
موهدب معناها شنو؟
ونزيد عليهم وعلى نفس الوزن كمان ..مبتب .. معناها شنو؟
ملحوظة : صاحب / ـة الثلاث إجابات الصحيحة ليهو / ـها جائزة قيـّمة (سمحه سماحة السرور يا يمه ;) )
عمرابي
09-06-2008, 09:03 AM
آدي قعدة
الوكّاي نزل في ياتو صفحة
لو ما نزل كدي افتونا لحدي ما نجمّع
ونجيكم
شبارقة
09-06-2008, 09:31 AM
الوكّاي نزل في ياتو صفحة
لو ما نزل كدي افتونا لحدي ما نجمّع ونجيكم
مرحبا حباب العمرابي
الوكـّاي ده جديد لنج مافي زول غيرك رَبَطو أقصد نزّلو :o... لكن نزّلنا الكرّاب .. وندي فرصة للشباب يجتهدو شوية ... وإنت شكلك كده ح تكون إضافة حقيقية لهذا البوست
ويا فيصل ... الوكـّاي على وزن البكـّاي :D:D
آدي قعدة
الوكّاي نزل في ياتو صفحة
لو ما نزل كدي افتونا لحدي ما نجمّع
ونجيكم
مرحبا حباب العمرابي
الوكـّاي ده جديد لنج مافي زول غيرك رَبَطو أقصد نزّلو :o... لكن نزّلنا الكرّاب .. وندي فرصة للشباب يجتهدو شوية ... وإنت شكلك كده ح تكون إضافة حقيقية لهذا البوست
ويا فيصل ... الوكـّاي على وزن البكـّاي :D:D
أها يا شبارقة بديتو توسرو؟ يللا جماعة أبدو فسرو :)
فيصل سعد
10-06-2008, 04:35 AM
امتحان الفترة الاولى
9 يونيو 2008
المادة : مصطلحات عامية سودانية
اشرح معاني الكلمات التالية :
ممهوج
موهدب
مبتب
الوكّاي
توسرو
التقاة
الفداية
الحاري والطاري
الحيف
الرحيح
التحيح
الفلكابة
السايحة والمتراوحة
الدرت
عنقالي
مركوز
مختر
القيساب
الرحيح
فسر هذة الونسة الدقاقة :
قالت ليهو : ود الجمد مجمود
قال ليها: بت التصوت بالعود
قالت ليهو : ود التكيتو مليتو
قال ليها: بت التقد البيتو
امنياتنا للجميع التوفيق و النجاح :D:D
بابكر مخير
10-06-2008, 07:10 AM
يا فوفو
تعرف عمرابي ذكرني بحكاية جدو مع السفة واحدة من مصطلحات سودانية ربما لم تجد الإنتشار الكافي لكنها كانت قولة من رجل عظيم وساخر الي أقصى الحدود عليه رحمة الله هو عمنا أحمد داؤد.
كان من المداوميين الحضور في إجزخانة أمدرمان وكانت الإجزخانة دي ذي دكان ناس عمرابي، منتدى لصفوة أهل أمدرمان وحب عمنا أحمد داؤد لإجزخانة أمدرمان ختمو بان تملكها.
من أقوالو وهو كان معروف بأنه أول المتواجديين في المقابر لحضور الدفن: إن يوم جيتوا وما لقيتوني واقف هنا في دافنة؛ يبقى معناها البدفنوهو دا أنا.
من أقواله: إضافة إسم الكتاحو الي الأسماء إياها،،، ودي مشتقة من قولة كتاحة وهي الهبوب البتتميز بيها إمدرمان.
كان عليه رحمة الله بطول النيل نحافة وبعظمة السودان كرما وبجمال كل سوداني أسمر، أصيل
أحمد داؤد من أسماء أمدرمان ويا ريت الحبيب شوقي يدينا من عندو شوية وإن كان أنا متأكد أنو واحد من ناسننا في دوت أورغ ليهو معاهو صلة قرابة،،، ماهو السودان وهو أمدرمان
عمرابي
10-06-2008, 08:26 AM
مرحبا حباب العمرابي
الوكـّاي ده جديد لنج مافي زول غيرك رَبَطو أقصد نزّلو :o... لكن نزّلنا الكرّاب .. وندي فرصة للشباب يجتهدو شوية ... وإنت شكلك كده ح تكون إضافة حقيقية لهذا البوست
ويا فيصل ... الوكـّاي على وزن البكـّاي :D:D
ربطّو انت دة
لكن السقو دا لسّة بيوشل مالو؟
عمرابي
10-06-2008, 08:32 AM
القد
بكسر القاف يا ناس سمح؟
القد
بكسر القاف يا ناس سمح؟
إنت يا عمرابي جايط المواضيع بي غادي وجاي ترتاح هنا؟ شغلك كلو وكاي وقد بكسر القاف، هاك فنجان القهوة دا :)
عمرابي
10-06-2008, 12:19 PM
إنت يا عمرابي جايط المواضيع بي غادي وجاي ترتاح هنا؟ شغلك كلو وكاي وقد بكسر القاف، هاك فنجان القهوة دا :)
بي غادي وين ؟؟
قصدك شارع الكلاب؟؟ (دا اسم شارع في الديم)
عشان ما نمرق من موضوع البوست و يجوا يطردوني بي سببك كمان
قول لي معني الصرار (بضم الصاد)
:)
بي غادي وين ؟؟
قصدك شارع الكلاب؟؟ (دا اسم شارع في الديم)
عشان ما نمرق من موضوع البوست و يجوا يطردوني بي سببك كمان
قول لي معني الصرار (بضم الصاد)
:)
شارع الكلاب الطردا كلب السرة؟ :)
الصرار: صرو كـ كنو وزناً ومعنى
عمرابي
10-06-2008, 01:51 PM
شارع الكلاب الطردا كلب السرة؟ :)
الصرار: صرو كـ كنو وزناً ومعنى
هههههههههه
قويييييييية
ياهو زاتو شارعها
يازول ما تلخبت الكيمان
الصُرار خاص بالأناتي
و الكُنان حق الضكور
ولا شنو؟؟
للناس الماعارفين قاصدين اناتي و ضكور البهايم الله يكرم السامعين
هههههههههه
قويييييييية
ياهو زاتو شارعها
يازول ما تلخبت الكيمان
الصُرار خاص بالأناتي
و الكُنان حق الضكور
ولا شنو؟؟
للناس الماعارفين قاصدين اناتي و ضكور البهايم الله يكرم السامعين
عمرابي أخوي
خلي الجماعة يجربو حظهم
بعدين فيها شنو كان خليت ليك التاء المربوطة ؟:)
ونزيد عليهم وعلى نفس الوزن كمان ..مبتب .. معناها شنو؟
لكن الكلمة دي عامله معاي ماتشينغ رهيب ... نفس الحاله الفيها حاليا ... وكان ما قالو كُتر البتابت عيب كنت كبيت الجرسه قدامكم هنا دا ... لكن تقولو شنو ؟
وس وس ... الشوق بشتني بشتنه ما يعلم بيها الا الله ... لكن عجلة الحياة بنشرت معاي واسبيري لقيتو نايم ... والله لا وراكم الكتاوت الحرقت ...
مشتاقين يا بشر ...
القد
بكسر القاف يا ناس سمح؟
الجلد ... بكسر الجيم يا ناس سمح
يا جماعة كنا واقفين وين ؟ ما عارف وحكاية ارجع لي كم صفحة لى ورا دي حاجة لا بعملا ليكم ولا بقدر ...
ولا بنساك ولابقدر ...
احاول مرة اتذكر ...
osman mahmoud
12-06-2008, 05:32 AM
شارع الكلاب الطردا كلب السرة؟ :)
الصرار: صرو كـ كنو وزناً ومعنى
كلب السرة دا جاى من امدرمان يطرد كلاب الديم فى شارعها .
كلب السرة دا جاى من امدرمان يطرد كلاب الديم فى شارعها .
سلامات يا عثمان
كدي خلينا من الكلاب
انا اخوي اسمو عثمان محمود، هل انت هو، ام انت عثمان محمود علي اخو طه محمود، وضح أبن أفصح؟
عمرابي
12-06-2008, 09:11 AM
كلب السرة دا جاى من امدرمان يطرد كلاب الديم فى شارعها .
شفت العوجة دي كيف يا ولدنا
:D
شبارقة
12-06-2008, 11:35 AM
الشوق بشتني بشتنه ما يعلم بيها الا الله ... لكن عجلة الحياة بنشرت معاي واسبيري لقيتو نايم ... والله لا وراكم الكتاوت الحرقت ...
مشتاقين يا بشر ...
حكاية ارجع لي كم صفحة لى ورا دي حاجة لا بعملا ليكم ولا بقدر ...
تغطس دهر وتظهر شهر ... وشوقنا بحر
العجلات تصليحا ساهل ... أهم حاجة خرّب لينا فراملك عشان تدوس معانا طوالي وما تتوقف وما تغيب عننا .
فيصل سعد
16-06-2008, 03:53 AM
الحاري و الطاري لهم في الاشتياق و اللوعة باع و اثر تليد، و ربما تمطيق و كدة :D:D و هنا وجب السؤال عن حال و احوال ود ابو عاقلة المختفي و قاطع الخبر و ان شاء الله يجي ينورنا اكثر في المفردتين ديل لانهم تخصصه و اختصاصه و امتيازه و كدة ..
اها : بتعرف التركاش ؟ و العكش ؟ والكوكاب ؟
يا ود ابو عاقلة حمد الله سلامة و بركة الجيت و سائلين منك و الشوق مطر :D:D
بابكر مخير
16-06-2008, 06:02 AM
يا ود ابو عاقلة حمد الله سلامة و بركة الجيت و سائلين منك و الشوق مطر :D:D
الحبيب فوفو
دايمن سباق في السؤال عن الناس، بعد ما يجو ويظهرو
قلتا كيف؟؟؟
سائلين منك :D:D
والله راجعتا بوستات الأورغ واحد واحد
لقيتك في كل واحد وبين السطور بتسأل عنو عننا وعنهم
ربنا ما شيلك هم
والله يا أبو عاقلة صاحبنا دا سوبر ماركتو التقول ماركس أند سبنسر
بيبيع كل حاجة وتخصص؛ حلو الكلام
قال ليك؟ بس
روتنا متخليش عينيك تغمض
ليكم الحبان المودة والمحبة
وربنا يحفظم
فيصل سعد
18-06-2008, 07:19 AM
اها يا شباب:
بتعرفوا الجميز و المحريب و الحزا و الجهنمية و الخيشة و الطرورة ؟
و سؤال تخصصي :
ماهو الشيش و البيش و الدبش و الجهار و الدوسة؟
اها يا شباب:
بتعرفوا الجميز و المحريب و الحزا و الجهنمية و الخيشة و الطرورة ؟
و سؤال تخصصي :
ماهو الشيش و البيش و الدبش و الجهار و الدوسة؟
المحريب ما تجيب معاه أخوانو
السؤال التخصصي دا موجّه لمنو
تعرف عرق الدم؟
وما هو المغر؟
والمر الحجازي؟
فيصل سعد
19-06-2008, 05:21 AM
المحريب ما تجيب معاه أخوانو؟
و اخواته يقعدن مع منو؟؟
السؤال التخصصي دا موجّه لمنو؟
قطع شك انت جوة الفلم دا :D:D
تعرف عرق الدم؟
تب ما بعرفه :D:D لكن سمعت شراب عصير بت قضيم و الكركدي بجيب الدم :D:D
وما هو المغر؟
والمر الحجازي؟
لا يا ود عمك ديل ما مروا علينا في المقررات خاصة و نحن قرينا اولى ابتدائي الرداء كحلي و القميص لبني :D:D و سلملي على كتابي الاول و كتابي الثاني ..
...
جيناكم يا حبايبنا ...
بعد زنقة وشوق ...
يا ود ابو عاقلة حمد الله سلامة و بركة الجيت و سائلين منك و الشوق مطر :D:D
وسائل عنك يوماتي رحيل ... لكن للأسف اوفلاين ...أو هذا العضو لا يمكن الوصول اليه حاليا ... غلطانة الشبكة يا بوكش!!!
والله يعلم بما في القلوب يا قلب
تغطس دهر وتظهر شهر ... وشوقنا بحر
العجلات تصليحا ساهل ... أهم حاجة خرّب لينا فراملك عشان تدوس معانا طوالي وما تتوقف وما تغيب عننا .
اقابلك في السفر بالروح
اها يا شباب:
بتعرفوا الجميز و المحريب و الحزا و الجهنمية و الخيشة و الطرورة ؟
و سؤال تخصصي :
ماهو الشيش و البيش و الدبش و الجهار و الدوسة؟
الشيش ... ستّات
البيش ... خمسات
الدبش ... منطقة بعد خزان جبل اولياء في نص البحر لصيد البلطي والعجول وخشم البنات...
الجهار ... اربعات
الدوسه ... دبل دو
بس اهم حاجة ما تكتل لي الدش في يدي !!!
المحريب ما تجيب معاه أخوانو
السؤال التخصصي دا موجّه لمنو
تعرف عرق الدم؟ لو جاني جاري بعرفو
وما هو المغر؟ اها دي حاجة ما اعتقد زول يعرفا لكني شفتو في حتة اسمها (وداللكندي) لم كنا ماشين الروصيرص بالدرب الفوقاني ... قعدنا نرتاح شوية من (وعثاء) السفر وبالمرة نخلي الفورويل يخم نفسو وقلنا نشرب جن زبيل بنوعيه اها ست شاي كانت بتوسم في صحن طلس عشان يكون علامة تجارية مسجلة منعاً للسلبطة والاحراج ... وهو عبارة عن حجر ابيض جيري على ما اعتقد..
والمر الحجازي؟
مرات كدا عندك مصطلحات بحس انها (شنقة) فبقوم اجليها منعا للسلبطة والاحراج برضو ...
محمد ابو عاقلة
سلامات و بركة الجيت و انشاء تكون الزنقة اتخارجت منها و اتححلت من كربة الكرسى بتاع الشغل او العمل ... واصلو عطائك و لمساتك الفنية فى المنتدى ظهرت ... مزيدا من الابداع
مودتى
محمد ابو عاقلة
سلامات و بركة الجيت و انشاء تكون الزنقة اتخارجت منها و اتححلت من كربة الكرسى بتاع الشغل او العمل ... واصلو عطائك و لمساتك الفنية فى المنتدى ظهرت ... مزيدا من الابداع
مودتى
الخطوة عنك غربة ساقتني وابيتا ... واعمل ايه
اعمل ايه يا ست همومي
ماني راحتي معاك نسيتا
وقلت اكتب ليك حكايتي
في جناح الريح طويتا
وكلما اتحلحل تحلج ... وتُفرج هنيهات ثم تعاود من جديد ...
الزنقة التي تحبها خيرٌ من الزنقة الضهب ...(مثل كاريبي:D) ولو اجتمعا على كرسي لم يألف وجوه كثيرة ...
منال .. صاحبة الحضور الأنيق والانسانة الثورة ... مشتاقين قدر الكون اربعة مرات ودقداقة ...
الخطوة عنك غربة ساقتني وابيتا ... واعمل ايه
اعمل ايه يا ست همومي
ماني راحتي معاك نسيتا
وقلت اكتب ليك حكايتي
في جناح الريح طويتا
وكلما اتحلحل تحلج ... وتُفرج هنيهات ثم تعاود من جديد ...
الشوق مطر ... زى مطر الليل الغرق الجزيرة و ضواحيها
يا ريتو كان سفراً معاك ..
شايف مداينك في البعيد ..
وبيناتنا ممدود الطريق ..
كيف الخيول بدت الرحيل ..
جوانا كم جرحك عميق ..
جفت حدايق الروح وراك ..
والزهرة عدمانة الرحيق ..
أدينا إحساس بالندى ..
في سكة الضنا والحريق ..
وأدي الخطاوي الراجعة ليك ..
في سكتك عشم الوصول ..
يا زول يارائع
نوّر كل مناحي الحِتَّه
وما اتسائلتَ عن اسمِك حَتّى
إتلمينا عليكِ وبَغْتَه
دسّيِنَاك من خَفَر الليل
فسّحناك المليون ميل
هسه فيصل سعد يكتب الشعر ده عندو بوستاتو... يا فرد :D:D:D
الشوق مطر ... زى مطر الليل الغرق الجزيرة و ضواحيها
يا ريتو كان سفراً معاك ..
شايف مداينك في البعيد ..
وبيناتنا ممدود الطريق ..
كيف الخيول بدت الرحيل ..
جوانا كم جرحك عميق ..
جفت حدايق الروح وراك ..
والزهرة عدمانة الرحيق ..
أدينا إحساس بالندى ..
في سكة الضنا والحريق ..
وأدي الخطاوي الراجعة ليك ..
في سكتك عشم الوصول ..
يا زول يارائع
نوّر كل مناحي الحِتَّه
وما اتسائلتَ عن اسمِك حَتّى
إتلمينا عليكِ وبَغْتَه
دسّيِنَاك من خَفَر الليل
فسّحناك المليون ميل
هسه فيصل سعد يكتب الشعر ده عندو بوستاتو... يا فرد :D:D:D
انا زاتي وصلت لمرحلة اني اقرا افكارو ... شوية دغمسة على شوية حنك سنين على مكنة بتقسم في الكلام بالتساوي ...
لكن لقيتك قاعدة على الهبشة في حتة الشعر دي ...
ياخ دي حاجة جميلة جدن ولزيزة لزة حتى للشاربين والكاتمين الغيظ ...
تخيلي حاليا بسمع في كلام فظييييييع نساني الكرسي وانا وين !!!!!
انا زاتي وصلت لمرحلة اني اقرا افكارو ... شوية دغمسة على شوية حنك سنين على مكنة بتقسم في الكلام بالتساوي ...
لكن لقيتك قاعدة على الهبشة في حتة الشعر دي ...
ياخ دي حاجة جميلة جدن ولزيزة لزة حتى للشاربين والكاتمين الغيظ ...
تخيلي حاليا بسمع في كلام فظييييييع نساني الكرسي وانا وين !!!!!
تعرف الكلام السمح بتاع اهلنا الكبار المليانين محنة و طيبة و حنية تدشدش :p:pهو الزاد فى الحياة دى اصلا ما بتخيل الزول بقول كلام شين ليه العمر ذاتو لحظة و تمر لشنو الكلام الماسخ ودى ما كسير تلج لكن شايلة منها المحنة دى ... كلامنا سمح و سلامنا سمح و حديثنا حلو عديييييييل وبدخل لسمع اى زول توش و يتحكر جواهو كمان
صاحبنا خلى ساكت الا هو ذاتو كلامو سمح بالحيل
مرات كدا عندك مصطلحات بحس انها (شنقة) فبقوم اجليها منعا للسلبطة والاحراج برضو ...
هوّ كدة
ديّ صحيح
بركة الجيت وعملوك بسكويت:)
شبارقة
19-06-2008, 12:14 PM
يا قوم .. يا رهط .. إزيكم وكيفنكم ...إنشغال ببعض ورش العمل والإجتماعات الرتيبة والمضنية خلتنا مبتـَبين..جايينكم يا حبايبنا ..فواصل وح نواصل
فيصل سعد
22-06-2008, 08:42 AM
سلامات محمد، منال، عصام، و عاصم و جميع الاحباب هنا :
نفيدكم علما بان نتيجة الامتحان السابق "لم ينجح احد" :mad::mad:
اها و انتوا صادين اقرعوا الجفلوا و جيبوا معاكم معاني المصطلحات ادناه :
الطارة ، اللقم ، بازوكة ، داندرمة ، كرميلا، الزونة، كرورية، لقاوة ، فرندقس
و ارقدوا عافية :D:D
شبارقة
22-06-2008, 11:34 AM
نفيدكم علما بان نتيجة الامتحان السابق "لم ينجح احد"
:D:D
نفيدكم علما بان نتيجة الامتحان السابق "لم ينجح احد"
اليومين ديل مشغولين شوية ح نرجع لإمتحانك بالمهلة وح نجيب 90% بسهولة وراحة دون الإستعانة بصديق :rolleyes:
فرندقس
كنا صغاراً نلعب ونغني :
قالوا الدنيا فرندقس والمبهول ما بلـِمُو ترس
عشنا وشفنا عجائب الدنيا أبو الحصين راكبلو فرس :p
سلامات محمد، منال، عصام، و عاصم و جميع الاحباب هنا :
نفيدكم علما بان نتيجة الامتحان السابق "لم ينجح احد" :mad::mad:
اها و انتوا صادين اقرعوا الجفلوا و جيبوا معاكم معاني المصطلحات ادناه :
الطارة ، اللقم ، بازوكة ، داندرمة ، كرميلا، الزونة، كرورية، لقاوة ، فرندقس
و ارقدوا عافية :D:D
اها يا فيصل اجتهاد ساى
الطارة : واحدة من الالات المستخدمة فى المديح و حلقات الذكر عند اهلنا الصوفية - مدد ... مدد
لقاوة - الدلنج دى واحدة من قرانا الجميلة فى النيل الازرق و لو اخطت فى الغرب
كرورية : هى البكرة التى تلف الخيط الذى يستعمل فى الخياطة
داندرامة : اكلناها صغار و لما كبارنا اتحنكشنا سميناها ايسكريم فى دريم
كرميلا : هاك التحلية دى يا فيصل و هى للزينة الحلويات
الباقى : باص ثرو
فيصل سعد
23-06-2008, 07:43 AM
[QUOTE=منال;100764]اها يا فيصل اجتهاد ساى
الطارة : واحدة من الالات المستخدمة فى المديح و حلقات الذكر عند اهلنا الصوفية - مدد ... مدد
[color=#CC3300]داك اسمه الطار يا بت العم ، اما الطارة القاصدنها فهي محيط و دائرة لستك العجلة او الرغيفة المدورة و الباقيين خوة ساي نديك ليهم صاح قبل ما يجي شبارقة يطلع بحمد و ينزل بخوجلي و سلميلي على اهلنا بشرق النيل و هنا المدد و العدد :D:D
[QUOTE=منال;100764]اها يا فيصل اجتهاد ساى
الطارة : واحدة من الالات المستخدمة فى المديح و حلقات الذكر عند اهلنا الصوفية - مدد ... مدد
[color=#CC3300]داك اسمه الطار يا بت العم ، اما الطارة القاصدنها فهي محيط و دائرة لستك العجلة او الرغيفة المدورة و الباقيين خوة ساي نديك ليهم صاح قبل ما يجي شبارقة يطلع بحمد و ينزل بخوجلي و سلميلي على اهلنا بشرق النيل و هنا المدد و العدد :D:D
حمد لله على السلامة يا فيصل شايفك صحيت:p
اللغم أم اللقم عشان نقدر نجاوب
فيصل سعد
23-06-2008, 08:56 AM
اللغم أم اللقم عشان نقدر نجاوب
اللقم يا ود عمك و تنطق هكذا "اللوقم جمع لقمة" :D:D
اما اللغم فانت قاعد و متوهط مالنا جايبين سيرته :D:D
شبارقة
23-06-2008, 11:46 AM
اللقم يا ود عمك و تنطق هكذا "اللوقم جمع لقمة" :D:D
:D:D
شكلك كنت عجلاتي في أيام الصبا :D
لقم الفرامل : قطع مطاطية سوداء اللون تـُثبت بداخل إطار فرامل العجلة لكبح الجماح :D:D
فيصل سعد
24-06-2008, 05:39 AM
شكلك كنت عجلاتي في أيام الصبا :D
يا حبوب اعمل حساب الخوة و العشرة و الزمالة و ما تبهتنا بكلام زي دا :D:D:D خصوصا ناس كيشو ديل بصدقوا طوالي و كدة ...
شكلك كنت عجلاتي في أيام الصبا :D
لقم الفرامل : قطع مطاطية سوداء اللون تـُثبت بداخل إطار فرامل العجلة لكبح الجماح :D:D
لكبح جماح الشهوة ... شهوة السرعة !!!
ومنو القاليك تثبت بداخل اطار فرامل العجلة ... العجلة من الشيطان يا شبارقة ...
وخلي شيطنتك دي وبلاش تدقسنا واحنا لسه في بداية طريقنا...
بعدين انتو كيبورداتكم ما فيها تنوين ... عشان الزي كيشو دا ما يقوم فيهو (لقم)
وما مشكلة لغم ولقم عندنا وااااحد في النطق لكن العيون اللابسة قعر كباية يسو ليها شنو http://sudanyat.org/vb/imgcache/252.imgcache.gif
الفرويل ... الجرويل ...
ويا ناس صباح الطير ... وين البلد ركّت
بتكون لسه طايرة...
طائرة وحِرقت
يا حبوب اعمل حساب الخوة و العشرة و الزمالة و ما تبهتنا بكلام زي دا :D:D:D خصوصا ناس كيشو ديل بصدقوا طوالي و كدة ...
كيشو الدّخّلو شنو؟، لكن كلامك الرايق دا، ومتاوقتك في البوستات تلاقط يمين وشمال، ومسامحتك للناس من طرف، وخبراتك المتعددة دي كلها من الأعراض:)
ما تمشي كمان تفتح بوست بمناسبة الأعراض دي:D
[QUOTE=منال;100764]اها يا فيصل اجتهاد ساى
الطارة : واحدة من الالات المستخدمة فى المديح و حلقات الذكر عند اهلنا الصوفية - مدد ... مدد
[color=#CC3300]داك اسمه الطار يا بت العم ، اما الطارة القاصدنها فهي محيط و دائرة لستك العجلة او الرغيفة المدورة و الباقيين خوة ساي نديك ليهم صاح قبل ما يجي شبارقة يطلع بحمد و ينزل بخوجلي و سلميلي على اهلنا بشرق النيل و هنا المدد و العدد :D:D
يا فيصل ما ح اغالطك كتير فى طارة اللستك او العجل بتاع العربية لكن الطارة اللت المديح دى واحدة منهن بتكون جامدة كمان فى ايصال الايقاع ... و كمان المثل بيقول فلان شال طارتو و حام و اسال اهل الذكر و الدروايش ... و فى منتدى بنقول مدد يا المرغنية شن قولك عاد :D:D:D
[QUOTE=فيصل سعد;100805]
يا فيصل ما ح اغالطك كتير فى طارة اللستك او العجل بتاع العربية لكن الطارة اللت المديح دى واحدة منهن بتكون جامدة كمان فى ايصال الايقاع ... و كمان المثل بيقول فلان شال طارتو و حام و اسال اهل الذكر و الدروايش ... و فى منتدى بنقول مدد يا المرغنية شن قولك عاد :D:D:D
:)
يا منال
عندنا بيقولوا: فلان شايل قرعتو وحايم
أما الطار فهو مذكر ولم نسمع بأي تغييرات في الحتة دي
شبارقة
24-06-2008, 09:57 AM
ود أبو عاقلة سلامات
ومنو القاليك تثبت بداخل اطار فرامل العجلة ... العجلة من الشيطان يا شبارقة ...
حاولنا نوصل ليكم معنى اللــُـقم (تصغيرها لقمة وليس عصيدة) وما لقينا طريقة غير دي
وما مشكلة لغم ولقم عندنا وااااحد في النطق لكن العيون اللابسة قعر كباية يسو ليها شنو
نعم قلب القاف غين دي مشكلة سودانية ... لكن كيشو ما عندو كيبورد ناطق :D
شبارقة
24-06-2008, 10:10 AM
الفرويل ... الجرويل ...
طارة ولقم وفرويل وجرويل دي مصطلحات عجلاتية وحبوباتنا ما بيعرفنها لأنها ليست مصطلحات عامية .. خشوا لينا على العامي وكان ما لقيتو أرجعوحركة ورا وجيبوا لينا الما محلول عشان نحلحلو سوا ... ويحلـــّنا الله
شبارقة
24-06-2008, 10:17 AM
خشوا على الإمتحان ده وبعدين نتفاهم :
امتحان الفترة الاولى
9 يونيو 2008
المادة : مصطلحات عامية سودانية
اشرح معاني الكلمات التالية :
ممهوج
موهدب
مبتب
الوكّاي
توسرو
التقاة
الفداية
الحاري والطاري
الحيف
الرحيح
التحيح
الفلكابة
السايحة والمتراوحة
الدرت
عنقالي
مركوز
مختر
القيساب
الرحيح
فسر هذة الونسة الدقاقة :
قالت ليهو : ود الجمد مجمود
قال ليها: بت التصوت بالعود
قالت ليهو : ود التكيتو مليتو
قال ليها: بت التقد البيتو
امنياتنا للجميع التوفيق و النجاح :D:D
شبارقة
24-06-2008, 11:40 AM
[color=#CC0000]
[B][U]فسر هذة الونسة الدقاقة :
قالت ليهو : ود الجمد مجمود
قال ليها: بت التصوت بالعود
قالت ليهو : ود التكيتو مليتو
قال ليها: بت التقد البيتو
امنياتنا للجميع التوفيق و النجاح :D:D
قالوا زماااااااان كان في عروب (جدود أهل العوض) ساكنين ليهم في تكيلات متجاورات وكان فيهم واحد فقير يجاور ليهو واحد أحسن حالا ً منو .. أها في يوم من أيام الشتاء الباردة الفقير قال لمرتو : أعملي لينا مديدة كاربة شرطن تكون بي سمن ..أها قامت الوليه عملت المديدة الكاربة ولكن بدون سمن ...وقالت لأبو وليداتا والله تستاهل السمن لكن يخربنا خراب السواد .. الحبة دي ما عندنا !
قام قال ليها : ما في مشكلة نشوف جيرانا ديل
قالت ليهو : شحدناهم كتير لامن خجلنا ودخلنا في أضافرينا
فكر أبو الوليدات (واسع الحيلة) قليلا ً ثم قال ليها :أنا عندي فكرة ...دسي ليك قزازة في هدومك وأعملي فيها زعلانة منى وأهربي أدسي عندهم (في التكل الفيهو السمن والعسل) وأنا ح أجري وراك بالعصاية وإنتي أملى القزازة بالسمن و أتخارجي ...
وقد كان ... ودسوها في التكل الفيهو السمن حماية ً لها من زوجها (المكـّار :D) ...وفتحت صفيحة السمن ووجدته جامدا ً (بفعل الشتاء) فماذا تفعل ؟ فكرت سريعا ً وعملت نفسها وكأنها بتنبذ في زوجها الذي كان يقف خارج التكل متوعدا ً مرغيا ً ومزبدا ً وقالت ليهو (وكان أهل الدار يسمعونها ولكنهم سوف لن يفهموا شئياً :D): ود الجمد مجمود (أي وجدت السمن جامدا ً فماذا أفعل؟ !)
قال ليها : بت التسوط بالعود (أي حركي السمن بالعود)
قالت ليهو : ود التكيتو مليتو (أي حركتا بالعود وتكيت الصفيحة (ميلتها) ومليت القزازة)
قام قال ليها : بت التقد البيتو (أي قدي التكل وأخرجي راجعة للبيت)
ورجعوا لبيتهم وأكلو المديدة بسمن جيرانهم (بالشِدة واللِضه :D) ... وإنقفلت وإنشمطت :D:Dوحجيتكم ما بجيتكم خيرا ً جانا وجاكم :D:D
شبارقة
24-06-2008, 12:02 PM
(بالشِدة واللِضه :D) ...:D:D
الشِدة عرفناها .. أها اللِضه شني ؟
بابكر مخير
24-06-2008, 12:10 PM
قالوا زماااااااان كان في عروب (جدود أهل العوض) :D:Dوحجيتكم ما بجيتكم خيرا ً جانا وجاكم :D:D
تقصد يا أبو الشباب "إستعمال جزء من اللقب؛ شبا...........رقة" ولا نقول الشبا عليِّ الرقة والمحنة والريدا
تقصد تقول: أنك الحكاية دي عااااااااادي كد عرفتها، يعني ما مشيت ليها مدرسة ولا دخلتا ليها جامعة
عيني باردا
[QUOTE=منال;100877]
:)
يا منال
عندنا بيقولوا: فلان شايل قرعتو وحايم
أما الطار فهو مذكر ولم نسمع بأي تغييرات في الحتة دي
فلان شايل قرعتو وحايمالمثل ده يا كيشو بتاع السؤال او سد الحاجة .. من الطغام او القروش لكن المثل بتاع الطارة يقال عند شيل الحال و القطيعة و النميمة و يقصد الوقوف و الضرب بشدة على وتر الشى الذى يراد نبشه ... و النبيشة حمانا الله
برضو ممكن تسال من ضرب المثل ده و تحياتى
القصة يا شبارقة امثال عامية تانى
[QUOTE=كيشو;100880]
المثل ده يا كيشو بتاع السؤال او سد الحاجة .. من الطغام او القروش لكن المثل بتاع الطارة يقال عند شيل الحال و القطيعة و النميمة و يقصد الوقوف و الضرب بشدة على وتر الشى الذى يراد نبشه ... و النبيشة حمانا الله
برضو ممكن تسال من ضرب المثل ده و تحياتى
القصة يا شبارقة امثال عامية تانى [/color]
شكراً يا منال على الإفادة، وحنسأل منها
شبارقة
25-06-2008, 09:32 AM
تقصد تقول: أنك الحكاية دي عااااااااادي كد عرفتها، يعني ما مشيت ليها مدرسة ولا دخلتا ليها جامعة
عيني باردا
تقصد يا أبو الشباب
حبيبنا ودكتورنا ود مخير
شكرا ً على الإشادة وإنت دائما ً عينك باردة ... وبالمناسبة قصة ود الجمد مجمود دي سمعتها مرة واحدة فقط من الوالدة (متعها الله بالصحة والعافية) وذلك قبل أربعين سنة !!!... تقول لي شباب .. الشباب شباب القلب يا يمة :D:D
شبارقة
25-06-2008, 09:51 AM
القصة يا شبارقة امثال عامية تانى
نعم .. نريد أمثالا ً عامية بناءا ً على الطلب الوارد في الإقتباس التالي:
اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها
وأديناكم مثل عامي قبل فترة ولا واحد فيكم عبـّرنا بكلمة :mad::mad:
والمثل كان : أضان الحامل طرشا
طرشه ليه ومن شنو؟ (أنا شخصياً ما عارف :D:D)
هناك جوائز لأصحاب الإجابات الصحيحة كما يلي :
الجائزة للمتزوجين : السماية مجاناً :D
الجائزة لغير المتزوجين : الدعاء بـ (الما ضاقو يضوقو) :D:D
وسلمولي على محطة الدايات :D:D
وبمناسبة محطة الدايات , عندما كنت شابا ً فتيا ً (ثمانينيات القرن الماضي) كان من المفترض بأن أنزل في محطة الدايات ولكن الكمساري عند وصولنا إليها أعلن عنها بطريقة إستفزت مشاعري ورجولتي :D وخلتني أنزل في المحطة البعدها وأرجع كدّاري :D:D
فيصل سعد
26-06-2008, 09:06 AM
[QUOTE=منال;100877]
:)
يا منال
عندنا بيقولوا: فلان شايل قرعتو وحايم
اها يا حبوب المثل دا بالذات عندنا معناه مختلف كتير بالحيل من عندكم و كدة :D:D و انت سيد العارفين يا ود عمك :D:D و سلملي على المساساقة و المساككة و المراهقة في الاسواق و اعطيني رقمك و هاك رقمي و هكذا شحورات و خزعبلات:D:D
بابكر مخير
26-06-2008, 09:19 AM
حبيبنا ودكتورنا ود مخير
شكرا ً على الإشادة وإنت دائما ً عينك باردة ... وبالمناسبة قصة ود الجمد مجمود دي سمعتها مرة واحدة فقط من الوالدة (متعها الله بالصحة والعافية) وذلك قبل أربعين سنة !!!... تقول لي شباب .. الشباب شباب القلب يا يمة :D:D
شباب دي سحبتها
إتا مالك بتجيب الهوا لي روحك
شنو؟؟؟ الوالدة (ربنا يديها الصحة والعافية ويفرحكم دايمن بيها ويحفظكم ليها دخر وبركة) قبل أربعيين سنة
ما كانت كويسة معاك أبو الشباب وخليها عايمة
تعرف يعني لمن الوالدة حكت ليك الحكاية دي وعشان تفهم المفردات الفيها، يكون عمرك زماااااااااااااااااان يكون بالميت كدا (عمر صبي) أربعتاشر، خمستاشر سنة.
آها والحبوبة قبل خمسة وخمسين سنة حكت ليك شنو؟؟؟؟؟؟؟
ليك المحبة وإتا قدرنا
وخالص المودة وبقى واحد مع روفي وتوحة من دورنا وبدورنا
فيصل سعد
28-06-2008, 07:38 AM
http://alrakoba.org/yousif/M3awad/malkat/leika7aq-shadin.mp3
شبارقة
30-06-2008, 10:19 AM
البغيته ... بتعرفوها؟ .. بخيتا الغتيتا شربت البغيتا :D:D:D
فيصل سعد
30-06-2008, 10:22 AM
البغيته ... بتعرفوها؟
البغيته باص الا تكون قاصد انك تبغاها و ما تبغاها و كدة :D:D
اها بتعرف الخبيتة ؟؟
فيصل سعد
30-06-2008, 10:25 AM
البغيته ... بتعرفوها؟ .. بخيتا الغتيتا شربت البغيتا :D:D:D
بخيتة و سعيدة عليك و عليها :D:D او بالاسيوطي
ربنا يهني سعيد بسعيدة .. وين صاحبك ود ابو عاقلة ؟؟
شبارقة
30-06-2008, 10:26 AM
اها بتعرف الخبيتة ؟؟
بخيتة الغتيتة كان عندها خبيتة وعشان كدة سقوها البغيتة :D:D:D
شبارقة
30-06-2008, 10:41 AM
بتعرفو (بريده بي روب)؟:D بريده والريده ظاهره في عينيا :D:D ويا ناس بريده وبريد البريده :D:D
شبارقة
30-06-2008, 10:44 AM
.. وين صاحبك ود ابو عاقلة ؟؟
أظنو في الورشة يا فيصل ... أديها صنة ...:D:D:D ده إنت غطـّست حجرو وقطعتا خبرو يا فيصل :D:D
شبارقة
02-07-2008, 10:23 AM
آها والحبوبة قبل خمسة وخمسين سنة حكت ليك شنو؟؟؟؟؟؟؟
وبقى واحد مع روفي وتوحة من دورنا وبدورنا
ههههههه حرام عليك يا دكتور ... نحن لسه في عُمر الزهور عُمر الغرام عُمر المُنى (كم تاشر سنة :D:D)... غايتو فيصل سعد أصغر مني بسنتين (عمرو بيذكرني دودة مشهورة :D) وخالد أكبر مني بسنة ... أما أولاد دفعتك رأفت وفتحي فأنت أدرى بعصورهم وحقبهم التاريخية :D:D:D:D
شبارقة
02-07-2008, 10:55 AM
ما هو الفرق ما بين الشوتال والساكلاب
شبارقة
02-07-2008, 12:00 PM
قال الطيب ود ضحوية لصديقه طه الضرير وهو يستثير ويستفز شجاعته :
زمنك كلو تاكل باردة ما ضق حارة
وأطرى الليلة يا طه أم حمد والسارة
درق البازة جاك زي السحابة التارة
وحس أب جقرة والقربين صواقعا ً كارة
غير انه لم يجد من صديقه إلا الشجاعة والبسالة حينما رد عليه قائلا ً:
باكل حارة ما ضُق باردة ماك داريني
أسعل عني ربعاي البعرفوا قريني
حس أب جقرة والقربين دوام طاريني
أنا أخو اللينة كان يبقى الكلام عانيني
الكلام الفوق ده درر تناثرت إرتجالا ً بين الرجلين (بيسموها المجادعة) .. أها المطلوب ترجمة الذي باللون الأحمر ... والجائزة وسام الشجاعة من الدرجة الأولى لصاحب أو صاحبة الإجابات الصحيحة ;);) وسلمولي على الحناكيش والحنكوشات العمرهم ما شافو الحواشات :D:D
فيصل سعد
03-07-2008, 05:03 AM
ما هو الفرق ما بين الشوتال والساكلاب
الساكلاب هو الخنجر المعقوف ، اما الشوتال فهو الة حادة قديمة تستعمل في الحروب او الدفاع عن النفس مثل السكين او الخنجر وهي اكبر من الخنجر واصغر من السيف .
فيصل سعد
03-07-2008, 05:11 AM
قال الطيب ود ضحوية لصديقه طه الضرير وهو يستثير ويستفز شجاعته :
زمنك كلو تاكل باردة ما ضق حارة
وأطرى الليلة يا طه أم حمد والسارة
درق البازة جاك زي السحابة التارة
وحس أب جقرة والقربين صواقعا ً كارة
غير انه لم يجد من صديقه إلا الشجاعة والبسالة حينما رد عليه قائلا ً:
باكل حارة ما ضُق باردة ماك داريني
أسعل عني ربعاي البعرفوا قريني
حس أب جقرة والقربين دوام طاريني
أنا أخو اللينة كان يبقى الكلام عانيني
الكلام الفوق ده درر تناثرت إرتجالا ً بين الرجلين (بيسموها المجادعة) .. أها المطلوب ترجمة الذي باللون الأحمر ... والجائزة وسام الشجاعة من الدرجة الأولى لصاحب أو صاحبة الإجابات الصحيحة ;);) وسلمولي على الحناكيش والحنكوشات العمرهم ما شافو الحواشات :D:D
اها الرد في البيت الثاني لانه ساهل يطلع برة المنافسة و كلماته هي ماك داريني يعني ما بتعرفني كويس ، ربعاي بمعني رفاقي و زملائي ، قريني يعني فردتي ، طاريني بمعنى متذكرني ، و عانيني بمعنى قاصدني و كدة :D:D
فيصل سعد
06-07-2008, 07:38 AM
اشرح معاني :
الفشنك
الازبليطة
النوش
الرهو
الهمبول
الجعران
الكدندار
الكرشليق (بفتح الكاف) من طرف كيشو
اشرح معاني :
الفشنك
الازبليطة
النوش
الرهو
الهمبول
الجعران
الكدندار
الكرشليق (بفتح الكاف) من طرف كيشو
خت لي دي معاك يا فيصل
الكرشليق (بفتح الكاف)
فيصل سعد
06-07-2008, 08:31 AM
خت لي دي معاك يا فيصل
الكرشليق (بفتح الكاف)
بس كدة ، غالي و الطلب رخيص ..
و تمام يا فندم :D:D
فيصل سعد
06-07-2008, 08:39 AM
الاعزاء جميعا :
سلام و تحايا طيبة ،،
ننقل هنا مقالا للاخ الزميل الخير ابنعوف للفائدة العامة ..
19-04-2007
الخير ابنعوف
مفردات العامية السودانية بين الأصالة والتقليد
--------------------------------------------------
(1)
من السهل جداً أن تقنع أهلنا في السودان بأن الإنسان الأول كان سودانياً ، ولكنك تقف عاجزاً حائراً إذا ما حاولت إقناعهم بأن القبائل العربية في السودان هي سودانية الأصل0ولاأحد يسأل لماذا نحتفظ بهذا الكم الهائل من المفردات العربية القديمة في عاميتنا السودانية؟0 فكثيرًُ من الكلمات العربية القديمة التي لا يستخدمها العرب في الجزيرة العربية ولافي المغرب العربي ما زالت متداولة في العامية السودانية0ومن الملفت أيضاً القناعة السائدة لدى الكثيرين ، بأن جميع القبائل العربية في السودان أتت إليه من الخارج ، وكأن السودا ن بحضاراته المتجذرة في القدم كانت أراضي خالية من السكان لتأتيها القبائل العربية من الخارج وتعمرها0 ومعلوم أن ثقافة المهاجر تذوب وتندثر تحت طغيان حضارة أرض المهجر، كما هو ماثل إلى يومنا هذا في كثير من دول المهجر ، ويبدو ذلك جلياً إذا ما دققنا النظر للهجرات المنظمة التي غزت الغرب من دول الشرق الأوسط والشرق الأدنى وإفريقيا0 ومن المحال أن تجد في الدول الغربية - بإعتبارها أرض المهجر لكثير من الشعوب، ثقافة مهاجر ما أولغته محتفظة بمفرداتها كما هوالحال في بلده الأصل- بلد المنشأ0
وإذا ما نظرنا إلى آراء الكتاب والمؤرخين ، نجد معظمهم يؤيدون الإفتراض القائل بأن القبائل العربية السودانية تنتمي إلى أصول في الجزيرة العربية 0 فإذاكان الأمر بهذه البساطة ، لكان جميع القبائل العربية في السودان تحولت إلى قبائل رطّانة 0فلماذا إذن ظلت الكلمات العربية القديمة تتداول في العامية السودانية إذا لم تكن لها أصول سودانية تحميها من الذوبان؟ ، وإذا افترضنا أن الحضارة السودانية كانت ضعيفة الأثر للحضارات الوافدة بحيث أنها لم تؤثر
على ثقافاتها، فهذا يضحضه الإنتشار الواسع للمفردات النوبية داخل وخارج السودان0 ولا أدل على قوة ثقافة المنشأ من التسمية النوبية في إتفاقية (البقت)المشهورة التي تمت بين المسلمين الوافدين والنوبيين أهل البلاد0 فكلمة (البقت ) كلمة نوبية تعني القسمة أو المعاهدة ، فقبلها العرب المهاجرون وصارت من المسلمات0 والإصرارعلى حتمية نزوح القبائل العربية السودانية من الجزيرة العربية إلى السودان ينقصه البحث الموضوعي والأدلة المنطقية0 فالكلمات العربية العتيقة المتداولة في العامية السودانية قد يسخر منها السامع في الجزيرة العربية أو يعتبرها أعجمية 0 ومعظم المفردات ذات الأصول العربية في العامية السودانية لاتستخدم في أي دولة من الدول التي يظن البعض أن القبائل العربية السودانية أتت منها رغم وجود هذه الكلمات في أقدم المعاجم وأمهات الكتب العربية0فالقاعدة الصحيحة هي : أن ثقافة الأمة تبقى في بلد الأصل وتتلاشى في أرض المهجر بمرور الزمن، وهذا يؤيده الرأي القائل بأن هجرة العرب الأولى كانت من السودان إلى خارجه وليس العكس كما يرددها الكثيرون 0 نعم كانت هنالك هجرات شبه فردية أو في شكل جماعات قليلة العدد وذلك بغرض التجارة وأحياناً بحثاً عن الكلأ، ولكنها لم ترقى إلى مستوى الهجرة المنظمة التي تنقل شعباً بكامله من بلد إلى بلد0وإليك بعض الكلمات المتداولة في العامية السودانية وقد جمعتها بمعانيها كما وردت في قاموس المعجم الوسيط- مجمع اللغة العربية0
*بلّص الشئ: طلبه في الخفاء ، في السودان :البلصة تعني الرشوة 0
*جفل :أجفل – مضى وأسرع0 نفس المعنى0وقد وردت الكلمة في الشعر الشايقي، عندما يصف إبن الريف وهو راقد على العنقريب( السرير
كرابه اتقطع نزل والنوم من البيفوقو روّح تب جفل0
* شنف: رماه بنظرة فيها إستنكار وكره0 نفس المعنى في العامية السودانية0
*حتيتة:الحتّاتة من كل شئ:ما تناثر منه ويقال ما في يدي منه حتيتة 0نفس المعنى في السودان، ويستعملونها السودانيون للتعبير عن الشئ اليسرأو الصغير0
*بلّص الشئ: طلبه في الخفاء ، في السودان :البلصة تعني الرشوة 0
*دعك: دعك الجلد : دلكه ولينه 0نفس المعنى في العامية السودانية0
*دفره: دفعه في قفاه أوفي صدره 0كذلك المعنى في العامية السودانية 0
*إندل الماء :إنصب0في السودان تعني : نزل0 وفي قبيلة الشايقية عندما يقول أحدهم (صادر ومندلي) يقصد(طالع ونازل)0 وفي كردفان عندما يقال (دلاني )يراد بها نزلني 0
*الذرا:ما أستتر به ، ويقال أنا في ذرا فلان 0في السودان تقلب الذال ضاداً في كثير من الكلمات، ذرا:ضرا 0 ذنب: ضنب0 كذب: كضب 0 أذن :أضن ، وهكذا0
*رطن: خاطبه بالأعجمي0 نفس المعنى في العامية السودانية0
*الرطانة: يقال كلمه بالرطانة أي بكلام أعجمي ، أو بكلام لا يفهمه الجمهور0والمعنى كذلك في العامية السودانية0 ويطلقون كلمة الرطانة على جميع اللغات غير العربية0
*الزريبة :زرب للماشية ، أي عمل لها زريبة 0 في العامية السودانية ، هو السور الذي يحيط بالماشية
*زنق: زنق على عياله : ضيق بخلاً أوفقراً0في العامية السودانية ، الزنقة تعني الضيق0
*الزول : الخفيف الحركات والفطن- والشخص الشجاع الذي يزول الناس من شجاعته 0 في إحدى الجلسات في اليمن ، طلب مني أحد الأخوة اليمنيين أن أشرح له معنى (الزول) ، وعندما عرفته بالمعنى قال لي : من الآن أدعني بـالزول0
*السلبة : ضرب من الحبال0في العامية السودانية ، تطلق على الحبل المتين المصنوع من ألياف النخيل أو شرائح الجلد أو سعف الدوم0
*الشين: العيب والقبح 0نفس المعنىفي العامية السودانية0
*العتّار:مبالغة من عتر وهو المكان الخشن القفر0 في السودان : عترله حجر، معناه منعه من المشي
*العكاز : عصا يتوكأ عليها( نفس المعنى)
*عكّ : ردده حتى ما طله 0في السودان يقال فلان أداه عكّ- أي ماطله ولم يفي بوعد0 *فرفر:سارع إلى الحماقة0 في السودان: لم يطاوعه وعاكسه 0
*فرهد : امتلأ وحسن 0 نفس المعنى في العامية السودانية 0
فلع :فلع الشئ : شقه- يقال فلع رأسه بالسيف0 نفس المعنى في السودان0
*الفلقة :عود يتصل بها حبلان تمسك بها القدمان للجلد 0في السودان كان سائداً في الخلاوي ، وكان شيخ الخلوة يجري عملية الفلقة في التلميذ الذي يرتكب خطأً جسيماً أو يتغيب عن الدراسة0
*كرباج : السوط 0 نفس المعنى في العامية السودانية0
*القلة : الجرة من الفخار 0 في السودان تطلق على الجرة أياكان نوعه0
*كركر: ضحك ضحكاً يشبه القهقهة0نفس المعنى ولكنها تنطق في السودان بالقاف (قرقر)0
*الكانون : الموقد 0 نفس المعنى في العامية السودانية0
*اللبخ: يطلق على نوع من شجرة السنط من الفصيلة القرنية ، تنبت في البلاد الحارة 0أشجار اللبخ معروفة في السودان0
*اللبد: مايوضع تحت السرج 0 نفس المعنى وتطلق ( اللبادة) في السودان0
*الملطي :القشرة الرقيقة التي بين عظم الرأس وجلدته 0في السودان تعني: العريان0
*مرق : من الدين خرج،وفي الأرض ذهب0في السودان تعني : خرج0
*امتعط :تساقط الشعر0 نفس المعنى، ويقال معط فلان شعر فلاناً أي خلعه0
*الملص : العريان 0نفس المعنى ، ويقال فلان ملص هدومه أي خلع ملابسه0
*النبوت : العصا الغليظة0 كذلك تعني العصا في السودان0
*الهذر :سقط الكلام0 في السودان تنطق ( الهذار ) أو الهظار و يقال: فلان هاذر مع فلان أي مازحه0
*أبّ-أبا :تهيء وتجهز للسير 0 نفس المعنى ، وتقال للطفل0 الصغير عندما يراد تدريبه على المشي 0
(2)
ذكرت فيما سبق بعض المفردات في العامية السودانية والتي لها أصول في اللغة العربية ، وذكرت عن أهمية تداولها بإعتبارها فصحى0 وفي هذه الحلقة أريد أن أسلط الضوء على بعض الجمل التي اصطلح السودانيون على إستعمالها في ظروف معينة وتجاوزت كلماتها معانيها الأصلية التي تدل عليها في اللغة لتشير إلى معان بلاغية إصطلاحية أخرى، مثلاً عندما نقول: فلان سخّن ، المعنى الأصلي في القاموس لكلمة(سخن):ارتفعت حرارته، ولكننا في المصطلح نقصد شيئاً آخراً تماماً ، وهو أن هذا الشخص انفعل وثار، وهذ النوع من التعابير كان سائدا عند العرب الأوائل ، وماتزال تزخر بها العامية السودانية0 وإليكم بعض الأمثلة عن ذلك:-
• أرخى له الحبل: نقول في عاميتنا فلان رخى لفلان ، أي تركه يتصرف كما يريد وفي القاموس المراد: وسع عليه في تصرفه0 أخذوه من ارخاء الحبل للدابة لترعى0
• إبليس : في عاميتنا نقول فلان شيطان أو إبليس ونقصد بذلك أنه زكي ولبق0 ورد في مروج الذهب أن المعتصم قال لعلي بن الجنيد :يا علي مالي لا أراك ، ويلك أنسيت الصحبة وما حفظت المودة ؟0 فقال علي : بالغ الكلام الذي كنت أريد أن أقوله قلت أنت ، ما أنت إلا إبليس0
• أكل فلان فلاناً: نقول في عاميتنا فلان أكلني أي أخذ مالي ظلماً، وفي المعجم المراد: استباح حرمته ومثله أكل فلان حق فلانا وفي القرآن الكريم(الذين يأكلون أموال اليتامى ظلما إنما يأكلون في بطونهم نارا وسيصلون سعيرا )0
• ثعلب: نقول في عاميتنا : فلان كالثعلب أي أنه محتال عجيب 0 قال الشاعر يعطيك من طرف اللسان حلاوة ويروغ منك كما يروغ الثعلب
• حطه على رأسه: نقول في عاميتنا شلته فوق رأسي أي أكرمته، وفي المعجم : حط فلان فلانا على رأسه يريد أنه اهتم به وبالغ في اكرامه0
• حماته تحبه:في عاميتنا نقول للشخص الحظوظ وخاصة في الطعام0
ويقول ابن نباتة:
كلماعجت في حما ةعلى خير موطن أجد الأكل والندى فحماتي تحبني
• حيص بيص: نقول في عاميتنا فلان دخل في حيص بيص كناية عن المأزق الذي لا مخرج منه ، وفي المعجم وقع القوم في حيص بيص أي سقطوا في ضيق وشدة لا مخرج منها0 قال الشاعر :
صارت عليه الأرض حيصي بيصي حتى يلف عيصه بعيصي
• دقّ صدره: في عاميتنا نعني بها الإستعداد، ويقول الفنان ود الأمين: أقيف وسط البلد وأدق صدري وأقول بريدك0
• خفيف العقل: نقول في عاميتنا فلان خف رأسه أي أنه غير مكتمل العقل ، وفي المعجم كناية عن الأحمق أو من فيه خفة وطيش وعدم اتزان0
• ركب رأسه: نقول في عاميتنا فلان ركب رأسه أي تعصب على رأيه ولم يستشر أحدا ، وفي المعجم المراد : مضى على وجهه بغير روية لا يطيع مرشدا أو تمسك برأيه0
* سحابة صيف: نقصد بها الأمر القصيرالذي يزول سريعا 0قال عمران بن حطان في ذم الدنيا:
أرى أشقياءالناس لايسأمونها ملالاً وهم فيهاعراة وجوع
أراها وإن كانت تحب فإنها سحابة صيف عن قليل تقشع
* سكران طينة: قول تقوله العامة لمن سكر سكرا شديدا ونفس المعنى في العامية السودانية0 قال المعمار :
وجرة أبرزها والروح فيها كمينة
شممت طينة فيها فرحت سكران طينه
* شرب الكلام : نقول في العامية فلان شارب اللغة شراب أي أنه متضلع فيها وفي المعجم المراد : فهم الكلام0
* ضحك على ذقنه: نقول فلان ضحك على ذقن فلان أى خدعه ولم يحترمه0 وفي المعجم المراد: خدعه أو سخر منه واحتال به ، قال إبن أبي حجلة :
وإذا بدا لك ثقره متبسماً فاضحك على ذقن العزول وقهقه
* طار إليه: نقول في عاميتنا فلان طار إلى بيته أي أسرع إليه ، ونفس المعنى في المعجم 0 وقال الشاعر :
قوم إذا الشر أبدى ناجذيه لهم طاروا إليه زرافات ووحدانا
• طار بها فرحاً: نقول في العامية فلان طار من الفرح أي فرح فرحا شديدا، وفي المعجم كناية عمن أصيب بموجة من الفرح الشديد جعلته يشعر كأن له جناحين يطير بهما0 قال الشاعر :
إن يسمعوا هيعة طاروا بها فرحاً
مني وما سمعوا من صالح دفنوا
* طار النوم من عيني: نقول في عاميتنا عند الأرق وعدم القدرة على النوم0 قال أبو العتاهية:
أرقت وطار عن عيني النعاس ونام السامرون ولم يؤاسو
(3)
قلت أن الأسباب التي ساهمت في أن تكون العامية السودانية محتفظة بأصالتها العربية دون غيرها من العاميات في الجزيرة والمغرب العربي، وأن القبائل العربية السودانية هي من أصول سودانية وليست وافدة من الخارج كما يزعمها البعض0 ففي هذه المرة سأواصل الحديث لمزيد من مفردات العامية فكلما تعمقنا في دراسة عاميتنا كلما زدنا قناعة بأصالتها ، وأملي كبير في أن تتغير نظرة موجهينا التربويين في منع المدرسين من إستخدام العامية في التدريس ، رغم تفهمي الأسباب من وراء ذلك إلا أنني أرى أنه من المستحسن أن يشجع المدرس التلميذ لإستخدام مفردات العامية الشائعة والتي ترجع أصولها إلى اللغة العربية الفصحى وينا قش معه معانيها الأصلية ليقف بنفسه على الحقيقة، لأن ذلك يذلل من صعوبة الفهم ويزيد من عنصر التشويق لدى التلاميذ كما تحبب إليهم المادة بجانب أنه يربط الدارس ببيئته ووطنه مما يساهم إيجاباً في التربيته الوطنية0 فكثير منا يتجنب الحديث بعاميتنا مع غير السودانيين من العرب ، ولو كنا علمنا منذ الصغر أن هذه المفردات هي من صميم اللغة الأم لما وجد أحد منا حرجاً في ذلك 0
وإ ذا أردنا أن نتفهم دواعي التغير الطفيف الذي طرأ على مفردات العامية السودانية نجد سبب التغيير فيه يرجع إلى قلب مكاني أوإبدال أو ترخيم أونحت أو إدغام إلى آخر قائمة فروع فقه اللغة العربية0وإليك بعض الأمثلة :-
*إتلمّ :نقول في عاميتنا إتلم الناس في الطريق أي اجتمعوا والأصل في القاموس إلتم :إجتمع0 هنا حدث قلب مكاني وهوأن يقدم بعض أحرف الكلمة على بعضها مع احتفاظ اللفظ بمعناه أو تغيره تغيراً طفيفاً ، ومن أسباب القلب المكاني الميل إلى تخفيف اللفظ أو التفنن فيه 0
*اللمّة : نقول في عاميتنا رأيت لمة في بيت فلان أي جماعة 0وفي القاموس اللمة:الجمع والأصحاب0
*تمحك : نقول في عاميتنا فلان متمحك أي متردد يبحث عن سبب يخلصه 0 وفي القاموس محك :لج في المنازعة وتمادى في اللجاجة عند المساومة0
*إتلوى :نقول في عاميتنا المسمار إتلوى أو إتلوى الثعبان0والأصل في القاموس إلتوى ، وهنا حدث قلب مكاني وفي القاموس إلتوى : ثني وتعرج0وفي الشعر الأندلسي للركابي :
والماء أسرع جرية متحدراً متلوياً كالحية الركضاء
*زاح: في العامية نقول زاح فلان أو نأمر أحداً بقول: زح من هنا أي أبعد0وفي القاموس زاح يزيح زيحاناً: بعد وذهب0
*زاغ: في عاميتنا نقول فلان زاغ من التفتيش أي هرب ، وفي القاموس الزَّيغ: الجوز عن الحق0
*سبهلل:في عاميتنا نقول فلان سبهلل أي لا يكترث، وفي القاموس سبهلل: غير مكترث لا في عمل دنيا ولا في الآخرة ، ويمشي سبهللاً إذا جاء ومشى في غير شئ0
*القفة: تعني المقطف ،وفي القاموس المقفة: المقطف الكبير أو الزنبيل0
*القربة:ظرف من الجلد يخرز من جانب واحد وتستعمل لحظ الماء، نفس المعنى في القاموس0
*القادوس : في عاميتنا نطلق على الوعاء الخزفي الذي يستعمل في الساقية لنقل الماء، وفي القاموس، القادوس:وعاء خزفي كالجرة تنتظم منه سلسلة تديرها الناعورة فتغرف الماء من البئر إلى المزرعة0
*الغشيم:في عاميتنا نطلق على الجاهل ،وفي القاموس الغشيم:الجاهل بالأمور ، وأصله من الغاشم والحاطب بالليل يقطع كلما قدر عليه بلا نظر ولا فكر0
*العِور:نقول في عاميتنا فلان عوير أي غير مهذب ، وفي القاموس العِور:هو الشخص الرديء السيرة ، ومن الأشياء الذي لاحافظ له0
*العكد: بلدة عند ملتقى نهر عطبره بنهر النيل، في القاموس العكد: أصل القلب بين الرئتين0
*العتود: في عاميتنا تعني الماعز الصغير، وفي القاموس العتود:من أولاد المعزى0
الطنبور:في القاموس :آلة من آلات اللهو والطرب ، ذات عنق وأوتار، والمعنى نفسه في العامية السودانية0
*زيطة:في عاميتنا نقول الجماعة عاملين زيطة أي ضجة، وفي القاموس زاط: صاح والزياط : المنازعة وإختلاف الأصوات0
*المطمورة:في عاميتنا تعني الحفرة العميقة التي تحفظ فيها الغلال، وفي القاموس المطمورة:ملأها بالطعام أو غيره ، وأصلها من طمر في الأرض واستخفى أي ستره حيث لا يدرى ولايرى0
في الختام أقول أنه ليس من مصلحة الفصحى أن نعزلها عن العامية أو أن نتعامل مع العامية كأنها لغة أجنبية ، فنحن نقتبس أحياناً من لغات أجنبية مفردات وجمل فما أحرانا أن نفتح الباب لمفرداتنا المحلية التي لها أصول في الفصحى لتداول على أوسع نطاق0
ازيكم يا فِرد ...
مشتاقين والله ...
كميات ...
فيصل سعد
12-07-2008, 08:15 AM
ازيكم يا فِرد ...
مشتاقين والله ...
كميات ...
الشوق طن يا حبوب
و الود رز يا ملك ..
الشوق طن يا حبوب
و الود رز يا ملك ..
كويس انو ما طلع طُرّاح ومرقتنا رهو ...
وقرّب يستوي يا لزيز
فيصل سعد
15-07-2008, 04:57 AM
وقرّب يستوي يا لزيز
اوعا يكون الموز روى :D:D و كدة
انت لابد وين و مجخنن الايام دي ..
اهم حاجة تغير الغناء و تمندجه و تجهبزه يا راستا :D:D
و مرقت من قلبك مشيت اول واحدة في الشاشة الغشاشة :D:D
سلام و يا شبارقة ترجم ما تحته خط و اشرح و انشرح :D:D
شبارقة
15-07-2008, 10:19 AM
اوعا يكون الموز روى :D:D و كدة
:D:D
الموز روى قايم سوا فاطرك ضوى
انا ياناس بالنار جسمي انشوى
لسع دقاق وما استوى
حراسه مرتينن عوى
قطعوا له خط الإستواء
كيف بصري انا قلبي انشوى
ماهو المِرتين يا فيصل ؟ وسلملي على أب جقرة والقربين والطيب ود ضحوية وطه الضرير :D
فيصل سعد
15-07-2008, 10:40 AM
الموز روى قايم سوا فاطرك ضوى
انا ياناس بالنار جسمي انشوى
لسع دقاق وما استوى
حراسه مرتينن عوى
قطعوا له خط الإستواء
كيف بصري انا قلبي انشوى
ماهو المِرتين يا فيصل ؟ وسلملي على أب جقرة والقربين والطيب ود ضحوية وطه الضرير :D
انت يا معلم الليلة ما فطرت و اتريقت :D:D و لا كيف ؟ :D:D
نقول ليك التحته خط تخش في الموز و المرتين :D:D
بعدين لسته الهمباته دي مالها خاتية بامسيكا و ود ابسن ،
تحياتي و سلملي على كيشو المختفي ..
شبارقة
15-07-2008, 11:12 AM
انت يا معلم الليلة ما فطرت و اتريقت :D:D و لا كيف ؟ :D:D
نقول ليك التحته خط تخش في الموز و المرتين :D:D
بعدين لسته الهمباته دي مالها خاتية بامسيكا و ود ابسن ،
تحياتي و سلملي على كيشو المختفي ..
ههههههههه ... جاييك يا فيصل صدقني جايييك .. لكن عجبني الموز وذكرتني الأغنية التراثية المشهورة (الموز روى) وقلنا نخش عليها في الأول
صاحبنا وزميلنا أيام الدراسة الجامعية المستشار القانوني / عصام محمود عثمان المعروف هنا بكيشو هو اليوم في مكة المكرمة التي قدم إليها بالسيارة من الدوحة مروراً بالرياض لأداء مناسك العمرة ومنها غداً إن شاء الله للسودان وقضاء الإجازة بين أهله وأحبابه بالقضارف نتمنى له إجازة سعيدة ... وبالمناسبة القضارف إسمها القديم (قضروف سعد) يمكن تربطك بيها علاقة دم وكده :D:D
فيصل سعد
18-07-2008, 04:11 AM
قلت لي كان اسمها قضروف سعد ولا محن عاصم :D:D:D
اها يا اخوانا و اخواتنا و عماتنا و خالاتنا :D:D
عشان ما تنسوا و تفطوا و تتزاوغوا :D:D
اشرح معاني :
الفشنك
الازبليطة
النوش
الرهو
الهمبول
الجعران
الكدندار
الكرشليق (بفتح الكاف) من طرف كيشو
طُرّاح
المِرتين
ممهوج
موهدب
مبتب
الوكّاي
توسرو
التقاة
الفداية
الحاري والطاري
الحيف
الرحيح
التحيح
الفلكابة
السايحة والمتراوحة
الدرت
عنقالي
مركوز
مختر
القيساب
الرحيح
مواطن
18-07-2008, 07:37 AM
[quote][QUOTE=فيصل سعد;102458][B]
قلت لي كان اسمها قضروف سعد ولا محن عاصم :D:D:D
اها يا اخوانا و اخواتنا و عماتنا و خالاتنا :D:D
عشان ما تنسوا و تفطوا و تتزاوغوا :D:D
اشرح معاني :
أها أنا جيتكم بي جاي.
ده كلام شنـو يا فيصل ، يعني نخش الكتاب تاني؟
عموماً بحاول:
الفشنك : الغير حقيقي
الازبليطة : قطعة من سترة الجندي توضع عليها الرتبة
النوش : pass
الرهو : طير مسفار
الهمبول : خيال المآته ينصب في الحقول لإخافة الطيور
الجعران : ذكر الخنفساء
الكدندار : حشرة طائرة أكبر كثيراً من النحلة
الكرشليق (بفتح الكاف) رباط من صوف يلف به الجندي قدماه ا
طُرّاح : متساقط قبل الأوان
المِرتين : أعتقـد أن الإسم هو (نـرتين) بالنون وربما يكون المرفعين
ممهوج : مرتبك
موهدب : سارح وغير مركز
مبتب : pass ، لو قلت مبتّـق كان معقولة
الوكّاي : pass
توسرو : This is Rutana Ya Faisal
التقاة : ما يتبقى من تنظيف الغلال
الفداية : قرط من الذهب تزين به المرأة أذنيها
الحاري والطاري : المستنيه والمتذكره (إجتهاد فقط)
الحيف : الظلم الشديد
الرحيح : pass
التحيح : pass
الفلكابة : pass
السايحة والمتراوحة: الماشة والجاية
الدرت : pass
عنقالي : زول الله من الضهاري لا مهنة له
مركوز : ربما تكون أكلة
مختر : pass
القيساب : pass
مـع أكيد ودي
شبارقة
18-07-2008, 05:28 PM
المِرتين : أعتقـد أن الإسم هو (نـرتين) بالنون وربما يكون المرفعين
ممهوج : مرتبك
موهدب : سارح وغير مركز
مبتب : pass ، لو قلت مبتّـق كان معقولة
الوكّاي : pass
توسرو : This is Rutana Ya Faisal
مركوز : ربما تكون أكلة
مـع أكيد ودي
نرحب بك أخي هاشم في هذا البوست وباين عليك ح تكون إضافة حقيقية ... وأسمح لنا بأن نصحح ليك بعض إجاباتك:-
المِرتين : أعتقـد أن الإسم هو (نـرتين) بالنون وربما يكون المرفعينإعتقادك غير صحيح وحتى لو كان بالنون فهو ليس المرفعين ! المرتين يا هاشم هو أب جقرة وهو القربين وهو البُندُق .. وسلملي على الهمباتة :D
والمرتين مذكور أيضاً في هذه الأغنية التراثية المشهورة:-
الموز روى قايم سوا أنا ياناس بالنار جسمي إنشوى
لسع دقاق وما أستوى حراسه مرتينن عوى
ممهوج : مرتبكيقولوا ليك : غايتو جابو لينا شاياً ممهوج (المقصود شاي غير مظبوط) ويقولوا ليك (ملاحاً ممهوج) والمقصود ملاح غير مُسبّك وغير طاعم .. أها بعد ده باقي ليك الشاي أو الملاح بيكونوا في حالة إرتباك؟:D
مبتب : pass ، لو قلت مبتّـق كان معقولةمبتب هي صفة لمنهوك القوى وذلك بعد مجهود عضلي شاق ... يقول ليك: والله أنا مبتب بتيبة شديدة خلاص (يعني منهك غاية الإنهاك وتعبان أشد َ الإنتعابات ذاتو :D)
الوكّاي : pass
توسرو : This is Rutana Ya Faisal
الحناكيش هم من يعتقدوا أنها رطانة يا هاشم ;);) وللمساعدة : توجد علاقة ما بين الكرّاب والوكاي والشخص الذي يقوم بالوِسِيَر .... وسلملي على العنقريب و الهبّاب :D
مركوز : ربما تكون أكلة .... أكلة ؟!! :mad: سلملي على المُخْبَازة :D مركوز من الإرتكاز يا هاشم ...(أرِكز وخليك راكِز ... والركيزة) وتجدها في بعض أشعار محجوب شريف ... وهنا مركوز بمعنى متكول (تكل الشئ يتكله تكلا ً :D). أي يسنده
(والله أعلم)
لا نريد أن نعطيكم حلولاً جاهزة :(:( نريد منكم الإجتهاد والبحث والتحري :cool::cool: وإن عدتم عدنا ... بإذن الله ... ودمتم جميعا ً سالمين
شبارقة
19-07-2008, 09:29 AM
.
الحيف : الظلم الشديد
الحيف هو الحافة ... يقولون حيف السرير وحيف السكين وحيف الصفيحة وهكذا مسميات
الدرت : pass
الدرت هو السخانة والحر الشديد الذي يعقب الخريف مباشرة وفيه تنضج الذرة ... وسلملي على القنقر والعدار والعنكوليب :D ويقولوا : أحب الخدار ولو كان عدار ... فما هو العدار ؟:p
[align=justify][size=5]
[color=#0000FF][size=5]الدرت هو السخانة والحر الشديد الذي يعقب الخريف مباشرة وفيه تنضج الذرة ... وسلملي على القنقر والعدار والعنكوليب :D ويقولوا : أحب الخدار ولو كان عدار ... فما هو العدار ؟:p
العدار اخو الذرة الرفيعة بالرضاعة ... لكنو عاقر ... لاقندول ولا بطول ... بالرغم من ذلك اكثر اخضرارا من الذرة الرفيعة والمثل اذا اطلق عن اللون فقط يبقى ظلمو العدار
احب العدار رمز الخدار ...
شبارقة ... زي المشتاقين وكدا ... بجد
فيصل سعد
19-07-2008, 09:49 AM
يا عاصم قال ليك شدة و غسيل عدة :D:D
اها اشرح و استرسل و انداح و ابرانا يا حبوب ..
جميلة ونضيفة يا فيصل ... تلمع ...
تحياتي يا بوكش
فيصل سعد
19-07-2008, 10:05 AM
جميلة ونضيفة يا فيصل ... تلمع ...
تحياتي يا بوكش
سلام يا حبوب ،، و بطل جغمسة :D:D
اخبار حاجاتنا الفي الفرن شنو؟؟ لسة ما استوت :D:D
زي اخدت زمن طويل و كدة ،، بالجد ..
سلام يا حبوب ،، و بطل جغمسة :D:D
اخبار حاجاتنا الفي الفرن شنو؟؟ لسة ما استوت :D:D
زي اخدت زمن طويل و كدة ،، بالجد ..
لو ما اليوم اجازة ما كان شفت وشي هنا... دي حاجة
والحاجة التانية يا حبيب وما طالبني حليفة والله مزنووووق وانت عارف الحاجات دي بتحتاج مزمزة ومخمخة وتوفيق ...
لكن تقول شنو !!!
وقبل كدا اديتك ليو مملح ... بقيت تكوس ليو يابس ...
غايتو العين الما بملاها التراب دي مشكلة !!!
شبارقة
19-07-2008, 11:29 AM
شبارقة ... زي المشتاقين وكدا ... بجد
وينك يا ود أبو عاقلة يا فردة ... إنت مفتكر إنك لازم تغيب عشان نشتاق ليك !! .. لا .. تبقى غلطان ... نحن بنشتاق ليك وإنت معانا يا ملاذ أفكارنا الهيمانة .. وشوف وين خيطك ودانا :D وسلملي على الكديسة أم خيط :D
شبارقة
19-07-2008, 11:47 AM
... بقيت تكوس ليو يابس ...
مسكين يعمل شنو ماعندو غيرك ومجبور ... مجبورة خادم الفكي على الصلاة :p
شبارقة
19-07-2008, 11:52 AM
لو ما اليوم اجازة ما كان شفت وشي هنا...!!!
يوم يجيني إحساس إنك في السودان ويوم إحساس إنك في الخليج ويوم في اللكندي :D ويوم في أم درمان فلاتة :p ويوم بيوم نبيع الكمبة .. ما هي الكمبة؟
شبارقة
19-07-2008, 11:57 AM
يا عاصم قال ليك شدة و غسيل عدة :D:D
اها اشرح و استرسل و انداح و ابرانا يا حبوب ..
جهجهتونا ... وشتتوا أفكارنا الحيارى ... يشرحو ليكم بهناك .. بهناك يا حبيب ...ما تلخبطوا علينا الإختساس :p
فيصل سعد
21-07-2008, 07:55 AM
طيب ماهو المسكيت و التمربونا و التمرهندي و الزونة و الحسكنيت؟؟
فيصل سعد
23-07-2008, 12:52 AM
ماهي القرقريبة و الجبخانة و الدربخانة ؟؟
و ماهو العركوس و المكرمد و الهبك و الجحجاح و الكداد ؟؟
للمساعدة :
من قومة الجهل ما بخوفوك بي اُخ
تور بقر الجواميس الرقادن جُخ
نقرولو الهُبك الدربخانه يرُخ
قرنك بكسر الهامه و يمرق المُخ
شدوا لك رِكب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
بابك ما انقفل ونارك تجيب اللم
وما بتحلف تقول غير استريح حرم
شبارقة
23-07-2008, 09:47 AM
ما هي الكمبة؟
إشتقت ليهن الخَشُمِن مقفول بضبّه
المُلاحِن ديمه ويكه البــِحلــّو الشاهي كـُمبه :D:D
فيصل سعد
24-07-2008, 07:23 AM
علينا جاي ..
ارح يا شبارقة ارحكا ..
حلا و حمار :D:D
شبارقة
24-07-2008, 09:22 AM
حلا و حمار :D:D
لما شفتها في سوق الخضار
حبها رماني من الحمار :D
وأجمل حمار في السوق جدي إشتراهو فنجط رماهو ... وإيه أسباب جفاك :D(مع الإعتذار لزيدان)
أها فنجط دي جات من وين ومصدرها شنو ؟
الجائزة بردعة أو بربندي :D:D وسلملي على دحيشات نسايم :D
شبارقة
24-07-2008, 09:31 AM
ماهي الكُلـّيقة
فيصل سعد
28-07-2008, 05:53 AM
عندها علاقة ب " أب سبعين " يا عاصم ؟؟
عندها علاقة ب " أب سبعين " يا عاصم ؟؟
عندها علاقة ... وبالعدار كمان ...
سؤال : اب سبعين شنو ؟ مرّ علي لكن نسيتو ... وهو من عائلة الذرة الرفيعة ...
وبالمرة كمان انواع الذرة يا شبارقة ... زي الفتريتة و(مايو) واحتمال حاليا يكونو سموه ابريل
كبّاس ترايز ام حبر
يا دابي الجبال
قلبك صميم من حجر
يا دود الوعر ...
هييييييييييييع
http://www.albawga.com/darg3l/turath/music/kabli_dood_alw3r.mp3
يوم يجيني إحساس إنك في السودان ويوم إحساس إنك في الخليج ويوم في اللكندي :D ويوم في أم درمان فلاتة :p ويوم بيوم نبيع الكمبة .. ما هي الكمبة؟
معناها احساسك مجهجهة جهجهة شديدة يا شبارقة ...
اوزن البلوف وعلّي التقسيمة شوية ...
بالنسبة للكمبة والله ما عارف ... ومن قال ما عارف فقد أفتى (كيفن ما عارف)
شبارقة
29-07-2008, 08:13 AM
عندها علاقة ب " أب سبعين " يا عاصم ؟؟
عندها علاقة ... وبالعدار كمان ...
سؤال : اب سبعين شنو ؟ مرّ علي لكن نسيتو ... وهو من عائلة الذرة الرفيعة ...
وبالمرة كمان انواع الذرة يا شبارقة ... زي الفتريتة و(مايو) واحتمال حاليا يكونو سموه ابريل
رجعنالكم رجوع القمرا لوطن القماري
سؤال : اب سبعين شنو ؟ مرّ علي لكن نسيتو ... وهو من عائلة الذرة الرفيعة ...
هذه مسميات جديدة للأعلاف ظهرت في ثمانينيات القرن الماضي ... أب ستين يكتمل تمام نضوجه في ستين يوماً ... أب سبعين في سبعين يوماً وهكذا .. (سبعون قصرت الخُطى وتركنني أمشي الهوينا ظالعاً متعثرا :D)
الذرة زمان كانت نوعين أساسيين : ذرة بيضاء ( الفتريتة) وذرة صفراء ... والناس كانوا يفضلوا الفتريتة على الصفراء لأسباب كثيرة (منها ما يتعلق بالفحولة ... وسلملي على الفياجراء :D) وما تنسى المريسة وأم دقوقه والعسلية :D ..وفعلاً أثبتت الدراسات العلمية الحديثة أن الذرة تحتوي على كميات هائلة من السكريات التي تمد جسم الإنسان والحيوان بالطاقة .
أنواع الذرة الشهيرة حالياً في السودان : الفتريتة - ود عكر - الهجين ... أما أجودها وأغلاها فهو نوع يسمى طابت (طابت الشمس غابت وسلملي على عماد أحمد الطيب :D)
رجعنالكم رجوع القمرا لوطن القماري
هذه مسميات جديدة للأعلاف ظهرت في ثمانينيات القرن الماضي ... أب ستين يكتمل تمام نضوجه في ستين يوماً ... أب سبعين في سبعين يوماً وهكذا .. (سبعون قصرت الخُطى وتركنني أمشي الهوينا ظالعاً متعثرا :D)
الذرة زمان كانت نوعين أساسيين : ذرة بيضاء ( الفتريتة) وذرة صفراء ... والناس كانوا يفضلوا الفتريتة على الصفراء لأسباب كثيرة (منها ما يتعلق بالفحولة ... وسلملي على الفياجراء :D) وما تنسى المريسة وأم دقوقه والعسلية :D ..وفعلاً أثبتت الدراسات العلمية الحديثة أن الذرة تحتوي على كميات هائلة من السكريات التي تمد جسم الإنسان والحيوان بالطاقة .
أنواع الذرة الشهيرة حالياً في السودان : الفتريتة - ود عكر - الهجين ... أما أجودها وأغلاها فهو نوع يسمى طابت (طابت الشمس غابت وسلملي على عماد أحمد الطيب :D)
يعني اب سبعين نبات قائم بذاتو كعلف وما ليهو علاقة بالذرة ؟
وفياجرة شنو الفي الفتريتة يا شبارقة ما كنا كويسين ولسه كويسين ...
تصدق في حياتي ما أكلت كسرة ... ولا عصيدة ولا اي مديدة .. ومع ذلك كويس:rolleyes:
شبارقة
29-07-2008, 08:29 AM
معناها احساسك مجهجهة جهجهة شديدة يا شبارقة ...
اوزن البلوف وعلّي التقسيمة شوية ...
بالنسبة للكمبة والله ما عارف ... ومن قال ما عارف فقد أفتى (كيفن ما عارف)
في مداخلة لك في يوم من أيام الخميس قلت لو ما اليوم إجازة ما كان لميتو فيني ... ومرة قلت نفس الكلام وكان يوم سبت فجهجهتني لأنو الخميس إجازة في السعودية والسبت إجازة في الإمارات وفي السودان كمان فأين أنت يا حلم الصبا ويا أنت يا أمل الشباب :D أها منو المفروض يوزن البلوفة بتاعتو ;)
الكمبة هي البهارات عموماً (الهبهان (حب الهيل) - القرفة - القرنفل - الزنجبيل وهكذا مسميات (ويوم بيوم نبيع الكمبة) ... وسلملي على العمرهن ما قالوا تاكسي الخشُمِن مقفول بضبه الملاحن ديمي ويكي البحلو الشاهي كمبه :D)
شبارقة
29-07-2008, 08:45 AM
قد أصدق إنك ما أكلت كسرة أو عصيدة أو مديدة (يا حنكوش :mad:) ولكن ساعتها لا أصدق إنك تكون كويس إلا بذات اللون الأزرق .. وسلملي على عود الثقاب :D:D:D
في مداخلة لك في يوم من أيام الخميس قلت لو ما اليوم إجازة ما كان لميتو فيني ... ومرة قلت نفس الكلام وكان يوم سبت فجهجهتني لأنو الخميس إجازة في السعودية والسبت إجازة في الإمارات وفي السودان كمان فأين أنت يا حلم الصبا ويا أنت يا أمل الشباب :D أها منو المفروض يوزن البلوفة بتاعتو ;)
الكمبة هي البهارات عموماً (الهبهان (حب الهيل) - القرفة - القرنفل - الزنجبيل وهكذا مسميات (ويوم بيوم نبيع الكمبة) ... وسلملي على العمرهن ما قالوا تاكسي الخشُمِن مقفول بضبه الملاحن ديمي ويكي البحلو الشاهي كمبه :D)
انت عارف اغنية الكمبة اصلو ما دخلت راسي عشان كدا ما جاني فضول اعرف الكمبة شنو ... بعدين الكلمة ما متداولة كتير على ما اعتقد ...
وبعدين في حاجة اسمها اجازة عرضية بتاخدا لم تقفل معاك او يكون مودك مخستك ... ممكن تكون قفلت معاي يوم خميس واخدتها ... والسبت عندنا اجازة يا حبوب ...
لكن القراية ورا السطور عندك ... زي ما انا قريت حاجات كتيرة لكن ما (بتخفف):D وافك اخري زي ما بتفك اخرك ... نلبد بيها لحدي ما يقوليها كوني ...
ما قائم بذاتو لكن يذرع كعلف (والعلف ممكن يصلح للإثنين في هذا الزمن :D)
قد أصدق إنك ما أكلت كسرة أو عصيدة أو مديدة ولكن ساعتها لا أصدق إنك تكون كويس إلا بذات اللون الأزرق ;);) ...وسلملي على عود الثقاب :D:D:D
بأزرق طيبة يا شبارقة ...
اما فيما يخص قش الكبريت ... فالخرش ما زال مستمر:D:D
شبارقة
29-07-2008, 09:00 AM
انت عارف اغنية الكمبة اصلو ما دخلت راسي عشان كدا ما جاني فضول اعرف الكمبة شنو ... بعدين الكلمة ما متداولة كتير على ما اعتقد ...
هي أغنية تراثية (طالما نحن في بوست خاص بالتراث) أول من تغنى بها هو الموسيقار الراحل إسماعيل عبد المعين ومن بعده تغنى بها الراحل خليل إسماعيل ... والكمبة هي أصلاً خلطة البهارات مع بعضها البعض وهي متداولة في غرب السودان ونحن في وسط السودان بنسميها الدُقة (أي داقينهن مع بعض)
فيصل سعد
29-07-2008, 09:00 AM
رجعنالكم رجوع القمرا لوطن القماري
والناس كانوا يفضلوا الفتريتة على الصفراء لأسباب كثيرة (منها ما يتعلق بالفحولة ... وسلملي على الفياجرا :D)
:D)
ساكت تغنوا على الفتريتة
واجعني في البلح و السمك
و العكو و الكوارع و مديدة الحلبة السكات ..
"مع الاعتذار للنص الاصلي"
و من داخل هذا البوست هنا ارسل التحايا صادقة خاصة و مختصة
لصديقنا و حبيبنا و اخونا جنابو الطيب بشير مع وافر المودة..
سلامات يا فرد
عاد يا شبارقة و محمد نغيب و نجى و نمرض و ننصح و ما بتسالو و لا بتحنو عاد ما اتلموتوا لوم العدو مو صليح و كمان جايين مدورين الاثنين براكم شى اجازة و شى كمبة و حاجات تانية :D:D:D اما فيصل سعد بس الا اسدها فيك و بتسال و لا بتعرفنا شنو الحاصل ... حردت و زعلت و عدت تانى عاد اسوى شنو :confused::confused::confused:
ساكت تغنوا على الفتريتة
واجعني في البلح و السمك
و العكو و الكوارع و مديدة الحلبة السكات ..
"مع الاعتذار للنص الاصلي"
و من داخل هذا البوست هنا ارسل التحايا صادقة خاصة و مختصة
لصديقنا و حبيبنا و اخونا جنابو الطيب بشير مع وافر المودة..
اها عاد السمك فى الخريف حاجة كده طا عم بالحيل و فرش و الفسيخ ما يديك الدرب و الملوحة - وكريستال البلح خلو ساكت :D:D اما ناس الفترتية ديل امكن طاشين و ما ضربوا لموا فى الناس ... الحناكيش الما اكلو الكسرة و العصيدة ... شبارقة الجو عندنا عايزة صحن كبير كسرة بملح و طماطم و مطمبجة زيت سمسم اصلى ...
هي أغنية تراثية (طالما نحن في بوست خاص بالتراث) أول من تغنى بها هو الموسيقار الراحل إسماعيل عبد المعين ومن بعده تغنى بها الراحل خليل إسماعيل ... والكمبة هي أصلاً خلطة البهارات مع بعضها البعض وهي متداولة في غرب السودان ونحن في وسط السودان بنسميها الدُقة (أي داقينهن مع بعض)
ياخ نزلت ليك اغنية الكابلي مخصووووص عشان (تفرتنا ... وتفلفلا ... وتفليها براحة براحة ...(طالما نحن في بوست خاص بالتراث) وفيصل كمان نزل حاجة فجّخناها ليو ساي ... واعتقد عقد المداخلات انفرط فلازم نرتبو عشان المسألة تحلو ... يا دخري البوست ... بلاك تخرب
سلامات يا فرد
عاد يا شبارقة و محمد نغيب و نجى و نمرض و ننصح و ما بتسالو و لا بتحنو عاد ما اتلموتوا لوم العدو مو صليح و كمان جايين مدورين الاثنين براكم شى اجازة و شى كمبة و حاجات تانية :D:D:D اما فيصل سعد بس الا اسدها فيك و بتسال و لا بتعرفنا شنو الحاصل ... حردت و زعلت و عدت تانى عاد اسوى شنو :confused::confused::confused:
تبري وتستبري يا بت امي ... خلي بالك تكون عين كتابة ... كتابتك وكتابتو ... وانا زاتي عندي غتسات كدا الله لا زادا ... والله لا وراك ليها ... لكن والله الحاجات كلها محفوظة بعيدا عن متناول النسيان ...
ساكت تغنوا على الفتريتة
واجعني في البلح و السمك
و العكو و الكوارع و مديدة الحلبة السكات ..
"مع الاعتذار للنص الاصلي"
ومع الاعتذار ليك كمان ... اظن الرسالة وصلتك على الهوا ...
كلو معلوم ما عدا (العكو)
شاكرين حسن تعاونكم
فيصل سعد
29-07-2008, 09:19 AM
قد أصدق إنك ما أكلت كسرة أو عصيدة أو مديدة (يا حنكوش :mad:) ولكن ساعتها لا أصدق إنك تكون كويس إلا بذات اللون الأزرق .. وسلملي على عود الثقاب :D:D:D
شايف يا عاصم اكل الفتريتة الكتير وداك وين :D:D
غايتو يوم بتخش ليك في زقاق كلابه تهوهو و مسكر جهتين :D:D
تبري وتستبري يا بت امي ... خلي بالك تكون عين كتابة ... كتابتك وكتابتو ... وانا زاتي عندي غتسات كدا الله لا زادا ... والله لا وراك ليها ... لكن والله الحاجات كلها محفوظة بعيدا عن متناول النسيان ...
انت غطستك فوق راى ( شى اجازة بعد زنقة شغل)... تسلم كتير يا محمد لانك جوه البال و فوق حد الشوف سلمت روحك يا جنى. و الخستقات ردوم ردوم ... و طريت المردوم عشان التراث
مودتى
اها عاد السمك فى الخريف حاجة كده طا عم بالحيل و فرش و الفسيخ ما يديك الدرب و الملوحة - وكريستال البلح خلو ساكت :D:D اما ناس الفترتية ديل امكن طاشين و ما ضربوا لموا فى الناس ... الحناكيش الما اكلو الكسرة و العصيدة ... شبارقة الجو عندنا عايزة صحن كبير كسرة بملح و طماطم و مطمبجة زيت سمسم اصلى ...
احيانا فيك ريحة جنترة ... ومكابسة ... وضفاري في وطن القماري ...
ما باكل الفسيخ ولا الملوحة ... ياخ دا سمك مدتو منتهية ما عارفكم كيف (بتستعملوهو وتستحملوهو)
ولكن !!!! ان البطن أمارة بالسوء ... إلا من أبى
شبارقة
29-07-2008, 09:24 AM
سلامات يا فرد
عاد يا شبارقة و محمد نغيب و نجى و نمرض و ننصح و ما بتسالو و لا بتحنو عاد ما اتلموتوا لوم العدو مو صليح ... حردت و زعلت و عدت تانى عاد اسوى شنو :confused::confused::confused:
أولاً : حمداً لله على السلامة
ثانياً : أخوك شبارقة ما بيتلــّوَم ... أرجعي لدفتر الغياب بتاع فيصل وشوفي أخوك فَـقـَدِك ولا لاّ ؟ (عاد إتلومتا يا فيصل :D)
أخوك يا منال أخوك وكت الخيول يدبكن
أخوك يا منال أخوك وكت الرماح يشبكن
أخوك جبل الثبات وقت القواسي يحبكن
كم بكيت وكم قشيت دموع الببكن
هيع هييع :D
vBulletin® v3.8.8 Beta 2, Copyright ©2000-2026